32012R1160

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Regolament implimentattiv - 1160/2012 - EN - EUR-Lex

Help

Search tips

Need more search options? Use the Advanced search

Document 32012R1160

Regolament ta’ Implimentazzjoni tal-Kummissjoni (UE) Nru 1160/2012 tas- 7 ta’ Diċembru 2012 li jemenda r-Regolament (UE) Nru 206/2010 fir-rigward tal-mudell taċ-ċertifikat veterinarju għall-annimali bovini domestiċi maħsubin għat-tranżitu mir-reġjuni ta’ Kaliningrad lejn reġjuni oħra tar-Russja mit-territorju tal-Litwanja Test b’relevanza għaż-ŻEE

ĠU L 336, 8.12.2012, p. 9–13 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

(HR)
⏵Dan id-dokument ġie ppubblikat f’edizzjoni(jiet) speċjali (HR)
Edizzjoni speċjali bil-Kroat: Kapitolu 03 Volum 062 P. 255 - 259

Legal status of the document No longer in force, Date of end of validity: 20/04/2021; Impliċitament imħassar minn 32020R0692

ELI: http://data.europa.eu/eli/reg_impl/2012/1160/oj

HTML

PDF

Official Journal

8.12.2012

Il-Ġurnal Uffiċjali tal-Unjoni Ewropea

L 336/9

REGOLAMENT TA’ IMPLIMENTAZZJONI TAL-KUMMISSJONI (UE) Nru 1160/2012

tas-7 ta’ Diċembru 2012

li jemenda r-Regolament (UE) Nru 206/2010 fir-rigward tal-mudell taċ-ċertifikat veterinarju għall-annimali bovini domestiċi maħsubin għat-tranżitu mir-reġjuni ta’ Kaliningrad lejn reġjuni oħra tar-Russja mit-territorju tal-Litwanja

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 2004/68/KE tas-26 ta’ April 2004 li tistabbilixxi r-regoli tas-saħħa tal-annimali għall-importazzjoni lejn u t-transitu matul il-Komunità għal ċerti annimali ungulati ħajjin, u temenda d-Direttivi 90/426/KEE u 92/65/KEE u tħassar id-Direttiva 72/462/KEE (1), u b’mod partikolari l-ewwel subparagrafu tal-Artikolu 6(1) u l-Artikolu 7(e) u l-Artikolu 13(1) tagħha,

Billi:

(1)

Id-Direttiva 2004/68/KE tistabbilixxi r-rekwiżiti tas-saħħa tal-annimali għat-tranżitu mill-Unjoni tal-ungulati ħajjin. Hija tipprevedi li jistgħu jiġu stipulati dispożizzjonijiet speċifiċi, inklużi mudelli taċ-ċertifikati veterinarji, għat-tranżitu fl-Unjoni ta’ ungulati ħajjin minn pajjiżi terzi awtorizzati, sakemm annimali bħal dawn jgħaddu mit-territorju tal-Unjoni b’approvazzjoni doganali u veterinarja uffiċjali u sorveljanza permezz ta’ postijiet ta’ spezzjoni fil-fruntiera approvati u mingħajr l-ebda waqfa fit-territorju tal-Unjoni ħlief dawk meħtieġa għall-ġid tal-annimali.

(2)

Ir-Regolament tal-Kummissjoni (UE) Nru 206/2010 tat-12 ta’ Marzu 2010 li jistabbilixxi listi ta’ pajjiżi terzi, territorji jew partijiet minnhom awtorizzati għall-introduzzjoni fl-Unjoni Ewropea ta’ annimali partikulari u laħam frisk u r-rekwiżiti relatati maċ-ċertifikazzjoni veterinarja (2) jistabbilixxi r-rekwiżiti ta’ ċertifikazzjoni veterinarja għall-introduzzjoni fl-Unjoni ta’ ċerti kunsinni ta’ annimali ħajjin, inklużi l-ungulati.L-Anness I ma’ dak ir-Regolament jistabbilixxi lista ta’ pajjiżi terzi, territorji jew partijiet minnhom minn fejn dawn il-kunsinni jistgħu jiddaħħlu fl-Unjoni, flimkien ma’ mudelli ta’ ċertifikati veterinarji li jakkumpanjaw dawk il-kunsinni.

