Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Summaries of EU Legislation

Qafas għall-klima u l-enerġija għall-2030 — l-emissjonijiet ta’ gassijiet serra, bidla fl-użu tal-art u l-forestrija

Date of last review:
25/10/2023
Author:
Uffiċċju tal-Pubblikazzjonijiet tal-Unjoni Ewropea
Responsible entity(ies):
Id-Direttorat Ġenerali għall-Azzjoni Klimatika
Summarised document(s):

Qafas għall-klima u l-enerġija għall-2030 — l-emissjonijiet ta’ gassijiet serra, bidla fl-użu tal-art u l-forestrija

 

SOMMARJU TA’:

Ir-Regolament (UE) 2018/841 dwar l-inklużjoni tal-emissjonijiet u l-assorbimenti ta’ gassijiet serra minn użu tal-art, tibdil fl-użu tal-art u l-forestrija fil-qafas ta’ politika għall-klima u l-enerġija għall-2030

Ir-Regolament (UE) 2023/839 li jemenda Regolament (UE) 2018/841 fir-rigward tal-kamp ta’ applikazzjoni, is-simplifikazzjoni tar-regoli tal-konformità, l-istabbiliment tal-miri tal-Istati Membri għall-2030 u l-impenn għall-kisba kollettiva tan-newtralità klimatika sal-2035 fis-settur tal-użu tal-art, tal-forestrija u tal-agrikoltura, u (UE) 2018/1999 fir-rigward tat-titjib fil-monitoraġġ, fir-rapportar, fit-traċċar tal-progress u fir-rieżami.

X’INHU L-GĦAN TAR-REGOLAMENT?

Ir-Regolament (UE) 2018/841:

  • jistabbilixxi kif is-settur tal-użu tal-art, bidla fl-użu tal-art u l-forestrija (LULUCF) jikkontribwixxi għall-miri klimatiċi tal-Unjoni Ewropea (UE);
  • jistabbilixxi regoli biex jagħtu kont tal-emissjonijiet u tneħħijiet mil-LULUCE, u biex jivverifikaw li l-Istati Membri tal-UE jissodisfaw l-impenji tagħhom.
  • jistabbilixxi mira mal-UE kollha għall-2030 għat-tneħħijiet tal-gass serra netta (GHG) fis-settur tal-LULUCF;
  • jistabbilixxi mira nazzjonal i għal kull Stat Membru għall-2030 u impenn għal kull Stat Membru biex jikseb emissjonijiet u tneħħijiet netti għall-perjodu mill-2026 sal-2029.

Ir-regolament kien emendat minn Regolament (UE) 2023/839 biex isaħħaħ il-kontribuzzjoni tas-settur għall-miri klimatiċi tal-UE.

PUNTI EWLENIN

Ir-regolament japplika għall-GHGs li ġejjin għal użu tal-art:

  • id-diossidu tal-karbonju (CO2),
  • il-metanu (CH4),
  • l-ossidu nitruż (N2O).

Impenji u miri

Ir-regolament jistabbilixxi numru ta’ impenji u miri għal kull Stat Membru. Dawn jinkludu:

  • li jiżgura li emissjonijiet tal-GHG li kienu meqjusa mill-użu tal-art ikunu ikkumpensati b’tal-inqas ammont ekwivalenti ta’ tneħħijiet li kienu meqjusa bejn l-2021 u l-2025 (magħrufa bħala r-regola ta’ ebda debitu)
  • li jikseb emissjonijiet u tneħħijiet netti tal-GHG għall-perjodu mill-2026 sal-2029 abbażi ta’ trajettorju ta’ valuri annwali indikattivi ta’ tneħħijiet u emissjonijiet, barra minn mira vinkolanti għas-sena 2030.

Il-mira tal-2030 tal-UE għat-tneħħijiet netti tal-GHG fis-settur LULUCF hi stabbilita għal 310 miljun tunnellata ta’ CO2 ekwivalenti

Il-kontabbiltà

Ir-regolament jistabbilixxi regoli tal-kontabilità għall-perjodu 2021-2025. L-Istati Membri jeħtieġ li:

  • jippreparaw u jżommu kontijiet li jirriflettu b’mod preċiż l-emissjonijiet u l-assorbimenti;
  • iżommu rekord komplet u preċiż tad-data kollha użata fit-tħejjija tal-kontijiet tagħhom.

Wara l-2025, il-konformità ma’ miri nazzjonali tal-Istati Membri hi verifikata abbażi ta’ emissjonijiet u tneħħijiet irrappurtati tal-GHG.

