32012D0112

EUR-Lex

Access to European Union law

This document is an excerpt from the EUR-Lex website

EUROPA
EUR-Lex home
Deċiżjoni implimentattiva - 2012/112 - EN - EUR-Lex

Help

Search tips

Need more search options? Use the Advanced search

Document 32012D0112

2012/112/UE: Deċiżjoni ta’ Implimentazzjoni tal-Kummissjoni tas- 17 ta’ Frar 2012 li temenda l-Anness E tad-Direttiva tal-Kunsill 92/65/KEE fir-rigward tal-mudell taċ-ċertifikati tas-saħħa għall-annimali minn azjendi u annimali, semen, ova u embrijuni minn entitajiet, istituti jew ċentri approvati (notifikata bid-dokument numru C(2012) 860) Test b’relevanza għaż-ŻEE

ĠU L 50, 23.2.2012, p. 51–57 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

(HR)
⏵Dan id-dokument ġie ppubblikat f’edizzjoni(jiet) speċjali (HR)
Edizzjoni speċjali bil-Kroat: Kapitolu 03 Volum 064 P. 266 - 272

Legal status of the document No longer in force, Date of end of validity: 20/04/2021; Impliċitament imħassar minn 32016R0429

ELI: http://data.europa.eu/eli/dec_impl/2012/112/oj

HTML

PDF

Official Journal

23.2.2012

Il-Ġurnal Uffiċjali tal-Unjoni Ewropea

L 50/51

DEĊIŻJONI TA’ IMPLIMENTAZZJONI TAL-KUMMISSJONI

tas-17 ta’ Frar 2012

li temenda l-Anness E tad-Direttiva tal-Kunsill 92/65/KEE fir-rigward tal-mudell taċ-ċertifikati tas-saħħa għall-annimali minn azjendi u annimali, semen, ova u embrijuni minn entitajiet, istituti jew ċentri approvati

(notifikata bid-dokument numru C(2012) 860)

(Test b’relevanza għaż-ŻEE)

(2012/112/UE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat id-Direttiva tal-Kunsill 92/65/KEE tat-13 ta’ Lulju 1992 li tistabbilixxi l-ħtiġijiet dwar is-saħħa tal-annimali li jirregolaw il-kummerċ ta’ u l-importazzjoni fil-Komunità ta’ annimali, semen, ova u embrijuni li mhumiex suġġetti għal ħtiġijiet ta’ saħħa tal-annimali meħtieġa f’regoli speċifiċi tal-Komunità li hemm referenza għalihom fl-Anness A(I) tad-Direttiva 90/425/KEE (1), u b’mod partikolari l-ewwel paragrafu tal-Artikolu 22 tagħha,

Billi:

(1)

Id-Direttiva 92/65/KEE tistipula r-rekwiżiti tas-saħħa tal-annimali li jirregolaw il-kummerċ fl-Unjoni ta’ annimali, semen, ova u embrijuni mhux suġġetti għar-rekwiżiti tas-saħħa tal-annimali stipulati f’ċerti atti speċifiċi tal-Unjoni. Barra minn hekk, il-Parti 1 tal-Anness E ta’ dik id-Direttiva tistipula l-kampjun eżemplari taċ-ċertifikat tas-saħħa għall-kummerċ ta’ annimali minn azjendi (ungulati, tjur, lagomorfi, klieb, qtates u inmsa), filwaqt li l-Parti 3 ta’ dak l-Anness tistipula l-kampjun eżemplari taċ-ċertifikat tas-saħħa għall-kummerċ ta’ annimali, semen, embrijuni u ova minn entitajiet, istituti jew ċentri approvati.

