28.11.2006   

MT

Il-Ġurnal Uffiċjali ta’ l-Unjoni Ewropea

373

(1)

B’konsegwenza tal-falliment min-naħa ta’ l-Istati Uniti biex iġġib l-Att dwar il-Kumpens għall-Persistenza tad-Dumping u għaż-Żamma tas-Sussidji (CDSOA) konformi ma' l-obbligi tagħha taħt il-ftehimiet tad-WTO, ir-Regolament (KE) Nru 673/2005 impona dazju doganali addizzjonali ad valorem ta' 15 % fuq l-importazzjonijiet ta’ ċerti prodotti li joriġinaw mill-Istati Uniti ta’ l-Amerika mill-1 ta’ Mejju 2005. Skond l-awtorizzazzjoni tad-WTO biex tissospendi l-applikazzjoni ta’ konċessjonijiet lill-Istati Uniti, il-Kummissjoni kull sena għandha tirranġa il-livell ta’ sospensjoni għal-livell ta' tixjin jew ħsara kkawżat mis-CDSOA lill-Komunità f’dak il-waqt.

(2)

Il-ħlasijiet tas-CDSOA għall-aktar sena riċenti li għaliha hemm data disponibbli għandhom x’jaqsmu mad-distribuzzjoni ta' dazji anti-dumping u ta' kontrobilanċ miġbura matul is-sena Fiskali 2005 (mill-1 ta' Ottubru 2004 sat-30 ta' Settembru 2005). Fuq il-bażi tad-data ppublikata mill-Ħarsien tad-Dwana u Fruntieri ta' l-Istati Uniti, il-livell ta' tixjin jew ħsara kkawżat lill-Komunità huwa kkalkulat li jammonta għal 36, 91 miljun Dollaru Amerikan.

(3)

Billi l-livell ta’ tixjin jew ta’ ħsara u għaldaqstant ta’ sospensjoni żdied, l-ewwel tmin prodotti fuq il-lista ta’ l-Anness II għar-Regolament (KE) Nru 673/2005 għandhom jiżdiedu mal-lista ta’ l-Anness I għal dak ir-Regolament.

(4)

L-effett ta' dazju addizzjonali ta’ importazzjoni ta’ 15 % ad valorem fuq importazzjonijiet mill-Istati Uniti tal-prodotti fl-Anness I emendat jirrappreżenta, fuq sena, valur ta’kummerċ li ma jaqbiżx is-36, 91 miljun Dollaru Amerikan.

(5)

L-Artikoli 6(1) u 6(2) tar-Regolament (KE) Nru 673/2005 fihom eżenzjoni speċifika mid-dazju addizzjonali fuq l-importazzjoni. Billi l-applikabilità ta' dawk l-eżenzjonijiet tiddependi fuq ċerti kondizzjonijiet li għandhom jintlaħqu qabel id-dħul fis-seħħ jew fid-data ta’ l-applikazzjoni tar-Regolament (KE) Nru 673/2005, l-eżenzjonijiet ma jistgħux fil-prattika japplikaw għall-importazzjonijiet tat-tmin prodotti li issa żdiedu mal-lista fl-Anness I. Għalhekk għandhom jiġu adottati dispożizzjonijiet speċifiċi biex dawn l-eżenzjonijiet isiru effettivi għall-importazzjonijiet ta' dawk il-prodotti.

(6)

Biex tiġi evitata l-evażjoni tad-dazju addizzjonali, dan ir-Regolament għandu jidħol fis-seħħ fid-data tal-pubblikazzjoni tiegħu.

(7)

Il-miżuri msemmija f'dan ir-Regolament huma fi qbil ma' l-opinjoni tal-Kumitat tar-ritaljazzjoni tal-kummerċ,