Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32009R0103

Regolament tal-Kummissjoni (KE) Nru 103/2009 tat- 3 ta’ Frar 2009 li jemenda l-Annessi VII u IX għar-Regolament (KE) Nru 999/2001 tal-Parlament Ewropew u tal-Kunsill li jistabblixxi regoli għall-prevenzjoni, kontroll u eradikazzjoni ta’ ċertu enċefalopatija sponġiformi li tinxtered (Test b’relevanza għaż-ŻEE)

OJ L 34, 4.2.2009, p. 11–15 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
Special edition in Croatian: Chapter 03 Volume 034 P. 226 - 230

Legal status of the document In force

ELI: http://data.europa.eu/eli/reg/2009/103/oj

4.2.2009   

MT

Il-Ġurnal Uffiċjali ta’ l-Unjoni Ewropea

L 34/11

REGOLAMENT TAL-KUMMISSJONI (KE) Nru 103/2009

tat-3 ta’ Frar 2009

li jemenda l-Annessi VII u IX għar-Regolament (KE) Nru 999/2001 tal-Parlament Ewropew u tal-Kunsill li jistabblixxi regoli għall-prevenzjoni, kontroll u eradikazzjoni ta’ ċertu enċefalopatija sponġiformi li tinxtered

(Test b’relevanza għaż-ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunitajiet Ewropej,

Wara li kkunsidrat ir-Regolament (KE) Nru 999/2001 tal-Parlament Ewropew u tal-Kunsill tat-22 ta’ Mejju 2001 li jistabblixxi regoli għall-prevenzjoni, kontroll u eradikazzjoni ta’ ċertu enċefalopatija sponġiformi li tinxtered (1), u b’mod partikolari l-ewwel paragrafu tal-Artikolu 23 tiegħu,

Billi:

(1)

Ir-Regolament (KE) Nru 999/2001 jistabbilixxi r-regoli għall-prevenzjoni, il-kontroll u l-eradikazzjoni tal-enċefalopatiji sponġiformi li jinxterdu (EST) fl-annimali. Dan japplika għall-produzzjoni u t-tqegħid fis-suq ta’ annimali ħajjin u ta’ prodotti li joriġinaw mill-annimali.

(2)

L-Anness VII tar-Regolament (KE) Nru 999/2001 jistabbilixxi miżuri ta’ eradikazzjoni li għandhom jiġu implimentati wara li jkun ikkonfermat każ ta’ EST f’annimali ovini u kaprini.

(3)

L-Anness IX għar-Regolament (KE) Nru 999/2001 jistabblixxi r-regoli għall-importazzjoni fil-Komunità ta’ annimali ħajjin, embrijoni, ova u prodotti li joriġinaw mill-annimali.

(4)

Fis-6 ta’ Novembru 2008 l-Awtorità Ewropea dwar is-Sigurtà fl-Ikel (EFSA) ippubblikat opinjoni dwar ir-riskju għan-nies u l-annimali li jkunu esposti għall-enċelopatiji sponġiformi trasmissibbli mill-ħalib u l-prodotti tal-ħalib li jkunu meħudin minn annimali żgħar li jixtarru (2). F’dik l-opinjoni l-EFSA kkonkludiet li l-iscrapie klassika tista’ tiġi trażmessa min-nagħġa għall-ħaruf permezz tal-ħalib jew tal-kolostru. L-EFSA stqarret ukoll li jekk jintużaw il-ħalib u l-prodotti tal-ħalib minn merħla mniġġsa bl-iscrapie klassika jistgħu jesponu lin-nies u l-annimali għar-riskju tal-EST. Konklużjoni oħra li waslet għaliha l-EFSA kienet li l-programmi tat-tgħammir tan-nagħaġ li huma reżistenti għall-iscrapie jistgħu jnaqqsu l-esponiment tan-nies u l-annimali li huwa assoċjat mal-prodotti tal-ħalib meħuda minn annimali żgħar li jixtarru. Fir-rigward tal-iscrapie atipika, l-EFSA kkonkludiet ukoll li t-tixrid apparentament limitat tal-aġent fis-sistema tal-individwi infettati jista’ jillimita t-tixrid permezz tal-ħalib. Fir-rigward tal-BSE, l-EFSA nnutat li ma teżistix informazzjoni dwar l-infettività jew il-PrpSc fil-kolostru jew fil-ħalib tal-annimali żgħar li jixtarru li jkollhom il-BSE. Imma minħabba t-tixrid bikri u progressiv tal-aġent tal-BSE fin-nagħaġ suxxettibbli infettati għall-għan sperimentali, l-EFSA kkonkludiet li jkun hemm probabbiltà ta’ infezzjoni mill-ħalib u mill-kolostru tal-annimali ¿għar li jixtarru infettati bil-BSE.

