IL-KUMMISSJONI EWROPEA
Brussell, 23.2.2021
COM(2021) 89 final
2021/0049(COD)
Proposta għal
DEĊIŻJONI TAL-PARLAMENT EWROPEW U TAL-KUNSILL
dwar il-parteċipazzjoni tal-Unjoni fis-Sħubija Ewropea dwar il-Metroloġija mwettqa b’mod konġunt minn diversi Stati Membri
{SEC(2021) 91 final} - {SWD(2021) 35 final} - {SWD(2021) 36 final}
MEMORANDUM TA’ SPJEGAZZJONI
1.KUNTEST TAL-PROPOSTA
Raġunijiet u objettivi tal-proposta
Orizzont Ewropa – il-programm qafas il-ġdid għar-riċerka u l-innovazzjoni (2021 – 2027) – għandu l-għan li jikseb impatt akbar fuq ir-riċerka u l-innovazzjoni permezz tal-ingranaġġ ta’ fondi privati u pubbliċi addizzjonali permezz tal-koinvestiment bis-saħħa tas-Sħubijiet Ewropej. Dawn is-sħubijiet huma previsti f’oqsma fejn il-kamp ta’ applikazzjoni u l-iskala tar-riżorsi fir-riċerka u l-innovazzjoni huma ġġustifikati biex jappoġġaw il-kisba tal-prijoritajiet tal-Unjoni fil-mira ta’ Orizzont Ewropa, b’mod partikolari l-Pilastru 2 tiegħu – Sfidi globali u kompetittività industrijali.
L-Artikolu 8 tar-Regolament (UE) [XXX] tal-Parlament Ewropew u tal-Kunsill (ir-“Regolament dwar Orizzont Ewropa”) jipprovdi li Sħubijiet Ewropej Istituzzjonalizzati bbażati fuq l-Artikoli 185 u 187 tat-Trattat dwar il-Funzjonament tal-Unjoni Ewropea (TFUE) “għandhom jiġu implimentati biss fejn partijiet oħra tal-programm Orizzont Ewropa, inklużi forom oħra ta’ Sħubijiet Ewropej ma jilħqux l-objettivi jew ma jiġġenerawx l-impatti mistennija meħtieġa, u jekk dan ikun iġġustifikat minn perspettiva fit-tul u grad għoli ta’ integrazzjoni”.
Fir-Regolament dwar Orizzont Ewropa, il-koleġiżlaturi identifikaw ukoll tmien oqsma ta’ prijorità għal Sħubijiet Ewropej Istituzzjonalizzati possibbli bbażati fuq l-Artikolu 185 jew l-Artikolu 187 tat-TFUE. Konsegwentement, sett ta’ 12-il inizjattiva ġew identifikati bħala kandidati u kienu soġġetti għal valutazzjoni tal-impatt koordinata.
Il-metroloġija ġiet rikonoxxuta mill-koleġiżlaturi bħala wieħed minn dawn l-oqsma ta’ prijorità skont ir-Regolament dwar Orizzont Ewropa, u għalhekk il-proposta attwali għal Sħubija Ewropea dwar il-Metroloġija. Din tibni fuq it-tagħlimiet meħuda mill-programm Ewropew ta’ Riċerka dwar il-Metroloġija (EMRP) u l-Programm Ewropew tal-Metroloġija għar-Riċerka u l-Innovazzjoni (EMPIR). Madankollu, din l-inizjattiva tirrappreżenta sħubija ġdida biex tindirizza sfidi ġodda. Hija mhix maħsuba bħala sempliċi kontinwazzjoni ta’ programmi preċedenti.
Il-proposta tirrigwarda l-parteċipazzjoni tal-Unjoni Ewropea fil-Programm Ewropew tal-Metroloġija mwettaq minn diversi Stati Membri. Il-metroloġija hija l-istudju xjentifiku tal-kejl. Hija faċilitatur ewlieni tal-attività ekonomika u soċjali u, bħala tali, hija ben pubbliku. Bħalissa, il-programmi ta’ riċerka dwar il-metroloġija ma għandhomx impatt fil-livell tal-UE minħabba l-frammentazzjoni tal-attivitajiet u d-duplikazzjoni tal-isforzi bejn l-Istati Membri.