(2)

L-Artikolu 6(3) tad-Direttiva 92/65/KEE jistipula r-rekwiżiti tas-saħħa tal-annimali li jirregolaw il-kummerċ fi suidae għajr dawk koperti mid-Direttiva tal-Kunsill 64/432/KEE tas-26 ta’ Ġunju 1964 il-problemi tas-saħħa tal-annimali li jaffetwaw il-kummerċ ta’ annimali bovini u suwini ġewwa l-Komunità (2). Din tipprevedi, fost oħrajn, li fejn is-suidae ma jiġux minn merħla ħielsa mill-bruċellosi skont id-Direttiva 64/432/KEE, dawn għandhom, fi żmien 30 jum qabel ma jintbagħtu, ikunu ġew sottomessi għal test b’riżultati negattivi li juru n-nuqqas ta’ antikorpi tal-bruċellosi. F’ġieħ il-konsistenza tal-leġiżlazzjoni tal-Unjoni, il-kampjun eżemplari taċ-ċertifikat tas-saħħa stipulat fil-Parti 1 tal-Anness E tad-Direttiva 92/65/KEE għandu għalhekk jiġi emendat biex jinkludi referenza speċifika għal dak ir-rekwiżit.

(3)

Id-Deċiżjoni tal-Kummissjoni 2007/598/KE tat-28 ta’ Awwissu 2007 dwar il-miżuri biex jiġi evitat it-tixrid ta’ influwenza tat-tjur ta’ patoġeniċità għolja fost għasafar oħra maqbudin li jinżammu fiż-zoos u f’korpi, istituti jew ċentri approvati fl-Istati Membri (3) tapprova pjanijiet ta’ vaċċinazzjoni preventiva kontra dik il-marda f’ċerti Stati Membri.

(4)

Il-Punt 4(b) tal-Anness II tad-Deċiżjoni 2007/598/KE jipprevedi li t-tjur vaċċinati kontra l-influwenza tat-tjur miżmuma f’żus li mhumiex approvati skont id-Direttiva 92/65/KEE jistgħu jittieħdu fi Stati Membri oħra, wara awtorizzazzjoni mill-Istati Membru destinatarju, sakemm dawn ikunu jissodisfaw ir-rekwiżiti stipulati f’dik id-Deċiżjoni u jkunu akkumpanjati minn ċertifikat tas-saħħa, kif tistabbilixxi l-Parti 1 tal-Anness E ta’ dik id-Direttiva, bl-ispeċifikazzjoni li dawn għandhom jikkonformaw mad-Deċiżjoni 2007/598/KE u jkunu vaċċinati kontra l-influwenza tat-tjur f’data speċifikata.

(5)

Madankollu, it-tjur imsemmija fl-Artikolu 7 tad-Direttiva 92/65/KEE ma jeħtiġilhomx ikunu akkumpanjati minn ċertifikat tas-saħħa, kif tistipula l-Parti 1 tal-Anness E meta jiġu kkummerċjati fi ħdan l-Unjoni, iżda għandhom ikunu akkumpanjati minn awtoċertifikazzjoni mill-operatur skont l-Artikolu 4 ta’ dik id-Direttiva, jew fil-każ ta’ psittacidae minn dokument kummerċjali ffirmat minn veterinarju uffiċjali jew mill-veterinarju responsabbli mill-azjenda.

(6)

Għandu għalhekk jiġi ċċarat li ċ-ċertifikat tas-saħħa stipulat fil-Parti 1 tal-Anness E tad-Direttiva 92/65/KEE huwa meħtieġ biss li jakkumpanja t-tjur li huma vaċċinati kontra l-influwenza tat-tjur u li jiġu minn azjenda li fiha il-vaċċinazzjoni kontra l-influwenza tat-tjur tkun twettqet matul l-aħħar tnax-il xahar. Għaldaqstant, il-kampjun eżemplari taċ-ċertifikat stipulat fil-Parti 1 ta’ dak l-Anness għandu jiġi emendat biex jinkludi referenza għat-tali vaċċinazzjoni.