(5)

Fid-dawl ta’ dawn l-elementi xjentifiċi ġodda u speċjalment minħabba l-provi li l-iscrapie klassika tittieħed mill-ħaruf mingħand in-nagħġa, f’dan l-istadju għandhom jiġu adottati f’waqthom biex ma tinxteridx il-marda tal-iscrapie klassika minn merħliet ġodda permezz tat-tmigħ, miżuri ġodda protettivi fir-rigward tal-ħalib u l-prodotti tal-ħalib li ġejjin mill-imrieħel tal-annimali li jkunu infettati bl-iscrapie klassika.

(6)

Biex ikun żgurat l-istess livell ta’ sigurtà fir-rigward tal-ħalib u l-prodotti tal-ħalib impurtati li joriġinaw min-nagħaġ u mill-mogħoż, miżuri simili għandhom japplikaw għall-importazzjonijiet lejn il-Komunità.

(7)

Ir-Regolament (KE) Nru 999/2001 għandu għalhekk jiġi emendat skont dan.

(8)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DAN IR-REGOLAMENT:

Artikolu 1

L-Annessi VII u IX tar-Regolament (KE) Nru 999/2001 huma emendati skont l-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u huwa applikabbli direttament fl-Istati Membri kollha.

Magħmul fi Brussell, 3 ta’ Frar 2009.

Għall-Kummissjoni

Androulla VASSILIOU

Membru tal-Kummissjoni

(1)  ĠU L 147, 31.5.2001, p. 1.

(2)  Il-Ġurnal tal-EFSA (2008) 849, 1-47.

ANNESS

L-Annessi VII u IX tar-Regolament (KE) Nru 999/2001 huma emendati kif ġej:

(1)

Fl-Anness VII, il-Kapitolu A huwa emendat kif ġej:

(a)

Il-punt 2.2 jinbidel bit-test li ġej:

“(2)

Jekk hija suspettata l-EST f'annimal ovin jew kaprin f'razzett fi Stat Membru, l-annimali ovini u kaprini l-oħra kollha f’dak ir-razzett għandhom jitqiegħdu taħt restrizzjoni uffiċjali kontra t-taħrik sakemm ikunu disponibbli r-riżultati tat-testijiet li jikkonfermaw il-preżenza jew le tal-marda. Jekk ikun hemm provi li r-razzett fejn instab l-annimal infettat meta ġiet issuspettata l-EST x'aktarx ma kienx l-istess post fejn seta' ġie espost għall-EST l-annimal, l-awtorità kompetenti tista' tiddeċiedi li rziezet oħra jew ir-razzett biss fejn ġie espost l-annimal jitqiegħed taħt kontroll uffiċjali skont it-tagħrif epidemjoloġiku disponibbli. Il-ħalib u l-prodotti tal-ħalib li jittieħdu mill-annimali ovini u kaprini li jappartjenu għar-razzett li qiegħed taħt kontroll uffiċjali, u li jkunu nstabu hemm mid-data meta tkun issospettata l-EST sa dak iż-żmien li jkunu disponibbli r-riżultati, jistgħu jintużaw biss f’dak ir-razzett.”

