Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32006L0020

2006/20/KE: Direttiva tal-Kummissjoni 2006/20/KE tas- 17 ta’ Frar 2006 li temenda, għall-għanijiet ta' l-adattament tagħha għall-progress tekniku tagħha, id-Direttiva tal-Kunsill 70/221/KEE, dwar tankijiet tal-fjuwil u tagħmir kontra t-trikkib minn wara ta' vetturi bil-magna u t-trejlers tagħhom Test b'rilevanza għaż-ŻEE.

OJ L 48, 18.2.2006, p. 16–18 (ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
OJ L 330M, 28.11.2006, p. 190–192 (MT)
Special edition in Bulgarian: Chapter 13 Volume 053 P. 3 - 5
Special edition in Romanian: Chapter 13 Volume 053 P. 3 - 5
Special edition in Croatian: Chapter 13 Volume 014 P. 105 - 107

Legal status of the document In force

ELI: http://data.europa.eu/eli/dir/2006/20/oj

28.11.2006   

MT

Il-Ġurnal Uffiċjali ta’ l-Unjoni Ewropea

190

DIRETTIVA TAL-KUMMISSJONI 2006/20/KE

tas-17 ta’ Frar 2006

li temenda, għall-għanijiet ta' l-adattament tagħha għall-progress tekniku tagħha, id-Direttiva tal-Kunsill 70/221/KEE, dwar tankijiet tal-fjuwil u tagħmir kontra t-trikkib minn wara ta' vetturi bil-magna u t-trejlers tagħhom

(Test b'rilevanza għaż-ŻEE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 70/156/KEE tas-6 ta' Frar 1970 dwar l-approssimazzjoni tal-liġijiet ta' l-Istati Membri li għandhom x'jaqsmu ma' l-approvazzjoni tat-tip ta' vetturi bil-mutur u l-karrijiet tagħhom (1), u partikolarment it-tieni inċiż ta’ l-Artikolu 13(2) tagħha,

Wara li kkunsidrat id-Direttiva tal-Kunsill 70/221/KEE ta’ l-20 ta’ Marzu 1970, dwar l-approssimazzjoni tal-liġijiet ta’ l-Istati Membri marbuta mat-tankijiet tal-fjuwil likwidu u tagħmir kontra t-trikkib minn wara ta' vetturi bil-magna u t-trejlers tagħhom (2), u partikolarment l-Artikolu 3 tiegħu,

Billi:

(1)

Id-Direttiva 70/221/KEE hija waħda mid-Direttivi separati fil-kuntest tal-proċedura Komunitarja għall-approvazzjoni tat-tip stipulata fid-Direttiva 70/156/KEE. Id-dispożizzjonijiet tad-Direttiva 70/156/KEE dwar sistemi komponenti u unitajiet tekniċi għall-vetturi għalhekk japplikaw għad-Direttiva 70/221/KEE.

(2)

Sabiex jiżdiedu l-livelli ta' protezzjoni, it-tagħmir għall-protezzjoni mit-trikkib minn wara għandu jkun rekwiżit li jirreżisti għal daqqiet b'aktar saħħa u għandhom jitqiesu vetturi li jużaw unitajiet ta' sospensjoni bl-arja.

(3)

Fid-dawl tal-progress tekniku, u l-avvanzi li saru fl-użu tal-vetturi fir-rigward ta' l-installazzjoni ta' pjattaformi-lifts tal-vetturi, huwa xieraq li jitqiesu dawn il-pjattaformi-lifts fil-kuntest ta’ l-installazzjoni ta' tagħmir għall-prevenzjoni tat-trikkib min-naħa ta' wara.

(4)

Id-Direttiva 70/221/KEE għandha għalhekk tiġi emendata skond dan.

(5)

Il-miżuri previsti f'din id-Direttiva huma fi qbil ma' l-opinjoni tal-Kumitat dwar l-Addattament għall-Progress Tekniku mwaqqaf taħt l-Artikolu 13(1) tad-Direttiva 70/156/KEE,

ADOTTAT DIN ID-DIRETTIVA:

Artikolu 1

L-Anness II tad-Direttiva 70/221/KEE huwa emendat skond l-Anness għal din id-Direttiva.

Artikolu 2

1.   B'effett mill-11 ta’ Settembru 2007, jekk ir-rekwiżiti stabbiliti fid-Direttiva 70/221/KEE, kif emendata b’din id-Direttiva, ma jiġux osservati, Stat Membru, għal raġunijiet marbuta mal-protezzjoni kontra t-trikkib minn wara:

(a)

għandu jirrifjuta li jagħti l-approvazzjoni tat-tip tal-KE jew l-approvazzjoni nazzjonali tat-tip lil tip ta’ vettura,

(b)

għandu jirrifjuta li jagħti l-approvazzjoni tat-tip tal-KE jew l-approvazzjoni nazzjonali tat-tip lil tagħmir ta’ protezzjoni kontra t-trikkib minn wara, bħala unità teknika separata,

2.   B'effett mill-11 ta’ marzu 2010, jekk ir-rekwiżiti stabbiliti fid-Direttiva 70/221/KEE, kif emendata b’din id-Direttiva, ma jiġux osservati, Stat Membru, għal raġunijiet marbuta mal-protezzjoni kontra t-trikkib minn wara:

(a)

għandu jirrifjuta r-reġistrazzjoni jew jipprojbixxi l-bejgħ jew id-dħul fis-servizz ta' vetturi,

(b)

għandu jipprojbixxi l-bejgħ jew id-dħul fis-servizz ta’ tagħmir ta’ protezzjoni kontra t-trikkib minn wara, bħala unità teknika separata.

