Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32011R1100

Regolament ta’ Implimentazzjoni tal-Kummissjoni (UE) Nru 1100/2011 tal- 31 ta’ Ottubru 2011 li jemenda r-Regolament ta’ Implimentazzjoni (UE) Nru 540/2011 fir-rigward tal-kundizzjonijiet ta’ approvazzjoni tas-sustanzi attivi dikamba, difenokonażol u imazakwin Test b’relevanza għaż-ŻEE

ĠU L 285, 1.11.2011, p. 10–14 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

⏵Dan id-dokument ġie ppubblikat f’edizzjoni(jiet) speċjali (HR)

Legal status of the document In force

ELI: http://data.europa.eu/eli/reg_impl/2011/1100/oj

1.11.2011   

MT

Il-Ġurnal Uffiċjali tal-Unjoni Ewropea

L 285/10

REGOLAMENT TA’ IMPLIMENTAZZJONI TAL-KUMMISSJONI (UE) Nru 1100/2011

tal-31 ta’ Ottubru 2011

li jemenda r-Regolament ta’ Implimentazzjoni (UE) Nru 540/2011 fir-rigward tal-kundizzjonijiet ta’ approvazzjoni tas-sustanzi attivi dikamba, difenokonażol u imazakwin

(Test b’relevanza għaż-ŻEE)

Il-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (1), u b’mod partikolari l-Artikolu 13(2) tiegħu,

Billi:

(1)

Is-sustanzi attivi dikamba, difenokonażol u imazakwin ġew inklużi fl-Anness I tad-Direttiva tal-Kunsill 91/414/KEE (2) permezz tad-Direttiva tal-Kummissjoni 2008/69/KE (3) skont il-proċedura prevista fl-Artikolu 11b tar-Regolament tal-Kummissjoni (KE) Nru 1490/2002 tal-14 ta’ Awwissu 2002 li jwaqqaf regoli oħra għall-implimentazzjoni tat-tielet stadju tal-programm ta’ xogħol li jissemma fl-Artikolu 8(2) tad-Direttiva tal-Kunsill 91/414/KEE u li jemenda r-Regolament (KE) Nru 451/2000 (4). Mis-sostituzzjoni tad-Direttiva 91/414/KEE bir-Regolament (KE) Nru 1107/2009, dawn is-sustanzi jitqiesu bħala approvati skont dak ir-Regolament u huma elenkati fil-Parti A tal-Anness tar-Regolament ta’ Implimentazzjoni tal-Kummissjoni (UE) Nru 540/2011 tal-25 ta’ Mejju 2011 li jimplimenta r-Regolament (KE) Nru 1107/2009 tal-Parlament Ewropew u tal-Kunsill f’dak li għandu x’jaqsam mal-lista ta’ sustanzi attivi approvati (5).

(2)

Skont l-Artikolu 12a tar-Regolament (KE) Nru 1490/2002, l-Awtorità Ewropea dwar is-Sigurtà fl-Ikel, aktar ‘il quddiem “l-Awtorità”, ippreżentat lill-Kummissjoni l-konklużjonijiet dwar ir-reviżjoni bejn il-pari għal difenokonażol (6), dikamba (7) u imazakwin (8) fis-17 ta’ Diċembru 2010. Dawn il-konklużjonijiet ġew irreveduti mill-Istati Membri u mill-Kummissjoni fi ħdan il-Kumitat Permanenti dwar il-Katina Alimentari u s-Saħħa tal-Annimali u ġew iffinalizzati fis-27 ta’ Settembru 2011 fil-format tar-rapporti ta’ reviżjoni tal-Kummissjoni għal difenokonażol, dikamba u imazakwin.

(3)

Skont l-Artikolu 12(2) tar-Regolament (KE) Nru 1107/2009, il-Kummissjoni stiednet lin-notifikaturi biex iressqu l-kummenti tagħhom dwar il-konklużjonijiet tal-Awtorità. Barra minn dan, skont l-Artikolu 13(1) ta’ dak ir-Regolament, il-Kummissjoni stiednet lin-notifikaturi biex iressqu kummenti dwar l-abbozz tar-rapporti tar-reviżjoni għal dikamba, difenokonażol u imazakwin. In-notifikaturi ppreżentaw il-kummenti tagħhom, li ġew eżaminati bir-reqqa.

