1.   Dan ir-Regolament jistabbilixxi r-rekwiżiti għad-disinn u għall-manifattura ta' sistemi tal-ajru mingħajr bdot abbord (UAS) maħsuba biex jitħaddmu skont ir-regoli u l-kundizzjonijiet definiti fir-Regolament ta' Implimentazzjoni (UE) 2019/947 u tal-aċċessorji supplimentari ta' identifikazzjoni mill-bogħod. Jiddefinixxi wkoll it-tip ta' UAS li d-disinn, il-produzzjoni u l-manutenzjoni tagħhom għandhom ikunu soġġetti għal ċertifikazzjoni.

2.   Jistabbilixxi wkoll ir-regoli dwar it-tqegħid fis-suq tal-UAS maħsuba għat-tħaddim fil-kategorija “miftuħa” u tal-aċċessorji supplementari ta' identifikazzjoni mill-bogħod, kif ukoll il-moviment liberu tagħhom fl-Unjoni.

3.   Dan ir-Regolament jistabbilixxi wkoll regoli għall-operaturi tal-UAS ta' pajjiżi terzi, meta dawn iwettqu operazzjoni tal-UAS skont ir-Regolament ta' Implimentazzjoni (UE) 2019/947 fl-ispazju tal-ajru uniku Ewropew.

1.   Il-Kapitolu II ta' dan ir-Regolament japplika għall-prodotti li ġejjin:

2.   Il-Kapitolu III ta' dan ir-Regolament japplika għal UAS li jitħaddmu skont ir-regoli u l-kundizzjonijiet applikabbli għall-kategoriji “ċertifikati” u “speċifiċi” tal-operazzjonijiet ta' UAS skont ir-Regolament ta' Implimentazzjoni (UE) 2019/947.

3.   Il-Kapitolu IV ta' dan ir-Regolament japplika wkoll għal operaturi tal-UAS li għandhom is-sede prinċipali tagħhom, li huma stabbiliti, jew li jkollhom ir-residenza taħghom f'pajjiż terz, jekk l-UAS jitħaddmu fl-Unjoni.

4.   Dan ir-Regolament ma japplikax għal UAS maħsuba biex jitħaddmu biss fuq ġewwa.

1.   Il-prodotti msemmija fil-paragrafu 1 tal-Artikolu 2 għandhom jissodisfaw ir-rekwiżiti stabbiliti fil-Partijiet 1 sa 6 tal-Anness.

2.   UAS li mhumiex ġugarelli skont it-tifsira tad-Direttiva 2009/48/KE għandhom jikkonformaw biss mar-rekwiżiti rilevanti dwar is-saħħa u s-sikurezza stabbiliti fid-Direttiva 2006/42/KE fir-rigward ta' riskji għajr dawk marbuta mas-sikurezza tat-titjir tal-UA.

3.   Kwalunkwe aġġornamenti tas-software tal-prodotti li diġà tqiegħdu fis-suq jista' jsir biss jekk tali aġġornamenti ma jaffetwawx il-konformità tal-prodott.

1.   Il-prodotti għandhom jitqiegħdu fis-suq biss jekk jissodisfaw ir-rekwiżiti ta' dan il-Kapitolu u ma jipperikolawx is-saħħa jew is-sikurezza tal-persuni, tal-annimali jew tal-proprjetà.

2.   L-Istati Membri ma għandhomx jipprojbixxu, jirrestrinġu jew jimpedixxu, għall-aspetti koperti minn dan il-Kapitolu, it-tqegħid fis-suq ta' prodotti li jikkonformaw ma' dan il-Kapitolu.

1.   Meta jqiegħdu l-prodott tagħhom fis-suq tal-Unjoni, il-manifatturi għandhom jiżguraw li dan ikun ġie ddisinjat u mmanifatturat skont ir-rekwiżiti stabbiliti fil-Partijiet 1 sa 6 tal-Anness.

2.   Il-manifatturi għandhom ifasslu d-dokumentazzjoni teknika previsti fl-Artikolu 17 u jwettqu l-proċedura ta' valutazzjoni tal-konformità relevanti msemmija fl-Artikolu 13 jew jesternalizzawha.

Fejn tkun intweriet il-konformità tal-prodott mar-rekwiżiti stabbiliti fil-Partijiet 1 sa 6 tal-Anness permezz ta' dik il-proċedura ta' valutazzjoni tal-konformità, il-manifatturi għandhom ifasslu dikjarazzjoni ta' konformità tal-UE u jwaħħlu l-markatura CE.

3.   Il-manifatturi għandhom iżommu d-dokumentazzjoni teknika u d-dikjarazzjoni ta' konformità tal-UE għal 10 snin wara li l-prodott ikun tqiegħed fis-suq.

4.   Il-manifatturi għandhom jiżguraw li jkollhom fis-seħħ proċeduri biex il-produzzjoni ta' serje tibqa' konformi ma' dan il-Kapitolu. Għandhom jitqiesu adegwatament dawk it-tibdiliet fid-disinn, fil-karatteristiċi jew fis-softwer, u t-tibdiliet fl-istandards armonizzati jew fl-ispeċifikazzjonijiet tekniċi li b'referenza għalihom tiġi ddikjarata l-konformità ta' prodott.

Meta jitqies li jkun meħtieġ fir-rigward tar-riskji ppreżentati minn prodott, il-manifatturi għandhom, għall-finijiet tal-protezzjoni tas-saħħa u tas-sikurezza tal-konsumaturi, jagħmlu testijiet fuq kampjuni ta' prodotti kummerċjalizzati, jinvestigaw, u jekk ikun meħtieġ, iżommu reġistru ta' lmenti, ta' prodotti mhux konformi u ta' sejħiet lura ta' prodotti, u għandhom iżommu lil distributuri informati dwar kwalunkwe monitoraġġ ta' dan it-tip.

5.   Il-manifatturi tal-UAS għandhom jiżguraw li l-UA ikollhom fuqhom it-tip skont id-Deċiżjoni 768/2008/KE kif ukoll numru tas-serje uniku li jippermetti l-identifikazzjoni tagħhom, u fejn applikabbli, jkunu konformi mar-rekwiżiti definit fil-Partijiet 2 sa 4 korrispondenti tal-Anness. Il-manifatturi ta' aċċessorju supplimentari għall-identifikazzjoni mill-bogħod għandhom jiżguraw li l-aċċessorji supplimentari għall-identifikazzjoni mill-bogħod ikollhom fuqhom it-tip kif ukoll in-numru tas-serje uniku li jippermetti l-identifikazzjoni tagħhom u li jkun konformi mar-rekwiżiti definiti fil-Parti 6 tal-Anness. Fiż-żewġ każijiet, il-manifatturi għandhom jiżguraw n-numru tas-serje uniku jitwaħħal ukoll fuq id-dikjarazzjoni tal-konformità tal-UE jew fuq id-dikjarazzjoni simplifikata ta' konformità tal-UE msemmija fl-Artikolu 14.

6.   Il-manifatturi għandhom jindikaw, fuq il-prodott, isimhom, l-isem kummerċjali rreġistrat jew it-trademark irreġistrata tagħhom, l-indirizz tas-sit web u l-indirizz postali fejn ikunu jistgħu jiġu kkuntattjati jew, jekk dan ma jkunx possibbli, fuq l-imballaġġ tiegħu jew f'dokument li jakkumpanjah. L-indirizz għandu jindika punt waħdieni fejn jista' jiġi kkuntattjat il-manifattur. Id-dettalji ta' kuntatt għandhom ikunu indikati b'lingwa li tinftiehem faċilment mill-utenti aħħarin u mill-awtoritajiet ta' sorveljanza tas-suq.

