EUR-Lex Access to European Union law
This document is an excerpt from the EUR-Lex website
Document 31995L0063
Council Directive 95/63/EC of 5 December 1995 amending Directive 89/655/EEC concerning the minimum safety and health requirements for the use of work equipment by workers at work (second individual Directive within the meaning of Article 16 (1) of Directive 89/391/EEC)
Id-Direttiva tal-Kunsill 95/63/KE tal-5 ta' Diċembru 1995 li temenda d-Direttiva 89/655/KEE dwar il-ħtiġiet minimi ta' sigurtà u saħħa għall-użu ta' tagħmir tax-xogħol mill-ħaddiema fuq ix-xogħol (it-tieni Direttiva individwali fis-sens ta' l-Artikolu 16(1) tad- Direttiva 89/391/KEE)
Id-Direttiva tal-Kunsill 95/63/KE tal-5 ta' Diċembru 1995 li temenda d-Direttiva 89/655/KEE dwar il-ħtiġiet minimi ta' sigurtà u saħħa għall-użu ta' tagħmir tax-xogħol mill-ħaddiema fuq ix-xogħol (it-tieni Direttiva individwali fis-sens ta' l-Artikolu 16(1) tad- Direttiva 89/391/KEE)
OJ L 335, 30.12.1995, p. 28–36
(ES, DA, DE, EL, EN, FR, IT, NL, PT, FI, SV)
Special edition in Czech: Chapter 05 Volume 002 P. 276 - 284
Special edition in Estonian: Chapter 05 Volume 002 P. 276 - 284
Special edition in Latvian: Chapter 05 Volume 002 P. 276 - 284
Special edition in Lithuanian: Chapter 05 Volume 002 P. 276 - 284
Special edition in Hungarian Chapter 05 Volume 002 P. 276 - 284
Special edition in Maltese: Chapter 05 Volume 002 P. 276 - 284
Special edition in Polish: Chapter 05 Volume 002 P. 276 - 284
Special edition in Slovak: Chapter 05 Volume 002 P. 276 - 284
Special edition in Slovene: Chapter 05 Volume 002 P. 276 - 284
Special edition in Bulgarian: Chapter 05 Volume 003 P. 151 - 159
Special edition in Romanian: Chapter 05 Volume 003 P. 151 - 159
No longer in force, Date of end of validity: 22/10/2009
Official Journal L 335 , 30/12/1995 P. 0028 - 0036
Id-Direttiva tal-Kunsill 95/63/KE tal-5 ta' Diċembru 1995 li temenda d-Direttiva 89/655/KEE dwar il-ħtiġiet minimi ta' sigurtà u saħħa għall-użu ta' tagħmir tax-xogħol mill-ħaddiema fuq ix-xogħol (it-tieni Direttiva individwali fis-sens ta' l-Artikolu 16(1) tad- Direttiva 89/391/KEE) IL-KUNSILL TA' L-UNJONI EWROPEA, Wara li kkunsidra t-Trattat li jistabblixxi il-Komunitajiet Ewropej, u b'mod partikolari l-Artikolu 118a tiegħu, Wara li kkunsidra l-proposta mill-Kummissjoni [1], Wara li kkunsidra l-opinjoni tal-Kumitat Ekonomiku u Soċjali [2], Waqt li jaġixxi skond il-proċedura stabbilita fl-Artikolu 189ċ [3], Billi l-Artikolu 118a tat-Trattat jipprovdi li l-Kunsill għandu permezz tad-Direttivi jiffissa l-ħtiġiet minimi biex jippromwovi t-titjib speċjalment fl-ambjent tax-xogħol biex jipproteġi s-sigurtà u s-saħħa tal-ħaddiema; Billi skond l-istess Artikolu dawn id-Direttivi għandhom jevitaw li jimponu rbit amministrattiv, finanzjarju jew legali li jista' jfixkel il-ħolqien u l-iżvilupp ta' intrapriżi żgħar u ta' daqs medju; Billi r-rispett tal-ħtiġiet minimi stabbiliti biex jiggarantixxu standard aħjar ta' sigurtà u saħħa fl-użu ta' tagħmir tax-xogħol hu essenzjali biex tiġi żgurata s-sigurtà u saħħa tal-ħaddiema; Billi, qabel xejn, l-Istati Membri iridu jieħdu miżuri biex jiffaċilitaw l-implimentazzjoni tad-dispożizzjonijiet ta' din id-Direttiva minn l-impriżi, b'mod partikolari impriżi żgħar u ta' daqs medju; billi miżuri bħal dawn jistgħu jinkludu attivitajiet ta' taħriġ u informazzjoni addattati għal l-ħtiġiet speċifiċi ta' setturi varji ta' l-ekonomija; Billi d-dispożizzjonijiet adottati skond Artikolu 118a tat-Trattat mhumiex ta' ostakolu għal li jinżammu jew jiġu stabbiliti miżuri ta' protezzjoni iktar stretti, fil-kondizzjonijiet tax-xogħol minn kull Stat Membru, kompatibbli ma' dan it-Trattat; Billi l-Artikolu 9(1) tad-Direttiva 89/655/KEE [4] jipprovdi ż-żieda ma' l-Anness ta' ħtiġiet minimi supplimentari applikabbli għat-tagħmir tax-xogħol imsemmija fil-punt 3 ta' l-Anness, skond il-proċedura prevista fl-Artikolu 118a tat-Trattat; Billi din id-Direttiva għandha tillimita ruħha għal li tistabblixxi l-miri li għandhom jintlaħqu u l-prinċipji li għandhom jiġu rrispettati u tħalli lill-Istati Membri l-għażla tal-mod kif għandhom jassiguraw fil-liġijiet nazzjonali tagħhom ir-rispett u t-titjib ta' dawn il-ħtiġiet; Billi l-Istati Membri għandhom, wara konsultazzjoni ma' l-imsieħba soċjali, u wara li jittieħed kont tal-leġislazzjoni u/jew il-prattika nazzjonali l-miżuri li jippermettu li jintlaħaq livell ta' sigurtà li jikkorrispondi mal-miri msemmija fl-Anness II ta' din id-Direttiva; Billi din id-Direttiva tikkostitwixxi pass konkret lejn ir-realizzazzjoni tad-dimensjoni soċjali tas-suq intern, ADOTTA DIN ID-DIRETTIVA: L-Artikolu 1 Id-Direttiva 89/655/KEE hija emendata kif ġej: 1. L-Artikolu 4 jiġi emendat kif ġej: (a) fil-paragrafu 1(a)(ii) u (b), 'fl-Anness' tiġi sostitwita bi 'fl-Anness I'; (b) il-punt li ġej huwa inserit fil-paragrafu 1: "(ċ) mingħajr preġudizzju għall-punt (a)(i), u b'deroga għall-punt (a)(ii) u l-punt (b), tagħmir ta' xogħol speċifiku suġġett għal ħtiġiet tal-punt 3 ta'l-Anness I, li, jekk diġà provdut għall-ħaddiema fl-impriża u/jew stabbiliment sal-5 ta' Diċembru 1998, jikkonforma mal-ħtiġiet minimi stabbiliti fl-Anness I, sa mhux aktar tard minn erba' snin wara dik id-data"; (ċ) il-paragrafu li ġej jiġi miżjud: "3 L-Istati Membri għandhom, wara konsultazzjoni ma' l-imsieħba soċjali u meħud kont ta' leġislazzjoni u/jew il-prattiki nazzjonali jistabilixxu l-miżuri li jippermettu li jintlaħaq livell ta' sigurtà li jikkorrispondi mal-miri msemmija fid-dispożizzjonijiet ta' l-Anness II." 2. Għandu jiġi inserit l-Artikolu li ġej: "L-Artikolu 4a Spezzjoni ta' tagħmir ta' xogħol 1. Min jimpjiega għandu jassigura illi t-tagħmir tax-xogħol li s-sigurtà tagħhom tiddependi mill-kondizzjonijiet ta' l-installazzjoni ikunu kontrollati fil-bidu (wara l-installazzjoni imma qabel ma jibdew jaħdmu) u verifika wara kull assemblaġġ f'sit ġdid jew tqegħid f'lokazzjoni oħra li ssir minn persuni kompetenti fis-sens tal-leġislazzjoni u/jew il-prattika nazzjonali bil-ħsieb li jiġu assigurati l-installazzjoni korretta u l-funzjonament tajjeb ta' dan it-tagħmir tax-xogħol. 