This document is an excerpt from the EUR-Lex website
Document 32006R1943
Council Regulation (EC) No 1943/2006 of 12 December 2006 amending Regulation (EC) No 876/2002 setting up the Galileo Joint Undertaking
Regolament tal-Kunsill (KE) Nru 1943/2006 tat- 12 ta’ Diċembru 2006 li jemenda r-Regolament (KE) Nru 876/2002 li jistabbilixxi l-Impriża Konġunta GALILEO
Regolament tal-Kunsill (KE) Nru 1943/2006 tat- 12 ta’ Diċembru 2006 li jemenda r-Regolament (KE) Nru 876/2002 li jistabbilixxi l-Impriża Konġunta GALILEO
ĠU L 367, 22.12.2006, p. 21–22
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 200M, 1.8.2007, p. 517–518
(MT)
No longer in force, Date of end of validity: 31/12/2013; Imħassar b' 32013R1285
1.8.2007 |
MT |
Il-Ġurnal Uffiċjali ta’ l-Unjoni Ewropea |
517 |
REGOLAMENT TAL-KUNSILL (KE) Nru 1943/2006
tat-12 ta’ Diċembru 2006
li jemenda r-Regolament (KE) Nru 876/2002 li jistabbilixxi l-Impriża Konġunta GALILEO
IL-KUNSILL TA’ L-UNJONI EWROPEA,
Wara li kkunsidra t-Trattat li jistabbilixxi l-Komunità Ewropea, u b'mod partikolari l-Artikolu 171 tiegħu,
Wara li kkunsidra l-proposta mill-Kummissjoni,
Wara li kkunsidra l-opinjoni tal-Parlament Ewropew (1),
Wara li kkunsidra l-opinjoni tal-Kumitat Ekonomiku u Soċjali Ewropew (2),
Billi:
(1) |
L-Impriża Konġunta Galileo ġiet stabbilita bir-Regolament (KE) Nru 876/2002 (3) tal-21 ta' Mejju 2002, għall-implimentazzjoni tal-fażi ta' żvilupp u għat-tħejjija tal-fażijiet suċċessivi tal-programm Galileo. |
(2) |
Ir-Regolament (KE) Nru 876/2002 jipprovdi li l-Impriża Konġunta Galileo tkun stabbilita għal perijodu ta' erba' snin, li jikkorrispondi għall-fażi ta' żvilupp, dan il-perijodu kien inizjalment maħsub li jkopri s-snin mill-2002 sa l-2005 inklużi. |
(3) |
Madankollu, skond kif inhu l-programm Galileo attwalment, il-fażi ta' żvilupp mhux ser tkun lesta qabel tmiem l-2008. Barra minn hekk, jidher li estensjoni ta' l-Impriża Konġunta Galileo lil hinn mill-2006 tkun inutli u għalja, billi l-Awtorità Ewropea ta' Sorveljanza tal-GNSS (*), stabbilita bir-Regolament (KE) Nru 1321/2004 (4) tat-12 ta' Lulju 2004 ser tkun tista' gradwalment tieħu kontroll, matul is-sena 2006, u mbagħad ittemm l-attivitajiet kollha li attwalment qed jitwettqu mill-Impriża Konġunta Galileo. |
(4) |
Sabiex l-Awtorità Ewropea ta' Sorveljanza tal-GNSS tkun tista' tieħu f'idejha l-attivitajiet ta' l-Impriża Konġunta Galileo bl-aħjar mod, huwa madankollu mixtieq li ż-żewġ strutturi jeżistu flimkien għal ftit xhur u li l-Awtorità Ewropea ta' Sorveljanza tal-GNSS tkun assoċjata mill-qrib ma' l-attivitajiet ta' l-Impriża Konġunta Galileo matul dan il-perijodu. |
(5) |
Għaldaqstant jidher raġonevoli li jkun previst li l-Impriża Konġunta Galileo tieqaf taħdem fil-31 ta' Diċembru 2006. |
(6) |
Barra minn hekk, sabiex jiġu kkoreġuti l-Istatuti ta' l-Impriża Konġunta Galileo adottati bir-Regolament (KE) Nru 876/2002, li fih diversi dispożizzjonijiet skorretti jew ambigwi, dawk l-Istatuti għandhom jiġu emendati. |
(7) |
Il-proċeduri ta' emendar rilevanti ġew segwiti skond ir-Regolament (KE) Nru 876/2002. |
(8) |
Ir-Regolament (KE) Nru 876/2002 għandu għalhekk jiġi emendat kif meħtieġ. |
ADOTTA DAN IR-REGOLAMENT:
Artikolu 1
Fl-ewwel paragrafu ta' l-Artikolu 1 tar-Regolament (KE) Nru 876/2002 il-frażi “għal perijodu ta' erba' snin” tiġi mibdula bil-frażi “sal-31 ta' Diċembru 2006”.
