—

taqta’ u tiddeċiedi li l-Bord tal-Appell tal-ECHA wettaq żball ta’ evalwazzjoni tar-rabta bejn ir-Regolament dwar il-prodotti kożmetiċi u r-Regolament REACH;

—

taqta’ u tiddeċiedi li l-Bord tal-Appell tal-ECHA kiser id-dispożizzjonijiet tar-Regolament REACH;

—

tannulla d-deċiżjoni tal-Bord tal-Appell tal-ECHA tat-18 ta’ Awwissu 2020 Nru A-010-2018;

—

tikkundanna lill-konvenut għall-ispejjeż.

1.

L-ewwel motiv, ibbażat fuq l-iżball ta’ evalwazzjoni tar-rabta bejn ir-Regolament dwar il-prodotti kożmetiċi (1) u r-Regolament REACH (2). Skont ir-rikorrenti, il-Bord tal-Appell wettaq żball ta’ evalwazzjoni tal-Artikolu 18 tar-Regolament dwar il-prodotti kożmetiċi fil-kuntest tal-applikazzjoni tar-Regolament REACH u kiser l-għan imfittex mir-Regolament dwar il-prodotti kożmetiċi fil-qasam tal-esperimentazzjoni fuq l-annimali. Fl-aħħar nett, ir-rikorrenti tqis li l-ECHA ma għandhiex kompetenza sabiex tagħti interpretazzjoni vinkolanti tar-rabta bejn ir-Regolament dwar il-prodotti kożmetiċi u r-Regolament REACH.

2.

It-tieni motiv, ibbażat fuq il-ksur tad-dispożizzjonijiet tar-Regolament REACH. Ir-rikorrenti targumenta b’mod partikolari f’dan ir-rigward li r-Regolament REACH iqajjem il-prinċipju tal-projbizzjoni tal-esperimentazzjoni fuq l-annimali, ħlief jekk ma tkun teżisti ebda soluzzjoni oħra. Madankollu, il-Bord tal-Appell ma kkaratterizzax tali eċċezzjoni fid-deċiżjoni kkontestata.