EUR-Lex Access to European Union law
This document is an excerpt from the EUR-Lex website
Document 32005D0006
2005/6/EC: Commission Decision of 27 December 2004 setting out the arrangements for Community comparative trials and tests on propagating and planting material of Fragaria x ananassa Duch. under Council Directive 92/34/EEC for the year 2005 (notified under document number C(2004) 5290)
Id-Deċiżjoni tal-Kummissjoni tas- 27 ta' Dicembru 2004 li tistabbilixxi l-arranġamenti għall-provi u t-testijiet komparattivi fuq il-materjal ta' tkabbir u tat-tħawwil tal- Fragaria x ananassa Duch. skond id-Direttiva tal-Kunsill 92/34/KEE għas-sena 2005 (innotifikata fid-dokument bin-numru C(2004) 5290)
Id-Deċiżjoni tal-Kummissjoni tas- 27 ta' Dicembru 2004 li tistabbilixxi l-arranġamenti għall-provi u t-testijiet komparattivi fuq il-materjal ta' tkabbir u tat-tħawwil tal- Fragaria x ananassa Duch. skond id-Direttiva tal-Kunsill 92/34/KEE għas-sena 2005 (innotifikata fid-dokument bin-numru C(2004) 5290)
OJ L 2, 5.1.2005, p. 17–18
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
OJ L 269M, 14.10.2005, p. 266–267
(MT)
In force
|
14.10.2005 |
MT |
Il-Ġurnal Uffiċjali ta’ l-Unjoni Ewropea |
266 |
ID-DEĊIŻJONI TAL-KUMMISSJONI
tas-27 ta' Dicembru 2004
li tistabbilixxi l-arranġamenti għall-provi u t-testijiet komparattivi fuq il-materjal ta' tkabbir u tat-tħawwil tal-Fragaria x ananassa Duch. skond id-Direttiva tal-Kunsill 92/34/KEE għas-sena 2005
(innotifikata fid-dokument bin-numru C(2004) 5290)
(2005/6/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 92/34/KEE tat-28 ta' April 1992 dwar il-kummerċjalizzazzjoni tal-materjal li jkabbar il-pjanta tal-frott li u il-pjanti tal-frott, maħsuba għall-produzzjoni tal-frott (1), u b'mod partikolari l-Artikolu 20 (4)(5) u (6) tagħha,
Billi:
|
(1) |
Id-Direttiva 92/34/KEE tipprevedi li l-arranġamenti meħtieġa jsiru mill-Kummissjoni għall-provi u t-testijiet komparattivi tal-Komunità tal-materjal ta' tkabbir u tħawwil. |
|
(2) |
L-arranġamenti tekniċi sabiex jitwettqu il-provi u t-testijiet saru fi ħdan il-Kumitat Permanenti dwar il-Materjal ta' Tkabbir u l-Pjanti tal-Ġeneru u l-Ispeċi tal-Frott. |
|
(3) |
Sejħa għall-proġetti biex isiru dawn il-provi u t-testijiet ġiet ppubblikata fil-21 ta' Ġunju 2004 fuq is-Sit ta' l-Internet ta' l-istituzzjonijiet tal-Komunità (2). |
|
(4) |
Il-proposti ġew ivvalutati skond il-kriterji ta' l-għażla u ta' l-għoti stipulati fis-sejħa għall-proġetti. Il-proġetti, l-entitajiet responsabbli biex itwettqu l-provi u t-testijiet u l-ispejjeż eliġibbli kif ukoll il-kontribuzzjoni finanzjarja massima tal-Komunità li tikkorrispondi għal 80 % ta' l-ispejjeż eliġibbli, għandhom jiġu stabbiliti. |
|
(5) |