2. Min jimpjiega għandu jiżgura li t-tagħmir ta' xogħol li jkun espost għal influwenzi li jikkawżaw deterjorazzjoni li ġġib sitwazzjoni ta' perikolu jkunu soġġetti għal: - spezzjonijiet perijodiċi u, meta jkun il-każ, provi perijodiċi minn persuni kompetenti fis-sens ta' leġislazzjoni u/jew il-prattika nazzjonali, - spezzjonijiet speċjali minn persuni kompetenti fis-sens ta' leġislazzjoni u/jew il-prattika nazzjonali kull darba li xi ġraja eċċezzjonali li setgħu iġibu magħhom konsegwenzi ta' ħsara għas-sigurtà tat-tagħmir tax-xogħol bħalma huma trasformazzjoni, inċidenti, fenomeni naturali, perijodi twal li ma jintużawx, biex jiggarantixxu li l-ħtiġiet ta' sigurtà u ta' saħħa jkunu rispettati u li l-ħsara li tkun saret tkun skoperta u rimedjata fil-ħin. 3. Ir-riżultati ta' spezzjonijiet għandhom jiġu rreġistrati u miżmuma għad-dispożizzjoni ta' l-awtoritajiet ikkonċernati. Għandhom jinżammu għal perijodu ta' żmien approprjat. Meta t-tagħmir tax-xogħol hu użat barra l-impriża għandu jkollu miegħu prova materjali li l-aħħar spezzjoni tkun saret. 4. L-Istati Membri għandhom jiddeterminaw il-kundizzjonijiet li taħthom għandhom isiru l-ispezzjonijiet." 3. L-Artikolu li ġej għandu jiġi inserit: "L-Artikolu 5a L-Ergonomija u s-saħħa fuq ix-xogħol Il-post tax-xogħol u l-qagħda tal-ħaddiema meta qed jużaw tagħmir tax-xogħol kif ukoll il-prinċipji ta' l-ergonomija għandhom jiġu meħuda inkonsiderazzjoni sħiħa minn min jimpjiega meta japplika l-ħtiġiet minimi ta' sigurtà u saħħa." 4. Is-sub paragrafu li ġej għandu jiżdied fl-aħħar ta' Artikolu 6(2): "Il-ħaddiema għandhom jiġu magħmulin konxji mir-riskji li jikkonċernawhom, mit-tagħmir tax-xogħol presenti fl-ambjent immedjat tax-xogħol kif ukoll ta' xi modifikazzjonijiet li jikkonċernawhom, sa fejn dawn jeffettwaw it-tagħmir tax-xogħol li jkunu jinsabu fl-ambjent tax-xogħol fil-qrib anke jekk ma jkunux qegħdin jużaw dan it-tagħmir direttament" 5. Fl-Artikolu 8, il-kelma l-Anness "hi mibdula bi l-Annessi"; 6. L-Artikolu 9 għandu jiġi emendat kif ġej: - fit-titolu ta' l-Artikolu, "ta' l-Anness" għandu jiġi mibdul bi "ta' l-Annessi", - fil-paragrafu 1, "l-Anness" fejn jidher darbtejn fit-test jiġi mibdul bi "l-Anness I", - fil-paragrafu 2, "l-Anness" jiġi mibdul bi "l-Annessi"; 7. L-Anness li ssir l-Anness I, jiġi emendat inkonformità ma' l-Anness I ta' din id-Direttiva; 8. L-Anness II qed jiġi miżjud, skond it-test li jidher fl-Anness II ta' din id-Direttiva. L-Artikolu 2 1. L-Istati Membri għandhom idaħħlu fis-seħħ id-dispożizzjonijiet leġislattivi, reglamentari u amministrattivi meħtieġa biex jikkonformaw ma' din id-Direttiva qabel il-5 ta' Diċembru 1995. Huma għandhom jinfurmaw minnufih lill-Kummissjoni. Meta l-Istati Membri jadottaw dawn id-dispożizzjonijiet, għandu jkollhom referenza għal din id-Direttiva jew ikollhom magħhom din ir-referenza meta jiġu uffiċjalment ippubblikati. Il-metodi ta' kif issir din ir-referenza għandhom jiġu stabbiliti mill-Istati Membri. 