This document is an excerpt from the EUR-Lex website
EU Consumers, Health, Agriculture and Food Executive Agency
L-Aġenzija Eżekuttiva tal-UE għall-Konsumaturi, is-Saħħa, l-Agrikoltura u l-Ikel
L-Aġenzija Eżekuttiva tal-UE għall-Konsumaturi, is-Saħħa, l-Agrikoltura u l-Ikel
This summary has been archived and will not be updated. See
'Programmi tal-UE — aġenziji'
for an updated information about the subject.
- Date of last review:
- 07/07/2015
- Author:
- Uffiċċju tal-Pubblikazzjonijiet tal-Unjoni Ewropea
- Archived:
-
true
- Summarised document(s):
- Summary code:
-
- 01.99.00.00 Taqsiriet arkivjati
- EUROVOC descriptor:
- Directory code:
L-Aġenzija Eżekuttiva tal-UE għall-Konsumaturi, is-Saħħa, l-Agrikoltura u l-Ikel
Billi taħdem mill-qrib mad-dipartiment tal-Kummissjoni Ewropea responsabbli għas-saħħa u l-politika tal-konsumatur, l-aġenzija tiġġestixxi l-programmi tal-Unjoni Ewropea fl-oqsma tas-saħħa pubblika, il-protezzjoni tal-konsumatur u s-sikurezza tal-ikel.
ATT
Deċiżjoni ta’ Implimentazzjoni tal-Kummissjoni 2013/770/UE tas-17 ta’ Diċembru 2013 li tistabbilixxi l-Aġenzija Eżekuttiva tal-Konsumaturi, is-Saħħa u l-Ikel u li tirrevoka d-Deċiżjoni 2004/858/KE.
SOMMARJU
Billi taħdem mill-qrib mad-dipartiment tal-Kummissjoni Ewropea responsabbli għas-saħħa u l-politika tal-konsumatur, l-aġenzija tiġġestixxi l-programmi tal-Unjoni Ewropea fl-oqsma tas-saħħa pubblika, il-protezzjoni tal-konsumatur u s-sikurezza tal-ikel.
Ibbażata f’Lussemburgu, l-Aġenzija Eżekuttiva għall-Konsumaturi, is-Saħħa, l-Agrikoltura u l-Ikel (CHAFEA) hija aġenzija indipendenti responsabbli għall-implimentazzjoni ta’ numru ta’ programmi tal-Unjoni Ewropea (UE). Din taħdem flimkien mal-Kummissjoni Ewropea, li hija responsabbli għat-tfassil tal-politika f’dawn l-oqsma.
CHAFEA tiżgura l-implimentazzjoni ta’ partijiet minn dawn il-programmi li ġejjin:
- il-Programm tal-Konsumaturi għall-2014-2020: sigurtà tal-prodotti, rappreżentazzjoni tal-konsumaturi u drittijiet;
- il-Programm dwar is-Saħħa Pubblika għall-2014-2020: promozzjoni tas-saħħa u prevenzjoni tal-mard, indirizzar ta’ emerġenzi tas-saħħa, l-adozzjoni ta’ innovazzjonijiet, aċċess aħjar għall-għarfien espert mediku u informazzjoni medika, titjib dwar il-kwalità fil-kura tas-saħħa u sikurezza tal-pazjenti;
- il-miżuri ta’ Taħriġ Imtejjeb għal Iżjed Sikurezza fl-Ikel koperti mid-Direttiva 2000/29/KE u mir-Regolament (KE) Nru 882/2004 (oġġetti tal-ikel, għalf tal-annimali, saħħa u benesseri tal-annimali, kif ukoll regoli dwar is-saħħa tal-pjanti);
- il-ġestjoni ta' miżuri li jipprovdu informazzjoni dwar u jippromwovu l-prodotti agrikoli kemm fil-pajjiżi tal-UE kif ukoll fil-pajjiżi mhux tal-UE; u
- xi programmi ta’ legat mill-perjodu 2007-2013 fl-istess oqsma.
Il-kompiti ewlenin ta’ CHAFEA huma li:
- tmexxi u tissorvelja ċ-ċiklu tal-ħajja tal-proġetti (stediniet għal proposti, evalwazzjoni ta’ proġetti, negozjar ta’ kuntratti u kooperazzjoni kontinwa ma’ benefiċjarji ta’ għotjiet);
- tmexxi l-implimentazzjoni tal-baġits tal-programmi.
CHAFEA tissostitwixxi l-Aġenzija Eżekuttiva għas-Saħħa u l-Konsumaturi. Din id-deċiżjoni tkopri l-perjodu sal-31.12.2024.
REFERENZI
Att |
Dħul fis-seħħ |
Terminu għat-traspożizzjoni fl-Istati Membri |
Il-Ġurnal Uffiċjali |
Deċiżjoni 2013/770/UE |
19.12.2013 |
- |
Att(i) li jemenda(w) |
Dħul fis-seħħ |
Terminu għat-traspożizzjoni fl-Istati Membri |
Il-Ġurnal Uffiċjali |
Deċiżjoni 2014/927/UE |
7.1.2015 |
- |
ATTI RELATATI
Regolament tal-Kunsill (KE)Nru 58/2003 tad-19 ta’ DIċembru 2002 li jfassal l-istatut għall-aġenziji eżekuttivi li jridu jiġu fdati b’ċerti kompiti fit-tmexxija tal-programmi tal-Komunità. (Ġurnal Uffiċjali L 11, 16.1.2003, p. 1-8).
Regolament tal-Kummissjoni (KE) Nru 1653/2004 tal-21 ta’ Settembru 2004dwar regolament finanzjarju standard tal-aġenziji eżekuttivi skont ir-Regolament tal-Kunsill (KE) Nru 58/2003 li jfassal l-istatut għall-aġenziji eżekuttivi li jridu jiġu fdati b’ċerti kompiti fit-tmexxija tal-programmi tal-Komunità (Ġurnal Uffiċjali L 297, 22.9.2004, p. 6--16).
l-aħħar aġġornament 07.07.2015