Dan fi żmien meta l-Ewropa qed tiffaċċja kompetizzjoni globali akbar fil-metroloġija f’termini ta’ skala u fokus tal-investiment kif ukoll impenn finanzjarju fit-tul għall-objettivi tal-metroloġija. Fl-aħħar deċennju, l-Istati Uniti, iċ-Ċina u l-Indja żiedu l-investimenti tagħhom fil-metroloġija b’60 %, 50 % u 52 % rispettivament. Matul dan il-perjodu, l-investimenti fl-istituti Ewropej baqgħu relattivament statiċi u ma rreaġixxewx għal oqsma ta’ riċerka ġodda u dejjem aktar importanti. Il-livell inadegwat ta’ investiment fl-Ewropa, flimkien mal-frammentazzjoni tal-kapaċitajiet tal-metroloġija, irriżulta fi sforzi frammentati żżejjed, mingħajr ebda fokus strateġiku. Il-programmi preċedenti ffinanzjati fil-livell tal-UE, tal-ERMP u tal-EMPIR, urew il-kapaċità li titnaqqas din il-frammentazzjoni, kif ukoll li jikkofinanzjaw attivitajiet għal kapaċitajiet tal-metroloġija ġodda u prijoritajiet konġunti.
F’dawn l-aħħar snin, l-investimenti barra mill-UE komplew. Fl-Istati Uniti, l-Istitut Nazzjonali tal-Istandards u t-Teknoloġija (NIST), li huwa l-istitut nazzjonali tal-metroloġija tal-pajjiż, kellu baġit annwali ġenerali ta’ USD 724,5 miljun fl-2018 u fl-2019. Azzjonijiet notevoli jinkludu programm iddedikat għal xjenzi ta’ kejl esploratorju (il-“programm tal-laboratorju”) b’baġit annwali li jaqbeż is-USD 60 miljun u programm ta’ riċerka għal kejl fundamentali, inkluż ix-xjenza kwantum li għandu baġit annwali ta’ aktar minn USD 160 miljun. Skont l-aktar informazzjoni riċenti disponibbli, l-Istitut Nazzjonali tal-Metroloġija (NIM) fiċ-Ċina kellu baġit operazzjonali ta’ EUR 180 miljun fl-2018. Barra minn hekk, iċ-Ċina implimentat programm ta’ riċerka mmirat għall-metroloġija bejn l-2016 u l-2019 ta’ madwar EUR 65 miljun u ffinanzjat 160 proġett ta’ riċerka kollaborattiva madwar iċ-Ċina. B’paragun ma’ dan, PTB, l-Istitut Nazzjonali tal-Metroloġija (NMI) fil-Ġermanja u l-akbar fl-Ewropa, għandu baġit annwali operazzjonali totali ta’ EUR 200 miljun, fejn il-biċċa l-kbira tiegħu mhijiex immirata lejn ir-riċerka, iżda lejn is-servizzi tal-metroloġija għall-industrija u s-soċjetà.
Il-kompetituri globali tagħna qed jagħmlu dawn l-investimenti strateġiċi minħabba l-ħtieġa dejjem akbar għal soluzzjonijiet ta’ metroloġija mmirati lejn teknoloġiji emerġenti u l-iżvilupp ta’ prodotti ġodda. Barra minn hekk, iż-żieda fl-isfidi tas-soċjetà li jirrikjedu standards u regolamenti affidabbli tagħmilha urġenti li jiġi indirizzat in-nuqqas ta’ integrazzjoni tal-metroloġija fis-sistema ta’ innovazzjoni fil-livell Ewropew.