2. L-Istati Membri jikkomunikaw lill-Kummissjoni id-dispożizzjonijiet tal-liġi nazzjonali li huma diġa adottaw jew li jkun beħsiebhom jadottaw f'dak li hu rregolat minn din id-Direttiva. 3. Il-Kummisssjoni perijodikament tippreżenta rapport dwar l-implimentazzjoni ta' din id-Direttiva lill-Parlament Ewropew, lill-Kunsill u lill-Kumitat Ekonomiku u Soċjali. L-Artikolu 3 Din id-Direttiva hija indirizzata lill-Istati Membri. Magħmul fi Brussel, fil-5 ta' Diċembru 1995. Għall-Kunsill Il-President J. A. Griñán [1] ĠU C 104, tat-12.4.1994, p. 4; u ĠU C 246, tat-22.9.1995, p. 3. [2] ĠU C 397, tal-31.12.1994, p. 13. [3] L-Opinjoni tal-Parlament Ewropew tas-17 ta' Frar 1995 (ĠU C 56, tas-6.3.1995, p. 175), Pożizzjoni komuni tal-Kunsill ta' l-24 ta' Lulju 1995 (ĠU C 281, tal-25.10.1995, p. 41) u Deċiżjoni tal-Parlament Ewropew tas-17 ta'Novembru 1995 (ĠU C 323, ta' l-4.12.1995). [4] ĠU L 393, tat-30.12.1989, p. 13. -------------------------------------------------- L-ANNESS I L-Anness (li jsir L-ANNESS I) għad-Direttiva 89/655/KEE huwa emendat kif ġej: 1. Il-kumment ġenerali hu miżjud b'dan il-paragrafu li ġej: "Il-ħtiġiet minimi li ġejjin, sa fejn japplikaw għal tagħmir ta' xogħol fl-użu, mhux neċessarjament jitolbu għall-istess miżuri bħall-ħtiġiet essenzjali li jikkonċernaw it-tagħir tax-xogħol ġdid."; 2. Fil-punt 2.1, l-aħħar paragrafu hu sostitwit bit-test li ġej: "Is-Sistemi ta' kontroll għandhom ikunu żguri u jintgħażlu biex jipprovdu għal meta s-sistema tfalli, ikun fiha disturbi jew kondizzjonijiet speċjail li wieħed jista' jipprevedi fil-qafas ta' l-użu maħsub."; 3. Il-Punt 3 jinbidel bit-test li ġej: "3. Il-Ħtiġiet minimi addizzjonali applikabbli għal tipi speċifiċi ta' tagħmir ta' xogħol 3.1. Il-Ħtiġiet minimi għal tagħmir ta' xogħol mobbli, kemm awtomatiku kemm le 3.1.1. It-tagħmir ta' xogħol li jkollhom ħaddiema fuqhom għandhom jiġu magħmulin b'tali mod li jitnaqqsu ir-riskji għal ħaddiema meta jiċċaqalqu. Dawk il-perikoli għandhom jinkludu r-riskji ta' kuntatt tal-ħaddiema mar-roti jew mal-linji jew li jinqabdu minnhom. 3.1.2. It-tagħmir tax-xogħol għandu jkun mogħti tagħmir speċjali jew magħmul b'mod li ma jkunx jista' jkun hemm imblokk mhux maħsub bejn l-elementi ta' trazzjoni u l-aċċessorji u/jew l-oġġetti irmunkati miegħu. Meta dan l-imblokk ma jistax jiġi evitat, għandha tittieħed kull miżura possibbli biex jiġu evitati xi konsegwenzi ħżiena għall-ħaddiema. 3.1.3. Meta elementi ta' trasmissjoni ta' emerġija bejn tagħmir tax-xogħol mobbli jistgħu jitħassru jew tiġrilhom il-ħsara bit-tkaxkir fuq l-art, għandu jkun hemm faċilitajiet għat-tiswija. 3.1.4. It-tagħmir ta' xogħol mobbli li iġorr ħaddiema għandu jkun maħsub b'mod li inaqqas kemm jista' jkun il-kondizzjonijiet ta' użu attwali, ir-riskji li joħorġu mir-reġgħa lura jew mill-qlib ta' tagħmir tax-xogħol: - sew bi struttura ta' protezzjoni li timpedixxi lil tagħmir tax-xogħol milli jmur lura iktar minn kwart ta' dawra, jew - jew bi struttura li tiggarantixxi spazju biżżejjed madwar il-ħaddiema li jkollu fuqu jekk il-moviment ikompli iktar