31997D0139

Id-Deċiżjoni tal-Kummissjoni

tat-3 Frar 1997

li temenda d-Deċiżjoni 94/360/KE dwar il-frekwenza mnaqqsa ta’ verifiki fiżiċi ta’ konsenji ta’ ċerti prodotti li għandhom jiġu mportati minn pajjiżi terzi, skond id-Direttiva tal-Kunsill 90/675/KEE

(Test b’rilevanza għall-ŻEE)

(97/139/KE)

IL-KUMMISSJONI TAL-KOMUNITAJIET EWROPEJ,

Wara li kkunsidrat it-Trattat li jistabbilixxi l-Komunità Ewropea,

Wara li kkunsidrat id-Direttiva tal-Kunsill 90/675/KEE tal-10 ta’ Diċembru 1990 li tistipula l-prinċipji li jirregolaw l-organizzazzjoni ta’ verifiki veterinarji fuq prodotti li jkunu deħlin fil-Komunità minn pajjiżi terzi [1], kif l-aħħar emendat bid-Direttiva 96/43/KE [2]. u partikolarment l-Artikolu 8(3) li hemm fiha,

Billi l-Anness II tad-Deċiżjoni tal-Kummissjoni 94/360/KE tal-20 ta’ Mejju 1994 dwar il-frekwenza mnaqqsa ta’ verifiki fiżiċi ta’ konsenji ta’ ċerti prodotti li għandhom jiġu mportati minn pajjiżi terzi, skond id-Direttiva tal-Kunsill 90/675/KEE [3], kif l-aħħar emendata bid-Deċiżjoni 96/104/KE [4], għandha tiġi aġġornata fid-dawl tan-negozjati dwar ftehim veterinarji ma’ ċerti pajjiżi terzi u diskussjonijiet skond il-Ftehim ta’ l-ŻEE;

Billi l-miżuri li hemm provdut dwarhom f’din id-Deċiżjoni huma skond l-opinjoni tal-Kumitat Veterinarju Permanenti,

ADOTTAT DIN ID-DEĊIŻJONI:

Artikolu 1

Is-segwenti talbiet uffiċjali qegħdin jiġu miżjuda ma’ l-Anness II għad-Deċiżjoni 94/360/KE:

"— Fil-każ ta’ New Zealand, il-frekwenzi li hemm provdut dwarhom fid-Deċiżjoni tal-Kunsill 97/131/KE tas-17 ta’ Diċembru 1996 dwar il-konklużjoni ta’ Ftehim fil-forma ta’ Skambju ta’ Ittri dwar l-applikazzjoni proviżorja tal-Ftehim bejn il-Komunità Ewropea u New Zealand dwar miżuri sanitarji applikabbli għall-kummerċ ta’ annimali ħajjin u prodotti ta’ l-annimali [1] ĠU Nru L 57, tas-26.2.1997, p. 1..

— Fil-każ tan-Norveġja, l-Istati Membri huma awtorizzati li jżommu frekwenzi aktar baxxi minn dawk li hemm provdut dwarhom fl-Anness I.

— Fil-każ ta’ l-Islanda, fir-rigward tal-prodotti elenkati fl-Anness I, kategorija I, 2 u kategorija II, 6, l-Istati Membri huma awtorizzati li jżommu frekwenzi aktar baxxi minn dawk li hemm provdut dwarhom fl-Anness I."

Artikolu 2

Din id-Deċiżjoni hija indirizzata lill-Istati Membri.

Magħmul fi Brussel,fit-3 ta’ Frar 1997.

Għall-Kummissjoni

Franz Fischler

Membru tal-Kummissjoni

[1] ĠU Nru L 373, tal-31.12.1990, p. 1.

[2] ĠU Nru L 162, ta’ l-1.7.1996, p. 1.

[3] ĠU Nru L 158, tal-25.6.1994, p. 41.

[4] ĠU Nru L 24, tal-31.1.1996, p. 31.

--------------------------------------------------