(b)

Il-punt 2.3 huwa emendat kif ġej:

(i)

Il-punt (a) jinbidel b’dan li ġej:

“(a)

jekk wara r-riżultati ta’ prova interlaboratorja mwettqa skont il-proċedura stipulata fl-Anness X, Kapitolu Ċ, punt 3.2(c), juru li ma tkunx tista’ tiġi eskluża l-BSE, il-qtil u l-qerda sħiħa tal-annimali, l-embrijuni u l-ova kollha identifikati permezz tal-istħarriġ imsemmi fit-tieni sal-ħames inċiżi tal-punt 1(b). Il-ħalib u l-prodotti tal-ħalib li jittieħdu mill-annimali li se jinqerdu, li kienu jinstabu fir-razzett bejn id-data tal-konferma li ma tistax tkun eskluża l-BSE u d-data tal-qerda tal-annimali, għandhom jinqerdu.”

(ii)

Fil-punt (b), il-punti (i) u (ii) jinbidlu b'dan li ġej:

“(i)

il-qatla u l-qerda sħiħa tal-annimali, l-embrijuni u l-ova kollha identifikati mill-istħarriġ imsemmi fit-tieni u fit-tielet inċiżi tal-punt 1(b). Fil-każ li l-EST ikkonfermata hija l-iscrapie klassika, il-ħalib u l-prodotti tal-ħalib meħudin mill-annimali li se jinqerdu, u li kienu jinstabu fir-razzett bejn id-data tal-konferma tal-każ u d-data tal-qerda sħiħa tal-annimali ma jistgħux jintużaw għat-tmigħ tal-annimali li jixtarru, barra minn dawk li hemm f’dak ir-razzett. It-tqegħid fis-suq ta’ dawn il-prodotti biex jintemgħu lill-annimali li ma jixtarrux ikun limitat għat-territorju ta’ dak l-Istat Membru kkonċernat. Id-dokument kummerċjali li jintbagħat mal-konsenji ta’ dawn il-prodotti u kull kontenitur tal-ippakkjar li jkun fih dawn il-prodotti jrid ikun immarkat bil-kliem miktub ċar: ‘ma għandux jingħata bħala għalf lill-annimali li jixtarru’. L-użu u l-ħażna tal-għalf li fih dawn il-prodotti jkun projbit fl-irziezet fejn jinżammu l-annimali li jixtarru. Volum ta' għalf li fih dawn il-prodotti jkun trasportat permezz ta' vetturi li ma jġorrux fl-istess ħin għalf għall-annimali li jixtarru. Jekk dawn il-vetturi jkunu użati wara għat-trasport tal-għalf għall-annimali li jixtarru, iridu jinħaslu sew biex tkun evitata l-kontaminazzjoni minn prodott għall-ieħor, skont proċedura approvata mill-awtorità kompetenti.

Il-kondizzjonijiet stipulati fil-punt 3 għandhom japplikaw għar-razzett;

jew

(ii)

il-qatla u l-qerda sħiħa tal-annimali, l-embrijuni u l-ova kollha identifikati mill-istħarriġ imsemmi fit-tieni u t-tielet inċiżi tal-punt 1(b), bl-eċċezzjoni ta':

—

l-imtaten għat-tgħammir tal-ġenotip ARR/ARR,

—

in-nagħaġ tat-tgħammir li għandhom mill-inqas allela waħda ARR u l-ebda allela VRQ u, fejn dawn in-nagħaġ ikunu tqal fiż-żmien tal-istħarriġ, il-ħrief li jitwieldu wara, jekk il-ġenotip tagħhom jilħaq ir-rekwiżiti ta' dan is-subparagrafu,

—

in-nagħaġ li għandhom mill-inqas allela waħda ARR li huma maħsuba unikament għat-tbiċċir,

—

jekk l-awtorità kompetenti tiddeċiedi hekk, in-nagħaġ u l-mogħoż li għandhom inqas minn tliet xhur li huma maħsuba unikament għat-tbiċċir.

