32019L2034

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Direttiva - 2019/2034 - EN - EUR-Lex

Help

Search tips

Need more search options? Use the Advanced search

Document 32019L2034

Direttiva (UE) 2019/2034 tal-Parlament Ewropew u tal-Kunsill tas-27 ta' Novembru 2019 dwar is-superviżjoni prudenzjali tad-ditti tal-investiment u li temenda d-Direttivi 2002/87/KE, 2009/65/KE, 2011/61/UE, 2013/36/UE 2014/59/UE u 2014/65/UE (Test b'rilevanza għaż-ŻEE)

PE/79/2019/REV/1

ĠU L 314, 5.12.2019, p. 64–114 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force: This act has been changed. Current consolidated version: 09/01/2024

ELI: http://data.europa.eu/eli/dir/2019/2034/oj

HTML

PDF

Official Journal

5.12.2019

Il-Ġurnal Uffiċjali tal-Unjoni Ewropea

L 314/64

DIRETTIVA (UE) 2019/2034 TAL-PARLAMENT EWROPEW U TAL-KUNSILL

tas-27 ta' Novembru 2019

dwar is-superviżjoni prudenzjali tad-ditti tal-investiment u li temenda d-Direttivi 2002/87/KE, 2009/65/KE, 2011/61/UE, 2013/36/UE 2014/59/UE u 2014/65/UE

(Test b'rilevanza għaż-ŻEE)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b'mod partikolari l-Artikolu 53(1) tiegħu,

Wara li kkunsidraw il-proposta mill-Kummissjoni Ewropea,

Wara li l-abbozz tal-att leġislattiv intbagħat lill-parlamenti nazzjonali,

Wara li kkunsidraw l-opinjoni tal-Bank Ċentrali Ewropew (1),

Wara li kkunsidraw l-opinjoni tal-Kumitat Ekonomiku u Soċjali Ewropew (2),

Wara li l-abbozz tal-att leġislattiv intbagħat lill-parlamenti nazzjonali, Filwaqt li jaġixxu f'konformità mal-proċedura leġislattiva ordinarja (3),

Billi:

(1)

Superviżjoni prudenzjali robusta hija parti integrali mill-kondizzjonijiet regolatorji li skonthom l-istituzzjonijiet finanzjarji jipprovdu servizzi fi ħdan l-Unjoni. Ditti tal-investiment huma, flimkien ma' istituzzjonijiet ta' kreditu, soġġetti għar-Regolament (UE) Nru 575/2013 tal-Parlament Ewropew u tal-Kunsill (4) u għad-Direttiva 2013/36/UE tal-Parlament Ewropew u tal-Kunsill (5) fir-rigward tat-trattament u tas-superviżjoni prudenzjali tagħhom, filwaqt li l-awtorizzazzjoni tagħhom u rekwiżiti organizzazzjonali u tal-imġiba oħra huma stabbiliti fid-Direttiva 2014/65/UE tal-Parlament Ewropew u tal-Kunsill (6).

(2)

Ir-reġimi prudenzjali eżistenti skont ir-Regolament (UE) Nru 575/2013 u d-Direttiva 2013/36/UE huma fil-parti l-kbira bbażati fuq iterazzjonijiet suċċessivi tal-istandards regolatorji internazzjonali stabbiliti għal gruppi bankarji kbar mill-Kumitat ta' Basel dwar is-Superviżjoni Bankarja u jindirizzaw b'mod parzjali biss ir-riskji speċifiċi inerenti għall-attivitajiet diversi ta' għadd kbir ta' ditti tal-investiment. Għaldaqstant, jenħtieġ li l-vulnerabbiltajiet u r-riskji speċifiċi inerenti għal dawn id-ditti tal-investiment jiġu indirizzati ulterjorment permezz ta' arranġamenti prudenzjali effettivi, adatti u proporzjonati fil-livell tal-Unjoni li jgħinu sabiex jipprovdu kondizzjonijiet ekwivalenti madwar l-Unjoni, li jiggarantixxu superviżjoni prudenzjali effettiva filwaqt li jżommu l-ispejjeż ta' konformità taħt kontroll, u li jiżguraw biżżejjed kapital għar-riskji ta' ditti tal-investiment.

(3)

Jenħtieġ li superviżjoni prudenzjali solida tiżgura li d-ditti tal-investiment jiġu ġestiti b'mod ordnat u fl-aħjar interessi tal-klijenti tagħhom. Jenħtieġ li tieħu kont tal-potenzjal li d-ditti tal-investiment u l-klijenti tagħhom jidħlu għal teħid ta' riskju eċċessiv u l-gradi differenti ta' riskju mġarrab u maħluq mid-ditti tal-investiment. Bl-istess mod, jenħtieġ li tali superviżjoni prudenzjali timmira li tevita milli timponi piż amministrattiv sproporzjonat fuq id-ditti tal-investiment. Fl-istess waqt, tali superviżjoni prudenzjali jenħtieġ li tagħmilha possibbli li jinstab bilanċ bejn l-iżgurar tas-sikurezza u s-solidità tad-ditti tal-investiment u l-evitar ta' spejjeż eċċessivi li jistgħu jdgħajfu l-vijabbiltà tal-attivitajiet tan-negozju tagħhom.

(4)

Ħafna mir-rekwiżiti li jirriżultaw mill-qafas tar-Regolament (UE) Nru 575/2013 u tad-Direttiva 2013/36/UE huma mfassla biex jindirizzaw ir-riskji komuni ffaċċjati mill-istituzzjonijiet ta' kreditu. Għalhekk, ir-rekwiżiti eżistenti huma fil-parti l-kbira kkalibrati biex jippreservaw il-kapaċità ta' self tal-istituzzjonijiet ta' kreditu permezz ta' ċikli ekonomiċi u biex jiġu protetti d-depożitanti u l-kontribwenti minn falliment possibbli, u mhumiex imfassla biex jindirizzaw il-profili tar-riskju differenti kollha tad-ditti tal-investiment. Id-ditti tal-investiment ma għandhomx portafolji kbar ta' self fil-livell tal-konsumatur u korporattiv u ma jiħdux depożiti. Il-probabbiltà li l-falliment tagħhom jista' jkollu impatti detrimentali fuq l-istabbiltà finanzjarja ġenerali hija inqas milli fil-każ tal-istituzzjonijiet ta' kreditu, iżda d-ditti tal-investiment xorta joħolqu riskju li jkun meħtieġ li jiġi indirizzat permezz ta' qafas robust. B'hekk, ir-riskji ffaċċjati u maħluqa mill-parti l-kbira tad-ditti tal-investiment huma sostanzjalment differenti mir-riskji ffaċċjati u maħluqa mill-istituzzjonijiet ta' kreditu u jenħtieġ li tali differenza tkun riflessa b'mod ċar fil-qafas prudenzjali tal-Unjoni.

(5)

Differenzi fl-applikazzjoni tal-qafas prudenzjali eżistenti fi Stati Membri differenti jheddu l-kondizzjonijiet ekwivalenti ta' kompetizzjoni għad-ditti tal-investiment fi ħdan l-Unjoni, u jostakolaw l-aċċess tal-investituri għal opportunitajiet ġodda u modi aħjar għall-ġestjoni tar-riskju tagħhom. Dawk id-differenzi jirriżultaw mill-kumplessità ġenerali tal-applikazzjoni tal-qafas għal ditti tal-investiment differenti fuq il-bażi tas-servizzi li jipprovdu, fejn xi awtoritajiet nazzjonali jaġġustaw jew jissimplifikaw tali applikazzjoni fil-liġi jew fil-prattika nazzjonali. Peress li l-qafas prudenzjali eżistenti ma jindirizzax ir-riskji kollha ffaċċjati u maħluqa minn xi tipi ta' ditti tal-investiment, ġew applikati supplimentazzjonijiet kapitali kbar għal ċerti ditti tal-investiment f'xi Stati Membri. Jenħtieġ li jiġu stabbiliti dispożizzjonijiet uniformi li jindirizzaw dawk ir-riskji biex tiġi żgurata superviżjoni prudenzjali armonizzata tad-ditti tal-investiment madwar l-Unjoni.

(6)

Għaldaqstant huwa meħtieġ reġim prudenzjali speċifiku għad-ditti tal-investiment li mhumiex sistemiċi fid-dawl tad-daqs u tal-interkonnessjoni tagħhom ma' atturi finanzjarji u ekonomiċi oħra. Jenħtieġ li, madankollu, id-ditti sistemiċi ta' investiment jibqgħu soġġetti għall-qafas prudenzjali eżistenti skont ir-Regolament (UE) Nru 575/2013 u d-Direttiva 2013/36/. Dawk id-ditti tal-investiment huma subsett ta' ditti tal-investiment li għalihom bħalissa japplika l-qafas stabbilit fir-Regolament (UE) Nru 575/2013 u fid-Direttiva 2013/36/UE u li ma jibbenefikawx minn eżenzjonijiet iddedikati minn kwalunkwe wieħed mir-rekwiżiti prinċipali tagħhom. L-akbar u l-aktar ditti tal-investiment interkonnessi għandhom mudelli kummerċjali u profili tar-riskju li huma simili għal dawk ta' istituzzjonijiet ta' kreditu sinifikanti. Dawn jipprovdu servizzi “qishom bankarji” u jissottoskrivu riskji fuq skala sinifikanti. Barra minn hekk, ditti sistemiċi tal-investiment huma kbar biżżejjed, u għandhom mudelli kummerċjali u profili tar-riskju li jirrappreżentaw theddida għall-funzjonament stabbli u ordnat tas-swieq finanzjarji bl-istess mod bħal istituzzjonijiet ta' kreditu kbar. Għalhekk huwa adatt li dawk id-ditti tal-investiment jibqgħu soġġetti għad-dispożizzjonijiet stabbiliti fir-Regolament (UE) Nru 575/2013 u d-Direttiva 2013/36/UE.

(7)

Huwa possibbli li d-ditti tal-investiment li jinnegozjaw f'isimhom stess, li jissottoskrivu strumenti finanzjarji jew li jjqiegħdu strumenti finanzjarji fuq bażi ta' impenn sod fuq skala sinifikanti, jew li jkunu membri tal-ikklirjar f'kontropartijiet ċentrali, ikollhom mudelli ta' negozju u profili tar-riskju li jkunu simili għal dawk tal-istituzzjonijiet ta' kreditu. Minħabba d-daqs u l-attivitajiet tagħhom, huwa posibli li tali ditti tal-investiment jippreżentaw riskji komparabbli għall-istabbiltà finanzjarja bħala istituzzjonijiet ta' kreditu. Jenħtieġ li l-awtoritajiet kompetenti jkollhom l-opzjoni li tesiġi li huma jibqgħu soġġetti għall-istess trattament prudenzjali bħall-istituzzjonijiet ta' kreditu li jaqgħu fil-kamp ta' applikazzjoni tar-Regolament (UE) Nru 575/2013 u għall-konformità mas-superviżjoni prudenzjali skont id-Direttiva 2013/36/UE.

(8)

Jista' jkun hemm Stati Membri li fihom l-awtoritajiet li huma kompetenti għas-superviżjoni prudenzjali ta' ditti tal-investiment ikunu differenti mill-awtoritajiet li jkunu kompetenti għas-superviżjoni tal-imġiba tas-suq. Għalhekk huwa neċessarju li jinħoloq mekkaniżmu ta' kooperazzjoni u ta' skambju ta' informazzjoni bejn dawk l-awtoritajiet sabiex tiġi żgurata superviżjoni prudenzjali armonizzata tad-ditti tal-investiment madwar l-Unjoni, li jiffunzjona b'mod veloċi u effiċjenti.

(9)

Ditta tal-investiment tista' tinnegozja permezz ta' membru tal-ikklirjar fi Stat Membru ieħor.Fejn tagħmel dan,, jenħtieġ li jiġi stabbilit mekkaniżmu għall-kondiviżjoni ta' informazzjoni bejn l-awtoritajiet kompetenti rilevanti fl-Istati Membri differenti. Jenħtieġ li tali mekkaniżmu jippermetti l-kondiviżjoni ta' informazzjoni bejn l-awtorità kompetenti għas-superviżjoni prudenzjali tad-ditti tal-investiment u jew l-awtorità li tissorvelja l-membru tal-ikklirjar inkella l-awtorità li tissorvelja l-kontroparti ċentrali fuq il-mudell u l-parametri użati għall-kalkolu tar-rekwiżiti tal-marġini tad-ditta tal-investiment fejn tali metodu ta' kalkolu jintuża bħala l-bażi għar-rekwiżiti tal-fondi proprji tad-ditta tal-investiment.

(10)

Sabiex titrawwem l-armonizzazzjoni tal-istandards u tal-prassi superviżorji fi ħdan l-Unjoni jenħtieġ li, l-Awtorità Superviżorja Ewropea (l-Awtorità Bankarja Ewropea) stabbilita bir-Regolament (UE) Nru 1093/2010 tal-Parlament Ewropew u tal-Kunsill (7) (ABE) f'kooperazzjoni mill-qrib mal-Awtorità Superviżorja Ewropea (Awtorità Ewropea tat-Titoli u s-Swieq), stabbilita bir-Regolament (UE) Nru 1095/2010 tal-Parlament Ewropew u tal-Kunsill (8) (ESMA) iżżomm il-kompetenza primarja għall-koordinazzjoni u għall-konverġenza tal-prassi superviżorja fil-qasam tas-sorveljanza prudenzjali fuq id-ditti tal-investiment fi ħdan is-Sistema Ewropea ta' Superviżjoni Finanzjarja (SESF).

(11)

Jenħtieġ li l-livell meħtieġ ta' kapital inizjali ta' ditta tal-investiment ikun ibbażat fuq is-servizzi u l-attivitajiet li dik id-ditta tal-investiment tkun awtorizzata li tipprovdi u twettaq, rispettivament, skont id-Direttiva 2014/65/UE. Il-possibbiltà għall-Istati Membri li jbaxxu l-livell meħtieġ ta' kapital inizjali f'sitwazzjonijiet speċifiċi, kif previst fid-Direttiva 2013/36/UE, minn naħa, u s-sitwazzjoni ta' implimentazzjoni irregolari ta' dik id-Direttiva, min-naħa l-oħra, wasslu għal sitwazzjoni fejn il-livell meħtieġ ta' kapital inizjali jvarja madwar l-Unjoni. Sabiex tintemm dik il-frammentazzjoni, jenħtieġ li l-livell meħtieġ ta' kapital inizjali jiġi armonizzat għad-ditti kollha ta' investiment fl-Unjoni. Bil-ħsieb li jitnaqqsu l-ostakli għad-dħul fis-suq li jistgħu jeżistu bħalissa għall-faċilitajiet multilaterali tan-negozjar (MTF) u l-faċilitajiet organizzati tan-negozjar (OTF), il-kapital inizjali ta' ditti tal-investiment li joperaw MFT jew OTF jenħtieġ li jiġi stabbilit fl-istess livell imsemmi f'din id-Direttiva. Fejn ditta tal-investiment awtorizzata li topera OTF tkun ingħatat permess li tidħol ukoll f'negozjar f'isimha stess skont il-kondizzjonijiet previsti fl-Artikolu 20 tad-Direttiva 2014/65/UE, il-kapital inizjali tagħha jenħtieġ li jiġi stabbilit fil-livell imsemmi f'din id-Direttiva.

(12)

Għalkemm id-ditti tal-investiment ma għandhomx jibqgħu jaqgħu fil-kamp ta' applikazzjoni tar-Regolament (UE) Nru 575/2013 jew tad-Direttiva 2013/36/UE, ċerti kunċetti użati fil-kuntest ta' dawk l-atti leġislattivi jenħtieġ li jżommu t-tifsira stabbilita sew tagħhom. Sabiex ikun jista' jsir u jiġi ffaċilitat l-fehim konsistenti ta' tali kunċetti f'atti legali tal-Unjoni meta jintużaw, referenzi f'tali atti għall-kapital inizjali ta' ditti tal-investiment, għas-setgħat superviżorji tal-awtoritajiet kompetenti għal ditti tal-investiment, għall-proċess ta' valutazzjoni interna dwar l-adegwatezza tal-kapital ta' ditti tal-investiment, għall-proċess ta' reviżjoni u evalwazzjoni superviżorji tal-awtoritajiet kompetenti għal ditti tal-investiment, u għad-dispożizzjonijiet ta' governanza u remunerazzjoni applikabbli għad-ditti tal-investiment jenħtieġ li jinftiehmu bħala li jirreferu għad-dispożizzjonijiet korrispondenti f'din id-Direttiva.

(13)

Il-funzjonament tajjeb tas-suq intern jeħtieġ li r-responsabbiltà għas-superviżjoni prudenzjali ta' ditta tal-investiment, b'mod partikolari fir-rigward tas-solvenza tagħha u s-solidità finanzjarja tagħha, tkun tal-awtorità kompetenti tal-Istat Membru tad-domiċilju tagħha. Sabiex tinkiseb ukoll superviżjoni effettiva tad-ditti tal-investiment fi Stati Membri oħra, fejn dawn jipprovdu servizzi jew ikollhom fergħa, jenħtieġ li jiġu żgurati kooperazzjoni mill-qrib u l-iskambju ta' informazzjoni mal-awtoritajiet kompetenti ta' dawk l-Istati Membri.

(14)

Għal finijiet ta' informazzjoni u ta' superviżjoni, u b'mod partikolari biex tiġi żgurata l-istabbiltà tas-sistema finanzjarja, jenħtieġ li l-awtoritajiet kompetenti tal-Istati Membri ospitanti jkunu jistgħu, fuq il-bażi ta' każ b'każ, iwettqu verifiki fuq il-post u jispezzjonaw l-attivitajiet tal-fergħat ta' ditti tal-investiment fit-territorju tagħhom, u jitolbu informazzjoni dwar l-attivitajiet ta' dawk il-fergħat. Madankollu, jenħtieġ li l-miżuri superviżorji għal dawk il-fergħat jibqgħu r-responsabbiltà tal-Istat Membru tad-domiċilju.

(15)	Sabiex jipproteġu informazzjoni kummerċjalment sensittiva, jenħtieġ li l-awtoritajiet kompetenti jkunu marbuta b'regoli tas-segretezza professjonali meta jwettqu l-kompiti superviżorji tagħhom u meta jiskambjaw informazzjoni kunfidenzjali.

(16)

Sabiex jissaħħu s-superviżjoni prudenzjali ta' ditti tal-investiment u l-protezzjoni ta' klijenti tad-ditti tal-investiment, jenħtieġ li l-awdituri jwettqu l-verifiki tagħhom b'mod imparzjali u jirrapportaw minnufih lill-awtoritajiet kompetenti dawk il-fatti li jista' jkollhom effett serju fuq is-sitwazzjoni finanzjarja ta' ditta tal-investiment jew fuq l-organizzazzjoni amministrattiva u kontabilistika tagħha.

(17)

Għall-finijiet ta' din id-Direttiva, jenħtieġ li d-data personali tiġi pprċessata f'konformità mar-Regolament (UE) Nru 2016/679 tal-Parlament Ewropew u tal-Kunsill (9), u mar-Regolament (UE) Nru 2018/1725 tal-Parlament Ewropew u tal-Kunsill (10). B'mod partikolari, fejn din id-Direttiva tippermetti skambji ta' data personali ma' pajjiżi terzi, jenħtieġ li japplikaw id-dispożizzjonijiet rilevanti tal-Kapitolu V tar-Regolament (UE) 2016/679 u l-Kapitolu V tar-Regolament (UE) 2018/1725.

(18)

Sabiex jissalvagwardjaw il-konformità mal-obbligi stipulati f'din id-Direttiva u fir-Regolament (UE) 2019/2033 tal-Parlament Ewropew u tal-Kunsill (11), jenħtieġ li l-Istati Membri jipprevedu għal sanzjonijiet amministrattivi u miżuri amministrattivi oħra li huma effettivi, proporzjonati u dissważivi. Sabiex jiġi żgurat li s-sanzjonijiet amministrattivi jkollhom effett dissważiv jenħtieġ li jiġu ppubblikati ħlief f'ċerti ċirkostanzi definiti sew. Sabiex il-klijenti u l-investituri jkunu jistgħu jagħmlu deċiżjoni infurmata dwar l-opzjonijiet tagħhom ta' investiment, jenħtieġ li dawk il-klijenti u l-investituri jkollhom aċċess għall-informazzjoni dwar sanzjonijiet amministrattivi u miżuri amministrattivi oħra imposti fuq ditti tal-investiment.

(19)

Sabiex jindividwaw ksur tad-dispożizzjonijiet nazzjonali li jittrasponu din id-Direttiva u ksur tar-Regolament (UE) 2019/2033, jenħtieġ li l-Istati Membri jkollhom is-setgħat investigattivi neċessarji u jenħtieġ li jistabbilixxu mekkaniżmi effettivi u rapidi biex jirrapportaw ksur potenzjali jew reali.

(20)

Jenħtieġ li ditti tal-investiment li ma jitqiesux bħala żgħar u mhux interkonnessi jkollhom disponibbli kapital intern li jkun adegwat fil-kwantità, fil-kwalità u fid-distribuzzjoni biex ikopri r-riskji speċifiċi li għalihom huma jew jistgħu jkunu skoperti. Jenħtieġ li l-awtoritajiet kompetenti jiżguraw li ditti tal-investiment jkollhom strateġiji u proċessi adegwati fis-seħħ biex jivvalutaw u jżommu l-adegwatezza tal-kapital intern tagħhom. Jenħtieġ li l-awtoritajiet kompetenti jkunu jistgħu wkoll jitolbu wkoll lil ditti tal-investiment żgħar u mhux interkonnessi biex japplikaw rekwiżiti simili fejn adatt.

(21)

Jenħtieġ li s-setgħat ta' rieżami u ta' evalwazzjoni jibqgħu għodda regolatorja importanti li tippermetti lill-awtoritajiet kompetenti jivvalutaw elementi kwalitattivi, inkluż governanza u kontrolli interni, proċessi u proċeduri ta' mmaniġġjar tar-riskju u, fejn meħtieġ, l-istabbiliment ta' rekwiżiti addizzjonali, inkluż b'mod partikolari b'rabta ma' rekwiżiti ta' fondi proprji u ta' likwidata, b'mod partikolari għal ditti tal-investiment li ma jitqiesux bħala żgħar u mhux interkonnessi, u meta l-awtorità kompetenti tqis li dan ikun ġustifikat u adatt, għad-ditti tal-investiment żgħar u mhux interkonnessi wkoll.

(22)

Il-prinċipju ta' paga ugwali għall-ħaddiema maskili u femminili għal xogħol ugwali jew xogħol ta' valur ugwali huwa stipulat fl-Artikolu 157 tat-Trattat dwar il-Funzjonament tal-Unjoni Ewropea (TFUE). Dak il-prinċipju jenħtieġ li jiġi applikat b'mod konsistenti mid-ditti tal-investiment. Sabiex ir-remunerazzjoni tiġi allinjata mal-profil tar-riskju tad-ditti tal-investiment u biex jiġu ggarantiti kondizzjonijiet ekwivalenti ta' kompetizzjoni, jenħtieġ li d-ditti tal-investiment ikunu soġġetti għal prinċipji ċari fir-rigward tal-arranġamenti ta' governanza korporattiva u r-regoli dwar ir-remunerazzjoni, li huma newtrali fir-rigward tas-sessi u li jieħdu kont tad-differenzi bejn l-istituzzjonijiet ta' kreditu u d-ditti tal-investiment. Ditti tal-investiment żgħar u mhux interkonnessi, madankollu, jenħtieġ li jkunu eżenti minn dawk ir-regoli billi d-dispożizzjonijiet relatati mar-remunerazzjoni u l-governanza korporattiva stabbiliti fid-Direttiva 2014/65/UE huma komprensivi biżżejjed għal dawk it-tipi ta' ditti tal-investiment.

(23)

Bl-istess mod, ir-rapport tal-Kummissjoni tat-28 ta' Lulju 2016 dwar il-valutazzjoni tar-regoli ta' remunerazzjoni skont id-Direttiva 2013/36/UE u r-Regolament (UE) Nru 575/2013 wera li r-rekwiżiti dwar id-differiment u l-ħlas fi strumenti stipulati fid-Direttiva 2013/36/UE mhumiex adatti għal ditti tal-investiment żgħar u mhux kumplessi jew għal persunal b'livelli baxxi ta' remunerazzjoni varjabbli. Kriterji ċari, konsistenti u armonizzati għall-identifikazzjoni ta' ditti tal-investiment u ta' individwi li huma eżenti minn dawk ir-rekwiżiti huma neċessarji biex tiġi żgurata konverġenza superviżorja u kondizzjonijiet ekwivalenti ta' kompetizzjoni. Minħabba r-rwol importanti li jilagħbu persuni li jaqilgħu pagi għoljin fit-tmexxija tan-negozju u l-prestazzjoni fit-tul ta' ditti tal-investiment, jenħtieġ li tiġi żgurata sorveljanza effettiva tal-prattiki ta' remunerazzjoni u x-xejriet relatati ma' persuni li jaqilgħu pagi għoljin. Għaldaqstant, jenħtieġ li l-awtoritajiet kompetenti jkunu jistgħu jimmonitorjaw ir-remunerazzjoni ta' persuni li jaqilgħu pagi għoljin.

(24)

Huwa adatt ukoll li tiġi offruta ċerta flessibbiltà lid-ditti tal-investiment fil-mod li bih il-ditti tal-investiment jużaw strumenti mhux fi flus biex iħallsu remunerazzjoni varjabbli, dment li t-tali strumenti jkunu effettivi fl-ilħuq tal-objettiv ta' allinjament tal-interessi tal-persunal mal-interessi ta' diversi partijiet ikkonċernati, bħall-azzjonisti u l-kredituri, u jikkontribwixxu għall-allinjament tar-remunerazzjoni varjabbli mal-profil tar-riskju tad-ditta tal-investiment.

(25)

Id-dħul tad-ditti tal-investiment fil-forma ta' tariffi, ta' kummissjonijiet u ta' introjtu ieħor b'rabta mal-forniment ta' servizzi ta' investiment differenti huwa ferm volatili. Il-limitazzjoni tal-komponent varjabbli tar-remunerazzjoni għal porzjon tal-komponent fiss tar-remunerazzjoni tkun taffettwa l-ħila tad-ditta tal-investiment li tnaqqas ir-remunerazzjoni fi żminijiet ta' dħul imnaqqsa u tista' twassal għal żieda fil-bażi ta' spejjeż fissi tad-ditta tal-investiment, li jistgħu joħolqu riskji għall-ħila tad-ditta tal-investiment li tkampa matul tnaqqis fir-ritmu ekonomiku jew tnaqqis fid-dħul. Biex jiġu evitati dawk ir-riskji, jenħtieġ li ma jiġix impost proporzjon massimu wieħed bejn il-komponenti varjabbli u dawk fissi tar-remunerazzjoni fuq id-ditti tal-investiment mhux sistemiċi. Minflok, jenħtieġ li dawk id-ditti tal-investiment jistabbilixxu proporzjonijiet adatti huma stess. Madankollu, jenħtieġ li din id-Direttiva ma tipprekludix Stati Membri milli jimplimentaw miżuri fil-liġi nazzjonali mfassla biex ditti tal-investiment ikunu soġġetti għal rekwiżiti aktar stretti fir-rigward tal-proporzjon massimu bejn il-komponenti varjabbli u dawk fissi tar-remunerazzjoni. Barra minn hekk, jenħtieġ li din id-Direttiva ma tipprevjenix lill-Istati Membri milli jimponu tali proporzjon massimu fuq tipi speċifiċi ta' ditti tal-investiment, jew kollha kemm huma.

(26)	Jenħtieġ li din id-Direttiva ma tipprevjenix Stati Membri milli jadottaw approċċ aktar strett fir-rigward tar-remunerazzjoni meta ditti tal-investiment jirċievu appoġġ finanzjarju pubbliku straordinarju.

(27)

Jintużaw strutturi differenti ta' governanza madwar l-Istati Membri. Fil-parti l-kbira tal-każijiet tintuża struttura ta' bord unitarja jew doppja. Id-definizzjonijiet stabbiliti f'din id-Direttiva għandhom l-intenzjoni li jħaddnu l-istrutturi eżistenti kollha mingħajr ma jesprimu preferenza għal xi struttura partikolari. Huma purament funzjonali għall-fini li jistabbilixxu regoli mmirati għal eżitu partikolari irrispettivament mil-liġi nazzjonali tal-kumpaniji applikabbli għal istituzzjoni f'kull Stat Membru. Għalhekk, jenħtieġ li d-definizzjonijiet ma jinterferixxux mal-allokazzjoni ġenerali ta' kompetenzi f'konformità mal-liġi nazzjonali tal-kumpaniji.

(28)

Jenħtieġ li korpi maniġerjali jkunu meqjusa li jkollhom funzjonijiet eżekuttivi u superviżorji. Il-kompetenza u l-istruttura ta' korpi maniġerjali huma differenti madwar l-Istati Membri. Fi Stat Membru fejn il-korpi maniġerjali jkollhom struttura b'livell wieħed, ħafna drabi bord uniku jwettaq il-kompiti maniġerjali u dawk superviżorji. Fi Stati Membri b'sistema b'żewġ livelli, il-funzjoni superviżorja titwettaq minn bord superviżorju separat li ma għandu l-ebda funzjoni eżekuttiva u l-funzjoni eżekuttiva titwettaq minn bord maniġerjali separat li jkun responsabbli u jirrispondi għall-ġestjoni ta' kuljum tal-impriża. Għaldaqstant, kompiti separati jiġu assenjati lill-entitajiet differenti fi ħdan il-korp maniġerjali.

(29)

Bħala tweġiba għad-domanda dejjem akbar mill-pubbliku għal trasparenza fiskali u biex tiġi promossa r-responsabbiltà soċjali korporattiva tad-ditti tal-investiment, ikun adatt li, sakemm ma jikkwalifikawx bħala żgħar u mhux interkonnessi, id-ditti tal-investiment jiddivulgaw fuq bażi annwali, ċerta informazzjoni, inkluż informazzjoni dwar il-profitti li jagħmlu, it-taxxi li ħallsu u kwalunkwe sussidju pubbliku li rċevew.

(30)

Sabiex jiġu indirizzati r-riskji fil-livell ta' grupp ta' ditti tal-investiment biss, jenħtieġ li l-metodu ta' konsolidazzjoni prudenzjali meħtieġ mir-Regolament (UE) 2019/2033 fil-każ ta' gruppi ta' ditti tal-investiment biss jiġi akkumpanjat minn test tal-kapital tal-grupp għal strutturi aktar sempliċi ta' grupp. Madankollu, jenħtieġ li fiż-żewġ każijiet id-determinazzjoni tas-superviżur tal-grupp tkun ibbażata fuq l-istess prinċipji li japplikaw fil-każ ta' superviżjoni fuq bażi konsolidata skont id-Direttiva 2013/36/UE. Biex tiġi żgurata kooperazzjoni adatta, elementi ċentrali tal-miżuri ta' koordinazzjoni, u b'mod partikolari, rekwiżiti ta' informazzjoni f'sitwazzjonijiet ta' emerġenza jew f'arranġamenti ta' kooperazzjoni u ta' koordinazzjoni jenħtieġ li jkunu simili għall-elementi ċentrali ta' koordinazzjoni applikabbli fil-kuntest ta' ġabra unika tar-regoli għall-istituzzjonijiet ta' kreditu.

(31)

Jenħtieġ li l-Kummissjoni tkun tista' tippreżenta rakkomandazzjonijiet lill-Kunsill għan-negozjar ta' ftehimiet bejn l-Unjoni u pajjiżi terzi għall-eżerċizzju prattiku tas-superviżjoni tal-konformità mat-test tal-kapital ta' grupp għad-ditti tal-investiment, li l-impriżi prinċipali tagħhom ikunu stabbiliti f'pajjiżi terzi, u għal ditti tal-investiment li joperaw f'pajjiżi terzi li l-impriżi prinċipali tagħhom ikunu stabbiliti fl-Unjoni.Barra minn hekk, jenħtieġ li l-Istati Membri u l-ABE jkunu jistgħu wkoll jistabbilixxu arranġamenti ta' kooperazzjoni ma' pajjiżi terzi għat-twettiq tal-kompiti superviżorji tagħhom.

(32)

Sabiex tiġi żgurata ċ-ċertezza legali u jiġu evitati dupplikazzjonijiet bejn il-qafas prudenzjali preżenti applikabbli kemm għall-istituzzjonijiet ta' kreditu kif ukoll għad-ditti tal-investiment u din id-Direttiva, ir-Regolament (UE) Nru 575/2013 u d-Direttiva 2013/36/UE jenħtieġ li jiġu emendati sabiex id-ditti tal-investiment jitneħħew mill-kamp ta' applikazzjoni tagħhom. Madankollu, ditti tal-investiment li jkunu parti minn grupp bankarju jenħtieġ li jibqgħu suġġetti għal dawk id-dispożizzjonijiet fir-Regolament (UE) Nru 575/2013 u d-Direttiva 2013/36/UE li jkunu rilevanti għall-grupp bankarju, bħal ma huma r-regoli dwar il-konsolidazzjoni prudenzjali stabbiliti fl-Artikoli 11 sa 24 tar-Regolament (UE) Nru 575/2013 u d-dispożizzjonijiet dwar l-impriża prinċipali tal-UE intermedjarja li ssir referenza għaliha fl-Artikolu 21b tad-Direttiva 2013/36/UE.

(33)

Huwa neċessarju li jiġu speċifikati l-passi li jridu jieħdu l-impriżi biex jivverifikaw jekk jaqgħux taħt id-definizzjoni ta' istituzzjoni ta' kreditu kif stipulata fil-punt (1)(b) tal-Artikolu 4(1) tar-Regolament (UE) Nru 575/2013 u, għalhekk, ikollhom jiksbu awtorizzazzjoni bħala istituzzjoni ta' kreditu. Peress li ċerti ditti tal-investiment diġà jwettqu l-attivitajiet elenkati fil-punti (3) sa (6) tat-Taqsima A tal-Anness I tad-Direttiva 2014/65/UE, huwa wkoll neċessarju li tiġi żgurata ċ-ċarezza fir-rigward tal-kontinwità ta' kwalunkwe awtorizzazzjoni mogħtija għal dawk l-attivitajiet. B'mod partikolari, huwa essenzjali li l-awtoritajiet kompetenti jiżguraw li t-transizzjoni mill-qafas attwali għal dak ġdid toffri ċertezza regolatorja suffiċjenti għad-ditti tal-investiment.

