This document is an excerpt from the EUR-Lex website
Document 32011D0740
2011/740/: Commission Decision of 14 November 2011 amending Decisions 2006/799/EC, 2007/64/EC, 2007/506/EC, 2007/742/EC, 2009/543/EC and 2009/544/EC in order to prolong the validity of the ecological criteria for the award of the EU Ecolabel to certain products (notified under document C(2011) 8041) Text with EEA relevance
2011/740/: Deċiżjoni tal-Kummissjoni tal- 14 ta’ Novemrbu 2011 li temenda d-Deċiżjonijiet 2006/799/KE, 2007/64/KE, 2007/506/KE, 2007/742/KE, 2009/543/KE u 2009/544/KE sabiex ittawwal il-validità tal-kriterji ekoloġiċi għall-għoti tal-Ekotikketta tal-UE għal ċerti prodotti (notifikata bid-dokument numru C(2011) 8041) Test b’relevanza għaż-ŻEE
2011/740/: Deċiżjoni tal-Kummissjoni tal- 14 ta’ Novemrbu 2011 li temenda d-Deċiżjonijiet 2006/799/KE, 2007/64/KE, 2007/506/KE, 2007/742/KE, 2009/543/KE u 2009/544/KE sabiex ittawwal il-validità tal-kriterji ekoloġiċi għall-għoti tal-Ekotikketta tal-UE għal ċerti prodotti (notifikata bid-dokument numru C(2011) 8041) Test b’relevanza għaż-ŻEE
ĠU L 297, 16.11.2011, p. 64–65
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 31/12/2016
16.11.2011 |
MT |
Il-Ġurnal Uffiċjali tal-Unjoni Ewropea |
L 297/64 |
DEĊIŻJONI TAL-KUMMISSJONI
tal-14 ta’ Novemrbu 2011
li temenda d-Deċiżjonijiet 2006/799/KE, 2007/64/KE, 2007/506/KE, 2007/742/KE, 2009/543/KE u 2009/544/KE sabiex ittawwal il-validità tal-kriterji ekoloġiċi għall-għoti tal-Ekotikketta tal-UE għal ċerti prodotti
(notifikata bid-dokument numru C(2011) 8041)
(Test b’relevanza għaż-ŻEE)
(2011/740/UE)
Il-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 66/2010 tal-Parlament Ewropew u tal-Kunsill tal-25 ta’ Novembru 2009 dwar skema ta’ Ekotikketta tal-UE (1), u b’mod partikulari l-punt (c) tal-Artikolu 8(3) tiegħu,
Wara li kkonsultat il-Bord tal-Ekotikkettar tal-Unjoni Ewropea,
Billi:
(1) |
Id-Deċiżjoni tal-Kummissjoni 2006/799/KE tat-3 ta’ Novembru 2006 li tistabbilixxi l-kriterji ekoloġiċi [riveduti] u r-rekwiżiti tal-istima [tal-valutazzjoni] u l-verifikazzjoni [l-verifika] relatati mal-għoti ta’ ekotikketta tal-Komunità għall-materjali li jtejbu l-ħamrija (2) tiskadi fil-31 ta’ Diċembru 2011. |
(2) |
Id-Deċiżjoni tal-Kummissjoni 2007/64/KE tal-15 ta’ Diċembru 2006 li tistabbilixxi kriterji ekoloġiċi riveduti u r-rekwiżiti ta’ stima [tal-valutazzjoni] u verifikazzjoni [l-verifika] relatati għall-għoti ta’ ekotikketta tal-Komunità għall-midja tat-tkabbir (3) tiskadi fil-31 ta’ Diċembru 2011. |
(3) |
Id-Deċiżjoni tal-Kummissjoni 2007/506/KE tal-21 ta’ Ġunju 2007 li tistabbilixxi l-kriterji ekoloġiċi għall-għoti tal-ekotikketta Komunitarja għas-spapen, shampoos [xampus] u conditioners tax-xagħar (4) tiskadi fil-31 ta’ Diċembru 2011. |
(4) |
Id-Deċiżjoni tal-Kummissjoni 2007/742/KE tad-9 ta’ Novembru 2007 li tistabbilixxi l-kriterji ekoloġiċi għall-għoti tal-ekotikketta Komunitarja lill-pompi tas-sħana mħaddma bl-elettriku, bil-gass jew bl-assorbiment tal-gass (5) tiskadi fil-31 ta’ Diċembru 2011. |
(5) |
Id-Deċiżjoni tal-Kummissjoni 2009/543/KE tat-13 ta’ Awwissu 2008 li tistabbilixxi l-kriterji ekoloġiċi għall-għoti tal-ekotikketta Komunitarja għaż-żebgħa u l-verniċ ta’ barra (6) tiskadi fit-18 ta’ Awwissu 2012. |
(6) |
Id-Deċiżjoni tal-Kummissjoni 2009/544/KE tat-13 ta’ Awwissu 2008 li tistabbilixxi l-kriterji ekoloġiċi għall-għoti tal-ekotikketta Komunitarja għaż-żebgħa u l-verniċ ta’ ġewwa (7) tiskadi fit-18 ta’ Awwissu 2012. |
(7) |
Skont ir-Regolament (KE) Nru 66/2010, saret reviżjoni f’waqtha tal-kriterji ekoloġiċi, kif ukoll tar-rekwiżiti relatati ta’ valutazzjoni u verifika, stabbiliti minn dawk id-Deċiżjonijiet. |
(8) |
Minħabba l-istadji differenti tal-proċess tar-reviżjoni għal dawk id-Deċiżjonijiet, huwa xieraq li jittawlu l-perjodi ta’ validità tal-kriterji ekoloġiċi u r-rekwiżiti relatati ta’ valutazzjoni u verifika li huma jistabbilixxu. Il-perjodu ta’ validità tal-kriterji ekoloġiċi u r-rekwiżiti relatati ta’ valutazzjoni u verifika stabbiliti fid-Deċiżjonijiet 2006/799/KE u 2007/64/KE għandu jittawwal sal-31 ta’ Diċembru 2013. Il-perjodu ta’ validità tal-kriterji ekoloġiċi u r-rekwiżiti relatati ta’ valutazzjoni u verifika stabbiliti fid-Deċiżjoni 2007/506/KE għandu jittawwal sal-31 ta’ Marzu 2013. Il-perjodu ta’ validità tal-kriterji ekoloġiċi u r-rekwiżiti relatati ta’ valutazzjoni u verifika stabbiliti fid-Deċiżjoni 2007/742/KE għandu jittawwal sal-31 ta’ Marzu 2013, filwaqt li l-perjodu ta’ validità tal-kriterji ekoloġiċi u r-rekwiżiti relatati ta’ valutazzjoni u verifika stabbiliti fid-Deċiżjonijiet 2009/543/KE u 2009/544/KE għandu jittawwal sat-30 ta’ Ġunju 2013. |
(9) |
Għalhekk, id-Deċiżjonijiet 2006/799/KE, 2007/64/KE, 2007/506/KE, 2007/742/KE, 2009/543/KE u 2009/544/KE għandhom jiġu emendati kif xieraq. |
(10) |
Il-miżuri pprovduti f’din id-Deċiżjoni huma skont l-opinjoni tal-Kumitat imwaqqaf permezz tal-Artikolu 16 tar-Regolament (KE) Nru 66/2010, |
ADOTTAT DIN ID-DEĊIŻJONI:
Artikolu 1
L-Artikolu 6 tad-Deċiżjoni 2006/799/KE għandu jinbidel b’dan li ġej:
“Artikolu 6
Il-kriterji ekoloġiċi għall-grupp ta’ prodotti tal-“materjali li jtejbu l-ħamrija” u r-rekwiżiti ta’ valutazzjoni u verifika marbutin magħhom għandhom jibqgħu validi sal-31 ta’ Diċembru 2013.”.
Artikolu 2
L-Artikolu 5 tad-Deċiżjoni 2007/64/KE għandu jinbidel b’dan li ġej:
“Artikolu 5
Il-kriterji ekoloġiċi għall-grupp ta’ prodotti tal-“midja tat-tkabbir” u r-rekwiżiti ta’ valutazzjoni u verifika marbutin magħhom għandhom jibqgħu validi sal-31 ta’ Diċembru 2013.”.
Artikolu 3
L-Artikolu 4 tad-Deċiżjoni 2007/506/KE għandu jinbidel b’dan li ġej:
“Artikolu 4
Il-kriterji ekoloġiċi għall-grupp ta’ prodotti tas-“spapen, xampus u conditioners tax-xagħar” u r-rekwiżiti ta’ valutazzjoni u verifika marbutin magħhom għandhom jibqgħu validi sal-31 ta’ Marzu 2013.”.
Artikolu 4
L-Artikolu 4 tad-Deċiżjoni 2007/742/KE għandu jinbidel b’dan li ġej:
“Artikolu 4
Il-kriterji ekoloġiċi għall-grupp ta’ prodotti tal-“pompi tas-sħana mħaddma bl-elettriku, bil-gass jew bl-assorbiment tal-gass” u r-rekwiżiti ta’ valutazzjoni u verifika marbutin magħhom għandhom jibqgħu validi sal-31 ta’ Marzu 2013.”.
Artikolu 5
L-Artikolu 3 tad-Deċiżjoni 2009/543/KE għandu jinbidel b’dan li ġej:
“Artikolu 3
Il-kriterji ekoloġiċi għall-grupp ta’ prodotti taż-“żebgħa u l-verniċ ta’ barra” u r-rekwiżiti ta’ valutazzjoni u verifika marbutin magħhom għandhom jibqgħu validi sat-30 ta’ Ġunju 2013.”.
Artikolu 6
L-Artikolu 3 tad-Deċiżjoni 2009/544/KE għandu jinbidel b’dan li ġej:
“Artikolu 3
Il-kriterji ekoloġiċi għall-grupp ta’ prodotti taż-“żebgħa u l-verniċ ta’ ġewwa” u r-rekwiżiti ta’ valutazzjoni u verifika marbutin magħhom għandhom jibqgħu validi sat-30 ta’ Ġunju 2013.”.
Artikolu 7
Din id-Deċiżjoni hija indirizzata lill-Istati Membri.
Magħmul fi Brussell, l-14 ta’ Novembru 2011.
Għall-Kummissjoni
Janez POTOČNIK
Membru tal-Kummissjoni
(2) ĠU L 322M, 2.12.2008, p. 291.
(3) ĠU L 322M, 2.12.2008, p. 489.
(4) ĠU L 186, 18.7.2007, p. 36.
(5) ĠU L 301, 20.11.2007, p. 14.
(6) ĠU L 181, 14.7.2009, p. 27.
(7) ĠU L 181, 14.7.2009, p. 39.