EUR-Lex Access to European Union law
This document is an excerpt from the EUR-Lex website
Document 62015CN0656
Case C-656/15 P: Appeal brought on 7 December 2015 by European Commission against the judgment of the General Court (Eighth Chamber) delivered on 24 September 2015 in Case T-674/11 TV2/Danmark A/S v European Commission
Kawża C-656/15 P: Appell ippreżentat fis-7 ta’ Diċembru 2015 mill-Kummissjoni Ewropea mis-sentenza mogħtija mill-Qorti Ġenerali (It-Tmien Awla) fl-24 ta’ Settembru 2015 fil-Kawża T-674/11, TV2/Danmark A/S vs Il-Kummissjoni Ewropea
Kawża C-656/15 P: Appell ippreżentat fis-7 ta’ Diċembru 2015 mill-Kummissjoni Ewropea mis-sentenza mogħtija mill-Qorti Ġenerali (It-Tmien Awla) fl-24 ta’ Settembru 2015 fil-Kawża T-674/11, TV2/Danmark A/S vs Il-Kummissjoni Ewropea
OJ C 48, 8.2.2016, p. 27–28
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
- Date of document:
- 07/12/2015
- Date lodged:
- 07/12/2015
- Author:
- Il-Qorti tal-Ġustizzja
- Form:
- Informazzjoni ġudizzjarja
- Authentic language:
- Daniż
- Type of procedure:
- Appell, Rikors għal annullament
- Link
- Select all documents mentioning this document
- Case affecting:
-
- Request to review the judgment 62011TJ0674
- Instruments cited in case law:
- Link
|
8.2.2016 |
MT |
Il-Ġurnal Uffiċjali tal-Unjoni Ewropea |
C 48/27 |
Appell ippreżentat fis-7 ta’ Diċembru 2015 mill-Kummissjoni Ewropea mis-sentenza mogħtija mill-Qorti Ġenerali (It-Tmien Awla) fl-24 ta’ Settembru 2015 fil-Kawża T-674/11, TV2/Danmark A/S vs Il-Kummissjoni Ewropea
(Kawża C-656/15 P)
(2016/C 048/32)
Lingwa tal-kawża: id-Daniż
Partijiet
Appellanti: Il-Kummissjoni Ewropea (rappreżentanti: B. Stromsky, T. Maxian Rusche and L. Grønfeldt, bħala aġenti)
Partijiet oħra fil-proċedura: TV2/Danmark A/S, Ir-Renju tad-Danimarka, Viasat Broadcasting UK Ltd
Talbiet
|
— |
tannulla s-sentenza tal-Qorti Ġenerali (It-Tmien Awla) mogħtija fl-24 ta’ Settembru 2015 fil-Kawża T-674/11, TV2/Danmark A/S vs Il-Kummissjoni Ewropea, sa fejn tannulla d-Deċiżjoni tal-Kummissjoni 2011/839/UE, tal-20 ta’ April 2011, dwar il-miżuri implimentati mid-Danimarka (C 2/03) għal TV2/Danmark (1), sa fejn din id-deċiżjoni tikkonstata li d-dħul mir-reklamar fl-1995 u fl-1996 jikkostitwixxi għajnuna mill-Istat; |
|
— |
tiċħad it-tielet talba sussidjarja tar-rikorrenti fl-ewwel istanza fuq il-merti tagħha; |
|
— |
tikkundanna lir-rikorrenti fl-ewwel istanza għall-ispejjeż. |
Aggravji u argumenti prinċipali
L-appellanti ssostni li l-Qorti Ġenerali żbaljat fl-interpretazzjoni tal-kunċett ta’ “riżorsi tal-Istat” fis-sens tal-Artikolu 107(1) TFUE, inkluż il-kunċett ta’ “kontroll”, u billi naqset milli tipprovdi motivazzjoni adegwata.
Il-punti essenzjali tal-argumenti mressqa mill-appellanti insostenn tal-appell tagħha huma s-segwenti:
|
— |
Il-Qorti Ġenerali żbaljat fil-punti 210 u 211 billi naqset milli tirrikonoxxi li r-riżorsi ta’ TV2 Reklame huma riżorsi tal-Istat minħabba li l-kumpannija TV2 Reklame hija proprjetà tal-Istat. Il-Qorti Ġenerali applikat interpretazzjoni eċċessivament dejqa tal-ġurisprudenza dwar il-kunċett ta’ riżorsi tal-Istat minn impriżi li huma proprjetà tal-Istat. |
|
— |
Il-Qorti Ġenerali wettqet żball ta’ liġi meta applikat interpretazzjoni eċċessivament dejqa tal-kunċett ta’ “kontroll” fl-evalwazzjoni tagħha tal-kontroll mill-Istat fuq ir-riżorsi ta’ TV2 Reklame. Bl-istess mod, il-Qorti Ġenerali żbaljat fil-punt 215 billi interpretat ukoll b’mod dejjaq wisq il-kunċett ta’ “kontroll” fl-evalwazzjoni tagħha tal-kontroll mill-Istat fuq ir-riżorsi f’TV2 Fund. |
|
— |
Il-Qorti Ġenerali wettqet żball ta’ liġi fl-interpretazzjoni tas-sentenza PreussenElektra, C-379/98, ECLI:EU:C:2001:160. Din l-interpretazzjoni żbaljata għandha rwol ċentrali fir-raġunament li wassal lill-Qorti Ġenerali sabiex tannulla d-deċiżjoni kkontestata. |
