15.11.2014   

MT

Il-Ġurnal Uffiċjali tal-Unjoni Ewropea

C 407/6

1.

Fis-16 ta’ Settembru 2013, il-Kummissjoni Ewropea (il-“Kummissjoni”) rċeviet notifika ta’ konċentrazzjoni proposta skont l-Artikolu 4 tar-Regolament dwar l-Għaqdiet (2) li permezz tagħha INEOS AG (“INEOS”) u Solvay SA (“Solvay”), konġuntement imsejħa “l-Partijiet Notifikanti”, jakkwistaw fit-tifsira tal-Artikolu 3(1)(b) u 3(4) tar-Regolament dwar l-Għaqdiet kontroll konġunt ta’ impriża konġunta stabbilita riċentement permezz ta’ trasferiment ta’ assi (it-“Tranżazzjoni”).

2.

Abbażi tar-riżultati tal-investigazzjoni tas-suq tal-Fażi I, il-Kummissjoni qajmet dubji serji dwar il-kompatibbiltà tat-Tranżazzjoni mas-suq intern u adottat deċiżjoni biex tibda proċedimenti skont l-Artikolu 6(1)(c) tar-Regolament dwar l-Għaqdiet fil-5 ta’ Novembru 2013. Il-Partijiet Notifikanti ssottomettew il-kummenti tagħhom bil-miktub dwar id-deċiżjoni tal-Artikolu 6(1)(c) fit-22 ta’ Novembru 2013.

3.

Fil-21 ta’ Jannar 2014, il-Kummissjoni adottat dikjarazzjoni ta’ oġġezzjonijiet (“DO”), fejn hija kienet tal-fehma preliminari li t-Tranżazzjoni se timpedixxi b’mod sinifikanti l-kompetizzjoni effettiva f’parti sostanzjali tas-suq intern skont it-tifsira tal-Artikolu 2 tar-Regolament dwar l-Għaqdiet.

4.

Il-Partijiet Notifikanti ngħataw sal-5 ta’ Frar 2014 biex iwieġbu għad-DO. It-tweġiba bil-miktub tagħhom ġiet ippreżentata f’din id-data.

5.

Il-Partijiet Notifikanti rċevew aċċess għall-fajl matul il-proċedura, b’mod partikolari permezz ta’ CD-ROM fit-23 ta’ Jannar 2014 u fil-21 ta’ Marzu 2014 kif ukoll permezz tal-posta elettronika fl-10 ta’ April 2014.

6.

Fil-31 ta’ Jannar 2014 u fl-20 ta’ Marzu 2014, il-Partijiet Notifikanti ressqu talbiet formali lit-tim tal-każ għal aċċess ulterjuri għall-fajl skont l-Artikolu 18(3) tar-Regolament dwar l-Għaqdiet, l-Artikolu 17(1) tar-Regolament ta’ Implimentazzjoni dwar l-Għaqdiet (3) u l-Artikolu 3(7) tad-Deċiżjoni 2011/695/UE. It-tim tal-każ ittratta dawn it-talbiet u ta lill-Partijiet Notifikanti aċċess ulterjuri għall-fajl.

7.

Fil-5 ta’ Frar 2014, il-Kummissjoni bagħtet ittra bil-fatti (“IbF”) lill-Partijiet Notifikanti li tinfurmahom dwar evidenza ulterjuri li l-Kummissjoni kellha l-ħsieb li tibbaża fuqha fil-proċedimenti. Il-Partijiet Notifikanti wieġbu għal din l-IbF fit-12 ta’ Frar 2014.

8.

Skont l-Artikolu 5 tad-Deċiżjoni 2011/695/UE, jiena aċċettajt kompetitur wieħed mill-Partijiet Notifikanti (4) u tliet assoċjazzjonijiet (5) li jirrappreżentaw parti mill-bażi ta’ klijentela tagħhom għall-proċedimenti bħala persuni terzi interessati. Jien infurmajt ukoll il-Partijiet Notifikanti bl-identitajiet tal-persuni terzi interessati li għandhom jinstemgħu.

9.

Fl-10 ta’ Frar 2014, seħħet seduta orali formali fuq talba tal-Partijiet Notifikanti. Għas-seduta orali attendew: il-Partijiet Notifikanti u l-konsulenti legali u ekonomiċi tagħhom; EuPC fil-kapaċità tagħha hija persuna terza interessata (6); is-servizzi rilevanti tal-Kummissjoni; u rappreżentanti mill-awtoritajiet kompetenti ta’ sitt Stati Membri (il-Belġju, il-Ġermanja, Franza, l-Ungerija, il-Finlandja u r-Renju Unit).

10.

Saru tliet sessjonijiet magħluqa waqt is-seduta orali (7). L-ewwel waħda rriżultat minn talba mingħand il-Partijiet Notifikanti abbażi tal-interess leġittimu tagħhom fil-protezzjoni tas-sigrieti kummerċjali tagħhom u informazzjoni kunfidenzjali oħra. It-tnejn l-oħra seħħew fil-kuntest ta’ sessjonijiet ta’ mistoqsija u tweġiba.

11.

Fis-27 ta’ Frar 2014, il-Partijiet Notifikanti ressqu l-ewwel sett ta’ impenji skont l-Artikolu 8(2) tar-Regolament dwar l-Għaqdiet li ġie sostitwit b’sett rivedut ta’ impenji fis-7 ta’ Marzu 2014. Dan is-sett ġdid ta’ impenji reġa’ ġie rivedut fl-10 u l-11 ta’ Marzu 2014 bil-proposta ta’ tliet pakketti alternattivi. Fit-12 ta’ Marzu 2014, il-Kummissjoni għamlet ittestjar għas-suq fuq tnejn mit-tliet pakketti alternattivi ppreżentati. Fit-13 ta’ April 2014, il-Partijiet Notifikanti ressqu sett finali ta’ impenji riveduti. Il-Kummissjoni kkonkludiet li l-impenji ppreżentati fit-13 ta’ April 2014 huma adattati biex ineħħu t-tħassib dwar il-kompetizzjoni identifikati fir-rigward tat-Tranżazzjoni.

12.

Ċerti trejdjunjins (8), fil-kapaċità ta’ rappreżentanti tal-impjegati bbażati fl-operazzjonijiet ta’ Tessenderlo ta’ INEOS, talbu li jinstemgħu fir-rigward tar-rimedji proposti. Skont l-Artikolu 5 tad-Deċiżjoni 2011/695/UE, jiena aċċettajt dawn il-junjins - li jaġixxu f’dik il-kapaċità - fil-proċedimenti bħala persuni terzi interessati. Jien infurmajt lill-Partijiet Notifikanti b’dan.

13.

Skont l-Artikolu 16(1) tad-Deċiżjoni 2011/695/UE, jien għamilt rieżami tal-abbozz tad-deċiżjoni u nikkonkludi li jittratta biss oġġezzjonijiet li fir-rigward tagħhom il-Partijiet Notifikanti ngħataw l-opportunità li jgħarrfu l-fehmiet tagħhom.

14.

Nikkonkludi li l-eżerċizzju effettiv tad-drittijiet proċedurali tal-partijiet kollha f’dan il-każ ġie rrispettat.