(7)

L-Artikolu 10 tad-Direttiva 92/65/KEE jistabbilixxi l-ħtiġijiet dwar is-saħħa tal-annimali li jirregolaw il-kummerċ ta’ klieb, qtates u inmsa. Din tipprevedi, fost oħrajn, li dawn għandhom jissodisfaw ir-rekwiżiti rilevanti stabbiliti fir-Regolament (KE) Nruo998/2003 tal-Parlament Ewropew u tal-Kunsill tas-26 ta’ Mejju 2003 dwar il-ħtiġiet rigward is-saħħa tal-annimali li japplikaw għall-moviment mhux kummerċjali tal-pets u li jemenda d-Direttiva tal-Kunsill 92/65/KEE (4).

(8)

L-Artikolu 6 tar-Regolament (KE) Nru 998/2003 jipprevedi li sal-31 ta’ Diċembru 2011, il-kliebb u l-qtates li jiddaħħlu l-Irlanda, Malta, l-Isvezja u r-Renju Unit minn Stati Membri oħra jkunu vaċċinati u suġġetti għal testijiet tad-demm ta’ qabel id-dħul kontra r-rabbja b’mod konformi mar-regoli nazzjonali.

(9)

Barra minn hekk, l-Artikolu 16 ta’ dak ir-Regolament jipprevedi li sal-31 ta’ Diċembru 2011, il-Finlandja, l-Irlanda, Malta, l-Isvezja u r-Renju Unit, fir-rigward tal-ekinokokkożi, u l-Irlanda, Malta, u r-Renju Unit fir-rigward tal-qurdien, jistgħu jitolbu li d-dħul ta’ annimali pets fit-territorju tagħhom isir suġġett għall-konformità ma’ ċerti rekwiżiti nazzjonali addizzjonali.

(10)

Ir-Regolament Iddelegat tal-Kummissjoni (UE) Nru 1152/2011 tal-14 ta’ Lulju 2011 li jissupplimenta r-Regolament (KE) Nru 998/2003 tal-Parlament Ewropew u tal-Kunsill dwar miżuri sanitarji preventivi għall-kontroll tal-infezzjoni Echinococcus multilocularis fil-klieb (5), kien adottat sabiex ikun żgurat il-ħarsien kontinwu tas-saħħa fl-Irlanda, Malta, il-Finlandja u r-Renju Unit mill-Echinococcus multilocularis. Se jibda japplika mill-1 ta’ Jannar 2012.

(11)

Ir-referenza għall-Artikoli 6 u 16 tar-Regolament (KE) Nru 998/2003 inkluża fil-kampjun eżemplari taċ-ċertifikat tas-saħħa stipulat fil-Parti 1 tal-Anness E tad-Direttiva 92/65/KEE għandu għalhekk jitħassar u teħodlu postu, fir-rigward tal-klieb, referenza għar-Regolament Iddelegat (UE) Nru 1152/2011.

(12)	Il-Parti 1 tal-Anness E tad-Direttiva 92/65/KEE għandha għalhekk tiġi emendata skont dan.

(13)

L-Artikolu 13 tad-Direttiva 92/65/KEE jistabbilixxi r-rekwiżiti tas-saħħa tal-annimali li jirregolaw l-kummerċ tal-annimali ta’ speċijiet suxxettibbli għall-mard elenkat fl-Annessi A u B tagħha u tas-semen, l-ova u l-embrijuni tat-tali annimali kkonsenjati lejn u minn entitajiet, istituti jew ċentri approvati skont l-Anness C tagħha.

(14)

Is-semen, l-ova u l-embrijuni ta’ ċerti speċijiet ta’ annimali jistgħu jiġu ffriżati u maħżuna għal żmien twil u għalhekk l-annimali donatur jaf ma jkunx għadu disponibbli dakinhar li jinħareġ iċ-ċertifikat tas-saħħa. Għaldaqstant, hemm bżonn li jiġi emendat il-kampjun eżemplari taċ-ċertifikat tas-saħħa stipulat fil-Parti 3 tal-Anness E tad-Direttiva 92/65/KEE biex jiġi mistqarr li l-annimal donatur kien instab f’saħħtu u ħieles minn mard kliniku jew dakinhar tal-ġbir jew dakinhar li nħareġ iċ-ċertifikat tas-saħħa.

