Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32015R0616

    Regolament ta' Delega tal-Kummissjoni (UE) 2015/616 tat-13 ta' Frar 2015 li jemenda r-Regolament ta' Delega (UE) Nru 480/2014 rigward referenzi fir-Regolament (UE) Nru 508/2014 tal-Parlament Ewropew u tal-Kunsill

    C/2015/0680

    ĠU L 102, 21.4.2015, p. 33–34 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg_del/2015/616/oj

    21.4.2015   

    MT

    Il-Ġurnal Uffiċjali tal-Unjoni Ewropea

    L 102/33

    REGOLAMENT TA' DELEGA TAL-KUMMISSJONI (UE) 2015/616

    tat-13 ta' Frar 2015

    li jemenda r-Regolament ta' Delega (UE) Nru 480/2014 rigward referenzi fir-Regolament (UE) Nru 508/2014 tal-Parlament Ewropew u tal-Kunsill

    IL-KUMMISSJONI EWROPEA,

    Wara li kkunsidrat it-Trattat dwar il-Funzjonament tal-Unjoni Ewropea,

    Wara li kkunsidrat ir-Regolament (UE) Nru 1303/2013 tal-Parlament Ewropew u tal-Kunsill tas-17 ta' Diċembru 2013 li jistabilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni, il-Fond Agrikolu Ewropew għall-Iżvilupp Rurali u l-Fond Marittimu u tas-Sajd Ewropew u li jistabilixxi dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni u l-Fond Ewropew għall-Affarijiet Marittimi u s-Sajd u li jħassar ir-Regolament tal-Kunsill (KE) Nru 1083/2006 (1), u b'mod partikolari t-tielet subparagrafu tal-Artikolu 38(4), it-tieni subparagrafu tal-Artikolu 68(1) u l-ewwel subparagrafu tal-Artikolu 125(8) tiegħu,

    Billi:

    (1)

    Ir-Regolament ta' Delega (UE) Nru 480/2014 (2) ġie adottat qabel l-adozzjoni tar-Regolament (UE) Nru 508/2014 tal-Parlament Ewropew u tal-Kunsill (3).

    (2)

    Wara l-adozzjoni tar-Regolament (UE) Nru 508/2014, tliet referenzi provviżorji fir-Regolament ta' Delega (UE) Nru 480/2014 għall-att ġuridiku futur tal-Unjoni dwar il-Fond Ewropew għall-Affarijiet Marittimi u s-Sajd (“FEMS”) għandhom jiġu sostitwiti b'referenzi għad-dispożizzjonijiet preċiżi tar-Regolament (UE) Nru 508/2014. L-ewwel referenza fl-Artikolu 6 tar-Regolament ta' Delega (UE) Nru 480/2014 tikkonċerna regoli speċifiċi dwar ir-rwol, l-obbligazzjonijiet u r-responsabbiltà tal-korpi li jimplimentaw strumenti finanzjarji. It-tieni referenza fl-Artikolu 20 tar-Regolament ta' Delega (UE) Nru 480/2014 tikkonċerna tipi ta' operazzjonijiet jew proġetti li jagħmlu parti minn operazzjonijiet li jistgħu jagħmlu użu mill-kalkolu ta' kostijiet indiretti bl-applikazzjoni ta' rata fissa stabbilita skont l-Artikolu 29(1) tar-Regolament (UE) Nru 1290/2013 tal-Parlament Ewropew u tal-Kunsill (4). It-tielet referenza fl-Artikolu 21 tar-Regolament ta' Delega (UE) Nru 480/2014 tikkonċerna tipi ta' operazzjonijiet jew proġetti li jagħmlu parti minn operazzjonijiet li jistgħu jagħmlu użu tal-kalkolu ta' kostijiet indiretti bl-applikazzjoni ta' rata fissa skont l-Artikolu 124(4) tar-Regolament (UE, Euratom) Nru 966/2012 tal-Parlament Ewropew u tal-Kunsill (5).

    (3)

    Peress li r-regoli dwar sħubiji pubbliċi-privati kif stabbiliti fir-Regolament (UE) Nru 1303/2013 japplikaw ukoll għall-FEMS, huwa meħtieġ li jiġi emendat l-Anness III tar-Regolament ta' Delega (UE) Nru 480/2014 sabiex l-informazzjoni rilevanti dwar jekk l-operazzjoni hijiex implimentata taħt struttura ta' sħubija pubblika-privata tiġi wkoll maħżuna f'forma kompjuterizzata fis-sistema ta' monitoraġġ fir-rigward tal-FEMS.

    (4)

    Għaldaqstant, ir-Regolament ta' Delega (UE) Nru 480/2014 għandu jkun emendat skont dan,

    ADOTTAT DAN IR-REGOLAMENT:

    Artikolu 1

    Ir-Regolament ta' Delega (UE) Nru 480/2014 huwa emendat kif ġej:

    (1)

    il-punt (b) tal-Artikolu 6(1) jinbidel b'dan li ġej:

    “(b)

    il-benefiċjarji finali jkunu infurmati li l-finanzjament huwa pprovdut fi programmi kkofinanzjati mill-Fondi ESI, skont ir-rekwiżiti stabbiliti

    (i)

    fl-Artikolu 115 tar-Regolament (UE) Nru 1303/2013 għall-FEŻR, l-FSE u l-Fond ta' Koeżjoni,

    (ii)

    fl-Artikolu 66(1)(c)(i) tar-Regolament (UE) Nru 1305/2013 tal-Parlament Ewropew u tal-Kunsill (*) għall-FAEŻR,

    (iii)

    fl-Artikolu 97(1)(b) tar-Regolament (UE) Nru 508/2014 tal-Parlament Ewropew u tal-Kunsill (**) għall-FEMS.