(34)

Sabiex tiġi żgurata superviżjoni effettiva, importanti li l-impriżi li jissodisfaw il-kondizzjonijiet stabbiliti fil-punt (1)(b) tal-Artikolu 4(1) tar-Regolament (UE) Nru 575/2013 japplikaw għal awtorizzazzjoni bħala istituzzjoni ta' kreditu. Jenħtieġ li l-awtoritajiet kompetenti għalhekk ikollhom il-possibbiltà li japplikaw sanzjonijiet lil impriżi li ma japplikawx għal dik l-awtorizzazzjoni.

(35)

L-emenda għad-definizzjoni ta' “'istituzzjoni ta' kreditu” fir-Regolament (UE) Nru 575/2013 bir-Regolament (UE) 2019/2033 tista', mad-dħul fis-seħħ ta’ dan tal-aħħar, tkopri ditti tal-investiment li diġà jkunu qegħdin joperaw fuq il-bażi ta' awtorizzazzjoni maħruġa f'konformità mad-Direttiva 2014/65/UE. Jenħtieġ li dawk l-impriżi jitħallew ikomplu joperaw bl-awtorizzazzjoni tagħhom bħala ditti tal-investiment sakemm tingħata l-awtorizzazzjoni ta' istituzzjoni ta' kreditu. Jenħtieġ li dawk id-ditti tal-investiment jissottomettu applikazzjoni għal awtorizzazzjoni bħala istituzzjoni ta' kreditu sa mhux aktar tard minn meta l-medja tal-assi totali ta' kull xahar tagħhom ugwali għal jew taqbeż kwalunkwe wieħed mil-livelli limitu stabbiliti fil-punt (1)(b) tal-Artikolu 4(1) tar-Regolament (UE) Nru 575/2013 fuq perijodu ta' 12-il xahar konsekuttivi. Fejn ditti tal-investiment jissodisfaw kwalunkwe wieħed mil-livelli limitu stabbiliti fil-punt(1)(b) tal-Artikolu 4(1) tar-Regolament (UE) Nru 575/2013 mid-data tad-dħul fis-seħħ ta' din id-Direttiva, jenħtieġ li tiġi kkalkolata l-medja tal-assi totali tagħhom ta' kull xahar filwaqt li jittieħed kont tat-12-il xahar konsekuttivi li jippreċedu dik id-data. Jenħtieġ li dawk id-ditti tal-investiment japplikaw għal awtorizzazzjoni bħala istituzzjoni ta' kreditu fi żmien sena u jum wara d-dħul fis-seħħ ta' din id-Direttiva.

(36)

L-emenda għad-definizzjoni ta' “istituzzjoni ta' kreditu” fir-Regolament (UE) Nru 575/2013 bir-Regolament [(UE) 2019/2033 tista' wkoll taffettwa impriżi li diġà jkunu applikaw għal awtorizzazzjoni bħala ditti tal-investiment skont id-Direttiva 2014/65/UE u li għalihom tkun għadha pendenti l-applikazzjoni. Jenħtieġ li t-tali applikazzjonijiet jiġu ttrasferiti lill-awtoritajiet kompetenti skont id-Direttiva 2013/36/UE u li jiġu ttrattati f'konformità mad-dispożizzjonijiet tal-awtorizzazzjoni stabbiliti f'dik id-Direttiva jekk l-assi totali previsti tal-impriża jkunu ugwali għal jew jaqbżu kwalunkwe wieħed mil-livelli limitu stabbiliti fil-punt (1)(b) tal-Artikolu 4(1) tar-Regolament (UE) Nru 575/2013.

(37)

Jenħtieġ ukoll li l-impriżi msemmija fil-punt (1)(b) tal-Artikolu 4(1) tar-Regolament (UE) Nru 575/2013 ikunu soġġetti għar-rekwiżiti kollha għal aċċess għall-attività tal-istituzzjonijiet ta' kreditu stipulati fit-Titolu III tad-Direttiva 2013/36/UE, inkluż id-dispożizzjonijiet dwar l-irtirar tal-awtorizzazzjoni f'konformità mal-Artikolu 18 ta' dik id-Direttiva. Jenħtieġ, madankollu, li l-Artikolu 18 ta' dik id-Direttiva jiġi emendat biex jiġi żgurat li l-awtoritajiet kompetenti jkunu jistgħu jirtiraw l-awtorizzazzjoni mogħtija lil istituzzjoni ta' kreditu fejn dik l-istituzzjoni ta' kreditu tuża l-awtorizzazzjoni tagħha esklużivament biex tidħol f'attivitajiet li ssir referenza għalihom fil-punt (1)(b) tal-Artikolu 4(1) tar-Regolament (UE) Nru 575/2013 u, għal perijodu ta' ħames snin konsekuttivi, ikollha assi medji totali li jkunu anqas mil-limiti stabbiliti f'dak il-punt.

(38)

Skont l-Artikolu 39 tad-Direttiva 2014/65/UE, ditti minn pajjiżi terzi li jipprovdu servizzi finanzjarji fl-Unjoni huma soġġetti għal reġimi nazzjonali li jistgħu jirrikjedu l-istabbiliment ta' fergħa fi Stat Membru. Sabiex jiġu ffaċilitati l-monitoraġġ u l-evalwazzjoni regolari tal-attivitajiet imwettqa minn ditti minn pajjiżi terzi permezz ta' fergħat fl-Unjoni, jenħtieġ li l-awtoritajiet kompetenti jkunu infurmati dwar l-iskala u l-kamp ta' applikazzjoni tas-servizzi u l-attivitajiet imwettqa permezz tal-fergħat fit-territorju tagħhom.

(39)

Il-kontroreferenzi speċifiċi fid-Direttivi 2009/65/KE (12), 2011/61/UE (13) u 2014/59/UE (14) tal-Parlament Ewropew u tal-Kunsill għad-dispożizzjonijiet tar-Regolament (UE) Nru 575/2013 u d-Direttiva 2013/36/UE, li ma baqgħux japplikaw għad-ditti tal-investiment mid-data ta' applikazzjoni ta' din id-Direttiva u tar-Regolament (UE) 2019/2033, jenħtieġ li jiġu kkunsidrati bħala referenzi għad-dispożizzjonijiet korrispondenti f'din id-Direttiva u fir-Regolament (UE) Nru 2019/2033.

(40)	L-ABE, f'kooperazzjoni mal-ESMA, ħarġet rapport ibbażat fuq analiżi ta' sfond, ġbir ta' data u konsultazzjoni dettaljati għal reġim prudenzjali personalizzat għad-ditti mhux sistemiċi kollha ta' investiment li jservi bħala l-bażi għall-qafas prudenzjali rivedut għad-ditti tal-investiment.

(41)

Sabiex tiżgura l-applikazzjoni armonizzata ta' din id-Direttiva, jenħtieġ li l-ABE tiżviluppa abbozz ta' standards tekniċi regolatorji biex tkompli tispeċifika l-kriterji biex ċerti ditti tal-investiment ikunu suġġetti għar-Regolament (UE) Nru 575/2013, biex tispeċifika l-informazzjoni li l-awtoritajiet kompetenti tal-Istati Membri tad-domiċilju u tal-Istati Membri ospitanti jiskambjaw fil-kuntest tas-superviżjoni, biex jiġi stabbilit kif id-ditti tal-investiment jevalwaw id-daqs tal-attivitajiet tagħhom għall-finijiet tar-rekwiżiti ta' governanza interna u, b'mod partikolari, biex jevalwaw jekk jikkostitwixxux ditti tal-investiment żgħar u mhux interkonnessi. Jenħtieġ li l-istandards tekniċi regolatorji jispeċifikaw ukoll il-kategoriji tal-membri tal-persunal li l-attivitajiet professjonali tagħhom ikollhom impatt materjali fuq il-profil ta' riskju ta' ditti għall-iskopijiet ta' dispożizzjonijiet ta' remunerazzjoni, u jispeċifikaw l-istrumenti tal-Grad 1 u Grad 2 Addizzjonali li jikkwalifikaw bħala remunerazzjoni varjabbli. Fl-aħħar nett, jenħtieġ li l-istandards tekniċi regolatorji jispeċifikaw l-elementi għall-valutazzjoni tar-riskji speċifiċi ta' likwidità, l-applikazzjoni ta' rekwiżiti addizzjonali ta' fondi proprji mill-awtoritajiet kompetenti, u l-funzjonament tal- kulleġġi ta' superviżuri. Jenħtieġ li l-Kummissjoni għandha tissupplimenta din id-Direttiva billi tadotta l-istandards tekniċi regolatorji żviluppati mill-ABE permezz ta' atti delegati skont l-Artikolu 290 TFUE u f'konformità mal-Artikoli 10 sa 14 tar-Regolament (UE) Nru 1093/2010. Jenħtieġ li l-Kummissjoni u l-ABE jiżguraw li dawn l-istandards tekniċi regolatorji jkunu jistgħu jiġu applikati mid-ditti kollha tal-investiment b'mod li jkun proporzjonat man-natura, l-iskala u l-kumplessità ta' dawn id-ditti tal-investiment u l-attivitajiet tagħhom.

(42)

Il-Kummissjoni jenħtieġ li jkollha wkoll is-setgħa li tadotta standards tekniċi regolatorji żviluppati mill-ABE fir-rigward tal-kondiviżjoni tal-informazzjoni bejn l-awtoritajiet kompetenti u r-rekwiżiti tal-pubblikazzjoni tal-awtoritajiet kompetenti u l-implimentazzjoni tal-istandards tekniċi żviluppati mill-ESMA permezz ta' atti ta' implimentazzjoni skont l-Artikolu 291 TFUE u f'konformità mal-Artikolu 15 tar-Regolament (UE) Nru 1093/2010 u l-Artikolu 15 tar-Regolament (UE) Nru 1095/2010.

(43)

Sabiex tiġi żgurata l-applikazzjoni uniformi ta' din id-Direttiva u biex jitqiesu l-iżviluppi fis-swieq finanzjarji, jenħtieġ li s-setgħa li tadotta atti f'konformità mal-Artikolu 290 TFUE tiġi delegata lill-Kummissjoni biex tissupplimenta din id-Direttiva billi tiċċara d-definizzjonijiet f'din id-Direttiva, il-valutazzjonijiet tal-kapital intern u tar-riskju tad-ditti tal-investiment, u s-setgħat ta' rieżami u ta' evalwazzjoni superviżorji tal-awtoritajiet kompetenti. Huwa partikolarment importanti li l-Kummissjoni twettaq konsultazzjonijiet adatti matul ix-xogħol tagħha ta' tħejjija, ukoll fil-livell ta' esperti, u li dawk il-konsultazzjonijiet jiġu mwettqa f'konformità mal-prinċipji stipulati fil-Ftehim Interistituzzjonali tat-13 ta' April 2016 dwar it-Tfassil Aħjar tal-Liġijiet (15). B'mod partikolari, biex tiġi żgurata parteċipazzjoni ugwali fit-tħejjija ta' atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta' atti delegati.

(44)

Minħabba li l-għan ta' din id-Direttiva, jiġifieri li twaqqaf qafas prudenzjali effettiv u proporzjonat biex jiġi żgurat li d-ditti tal-investiment awtorizzati biex joperaw fi ħdan l-Unjoni joperaw fuq bażi finanzjarjament solida u huma ġestiti b'mod ordnat inkluż fl-aħjar interessi tal-klijenti tagħhom, ma jistax jinkiseb b'mod suffiċjenti mill-Istati Membri iżda jista', minħabba l-iskala u l-effetti tiegħu, jinkisbu aħjar fil-livell tal-Unjoni, l-Unjoni tista' tadotta miżuri, f'konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F'konformità mal-prinċipju ta' proporzjonalità kif stabbilit f'dak l-Artikolu, din id-Direttiva ma tmurx lil hinn minn dak li huwa meħtieġ sabiex jinkiseb dak l-għan.

(45)

F'konformità mad-Dikjarazzjoni Politika Konġunta tat-28 ta' Settembru 2011 tal-Istati Membri u l-Kummissjoni dwar id-dokumenti ta' spjegazzjoni (16), l-Istati Membri impenjaw ruħhom li jżidu man-notifika tal-miżuri ta' traspożizzjoni tagħhom, f'każijiet ġustifikati, dokument wieħed jew aktar li jispjegaw ir-relazzjoni bejn il-komponenti ta' direttiva u l-partijiet ekwivalenti tal-istrumenti nazzjonali ta' traspożizzjoni. Fir-rigward ta' din id-Direttiva, il-leġislatur iqis li tkun ġustifikata t-trasmissjoni ta' dokumenti ta' dak it-tip,

ADOTTAW DIN ID-DIRETTIVA:

TITOLU I

SUĠĠETT, KAMP TA' APPLIKAZZJONI U DEFINIZZJONIJIET

Artikolu 1

Suġġett

Din id-Direttiva tistabbilixxi regoli dwar:

(a)	il-kapital inizjali ta' ditti tal-investiment;

(b)	is-setgħat superviżorji u l-għodod għas-superviżjoni prudenzjali ta' ditti tal-investiment mill-awtoritajiet kompetenti;

(c)	is-superviżjoni prudenzjali ta' ditti tal-investiment mill-awtoritajiet kompetenti b'mod li jkun konsistenti mar-regoli stabbiliti fir-Regolament(UE) 2019/2033;

(d)	ir-rekwiżiti ta' pubblikazzjoni għall-awtoritajiet kompetenti fil-qasam tar-regolamentazzjoni u tas-superviżjoni prudenzjali ta' ditti tal-investiment.

Artikolu 2

Kamp ta' Applikazzjoni

1. Din id-Direttiva tapplika għal ditti tal-investiment awtorizzati u sorveljati skont id-Direttiva 2014/65/UE.

2. B'deroga mill-paragrafu 1, it-Titoli IV u V ta' din id-Direttiva ma japplikawx għad-ditti tal-investiment imsemmija fl-Artikolu 1(2) u 1(5) tar-Regolament (UE)2019/2033, li għandhom jiġu sorveljati għall-konformità mar-rekwiżiti prudenzjali skont it-Titoli VII u VIII tad-Direttiva 2013/36/UE, f'konformità mat-tieni subparagrafu tal-Artikolu 1(2) tar-[Regolament (UE) 2019/2033.

Artikolu 3

Definizzjonijiet

1. Għall-finijiet ta' din id-Direttiva, japplikaw id-definizzjonijiet li ġejjin:

(1)	‘impriża ta' servizzi anċillari’ tfisser impriża li l-attività ewlenija tagħha tikkonsisti mis-sjieda u l-ġestjoni tal-proprjetà, il-ġestjoni ta' servizzi ta' proċessar ta' data, jew attività simili li hija anċillari għall-attività ewlenija ta' ditta tal-investiment waħda jew aktar;

(2)	‘awtorizzazzjoni’ tfisser awtorizzazzjoni ta' ditta tal-investiment f'konformità mal-Artikolu 5 tad-Direttiva 2014/65/UE;

(3)	‘fergħa’ tfisser fergħa kif definita fil-punt (30) tal-Artikolu 4(1) tad-Direttiva 2014/65/UE;

(4)	‘rabtiet mill-qrib’ tfisser rabtiet mill-qrib kif definit fil-punt 35 tal-Artikolu 4(1) tad-Direttiva 2014/65/UE;

(5)	‘awtorità kompetenti’ tfisser awtorità pubblika jew korp pubbliku ta' Stat Membru li jkunu uffiċjalment rikonoxxuti u mogħtija s-setgħa mid-dritt nazzjonali biex jissorveljaw ditti tal-investiment f'konformità ma' din id-Direttiva, bħala parti mis-sistema superviżorja mħaddma f'dak l-Istat Membru;

(6)	‘negozjant tal-komoditajiet u tal-kwoti tal-emissjonijiet’ tfisser negozjant tal-komoditajiet u tal-kwoti tal-emissjonijiet kif definit fil-punt (150) tal-Artikolu 4(1) tar-Regolament (UE) Nru 575/2013;

(7)

‘kontroll’ tfisser ir-relazzjoni bejn impriża prinċipali u sussidjarja, kif deskritta fl-Artikolu 22 tad-Direttiva 2013/34/UE tal-Parlament Ewropew u tal-Kunsill (17), jew fl-istandards kontabilistiċi li għalihom tkun soġġetta ditta tal-investiment skont ir-Regolament (KE) Nru 1606/2002 tal-Parlament Ewropew u tal-Kunsill (18), jew relazzjoni simili bejn kwalunkwe persuna fiżika jew ġuridika u impriża;

(8)	‘konformità mat-test tal-kapital ta' grupp’ tfisser il-konformità minn impriża prinċipali fi grupp ta' ditti tal-investiment mar-rekwiżiti tal-Artikolu 8 tar-Regolament (UE) Nru 2019/2033;

(9)	‘istituzzjoni ta' kreditu’ tfisser istituzzjoni ta' kreditu kif definit fil-punt (1) tal-Artikolu 4(1) tar-Regolament (UE) Nru 575/2013;

(10)	‘derivati’ tfisser derivati kif definit fil-punt (29) tal-Artikolu 2(1) tar-Regolament (UE) Nru 600/2014 tal-Parlament Ewropew u tal-Kunsill (19);

(11)	‘istituzzjoni finanzjarja’ tfisser istituzzjoni finanzjarja kif definita fil-punt (15) tal-Artikolu 4(1) tar-Regolament (UE) Nru 2019/2033;

(12)	‘politika ta' remunerazzjoni newtrali fir-rigward tas-sessi’ tfisser politika ta' remunerazzjoni newtrali fir-rigward tas-sessi kif definit fil-punt (65) tal-Artikolu 3(1) tad-Direttiva 2013/36/UE, kif emendata bid-Direttiva (UE) 2019/878 tal-Parlament Ewropew u tal-Kunsill (20);

(13)	‘grupp’ tfisser grupp kif definit fil-punt (11) tal-Artikolu 2 tad-Direttiva 2013/34/UE;

(14)	‘sitwazzjoni konsolidata’ tfisser sitwazzjoni konsolidata kif definit fil-punt (11) tal-Artikolu 4(1) tar-Regolament (UE) 2019/2033;

(15)

‘superviżur tal-grupp’ tfisser awtorità kompetenti responsabbli għas-superviżjoni tal-konformità mat-test tal-kapital ta' grupp ta' ditti tal-investiment prinċipali tal-Unjoni kkontrollat minn kumpaniji holding ta' investiment prinċipali tal-Unjoni jew kumpaniji holding finanzjarji mħallta prinċipali tal-Unjoni;

(16)	‘Stat Membru tad-domiċilju’ tfisser Stat Membru tad-domiċilju kif definit fil-punt (55)(a) tal-Artikolu 4(1) tad-Direttiva 2014/65/UE;

(17)	‘Stat Membru ospitanti’ tfisser Stat Membru ospitanti kif definit fil-punt (56) tal-Artikolu 4(1) tad-Direttiva 2014/65/UE;

(18)	‘kapital inizjali’ tfisser il-kapital li huwa meħtieġ għall-finijiet tal-awtorizzazzjoni bħala ditta tal-investiment, li l-ammont u t-tip tiegħu huma speċifikati fl-Artikoli 9 u 11;

(19)	‘ditta tal-investiment’ tfisser ditta tal-investiment kif definit fil-punt (1) tal-Artikolu 4(1) tad-Direttiva 2014/65/UE;

(20)	‘grupp ta' ditti tal-investiment’ tfisser grupp ta' ditti tal-investiment kif definit fil-punt (25) tal-Artikolu 4(1) tar-Regolament (UE) 2019/2033;

(21)	“kumpanija holding ta' investiment” tfisser kumpanija holding ta' investiment kif definit fil-punt (23) tal-Artikolu 4(1) tar-Regolament (UE) 2019/2033;

(22)	‘servizzi u attivitajiet ta' investiment’ tfisser servizzi u attivitajiet ta' investiment kif definiti fil-punt (2) tal-Artikolu 4(1) tad-Direttiva 2014/65/UE;

(23)	‘korp maniġerjali’ tfisser korp maniġerjali kif definit fil-punt (36) tal-Artikolu 4(1) tad-Direttiva 2014/65/UE;

(24)	‘korp maniġerjali fil-funzjoni superviżorja tiegħu’ tfisser il-korp maniġerjali li jaġixxi fir-rwol tiegħu ta' sorveljanza u ta' monitoraġġ tat-teħid ta' deċiżjonijiet maniġerjali;

(25)	“kumpanija holding finanzjarja mħallta” tfisser kumpanija holding finanzjarja mħallta kif definita fil-punt (15) Artikolu 2tad-Direttiva 2002/87/KE tal-Parlament Ewropew u tal-Kunsill (21);

(26)

‘kumpanija holding finanzjarja b'attività mħallta’ tfisser impriża prinċipali, għajr kumpanija holding finanzjarja, kumpanija holding ta' investiment, istituzzjoni ta' kreditu, ditta tal-investiment, jew kumpanija holding finanzjarja mħallta skont it-tifsira tad-Direttiva 2002/87/KE, li s-sussidjarji tagħha tal-anqas jinkludu ditta tal-investiment waħda;

(27)	‘maniġment superjuri’ tfisser maniġment superjuri kif definit fil-punt (37) tal-Artikolu 4(1) tad-Direttiva 2014/65/UE;

(28)	‘impriża prinċipali’ tfisser intrapriża prinċipali kif definit fil-punt (32) tal-Artikolu 4(1) tad-Direttiva 2014/65/UE;

(29)	‘sussidjarja’ tfisser sussidjarja kif definit fil-punt (33) tal-Artikolu 4(1) tad-Direttiva 2014/65/UE;

(30)	‘riskju sistemiku’ tfisser riskju sistemiku kif definit fil-punt (10) tal-Artikolu 3(1) tad-Direttiva 2013/36/UE;

(31)	‘ditta tal-investiment prinċipali tal-Unjoni’ tfisser ditta tal-investiment prinċipali tal-Unjoni kif definit fil-punt (56) tal-Artikolu 4(1) tar-Regolament (UE) Nru (UE) 2019/2033;

(32)	‘kumpanija holding ta' investiment prinċipali tal-Unjoni’ tfisser kumpanija holding ta' investiment prinċipali tal-Unjoni kif definit fil-punt (57) tal-Artikolu 4(1) tar-Regolament (UE) 2019/2033;

(33)	‘kumpanija holding finanzjarja mħallta prinċipali tal-Unjoni’ tfisser kumpanija holding finanzjarja mħallta prinċipali tal-Unjoni kif definit fil-punt 58 tal-Artikolu 4(1) tar-Regolament (UE) 2019/2033.

2. Il-Kummissjoni għandha s-setgħa li tadotta atti delegati f'konformità mal-Artikolu 58 sabiex tissupplimenta din id-Direttiva billi tiċċara d-definizzjonijiet stabbiliti fil-paragrafu 1 sabiex:

(a)	tiżgura l-applikazzjoni uniformi ta' din id-Direttiva;

(b)	tingħata kunsiderazzjoni, fl-applikazzjoni ta' din id-Direttiva, lill-iżviluppi fis-swieq finanzjarji.

TITOLU II

AWTORITAJIET KOMPETENTI

Artikolu 4

In-nomina u s-setgħat tal-awtoritajiet kompetenti

1. L-Istati Membri għandhom jaħtru awtorità kompetenti waħda jew aktar biex iwettqu l-funzjonijiet u d-dmirijiet previsti f'din id-Direttiva u fir-Regolament (UE) 2019/2033. L-Istati Membri għandhom jinformaw lill-Kummissjoni, lill-ABE u lill-ESMA dwar din id-deżinjazzjoni, u fejn ikun hemm aktar minn awtorità kompetenti waħda, dwar il-funzjonijiet u d-dmirijiet ta' kull awtorità kompetenti.

2. L-Istati Membri għandhom jiżguraw li l-awtoritajiet kompetenti jissorveljaw l-attivitajiet tad-ditti tal-investiment, u, fejn applikabbli, ta' kumpaniji holding ta' investiment u ta' kumpaniji holding finanzjarji mħallta, biex jivvalutaw il-konformità mar-rekwiżiti ta' din id-Direttiva u tar-[Regolament (UE) 2019/2033.

3. L-Istati Membri għandhom jiżguraw li l-awtoritajiet kompetenti jkollhom is-setgħat neċessarji kollha, inkluż is-setgħa li jwettqu verifiki fuq il-post f'konformità mal-Artikolu 14, biex jiksbu l-informazzjoni meħtieġa biex jivvalutaw il-konformità tad-ditti tal-investiment u, fejn applikabbli, tal-kumpaniji holding ta' investiment u tal-kumpaniji holding finanzjarji mħallta, mar-rekwiżiti ta' din id-Direttiva u tar-Regolament (UE) 2019/2033, u biex jinvestigaw ksur possibbli ta' dawk ir-rekwiżiti.

4. L-Istati Membri għandhom jiżguraw li l-awtoritajiet kompetenti jkollhom il-ħila esperta, ir-riżorsi, il-kapaċità operazzjonali, is-setgħat kollha u l-indipendenza meħtieġa sabiex iwettqu l-funzjonijiet relatati mas-superviżjoni prudenzjali, l-investigazzjoni u s-sanzjonijiet stabbiliti f'din id-Direttiva.

5. L-Istati Membri għandhom jobbligaw lid-ditti tal-investiment jipprovdu lill-awtoritajiet kompetenti tagħhom bl-informazzjoni neċessarja kollha għall-valutazzjoni tal-konformità tad-ditti tal-investiment mad-dispożizzjonijiet nazzjonali li jittrasponu din di-Direttiva u l-konformità mar-[Regolament (UE) 2019/2033. Il-mekkaniżmi ta' kontroll intern u l-proċeduri amministrattivi u kontabilistiċi tad-ditti tal-investiment għandhom jippermettu lill-awtoritajiet kompetenti jivverifikaw il-konformità tagħhom ma' dawk id-dispożizzjonijieti f'kull ħin.

6. L-Istati Membri għandhom jiżguraw li d-ditti tal-investiment jirreġistraw it-transazzjonijiet tagħhom kollha u jiddokumentaw is-sistemi u l-proċessi, li jkunu soġġetti għal din id-Direttiva u r-[Regolament (UE) 2019/2033 b'tali mod li l-awtoritajiet kompetenti jkunu jistgħu jevalwaw il-konformità mad-dispożizzjonijiet nazzjonali li jittrasponu din id-Direttiva u l-konformità mar-[Regolament (UE) 2019/2033 f'kull ħin.

Artikolu 5

Diskrezzjoni tal-awtoritajiet kompetenti li jissoġġettaw ċerti ditti tal-investiment għar-rekwiżiti tar-Regolament (UE) Nru 575/2013

1. L-awtoritajiet kompetenti jistgħu jiddeċiedu li japplikaw ir-rekwiżiti tar-Regolament (UE) Nru 575/2013 skont il-punt (c) tal-ewwel subparagrafu tal-Artikolu 1(2) tar-Regolament (UE)2019/2033 għal ditta tal-investiment li twettaq kwalunkwe waħda mill-attivitajiet elenkati fil-punti (3) u (6) tat-Taqsima A tal-Anness I għad-Direttiva 2014/65/UE fejn il-valur totali tal-assi konsolidati tad-ditta tal-investiment ikun ugwali għal jew jaqbeż l-EUR 5 biljuni, ikkalkulat bħala medja tat-12-il xahar preċedenti, u waħda jew aktar mill-kriterji li ġejjin japplikaw:

(a)	id-ditta tal-investiment twettaq dawk l-attivitajiet fuq tali skala li l-falliment jew id-diffikultà finanzjarja tad-ditta tal-investiment tista' twassal għal riskju sistemiku;

(b)	id-ditta tal-investiment tkun membru tal-ikklirjar kif definit fil-punt (3) tal-Artikolu 4(1) tar-Regolament (UE) 2019/2033;

(c)

l-awtorità kompetenti tqis li jkun iġġustifikat fid-dawl tad-daqs, in-natura, l-iskala u l-kumplessità tal-attivitajiet tad-ditta tal-investiment ikkonċernata, filwaqt li jittieħed kont tal-prinċipju tal-proporzjonalità u wara li b'kunsiderazzjoni ta' wieħed jew aktar mill-fatturi li ġejjin:

(i)	l-importanza tad-ditta tal-investiment għall-ekonomija tal-Unjoni jew tal-Istat Membru rilevanti;

(ii)	is-sinifikat tal-attivitajiet transkonfinali tad-ditta tal-investiment;

(iii)

l-interkonnettività tad-ditta tal-investiment mas-sistema finanzjarja.

2. Il-paragrafu 1 ma għandux japplika għal negozjanti tal-komoditajiet u tal-kwoti tal-emissjonijiet, impriżi ta' investiment kollettiv jew impriżi tal-assigurazzjoni.

3. Fejn awtorità kompetenti tiddeċiedi li tapplika r-rekwiżiti tar-Regolament (UE) Nru 575/2013 għal ditti tal-investiment f'konformità mal-paragrafu 1, dik id-ditta tal-investiment għandha tiġi sorveljata għall-konformità mar-rekwiżiti prudenzjali skont it-Titoli VII u VIII tad-Direttiva 2013/36/UE.

4. Fejn awtorità kompetenti tiddeċiedi li tirrevoka deċiżjoni meħuda f'konformità mal-paragrafu 1, għandha tinforma d-ditta tal-investiment mingħajr dewmien.

Kwalunkwe deċiżjoni meħuda minn awtorità kompetenti skont il-paragrafu 1, għandha tieqaf tapplika fejn ditta tal-investiment ma tibqax tissodisfa l-livell limitu msemmi f'dak il-paragrafu, ikkalkulat fuq perijodu ta' 12-il xahar konsekuttiv.

5. L-awtoritajiet kompetenti għandhom jinfurmaw lill-ABE mingħajr dewmien dwar kwalunkwe deċiżjoni meħuda skont il-paragrafi 1, 3 u 4.

6. L-ABE, f'konsultazzjoni mal-ESMA, għandha tiżviluppa abbozzi ta' standards tekniċi regolatorji li jkomplu jispeċifikaw il-kriterji stabbiliti fil-punti (a) u (b) tal-paragrafu 1, u għandha tiżgura l-applikazzjoni konsistenti tagħhom.

L-ABE għandha tippreżenta dawk l-abbozzi ta' standards tekniċi regolatorji lill-Kummissjoni sa ... tat-26 ta' Diċembru 2020.

Il-Kummissjoni hija ddelegata bis-setgħa li tissupplimenta din id-Direttiva billi tadotta l-istandards tekniċi regolatorji msemmija fit-tieni subparagrafu f'konformità mal-Artikoli 10 sa 14 tar-Regolament (UE) Nru 1093/2010.

Artikolu 6

Kooperazzjoni fi ħdan Stat Membru

1. L-awtoritajiet kompetenti għandhom jikkooperaw mill-qrib mal-awtoritajiet kompetenti jew mal-korpi responsabbli fl-Istat Membru tagħhom għas-superviżjoni tal-istituzzjonijiet ta' kreditu u tal-istituzzjonijiet finanzjarji. L-Istati Membri għandhom jesiġu lil dawk l-awtoritajiet kompetenti u dawk l-awtoritajiet jew korpi pubbliċi biex jiskambjaw, mingħajr dewmien, kwalunkwe informazzjoni li tkun essenzjali jew rilevanti għall-eżerċizzju tal-funzjonijiet u d-dmirijiet tagħhom.

2. L-awtoritajiet kompetenti li huma differenti minn dawk iddeżinjati f'konformità mal-Artikolu 67 tad-Direttiva 2014/65/UE għandhom jistabbilixxu mekkaniżmu għall-kooperazzjoni ma' dawk l-awtoritajiet, u għall-iskambju tal-informazzjoni kollha li hi rilevanti għall-eżerċizzju tal-funzjonijiet u tad-dmirijiet rispettivi tagħhom.

Artikolu 7

Kooperazzjoni fi ħdan is-Sistema Ewropea tas-Superviżuri Finanzjarji

1. Waqt il-qadi ta' dmirijiethom, l-awtoritajiet kompetenti għandhom jieħdu kont tal-konverġenza tal-istrumenti superviżorji u l-prattika superviżorja fl-applikazzjoni tad-dispożizzjonijiet legali adottati skont din id-Direttiva u r-[Regolament (UE) 2019/2033.

2. L-Istati Membri għandhom jiżguraw li:

(a)	l-awtoritajiet kompetenti, bħala partijiet għas-SESF, jikkooperaw b'fiduċja u b'rispett reċiproku sħiħ, b'mod partikolari meta jkunu qed jiżguraw l-iskambju ta' informazzjoni adatta, affidabbli u eżawrjenti bejnhom u bejn partijiet oħra għas-SESF;

(b)	l-awtoritajiet kompetenti jipparteċipaw fl-attivitajiet tal-ABE, u, kif adatt, fil-kulleġġi tas-superviżuri msemmija fl-Artikolu 48 ta' din id Direttiva u fl-Artikolu 116 tad-Direttiva 2013/36/UE;

(c)

l-awtoritajiet kompetenti jagħmlu kull sforz biex jiżguraw il-konformità mal-linji gwida u r-rakkomandazzjonijiet maħruġa mill-ABE skont l-Artikolu 16 tar-Regolament (UE) Nru 1093/2010 u jwieġbu għall-avviżi u r-rakkomandazzjonijiet maħruġa mill-Bord Ewropew dwar ir-Riskju Sistemiku (BERS) skont l-Artikolu 16 tar-Regolament (UE) Nru 1092/2010 tal-Parlament Ewropew u tal-Kunsill (22);

(d)	l-awtoritajiet kompetenti jikkooperaw mill-qrib mal-BERS;

(e)	il-kompiti u s-setgħat mogħtija lill-awtoritajiet kompetenti ma jimpedixxux it-twettiq tad-dmirijiet ta' dawk l-awtoritajiet kompetenti bħala membri tal-ABE jew tal-BERS, jew skont din id-Direttiva u skont ir-[Regolament (UE) Nru 2019/2033.

Artikolu 8

Id-dimensjoni tal-Unjoni tas-superviżjoni

L-awtoritajiet kompetenti f'kull Stat Membru għandhom, fl-eżerċizzju tad-dmirijiet ġenerali tagħhom, jikkunsidraw debitament l-impatt potenzjali tad-deċiżjonijiet tagħhom fuq l-istabbiltà tas-sistema finanzjarja fi Stati Membri oħra kkonċernati kif ukoll fl-Unjoni kollha kemm hi u, b'mod partikolari, f'sitwazzjonijiet ta' emerġenza, abbażi tal-informazzjoni disponibbli fiż-żmien rilevanti.

TITOLU III

KAPITAL INIZJALI

Artikolu 9

Kapital inizjali

1. Il-kapital inizjali ta' ditta tal-investiment meħtieġ skont l-Artikolu 15 tad-Direttiva 2014/65/UE għall-awtorizzazzjoni biex tipprovdi kwalunkwe mis-servizzi ta' investiment jew twettaq kwalunkwe waħda mill-attivitajiet ta' investiment elenkati fil-punti (3) u (6) tat-Taqsima A tal-Anness I għad-Direttiva 2014/65/UE għandu jkun ta' EUR 75 000.