7.   Il-manifatturi għandhom jiżguraw li l-prodott ikun akkumpanjat minn manwal u minn avviż ta' informazzjoni meħtieġa mill-Partijiet 1 sa 6 tal-Anness f'lingwaġġ li jista' jinftiehem faċilment mill-konsumaturi u utenti finali oħrajn, kif iddeterminat mill-Istat Membru kkonċernat. Dawn il-manwal u l-avviż ta' informazzjoni, kif ukoll kull tip ta' ttikkettar għandhom ikunu ċari, jistgħu jinftiehmu u leġibbli.

8.   Il-manifatturi għandhom jiżguraw li kull prodott ikun akkumpanjat minn dikjarazzjoni ta' konformità tal-UE jew b'dikjarazzjoni ta' konformità tal-UE ssimplifikata. Meta tingħata dikjarazzjoni ta' konformità tal-UE ssimplifikata, din għandu jkollha l-indirizz tal-Internet preċiż minn fejn ikun jista' jinkiseb it-test sħiħ tad-dikjarazzjoni ta' konformità tal-UE.

9.   Il-manifatturi li jqisu jew li jkollhom raġuni biex jemmnu li prodotti li jkunu introduċew fis-suq mhumiex konformi ma' dan il-Kapitolu għandhom minnufih jieħdu l-miżuri korrettivi meħtieġa biex dak il-prodott isir konformi, jirtirawh jew jiġbruh lura, jekk dan ikun xieraq. Fejn il-prodott jippreżenta riskju, il-manifatturi għandhom jinformaw minnufih lill-awtoritajiet nazzjonali ta' sorveljanza tal-Istati Membri fejn huma jkunu qiegħdu l-prodott fis-suq għal dan il-għan, billi jagħtu d-dettalji, b'mod partikolari, dwar in-nuqqas tal-konformità, dwar kull miżura korrettiva meħuda u dwar ir-riżultati ta' din.

10.   Il-manifatturi għandhom, fuq talba motivata minn awtorità nazzjonali kompetenti, jipprovdulha l-informazzjoni u d-dokumentazzjoni kollha meħtieġa, fuq karta jew f'format elettroniku, biex juru l-konformità tal-prodott ma' dan il-Kapitolu b'lingwa li tkun tista' tinftiehem faċilment minn dik l-awtorità. Huma għandhom jikkooperaw ma' dik l-awtorità, fuq talba tagħha, fir-rigward ta' kull azzjoni meħuda biex jiġu eliminati r-riskji ppreżentati mill-prodott li huma jkunu introduċew fis-suq.

1.   Manifattur jista', permezz ta' mandat bil-miktub, jaħtar rappreżentant awtorizzat.

L-obbligi stabbiliti fil-paragrafu 1 tal-Artikolu 6 u l-obbligu li titħejja d-dokumentazzjoni teknika msemmija fil-paragrafu 2 tal-Artikolu 6 ma għandhomx ikunu parti mill-mandat tar-rappreżentant awtorizzat.

2.   Rappreżentant awtorizzat għandu jwettaq il-kompiti speċifikati fil-mandat li jkun irċieva mingħand il-manifattur. Il-mandat għandu jippermetti lir-rappreżentant awtorizzat għall-inqas li jagħmel dan li ġej:

1.   L-importaturi għandhom iqiegħdu fis-suq tal-Unjoni dawk il-prodotti biss li jkunu konformi mar-rekwiżiti stabbiliti f'dan il-Kapitolu.

2.   Qabel ma jqiegħdu prodott fis-suq tal-Unjoni, l-importaturi għandhom jiżguraw li:

Meta importatur iqis jew ikollu raġunijiet biex jemmen li prodott ma jkunx konformi mar-rekwiżiti stabbiliti fil-Partijiet 1 sa 6 tal-Anness, dan ma għandux iqiegħed il-prodott fis-suq sakemm dan ma jkunx sar konformi. Barra minn hekk, meta l-prodott ikun jippreżenta riskju għas-saħħa u għas-sikurezza tal-konsumaturi u tal-partijiet terzi, l-importatur għandu jinforma lill-manifattur u lill-awtoritajiet nazzjonali kompetenti dwar dan.

3.   L-importaturi għandhom jindikaw fuq il-prodott, isimhom, l-isem kummerċjali rreġistrat jew it-trademark irreġistrata tagħhom, is-sit web u l-indirizz postali fejn ikunu jistgħu jiġu kkuntattjati jew, jekk dan ma jkunx possibbli, fuq l-imballaġġ tiegħu jew f'dokument li jakkumpanja l-prodott. Id-dettalji ta' kuntatt għandhom ikunu b'lingwa li tinftiehem faċilment mill-utenti aħħarin u mill-awtoritajiet ta' sorveljanza tas-suq.

4.   L-importaturi għandhom jiżguraw li l-prodott ikun akkumpanjat minn manwal u minn avviż ta' informazzjoni meħtieġa mill-Partijiet 1 sa 6 tal-Anness f'lingwaġġ li jista' jinftiehem faċilment mill-konsumaturi u utenti finali oħrajn, kif iddeterminat mill-Istat Membru kkonċernat. Dak il-manwal u l-avviż ta' informazzjoni, kif ukoll kull tip ta' ttikkettar għandhom ikunu ċari, jistgħu jinftiehmu u leġibbli.

5.   L-importaturi għandhom jiżguraw li, filwaqt li l-prodott ikun taħt ir-responsabbiltà tagħhom, il-kundizzjonijiet ta' ħżin jew ta' trasport tiegħu ma jippreġudikawx il-konformità tiegħu mar-rekwiżiti stabbiliti fl-Artikolu 4.

6.   Meta jitqies li jkun xieraq fir-rigward tar-riskji preżentati minn prodott, l-importaturi għandhom, għall-finijiet tal-protezzjoni tas-saħħa u tas-sikurezza tal-utenti aħħarija u tal-partijiet terzi, jagħmlu testijiet fuq kampjuni ta' prodotti li jkunu tqiegħdu fis-suq, jinvestigaw, u, jekk ikun meħtieġ, iżommu reġistru ta' lmenti, ta' prodotti mhux konformi u sejħiet lura tal-prodotti mis-suq, u għandhom iżommu lid-distributuri informati dwar kwalunkwe monitoraġġ ta' dan it-tip.

7.   Importaturi li jqisu jew li jkollhom raġuni biex jaħsbu li prodott li huma jkunu qiegħdu fis-suq ma jkunx konformi mal-leġiżlazzjoni applikabbli tal-Unjoni dwar l-armonizzazzjoni, għandhom immedjatament jieħdu l-miżuri korrettivi meħtieġa biex il-prodott isir konformi, biex jirtirawh mis-suq jew isejħulu lura, skont il-każ. Barra minn hekk, fejn il-prodott jippreżenta riskju, l-importaturi għandhom jinformaw minnufih lill-awtoritajiet ta' sorveljanza tas-suq tal-Istati Membri fejn ikunu qiegħdu l-prodott fis-suq għal dan il-għan, billi jagħtu d-dettalji, b'mod partikolari, dwar in-nuqqas tal-konformità u dwar kull miżura korrettiva meħuda.

8.   L-importaturi għandhom, għal 10 snin wara li l-prodott ikun tqiegħed fis-suq, iżommu kopja tad-dikjarazzjoni tal-konformità tal-UE għad-dispożizzjoni tal-awtoritajiet tas-sorveljanza tas-suq u jiżguraw li d-dokumentazzjoni teknika tkun disponibbli għal dawk l-awtoritajiet, fuq talba.

