Šis dokuments ir izvilkums no tīmekļa vietnes EUR-Lex.
Dokuments 62008TN0367
Case T-367/08: Action brought on 5 September 2008 — Abouchar v Commission
Kawża T-367/08: Rikors ippreżentat fil- 5 ta' Settembru 2008 — Abouchar vs Il-Kummissjoni
Kawża T-367/08: Rikors ippreżentat fil- 5 ta' Settembru 2008 — Abouchar vs Il-Kummissjoni
ĠU C 285, 8.11.2008., 49./50. lpp.
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
|
8.11.2008 |
MT |
Il-Ġurnal Uffiċjali ta’ l-Unjoni Ewropea |
C 285/49 |
Rikors ippreżentat fil-5 ta' Settembru 2008 — Abouchar vs Il-Kummissjoni
(Kawża T-367/08)
(2008/C 285/89)
Lingwa tal-kawża: Il-Franċiż
Partijiet
Rikorrent: Michel Abouchar (Dakar, Senegal) (rappreżentanti: B. Dubreuil Basire u J.-J. Lorang, avukati)
Konvenuta: Il-Kummissjoni tal-Komunitajiet Ewropej
Talbiet tar-rikorrent
|
— |
taqta' u tiddeċiedi li l-aġenti tal-Kummissjoni/EDF wettqu delitti intenzjonali fl-eżerċizzju tal-funzjonijiet tagħhom; |
|
— |
taqta' u tiddeċiedi li l-Kummissjoni/EDF kiser id-dispożizzjonijiet tal-Artikoli 155 KE u 311 tar-Raba' Konvenzjoni ta' Lomé, u l-prinċipji ġenerali ta' amministrazzjoni tajba, ta' premura u ta' protezzjoni tal-aspettattivi leġittimi; |
|
— |
taqta' u tiddeċiedi li dawn id-delitti kkawżaw dannu lir-rikorrent u tikkundanna lill-Kummissjoni/EDF għall-ħlas lir-rikorrent in solidum, għad-danni kollha, tas-somma ta' EUR 4 500 000 bħala danni; |
|
— |
tikkundanna lill-Kummissjoni/EDF għall-ħlas lir-rikorrent tas-somma ta' EUR 100 000 bħala spejjeż mhux irkuprabbli li r-rikorrenti kellu jsostni; |
|
— |
tikkundanna lill-Kummissjoni għall-ispejjeż kollha tal-kawża. |
Motivi u argumenti prinċipali
Permezz tar-rikors tiegħu għal responsabbiltà mhux kuntrattwali, ir-rikorrent jitlob li jiġi kkonstatat il-ksur mill-Kummissjoni tar-regolamenti finanzjarji ta' implementazzjoni tas-sitt u s-seba' Fond Ewropew tal-Iżvilupp (iktar 'il quddiem l-“EDF”) u l-Konvenzjonijiet li jorbtu lill-Komunità mal-Istati Afrikani, tal-Karibbew u tal-Paċifiku (“ACP”) imsejħin “Lomé III” u “Lomé IV” (1) fil-kuntest tal-ġestjoni tar-riżorsi tal-EDF rigward proġett ta' finanzjament favur l-Impriżi Żgħar u ta' Daqs Medju fir-reġjun ta' Saint-Louis fis-Senegal.
F'din il-kawża, ir-rikorrent, benefiċjarju ta' self għal proġett ta' operat ta' ortikultura fir-reġjun eliġibbli, jikkunsidra li attijiet illegali fil-ġestjoni u abbużi tal-fondi allegatament mogħtija lill-aġenti tal-Kummissjoni kellhom l-effett ta' paraliżi immedjata tal-proġett agrikolu tiegħu, stabbilit fil-kuntest tal-Fond Ewropew tal-Iżvilupp.
Ir-rikorrent jinvoka, essenzjalment, żewġ nuqqasijiet tal-Kummissjoni, li jistgħu jinvolvu r-resposnabbilità mhux kuntrattwali tal-Komunità. B'mod speċifiku, ir-rikorrent isostni, minn naħa, in-nuqqas ta' sorveljanza tal-finanzjament mogħti mill-Kummissjoni, il-ksur tal-Artikoli 155 KE u 311 tar-Raba' Konvenzjoni ta' Lomé, kif ukoll il-ksur tal-prinċipji ta' amministrazzjoni tajba, ta' premura u ta' protezzjoni tal-aspettattivi leġittimi.
(1) Wara t-23 ta' Ġunju 2000, il-Konvenzjoni ta' Lomé ġiet issotitwita permezz tal-Ftehim ta' Cotonou (ĠU L 317, p. 3). Ir-rikorrent madankollu jirreferi fir-rikors tiegħu għall-Konvenzjonijiet ta' Lomé III u IV.