Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62012TN0200

    Kawża T-200/12: Rikors ippreżentat fid- 9 ta’ Mejju 2012 — Shannon Free Airport Development vs Il-Kummissjoni

    ĠU C 258, 25.8.2012, p. 22–23 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    25.8.2012   

    MT

    Il-Ġurnal Uffiċjali tal-Unjoni Ewropea

    C 258/22

    Rikors ippreżentat fid-9 ta’ Mejju 2012 — Shannon Free Airport Development vs Il-Kummissjoni

    (Kawża T-200/12)

    2012/C 258/41

    Lingwa tal-kawża: l-Ingliż

    Partijiet

    Rikorrenti: Shannon Free Airport Development Co. Ltd (Shannon, l-Irlanda) (rappreżentant: S. Pappas, avukat)

    Konvenuta: Il-Kummissjoni Ewropea

    Talbiet

    Ir-rikorrenti titlob li l-Qorti Ġenerali jogħġobha:

    —

    tannulla d-deċiżjoni tas-Sezzjoni tal-Kuntratti u tal-Finanzi tad-Delegazzjoni tal-Unjoni Ewropea għall-Ukraina, tat-28 ta’ Frar 2012, ikkontestata f’dan ir-rikors, mogħtija fil-kuntest tal-offerta EuropeAid/131567/C/SER/UA “Proġett ta’ diversifikazzjoni u s-sostenn tat-turiżmu fil-Krimea”; kif ukoll deċiżjonijiet sussegwenti tal-istess awtorità u tad-direttur tad-DĠ Żvilupp tal-Kummissjoni Ewropea;

    —

    tikkundanna lill-konvenuta għall-ispejjeż

    Motivi u argumenti prinċipali

    Insostenn tar-rikors tagħha, ir-rikorrenti tinvoka tliet motivi.

    (1)

    L-ewwel motiv ibbażat fuq ksur tar-rekwiżit proċedurali sostanzjali ta’ motivazzjoni, billi:

    —

    il-ġurisprudenza u l-leġiżlazzjoni jimponu fuq il-konvenuta d-dmir li telabora b’mod ċar il-vantaġġi tal-offerta magħżula, minflok ma sempliċement tikkontesta l-evidenza mressqa mir-rikorrenti; amministrazzjoni tajba għandha teżamina l-veradiċità tagħha u tindirizza l-allegazzjonijiet b’mod korrett, l-iktar meta diversi fatturi aggravanti jintensifikaw dan ir-rekwiżit.

    (2)

    It-tieni motiv ibbażat fuq ksur tar-rekwiżit proċedurali sostanzjali li tosserva l-proċedura applikabbli, billi:

    —

    il-proċedura ta’ evalwazzjoni li l-Kumitat ta’ Evalwazzjoni kellu jsegwi kienet ivvizzjata b’irregolaritajiet, li l-konvenuta kienet konxja dwarhom u li ma ħadithomx inkonsiderazzjoni qabel ma ppubblikat ir-riżultati. Għalhekk, id-deċiżjonijiet sussegwenti huma illegali, inkwantu dawn huma bbażati fuq ir-riżultat ta’ dawn l-irregolaritajiet.

    (3)

    It-tielet motiv ibbażat fuq ksur tat-trattament ugwali u abbuż tal-poter, billi:

    —

    il-proċedura illegali kienet applikata biss fil-każ tal-konsorzju li r-rikorrenti kienet tifforma parti minnu, bi ksur tal-prinċipju ta’ nondiskriminazzjoni. Jidher ukoll li l-uniku skop tal-proċedura illegali kien li l-konsorzju tar-rikorrenti jiġi eliminat mill-ewwel post tal-lista ta’ evalwazzjoni.
    Top