9.   L-importaturi għandhom, wara talba motivata mill-awtorità nazzjonali kompetenti, jipprovduha bl-informazzjoni u d-dokumentazzjoni kollha neċessarja fuq karta jew f'forma elettronika biex juru l-konformità tal-prodott, b'lingwa li tkun tista' tinftiehem faċilment minn dik l-awtorità kompetenti nazzjonali. Huma għandhom jikkooperaw ma' dik l-awtorità, fuq talba tagħha, fir-rigward ta' kull azzjoni meħuda biex jiġu eliminati r-riskji ppreżentati mill-prodott li huma jkunu introduċew fis-suq.

1.   Meta jqiegħdu prodott fis-suq tal-Unjoni, id-distributuri għandhom jaġixxu bl-attenzjoni dovuta b'rabta mar-rekwiżiti stabbiliti f'dan il-Kapitolu.

2.   Qabel ma jqiegħdu prodott fis-suq, id-distributuri għandhom jivverifikaw li l-prodott ikollu fuq il-markatura CE u, meta applikabbli, it-tikketta ta' identifikazzjoni tal-klassi tal-UA u l-indikazzjoni tal-livell ta' potenza akustika, ikun akkumpanjat mid-dokumenti msemmija fil-paragrafi 7 u 8 tal-Artikolu 6, u li l-manifattur u l-importatur ikkonformaw mar-rekwiżiti stabbiliti fil-paragrafi 5 u 6 tal-Artikolu 6 u fil-paragrafu 3 tal-Artikolu 8).

Id-distributuri għandhom jiżguraw li l-prodott ikun akkumpanjat minn manwal u minn avviż ta' informazzjoni meħtieġa mill-Partijiet 1 sa 6 tal-Anness f'lingwa li tista' tinftiehem faċilment mill-konsumaturi u utenti finali oħrajn, kif iddeterminat mill-Istat Membru kkonċernat. Dak il-manwal u l-avviż ta' informazzjoni, kif ukoll kull tip ta' ttikkettar għandhom ikunu ċari, jistgħu jinftiehmu u leġibbli.

Meta distributur iqis jew ikollu raġuni biex jemmen li prodott ma jkunx konformi mar-rekwiżiti stabbiliti fl-Artikolu 4, dan ma għandux iqiegħed il-prodott fis-suq sakemm dan ikun sar konformi. Barra minn hekk, fejn il-prodott jippreżenta riskju, id-distributur għandu jinforma lill-manifattur jew lill-importatur kif ukoll lill-awtoritajiet tas-sorveljanza tas-suq kompetenti dwar dan.

3.   Id-distributuri għandhom jiżguraw li, filwaqt li prodott ikun taħt ir-responsabbiltà tagħhom, il-kundizzjonijiet ta' ħżin jew trasport tiegħu ma jippreġudikawx il-konformità tiegħu mar-rekwiżiti stabbiliti fl-Artikolu 4.

4.   Distributuri li jqisu jew li jkollhom raġunijiet biex jaħsbu li prodott li huma jkunu qiegħdu fis-suq ma jkunx konformi mal-leġiżlazzjoni applikabbli tal-Unjoni dwar l-armonizzazzjoni, għandhom jiżguraw li jittieħdu l-miżuri korrettivi meħtieġa biex il-prodott isir konformi, biex jirtirawh mis-suq jew isejħulu lura, skont il-każ. Barra minn hekk, fejn il-prodott jippreżenta riskju, id-distributuri għandhom jinformaw minnufih lill-awtoritajiet ta' sorveljanza tas-suq tal-Istati Membri fejn ikunu qiegħdu l-prodott fis-suq għal dan il-għan, billi jagħtu d-dettalji, b'mod partikolari, dwar in-nuqqas tal-konformità u dwar kull miżura korrettiva meħuda.

5.   Id-distributuri għandhom, fuq talba motivata mill-awtorità nazzjonali kompetenti, jipprovdulha l-informazzjoni u d-dokumentazzjoni kollha, fuq karta jew f'forma elettronika, biex juru l-konformità tal-prodott. Huma għandhom jikkooperaw ma' dik l-awtorità, fuq talba tagħha, fir-rigward ta' kull azzjoni meħuda biex jiġu eliminati r-riskji ppreżentati mill-prodott li jkunu qiegħdu fis-suq.

1.   L-operaturi ekonomiċi għandhom, fuq talba, jidentifikaw dan li ġej lill-awtoritajiet ta' sorveljanza tas-suq:

2.   L-operaturi ekonomiċi għandhom ikunu kapaċi jippreżentaw l-informazzjoni msemmija fil-paragrafu 1:

1.   Il-manifattur għandu jwettaq valutazzjoni tal-konformità tal-prodott billi juża waħda mill-proċeduri li ġejjin bl-għan li jistabbilixxi l-konformità ta' dan mar-rekwiżiti stabbiliti fil-Partijiet 1 sa 6 tal-Anness. Il-valutazzjoni tal-konformità għandha tqis il-kundizzjonijiet operazzjonali maħsuba u prevedibbli kollha.

2.   Il-proċeduri disponibbli għat-twettiq tal-valutazzjoni tal-konformità għandhom ikunu dawn li ġejjin:

1.   Id-dikjarazzjoni ta' konformità tal-UE msemmija fil-paragrafu 8 tal-Artikolu 6 għandha tiddikjara li l-konformità tal-prodott mar-rekwiżiti stabbiliti fil-Partijiet 1 sa 6 tal-Anness intweriet u, għall-UAS, tidentifika l-klassi tagħha.

2.   Id-dikjarazzjoni ta' konformità tal-UE għandu jkollha l-istruttura stabbilita fil-Parti 11 tal-Anness, għandha tinkludi l-elementi speċifikati f'dik il-Parti u għandha tiġi aġġornata kontinwament. Għandha wkoll tiġi tradotta fil-lingwa jew lingwi meħtieġa mill-Istat Membru fejn jiġi introdott jew fejn jitqiegħed fis-suq il-prodott.

3.   Id-dikjarazzjoni ta' konformità ssimplifikata tal-UE msemmija fil-paragrafu 8 tal-Artikolu 6 għandu jkun fiha l-elementi stipulati fil-Parti 12 tal-Anness u għandha tiġi aġġornata kontinwament. Għandha wkoll tiġi tradotta fil-lingwa jew il-lingwi meħtieġa mill-Istat Membru fejn il-prodott jiġi introdott fis-suq jew jitqiegħed fis-suq. It-test sħiħ tad-dikjarazzjoni ta' konformità tal-UE għandu jkun disponibbli fuq l-indirizz tal-Internet imsemmi fid-dikjarazzjoni ta' konformità ssimplifikata tal-UE f'lingwa jew fil-lingwi meħtieġa mill-Istat Membru fejn il-prodott jiġi introdott jew jitqiegħed fis-suq.

4.   Meta prodott ikun soġġett għal aktar minn att wieħed tal-Unjoni li jeżiġi dikjarazzjoni ta' konformità tal-UE, għandha titfassal dikjarazzjoni ta' konformità tal-UE waħda fir-rigward ta' dawn l-atti kollha tal-Unjoni. Dik id-dikjarazzjoni għandu jkollha l-identifikazzjoni tal-atti tal-Unjoni kkonċernati, inklużi r-referenzi tal-pubblikazzjoni tagħhom.

