Piekļuve Eiropas Savienības tiesību aktiem
<a href="https://eur-lex.europa.eu/content/help/eurlex-content/experimental-features.html" target="_blank">Vairāk par eksperimentālajām funkcijām</a>
Atlasiet eksperimentālās funkcijas, kuras vēlaties izmēģināt!
Vietne EUR-Lex
Piekļuve Eiropas Savienības tiesību aktiem

Šis dokuments ir izvilkums no tīmekļa vietnes EUR-Lex.

Jūs esat šeit
Lai meklētu precīzu frāzi, ielieciet to pēdiņās. Lai atrastu meklējamā vārda variācijas, pievienojiet zvaigznīti (*). (Piemēri: transp*, 32019R*) Ar jautājuma zīmi (?) varat meklējamā vārdā aizstāt vienu rakstzīmi, lai atrastu arī tā variācijas (ja ierakstīsiet ca?e, sistēma atradīs case, cane, care).
Padomi, kā meklēt
Jums vajag vairāk meklēšanas opciju? Izmantojiet šo: Detalizētā meklēšana

Dokuments 62008CN0360

    Kawża C-360/08: Talba għal deċiżjoni preliminari magħmula mir-Raad van State (l-Olanda) fl- 4 ta' Awwissu 2008 — 1. Stichting Greenpeace Nederland u 2. Stichting ter Voorkoming Misbruik Genetische Manipulatie VoMiGen vs Minister van Volkshuisvesting, Ruimtelijke Ordening en Milieubeheer, il-parti l-oħra: Pioneer Hi-Bred Northern Europe Sales Division

    ĠU C 285, 8.11.2008., 20./21. lpp. (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    8.11.2008   

    MT

    Il-Ġurnal Uffiċjali ta’ l-Unjoni Ewropea

    C 285/20

    Talba għal deċiżjoni preliminari magħmula mir-Raad van State (l-Olanda) fl-4 ta' Awwissu 2008 — 1. Stichting Greenpeace Nederland u 2. Stichting ter Voorkoming Misbruik Genetische Manipulatie “VoMiGen” vs Minister van Volkshuisvesting, Ruimtelijke Ordening en Milieubeheer, il-parti l-oħra: Pioneer Hi-Bred Northern Europe Sales Division

    (Kawża C-360/08)

    (2008/C 285/33)

    Lingwa tal-kawża: L-Olandiż

    Qorti tar-rinviju

    Raad van State

    Partijiet fil-kawża prinċipali

    Rikorrenti:

    1.

    Stichting Greenpeace Nederland

    2.

    Stichting ter Voorkoming Misbruik Genetische Manipulatie “VoMiGen”.

    Konvenut: Minister van Volkshuisvesting, Ruimtelijke Ordening en Milieubeheer

    Parti oħra fil-kawża: Pioneer Hi-Bred Northern Europe Sales Division

    Domandi preliminari

    1)

    Il-post tar-rilaxx ta' organiżmi modifikati ġenetikament li, skont l-Artikolu 25(4) tad-Direttiva 2001/18/KE, ma jistax jiġi kkunsidrat bħala kunfidenzjali, għandu jiġi interpretat fis-sens li jirreferi għall-parti tal-art kif irreġistrata fir-reġistru tal-artijiet, jew ikun biżżejjed li tiġi indikata żona ġeografika akbar, fid-dawl b'mod partikolari tal-għan u tal-iskema ġenerali ta' din id-direttiva?

    2)

    (a)

    Jekk ikun biżżejjed li tiġi indikata żona ġeografika akbar, liema ċirkustanzi jistgħu jittieħdu inkunsiderazzjoni fid-determinazzjoni ta' kif għandha ssir l-indikazzjoni taż-żona?

    (b)

    Id-Direttiva 2003/4/KE hija rilevanti fid-determinazzjoni tal-portata tal-indikazzjoni taż-żona?

    (c)

    L-indikazzjoni ta' żona li l-wiċċ tagħha huwa 20 darba akbar minn dak taż-żoni individwali użati għall-esperimenti tissodisfa l-prinċipju ta' proporzjonalità?

    3)

    Ikun sodisfatt il-prinċipju ta' proporzjonalità fejn, skont il-politika emendata fis-17 ta' Lulju 2008, tingħażel indikazzjoni globali ta' żona li tkun 100 darba akbar miż-żoni individwali użati għall-esperimenti?

    4)

    Jekk semplici indikazzjoni tal-art kif irreġistrata fir-reġistru tal-artijiet hija biżżejjed, iċ-ċirkustanzi msemmija fl-Artikolu 4(2) tad-Direttiva 2003/4/KE jistgħu madankollu jikkostitwixxu ġustifikazzjoni sabiex l-informazzjoni dwar il-post preċiż tar-rilaxx tiġi trattata b'mod kunfidenzjali, u dan minkejja d-dispożizzjoni tal-Artikolu 25(4) tad-Direttiva 2001/18/KE?

    5)

    (a)

    L-Artikolu 4(2) tad-Direttiva 2003/4/KE jelenka b'mod eżawrjenti l-motivi ta' ġustifikazzjoni?

    (b)

    Jekk iva, il-protezzjoni tal-impriżi, kif ukoll tal-persuni u tal-prodotti li jinsabu fiha, u l-prevenzjoni ta' sabutaġġ sabiex jiġi mgħejjun l-iżvilupp bioteknoloġiku fl-Olanda, jistgħu jaqgħu taħt wieħed mill-motivi ta' ġustifikazzjoni msemmija fl-Artikolu 4(2) tad-Direttiva 2003/4/KE?

    6)

    Jekk id-domanda 5(a) u (b) tingħata risposta pożittiva, l-indikazzjoni ta' żona li hija 20 jew 100 darba akbar mill-wiċċ tal-art użata għall-esperimenti hija, fid-dawl tal-Artikolu 4(2)(h) tad-Direttiva 2003/4/KE, proporzjonata fir-rigward tal-ħarsien ta' interessi privati (protezzjoni tal-impriżi, inklużi l-persuni u l-prodotti msemmija), u ta' interessi pubbliċi (prevenzjoni ta' sabutaġġ sabiex jiġi mgħejjun l-iżvilupp bioteknoloġiku fl-Olanda)?

    7)

    (a)

    Jekk id-domanda 5(a) tingħata risposta negattiva, il-protezzjoni tal-impriżi kif ukoll tal-persuni u tal-prodotti msemmija u l-prevenzjoni ta' sabutaġġ sabiex jiġi mgħejjun l-iżvilupp bioteknoloġiku fl-Olanda, jistgħu jikkostitwixxu motiv ta' ġustifikazzjoni?

    (b)

    Jekk id-domanda 7(a) tingħata risposta pożittiva, l-indikazzjoni ta' żona li hija 20 jew 100 darba akbar mill-wiċċ tal-art użata għall-esperimenti hija propozjonata fir-rigward tal-ħarsien ta' interessi privati (protezzjoni tal-impriżi, inklużi l-persuni u l-prodotti msemmija) u ta' interessi pubbliċi (prevenzjoni ta' sabutaġġ sabiex jiġi mgħejjun l-iżvilupp bioteknoloġiku fl-Olanda)?
    Augša