Edizzjoni speċjali bil-Kroat: Kapitolu 03 Volum 062 P. 337 - 339
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32013R0191
Commission Implementing Regulation (EU) No 191/2013 of 5 March 2013 amending Regulations (EC) No 798/2008, (EC) No 119/2009 and (EU) No 206/2010 and Decision 2000/572/EC as regards animal welfare attestation in the models of veterinary certificates Text with EEA relevance
Regolament ta’ Implimentazzjoni tal-Kummissjoni (UE) Nru 191/2013 tal- 5 ta’ Marzu 2013 li jemenda r-Regolamenti (KE) Nru 798/2008, (KE) Nru 119/2009, (UE) Nru 206/2010 u d-Deċiżjoni 2000/572/KE rigward l-attestazzjoni tal-benesseri tal-annimali fil-mudelli taċ-ċertifikati veterinarji Test b’relevanza għaż-ŻEE
Regolament ta’ Implimentazzjoni tal-Kummissjoni (UE) Nru 191/2013 tal- 5 ta’ Marzu 2013 li jemenda r-Regolamenti (KE) Nru 798/2008, (KE) Nru 119/2009, (UE) Nru 206/2010 u d-Deċiżjoni 2000/572/KE rigward l-attestazzjoni tal-benesseri tal-annimali fil-mudelli taċ-ċertifikati veterinarji Test b’relevanza għaż-ŻEE
ĠU L 62, 6.3.2013, p. 22–24
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 20/04/2021; Impliċitament imħassar minn 32020R0692
Language
HTML
PDF
Official Journal
|
6.3.2013 |
MT |
Il-Ġurnal Uffiċjali tal-Unjoni Ewropea |
L 62/22 |
REGOLAMENT TA’ IMPLIMENTAZZJONI TAL-KUMMISSJONI (UE) Nru 191/2013
tal-5 ta’ Marzu 2013
li jemenda r-Regolamenti (KE) Nru 798/2008, (KE) Nru 119/2009, (UE) Nru 206/2010 u d-Deċiżjoni 2000/572/KE rigward l-attestazzjoni tal-benesseri tal-annimali fil-mudelli taċ-ċertifikati veterinarji
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2002/99/KE tas-16 ta’ Diċembru 2002 li tistabbilixxi r-regoli sanitarji għall-annimali u li jiddeterminaw il-produzzjoni, l-ipproċessar, id-distribuzzjoni u l-introduzzjoni ta’ prodotti li joriġinaw mill-annimali u li huma għall-konsum uman (1), u b’mod partikolari l-Artikolu 9(4)(b) tagħha,
Billi:
|
(1) |
Ir-Regolament tal-Kummissjoni (KE) Nru 798/2008 (2) jistabbilixxi lista ta’ pajjiżi terzi, territorji, żoni jew kompartimenti li minnhom jistgħu jiġu impurtati u jsir tranżitu ta’ tjur u prodotti tat-tjur fl-Unjoni u r-rekwiżiti ta’ ċertifikazzjoni veterinarja. |
|
(2) |
Ir-Regolament tal-Kummissjoni (KE) Nru 119/2009 (3) jistabbilixxi lista ta’ pajjiżi terzi jew ta’ partijiet minnhom, għall-importazzjoni fl-Unjoni, jew għat-tranżitu minnha, ta’ laħam ta’ leporidae selvaġġi, ta’ ċerti mammali tal-art selvaġġi u ta’ fniek imrobbija fl-irziezet u r-rekwiżiti taċ-ċertifikazzjoni veterinarja. |
|
(3) |
Ir-Regolament tal-Kummissjoni (UE) Nru 206/2010 (4) jistabbilixxi r-rekwiżiti għaċ-ċertifikazzjoni veterinarja għall-introduzzjoni fl-Unjoni ta’ ċerti kunsinni ta’ annimali ħajjin jew ta’ laħam frisk. Dan jistabbilixxi wkoll listi ta’ pajjiżi terzi, territorji jew partijiet minnhom li jissodisfaw ċerti kriterji u li għalhekk jistgħu jiġu introdotti kunsinni minnhom fl-Unjoni u r-rekwiżiti taċ-ċertifikazzjoni veterinarja għall-introduzzjoni fl-Unjoni ta’ ċerti kunsinni ta’ laħam frisk minn annimali ungulati kif definit fid-Direttiva tal-Kunsill 2004/68/KE tas-26 ta’ April 2004 li tistabbilixxi r-regoli tas-saħħa tal-annimali għall-importazzjoni lejn u t-tranżitu matul il-Komunità għal ċerti annimali ungulati ħajjin, u temenda d-Direttivi 90/426/KEE u 92/65/KEE u tħassar id-Direttiva 72/462/KEE (5). |