Sabiex tinżamm it-tmexxija kompetittiva tal-Ewropa fit-teknoloġiji emerġenti u l-iżvilupp ta’ prodotti ġodda u biex jiġi żgurat approċċ li jħares ’il quddiem lejn standards u regolamenti affidabbli li jantiċipaw l-isfidi tas-soċjetà, huwa essenzjali li l-Inizjattiva Ewropea dwar il-Metroloġija tiżgura li sal-2030, is-soluzzjonijiet tal-metroloġija fl-Ewropa jkunu mill-anqas ugwali għal dawk tal-aqwa atturi globali, fid-dimostrazzjoni ta’ klassi dinjija fl-għoti ta’ servizzi ta’ metroloġija għal sfidi ta’ kejl eżistenti u kumplessi u teknoloġiji ġodda. Dan jenħtieġ li jinkiseb permezz ta’ networks pan-Ewropej speċjalizzati li jgħaqqdu r-riżorsi biex tinkiseb massa kritika ta’ kapaċitajiet. Dawn is-soluzzjonijiet ta’ metroloġija jenħtieġ li jappoġġaw il-bejgħ ta’ prodotti u servizzi innovattivi ġodda billi jadottaw u jużaw teknoloġiji emerġenti ewlenin. Is-soluzzjonijiet jenħtieġ li jikkontribwixxu wkoll għat-tfassil u għall-implimentazzjoni effettivi ta’ standards u regolamenti speċifiċi li jirfdu l-politiki pubbliċi li jindirizzaw l-isfidi tas-soċjetà.
Konsistenza mad-dispożizzjonijiet eżistenti fil-qasam ta’ politika
Peress li l-metroloġija hija faċilitatur tal-oqsma xjentifiċi u teknoloġiċi kollha, it-titjib fil-kapaċitajiet tal-metroloġija jista’ jaċċellera l-avvanz xjentifiku u l-iżviluppi industrijali biex jgħin fl-indirizzar tal-isfidi relatati, pereżempju, fis-saħħa, l-ambjent, it-tibdil fil-klima, il-protezzjoni soċjali u l-wirt kulturali. Kwalunkwe inizjattiva futura Ewropea dwar il-metroloġija għar-riċerka u l-innovazzjoni konġunti għalhekk jeħtieġ li toħloq u tisfrutta rabtiet ma’ diversi inizjattivi oħra taħt Orizzont Ewropa u lil hinn.
F’Orizzont Ewropa, il-metroloġija hija rilevanti għal attivitajiet ta’ riċerka u innovazzjoni ffinanzjati taħt ir-raggruppament diġitali, tal-industrija u tal-ispazju tal-programm, peress li l-kejl preċiż u robust ipprovdut mill-metroloġija jagħti kontribut kritiku fis-setturi tal-manifattura, b’mod partikolari għall-manifattura bi preċiżjoni għolja ta’ prodotti b’valur miżjud għoli bħall-ajruspazju, it-tagħmir spazjali u tal-ICT ta’ prestazzjoni għolja u l-farmaċewtiċi.
Madankollu, l-użu ta’ kejl preċiż robust huwa ħafna usa’ minn dan, u għalhekk is-sħubija Ewropea dwar il-metroloġija hija rilevanti għal firxa wiesgħa ta’ oqsma u inizjattivi Ewropej oħra tal-politika tar-riċerka u l-innovazzjoni, inklużi sħubijiet pubbliċi-privati. Pereżempju, dan huwa rilevanti għat-tħaddim ta’ grilji elettriċi intelliġenti. Il-metroloġija hija importanti wkoll biex jiġi żgurat kejl preċiż fid-dijanjostika u fl-għoti tal-kura tas-saħħa.
B’mod aktar ġenerali, hemm komplementarjetajiet mas-Sħubiji Ewropej previsti taħt Orizzont Ewropa għal:
·industriji diġitali intensivi, bħal Magħmul fl-Ewropa fir-rigward tal-manifattura diskreta;
·il-monitoraġġ tal-emissjonijiet tas-CO2 u t-tniġġis tal-arja b’mod ġenerali taħt is-Sħubiji “Tranżizzjoni Enerġetika Nadifa” u “Processes4Planet”;
·Teknoloġiji diġitali ewlenin; Networks u servizzi intelliġenti, Intelliġenza artifiċjali, data u robotika;
·Il-kisba ta’ trasport bit-triq b’emissjonijiet żero (2Zero), Trasport bit-triq sikur u awtomatizzat permezz ta’ sewqan konness, u Sħubija tal-avjazzjoni nadifa.