(15)

Il-Punt 4(a) tal-Anness II tad-Deċiżjoni 2007/598/KE jipprevedi li t-tjur vaċċinati kontra l-influwenza tat-tjur miżmuma f’entitajiet, istituti jew ċentri approvati inklużi ż-żus jistgħu jittieħdu biss f’entitajiet, istituti jew ċentri approvati inklużi ż-żus fi Stati Membri oħra sakemm ikunu jissodisfaw ir-rekwiżiti stipulati f’dik id-Deċiżjoni u jkunu akkumpanjati minn ċertifikat tas-saħħa kif tistabbilixxi l-Parti 3 tal-Anness E tad-Direttiva 92/65/KEE li jistqarr li t-tjur ikunu ġew vaċċinati kontra l-influwenza tat-tjur b’konformità mad-Deċiżjoni tal-Kummissjoni 2006/474/KE (6). Billi dik id-Deċiżjoni sadanittant tħassret u ħaditilha postha d-Deċiżjoni 2007/598/KE, dik ir-referenza għandha tinbidel għal referenza għad-Deċiżjoni 2007/598/KE.

(16)	Il-Parti 3 tal-Anness E tad-Direttiva 92/65/KEE għandha għalhekk tiġi emendata skont dan.

(17)	Għaldaqstant, id-Direttiva 92/65/KEE għandha tiġi emendata skont dan.

(18)

Sabiex jiġi evitat kull tip ta’ taqlib fil-kummerċ, l-użu ta’ ċertifikati tas-saħħa tal-annimali maħruġa skont il-Parti 1 u l-Parti 3 tal-Anness E tad-Direttiva 92/65/KEE, qabel l-emendi introdotti minn din id-Deċiżjoni, għandu jkun awtorizzat matul perjodu tranżitorju suġġett għal ċerti kundizzjonijiet.

(19)	Il-miżuri stipulati f’din id-Deċiżjoni huma skont l-opinjoni tal-Kumitat Permanenti għall-Katina Alimentari u s-Saħħa tal-Annimali,

ADOTTAT DIN ID-DEĊIŻJONI:

Artikolu 1

L-Anness E tad-Direttiva 92/65/KEE huwa emendat skont l-Anness għal din id-Deċiżjoni.

Artikolu 2

Għal perjodu tranżitorju sat-30 ta’ Ġunju 2012, l-Istati Membri jistgħu jawtorizzaw il-kummerċ tal-annimali minn azjenda u tal-annimali, semen, ova u embrijuni minn entitajiet, istituti jew ċentri approvati akkumpanjati minn ċertifikat tas-saħħa maħruġ mhux aktar tard mid-29 ta’ Frar 2012 skont il-mudelli stipulati fil-Parti 1 u l-Parti 3 tal-Anness E tad-Direttiva 92/65/KEE fil-verżjoni tagħha ta’ qabel l-emendi introdotti permezz ta’ din id-Deċiżjoni.

Artikolu 3

Din id-Deċiżjoni għandha tapplika mill-1 ta’ Marzu 2012.

Artikolu 4

Din id-Deċiżjoni hija indirizzata lill-Istati Membri.

Magħmul fi Brussell, is-17 ta’ Frar 2012.

Għall-Kummissjoni

John DALLI

Membru tal-Kummissjoni

(1) ĠU L 268, 14.9.1992, p. 54.

(2) ĠU 121, 29.7.1964, p. 1977/64.

(3) ĠU L 230, 1.9.2007, p. 20.

(4) ĠU L 146, 13.6.2003, p. 1.

(5) ĠU L 296, 15.11.2011, p. 6.

(6) ĠU L 187, 8.7.2006, p. 37.

