Edizzjoni speċjali bil-Kroat: Kapitolu 19 Volum 016 P. 121 - 122
English
Select your language
Official EU languages:
Access to European Union law
EUR-Lex
Access to European Union law
This document is an excerpt from the EUR-Lex website
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Need more search options? Use the
Advanced search
Document 32008D0040
Council Decision of 6 December 2007 concerning the accession of Bulgaria and Romania to the Convention, drawn up on the basis of Article K.3 of the Treaty on European Union, on the protection of the European Communities’ financial interests, the Protocol of 27 September 1996 , the Protocol of 29 November 1996 and the Second Protocol of 19 June 1997
Deċiżjoni tal-Kunsill tas- 6 ta’ Diċembru 2007 dwar l-adeżjoni tal-Bulgarija u tar-Rumanija mal-Konvenzjoni, imfassla abbażi ta’ l-Artikolu K.3 tat-Trattat dwar l-Unjoni Ewropea, dwar il-protezzjoni ta’ l-interessi finanzjarji tal-Komunitajiet Ewropej, mal-Protokoll tas- 27 ta’ Settembru 1996 , mal-Protokoll tad- 29 ta’ Novembru 1996 u mat-Tieni Protokoll tad- 19 ta’ Ġunju 1997
Deċiżjoni tal-Kunsill tas- 6 ta’ Diċembru 2007 dwar l-adeżjoni tal-Bulgarija u tar-Rumanija mal-Konvenzjoni, imfassla abbażi ta’ l-Artikolu K.3 tat-Trattat dwar l-Unjoni Ewropea, dwar il-protezzjoni ta’ l-interessi finanzjarji tal-Komunitajiet Ewropej, mal-Protokoll tas- 27 ta’ Settembru 1996 , mal-Protokoll tad- 29 ta’ Novembru 1996 u mat-Tieni Protokoll tad- 19 ta’ Ġunju 1997
ĠU L 9, 12.1.2008, p. 23–24
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
Language
HTML
PDF
Official Journal
|
12.1.2008 |
MT |
Il-Ġurnal Uffiċjali ta’ l-Unjoni Ewropea |
L 9/23 |
DEĊIŻJONI TAL-KUNSILL
tas-6 ta’ Diċembru 2007
dwar l-adeżjoni tal-Bulgarija u tar-Rumanija mal-Konvenzjoni, imfassla abbażi ta’ l-Artikolu K.3 tat-Trattat dwar l-Unjoni Ewropea, dwar il-protezzjoni ta’ l-interessi finanzjarji tal-Komunitajiet Ewropej, mal-Protokoll tas-27 ta’ Settembru 1996, mal-Protokoll tad-29 ta’ Novembru 1996 u mat-Tieni Protokoll tad-19 ta’ Ġunju 1997
(2008/40/ĠAI)
IL-KUNSILL TA’ L-UNJONI EWROPEA,
Wara li kkunsidra t-Trattat dwar l-Unjoni Ewropea,
Wara li kkunsidra l-Att ta’ l-Adeżjoni ta’ l-2005, u partikolarment l-Artikolu 3(4) tiegħu,
Wara li kkunsidra r-rakkommandazzjoni mill-Kummissjoni,
Wara li kkunsidra l-opinjoni tal-Parlament Ewropew (1),
Billi:
|
(1) |
Il-Konvenzjoni, imfassla abbażi ta’ l-Artikolu K.3 tat-Trattat dwar l-Unjoni Ewropea, dwar il-protezzjoni ta’ l-interessi finanzjarji tal-Komunitajiet Ewropej (2) (minn hawn 'il quddiem “il-Konvenzjoni”) saret fi Brussell fis-26 ta’ Lulju 1995 u daħlet fis-seħħ fis-17 ta’ Ottubru 2002. |
|
(2) |
Il-Konvenzjoni ġiet supplimentata mill-Protokoll, imfassal abbażi ta’ l-Artikolu K.3 tat-Trattat dwar l-Unjoni Ewropea, għall-Konvenzjoni dwar il-protezzjoni ta’ l-interessi finanzjarji tal-Komunitajiet Ewropej (3) (minn hawn 'il quddiem “il-Protokoll tas-27 ta’ Settembru 1996”) li sar fi Brussell fis-27 ta’ Settembru 1996, u l-Protokoll, imfassal abbażi ta’ l-Artikolu K.3 tat-Trattat dwar l-Unjoni Ewropea, dwar l-interpretazzjoni, permezz ta’ deċiżjonijiet preliminari, mill-Qorti tal-Ġustizzja tal-Komunitajiet Ewropej tal-Konvenzjoni dwar il-protezzjoni ta’ l-interessi finanzjarji tal-Komunitajiet Ewropej (4) (minn hawn 'il quddiem magħruf bħala “il-Protokoll tad-29 ta’ Novembru 1996”) li sar fi Brussell fid-29 ta’ Novembru 1996. Iż-żewġ Protokolli daħlu fis-seħħ fis-17 ta’ Ottubru 2002. |
