20.12.2011   

MT

Il-Ġurnal Uffiċjali tal-Unjoni Ewropea

L 337/1

(1)

L-Istati Membri kellhom esperjenzi pożittivi bl-iskemi ta’ għajnuna li trid titħallas lura fil-livell tal-operazzjonijiet matul il-perjodu ta’ programmazzjoni 2000 sa 2006 u għaldaqstant komplew dawn l-iskemi jew bdew jimplimentaw skemi ta’ għajnuna li trid titħallas lura fil-perjodu ta’ programmazzjoni attwali 2007 sa 2013. Xi Stati Membri inkludew ukoll deskrizzjonijiet ta’ dawk l-iskemi fid-dokumenti ta’ programmazzjoni tagħhom, li ġew approvati mill-Kummissjoni.

(2)

Ir-Regolament tal-Kunsill (KE) Nru 1083/2006 tal-11 ta’ Lulju 2006 li jistabbilixxi d-dispożizzjonijiet ġenerali dwar il-Fond Ewropew għall-Iżvilupp Reġjonali, il-Fond Soċjali Ewropew u l-Fond ta’ Koeżjoni (3) jistipula strumenti ta’ inġinerija finanzjarja b’oqsma u firxiet ta’ intervent preċiżi. Madankollu, l-iskemi ta’ għajnuna li trid titħallas lura implimentati mill-Istati Membri f’forma ta’ għotjiet rimborsabbli u linji tal-kreditu ġestiti mill-awtoritajiet ta’ ġestjoni permezz ta’ korpi intermedjarji la huma koperti kif jixraq mid-dispożizzjonijiet dwar l-istrumenti ta’ inġinerija finanzjarja, u lanqas minn dispożizzjonijiet oħra tar-Regolament (KE) Nru 1083/2006. Għaldaqstant, huwa meħtieġ, f’konformità mal-Artikolu 11(1) tar-Regolament (KE) Nru 1081/2006 tal-Parlament Ewropew u tal-Kunsill tal-5 ta’ Lulju 2006 dwar il-Fond Soċjali Ewropew (4), li diġà jipprevedi li l-għajnuna tista’ tkun f’forma ta’ għotjiet rimborsabbli, li jkun stipulat f’Taqsima ġdida tar-Regolament (KE) Nru 1083/2006 li l-Fondi Strutturali jistgħu jikkonfinanzjaw l-għajnuna li trid titħallas lura. Dik l-emenda għandha tkopri l-għotjiet rimborsabbli u linji ta’ kreditu ġestiti minn awtoritajiet ta’ ġestjoni permezz ta’ korpi intermedjarji li huma istituzzjonijiet finanzjarji.

(3)

Billi r-riżorsi finanzjarji użati permezz ta’ għajnuna li trid titħallas lura huma rimborsati totalment jew parzjalment mill-benefiċjarji, huwa meħtieġ li jkunu introdotti dispożizzjonijiet xierqa għall-użu mill-ġdid ta’ għajnuna li trid titħallas lura rimborsata għall-istess għan jew f’konformità mal-objettivi tal-programm operattiv in kwistjoni sabiex jiġi żgurat li l-fondi mħallsin lura jkunu investiti kif jixraq u l-appoġġ provdut mill-Unjoni jintuża kemm jista’ jkun bil-mod l-aktar effettiv.

(4)

Huwa meħtieġ li jkun ikkjarifikat li d-dispożizzjonijiet dwar proġetti maġġuri, il-proġetti li jiġġeneraw dħul u d-durabilità tal-operazzjonijiet ma għandhomx ikunu applikabbli bħala prinċipju għal strumenti ta’ inġinerija finanzjarja, minħabba li dawk id-dispożizzjonijiet huma maħsuba għal tipi oħra ta’ operazzjoni.

(5)

Huwa meħtieġ li titjieb it-trasparenza tal-proċess ta’ implementazzjoni u jkun żgurat monitoraġġ xieraq, mill-Istati Membri u mill-Kummissjoni, tal-implimentazzjoni tal-istrumenti ta’ inġinerija finanzjarja, inter alia sabiex l-Istati Membri jkunu jistgħu jipprovdu informazzjoni adattata lill-Kummissjoni dwar it-tip ta’ strumenti stabbiliti u dwar l-azzjonijiet relevanti mwettqa permezz ta’ tali strumenti fuq il-post. Huwa għaldaqstant meħtieġ li tkun introdotta dispożizzjoni dwar ir-rapportar dwar strumenti ta’ inġinerija finanzjarja. Dan l-irrapurtar iwassal ukoll sabiex il-Kummissjoni tkun tista’ tevalwa aħjar il-prestazzjoni ġenerali tal-istrumenti ta’ inġinerija finanzjarja u biex tagħti sommarju tal-progress f’livell ta’ Unjoni u ta’ Stat Membru.