(4)

Huwa kkonfermat li s-sustanzi attivi dikamba, difenokonażol u imazakwin għandhom jitqiesu bħala approvati skont ir-Regolament (KE) Nru 1107/2009.

(5)

Skont l-Artikolu 13(2) tar-Regolament (KE) Nru 1107/2009 flimkien mal-Artikolu 6 tiegħu u kif ukoll fid-dawl tal-għarfien xjentifiku u tekniku attwali, huwa meħtieġ li jiġu emendati l-kundizzjonijiet tal-approvazzjoni ta’ dikamba, difenokonażol u imazakwin. B’mod partikolari, huwa xieraq li tintalab informazzjoni ta’ konferma addizzjonali.

(6)

L-Anness tar-Regolament ta’ Implimentazzjoni (UE) Nru 540/2011 għandu għalhekk jiġi emendat skont dan.

(7)

Għandu jitħalla perjodu raġonevoli ta’ żmien qabel l-applikazzjoni ta’ dan ir-Regolament sabiex l-Istati Membri, in-notifikaturi u d-detenturi tal-awtorizzazzjonijiet tal-prodotti għall-protezzjoni tal-pjanti jkunu jistgħu jissodisfaw ir-rekwiżiti li jirriżultaw mill-emenda tal-kundizzjonijiet tal-approvazzjoni.

(8)

Il-miżuri stipulati f’dan ir-Regolament huma konformi mal-opinjoni tal-Kumitat Permanenti dwar il-Katina Alimentari u s-Saħħa tal-Annimali,

ADOTTAT DAN IR-REGOLAMENT:

Artikolu 1

Il-Parti A tal-Anness tar-Regolament ta’ Implimentazzjoni (UE) Nru 540/2011 huwa emendat skont l-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Huwa għandu japplika mill-1 ta’ Mejju 2012.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, il-31 ta’ Ottubru 2011.

Għall-Kummissjoni

Il-President

José Manuel BARROSO

(1)  ĠU L 309, 24.11.2009,p. 1.

(2)  ĠU L 230, 19.8.1991, p. 1.

(3)  ĠU L 172, 2.7.2008, p. 9.

(4)  ĠU L 224, 21.8.2002, p. 23.

(5)  ĠU L 153, 11.6.2011, p. 1.

(6)  L-Awtorità Ewropea dwar is-Sigurtà fl-Ikel; Konklużjoni dwar ir-reviżjoni bejn il-pari tal-valutazzjoni tar-riskju għall-pestiċidi tas-sustanza attiva difenokonażol. EFSA Journal 2011; 9(1):1967. [71 pp.]. doi:10.2903/j.efsa.2011.1967. Disponibbli onlajn: www.efsa.europa.eu/efsajournal.htm.

(7)  L-Awtorità Ewropea dwar is-Sigurtà fl-Ikel; Konklużjoni dwar ir-reviżjoni bejn il-pari tal-valutazzjoni tar-riskju għall-pestiċidi tas-sustanza attiva dikamba. EFSA Journal 2011; 9(1):1965. [52 pp.] doi:10.2903/j.efsa.2011.1965. Disponibbli onlajn: www.efsa.europa.eu/efsajournal.htm.

(8)  L-Awtorità Ewropea dwar is-Sigurtà fl-Ikel; Konklużjoni dwar ir-reviżjoni bejn il-pari tal-valutazzjoni tar-riskju għall-pestiċidi tas-sustanza attiva imazakwin. EFSA Journal 2011; 9(1):1968. [57 pp.]. doi:10.2903/j.efsa.2011.1968. Disponibbli onlajn: www.efsa.europa.eu/efsajournal.htm.