2. Il-kapital inizjali ta' ditta tal-investiment meħtieġ skont l-Artikolu 15 tad-Direttiva 2014/65/UE għall-awtorizzazzjoni biex tipprovdi kwalunkwe mis-servizzi ta' investiment jew twettaq l-attivitajiet ta' investiment elenkati fil-punti (1), (2), (4), (5) u (7) tat-Taqsima A tal-Anness I għad-Direttiva 2014/65/UE u li ma tkunx awtorizzata żżomm flus tal-klijenti jew titoli li jappartjenu għall-klijenti tagħha għandu jkun ta' EUR 75 000.

3. Il-kapital inizjali ta' ditta tal-investiment meħtieġ skont l-Artikolu 15 tad-Direttiva 2014/65/UE għal ditti tal-investiment oħra għajr dawk imsemmija fil-paragrafi 1, 2 u 4 ta' dan l-Artikolu għandu jkun ta' EUR 150 000.

4. Il-kapital inizjali ta' ditta tal-investiment awtorizzata biex tipprovdi s-servizzi ta' investiment jew twettaq l-attività ta' investiment elenkata fil-punt (9) tat-Taqsima A tal-Anness I għad-Direttiva 2014/65/UE, fejn dik id-ditta tal-investiment tinnegozja f'isimha stess jew ikollha permess tagħmel dan, għandu jkun ta' EUR 750 000.

Artikolu 10

Referenzi għal kapital inizjali fid-Direttiva 2013/36/UE

Ir-referenzi għal-livelli ta' kapital inizjali stabbiliti fl-Artikolu 9 ta' din id-Direttiva għandhom, minn ... tat-26 ta' Ġunju 2021 jinftiehmu bħala li jissostitwixxu referenzi f'atti legali oħra tal-Unjoni għal-livelli ta' kapital inizjali stabbiliti mid-Direttiva 2013/36/UE, kif ġej:

(a)	referenzi għal kapital inizjali ta' ditti tal-investiment fl-Artikolu 28 tad-Direttiva 2013/36/UE għandhom jinftiehmu bħala referenzi għall-Artikolu 9(1) ta' din id-Direttiva;

(b)	referenzi għal kapital inizjali ta' ditti tal-investiment fl-Artikolu 29 u 31 tad-Direttiva 2013/36/UE għandhom jinftiehmu bħala referenzi għall-Artikolu 9(2), (3) jew (4) ta' din id-Direttiva, skont it-tipi ta' servizzi u attivitajiet ta' investiment tad-ditta tal-investiment;

(c)	referenzi għal kapital inizjali fl-Artikolu 30 tad-Direttiva 2013/36/UE għandhom jinftiehmu bħala referenzi għall-Artikolu 9(1) ta' din id-Direttiva.

Artikolu 11

Kompożizzjoni tal-kapital inizjali

Il-kapital inizjali ta' ditta tal-investiment għandu jiġi kostitwit f'konformità mal-Artikolu 9 tar-Regolament (UE) 2019/2033.

TITOLU IV

SUPERVIŻJONI PRUDENZJALI

KAPITOLU 1

Prinċipji tas-superviżjoni prudenzjali

Taqsima 1

Kompetenzi u dmirijiet tal-Istati Membri tad-domiċilju u ta' dawk ospitanti

Artikolu 12

Kompetenza tal-awtoritajiet kompetenti tal-Istat Membru tad-domiċilju u dak ospitanti

Is-superviżjoni prudenzjali ta' ditti tal-investiment għandha tkun ir-responsabbiltà tal-awtoritajiet kompetenti tal-Istati Membri tad-domiċilju, mingħajr preġudizzju għal dawk id-dispożizzjonijiet ta' din id-Direttiva li jagħtu r-responsabbiltà lill-awtoritajiet kompetenti tal-Istat Membru ospitanti.

Artikolu 13

Kooperazzjoni bejn l-awtoritajiet kompetenti ta' Stati Membri differenti

1. L-awtoritajiet kompetenti ta' Stati Membri differenti għandhom jikkooperaw mill-qrib għall-finijiet tad-dmirijiet tagħhom skont din id-Direttiva u r-Regolament (UE) Nru 2019/2033, b'mod partikolari billi jiskambjaw informazzjoni dwar ditti tal-investiment mingħajr dewmien, inkluż dawn li ġejjin:

(a)	informazzjoni dwar l-istruttura maniġerjali u tas-sjieda tad-ditta tal-investiment;

(b)	informazzjoni dwar il-konformità mar-rekwiżiti tal-fondi proprji mid-ditta tal-investiment;

(c)	informazzjoni dwar il-konformità mar-rekwiżiti ta' riskju tal-konċentrazzjoni u r-rekwiżiti ta' likwidità tad-ditta tal-investiment;

(d)	informazzjoni dwar il-proċeduri amministrattivi u kontabilistiċi u l-mekkaniżmi ta' kontroll intern tad-ditta tal-investiment;

(e)	kwalunkwe fattur rilevanti ieħor li jista' jinfluwenza r-riskju maħluq mid-ditta tal-investiment.

2. L-awtoritajiet kompetenti tal-Istat Membru tad-domiċilju għandhom jipprovdu minnufih lill-awtoritajiet kompetenti tal-Istat Membru ospitanti bi kwalunkwe informazzjoni u sejba dwar il-problemi u r-riskji potenzjali maħluqa minn ditta tal-investiment għall-protezzjoni tal-klijenti jew għall-istabbiltà tas-sistema finanzjarja fl-Istat Membru ospitanti li jkunu identifikaw meta ssorveljaw l-attivitajiet ta' ditta tal-investiment.

3. L-awtoritajiet kompetenti tal-Istat Membru tad-domiċilju għandhom jaġixxu fuq l-informazzjoni pprovduta mill-awtoritajiet kompetenti tal-Istat Membru ospitanti billi jieħdu l-miżuri neċessarji kollha biex jevitaw jew jirrimedjaw il-problemi u r-riskji potenzjali kif msemmija fil-paragrafu 2. Fuq talba, l-awtoritajiet kompetenti tal-Istat Membru tad-domiċilju għandhom jispjegaw fid-dettall lill-awtoritajiet kompetenti tal-Istat Membru ospitanti kif ikunu ħadu kont tal-informazzjoni u s-sejbiet ipprovduti mill-awtoritajiet kompetenti tal-Istat Membru ospitanti.

4. Fejn, wara l-komunikazzjoni tal-informazzjoni u tas-sejbiet imsemmija fil-paragrafu 2, l-awtoritajiet kompetenti tal-Istat Membru ospitanti jikkunsidraw li l-awtoritajiet kompetenti tal-Istat Membru tad-domiċilju ma jkunux ħadu l-miżuri neċessarji msemmija fil-paragrafu 3, l-awtoritajiet kompetenti tal-Istat Membru ospitanti jistgħu, wara li jkun informaw lill-awtoritajiet kompetenti tal-Istat Membru tad-domiċilju, lill-ABE u lill-ESMA, jieħdu l-miżuri adatti biex jipproteġu lill-klijenti li lilhom huma pprovduti s-servizzi jew biex jipproteġu l-istabbiltà tas-sistema finanzjarja.

L-awtoritajiet kompetenti jistgħu jirreferu lill-ABE każijiet li fihom talba għall-kollaborazzjoni, b'mod partikolari talba għall-iskambju ta' informazzjoni, tkun ġiet irrifjutata jew ma tkunx ittieħdet azzjoni fuqha fi żmien raġonevoli. Fir-rigward ta' tali każijiet, l-ABE tista', mingħajr preġudizzju għall-Artikolu 258 TFUE, ABEtaġixxi f'konformità mas-setgħat ikkonferiti lilha skont l-Artikolu 19 tar-Regolament (UE) Nru 1093/2010. L-ABE tista' wkoll tgħin lill-awtoritajiet kompetenti biex jilħqu qbil dwar l-iskambju ta' informazzjoni skont dan l-Artikolu fuq l-inizjattiva tagħha stess f'konformità mat-tieni subparagrafu tal-Artikolu 19(1) ta' dak ir-Regolament.

5. L-awtoritajiet kompetenti tal-Istat Membru tad-domiċilju li ma jaqblux mal-miżuri tal-awtoritajiet kompetenti tal-Istat Membru ospitanti jistgħu jirreferu l-kwistjoni lill-ABE, li għandha taġixxi f'konformità mal-proċedura stabbilita fl-Artikolu 19 tar-Regolament (UE) Nru 1093/2010. Fejn l-ABE taġixxi f'konformità ma' dak l-Artikolu, hi għandha tadotta d-deċiżjoni tagħha fi żmien xahar.

6. Għall-finijiet tal-valutazzjoni tal-kondizzjoni fil-punt (c) tal-ewwel subparagrafu tal-Artikolu 23(1) tar-Regolament (UE)2019/2033, l-awtorità kompetenti tal-Istat Membru tad-domiċilju ta' ditta tal-investiment tista' titlob lill-awtorità kompetenti tal-Istat Membru tad-domiċilju ta' membru tal-ikklirjar biex tipprovdi informazzjoni relatata mal-mudell tal-marġini u l-parametri użati għall-kalkolu tar-rekwiżit tal-marġini tad-ditta tal-investiment rilevanti.

7. L-ABE, f'konsultazzjoni mal-ESMA, għandha tiżviluppa abbozz ta' standards tekniċi regolatorji biex tispeċifika r-rekwiżiti għat-tip u għan-natura tal-informazzjoni msemmija fil-paragrafi 1 u 2 ta' dan l-Artikolu.

Il-Kummissjoni tingħata s-setgħa li tissupplimenta din id-Direttiva billi tadotta l-istandards tekniċi regolatorji msemmija fl-ewwel subparagrafu f'konformità mal-Artikoli 10 sa 14 tar-Regolament (UE) Nru 1093/2010.

8. L-ABE, f'konsultazzjoni mal-ESMA, għandha tiżviluppa abbozz ta' standards tekniċi ta' implimentazzjoni biex tistabbilixxi formoli, mudelli u proċeduri standard għar-rekwiżiti ta' skambju ta' informazzjoni bil-għan li jiffaċilitaw is-superviżjoni tad-ditti tal-investiment.

Il-Kummissjoni tingħata s-setgħa li tadotta l-istandards tekniċi ta' implimentazzjoni msemmija fl-ewwel subparagrafu f'konformità mal-Artikolu 15 tar-Regolament (UE) Nru 1093/2010.

9. L-ABE għandha tippreżenta l-abbozzi ta' standards tekniċi msemmija fil-paragrafi 7 u 8 lill-Kummissjoni sa ... tat-26 ta' Ġunju 2021.

Artikolu 14

Verifiki u spezzjonar fuq il-post ta' fergħat stabbiliti fi Stat Membru ieħor

1. L-Istati Membri ospitanti għandhom jipprevedu li, fejn ditta tal-investiment awtorizzata fi Stat Membru ieħor twettaq l-attivitajiet tagħha permezz ta' fergħa, l-awtoritajiet kompetenti tal-Istat Membru tad-domiċilju jistgħu, wara li jkunu informaw lill-awtoritajiet kompetenti tal-Istat Membru ospitanti, iwettqu, huma stess jew permezz ta' intermedjarji li jinnominaw għal dak il-għan, kontrolli fuq il-post tal-informazzjoni msemmija fl-Artikolu 13(1) u jispezzjonaw tali fergħat.

2. L-awtoritajiet kompetenti tal-Istat Membru ospitanti għandu jkollhom, għal finijiet superviżorji u fejn iqisuh rilevanti għal raġunijiet ta' stabbiltà tas-sistema finanzjarja fl-Istat Membru ospitanti, is-setgħa li jwettqu, fuq bażi ta' każ b'każ, verifiki fuq il-post u spezzjonijiet tal-attivitajiet imwettqa mill-fergħat tad-ditti tal-investiment fit-territorju tagħhom u jitolbu informazzjoni mingħand fergħa dwar l-attivitajiet tagħha.

Qabel ma jwettqu tali kontrolli u spezzjonijiet, l-awtoritajiet kompetenti tal-Istat Membru ospitanti għandhom, mingħajr dewmien, jikkonsultaw lill-awtoritajiet kompetenti tal-Istat Membru tad-domiċilju.

Kemm jista' jkun malajr wara t-tlestija ta' dawk il-kontrolli u l-ispezzjonijiet, l-awtoritajiet kompetenti tal-Istat Membru ospitanti għandhom jikkomunikaw lill-awtoritajiet kompetenti tal-Istat Membru tad-domiċilju l-informazzjoni miksuba u s-sejbiet li jkunu rilevanti għall-valutazzjoni tar-riskju tad-ditta tal-investiment ikkonċernata.

Taqsima 2

Segretezza professjonali u rapportar

Artikolu 15

Segretezza professjonali u skambju ta' informazzjoni kunfidenzjali

1. L-Istati Membri għandhom jiżguraw li l-awtoritajiet kompetenti u l-persuni kollha li jaħdmu jew li jkunu ħadmu għal dawk l-awtoritajiet kompetenti, inkluż il-persuni msemmija fl-Artikolu 76(1) tad-Direttiva 2014/65/UE, huma marbuta bl-obbligu ta' segretezza professjonali għall-finijiet ta' din id-Direttiva u tar-Regolament (UE) 2019/2033.

Informazzjoni kunfidenzjali li tali awtoritajiet kompetenti u persuni jirċievu matul it-twettiq tad-dmirijiet tagħhom tista' tiġi żvelata biss f'forma sommarja jew aggregata, dment li d-ditti tal-investiment individwali jew il-persuni ma jkunux jistgħu jiġu identifikati, bla preġudizzju għall-każijiet koperti bid-dritt kriminali.

Fejn ditta tal-investiment tkun ġiet iddikjarata falluta jew tkun qed tiġi stralċata b'mod obbligatorju, informazzjoni kunfidenzjali li ma tikkonċernax partijiet terzi tista' tiġi divulgata fi proċeduri ċivili jew kummerċjali, fejn tali żvelar tkun meħtieġa għat-twettiq ta' dawk il-proċeduri.

2. L-awtoritajiet kompetenti għandhom jużaw l-informazzjoni kunfidenzjali miġbura, skambjata jew trażmessa skont din id-Direttiva u r-Regolament (UE) 2019/2033 biss għall-fini ta' twettiq ta' dmirijiethom, u b'mod partikolari għall-finijiet li ġejjin:

(a)	għall-monitoraġġ tar-regoli prudenzjali stabbiliti f'din id-Direttiva u fir-Regolament (UE) 2019/2033;

(b)	l-impożizzjoni ta' sanzjonijiet;

(c)	f'appelli amministrattivi kontra deċiżjonijiet tal-awtoritajiet kompetenti;

(d)	fi proċeduri tal-qorti mnedija permezz tal-Artikolu 23.

3. Persuni fiżiċi u ġuridiċi u korpi oħra, għajr għal awtoritajiet kompetenti, li jirċievu informazzjoni kunfidenzjali skont din id-Direttiva u r-Regolament (UE) 2019/2033 għandhom jużaw dik l-informazzjoni biss għall-finijiet li għalihom l-awtorità kompetenti tipprovdiha b'mod espliċitu jew f'konformità mad-dritt nazzjonali.

4. L-awtoritajiet kompetenti jistgħu jiskambjaw informazzjoni kunfidenzjali għall-finijiet tal-paragrafu 2, jistgħu jiddikjaraw b'mod espliċitu kif dik l-informazzjoni għandha tiġi ttrattata u jistgħu jirrestrinġu b'mod espliċitu kwalunkwe trażmissjoni ulterjuri ta' dik l-informazzjoni.

5. L-obbligu msemmi fil-paragrafu 1 ma għandux jipprevjeni lill-awtoritajiet kompetenti milli jibagħtu informazzjoni kunfidenzjali lill-Kummissjoni meta dik l-informazzjoni tkun neċessarja għall-eżerċizzju tas-setgħat tal-Kummissjoni.

6. L-awtoritajiet kompetenti jistgħu jipprovdu lill-ABE, lill-ESMA, lill-BERS, lill-banek ċentrali tal-Istati Membri, lis-Sistema Ewropea ta' Banek Ċentrali (SEBĊ) u lill-Bank Ċentrali Ewropew fil-kapaċità tagħhom bħala awtoritajiet monetarji u, fejn adatt, awtoritajiet pubbliċi responsabbli mis-sorveljanza tas-sistemi ta' pagament u saldu, b'informazzjoni kunfidenzjali fejn dik l-informazzjoni tkun neċessarja għat-twettiq tal-kompiti tagħhom.

Artikolu 16

Arranġamenti ta' kooperazzjoni ma' pajjiżi terzi għall-iskambju ta' informazzjoni

Għall-fini tat-twettiq tal-kompiti superviżorji tagħhom skont din id-Direttiva jew ir-Regolament (UE) 2019/2033, u għall-fini tal-iskambju ta' informazzjoni, l-awtoritajiet kompetenti, l-ABE u l-ESMA f'konformità mal-Artikolu 33 tar-Regolament (UE) Nru 1093/2010 jew l-Artikolu 33 tar-Regolament (UE) Nru 1095/2010, kif applikabbli, jistgħu jikkonkludu arranġamenti ta' kooperazzjoni mal-awtoritajiet superviżorji ta' pajjiżi terzi kif ukoll ma' awtoritajiet jew korpi ta' pajjiżi terzi responsabbli għall-kompiti li ġejjin, dment li l-informazzjoni żvelata tkun soġġetta għal garanziji ta' segretezza professjonali mill-inqas ekwivalenti għal dawk stipulati fl-Artikolu 15 ta' din id-Direttiva:

(a)

is-superviżjoni ta' istituzzjonijiet finanzjarji u swieq finanzjarji, inkluż is-superviżjoni ta' entitajiet finanzjarji liċenzjati biex joperaw bħala kontropartijiet ċentrali, fejn il-kontropartijiet ċentrali jkunu ġew rikonoxxuti skont l-Artikolu 25 tar-Regolament (UE) Nru 648/2012 tal-Parlament Ewropew u tal-Kunsill (23);

(b)	il-likwidazzjoni u l-falliment ta' ditti tal-investiment u proċeduri simili;

(c)	is-sorveljanza tal-korpi involuti fil-likwidazzjoni u fil-falliment ta' ditti tal-investiment u proċeduri simili;

(d)	it-twettiq ta' awditi statutorji fuq istituzzjonijiet finanzjarji jew fuq istituzzjonijiet li jamministraw skemi ta' kumpens;

(e)	is-sorveljanza ta' persuni inkarigati bit-twettiq ta' awditi statutorji tal-kontijiet ta' istituzzjonijiet finanzjarji;

(f)	is-sorveljanza ta' persuni attivi fis-swieq tal-kwoti tal-emissjonijiet għall-fini ta' żgurar ta' ħarsa ġenerali konsolidata lejn is-swieq finanzjarji u spot;

(g)	is-sorveljanza ta' persuni attivi fis-swieq tad-derivati ta' prodotti bażiċi agrikoli għall-fini ta' żgurar ta' ħarsa ġenerali konsolidata lejn is-swieq finanzjarji u spot.

Artikolu 17

Dmirijiet tal-persuni responsabbli għall-kontroll tal-kontijiet annwali u konsolidati

L-Istati Membri għandhom jipprevedu li kwalunkwe persuna li tkun awtorizzata f'konformità mad-Direttiva 2006/43/KE tal-Parlament Ewropew u tal-Kunsill (24) u li twettaq f'ditta tal-investiment il-kompiti deskritti fl-Artikolu 73 tad-Direttiva 2009/65/KE jew fl-Artikolu 34 tad-Direttiva 2013/34/UE, jew kwalunkwe kompitu statutorju ieħor, għandu jkollha d-dmir li tirrapporta minnufih lill-awtoritajiet kompetenti kwalunkwe fatt jew deċiżjoni li jikkonċernaw dik id-ditta tal-investiment, jew li jikkonċernaw impriża li għandha rabtiet mill-qrib ma' dik id-ditta tal-investiment li:

(a)	jikkostitwixxu ksur materjali tal-liġijiet, tar-regolamenti jew tad-dispożizzjonijiet amministrattivi stabbiliti skont din id-Direttiva;

(b)	jistgħu jaffettwaw il-funzjonament kontinwu tad-ditta tal-investiment; jew

(c)	jistgħu jwasslu għar-rifjut taċ-ċertifikazzjoni tal-kontijiet jew jistgħu jwasslu għall-espressjoni ta' riżervi.

Taqsima 3

Sanzjonijiet, setgħat investigattivi, u dritt ta' appell

Artikolu 18

Sanzjonijiet amministrattivi u miżuri amministrattivi oħra

1. Mingħajr preġudizzju għas-setgħat superviżorji msemmija fit-Taqsima 4 tal-Kapitolu 2 tat-titolu IV ta' din id-Direttiva, inkluż setgħat investigattivi u setgħat tal-awtoritajiet kompetenti li jimponu rimedji, u d-dritt ta' Stati Membri li jipprevedu u jimponu sanzjonijiet kriminali, l-Istati Membri għandhom jistipulaw ir-regoli dwar sanzjonijiet amministrattivi u miżuri amministrattivi oħra u jiżguraw li l-awtoritajiet kompetenti tagħhom ikollhom is-setgħa li jimponu tali sanzjonijiet u miżuri fir-rigward ta' ksur tad-dispożizzjonijiet nazzjonali li jittrasponu din id-Direttiva u tar-Regolament (UE) 2019/2033, inkluż meta ditta tal-investiment:

(a)	tonqos milli ddaħħal fis-seħħ arranġamenti ta' governanza interna kif stabbilit fl-Artikolu 26;

(b)

tonqos milli tirrapporta informazzjoni jew tipprovdi informazzjoni mhux kompluta jew mhux preċiża dwar il-konformità mal-obbligu li tissodisfa r-rekwiżiti tal-fondi proprji stipulati fl-Artikolu 11 tar-Regolament (UE) 2019/2033 lill-awtoritajiet kompetenti, bi ksur tal-punt (b) tal-Artikolu 54(1) ta' dak ir-Regolament;

(c)	tonqos milli tirrapporta lill-awtoritajiet kompetenti, bi ksur tal-punt (e) tal-Artikolu 54(1) tar-Regolament (UE) Nru 2019/2033, informazzjoni dwar ir-riskju ta' konċentrazzjoni jew tipprovdi informazzjoni mhux kompleta jew mhux preċiża;

(d)	iġġarrab riskju ta' konċentrazzjoni li jaqbeż il-limiti stabbilit fl-Artikolu 37 tar-Regolament (UE) 2019/2033, mingħajr preġudizzju għall-Artikoli 38 u 39 ta' dak ir-Regolament;

(e)	tonqos b'mod ripetut jew persistenti milli żżomm assi likwidi bi ksur tal-Artikolu 43 tar-Regolament (UE) Nru 2019/2033, mingħajr preġudizzju għall-Artikolu 44 ta' dak ir-Regolament;

(f)	tonqos milli tiżvela informazzjoni, jew tipprovdi informazzjoni mhux kompleta jew mhux eżatta bi ksur tad-dispożizzjonijiet stabbilit fis-Sitt Parti tar-Regolament (UE) 2019/2033;

(g)	tagħmel pagamenti lil detenturi ta' strumenti inklużi fil-fondi proprji tad-ditta tal-investiment fejn l-Artikolu 28, 52 jew 63 tar-Regolament (UE) Nru 575/2013 jipprojbixxi tali pagamenti lil detenturi ta' strumenti inklużi fil-fondi proprji;

(h)	tinstab li tkun responsabbli għal ksur serju ta' dispożizzjonijiet nazzjonali adottati skont id-Direttiva (UE) 2015/849 tal-Parlament Ewropew u tal-Kunsill (25);

(i)	tippermetti li persuna waħda jew aktar ma jikkonformawx mal-Artikolu 91 tad-Direttiva 2013/36/UE biex isiru jew jibqgħu membri tal-korp maniġerjali.

L-Istati Membri li ma jistabbilixxux regoli dwar sanzjonijiet amministrattivi għal ksur li hu soġġett għal-liġi kriminali nazzjonali għandhom jikkomunikaw lill-Kummissjoni d-dispożizzjonijiet rilevanti tad-dritt kriminali.

Is-sanzjonijiet amministrattivi u miżuri amministrattivi oħra għandhom ikunu effettivi, proporzjonati u dissważivi.

2. Is-sanzjonijiet amministrattivi u l-miżuri amministrattivi l-oħra msemmija fl-ewwel subparagrafu tal-paragrafu 1 għandhom jinkludu dan li ġej:

(a)	dikjarazzjoni pubblika li tidentifika l-persuna fiżika jew ġuridika, id-ditta tal-investiment, il-kumpanija holding ta' investiment jew il-kumpanija holding finanzjarja mħallta responsabbli u n-natura tal-ksur;

(b)	ordni li teħtieġ li l-persuna fiżika jew ġuridika responsabbli twaqqaf l-imġiba u li tieqaf milli tirrepeti dik l-imġiba;

(c)	projbizzjoni temporanja għal membri tal-korp maniġerjali tad-ditta tal-investiment jew kwalunkwe persuna fiżika oħra responsabbli għall-eżerċizzju ta' funzjonijiet f'ditti tal-investiment;

(d)

f'każ ta' persuna ġuridika, sanzjonijiet amministrattivi pekunarji sa 10 % tal-fatturat nett annwali totali, inkluż l-introjtu gross li jikkonsisti minn imgħax riċevibbli u introjtu simili, introjtu mill-ishma u titoli oħra b'rendita fissa jew varjabbli, u kummissjonijiet jew tariffi tal-impriża fis-sena kummerċjali preċedenti;

(e)	f'każ ta' persuna ġuridika, sanzjonijiet amministrattivi pekunarji sa mhux aktar mid-doppju tal-ammont tal-profitti miksuba jew tat-telf evitat minħabba l-ksur fejn dawk il-profitti jew telf ikunu jistgħu jiġu ddeterminati;

(f)	f'każ ta' persuna fiżika, sanzjonijiet amministrattivi pekunarji sa mhux aktar minn EUR 5 000 000, jew fl-Istati Membri li l-munita tagħhom mhijiex l-euro, il-valur korrispondenti fil-munita nazzjonali fi tat-25 ta' Diċembru 2019.

Fejn impriża msemmija fil-punt (d) tal-ewwel subparagrafu tkun sussidjarja, l-introjtu gross rilevanti għandu jkun l-introjtu gross li jirriżulta mill-kont konsolidat tal-impriża prinċipali apikali fis-sena kontabilistika preċedenti.

L-Istati Membri għandhom jiżguraw li fejn ditta tal-investiment tkun qed tikser id-dispożizzjonijiet nazzjonali li jittrasponu din id-Direttiva jew tkun qed tikser id-dispożizzjonijiet tar-Regolament (UE) 2019/2033, jistgħu jiġu applikati sanzjonijiet amministrattivi mill-awtorità kompetenti fir-rigward tal-membri tal-korp maniġerjali u fir-rigward ta' persuni fiżiċi oħra li jkunu responsabbli għall-ksur skont il-liġi nazzjonali.

3. L-Istati Membri għandhom jiżguraw li meta jiddeterminaw it-tip ta' sanzjonijiet amministrattivi jew ta' miżuri amministrattivi oħra msemmija fil-paragrafu 1 u l-livell ta' sanzjonijiet amministrattivi pekunarji, l-awtoritajiet kompetenti għandhom jieħdu kont taċ-ċirkostanzi rilevanti kollha, inkluż, fejn adatt:

(a)	il-gravità u d-durata tal-ksur;

(b)	il-grad ta' responsabbiltà tal-persuni fiżiċi jew ġuridiċi responsabbli għall-ksur;

(c)	is-saħħa finanzjarja tal-persuni fiżiċi jew ġuridiċi responsabbli għall-ksur, inkluż il-fatturat totali tal-persuni ġuridiċi jew l-introjtu annwali tal-persuni fiżiċi;

(d)	l-importanza tal-profitti miksuba jew tat-telf evitat mill-persuni ġuridiċi responsabbli għall-ksur;

(e)	kwalunkwe telf imġarrab minn partijiet terzi bħala riżultat tal-ksur;

(f)	il-livell ta' kooperazzjoni mal-awtoritajiet kompetenti rilevanti;

(g)	il-ksur preċedenti mill-persuni fiżiċi jew ġuridiċi responsabbli għall-ksur;

(h)	kwalunkwe konsegwenza sistemika potenzjali tal-ksur.

Artikolu 19

Setgħat investigattivi

L-Istati Membri għandhom jiżguraw li l-awtoritajiet kompetenti jkollhom is-setgħat kollha ta' ġbir ta' informazzjoni u ta' investigazzjoni kollha meħtieġa biex jeżerċitaw il-funzjonijiet tagħhom, inkluż:

(a)

is-setgħa li jesiġu li l-persuni fiżiċi jew ġuridiċi li ġejjin jipprovdu informazzjoni:

(i)	ditti tal-investiment stabbiliti fl-Istat Membru kkonċernat;

(ii)	kumpaniji holding ta' investiment stabbiliti fl-Istat Membru kkonċernat;

(iii)

kumpaniji holding finanzjarji mħallta stabbiliti fl-Istat Membru kkonċernat;

(iv)	kumpaniji holding ta' attività mħallta stabbiliti fl-Istat Membru kkonċernat;

(v)	persuni li jappartjenu għall-entitajiet imsemmija fil-punti (i) sa (iv);

(vi)	partijiet terzi li l-entitajiet msemmija fil-punti (i) sa (iv) ikunu esternalizzawlhom funzjonijiet jew attivitajiet operazzjonali;

(b)

is-setgħa li jsiru l-investigazzjonijiet neċessarji kollha ta' kwalunkwe persuna li ssir referenza għaliha fil-punt (a) li tkun stabbilita jew lokalizzata fl-Istat Membru kkonċernat, inkluż id-dritt:

(i)	li tintalab is-sottomissjoni ta' dokumenti mill-persuni msemmija fil-punt (a);

(ii)	li jiġu eżaminati l-kotba u r-reġistri tal-persuni msemmija fil-punt (a) u li jsiru kopji jew jittieħdu siltiet mit-tali kotba u reġistri;

(iii)

li jinkisbu spjegazzjonijiet bil-miktub jew bil-fomm mingħand il-persuni msemmija fil-punt (a) jew mingħand ir-rappreżentanti jew il-persunal tagħhom;

(iv)	li tiġi intervistata kull persuna rilevanti oħra għall-finijiet tal-ġbir ta' informazzjoni fuq is-suġġett ta' investigazzjoni;

(c)

is-setgħa li jsiru l-ispezzjonijiet neċessarji kollha fil-bini tan-negozju tal-persuni ġuridiċi msemmija fil-punt (a) u kwalunkwe impriża oħra inkluża fis-superviżjoni tal-konformità mat-test tal-kapital ta' grupp, fejn l-awtorità kompetenti tkun is-superviżur tal-grupp, dment li jiġu nnotifikati minn qabel l-awtoritajiet kompetenti l-oħra kkonċernati.

Artikolu 20

Il-pubblikazzjoni ta' sanzjonijiet amministrattivi u ta' miżuri amministrattivi oħra

1. L-Istati Membri għandhom jiżguraw li l-awtoritajiet kompetenti jippubblikaw fuq is-sit web uffiċjali tagħhom mingħajr dewmien żejjed kwalunkwe sanzjoni amministrattiva u miżura amministrattiva oħra imposta f'konformità mal-Artikolu 18 u li kontrihom ma jkun hemm ebda appell jew li ma jista' jsir ebda appell. Dik il-pubblikazzjoni għandha tinkludi informazzjoni dwar it-tip u n-natura tal-ksur u l-identità tal-persuna fiżika jew ġuridika li fuqha hija imposta s-sanzjoni jew li kontriha tittieħed il-miżura. L-informazzjoni għandha tiġi ppubblikata biss wara li dik il-persuna tkun ġiet infurmata dwar dawk is-sanzjonijiet jew miżuri u sakemm il-pubblikazzjoni tkun neċessarja u proporzjonata.

2. Fejn l-Istati Membri jippermettu l-pubblikazzjoni ta' sanzjonijiet amministrattivi jew miżuri amministrattivi oħra imposti f'konformità mal-Artikolu 18, li kontriha jkun tressaq appell, l-awtoritajiet kompetenti għandhom ukoll jippubblikaw fuq is-sit web uffiċjali tagħhom informazzjoni dwar l-istatus tal-appell u dwar l-eżitu tal-appell.

3. L-awtoritajiet kompetenti għandhom jippubblikaw is-sanzjonijiet amministrattivi jew miżuri amministrattivi oħra imposti f'konformità mal-Artikolu 18 fuq bażi anonima fi kwalunkwe waħda miċ-ċirkostanzi li ġejjin:

(a)	is-sanzjoni jew il-miżura tkun ġie imposta fuq persuna fiżika u l-pubblikazzjoni tad-data personali ta' dik il-persuna tinstab li tkun sproporzjonata;

(b)	il-pubblikazzjoni tkun tipperikola investigazzjoni kriminali li tkun għaddejja jew l-istabbiltà tas-swieq finanzjarji;

(c)	il-pubblikazzjoni tkun tikkawża ħsara sproporzjonata għad-ditti tal-investiment jew għall-persuni fiżiċi involuti.

4. L-awtoritajiet kompetenti għandhom jiżguraw li l-informazzjoni ppubblikata skont dan l-Artikolu tibqa' fuq is-sit web uffiċjali tagħhom mill-inqas għal ħames snin. Data personali tista' tinżamm biss fuq is-sit web uffiċjali tal-awtorità kompetenti, meta dan ikun permess mirr-regoli applikabbli dwar il-protezzjoni tad-data.

Artikolu 21

Rapportar tas-sanzjonijiet lill-ABE

L-awtoritajiet kompetenti għandhom jinformaw lill-ABE dwar is-sanzjonijiet u miżuri amministrattivi oħra imposti skont l-Artikolu 18, dwar kwalunkwe appell kontra dawk is-sanzjonijiet u l-miżuri u dwar l-eżitu tagħhom. L-ABE għandha żżomm bażi ta' data ċentrali ta' sanzjonijiet u ta' miżuri amministrattivi oħra kkomunikati lilha unikament għall-finijiet tal-iskambju ta' informazzjoni bejn l-awtoritajiet kompetenti. Dik il-bażi ta' data għandha tkun aċċessibbli biss għall-awtoritajiet kompetenti u għall-ESMA biss u għandha tiġi aġġornata regolament, u mill-inqas kull sena.