Artikolu 3

1.   L-Istati Membri għandhom jadottaw u jippubblikaw mhux aktar tard mill-11 ta’ marzu 2007 il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma’ din id-Direttiva. Huma għandhom minnufih jikkomunikaw lill-Kummissjoni t-test ta’ dawn id-dispożizzjonijiet u tabella ta’ korrellazzjoni bejn dawk id-dispożizzjonijiet u din id-Direttiva.

Huma għandhom japplikaw dawk id-dispożizzjonijiet minn mill-11 ta’ marzu 2007 il-liġijiet.

Meta l-Istati Membri jadottaw dawk id-dispożizzjonijiet, dawn għandhom jinkludu referenza lil din id-Direttiva jew ikunu akkumpajati minn referenza bħal din fl-okkażjoni tal-pubblikazzjoni uffiċjali tagħhom. L-Istati Membri għandhom jiddeterminaw kif għandha ssir din ir-referenza.

2.   L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li jadottaw fil-qasam ta’ din id-Direttiva.

Artikolu 4

Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha fil-Ġurnal Uffiċjali ta' l-Unjoni Ewropea.

Artikolu 5

Din id-Direttiva hija indirizzata lill-Istati Membri.

Magħmul fi Brussell, nhar is-17 ta’ Frar 2006.

Għall-Kummissjoni

Gunter VERHEUGEN

Viċi-President

(1)  ĠU L 42, tat-23.2.1970, p.1. Id-Direttiva kif emendata l-aħħar mid-Direttiva tal-Kummissjoni 2005/64/KE tal-Parlament Ewropew u tal-Kunsill (ĠU L 310, tal-25.11.2005, p.10).

(2)  ĠU L 76, tas-6.4.1970, p.23. Id-Direttiva kif emendata l-aħħar mill-Att ta' l-Adeżjoni ta' l-2003.

ANNESS

L-Anness II għad-Direttiva 70/221/KEE huwa emendat kif ġej:

1.

Tiddaħħal it-taqsima 5.1a li ġejja:

“5.1a.

Il-vettura għandha tiġi ttestjata taħt il-kundizzjonijiet li ġejjin:

—

għandha tkun wieqfa fuq art b'livell wieħed, ċatta, riġida u lixxa (mingħajr skossi jew ħofor).

—

ir-roti ta' quddiem għandhom jippuntaw dritt 'il quddiem.

—

it-tajers għandhom jintefħu sal-pressjoni rakkomandata mill-manifattur tal-vettura.

—

il-vettura tista', jekk hu meħtieġ biex jinkisbu l-forzi meħtieġa tat-test, tkun imrażżna bi kwalunkwe metodu speċifikat mill-manifattur tal-vettura.

—

Jekk il-vettura hija mgħammra b'sospensjoni idropnewmatika, ħajdrolik jew pnewmatika jew tagħmir għall-invellar awtomatiku skond it-tagħbija, għandha tiġi ttestjata bis-sospensjoni jew it-tagħmir fil-kundizzjoni normali tat-tħaddim speċifikat mill-manifattur”

2.

Il-punt 5.4.5.2 jinbidel b’dan li ġej:

“5.4.5.2

Forza orizzontali li tikkorrispondi għal 25 % tal-massa li hi teknikament permissibbli tal-vettura iżda li ma taqbiżx 5 × 104N għandha tiġi applikata suċċessivament għaż-żewġ punti P1 u għall-punt P3;”

3.

Tiddaħħal it-taqsima 5.4a li ġejja:

“5.4a

Għal vetturi bi pjattaforma-lift, l-armar tat-tagħmir kontra t-trikkib jista' jkun interrott sabiex jitħaddem il-mekkaniżmu. F'dawn il-każijiet, ir-rekwiżiti speċjali li ġejjin għandhom japplikaw:

5.4a.1

id-distanza laterali bejn l-elementi ta' twaħħil għat-tagħmir kontra t-trikkib u l-elementi tal-pjattaforma-lift, li minħabba fihom issir meħtieġa l-interruzzjoni, ma tistax tkun ta' aktar minn 2.5cm;

5.4a.2

l-elementi individwali tat-tagħmir ta' protezzjoni kontra t-trikkib, f’kull każ, għandhom ikollhom erja tal-wiċċ effettiva ta' għall-inqas 350 cm2;

5.4a.3

l-elementi individwali tat-tagħmir ta' protezzjoni kontra t-trikkib iridu jkunu kbar biżżejjed sabiex ikunu konformi mar-rekwiżiti tal-paragrafu 5.4.5.1, li permezz tagħhom huma determinati l-pożizzjonijiet relattivi tal-punti tat-test. Jekk il-punti P1 jinsabu fiż-żona ta' interruzzjoni msemmija fil-punt 5.5, il-punti P1 li għandhom jintużaw jkunu jinsabu fin-nofs tas-sezzjoni laterali tat-tagħmir ta’ protezzjoni kontra t-trikkib minn wara;

5.4a.4

għaż-żona ta’ interruzzjoni tat-tagħmir kontra t-trikkib minn wara u għall-iskopijiet tal-pjattaforma-lift, il-punt 5.4.1 ma għandux għalfejn japplika.”
Top