·Is-sinerġiji jenħtieġ li jinbnew ukoll bl-Inizjattiva għal Saħħa Innovattiva u s-Sħubija għall-innovazzjoni u t-trasformazzjoni fuq skala kbira tas-sistemi tas-saħħa f’soċjetà diġitali u li qed tixjieħ. Minħabba n-natura trażversali tagħha, is-sħubija futura Ewropea dwar il-metroloġija jenħtieġ li tgħin ukoll fl-implimentazzjoni ta’ missjonijiet futuri tal-Orizzont Ewropa. Hija jenħtieġ li tiżviluppa wkoll rabtiet mas-Sħubija Futura dwar il-Cloud Ewropew tax-Xjenza Miftuħa.
Lil hinn minn Orizzont Ewropa, se jinbnew komplementaritajiet ma’ programmi Ewropej oħra biex jiġi appoġġat l-użu ta’ soluzzjonijiet tal-metroloġija bħall-Faċilità Nikkollegaw l-Ewropa, il-programm Ewropa Diġitali, u l-programm ambjentali LIFE. Grupp ta’ Tmexxija ġdid se jissorvelja r-rabtiet u l-komunikazzjoni effiċjenti bejn is-Sħubija dwar il-Metroloġija u l-programmi rilevanti l-oħrajn.
Konsistenza ma’ politiki oħra tal-Unjoni
L-inizjattiva Ewropea dwar il-metroloġija se tikkontribwixxi b’mod wiesa’ għal politiki oħra tal-Unjoni lil hinn mir-riċerka u l-innovazzjoni. Bħala faċilitatur bejn is-setturi u bejn id-dixxiplini, is-soluzzjonijiet tal-metroloġija ikopru s-sitt prijoritajiet kollha segwiti mill-Kummissjoni, kif jidher fit-tabella ta’ hawn taħt.
Tabella: Ir-rwol tal-metroloġija fil-prijoritajiet tal-Kummissjoni
Prijorità
|
Illustrazzjonijiet tar-rwol tal-metroloġija
|
Patt Ekoloġiku Ewropew
|
Jipprovdi metrika għall-kisba tan-newtralità klimatika
|
Ekonomija għas-servizz tan-nies
|
Għodod ta’ kejl innovattivi u aktar preċiżi huma integrali għal pjan ta’ suċċess għall-ġlieda kontra l-kanċer
|
Ewropa Lesta għall-Era Diġitali
|
Ċentrali għall-istabbiliment ta’ standards għan-networks 5G u għas-servizzi diġitali
|
Ħarsien tal-Istil ta’ Ħajja Ewropew tagħna
|
Essenzjali biex tiġi pprovduta fiduċja f’Żona Schengen li tiffunzjona bis-sħiħ biex jissaħħaħ l-approċċ Ewropew għall-ġestjoni tar-riskju doganali
|
Ewropa aktar b’saħħitha fid-dinja
|
Tirfed ir-rwol tal-Ewropa bħala entità li tistabbilixxi l-istandards, li tmexxi aġenda b’saħħitha, miftuħa u ġusta għall-kummerċ u sistema għall-iskambju ta’ kwoti tal-emissjonijiet li tiffunzjona
|
Spinta ġdida għad-demokrazija Ewropea
|
Tiżgura standards għall-protezzjoni tal-Ewropa kontra interferenza esterna moħbija
|
Il-metroloġija tiżgura li meta jittieħed kejl, dan ikun traċċabbli għal definizzjonijiet u standards miftiehma internazzjonalment. Din hija l-bażi ta’ sistemi nazzjonali u internazzjonali tal-metroloġija li joħolqu l-kejl preċiż u affidabbli li huwa l-bażi ta’ firxa wiesgħa ta’ attivitajiet ekonomiċi u ta’ servizzi pubbliċi u li jkopru s-suq intern kollu f’ekonomija għas-servizz tan-nies. Dan jikkonċerna s-sikurezza tal-prodotti tal-konsumatur kif ukoll tas-servizzi finanzjarji, fejn il-metroloġija tippermetti li kull tranżazzjoni finanzjarja tiġi kronogrammata b’mod preċiż biex tiġi żgurata evidenza traċċabbli ta’ dan u biex tiġi żgurata l-konformità mar-regolamenti finanzjarji Ewropej.