Il-provi u t-testijiet komparattivi tal-Komunità dwar il-materjal ta' tkabbir u tħawwil maħsud fl-2004, għandhom jitwettqu fis-sena 2005 u d-dettalji ta' provi u testijiet bħal dawn, l-ispejjeż eliġibbli kif ukoll il-kontribuzzjoni finanzjarja massima tal-Komunità għandhom jkun stipulati kull sena permezz ta' ftehim iffirmat minn uffiċjal awtorizzat mill-Kummissjoni u l-entità responsabbli biex twettaq il-provi. |
|
(6) |
Rappreżentattività xierqa tal-kampjuni inklużi fil-provi u t-testijiet għandhom jiġu żgurati, għallinqas għal ċerti pjanti magħżula. |
|
(7) |
L-Istati Membri għandhom jipparteċipaw fil-provi u t-testijiet komparattivi, sakemm il-materjal ta' tkabbir u ta' tħawwil ikkonċernat huwa normalment riprodott u kkummerċjalizzat fit-territorji tagħhom, sabiex jiġi żgurat li jkunu jistgħu joħorġu konklużjonijiet tajba minnhom. |
|
(8) |
Il-miżuri pprevisti f'din id-Deċiżjoni huma skond l-opinjoni tal-Kumitat Permanenti dwar il-Materjal ta' Propogazzjoni u l-Pjanti tal-Ġeneru u l-Ispeċi tal-Frott, |
ADOTTAT DIN ID-DEĊIŻJONI:
Artikolu 1
Il-provi u t-testijiet komparattivi tal-Komunità dwar il-materjal ta' propogazzjoni u tħawwil tal-Fragaria x ananassa Duch se jitwettqu fl-2005.
L-ispejjeż eliġibbli kif ukoll il-kontribuzzjoni finanzjarja massima tal-Komunità għal-provi u t-testijiet għall-2005 se jiġu stipulati fl-Anness.
Id-dettalji tal-provi u t-testijiet huma stipulati fl-Anness.
Artikolu 2
Sakemm il-materjal ta' tkabbir u tħawwil tal-pjanti tal-Fragaria x ananassa Duch. huwa normalment riprodott u kkummerċjalizzat fit-territorji tagħhom, l-Istati Membri se jieħdu kampjuni ta' dan il-materjal u jagħmluh disponibbli lill-Kummissjoni.
L-Istati Membri se jikkooperaw fl-aspetti tekniċi bħall-ikkampjunar u l-ispezzjonijiet marbuta mat-twettieq tat-testijiet u tal-provi.
Artikolu 3
Il-kontribuzzjoni finanzjarja massima tal-Komunità li tikkorrespondi għal 80 % ta' l-ispejjeż eliġibbli ta' prova jew test li tkomplew fuq din il-bażi m'għandhiex taqbez l-ammont speċifikat fl-Anness.
Artikolu 4
Din id-Deċiżjoni hija indirizzata lill-Istati Membri.
Magħmula fi Brussell, fis-27 ta' Dicembru 2004.
Għall-Kummissjoni
Is-Sur Markos KYPRIANOU
Membru tal-Kummissjoni
(1) ĠU L 157, ta' l-10.6.1992, pġ. 10. Id-Direttiva kif l-aħħar emendata bid-Direttiva tal-Kummissjoni 2003/111/KE (ĠU L 311, tas-27.11.2003, p. 12).
(2) http://europa.eu.int/comm/food/plant/call2004/index_en.htm.
ANNESS
Provi u testijiet imwettqa fl-2005
|
Speċi |
Numru ta' Kampjuni: |
Kundizzjonijiet li jridu jiġu vvalutati |
L-Entità Responsabbli |
Spejjeż eliġibbli (euro) |
Kontribuzzjoni finanzjarja massima tal-Komunità (ekwivalenti għal 80 % ta' l-ispejjeż eliġibbli) (euro) |
|
Fragaria x ananassa Duch. |
120 |
Identità tal-varjetà u l-purità, Saħħa tal-Pjanti (fir-raba') Saħħa tal-Pjanti (fil-laboratorju) |
BSA Hannover (D) |
24 650 |
19 720 |
|
IL-KONTRIBUZZJONI FINANZJAJRA TOTALI TAL-KOMUNITÀ |
19 720 |
||||