Edizzjoni speċjali bil-Kroat: Kapitolu 13 Volum 043 P. 248 - 250
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32010L0059
Commission Directive 2010/59/EU of 26 August 2010 amending Directive 2009/32/EC of the European Parliament and of the Council on the approximation of the laws of the Member States on extraction solvents used in the production of foodstuffs and food ingredients Text with EEA relevance
Direttiva tal-Kummissjoni 2010/59/UE tas- 26 ta' Awwissu 2010 li temenda d-Direttiva 2009/32/KE tal-Parlament Ewropew u tal-Kunsill dwar l-approssimazzjoni tal-liġijiet tal-Istati Membri rigward is-solventi ta' estrazzjoni użati fil-produzzjoni tal-oġġetti tal-ikel u l-ingredjenti tal-ikel Test b’relevanza għaż-ŻEE
Direttiva tal-Kummissjoni 2010/59/UE tas- 26 ta' Awwissu 2010 li temenda d-Direttiva 2009/32/KE tal-Parlament Ewropew u tal-Kunsill dwar l-approssimazzjoni tal-liġijiet tal-Istati Membri rigward is-solventi ta' estrazzjoni użati fil-produzzjoni tal-oġġetti tal-ikel u l-ingredjenti tal-ikel Test b’relevanza għaż-ŻEE
ĠU L 225, 27.8.2010, p. 10–12
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
27.8.2010 |
MT |
Il-Ġurnal Uffiċjali tal-Unjoni Ewropea |
L 225/10 |
DIRETTIVA TAL-KUMMISSJONI 2010/59/UE
tas-26 ta' Awwissu 2010
li temenda d-Direttiva 2009/32/KE tal-Parlament Ewropew u tal-Kunsill dwar l-approssimazzjoni tal-liġijiet tal-Istati Membri rigward is-solventi ta' estrazzjoni użati fil-produzzjoni tal-oġġetti tal-ikel u l-ingredjenti tal-ikel
(Test b’relevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2009/32/KE tal-Parlament Ewropew u tal-Kunsill tat-23 ta’ April 2009 dwar l-approssimazzjoni tal-liġijiet tal-Istati Membri rigward is-solventi ta' estrazzjoni użati fil-produzzjoni tal-oġġetti tal-ikel u l-ingredjenti tal-ikel (1), u b'mod partikolari l-Artikolu 4 tagħha,
Billi:
|
(1) |
Id-Direttiva 2009/32/KE tapplika għas-solventi ta' estrazzjoni użati jew maħsuba biex jintużaw fil-produzzjoni tal-oġġetti tal-ikel jew tal-ingredjenti tal-ikel. Din id-Direttiva ma tapplikax għas-solventi ta' estrazzjoni użati fil-produzzjoni ta' addittivi fl-ikel, vitamini jew addittivi nutrijenti oħra, għajr jekk addittivi fl-ikel bħal dawn, vitamini jew addittivi nutrijenti huma elenkati fl-Anness I tagħha. L-Awtorità Ewropea dwar is-Sikurezza Alimentari (“l-Awtorità”) evalwat is-sikurezza tad-dimethyl ether bħala solvent ta' estrazzjoni biex jitneħħa x-xaħam mill-materja prima tal-proteini tal-annimali u esprimiet l-opinjoni tagħha fid-29 ta' Jannar 2009 (2). L-Awtorità kkonkludiet li m'hemm l-ebda tħassib għas-sikurezza sakemm il-limitu tar-residwu massimu ta' dimethyl ether huwa ta' 9 μg/kg ta' proteini estratti mill-annimali. Għalhekk l-użu ta' dimethyl ether bħala solvent ta' estrazzjoni biex jitneħħa x-xaħam mill-materja prima tal-proteini tal-annimali għandu jiġi awtorizzat skont il-kundizzjoni ta' limitu ta' residwu massimu ta' dimethyl ether ta' 9 μg/kg fil-prodott ta' proteina bix-xaħam imneħħi. |
|
(2) |
Il-Parti III tal-Anness I tad-Direttiva 2009/32/KE ma tistipulax limiti speċifiċi tar-residwi fl-ikel għall-methanol u propan-2-ol li jirriżultaw mill-preparazzjoni ta' taħwir. L-Istati Membri u l-Kummissjoni enfasizzaw li l-limitu ta' residwu ġenerali ta' 10 mg / kg għall-methanol u propan-2-ol, kif stipulat fil-Parti II tal-Anness I tad-Direttiva 2009/32/KE, huwa strett wisq jekk jkun applikat direttament għall-ħwawar. |
|
(3) |
Għalhekk għandhom jiġu stabbiliti limiti speċifiċi fl-ikel għall-methanol u propan-2-ol li jirriżultaw mill-użu tagħhom għall-preparazzjoni ta' taħwir minn materjali naturali tat-taħwir. Dawk il-limiti għandhom ikunu aktar baxxi mil-limitu ta' 10 mg/kg evalwat bħala mingħajr periklu mill-Kumitat Xjentifiku għall-Ikel (3), sabiex jiġu meqjus bħala mingħajr periklu. |
|
(4) |
Il-miżuri stipulati f’din id-Direttiva huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali u la l-Parlament Ewropew u lanqas il-Kunsill ma opponihom, |
ADOTTAT DIN ID-DIRETTIVA:
Artikolu 1
L-Anness I tad-Direttiva 2009/32/KE huwa emendat skont l-Anness għal din id-Direttiva.
Artikolu 2
1. L-Istati Membri għandhom idaħħlu fis-seħħ il-liġijiet, regolamenti u dispożizzjonijiet amministrattivi neċessarji biex jikkonformaw ma’ din id-Direttiva sa mhux aktar tard mill-15 ta’ Settembru 2011. Huma għandhom jikkomunikaw minnufih lill-Kummissjoni t-test ta’ dawn id-dispożizzjonijiet.
Meta l-Istati Membri jadottaw dawn id-dispożizzjonijiet, dawn għandu jkollhom referenza għal din id-Direttiva jew ikunu akkumpanjati mit-tali referenza waqt il-pubblikazzjoni uffiċjali tagħhom. L-Istati Membri għandhom jiddeċiedu kif għandha ssir it-tali referenza.
2. L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li huma jadottaw fil-qasam kopert minn din id-Direttiva.
Artikolu 3
Din id-Direttiva għandha tidħol fis-seħħ fl-għoxrin jum wara l-pubblikazzjoni tagħha f'Il-Ġurnal Uffiċjali tal-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmul fi Brussell, is-26 ta’ Awwissu 2010.
Għall-Kummissjoni
Il-President
José Manuel BARROSO
(2) Opinjoni xjentifika tal-bord dwar Materjali ta' Kuntatt mal-Ikel, Enżimi, Ħwawar u għajnuniet għall-Ipproċessar (CEF) fuq talba mill-Kummissjoni Ewropea dwar is-sikurezza fl-użu ta' dimethyl ether bħala solvent ta' estrazzjoni. The EFSA Journal (2009) 983, 1-13.
(3) Kumitat Xjentifiku għall-Ikel It-tieni opinjoni dwar is-solventi ta' estrazzjoni espressa fil-21 ta' Ġunju 1991. Rapport dwar Ikel, Xjenza u Teknika tal-Kumitat Xjentifiku għall-Ikel (serje nru 29), p. 1-11.
ANNESS
L-Anness I tad-Direttiva 2009/32/KE hu emendat kif ġej:
|
1. |
Fil-Parti II, tiżdied ir-ringiela li ġejja:
|
|
2. |
Fil-Parti III jiżdiedu r-ringieli li ġejjin:
|