Sabiex titrawwem Ewropa Lesta għall-Era Diġitali, kapaċitajiet preċiżi tal-kejl l-aktar avvanzati fl-istituti nazzjonali tal-metroloġija u fl-istituti ddeżinjati se jippermettu servizzi diġitali moderni iżda wkoll it-teknoloġiji diġitali emerġenti kollha, bħall-intelliġenza kwantum jew artifiċjali.
Il-kisba tan-newtralità klimatika sal-2050 se teħtieġ kapaċitajiet ta’ kejl ċari fit-telerilevament (bħall-osservazzjoni tad-dinja), l-ambjent u l-enerġija. B’mod aktar speċifiku, l-oqsma ta’ politika tal-Patt Ekoloġiku Ewropew huma kollha direttament relatati mal-isfidi tal-metroloġija. Kapaċitajiet ta’ kejl preċiżi u traċċabbli jippermettu monitoraġġ ambjentali robust tal-istat tal-klima. Huma jappoġġaw ukoll it-tfassil u l-infurzar effettivi tar-regolamenti ambjentali billi jipprovdu data affidabbli għall-varjabbli klimatiċi li jappoġġaw il-Ftehim ta’ Pariġi dwar it-Tibdil fil-Klima u għall-parametri ambjentali bħall-kwalità tal-arja u tal-ilma.
Ix-xjenza tal-kejl għall-enerġija, pereżempju, se tkun essenzjali biex tgħin fit-tranżizzjoni lejn enerġiji rinnovabbli. F’futur b’livell baxx ta’ emissjonijiet tal-karbonju, il-fehim tad-daqs, il-perjodu ta’ żmien u l-impatt tat-tibdil fil-klima se jkunu ċentrali. Dan jeħtieġ monitoraġġ preċiż u affidabbli tal-varjabbli klimatiċi kollha fuq il-perjodi ta’ żmien twal meħtieġa biex jiġu identifikati u mifhuma x-xejriet klimatiċi.
Barra minn hekk, il-metroloġija jenħtieġ li tirfed regolamenti ambjentali adattati għall-iskop tagħhom, bħal dwar it-tniġġis tal-ilma jew tal-arja, inkluż il-monitoraġġ u l-infurzar. Lil hinn mill-enerġija u l-ambjent, l-oqsma ta’ politika tal-Patt Ekoloġiku bħall-industrija sostenibbli, il-mobbiltà sostenibbli, u l-bijodiversità kollha se jeħtieġu sistema ta’ metroloġija moderna u kapaċi.
2.BAŻI ĠURIDIKA, SUSSIDJARJETÀ U PROPORZJONALITÀ
Bażi ġuridika
Il-proposta għal inizjattiva Ewropea dwar il-metroloġija hi msejsa fuq l-Artikolu 185 tat-TFUE, li jikkonċerna l-parteċipazzjoni tal-Unjoni Ewropea fil-programmi tar-riċerka u l-iżvilupp li jwettqu bosta Stati Membri, inkluż il-parteċipazzjoni fl-istrutturi maħluqa għall-eżekuzzjoni ta’ dawk il-programmi.
Sussidjarjetà (għall-kompetenza mhux esklużiva)
Il-prinċipju tas-sussidjarjetà japplika billi l-proposta mhix fil-kompetenza esklużiva tal-Unjoni Ewropea. Is-sussidjarjetà hi ssalvagwardjata billi l-proposta hija msejsa fuq l-Artikolu 185 tat-TFUE, li b’mod espliċitu jipprevedi l-parteċipazzjoni tal-Unjoni fil-programmi tar-riċerka mwettqa minn bosta Stati Membri.