minn kwart ta' dawra, jew - jew b'xi dispożsittiv ieħor b'effett ekwivalenti. Dawn l-istrutturi ta' protezzjoni jistgħu jkunu parti integrali tat-tagħmir ta' xogħol. Dawn l-istrutturi ta' protezzjoni mhumiex meħtieġa meta t-tagħmir ta' xogħol ikun fiss matul l-operazzjoni jew meta ir-raġgħa lura jew il-qlib ikunu impossibbli minħabba l-mod kif ikun iddisinjat it-tagħmir. Meta jkun hemm riskju li l-ħaddiema ta' fuqu jistgħu jitgħaffġu bejn it-tagħmir tax-xogħol u l-art meta t-tagħmir imur lura jew jinqaleb għandha ssir sistema biex jinżammu milli jaqgħu. 3.1.5. Trukkijiet bil-forklifts li jkollhom ħaddiema fuqhom għandhom jiġu addattati jew mgħammra biex inaqqsu ir-riskji tat-truck tal-fork lift milli jinqaleb, e.ż.: - bl-installazzjoni ta' xi kaxxa għal min isuq, jew - bi struttura li tipprevjeni t-truck tal-fork lift milli jinqaleb, jew - bi struttura li tiżgura li, jekk it-truck tal-fork lift jinqaleb, jibqa' biżżejjed vojt bejn l-art u ċerti partijiet tat-truck tal-forklift għall-ħaddiema li jkunu fuqu, jew - bi struttura li tirrestrinġi lill-ħaddiema fuq is-sedil ta' sewqan biex tipprevenihom milli jiġu mgħaffġa minn partijiet tat-truck tal-forklift li jinqaleb. 3.1.6. It-tagħmir ta' xogħol illi jkun awtomatiku u li meta jiċċaqlaq joħloq riskji għal persuni għandu jsegwi l-kundizzjonijiet li ġejjin: (a) it-tagħmir għandu jkollu mezzi li jevitaw illi jibda jaħdem mingħajr ma jkun awtorizzat; (b) għandu jkollu mezzi xierqa biex jiġu minimizzati l-konsegwenzi ta' kolliżjoni meta hemm aktar minn tagħmir ta' xogħol wieħed li jiġi mtella' fuq il-linji fl-istess ħin; (ċ) għandhom ikollhom dispożittivi ta' fren u waqfien u sa fejn is-sigrtà teħtieġu dispożittiv ta' emerġenza li jitħaddem minn fejn huwa faċilment aċċessibbli jew b'sistemi awtomatiċi illi jiffrenaw u jwaqqfu fil-każ illi dan id-dispożittiv prinċipali jfalli; (d) meta il-vista diretta tax-xufier ma tkunx biżżejjed biex tiżgura sigurtà, għandu jiġi installat apparat awżiljarju biex itejjeb il-vista; (e) it-tagħmir ta' xogħol maħsub għal użu bil-lejl jew f'postijiet mudlama għandu jkun mgħammar b'dawl xieraq għax-xogħol li jkun irid isir u biex jiżgura biżżejjed is-sigurtà għall-ħaddiema; (f) it-tagħmir ta' xogħol li jista' jkollu perikolu ta' nar, kemm għalih u kemm għall-oġġetti li jkun jirmonka u/jew iġorr u li jista' jipperikola lill-ħaddiema għandu jkun mgħammar b'apparat approprjat tat-tifi tan-nar ħlief meta dak l-apparat ma jkunx disponibbli fil-viċin biżżejjed fil-post ta' l-użu; (g) it-tagħmir ta' xogħol imħaddem bil-kontroll mid-distanza għandu jkun jieqaf awtomatikament meta joħroġ mid-distanza ta' kontroll; (h) it-tagħmir ta' xogħol imħaddem bil-kontroll mid-distanza li jista' f'ċirkostanzi normali joħloq perikolu li jolqot jew jaħbat mal-ħaddiema għandu jkollu dispożittiv kontra dan il-perikolu, sakemm ma jkunx hemm apparat ieħor xieraq biex jikkontrolla dan il-perikolu. 