Choose the experimental features you want to try

This document is an excerpt from the EUR-Lex website

Document 32004D0080

    Id-Deċiżjoni tal-Kunsill tas-17 ta' Diċembru 2003 dwar il-konklużjoni tal-Ftehim bejn il-Komunità Ewropea u l-Gvern ta' l-Amministrazzjoni Speċjali tar-Reġjun ta' Hong Kong fir-Repubblika tal-Poplu taċ-Ċina dwar l-ammissjoni mill-ġdid ta' persuni li jirresjedu mingħajr awtorizzazzjoni

    ĠU L 17, 24.1.2004, p. 23–24 (ES, DA, DE, EL, EN, FR, IT, NL, PT, FI, SV)

    Dan id-dokument ġie ppubblikat f’edizzjoni(jiet) speċjali (CS, ET, LV, LT, HU, MT, PL, SK, SL, BG, RO, HR)

    Legal status of the document In force

    ELI: http://data.europa.eu/eli/dec/2004/80(1)/oj

    Related international agreement

    32004D0080



    Official Journal L 017 , 24/01/2004 P. 0023 - 0024


    Id-Deċiżjoni tal-Kunsill

    tas-17 ta' Diċembru 2003

    dwar il-konklużjoni tal-Ftehim bejn il-Komunità Ewropea u l-Gvern ta' l-Amministrazzjoni Speċjali tar-Reġjun ta' Hong Kong fir-Repubblika tal-Poplu taċ-Ċina dwar l-ammissjoni mill-ġdid ta' persuni li jirresjedu mingħajr awtorizzazzjoni

    (2004/80/KE)

    IL-KUNSILL TA' L-UNJONI EWROPEA,

    Wara li kkunsidra t-Trattat li jistabilixxi il-Komunità Ewropea, b'mod partikolari l-Artikolu 63(3)(b), flimkien mat-tieni sentenza ta' l-ewwel subparagrafu ta' l-Artikolu 300(2) tiegħu,

    Wara li kkunsidra l-proposta mill-Kummissjoni,

    Wara li kkunsidra l-opinjoni tal-Parlament Ewropew [1],

    Billi:

    (1) Il-Kummissjoni innegozjat f'isem il-Komunità Ewropea Ftehim mal-Gvern ta' l-Amministrazzjoni Speċjali tar-Reġjun ta' Hong Kong fir-Repubblika tal-Poplu taċ-Ċina dwar l-ammissjoni mill-ġdid ta' persuni li jirresjedu mingħajr awtorizzazzjoni.

    (2) Dan il-Ftehim kien iffirmat, f'isem il-Komunità Ewropea, fis-27 ta' Novembru 2002 suġġett għall-konklużjoni possibbli tiegħu f'data iżjed ‘il quddiem, skond id-Deċiżjoni tal-Kunsill tat-23 ta' Settembru 2002.

    (3) Dan il-Ftehim għandu jkun approvat.

    (4) Il-Ftehim jistabbilixxi Kumitat Konġunt li jista' jieħu deċiżjonijiet li jkollhom effett legali, u huwa għalhekk neċessarju li jkun speċifikat min jirrapreżenta lill-Komunità f'dan il-Kumitat u li tkun provvduta proċedura li tistabilixxi kif il-pożizzjoni tal-Komunità għandha tkun adottata.

    (5) Skond l-Artikolu 3 tal-Protokoll dwar il-pożizzjoni tar-Renju Unit u l-Irlanda, anness mat-Trattat dwar l-Unjoni Ewropea u mat-Trattat li jistabilixxi il-Komunità Ewropea, l-Istati Membri nvoluti nnotifikaw ix-xewqa tagħhom li jkollhom parti fl-adozzjoni u l-applikazzjoni ta' din id-Deċiżjoni.

    (6) Skond l-Artikoli 1 u 2 tal-Protokoll dwar il-pożizzjoni tad-Danimarka, anness mat-Trattat dwar l-Unjoni Ewropea u mat-Trattat li jistabilixxi il-Komunità Ewropea, id-Danimarka ma tiħux parti fl-adozzjoni ta' din id-Deċiżjoni u għalhekk m'hiex marbuta biha jew suġġetta għall-applikazzjoni tagħha,

    IDDEĊIEDA DAN LI ĠEJ:

    Artikolu 1

    Il-Ftehim bejn il-Komunità Ewropea u l-Gvern ta' l-Amministrazzjoni Speċjali tar-Reġjun ta' Hong Kong fir-Repubblika tal-Poplu taċ-Ċina dwar l-ammissjoni mill-ġdid ta' persuni li jirresjedu mingħajr awtorizzazzjoni huwa hawnhekk approvat f'isem il-Komunità.

    It-test tal-Ftehim hu mehmuż ma' din id-Deċiżjoni.

    Artikolu 2

    Il-President tal-Kunsill għandu jagħti n-notifika provvduta minn l-Artikolu 20(2) ta' dan il-Ftehim [2].

    Artikolu 3

    Il-Kummissjoni, megħjuna minn esperti mill-Istati Membri, għandha tirrapreżenta lill-Komunità Ewropea fil-Kumitat ta' esperti stabbilit minn l-Artikolu 17 tal-Ftehim.

    Artikolu 4

    Il-pożizzjoni tal-Komunità Ewropea fil-Kumitat ta' esperti dwar l-adozzjoni tar-regoli tal-proċedura tiegħu kif mitlub minn l-Artikolu 17(5) tal-Ftehim għandha tiġi adottata mill-Kummissjoni wara konsultazzjoni ma' kumitat speċjali nominat mill-Kunsill.

    Għad-deċiżjonijiet l-oħra kollha tal-Kumitat ta' esperti, il-pożizzjoni tal-Komunità Ewropea għandha tkun adottata mill-Kunsill, li jaġixxi fuq maġġoranza kwalifikata, fuq proposta mill-Kummissjoni.

    Artikolu 5

    Din id-Deċiżjoni għandha tkun ippubblikata fil-Ġurnal Uffiċjali ta' l-Unjoni Ewropea.

    Artikolu 6

    Id-Deċiżjoni hija indirizzata lill-Istati Membri skond it-Trattat li jistabilixxi il-Komunità Ewropea.

    Magħmula fi Brussel, fis-17 ta' Diċembru 2003.

    Għall-Kunsill

    Il-President

    G. Alemanno

    [1] Opinjoni mogħtija fid-19 ta' Settembru 2002 (għad mhux ippubblikata fil-Ġurnal Uffiċjali).

    [2] Id-data tad-dħul fis-seħħ tal-Ftehim se tkun ippubblikata fil-Ġurnal Uffiċjali ta' l-Unjoni Ewropea mis-Segretarjat Ġenerali tal-Kunsill.

    --------------------------------------------------

    Top