L-Istati Membri waħedhom ma jistgħux jilħqu biżżejjed l-objettivi tal-proposta għax l-iskala u l-kumplessità tar-rekwiżiti tal-metroloġija jeħtieġu investimenti li jmorru lil hinn mill-baġits tar-riċerka ewlenin tal-istituti nazzjonali tal-metroloġija. L-eċċellenza meħtieġa għar-riċerka u l-iżvilupp ta’ soluzzjonijiet avvanzati tal-metroloġija hi mifruxa fost il-fruntieri nazzjonali u għalhekk ma tistax tinkiseb bi sforz biss fuq livell nazzjonali. Mingħajr approċċ konsistenti fuq livell Ewropew mal-massa kritika, hemm riskju kbir ta’ dupplikazzjoni ta’ sforzi, li jwassal għal kostijiet akbar u għal inqas impatt.
L-appoġġ fil-livell tal-UE sal-lum wera l-ambitu li hemm għat-trawwim ta’ livelli sinifikanti ta’ integrazzjoni tal-isforzi ta’ riċerka dwar il-metroloġija madwar l-Ewropa. Sal-lum, l-integrazzjoni kienet xprunata minn kollaborazzjoni fil-livell tal-proġett minn isfel għal fuq. Minħabba l-importanza dejjem akbar tagħha fl-iffaċilitar ta’ teknoloġiji emerġenti u fir-rispons għall-isfidi tas-soċjetà, huwa meħtieġ approċċ aktar strateġiku għall-integrazzjoni tal-isforzi tal-metroloġija biex tissaħħaħ id-direzzjonalità tar-riċerka. Għaldaqstant, il-valur miżjud tal-azzjoni fil-livell tal-UE permezz tal-inizjattiva Ewropea dwar il-metroloġija se jiġi mill-iżvilupp u mill-implimentazzjoni ta’ approċċ aktar programmatiku li jimmira r-riċerka dwar il-metroloġija f’oqsma ta’ importanza teknoloġika u tas-soċjetà emerġenti.
Proporzjonalità
L-Artikolu 185 tat-TFUE jistieden lill-Unjoni biex “bi ftehim mal-Istati Membri involuti, tipprovdi dwar parteċipazzjoni tagħha fi programmi ta’ riċerka u żvilupp, imnedija minn diversi Stati Membri, inkluż il-parteċipazzjoni fl-istrutturi maħluqa għall-eżekuzzjoni ta’ dawn il-programmi”.
Il-proposta hi konformi mal-prinċipju tal-proporzjonalità billi l-Istati Membri se jkunu responsabbli biex jiżviluppaw il-programm konġunt tagħhom u kull aspett operazzjonali. L-istruttura ta’ implimentazzjoni ddedikata – l-Assoċjazzjoni Ewropea tal-Istituti Nazzjonali tal-Metroloġija (EURAMET) - diġà wriet f’inizjattivi preċedenti dwar il-metroloġija fil-livell Ewropew (l-EMRP u l-EMPIR) li tista’ timplimenta l-programm b’mod effiċjenti u effettiv. L-Unjoni se tagħti inċentivi għal koordinazzjoni aħjar, biex tiżgura sinerġiji ma’ u kontribuzzjonijiet lill-politiki tal-UE u lill-prijoritajiet ta’ Orizzont 2020, tissorvelja l-implimentazzjoni tal-programm u tiżgura li jitħarsu l-interessi finanzjarji tal-UE.
Il-valutazzjoni tal-impatt ex ante għall-inizjattiva Ewropea dwar il-metroloġija tikkonkludi li l-Artikolu 185 tat-TFUE huwa l-aktar bażi xierqa biex jintlaħaq l-objettiv. Dan huwa spjegat fid-dettall fit-Taqsima 6 tal-valutazzjoni tal-impatt, fejn inizjattiva skont l-Artikolu 185 tat-TFUE hija l-aħjar f’termini ta’ effettività u koerenza u hija kosteffiċjenti daqs l-opzjoni bażi tas-sejħiet għal proposti ta’ Orizzont Ewropa.