3.2. Ħtiġiet minimi għal tagħmir ta' xogħol li jerfa' t-tagħbija 3.2.1. Meta t-tagħmir ta' xogħol li jerfa' tagħbija huwa installat permanentament, ir-reżistenza u l-istabilità tiegħu għandhom ikunu assigurati, billi jingħata kas, b'mod partikolari, għat-tagħbija li għandha tintrefa' u l-istress li jsir fuq il-punt ta' suspensjoni jew ta' l-igganċjar tiegħu ma' l-istrutturi. 3.2.2. Il-makkinarju li jerfa' t-tagħbija għandu jkun immarkat b'mod ċar b'indikazzjonijiet tat-tagħbija nominali tiegħu, u fejn approprjat tabella li turi il-piż nominali għal kull konfigurazzjoni tal-makkinarju. L-aċċessorji għat-tagħmir ta' tagħbija għandhom ikunu mmarkati b'mod illi jkun possibbli li tidentifika l-karatteristiċi essenzjali ta' użu sigur. It-tagħmir ta' xogħol li mhux maħsub biex jerfa' persuni imma li jista jiġi wżat hekk b' konfużjoni għandu jkun immarkat b'mod approprjat u li jidher. 3.2.3. It-tagħmir ta' xogħol installat b'mod permanenti għandu jkun installat b'tali mod li jitnaqqas ir-riskju li t-tagħbija: (a) tolqot lill-ħaddiema; (b) tiċċaqlaq jew taqa' waħedha; (ċ) tiġi mitluqa involontarjament. 3.2.4. It-tagħmir ta' xogħol ta' l-irfigħ jew ġarr ta' ħaddiema għandu jkun tali li: (a) jipprevjeni l-perikolu li taqa' l-kabina, meta teżisti waħda, minn apparat approprjat; (b) jipprevjeni lill-utent milli jaqa' mill-kabina, meta teżisti waħda; (ċ) jipprevjeni l-perikolu li l-utent jiġi mgħaffeġ, maqbud jew milqut, b'mod partikolari b'kuntatt fortuwitu minn oġġetti; (d) jiżgura li persuni maqbuda fil-kabina fil-każ ta' xi inċident ma jkunux esposti għal perikolu u jistgħu jinħelsu. Jekk, għal raġunijiet tan-natura tal-post u ta' dislivell, ir-riskji msemmija fil-punt (a) ma jistgħux jiġu evitati b' dispożittivi ta' sigurtà għandu jiġi installat cable b'koeffiċjent ta' sigurtà miżjud li jinżamm fi stat tajjeb u jiġi kkontrollat kull ġurnata ta' xogħol." -------------------------------------------------- L-ANNESS II L-ANNESS II DISPOŻIZZJONIJIET LI JIKKONĊERNAW L-UŻU TA' TAGĦMIR TAX- XOGĦOL IMSEMMI FL-ARTIKOLU 4(3) 0. Kumment preliminari. Id-dispożizzjonijiet ta' dan l-anness għandhom japplikaw fir-rigward tad-dispożizzjonijiet ta' din id-Direttiva u meta r-riskju korrispondenti jeżisti għat-tagħmir tax-xogħol inkwistjoni. 1. Dispożizzjonijiet ta' ordni ġenerali applikabbli għat-tagħmir kollu tax- xogħol 1.1. It-tagħmir tax-xogħol għandu jiġi installat, imqiegħed u utilizzat b'mod li jippermetti li jitnaqqsu ir-riskji għall-utent tat-tagħmir ta' xogħol u għall-ħaddiema l-oħra per eżempju billi jiġi żgurat li hemm biżżejjed spazju bejn l-elementi li jiċċaqilqu fit-tagħmir tax-xogħol u l-partijiet fl-ambjent ta' madwar li huma mwaħħla jew li jiċċaqilqu u billi l-enerġija u l-materjali użati jew prodotti ikunu jistgħu jinġabu u/jew jitneħħew b'mod sigur. 1.2. Il-muntaġġ u żżarmar tat-tagħmir tax-xogħol għandu jsir b'mod żgur, partikolarment billi jiġu rrispettati l-istruzzjonijiet li jista' jkun hemm tal-fabbrika. 1.3. It-tagħmir tax-xogħol li sakemm jintużaw jistgħu jintlaqtu mis-sajjetti għandhom ikunu protetti jew b'dispożittivi jew b'miżuri approprjati kontra l-effetti tas-sajjetti. 