ANNESS

L-Anness E għad-Direttiva 92/65/KEE huwa emendat kif ġej:

(1)

Il-Parti 1 tinbidel b’dan li ġej:

“Parti 1 — Ċertifikat tas-saħħa għall-kummerċ fl-annimali minn azjendi (ungulati, tjur vaċċinati kontra l-influwenza tat-tjur, lagomorfi, klieb, qtates u inmsa) 92/65 EI

Test ta 'immaġni

Parti II: Ċertifikazzjoni

L-UNJONI EWROPEA

92/65 EI Annimali mill-azjendi (ungulati, tjur (2), lagomorfi, klieb, qtates u inmsa)

II. Tagħrif dwar is-saħħa

II.a. Numru ta’ referenza taċ-ċertifikat

II.b.

Jiena, is-sottoskritt veterinarju uffiċjali (1)/veterinarju responsabbli mill-istabbiliment tal-oriġini u approvat mill-awtorità kompetenti (1) niċċertifika li:

(1) jew [II.1. fil-ħin tal-ispezzjoni l-annimali hawn fuq imsemmija kienu b’saħħithom biżżejjed biex jinġarru fuq il-vjaġġ intenzjonat, bi qbil mad-dispożizzjonijiet tar-Regolament tal-Kunsill (KE) Nru 1/2005.]

(1) jew [II.1. fil-ħin tal-ispezzjoni l-klieb (1)/qtates (1)/inmsa (1) li se jittieħdu post ieħor għal għanijiet mhux kummerċjali skont ir-Regolament tal-Kummissjoni (UE) Nru 388/2010 kienu adatti għall-ivvjaġġar.]

(1) jew [II.2. il-kundizzjonijiet tal-Artikolu 4 tad-Direttiva tal-Kunsill 92/65/KEE huma ssodisfati u r-ruminant(i) (1)/suidae (1) għajr dak/dawk koperti mid-Direttiva tal-Kunsill 64/432/KEE (1) jew id-Direttiva tal-Kunsill 91/68/KEE (1):

(a) jappartjeni(jappartjenu) lill-ispeċijiet …;

(b) fil-waqt tal-eżami, ma jurix(ma jurux) xi sinjal kliniku ta’ xi mard li għalih huwa/huma suxxettibbli;

(c) ġej(ġejjin) minn merħla (1)/azjenda (1) li hija uffiċjalment ħielsa mit-tuberkolożi (1)/uffiċjalment ħielsa mill-bruċellożi (1) jew minn merħla/azjenda ħielsa mill-bruċellożi (1) li mhix suġġetta għar-restrizzjonijiet tal-marda tal-ħnieżer jew minn azjenda fejn kien(u) suġġett(i) b’riżultati negattivi għat-test(ijiet) stipulati mill-Artikolu 6(2)(b) (1)/it-test stabbilit fl-Artikolu 6(3)(d) (1) tad-Direttiva tal-Kunsill 92/65/KEE.]

(1) (2) jew [II.2. il-kundizzjonijiet tal-Artikolu 4 tad-Direttiva tal-Kunsill 92/65/KEE huma ssodisfati u t-tjur għajr dawk imsemmija fid-Direttiva tal-Kunsill 2009/158/KE:

(a) jikkonformaw mad-Deċiżjoni 2007/598/KE u ġew vaċċinati kontra l-influwenza tat-tjur nhar … (data) bil-vaċċin …(isem) u ġejjin minn azjenda li fiha twettqet il-vaċċinazzjoni kontra l-influwenza tat-tjur matul l-aħħar 12-il xahar;

(b) jissodisfaw ir-rekwiżiti tal-Artikolu 7 tad-Direttiva tal-Kunsill 92/65/KEE;

(1) jew [II.2. il-kundizzjonijiet tal-Artikolu 4 tad-Direttiva tal-Kunsill 92/65/KEE huma ssodisfati u l-lagomorfi:

(a) jissodisfaw ir-rekwiżiti tal-Artikolu 9 tad-Direttiva tal-Kunsill 92/65/KEE;

(b) fil-waqt tal-eżami ma jurux xi sinjal kliniku ta’ xi mard li għalih huma suxxettibbli.]