Għaldaqstant, il-valutazzjoni tal-impatt tikkonferma fis-Sottotaqsima 6.4 li din il-forma ta’ sħubija tipprovdi qafas stabbli, li jiżgura l-impenn tas-sħab għall-objettivi fit-tul. Hija tipprovdi wkoll il-bażi għal approċċ strateġiku għall-iżvilupp futur tal-metroloġija fl-Ewropa u, f’dan ir-rigward, tkun flessibbli biżżejjed biex tippermetti gwida minn fuq għal isfel minn grupp ta’ tmexxija u implimentazzjoni mmirata tal-inizjattiva permezz ta’ networks speċjalizzati.
Barra minn hekk, il-valutazzjoni tal-impatt tiddetermina li billi tiffaċilita approċċ strateġiku fit-tul u implimentazzjoni mmirata, din il-forma ta’ sħubija tattira impenn u parteċipazzjoni akbar mill-industrija u minn utenti finali oħrajn, u dan iwassal għall-adozzjoni ta’ soluzzjonijiet metroloġiċi. Dan l-approċċ strateġiku u l-implimentazzjoni mmirata, flimkien ma’ żieda fil-parteċipazzjoni tal-industrija u ta’ utenti finali oħra, iwittu t-triq għal sistema ta’ metroloġija b’kapaċitajiet ferm aktar b’saħħithom u bl-ogħla prestazzjoni fil-livell globali.
Għażla tal-istrument
L-inizjattiva Ewropea dwar il-metroloġija proposta se tkun ibbażata fuq l-Artikolu 185 tat-TFUE. Il-konklużjonijiet tal-evalwazzjoni interim u analiżi tal-opzjonijiet fil-valutazzjoni tal-impatt urew li l-Artikolu 185 hu l-aktar mezz xieraq biex jintlaħqu l-objettivi tal-inizjattiva Ewropea dwar il-metroloġija. Din il-konklużjoni hija konformi mal-konklużjonijiet li ntlaħqu għall-programmi preċedenti (l-EMRP u l-EMPIR). Għal dan it-tip ta’ strument skont l-Artikolu 185 tat-TFUE, l-Artikolu 188(2) tat-TFUE jeħtieġ li l-Parlament Ewropew u l-Kunsill jadottaw deċiżjoni.
3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT
Evalwazzjonijiet ex-post
Fl-2017, grupp ta’ esperti esterni indipendenti wettaq evalwazzjoni interim tal-EMPIR, l-inizjattiva dwar il-metroloġija skont l-Artikolu 185 tat-TFUE.
L-evalwazzjoni kkonfermat li l-programm tal-EMPIR kien għamel progress tajjeb fl-ilħuq tal-biċċa l-kbira tal-objettivi tal-programm u kien mistenni li jżid il-fatturat Ewropew billi jagħmel użu mit-teknoloġiji żviluppati.
L-evalwazzjoni rrakkomandat sħubija ġdida fil-livell Ewropew abbażi ta’ tliet rakkomandazzjonijiet. L-ewwel nett, il-komponent strateġiku jenħtieġ li jissaħħaħ. L-istituti nazzjonali tal-metroloġija jenħtieġ li jinvolvu ruħhom ma’ komunitajiet oħra ta’ partijiet ikkonċernati biex jiżviluppaw “ktajjen tal-valur tal-metroloġija” li jistgħu jappoġġaw is-suq uniku. L-evalwazzjoni ma rrakkomandatx li struttura Ewropea ċentralizzata timplimenta r-rakkomandazzjoni. Din kienet favur approċċ minn isfel għal fuq għall-attivitajiet ta’ metroloġija, ibbażat fuq objettivi miftiehma fil-livell Ewropew. Għal dawn ir-raġunijiet, l-evalwazzjoni rrakkomandat li jenħtieġ li jkunu inklużi “ċentri ta’ eċċellenza” pan-Ewropej fil-forma ta’ networks (“networks Ewropej tal-metroloġija”) fi sħubija suċċessur potenzjali sabiex tissaħħaħ il-kapaċità tal-metroloġija biex twieġeb għal sfidi kbar tas-soċjetà.
