This document is an excerpt from the EUR-Lex website

Search tips

Need more search options? Use the Advanced search

Document 62020TN0165

Kawża T-165/20: Rikors ippreżentat fit-30 ta’ Ottubru 2020 – JC vs EUCAP Somalia

ĠU C 9, 11.1.2021, p. 23–23 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

HTML

PDF

Official Journal

11.1.2021

Il-Ġurnal Uffiċjali tal-Unjoni Ewropea

C 9/23

Rikors ippreżentat fit-30 ta’ Ottubru 2020 – JC vs EUCAP Somalia

(Kawża T-165/20)

(2021/C 9/34)

Lingwa tal-kawża: il-Franċiż

Partijiet

Rikorrent: JC (rappreżentant: A. Van Himst, avukat)

Konvenuta: EUCAP Somalia (Mogadixu, is-Somalja)

Talbiet

Ir-rikorrent jitlob li l-Qorti Ġenerali jogħġobha:

—	tannulla d-deċiżjoni tal-4 ta’ Novembru 2019, li ntbagħtet minn EUCAP SOMALIA, li permezz tagħha tintemm ir-relazzjoni tal-impjieg bejn ir-rikorrent u EUCAP SOMALIA;

—	tannulla d-deċiżjoni tat-3 ta’ Diċembru 2019, li ntbagħtet minn EUCAP SOMALIA, li ttemm ir-relazzjoni tal-impjieg bejn ir-rikorrent u EUCAP SOMALIA;

—	sa fejn neċessarju, tannulla d-deċiżjoni tal-24 ta’ Jannar 2020 li tiċħad l-appell ippreżentat kontra d-deċiżjoni ta’ tmiem;

—	tikkundanna lill-konvenuta għall-ħlas b’mod retroattiv tar-remunerazzjoni tar-rikorrent sad-data ta’ tmiem definittiv, regolari u legali tar-relazzjoni kuntrattwali;

—	tikkundanna lill-konvenuta żżid l-ammonti b’interessi bir-rata stabbilita mill-BĊE għall-operazzjonijiet prinċipali ta’ finanzjament mill-ġdid miżjuda b’3,5 punti perċentwali;

—	tikkundanna lill-konvenuta għall-ispejjeż.

Motivi u argumenti prinċipali

Insostenn tar-rikors tiegħu, ir-rikorrent jinvoka erba’ motivi.

L-ewwel motiv ibbażat fuq il-fatt li l-ewwel notifika ntbagħtet lir-rikorrent biss mad-deċiżjoni ta’ ċaħda tar-rikors tiegħu u huwa bbażat fuq:

—	l-assenza ta’ effetti u, tal-inqas, ta’ retroattività tan-notifika tal-4 ta’ Novembru 2019;

—	in-nuqqas ta’ osservanza tal-implimentazzjoni tal-proċedura prekontenzjuża formali u ksur tal-Artikolu 21 tal-kuntratt sa fejn ir-rikorrent ma nstemax mid-Deputat Kap tal-Missjoni qabel ma ttieħdet deċiżjoni dwar iċ-ċaħda tar-rikors intern tiegħu.

2.	It-tieni motiv ibbażat fuq il-ksur tal-Artikolu 18 tal-kuntratt ta’ xogħol kif ukoll tal-Artikolu 296 TFUE, tal-Artikolu 41 tal-Karta tad-Drittijiet Fundamentali tal-Unjoni Ewropea, sa fejn il-konvenuta ma pprovdietx raġunijiet għad-deċiżjoni (deċiżjonijiet) tagħha ta’ tkeċċija.

3.	It-tielet motiv ibbażat fuq il-ksur tal-Artikolu 18 tal-kuntratt ta’ xogħol u fuq żball ta’ liġi fl-applikazzjoni tal-Artikolu 17.2 tal-kuntratt ta’ xogħol, sa fejn il-konvenuta kellha tagħti preavviż b’tul minimu ta’ xahar.

4.	Ir-raba’ motiv ibbażat fuq il-ksur tal-Liġi tat-3 ta’ Lulju 1978 dwar il-kuntratt ta’ xogħol fid-dritt Belġjan invokata mill-konvenuta bħala applikabbli għall-kuntratt.

Top