|
(4) |
Id-Deċiżjoni tal-Kummissjoni 2000/572/KE (6) tfassal kundizzjonijiet dwar annimali u saħħa pubblika u ċ-ċertifikazzjoni veterinarja għall-importazzjoni ta’ preparazzjonijiet ta’ laħam minn pajjiżi terzi. |
|
(5) |
Ir-Regolament tal-Kunsill (KE) Nru 1099/2009 (7) jistabbilixxi regoli dwar il-protezzjoni tal-annimali waqt il-qatla, li japplikaw mill-1 ta’ Jannar 2013. |
|
(6) |
L-Artikolu 12 ta’ dak ir-Regolament jistabbilixxi li ċ-ċertifikat tas-saħħa li jakkumpanja l-laħam importat minn pajjiżi terzi għandu jiġi ssupplimentat minn attestazzjoni li tiċċertifika li r-rekwiżiti, li jkunu tal-anqas ekwivalenti għal dawk stabbiliti fil-Kapitoli II u III ta’ dak ir-Regolament, ikunu ġew issodisfati. |
|
(7) |
Għal raġunijiet ta’ ċarezza, id-dikjarazzjonijiet dwar il-benesseri tal-annimali fil-mudell taċ-ċertifikati veterinarji “POU” u “RAT” stabbiliti fil-Parti 2 tal-Anness I tar-Regolament (KE) Nru 798/2008, fil-mudell taċ-ċertifikat veterinarju “RM” stabbilit fl-Anness II tar-Regolament (KE) Nru 119/2009, fil-mudelli taċ-ċertifikati veterinarji “BOV”, “OVI”, “POR”, “EQU” u “SUF” stabbiliti fil-Parti 2 tal-Anness II tar-Regolament (UE) Nru 206/2010 u fil-mudell taċ-ċertifikat veterinarju “MP-PREP” stabbilit fl-Anness II tad-Deċiżjoni 2000/572/KE għandhom jiġu aġġornati. |
|
(8) |
Din id-dikjarazzjoni għandha tiżdied ukoll mal-mudell taċ-ċertifikat veterinarju “RUF” stabbilit fil-Parti 2 tal-Anness II tar-Regolament (UE) Nru 206/2010 sabiex tingħata ċ-ċertifikazzjoni meħtieġa biss f’każ li annimali tal-kaċċa mrobbija jkunu nqatlu f’biċċerija. |
|
(9) |
Huwa xieraq li jiġi introdott perjodu tranżitorju biex jippermetti lill-pajjiżi terzi jadattaw il-mudelli emendati taċ-ċertifikati veterinarji. |
|
(10) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Emendi għar-Regolament (KE) Nru 798/2008
Fil-mudell taċ-ċertifikati veterinarji “POU” u “RAT” fil-Parti 2 tal-Anness I tar-Regolament (KE) Nru 798/2008, il-punt II.3. jinbidel b’dan li ġej:
“II.3. Attestazzjoni tal-benesseri tal-annimali
Jiena, il-veterinarju uffiċjali hawn taħt iffirmat, b’dan niċċertifika, li l-laħam frisk deskritt fil-Parti I ta’ dan iċ-ċertifikat ġej minn annimali li ġew ittrattati fil-biċċerija, qabel u waqt il-qatla, skont id-dispożizzjonijiet rilevanti tal-leġiżlazzjoni tal-Unjoni u ssodisfaw ir-rekwiżiti li huma tal-inqas ekwivalenti għal dawk stabbiliti fil-Kapitoli II u III tar-Regolament tal-Kunsill (KE) Nru 1099/2009 (*).
Artikolu 2
Emenda għar-Regolament (KE) Nru 119/2009
Fil-mudell taċ-ċertifikat veterinarju “RM” fl-Anness II tar-Regolament (KE) Nru 119/2009, il-punt V jinbidel b’dan li ġej:
“V. ATTESTAZZJONI TAL-BENESSERI TAL-ANNIMALI
Jiena, il-veterinarju uffiċjali hawn taħt iffirmat, b’dan niċċertifika, li l-laħam frisk deskritt fil-Parti I ta’ dan iċ-ċertifikat ġej minn annimali li ġew ittrattati fil-biċċerija, qabel u waqt il-qatla, skont id-dispożizzjonijiet rilevanti tal-leġiżlazzjoni tal-Unjoni u ssodisfaw ir-rekwiżiti li huma tal-inqas ekwivalenti għal dawk stabbiliti fil-Kapitoli II u III tar-Regolament tal-Kunsill (KE) Nru 1099/2009 (**).