L-ABE għandha żżomm sit web b'ħoloq għall-pubblikazzjoni tas-sanzjonijiet amministrattivi u ta' miżuri amministrattivi oħra ta' kull awtorità kompetenti imposti f'konformità mal-Artikolu 18 u għandha tiddikjara l-perijodu ta' kemm idumu ppubblikati s-sanzjonijiet u miżuri amministrattivi oħra ta' kull Stat Membru.

Artikolu 22

Rapportar ta' ksur

1. L-Istati Membri għandhom jiżguraw li l-awtoritajiet kompetenti jistabbilixxu mekkaniżmi effettivi u affidabbli biex jippermettu r-rapportar fil-pront ta' ksur potenzjali jew reali tad-dispożizzjonijiet nazzjonali li jittrasponu din id-Direttiva u tar-Regolament (UE) 2019/2033 lill-awtoritajiet kompetenti.

Dawk il-mekkaniżmi għandhom jinkludu dawn li ġejjin:

(a)	proċeduri speċifiċi għar-riċeviment, it-trattament u s-segwitu ta' tali rapporti, inkluż l-istabbiliment ta' kanali ta' komunikazzjoni sikuri;

(b)	protezzjoni adatta kontra r-ritaljazzjoni, id-diskriminazzjoni jew tipi oħra ta' trattament inġust mid-ditti tal-investiment għal impjegati ta' ditti tal-investiment li jirrappurtaw ksur imwettaq fi ħdan id-ditta tal-investiment;

(c)	il-protezzjoni tad-data personali li tirrigwarda kemm lill-persuna li tirrapporta l-ksur kif ukoll lill-persuna fiżika li allegatament hija responsabbli għal dak il-ksur, f'konformità mar-Regolament (UE) 2016/679;

(d)

regoli ċari li jiżguraw li tiġi ggarantita l-kunfidenzjalità fil-każijiet kollha fir-rigward tal-persuna li tirrapporta l-ksur imwettaq fi ħdan id-ditta tal-investiment, sakemm id-divulgazzjoni ma tkunx meħtieġa mid-dritt nazzjonali fil-kuntest ta' investigazzjonijiet ulterjuri jew ta' proċedimenti amministrattivi jew ġudizzjarji sussegwenti.

2. L-Istati Membri għandhom jobbligaw lid-ditti tal-investiment li jkollhom fis-seħħ proċeduri adatti għall-impjegati tagħhom biex jirrapportaw ksur internament permezz ta' kanal speċifiku indipendenti. Dawk il-proċeduri jistgħu jiġu pprovduti mis-sħab soċjali dment li dawk il-proċeduri joffru l-istess protezzjoni bħall-protezzjoni msemmija fil-punti (b), (c) u (d) tal-paragrafu 1.

Artikolu 23

Dritt ta' appell

L-Istati Membri għandhom jiżguraw li d-deċiżjonijiet u l-miżuri meħuda skont ir-Regolament (UE) 2019/2033 jew skont il-liġijiet, ir-regolamenti u d-dispożizzjonijiet amministrattivi adottati f'konformità ma' din id-Direttiva jkunu soġġetti għal dritt ta' appell.

KAPITOLU 2

Proċess ta' rieżami

Taqsima 1

Proċess ta' valutazzjoni tal-adegwatezza tal-kapital intern u proċess intern tal-valutazzjoni tar-riskju

Artikolu 24

Kapital intern u assi likwidi

1. Id-ditti tal-investiment li ma jissodisfawx il-kondizzjonijiet ta' kwalifika għal ditti tal-investiment żgħar u mhux interkonnessi stabbiliti fl-Artikolu 12(1) tar-Regolament (UE) 2019/2033 għandu jkollhom fis-seħħ arranġamenti, strateġiji u proċessi sodi, effettivi u komprensivi biex jivvalutaw u jżommu fuq bażi kontinwa l-ammonti, it-tipi u d-distribuzzjoni tal-kapital intern u l-assi likwidi li huma jqisu bħala adegwati biex ikopru n-natura u l-livell tar-riskji li huma jistgħu jikkawżaw lil oħrajn u li d-ditti tal-investiment infushom huma jew jistgħu jiġu esposti għalihom.

2. L-arranġamenti, l-istrateġiji u l-proċessi msemmija fil-paragrafu 1 għandhom ikunu adatti u proporzjonati għan-natura, l-iskala u l-kumplessità tal-attivitajiet tad-ditta tal-investiment ikkonċernata. Huma għandhom ikunu soġġetti għal eżami intern regolari.

L-awtoritajiet kompetenti jistgħu jitolbu li d-ditti tal-investiment jissodisfaw il-kondizzjonijiet ta' kwalifika għal ditti tal-investiment żgħar u mhux interkonnessi stabbiliti fl-Artikolu 12(1) tar-Regolament (UE) 2019/2033 japplikaw ir-rekwiżiti previsti f'dan l-Artikolu sal-livell li l-awtoritajiet kompetenti jqisu bħala adatt.

Taqsima 2

Governanza interna, trasparenza, trattament tar-riskji u remunerazzjoni

Artikolu 25

Kamp ta' applikazzjoni ta' din it-Taqsima

1. Din it-Taqsima ma għandhiex tapplika fejn, abbażi tal-Artikolu 12(1) tar-Regolament (UE) 2019/2033, ditta tal-investiment tiddetermina li hija tissodisfa l-kondizzjonijiet kollha ta' kwalifika għal ditti tal-investiment żgħar u mhux interkonnessi stabbiliti fiha.

2. Fejn ditta tal-investiment, li ma tkunx issodisfat il-kondizzjonijiet kollha stabbiliti fl-Artikolu 12(1) tar-Regolament (UE) 2019/2033 sussegwentement tissodisfa dawk il-kondizzjonijiet, din it-Taqsima għandha tieqaf milli tapplika biss wara perijodu ta' sitt xhur mid-data li fiha ġew issodisfati dawk il-kondizzjonijiet. Din it-taqsima għandha tieqaf milli tapplika għal ditta tal-investiment wara dak il-perijodu msemmi biss meta d-ditta tal-investiment kompliet tissodisfa l-kondizzjonijiet stipulati fl-Artikolu 12(1) tar-Regolament (UE) 2019/2033 mingħajr interruzzjoni matul dak il-perijodu u meta tkun innotifikat lill-awtorità kompetenti dwar dan.

3. Fejn ditta tal-investiment tiddetermina li hija m'għadhiex tissodisfa l-kondizzjonijiet kollha stabbiliti fl-Artikolu 12(1) tar-Regolament (UE) 2019/2033, hija għandha tinnotifika lill-awtorità kompetenti u tikkonforma ma' din it-Taqsima fi żmien 12-il xahar mid-data li fiha tkun saret dik il-valutazzjoni.

4. L-Istati Membri għandhom jirrikjedu li d-ditti tal-investiment japplikaw id-dispożizzjonijiet stabbiliti fl-Artikolu 32 għal remunerazzjoni mogħtija għal servizzi pprovduti jew għall-prestazzjoni fis-sena finanzjarja wara s-sena finanzjarja li fiha saret il-valutazzjoni msemmija fil-paragrafu 3.

Fejn tapplika din it-Taqsima u jiġi applikat l-Artikolu 8 tar-Regolament (UE) 2019/2033, l-Istati Membri għandhom jiżguraw li din it-Taqsima tiġi applikata għal ditti tal-investiment fuq bażi individwali.

Fejn tapplika din it-Taqsima u tiġi applikata l-konsolidazzjoni prudenzjali kif imsemmi fl-Artikolu 7 tar-Regolament (UE) 2019/2033, l-Istati Membri għandhom jiżguraw li din it-Taqsima tiġi applikata għal ditti tal-investiment fuq bażi individwali u konsolidata.

B'deroga mit-tielet subparagrafu, din it-Taqsima ma għandhiex tapplika għal impriżi sussidjarji inklużi f'sitwazzjoni konsolidata li jkunu stabbiliti f'pajjiżi terzi, fejn l-impriża prinċipali fl-Unjoni tkun tista' turi lill-awtoritajiet kompetenti li l-applikazzjoni ta' din it-Taqsima tkun illegali skont il-liġijiet tal-pajjiż terz fejn ikunu stabbiliti dawk l-impriżi sussidjarji.

Artikolu 26

Governanza interna

1. L-Istati Membri għandhom jiżguraw li d-ditti tal-investiment jkollhom arranġamenti ta' governanza robusti, inkluż dawn kollha li ġejjin:

(a)	struttura organizzattiva ċara b'linji ta' responsabbiltà definiti sew, trasparenti u konsistenti;

(b)	proċessi effettivi għall-identifikazzjoni, il-ġestjoni, il-monitoraġġ u r-rapportar tar-riskji li d-ditti tal-investiment huma esposti għalihom jew li jistgħu jkunu esposti għalihom, jew ir-riskji li jesponu jew li jistgħu jesponu lil oħrajn għalihom;

(c)	mekkaniżmi adegwati ta' kontroll intern, inkluż proċeduri amministrattivi u kontabilistiċi sodi;

(d)	politiki u prattiki ta' remunerazzjoni li huma konsistenti ma' u jippromwovu ġestjoni tar-riskju soda u effettiva.

Il-politiki u l-prattiki ta' remunerazzjoni msemmija fil-punt (d) tal-ewwel subparagrafu għandhom ikunu newtrali fir-rigward tas-sessi.

2. Meta jiġu stabbiliti l-arranġamenti msemmija fil-paragrafu 1, għandu jittieħed kont tal-kriterji stabbiliti fl-Artikoli 28 sa 33.

3. L-arranġamenti msemmija fil-paragrafu 1 għandhom ikunu adatti u proporzjonati għan-natura, l-iskala u l-kumplessità tar-riskji inerenti fil-mudell tan-negozju u fl-attivitajiet tad-ditta tal-investiment.

4. L-ABE, f'konsultazzjoni mal-ESMA, għandha toħroġ linji gwida dwar l-applikazzjoni tal-arranġamenti ta' governanza msemmija fil-paragrafu 1.

L-ABE, f'konsultazzjoni mal-ESMA, għandha toħroġ linji gwida f'konformità mal-Artikolu 16 tar-Regolament (UE) Nru 1093/2010 dwar politiki ta' remunerazzjoni newtrali fir-rigward tas-sessi għal ditti tal-investiment.

Fi żmien sentejn mid-data tal-pubblikazzjoni ta' dawk il-linji gwida, l-ABE għandha toħroġ rapport dwar l-applikazzjoni tal-politiki ta' remunerazzjoni newtrali fir-rigward tas-sessi għal ditti tal-investiment abbażi tal-informazzjoni miġbura mill-awtoritajiet kompetenti.

Artikolu 27

Rapportar għal kull pajjiż

1. L-Istati Membri għandhom jirrikjedu li d-ditti tal-investiment li jkollhom fergħa jew sussidjarja li hija istituzzjoni finanzjarja kif definit fil-punt (26) tal-Artikolu 4(1) tar-Regolament (UE) Nru 575/2013 fi Stat Membru jew f'pajjiż terz minbarra dak li fih ingħatat l-awtorizzazzjoni lid-ditta tal-investiment li jiżvelaw l-informazzjoni li ġejja skont l-Istat Membru u skont il-pajjiż terz fuq bażi annwali:

(a)	l-isem, in-natura tal-attivitajiet u l-post fejn jinsabu kwalunkwe sussidjarja u fergħa;

(b)	il-fatturat;

(c)	l-għadd ta' impjegati fuq bażi ekwivalenti għal full time;

(d)	il-profitt jew telf qabel it-taxxa;

(e)	it-taxxa fuq il-profitt jew it-telf;

(f)	is-sussidji pubbliċi riċevuti.

2. L-informazzjoni msemmija fil-paragrafu 1 ta' dan l-Artikolu għandha tiġi vverifikata f'konformità mad-Direttiva 2006/43/KE u, fejn possibbli, għandha tiġi annessa mal-dikjarazzjonijiet finanzjarji annwali jew, fejn applikabbli, mad-dikjarazzjonijiet finanzjarji kkonsolidati ta' dik id-ditta tal-investiment.

Artikolu 28

Rwol tal-korp maniġerjali fil-ġestjoni tar-riskju

1. L-Istati Membri għandhom jiżguraw li l-korp maniġerjali tad-ditta tal-investiment japprova u perjodikament jeżamina l-istrateġija u l-politiki dwar il-predispożizzjoni għar-riskju tad-ditta tal-investiment, u dwar il-ġestjoni, il-monitoraġġ u l-mitigazzjoni tar-riskji li d-ditta tal-investiment hija esposta għalihom jew tista' tkun esposta għalihom, filwaqt li jittieħed kont tal-ambjent makroekonomiku u taċ-ċiklu kummerċjali tad-ditta tal-investiment.

2. L-Istati Membri għandhom jiżguraw li l-korp maniġerjali jiddedika biżżejjed żmien għall-iżgurar ta' konsiderazzjoni adatta tal-materji msemmija fil-paragrafu 1 u li dan jalloka riżorsi adegwati għall-ġestjoni tar-riskji materjali kollha li għalihom hi esposta d-ditta tal-investiment.

3. L-Istati Membri għandhom jiżguraw li d-ditti tal-investiment jistabbilixxu linji ta' rapportar lill-korp maniġerjali għal kull riskju materjali u għal kull politika ta' ġestjoni tar-riskju u kwalunkwe tibdil għalihom.

4. L-Istati Membri għandhom jirrikjedu li d-ditti kollha ta' investiment li ma jissodisfawx il-kriterji stabbiliti fil-punt (a) tal-Artikolu 32(4) li jistabbilixxu kumitat tar-riskju kompost minn membri tal-korp maniġerjali li ma jwettqu ebda funzjoni eżekuttiva fid-ditta tal-investiment ikkonċernata.

Il-membri tal-kumitat tar-riskju msemmi fl-ewwel subparagrafu għandu jkollhom għarfien, ħiliet u għarfien espert adatti biex jifhmu, jimmaniġġjaw u jimmonitorjaw bis-sħiħ l-istrateġija tar-riskju u l-predispożizzjoni għar-riskju tad-ditta tal-investiment. Huma għandhom jiżguraw li l-kumitat tar-riskju jagħti pariri lill-korp maniġerjali dwar il-predispożizzjoni għar-riskju u l-istrateġija tar-riskju ġenerali attwali u futura tad-ditta tal-investiment u jassisti lill-korp maniġerjali fis-sorveljanza tal-implimentazzjoni ta' dik l-istrateġija mill-maniġment superjuri. Il-korp maniġerjali għandu jibqa' dak kumplessivament responsabbli għall-istrateġiji u l-politiki tar-riskju tad-ditta tal-investiment.

5. L-Istati Membri għandhom jiżguraw li l-korp maniġerjali fil-funzjoni superviżorja tiegħu u l-kumitat tar-riskju ta' dak il-korp maniġerjali, fejn ikun ġie stabbilit kumitat tar-riskju, ikollhom aċċess għal informazzjoni dwar ir-riskji li għalihom hi skoperta jew tista' tkun skoperta d-ditta tal-investiment.

Artikolu 29

Trattament tar-riskji

1. L-awtoritajiet kompetenti għandhom jiżguraw li d-ditti tal-investiment ikollhom strateġiji, politiki, proċessi u sistemi robusti għall-identifikazzjoni, il-kejl, il-immaniġġjar u l-monitoraġġ ta' dan li ġej:

(a)	sorsi materjali u effetti tar-riskji għal klijenti, u kull impatt materjali fuq il-fondi proprji;

(b)	sorsi materjali u effetti tar-riskji għas-suq u kull impatt materjali fuq il-fondi proprji;

(c)	sorsi materjali u effetti tar-riskju għad-ditti tal-investiment, b'mod partikolari dawk li jistgħu jnaqqsu l-livell ta' fondi proprji disponibbli;

(d)	ir-riskju tal-likwidità fuq sett adatt ta' perijodi ta' żmien, inkluż ta' dakinhar, sabiex jiġi żgurat li d-ditta tal-investiment iżżomm livelli adegwati ta' riżorsi likwidi, inkluż fir-rigward tal-indirizzar ta' sorsi materjali tar-riskji skont il-punti (a),b u (c).

L-istrateġiji, il-politiki, il-proċessi u s-sistemi għandhom ikunu proporzjonati għall-kumplessità, għall-profil tar-riskju, u għall-ambitu tal-operat tad-ditta tal-investiment u għat-tolleranza tar-riskju stabbiliti mill-korp maniġerjali, u għandhom jirriflettu l-importanza tad-ditta tal-investiment f'kull Stat Membru li fih twettaq negozju.

Għall-finijiet tal-punt (a) tal-ewwel subparagrafu u tat-tieni subparagrafu, l-awtoritajiet kompetenti għandhom iqisu l-liġi nazzjonali li tirregola s-segregazzjoni applikabbli għal flus tal-klijenti miżmuma.

Għall-finijiet tal-punt (a) tal-ewwel subparagrafu, id-ditti tal-investiment għandhom jikkunsidraw li jkollhom assigurazzjoni ta' indennizz professjonali bħala għodda effettiva fil-ġestjoni tar-riskji tagħhom.

Għall-finijiet tal-punt (c), is-sorsi materjali tar-riskju għad-ditta tal-investiment infisha għandhom jinkludu, jekk rilevanti, bidliet materjali fil-valur fil-kotba tal-assi, inkluż kull pretensjoni fuq aġenti marbuta, in-nuqqas ta' klijenti jew ta' kontropartijiet, pożizzjonijiet fi strumenti finanzjarji, muniti barranin u prodotti, u obbligi għal skemi ta' pensjoni ta' benefiċċju definiti.

Id-ditti tal-investiment għandhom jagħtu l-konsiderazzjoni dovuta lil kwalunkwe impatt materjali fuq fondi proprji fejn tali riskji ma jiġux koperti kif adatt mir-rekwiżiti tal-fondi proprji ikkalkulati skont l-Artikolu 11 tar-Regolament (UE) 2019/2033.

2. Meta d-ditti tal-investiment ikunu jeħtieġu stralċ jew iwaqqfu l-attivitajiet tagħhom, l-awtoritajiet kompetenti għandhom jirrikjedu li d-ditti tal-investiment, billi jieħdu kont tal-vijabbiltà u s-sostenibbiltà tal-mudelli ta' negozju u tal-istrateġiji tagħhom, jikkunsidraw b'mod dovut ir-rekwiżiti u r-riżorsi meħtieġa li huma realistiċi, f'termini ta' limiti ta' żmien u l-manutenzjoni tal-fondi proprji u ta' riżorsi likwidi, tul il-proċess kollu tal-ħruġ mis-suq.

3. B'deroga mill-Artikolu 25, il-punti (a), (c) u (d) tal-paragrafu 1 ta' dan l-Artikolu għandhom japplikaw għad-ditti tal-investiment li jissodisfaw il-kondizzjonijiet ta' kwalifika għal ditti tal-investiment żgħar u mhux interkonnessi stabbiliti fl-Artikolu 12(1) tar-Regolament (UE) 2019/2033.

4. Il-Kummissjoni għandha s-setgħa li tadotta atti delegati f'konformità mal-Artikolu 58 biex tissupplimenta din id-Direttiva biex jiġi żgurat li jkunu robusti l-istrateġiji, il-politiki, il-proċessi u s-sistemi tad-ditti tal-investiment. B'hekk il-Kummissjoni għandha tieħu kont tal-iżviluppi fis-swieq finanzjarji, u b'mod partikolari l-feġġa ta' prodotti finanzjarji ġodda, l-iżviluppi fl-istandards kontabilistiċi u l-iżviluppi li jiffaċilitaw il-konverġenza tal-prattiki superviżorji.

Artikolu 30

Politiki ta' remunerazzjoni

1. L-Istati Membri għandhom jiżguraw li d-ditti tal-investiment, meta jistabbilixxu u japplikaw il-politiki ta' remunerazzjoni tagħhom għal kategoriji ta' persunal, inkluż il-maniġment superjuri, dawk li jieħu r-riskju, il-persunal attiv f'funzjonijiet ta' kontroll u kwalunkwe impjegat li jirċievi remunerazzjoni ġenerali li tkun mill-inqas daqs l-anqas remunerazzjoni riċevuta mill-maniġment superjuri jew minn dawk li jieħu r-riskju, li l-attivitajiet professjonali tagħhom għandhom impatt materjali fuq il-profil tar-riskju tad-ditta tal-investiment jew tal-assi li tiġġestixxi, jikkonformaw mal-prinċipji li ġejjin:

(a)	il-politika tar-remunerazzjoni hija dokumentata b'mod ċar u proporzjonata mad-daqs, l-organizzazzjoni interna u n-natura, kif ukoll l-kamp ta' applikazzjoni u l-kumplessità tal-attivitajiet tad-ditta tal-investiment;

(b)	il-politika tar-remunerazzjoni hija politika ta' remunerazzjoni newtrali fir-rigward tas-sessi;

(c)	il-politika tar-remunerazzjoni hija konsistenti ma' mmaniġġjar solidu u effettiv tar-riskju u tippromwovih;

(d)	il-politika tar-remunerazzjoni hija konformi mal-istrateġija tan-negozju u l-objettivi tad-ditta tal-investiment, u tieħu kont ukoll tal-effetti fit-tul tad-deċiżjonijiet ta' investiment meħuda;

(e)	il-politika tar-remunerazzjoni fiha miżuri għall-evitar ta' kunflitti ta' interess, tħeġġeġ imġiba kummerċjali responsabbli u tippromwovi s-sensibilizzazzjoni dwar ir-riskju u t-teħid ta' riskji prudenti;

(f)	il-korp maniġerjali tad-ditta tal-investiment fil-funzjoni superviżorja tiegħu jadotta u perjodikament jeżamina l-politika tar-remunerazzjoni u jkollu responsabbiltà kumplessiva li jissorvelja l-implimentazzjoni tagħha;

(g)	l-implimentazzjoni tal-politika tar-remunerazzjoni, tal-inqas kull sena, hija soġġetta għal eżami intern ċentrali u indipendenti mill-funzjonijiet ta' kontroll;

(h)

il-persunal involut fil-funzjonijiet ta' kontroll ikun indipendenti mill-unitajiet tan-negozju li jissorveljaw, ikollu awtorità adatta, u jingħata remunerazzjoni f'konformità mal-kisba tal-objettivi marbuta mal-funzjonijiet tiegħu, irrispettivament mill-prestazzjoni tal-oqsma tan-negozju li jikkontrolla;

(i)	ir-remunerazzjoni ta' uffiċjali għolja fil-funzjonijiet tal-ġestjoni tar-riskji u l-konformità tkun issorveljata direttament mill-kumitat għar-remunerazzjoni msemmi fl-Artikolu 33 jew, fejn ma jkunx ġie stabbilit tali kumitat, mill-korp maniġerjali fil-funzjoni superviżorja tiegħu;

(j)

il-politika tar-remunerazzjoni, filwaqt li tieħu kont tar-regoli nazzjonali dwar l-iffissar tal-pagi, tagħmel distinzjoni ċara bejn il-kriterji applikati għad-determinazzjoni ta' dan li ġej:

(i)	ir-remunerazzjoni bażika fissa, li primarjament tirrifletti l-esperjenza professjonali rilevanti u r-responsabbiltà fl-organizzazzjoni kif stipulati fid-deskrizzjoni tal-impjieg tal-impjegat bħala parti mit-termini tal-impjieg tiegħu;

(ii)	ir-remunerazzjoni varjabbli, li tirrifletti prestazzjoni sostenibbli u aġġustata għar-riskju tal-impjegat, kif ukoll prestazzjoni li tmur lil hinn mid-deskrizzjoni tal-impjieg tal-impjegat;

(k)	il-komponent fiss jirrappreżenta proporzjon għoli biżżejjed tar-remunerazzjoni totali biex tkun tista' titħaddem politika kompletament flessibbli fuq komponenti varjabbli tar-remunerazzjoni, inkluż il-possibbiltà li ma jitħallas l-ebda komponent varjabbli tar-remunerazzjoni.

2. Għall-finijiet tal-punt (k) tal-paragrafu 1, l-Istati Membri għandhom jiżguraw li d-ditti tal-investiment jistabbilixxu l-proporzjonijiet adatti bejn il-komponent varjabbli u dak fiss tar-remunerazzjoni totali fil-politiki tar-remunerazzjoni tagħhom, filwaqt li jittieħed kont tal-attivitajiet kummerċjali tad-ditta tal-investiment u tar-riskji assoċjati, kif ukoll tal-impatt li jkollhom kategoriji differenti ta' persunal imsemmija fil-paragrafu 1 fuq il-profil tar-riskju tad-ditta tal-investiment.

3. L-Istati Membri għandhom jiżguraw li d-ditti tal-investiment jistabbilixxu u japplikaw il-prinċipji msemmija fil-paragrafu 1 b'mod li jkun adatt għad-daqs u għall-organizzazzjoni interna tagħhom u għan-natura, għall-kamp ta' applikazzjoni u għall-kumplessità tal-attivitajiet tagħhom.

4. L-ABE, f'konsultazzjoni mal-ESMA, għandha tiżviluppa abbozz ta' standards tekniċi regolatorji biex tispeċifika il-kriterji adatti għall-identifikazzjoni tal-kategoriji ta' persunal li l-attivitajiet professjonali tagħhom għandhom impatt materjali fuq il-profil tar-riskju tad-ditta tal-investiment kif imsemmi fil-paragrafu 1 ta’ dan l-Artikolu. L-ABE u l-ESMA għandhom iqisu b'mod debitu r-Rakkomandazzjoni tal-Kummissjoni 2009/384/KE (26)kif ukoll linji gwida eżistenti tar-remunerazzjoni skont id-Direttivi 2009/65/KE, 2011/61/UE u 2014/65/UE, u għandhom jimmiraw li jimminimizzaw id-diverġenza mid-dispożizzjonijiet eżistenti.

L-ABE għandha tippreżenta dak l-abbozz ta' standards tekniċi regolatorji lill-Kummissjoni sa ... tat-26 ta' Ġunju 2021.

Qiegħda tiġi ddelegata s-setgħa lill-Kummissjoni biex tissupplimenta din id-Direttiva billi tadotta l-istandards tekniċi regolatorji msemmija fl-ewwel subparagrafu f'konformità mal-Artikoli 10 sa 14 tar-Regolament (UE) Nru 1093/2010.

Artikolu 31

Ditti tal-investiment li jibbenefikaw minn appoġġ finanzjarju pubbliku straordinarju

L-Istati Membri għandhom jiżguraw li fejn ditta tal-investiment tibbenefika minn appoġġ finanzjarju pubbliku straordinarju kif definit fil-punt (28) tal-Artikolu 2(1) tad-Direttiva 2014/59/UE:

(a)	dik id-ditta tal-investiment ma tħallasx remunerazzjoni varjabbli lil membri tal-korp maniġerjali;

(b)

fejn ir-remunerazzjoni varjabbli mħallsa lil persunal ieħor minbarra l-membri tal-korp maniġerjali tkun inkonsistenti maż-żamma ta' bażi kapitali soda ta' ditta tal-investiment u tal-ħruġ puntwali tagħha mill-appoġġ finanzjarju pubbliku straordinarju, ir-remunerazzjoni varjabbli għandha tkun limitata għal sehem mid-dħul nett.

Artikolu 32

Remunerazzjoni varjabbli

1. L-Istati Membri għandhom jiżguraw li kull remunerazzjoni varjabbli mogħtija u mħallsa minn ditta tal-investiment lil kategoriji ta' persunal imsemmija fl-Artikolu 30(1) tikkonforma mar-rekwiżiti li ġejjin skont l-istess kondizzjonijiet bħal dawk stabbiliti fl-Artikolu 30(3):

(a)	fejn ir-remunerazzjoni varjabbli tkun relatata mal-prestazzjoni, l-ammont totali tar-remunerazzjoni varjabbli jkun ibbażat fuq taħlita tal-valutazzjoni tal-prestazzjoni tal-individwu, tal-unità tan-negozju kkonċernata u tar-riżultati ġenerali tad-ditta tal-investiment;

(b)	meta tiġi vvalutata l-prestazzjoni tal-individwu, jittieħed kont kemm tal-kriterji finanzjarji kif ukoll ta' dawk mhux finanzjarji;

(c)	il-valutazzjoni tal-prestazzjoni msemmija fil-punt (a) hija bbażata fuq perijodu pluriennali, filwaqt li jittieħed kont taċ-ċiklu tan-negozju tad-ditta tal-investiment u tar-riskji tan-negozju tagħha;

(d)	ir-remunerazzjoni varjabbli ma taffettwax il-kapaċità tad-ditta tal-investiment li tiżgura bażi kapitali soda;

(e)	ma jkun hemm ebda remunerazzjoni varjabbli garantita għajr għal persunal ġdid għall-ewwel sena tal-impjieg biss tal-persunal il-ġdid u meta d-ditta tal-investiment ikollha bażi kapitali soda;

(f)	il-pagamenti relatati mat-terminazzjoni bikrija ta' kuntratt ta' impjieg jirriflettu l-prestazzjoni miksuba matul iż-żmien mill-individwu u ma jippremjawx falliment jew imġiba ħażina;

(g)	pakketti ta' remunerazzjoni relatati mal-kumpens jew mal-akkwiżizzjoni minn kuntratti f'impjieg preċedenti huma allinjati mal-interessi fit-tul tad-ditta tal-investiment;

(h)	il-kejl tal-prestazzjoni użat bħala bażi għall-kalkolu ta' raggruppamenti ta' remunerazzjoni varjabbli jieħu kont tat-tipi kollha ta' riskji attwali u futuri u l-ispiża tal-kapital u tal-likwidità meħtieġa f'konformità mar-Regolament (UE) 2019/2033;

(i)	l-allokazzjoni tal-komponenti varjabbli tar-remunerazzjoni fi ħdan id-ditta tal-investiment tieħu kont tat-tipi kollha ta' riskji attwali u futuri;

(j)

mill-inqas 50 % tar-remunerazzjoni varjabbli tikkonsisti fi kwalunkwe wieħed mill-istrumenti li ġejjin:

(i)	ishma jew interessi proprjetarji ekwivalenti, soġġett għall-istruttura legali tad-ditta tal-investiment ikkonċernata;

(ii)	strumenti marbuta mal-ishma jew strumenti ekwivalenti mhux fi flus, soġġett għall-istruttura legali tad-ditta tal-investiment ikkonċernata;

(iii)

strumenti tal-Grad 1 jew tal-Grad 2 Addizzjonali jew strumenti oħra li jistgħu jiġu kkonvertiti bis-sħiħ għal strumenti tal-Grad 1 ta' Ekwità Komuni jew jitniżżlu fil-valur u li jirriflettu b'mod adegwat il-kwalità kreditu tad-ditta tal-investiment bħala negozju avvjat;

(iv)	strumenti mhux fi flus li jirriflettu l-kompożizzjoni tal-istrumenti tal-portafolli ġestiti;

(k)	permezz ta' deroga mill-punt (j), fejn ditta tal-investiment ma toħroġ ebda wieħed mill-istrumenti msemmija f'dak il-punt, l-awtoritajiet kompetenti jistgħu japprovaw l-użu ta' arranġamenti alternattivi li jissodisfaw l-istess objettivi;

(l)

mill-inqas 40 % tar-remunerazzjoni varjabbli jkunu differiti tul perijodu ta' tlieta sa ħames snin kif adatt, skont iċ-ċiklu tan-negozju tad-ditta tal-investiment, in-natura tan-negozju tagħha, ir-riskji tagħha u l-attivitajiet tal-individwu inkwistjoni, ħlief fil-każ ta' remunerazzjoni varjabbli ta' ammont partikolarment għoli meta l-proporzjon tar-remunerazzjoni varjabbli differita jkun ta' mill-inqas 60 %;

(m)

sa 100 % tar-remunerazzjoni varjabbli hija kkuntrattata meta l-prestazzjoni finanzjarja tad-ditta tal-investiment tkun dgħajfa jew negattiva, inkluż permezz ta' arranġamenti ta' malus jew ta' rkupru soġġetti għal kriterji stabbiliti mid-ditti tal-investiment li jkopru b'mod partikolari sitwazzjonijiet li fihom l-individwu inkwistjoni:

(i)	ikun ħa sehem jew kien responsabbli għal imġiba li rriżultat f'telf sinifikanti għad-ditta tal-investiment;

(ii)	ma jkunx għadu meqjus bħala kompetenti u idoneu;

(n)	il-benefiċċji diskrezzjonarji tal-pensjoni jkunu konformi mal-istrateġija tan-negozju, mal-objettivi, mal-valuri u mal-interessi fit-tul tad-ditta tal-investiment.

2. Għall-finijiet tal-paragrafu 1, l-Istati Membri għandhom jiżguraw dawn li ġejjin:

(a)	li l-individwi msemmija fl-Artikolu 30(1) ma jużawx strateġiji personali ta' hedging jew assigurazzjonijiet relatati mar-remunerazzjoni u mar-responsabbiltà biex ixekklu l-prinċipji msemmija fil-paragrafu 1;

(b)	li r-remunerazzjoni varjabbli ma titħallasx b'veikoli jew b'metodi finanzjarji li jiffaċilitaw nuqqas ta' konformità ma' din id-Direttiva jew mar-Regolament (UE) Nru 2019/2033.

3. Għall-finijiet tal-punt (j) tal-paragrafu 1, l-istrumenti msemmija fih għandhom ikunu soġġetti għal politika ta' żamma adatta mfassla biex tallinja l-inċentivi tal-individwu mal-interessi fit-tul tad-ditta tal-investiment, tal-kredituri u tal-klijenti tagħha. L-Istati Membri jew l-awtoritajiet kompetenti tagħhom jistgħu jpoġġu restrizzjonijiet fuq it-tipi u d-disinni ta' dawk l-istrumenti jew jipprojbixxu l-użu ta' ċerti strumenti għar-remunerazzjoni varjabbli.

Għall-finijiet tal-punt (l) tal-paragrafu 1, id-differiment tar-remunerazzjoni varjabbli m'għandux ivesti b'rata aktar mgħaġġla minn bażi prorata.

Għall-finijiet tal-punt (n) tal-paragrafu 1, meta impjegat jitlaq mid-ditta tal-investiment qabel l-età tal-irtirar, il-benefiċċji diskrezzjonarji tal-pensjoni għandhom jinżammu mid-ditta tal-investiment għal perijodu ta' ħames snin fil-forma tal-istrumenti msemmija fil-punt (j). Meta impjegat jilħaq l-età tal-irtirar u jirtira, il-benefiċċji diskrezzjonali tal-pensjoni għandhom jitħallsu lill-impjegat fil-forma tal-istrumenti msemmija fil-punt (j), soġġetti għal perijodu ta' żamma ta' ħames snin.