ANNESS

Il-Parti A tal-Anness tar-Regolament ta’ Implimentazzjoni (UE) Nru 540/2011 huwa emendat kif ġej:

(1)

In-numru 172 dwar is-sustanza attiva dikamba hija sostitwita b’dan li ġej:

Numru

Isem Komuni, Numri ta’ Identifikazzjoni

Isem tal-IUPAC

Purità

Data tal-approvazzjoni

Skadenza tal-approvazzjoni

Dispożizzjonijiet speċifiċi

“172

Dikamba

Nru CAS 1918-00-9

Nru CIPAC 85

3,6-dikloro-2-aċidu metossibenżoiku

≥ 850 g/kg

fl-1 ta’ Jannar 2009.

fil-31 ta’ Diċembru 2018.

PARTI A

L-użi bħala erbiċida biss jistgħu jkunu awtorizzati.

PARTI B

Għall-implimentazzjoni tal-prinċipji uniformi kif imsemmija fl-Artikolu 29(6) tar-Regolament (KE) Nru 1107/2009, għandhom jitqiesu l-konklużjonijiet tar-rapport ta’ reviżjoni dwar dikamba, u b’mod partikolari l-Appendiċijiet I u II tiegħu, kif iffinalizzati mill-Kumitat Permanenti dwar il-Katina Alimentari u s-Saħħa tal-Annimali fis-27 ta’ Settembru 2011.

F’din il-valutazzjoni ġenerali l-Istati Membri għandhom jagħtu attenzjoni partikolari għall-protezzjoni tal-pjanti mhux fil-mira.

Il-kundizzjonijiet għall-użu għandhom jinkludu miżuri xierqa li jtaffu r-riskju, fejn xieraq.

In-notifikatur għandu jippreżenta informazzjoni ta’ konferma fir-rigward ta’ dan li ġej:

(a)

l-identifikazzjoni u l-kwantifikazzjoni ta’ grupp ta’ prodotti li jbiddlu l-ħamrija ffurmati fi studju ta’ inkubazzjoni tal-ħamrija;

(b)

il-potenzjal għat-trasport fl-atmosfera fuq distanza kbira.

In-notifikatur għandu jippreżenta tali informazzjoni lill-Istati Membri, lill-Kummissjoni u lill-Awtorità sat-30 ta’ Novembru 2013.”

(2)

Ir-numru 173 dwar is-sustanza attiva defenokonażol hija sostitwita b’dan li ġej:

Numru

Isem Komuni, Numri ta’ Identifikazzjoni

Isem tal-IUPAC

Purità

Data tal-approvazzjoni

Skadenza tal-approvazzjoni

Dispożizzjonijiet speċifiċi

“173

Difenokonażol

Nru CAS 119446-68-3

Nru CIPAC 687

3-kloro-4-[(2RS,4RS;2RS,4SR)-4-metil-2-(1H-1,2,4-triażol-1-ilmetil)-1,3-diossolan-2-il]fenil 4-klorofenil etere

≥ 940 g/kg

Kontenut massimu ta’ Toluwen: 5 g/kg

fl-1 ta’ Jannar 2009.

fil-31 ta’ Diċembru 2018.

PARTI A

L-użu bħala funġiċida biss jista’ jiġi awtorizzat.

PARTI B

Għall-implimentazzjoni tal-prinċipji uniformi kif imsemmija fl-Artikolu 29(6) tar-Regolament (KE) Nru 1107/2009, għandhom jitqiesul-konklużjonijiet tar-rapport ta’ reviżjoni dwar difenokonażol, u b’mod partikolari l-Appendiċijiet I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa tal-Annimali fis-27 ta’ Settembru 2011.

F’din il-valutazzjoni ġenerali l-Istati Membri għandhom jagħtu attenzjoni partikolari għall-protezzjoni tal-organiżmi akkwatiċi.

Il-kundizzjonijiet għall-użu għandhom jinkludu miżuri xierqa li jtaffu r-riskju, fejn xieraq.