2 . Id-dispożizzjonijiet li jikkonċernaw l-użu ta' tagħmir mobbli, kemm jekk awtomatiku kemm jekk le 2.1. It-tagħmir ta' xogħol awtomatiku għandu jinsaq biss minn ħaddiema li jkunu tħarrġu b'mod adegwat biex iħaddmu sewwa dak it-tagħmir tax-xogħol. 2.2. Jekk it-tagħmir ta' xogħol jisposta ruħu f'żona ta' xogħol għandu jkun hemm regoli stabbiliti u segwiti ta' ċirkolazzjoni adegwata. 2.3. Għandhom jittieħdu miżuri ta' tqassim tax-xogħol biex jevitaw illi xi ħaddiema mexjin ma jkunux jinsabu f'dik iż-żona tax-xogħol meta ikun hemm it-tagħmir ta' xogħol awtomatiku. Meta jkun meħtieġ li l-ħaddiema fuq saqajhom ikunu preżenti biex ix-xogħol isir għandhom jittieħdu miżuri approprjati biex jiġi evitat li jkunu midruba mit-tagħmir. 2.4. It-trasport ta' ħaddiema fuq tagħmir ta' xogħol mobbli misjuq mekkanikament għandu jkun awtorizzat biss meta huma pprovduti faċilitajiet siguri għal dan. Jekk ix-xogħol għandu jsir matul il-vjaġġ, il-veloċità għandha tiġi addattata kif meħtieġ. 2.5. It-tagħmir ta' xogħol mobbli li jkollu mutur ta' kombustjoni ma jistax jiġi mħaddem fiż-żona tax-xogħol ħlief meta l-arja fi kwantità suffiċjenti tkun tista' tiġi ggarantita u ma jkunx hemm riskji għas-sigurtà u s-saħħa tal-ħaddiema. 3. Dispożizzjonijiet li jolqtu l-użu ta' tagħmir tax-xogħol li jerfa' t-tagħbija. 3.1. Kunsiderazzjonijiet ġenerali 3.1.1. It-tagħmir ta' xogħol li jiżżarma jew li hu mobbli li jservi biex jerfa' t-tagħbijiet għandu jkun imħaddem b'mod li jiggarantixxi l-istabilità tat-tagħmir tax-xogħol waqt li jkun qiegħed jiġi mħaddem taħt il-kondizzjonijiet kollha li wieħed jista' jipprevedi, meħud kont tan-natura ta' l-art. 3.1.2. Il-ħaddiema m'għandhomx jinġarru fuq tagħmir tax-xogħol u aċċessorji tiegħu li mhux maħsub għalhekk. Mingħajr preġudizzju għall-Artikolu 5 ta' Direttiva 89/391/KEE, eċċezzjonalment, it-tagħmir ta' xogħol li mhux maħsub għall-ġarr tal-ħaddiema jista' jiġi użat għal dan l-iskop basta li jittieħdu miżuri approprjati biex jassiguraw sigurtà in konformità mal-leġislazzjoni u/jew il-prattika nazzjonali li jipprevedu sorveljanza approprjata. Meta jkun hemm il-ħaddiema fuq tagħmir tax-xogħol li suppost iservi għall-irfigħ tat-tagħbija il-posta tal-kmand għandha tkun okkupata l-ħin kollu. Il-Ħaddiema li jinġarru għandhom ikunu jistgħu jiddisponu mill-mezz żgur ta' komunikazzjoni. Irid jinħaseb għall-mod kif jinħarġu f'każ ta' perikolu. 3.1.3. Sakemm dan ma jkunx meħtieġ biex ix-xogħol isir sewwa għandhom jittieħdu mezzi biex ma jkunx hemm ħaddiema preżenti taħt it-tagħbijiet imdendla. M'għandux ikun permess illi tagħbija imdendla tiġi mgħoddija minn postijiet tax-xogħol mhux protetti li fihom abitwalment ikun hemm il-ħaddiema. F'dan il-każ jekk biex ix-xogħol ma jistax isir sewwa mod ieħor għandhom ikunu definiti u applikati proċeduri approprjati. 