Flessibbiltà

Biex tgħin lill-Istati Membri jiksbu l-miri tagħhom, ir-regolament jipprovdi firxa ta’ flessibilitajiet, li jinkludu dawn li ġejjin:

  • Regola ġenerali ta’ flessibilità li tipprovdi li jekk, fil-perjodu tal-2021-2025, it-tneħħijiet totali jeċċedu l-emissjonijiet totali fi Stat Membru, jew fil-perjodu tal-2026-2030, id-differenza bejn is-somma tal-emissjonijiet u t-tneħħijiet tal-GHG u l-impenn, il-mira jew il-baġit stabbilit għal dak l-Istat Membru hu negattiv, dak l-Istat Membru jista’ jittrasferixxi t-tneħħijiet li jifdal għal Stat Membru ieħor. Dħul minn tali trasferimenti għandhom jintużaw biex jindirizzaw il-bidla klimatika f’pajjiżi tal-UE jew mhux tal-UE.
  • L-Istati Membri jistgħu jużaw ukoll l-allokazzjonijiet annwali żejda tal-emissjonijiet taħt ir-regolament tal-qsim tal-isforzi biex jilħqu l-miri LULUCF (taħt ċerti kundizzjonijiet).
  • Flessibilità fl-art forestali ġestita speċifika, meta emissjonijiet meqjusa jeċċedu t-tneħħijiet meqjusa fil-kategorija tal-kontabilità tal-art forestali ġestita għall-perjodu 2021-2025, fuq kundizzjoni ta’ konformità kumplessiva tal-UE.
  • Bl-istess mod, fil-perjodu 2026-2030, mekkaniżmu li jippermetti l-flessibilità għall-Istati Membri meta jonqsu li jilħqu l-miri, fuq kundizzjoni ta’ konformità kumplessiva tal-UE.
  • Kumpens, jekk jiġru disturbi naturali, bħal nirien tal-foresta, flimkien ma’ każijiet speċifiċi li jirrigwardjaw impatti ta’ bidla klimatika u l-effetti ta’ legat ta’ ħamrija organika.

Konformità u regoli ta’ reġistru

  • Jekk il-Kummissjoni Ewropea ssib li Stat Membu ma jkunx qed jagħmel progress suffiċjenti għall-mira 2030 tiegħu, meta tqis it-trajettorija, il-baġit għall-2026 sal-2029, u l-flessibilitajiet taħt dan ir-regolament, jibda japplika mekkaniżmu ta’ azzjoni korrettiva.
  • L-Istati Membri għandhom jissottomettu lill-Kummissjoni rapport ta’ konformità li jkun fih il-bilanċ tal-emissjonijiet u tneħħijiet totali għal kull kategorija ta’ art matul iż-żewġ perjodi ta’ żmien sal-15 ta’ Marzu 2027 (2021–2025) u l-15 ta’ Marzu 2032 (2026–2030).
  • Il-Kummissjoni għandha:
    • tirrevedi, bl-għajnuna tal-Aġenzija Ewropea għall-Ambjent, ir-rapporti ta’ konformità u tipprepara r-rapporti tagħha fl-2027 (2021–2025) u l-2032 (2026–2030) dwar l-emissjonijiet u t-tneħħijiet totali ta-UE għal kull kategorija ta’ kontabilità tal-art;
    • tadotta regoli għar-rekordjar ta’ emissjonijiet u tneħħijiet nazzjonal u t-twettiq korrett ta’ operazzjonijiet fir-reġistru tal-UE u tagħmel l-informazzjoni pubblikament; disponibbli;
    • iżżomm ir-regolament taħt rieżami u tippreżenta rapport lill-Parlament Ewropew u lill-Kunsill tal-Unjoni Ewropea fi żmien 6 xhur mill-ewwel rendikont globali taħt il-Ftehim ta’ Pariġi).

Il-Kummissjoni għandha s-setgħa li tadotta atti delegati biex tistabbilixxi regoli fir-rigward tar-reġistru tal-UE. Hi ser tadotta wkoll atti ta’ implimentazzjoni biex tistabbilixxi valuri annwali għall-emissjonijiet u tneħħijiet tal-GHG għal kull sena fil-perjodu ta’ mill-2026 sal-2029 stabbiliti abbażi ta’ trajettorja lineari li tispiċċa fuq il-mira tal-2030 għall-Istati Membri u biex tadotta regoli dwar il-metodoloġija għal evidenza fir-rigward ta’ impatti għat-terminu twil tal-bidla klimatika.

MINN META BEDA JAPPLIKA R-REGOLAMENT?

Ir-Regolament (UE) 2018/841 ilu japplika mid-9 ta’ Lulju 2018.

Ir-Regolament emendatorju (UE) 2023/839 ilu japplika mil-11 ta’ Mejju 2023.

SFOND

Ir-regolament kien emendat bir-Regolament (UE) 2023/839 bħala parti mill-pakkett lesti għall-mira ta’ 55%. Il-pakkett għandu l-għan li jippermetti lill-UE li tnaqqas l-emissjonijiet netti tal-GHG b’tal-inqas 55% sal-2030, meta mqabbla mal-livelli tal-1990, u biex tikseb n-newtralità klimatika sal-2050.

Għal aktar informazzjoni, ara:

DOKUMENTI PRINĊIPALI

Ir-Regolament (UE) 2018/841 tal-Parlament Ewropew u tal-Kunsill tat-30 ta’ Mejju 2018 dwar l-inklużjoni tal-emissjonijiet u l-assorbimenti ta’ gassijiet serra minn użu tal-art, tibdil fl-użu tal-art u l-forestrija fil-qafas ta’ politika għall-klima u l-enerġija għall-2030, u li jemenda r-Regolament (UE) Nru 525/2013 u d-Deċiżjoni Nru 529/2013/UE (ĠU L 156, 19.6.2018, pp. 1–25).

L-emendi suċċessivi għar-Regolament (UE) 2018/841 ġew inkorporati fit-test oriġinali. Din il-verżjoni konsolidata għandha valur dokumentarju biss.

Ir-Regolament (UE) 2023/839 tal-Parlament Ewropew u tal-Kunsill tad-19 ta’ April 2023 li jemenda r-Regolament (UE) 2018/841 fir-rigward tal-kamp ta’ applikazzjoni, is-simplifikazzjoni tar-regoli tar-rappurtar u tal-konformità, u li jistabbilixxi l-miri tal-Istati Membri għall-2030, u r-Regolament (UE) 2018/1999 fir-rigward tat-titjib fil-monitoraġġ, ir-rappurtar, it-twettiq tal-progress u r-reviżjoni (ĠU L 107, 21.4.2023, pp. 1–28).

DOKUMENTI RELATATI

Ir-Regolament Delegat tal-Kummissjoni (UE) 2021/268 tat-28 ta’ Ottubru 2020 li jemenda l-Anness IV tar-Regolament (UE) 2018/841 tal-Parlament Ewropew u tal-Kunsill fir-rigward tal-livelli ta’ referenza għall-foresti li jeħtieġ jiġu applikati mill-Istati Membri għall-perjodu 2021-2025(ĠU L 60, 22.2.2021, pp. 21–23).

Ir-Regolament (UE) 2018/1999 tal-Parlament Ewropew u tal-Kunsill tal-11 ta’ Diċembru 2018 dwar il-Governanza tal-Unjoni tal-Enerġija u tal-Azzjoni Klimatika, li jemenda r-Regolamenti (KE) Nru 663/2009 u (KE) Nru 715/2009 tal-Parlament Ewropew u tal-Kunsill, id-Direttivi 94/22/KE, 98/70/KE, 2009/31/KE, 2009/73/KE, 2010/31/UE, 2012/27/UE u 2013/30/UE tal-Parlament Ewropew u tal-Kunsill, id-Direttivi tal-Kunsill 2009/119/KE u (UE) 2015/652 u li jħassar ir-Regolament (UE) Nru 525/2013 tal-Parlament Ewropew u tal-Kunsill (ĠU L 328, 21.12.2018, pp. 1–77).

Ara l-verżjoni konsolidata.

Id-Deċiżjoni Nru 529/2013/UE tal-Parlament Ewropew u tal-Kunsill tal-21 ta’ Mejju 2013 dwar regoli tal-kontabilità dwar l-emissjonijiet u t-tneħħijiet tal-gassijiet serra li jirriżultaw mill-attivitajiet relatati mal-użu tal-art, mat-tibdil fl-użu tal-art u mal-forestrija u dwar informazzjoni li tikkonċerna l-azzjonijiet relatati ma’ dawk l-attivitajiet (ĠU L 165, 18.6.2013, pp. 80–97).

Ara l-verżjoni konsolidata.

l-aħħar aġġornament 25.10.2023

Top