In-notifikatur għandu jippreżenta informazzjoni ta’ konferma fir-rigward ta’ dan li ġej:

(a)

aktar dejta dwar l-ispeċifikazzjoni tal-materjal tekniku;

(b)

ir-residwi tal-metaboliti derivattivi tat-triażol (TDMs) fl-għelejjel primarji, l-għelejjel rotazzjonali, il-prodotti bażiċi pproċessati u l-prodotti li ġejjin mill-annimali;

(c)

il-potenzjal ta’ effetti ta’ tħarbit endokrinali fuq il-ħut (studju dwar iċ-ċiklu tal-ħajja sħiħ tal-ħut) u r-riskju kroniku għall-ħniex mis-sustanza attiva u l-metabolit CGA 205375 (*);

(d)

l-impatt possibbli tal-proporzjon tal-isomeru varjabbli fil-materjal tekniku u tad-degradazzjoni u/jew konverżjoni preferenzjali tat-taħlita ta’ isomeri fuq il-valutazzjoni tar-riskju għall-ħaddiema, il-valutazzjoni tar-riskju għall-konsumaturi u fuq l-ambjent.

In-notifikatur għandu jippreżenta lill-Istati Membri, lill-Kummissjoni u lill-Awtorità l-informazzjoni stabbilita fil-punt (a) sal-31 ta’ Mejju 2012, l-informazzjoni stabbilita fil-punti (b) u (c) sat-30 ta’ Novembru 2013 u l-informazzjoni stabbilita fil-punt (d) fi żmien sentejn mill-adozzjoni tal-gwida speċifika.”

(3)

Ir-ringiela 175 dwar is-sustanza attiva imazakwin hija sostitwita b’dan li ġej:

Numru

Isem Komuni, Numri ta’ Identifikazzjoni

Isem tal-IUPAC

Purità

Data tal-approvazzjoni

Skadenza tal-approvazzjoni

Dispożizzjonijiet speċifiċi

“175

Imazakwin

Nru CAS 81335-37-7

Nru CIPAC 699

2-[(RS)-4-isopropil-4-metil-5-osso-2-imidażolin-2-il]kwinolina-3-aċidu karbossiliku

≥ 960 g/kg (taħlita raċemika)

fl-1 ta’ Jannar 2009.

fil-31 ta’ Diċembru 2018.

PARTI A

Huma biss l-użi bħala regolatur tal-iżvilupp tal-pjanti li jistgħu jiġu awtorizzati.

PARTI B

Għall-implimentazzjoni tal-prinċipji uniformi kif imsemmija fl-Artikolu 29(6) tar-Regolament (KE) Nru 1107/2009, għandhom jitqiesul-konklużjonijiet tar-rapport ta’ reviżjoni dwar imazakwin, u b’mod partikolari l-Appendiċijiet I u II tiegħu, kif iffinalizzat mill-Kumitat Permanenti dwar il-Katina Alimentari u s-Saħħa tal-Annimali fit-27 ta’ Settembru 2011.

In-notifikatur għandu jippreżenta informazzjoni ta’ konferma fir-rigward ta’ dan li ġej:

(a)

aktar dejta dwar l-ispeċifikazzjoni tal-materjal tekniku;

(b)

l-impatt possibbli tal-proporzjon tal-isomeru varjabbli fil-materjal tekniku u tad-degradazzjoni u/jew konverżjoni preferenzjali tat-taħlita ta’ isomeri fuq il-valutazzjoni tar-riskju għall-ħaddiema, il-valutazzjoni tar-riskju għall-konsumaturi u fuq l-ambjent.

In-notifikatur għandu jippreżenta lill-Istati Membri, lill-Kummissjoni u lill-Awtorità, l-informazzjoni stabbilita fil-punt (a) sal-31 ta’ Mejju 2012 u l-informazzjoni stabbilita fil-punt (b) fi żmien sentejn wara l-adozzjoni tal-gwida speċifika.”

(*)  1-[2-[2-kloro-4-(4-kloro-fenossi)-feniyl]-2-1H-[1,2,4]triażol-il]-etanol.

Top