This document is an excerpt from the EUR-Lex website
Document 02006R0698-20140101
Commission Regulation (EC) No 698/2006 of 5 May 2006 implementing Council Regulation (EC) No 530/1999 as regards quality evaluation of structural statistics on labour costs and earnings (Text with EEA relevance)
Consolidated text: Regolament tal-Kummissjoni (KE) Nru 698/2006 tal- 5 ta’ Mejju 2006 li jimplimenta r-Regolament tal-Kunsill (KE) Nru 530/1999 rigward l-evalwazzjoni tal-kwalità ta’ l-istatistiki strutturali dwar l-ispejjeż tax-xogħol u l-qligħ (Test b'rilevanza għaż-ŻEE)
Regolament tal-Kummissjoni (KE) Nru 698/2006 tal- 5 ta’ Mejju 2006 li jimplimenta r-Regolament tal-Kunsill (KE) Nru 530/1999 rigward l-evalwazzjoni tal-kwalità ta’ l-istatistiki strutturali dwar l-ispejjeż tax-xogħol u l-qligħ (Test b'rilevanza għaż-ŻEE)
2006R0698 — MT — 01.01.2014 — 002.001
Dan id-dokument ġie magħmul bil-ħsieb li jintuża bħala għodda ta’ dokumentazzjoni u l-istituzzjonijiet ma jassumu l-ebda responsabbiltà għall-kontenut tiegħu
|
REGOLAMENT TAL-KUMMISSJONI (KE) Nru 698/2006 tal-5 ta’ Mejju 2006 li jimplimenta r-Regolament tal-Kunsill (KE) Nru 530/1999 rigward l-evalwazzjoni tal-kwalità ta’ l-istatistiki strutturali dwar l-ispejjeż tax-xogħol u l-qligħ (ĠU L 121, 6.5.2006, p.30) |
Emendat bi:
|
|
|
Il-Ġurnal Uffiċjali |
||
|
No |
page |
date |
||
|
REGOLAMENT TAL-KUMMISSJONI (KE) Nru 1022/2009 tad-29 ta’ Ottubru 2009 |
L 283 |
3 |
30.10.2009 |
|
|
REGOLAMENT TAL-KUMMISSJONI (UE) Nru 317/2013 tat-8 ta’ April 2013 |
L 99 |
1 |
9.4.2013 |
|
REGOLAMENT TAL-KUMMISSJONI (KE) Nru 698/2006
tal-5 ta’ Mejju 2006
li jimplimenta r-Regolament tal-Kunsill (KE) Nru 530/1999 rigward l-evalwazzjoni tal-kwalità ta’ l-istatistiki strutturali dwar l-ispejjeż tax-xogħol u l-qligħ
(Test b'rilevanza għaż-ŻEE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat ir-Regolament tal-Kunsill (KE) Nru 530/1999 tad-9 ta' Marzu 1999 rigward statistiki strutturali dwar il-qligħ u l-ispejjeż tax-xogħol ( 1 ), u partikolarment punt (iv) ta’ l-Artikolu 11 tiegħu,
Billi:|
(1) |
Regolament (KE) Nru 530/1999 ġie implimentat mir-Regolamenti tal-Kummissjoni (KE) Nru 452/2000 ( 2 ) u (KE) Nru 72/2002 ( 3 ), li jidefinixxu l-kontenut u l-kriterji ta’ evalwazzjoni tar-rapport ta’ kwalità li għandu jiġi mgħoddi lill-Kummissjoni (Eurostat) wara kull perjodu ta’ referenza. |
|
(2) |
L-informazzjoni fornuta fir-rapport ta’ kwalità jenħtieġ li tirreferi għal ċerti fatturi. Dawk il-fatturi huma definiti fir-Regolament tal-Kummissjoni (KE) Nru 1726/1999 ( 4 ), u t-tieni huwa r-Regolament tal-Kummissjoni (KE) Nru 1916/2000 ( 5 ). |
|
(3) |
Il-bidliet fil-miżuri ta’ evalwazzjoni tal-kwalità ta’ l-istatistiki strutturali fuq il-qligħ u l-ispejjeż tax-xogħol huma meħtieġa bħala riżultat ta' l-emendi li ddaħħlu fir-Regolamenti (KE) Nru 1726/1999 u (KE) Nru 1916/2000 mir-Regolamenti (KE) Nru 1737/2005 u (KE) Nru 1738/2005 rispettivament. Għall-finijiet taċ-ċarezza u sabiex jitnaqqas il-piż għall-uffiċċji nazzjonali ta’ l-istatistika huwa wkoll meħtieġ li tkun armonizzata l-evalwazzjoni tal-kwalità ta’ l-istatistika dwar l-ispejjeż tax-xogħol u l-qligħ. |
|
(4) |
Ir-Regolamenti (KE) Nru 452/2000 u (KE) Nru 72/2002 għandhom għalhekk jiġu sostitwiti b’dan ir-Regolament. |
|
(5) |
Il-miżuri previsti f'dan ir-Regolment huma skond l-opinjoni tal-Kumitat tal-Programmi Statistiċi, |
ADOTTA DAN IR-REGOLAMENT:
Artikolu 1
1. Il-kriterji ta' l-evalwazzjoni u l-kontenut tar-rapport dwar il-kwalità msemmija fl-Artikolu 10(2) tar-Regolament (KE) Nru 530/1999, huma mniżżla fl-Anness mar-Regolament preżenti.
Il-fatturi speċifikati fl-Anness għal dan ir-Regolament huma mfissra l-Annessi I u II tar-Regolament (KE) Nru 1726/99 u l-Anness I u II għar-Regolament (KE) Nru 1916/2000.
2. L-informazzjoni stabbilita fl-Anness għandha tiġi fornuta, soġġetta għad-derogi li hemm fil-leġiżlazzjoni Komunitarja rigward l-istatistiki strutturali fuq il-qligħ u l-ispejjeż tax-xogħol, l-istħarriġ dwar il-forza tax-xogħol, l-istatistiċi strutturali dwar in-negozju u l-kontabbiltà nazzjonali.
Artikolu 2
Ir-rapport ta’ kwalità għandu jintbagħat lill-Eurostat mhux aktar tard minn 24 xahar wara t-tmiem tal-perjodu ta’ referenza li għalih tinġabar id-data, sakemm mhux ikkonstatat mod ieħor fl-Anness.
Artikolu 3
Ir-regolamenti (KE) Nru 452/2000 u r-Regolament (KE) Nru 72/2002 huma mħassra.
Artikolu 4
Dan ir-Regolament għandu jidħol fis-seħħ għoxrin ġurnata wara l-jum tal-pubblikazzjoni tiegħu fil-Ġurnal Uffiċjali ta' l-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
ANNESS
Kontenut u kriterji ta’ evalwazzjoni tar-rapport dwar il-kwalità -ta’ l-istatistiki strutturali dwar l-ispejjeŻ tax-xogol u l-qlig
Ir-rapporti tal-kwalità għandhom jinkludu informazzjoni dwar is-sitt dimensjonijiet kollha tas-Sistema Ewropea ta’ l-Istatistika (ESS) tad-definizzjoni tal-kwalità, jiġifieri rilevanza, eżatezza, tempestività u puntwalità, accessibilità u ċarezza, komparabilità, u koerenza.
1. Rilevanza
“Rilevanza” tindika sa liema punt l-istatistiki jilħqu l-bżonnijiet ta’ l-utenti kurrenti u potenzjali. Tirreferi għal jekk l-istatistiki kollha meħtieġa humiex prodotti u sa liema punt il-kunċetti użati (definizzjonijiet, klassifikazzjonijiet eċċ.) jirriflettu l-bżonnijiet ta' l-utent.
Ir-rapporti ta’ kwalità dwar l-istatistiki strutturali fuq l-ispejjeż u l-qligħ tax-xogħol għandhom ikopru rispettivament
— Sommarju ta’ l-utenti ewlenin nazzjonali;
— Deskrizzjoni tal-bżonnijiet prinċipali tagħhom inkluż stima tal-livell ta' sodisfazzjoni tagħhom bid-data offruta;
— Deskrizzjoni ta’ kull nuqqas (fil-kompletezza) jew parti li mhux ikkunsidrata aktar rilevanti mill-utenti (superfluwa). Dwar il-kompletezza, fatturi nieqsa u analiżi nieqsa tal-fatturi għandhom jiġu deskritti b’mod ċar.