5.   Meta jfassal id-dikjarazzjoni ta' konformità tal-UE, il-manifattur għandu jassumi responsabbiltà għall-konformità tal-prodott mar-rekwiżiti stabbiliti f'dan il-Kapitolu.

1.   Il-markatura CE għandha titwaħħal b'mod viżibbli, leġibbli u li ma jitħassarx mal-prodott jew mal-pjanċa tad-data mwaħħla miegħu. Fejn dan ma jkunx possibbli jew ma jkunx ġustifikat minħabba d-daqs tal-prodott, din għandha titwaħħal fuq l-imballaġġ.

2.   It-tikketta għall-identifikazzjoni tal-klassi tal-UA għandha titwaħħal b'mod viżibbli, leġibbli u li ma jitħassarx mal-UA u mal-imballaġġ tagħha u tal-anqas għandha tkun għolja 5 mm. It-twaħħil ta' markaturi, sinjali jew iskrizzjoniet ma' prodott, li x'aktarx ifixklu lil partijiet terzi fir-rigward tat-tifsira jew il-forma tat-tikketta tal-identifikazzjoni tal-klassi għandu jkun ipprojbit.

3.   L-indikazzjoni tal-livell ta' potenza akustika skont il-Parti 14 ta' dan l-Anness għandha tkun imwaħħla, meta applikabbli, b'mod viżibbli, leġibbli u li ma jitħassarx fuq il-UA, sakemm dan ma jkunx possibbli jew mhux ġustifikat minħabba d-daqs tal-prodott, u fuq l-imballaġġ.

4.   Il-markatura CE u, fejn applikabbli, l-indikazzjoni tal-livell ta' potenza akustika u t-tikketta għall-identifikazzjoni tal-klassi tal-UA għandhom jitwaħħlu qabel ma l-prodott jitqiegħed fis-suq.

5.   Il-markatura CE għandu jkollu warajh in-numru tal-identifikazzjoni tal-korp innotifikat meta tiġi applikata l-proċedura ta' valutazzjoni tal-konformità stipulata fil-Parti 9 tal-Anness.

In-numru ta' identifikazzjoni tal-korp innotifikat għandu jitwaħħal mill-korp innotifikat innifsu jew fuq istruzzjonijiet tiegħu, mill-manifattur jew mir-rappreżentant awtorizzat tiegħu.

6.   L-Istati Membri għandhom jibnu fuq il-mekkaniżmi eżistenti biex jiżguraw l-applikazzjoni korretta tar-reġim li jirregola l-markatura CE u għandhom jieħdu l-azzjoni xierqa fil-każ ta' użu mhux korrett ta' dik il-markatura.

1.   Id-dokumentazzjoni teknika għandha tinkludi d-data u d-dettalji rilevanti kollha tal-mezzi li juża l-manifattur biex jiżgura li l-prodott jikkonforma mar-rekwiżiti stabbiliti fil-Partijiet 1 sa 6 tal-Anness. Tal-anqas għandu jkun fiha l-elementi stabbiliti fil-Parti 10 tal-Anness.

2.   Id-dokumentazzjoni teknika għandha titfassal qabel ma l-prodott jitqiegħed fis-suq u għandha tiġi aġġornata kontinwament.

3.   Id-dokumentazzjoni teknika u l-korrispondenza marbuta mal-proċedura tal-eżami tat-tip tal-UE jew mal-valutazzjoni tas-sistema tal-kwalità tal-manifattur għandhom jitfasslu f'lingwa uffiċjali tal-Istat Membru fejn il-korp innotifikat ikun stabbilit jew f'lingwa aċċettabbli għall-korp.

4.   Meta d-dokumentazzjoni teknika ma tikkonformax mal-paragrafi 1, 2 jew 3 ta' dan l-Artikolu, l-awtorità ta' sorveljanza tas-suq tista' titlob lill-manifattur jew lill-importatur biex jara li jitwettaq test minn korp meqjus aċċettabbli mill-awtorità ta' sorveljanza tas-suq bl-ispejjeż imġarrba mill-manifattur jew l-importatur f'perjodu speċifikat biex tiġi verifikata l-konformità tal-prodott mar-rekwiżiti stabbiliti fil-Partijiet 1 sa 6 tal-Anness li japplikaw għalih.

1.   Stati Membri għandhom jinnominaw awtorità ta' notifika li tkun responsabbli biex tistabbilixxi u tesegwixxi l-proċeduri meħtieġa għall-valutazzjoni u n-notifika ta' korpi tal-valutazzjoni tal-konformità u għall-monitoraġġ ta' korpi nnotifikati, inklużi l-konformità tad-dispożizzjonijiet tal-Artikolu 24.

2.   L-Istati Membri jistgħu jiddeċiedu li l-valutazzjoni u l-monitoraġġ imsemmija fil-paragrafu 1 għandhom isiru minn korp nazzjonali ta' akkreditament skont it-tifsira tar-Regolament (KE) Nru 765/2008.

3.   Fejn l-awtorità ta' notifika tiddelega jew inkella tafda l-valutazzjoni, in-notifika jew il-monitoraġġ imsemmija fil-paragrafu 1 lil korp li ma jkunx entità governattiva, dak il-korp għandu jkun entità legali u għandu jikkonforma mutatis mutandis mar-rekwiżiti stabbiliti fl-Artikolu 20. Barra minn hekk, għandu jkollu arranġamenti biex ikopri obbligazzjonijiet li jirriżultaw mill-attivitajiet tiegħu.

4.   L-awtorità ta' notifika għandha tieħu responsabbiltà sħiħa għall-kompiti mwettqa mill-korp imsemmi fil-paragrafu 3.

1.   Awtorità ta' notifika:

1.   L-Istati Membri għandhom jinformaw lill-Kummissjoni dwar il-proċeduri tagħhom għall-valutazzjoni u n-notifika ta' korpi ta' valutazzjoni tal-konformità u dwar il-monitoraġġ tal-korpi ta' notifika, u dwar kwalunkwe bidla fihom.

2.   Il-Kummissjoni għandha tagħmel dik l-informazzjoni disponibbli pubblikament.

1.   Għall-finijiet tan-notifika, korp ta' valutazzjoni tal-konformità għandu jissodisfa r-rekwiżiti stabbiliti fil-paragrafi minn 2 sa 11.

2.   Il-korp ta' valutazzjoni tal-konformità għandu jkun stabbilit skont il-liġi nazzjonali ta' Stat Membru u għandu jkollu personalità ġuridika.

3.   Il-korp ta' valutazzjoni tal-konformità għandu jkun korp ta' parti terza indipendenti mill-organizzazzjoni li jivvaluta.

Korp li jkun jappartjeni lil xi assoċjazzjoni kummerċjali jew federazzjoni professjonali li tkun tirrappreżenta intrapriżi involuti fid-disinn, il-manifattura, il-provvista, il-muntaġġ, l-użu jew il-manutenzjoni tal-prodott li huwa jivvaluta, jista', bil-kundizzjoni li l-indipendenza tiegħu u n-nuqqas ta' kull konflitt ta' interess jintwerew, jitqies bħala tali korp ta' valutazzjoni tal-konformità.

4.   Korp ta' valutazzjoni tal-konformità, l-ogħla livell tal-ġestjoni tiegħu u l-persunal responsabbli mit-twettiq tal-kompiti ta' valutazzjoni tal-konformità ma għandhomx ikunu d-disinjatur, il-manifattur, il-fornitur, l-installatur, ix-xerrej, is-sid, l-utent jew dak responsabbli mill-manutenzjoni tal-prodott li huma jivvalutaw, u lanqas ir-rappreżentant ta' xi waħda minn dawk il-partijiet. Dan ma għandux jipprekludi l-użu tal-prodott ivvalutat li hu neċessarju għall-operazzjonijiet tal-korp ta' valutazzjoni tal-konformità jew l-użu ta' prodott bħal dan għal għanijiet personali.