|
(3) |
Il-Konvenzjoni ġiet ulterjorment supplimentata mit-Tieni Protokoll, imfassal abbażi ta’ l-Artikolu K.3 tat-Trattat dwar l-Unjoni Ewropea, għall-Konvenzjoni dwar il-protezzjoni ta’ l-interessi finanzjarji tal-Komunitajiet Ewropej (5) (minn hawn 'il quddiem “it-Tieni Protokoll tad-19 ta’ Ġunju 1997”) li sar fi Brussell fid-19 ta’ Ġunju 1997, iżda li għadu ma daħalx fis-seħħ. |
|
(4) |
L-Artikolu 3(3) ta’ l-Att ta’ l-Adeżjoni ta’ l-2005 jipprovdi li l-Bulgarija u r-Rumanija jaderixxu mal-konvenzjonijiet u l-protokolli elenkati fl-Anness I ma’ l-Att ta’ l-Adeżjoni, li jinkludu fost oħrajn il-Konvenzjoni, il-Protokoll tas-27 ta’ Settembru 1996, il-Protokoll tad-29 ta’ Novembru 1996 u t-Tieni Protokoll tad-19 ta’ Ġunju 1997. Il-konvenzjonijiet u l-protokolli elenkati fl-Anness I ma’ l-Att ta’ l-Adeżjoni ta’ l-2005 għandhom jidħlu fis-seħħ fir-rigward tal-Bulgarija u tar-Rumanija fid-data li tiġi determinata mill-Kunsill, |
IDDEĊIEDA KIF ĠEJ:
Artikolu 1
It-testi tal-Konvenzjoni, tal-Protokoll tas-27 ta’ Settembru 1996, tal-Protokoll tad-29 ta’ Novembru 1996 u tat-Tieni Protokoll tad-19 ta’ Ġunju 1997, imfassla bil-lingwa Bulgara u bil-lingwa Rumena (6), għandhom ikunu awtentiċi skond l-istess kondizzjonijiet bħat-testijiet oħra tagħhom.
Artikolu 2
1. Il-Konvenzjoni, il-Protokoll tas-27 ta’ Settembru 1996 u l-Protokoll tad-29 ta’ Novembru 1996 għandhom jidħlu fis-seħħ fir-rigward tal-Bulgarija u tar-Rumanija fl-ewwel ġurnata ta’ l-ewwel xahar wara d-data ta’ l-adozzjoni ta’ din id-Deċiżjoni, sakemm ma jkunux laħqu daħlu fis-seħħ għall-Bulgarija u r-Rumanija qabel dik id-data.
2. It-Tieni Protokoll tad-19 ta’ Ġunju 1997 għandu jidħol fis-seħħ fir-rigward tal-Bulgarija u tar-Rumanija fid-data li fiha jidħol fis-seħħ fir-rigward ta’ l-Istat li, bħala membru ta’ l-Unjoni Ewropea fid-data ta’ l-adozzjoni mill-Kunsill ta’ l-att li bih ikun tfassal dak il-Protokoll (7), ikun l-aħħar wieħed li jwettaq il-formalità tan-notifika msemmija fl-Artikolu 16(2) tiegħu.
Artikolu 3
Din id-Deċiżjoni għandha jkollha effett fil-jum wara dak tal-pubblikazzjoni tagħha fil-Ġurnal Uffiċjali ta’ l-Unjoni Ewropea.
Magħmula fi Brussell, 6 ta’ Diċembru 2007.
Għall-Kunsill
Il-President
A. COSTA
(1) Opinjoni tat-23 ta’ Ottubru 2007 (għadha mhijiex ippubblikata fil-Ġurnal Uffiċjali).
(2) ĠU C 316, 27.11.1995, p. 49.
(3) ĠU C 313, 23.10.1996, p. 2.
(4) ĠU C 151, 20.5.1997, p. 2.
(5) GU C 221, 19.7.1997, p. 12.
(6) It-test Bulgaru u t-test Rumen tal-Konvenzjoni u tal-Protokolli għalihom għandhom jiġu ppubblikati f’edizzjoni speċjali tal-Ġurnal Uffiċjali f’data aktar tard.
(7) Att tal-Kunsill tad-19 ta’ Ġunju 1997 li jfassal it-Tieni Protokoll għall-Konvenzjoni dwar il-protezzjoni ta’ l-interessi finanzjarji tal-Komunitajiet Ewropej (ĠU C 221, 19.7.1997, p. 11).