Il-kopertura tal-punti li jirreferi għall-utenti ewlenin nazzjonali u l-bżonnijiet ewlenin tagħhom inkluż il-provvista a' informazzjoni dwar is-sodisfazzjoni ta’ l-utent m’hijiex obbligatorja.
B’deroga mill-Artikolu 2, l-informazzjoni mhux obbligatorja fuq il-livell ta’ sodisfazzjon bid-data offruta, jekk provduta, għandha tiġi trasmessa lill-Eurostat mhux aktar tard minn 36 xahar wara t-tmiem tal-perjodu ta’ referenza.
2. Eżattezza
L-“eżattezza” fis-sens ġenerali statistiku tindika kemm il-komjutazzjonijiet jew l-estimi huma qrib tal-valuri eżatti jew awtentiċi tal-fatturi taħt konsiderazzjoni
2.1. Żbalji fit-teħid tal-kampjuni
Bħala indikazzjoni ta’ l-eżattezza, il-koeffiċjent tal-varjazzjoni ( 6 ) għandu jiġi kkalkulat u trasmess għal fatturi ewlenin taż-żewġ stħarriġ.
(1) Fil-każ ta’ l-istatistiki ta’ l-ispejjeż tax-xogħol il-koeffiċjent tal-varjazzjoni għandu jiġi kkalkulat u trasmess għall-fatturi
“Spejjeż annwali tax-xogħol” ( 7 )
kif ukoll
“Spejjeż tax-xogħol fis-siegħa” ( 8 )
Minbarra l-koeffiċjenti tal-varjazzjoni għall-popolazzjoni b’mod sħiħ, koeffiċjenti separati tal-varjazzjonijiet għandhom ikunu disponibbli għaż-żewġ fatturigħall-iskop ta’ analiżi individwali għal dawn li ġejjin.:
— diviżjoni NACE;
— livell 1 tan-NUTS (jekk xieraq);
— il-faxxa tad-daqs (1-9 (jekk xieraq), 10-49, 50-249, 250-499, 500-999, 1 000+).
(2) Fil-każ ta’ l-istatistiki strutturali dwar il-qligħ il-koeffiċjent tal-varjazzjoni għandu jiġi kkalkulat u trasmess għall-fatturi
“Qligħ gross fix-xahar ta' referenza” ( 9 )
kif ukoll
“Qligħ gross medju fis-siegħa fix-xahar ta’ referenza” ( 10 )
Minbarra l-koeffiċjenti tal-varjazzjoni għall-popolazzjoni b’mod sħiħ, koeffiċjenti separati tal-varjazzjonijiet għandhom ikunu wkoll disponibbli għaż-żewġ fatturi għal skop ta’ analiżi individwali għal dawn li ġejjin::
— impjegati full-time (separatatament għall-irġiel u għan-nisa) u part-time;
— diviżjoni NACE;
— impieg ( ►M1 ISCO-08 ◄ f’livell 1-diġitali);
— il-faxxa ta’ l-età (taħt l-20, 20-29, 30-39, 40-49, 50-59, 60 u akbar);
— livell 1 tan-NUTS (jekk xieraq);
— ►M2 il-livell edukattiv miksub (ISCED 2011 mil-livell 0 sa 8) ◄ ;
— il-faxxa tad-daqsta’ l-intrapriża (1-9 (jekk xieraq), 10-49, 50-249, 250-499, 500-999, 1 000+).
L-analiżi tal-livell ta’ edukazzjoni m’huwiex obbligatorju.
B’żieda ma’ dan, l-Istati Membri għandhom jittrasmettu lista ta’ dawk iċ-ċelloli tat-tabelli multidimensjonali tal-programm ta' pubblikazzjoni fuq livell Ewropew kif maqbul ma' l-Istati Membri, li m’humiex meqjusa suffiċjenti biex wieħed joqgħod fuqhom.
Jekk jittieħdu kampjuni mingħajr probabbiltà, għandha minflok tiġi provduta, jekk disponibbli, deskrizzjoni tas-sorsi possibbli ta' nuqqas ta' preċiżjoni minħabba t-teknika ta' teħid ta' kampjuni użata u l-effetti tagħhom fuq l-estimi.