Korp ta' valutazzjoni ta' konformità, l-ogħla livell tal-ġestjoni tiegħu u l-persunal responsabbli biex iwettaq il-kompiti ta' valutazzjoni tal-konformità ma għandhomx ikunu direttament involuti fid-disinn, il-manifattura jew il-kostruzzjoni, il-kummerċjalizzazzjoni, l-installazzjoni, l-użu jew il-manutenzjoni ta' dak il-prodott, lanqas ma għandhom jirrappreżentaw lill-partijiet li jwettqu dawk l-attivitajiet. Dawn ma għandhom ikunu involuti fl-ebda attività li tista' toħloq kunflitt mal-indipendenza tal-ġudizzju jew l-integrità tagħhom b'rabta mal-attivitajiet ta' valutazzjoni tal-konformità li għalihom huma jkunu nnotifikati. Dan għandu japplika, b'mod partikolari, għas-servizzi ta' konsulenza.

Korpi tal-evalwazzjoni tal-konformità għandhom jiżguraw li l-attivitajiet tas-sussidjarji jew is-subappaltaturi tagħhom ma jippreġudikawx il-kunfidenzjalità, l-oġġettività jew l-imparzjalità tal-attivitajiet tal-evalwazzjoni tal-konformità tagħhom.

5.   Korpi tal-valutazzjoni tal-konformità u l-persunal tagħhom għandhom iwettqu l-attivitajiet tal-valutazzjoni tal-konformità bl-ogħla livell ta' integrità professjonali u l-kompetenza teknika meħtieġa fil-qasam speċifiku u għandhom ikunu ħielsa minn kull pressjoni u tentazzjoni, partikolarment finanzjarji, li jistgħu jinfluwenzaw il-ġudizzju tagħhom jew ir-riżultati tal-attivitajiet tal-valutazzjoni tal-konformità tagħhom, speċjalment fir-rigward ta' persuni jew gruppi ta' persuni b'interess fir-riżultati ta' dawk l-attivitajiet.

6.   Il-korp tal-valutazzjoni tal-konformità għandu jkun kapaċi jwettaq il-kompiti kollha tal-valutazzjoni tal-konformità assenjati lilu permezz tal-Parti 8 jew 9 tal-Anness fir-rigward tagħhom ikun ġie nnotifikat, kemm jekk dawk il-kompiti jsiru mill-korp stess tal-valutazzjoni tal-konformità kif ukoll jekk f'ismu u taħt ir-responsabbiltà tiegħu.

F'kull żmien u għal kull proċedura tal-evalwazzjoni tal-konformità u għal kull tip jew kategorija ta' prodott li dwarhom ikun innotifikat, korp tal-evalwazzjoni tal-konformità għandu jkollu għad-dispożizzjoni tiegħu in-neċessitajiet li ġejjin:

Korp tal-evalwazzjoni tal-konformità għandu jkollu l-mezzi neċessarji biex jagħmel ix-xogħlijiet tekniċi u amministrattivi konnessi mal-attivitajiet tal-evalwazzjoni tal-konformità b'mod xieraq u għandu jkollu aċċess għat-tagħmir u l-faċilitajiet meħtieġa.

7.   Il-persunal responsabbli biex iwettaq il-kompiti ta' valutazzjoni tal-konformità għandu jkollu dawn li ġejjin:

8.   Għandha tkun iggarantita l-imparzjalità tal-korpi ta' valutazzjoni tal-konformità, tal-maniġment superjuri tagħhom u tal-persunal responsabbli biex iwettaq il-kompiti ta' valutazzjoni tal-konformità.

Ir-rimunerazzjoni ta' dawk fl-ogħla livell tal-ġestjoni u tal-persunal responsabbli biex iwettaq il-kompiti ta' valutazzjoni tal-konformità ta' korp tal-valutazzjoni tal-konformità ma għandhiex tiddependi fuq l-għadd ta' valutazzjonijiet li jsiru jew fuq ir-riżultati ta' dawk il-valutazzjonijiet.

9.   Il-korpi ta' valutazzjoni tal-konformità għandhom joħorġu polza ta' assigurazzjoni ta' responsabbiltà dment li l-Istat Membru ma jassumix ir-responsabbiltà skont il-liġi nazzjonali, jew dment li l-Istat Membru nnifsu ma jkunx direttament responsabbli għall-valutazzjoni tal-konformità.

10.   Il-persunal ta' korp ta' valutazzjoni tal-konformità għandu josserva s-segretezza professjonali fir-rigward tal-informazzjoni kollha miksuba meta jwettaq il-kompiti tiegħu skont il-Partijiet 8 u 9 tal-Anness jew kwalunkwe dispożizzjoni tal-liġi nazzjonali li ddaħħalhom fis-seħħ, ħlief fir-rigward tal-awtoritajiet kompetenti tal-Istat Membru li fih jitwettqu l-attivitajiet tiegħu. Id-drittijiet ta' proprjetà għandhom ikunu protetti.

11.   Il-korpi ta' valutazzjoni tal-konformità għandhom jipparteċipaw fi, jew jiżguraw li l-persunal tagħhom responsabbli mit-twettiq tal-kompiti ta' valutazzjoni tal-konformità jkun mgħarraf bl-attivitajiet ta' standardizzazzjoni rilevanti, l-attivitajiet regolatorji fil-qasam tal-UAS u tal-ippjanar tal-frekwenzi, u l-attivitajiet tal-grupp ta' koordinazzjoni tal-korp innotifikat stabbilit taħt il-leġiżlazzjoni ta' armonizzazzjoni tal-Unjoni rilevanti u għandhom japplikaw bħala gwida ġenerali d-deċiżjonijiet amministrattivi u d-dokumenti prodotti bħala riżultat tax-xogħol ta' dak il-grupp.

1.   Meta korp innotifikat jagħti b'sottokuntratt kompiti speċifiċi konnessi mal-valutazzjoni tal-konformità jew iqabbad sussidjarju, huwa għandu jiżgura li s-sottokuntrattur jew is-sussidjarju jissodisfaw ir-rekwiżiti stabbiliti fl-Artikolu 22 u għandu jinforma lill-awtorità ta' notifika dwar dan.

2.   Korpi nnotifikati għandhom jerfgħu r-responsabbiltà sħiħa tax-xogħlijiet li jkunu saru mis-subappaltaturi jew is-sussidjarji, kull meta jiġu stabbiliti.

3.   L-attivitajiet jistgħu jingħataw b'sottokuntratt jew jitwettqu minn sussidjarju biss meta jkun hemm il-qbil tal-klijent.

4.   Il-korpi nnotifikati għandhom iżommu għad-dispożizzjoni tal-awtorità ta' notifika d-dokumenti rilevanti dwar il-valutazzjoni tal-kwalifiki tas-sottokuntrattur jew tas-sussidjarju u tax-xogħol imwettaq minnhom skont il-Partijiet 8 u 9 tal-Anness.

1.   Korp tal-valutazzjoni tal-konformità għandu jissottometti applikazzjoni għal notifika lill-awtorità ta' notifika tal-Istat Membru fejn ikun stabbilit.