Fil-każ li l-EST kkonfermata hija l-iscrapie klassika, il-ħalib u l-prodotti tal-ħalib meħudin mill-annimali li se jinqerdu, u li kienu jinstabu fir-razzett bejn id-data tal-konferma tal-każ u d-data tal-qerda sħiħa tal-annimali ma jistgħux jintużaw għat-tmigħ tal-annimali li jixtarru barra dawk li hemm f’dak ir-razzett. It-tqegħid fis-suq ta’ dawn il-prodotti bħala għalf għall-annimali li ma jixtarrux ikun limitat għat-territorju ta’ dak l-Istat Membru kkonċernat. Id-dokument kummerċjali li jintbagħat mal-konsenji ta’ dawn il-prodotti u kull kontenitur tal-ippakkjar li jkun fih dawn il-prodotti jrid ikun immarkat bil-kliem miktub ċar: ‘ma għandux jingħata bħala għalf lill-annimali li jixtarru’. L-użu u l-ħażna tal-għalf li fih dawn il-prodotti jkun projbit fl-irziezet fejn jinżammu l-annimali li jixtarru. Volum ta' għalf li fih dawn il-prodotti jkun trasportat permezz ta' vetturi li ma jġorrux fl-istess ħin għalf għall-annimali li jixtarru. Jekk dawn il-vetturi jkunu użati wara għat-trasport tal-għalf għall-annimali li jixtarru, iridu jinħaslu sew biex tkun evitata l-kontaminazzjoni minn prodott għall-ieħor, skont proċedura approvata mill-awtorità kompetenti.

Il-kondizzjonijiet stipulati fil-punt 3 għandhom japplikaw għar-razzett;”;

(iii)

Il-punt (f) jinbidel b'dan li ġej:

“(f)

fejn il-frekwenza tal-allele ARR f'razza jew f’razzett tkun baxxa, jew tkun nieqsa kompletament, jew fejn jitqies meħtieġ, biex ma jkunx hemm tgħammir ta’ annimali tal-istess demm, Stat Membru jista’ jiddeċiedi li jipposponi l-qerda tal-annimali kif imsemmija fil-punt 2.3 (b)(i) u (ii) għal massimu ta’ ħames snin ta’ tgħammir bil-kundizzjoni li ma jkunx hemm fir-razzett imtaten oħra għat-tgħammir barra minn dawk tal-ġenotip ARR/ARR.

Imma l-qerda tal-annimali li huma speċji ta’ nagħaġ u mogħoż imrobbijin għall-produzzjoni tal-ħalib għas-suq, tista’ tkun ittardjata biss għall-massimu ta’ 18-il xahar.”

(2)

Fil-Kapitolu D tal-Anness IX, it-Taqsima B tinbidel b'dan li ġej:

“TAQSIMA B

Rekwiżiti għaċ-ċertifikati tas-saħħa

Importazzjonijiet ta' prodotti sekondarji u l-prodotti pproċessati tagħhom li joriġinaw mill-annimali bovini, ovini u kaprini msemmija fit-Taqsima A ta’ dan il-Kapitolu għandhom ikunu soġġetti għall-preżentazzjoni ta' ċertifikat tas-saħħa tal-annimali li jafferma li:

(a)

il-prodott sekondarju mill-annimali ma fihx, u mhux meħud minn, materjal riskjuż speċifikat kif definit fl-Anness V, jew laħam separat mekkanikament miksub mill-għadam tal-annimali bovini, ovini u kaprini;

(b)

l-annimali minn fejn ġie dan il-prodott sekondarju, ma nqatlux wara li ġew storduti permezz ta' gass injettat fil-kavità kranjali jew maqtula bl-istess metodu jew maqtula b'laċerazzjoni tat-tessut nervuż ċentrali permezz ta' strument forma ta' virga mtawla mdaħħal fil-kavità kranjali, jew

(ċ)

il-prodott sekondarju mill-annimali ma fihx u mhux meħud minn materjali li ttieħdu mill-annimali bovini, ovini u kaprini ħlief għal dawk li ġejjin minn annimali li twieldu, trabbew kontinwament u nqatlu f'pajjiż jew reġjun ikklassifikat skont l-Artikolu 5(2) bħala pajjiż jew reġjun fejn ir-riskju tal-BSE huwa ftit li xejn.