Artikolu 2
L-Istatuti ta' l-Impriża Konġunta Galileo annessi mar-Regolament (KE) Nru 876/2002 huma emendati kif ġej:
1) |
L-Artikolu 1(4) qed jiġi mibdul bit-test li ġej: “4. Il-fondi ta' l-Impriża Konġunta għandhom jikkonsistu mill-kontribuzzjonijiet tal-membri tagħha. Jistgħu jiddaħlu assi in natura. Dawn għandhom ikunu suġġetti għal evalwazzjoni tal-valur tagħhom u l-utilità tagħhom fit-twettieq ta' l-attivitajiet ta' l-Impriża Konġunta. Il-membri fundaturi għandhom jissottoskrivu l-ishma tagħhom tal-kontribuzzjonijiet finanzjarji sal-limitu ta' l-ammonti indikati fl-impenji rispettivi tagħhom ta' EUR 520 miljun għall-Komunità Ewropea u EUR 50 miljun għall-Aġenżija Spazjali Ewropea. Dawn jistgħu, kif meħtieġ, jagħmlu kontribuzzjonijiet addizzjonali biex jiffinanzjaw il-fażi ta' żvilupp. Malli l-Kummissjoni tkun infurmat lill-Kunsill bir-riżultat tal-proċedura tas-sejħa għall-offerti bl-appalt, il-Bord Amministrattiv għandu minnufih jistieden lill-impriżi msemmija fit-tieni inċiż tal-paragrafu 3(b) biex jissottoskrivu. L-impriżi huma meħtieġa li jissottoskrivu EUR 5 miljun fi żmien perjodu ta' sena. Dak l-ammont għandu jitnaqqas għal EUR 250 000 għal impriżi, li jissottoskrivu individwalment jew kollettivament, li jistgħu jitqiesu bħala intrapriżi żgħar jew ta' daqs medju skond it-tifsira tar-Rakkomandazzjoni tal-Kummissjoni tat-3 ta' April 1996 dwar id-definizzjoni ta' intrapriżi żgħar u ta' daqs medju (**). Il-Bord Amministrattiv għandu jiddeċiedi dwar l-ammonti ta' dawn il-kontribuzzjonijiet li għandu jiġi rilaxxat fi proporżjon mas-sehem tal-kontribuzzjoni finanzjarja sottoskritta minn kull membru. Kull membru ta' l-Impriża Konġunta li jonqos milli jħares l-impenji tiegħu dwar id-dħul ta' l-assi in natura jew li ma jirrilaxxax l-ammont dovut fil-limiti ta' żmien preskritti għandu, bħala l-ewwel pass, jiġi skwalifikat milli jivvota fil-Bord Amministrattiv u, wara sitt xhur, is-sħubija għandha titħassar sa dak iż-żmien li obbligazzjonijiet tiegħu jkunu tħarsu. L-impenji finanzjarji ta' l-Impriża Konġunta m'għandhomx jeċċedu l-ammont ta' kontribuzzjonijiet għad-dispożizzjoni tagħha. |
2) |
Fl-Artikolu 8(1)(b), it-tieni sentenza qed tiġi mibdula bis-sentenza li ġejja: “Kull membru ta' l-Impriża Konġunta għandu jkollu numru ta' voti b'mod proporzjonat għas-sehem tal-kontribuzzjonijiet sottoskritti minnu.”; |
3) |
L-Artikolu 20 qed jiġi mibdul bit-test li ġej: “Artikolu 20 L-Impriża Konġunta għandha tkun stabbilita għal perijodu li jibda fit-28 ta' Mejju 2002 u jintemm fil-31 ta' Diċembru 2006.” |
Artikolu 3
Dan ir-Regolament jidħol fis-seħħ fil-jum tal-pubblikazzjoni tiegħu fil-Ġurnal Uffiċjali ta' l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, 12 ta’ Diċembru 2006.
Għall-Kunsill
Il-President
S. HUOVINEN
(1) Opinjoni mogħtija fl-24 ta' Ottubru 2006 (għadha mhijiex pubblikata fil-Ġurnal Uffiċjali).
(2) Opinjoni mogħtija fit-12 ta' Ottubru 2006 (għadha mhijiex pubblikata fil-Ġurnal Uffiċjali).
(3) ĠU L 138, 28.5.2002, p. 1.
(*) GNSS: Global Navigation Satellite Systems — Sistemi Globali għan-Navigazzjoni bis-Satellita.
(4) ĠU L 246, 20.7.2004, p. 1.