3.1.4. L-aċċessorji ta' l-irfigħ għandhom jintgħażlu skond it-tagħbija li jerfgħu, skond il-punti ta' qbid, skond id-dispożittiv ta' l-igganċjar u l-kondizzjonijiet atmosferiċi u meħud kont tal-mod u l-konfigurazzjoni ta' l-imbragar. L-assemblaġġ ta' l-aċċessorji ta' l-irfigħ għandu jkun immarkat b'mod ċar biex jippermetti lill-utent li jkun jaf il-karatteristiċi tagħhom jekk ma jkunux żmantellati wara l-użu. 3.1.5. L-aċċessorji ta' l-irfigħ għandhom jiġu maħżuna b'mod li jiżgura li ma ssirilhomx ħsara u ma jiġux degradati fl-effiċjenza. 3.2. It-tagħmir ta' xogħol li jerfa' tagħbijiet mhux iggwidati 3.2.1. Jekk żewġ biċċiet ta' tagħmir tax-xogħol jew iktar li jservu għall-irfigħ ta' tagħbijiet mhux iggwidati jkunu installati jew imwaqqfa fuq post tax-xogħol b'mod tali illi il-kamp tax-xogħol tagħhom jgħaddi fuq ta' xulxin għandhom jittieħdu miżuri approprjati biex jiġu evitati kolliżjonijiet bejn it-tagħbijiet u/jew elementi tat-tagħmir tax-xogħol stess. 3.2.2. Waqt li jkun qed juża tagħmir tax-xogħol ta' rfigħ ta' tagħbija mhux iggwidata għndhom jittieħdu miżuri biex jiġi evitat li jitbandlu illi jinqalbu jew jekk ikun il-każ jinqalgħu minn posthom u jiżolqu. Għandu jkun hemm kontroll li dawn il-miżuri ttieħdu. 3.2.3. Jekk min ikun Iħaddem it-tagħmir tax-xogħol ta' rfigħ ta' tagħbijiet mhux iggwidati ma jkunx jista' josserva it-traġitt intier tat-tagħbija la direttament u lanqas permezz ta' disposittivi awżiljari li jtuh informazzjonijiet siewja għandu jkun hemm komunikazzjoni ma' l-operatur biex tiggiwdah u għandu jiġi organizzat mod kif jiġu evitati il-kolliżjonijiet ta' tagħbija li tista' tkun ta' perikolu għall-ħaddiema. 3.2.4. Ix-xogħlijiet għandhom ikunu organizzati b'mod li meta l-ħaddiema jkunu qegħdin jigganċjaw jew jisganċjaw xi tagħbija bl-idejn dawn l-operazzjoni jkunu jistgħu isiru b'mod żgur u l-ħaddiema jkunu jistgħu jidderieġu direttament jew indirettament l-operazzjoni. 3.2.5. L-operazzjonijiet kollha ta' l-irfigħ għandhom jiġu pprogrammati, issorveljati b'manjiera approprjata u effettwati b'mod li tiġi mħarsa s-sigurtà tal-ħaddiema. In partikolari jekk tagħbija tkun trid tintrefa' simultanjament minn żewġ tagħmir tax-xogħol jew iktar li jservu għall-irfigħ ta' tagħbijiet mhux iggwidati għandha tkun stabbilita u applikata proċedura biex tassigura l-koordinazzjoni tajba bejn l-operaturi. 3.2.6. Jekk xi tagħmir tax-xogħol li jservi għall-irfigħ ta' tagħbija mhux iggwdiata ma jkunx jista' jżomm it-tagħbija fil-każ li tmur għal kollox jew inparti l-enerġija, għandhom jittieħdu miżuri approprjati biex jiġi evitat li l-ħaddiema jiġu esposti għal perikoli korrispondenti. It-tagħbija mdendla m'għandhiex tibqa' mingħajr sorveljanza ħlief jekk l-aċċess għaż-żona ta' perikolu jkun impedut u jekk it-tagħbija tkun igganċjata b'mod żgur u miżmuma wkoll b'mod żgur. 3.2.7. L-użu ta' tagħmir tax-xogħol ta' l-irfigħ tat-tagħbija mhux iggwidata fl-arja aperta għandu jieqaf meta l-kondizzjonijiet metereoloġiċi jeħżienu sal-punt illi jnaqqsu s-sigurtà tal-funzjonament u jesponu l-ħaddiema għal xi riskji. Miżuri adegwati ta' protezzjoni maħsuba partikolarment biex jimpedixxu li t-tagħmir tax-xogħol jinqaleb għandhom jittieħdu biex jevitaw perikolu għall-ħaddiema. --------------------------------------------------