9.4.2018   

MT

Il-Ġurnal Uffiċjali tal-Unjoni Ewropea

C 123/24

—

tiddikjara u tiddeċiedi li:

—

id-deċiżjoni tas-Segretarju Ġenerali tal-Parlament Ewropew tas-27 ta’ Frar 2017 li timponi fuq ir-rikorrenti sanzjoni dixxiplinari ta’ degradazzjoni tal-grad AD 13 skala 3, għall-grad AD 12, b’effett mill-1 ta’ Marzu 2017 u aġġustament għal żero tal-punti ta’ mertu tagħha akkwistati fil-grad AD 13, hija annullata;

—

id-deċiżjoni ta’ ċaħda tat-talba tagħha għal assistenza hija annullata;

—

il-Parlament Ewropew huwa kkundannat għall-ispejjeż.

1.

L-ewwel motiv huwa bbażat fuq ksur tal-Artikolu 41 tal-Karta tad-Drittijiet Fundamentali tal-Unjoni Ewropea u tal-Artikoli 3 u 22 tal-Anness IX tar-Regolamenti tal-Persunal tal-Unjoni Ewropea (iktar ’il quddiem ir-“Regolamenti tal-Persunal”), sa fejn l-Awtorità tal-Ħatra la semgħet lir-rikorrenti rigward id-deċiżjoni tagħha skont l-Artikolu 3 tal-Anness IX u lanqas dwar iċ-ċaħda tagħha għal assistenza skont l-Artikolu 24 tar-Regolamenti tal-Persunal.

2.

It-tieni motiv huwa bbażat fuq ksur tal-Artikoli 9, 10 u 16 tal-Anness IX tar-Regolamenti tal-Persunal, sa fejn id-deċiżjoni dixxiplinari kkontestata tikser il-prinċipju ta’ proporzjonalità u timponi fuq ir-rikorrenti sanzjoni globali mhux prevista fl-Anness IX tar-Regolamenti tal-Persunal, jiġifieri degradazzjoni tal-grad, kanċellazzjoni ta’ punti ta’ mertu u l-esklużjoni tagħha minn kull kompitu maniġerjali.

3.

It-tielet motiv huwa bbażat fuq l-irregolarità tax-xogħlijiet tal-Bord Dixxiplinari sa fejn dan tal-aħħar intalab jiddeċiedi mingħajr ma nstemgħet minn qabel ir-rikorrenti, u wkoll sa fejn huwa kiser, matul il-proċedura, id-drittijiet tad-difiża.

4.

Ir-raba’ motiv huwa bbażat fuq ksur tal-Artikolu 24 tar-Regolamenti tal-Persunal b’mod partikolari sa fejn l-Awtorità tal-Ħatra ma semgħetx lir-rikorrenti qabel ma ċaħdet it-talba għal assistenza tagħha.