4. Il-punti (j) u (l) tal-paragrafu 1 u t-tielet subparagrafu tal-paragrafu 3 m'għandhomx japplikaw għal:

(a)	ditta tal-investiment, fejn il-valur tal-assi barra u ġewwa l-karta bilanċjali tagħha jkun bħala medja daqs jew anqas minn EUR 100 miljun tul il-perijodu ta' erba' snin li jiġu eżatt qabel is-sena finanzjarja partikolari;

(b)	individwu li r-remunerazzjoni varjabbli annwali tiegħu ma taqbiżx il-EUR 50 000 u li ma tirrappreżentax aktar minn kwart ta' dik ir-remunerazzjoni annwali totali tal-individwu.

5. B'deroga mill-punt (a) tal-paragrafu 4, Stat Membru jista' jżid il-livell limitu msemmi f'dak il-punt, bil-kondizzjoni li d-ditta tal-investiment tissodisfa l-kriterji li ġejjin:

(a)	id-ditta tal-investiment mhijiex, fl-Istat Membru fejn hija stabbilita, waħda mill-akbar tliet ditti tal-investiment f'termini ta' valur totali tal-assi;

(b)	id-ditta tal-investiment mhijiex soġġetta għa obbligi jew soġġetta għal obbligi simplifikati fir-rigward tal-ippjanar ta' rkupru u riżoluzzjoni skont l-Artikolu 4 tad-Direttiva 2014/59/UE;

(c)	id-daqs tan-negozju fil-portafoll tan-negozjar fil-karta bilanċjali u barra l-karta bilanċjali tad-ditta ta' investiment huwa ugwali għal jew inqas minn EUR 150 miljun;

(d)	id-daqs tan-negozju tad-derivati fil-karta bilanċjali u barra l-karta bilanċjali tad-ditta ta' investiment huwa ugwali għal jew inqas minn EUR 100 miljun;

(e)	il-livell limitu ma jaqbiżx l-EUR 300 miljun; u

(f)	huwa adatt li jiżdied il-livell limitu, filwaqt li jittieħed kont tan-natura u tal-ambitu tal-attivitajiet tad-ditta tal-investiment, tal-organizzazzjoni interna tagħha, u, fejn applikabbli, il-karatteristiċi tal-grupp li tappartjeni għalih.

6. B'deroga mill-punt (a) tal-paragrafu 4, Stat Membru jista' jnaqqas il-livell limitu msemmi f'dak il-punt, dment li jkun adatt li jagħmel dan, filwaqt li jittieħed kont tan-natura u tal-kamp ta' applikazzjoni tal-attivitajiet tad-ditta tal-investiment, l-organizzazzjoni interna tagħha, u, fejn applikabbli, il-karatteristiċi tal-grupp li tappartjeni għalih.

7. Permezz ta' deroga mill-punt (b) tal-paragrafu 4, Stat Membru jista' jiddeċiedi li l-membri tal-persunal li huma intitolati għal remunerazzjoni varjabbli annwali anqas mil-livell limitu u s-sehem imsemmija f'dak il-punt ma għandhomx ikunu soġġetti għall-eżenzjoni stabbilita fih minħabba l-ispeċifiċitajiet tas-suq nazzjonali f'termini ta' prattiki ta' remunerazzjoni jew minħabba n-natura tar-responsabbiltajiet u l-profil tal-impjieg ta' dawk il-membri tal-persunal.

8. F'konsultazzjoni mal-ESMA, l-ABE għandha tiżviluppa abbozz ta' standards tekniċi regolatorji biex tispeċifika l-klassijiet ta' strumenti li jissodisfaw il-kondizzjonijiet stabbiliti fil-punt (j)(iii) tal-paragrafu 1 u biex tispeċifika arranġamenti alternattivi possibbli stabbiliti fil-punt (k) tal-paragrafu 1.

L-ABE għandha tippreżenta dak l-abbozz ta' standards tekniċi regolatorji lill-Kummissjoni sa ... tat-26 ta' Ġunju 2021.

9. L-ABE, f'konsultazzjoni mal-ESMA, ABE għandha tadotta linji gwida li jiffaċilitaw l-implimentazzjoni tal-paragrafi 4, 5 u 6 u għandha tiżgura l-applikazzjoni konsistenti tagħhom.

Artikolu 33

Kumitat ta' remunerazzjoni

1. L-Istati Membri għandhom jiżguraw li d-ditti tal-investiment li ma jissodisfawx il-kriterji stabbiliti fil-punt (a) tal-Artikolu 32(4) jistabbilixxu kumitat ta' remunerazzjoni. Dak il-kumitat ta' remunerazzjoni għandu jkollu bilanċ bejn is-sessi u għandu jeżerċita ġudizzju kompetenti u indipendenti dwar il-politiki u l-prattiki ta' remunerazzjoni u l-inċentivi maħluqa għall-immaniġġjar tar-riskju, tal-kapital u tal-likwidità. Il-kumitat ta' remunerazzjoni jista' jiġi stabbilit fil-livell tal-grupp.

2. L-Istati Membri għandhom jiżguraw li l-kumitat ta' remunerazzjoni jkun responsabbli għat-tħejjija ta' deċiżjonijiet rigward ir-remunerazzjoni, inklużi deċiżjonijiet li jkollhom implikazzjonijiet għar-riskji u l-immaniġġjar tar-riskju tad-ditta tal-investiment ikkonċernata u li jridu jittieħdu mill-korp maniġerjali. Il-President u l-membri tal-kumitat ta' remunerazzjoni għandhom ikunu membri tal-korp maniġerjali li ma jwettqu l-ebda funzjoni eżekuttiva fid-ditta tal-investiment ikkonċernata. Meta d-dritt nazzjonali jipprevedi rappreżentanza tal-impjegati fil-korp maniġerjali, il-kumitat ta' remunerazzjoni għandu jinkludi rappreżentant wieħed jew aktar tal-impjegati.

3. Meta jkun qed iħejji d-deċiżjonijiet imsemmija fil-paragrafu 2, il-kumitat ta' remunerazzjoni għandu jieħu kont tal-interess pubbliku u l-interessi fit-tul tal-azzjonisti, tal-investituri u ta' partijiet ikkonċernati oħra fid-ditta tal-investiment.

Artikolu 34

Sorveljanza tal-politiki tar-remunerazzjoni

1. L-Istati Membri għandhom jiżguraw li l-awtoritajiet kompetenti jiġbru l-informazzjoni divulgata f'konformità mal-punti (c) u (d) tal-ewwel subparagrafu tal-Artikolu 51 tar-Regolament (UE) 2019/2033 kif ukoll l-informazzjoni pprovduta mid-ditti tal-investiment dwar id-differenza bejn il-pagi tal-irġiel u n-nisa u għandhom jużaw dik l-informazzjoni bħala punt ta' riferiment għax-xejriet u għall-prattiki tar-remunerazzjoni.

L-awtoritajiet kompetenti għandhom jipprovdu dik l-informazzjoni lill-ABE.

2. L-ABE għandha tuża l-informazzjoni riċevuta mingħand l-awtoritajiet kompetenti f'konformità mal-paragrafi 1 u 4 bħala punt ta' riferiment għax-xejriet u għall-prattiki tar-remunerazzjoni fil-livell tal-Unjoni.

3. F'konsultazzjoni mal-ESMA, l-ABE għandha toħroġ linji gwida dwar l-applikazzjoni ta' politiki sodi tar-remunerazzjoni. Dawk il-linji gwida għandhom tal-anqas jieħdu kont tar-rekwiżiti msemmija fl-Artikoli 30 sa 33 u l-prinċipji dwar il-politiki sodi tar-remunerazzjoni stabbiliti fir-Rakkomandazzjoni 2009/384/KE.

4. L-Istati Membri għandhom jiżguraw li d-ditti tal-investiment jipprovdu lill-awtoritajiet kompetenti b'informazzjoni dwar l-għadd ta' persuni fiżiċi f'kull ditta tal-investiment li jirċievu remunerazzjoni ta' EUR 1 miljun jew aktar kull sena finanzjarja, fil-grupp ta' paga ta' EUR 1 miljun, inkluż informazzjoni dwar ir-responsabbiltajiet tagħhom tal-impjieg, il-qasam tan-negozju involut u l-elementi ewlenin tas-salarju, il-bonus, l-għotja fuq terminu twil u l-kontribuzzjoni tal-pensjoni.

L-Istati Membri għandhom jiżguraw li d-ditti tal-investiment jipprovdu lill-awtoritajiet kompetenti, fuq talba, iċ-ċifri totali ta' remunerazzjoni għal kull membru tal-korp maniġerjali jew maniġment superjuri.

L-awtoritajiet kompetenti għandhom jgħaddu l-informazzjoni msemmija fl-ewwel u t-tieni subparagrafi lill-ABE, li għandha tippubblikaha fuq bażi aggregata skont l-Istat Membru tad-domiċilju f'format komuni ta' rapportar. F'konsultazzjoni mal-ESMA, l-ABE tista' toħroġ linji gwida biex tiffaċilita l-implimentazzjoni ta' dan il-paragrafu u tiżgura l-konsistenza tal-informazzjoni miġbura.

Artikolu 35

Rapport tal-ABE dwar ir-riskji ambjentali, soċjali u ta' governanza

L-ABE għandha tħejji rapport dwar l-introduzzjoni ta' kriterji tekniċi relatati ma' skoperturi għal attivitajiet sostanzjalment assoċjati ma' objettivi ambjentali, soċjali, u ta' governanza (ESG) għar-rieżami superviżorju u l-proċess ta' evalwazzjoni, bil-ħsieb li jiġu vvalutati s-sorsi u l-effetti possibbli tar-riskji fuq id-ditti tal-investiment, filwaqt li jittieħed kont tal-atti legali applikabbli tal-Unjoni fil-qasam tat-tassonomija tal-ESG.

Ir-rapport tal-ABE msemmi fl-ewwel paragrafu għandu jkopri minn tal-anqas dan li ġej:

(a)

definizzjoni ta' riskji tal-ESG, inkluż riskji fiżiċi, u riskji tat-transizzjoni relatati mat-transizzjoni għal ekonomija aktar sostenibbli; u inkluż fir-rigward ta’ riskji tat-transizzjoni, riskji relatati mad-deprezzament tal-assi minħabba bidla regolatorja, kriterji kwalitattivi u kwantitattivi u metriċi rilevanti għall-valutazzjoni ta' tali riskji, kif ukoll il-metodoloġija għall-valutazzjoni tal-possibilita’ jekk tali riskji jirriżultawx fuq terminu qasir, medju jew twil u l-possibilità li tali riskji jkollhom impatt finanzjarju materjali fuq ditta tal-investiment;

(b)	valutazzjoni tal-possibilità jekk konċentrazzjonijiet sinifikanti ta' assi speċifiċi jistgħux iżidu r-riskji tal-ESG, inkluż ir-riskji fiżiċi, jew riskji tat-transizzjoni għal ditta tal-investiment;

(c)	deskrizzjoni tal-proċessi li permezz tagħha ditta tal-investiment tista' tidentifika, tivvaluta u tiġġestixxi r-riskji tal-ESG, iinklużi r-riskji fiżiċi u r-riskji tat-transizzjoni;

(d)	il-kriterji, il-parametri u l-metriċi li permezz tagħhom is-superviżuri u d-ditti tal-investiment jistgħu jivvalutaw l-impatt tar-riskji tal-ESG fuq żmien qasir, medju u twil għall-finijiet tar-rieżami superviżorju u l-proċess ta' evalwazzjoni.

L-ABE għandha tippreżenta r-rapport dwar is-sejbiet tagħha lill-Parlament Ewropew, lill-Kunsill u lill-Kummissjoni sa ... tat-26 ta' Diċembru 2021.

Abbażi ta' dak ir-rapport, l-ABE tista', jekk adatt, tadotta linji gwida biex tintroduċi kriterji relatati ma' riskji tal-ESG għar-rieżami superviżorju u l-proċess ta' evalwazzjoni li jieħdu kont tas-sejbiet tar-rapport tal-ABE msemmi f'dan l-Artikolu.

Taqsima 3

Proċess ta' rieżami u evalwazzjoni superviżorji

Artikolu 36

Rieżami u evalwazzjoni superviżorji

1. L-awtoritajiet kompetenti għandhom jirrieżaminaw, sal-punt rilevanti u meħtieġ, filwaqt li jieħdu kont tad-daqs, il-profil ta' riskju u l-mudell ta' negozju tad-ditta tal-investiment, l-arranġamenti, l-istrateġiji, il-proċessi u l-mekkaniżmi implimentati mid-ditti tal-investiment sabiex ikunu konformi ma' din id-Direttiva u mar-Regolament (UE) 2019/2033 u jevalwaw dan li ġej bħala adatt u rilevanti, sabiex ikunu żgurati l-maniġment tajjeb u l-kopertura tar-riskji tagħhom:

(a)	ir-riskji msemmija fl-Artikolu 29;

(b)	iż-żona ġeografika tal-iskoperturi tad-ditta tal-investiment;

(c)	il-mudell kummerċjali tad-ditta tal-investiment;

(d)	il-valutazzjoni tar-riskju sistemiku, filwaqt li jittieħed kont tal-identifikazzjoni u tal-kejl tar-riskju sistemiku skont l-Artikolu 23 tar-Regolament (UE) Nru 1093/2010, jew ir-rakkomandazzjonijiet tal-BERS;

(e)	ir-riskji li jaffaċċjaw is-sigurtà tan-netwerk u s-sistemi ta' informazzjoni tad-ditti tal-investiment sabiex ikunu żgurati l-kunfidenzjalità, l-integrità u d-disponibbiltà tal-proċessi, id-data u l-assi tagħhom;

(f)	l-iskopertura tad-ditti tal-investiment għar-riskju taċ-ċaqliq fir-rata tal-imgħax li jirriżulta minn attivitajiet tal-portafoll mhux tan-negozjar;

(g)	l-arranġamenti ta' governanza tad-ditti tal-investiment u l-ħila tal-membri tal-korp maniġerjali biex iwettqu dmirijiethom.

Għall-finijiet ta' dan il-paragrafu, l-awtoritajiet kompetenti għandhom jieħdu kont debitu ta' jekk id-ditti tal-investiment għandhomx assigurazzjoni ta' indennizz professjonali.

2. L-Istati Membri għandhom jiżguraw li l-awtoritajiet kompetenti jistabbilixxu l-frekwenza u l-intensità tar-rieżami u tal-valutazzjoni msemmija fil-paragrafu 1 billi jqisu d-daqs, in-natura, l-iskala u l-kumplessità tal-attivitajiet tad-ditti tal-investiment ikkonċernati, u fejn rilevanti, l-importanza sistemika tagħhom, u billi jieħdu kont tal-prinċipju tal-proporzjonalità.

L-awtoritajiet kompetenti għandhom jiddeċiedu fuq bażi ta' każ b'każ jekk u f'liema forma jitwettqu r-rieżami u l-evalwazzjoni fir-rigward tad-ditti tal-investiment li jissodisfaw il-kondizzjonijiet ta' kwalifika bħala ditti tal-investiment żgħar u mhux interkonnessi stabbiliti fl-Artikolu 12(1) tar-Regolament (UE)2019/2033, biss fejn dawn jaraw li huwa meħtieġ minħabba d-daqs, in-natura, l-iskala u l-kumplessità tal-attivitajiet ta' dawk id-ditti tal-investiment.

Għall-finijiet tal-ewwel subparagrafu, għandu jitqies id-dritt nazzjonali li jirregola s-segregazzjoni applikabbli għal flus tal-klijenti miżmuma.

3. Meta jagħmlu r-rieżami u l-evalwazzjoni msemmija fil-punt (g) tal-paragrafu 1, l-awtoritajiet kompetenti għandu jkollhom aċċess għall-aġendi, għall-minuti u għad-dokumenti ta' sostenn tal-laqgħat tal-korp maniġerjali u tal-kumitati tiegħu, u r-riżultati tal-evalwazzjoni interna jew esterna rigward il-prestazzjoni tal-korp maniġerjali.

4. Il-Kummissjoni għandha s-setgħa li tadotta atti delegati f'konformità mal-Artikolu 58 biex tissupplimenta din id-Direttiva biex jiġi żgurat li l-arranġamenti, l-istrateġiji, il-proċessi u l-mekkaniżmi tad-ditti tal-investiment jiżguraw ġestjoni soda u kopertura tar-riskji tagħhom. B'hekk il-Kummissjoni għandha tieħu kont tal-iżviluppi fis-swieq finanzjarji, b'mod partikolari l-feġġa ta' prodotti finanzjarji ġodda, l-iżviluppi fl-istandards kontabilistiċi u l-iżviluppi li jiffaċilitaw il-konverġenza tal-prassi superviżorji.

Artikolu 37

Rieżami kontinwu tal-permess biex jintużaw mudelli interni

1. L-Istati Membri għandhom jiżguraw li l-awtoritajiet kompetenti jirrieżaminaw fuq bażi regolari, u mill-inqas kull tliet snin, il-konformità tad-ditti tal-investiment mar-rekwiżiti għall-permess li jużaw mudelli interni kif imsemmi fl-Artikolu 22 tar-Regolament (UE) 2019/2033. L-awtoritajiet kompetenti għandhom iqisu b'mod partikolari t-tibdiliet fin-negozju ta' ditta tal-investiment u l-implimentazzjoni ta' dawk il-mudelli interni għal prodotti ġodda, u jirrieżaminaw u jivvalutaw jekk id-ditta tal-investiment tużax tekniki u prattiki żviluppati sew u aġġornati għal dawk il-mudelli interni. L-awtoritajiet kompetenti għandhom jiżguraw li d-dgħufijiet materjali identifikati fil-kopertura tar-riskju mill-mudelli interni ta' ditta tal-investiment jiġu rettifikati, jew jieħdu passi biex jimmitigaw il-konsegwenzi tagħhom, inkluż billi jimponu supplimentazzjonijiet kapitali jew fatturi akbar ta' multiplikazzjoni.

2. Jekk, għal mudelli interni tar-riskju għas-suq, iseħħ li tinqabeż il-mira ħafna drabi kif imsemmi fl-Artikolu 366 tar-Regolament (UE) Nru 575/2013, sitwazzjoni li tindika li l-mudelli interni mhumiex jew m'għadhomx preċiżi, l-awtoritajiet kompetenti għandhom jirrevokaw il-permess għall-użu tal-mudelli interni jew jimponu miżuri adatti biex jiżguraw li l-mudelli interni jittejbu minnufih f'perijodu ta' żmien stabbilit.

3. Meta ditta tal-investiment li tkun ingħatat permess biex tuża mudelli interni ma tibqax tissodisfa r-rekwiżiti biex tapplika dawk il-mudelli interni, l-awtoritajiet kompetenti għandhom jeżiġu li d-ditta tal-investiment jew turi li l-effett ta' nuqqas ta' konformità hu immaterjali jew tippreżenta pjan u skadenza għall-konformità ma' dawk ir-rekwiżiti. L-awtoritajiet kompetenti għandhom jeżiġu titjib fil-pjan ippreżentat meta jkun hemm il-probabbiltà li dak il-pjan ma jkunx għal kollox kompatibbli jew jekk l-iskadenza ma tkunx adatta.

Meta jkun improbabbli li d-ditta tal-investiment tkun ser tikkonforma sal-iskadenza stipulata jew ma tkunx uriet b'mod sodisfaċenti li l-effett ta' nuqqas ta' konformità hu immaterjali, l-Istati Membri għandhom jiżguraw li l-awtoritajiet kompetenti jirrevokaw il-permess li jintużaw mudelli interni jew li jillimitawh għal dawk l-oqsma li huma konformi, jew dawk l-oqsma fejn il-konformità tkun tista' tinkiseb fi ħdan skadenza adatta.

4. L-ABE għandha tanalizza mudelli interni fost id-ditti tal-investiment u għandha tanalizza kif id-ditti tal-investiment li jużaw mudelli interni jittrattaw riskji jew skoperturi simili. Hija għandha tinforma lill-ESMA b'dan.

Biex tippromwovi prassi superviżorji konsistenti, effiċjenti u effettiv, l-ABE, fuq il-bażi ta' dik l-analiżi u f'konformità mal-Artikolu 16 tar-Regolament (UE) Nru 1093/2010, għandha tiżviluppa linji gwida b'punti ta' riferiment dwar kif id-ditti tal-investiment għandhom jużaw mudelli interni u kif dawn il-mudelli interni għandhom jiġu applikati għal riskji jew skoperturi simili.

L-Istati Membri għandhom iħeġġu lill-awtoritajiet kompetenti biex jieħdu kont ta' dik l-analiżi u dawk il-linji-gwida għar-rieżami msemmi fil-paragrafu 1.

Taqsima 4

Miżuri u setgħat superviżorji

Artikolu 38

Miżuri superviżorji

L-awtoritajiet kompetenti għandhom jeżiġu li d-ditti tal-investiment jieħdu, fi stadju bikri, il-miżuri neċessarji biex jindirizzaw il-problemi li ġejjin:

(a)	ditta tal-investiment ma tissodisfax ir-rekwiżiti ta' din id-Direttiva jew tar-Regolament (UE) 2019/2033;

(b)	l-awtoritajiet kompetenti jkollhom evidenza li ditta tal-investiment aktarx li tikser id-dispożizzjonijiet nazzjonali li jittrasponu din id-Direttiva jew id-dispożizzjonijiet tar-Regolament (UE) 2019/2033 fit-12-il xahar li ġejjin.

Artikolu 39

Setgħat superviżorji

1. L-Istati Membri għandhom jiżguraw li l-awtoritajiet kompetenti jkollhom is-setgħat superviżorji neċessarji biex jintervjenu fl-eżerċizzju tal-funzjonijiet tagħhom fl-attività tad-ditti tal-investiment b'mod effettiv u proporzjonat.

2. Għall-finijiet tal-Artikoli 36, l-Artikolu 37(3) u l-Artikolu 38 u għall-applikazzjoni tar-Regolament (UE) 2019/2033, l-awtoritajiet kompetenti għandu jkollhom is-setgħat li ġejjin:

(a)

li jobbligaw lid-ditti tal-investiment li jkollhom fondi proprji lil hinn mir-rekwiżiti stabbiliti fl-Artikolu 11 tar-Regolament (UE) 2019/2033, skont il-kundizzjonijiet stabbiliti fl-Artikolu 40 ta' din id-Direttiva, jew jaġġustaw il-fondi proprji u l-assi likwidi meħtieġa f'każ ta' tibdiliet materjali fin-negozju ta' dawk id-ditti tal-investiment;

(b)	li jobbligaw it-tisħiħ tal-arranġamenti, tal-proċessi, tal-mekkaniżmi u tal-istrateġiji implimentati f'konformità mal-Artikoli 24 u 26;

(c)

li jobbligaw lid-ditti tal-investiment jippreżentaw, fi żmien sena, pjan biex tinġieb lura l-konformità mar-rekwiżiti superviżorji skont din id-Direttiva u r-[Regolament (UE) 2019/2033, li jistabbilixxu skadenza għall-implimentazzjoni ta' dak il-pjan u jeżiġu li jkun hemm titjib f'dak il-pjan fejn jidħlu l-kamp ta' applikazzjoni u l-iskadenza;

(d)	li jobbligaw lid-ditti tal-investiment japplikaw politika ta' proviżjonament speċifika jew trattament ta' assi speċifiku f'termini tar-rekwiżiti tal-fondi proprji;

(e)	li jirrestrinġu jew jillimitaw in-negozju, l-operazzjonijiet jew in-netwerk ta' ditti tal-investiment jew li jitolbu l-investiment tal-attivitajiet li joħolqu riskji eċċessivi għas-solidità ta' ditta tal-investiment;

(f)	li jobbligaw it-tnaqqis tar-riskju inerenti fl-attivitajiet, fil-prodotti u fis-sistemi tad-ditti tal-investiment, inklużi attivitajiet esternalizzati;

(g)	li jobbligaw lid-ditti tal-investiment jillimitaw ir-remunerazzjoni varjabbli bħala perċentwal tad-dħul nett fejn dik ir-remunerazzjoni ma tkunx konsistenti maż-żamma ta' bażi kapitali solida;

(h)	li jobbligaw lid-ditti tal-investiment jużaw il-profitti netti sabiex isaħħu l-fondi proprji;

(i)

li jirrestrinġu jew jipprojbixxu d-distribuzzjonijiet jew il-pagamenti tal-imgħax minn ditta tal-investiment lill-azzjonisti, lill-membri jew lid-detenturi tal-istrumenti tal-Grad 1 Addizzjonali fejn dik ir-restrizzjoni jew il-projbizzjoni ma tikkostitwixxix każ ta' inadempjenza mid-ditta tal-investiment;

(j)	li jimponu obbligi ta' rapportar addizzjonali jew aktar frekwenti meta mqabbla ma' dawk stabbiliti f'din id-Direttiva u fir-Regolament (UE) 2019/2033, inkluż ir-rapportar dwar il-pożizzjonijiet kapitali u tal-likwidità;

(k)	li jimponu rekwiżiti speċifiċi tal-likwidità f'konformità mal-Artikolu 42;

(l)	li jobbligaw divulgazzjonijiet addizzjonali;

(m)	li jirrikjedu lid-ditti tal-investiment inaqqsu r-riskji għas-sigurtà tan-netwerk u s-sistemi ta' informazzjoni tagħhom biex jiżguraw il-kunfidenzjalità, l-integrità u d-disponibbiltà tal-proċessi, id-data u l-assi tagħhom;

3. Għall-finijiet tal-punt (j) tal-paragrafu 2, l-awtoritajiet kompetenti jistgħu jimponu obbligi ta' rapportar addizzjonali jew aktar spissi fuq id-ditti tal-investiment biss meta l-informazzjoni li trid tiġi rrapportata ma tkunx duplikata u tkun issodisfata waħda mill-kundizzjonijiet li ġejjin:

(a)	japplika wieħed mill-każijiet imsemmija fil-punti (a) u (b) tal-Artikolu 38;

(b)	l-awtorità kompetenti tqis li hemm bżonn li tiġbor l-evidenza msemmija fil-punt (b) tal-Artikolu 38.

(c)	l-informazzjoni addizzjonali tkun meħtieġa għall-fini tar-rieżami superviżorju u l-proċess ta' evalwazzjoni msemmija fl-Artikolu 36.

L-informazzjoni għandha titqies duplikata meta l-awtorità kompetenti jkollha diġà l-istess, jew sostanzjalment l-istess informazzjoni, meta dik l-informazzjoni tkun tista' tiġi ppreżentata mill-awtorità kompetenti jew tkun tista' tinkiseb mill-istess awtorità kompetenti permezz ta' mezzi oħrajn apparti obbligu fuq id-ditta tal-investiment li tirrapportaha. Awtorità kompetenti ma għandhiex titlob xi informazzjoni addizzjonali meta l-informazzjoni tkun disponibbli għall-awtorità kompetenti f'format differenti jew livell ta' granularità mill-informazzjoni addizzjonali li għandha tiġi rrappurtata u l-format jew il-granularità differenti ma jżommuhiex milli tipproduċi informazzjoni sostanzjalment simili.

Artikolu 40

Rekwiżit ta' fondi proprji addizzjonali

1. L-awtoritajiet kompetenti għandhom jimponu r-rekwiżit ta' fondi proprji addizzjonali msemmija fil-punt (a) tal-Artikolu 39(2) biss fejn, fuq il-bażi tar-rieżamijiet imwettqa skont l-Artikoli 36 u 37, dawn jaċċertaw kwalunkwe waħda mis-sitwazzjonijiet li ġejjin għal ditta tal-investiment:

(a)

id-ditta tal-investiment tkun esposta għal riskji jew għal elementi tar-riskji, jew toħloq riskji għal oħrajn li huma materjali u li mhumiex koperti jew li mhumiex koperti biżżejjed mir-rekwiżit ta' fondi proprji, u speċjalment ir-rekwiżiti tal-fattur-K, stipulati fit-Tielet jew ir-Raba' Parti tar-Regolament (UE) 2019/2033;

(b)	id-ditta tal-investiment ma tissodisfax ir-rekwiżiti stabbiliti fl-Artikoli 24 u 26 u miżuri superviżorji oħra x'aktarx ma jkunux ser itejbu biżżejjed l-arranġamenti, il-proċessi, il-mekkaniżmi u l-istrateġiji fi żmien adatt;

(c)	l-aġġustamenti marbuta mal-valwazzjoni prudenzjali tal-portafoll tan-negozjar ma jkunux biżżejjed biex id-ditta tal-investiment tkun tista' tbigħ jew tiħħeġġja l-pożizzjonijiet tagħha f'perijodu qasir ta' żmien bla ma ġġarrab telf materjali f'kondizzjonijiet normali tas-suq;

(d)	ir-rieżami mwettaq f'konformità mal-Artikolu 37 juri li n-nuqqas ta' konformità mar-rekwiżiti għall-applikazzjoni tal-mudelli interni permessi aktarx li ser iwassal għal livelli inadegwati ta' kapital;

(e)	id-ditta tal-investiment ripetutament tonqos milli tistabbilixxi jew iżżomm livell adegwat ta' fondi proprji kif stipulat fl-Artikolu 41.

2. Għall-finijiet tal-punt (a) tal-paragrafu 1 ta' dan l-Artikolu, ir-riskji jew l-elementi tar- riskji għandhom jiġu kkunsidrati mhux koperti jew mhux koperti biżżejjed mir-rekwiżiti tal-fondi proprji stabbiliti fit-Tielet u r-Raba' Parti tar-Regolament (UE) 2019/2033 biss meta l-ammonti, it-tipi u d-distribuzzjoni tal-kapital meqjus adegwati mill-awtorità kompetenti wara r-rieżami superviżorju tal-valutazzjoni mwettqa mid-ditti tal-investiment f'konformità mal-Artikolu 24(1) ta' din id-Direttiva, huma ogħla mir-rekwiżit tal-fondi proprji tad-ditta tal-investiment stabbilit fit-Tielet jew ir-Raba' Parti tar-Regolament (UE) 2019/2033.

Għall-finijiet tal-ewwel subparagrafu, il-kapital meqjus bħala adegwat jista' jinkludi riskji jew elementi ta' riskju li huma esklużi b'mod espliċitu mir-rekwiżit tal-fondi proprji stabbilit fit-Tielet jew ir-Raba' Parti tar-Regolament (UE) 2019/2033.

3. L-awtoritajiet kompetenti għandhom jistabbilixxu l-livell tal-fondi proprji addizzjonali meħtieġ skont il-punt (a) tal-Artikolu 39(2) bħala d-differenza bejn il-kapital meqjus adegwat skont il-paragrafu 2 ta' dan l-Artikolu u r-rekwiżit tal-fondi proprji stabbilit fit-Tielet jew ir-Raba' Parti tar-Regolament (UE) 2019/2033.

4. L-awtoritajiet kompetenti għandhom jobbligaw lid-ditti tal-investiment jissodisfaw ir-rekwiżit tal-fondi proprji addizzjonali msemmi fil-punt (a) tal-Artikolu 39(2) b'fondi proprji soġġett għall-kondizzjonijiet li ġejjin:

(a)	tal-anqas tliet kwarti mir-rekwiżit tal-fondi proprji addizzjonali jissodisfa l-kapital tal-Grad 1;

(b)	tal-anqas tliet kwarti mill-kapital tal-Grad 1 jkunu magħmul mill-kapital ta' Grad 1 ta' Ekwità Komuni;

(c)	dawk il-fondi proprji ma jintużaw biex jiġi ssodisfat kwalunkwe wieħed mir-rekwiżiti tal-fondi proprji stabbiliti fil-punti (a), (b) u (c) tal-Artikolu 11(1) tar-Regolament (UE) 2019/2033.

5. L-awtoritajiet kompetenti għandhom jissostanzjaw bil-miktub id-deċiżjoni tagħhom li jimponu rekwiżit kapitali addizzjonali kif imsemmi fil-punt (a) tal-Artikolu 39(2) billi jagħtu rendikont ċar tal-valutazzjoni sħiħa tal-elementi msemmija fil-paragrafi 1 sa 4 ta' dan l-Artikolu. Dan jinkludi, fil-każ stabbilit fil-punt (d) tal-paragrafu 1 ta' dan l-Artikolu, dikjarazzjoni speċifika dwar għaliex il-livell ta' kapital stabbilit skont l-Artikolu 41(1) ma jkunx għadu jitqies suffiċjenti.

6. L-ABE, f'konsultazzjoni mal-ESMA, għandha tiżviluppa abbozz ta' standards tekniċi regolatorji biex tispeċifika kif għandhom jitkejlu r-riskji u l-elementi ta' riskju msemmija fil-paragrafu 2, inkluż ir-riskji u l-elementi ta' riskju li huma esklużi espliċitament mir-rekwiżiti tal-fondi proprji stabbiliti fit-Tielet jew ir-Raba' Parti tar-Regolament (UE) 2019/2033.

L-ABE għandha tiżgura li l-abbozz ta' standards tekniċi regolatorji jinkludi metriċi kwalitattivi indikattivi għall-ammonti ta' fondi proprji addizzjonali msemmija fil-punt (a) tal-Artikolu 39(2), filwaqt li jittieħed kont tal-firxa ta' mudelli kummerċjali u forom legali differenti li jista' jkollhom id-ditti tal-investiment, u li jkunu proporzjonati f'dak li jirrigwarda:

(a)	il-piż tal-implimentazzjoni fuq id-ditti tal-investiment u fuq l-awtoritajiet kompetenti;

(b)	il-possibbiltà li l-livell ogħla tar-rekwiżiti tal-fondi proprji li japplikaw meta d-ditti tal-investiment ma jużawx mudelli interni jiġġustifika l-impożizzjoni ta' rekwiżiti tal-fondi proprji inferjuri meta jiġu vvalutati r-riskji u l-elementi ta' riskju skont il-paragrafu 2.

L-ABE għandha tippreżenta dak l-abbozz ta' standards tekniċi regolatorji lill-Kummissjoni sa ... tat-26 ta' Ġunju 2021.

Il-Kummissjoni tiġi delegata s-setgħa biex tissupplimenta din id-Direttiva billi tadotta l-istandards tekniċi regolatorji msemmija fl-ewwel subparagrafu f'konformità mal-Artikoli 10 sa 14 tar-Regolament (UE) Nru 1093/2010.

7. L-awtoritajiet kompetenti jistgħu jimponu rekwiżit tal-fondi proprji addizzjonali f'konformità mal-paragrafi 1 sa 6 fuq ditti tal-investiment li jissodisfaw il-kondizzjonijiet ta' kwalifika bħala ditti tal-investiment żgħar jew mhux interkonnessi stabbiliti fl-Artikolu 12(1) tar-Regolament (UE)2019/2033 abbażi ta' valutazzjoni każ b'każ u meta l-awtorità kompetenti tqis li jkun ġustifikat.