    (*)  Ir-Regolament (UE) Nru 1305/2013 tal-Parlament Ewropew u tal-Kunsill tas-17 ta' Diċembru 2013 dwar l-appoġġ għall-iżvilupp rurali mill-Fond Agrikolu Ewropew għall-Iżvilupp Rurali (FAEŻR) u li jħassar ir-Regolament tal-Kunsill (KE) Nru 1698/2005 (ĠU L 347, 20.12.2013, p. 487)."

    (**)  Ir-Regolament (UE) Nru 508/2014 tal-Parlament Ewropew u tal-Kunsill tal-15 ta' Mejju 2014 dwar il-Fond Ewropew għall-Affarijiet Marittimi u s-Sajd u li jħassar ir-Regolamenti tal-Kunsill (KE) Nru 2328/2003, (KE) Nru 861/2006, (KE) Nru 1198/2006 u (KE) Nru 791/2007 (UE) u r-Regolament (UE) Nru 1255/2011 tal-Parlament Ewropew u tal-Kunsill (ĠU L 149, 20.5.2014, p. 1).”"

    (2)

    il-punt (d) tal-Artikolu 20 jinbidel b'dan li ġej:

    “(d)

    l-operazzjonijiet appoġġati mill-FEMS u programmati skont l-Artikoli 26, 28, 39 jew 47 tar-Regolament (UE) Nru 508/2014.”

    ;

    (3)

    il-punt (d) tal-Artikolu 21 jinbidel b'dan li ġej:

    “(d)

    l-operazzjoni appoġġata mill-FEMS u programmata skont l-Artikoli 38, 40(1), 41(1), 44(6), 48(1)(e), (i), (j) jew (k) jew 80(1)(b) tar-Regolament (UE) Nru 508/2014.”

    ;

    (4)

    fl-Anness III, il-każella tad-dejta 17. “Informazzjoni dwar jekk l-operazzjoni hijiex implimentata skont struttura ta' sħubija pubblika-privata”, it-test li ġej fil-kolonna tal-lemin “Indikazzjoni ta' Fondi li għalihom id-dejta mhix meħtieġa” jitħassar:

    “Mhux applikabbli għall-FEMS”

    .

    Artikolu 2

    Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.

    Dan ir-Regolament jorbot fl-intier tiegħu u japplika direttament fl-Istati Membri kollha.

    Magħmul fi Brussell, it-13 ta' Frar 2015.

    Għall-Kummissjoni

    Il-President

    Jean-Claude JUNCKER

    (1)  ĠU L 347, 20.12.2013, p. 320.

    (2)  Ir-Regolament ta' Delega tal-Kummissjoni (UE) Nru 480/2014 tat-3 ta' Marzu 2014 li jissupplimenta r-Regolament (UE) Nru 1303/2013 tal-Parlament Ewropew u tal-Kunsill li jistabbilixxi dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni, il-Fond Agrikolu Ewropew għall-Iżvilupp Rurali u l-Fond Marittimu u tas-Sajd Ewropew u li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew, il-Fond ta' Koeżjoni u l-Fond Ewropew għall-Affarijiet Marittimi u s-Sajd (ĠU L 138, 13.5.2014, p. 5).

    (3)  Ir-Regolament (UE) Nru 508/2014 tal-Parlament Ewropew u tal-Kunsill tal-15 ta' Mejju 2014 dwar il-Fond Ewropew għall-Affarijiet Marittimi u s-Sajd u li jħassar ir-Regolamenti tal-Kunsill (KE) Nru 2328/2003, (KE) Nru 861/2006, (KE) Nru 1198/2006 u (KE) Nru 791/2007 u r-Regolament (UE) Nru 1255/2011 tal-Parlament Ewropew u tal-Kunsill (ĠU L 149, 20.5.2014, p. 1).

    (4)  Ir-Regolament (UE) Nru 1290/2013 tal-Parlament Ewropew u tal-Kunsill tal-11 ta' Diċembru 2013 li jistabbilixxi r-regoli għal parteċipazzjoni u disseminazzjoni f'“Orizzont 2020 — il-Programm Qafas għar-Riċerka u l-Innovazzjoni” (2014-2020) u li jħassar ir-Regolament (KE) Nru 1906/2006 (ĠU L 347, 20.12.2013, p. 81).

    (5)  Ir-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta' Ottubru 2012 dwar ir-regoli finanzjarji applikabbli għall-baġit ġenerali tal-Unjoni Ewropea u li jħassar ir-Regolament tal-Kunsill (KE, Euratom) Nru 1605/2002 (ĠU L 298, 26.10.2012, p. 1).

    Top