Artikolu 3
Emendi għar-Regolament (UE) Nru 206/2010
Ir-Regolament (UE) Nru 206/2010 huwa emendat kif ġej:
|
(1) |
Fil-mudelli taċ-ċertifikati veterinarji “BOV”, “OVI”, “POR”, “EQU” u “SUF” fil-Parti 2 tal-Anness II, il-punt II.3 jinbidel b’dan li ġej: “II.3. Attestazzjoni tal-benesseri tal-annimali Jiena, il-veterinarju uffiċjali hawn taħt iffirmat, b’dan niċċertifika, li l-laħam frisk deskritt fil-Parti I ta’ dan iċ-ċertifikat ġej minn annimali li ġew ittrattati fil-biċċerija, qabel u waqt il-qatla, skont id-dispożizzjonijiet rilevanti tal-leġiżlazzjoni tal-Unjoni u ssodisfaw ir-rekwiżiti li huma tal-inqas ekwivalenti għal dawk stabbiliti fil-Kapitoli II u III tar-Regolament tal-Kunsill (KE) Nru 1099/2009 (***). |
|
(2) |
Fil-mudell taċ-ċertifikat veterinarju “RUF”, fil-Parti 2 tal-Anness II, il-punt II.3. li ġej jiddaħħal wara l-punt II.2.7.: “II.3. Attestazzjoni tal-benesseri tal-annimali F’każ li l-laħam frisk deskritt fil-Parti I ta’ dan iċ-ċertifikat ġej minn annimali li nqatlu f’biċċerija, jiena, il-veterinarju uffiċjali hawn taħt iffirmat, b’dan niċċertifika, li dawn l-annimali ġew ittrattati fil-biċċerija, qabel u waqt il-qatla, skont id-dispożizzjonijiet rilevanti tal-leġiżlazzjoni tal-Unjoni u ssodisfaw ir-rekwiżiti li huma tal-inqas ekwivalenti għal dawk stabbiliti fil-Kapitoli II u III tar-Regolament tal-Kunsill (KE) Nru 1099/2009 (****). |
Artikolu 4
Emenda għad-Deċiżjoni 2000/572/KE
Fil-mudell taċ-ċertifikat veterinarju “MP-PREP”, fl-Anness II tad-Deċiżjoni 2000/572/KE, il-punt II.3. jinbidel b’dan li ġej:
“II.3. Attestazzjoni tal-benesseri tal-annimali
Jiena, il-veterinarju uffiċjali hawn taħt iffirmat, b’dan niċċertifika, li l-preparazzjonijiet tal-laħam (1) deskritti fil-Parti I ta’ dan iċ-ċertifikat ġejjin minn annimali li ġew ittrattati fil-biċċerija, qabel u waqt il-qatla, skont id-dispożizzjonijiet rilevanti tal-leġiżlazzjoni tal-Unjoni u ssodisfaw ir-rekwiżiti li huma tal-inqas ekwivalenti għal dawk stabbiliti fil-Kapitoli II u III tar-Regolament tal-Kunsill (KE) Nru 1099/2009 (*****).
Artikolu 5
Dispożizzjoni tranżitorja
Għal perjodu tranżitorju sal-31 ta’ Jannar 2014, il-kunsinni ta’ prodotti ta’ oriġini mill-annimali akkumpanjati miċ-ċertifikati veterinarji rilevanti maħruġa mhux aktar tard mit-30 ta’ Novembru 2013 skont il-mudelli taċ-ċertifikati veterinarji qabel id-dħul fis-seħħ ta’ dan ir-Regolament jistgħu jkomplu jiġu introdotti fl-Unjoni.
Artikolu 6
Dħul fis-seħħ
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-5 ta’ Marzu 2013.
Għall-Kummissjoni
Il-President
José Manuel BARROSO
(1) ĠU L 18, 23.1.2003, p. 11.
(2) ĠU L 226, 23.8.2008, p. 1.
(3) ĠU L 39, 10.2.2009, p. 12.
(5) ĠU L 139, 30.4.2004, p. 321, Edizzjoni Speċjali bil-Malti, Kapitolu 3 Volum 45, p. 120.
(6) ĠU L 240, 23.9.2000, p. 19.
(7) ĠU L 303, 18.11.2009, p. 1.