2.   L-applikazzjoni għal notifika għandha tiġi akkumpanjata minn deskrizzjoni tal-attivitajiet ta' valutazzjoni tal-konformità, il-modulu jew moduli ta' valutazzjoni ta' konformità, u l-prodott li għalih il-korp jiddikjara li huwa kompetenti, kif ukoll permezz ta' ċertifikat ta' akkreditament maħruġ minn korp ta' akkreditament nazzjonali li juri li l-korp tal-valutazzjoni tal-konformità jissodisfa r-rekwiżiti stipulati fl-Artikolu 22.

1.   L-awtoritajiet ta' notifika jistgħu jinnotifikaw biss lil korpi ta' valutazzjoni tal-konformità li jkunu ssodisfaw ir-rekwiżiti stabbiliti fl-Artikolu 22.

2.   Dawn għandhom jinnotifikaw il-korpi tal-evalwazzjoni tal-konformità lill-Kummissjoni u lill-Istati Membri bil-mezz elettroniku ta' notifika żviluppat u mħaddem mill-Kummissjoni.

3.   In-notifika għandha tinkludi d-dettalji kollha dwar l-attivitajiet tal-valutazzjoni tal-konformità, tal-modulu jew moduli tal-valutazzjoni tal-konformità, u tal-prodott ikkonċernat u taċ-ċertifikazzjoni rilevanti ta' akkreditament.

4.   Il-korp ikkonċernat jista' jwettaq l-attivitajiet ta' korp innotifikat biss jekk ma titqajjem l-ebda oġġezzjoni mill-Kummissjoni jew minn Stati Membri oħra fi żmien ġimagħtejn (2) mid-data ta' notifika.

5.   Korp bħal dan biss għandu jitqies bħala korp innotifikat għall-finijiet ta' dan il-Kapitolu.

6.   L-awtorità ta' notifika għandha tinnotifika lill-Kummissjoni u lill-Istati Membri l-oħra b'kull tibdil rilevanti sussegwenti fin-notifika.

1.   Il-Kummissjoni għandha tassenja numru ta' identifikazzjoni lil korp innotifikat.

2.   Għandha tassenja numru wieħed bħal dan, anki fil-każ fejn il-korp ikun innotifikat skont diversi atti tal-Unjoni.

3.   Il-Kummissjoni għandha tippubblika l-lista tal-korpi nnotifikati skont dan ir-Regolament, inklużi n-numri ta' identifikazzjoni li jkunu ġew assenjati lilhom u l-attivitajiet li dwarhom ikunu ġew innotifikati.

Il-Kummissjoni għandha tiżgura li l-lista tinżamm aġġornata.

1.   Fejn awtorità ta' notifika taċċerta ruħha jew tkun infurmata li korp innotifikat ma jkunx għadu jissodisfa r-rekwiżiti stabbiliti fl-Artikolu 22, jew li jonqos milli jaqdi l-obbligi tiegħu, l-awtorità ta' notifika għandha tillimita, tissospendi jew tirtira n-notifika, kif xieraq, skont kemm ikun gravi n-nuqqas fir-rigward tar-rekwiżiti jew tal-obbligi li jridu jiġu ssodisfati. Hija għandha tgħarraf minnufih b'dan lill-Kummissjoni u lill-Istati Membri l-oħra, skont il-każ.

2.   Fil-każ ta' restrizzjoni, sospensjoni jew irtirar ta' notifika, jew fejn il-korp innotifikat ma jkunx għadu attiv, l-Istat Membru ta' notifika għandu jieħu l-passi meħtieġa biex jiżgura li l-fajls ta' dak il-korp jiġu pproċessati minn korp innotifikat ieħor jew jinżammu disponibbli għall-awtorità ta' notifika u għall-awtoritajiet tas-sorveljanza tas-suq responsabbli, fuq talba tagħhom.

1.   Il-Kummissjoni għandha tinvestiga l-każijiet kollha fejn ikollha dubju jew issir taf b'dubju dwar il-kompetenza ta' korp innotifikat jew l-issoktar tal-osservanza ta' korp innotifikat mar-rekwiżiti u r-responsabbiltajiet li għalihom huwa jkun soġġett.

2.   L-Istat Membru ta' notifika għandu jipprovdi lill-Kummissjoni, fuq talba, bl-informazzjoni kollha relatata mal-bażi għan-notifika jew iż-żamma tal-kompetenza tal-korp innotifikat ikkonċernat.

3.   Il-Kummissjoni għandha tiżgura li l-informazzjoni sensittiva kollha miksuba matul l-investigazzjonijiet tagħha tiġi ttrattata b'mod kunfidenzjali.

4.   Fejn il-Kummissjoni taċċerta ruħha li korp innotifikat ma jissodisfax jew ma jkunx għadu jissodisfa r-rekwiżiti għan-notifika, hija għandha tgħarraf b'dan lill-Istat Membru kif xieraq u titolbu jieħu l-miżuri korrettivi meħtieġa, inkluż id-denotifika, jekk ikun meħtieġ.

1.   Il-korpi nnotifikati għandhom jagħmlu l-valutazzjonijiet ta' konformità skont il-proċeduri ta' valutazzjoni tal-konformità stabbiliti fil-Partijiet 8 u 9 tal-Anness.

2.   Il-valutazzjonijiet tal-konformità għandhom jitwettqu b'mod proporzjonat, billi jiġu evitati piżijiet bla bżonn għall-operaturi ekonomiċi. Il-korpi ta' valutazzjoni tal-konformità għandhom iwettqu l-attivitajiet tagħhom billi jieħdu kont debitu tad-daqs tal-impriża, is-settur li fiha hija topera, l-istruttura tagħha, il-livell ta' kumplessità tal-prodott ikkonċernat u tan-natura massiva jew serjali tal-proċess ta' produzzjoni.

B'dan il-mod huma għandhom madankollu jirrispettaw il-grad ta' rigorożità u l-livell ta' protezzjoni rikjest biex il-UA jew il-UAS tkun konformi ma' dan il-Kapitolu.

3.   Fejn korp innotifikat isib li ma ġewx issodisfati r-rekwiżiti stabbiliti fil-Partijiet 1 sa 6 tal-Anness jew fl-istandards armonizzati korrispondenti jew speċifikazzjonijiet tekniċi oħra mill-manifattur, huwa għandu jesiġi mingħand il-manifattur li dan jieħu miżuri korrettivi xierqa u ma għandu joħroġ ebda ċertifikat tal-eżami tat-tip tal-UE jew approvazzjoni tas-sistema ta' kwalità.

4.   Fejn, waqt li jkun qiegħed isir monitoraġġ tal-konformità wara l-ħruġ ta' ċertifikat tal-eżami tat-tip tal-UE jew approvazzjoni tas-sistema ta' kwalità, korp innotifikat isib li prodott ma jkunx għadu konformi, il-korp innotifikat għandu jesiġi mingħand il-manifattur li dan jieħu miżuri korrettivi adegwati u għandu jissospendi jew jirtira ċ-ċerifikat tal-eżami tat-tip tal-UE jew l-approvazzjoni tas-sistema ta' kwalità jekk ikun meħtieġ.

5.   Fejn ma jitteħdux miżuri korrettivi jew il-miżuri korrettivi li jittieqħdu ma jkollhomx l-effett mixtieq, il-korp innotifikat għandu jillimita, jissospendi jew jirtira kull ċertifikat tal-eżami tat-tip tal-UE jew approvazzjoni tas-sistema ta' kwalità, skont il-każ.

