Edizzjoni speċjali bil-Kroat: Kapitolu 03 Volum 052 P. 55 - 55
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32008D0661
2008/661/EC: Commission Decision of 1 August 2008 amending Decision 2007/182/EC on a survey for chronic wasting disease in cervids (notified under document number C(2008) 3986) (Text with EEA relevance)
2008/661/KE: Deċiżjoni tal-Kummissjoni ta' l- 1 ta' Awwissu 2008 li temenda d-Deċiżjoni 2007/182/KE dwar stħarriġ għall-marda ta' tnewwin kroniku fiċ-ċriev (notifikata taħt id-dokument numru C(2008) 3986) Test b’relevanza għaż-ŻEE
2008/661/KE: Deċiżjoni tal-Kummissjoni ta' l- 1 ta' Awwissu 2008 li temenda d-Deċiżjoni 2007/182/KE dwar stħarriġ għall-marda ta' tnewwin kroniku fiċ-ċriev (notifikata taħt id-dokument numru C(2008) 3986) Test b’relevanza għaż-ŻEE
ĠU L 215, 12.8.2008, p. 8–8
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
No longer in force, Date of end of validity: 19/11/2017; Impliċitament imħassar minn 32017R1972
Language
HTML
PDF
Official Journal
|
12.8.2008 |
MT |
Il-Ġurnal Uffiċjali ta’ l-Unjoni Ewropea |
L 215/8 |
DEĊIŻJONI TAL-KUMMISSJONI
ta' l-1 ta' Awwissu 2008
li temenda d-Deċiżjoni 2007/182/KE dwar stħarriġ għall-marda ta' tnewwin kroniku fiċ-ċriev
(notifikata taħt id-dokument numru C(2008) 3986)
(Test b’relevanza għaż-ŻEE)
(2008/661/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament (KE) Nru 999/2001 tal-Parlament Ewropew u tal-Kunsill tat-22 ta' Mejju 2001 li jistipula regoli għall-prevenzjoni, il-kontroll u l-eradikazzjoni ta' ċerti enċefalopatiji sponġiformi li jinxterdu (1), u b'mod partikolari l-Artikolu 6(1) tiegħu,
Billi:
|
(1) |
Ir-Regolament (KE) Nru 999/2001 jistabbilixxi regoli għall-prevenzjoni, kontroll u eradikazzjoni ta' ċerta enċefalopatija sponġiformi li tinxtered (TSEs) fl-annimali. |
|
(2) |
Il-marda ta' tnewwin kroniku hija EST li taffettwa ċ-ċriev, mifruxa fl-Amerika ta' Fuq iżda li s'issa qatt ma ġiet irrapportata fil-Komunità. |
|
(3) |
Id-Deċiżjoni tal-Kummissjoni 2007/182/KE tad-19 ta' Marzu 2007 dwar stħarriġ għall-marda ta' tnewwin kroniku fiċ-ċriev (2) ġiet adottata wara opinjoni ppubblikata mill-Awtorità Ewropea tas-Sigurtà ta' l-Ikel (EFSA) li rrakkomandat li għandha titwettaq sorveljanza mmirata taċ-ċriev fil-Komunità. |
|
(4) |
Id-Deċiżjoni 2007/182/KE tistipula regoli għal stħarriġ sabiex tiġi żvelata l-preżenza tal-marda ta' tnewwin kroniku fiċ-ċriev li għandu jitwettaq skond ċerti rekwiżiti minimi. Hija tipprevedi li l-Istati Membri għandhom itemmu l-istħarriġ tagħhom sa mhux aktar tard minn tmiem l-istaġun tal-kaċċa ta' l-2007. |
|
(5) |
Abbażi tar-rapporti preliminari annwali li waslu għand il-Kummissjoni s'issa mill-Istati Membri skond id-Deċiżjoni 2007/182/KE, jidher li ċerti Stati Membri ma kellhomx żmien biżżejjed sabiex jiksbu l-għadd ta' kampjuni mitlub minn dik id-Deċiżjoni. |
|
(6) |
Sabiex issir valutazzjoni statistikament robusta tad-data ta' l-istħarriġ mill-EFSA, jeħtieġ li l-Istati Membri kkonċernati jingħataw aktar żmien sabiex jilħqu l-miri stipulati fid-Deċiżjoni 2007/182/KE. Għalhekk huwa xieraq li tittawwal id-data għat-tlestija ta' l-istħarriġ b'perjodu addizzjonali ta' sena. |
|
(7) |
Id-Deċiżjoni 2007/182/KE għandha għalhekk tiġi emendata skond dan. |
|
(8) |
Il-miżuri stipulati f'din id-Deċiżjoni huma skond l-opinjoni tal-Kumitat Permanenti għall-Katina Alimentari u s-Saħħa ta’ l-Annimali, |
ADOTTAT DIN ID-DEĊIŻJONI:
Artikolu 1
Id-Deċiżjoni 2007/182/KE hi emendata kif ġej:
|
(1) |
Fl-Artikolu 3(2) is-sena “2007” tinbidel b' “2008”. |
|
(2) |
Fil-punt 2 ta' l-Anness IV jiżdied il-paragrafu li ġej: “Ir-rapport ta' l-2008 għandu jinkludi r-riżultati ta' l-istaġun tal-kaċċa ta' l-2008, ukoll meta wħud mill-kampjuni jkunu ttieħdu fl-2009.” |
Artikolu 2
Din id-Deċiżjoni hija indirizzata lill-Istati Membri.
Magħmula fi Brussell, 1 ta’ Awwissu 2008.
Għall-Kummissjoni
Androulla VASSILIOU
Membru tal-Kummissjoni
(1) ĠU L 147, 31.5.2001, p. 1. Ir-Regolament kif emendat l-aħħar bir-Regolament tal-Kummissjoni (KE) Nru 571/2008 (ĠU L 161, 20.6.2008, p. 4).
(2) ĠU L 84, 24.3.2007, p. 37.