(3)

Ir-rekwiżiti għat-tranżitu tal-annimali bovini ħajjin għat-tgħammir u l-produzzjoni mir-reġjun ta’ Kaliningrad (Kaliningradskaya oblast) mit-territorju tal-Litwanja, lejn reġjuni oħra tar-Russja, attwalment jipprevedu ċ-ċertifikazzjoni, inter alia, li qabel ma jiċċaqilqu l-annimali jkunu qagħdu fit-territorju ta’ Kaliningrad sa mit-twelid tagħhom jew tal-anqas għal sitt xhur qabel id-data li fiha jintbagħtu mill-Unjoni u mingħajr kuntatt ma’ annimali tal-ifrat impurtati fl-aħħar 30 jum.

(4)

Ir-Russja talbet li ssir reviżjoni ta’ dawk ir-rekwiżiti, sabiex ikun jista’ jsir it-tranżitu mit-territorju tal-Litwanja ta’ annimali bovini ħajjin għat-tgħammir u l-produzzjoni li joriġinaw fl-Unjoni iżda li kienu ddaħħlu fir-reġjun ta’ Kaliningrad, mingħajr ir-rekwiżit li jirrikjedi li l-annimali jkunu nżammu għal perjodu minimu f’dak ir-reġjun.

(5)

Fid-dawl tas-sitwazzjoni favorevoli tas-saħħa tal-annimali fl-Unjoni, huwa xieraq li jiġi previst rekwiżit għal ċertifikazzjoni alternattiva għat-tranżitu ta’ annimali bħal dawn minn Kaliningrad mit-territorju tal-Litwanja, lejn partijiet oħra tat-territorju tar-Russja, permezz ta’ vetturi tat-triq. Madankollu, sabiex jiġi salvagwardjat l-istatus tas-saħħa tal-annimali tal-Unjoni, tranżitu bħal dan għandu jiġi permess biss meta tintwera ċertifikazzjoni xierqa li turi li, wara l-introduzzjoni tagħhom f’Kaliningrad, l-annimali nżammu f’faċilitajiet fejn jinżammu biss annimali tal-Unjoni.

(6)	Il-mudell taċ-ċertifikat veterinarju “BOV-X-TRANSIT-RU”, stabbilit fil-Parti 2 tal-Anness I mar-Regolament (UE) Nru 206/2010 għandu għalhekk jiġi emendat skont dan.

(7)	Ir-Regolament (UE) Nru 206/2010 għandu għalhekk jiġi emendat skont dan.

(8)	Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DAN IR-REGOLAMENT:

Artikolu 1

Fil-Parti 2 tal-Anness I mar-Regolament (UE) Nru 206/2010, il-mudell taċ-ċertifikat veterinarju BOV-X-TRANSIT-RU huwa sostitwit mit-test fl-Anness ma’ dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-7 ta’ Diċembru 2012.

Għall-Kummissjoni

Il-President

José Manuel BARROSO

(1) ĠU L 139, 30.4.2004, p. 321.

(2) ĠU L 73, 20.3.2010, p. 1.

ANNESS

“Il-Mudell BOV-X-TRANSIT-RU

Test ta 'immaġni

Parti II: Ċertifikazzjoni

PAJJIŻ

Il-Mudell BOV-X-TRANSIT-RU

II. Tagħrif dwar is-saħħa

II.a. Numru ta’ referenza taċ-ċertifikat

II.b.

II.1. Attestazzjoni tas-Saħħa tal-Annimali:

Jiena, il-veterinarju uffiċjali sottoskritt, b’dan niċċertifika, li l-annimali deskritti fil-Parti I hawn fuq jissodisfaw ir-rekwiżiti li ġejjin:

II.1.1. ġejjin minn territorju b’kodiċi: RU-2 (2) li, fid-data tal-ħruġ ta’ dan iċ-ċertifikat:

(1) jew [(a) ilu ħieles mill-marda tal-ilsien u d-dwiefer għal 24 xahar]

(1) jew [(a) ilu meqjus bħala ħieles mill-marda tal-ilsien u d-dwiefer sa minn … (jj/xx/ssss), mingħajr każijiet/tifqigħat wara dik id-data, u ġie awtorizzat li jesporta dawn l-annimali permezz tar-Regolament ta’ Implimentazzjoni tal-Kummissjoni (UE) Nru …/…, ta’ … (jj/xx/ssss)]

(b) ilu ħieles għal 12-il xahar mir-rinderpest, mid-deni Rift valley, mill-plewropulmonite bovina li tittieħed, mill-marda tal-infafet fil-ġilda u mill-marda epiżootika emorraġika, u għal sitt xhur mill-istomatite vesikulari,

(c) fejn matul l-aħħar 12-il xahar, ma sar l-ebda tilqim kontra l-mard imsemmi fil-punti (a) u (b) u l-importazzjonijiet tal-annimali tal-ifrat imlaqqma kontra dan il-mard mhumiex permessi;