1.   Il-korpi nnotifikati għandhom jinformaw lill-awtorità ta' notifika dwar dan li ġej:

2.   Il-korpi nnotifikati għandhom, skont ir-rekwiżiti tal-Partijiet 8 u 9 tal-Anness, jipprovdu lill-korpi l-oħra nnotifikati skont dan il-Kapitolu li jkunu qed iwettqu attivitajiet simili ta' valutazzjoni tal-konformità u li jkunu jkopru l-istess kategoriji tal-UA jew tal-UAS, l-informazzjoni rilevanti dwar kwistjonijiet li jirrigwardaw riżultati negattivi ta' valutazzjoni tal-konformità u, fuq talba, l-informazzjoni rilevanti dwar kwistjonijiet li jirrigwardaw riżultati pożittivi.

3.   Il-korpi nnotifikati għandhom jissodisfaw l-obbligi ta' informazzjoni skont il-Partijiet 8 u 9 tal-Anness.

1.   Il-Kummissjoni għandha tiżgura li jiġu implimentati u operati kif xieraq koordinazzjoni u kooperazzjoni xierqa bejn il-korpi nnotifikati skont dan il-Kapitolu fil-forma ta' grupp settorjali ta' korpi nnotifikati.

2.   Il-korpi notifikati għandhom jieħdu sehem fil-ħidma ta' dak il-grupp, b'mod dirett jew permezz ta' rappreżentanti nnominati.

1.   L-Istati Membri għandhom jorganizzaw u jwettqu s-sorveljanza skont il-paragrafu 3 tal-Artikolu 15 u l-Artikoli 16 sa 26 tar-Regolament (KE) Nru 765/2008 tal-prodotti li jitqiegħdu fis-suq tal-Unjoni.

2.   L-Istati Membri għandhom jorganizzaw u jwettqu l-kontroll skont il-paragrafu 5 tal-Artikolu 15 u l-Artikoli 27, 28 u 29 tar-Regolament (KE) Nru 765/2008 tal-prodotti li jidħlu fis-suq tal-Unjoni.

3.   L-Istati Membri għandhom jiżguraw li l-awtoritajiet tagħhom ta' sorveljanza tas-suq u ta' kontroll fuq il-fruntiera jikkooperaw mal-awtoritajiet kompetenti nominati skont l-Artikolu 17 tar-Regolament ta' Implimentazzjoni (UE) 2019/947 dwar kwistjonijiet ta' sikurezza u għandhom jistabbilixxu mekkaniżmi xierqa ta' komunikazzjoni u ta' koordinazzjoni bejniethom, billi jagħmlu l-aħjar użu tal-informazzjoni li tinsab fis-sistema ta' rapportar tal-okkorrenzi definita fir-Regolament (UE) Nru 376/2014 tal-Parlament Ewropew u tal-Kunsill (14) u s-sistemi ta' informazzjoni definiti fl-Artikoli 22 u 23 tar-Regolament (KE) Nru 765/2008.

1.   Meta l-awtoritajiet ta' sorveljanza tas-suq fi Stat Membru jkunu ħadu azzjoni skont l-Artikolu 20 tar-Regolament (KE) Nru 765/2008, jew meta jkollhom biżżejjed raġuni biex jemmnu li tagħmir ikun jippreżenta riskju għas-saħħa jew għas-sikurezza tan-nies jew ta' aspetti oħra tal-protezzjoni tal-interess pubbliku koperti minn dan il-Kapitolu, huma għandhom iwettqu evalwazzjoni fir-rigward tal-prodott ikkonċernat li tkun tkopri r-rekwiżiti applikabbli kollha stipulati f'dan il-Kapitolu. L-operaturi ekonomiċi rilevanti għandhom jikkooperaw skont kif ikun meħtieġ mal-awtoritajiet ta' sorveljanza tas-suq għal dak il-għan.

Fejn, tul l-evalwazzjoni msemmija fl-ewwel subparagrafu, l-awtoritajiet ta' sorveljanza tas-suq isibu li l-prodott ma jkunx konformi mar-rekwiżiti stabbiliti f'dan il-Kapitolu, huma għandhom mingħajr dewmien jeżiġu li l-operatur ekonomiku rilevanti jieħu l-azzjonijiet korrettivi kollha xierqa biex il-prodott isir konformi ma' dawk ir-rekwiżiti, li jirtira l-prodott mis-suq jew li jieħdu lura fi żmien raġonevoli li jkun jaqbel man-natura tar-riskju, skont kif jistabbilixxu.

L-awtoritajiet ta' sorveljanza tas-suq għandhom jinfurmaw b'dan lil korp innotifikat relevanti.

L-Artikolu 21 tar-Regolament (KE) Nru 765/2008 għandu japplika għall-miżuri msemmija fit-tieni subparagrafu ta' dan il-paragrafu.

2.   Fejn l-awtoritajiet ta' sorveljanza tas-suq iqisu li n-nuqqas ta' konformità ma jkunx limitat għat-territorju nazzjonali tagħhom, huma għandhom jinformaw lill-Kummissjoni u lill-Istati Membri l-oħra bir-riżultati tal-evalwazzjoni u bl-azzjonijiet li esiġew li jieħu l-operatur ekonomiku.

3.   L-operatur ekonomiku għandu jiżgura li jittieħdu l-miżuri korrettivi xierqa kollha fir-rigward tal-prodotti kkonċernati kollha li huwa jkun qiegħed fis-suq fl-Unjoni kollha.

4.   Fejn l-operatur ekonomiku rilevanti ma jiħux azzjoni korrettiva xierqa fil-perjodu ta' żmien imsemmi fit-tieni subparagrafu tal-paragrafu 1, l-awtoritajiet ta' sorveljanza tas-suq għandhom jieħdu l-miżuri provviżorji xierqa kollha biex jipprojbixxu jew jillimitaw li l-prodott jitqiegħed fis-suq nazzjonali tagħhom jew biex il-prodott jiġi irtirat minn dak is-suq jew biex dan jissejjaħ lura.

L-awtoritajiet ta' sorveljanza tas-suq għandhom jinfurmaw lill-Kummissjoni u lill-Istati Membri l-oħra, mingħajr dewmien, b'dawn il-miżuri.

5.   L-informazzjoni msemmija fil-paragrafu 4 għandha tinkludi d-dettalji disponibbli kollha, partikolarment id-data neċessarja għall-identifikazzjoni tal-prodott li mhux konformi, l-oriġini tal-prodott, in-natura tal-allegat nuqqas ta' konformità u r-riskju involut, in-natura u l-perjodu tal-miżuri nazzjonali li jkunu ttieħdu u l-argumenti mressqa mill-operatur ekonomiku rilevanti. B'mod partikolari, l-awtoritajiet ta' sorveljanza tas-suq għandhom jindikaw jekk in-nuqqas ta' konformità jkunx dovut għal xi waħda mir-raġunijiet li ġejjin:

6.   L-Istati Membri, barra mill-Istat Membru li jkun beda l-proċedura skont dan l-Artikolu, għandhom, mingħajr dewmien, jgħarrfu lill-Kummissjoni u lill-Istati Membri l-oħra b'kull miżura adottata u kull informazzjoni addizzjonali fuq in-nuqqas tal-konformità tal-prodott ikkonċernat għad-dispożizzjoni tagħhom, u, jekk ma jkunx hemm qbil fuq il-miżura nazzjonali adottata, dwar l-oġġezzjonijiet tagħhom.

7.   Fejn, fi żmien tliet xhur minn meta tasal l-informazzjoni msemmija fil-paragrafu 5, ma tkun tressqet l-ebda oġġezzjoni minn xi Stat Membru jew mill-Kummissjoni fuq miżura provviżorja meħuda minn Stat Membru, dik il-miżura għandha titqies li tkun ġustifikata.