Artikolu 41

Gwida dwar fondi proprji addizzjonali

1. Filwaqt li jittieħed kont tal-prinċipju ta' proporzjonalità u skont id-daqs, l-importanza sistemika, in-natura, l-iskala u l-kumplessità tal-attivitajiet tad-ditti tal-investiment li ma jissodisfawx il-kondizzjonijiet ta' kwalifika bħala ditti tal-investiment żgħar jew mhux interkonnessi stabbiliti fl-Artikolu 12(1) tar-Regolament (UE) 2019/2033, l-awtoritajiet kompetenti jistgħu jirrikjedu li tali ditti tal-investiment ikollhom livelli ta' fondi proprji li, abbażi tal-Artikolu 24, ikunu suffiċjentement 'il fuq mir-rekwiżiti stabbiliti fit-Tielet Parti tar-Regolament (UE) 2019/2033 u f'din id-Direttiva, inkluż ir-rekwiżiti tal-fondi proprji addizzjonali msemmija fil-punt (a) tal-Artikolu 39(2), biex jiżguraw li l-fluttwazzjonijiet ekonomiċi ċikliki ma jwasslux għal ksur ta' dawk ir-rekwiżiti jew jhedded il-kapaċità tad-ditta tal-investiment li twettaq stralċ u twaqqaf l-attivitajiet b'mod ordnat;

2. L-awtoritajiet kompetenti għandhom, fejn adatt, jirrieżaminaw il-livell ta' fondi proprji li ġie stabbilit minn kull ditta tal-investiment li ma tissodisfax il-kondizzjonijiet biex tikkwalifika bħala ditta tal-invetiment żgħira u mhux interkonnessa stabbiliti fl-Artikolu 12(1) tar-[Regolament (UE) 2019/2033, f'konformità mal-paragrafu 1 ta' dan l-Artikolu u, fejn rilevanti, għandhom jikkomunikaw il-konklużjonijiet ta' dak ir-rieżami lid-ditta tal-investiment ikkonċernata, inkluż kwalunkwe aspettattiva għall-aġġustamenti għal-livell ta' fondi proprji stabbilit f'konformità mal-paragrafu 1 ta' dan l-Artikolu. Tali komunikazzjoni għandha tinkludi d-data sa meta l-awtorità kompetenti tirrikjedi li jitwettaq l-aġġustament.

Artikolu 42

Rekwiżiti speċifiċi ta' likwidità

1. L-awtoritajiet kompetenti għandhom jimponu r-rekwiżiti speċifiċi ta' likwidità msemmija fil-punt (k) tal-Artikolu 39(2) ta' din id-Direttiva, biss jekk, abbażi tar-rieżamijiet imwettqa skont l-Artikoli 36 u 37 ta' din id-Direttiva, dawn jikkonkludu li ditta tal-investiment li ma tissodisfax il-kondizzjonijiet biex tikkwalifika bħala ditti tal-invetiment żgħar u mhux interkonnessi stabbiliti fl-Artikolu 12(1) tar-[Regolament (UE) 2019/2033 jew li tissodisfa l-kondizzjonijiet stabbiliti fl-Artikolu 12(1) tar-Regolament (UE) 2019/2033 iżda ma ġietx eżentata mir-rekwiżit ta' likwidità f'konformità mal-Artikolu 43(1) tar-Regolament (UE) 2019/2033, tkun f'waħda mis-sitwazzjonijiet li ġejjin:

(a)	id-ditta tal-investiment tkun esposta għal riskji ta' likwidità jew għal elementi ta' riskju ta' likwidità li huma materjali u mhumiex koperti jew mhumiex koperti biżżejjed mir-rekwiżit ta' likwidità stabbilit fil-Ħames Parti tar-[Regolament (UE) 2019/2033;

(b)	id-ditta tal-investiment ma tissodisfax ir-rekwiżiti stabbiliti fl-Artikoli 24 u 26 ta' din id-Direttiva u miżuri amministrattivi oħrajn aktarx li ma jkunux ser itejbu biżżejjed l-arranġamenti, il-proċessi, il-mekkaniżmi u l-istrateġiji f'perijodu ta' żmien adatt;

2. Għall-finijiet tal-punt (a) tal-paragrafu 1 ta' dan l-Artikolu, ir-riskju ta' likwidità jew l-elementi ta' riskju ta' likwidità għandhom jiġu kkunsidrati bħala mhux koperti jew mhux koperti biżżejjed mir-rekwiżit ta' likwidità stabbilit fil-Ħames Parti tar-Regolament (UE) 2019/2033 biss meta l-ammonti u t-tipi ta' likwidità meqjusa adegwati mill-awtorità kompetenti wara r-rieżami superviżorju tal-valutazzjoni mwettqa mid-ditti tal-investiment f'konformità mal-Artikolu 24(1) ta' din id-Direttiva, huma ogħla mir-rekwiżit ta' likwidità tad-ditta tal-investiment stabbilit fil-Ħames Parti tar-Regolament (UE) 2019/2033.

3. L-awtoritajiet kompetenti għandhom jistabbilixxu l-livell ta' likwidità speċifika meħtieġ skont il-punt (k) tal-Artikolu 39(2) ta' din id-Direttiva, bħala d-differenza bejn il-likwidità meqjusa adegwata skont il-paragrafu 2 ta' dan l-Artikolu u r-rekwiżit ta' likwidità stabbilit fil-Ħames Parti tar-Regolament 2019/2033.

4. L-awtoritajiet kompetenti għandhom jeżiġu li d-ditti ta' investiment jissodisfaw ir-rekwiżiti ta' likwidità speċifiċi msemmija fil-punt (k) tal-Artikolu 39(2) ta' din id-Direttiva, b'assi likwidi kif stipulat fl-Artikolu 43 tar-Regolament (UE) 2019/2033.

5. L-awtoritajiet kompetenti għandhom jissostanzjaw bil-miktub id-deċiżjoni tagħhom li jimponu rekwiżit speċifiku ta' likwidità msemmi fil-punt (k) tal-Artikolu 39(2) billi jagħtu rendikont ċar tal-valutazzjoni sħiħa tal-elementi msemmija fil-paragrafi 1 sa 3 ta' dan l-Artikolu.

6. L-ABE, f'konsultazzjoni mal-ESMA, għandha tiżviluppa abbozz ta' standards tekniċi regolatorji biex tispeċifika b'mod adegwat mad-daqs, l-istruttura u l-organizzazzjoni interna tad-ditti tal-investiment u n-natura, l-kamp ta' applikazzjoni u l-kumplessità tal-attivitajiet tagħhom kif għandhom jitkejlu r-riskju ta' likwidità u l-elementi ta' riskju ta' likwidità msemmija fil-paragrafu 2.

L-ABE għandha tippreżenta dak l-abbozz ta' standards tekniċi regolatorji lill-Kummissjoni sa ... tat-26 ta' Ġunju 2021.

Artikolu 43

Kooperazzjoni mal-awtoritajiet ta' riżoluzzjoni

L-awtoritajiet kompetenti għandhom jinnotifikaw lill-awtoritajiet ta' riżoluzzjoni rilevanti bi kwalunkwe rekwiżit ta' fondi proprji addizzjonali impost skont il-punt (a) tal-Artikolu 39(2) ta' din id-Direttiva, għal ditta tal-investiment li taqa' fil-kamp ta' applikazzjoni tad-Direttiva 2014/59/UE u dwar kwalunkwe aspettattiva għall-aġġustamenti msemmija fl-Artikolu 41(2) ta' din id-Direttiva, fir-rigward ta' tali ditta tal-investiment.

Artikolu 44

Rekwiżiti ta' pubblikazzjoni

L-Istati Membri għandhom jiżguraw li l-awtoritajiet kompetenti jkollhom is-setgħa:

(a)

jeżiġu li ditti tal-investiment li ma jissodisfawx il-kondizzjonijiet ta' kwalifika bħala ditti tal-investiment żgħar u mhux interkonnessi stabbiliti fl-Artikolu 12(1) tar-Regolament (UE) 2019/2033 u d-ditti tal-investiment imsemmija fl-Artikolu 46(2) tar-Regolament (UE) 2019/2033 jippubblikaw l-informazzjoni msemmija fl-Artikolu 46 ta' dak ir-Regolament aktar minn darba fis-sena u li jistabbilixxu skadenzi għal dik il-pubblikazzjoni;

(b)

jeżiġu li ditti tal-investiment li ma jissodisfawx il-kondizzjonijiet ta' kwalifika bħala ditti tal-investiment żgħar u mhux interkonnessi stabbiliti fl-Artikolu 12(1) tar-Regolament (UE) 2019/2033 u ditti tal-investiment imsemmija fl-Artikolu 46(2) tar-Regolament (UE) 2019/2033 jużaw mezzi u postijiet speċifiċi, b'mod partikolari s-siti web tad-ditti tal-investiment, għal pubblikazzjonijiet oħra li mhumiex ir-rapporti finanzjarji;

(c)

jirrikjedu li l-intrapriżi prinċipali li jippubblikaw annwalment jew b'mod sħiħ jew permezz ta' referenzi għal informazzjoni ekwivalenti, deskrizzjoni tal-istruttura legali tagħhom u tal-istruttura ta' governanza u organizzazzjonali tal-grupp ta' ditti tal-investiment f'konformità mal-Artikoli 26(1) ta' din id-Direttiva u mal-Artikolu 10 tad-Direttiva 2014/65/UE.

Artikolu 45

Obbligu ta' infurmar lill-ABE

1. L-awtoritajiet kompetenti għandhom jinfurmaw lill-ABE dwar:

(a)	il-proċess tagħhom ta' rieżami u ta' evalwazzjoni msemmi fl-Artikolu 36;

(b)	il-metodoloġija użata għad-deċiżjonijiet imsemmija fl-Artikoli 39, 40 u 41;

c)	il-livell ta' sanzjonijiet amministrattivi stabbiliti mill-Istati Membri, imsemmija fl-Artikolu 18.

L-ABE għandha tgħaddi l-informazzjoni msemmija f'dan il-paragrafu lill-ESMA.

2. L-ABE, f'konsultazzjoni mal-ESMA, għandha tivvaluta l-informazzjoni pprovduta mill-awtoritajiet kompetenti sabiex tiżviluppa l-konsistenza fir-rieżami superviżorju u l-proċess ta' evalwazzjoni. Sabiex tlesti l-valutazzjoni tagħha, l-ABE, wara li tkun ikkonsultat lill-ESMA, tista' titlob informazzjoni addizzjonali minn awtoritajiet kompetenti fuq bażi proporzjonali u f'konformità mal-Artikolu 35 tar-Regolament (UE) Nru 1093/2010.

L-ABE għandha tippubblika fuq is-sit web tagħha l-informazzjoni aggregata msemmija fil-punt (c) tal-ewwel subparagrafu tal-paragrafu 1.

L-ABE għandha tirrapporta lill-Parlament Ewropew u lill-Kunsill dwar il-livell ta' konverġenza tal-applikazzjoni tad-dispożizzjonijiet f'dan il-Kapitolu fost l-Istati Membri. L-ABE għandha tagħmel evalwazzjonijiet bejn il-pari f'konformità mal-Artikolu 30 tar-Regolament (UE) Nru 1093/2010 fejn ikun hemm bżonn. Hija għandha tinforma lill-ESMA b'tali evalwazzjonijiet bejn il-pari.

L-ABE u l-ESMA għandhom joħorġu linji gwida għall-awtoritajiet kompetenti f'konformità mal-Artikolu 16 tar-Regolament (UE) Nru 1093/2010 u l-Artikolu 16 tar-Regolament (UE) Nru 1095/2010, kif applikabbli, biex tkompli tispeċifika, b'mod li jkun adatt għad-daqs, għall-istruttura u għall-organizzazzjoni interna tad-ditti tal-investiment u n-natura, l-kamp ta' applikazzjoni u l-kumplessità tal-attivitajiet tagħhom, tal-proċeduri u tal-metodoloġiji komuni għall-proċess ta' rieżami u ta' evalwazzjoni superviżorji msemmija fil-paragrafu 1 u l-valutazzjoni tat-trattament tar-riskji msemmija fl-Artikolu 29 ta' din id-Direttiva.

KAPITOLU 3

Superviżjoni ta' gruppi ta' ditti tal-investiment

Taqsima 1

Superviżjoni ta' gruppi ta' ditti tal-investiment fuq bażi konsolidata u superviżjoni tal-konformità mat-test tal-kapital ta' grupp

Artikolu 46

Determinazzjoni tas-superviżur tal-grupp

1. L-Istati Membri għandhom jiżguraw li, meta grupp ta' ditti tal-investiment ikun immexxi minn ditta tal-investiment prinċipali tal-Unjoni, is-superviżjoni fuq bażi konsolidata jew is-superviżjoni tal-konformità mat-test tal-kapital ta' grupp tiġi eżerċitata mill-awtorità kompetenti ta' dik id-ditta tal-investiment prinċipali tal-Unjoni.

2. L-Istati Membri għandhom jiżguraw li, meta l-impriża prinċipali ta' ditta tal-investiment tkun kumpanija holding ta' investiment prinċipali tal-Unjoni jew kumpanija holding finanzjarja mħallta prinċipali tal-Unjoni, is-superviżjoni fuq bażi konsolidata jew is-superviżjoni tal-konformità mat-test tal-kapital ta' grupp tiġi eżerċitata mill-awtorità kompetenti ta' dik id-ditta tal-investiment.

3. L-Istati Membri għandhom jiżguraw li, meta żewġ ditti tal-investiment jew aktar awtorizzati f'żewġ Stati Membri jew aktar ikollhom l-istess kumpanija holding ta' investiment prinċipali tal-Unjoni jew l-istess kumpanija holding finanzjarja mħallta prinċipali tal-Unjoni, is-superviżjoni fuq bażi konsolidata jew is-superviżjoni tal-konformità mat-test tal-kapital ta' grupp tiġi eżerċitata mill-awtoritajiet kompetenti tad-ditta tal-investiment awtorizzata fl-Istat Membru fejn ġiet stabbilita l-kumpanija holding ta' investiment jew il-kumpanija holding finanzjarja mħallta.

4. L-Istati Membri għandhom jiżguraw li meta l-intrapriżi prinċipali ta' żewġ ditti tal-investiment jew aktar awtorizzati f'żewġ Stati Membri jew aktar ikunu jinkludu aktar minn kumpanija holding ta' investiment jew kumpanija holding finanzjarja mħallta waħda bl-uffiċċji reġistrati fi Stati Membri differenti u meta jkun hemm ditta tal-investiment f'kull wieħed minn dawk l-Istati Membri, is-superviżjoni fuq bażi konsolidata jew is-superviżjoni tal-konformità mat-test tal-kapital ta' grupp għandha tiġi eżerċitata mill-awtorità kompetenti tad-ditta tal-investiment bl-akbar total fuq il-karta tal-bilanċ.

5. L-Istati Membri għandhom jiżguraw li, meta żewġ ditti tal-investiment jew aktar awtorizzati fl-Unjoni jkollhom bħala l-kumpanija prinċipali tagħhom l-istess kumpanija holding ta' investiment tal-Unjoni jew kumpanija holding finanzjarja mħallta tal-Unjoni u l-ebda waħda minn dawk id-ditti tal-investiment ma tkun ġiet awtorizzata fl-Istat Membru li fih ġiet stabbilita l-kumpanija holding ta' investiment jew il-kumpanija holding finanzjarja mħallta, is-superviżjoni fuq bażi konsolidata jew is-superviżjoni tal-konformità mat-test tal-kapital ta' grupp tiġi eżerċitata mill-awtorità kompetenti tad-ditta tal-investiment bl-akbar total fuq il-karta tal-bilanċ.

6. Bi ftehim komuni, l-awtoritajiet kompetenti jistgħu jirrinunzjaw għall-kriterji msemmija fil-paragrafi 3, 4 u 5 meta l-applikazzjoni tagħhom ma tkunx adatta għas-superviżjoni effettiva fuq bażi konsolidata jew għas-superviżjoni tal-konformità mat-test tal-kapital ta' grupp, filwaqt li jittieħed kont tad-ditti tal-investiment ikkonċernati u l-importanza tal-attivitajiet tagħhom fl-Istati Membri rilevanti, u jiddeżinjaw awtorità kompetenti differenti biex teżerċita sorveljanza fuq bażi konsolidata jew superviżjoni tal-konformità mat-test tal-kapital ta' grupp. F'dawk il-każijiet, qabel ma jadottaw kwalunkwe deċiżjoni bħal din, l-awtoritajiet kompetenti għandhom jagħtu lill-kumpanija holding ta' investiment prinċipali tal-Unjoni jew lill-kumpanija holding finanzjarja mħallta prinċipali tal-Unjoni jew lid-ditta tal-investiment bl-akbar total fuq il-karta tal-bilanċ, kif adatt, opportunità biex tiddikjara l-opinjoni tagħha dwar dik id-deċiżjoni intiża. L-awtoritajiet kompetenti għandhom jinnotifikaw lill-Kummissjoni u lill-ABE bi kwalunkwe tali deċiżjoni.

Artikolu 47

Rekwiżiti tal-informazzjoni f'sitwazzjonijiet ta' emerġenza

Meta tinħoloq sitwazzjoni ta' emerġenza, inkluża sitwazzjoni kif deskritta fl-Artikolu 18 tar-Regolament (UE) Nru 1093/2010 jew sitwazzjoni ta' żviluppi negattivi fis-swieq, li potenzjalment tippreġudika l-likwidità fis-suq u l-istabbiltà tas-sistema finanzjarja fi kwalunkwe Stat Membru fejn l-entitajiet ta' grupp ta' ditti tal-investiment ikunu ġew awtorizzati, is-superviżur tal-grupp stabbilit skont l-Artikolu 46 ta' din id-Direttiva, għandu, soġġett għat-Taqsima 2 tal-Kapitolu 1 ta' dan it-Titolu, iwissi, hekk kif ikun prattikabbli, lill-ABE, lill-BERS u lil kwalunkwe awtorità kompetenti rilevanti u għandu jikkomunika l-informazzjoni essenzjali kollha sabiex iwettqu l-kompiti tagħhom.

Artikolu 48

Kulleġġi ta' superviżuri

1. L-Istati Membri għandhom jiżguraw li s-superviżur tal-grupp stabbilit skont l-Artikolu 46 ta' din id-Direttiva, jista', jekk adatt, jistabbilixxi kulleġġi ta' superviżuri biex jiffaċilitaw l-eżerċizzju tal-kompiti msemmijin f'dan l-Artikolu u biex jiżguraw l-koordinazzjoni u l-kooperazzjoni ma' awtoritajiet superviżorji rilevanti ta' pajjiżi terzi, b'mod partikolari meta dan ikun meħtieġ għall-fini li jiġu applikati l-punt (c) tal-ewwel subparagrafu tal-Artikolu 23(1) u l-Artikolu 23(2) tar-Regolament (UE)2019/2033 għall-iskambju u l-aġġornament ta' informazzjoni rilevanti rigward il-mudell ta' marġni mal-awtoritajiet superviżorji tal-kontropartijiet ċentrali kwalifikanti.

2. Il-kulleġġi tas-superviżuri għandhom jipprovdu qafas għas-superviżur tal-grupp, l-ABE u l-awtoritajiet kompetenti l-oħra biex iwettqu l-kompiti li ġejjin:

(a)	il-kompiti msemmija fl-Artikolu 47;

(b)	il-koordinazzjoni ta' talbiet għall-informazzjoni fejn din tkun meħtieġa biex tiġi ffaċilitata s-superviżjoni fuq bażi konsolidata, f'konformità mal-Artikolu 7 tar-Regolament (UE)2019/2033;

(c)

il-koordinazzjoni ta' talbiet għall-informazzjoni, f'każijiet meta diversi awtoritajiet kompetenti ta' ditti tal-investiment li jagħmlu parti mill-istess grupp ikollhom bżonn jitolbu jew mill-awtorità kompetenti ta' Stat Membru tad-domiċilju ta' membru tal-ikklirjar jew mill-awtorità kompetenti tal-QCCP informazzjoni marbuta mal-mudell u l-parametri ta' marġni użati biex jiġi kkalkulat ir-rekwiżit ta' marġni tad-ditti tal-investiment rilevanti;

(d)	l-iskambju ta' informazzjoni bejn l-awtoritajiet kompetenti kollha u mal-ABE f'konformità mal-Artikolu 21 tar-Regolament (UE) Nru 1093/2010 u mal-ESMA, f'konformità mal-Artikolu 21 tar-Regolament (UE) Nru 1095/2010;

(e)	l-ilħuq ta' ftehim dwar id-delega volontarja bejn l-awtoritajiet kompetenti ta' kompiti u responsabbiltajiet, fejn adatt;

(f)	iż-żieda fl-effiċjenza tas-superviżjoni billi jitfittex li tiġi evitata d-duplikazzjoni inutli ta' rekwiżiti superviżorji.

3. Fejn adatt, jistgħu wkoll jiġu stabbiliti kulleġġi tas-superviżuri meta s-sussidjarji ta' grupp ta' ditti tal-investiment immexxi minn ditta tal-investiment tal-Unjoni, minn kumpanija holding ta' investiment prinċipali tal-Unjoni jew minn kumpanija holding finanzjarja mħallta prinċipali tal-Unjoni jkunu jinsabu f'pajjiż terz.

4. F'konformità mal-Artikolu 21 tar-Regolament (UE) Nru 1093/2010, l-ABE għandha tieħu sehem fil-laqgħat tal-kulleġġi tas-superviżuri.

5. L-awtoritajiet li ġejjin għandhom ikunu membri fil-kulleġġ tas-superviżuri:

(a)	l-awtoritajiet kompetenti responsabbli għas-superviżjoni tas-sussidjarji ta' grupp ta' ditti tal-investiment immexxi minn ditta tal-investiment tal-Unjoni, minn kumpanija holding ta' investiment prinċipali tal-Unjoni jew minn kumpanija holding finanzjarja mħallta prinċipali tal-Unjoni;

(b)	fejn adatt, l-awtoritajiet superviżorji ta' pajjiżi terzi, soġġetti għar-rekwiżiti ta' kunfidenzjalità li huma ekwivalenti fl-opinjoni tal-awtoritajiet kompetenti kollha għar-rekwiżiti stabbiliti fit-Taqsima 2 tal-Kapitolu I ta' dan it-Titolu.

6. Is-superviżur tal-grupp iddeterminat skont l-Artikolu 46 għandu jippresiedi l-laqgħat tal-kulleġġ tas-superviżuri u jadotta deċiżjonijiet. Dak is-superviżur tal-grupp għandu jżomm lill-membri kollha tal-kulleġġ tas-superviżuri informati bis-sħiħ bil-quddiem dwar l-organizzazzjoni ta' dawk il-laqgħat, dwar il-kwistjonijiet prinċipali li jkunu ser jiġu diskussi u dwar l-attivitajiet li jkunu ser jiġu kkunsidrati. Is-superviżur tal-grupp għandu wkoll iżomm lill-membri kollha tal-kulleġġ tas-superviżuri infurmati bis-sħiħ, u mingħajr dewmien, dwar id-deċiżjonijiet adottati f'dawk il-laqgħat jew dwar il-miżuri mwettqin.

Is-superviżur tal-grupp għandu jqis ir-rilevanza tal-attività superviżorja li għandha tiġi ppjanata jew ikkoordinata mill-awtoritajiet imsemmija fil-paragrafu 5 meta jadotta deċiżjonijiet.

L-istabbiliment u l-funzjonament tal-kulleġġi tas-superviżuri għandhom jiġu formalizzati permezz ta' 'arranġamenti bil-miktub.

7. Fil-każ ta' nuqqas ta' qbil ma' deċiżjoni adottata mis-superviżur tal-grupp dwar il-funzjonament tal-kulleġġi ta' superviżuri, kwalunkwe waħda mill-awtoritajiet kompetenti kkonċernati tista' tirreferi l-kwistjoni lill-ABE u titlob l-assistenza tal-ABE f'konformità mal-Artikolu 19 tar-Regolament (UE) Nru 1093/2010.

L-ABE tista' wkoll tgħin lill-awtoritajiet kompetenti fil-każ ta' nuqqas ta' qbil dwar il-funzjonament tal-kulleġġi ta' superviżuri skont dan l-Artikolu fuq l-inizjattiva tagħha stess f'konformità mat-tieni subparagrafu tal-Artikolu 19(1) tar-Regolament (UE) Nru 1093/2010.

8. F'konsultazzjoni mal-ESMA, l-ABE għandha tiżviluppa abbozz ta' standards tekniċi regolatorji biex tkompli tispeċifika l-kondizzjonijiet li fihom il-kulleġġi tas-superviżuri jeżerċitaw il-kompiti tagħhom imsemmija fil-paragrafu 1.

L-ABE għandha tippreżenta dak l-abbozz ta' standards tekniċi regolatorji lill-Kummissjoni sa ... tat-26 ta' Ġunju 2021.

Il-Kummissjoni tingħata s-setgħa li tissupplimenta din id-Direttiva billi tadotta l-istandards tekniċi regolatorji msemmija fl-ewwel subparagrafu skont l-Artikoli 10 sa 14 tar-Regolament (UE) Nru 1093/2010.

Artikolu 49

Rekwiżiti ta' kooperazzjoni

1. L-Istati Membri għandhom jiżguraw li s-superviżur tal-grupp u l-awtoritajiet kompetenti msemmija fl-Artikolu 48(5) jipprovdu lil xulxin bl-informazzjoni kollha rilevanti kif meħtieġ, inklużi dawn li ġejjin:

(a)

l-identifikazzjoni tal-istruttura legali u ta' governanza tal-grupp ta' ditti tal-investiment, inkluża l-istruttura organizzazzjonali tiegħu, billi jiġu koperti l-entitajiet regolati u mhux regolati, is-sussidjarji mhux regolati u l-intrapriżi prinċipali kollha, u tal-awtoritajiet kompetenti tal-entitajiet regolati fil-grupp ta' ditti tal-investiment;

(b)	il-proċeduri għall-ġbir tal-informazzjoni mingħand id-ditti tal-investiment fi grupp ta' ditti tal-investiment, u l-proċeduri għall-verifika ta' dik l-informazzjoni;

(c)	kwalunkwe żvilupp negattiv fid-ditti tal-investiment jew f'entitajiet oħra ta' grupp ta' ditti tal-investiment, li jista' jaffettwa serjament dawk id-ditti tal-investiment;

(d)	kwalunkwe sanzjoni u miżura eċċezzjonali sinifikanti meħuda mill-awtoritajiet kompetenti f'konformità mad-dispożizzjonijiet nazzjonali li jittrasponu din id-Direttiva;

(e)	l-impożizzjoni ta' rekwiżit tal-fondi proprji speċifiku skont l-Artikolu 39 ta' din id-Direttiva.

2. L-awtoritajiet kompetenti u s-superviżur tal-grupp jistgħu jirreferu għall-ABE, f'konformità mal-Artikolu 19(1) tar-Regolament (UE) Nru 1093/2010, meta l-informazzjoni rilevanti ma tkunx ġiet ikkomunikata skont il-paragrafu 1 mingħajr dewmien żejjed jew meta talba għal kooperazzjoni, b'mod partikolari għall-iskambju ta' informazzjoni rilevanti, tkun ġiet irrifjutata jew ma tkunx ittieħdet azzjoni dwarha fi ħdan perijodu raġonevoli ta' żmien.

F'konformità mat-tieni subparagrafu tal-Artikolu 19(1) tar-Regolament (UE) Nru 1093/2010, kif ukoll fuq inizjattiva tagħha stess, l-ABE tista' tassisti lill-awtoritajiet kompetenti fl-iżvilupp ta' prattiki ta' kooperazzjoni konsistenti.

3. L-Istati Membri għandhom jiżguraw li l-awtoritajiet kompetenti, qabel ma jadottaw deċiżjoni li tista' tkun importanti għall-kompiti superviżorji ta' awtoritajiet kompetenti oħra, jikkonsultaw lil xulxin dwar dawn li ġejjin:

(a)	it-tibdiliet fl-istruttura tal-azzjonisti, organizzazzjonali jew maniġerjali tad-ditti tal-investiment fil-grupp ta' ditti tal-investiment, li jirrikjedu l-approvazzjoni jew l-awtorizzazzjoni tal-awtoritajiet kompetenti;

(b)	sanzjonijiet sinifikanti imposti fuq id-ditti tal-investiment mill-awtoritajiet kompetenti jew kwalunkwe miżura eċċezzjonali oħra meħuda minn dawk l-awtoritajiet; u

(c)	rekwiżiti tal-fondi proprji speċifiċi imposti f'konformità mal-Artikolu 39.

4. Is-superviżur tal-grupp għandu jiġi kkonsultat meta jkunu ser jiġu imposti sanzjonijiet sinifikanti jew tkun ser tittieħed kwalunkwe miżura eċċezzjonali oħra mill-awtoritajiet kompetenti kif imsemmi fil-punt (b) tal-paragrafu 3.

5. B'deroga mill-paragrafu 3, awtorità kompetenti mhix obbligata tikkonsulta lil awtoritajiet kompetenti oħra f'każijiet ta' urġenza jew meta tali konsultazzjoni tista' xxekkel l-effettività tad-deċiżjoni tagħha, f'liema każ l-awtorità kompetenti għandha tinforma mingħajr dewmien lill-awtoritajiet kompetenti kkonċernati l-oħra b'dik id-deċiżjoni li mhix ser issir konsultazzjoni.

Artikolu 50

Verifika tal-informazzjoni rigward entitajiet li jinsabu fi Stati Membri oħra

1. L-Istati Membri għandhom jiżguraw li, meta awtorità kompetenti fi Stat Membru wieħed tkun meħtieġa tivverifika informazzjoni dwar ditti tal-investiment, kumpaniji holding ta' investiment, kumpaniji holding finanzjarji mħallta, istituzzjonijiet finanzjarji, impriżi ta' servizzi anċillari, kumpaniji holding finanzjarji b'attività mħallta jew sussidjarji li jinsabu fi Stat Membru ieħor, inkluż sussidjarji li huma kumpaniji tal-assigurazzjoni, u tagħmel talba għal dan, l-awtoritajiet kompetenti rilevanti ta' dak l-Istat Membru l-ieħor iwettqu dik il-verifika f'konformità mal-paragrafu 2.

2. L-awtoritajiet kompetenti li jkunu rċevew talba skont il-paragrafu 1 għandhom jagħmlu xi waħda minn dawn li ġejjin:

(a)	iwettqu l-verifika huma stess fil-qafas tal-kompetenza tagħhom;

(b)	jippermettu lill-awtoritajiet kompetenti li għamlu dik it-talba jwettqu l-verifika;

(c)	jitolbu lil awditur jew esperti biex iwettaq il-verifika b'mod imparzjali u jirrapporta r-riżultati minnufih.

Għall-finijiet tal-punti (a) u (c), l-awtoritajiet kompetenti li jkunu għamlu t-talba għandhom jitħallew jieħdu sehem fil-verifika.

Taqsima 2

Kumpaniji holding ta' investiment, kumpaniji holding finanzjarji mħallta u kumpaniji holding li jwettqu attivitajiet mħallta

Artikolu 51

Inklużjoni ta' kumpaniji holding fis-superviżjoni tal-konformità mat-test tal-kapital ta' grupp

L-Istati Membri għandhom jiżguraw li l-kumpaniji holding ta' investiment u l-kumpaniji holding finanzjarji mħallta jkunu inklużi fis-superviżjoni tal-konformità mat-test tal-kapital ta' grupp.

Artikolu 52

Kwalifiki tad-diretturi

L-Istati Membri għandhom jirrikjedu li l-membri tal-korp maniġerjali ta' kumpanija holding ta' investiment jew kumpanija holding finanzjarja mħallta jkunu ta' reputazzjoni tajba biżżejjed u jkollhom għarfien, ħiliet u esperjenza biżżejjed biex iwettqu dawk id-dmirijiet b'mod effettiv, filwaqt li jittieħed kont tar-rwol speċifiku ta' kumpanija holding ta' investiment jew kumpanija holding finanzjarja mħallta.

Artikolu 53

kumpaniji holding ta' attività mħallta

1. L-Istati Membri għandhom jipprevedu li, meta l-impriża prinċipali ta' ditta tal-investiment tkun kumpanija holding ta' attività mħallta, l-awtoritajiet kompetenti responsabbli għas-superviżjoni tad-ditta tal-investiment jistgħu:

(a)	jitolbu li l-kumpanija holding ta' attività mħallta tipprovdilhom kwalunkwe informazzjoni li tista' tkun rilevanti għas-superviżjoni ta' dik id-ditta tal-investiment;

(b)

jissorveljaw it-tranżazzjonijiet bejn id-ditta tal-investiment u l-kumpanija holding ta' attività mħallta u s-sussidjarji ta' din tal-aħħar, u jeżiġu li d-ditta tal-investiment ikollha fis-seħħ proċessi adegwati ta' mmaniġġjar tar-riskji u mekkaniżmi ta' kontroll intern, inkluż proċeduri solidi ta' rappurtar u kontabilistiċi biex tidentifika, tkejjel, tissorvelja u tikkontrolla dawk it-tranżazzjonijiet.

2. L-Istati Membri għandhom jipprevedu li l-awtoritajiet kompetenti jkunu jistgħu jwettqu, jew iqabbdu lil spetturi esterni jwettqu, spezzjonijiet fuq il-post biex jivverifikaw l-informazzjoni mwassla mingħand il-kumpaniji holding li jwettqu attivitajiet mħallta u s-sussidjarji tagħhom.

Artikolu 54

Sanzjonijiet

F'konformità mat-Taqsima 3 tal-Kapitolu 2 ta' dan it-Titolu, l-Istati Membri għandhom jiżguraw li jistgħu jiġu imposti sanzjonijiet amministrattivi jew miżuri amministrattivi oħra mmirati li jtemmu jew jimmitigaw il-ksur tal-liġijiet, ir-regolamenti jew id-dispożizzjonijiet amministrattivi li jittrasponu dan il-Kapitolu jew li jindirizzaw il-kawżi ta' tali ksur fuq kumpaniji holding ta' investiment, kumpaniji holding finanzjarji mħallta u kumpaniji holding ta' attività mħallta, jew il-maniġers effettivi tagħhom.

Artikolu 55

Valutazzjoni tas-superviżjoni ta' pajjiżi terzi u ta' tekniki superviżorji oħra

1. L-Istati Membri għandhom jiżguraw li meta żewġ ditti tal-investiment jew aktar li huma sussidjarji tal-istess impriża prinċipali, li jkollha l-uffiċċju reġistrat tagħha f'pajjiż terz, ma jkunux soġġetti għal superviżjoni effettiva fil-livell tal-grupp, l-awtorità kompetenti tivvaluta jekk id-ditti tal-investiment humiex soġġetti għal superviżjoni mill-awtorità superviżorja tal-pajjiż terz li tkun ekwivalenti għas-superviżjoni stabbilita f'din id-Direttiva u fl-Ewwel Parti tar-Regolament (UE) 2019/2033.

