31996L0055

Id-Direttiva tal-Kummissjoni 96/55/KE

ta’ l-4 ta’ Settembru 1996

li taddatta għall-progress tekniku għat-tieni darba l-Anness I għad-Direttiva tal-Kunsill 76/769/KEE dwar l-approssimazzjoni tal-liġijiet, regolamenti u dispożizzjonijiet amministrattivi ta’ l-Istati Membri li għandhom x’jaqsmu mar-restrizzjonijiet dwar il-marketing u l-użu ta’ ċerti sustanzi u preparazzjonijiet perikolużi (solventi bil-klorin)

(Test b’relevanza għaż-ŻEE)

IL-KUMMISSJONI TAL-KOMUNITAJIET EWROPEJ

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 76/769/KEE [1] tas-27 ta’ Lulju 1976 dwar l-approssimazzjoni tal-liġijiet, regolamenti u dispożizzjonijiet amministrattivi ta’ l-Istati Membri dwar restrizzjonijiet għall-marketing u l-użu ta’ ċerti sustanzi u preparazzjonijiet perikolużi, kif l-aħħar emendata permezz tad-Direttiva 94/60/KE [2], u b’mod partikolari l-Artikolu 2a tagħha, introdott permezz tad-Direttiva tal-Kunsill 89/678/KEE [3],

Billi xi solventi bil-klorin huma ta’ perikolu għa-saħħa/ambjent u ma għandhomx jitqiegħdu fis-suq għall-pubbliku ġenerali f’sustanzi u fi preparazzjonijiet;

Billi d-Direttiva 94/60/KE tal-Parlament Ewropew u l-Kunsill, li temenda għall-erbatax-il darba id-Direttiva 76/769/KEE speċifikat li tmien solventi bil-klorin ma jistgħux jintużaw f’sustanzi u fi preparazzjonijiet imqiegħda fis-suq għall-bejgħ lill-pubbliku ġenerali;

Billi ġie magħruf li dawn is-solventi bil-klorin jistgħu ukoll ikunu ta’ perikolu għas-saħħa/ambjent jekk jiġu wżati minnflok solventi wżati fil-preżent f’applikazzjonijiet li jinxterdu, bħal fit-tindif ta’ l-uċuħ u t-tindif ta’ drappijiet;

Billi l-użu tat-tmien solventi bil-klorin għandu jkun projbit ukoll f’sustanzi u fi preparazzjonijiet impoġġija fis-suq għal applikazzjonijiet li jinxterdu bħal dawn;

Billi r-restrizzjonijiet ta’ l-użu ta’ solventi bil-klorin stabbiliti permezz ta’ din id-Direttiva jagħtu kas ta’ l-istat kurrenti ta’ l-għerf u t-teknika dwar alternattivi iktar siguri;

Billi din id-Direttiva hija bbażata fuq analiżi preliminarja dwar ir-riskji mposti permezz tas-solventi bil-klorin u l-vantaġġi u l-iżvantaġġi tar-restrizzjonijiet, billi qed ssir evalwazzjoni ġenerali tar-riskji għall-bniedem u għall-ambjent tal-chloroform bi qbil mad-Direttiva tal-Kunsill (KEE) Nru 793/93 [4] u r-Regolamenti (KE) Nru 1488/94 [5];

Billi din id-Direttiva ma taffettwax il-leġislazzjoni tal-Komunità li tistabbilixxi l-ħtiġiet minimi għall-protezzjoni ta’ ħaddiema li hemm fid-Direttiva tal-Kunsill 89/391/KEE [6] u f’direttivi individwali bbażati fuqha, b’mod partikolari d-Direttiva tal-Kunsill 90/394/KEE [7],

Billi l-miżuri li għalihom hemm provdut f’din id-Direttiva huma f’konformità ma’ l-opinjoni tal-Kumitat għall-adattament għall-progress tekniku tad-Direttivi dwar it-tneħħija ta’ ostakli tekniċi għall-kummerċ ta’ sustanzi u preparazzjonijiet perikolużi,

ADOTTAT DIN ID-DIRETTIVA:

L-Artikolu 1

L-Anness I għad-Direttiva 76/769/KEE huwa b’dan il-mezz addattat għall-progress tekniku kif stabbilit fl-Anness għal din id-Direttiva.

