EUR-Lex Access to European Union law
This document is an excerpt from the EUR-Lex website
Document 62014FN0095
Case F-95/14: Action brought on 17 September 2014 — ZZ v ECB
Kawża F-95/14: Rikors ippreżentat fis- 17 ta’ Settembru 2014 – ZZ vs BĊE
Kawża F-95/14: Rikors ippreżentat fis- 17 ta’ Settembru 2014 – ZZ vs BĊE
OJ C 421, 24.11.2014, p. 63–64
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
24.11.2014 |
MT |
Il-Ġurnal Uffiċjali tal-Unjoni Ewropea |
C 421/63 |
Rikors ippreżentat fis-17 ta’ Settembru 2014 – ZZ vs BĊE
(Kawża F-95/14)
2014/C 421/93
Lingwa tal-kawża: il-Franċiż
Partijiet
Rikorrent: ZZ (rappreżentanti: L. Levi u M. Vandenbussche, avukati)
Konvenut: Il-Bank Ċentrali Ewropew
Suġġett
Annullament tad-deċiżjoni tal-Bord Eżekuttiv tal-BĊE li r-rikorrent ma jingħatax żieda addizzjonali fis-salarju, fil-kuntest tal-proċedura ta’ reviżjoni annwali tas-salarji u tal-bonuses, għas-sena 2014.
Talbiet tar-rikorrent
— |
jannulla d-deċiżjoni tal-Bord Eżekuttiv, adottata fil-25 ta’ Frar 2014 u kkomunikata lill-persunal fit-3 ta’ Marzu 2014, li r-rikorrent ma jingħatax żieda addizzjonali fis-salarju għas-sena 2014; |
— |
jannulla d-deċiżjoni li tiċħad l-appell speċjali, iddatata l-1 ta’ Lulju 2014 u rċevuta fit-8 ta’ Lulju 2014; |
— |
jekk ikun neċessarju, jannulla d-deċiżjoni tal-kap tad-dipartiment kompetenti/DG-H li ma kkunsidrax u lanqas ippropona lir-rikorrenti għal ASA, ikkomunikata impliċitament permezz tad-deċiżjoni tal-Bord Eżekuttiv tal-25 ta’ Frar 2014 u permezz tad-deċiżjoni li tiċħad l-appell speċjali tal-1 ta’ Lulju 2014; |
— |
jordna l-kumpens għad-dannu materjali li jikkonsisti fit-telf ta’ opportunità li jinkiseb ASA fl-2014, ivvalutat fl-ammont ta’ EUR 54 635 jew alternattivament fl-annullament tal-proċedura li wasslet għad-deċiżjoni tal-25 ta’ Frar 2014 u l-organizzazzjoni mill-BĊE ta’ proċedura ġdida għall-għoti ta’ żidiet addizzjonali tas-salarju għas-sena 2014; |
— |
jikkundanna lill-konvenut jikkumpensa d-danni morali ivvalutati ex aequo et bono fl-ammont ta’ EUR 5 000; |
— |
jikkundanna lill-BĊE għall-ispejjeż kollha. |