This document is an excerpt from the EUR-Lex website
Document 32014R0059
Commission Regulation (EU) No 59/2014 of 23 January 2014 amending Annex II to Regulation (EC) No 1333/2008 of the European Parliament and of the Council as regards the use of sulphur dioxide — sulphites (E 220-228) in aromatised wine-based products Text with EEA relevance
Regolament tal-Kummissjoni (UE) Nru 59/2014 tat- 23 ta’ Jannar 2014 li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill f’dak li għandu x’jaqsam mal-użu tad-diossidu tal-kubrit u tas-sulfiti (E220 sa E228) fil-prodotti aromatizzati bbażati fuq l-inbid Test b’relevanza għaż-ŻEE
Regolament tal-Kummissjoni (UE) Nru 59/2014 tat- 23 ta’ Jannar 2014 li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill f’dak li għandu x’jaqsam mal-użu tad-diossidu tal-kubrit u tas-sulfiti (E220 sa E228) fil-prodotti aromatizzati bbażati fuq l-inbid Test b’relevanza għaż-ŻEE
ĠU L 21, 24.1.2014, p. 9–11
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
ĠU L 21, 24.1.2014, p. 2–4
(HR)
In force
24.1.2014 |
MT |
Il-Ġurnal Uffiċjali tal-Unjoni Ewropea |
L 21/9 |
REGOLAMENT TAL-KUMMISSJONI (UE) Nru 59/2014
tat-23 ta’ Jannar 2014
li jemenda l-Anness II tar-Regolament (KE) Nru 1333/2008 tal-Parlament Ewropew u tal-Kunsill f’dak li għandu x’jaqsam mal-użu tad-diossidu tal-kubrit u tas-sulfiti (E220 sa E228) fil-prodotti aromatizzati bbażati fuq l-inbid
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1333/2008 tal-Parlament Ewropew u tal-Kunsill tas-16 ta’ Diċembru 2008 dwar l-addittivi tal-ikel (1), u b’mod partikulari l-Artikolu 10(3) tiegħu,
Billi:
(1) |
L-Anness II tar-Regolament (KE) Nru 1333/2008 jistabbilixxi lista tal-Unjoni ta’ addittivi tal-ikel approvati għall-użu fl-ikel, u l-kundizzjonijiet tal-użu tagħhom. |
(2) |
Il-lista tal-Unjoni ta’ addittivi tal-ikel tista’ tiġi aġġornata skont il-proċedura komuni msemmija fl-Artikolu 3(1) tar-Regolament (KE) Nru 1331/2008 tal-Parlament Ewropew u tal-Kunsill (2), jew fuq inizjattiva tal-Kummissjoni jew wara li ssir talba għal dan. |
(3) |
Fis-27 ta’ Marzu 2013, tressqet applikazzjoni għall-awtorizzazzjoni tal-użu tad-diossidu tal-kubrit u tas-sulfiti (E220 sa E228) fil-prodotti aromatizzati bbażati fuq l-inbid, kif iddefiniti fl-Artikolu 2 tar-Regolament tal-Kunsill (KEE) Nru 1601/91 (3) mill-produtturi ta’ dawn il-prodotti, u din l-applikazzjoni tqiegħdet għad-dispożizzjoni tal-Istati Membri. |
(4) |
Id-diossidu tal-kubrit u s-sulfiti (E220 sa E228) jeħtieġ li jintużaw, mil-lat teknoloġiku, fil-prodotti aromatizzati bbażati fuq l-inbid. Id-diossidu tal-kubrit u s-sulfiti (E220 sa E228) jiżdiedu ma’ dawn il-prodotti sabiex ma seħħx l-ossidazzjoni u sabiex jiġu evitati l-kontaminazzjonijiet mikrobijoloġiċi, u b’hekk iwasslu biex jiġu ppreżervati aħjar it-togħma tal-prodotti u l-kulur tagħhom. Dawn il-prodotti, bħall-vermut, għandhom jitħarsu b’mod partikulari minħabba li ħafna drabi jinżammu għal żmien twil wara li jinfetaħ il-flixkun. |
(5) |