2.2. Żbalji mhux marbuta mat-teħid tal-kampjuni
2.2.1. Żbalji fil-kopertura
Ir-rapporti ta’ kwalità dwar l-istatistiki strutturali fuq l-ispejjeż u l-qligħ tax-xogħol rispettivament għandhom jinkludu l-informazzjoni li ġejja dwar il-kopertura:
— Deskrizzjoni ta’ kull differenza bejn il-popolazzjoni tar-referenza u l-popolazzjoni ta’ l-istudju.
— Rati ta’ l-estimi ta’ kopertura nieqsa u kopertura żejda ( 11 ) għall-popolazzjoni ta’ referenza.
2.2.2. Żbalji fil-kejl u l-ipproċessar
Ir-rapporti tal-kwalità dwar l-istatistiki strutturali fuq l-ispejjeż u l-qligħ tax-xogħol rispettivament għandhom jinkludu l-informazzjoni li ġejja dwar żbalji fil-kejl u fl-ipproċessar ( 12 ):
— Informazzjoni dwar fatturi bi żbalji l mhux negliġibbli fil-kejl u fl-ipproċessar.
— Informazzjoni dwar sorsi ewlenin ta’ żbalji ta’ kejl u żbalji ta’ proċessar (mhux negliġibbli), l-impatt tagħhom fuq l-eżattezza ta’ l-estimi u, jekk disponibbli, dwar metodi applikati għall-korrezzjoni.
2.2.3. Żbalji marbuta ma’ nuqqas ta' tweġib
Ir-rapporti tal-kwalità dwar l-istatistiki strutturali fuq l-ispejjeż u l-qligħ tax-xogħol rispettivament għandhom jinkludu l-informazzjoni li ġejja dwar nuqqas ta’ tweġib:
— Rata tar-rispons skond l-unità ( 13 ).
— Rata ta’ l-imputazzjoni skond il-punt ( 14 ) u l-effett ta’ l-imputazzjoni fuq l-eżattezza ta' l-estimi għall-fatturi “spejjeż annwali tax-xogħol” u “qligħ gross fix-xahar ta' referenza” rispettivament kif definit fil-punt 2.1.
— Rata ta’ l-imputazzjoni ġenerali ( 15 ). Jekk l-informazzjoni m’hijiex disponibbli għall-fatturi kollha mandatorji, il-kalkolu għandu jiġi bbażat fuq dawk il-fatturi mandatorji li għalihom l-informazzjoni meħtieġa hi disponibbli.
2.2.4. Żbalji fl-għazla tal-mudell
Jekk jintużaw il-mudelli, ir-rapporti tal-kwalità fuq l-istatistiki strutturali fuq il-qligħ u l-ispejjeż tax-xogħol għandhom jinkludu deskrizzjoni tal-mudelli użati kif ukoll indikazzjoni ta’ l-effetti tagħhom fuq l-estimi (eż. sehem stmat mit-total tal-fattur), għall-anqas għall-fatturi “Spejjeż tax-xogħol annwali” u “Qligħ gross fix-xahar ta’ referenza” rispettivament kif definiti fil-punt 2.1.
Enfażi partikolari għandha tingħata lill-mudelli għall-korrezzjoni ta’ żbalji mhux marbuta mat-teħid ta’ kampjuni' bħal kopertura ta’ l-unitajiet kollha mitluba tal-klassijiet skond id-daqs jew tad-diviżjonijiett NACE, imputazzjoni jew ingrossaġġa biex tpatti għan-nuqqas ta’ tweġib ta’ l-unitajiet.
3. Il-puntwalità u t-tempestività
“Puntwalità” tirreferi għall-intervall ta’ żmien bejn id-data tar-rilaxx tad-data u d-data ta’ meta kellha titwassal, per eżempju b’referenza għad-data mħabbra fil-kalendarji uffiċjali tal-pubblikazzjoni, stabbiliti bir-Regolament jew li qabel kien hemm qbil dwarhom bejn l-imsieħba.
“Tempestività” ta’ l-informazzjoni tirrifletti t-tul ta' żmien bejn id-disponibilità u l-avveniment jew il-fenomenu deskritt.
