23.6.2016   

MT

Il-Ġurnal Uffiċjali tal-Unjoni Ewropea

C 227/24

1.

Fil-15 ta’ Ġunju 2016, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha Sanofi (Sanofi, Franza) takkwista fit-tifsira tal-Artikolu 3(1)(b) tar-Regolament dwar l-Għaqdiet, il-kontroll tan-negozju fil-kura tas-saħħa tal-konsumaturi ta’ Boehringer Ingelheim (BI CHC, il-Ġermanja) permezz ta’ xiri ta’ ishma u assi.

2.

L-attivitajiet kummerċjali tal-impriżi kkonċernati huma:

—   għal Sanofi: attiva fir-riċerka, l-iżvilupp, il-manifattura u l-bejgħ ta’ prodotti tal-kura tas-saħħa, fosthom prodotti farmaċewtiċi, vaċċini għan-nies u kura tas-saħħa tal-annimali madwar id-dinja,

—   għal BI CHC: attiva mad-dinja kollha fir-riċerka, l-iżvilupp, il-manifattura u l-kummerċjalizzazzjoni ta’ prodotti tal-bniedem għall-konsumaturi — u bl-eċċezzjoni ta’ ftit prodotti bir-riċetta — prinċipalment fil-qasam tat-trattamenti gastro-intestinali, prodotti għas-sogħla u rjiħat, prodotti għall-uġigħ ġenerali u VMS (vitamini, minerali u supplimenti għall-benesseri).

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lil terzi persuni interessati biex jibagħtulha l-kummenti li jaf ikollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tl-faks (+32 22964301), permezz tal-e-Mail lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.7919 — Sanofi/Boehringer Ingelheim Consumer Healthcare Business, fl-indirizz li ġej: