This document is an excerpt from the EUR-Lex website
Document 32013R1415
Council Regulation (EU) No 1415/2013 of 17 December 2013 adjusting, from 1 July 2013 , the rate of contribution to the pension scheme of officials and other servants of the European Union
Regolament tal-Kunsill (UE) Nru 1415/2013 tas- 17 ta’ Diċembru 2013 li jaġġusta, mill- 1 ta’ Lulju 2013 , ir-rata tal-kontribuzzjoni għall-iskema tal- pensjonijiet tal-uffiċjali u aġenti oħra tal-Unjoni Ewropea
Regolament tal-Kunsill (UE) Nru 1415/2013 tas- 17 ta’ Diċembru 2013 li jaġġusta, mill- 1 ta’ Lulju 2013 , ir-rata tal-kontribuzzjoni għall-iskema tal- pensjonijiet tal-uffiċjali u aġenti oħra tal-Unjoni Ewropea
ĠU L 353, 28.12.2013, p. 23–23
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
28.12.2013 |
MT |
Il-Ġurnal Uffiċjali tal-Unjoni Ewropea |
L 353/23 |
REGOLAMENT TAL-KUNSILL (UE) Nru 1415/2013
tas-17 ta’ Diċembru 2013
li jaġġusta, mill-1 ta’ Lulju 2013, ir-rata tal-kontribuzzjoni għall-iskema tal- pensjonijiet tal-uffiċjali u aġenti oħra tal-Unjoni Ewropea
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolamenti tal-Persunal tal-Uffiċjali u l-Kondizzjonijiet tal-Impjieg ta' Aġenti Oħra tal-Unjoni Ewropea, stabbiliti fir-Regolament (KEE, Euratom, KEFA) Nru 259/68 (1), u b'mod partikolari l-Artikolu 83a u l-Anness XII tiegħu,
Wara li kkunsidra l-proposta mill-Kummissjoni Ewropea,
Billi:
|
(1) |
F’konformità mal-Artikolu 13 tal-Anness XII tar-Regolamenti tal-Persunal, l-Eurostat ippreżenta rapport dwar l-eżami attwarjali ta' kull ħames snin tal-2013 tal-iskema tal-pensjonijiet, li taġġorna l-parametri msemmija f’dak l-Anness. Skont dan l-eżami, ir-rata tal-kontribuzzjoni meħtieġa biex jinżamm il-bilanċ attwarjali tal-iskema tal-pensjonijiet hija ta’ 10,3 % tas-salarju bażiku. |
|
(2) |
Fl-interess tal-bilanċ attwarjali tal-iskema tal-pensjonijiet tal-uffiċjali u aġenti oħra tal-Unjoni, ir-rata tal-kontribuzzjoni għandha għalhekk tiġi aġġustata għal 10,3 % tas-salarju bażiku. |
|
(3) |
Madankollu, fid-dawl tas-sentenzi reċenti u futuri fil-kawżi dwar l-aġġustament tas-salarji u tal-pensjonijiet tal-2011 u l-2012 u fil-kawża dwar l-aġġustament tar-rata tal-kontribuzzjoni għall-iskema tal-pensjonijiet tal-2011, ir-riżultat ta' dan l-aġġustament jista' jkun soġġett għall-bidla. L-implimentazzjonj ta' dawk is-sentenzi jista' jkollha impatt fuq il-kalkolu tar-rati ta' kontribuzzjoni għas-snin 2012 u 2013 u għalhekk jirrikjedu lill-Kunsill li jaġġusta mill-ġdid dawn ir-rati ta' kontribuzzjoni b'effett retroattiv. Fejn applikabbli, dan jista' jwassal għall-irkupru ta' somom żejda li tħallsu mill-persunal, |
ADOTTA DAN IR-REGOLAMENT:
Artikolu 1
B’effett mill-1 ta’ Lulju 2013, ir-rata tal-kontribuzzjoni msemmija fl-Artikolu 83(2) tar-Regolamenti tal-Persunal hija ta' 10,3 %.
Artikolu 2
Dan ir-Regolament għandu jidħol fis-seħħ fil-jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-17 ta’ Diċembru 2013.
Għall-Kunsill
Il-President
L. LINKEVIČIUS