(1) jew [(d) ilu ħieles mill-bluetongue għal 24 xahar;]

(1) jew [(d) ma ilux ħieles mill-bluetongue għal 24 xahar u l-annimali tlaqqmu b’vaċċin inattivat, mill-anqas 60 jum mid-data ta’ meta ċċaqilqu, kontra s-serotip(i) tal-bluetongue … (daħħal is-serotip(i)) li huma dawk preżenti fil-popolazzjoni sors kif muri permezz ta’ programm ta’ sorveljanza (4) f’żona b’raġġ ta’ 150 km madwar l-azjenda(i) tal-oriġini deskritta(i) fil-kaxxa ta’ referenza I.11., u l-annimali għadhom fil-perjodu ta’ immunità garantita fl-ispeċifikazzjonijiet tal-vaċċin;]

(1) jew [II.1.2. jew joriġinaw mill-Unjoni Ewropea u ġew introdotti mill-Unjoni Ewropea fit-territorju bil-kodiċi RU-2 fi …(jj/xx/ssss) u, minn dakinhar, inżammu f’faċilitajiet fejn jinżammu biss annimali li joriġinaw mill-Unjoni Ewropea;]]

(1) jew [II.1.2. baqgħu fit-territorju bil-kodiċi RU-2. minn twelidhom, jew għal tal-inqas l-aħħar sitt xhur qabel ma ntbagħtu vija l-Unjoni Ewropea u bla ma ġew f’kuntatt ma’ annimali tal-ifrat impurtati fl-aħħar 30 jum;]

II.1.3. baqgħu [minn twelidhom jew tal-inqas għal 40 jum qabel id-data li fiha ntbagħtu] (5) fl-azjenda(i) tal-oriġini deskritta(i) fil-kaxxa ta’ referenza I.11:

(a) li fiha(hom) u madwara(hom), f’żona b’raġġ ta’ 150 km, ma kien hemm l-ebda każ/tifqigħa tal-marda epiżootika emorraġika matul is-60 jum ta’ qabel,

(b) li fiha(hom) u madwarha(hom), f’żona b’raġġ ta’ 10 km, ma kien hemm l-ebda każ/tifqigħa tal-marda tal-ilsien u d-dwiefer, tar-rinderpest, tad-deni Rift Valley, tal-bluetongue, tal-plewropulmonite bovina li tittieħed, tal-marda tal-infafet fil-ġilda u, tal-istomatite vesikulari matul l-40 jum ta’ qabel;

II.1.4. mhumiex annimali li għandhom jinqatlu skont programm nazzjonali għall-eradikazzjoni tal-mard, u lanqas ma tlaqqmu kontra l-mard imsemmi fil-punt II.1.1.,(a) u (b), u;

(a) ma ġewx f’kuntatt ma’ annimali tal-ifrat oħra li mhumiex konformi mar-rekwiżiti tas-saħħa kif deskritt f’dan iċ-ċertifikat,

(b) ma kienu f’ebda post fejn, jew madwaru, f’raġġ ta’ 10 km, matul it-30 jum preċedenti kien hemm xi każ/tifqigħa ta’ kwalunkwe marda msemmija fil-punt II.1.1.;

II.1.5. kwalunkwe vettura tat-trasport jew kontejner li tgħabbew fiha, tnaddfet u ġiet iddiżinfettata qabel it-tagħbija, b’diżinfettant awtorizzat uffiċjalment;

II.1.6. ġew eżaminati minn veterinarju uffiċjali fi żmien 24 siegħa mit-tagħbija u ma wrew ebda sinjal kliniku ta’ mard;

II.1.7. tgħabbew biex jintbagħtu lejn ir-Russa vija l-Unjoni Ewropea fi … (jj/xx/ssss) (3) fil-mezzi tat-trasport deskritti fil-kaxxa bin-numru ta’ referenza I.15 hawn fuq, li tnaddfu u kienu diżinfettati qabel it-tagħbija b’diżinfettant awtorizzat uffiċjalment, u li huma mibnija b’tali mod li l-ħmieġ, l-awrina, l-imfierex jew l-għalf ma jkunux jistgħu jnixxu jew jaqgħu barra mill-vettura jew mill-kontejner waqt it-trasport

II.1.8. Il-kunsinna hija maħsuba li tħalli l-Unjoni Ewropea mill-Post ta’ Spezzjoni fil-Fruntiera f’Medininkai, il-Litwanja.

Test ta 'immaġni

PAJJIŻ

Il-Mudell BOV-X-TRANSIT-RU

II. Tagħrif dwar is-saħħa

II.a. Numru ta’ referenza taċ-ċertifikat

II.b.

