8.12.2016   

MT

Il-Ġurnal Uffiċjali tal-Unjoni Ewropea

L 333/1

(1)

Bis-sentenza tagħha tas-7 ta' Settembru 2016 fil-Kawża C-113/14 (1), il-Qorti tal-Ġustizzja tal-Unjoni Ewropea (“il-Qorti”) annullat l-Artikolu 7 tar-Regolament (UE) Nru 1308/2013 tal-Parlament Ewropew u tal-Kunsill (2) li jiddetermina l-limiti ta' referenza għal ċerti prodotti agrikoli għar-raġuni li dawk il-limiti kien imisshom ġew adottati mill-Kunsill biss, fuq proposta tal-Kummissjoni, abbażi tal-Artikolu 43(3) tat-Trattat dwar il-Funzjonament tal-Unjoni Ewropea (“TFUE”).

(2)

Il-Qorti annullat ukoll l-Artikolu 2 tar-Regolament tal-Kunsill (UE) Nru 1370/2013 (3) li jiddetermina l-livell tal-prezzijiet ta' intervent pubbliku għar-raġuni li dak l-Artikolu huwa marbut b'mod inseparabbli mal-Artikolu 7 l-annullat tar-Regolament (UE) Nru 1308/2013.

(3)

Il-Qorti ddikjarat li l-effetti legali tal-Artikolu 7 tar-Regolament (UE) Nru 1308/2013 u tal-Artikolu 2 tar-Regolament (UE) Nru 1370/2013 kellhom jinżammu għal perjodu massimu ta' ħames xhur mid-data tad-deċiżjoni.

(4)

Għaldaqstant jeħtieġ li r-Regolament (UE) Nru 1370/2013 jiġi emendat qabel it-tmiem tal-perjodu ta' ħames xhur billi jiddaħħlu u jiġu emendati rispettivament id-dispożizzjonijiet dwar il-limiti ta' referenza u l-livelli tal-prezzijiet ta' intervent li ġew annullati mill-Qorti u billi jsiru xi aġġustamenti minħabba konsegwenzjali.

(5)

Fid-dawl tal-limitu taż-żmien stabbilit mill-Qorti fis-sentenza tagħha, dan ir-Regolament għandu jidħol fis-seħħ fid-data tal-pubblikazzjoni tiegħu,

(1)

Jiddaħħal l-Artikolu li ġej:

“Artikolu 1a

Limiti ta' referenza

1.   Il-limiti ta' referenza li ġejjin huma ffissati:

2.   Il-limiti ta' referenza previsti fil-paragrafu 1 għandhom jiġu analizzati mill-Kummissjoni, filwaqt li jitqiesu l-kriterji oġġettivi, b'mod partikolari l-iżviluppi fil-produzzjoni, l-ispejjeż tal-produzzjoni (partikolarment l-inputs), u x-xejriet tas-suq. Meta jeħtieġ, il-limiti ta' referenza għandhom jiġu aġġornati skont il-proċedura leġislattiva ordinarja stabbilita fl-Artikolu 43(3) tat-TFUE fid-dawl tal-iżviluppi fil-produzzjoni u fis-swieq.

3.   Ir-referenzi għal-limiti ta' referenza fir-Regolament (UE) Nru 1308/2013 għandhom jinftiehmu bħala referenzi għal-limiti stabbiliti fil-paragrafu 1 ta' dan l-Artikolu.”.

(2)

L-Artikolu 2 huwa sostitwit b'dan li ġej:

“Artikolu 2

Il-prezzijiet ta' intervent pubbliku

1.   Il-livell tal-prezz ta' intervent pubbliku:

2.   Il-prezzijiet ta' intervent pubbliku tal-qamħ komuni, tal-qamħ durum, tax-xgħir, tal-qamħirrum u tar-ross fil-fosdqa msemmijin fil-paragrafu 1 għandhom jiġu aġġustati b'żidiet jew bi tnaqqis fil-prezz għal dawk il-prezzijiet ibbażati fuq il-kriterji ta' kwalità prinċipali għall-prodotti.

3.   Il-Kummissjoni għandha tadotta l-atti ta' implimentazzjoni li jiddeterminaw iż-żidiet jew it-tnaqqis fil-prezzijiet ta' intervent pubbliku tal-prodotti msemmija fil-paragrafu 2 ta' dan l-Artikolu skont il-kondizzjonijiet stipulati fih. Dawk l-atti ta' implimentazzjoni għandhom jiġu adottati skont il-proċedura ta' eżami msemmija fl-Artikolu 15(2).”.

(3)

Fl-Artikolu 8, il-punt (b) huwa sostitwit b'dan li ġej: