EUR-Lex Access to European Union law
This document is an excerpt from the EUR-Lex website
Document 32010R0585
Commission Regulation (EU) No 585/2010 of 2 July 2010 amending Regulation (EC) No 2535/2001 laying down detailed rules for applying Council Regulation (EC) No 1255/1999 as regards the import arrangements for milk and milk products and opening tariff quotas
Regolament tal-Kummissjoni (UE) Nru 585/2010 tat- 2 ta’ Lulju 2010 li jemenda r-Regolament (KE) Nru 2535/2001 li jipprovdi regoli dettaljati biex ikun applikat ir-Regolament tal-Kunsill (KE) Nru 1255/1999 rigward l-arranġamenti tal-importazzjoni tal-ħalib u tal-prodotti tal-ħalib u biex jinfetħu kwoti tat-tariffa
Regolament tal-Kummissjoni (UE) Nru 585/2010 tat- 2 ta’ Lulju 2010 li jemenda r-Regolament (KE) Nru 2535/2001 li jipprovdi regoli dettaljati biex ikun applikat ir-Regolament tal-Kunsill (KE) Nru 1255/1999 rigward l-arranġamenti tal-importazzjoni tal-ħalib u tal-prodotti tal-ħalib u biex jinfetħu kwoti tat-tariffa
ĠU L 169, 3.7.2010, p. 1–2
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 31/12/2020; Impliċitament imħassar minn 32020R0760
3.7.2010 |
MT |
Il-Ġurnal Uffiċjali tal-Unjoni Ewropea |
L 169/1 |
REGOLAMENT TAL-KUMMISSJONI (UE) Nru 585/2010
tat-2 ta’ Lulju 2010
li jemenda r-Regolament (KE) Nru 2535/2001 li jipprovdi regoli dettaljati biex ikun applikat ir-Regolament tal-Kunsill (KE) Nru 1255/1999 rigward l-arranġamenti tal-importazzjoni tal-ħalib u tal-prodotti tal-ħalib u biex jinfetħu kwoti tat-tariffa
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (Ir-Regolament Waħdieni dwar l-OKS) (1), u b’mod partikolari l-Artikolu 144(1) u l-Artikolu 148 tiegħu, flimkien mal-Artikolu 4 tiegħu,
Billi:
(1) |
L-Artikolu 19a tar-Regolament (KE) Nru 2535/2001 (2) jirreferi għall-kwoti tat-tariffa amministrati skont l-Artikoli 308a, 308b u 308c(1) tar-Regolament tal-Kummissjoni (KEE) Nru 2454/93 tat-2 ta’ Lulju 1993 li jiffissa d-dispożizzjonijiet għall-implementazzjoni tar-Regolament tal-Kunsill (KEE) Nru 2913/92 li jistabbilixxi l-Kodiċi Doganali Komunitarju (3). Dawn il-kwoti jinkludu wkoll il-kwoti pprovduti bir-Regolament tal-Kunsill (KE) Nru 747/2001 tad-9 ta’ April 2001 li jipprovdi għall-amministrazzjoni ta’ tariffa ta’ kwoti tal-Komunità u ta’ kwantitajiet ta’ referenza għall-prodotti eliġibbli għal preferenzi bis-saħħa ta’ ftehim ma ċerti pajjiżi tal-Mediterran (4). |
(2) |
Ftehim fil-forma ta’ Skambju ta’ Ittri bejn il-Komunità Ewropea u l-Istat tal-Iżrael dwar miżuri ta’ liberalizzazzjoni reċiproċi fir-rigward ta’ prodotti agrikoli, prodotti agrikoli pproċessati kif ukoll ta’ ħut u ta’ prodotti tal-ħut, is-sostituzzjoni tal-Protokolli 1 u 2 u l-annessi tagħhom u l-emendi għall-Ftehim Ewro-Mediterranju li jistabbilixxi assoċjazzjoni bejn il-Komunitajiet Ewropej u l-Istati Membri tagħhom, minn naħa waħda, ġie konkluż fl-2008. Dan il-Ftehim, minn issa ’l quddiem magħruf bħala “il-Ftehim”, ġie approvat bid-Deċiżjoni tal-Kunsill 2009/855/KE (5). |
(3) |
Il-Ftehim jipprovdi għal kwoti ġodda ta’ tariffa għal prodotti agrikoli u prodotti agrikoli pproċessati li joriġinaw mill-Iżrael. |
(4) |
Għalhekk, ir-Regolament (KE) Nru 747/2001 kif emendat bir-Regolament tal-Kummsissjoni (KE) Nru 1154/2009 (6) jipprovdi għal żieda fil-kwota tal-prodott tal-ħalib li jaqa’ taħt il-kodiċi NM 0404 10 sa mill-1 ta’ Jannar 2010. |
(5) |
Ir-Regolament (KE) Nru 2535/2001 għalhekk għandu jiġi emendat skont dan. |
(6) |
L-emenda proposta għandha tapplika sa mill-1 ta’ Jannar 2010, id-data li fiha l-Ftehim daħal fis-seħħ u saret applikabbli l-emenda korrispondenti tar-Regolament (KE) Nru 747/2001. |
(7) |
Il-miżuri pprovduti f’dan ir-Regolament huma skont l-opinjoni tal-Kumitat ta’ Ġestjoni għall-Organizzazzjoni Komuni tas-Swieq Agrikoli, |
ADOTTAT DAN IR-REGOLAMENT:
Artikolu 1
Fl-Anness VIIa għar-Regolament (KE) Nru 2535/2001, punt 2 jinbidel b’dan li ġej:
“2. Il-kwota tat-tariffa taħt l-Anness VII għar-Regolament (KE) Nru 747/2001 fir-rigward ta’ ċerti prodotti agrikoli li joriġinaw fl-Iżrael:
Kwota Nru |
Kodiċi NM |
Deskrizzjoni (7) |
Rata applikabbli tad-dazju |
Kwantitajiet annwali f’tunnellati Bażi = sena kalendarja |
09.1302 |
0404 10 |
Xorrox u xorrox modifikat |
Eżenzjoni |
1 300 |
Artikolu 2
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Jannar 2010.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-2 ta’ Lulju 2010.
Għall-Kummissjoni
Il-President
José Manuel BARROSO
(1) ĠU L 299, 16.11.2007, p. 1.
(2) ĠU L 341, 22.12.2001, p. 29.
(3) ĠU L 253, 11.10.1993, p. 1.
(4) ĠU L 109, 19.4.2001, p. 2.
(5) ĠU L 313, 28.11.2009, p. 81.
(6) ĠU L 313, 28.11.2009, p. 52.
(7) Minkejja r-regoli tal-interpretazzjoni tan-Nomenklatura Magħquda, il-kitba tad-deskrizzjoni tal-prodotti għandha titqies li għandha valur indikattiv biss, ladarba, fil-kuntest ta’ dan l-Anness, l-arranġamenti preferenzjali għandhom jiġu ddeterminati mill-kopertura tal-kodiċijiet tan-NM. Fejn hemm referenza għall-kodiċijiet tan-NM, l-applikabbiltà tal-arranġamenti preferenzjali tiġi ddeterminata abbażi tal-kodiċi NM u d-deskrizzjoni korrispondenti, meħudin flimkien.”