Il-Kumitat Xjentifiku dwar l-Ikel stabbilixxa d-dożi aċċettabbli ta’ kuljum għad-diossidu tal-kubrit u għas-sulfiti (E220 sa E228) (4). Il-prodotti aromatizzati bbażati fuq l-inbid huma xarbiet alkoħoliċi li s-soltu jittieħdu minflok xorb alkoħoliku ieħor bħal, pereżempju, l-inbid, li fih id-diossidu tal-kubrit u s-sulfiti huma awtorizzati. L-esponiment addizzjonali għad-diossidu tal-kubrit u għas-sulfiti (E220 sa E228) imsejjes fuq dan l-użu l-ġdid se jibqa’ limitat u mhux se jwassal għal żieda fil-konsum ġenerali. Għalhekk huwa xieraq li d-diossidu tal-kubrit u s-sulfiti (E220 sa E228) jitħallew jintużaw bħala preservattivi u antiossidanti fil-prodotti aromatizzati bbażati fuq l-inbid. |
(6) |
Skont l-Artikolu 3(2) tar-Regolament (KE) Nru 1331/2008, il-Kummissjoni għandha titlob l-opinjoni tal-Awtorità Ewropea dwar is-Sigurtà fl-Ikel sabiex taġġorna l-lista tal-Unjoni ta’ addittivi tal-ikel mogħtija fl-Anness II tar-Regolament (KE) Nru 1333/2008, ħlief meta l-aġġornament ikkonċernat ma jkunx mistenni jħalli effett fuq saħħet il-bniedem. Peress li l-awtorizzazzjoni tal-użu tad-diossidu tal-kubrit u tas-sulfiti (E220 sa E228) bħala preservattivi u antiossidanti fil-prodotti aromatizzati bbażati fuq l-inbid tikkostitwixxi aġġornament ta’ dik il-lista li mhux mistenni jħalli effett fuq saħħet il-bniedem, m’hemmx bżonn tintalab l-opinjoni tal-Awtorità Ewropea dwar is-Sigurtà fl-Ikel. |
(7) |
Għalhekk, l-Anness II tar-Regolament (KE) Nru 1333/2008 għandu jiġi emendat kif xieraq. |
(8) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
L-Anness II tar-Regolament (KE) Nru 1333/2008 għandu jiġi emendat skont l-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-23 ta’ Jannar 2014.
Għall-Kummissjoni
Il-President
José Manuel BARROSO
(1) ĠU L 354, 31.12.2008, p. 16.
(2) Ir-Regolament (KE) Nru 1331/2008 tal-Parlament Ewropew u tal-Kunsill tas-16 ta’ Diċembru 2008 li jistabbilixxi proċedura ta’ awtorizzazzjoni komuni għall-addittivi tal-ikel, l-enżimi tal-ikel u l-aromatizzanti tal-ikel (ĠU L 354, 31.12.2008, p. 1).
(3) Ir-Regolament tal-Kunsill (KEE) Nru 1601/91 tal-10 ta’ Ġunju 1991 li jistabbilixxi regoli ġenerali dwar id-definizzjoni, id-deskrizzjoni u l-preżentazzjoni ta’ nbejjed aromatizzati, xorb ibbażat fuq inbid aromatizzat u cocktails aromatizzati magħmula mill-prodotti tal-inbid (ĠU L 149, 14.6.1991, p. 1).
(4) http://ec.europa.eu/food/fs/sc/scf/reports/scf_reports_35.pdf
ANNESS
Il-Parti E tal-Anness II tar-Regolament (KE) Nru 1333/2008 għandha tiġi emendata kif ġej:
(1) |
fil-kategorija tal-ikel 14.2.7.1, “inbejjed aromatizzati”, l-annotazzjoni li gejja għandha tiddaħħal wara l-annotazzjoni għal E200 sa E203:
|
(2) |
fil-kategorija tal-ikel 14.2.7.2, “xorb aromatizzat ibbażat fuq l-inbid”, l-annotazzjoni li gejja għandha tiddaħħal wara l-annotazzjoni għal E200 sa E203:
|
(3) |
fil-kategorija tal-ikel 14.2.7.3, “koktejls aromatizzati bbażati fuq l-inbid”, l-annotazzjoni li gejja għandha tiddaħħal wara l-annotazzjoni għal E200 sa E203:
|