Mekkaniżmu globali ta’ rappurtaġġ dwar armi żgħar, armi u munizzjoni sabiex jitnaqqas ir-riskju tan-negozju illeċtu tagħhom.

L-UE tappoġġja l-istabbiliment ta’ sistema globali faċli għall-utent ta’ mmaniġġjar tal-informazzjoni fuq armi devjati jew traffikati u sabiex issir riċerka fl-armi u l-munizzjon li jiċċirkolaw f’żoni tad-dinja affettwati minn kunflitti.

ATT

Deċiżjoni tal-Kunsill 2013/698/PESK tal-25 ta' Novembru 2013 b'appoġġ għal mekkaniżmu ta' globali rappurtar dwar armi ħfief u ta' kalibru żgħir illeċtiti u armi konvenzjonali oħrajn u munizzjoni illeċiti biex jitnaqqas ir-riskju tal-kummerċ illeċitu tagħhom.

SOMMARJU

L-Unjoni Ewropea (UE) qablet illi tappoġġja sistema globali faċli għall-utent ta’ maniġġjar tal-informazzjoni fuq armi żgħar illeċiti, armi ħfief u oħrajn konvenzjonali illeċti u munizzjoni għat-tnaqqis tar-riskju tan-negozju illeċitu tagħhom. Is-sistema jisimha iTrace. Il-proġett ġie allokat EUR 2.32 miljun mill-baġit tal-UE.

Hemm periklu li l-manifattura, trasferiment u ċirkolazzjoni ta’ armi żgħar u armi ħfief (SALW) jistgħu jikkontribwixxu għal deterjorament tat-terroriżmu u kriminalità organizzata u dan jista’ jkun fattur prinċipali fil-ħolqien u t-tixrid ta’ kunflitti. Studju ta’ strateġija tal-UE miftiehem fl-2006 qal li dawn il-kunflitti, li fihom SALW kienu bil-kbir il-fatturi l-aktar strumentali, swew, mill-1990, il-ħajja ta’ kważi erba’ miljun ruħ u ġiegħlu lil aktar minn 18-il miljun ruħ jitilqu minn darhom jew minn pajjiżhom.

Sistema onlajn aċċessibbli għall-pubbliku

Il-proġett se jistabbilixxi sistema onlajn aċċessibbli għall-pubbliku li tintraċċa SALW illeċiti u armi konvenzjonali illeċiti oħrajn u munizzjon, li timmarka tipi speċifiċi ta’ armi, fornituri, rotot ta’ trasferiment u riċevituri illegali.

Dan jippermetti lill-gvernijiet nazzjonali illi b’mod sistematiku jimmonitoraw it-traffikar ta’ SALW u ta’ armi konvenzjonali oħrajn u munizzjon.

Input għal dawk li jfasslu l-politika

Wieħed mill-għanijiet prinċipali huwa illi jipprovdi lil dawk li jfasslu l-politika u l-esperti dwar il-kontroll tal-armi konvenzjonali b’input sabiex ikunu jistgħu jiddefinixxu strateġiji aktar effettivi u oqsma ta’ prijorità sabiex jittrattaw din il-problema. Pereżempju, dan jista’ jkun billi jiġu identifikati opportunitajiet għal kooperazzjoni reġjonali jew identifikazzjoni ta’ ħażniet nazzjonali mhux siguri ta’ SALW jew identifikazzjoni ta’ rotot ta’ trasferiment illegali.

L-aħħar aġġornament: 11.06.2014