2. Meta l-valutazzjoni msemmija fil-paragrafu 1 ta' dan l-Artikolu tikkonkludi li ma tapplika l-ebda tali superviżjoni ekwivalenti, l-Istati Membri għandhom jippermetti tekniki superviżorji adegwati li jiksbu l-objettivi ta' superviżjoni f'konformità mal-Artikolu 7 jew 8 tar-Regolament (UE) 2019/2033. Dawk it-tekniki superviżorji għandhom jiġu deċiżi mill-awtorità kompetenti li kienet tkun is-superviżur tal-grupp li kieku l-impriża prinċipali kienet stabbilita fl-Unjoni, wara konsultazzjoni mal-awtoritajiet kompetenti l-oħra involuti. Kwalunkwe miżura meħuda skont dan il-paragrafu għandha tiġi nnotifikata lill-awtoritajiet kompetenti l-oħra involuti, lill-ABE u lill-Kummissjoni.

3. L-awtorità kompetenti li kienet tkun is-superviżur tal-grupp li kieku l-impriża prinċipali kienet stabbilita fl-Unjoni tista', b'mod partikolari, titlob l-istabbiliment ta' kumpanija holding ta' investiment jew il-kumpanija holding finanzjarja mħallta fl-Unjoni u tapplika l-Artikoli 7 jew 8 tar-Regolament (UE) 2019/2033 għal dik il-kumpanija holding ta' investiment jew dik il-kumpanija holding finanzjarja mħallta.

Artikolu 56

Kooperazzjoni mal-awtoritajiet superviżorji ta' pajjiżi terzi

Il-Kummissjoni tista' tippreżenta rakkomandazzjonijiet lill-Kunsill, jew fuq talba ta' Stat Membru jew fuq inizjattiva proprja, għan-negozjar ta' ftehimiet ma' pajjiż terz wieħed jew aktar rigward il-mezzi ta' superviżjoni tal-konformità mat-test tal-kapital ta' grupp mid-ditti tal-investiment li ġejjin:

(a)	ditti tal-investiment li l-impriża prinċipali tagħhom ikollha l-uffiċċju reġistrat tagħha f'pajjiż terz;

(b)	ditti tal-investiment li jinsabu f'pajjiżi terzi, u li l-impriża prinċipali tagħhom ikollha l-uffiċċju reġistrat tagħha fl-Unjoni.

TITOLU V

PUBBLIKAZZJONI MILL-AWTORITAJIET KOMPETENTI

Artikolu 57

Rekwiżiti ta' pubblikazzjoni

1. L-awtoritajiet kompetenti għandhom jippubblikaw l-informazzjoni kollha li ġejja:

(a)	it-testi tal-liġijiet, ir-regolamenti, ir-regoli amministrattivi u l-gwida ġenerali adottati fl-Istat Membru tagħhom skont din id-Direttiva;

(b)	il-mod kif jiġu eżerċitati l-għażliet u d-diskrezzjonijiet disponibbli skont din id-Direttiva u r-Regolament (UE) 2019/2033;

(c)	il-kriterji ġenerali u l-metodoloġiji li jużaw fir-rieżami u l-evalwazzjoni superviżorji msemmija fl-Artikolu 36 ta' din id-Direttiva;

(d)

data statistika aggregata dwar aspetti importanti tal-implimentazzjoni ta' din id-Direttiva u tar-Regolament (UE) 2019/2033 fl-Istat Membru tagħhom, inklużi n-numru u n-natura tal-miżuri superviżorji meħuda f'konformità mal-punt (a) tal-Artikolu 39(2) ta' din id-Direttiva u tas-sanzjonijiet amministrattivi imposti f'konformità mal-Artikolu 18 ta' din id-Direttiva.

2. L-informazzjoni ppubblikata skont il-paragrafu 1 għandha tkun komprensiva u preċiża biżżejjed biex ikun jista' jsir paragun sinifikattiv tal-applikazzjoni tal-punti (b), (c) u (d) tal-paragrafu 1 mill-awtoritajiet kompetenti tal-Istati Membri differenti.

3. Il-pubblikazzjoni ta' informazzjoni għandhom isegwu format komuni u għandhom jiġu aġġornati regolarment. Din għandha tkun aċċessibbli f'post elettroniku uniku.

4. L-ABE, f'konsultazzjoni mal-ESMA, għandha tiżviluppa abbozz ta' standards tekniċi ta' implimentazzjoni biex tiddetermina l-format, l-istruttura, il-lista tal-kontenut u d-data tal-pubblikazzjoni annwali tal-informazzjoni elenkata fil-paragrafu 1.

Il-Kummissjoni tingħata s-setgħa li tadotta l-istandards tekniċi ta' implimentazzjoni msemmija fl-ewwel subparagrafu f'konformità mal-Artikolu 15 tar-Regolament (UE) Nru 1093/2010.

5. L-ABE għandha tippreżenta l-abbozz ta' standards tekniċi ta' implimentazzjoni msemmi fil-paragrafu 4 lill-Kummissjoni sa ... tat-26 ta' Ġunju 2021.

TITOLU VI

ATTI DELEGATI

Artikolu 58

Eżerċizzju tad-delega

1. Is-setgħa ta' adozzjoni ta' atti delegati hija mogħtija lill-Kummissjoni suġġett għall-kondizzjonijiet stabbiliti f'dan l-Artikolu.

2. Is-setgħa ta' adozzjoni ta' atti delegati msemmija fl-Artikolu 3(2), l-Artikolu 29(4) u l-Artikolu 36(4) hija mogħtija lill-Kummissjoni għal perijodu ta' ħames snin minn ... [id-data tad-dħul fis-seħħ ta' din id-Direttiva].

3. Id-delega ta' setgħa msemmija fl-Artikolu 3(2), l-Artikolu 29(4) u l-Artikolu 36(4) tista' tiġi revokata fi kwalunkwe mument mill-Parlament Ewropew jew mill-Kunsill. Deċiżjoni li tirrevoka għandha ttemm id-delega ta' setgħa speċifikata f'dik id-deċiżjoni. Għandha ssir effettiva fil-jum wara l-pubblikazzjoni tad-deċiżjoni f'Il-Ġurnal Uffiċjali tal-Unjoni Ewropea jew f'data aktar tard speċifikata fih. M'għandhiex taffettwa l-validità ta' kwalunkwe att delegat li jkun diġà fis-seħħ.

4. Qabel ma' tadotta att delegat, il-Kummissjoni għandha tikkonsulta esperti innominati minn kull Stat Membru skont il-prinċipji stipulati fil-Ftehim Interistituzzjonali tat-13 ta' April 2016 dwar it-Tfassil Aħjar tal-Liġijiet.

5. Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

6. Att delegat adottat skont l-Artikolu 3(2), l-Artikolu 29(4) u l-Artikolu 36(4) għandu jidħol fis-seħħ biss jekk ma tiġix espressa oġġezzjoni mill-Parlament Ewropew jew mill-Kunsill fi żmien xahrejn min-notifika ta' dak l-att lill-Parlament Ewropew u lill-Kunsill jew jekk, qabel ma jiskadi dak il-perijodu, il-Parlament Ewropew u l-Kunsill ikunu t-tnejn infurmaw lill-Kummissjoni li mhumiex sejrin joġġezzjonaw. Dak il-perijodu għandu jiġi estiż b'xahrejn fuq inizjattiva tal-Parlament Ewropew jew tal-Kunsill.

TITOLU VII

EMENDI GĦAL DIRETTIVI OĦRA

Artikolu 59

Emenda għad-Direttiva 2002/87/KE

Fl-Artikolu 2 tad-Direttiva 2002/87/KE, il-punt 7 huwa sostitwit b'dan li ġej:

“(7)

“regoli settorjali” tfisser atti legali relatati mas-superviżjoni prudenzjali ta' entitajiet regolati, b'mod partikolari r-Regolamenti (UE) Nru 575/2013 (*1) u (UE) 2019/2033 (*2) (12)tal-Parlament Ewropew u tal Kunsill u d-Direttivi 2009/138/KE, 2013/36/UE (*3), 2014/65/UE (*4) u (UE) 2019/2034 (*5) tal-Parlament Ewropew u tal-Kunsill.

Artikolu 60

Emenda għad-Direttiva 2009/65/KE

Fil-punt (a) tal-Artikolu 7(1) tad-Direttiva 2009/65/KE,il-punt (iii)huwa sostitwit b'dan li ġej:

“(iii)

irrispettivament mill-ammont ta' dawk ir-rekwiżiti, il-fondi proprji tal-kumpanija tal-maniġment ma għandhom qatt ikunu inqas mill-ammont preskritt fl-Artikolu 13 tar-Regolament (UE) 2019/2033 tal-Parlament Ewropew u tal-Kunsill (*6).

Artikolu 61

Emenda għad-Direttiva 2011/61/UE

Fl-Artikolu 9 tad-Direttiva 2011/61/UE, il-paragrafu 5 huwa sostitwit b'dan li ġej:

“5. Irrispettivament mill-paragrafu 3, il-fondi proprji tal-AIFM ma għandhom qatt ikunu anqas mill-ammont meħtieġ skont l-Artikolu 13 tar-Regolament (UE) 2019/2033 tal-Parlament Ewropew u tal-Kunsill (*7).

Artikolu 62

Emendi għad-Direttiva 2013/36/UE

Id-Direttiva 2013/36/UE hija emendata kif ġej:

(1)

it-titolu huwa sostitwit b'dan li ġej:

“Id-Direttiva 2013/36/UE tal-Parlament Ewropew u tal-Kunsill tas-26 ta' Ġunju 2013 dwar l-aċċess għall-attività tal-istituzzjonijiet ta' kreditu u s-superviżjoni prudenzjali tal-istituzzjonijiet ta' kreditu, li temenda d-Direttiva 2002/87/KE u li tħassar id-Direttivi 2006/48/KE u 2006/49/KE”;

(2)

l-Artikolu 1 huwa sostitwit b'dan li ġej:

“Artikolu 1

Suġġett

Din id-Direttiva tistabbilixxi regoli dwar:

(a)	l-aċċess għall-attività tal-istituzzjonijiet ta' kreditu;

(b)	is-setgħat u l-għodod superviżorji għas-superviżjoni prudenzjali tal-istituzzjonijiet ta' kreditu mill-awtoritajiet kompetenti;

(c)	is-superviżjoni prudenzjali tal-istituzzjonijiet ta' kreditu mill-awtoritajiet kompetenti b'mod li jkun konsistenti mar-regoli stabbiliti fir-Regolament (UE) Nru 575/2013;

(d)	ir-rekwiżiti ta' pubblikazzjoni għall-awtoritajiet kompetenti fil-qasam tar-regolamentazzjoni u tas-superviżjoni prudenzjali tal-istituzzjonijiet ta' kreditu.”;

(3)

l-Artikolu 2 huwa emendat kif ġej:

(a)	jitħassru l-paragrafi 2 u 3;

(b)	fil-paragrafu 5, jitħassar il-punt (1);

(c)	il-paragrafu 6 huwa sostitwit b'dan li ġej: “6. L-entitajiet imsemmija fil-punti (3) sa (24) tal-paragrafu 5 ta' dan l-Artikolu għandhom ikunu ttrattati bħala istituzzjonijiet finanzjarji għall-finijiet tal-Artikolu 34 u l-Kapitolu 3 tat-Titolu VII.”;

(4)	fl-Artikolu 3(1),: jitħassar il-punt (4);

(5)

l-Artikolu 5 huwa sostitwit b'dan li ġej:

“Artikolu 5

Koordinazzjoni fi ħdan l-Istati Membri

L-Istati Membri li jkollhom aktar minn awtorità kompetenti waħda għas-superviżjoni prudenzjali tal-istituzzjonijiet ta' kreditu u tal-istituzzjonijiet finanzjarji għandhom jieħdu l-miżuri meħtieġa biex jorganizzaw il-koordinazzjoni bejn tali awtoritajiet.”;

(6)

jiddaħħal l-artikolu li ġej:

“Artikolu 8a

Rekwiżiti speċifiċi għall-awtorizzazzjoni tal-istituzzjonijiet ta' kreditu msemmija fil-punt (1)(b) tal-Artikolu 4(1) tar-Regolament (UE) Nru 575/2013

1. L-Istati Membri għandhom jobbligaw lill-intrapriżi msemmija fil-punt (1)(b) tal-Artikolu 4(1) tar-Regolament (UE) Nru 575/2013 li diġà kisbu awtorizzazzjoni skont it-Titolu II tad-Direttiva 2014/65/UE biex jippreżentaw applikazzjoni għall-awtorizzazzjoni f'konformità mal-Artikolu 8, sa mhux aktar tard mill-jum li fih iseħħ wieħed minn dawn li ġejjin:

(a)	il-medja tal-assi totali fix-xahar, ikkalkulata fuq perijodu ta' 12-il xahar konsekuttiv, tkun ugwali għal jew taqbeż it-EUR 30 biljun; jew

(b)

il-medja tal-assi totali fix-xahar ikkalkulata fuq perijodu ta' 12-il xahar konsekuttiv tkun anqas minn EUR 30 biljun, u l-impriża tkun parti minn grupp li fih il-valur totali tal-assi konsolidati tal-intrapriżi kollha fil-grupp li individwalment ikollhom assi totali ta' anqas minn EUR 30 biljun u li jwettqu kwalunkwe waħda mill-attivitajiet imsemmija fil-punti (3) u (6) tat-Taqsima A tal-Anness I għad-Direttiva 2014/65/UE ikun ugwali għal jew jaqbeż l-EUR 30 biljun, it-tnejn li huma ikkalkulati bħala medja fuq perijodu ta' tnax-il xahar konsekuttiv.

2. L-intrapriżi msemmija fil-paragrafu 1 ta' dan l-Artikolu jistgħu jkomplu jwettqu l-attivitajiet imsemmija fil-punt (1)(b) tal-Artikolu 4(1) tar-Regolament (UE) Nru 575/2013 sakemm jiksbu l-awtorizzazzjoni msemmija fil-paragrafu ta' dan l-Artikolu.

3. B'deroga mill-paragrafu 1 ta' dan l-Artikolu, l-intrapriżi msemmija fil-punt (1)(b) tal-Artikolu 4(1)) tar-Regolament (UE) Nru 575/2013 li fi tat-24 ta' Diċembru 2019 iwettqu attivitajiet bħala ditti tal-investiment awtorizzati skont id-Direttiva 2014/65/UE għandhom japplikaw għal awtorizzazzjoni f'konformità mal-Artikolu 8 ta' din id-Direttiva sa tat-27 ta' Diċembru 2020.

4. Meta l-awtorità kompetenti, wara li tirċievi l-informazzjoni f'konformità mal-Artikolu 95a tad-Direttiva 2014/65/UE, tiddetermina li impriża tkun ser tiġi awtorizzata bħala istituzzjoni ta' kreditu f'konformità mal-Artikolu 8 ta' din id-Direttiva, din għandha tinnotifika lill-impriża u lill-awtorità kompetenti kif definit fil-punt (26) tal-Artikolu 4(1) tad-Direttiva 2014/65/UE u għandha tikseb il-proċedura ta' awtorizzazzjoni mid-data ta' dik in-notifika.

5. F'każijiet ta' awtorizzazzjoni mill-ġdid, l-awtorità kompetenti awtorizzanti għandha tiżgura li l-proċess huwa ssimplifikat kemm jista' jkun u li jittieħed kont tal-informazzjoni mill-awtorizzazzjonijiet eżistenti.

6. L-ABE għandha tiżviluppa abbozz ta' standards tekniċi regolatorji biex tispeċifika:

(a)	l-informazzjoni li għandha tiġi pprovduta mill-impriża lill-awtoritajiet kompetenti fl-applikazzjoni għall-awtorizzazzjoni, inkluż il-programm tal-operazzjonijiet stabbilit fl-Artikolu 10;

(b)	il-metodoloġija għall-kalkolu tal-livelli limitu msemmija fil-paragrafu 1.

Is-setgħa hi ddelegata lill-Kummissjoni biex tissupplimenta din id-Direttiva billi tadotta l-istandards tekniċi regolatorji msemmija fil-punti (a) u (b) tal-ewwel subparagrafu f'konformità mal-Artikoli 10 sa 14 tar-Regolament (UE) Nru 1093/2010.

L-ABE għandha tippreżenta dawk l-abbozzi ta' standards tekniċi regolatorji lill-Kummissjoni sa tat-26 ta' Diċembru 2020.”;

(7)

fl-Artikolu 18, jiddaħħal il-punt li ġej:

“(aa)

tuża l-awtorizzazzjoni tagħha b'mod esklużiv biex tkun involuta fl-attivitajiet imsemmija fil-punt (1)(b) tal-Artikolu 4(1) tar-Regolament (UE) Nru 575/2013 u għal perijodu ta' ħames snin konsekuttivi jkollha assi totali medji inqas mil-livelli limitu stabbiliti f'dak l-Artikolu;”;

(8)

l-Artikolu 20 huwa emendat kif ġej:

(a)	il-paragrafu 2 huwa sostitwit b'dan li ġej: “2. L-ABE għandha tippubblika fuq is-sit web tagħha, u għandha taġġorna mill-inqas annwalment, lista tal-ismijiet tal-istituzzjonijiet ta' kreditu kollha li ngħataw awtorizzazzjoni.”;

(b)

jiddaħħal il-paragrafu li ġej:

“3a. Il-lista msemmija fil-paragrafu 2 ta' dan l-Artikolu għandha tinkludi l-ismijiet tal-impriżi msemmija fil-punt (1)(b) tal-Artikolu 4(1) tar-Regolament (UE) Nru 575/2013 u għandha tidentifika dawk l-istituzzjonijiet ta' kreditu bħala tali. Dik il-lista għandha tiddeskrivi wkoll kwalunkwe bidla meta mqabbla mal-verżjoni preċedenti tal-lista.”;

(9)

fl-Artikolu 21b, il-paragrafu (5) huwa sostitwit b'dan li ġej:

“5. Għall-finijiet ta' dan l-Artikolu:

(a)

il-valur totali tal-assi fl-Unjoni tal-grupp ta' pajjiż terz għandu jkun it-total ta' dan li ġej:

(i)	il-valur totali tal-assi ta' kull istituzzjoni fl-Unjoni tal-grupp ta' pajjiż terz, kif jirriżulta mill-karta tal-bilanċ konsolidata tagħha jew kif jirriżulta mill-karti tal-bilanċ individwali tagħhom, fejn il-karta tal-bilanċ ta' istituzzjoni ma tkunx konsolidata; u

(ii)	il-valur totali tal-assi ta' kull fergħa tal-grupp ta' pajjiż terz awtorizzat fl-Unjoni f'konformità ma' din id-Direttiva, ir-Regolament (UE) Nru 600/2014 tal-Parlament Ewropew u tal-Kunsill (*8) jew id-Direttiva 2014/65/UE;

(b)	it-terminu “istituzzjoni” għandu jinkludi wkoll ditti tal-investiment.;

(*8) Ir-Regolament (UE) Nru 600/2014 tal-Parlament Ewropew u tal-Kunsill tal- 15 ta’ Mejju 2014 dwar is-swieq tal-istrumenti finanzjarji u li jemenda r-Regolament (UE) Nru 648/2012 (ĠU L 173, 12.6.2014, p. 84)”;"

(10)	jitħassar it-Titolu IV;

(11)

fl-Artikolu 51(1), l-ewwel paragrafu huwa sostitwit b'dan li ġej:

“1. L-awtoritajiet kompetenti ta' Stat Membru ospitanti jistgħu jitolbu lis-superviżur li jikkonsolida, meta jkun japplika l-Artikolu 112(1), jew lill-awtoritajiet kompetenti tal-Istat Membru tad-domiċilju, biex fergħa ta' istituzzjoni ta' kreditu titqies bħala sinifikanti.'”;

(12)

fl-Artikolu 53, il-paragrafu 2 huwa sostitwit b'dan li ġej:

“2. Il-paragrafu 1 m'għandux iwaqqaf lill-awtoritajiet kompetenti milli jiskambjaw informazzjoni ma' xulxin jew jittrażmettu l-informazzjoni lill-BERS, lill-ABE, jew lill-Awtorità Superviżorja Ewropea (Awtorità Ewropea tat-Titoli u s-Swieq) (“ESMA”) stabbilita bir-Regolament (UE) Nru 1095/2010 tal-Parlament Ewropew u tal-Kunsill (*9) f'konformità ma' din id-Direttiva, mar-Regolament (UE) Nru 575/2013, mar-Regolament (UE) 2019/2033. tal-Parlament Ewropew u tal-Kunsill (*10), mal-Artikolu 15 tar-Regolament (UE) Nru 1092/2010, mal-Artikoli 31, 35 u 36 tar-Regolament (UE) Nru 1093/2010 u mal-Artikoli 31 u 36 tar-Regolament (UE) Nru 1095/2010, mad-Direttiva (UE) 2019/2034 tal-Parlament Ewropew u tal-Kunsill (*11) u ma' direttivi oħra applikabbli għall-istituzzjonijiet ta' kreditu. Dik l-informazzjoni għandha tkun soġġetta għall-paragrafu 1.

(*9) Ir-Regolament (UE) Nru 1095/2010 tal-Parlament Ewropew u tal-Kunsill tal-24 ta' Novembru 2010 li jistabbilixxi Awtorità Superviżorja Ewropea (Awtorità Ewropea tat-Titoli u s-Swieq) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/77/KE (ĠU L 331, 15.12.2010, p. 84)."

(*10) Ir-Regolament (UE) 2019/2033 tal-Parlament Ewropew u tal-Kunsill 2011/61/UE, dwar is-superviżjoni prudenzjali tad-ditti tal-investiment u li jemenda Regolamenti (UE) Nru 1093/2010 (UE) Nru 575/2013, (UE) Nru 600/2014 u (UE) Nru 806/2014 (ĠU L 314, 5.12.2019, p. 1)."

(*11) Id-Direttiva (UE) 2019/2034 tal-Parlament Ewropew u tal-Kunsill 2011/61/UE, dwar is-superviżjoni prudenzjali tad-ditti tal-investiment u li temenda Direttivi 2002/87/KE, 2009/65/KE, 2011/61/UE, 2013/36/UE, 2014/59/UE u 2014/65/UE (ĠU L 314, 5.12.2019, p. 64).’;"

(13)

fl-Artikolu 66(1), jiddaħħal il-punt li ġej:

“(aa)

it-twettiq ta' mill-inqas waħda mill-attivitajiet imsemmija fil-punt (1)(b) tal-Artikolu 4(1) tar-Regolament (UE) Nru 575/2013 u l-issodisfar tal-livell limitu indikat f'dak l-Artikolu mingħajr l-awtorizzazzjoni bħala istituzzjoni ta' kreditu.”;

(14)	fl-Artikolu 76(5), jitħassar is-sitt subparagrafu;

(15)

fl-Artikolu 86, il-paragrafu 11 huwa sostitwit b'dan li ġej:

“11. L-awtoritajiet kompetenti għandhom jiżguraw li l-istituzzjonijiet ikollhom fis-seħħ pjanijiet ta' rkupru tal-likwidità li jistabbilixxu strateġiji adegwati u miżuri ta' implimentazzjoni adatta biex jindirizzaw il-possibbiltà ta' nuqqas ta' likwidità, inkluż fir-rigward ta' fergħat stabbiliti f'xi Stat Membru ieħor. L-awtoritajiet kompetenti għandhom jiżguraw li dawk il-pjanijiet jiġu ttestjati mill-istituzzjonijiet mill-inqas kull sena, jiġu aġġornati abbażi tal-eżitu tax-xenarji alternattivi stipulati fil-paragrafu 8, u jiġu rrapportati lill-maniġment superjuri u approvati minnha, sabiex il-politiki u l-proċessi interni jkunu jistgħu jiġu aġġustati kif meħtieġ. L-istituzzjonijiet għandhom jieħdu l-passi operattivi meħtieġa minn qabel biex jiżguraw li l-pjanijiet ta' rkupru tal-likwidità jkunu jistgħu jiġu implimentati minnufih. Dawk il-passi operazzjonali għandhom jinkludu l-pussess ta' kollateral disponibbli b'mod immedjat għal finanzjament mill-bank ċentrali. Dan jinkludi l-pussess ta' kollateral fil-munita ta' Stat Membru ieħor, fejn meħtieġ, jew il-munita ta' pajjiż terz li għalih l-istituzzjoni jkollha skopertura, u meta jkun meħtieġ b'mod operazzjonali fit-territorju ta' Stat Membru ospitanti jew ta' pajjiż terz li t-tali istituzzjoni ta' kreditu tkun skoperta għall-munita tiegħu.'”;

(16)	fl-Artikolu 110, jitħassar il-paragrafu 2;

(17)

l-Artikolu 111 huwa sostitwit b'dan li ġej:

“Artikolu 111

Determinazzjoni tas-superviżur li jikkonsolida

1. Meta impriża prinċipali tkun istituzzjoni ta' kreditu prinċipali fi Stat Membru jew istituzzjoni ta' kreditu prinċipali tal-UE, is-superviżjoni fuq bażi kkonsolidata għandha titwettaq mill-awtorità kompetenti li tissorvelja dik l-entità prinċipali jew l-istituzzjoni ta' kreditu prinċipali tal-UE fuq bażi individwali.

Meta impriża prinċipali tkun istituzzjoni ta' kreditu prinċipali fi Stat Membru jew istituzzjoni ta' kreditu prinċipali tal-UE u ebda waħda mis-sussidjarji tagħha ma tkun istituzzjoni ta' kreditu, is-superviżjoni fuq bażi kkonsolidata għandha titwettaq mill-awtorità kompetenti li tissorvelja dik l-istituzzjoni ta' kreditu prinċipali fl-Istat Membru jew dik l-istituzzjoni ta' kreditu prinċipali tal-UE fuq bażi individwali.

Meta impriża prinċipali tkun ditta tal-investiment prinċipali fi Stat Membru jew ditta tal-investiment prinċipali tal-UE, u mill-inqas waħda mis-sussidjarji tagħha tkun istituzzjonijiet ta' kreditu, is-superviżjoni fuq bażi kkonsolidata għandha titwettaq mill-awtorità kompetenti tal-istituzzjonijiet ta' kreditu, jew fejn ikun hemm diversi istituzzjonijiet ta' kreditu, l-istituzzjonijiet ta' kreditu bl-akbar total fuq il-karta tal-bilanċ.

2. Meta l-entità prinċipali ta' istituzzjoni ta' kreditu jew ditta tal-investiment tkun kumpanija holding finanzjarja prinċipali fi Stat Membru, kumpanija holding finanzjarja mħallta prinċipali fi Stat Membru, kumpanija holding finanzjarja prinċipali tal-UE jew kumpanija holding finanzjarja mħallta prinċipali tal-UE, is-superviżjoni fuq bażi kkonsolidata għandha titwettaq mill-awtorità kompetenti li tissorvelja l-istituzzjoni ta' kreditu jew id-ditta tal-investiment fuq bażi individwali.

3. Meta żewġ istituzzjonijiet ta' kreditu jew ditti ta' investiment jew aktar awtorizzati fl-Unjoni jkollhom l-istess kumpanija holding finanzjarja prinċipali fi Stat Membru, kumpanija holding finanzjarja mħallta prinċipali fi Stat Membru, kumpanija holding finanzjarja prinċipali tal-UE jew kumpanija holding finanzjarja mħallta prinċipali tal-UE, is-superviżjoni fuq bażi kkonsolidata għandha titwettaq minn:

(a)	l-awtorità kompetenti tal-istituzzjoni ta' kreditu meta jkun hemm biss istituzzjoni ta' kreditu waħda fil-grupp;

(b)	l-awtorità kompetenti tal-istituzzjoni ta' kreditu bl-akbar total fuq il-karta tal-bilanċ, meta jkun hemm diversi istituzzjonijiet ta' kreditu fil-grupp; jew

(c)	l-awtorità kompetenti tad-ditta tal-investiment bl-akbar total fuq il-karta tal-bilanċ, meta l-grupp ma jkunx jinkludi xi istituzzjoni ta' kreditu.

4. Meta hi meħtieġa l-konsolidazzjoni skont l-Artikolu 18(3) jew (6) tar-Regolament (UE) Nru 575/2013, is-superviżjoni fuq bażi konsolidata għandha titwettaq mill-awtorità kompetenti tal-istituzzjoni ta' kreditu bl-akbar total fuq il-karta tal-bilanċ jew, fejn il-grupp ma jinkludix xi istituzzjoni ta' kreditu, mill-awtorità kompetenti tad-ditta tal-investiment bl-akbar total fuq il-karta tal-bilanċ.

5. B'deroga mit-tielet subparagrafu tal-paragrafu 1, mill-punt (b) tal-paragrafu 3 u mill-paragrafu 4, meta awtorità kompetenti tissorvelja fuq bażi individwali aktar minn istituzzjoni ta' kreditu waħda fi grupp, is-superviżur li jikkonsolida għandu jkun l-awtorità kompetenti li tissorvelja fuq bażi individwali istituzzjoni ta' kreditu waħda jew aktar fil-grupp meta s-somma tat-total tal-karta tal-bilanċ ta' dawk l-istituzzjonijiet ta' kreditu tkun ogħla minn dik tal-istituzzjonijiet ta' kreditu ssorveljati fuq bażi individwali minn kwalunkwe awtorità kompetenti oħra.

B'deroga mill-punt (c) tal-paragrafu 3, meta awtorità kompetenti tissorvelja fuq bażi individwali aktar minn ditta tal-investiment waħda fi grupp, is-superviżur li jikkonsolida għandu jkun l-awtorità kompetenti li tissorvelja fuq bażi individwali ditta tal-investiment waħda jew aktar fil-grupp bl-ogħla total fuq il-karta tal-bilanċ fl-aggregat.

6. F'każijiet partikolari, l-awtoritajiet kompetenti jistgħu, bi ftehim komuni, jirrinunzjaw għall-kriterji msemmijin fil-paragrafi 1, 3 u 4 u jaħtru awtorità kompetenti differenti biex twettaq is-superviżjoni fuq bażi konsolidata meta l-applikazzjoni tal-kriterji msemmija hemm ma tkunx adatta, filwaqt li jittieħed kont tal-istituzzjonijiet ta' kreditu jew tad-ditti ta' investiment ikkonċernati u l-importanza relattiva tal-attivitajiet tagħhom fl-Istati Membri rilevanti, jew il-ħtieġa li tkun żgurata l-kontinwità tas-superviżjoni fuq bażi konsolidata mill-istess awtorità kompetenti. F'tali każijiet, l-istituzzjoni prinċipali tal-UE, il-kumpanija holding finanzjarja mħallta prinċipali tal-UE jew l-istituzzjoni ta' kreditu jew id-ditta tal-investiment bl-akbar total fuq il-karta tal-bilanċ, kif applikabbli, għandu jkollha d-dritt tinstema' qabel ma l-awtoritajiet kompetenti jieħdu d-deċiżjoni.

7. L-awtoritajiet kompetenti għandhom jinnotifikaw lill-Kummissjoni u l-ABE mingħajr dewmien rigward kwalunkwe ftehim li jaqa' fil-kamp ta' applikazzjoni tal-paragrafu 6.”;

(18)

fl-Artikolu 114(1), l-ewwel subparagrafu huwa sostitwit b'dan li ġej:

“1. Meta tinħoloq sitwazzjoni ta' emerġenza, inkluż sitwazzjoni kif deskritta fl-Artikolu 18 tar-Regolament (UE) Nru 1093/2010 jew sitwazzjoni ta' żviluppi negattivi fis-swieq, li potenzjalment tippreġudika l-likwidità fis-suq u l-istabbiltà tas-sistema finanzjarja fi kwalunkwe Stat Membru fejn l-entitajiet ta' grupp ikunu ġew awtorizzati jew fejn ikunu stabbiliti fergħat sinifikanti kif imsemmija fl-Artikolu 51, is-superviżur li jikkonsolida għandu, soġġett għat-Taqsima 2 tal-Kapitolu 1 tat-Titolu VII ta' din id-Direttiva u fejn applikabbli t-Taqsima 2, Kapitolu 1 tat-Titolu IV tad-Direttiva (UE) 2019/2034, iwissi mill-aktar fis possibbli, lill-ABE u lill-awtoritajiet imsemmija fl-Artikolu 58(4) u fl-Artikolu 59 u għandu jikkomunika l-informazzjoni essenzjali kollha sabiex iwettqu l-kompiti tagħhom. Dawk l-obbligi għandhom japplikaw għall-awtoritajiet kompetenti kollha. ”;

(19)

l-Artikolu 116 huwa emendat kif ġej:

(a)

il-paragrafu 2 huwa sostitwit b'dan li ġej:

“2. L-awtoritajiet kompetenti li jipparteċipaw fil-kulleġġi tas-superviżuri u l-ABE għandhom jikkooperaw mill-qrib. Ir-rekwiżiti ta' kunfidenzjalità skont it-Titolu VII, Kapitolu 1, Taqsima II ta' din id-Direttiva, u, fejn applikabbli, it-Taqsima 2, Kapitolu 1 tat-Titolu IV tad-Direttiva (UE) 2019/2034 m'għandhomx jipprevjenu lill-awtoritajiet kompetenti milli jiskambjaw informazzjoni kunfidenzjali fil-kulleġġi tas-superviżuri. L-istabbiliment u l-funzjonament tal-kulleġġi tas-superviżuri m'għandhomx jaffettwaw id-drittijiet u r-responsabbiltajiet tal-awtoritajiet kompetenti skont din id-Direttiva u skont ir-Regolament (UE) Nru 575/2013.”;

(b)

fil-paragrafu 6, l-ewwel subparagrafu huwa sostitwit b'dan li ġej:

“6. L-awtoritajiet kompetenti responsabbli għas-superviżjoni tas-sussidjarji ta' istituzzjoni prinċipali tal-UE jew ta' kumpanija holding finanzjarja prinċipali tal-UE jew ta' kumpanija holding finanzjarja mħallta prinċipali tal-UE u l-awtoritajiet kompetenti ta' Stat Membru ospitanti fejn ikunu stabbiliti fergħat sinifikanti kif imsemmija fl-Artikolu 51, il-banek ċentrali tas-SEBĊ kif adatt, u l-awtoritajiet superviżorji ta' pajjiżi terzi fejn adatt u soġġetti għal rekwiżiti tal-kunfidenzjalità li jkunu ekwivalenti, fl-opinjoni tal-awtoritajiet kompetenti kollha, għar-rekwiżiti skont it-Titolu VII, Kapitolu 1, Taqsima II ta' din id-Direttiva u, fejn applikabbli, skont it-Taqsima 2, Kapitolu 1 tat-Titolu IV tad-Direttiva (UE)/2019/2034 jistgħu jipparteċipaw fil-kulleġġi tas-superviżuri.”;

(c)

fil-paragrafu 9, l-ewwel subparagrafu huwa sostitwit b'dan li ġej:

“9. Is-superviżur li jikkonsolida, soġġett għar-rekwiżiti tal-kunfidenzjalità skont it-Titolu VII, Kapitolu 1, Taqsima II, ta' din id-Direttiva, u fejn applikabbli, skont it-Taqsima 2, Kapitolu 1 tat-Titolu IV tad-Direttiva (UE) 2019/2034], għandu jinforma lill-ABE dwar l-attivitajiet tal-kulleġġ tas-superviżuri, inkluż f'sitwazzjonijiet ta' emerġenza, u jikkomunika lill-ABE l-informazzjoni kollha li tkun ta' rilevanza partikolari għall-finijiet tal-konverġenza superviżorja”.

(20)

fl-Artikolu 125, il-paragrafu 2 huwa sostitwit b'dan li ġej:

“2. L-informazzjoni riċevuta, fil-qafas tas-superviżjoni fuq bażi konsolidata, u b'mod partikolari, kwalunkwe skambju ta' informazzjoni bejn l-awtoritajiet kompetenti li hu previst f'din id-Direttiva, għandha tkun soġġetta għal rekwiżiti ta' segretezza professjonali li mill-inqas ikunu ekwivalenti għal dawk imsemmija fl-Artikolu 53(1) ta' din id-Direttiva għall-istituzzjonijiet ta' kreditu jew skont l-Artikolu 15 tad-Direttiva (UE) 2019/2034.”;

(21)	fl-Artikolu 128, jitħassar il-ħames paragrafu;

(22)	fl-Artikolu 129, jitħassru l-paragrafi 2, 3 u 4;

(23)	fl-Artikolu 130, jitħassru l-paragrafi 2, 3 u 4;

(24)

fl-Artikolu 143(1), il-punt (d) huwa sostitwit b'dan li ġej:

“(d)

mingħajr preġudizzju għad-dispożizzjonijiet stipulati fit-Titolu VII, Kapitolu 1, Taqsima II ta' din id-Direttiva u, fejn applikabbli, id-dispożizzjonijiet stabbiliti fit-Titolu IV, Kapitolu 1, Taqsima 2 tad-Direttiva (UE) 2019/2034, id-data statistika aggregata dwar l-aspetti ewlenin tal-implimentazzjoni tal-qafas prudenzjali f'kull Stat Membru, inklużi l-għadd u n-natura tal-miżuri superviżorji meħuda f'konformità mal-punt (a) tal-Artikolu 102(1) ta' din id-Direttiva, u tal-penali amministrattivi imposti f'konformità mal-Artikolu 65 ta' din id-Direttiva.”;

Artikolu 63

Emendi għad-Direttiva 2014/59/UE

Id-Direttiva 2014/59/UE hija emendata kif ġej:

(1)

fl-Artikolu 2(1), il-punt (3) huwa sostitwit b'dan li ġej:

“(3)

‘ditta tal-investiment’ tfisser ditta tal-investiment kif definita fil-punt (22) tal-Artikolu 4(1) tar-Regolament (UE) 2019/2033 tal-Parlament Ewropew u tal-Kunsill (*12) li tkun soġġetta għar-rekwiżit kapitali inizjali stipulat fl-Artikolu 9(1) tad-Direttiva (UE) 2019/2034.tal-Parlament Ewropew u tal-Kunsill (*13).

(*12) Ir-Regolament (UE) 2019/2033 tal-Parlament Ewropew u tal-Kunsill tas-27 ta ’Novembru 2019 dwar is-superviżjoni prudenzjali tad-ditti tal-investiment u li jemenda Regolamenti (UE) Nru 1093/2010, (UE) Nru 575/2013, (UE) Nru 600/2014 u (UE) Nru 806/2014 (ĠU L 314, 5.12.2019, p. 1."

(*13) Id-Direttiva (UE) 2019/2034 tal-Parlament Ewropew u tal-Kunsill tas-27 ta ’Novembru 2019 dwar is-superviżjoni prudenzjali tad-ditti tal-investiment u li jemenda Direttivi 2002/87/KE, 2009/65/KE, 2011/61/UE, 2013/36/UE, 2014/59/UE u 2014/65/UE (ĠU L 314, 5.12.2019, p. 64).”;"

(2)

fl-Artikolu 45, jiżdied il-paragrafu li ġej:

“3. F'konformità mal-Artikolu 65(4) tar-Regolament (UE) 2019/2033, ir-referenzi għall-Artikolu 92 tar-Regolament (UE) Nru 575/2013 f'din id-Direttiva rigward ir-rekwiżiti ta' fondi proprji fuq bażi individwali ta' ditti tal-investiment imsemmija fil-punt 3 tal-Artikolu 2(1) ta' din id-Direttiva u li mhumiex id-ditti tal-investiment imsemmija fl-Artikolu 1(2) jew (5) tar-Regolament (UE) 2019/2033 għandhom jinftehmu kif ġej:

(a)-	referenzi għall-punt (c) tal-Artikolu 92(1) tar-Regolament (UE) Nru 575/2013 rigward ir-rekwiżit tal-proporzjon totali tal-kapital f'din id-Direttiva għandhom jirreferu għall-Artikolu 11(1) tar-Regolament (UE)2019/2033;

(b)	referenzi għall-Artikolu 92(3) tar-Regolament (UE) Nru 575/2013 rigward l-ammont totali tal-iskopertura għar-riskju f'din id-Direttiva għandhom jirreferu għar-rekwiżit applikabbli fl-Artikolu 11(1) tar-Regolament (UE) 2019/2033.multiplikat bi 12,5.

F'konformità mal-Artikolu 65 tad-Direttiva (UE) 2019/2034, ir-referenzi f'din id-Direttiva għall-Artikolu 104a tad-Direttiva 2013/36/UE f'din id-Direttiva rigward ir-rekwiżiti addizzjonali ta' fondi proprji ta' ditti tal-investiment imsemmija fil-punt 3 tal-Artikolu 2(1) ta' din id-Direttiva u li ma jkunux ditti tal-investiment imsemmija fl-Artikolu 1(2) jew (5) tar-Regolament (UE) 2019/2033 għandhom jinftehmu bħala li jirreferu għall-Artikolu 40 tad-Direttiva (UE) 2019/2034.”

Artikolu 64

Emendi għad-Direttiva 2014/65/UE

Id-Direttiva 2014/65/UE hija emendata kif ġej:

(1)

fl-Artikolu 8, il-punt (c) huwa sostitwit b'dan li ġej:

“(c)	ma tibqax tissodisfa l-kondizzjonijiet li fihom ingħatat l-awtorizzazzjoni, bħall-konformità mal-kondizzjonijiet stabbiliti fir-[Regolament (UE) 2019/2033 tal-Parlament Ewropew u tal-Kunsill (*14);

(*14) Ir-Regolament (UE) 2019/2033 tal-Parlament Ewropew u tal-Kunsill tas-27 ta ’Novembru 2019 dwar is-superviżjoni prudenzjali tad-ditti tal-investiment u li jemenda r-Regolamenti (UE) Nru 1093/2010, (UE) Nru 575/2013, (UE) Nru 600/2014 u (UE) Nru 806/2014 (ĠU L 314, 5.12.2019, p. 1).”;"

(2)

l-Artikolu 15 huwa sostitwit b'dan li ġej:

“Artikolu 15

Dotazzjoni tal-kapital inizjali

''L-Istati Membri għandhom jiżguraw li l-awtoritajiet kompetenti ma jagħtux awtorizzazzjoni jekk id-ditta tal-investiment ma jkollhiex biżżejjed kapital inizjali f'konformità mar-rekwiżiti tal-Artikolu 9 tad-Direttiva (UE) 2019/2034. tal-Parlament Ewropew u tal-Kunsill (*15), b'kunsiderazzjoni tan-natura tas-servizz jew tal-attività ta' investiment inkwistjoni.

(*15) Id-Direttiva (UE) 2019/2034 tal-Parlament Ewropew u tal-Kunsill tas-27 ta ’Novembru 2019 dwar is-superviżjoni prudenzjali tad-ditti tal-investiment u li temenda d-Direttivi 2002/87/KE, 2009/65/KE, 2011/61/UE, 2013/36/UE, 2014/59/UE u 2014/65/UE (ĠU L 314, 5.12.2019, p. 64).”;"

(3)

l-Artikolu 41 huwa sostitwit b'dan li ġej:

“Artikolu 41

Għoti tal-awtorizzazzjoni

"1. L-awtorità kompetenti tal-Istat Membru fejn tkun stabbilita d-ditta ta' pajjiż terzi, jew fejn ikollha l-intenzjoni li tistabbilixxi l-fergħa tagħha, għandha tagħti awtorizzazzjoni biss meta l-awtorità kompetenti tkun issodisfata li:

(a)	il-kondizzjonijiet skont l-Artikolu 39 ikunu ssodisfati; u

(b)	il-fergħa tad-ditta ta' pajjiż terz tkun tista' tikkonforma mad-dispożizzjonijiet li ssir referenza għalihom fil-paragrafi 2 u 3.

L-awtorità kompetenti għandha tinforma lid-ditta ta' pajjiż terz, fi żmien sitt xhur mill-preżentazzjoni ta' applikazzjoni kompluta, jekk l-awtorizzazzjoni tkunx ingħatat jew le.

2. Il-fergħa tad-ditta ta' pajjiż terz awtorizzata skont il-paragrafu 1 għandha tikkonforma mal-obbligi stipulati fl-Artikoli 16 sa 20, 23, 24, 25 u 27, l-Artikolu 28(1) u l-Artikoli 30, 31 u 32 ta' din id-Direttiva u fl-Artikoli 3 sa 26 tar-Regolament (UE) Nru 600/2014 u l-miżuri adottati skonthom u għandha tkun soġġetta għas-superviżjoni tal-awtorità kompetenti fl-Istat Membru fejn tkun ingħatat l-awtorizzazzjoni.

L-Istati Membri ma għandhomx jimponu xi rekwiżiti addizzjonali fuq l-organizzazzjoni u l-operat tal-fergħa fir-rigward tal-materji koperti minn din id-Direttiva u ma għandhomx jittrattaw xi fergħa ta' ditti ta' pajjiżi terzi b'mod aktar favorevoli minn ditti mill-Unjoni.

L-Istati Membri għandhom jiżguraw li l-awtoritajiet kompetenti jinnotifikaw lill-ESMA fuq bażi annwali bil-lista ta' fergħat ta' ditti ta' pajjiżi terzi attivi fit-territorju tagħhom.

L-ESMA għandha tippubblika kull sena lista ta' fergħat ta'pajjiżi terzi attivi fl-Unjoni, inkluż l-isem tad-ditta ta' pajjiż terz li tagħha tkun il-fergħa.

3. Il-fergħa tad-ditta ta' pajjiż terz li tkun awtorizzata skont il-paragrafu 1 għandha tirrapporta fuq bażi annwali lill-awtorità kompetenti msemmija fil-paragrafu 2 l-informazzjoni li ġejja:

(a)	l-iskala u l-ambitu tas-servizzi u l-attivitajiet imwettqa mill-fergħa f'dak l-Istat Membru;

(b)	għad-ditti ta' pajjiżi terzi li jwettqu l-attività elenkata fil-punt (3) tat-Taqsima A tal-Anness I, il-minimu tagħhom ta' kull xahar, l-iskopertura medja u massima għall-kontropartijiet tal-UE;

(c)	għad-ditti ta' pajjiżi terzi li jipprovdu servizz wieħed jew iż-żewġ servizzi elenkati fil-punt (6) tat-Taqsima A tal-Anness I, il-valur totali tal-istrumenti finanzjarji li joriġinaw minn kontropartijiet tal-UE sottoskritti jew li tqiegħdu abbażi ta' impenn sod tul it-12-il xahar preċedenti;

(d)	il-fatturat u l-valur aggregat tal-assi li jikkorrispondu għas-servizzi u l-attivitajiet li ssir referenza għalihom fil-punt (a);

(e)	deskrizzjoni dettaljata tal-arranġamenti ta' protezzjoni tal-investituri disponibbli għall-klijenti tal-fergħa, inklużi d-drittijiet ta' dawk il-klijenti li joħorġu mill-iskema ta' kumpens lill-investitur msemmija fil-punt (f) tal-Artikolu 39(2);

(f)	il-politika u l-arranġamenti tagħhom dwar il-ġestjoni tar-riskju applikati mill-fergħa għas-servizzi u l-attivitajiet li ssir referenza għalihom fil-punt (a).

(g)	l-arranġamenti ta' governanza, inkluż id-detenturi tal-funzjoni prinċipali għall-attivitajiet tal-fergħa;

(h)	kwalunkwe informazzjoni oħra li l-awtorità kompetenti tqis meħtieġa biex ikun jista' jsir monitoraġġ komprensiv tal-attivitajiet tal-fergħa.

4. Fuq talba, l-awtoritajiet kompetenti għandhom jikkomunikaw lill-ESMA l-informazzjoni li ġejja:

(a)	l-awtorizzazzjonijiet kollha għall-fergħat awtorizzati f'konformità mal-paragrafu 1 u kwalunkwe bidla sussegwenti għal tali awtorizzazzjoni;

(b)	l-iskala u l-ambitu tas-servizzi u l-attivitajiet imwettqa minn fergħa awtorizzata fl-Istat Membru;

(c)	il-fatturat u l-assi totali li jikkorrispondu għas-servizzi u l-attivitajiet imsemmija fil-punt (b);

(d)	l-isem tal-grupp ta' pajjiż terz li tkun tappartjeni għalih il-fergħa awtorizzata.

5. L-awtoritajiet kompetenti li ssir referenza għalihom fil-paragrafu 2 ta’ dan l-Artikolu, l-awtoritajiet kompetenti tal-entitajiet li jkunu parti mill-istess grupp li lilhom ikunu jappartjenu il-fergħat ta' ditti minn pajjiżi terzi awtorizzati skont il-paragrafu 1, u l-ESMA u l-ABE għandhom jikkooperaw mill-qrib sabiex jiżguraw li l-attivitajiet kollha ta' dak il-grupp fl-Unjoni jkunu soġġetti għal superviżjoni komprensiva, konsistenti u effettiva skont din id-Direttiva, ir-Regolament (UE) Nru 575/2013, ir-Regolament (UE) Nru 600/2014, ir-Regolament (UE) 2019/2033, id-Direttiva 2013/36/UE, u d-Direttiva (UE) 2019/2034.

6. L-ESMA għandha tiżviluppa abbozz ta' standards tekniċi ta' implimentazzjoni biex tispeċifika l-format li fih l-informazzjoni msemmija fil-paragrafi 3 u 4 għandha tkun irrappurtata.

L-ESMA għandha tippreżenta dak l-abbozz ta' standards tekniċi ta' implimentazzjoni lill-Kummissjoni sa tat-26 ta' Settembru 2020.

Il-Kummissjoni qed tingħata s-setgħa biex tissupplimenta din id-Direttiva billi tadotta standards tekniċi ta' implimentazzjoni msemmija fl-ewwel subparagrafu f'konformità mal-Artikolu 15 tar-Regolament (UE) Nru 1095/2010.”;

(4)

l-Artikolu 42 huwa sostitwit b'dan li ġej:

“Artikolu 42

Għoti ta' servizzi fuq l-inizjattiva esklużiva tal-klijent

1. L-Istati Membri għandhom jiżguraw li fejn klijent konsumatur jew klijent professjonali fit-tifsira tat-Taqsima II tal-Anness II stabbilit jew li jinsab fl-Unjoni jibda fuq l-inizjattiva esklużiva tiegħu l-għoti ta' servizz jew attività ta' investiment minn ditta ta' pajjiż terz, ir-rekwiżit għall-awtorizzazzjoni skont l-Artikolu 39 ma għandux japplika għall-għoti ta' dak is-servizz jew attività mid-ditta tal-pajjiż terz lil dik il-persuna, inkluż relazzjoni marbuta speċifikament mal-għoti ta' dak is-servizz jew attività.

Mingħajr preġudizzju għar-relazzjonijiet intragrupp, meta ditta ta' pajjiż terz, inkluż permezz ta' entità li taġixxi f'isimha jew li jkollha rabtiet mill-qrib ma' tali ditta ta' pajjiż terz jew ma' kwalunkwe persuna oħra li taġixxi f'isem tali entità, tfittex klijenti jew klijenti potenzjali fl-Unjoni, dan m'għandux jitqies bħala servizz ipprovdut fuq l-inizjattiva proprja esklussiva tal-klijent.

2. Inizjattiva minn klijent kif imsemmi fil-paragrafu 1 ma għandhiex tagħti s-setgħa lid-ditta ta' pajjiż terz biex tikkummerċjalizza kategoriji ġodda ta' prodotti ta' investiment jew servizzi ta' investiment lil dak il-klijent b'mod ieħor mhux permezz tal-fergħa, fejn wieħed huwa meħtieġ, skont il-liġi nazzjonali.”;

(5)

fl-Artikolu 49, il-paragrafu 1 huwa sostitwit b'dan li ġej:

“1. L-Istati Membri għandhom jirrikjedu li s-swieq regolati jadottaw reġimi għall-fluttwazzjoni minima fil-prezzijiet fis-swieq tal-ishma, tal-irċevuti tad-depożitarji, tal-fondi nnegozjati fil-Borża, taċ-ċertifikati u ta' strumenti finanzjarji simili oħra u fi strumenti finanzjarji oħra li għalihom jiġu żviluppati standards tekniċi regolatorji skont il-paragrafu 4. L-applikazzjoni ta' fluttwazzjoni minima fil-prezzijiet m'għandhiex twaqqaf lis-swieq regolati milli jqabblu ordnijiet fuq skala kbira f'nofs il-proċess skont il-prezzijiet attwali tat-talba u tal-offerta.”;

(6)

fl-Artikolu 81(3), il-punt (a) huwa sostitwit b'dan li ġej:

“(a)	biex jivverifikaw li huma ssodisfati l-kondizzjonijiet li jirregolaw il-bidu tan-negozju tad-ditti tal-investiment u biex jiffaċilitaw il-monitoraġġ tal-kondotta ta' dak in-negozju, il-proċeduri amministrattivi u kontabilistiċi u l-mekkaniżmi ta' kontroll intern;”;

(7)

jiddaħħal l-artikolu li ġej:

“Artikolu 95a

Dispożizzjoni tranżitorja dwar l-awtorizzazzjoni tal-istituzzjoni ta' kreditu msemmija fil-punt (1)(b) tal-Artikolu 4(1) tar-Regolament (UE) Nru 575/2013

L-awtoritajiet kompetenti għandhom jinformaw lill-awtorità kompetenti msemmija fl-Artikolu 8 tad-Direttiva 2013/36/UE meta l-assi totali previsti ta' impriża li tkun applikat għal awtorizzazzjoni skont it-Titolu II ta' din id-Direttiva qabel ... [id-data tad-dħul fis-seħħ ta' din id-Direttiva emendatorja biex twettaq l-attivitajiet imsemmija fil-punti (3) u (6) tat-Taqsima A tal-Anness I ikunu ugwali għal jew jaqbżu l-EUR 30 biljun, u jinnotifikaw lill-applikant b'dan.”.

TITOLU VIII

DISPOŻIZZJONIJIET FINALI

Artikolu 65

Referenzi għad-Direttiva 2013/36/UE f'atti legali oħra tal-Unjoni

Għall-finijiet tas-superviżjoni prudenzjali u r-riżoluzzjoni ta' ditti tal-investiment, ir-referenzi għad-Direttiva 2013/36/UE f'atti oħra tal-Unjoni għandhom jinftehmu bħala referenzi għal din id-Direttiva.

Artikolu 66

Rieżami

Sa … [54 xahar wara d-data tad-dħul fis-seħħ ta' din id-Direttiva, il-Kummissjoni, f'kooperazzjoni mill-qrib mal-ABE u mal-ESMA, għandha tippreżenta rapport, flimkien ma' proposta leġislattiva jekk adatt, lill-Parlament Ewropew u lill-Kunsill, dwar dan li ġej:

(a)

id-dispożizzjonijiet dwar ir-remunerazzjoni f'din id-Direttiva u fir-Regolament (UE) 2019/2033 kif ukoll fid-Direttivi 2009/65/KE u 2011/61/UE bil-għan li jinkisbu kondizzjonijiet ekwivalenti ta' kompetizzjoni għad-ditti tal-investiment kollha attivi fl-Unjoni, inkluż l-applikazzjoni ta' dawk id-dispożizzjonijiet;

(b)	l-adegwatezza tar-rekwiżiti ta' rapportar u ta' żvelar f'din id-Direttiva u fir-Regolament (UE)2019/2033, filwaqt li jittieħed kont tal-prinċipju ta' proporzjonalità;

(c)

valutazzjoni, li għandha tqis ir-rapport tal-ABE msemmi fl-Artikolu 35 u t-tassonomija fuq finanzjament sostenibbli, dwar jekk xi:

(i)	ir-riskji tal-ESG għandhom jitqiesu għall-governanza interna ta' ditta tal-investiment;

(ii)	riskju ESG għandux jitqies għal politika ta' remunerazzjoni ta' ditta tal-investiment;

(iii)

riskju ESG għandux jitqies għat-trattament tar-riskji;

(iv)	riskju ESG għandux jiġi inkluż fir-rieżami superviżorju u l-proċess ta' evalwazzjoni;

(d)	l-effettività tal-arranġamenti ta' kondiviżjoni tal-informazzjoni skont din id-Direttiva;

(e)	il-kooperazzjoni tal-Unjoni u tal-Istati Membri ma' pajjiżi terzi fl-applikazzjoni ta' din id-Direttiva u tar-Regolament (UE) 2019/2033;

(f)	l-implimentazzjoni ta' din id-Direttiva u tar-Regolament (UE) 2019/2033. għad-ditti tal-investiment abbażi tal-istruttura legali jew tal-mudell ta' sjieda tagħhom;

(g)

il-potenzjal li ditti tal-investiment jistgħu joħolqu riskju ta' tfixkil tas-sistema finanzjarja b'konsegwenzi negattivi serji għas-sistema finanzjarja u l-ekonomija reali u għodod makroprudenzjali adegwati biex jindirizzaw tali riskju u jissostitwixxu r-rekwiżiti tal-punt (d) tal-Artikolu 36(1) ta' din id-Direttiva;

(h)	il-kondizzjonijiet skont liema l-awtoritajiet kompetenti jistgħu japplikaw għal ditti tal-investiment, f'konformità mal-Artikolu 5 ta' din id-Direttiva, ir-rekwiżiti tar-Regolament (UE) Nru 575/2013.

Artikolu 67

Traspożizzjoni

1. Sa ... tat-26 ta' Ġunju 2021, l-Istati Membri għandhom jadottaw u jippubblikaw il-miżuri amministrattivi meħtieġa biex jikkonformaw ma' din id-Direttiva. Huma għandhom minnufih jgħarrfu lill-Kummissjoni f'dak ir-rigward.

Huma għandhom japplikaw dawk il-miżuri minn tat-26 ta' Ġunju 2021. Madankollu, l-Istati Membri għandhom japplikaw il-miżuri meħtieġa għall-konformità mal-punt (5) tal-Artikolu 64 minn ... tat-26 ta' Marzu 2020.

Meta l-Istati Membri jadottaw dawk il-miżuri, dawn għandhom jinkludu referenza għal din id-Direttiva jew għandhom jinkludu dik ir-referenza meta jiġu pubblikati uffiċjalment. Il-metodi ta' kif issir dik ir-referenza għandhom jiġu stabbiliti mill-Istati Membri.

2. Malli din id-Direttiva tkun daħlet fis-seħħ, l-Istati Membri għandhom jiżguraw li l-Kummissjoni tkun mgħarrfa, fi żmien suffiċjenti sabiex din tkun tista' tippreżenta l-kummenti tagħha, bi kwalunkwe abbozz ta' ligijiet, regolamenti jew dispożizzjonijiet amministrattivi li jkollhom l-intenzjoni li jadottaw fil-qasam kopert minn din id-Direttiva.

3. L-Istati Membri għandhom jikkomunikaw lill-Kummissjoni u lill-ABE t-test tad-dispożizzjonijiet tal-liġi nazzjonali li huma jadottaw fil-qasam kopert minn din id-Direttiva.

Fejn id-dokumenti li jakkumpanjaw in-notifika tat-traspożizzjoni tal-miżuri pprovduti minn Stati Membri ma jkunux suffiċjenti għal valutazzjoni sħiħa tal-konformità tad-dispożizzjonijiet ta' traspożizzjoni ma' ċerti dispożizzjonijiet ta' din id-Direttiva, il-Kummissjoni tista', fuq talba mill-ABE u bil-ħsieb li twettaq il-kompiti tagħha skont ir-Regolament (UE) Nru 1093/2010, jew fuq inizjattiva proprja, teżiġi li l-Istati Membri jipprovdu aktar informazzjoni dettaljata dwar it-traspożizzjoni u l-implimentazzjoni ta' dawk id-dispożizzjonijiet u din id-Direttiva.

Artikolu 68

Dħul fis-seħħ

Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.

Artikolu 69

Destinatarji

Din id-Direttiva hija indirizzata lill-Istati Membri.

Magħmul fi Strasburgu,

Għall-Parlament Ewropew

Il-President

D. M. SASSOLI

Għall-Kunsill

Il-President

T. TUPPURAINEN

(1) ĠU C 378, 19.10.2018, p. 5.

(2) ĠU C 262, 25.7.2018, p. 35.

(3) Pożizzjoni tal-Parlament Ewropew tas-16 ta’ April 2019 (għadha mhijiex ippubblikata fil-Ġurnal Uffiċjali) u d-deċiżjoni tal-Kunsill tat-8 ta' Novembru 2019.

(4) Ir-Regolament (UE) Nru 575/2013 tal-Parlament Ewropew u tal-Kunsill tas- 26 ta’ Ġunju 2013 dwar ir-rekwiżiti prudenzjali għall-istituzzjonijiet ta' kreditu u d-ditti tal-investiment u li jemenda r-Regolament (UE) Nru 648/2012 (ĠU L176, 27.6.2013, p. 1).

(5) Id-Direttiva 2013/36/UE tal-Parlament Ewropew u tal-Kunsill tas-26 ta' Ġunju 2013 dwar l-aċċess għall-attività tal-istituzzjonijiet ta' kreditu u s-superviżjoni prudenzjali tal-istituzzjonijiet ta' kreditu u tad-ditti ta' investiment, li temenda d-Direttiva 2002/87/KE u li tħassar id-Direttivi 2006/48/KE u 2006/49/KE (ĠU L 176, 27.6.2013, p. 338).

(6) Id-Direttiva 2014/65/UE tal-Parlament Ewropew u tal-Kunsill tal-15 ta’ Mejju 2014 dwar is-swieq fl-istrumenti finanzjarji u li temenda d-Direttiva 2002/92/KE u d-Direttiva 2011/61/UE (ĠU L 173, 12.6.2014, p. 349).

(7) Ir-Regolament (UE) Nru 1093/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Bankarja Ewropea) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/78/KE (ĠU L 331, 15.12.2010, p. 12).

(8) Ir-Regolament (UE) Nru 1095/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Ewropea tat-Titoli u s-Swieq) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/77/KE (ĠU L 331, 15.12.2010, p. 84).

(9) Ir-Regolament (UE) 2016/679 tal-Parlament Ewropew u tal-Kunsill tas-27 ta' April 2016 dwar il-protezzjoni tal-persuni fiżiċi fir-rigward tal-ipproċessar ta' data personali u dwar il-moviment liberu ta' tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data) (ĠU L 119, 4.5.2016, p. 1).

(10) Ir-Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-moviment liberu ta’ tali data, u li jħassar ir-Regolament (KE) Nru 45/2001 u d-Deċiżjoni Nru 1247/2002/KE (ĠU L 295, 21.11.2018, p. 39).

(11) Ir-Regolament (UE) 2019/2033 tal-Parlament Ewropew u tal-Kunsill ta' ... dwar is-superviżjoni prudenzjali tad-ditti tal-investiment u li jemenda Regolamenti (UE) Nru 1093/2010, (UE) Nru 575/2013, (UE) Nru 600/2014 u (UE) Nru 806/2014 (ĠU L …, …, p. 1).

(12) Id-Direttiva 2009/65/KE tal-Parlament Ewropew u tal-Kunsill tat-13 ta’ Lulju 2009 dwar il-koordinazzjoni ta’ liġijiet, regolamenti u dispożizzjonijiet amministrattivi fir-rigward tal- impriżi ta’ investiment kollettiv f’titoli trasferibbli (UCITS) (ĠU L 302, 17.11.2009, p. 32).

(13) Id-Direttiva 2011/61/UE tal-Parlament Ewropew u tal-Kunsill tat-8 ta’ Ġunju 2011 dwar Maniġers ta’ Fondi ta’ Investiment Alternattivi u li temenda d-Direttivi 2003/41/KE u 2009/65/KE u r-Regolamenti (KE) Nru 1060/2009 u (UE) Nru 1095/2010 (ĠU L 174, 1.7.2011, p. 1).

(14) Id-Direttiva 2014/59/UE tal-Parlament Ewropew u tal-Kunsill tal-15 ta’ Mejju 2014 li tistabbilixxi qafas għall-irkupru u r-riżoluzzjoni ta’ istituzzjonijiet ta’ kreditu u ditti ta’ investiment u li temenda d-Direttiva tal-Kunsill 82/891/KE u d-Direttivi 2001/24/KE, 2002/47/KE, 2004/25/KE, 2005/56/KE, 2007/36/KE, 2011/35/KE, 2012/30/UE u 2013/36/UE, u r-Regolamenti (UE) Nru 1093/2010 u (UE) Nru 648/2012, tal-Parlament Ewropew u tal-Kunsill (ĠU L 173 12.6.2014, p. 190).

(15) ĠU L 123, 12.5.2016, p. 1.

(16) ĠU C 369, 17.12.2011, p. 14.

(17) Id-Direttiva 2013/34/UE tal-Parlament Ewropew u tal-Kunsill tas-26 ta' Ġunju 2013 dwar id-dikjarazzjonijiet finanzjarji annwali, id-dikjarazzjonijiet finanzjarji kkonsolidati u r-rapporti relatati ta' ċerti tipi ta' intrapriżi, li temenda d-Direttiva 2006/43/KE tal-Parlament Ewropew u tal-Kunsill u li tħassar id-Direttivi tal-Kunsill 78/660/KEE u 83/349/KEE (ĠU L 182, 29.6.2013, p. 19).

(18) Ir-Regolament (KE) Nru 1606/2002 tal-Parlament Ewropew u tal-Kunsill tad-19 ta' Lulju 2002 rigward l-applikazzjoni ta' standards internazzjonali tal-kontabilità (ĠU L 243, 11.9.2002, p. 1).

(19) Ir-Regolament (UE) Nru 600/2014 tal-Parlament Ewropew u tal-Kunsill tal-15 ta' Mejju 2014 dwar is-swieq tal-istrumenti finanzjarji u li jemenda r-Regolament (UE) Nru 648/2012 (ĠU L 173, 12.6.2014, p. 84).

(20) Id-Direttiva (UE) 2019/878 tal-Parlament Ewropew u tal-Kunsill tal-20 ta' Mejju 2019 li temenda d-Direttiva 2013/36/UE fir-rigward ta' entitajiet eżentati, kumpanniji azzjonarji finanzjarji, kumpanniji azzjonarji finanzjarji mħallta, remunerazzjoni, miżuri u setgħat superviżorji u miżuri ta' konservazzjoni ta' kapital (ĠU L 150, 7.6.2019, p. 253).

(21) Id-Direttiva 2002/87/KE tal-Parlament Ewropew u tal-Kunsill tas-16 ta' Diċembru 2002 dwar is-superviżjoni supplementari ta' istituzzjonijiet ta' kreditu dwar intrapriżi ta' assigurazzjoni u ditti ta' investiment f'konglomerat finanzjarju u li temenda d-Direttivi tal-Kunsill 73/239/KEE, 79/267/KEE, 92/49/KEE, 92/96/KEE, 93/6/KEE u 93/22/KEE, u d-Direttivi 98/78/KE u 2000/12/KE tal-Parlament Ewropew u tal-Kunsill (ĠU L 035, 11.2.2003, p. 1).

(22) Ir-Regolament (UE) Nru 1092/2010 tal-Parlament Ewropew u tal-Kunsill tal-24 ta' Novembru 2010 dwar is-sorveljanza makroprudenzjali tal-Unjoni tas-sistema finanzjarja u li jistabbilixxi Bord Ewropew dwar ir-Riskju Sistemiku (ĠU L 331, 15.12.2010, p. 1).

(23) Ir-Regolament (UE) Nru 648/2012 tal-Parlament Ewropew u tal-Kunsill tal-4 ta’ Lulju 2012 dwar derivati OTC, kontropartijiet ċentrali u repożitorji tad-data dwar it-tranżazzjonijiet (ĠU L 201, 27.7.2012, p. 1).

(24) Id-Direttiva 2006/43/KE tal-Parlament Ewropew u tal-Kunsill tas-17 ta' Mejju 2006 dwar il-verifiki statutorji tal-kontijiet annwali u tal-kontijiet konsolidati, li temenda d-Direttivi tal-Kunsill 78/660/KEE u 83/349/KEE u li tħassar id-Direttiva tal-Kunsill 84/253/KEE (ĠU L 157, 9.6.2006, p. 87).

(25) Id-Direttiva (UE) 2015/849 tal-Parlament Ewropew u tal-Kunsill tal-20 ta' Mejju 2015 dwar il-prevenzjoni tal-użu tas-sistema finanzjarja għall-finijiet tal-ħasil tal-flus jew il-finanzjament tat-terroriżmu, li temenda r-Regolament (UE) Nru 648/2012 tal-Parlament Ewropew u tal-Kunsill, u li tħassar id-Direttiva 2005/60/KE tal-Parlament Ewropew u tal-Kunsill u d-Direttiva tal-Kummissjoni 2006/70/KE (ĠU L 141, 5.6.2015, p. 73).

(26) Ir-Rakkomandazzjoni tal-Kummissjoni tat-30 ta’ April 2009 dwar il-politiki ta’ rimunerazzjoni fis-settur tas-servizzi finanzjarji (ĠU L 120, 15.5.2009, p. 22).

Top

Choose the experimental features you want to try