This document is an excerpt from the EUR-Lex website
Document 32019D0655
Decision of the Board of Governors of the European Investment Bank of 16 April 2019 on the replacement of the capital of the United Kingdom in the European Investment Bank by capital subscribed by the remaining Member States [2019/655]
Deċiżjoni tal-Bord tal-Gvernaturi tal-Bank Ewropew tal-Investiment tas-16 ta' April 2019 dwar is-sostituzzjoni tal-kapital tar-Renju Unit fil-Bank Ewropew tal-Investiment b'kapital sottoskritt mill-kumplament tal-Istati Membri [2019/655]
Deċiżjoni tal-Bord tal-Gvernaturi tal-Bank Ewropew tal-Investiment tas-16 ta' April 2019 dwar is-sostituzzjoni tal-kapital tar-Renju Unit fil-Bank Ewropew tal-Investiment b'kapital sottoskritt mill-kumplament tal-Istati Membri [2019/655]
ĠU L 110, 25.4.2019, p. 39–42
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
Date of entry into force unknown (pending notification) or not yet in force.
25.4.2019 |
MT |
Il-Ġurnal Uffiċjali tal-Unjoni Ewropea |
L 110/39 |
DEĊIŻJONI TAL-BORD TAL-GVERNATURI TAL-BANK EWROPEW TAL-INVESTIMENT
tas-16 ta' April 2019
dwar is-sostituzzjoni tal-kapital tar-Renju Unit fil-Bank Ewropew tal-Investiment b'kapital sottoskritt mill-kumplament tal-Istati Membri [2019/655]
IL-BORD TAL-GVERNATURI TAL-BANK EWROPEW TAL-INVESTIMENT
WARA LI JIKKUNSIDRA l-Artikoli 4(3) u 5(2) tal-Istatut,
BILLI r-Renju Unit huwa mistenni li joħroġ mill-Unjoni Ewropea mit-30 ta' Marzu 2019 skont id-dispożizzjonijiet tal-Artikolu 50 tat-Trattat dwar l-Unjoni Ewropea,
BILLI skont l-Artikolu 308 tat-Trattat dwar il-Funzjonament tal-Unjoni Ewropea, il-membri tal-Bank Ewropew tal-Investiment huma l-Istati Membri,
BILLI l-ħruġ tar-Renju Unit mill-Unjoni Ewropea ser iġib fit-tmiem is-sħubija tar-Renju Unit fil-Bank Ewropew tal-Investiment u l-kapital sottoskritt tiegħu fil-Bank.
Billi l-ħruġ tar-Renju Unit mill-Unjoni Ewropea m'għandux jaffettwa l-attività ta' finanzjament u l-mudell ta' negozju tal-Bank Ewropew tal-Investiment,
BILLI ż-żamma tal-kapital tal-Bank teħtieġ żieda fil-kapital sottoskritt mill-kumplament tal-Istati Membri,
BILLI l-porzjon imħallas ta' din iż-żieda fil-kapital sottoskritt mill-kumplament tal-Istati Membri għandu jammonta għal EUR 3 495 903 950, li għandu jiġi ffinanzjat għal kollox mir-Riżervi Addizzjonali tal-Bank, sabiex jiġi ppreżervat il-porzjon imħallas tal-kapital totali sottoskritt fil-livell attwali tiegħu,
BILLI ż-żamma tal-kapital tal-Bank għandha timxi b'mod parallel ma' tisħiħ ulterjuri tal-governanza tal-Bank,
BILLI l-funzjoni tal-Bord tad-Diretturi għandha tissaħħaħ, biex tippermetti l-ħatra ta' supplenti addizzjonali, u għandu jsir użu aħjar minn membri supplenti tal-Bord u esperti li ma jivvotawx sabiex jittejjeb l-appoġġ tagħhom lejn il-proċess ta' teħid ta' deċiżjonijiet tal-Bord tad-Diretturi, b'mod partikolari fir-rigward tal-analiżi ta' proposti ta' finanzjament,
BILLI l-użu ta' votazzjoni b'maġġoranza kkwalifikata fil-Bord tad-Diretturi u l-Bord tal-Gvernaturi għandu jiġi estiż għal oqsma kruċjali, jiġifieri d-deċiżjoni dwar il-Pjan Operazzjonali tal-Bank, il-ħatra tal-membri tal-Kumitat ta' Tmexxija u l-approvazzjoni tar-Regoli ta' Proċedura.
BILLI l-Bank għandu jieħu inizjattivi ulterjuri biex jirrifletti, skont l-aħjar prattika bankarja, il-prinċipji ta' “tliet linji ta' difiża”, f'kull livell rilevanti tal-istituzzjoni, inkluż fil-Kumitat tat-Tmexxija,
BILLI skont l-aspettattivi tal-Istati Membri, il-volumi ta' tislif għandhom jinżammu sostenibbli u għandu jiġi żviluppat aktar qafas għad-determinazzjoni ta' livelli ta' tislif sostenibbli,
BILLI l-funzjoni tal-Kumitat tal-Verifika għandha tissaħħaħ billi jiġi żgurat li l-Kumitat għandu fost il-membri tiegħu għarfien dwar kwistjonijiet superviżorji, il-proċess tal-għażla għall-membri tal-Kumitat tal-Verifika għandu jiġi esplorat ukoll sabiex jiġi żgurat, inter alia, li l-Kumitat tal-Verifika dejjem ikun jinkludi membri li jiġu minn awtorità superviżorja bankarja kemm minn ġewwa kif ukoll minn barra ż-żona tal-euro,
BILLI l-Kunsill huwa mitlub jadotta, b'mod parallel, l-emendi meħtieġa għall-Istatut tal-Bank skont l-Artikolu 308 tat-Trattat dwar il-Funzjonament tal-Unjoni Ewropea,
BILLI ċerti Stati Membri espremew interess biex jissottoskrivu għal kapital addizzjonali fil-Bank, u l-Bord tal-Gvernaturi jsejjaħ lill-Bord tad-Diretturi biex iressaq proposta dwar dan is-suġġett sa mhux aktar tard għal-Laqgħa Annwali fl-2019,
IL-BORD TAL-GVERNATURI TAL-BANK EWROPEW TAL-INVESTIMENT GĦALDAQSTANT IDDEĊIEDA B'MOD ANONIMU SKONT KIF ĠEJ:
1. |
B'effett mill-ħruġ tar-Renju Unit mill-Unjoni Ewropea, il-kapital sottoskritt mill-kumplament tal-Istati Membri ser jiżdied b'EUR 39 195 022 000, bi proporzjon għas-sehem ta' kull Stat Membri fil-kapital sottoskritt totali ta' EUR 204 089 132 500. Il-kapital tal-Bank għandu jiġi rrestawrat għal EUR 243 284 154 500, sottoskritt mill-Istati Membri skont kif ġej:
|
2. |
B'effett mill-ħruġ tar-Renju Unit mill-Unjoni Ewropea, Riżervi Addizzjonali tal-Bank fl-ammont ta' EUR 3 495 903 950 għandhom jinġibdu minn riżervi liberi, u jiġu ttrasformati f'kapital imħallas permezz ta' trasferiment mir-Riżervi Addizzjonali tal-Bank għall-kapital tiegħu. L-ammont għandu jiġi allokat għall-kapital imħallas tal-Istati Membri bi proporzjon għas-sehem ta' kull Stat Membru fl-ammont totali ta' EUR 243 284 154 500. |
3. |
Għaldaqstant, mal-ħruġ tar-Renju Unit mill-Unjoni Ewropea, l-ewwel subparagrafu tal-Artikolu 4(1) tal-Istatut tal-Bank għandu jiġi emendat skont kif ġej:
“Il-kapital tal-Bank għandu jkun EUR 243 284 154 500, sottoskritt mill-Istati Membri skont kif ġej:
|
4. |
Din id-deċiżjoni għandha tidħol fis-seħħ mal-ħruġ tar-Renju Unit mill-Unjoni Ewropea. Għandha tiġi ppubblikata f'Il-Ġurnal Uffiċjali tal-Unjoni Ewropea. |
Għall-Bord tal-Gvernaturi
Il-President
E.O. TEODOROVICI
Is-Segretarja
M. SANTONI