(1) jew [II.2. il-kundizzjonijiet tal-Artikolu 4 tad-Direttiva tal-Kunsill 92/65/KEE huma ssodisfati u l-klieb ġew sottomessi għal eżaminazzjoni klinika, fi żmien 24 siegħa qabel id-dispaċċ, minn veterinarju awtorizzat mill-awtorità kompetenti, u l-eżaminazzjoni wriet li l-annimali huma f’saħħithom, u jissodisfaw, skont l-Artikolu 10(2) tad-Diretttiva tal-Kunsill 92/65/KEE, ir-rekwiżiti stabbiliti fl-Artikolu 5 tar-Regolament (KE) Nru 998/2003 tal-Parlament Ewropew u tal-Kunsill,

kif ukoll (1) jew [il-klieb ma ngħatawx kura kontra l-Echinococcus multilocularis;]

(1) jew [ngħataw kura kontra l-Echinococcus multilocularis skont ir-Regolament Delegat tal-Kummissjoni (UE) Nru 1152/2011.]]

(1) jew [II.2. il-kundizzjonijiet tal-Artikolu 4 tad-Direttiva tal-Kunsill 92/65/KEE huma ssodisfati u l-qtates (1)/inmsa (1) ġew sottomessi għal eżaminazzjoni klinika, fi żmien 24 siegħa qabel id-dispaċċ, minn veterinarju awtorizzat mill-awtorità kompetenti, u l-eżaminazzjoni wriet li l-annimali huma f’saħħithom, u jissodisfaw, skont l-Artikolu 10(2) tas-Direttiva tal-Kunsill 92/65/KEE, ir-rekwiżiti stabbiliti fl-Artikolu 5 tar-Regolament (KE) Nru 998/2003 tal-Parlament Ewropew u tal-Kunsill.]

(1) jew [II.2. il-konsenja ta’ aktar minn ħamest iklieb li jkunu se jittieħdu post ieħor għal għanijiet mhux kummerċjali skont ir-Regolament tal-Kummissjoni (UE) Nru 388/2010 ġew sottomessi għal eżaminazzjoni klinika, fi żmien 24 siegħa qabel id-dispaċċ, minn veterinarju awtorizzat mill-awtorità kompetenti, u l-eżaminazzjoni wriet li l-annimali huma f’saħħithom, u li l-annimali jissodisfaw, skont l-Artikolu 10(2) tad-Direttiva tal-Kunsill 92/65/KEE, ir-rekwiżiti stabbiliti fl-Artikolu 5 tar-Regolament (KE) Nru 998/2003 tal-Parlament Ewropew u tal-Kunsill,

kif ukoll (1) jew id-destinazzjoni skedata tagħhom indikata fil-Kaxxa I.10, jew fil-Kaxxa I.11 fejn tiġi applikata r-reġjonalizzazzjoni, ma tirrikjedix trattament kontra l-Echinococcus multilocularis skont ir-Regolament Delegat tal-Kummissjoni (UE) Nru 1152/2011.]

(1) jew [ngħataw kura kontra l-Echinoccus multlocularis skont l-Artikolu 7 tar-Regolament Delegat tal-Kummissjoni (UE) Nru 1152/2011.]]

Test ta 'immaġni

L-UNJONI EWROPEA

92/65 E1 Annimali mill-azjendi (ungulati, tjur (2), lagomorfi, klieb, qtates u inmsa)

II. Tagħrif dwar is-saħħa

II.a. Numru ta' referenza taċ-ċertifikat

II.b.