L-Artikolu 2

L-Istati Membri għandhom jadottaw u jippubblikaw id-dispożizzjonijiet meħtieġa sabiex jikkonformaw ma’ din id-Direttiva sal-31 ta’ Diċembru 1997 u għandhom jinfurmaw lill-Kummissjoni bihom minnufih. Għandhom japplikaw dawn id-dispożizzjonijiet mit-30 ta’ Ġunju 1998.

Meta l-Istati Membri jadottaw dawn id-dispożizzjonijiet, dawn għandu jkun fihom referenza għal din id-Direttiva jew għandhom ikunu akkumpanjati b’referenza bħal din fil-ħin tal-pubblikazzjoni uffiċjali tagħhom. Il-proċedura għal referenza bħal din għandha tiġi adottata mill-Istati Membri.

L-Artikolu 3

Din id-Direttiva hija indirizzata lill-Istati Membri.

Magħmula fi Brussel, fl-4 ta’ Settembru 1996.

Għall-Kummissjoni

Martin Bangemann

Membru tal-Kummissjoni

[1] ĠU L 262, tas-27.9.1976, p. 201.

[2] ĠU L 365, tal-31.12.1994, p. 1.

[3] ĠU L 398, tat-30.12.1989, p. 24.

[4] ĠU L 84, tal-5.4.1993, p. 1.

[5] ĠU L 161, tad-29.6.1994, p. 3.

[6] ĠU L 183, tad-29.6.1989, p. 1.

[7] ĠU L 196, tas-26.7.1990, p. 1.

--------------------------------------------------

L-ANNESS

"Fl-Anness I għad-Direttiva 76/769/KEE, il-punti 33 sa 40 (inklużi) għandhom jiġu sostitwiti permezz tal-punti li ġejjin:

Isem tas-sostanza, tal-grupp ta’ sustanzi jew tal-preparazzjoni | Kondizzjonijiet ta’ restrizzjoni |

33. Chloroform Nru CAS Nru 67-66-3 34. Carbon tetrachloride CAS Nru 56-23-5 35. 1,1,2 Trichloroethane CAS Nru 79-00-5 36. 1,1,2,2 Tetrachloroethane CAS Nru 79-34-5 37. 1,1,1,2 Tetrachloroethane CAS Nru 630-20-6 38. Pentachloroethane CAS Nru 76-01-7 39. 1,1 Dichloroethylene CAS Nru 75-35-4 40. 1,1,1 Trichloroethane CAS Nru 71-55-6 | Ma jistax jiġi wżat f’koncentrazzjoni ugwali għal jew iktar minn 0,1 % skond il-piż f’sustanzi u preparazzjonijiet jitqiegħdu fis-suq għall-pubbliku ġenerali u/jew applikazzjonijiet li jinxterdu bħal fit-tindif ta’ uċuħ u tindif ta’ drappijiet. Mingħajr preġudizzju għall-applikazzjoni ta’ dispożizzjonijiet oħra tal-Komunità dwar il-klassifikazzjoni, l-imballaġġ u it-tikkettjar ta’ sustanzi u preparazzjonijiet perikolużi, l-imballaġġ ta’ sustanzi u preparazzjonijiet bħal dawn li jkun fihom dawn is-sustanzi jew preparazzjonijiet f’konċentrazzjonijiet ugwali għal jew iktar minn 0,1 % għandhom ikunu legibbli u mmarkati b’mod li ma jitħassarx kif ġej: "Għal użu f’installazzjonijiet industrijali biss". Permezz ta’ deroga, din id-dispożizzjoni ma għandhiex tapplika għal: (a)prodotti mediċinali jew veterinarji kif definiti permezz tad-Direttiva 65/65/KEE, kif l-aħħar emendata permezz tad-Direttiva 93/39/KEE;(b)prodotti kosmetiċi kif definiti permezz tad-Direttiva 76/768/KEE, kif l-ahhar emendata permezz tad-Direttiva 93/35/KEE. |

--------------------------------------------------