Edizzjoni speċjali bil-Kroat: Kapitolu 03 Volum 068 P. 286 - 287
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32012R0563
Commission Regulation (EU) No 563/2012 of 27 June 2012 amending Annex VII to Regulation (EC) No 882/2004 of the European Parliament and of the Council as regards the list of EU reference laboratories Text with EEA relevance
Regolament tal-Kummissjoni (UE) Nru 563/2012 tas- 27 ta’ Ġunju 2012 li jemenda l-Anness VII tar-Regolament (KE) Nru 882/2004 tal-Parlament Ewropew u tal-Kunsill fir-rigward tal-lista ta' laboratorji ta' referenza tal-UE Test b’relevanza għaż-ŻEE
Regolament tal-Kummissjoni (UE) Nru 563/2012 tas- 27 ta’ Ġunju 2012 li jemenda l-Anness VII tar-Regolament (KE) Nru 882/2004 tal-Parlament Ewropew u tal-Kunsill fir-rigward tal-lista ta' laboratorji ta' referenza tal-UE Test b’relevanza għaż-ŻEE
ĠU L 168, 28.6.2012, p. 24–25
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 13/12/2019; Impliċitament imħassar minn 32017R0625
Language
HTML
PDF
Official Journal
|
28.6.2012 |
MT |
Il-Ġurnal Uffiċjali tal-Unjoni Ewropea |
L 168/24 |
REGOLAMENT TAL-KUMMISSJONI (UE) Nru 563/2012
tas-27 ta’ Ġunju 2012
li jemenda l-Anness VII tar-Regolament (KE) Nru 882/2004 tal-Parlament Ewropew u tal-Kunsill fir-rigward tal-lista ta' laboratorji ta' referenza tal-UE
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 882/2004 tal-Parlament Ewropew u tal-Kunsill tad-29 ta’ April 2004 dwar il-kontrolli uffiċjali mwettqa biex tiġi żgurata l-verifikazzjoni tal-konformità mal-liġi tal-għalf u l-ikel, mas-saħħa tal-annimali u mar-regoli dwar il-welfare tal-annimali (1), u b'mod partikolari l-Artikolu 32(5) tiegħu,
Billi:
|
(1) |
Ir-Regolament (KE) Nru 882/2004 jistabbilixxi l-ħidmiet, id-dmirijiet u r-rekwiżiti ġenerali għal-laboratorji ta’ referenza tal-Unjoni Ewropea (UE) għall-ikel u l-għalf u għas-saħħa tal-annimali u l-annimali ħajjin. Il-laboratorji ta’ referenza tal-UE għall-ikel u l-għalf huma elenkati fil-Parti I tal-Anness VII ta' dak ir-Regolament. |
|
(2) |
Id-Direttiva tal-Kunsill 96/23/KE tad-29 ta' April 1996 dwar miżuri għall-monitoraġġ ta' ċerti sustanzi u residwi tagħhom f'annimali ħajjin u prodotti tal-annimali, u li tħassar id-Direttivi 85/358/KEE u 86/469/KEE u d-Deċiżjonijiet 89/187/KEE u 91/664/KEE (2), tistabblixxi miżuri għall-monitoraġġ ta' sustanzi u gruppi ta' residwi elenkati fl-Anness I ta' dik id-Direttiva. |
|
(3) |
Wara riorganizzazzjoni tal-attivitajiet laboratorji fil-Pajjiżi l-Baxxi, il-funzjonijiet kollha, inklużi l-infrastruttura u l-persunal, ta' Rijksinstituut voor Volksgezondheid en Milieu (RIVM), li attwalment huwa elenkat bħala laboratorju ta' referenza għal residwi ta' mediċini veterinarji u kontaminanti fl-ikel li joriġina mill-annimali, għal residwi elenkati fl-Anness I, il-Grupp A (1), (2), (3), (4), il-Grupp B (2)(d) u l-Grupp B (3)(d) mad-Direttiva 96/23/KE, ġew ittrasferiti għal RIKILT - Institute of Food Safety. Il-ħidmiet imwettqa minn RIVM ġew assenjati lil RIKILT skont kuntratt qafas li għalaq fil-31 ta' Diċembru 2011. |
|
(4) |
Peress li l-kuntratt ta' RIVM kien wasal fl-aħħar, saret sejħa għas-selezzjoni ta' laboratorju ta' referenza tal-UE biex dan jiġi sostitwit. RIKILT - Institute of Food Safety intgħażel bħala dak li jissodisfa l-kriterji meħtieġa kollha u għalhekk għandu jinħatar bħala tali. |
|
(5) |
Minħabba l-importanza tas-sustanzi fil-Gruppi A (1) sa A (4) fl-Anness I tad-Direttiva 96/23/KE u l-fatt li RIKILT - Institute of Food Safety intgħażel bħala dak li jissodisfa l-kriterji meħtieġa kollha, dan għandu jinħatar bħala laboratorju ta' referenza kompetenti tal-UE għal residwi ta' mediċini veterinarji u kontaminanti fl-ikel li joriġina mill-annimali, għal residwi elenkati fl-Anness I, il-Grupp A (1), (2), (3), (4), il-Grupp B (2)(d) u l-Grupp B (3)(d) tad-Direttiva 96/23/KE mill-1 ta' Jannar 2012. Dan ir-Regolament għandu jidħol fis-seħħ fl-1 ta' Jannar 2012. |
|
(6) |
Il-Parti I tal-Anness VII mar-Regolament (KE) Nru 882/2004 għandha għalhekk tiġi emendata kif xieraq. |
|
(7) |
Il-miżuri stipulati f'dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali, |
ADOTTAT DAN IR-REGOLAMENT:
Artikolu 1
Fil-Parti I tal-Anness VII tar-Regolament (KE) Nru 882/2004, il-punt 12(a) jinbidel b’dan li ġej:
|
“(a) |
Għar-residwi elenkati fl-Anness I, il-Grupp A (1), (2), (3) u (4), il-Grupp B (2)(d) u l-Grupp B (3)(d) tad-Direttiva 96/23/KE: RIKILT – Institute for Food Safety, parti minn Wageningen UR Wageningen Il-Pajjiżi l-Baxxi” |
Artikolu 2
Dan ir-Regolament għandu jidħol fis-seħħ fit-tielet jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mill-1 ta’ Jannar 2012.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-27 ta’ Ġunju 2012.
Għall-Kummissjoni
Il-President
José Manuel BARROSO
(1) ĠU L 165, 30.4.2004, p. 1.
(2) ĠU L 125, 23.5.1996, p. 10.