II.2. Attestazzjoni tat-trasport tal-annimali

Jiena, il-veterinarju uffiċjali sottoskritt, b’dan niċċertifika, li l-annimali deskritti fil-Parti I ġew trattati qabel u waqt it-tagħbija, skont id-dispożizzjonijiet rilevanti tar-Regolament tal-Kunsill (KE) Nru 1/2005, b’mod partikolari fir-rigward tal-ilma u l-għalf, u li huma f’kundizzjoni tajba għat-trasport maħsub.

Noti

Dan iċ-ċertifikat huwa maħsub għat-tranżitu mill-Unjoni Ewropea ta’ annimali bovini domestiċi (inklużi l-ispeċijiet Bubalus u Bison u r-razez imħalltin tagħhom) maħsuba għat-tgħammir u/jew għall-produzzjoni u li jkunu ġejjin mir-reġjun ta’ Kaliningrad u destinati għal partijiet oħra tar-Russja.

Parti I:

Kaxxa ta’ referenza I.8.: Agħti l-kodiċi tat-territorju kif tidher fil-Parti 1 tal-Anness I mar-Regolament tal-Kummissjoni (UE) Nru 206/2010.

Kaxxa b’numru ta’ referenza I.13.: Jekk ikun hemm ċentru ta’ raggruppament, dan għandu jissodisfa l-kundizzjonijiet għall-approvazzjoni tiegħu, kif stabbilit fit-Taqsima 5 tal-Anness I mar-Regolament tal-Kummissjoni (UE) Nru 206/2010.

Kaxxa ta’ referenza I.15.: Irid jingħata n-numru ta’ reġistrazzjoni tal-vettura tat-triq. F’każ ta’ emerġenza, il-kunsinattur għandu jinforma lill-Post ta’ Spezzjoni fil-Fruntiera bid-dħul fl-Unjoni.

Kaxxa b’numru ta’ referenza I.23.: Fil-każ ta’ kontejners jew kaxex, għandu jiġi inkluż in-numru tal-kontejner u n-numru tas-siġill (fejn applikabbli).

Kaxxa b’numru ta’ referenza I.28.: Sistema ta’ identifikazzjoni: L-annimali għandu jkollhom:

Numru individwali li jippermetti t-traċċar tal-post tal-oriġini tagħhom. Speċifika s-sistema ta’ identifikazzjoni (jiġifieri tikketta, tatwaġġi, ħruq fuq il-ġilda, ċippa, transponder).

Tikketta tal-widnejn li tinkludi l-kodiċi ISO tal-pajjiż esportatur. Numru individwali li jippermetti t-traċċar il-post tal-oriġini tagħhom.

Kaxxa ta’ referenza I.28.: Speċijiet: Agħżel minn fost ‘Bos’, ‘Bison’ u ‘Bubalus’ skont il-każ.

Kaxxa b’numru ta’ referenza I.28.: Età: Data tat-twelid (jj/xx/ss).

Kaxxa b’numru ta’ referenza I.28.: Sess (M = maskil, F = femminil, C = ikkastrat).

Kaxxa b’numru ta’ referenza I.28.: Razza: agħżel razza pura, razza mħallta.

Parti II:

(1) Żomm skont il-każ.

(2) Kodiċi tat-territorju kif tidher fil-Parti 1 tal-Anness I mar-Regolament tal-Kummissjoni (UE) Nru 206/2010.

(3) Data tat-tagħbija. It-tranżitu ta’ dawn l-annimali ma għandux ikun awtorizzat meta l-annimali jkunu tgħabbew qabel id-data tal-awtorizzazzjoni għat-tranżitu lejn ir-Russja vija l-Unjoni Ewropea minn dan il-pajjiż terz, territorju jew parti minnu msemmi fil-Kaxxi I.7, jew matul perjodu fejn ġew adottati miżuri restrittivi mill-Unjoni Ewropea kontra t-tranżitu ta’ dawn l-annimali minn dan il-pajjiż terz, territorju jew parti minnu vija l-Unjoni Ewropea.

(4) Il-programm ta’ sorveljanza kif stipulat fl-Anness I mar-Regolament tal-Kummissjoni (KE) Nru 1266/2007.

(5) Ħassar it-test fil-parentesi kwadri jekk it-tieni għażla għall-punt II.1.2. titħassar.

Veterinarju uffiċjali/Spettur uffiċjali

Isem (b’ittri kapitali):

Kwalifiki u titlu:

Data:

Firma:”

Timbru:

Top

Choose the experimental features you want to try