(1) jew [II.2. il-konsenja ta’ aktar minn ħames qtates (1)/inmsa (1) li jkunu se jittieħdu post ieħor għal għanijiet mhux kummerċjali skont ir-Regolament tal-Kummissjoni (UE) Nru 388/2010 ġew sottomessi għal eżaminazzjoni klinika, fi żmien 24 siegħa qabel id-dispaċċ, minn veterinarju awtorizzat mill-awtorità kompetenti, u dik l-eżaminazzjoni wriet li l-annimali huma f’saħħithom, u li l-annimali jissodisfaw, skont l-Artikolu 10(2) tad-Direttiva tal-Kunsill 92/65/KEE, ir-rekwiżiti stabbiliti fl-Artikolu 5 tar-Regolament (KE) Nru 998/2003 tal-Parlament Ewropew u tal-Kunsill;]

II.3. Il-garanziji addizzjonali fir-rigward tal-mard imniżżel fl-Anness B (3) tad-Direttiva tal-Kunsill 92/65/KEE huma kif ġej: (1)

Marda

Deċiżjoni

Marda

Deċiżjoni

Marda

Deċiżjoni

II.4. Dan iċ-ċertifikat huwa validu sa … (4)

Noti

Parti I:

Referenzi tal-kaxxi I.1. sa I.4., I.8., I.20., I.25. u I.31.: Meħtieġa għal ċaqliq mhux kummerċjali ta’ iktar minn ħamest iklieb, qtates u inmsa.

Referenza tal-kaxxa I.6: Nru/Nri ta’ dokumenti ta’ akkumpanjament: CITES, jekk applikabbli.

Referenza tal-kaxxa I.19: Uża l-kodiċi HS addattata: 01.06.19, 01.06.31, 01.06.32, 01.06.39.

Referenza tal-kaxxa I.25: Indika ‘Pets’ biss meta aktar minn ħamest (5) iklieb, qtates jew inmsa għandhom jiġu ċċertifikati għal movimenti strettament mhux kummerċjali.

Referenza tal-kaxxa I.31: Sistema ta’ identifikazzjoni: l-identifikazzjoni individwali għandha tintuża kull fejn huwa possibbli iżda fil-każ ta’ annimali żgħar, tista’ tintuża l-identifikazzjoni tal-lott.

Parti II:

(1) Ingassa fejn hemm bżonn.

(2) Ir-rekwiżiti taċ-ċertifikazzjoni japplikaw biss għal tjur li jkunu ġew vaċċinati kontra l-influwenza tat-tjur skont pjan ta’ vaċċinazzjoni preventiva approvat permezz tad-Deċiżjoni tal-Kummissjoni 2007/598/KE.

(3) Kif mitlub mill-Istat Membru li qed jibbenifika minn garanziji addizzjonali skont il-leġiżlazzjoni tal-Unjoni.

(4) Il-perjodu ta’ validità ta’ dan iċ-ċertifikat huwa ta’ għaxart (10) ijiem mid-data tal-ħruġ, għajr għall-klieb, qtates u inmsa li ttieħdu f’post ieħor għal għanijiet mhux kummerċjali skont ir-Regolament tal-Kummissjoni (UE) Nru 388/2010 f’liema każ iċ-ċertifikat huwa validu għal perjodu ta’ erba’ xhur jew sad-data tal-iskadenza tal-vaċċin kontra r-rabbja kif murija fit-Taqsima IV tal-passaport, skont liema tkun l-aktar bikrija.

Il-kulur tat-timbru u l-firma jrid ikun differenti minn dak tad-dettalji l-oħra taċ-ċertifikat.

Veterinarju uffiċjali jew spettur uffiċjali

Isem (b’ittri kbar):

Kwalifika u titlu:

Unità veterinarja lokali:

Nru tal-LVU:

Data:

Firma:

Timbru:”

(2)

Il-Parti 3 joħdilha postha dan li ġej:

“Il-Parti 3 — Ċertifikat tas-Saħħa għall-kummerċ tal-annimali, semen, embrijuni u ova minn entitajiet, istituti jew ċentri approvati 92/65 EIII

Test ta 'immaġni

Parti II: Ċertifikazzjoni

L-UNJONI EWROPEA

92/65 EII Annimali minn entitajiet, istituti jew ċentri approvati

II. Tagħrif dwar is-saħħa

II.a. Numru ta’ referenza taċ-ċertifikat

II.b.