(6)

Sabiex tiġi żgurata l-konformità mal-Artikolu 61(2) tar-Regolament tal-Kunsill (KE, Euratom) Nru 1605/2002 tal-25 ta’ Ġunju 2002 rigward ir-Regolament Finanazjarju applikabbli ghall-bagit generali tal-Komunitajiet Ewropej (5), id-dikjarazzjoni tal-infiq ppreżentata lill-Kummissjoni għandha tipprovdi l-informazzjoni kollha neċessarja sabiex il-Kummissjoni tipproduċi kontijiet trasparenti li jagħtu dehra vera tal-assi tal-Unjoni u tal-implimentazzjoni tal-baġit. Għal dan il-għan, dokument mehmuż ma’ kull dikjarazzjoni ta’ nfiq għandha tinkludi informazzjoni dwar l-ammont ta’ nfiq totali mħallas fit-twaqqif tal-istrumenti ta’ inġinerija finanzjarja jew fil-kontribuzzjoni għalihom u dwar il-pagamenti magħmulin lill-benefiċjarji fil-kuntest tal-għajnuna mill-Istat. Il-format tad-dokument mehmuż huwa definit f’ Anness għar-Regolament (KE) 1083/2006 għall-finijiet taċ-ċertezza u l-konsistenza ġuridiċi. B’danakollu, l-implementazzjoni prattika tal-ġbir tad-data meħtieġa għal dan il-fini għandha ssir f’livell nazzjonali u, safejn il-qafas ġuridiku applikabbli jippermetti, m’għandhiex twassal għal modifika tas-sistemi nazzjonali tal-kompjuter.

(7)

L-emendi marbutin mal-forom u l-użu mill-ġdid tal-għajnuna li trid titħallas lura, kif ukoll għall-esklużjoni tal-applikazzjoni tad-dispożizzjonijiet dwar proġetti maġġuri, proġetti li jiġġeneraw id-dħul, u d-durabilità tal-operazzjonijiet għal operazzjonijiet li jidħlu fil-kwadru tal-Artikolu 44 (strumenti ta’ inġinerija finanzjarja), għandhom it-tir li jagħtu ċertezza u kjarezza ġuridiċi akbar dwar l-applikazzjoni ta’ prattika eżistenti f’dawk l-oqsma b’effett mill-bidu tal-perjodu ta’ eliġibilità kif stipulat mir-Regolament (KE) 1083/2006. Għalhekk dawk l-emendi għandhom ikollhom effett retroattiv mill-bidu tal-perjodu ta’ programmazzjoni attwali 2007-2013.

(8)

Ir-Regolament (KE) Nru 1083/2006 għandu għalhekk jiġi emendat skont dan,

(1)

Fl-Artikolu 2, jiżdiedu l-punti li ġejjin:

“(8)   ‘għotja rimborsabbli’: kontribuzzjoni finanzjarja diretta permezz ta’ donazzjoni li tista’ tkun totalment jew parzjalment rimborsabbli mingħajr imgħax.

(9)   ‘linja ta’ kreditu’: faċilità finanzjarja li tippermetti lill-benefiċjarju jiġbed il-kontribuzzjoni finanzjarja, li tista’ tkun rimborżabbli in toto jew in parte, b’rabta man-nefqa mħallsa mill-benefiċjarju u appoġġjata mill-fatturi li jkollhom irċevuta relattiva jew mid-dokumenti tal-kontabilità ta’ valur probattiv ekwivalenti.”.

(2)

Fit-Titolu III, Kapitolu II, tiddaħħal it-taqsima li ġejja:

“TAQSIMA 3A

Għajnuna li trid titħallas lura

Artikolu 43a

Forom ta’ għajnuna li trid titħallas lura

1.   Bħala parti minn programm operattiv, il-Fondi Strutturali jistgħu jiffinanzjaw għajnuna li trid titħallas lura fil-forma ta’:

2.   Id-dikjarazzjoni tal-infiq rigward l-għajnuna li trid titħallas lura għandha tiġi sottomessa skont l-Artikolu 78(1) sa (5).

Artikolu 43b

Użu mill-ġdid ta’ għajnuna li trid titħallas lura

L-għajnuna li trid titħallas lura mħallsa lura lill-korp li pprovda l-għajnuna jew lil awtorità kompetenti oħra tal-Istat Membru għandha tintuża mill-ġdid għall-istess għan jew skont l-objettivi tal-programm operattiv kkonċernat. L-Istati Membri jiżguraw li jkun hemm reġistrazzjoni adegwata tal-għajnuna li trid titħallas lura mħallsa lura fis-sistema tal-kontabilità tal-korp jew awtorità xierqa.”;

(3)

Jiddaħħal l-Artikolu li ġej:

“Artikolu 44a

Nuqqas ta’ applikazzjoni ta’ ċerti dispożizzjonijiet

L-Artikoli 39, 55 u 57 ma għandhomx japplikaw għal operazzjonijiet li huma taħt l-Artikolu 44.”.

(4)

L-Artikolu 67(2) huwa emendat kif ġej:

(5)

Jiddaħħal l-Artikolu li ġej:

“Artikolu 78a

Rekwiżit li tiġi pprovduta informazzjoni addizzjonali fid-dikjarazzjoni tal-infiq dwar l-istrumenti ta’ inġinerija finanzjarja u pagamenti effettwati lill-benefiċjarji fil-kuntest ta’ għajnuna tal-Istat

Dokument mehmuż ma’ kull dikjarazzjoni tal-infiq li għandha tiġi ppreżentata lill-Kummissjoni, fil-format iddelineat fl-Anness IVa, tindika l-informazzjoni li ġejja b’rabta mal-infiq totali inkluż fid-dikjarazzjoni ta’ nfiq:

(6)

It-test stabbilit fl-Anness għal dan ir-Regolament għandu jiżdied bħala l-Anness V għar-Regolament (UE) Nru 1083/2006.