23.2.2012   

MT

Il-Ġurnal Uffiċjali tal-Unjoni Ewropea

L 50/11

(1)

Il-Ftehim fil-forma ta' Skambju ta' Ittri bejn l-Unjoni Ewropea u r-Renju tan-Norveġja dwar preferenzi kummerċjali addizzjonali għall-prodotti agrikoli li sar abbażi tal-Artikolu 19 tal-Ftehim dwar iż-Żona Ekonomika Ewropea, kif approvat bid-Deċiżjoni tal-Kunsill 2011/818/UE (2), jipprovdi għal żieda fil-kwota tariffarja annwali u għal estensjoni għal kull tip ta' ġobon li joriġina min-Norveġja mill-1 ta' Jannar 2012. Dawn it-tibdiliet jeħtieġu li jkunu riflessi fl-Artikoli 5 u 19 tar-Regolament tal-Kummissjoni (KE) Nru 2535/2001 (3) u fil-Parti H tal-Anness I għal dak ir-Regolament.

(2)

Filwaqt li l-kwota attwali hija ġestita abbażi tal-perjodu annwali minn Lulju sa Ġunju, il-kwota miżjuda ser tiġi ġestita fuq bażi kalendarja. Permezz ta' deroga mill-Artikolu 6 tar-Regolament (KE) Nru 2535/2001, li jipprovdi li jinqasmu f'żewġ partijiet ugwali għall-perjodi ta' sitt xhur, il-kwantità disponibbli għall-2012 għandha tqis il-kwantità disponibbli ta' 2 000 tunnellata li kient diġà disponibbli fl-2011 għall-ewwel sitt xhur tal-2012. Konsegwentament, kwantità ta' 1 600 tunnellata biss għandha tkun disponbbli għas-subperjodu li għal, raġunijiet organizzattivi, għandu jibda mill-1 ta' Marzi 2012. Madankollu, bla ħsara għall-kwanità ta' 2 000 tunellata diġà disponibbli, dan ir-Regolament għandu jkun disponibbli għall-perjodu mill-1 ta' Jannar 2012 sat-30 ta' Ġunju 2012.

(3)

Peress li skada l-perjodu biex jitressqu l-liċenzji tal-importazzjoni għall-ewwel sitt xhur tal-2012, kif ipprovdut mill-Artikolu 14(1)(a) tar-Regolament (KE) Nru 2535/2001, għandha ssir dispożizzjoni għall-perjodu ġdid biex jitressqu l-applikazzjoniiet għal-liċenzji tal-importazzjoni u għal deroga minn dak l-Artikolu b'rabta mal-kwantità ta' 1 600 tunnelata għas-subperjodu bejn Marzu u Ġunju 2012. Sabiex jiġi evitat li l-applikanti li diġà ressqu l-applikazzjonijiet f'Novembru 2011 għall-kwantità ta' 2 000 tunnellata jiġu esklużi mill-perjodu l-ġdid ta' sottomissjoni, huwa xieraq li tiġi pprovduta deroga mill-Artikolu 6(1) tar-Regolament tal-Kummisjoni (KE) Nru 1301/2006 tal-31 ta' Awwissu 2006 li jistabbilixxi regoli komuni għall-amministrazzjoni ta’ kwoti ta’ tariffi fuq l-importazzjoni għal prodotti agrikoli ġestiti b’sistema ta’ liċenzji ta’ importazzjoni (4).

(4)

L-Artikolu 11(1) tar-Regolament (KE) Nru 1301/2006 jipprovdi għan-notifika tal-kwantitajiet koperti bil-liċenżji tal-importazzjoni fi żmien xahrejn mill-iskadenza tal-validità tal-liċenzji kkonċernati. Madankollu, għall-finijiet ta' ġestjoni tajba, huwa meħtieġ li l-Kummissjoni jkollha din l-informazzjoni fi stadju aktar bikri. Għaldaqstant, għandu jiġi pprovdut obbligu ta' notifika xierqa fl-Artikolu 16 tar-Regolament (KE) Nru 2535/2001.

(5)

Ir-Regolament (KE) Nru 2535/2001 għandu għalhekk jiġi emendat skont dan.

(6)

Il-miżuri stipulati f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli,

(1)

Fl-Artikolu 5, il-punt (h) jinbidel b’dan li ġej:

(*)  ĠU L 327, 9.12.2011, p. 1.”"

(2)

Fl-Artikolu 16, għandu jiżdied il-paragrafu 5 li ġej:

“5.   Permezz ta' deroga mill-punt (b) tal-ewwel subparagrafu tal-Artikolu 11(1) flimkiem mat-tieni subparagrafu ta' dak l-Artikolu tar-Regolament (KE) Nru 1301/2006, l-Istati Membri għandhom jinnotifikaw lill-Kummissjoni bil-kwantitajiet, inkluża l-ebda kwantità, koperti bil-liċenzji tal-importazzjoni li jkunu ħarġu, fi żmien 10 ijiem minn tmiem il-perjodu tal-ħruġ ta' dawk il-liċenzji msemmija fil-paragrafu 1 ta' dan l-Artikolu.”

(3)

Fl-Artikolu 19(1), il-punt (g) għandu jinbidel b’dan li ġej:

(4)

Il-Parti H tal-Anness I hija mibdula bit-test fl-Anness għal dan ir-Regolament.