Jiena, is-sottoskritt veterinarju uffiċjali (1)/veterinarju responsabbli mill-istabbiliment tal-oriġini u approvat mill-awtorità kompetenti (1) niċċertifika li:

II.1. L-entità, istitut jew ċentru tal-oriġini huwa konformi mal-Anness C tad-Direttiva tal-Kunsill 92/65/KEE għall-għan ta’ kummerċ ta’ annimali, semen, embrijuni jew ova kif deskritt fil-Kaxxa I.18.

II.2. L-annimali (1)/annimali donaturi (1) deskritti f’dan iċ-ċertifikat ġew eżaminati llum (1)/dakinhar tal-ġbir (1) u nstabu li huma f’saħħithom u ħielsa minn sinjali kliniċi ta’ mard infettiv inkluż dak imsemmi fl-Anness A tad-Direttiva 92/65/KEE u ma huma soġġetti għall-ebda restrizzjoni uffiċjali u baqgħu f’din l-entità, istitut jew ċentru jew mindu twieldu jew għall-perjodu ta’ żmien li ġej … (xhur jew snin).

II.3. Fil-ħin tal-ispezzjoni, l-annimali hawn fuq imsemmija kienu b’saħħithom biżżejjed biex jinġarru fuq il-vjaġġ intenzjonat, bi qbil mad-dispożizzjonijiet tar-Regolament tal-Kunsill (KE) Nru 1/2005 u mal-ħtiġijiet tal-IATA u/jew linji gwida CITES għat-trasport, fejn applikabbli.

II.4. Il-garanziji addizzjonali fir-rigward tal-mard imniżżel fl-Anness B (2) tad-Direttiva tal-Kunsill 92/65/KEE huma kif ġej: (1)

Marda

Deċiżjoni

Marda

Deċiżjoni

Marda

Deċiżjoni

[II.5. It-tjur jikkonformaw mad-Deċiżjoni 2007/598/KE u ġew vaċċinati kontra l-influwenza tat-tjur nhar … (data) bil-vaċċin … (isem) u ġejjin minn entità, istitut jew ċentru tal-oriġini li fih twettqet il-vaċċinazzjoni kontra l-influwenza tat-tjur matul l-aħħar 12-il xahar.] (1)

Noti

Parti I:

Referenza tal-kaxxa I.6: Nru/Nri ta’ dokumenti ta’ akkumpanjament: CITES, jekk applikabbli.

Referenza tal-kaxxa I.19: Uża l-kodiċi HS addattata: 01.06.11, 01.06.19, 01.06.31, 01.06.32, 01.06.39, 05.11.99.85.

Fil-każ ta’ semen, ova u embrijuni, din għandha tikkorrespondi mal-identità tad-donatur u d-data tal-ġbir u għandha tiġi indikata fil-format li ġej: identifikazzjoni uffiċjali tal-annimal/jj/xx/ssss.

Età u sess: għandha timtela biss fil-każ ta’ annimali ħajjin, jekk jixraq.

Kwantità: fil-każ ta’ semen, ova u embrijuni, l-għadd ta’ pipi, ampulli jew pakketti oħrajn espressi bħala unitajiet għandu jiġi indikat.

Parti II:

(1) Ingassa fejn hemm bżonn.

(2) Kif mitlub mill-Istat Membru li qed jibbenifika minn garanziji addizzjonali skont il-leġiżlazzjoni tal-Unjoni.

Il-kulur tat-timbru u l-firma jrid ikun differenti minn dak tad-dettalji l-oħra taċ-ċertifikat.

Veterinarju uffiċjali jew spettur uffiċjali

Isem (b’ittri kbar):

Kwalifika u titlu:

Unità veterinarja lokali:

Nru tal-LVU:

Data:

Firma:

Timbru:”

Top

Choose the experimental features you want to try