Barra minn hekk, l-importazzjonijiet tal-prodotti sekondarji mill-annimali u l-prodotti pproċessati minnhom imsemmijin fit-Taqsima A ta’ dan il-Kapitolu, u li fihom il-ħalib jew il-prodotti tal-ħalib ta' oriġini ovina jew kaprina, ikunu soġġetti li juru ċertifikat tas-saħħa li jaqbel mal-mudell stipulat fl-Anness X, Kapitolu 2 tar-Regolament (KE) Nru 1774/2002 u li, wara l-punt 6 jafferma dan li ġej:

‘(7)

fir-rigward tal-EST:

(2) jew

fil-każ ta’ prodotti sekondarji meħudin mill-annimali mmirati biex jittieklu mill-annimali li jixtarru u li fihom il-ħalib jew il-prodotti tal-ħalib ta' oriġini ovina jew kaprina, l-annimali minn fejn kienu meħudin dawn il-prodotti nżammu dejjem, mit-twelid tagħhom ’il quddiem, jew għall-aħħar tliet snin f’razzett li fuqu ma ġietx imposta restrizzjoni ta’ taħrik minħabba xi sospett ta’ EST, u li ssodisfa l-kundizzjonijiet li ġejjin għall-aħħar tliet snin:

(i)

kien soġġett għall-verifiki veterinarji regolari;

(ii)

ma saret l-ebda dijanjosi ta’ scrapie klassika kif definita fil-punt 2(g) tal-Anness I tar-Regolament (KE) Nru 999/2001, jew, wara li jkun ġie kkonfermat każ ta’ scrapie klassika:

—

l-annimali kollha li ġew ikkonfermati li kellhom l-iscrapie klassika nqatlu u nqerdu, u

—

l-mogħoż u n-nagħaġ kollha li kien hemm fir-razzett inqatlu u nqerdu barra mill-imtaten għat-tgħammir tal-ġenotip ARR/ARR u n-nagħaġ għat-tgħammir li għandhom mill-inqas allele waħda ARR u l-ebda allele VRQ;

(iii)

annimali ovini u kaprini, ħlief in-ngħaġ tal-ġenotip tal-proteina prion ARR/ARR, ikunu introdotti fir-razzett biss jekk ikunu ġejjin minn razzett li jikkonforma mal-kundizzjonijiet stipulati fil-punti (i) u (ii).

(2) jew

fil-każ ta’ prodotti sekondarji mmirati biex jittieklu mill-annimali li jixtarru u li fihom il-ħalib jew il-prodotti tal-ħalib ta' oriġini ovina jew kaprina, u li huma ddestinati lejn Stat Membru elenkat fl-Anness tar-Regolament (KE) Nru 546/2006, l-annimali ovini u kaprini li ttieħdu minnhom il-prodotti nżammu dejjem, mit-twelid tagħhom ’il quddiem, jew għall-aħħar seba’ snin f’razzett li fuqu ma ġietx imposta restrizzjoni ta’ taħrik minħabba xi sospett ta’ EST, u li ssodisfa l-kundizzjonijiet li ġejjin għall-aħħar seba’ snin:

(i)

kien soġġett għall-verifiki veterinarji regolari;

(ii)

ma saret l-ebda dijanjosi ta’ scrapie klassika kif definita fil-punt 2(g) tal-Anness I tar-Regolament (KE) Nru 999/2001, jew, wara li jkun ġie kkonfermat każ ta’ scrapie klassika:

—

l-annimali kollha li ġew ikkonfermati li kellhom l-iscrapie klassika nqatlu u nqerdu, u

—

l-mogħoż u n-nagħaġ kollha li kien hemm fir-razzett inqatlu u nqerdu barra mill-imtaten għat-tgħammir tal-ġenotip ARR/ARR u n-nagħaġ għat-tgħammir li għandhom mill-inqas allele waħda ARR u l-ebda allele VRQ;

(iii)

l-annimali ovini u kaprini, ħlief in-ngħaġ tal-ġenotip tal-proteina prion ARR/ARR, ikunu introdotti fir-razzett biss jekk ikunu ġejjin minn razzett li jikkonforma mal-kundizzjonijiet stipulati fil-punti (i) u (ii).’ ”
Top