3.1. Puntwalità
Sabiex wieħed jifhem u jelimina problemi relatati mal-puntwalità, l-informazzjoni għandha titwassal fuq il-proċess ta' l-implimentazzjoni ta’ l-istħarriġ fuq livell nazzjonali b'enfasi speċjali fuq il-qbil bejn id-dati attwali u dawk skedati:
— Skadenżi għal dawk li mitluba jwieġbu biex iwieġbu, li jkopru wkoll sejħiet mill-ġdid u segwiti;
— Perjodu tax-xogħol fil-qasam;
— Perjodu ta’ l-ipproċessar tad-data;
— Dati tal-pubblikazzjoni ta’ l-ewwel riżultati.
3.2. It-tempestività
Ir-rapporti talkwalità dwar l-istatistiki strutturali dwar il-qligħ u l-ispejjeż tax-xogħol rispettivament għandhom jinkludu informazzjoni fuq il-perjodu ta’ żmien bejn il-pubblikazzjoni tad-data u l-perjodu ta’ referenza tad-data fuq livell nazzjonali.
4. Aċċessibilità u ċarezza
“Aċċessibilità” tirreferi għall-kundizzjonijiet fiżiċi li fihom l-utenti jistgħu jiksbu d-data: fejn tmur, kif tikseb aċċess, żmien tal-kunsinna, kondizzjonijiet tal-marketing konvenjenti (drittijiet ta’ l-awtur eċċ.), disponibilità tad-data micro jew macro, formati varji u mezzi kif tinġarr id-data (karta, fajls, CD-ROM/DVD, Internet…), eċċ.
“Ċarezza” tirreferi għall-livell ta’ kemm tinftiehem l-informazzjoni provduta, inkluż informazzjoni dwar il-kuntest tagħha, i.e. jekk id-data kinitx akkumpanjata b'metadata xierqa, illustrazzjonijiet bħal graffs u mapep, jekk l-informazzjoni dwar il-kwalità tagħhom hijiex disponibbli (inkluż il-limitazzjoni għall-użu) u safejn tingħata għajnuna addizzjonali.
B’deroga mill-Artikolu 2, l-informazzjoni dwar l-aċċessibilità u ċ-ċarezza għandha tiġi trasmessa lill-Eurostat mhux aktar tard minn 36 xahar wara t-tmiem tal-perjodu ta' referenza.
4.1. Aċċessibilità
Ir-rapporti tal-kwalità dwar l-istatistiki strutturali dwar l-ispejjeż u l-qligħ tax-xogħol rispettivament għandhom jinkludu l-informazzjoni li ġejja dwar il-metodi tat-tixrid tar-riżultati:
— Referenzi għall-pubblikazzjoni tar-riżultati ewlenin, inkluż dawk b’kummentarju fil-forma ta’ test, graffs, mapep, eċċ.
— Informazzjoni dwar liema riżultati, jekk hemm, jintbagħtu lill-unitajiet ta’ rapportar inklużi fil-kampjun.
4.2. Ċarezza
Ir-rapporti ta’ kwalità dwar l-istatistiki strutturali dwar l-ispejjeż u l-qligħ tax-xogħol rispettivament għandhom jinkludu l-informazzjoni li ġejja dwar kemm jinftehmu r-riżultati u d-disponibilità tal-metadata:
— Deskrizzjoni u referenzi tal-metadata provduta.
— Referenzi għad-dokumenti metodoloġiċi ewlenin li għandhom x'jaqsmu ma' l-istatistiki provduti.
— Deskrizzjoni ta’ l-azzjonijiet ewlenin li twettqu mis-servizzi nazzjonali ta’ l-istatistika biex jinfurmaw lill-utenti dwar rabtiet mad-data.
5. Komparabilità
“Il-Komparabilità” għandha l-għan li tkejjel l-impatt tad-differenzi fil-kunċetti statistiċi applikati u għodod/proċeduri tal-kejl applikati meta l-istatistiki jitqabblu bejn iż-żoni ġeografiċi, setturi mhuxġeografiċi, jew matul iż-żmien.