8.   L-Istati Membri għandhom jiżguraw li jittieħdu miżuri restrittivi adegwati fir-rigward tal-prodott ikkonċernat, bħall-irtirar tal-prodott mis-suq, mingħajr dewmien.

1.   Fejn, ladarba titlesta l-proċedura stabbilita fil-paragrafi 3 u 4 tal-Artikolu 36, jitqajmu oġġezzjonijiet kontra miżura meħuda minn Stat Membru, jew fejn il-Kummissjoni tikkunsidra li miżura nazzjonali tmur kontra l-leġiżlazzjoni tal-Unjoni, il-Kummissjoni għandha mingħajr dewmien tikkonsulta mal-Istati Membri u mal-operatur jew l-operaturi ekonomiċi rilevanti u għandha tevalwa l-miżura nazzjonali. Abbażi tar-riżultati ta' dik l-evalwazzjoni, il-Kummissjoni għandha tieħu deċiżjoni dwar jekk il-miżura nazzjonali hijiex ġustifikata jew le.

Il-Kummissjoni għandha tindirizza d-deċiżjoni tagħha lill-Istati Membri kollha u għandha tikkomunikaha minnufih lilhom u lill-operatur jew operaturi ekonomiċi rilevanti.

2.   Jekk il-miżura nazzjonali titqies ġustifikata, l-Istati Membri kollha għandhom jieħdu l-miżuri neċessarji biex jiżguraw li l-prodott li ma jkunx konformi jiġi rtirat jew imsejjaħ lura mis-swieq tagħhom, u għandhom jinfurmaw lill-Kummissjoni skont il-każ. Jekk il-miżura nazzjonali titqies li ma tkunx ġustifikata, l-Istat Membru kkonċernat għandu jirtira dik il-miżura.

3.   Meta l-miżura nazzjonali titqies ġustifikata u n-nuqqas ta' konformità tal-prodott ikun attribwit għal nuqqasijiet fl-istandards armonizzati msemmija fil-punt (b) tal-paragrafu 5 tal-Artikolu 36 ta' dan ir-Regolament, il-Kummissjoni għandha tapplika l-proċedura prevista fl-Artikolu 11 tar-Regolament (UE) Nru 1025/2012.

1.   Fejn Stat Membru, wara li jkun wettaq valutazzjoni skont il-paragrafu 1 tal-Artikolu (36), isib li, għalkemm il-prodott ikun konformi ma' dan il-Kapitolu, ikun jippreżenta riskju għas-saħħa jew is-sigurtà tal-persuni jew għal aspetti oħra ta' protezzjoni ta' interess pubbliku koperti minn dan il-Kapitolu, huwa għandu jeżiġi li l-operatur ekonomiku rilevanti jieħu l-miżuri xierqa kollha biex jiżgura li l-prodott ikkonċernat, meta jitqiegħed fis-suq, ma jippreżentax aktar dak ir-riskju, jirtira l-prodott mis-suq jew jieħdu lura fi żmien raġonevoli li jkun jaqbel man-natura tar-riskju, skont kif hu jistabbilixxi.

2.   L-operatur ekonomiku għandu jiżgura li tittieħed azzjoni korrettiva fir-rigward tal-prodotti kollha li huwa jkun qiegħed fis-suq fl-Unjoni kollha.

3.   L-Istat Membru għandu jgħarraf immedjatament lill-Kummissjoni u lill-Istati Membri l-oħrajn. Dik l-informazzjoni għandha tinkludi d-dettalji kollha disponibbli, partikolarment id-data meħtieġa għall-identifikazzjoni tal-prodott ikkonċernat, l-oriġini u l-katina tal-provvista tal-prodott, in-natura tar-riskju involut u n-natura u t-tul ta' żmien tal-miżuri nazzjonali meħuda.

4.   Il-Kummissjoni għandha, mingħajr dewmien, tidħol f'konsultazzjoni mal-Istati Membri u mal-operatur ekonomiku jew l-operaturi ekonomiċi rilevanti u għandha tevalwa l-miżuri nazzjonali meħuda. Abbażi tar-riżultati ta' dik l-evalwazzjoni, il-Kummissjoni għandha tiddeċiedi jekk il-miżura nazzjonali tkunx ġustifikata jew le, u fejn ikun meħtieġ, tipproponi miżuri adatti.

5.   Il-Kummissjoni għandha tindirizza d-deċiżjoni tagħha lill-Istati Membri kollha u għandha tikkomunikaha minnufih lilhom u lill-operatur jew operaturi ekonomiċi rilevanti.

1.   Bla ħsara għall-Artikolu 36, fejn Stat Membru jasal għal xi waħda mis-sejbiet li ġejjin rigward prodotti koperti minn dan il-Kapitolu, dan għandu jeżiġi lill-operatur ekonomiku rilevanti itemm dak in-nuqqas ta' konformità kkonċernat:

2.   Fejn jippersisti n-nuqqas ta' konformità msemmi fil-paragrafu 1, l-Istat Membru konċernat għandu jieħu l-miżuri xierqa kollha biex jillimita jew jipprojbixxi li l-prodott jitqiegħed fis-suq jew jiżgura li dan jiġi rtirat jew jittieħed lura mis-suq.

1.   Id-disinn, il-produzzjoni u l-manutenzjoni tal-UAS għandhom jiġu ċċertifikati jekk il-UAS tissodisfa kwalunkwe waħda mill-kundizzjonijiet li ġejjin:

2.   UAS soġġetta għal ċertifikazzjoni għandha tikkonforma mar-rekwiżiti applikabbli stabbiliti fir-Regolamenti tal-Kummissjoni (UE) Nru 748/2012 (15), (UE) Nru 640/2015 (16) u (UE) Nru 1321/2014 (17).

3.   Sakemm ma jkunx meħtieġ li tiġi ċċertifikata skont il-paragrafu 1, UAS li tintuża fil-kategorija “speċifika” għandu jkollha l-kapaċitajiet tekniċi stipulati fl-awtorizzazzjoni tat-tħaddim maħruġa mill-awtorità kompetenti jew fix-xenarju standard definit fl-Appendiċi 1 tal-Anness tar-Regolament ta' Implimentazzjoni (UE) 2019/947 jew kif definit permezz taċ-Ċertifikat ta' Operatur tal-UAS ħfief (LUC) skont il-Parti C tal-Anness tar-Regolament ta' Implimentazzjoni (UE) 2019/947.

1.   L-operaturi ta' UAS li għandhom is-sede prinċipali tagħhom, huma stabbiliti, jew bir-residenza tagħhom f'pajjiż terz, għandhom jikkonformaw mar-Regolament ta' Implimentazzjoni (UE) 2019/947 għall-fini tal-operazzjonijiet ta' UAS fl-ispazju tal-ajru uniku Ewropew.

2.   L-awtorità kompetenti għall-operatur ta' UAS ta' pajjiż terz għandha tkun l-awtorità kompetenti tal-ewwel Stat Membru fejn l-operatur ta' UAS ikun biħsiebu jopera.

3.   B'deroga mill-paragrafu 1, ċertifikat tal-kompetenza ta' bdot mill-bogħod jew tal-operatur ta' UAS f'konformità mar-Regolament ta' Implimentazzjoni (UE) 2019/947, jew dokument ekwivalenti, jista' jiġi rikonoxxut mill-awtorità kompetenti għall-fini tat-tħaddim fi ħdan, lejn, u barra mill-Unjoni, dment li: