This document is an excerpt from the EUR-Lex website
Document 32017R2188
Commission Delegated Regulation (EU) 2017/2188 of 11 August 2017 amending Regulation (EU) No 575/2013 of the European Parliament and of the Council as regards the waiver on own funds requirements for certain covered bonds (Text with EEA relevance. )
Regolament Delegat tal-Kummissjoni (UE) 2017/2188 tal-11 ta' Awwissu 2017 li jemenda r-Regolament (UE) Nru 575/2013 tal-Parlament Ewropew u tal-Kunsill fir-rigward tad-deroga marbuta mar-rekwiżiti ta' fondi proprji għal ċerti bonds koperti (Test b'rilevanza għaż-ŻEE. )
Regolament Delegat tal-Kummissjoni (UE) 2017/2188 tal-11 ta' Awwissu 2017 li jemenda r-Regolament (UE) Nru 575/2013 tal-Parlament Ewropew u tal-Kunsill fir-rigward tad-deroga marbuta mar-rekwiżiti ta' fondi proprji għal ċerti bonds koperti (Test b'rilevanza għaż-ŻEE. )
C/2017/5562
ĠU L 310, 25.11.2017, p. 1–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
25.11.2017 |
MT |
Il-Ġurnal Uffiċjali tal-Unjoni Ewropea |
L 310/1 |
REGOLAMENT DELEGAT TAL-KUMMISSJONI (UE) 2017/2188
tal-11 ta' Awwissu 2017
li jemenda r-Regolament (UE) Nru 575/2013 tal-Parlament Ewropew u tal-Kunsill fir-rigward tad-deroga marbuta mar-rekwiżiti ta' fondi proprji għal ċerti bonds koperti
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 575/2013 tal-Parlament Ewropew u tal-Kunsill tas-26 ta' Ġunju 2013 dwar ir-rekwiżiti prudenzjali għall-istituzzjonijiet ta' kreditu u d-ditti tal-investiment (1), u b'mod partikolari l-Artikolu 503(4) tiegħu.
Billi:
|
(1) |
L-Artikolu 496 tar-Regolament (UE) Nru 575/2013 jippermetti lill-awtoritajiet kompetenti jeżentaw, għal ċerti bonds koperti u sal-31 ta' Diċembru 2017, il-livell limitu ta' 10 % msemmi fl-Artikolu 129(1)(d)(ii) ta' dak ir-Regolament u l-Artikolu 129(1)(f)(ii) ta' dak ir-Regolament. |
|
(2) |
L-Artikolu 503(4) tar-Regolament (UE) Nru 575/2013 jobbliga lill-Kummissjoni tagħmel rieżami tal-adegwatezza ta' din il-possibiltà għall-awtoritajiet kompetenti u tiddeċiedi jekk din il-possibiltà għandhiex issir permanenti. Il-Kummissjoni talbet lill-Awtorità Bankarja Ewropea tipprovdi konsulenza teknika dwar din il-kwistjoni. Din it-talba rriżultat fir-“Report on EU Covered Bond Frameworks and Capital Treatment”(ir-Rapport dwar l-Oqfsa u t-Trattament tal-Kapital ta' Bonds Koperti fl-UE. Il-Kummissjoni użat dan ir-rapport biex tkompli tivvaluta l-arranġamenti superviżorji u regolatorji applikabbli għal bonds koperti u sussegwentement ippreżentat lill-Parlament Ewropew u lill-Kunsill rapport dwar l-Artikolu 503 tar-Regolament (UE) Nru 575/2013. |
|
(3) |
Minn dan ir-rapport, irriżulta li għadd limitat biss ta' oqfsa nazzjonali ta' bonds koperti jippermettu l-inklużjoni ta' titoli abbażi ta' ipoteka fuq proprjetà residenzjali jew kummerċjali jew strutturi intragrupp ta' bonds koperti miġburin f'daqqa. Madankollu, peress li xi istituzzjonijiet, fil-mudelli kummerċjali tagħhom, jiddependu fuq l-użu tad-deroga mogħtija mill-awtoritajiet kompetenti, ikun xieraq, għal raġunijiet ta' ċertezza tad-dritt, li l-awtoritajiet kompetenti jitħallew jestendu d-deroga msemmija fl-Artikolu 496(1) tar-Regolament (UE) Nru 575/2013 lil hinn mid-data msemmija f'din id-dispożizzjoni. L-Artikolu 496(1) tar-Regolament (UE) Nru 575/2013 jenħtieġ għalhekk li jiġi emendat biex titħassar id-data msemmija f'din id-dispożizzjoni, bil-ftehim li madankollu jista' jkun li l-possibiltà għall-awtoritajiet kompetenti biex jagħtu deroga jkollha tiġi vvalutata mill-ġdid fil-kuntest ta' qafas futur ta' bonds koperti. |
|
(4) |
Għal raġunijiet ta' ċertezza tad-dritt, ikun adegwat li tiġi prevista deroga permanenti li tibda mill-jum ta' wara l-iskadenza tad-deroga attwali, |
ADOTTAT DAN IR-REGOLAMENT:
Artikolu 1
Fl-Artikolu 496(1) tar-Regolament (UE) Nru 575/2013, is-sentenza introduttorja tinbidel b'dan li ġej:
“L-awtoritajiet kompetenti jistgħu jeżentaw kompletament jew parzjalment mil-limitu ta' 10 % lill-unitajiet prijoritarji maħruġa mill-Fonds Communs de Créances Franċiżi jew minn entitajiet ta' titolazzjoni li huma ekwivalenti għall-Fonds Communs de Créances Franċiżi stabbiliti fil-punti (d) u (f) tal-Artikolu 129(1), dment li jiġu sodisfatti ż-żewġ kondizzjonijiet li ġejjin:”.
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Huwa għandu japplika mill-1 ta' Jannar 2018.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-11 ta' Awwissu 2017.
Għall-Kummissjoni
Il-President
Jean-Claude JUNCKER
(1) ĠU L 176, 27.6.2013, p. 1.