5.1. Komparabilità ġeografika
Ir-rapporti tal-kwalità dwar l-istatistiki strutturali dwar il-qligħ u l-ispejjeż tax-xogħol rispettivament għandhom jinkludu informazzjoni dwar id-differenżi bejn il-kunċetti nazzjonali u Ewropej speċjalment dwar id-definizzjoni ta’ unitajiet statistiċi, popolazzjonijiet, perjodi ta’ referenza, klassifikazzjoni u definizzjonijiet tal-fatturi, u l-effetti tagħhom fuq l-estimi.
5.2. Komparabilità matul iż-żmien
Ir-rapporti tal-kwalità dwar l-istatistiki strutturali dwar l-ispejjeż u l-qligħ tax-xogħol rispettivament għandhom jinkludu informazzjoni dwar bidliet fid-definizzjonijiet, kopertura u metodi mqabbla ma’ stħarriġ preċedenti, u l-effetti tagħhom fuq l-estimi. L-informazzjoni dwar bidliet fid-definizzjonijiet, kopertura u metodi, madankollu, m’humiex mitluba meta dawn il-bidliet huma kkawżati b’emendi tal-leġislazzjoni Komunitarja..
6. Koerenza
“Il-Koerenza” ta’ l-istatistiki hi l-punt safejn dawn jistgħu jingħaqdu b’modi differenti u għal finijiet varji b’mod affidabbli. Madankollu, ġeneralment huwa aktar faċli li turi każijiet ta’ inkoerenza milli tagħti prova ta’ koerenza.
Sorsi b’fatturi simili jew anke identiċi għall-istatistiki dwar il-qligħ u l-ispejjeż tax-xogħol huma l-iStħarriġ dwar in Nies li Jaħdmu (LFS), l-Istatistiki dwar l-Istruttura tan-Negozju (SBS), l-Indiċi dwar l-Ispejjeż tax-Xogħol (LCI) u l-Kontijiet Nazzjonali (NA). Ir-rapporti tal-kwalità rigward l-istatistiki strutturali dwar il-qligħ u l-ispejjeż tax-xogħol rispettivament għandhom jinkludu paraguni tad-data fuq il-fatturi li ġejjin minn dawn is-sorsi, bħala total u analizzati skond id-diviżjonijiet tan-NACE, u jagħtu indikazzjonijiet tar-raġunijiet jekk ikun hemm differenza konsiderevoli fil-valuri.
(1) Fil-każ ta’ l-istatistiki strutturali dwar l-ispejjeż tax-xogħol, għandhom isiru paraguni bejn
— in-numru ta' sigħat proprja ta' xogħol fis-sena ta' referenza, espress għal kull impjegat ( 16 ), u l-medja tas-sigħat proprji ta’ xogħol fix-xogħol prinċipali għal kull sena ta' l-LFS, u espress għal darba oħra għal kull impjegat;
— il-fattur “pagi u salarji” espressi għal kull impjegat ( 17 ), u l-istess fattur, għal kull impjegat ta’ l-SBS;
— ir-rati ta’ tkabbir annwali medji tal-fattur “spejjeż tax-xogħol fis-siegħa” ( 18 ) u r-rata ta’ tkabbir annwali medja ta’ l-LCI mhux aġġustat. Ir-rati ta’ tkabbir għandhom jirreferu għas-sena ta’ referenza ta’ l-istħarriġ u dak ta’ l-istharriġ preċedenti;
— Il-fattur “kumpens għall-impjegati” espress għal kull impjegat ( 19 ), u l-istess fattur ta’ l-NA;
(2) Fil-każ ta’ l-istatistiki strutturali dwar il-qligħ, għandhom isiru paraguni bejn
— Il-fattur “qligħ annwali gross fis-sena ta’ referenza” espress għal kull impjegat ( 20 ), u l-fattur “pagi u salarji”, għal kull impjegat, ta’ l-NA;
( 1 ) ĠU L 63, 12.3.1999, p. 6. Ir-Regolament kif emendat bir-Regolament (KE) Nru 1882/2003 tal-Parlament Ewropew u tal-Kunsill (ĠU L 284, 31.10.2003, p. 1).
( 2 ) ĠU L 55, 29.2.2000, p. 53.
( 3 ) ĠU L 15, 17.1.2002, p. 7.
( 4 ) ĠU L 203, 3.8.1999, p. 28. Regolament kif emendat bir-Regolament (KE) Nru 1737/2005 (ĠU L 279, 22.10.2005, p. 11).
( 5 ) ĠU L 229, 9.9.2000, p. 3. Regolament kif emendat bir-Regolament (KE) Nru 1738/2005 (ĠU L 279, 22.10.2005, p. 32).
( 6 ) Il-koeffiċjent tal-varjazzjoni huwa l-proporzjon ta’ l-għerq kwadrat tal-varjazzjoni ta' l-istimatur mal-valur mistenni. Jiġi stmat skond il-proporzjon ta’ l-għerq kwadrat ta' l-istima tal-varjazzjoni għat-teħid tal-kampjuni għall-valur stmat. Kemm in-numeratur kif ukoll id-denominatur tal-proporzjoni li jiddefenixxi l-koeffiċjenti tal-varjazzjoni għandu jiġi provdut, flimkien mar-riżultat tal-koeffiċjent tal-varjazzjoni. L-istima tal-varjazzjoni fit-teħid tal-kampjuni trid tqis it-tifsila tat-teħid tal-kampjuni.
( 7 ) Il-Kodiċi D (spejjeż totali tax-xogħol) it-total tal-valuri tal-kodiċijiet D1, D2, D3 u D4 mingħajr D5 fl-Anness I tar-Regolament (KE) Nru 1726/1999.
( 8 ) Il-Kodiċi D (spejjeż totali tax-xogħol) it-total tal-valuri tal-kodiċijiet D1, D2, D3 u D4 mingħajr D5, diviżi bil-valur tal-kodiċi B1, fl-Anness I tar-Regolament (KE) Nru 1726/1999.
( 9 ) Kodiċi 4.2 (qligħ gross totali fix-xahar ta’ referenza) fl- Anness I tar-Regolament (KE) Nru 1916/2000.
( 10 ) Kodiċi 4.3 fl-Anness I tar-Regolament (KE) Nru 1916/2000.
( 11 ) “Kopertura nieqsa” tirreferi għall-unitajiet li bi żball ma ġewx inklużi fil kwadru. “Kopertura żejda” tirreferi jew għall-unitajiet li fil-fatt ikunu barra l-kamp ta’ l-istħarriġ jew għal unitajiet li ma jeżistux fil-prattika.
( 12 ) Żbalji tal-kejl huma żbalji li jseħħu fil-ħin tal-ġbir tad-data. Hemm numru ta’ sorsi ta’ żbalji fil-kejl, inkluż l-istrument ta’ l-istħarriġ, min iwieġeb, is-sistema ta’ informazzjoni, il-mod ta’ kif tinġabar id-data u min jagħmel il-mistoqsijiet. Żbalji fl-ipproċessar huma żbalji li jinqalgħu fil-proċessi ta' wara l-ġbir tad-data bħalma huma d-dħul tad-data, il-kodifikazzjoni, il-keying, l-editjar, it-tweżin u t-tabulazzjoni.
( 13 ) Ir-rata tar-rispons skond l-unità huwa l-proporzjon, espress f’perċentwali, tan-numru ta’ tweġibiet għan-numru totali ta’ dawk li kienu fil-mira li jwieġbu.
( 14 ) Il-rata ta’ l-imputazzjoni skond il--punt tipprovdi l-valuri mdaħħla għal fattur speċifiku bħala persentaġġ tan-numru totali tal-valuri għal dan il-fattur.
( 15 ) Il-rata ta’ l-imputazzjoni ġenerali tipprovdi l-valuri mdaħħla għal fatturi kollha bħala persentaġġ tan-numru totali tal-valuri għal dawn il-fatturi.
( 16 ) Kodiċi B1, diviż bil-valur tal-kodiċi A1, fl-Anness I tar-Regolament (KE) Nru 1726/1999.
( 17 ) Kodiċi D11, diviż bil-valur tal-kodiċi A1, fl-Anness I tar-Regolament (KE)i Nru 1726/1999.
( 18 ) Kif definit l f’ punt 2.1.
( 19 ) Kodiċi D1, diviż bil-valur tal-kodiċi A1, fl-Anness I tar-Regolament (KE) Nru 1726/1999.
( 20 ) Kodiċi 4.1, diviż bin-numru ta’ impjegati, fl-Anness I tar-Regolament (KE) Nru 1916/2000.