It-tieni, ir-rwol tal-partijiet ikkonċernati esterni, bħall-universitajiet u l-industrija jenħtieġ li ma jibqax limitat għall-parteċipazzjoni fi proġetti magħżula wara s-sejħiet. Minflok, fil-futur jenħtieġ li jkunu aktar involuti fl-iżvilupp tal-programm u jkollhom aktar opportunitajiet biex jipparteċipaw fil-proġetti.
It-tielet rakkomandazzjoni kienet għall-implimentazzjoni tal-programm biex jiġu indirizzati b’mod proattiv l-applikazzjonijiet tal-metroloġija f’oqsma xjentifiċi emerġenti u biex tingħata attenzjoni akbar lill-indirizzar tal-isfidi tas-soċjetà.
Konsultazzjonijiet mal-partijiet ikkonċernati
Il-Kummissjoni wettqet konsultazzjoni pubblika miftuħa mal-partijiet ikkonċernati dwar inizjattiva Ewropea futura fil-metroloġija. 225 rispondent wieġbu għall-konsultazzjoni pubblika online. Minn dawn, 50 % identifikaw lilhom infushom bħala akkademiċi/riċerkaturi, 16 % bħala ċittadini tal-UE, 14 % bħala organizzazzjonijiet tal-kumpaniji/tan-negozju u 12 % bħala awtoritajiet pubbliċi. It-8 % li jifdal kienu jinkludu assoċjazzjonijiet tan-negozju, organizzazzjonijiet mhux governattivi, ċittadini mhux tal-UE u organizzazzjonijiet mhux governattivi.
Ir-rispondenti pprovdew il-fehmiet tagħhom dwar ir-rilevanza tar-riċerka dwar il-metroloġija, identifikaw problemi li tiffaċċja s-sistema Ewropea ta’ riċerka dwar il-metroloġija u vvalutaw diversi soluzzjonijiet ta’ politika possibbli. Mill-konsultazzjoni ħarġu għadd ta’ problemi fosthom li mhux qed isir sfruttament industrijali biżżejjed, in-nuqqas ta’ kooperazzjoni tal-Istituti Nazzjonali tal-Metroloġija (NMIs) mal-bażi xjentifika usa’, id-diskrepanzi fil-kapaċitajiet bejn l-Istati Membri tal-UE, il-mobbiltà insuffiċjenti tar-riċerkaturi fl-NMIs u n-nuqqas ta’ involviment fil-korpi ta’standardizzazzjoni Ewropej.
Ġbir u użu tal-għarfien espert
Fit-tħejjija tal-proposta għall-inizjattiva Ewropea dwar il-metroloġija, il-Kummissjoni impenjat ruħha b’firxa wiesgħa ta’ għarfien espert estern. L-approċċ kien li ssir kapitalizzazzjoni mill-analiżi minn studju estern indipendenti, ikkumplimentata b’laqgħat u intervisti mal-partijiet ikkonċernati ewlenin, kif ukoll feedback bil-miktub.
F’dan ir-rigward, il-Kummissjoni kkuntrattat studju estern li jkopri s-sħubijiet istituzzjonalizzati kandidati kollha, inkluż il-metroloġija u rreferiet b’mod estensiv għall-analiżi u għas-sejbiet tagħha fit-tħejjija tal-proposta dwar il-metroloġija.
B’mod parallel, il-Kummissjoni organizzat laqgħat u wettqet intervisti matul l-2019 ma’ EURAMET e.V, u esperti oħra tal-metroloġija.
Il-Kummissjoni organizzat ukoll sessjoni ta’ ħidma konsultattiva mal-esperti tal-Istati Membri f’Novembru 2019. Sussegwentement, f’Marzu 2020 kien hemm konsultazzjoni bil-miktub tal-ministeri nazzjonali bir-responsabbiltà għall-metroloġija.
Valutazzjoni tal-impatt
Ir-rapport tal-valutazzjoni tal-impatt għall-inizjattiva dwar il-metroloġija proposta tlesta f’Ġunju 2020 (SWD(2021) 36).
Fil-15 ta’ Lulju 2020, il-Bord tal-Iskrutinju Regolatorju ta opinjoni pożittiva dwar ir-rapport tal-valutazzjoni tal-impatt (SEC(2021)91). Fl-opinjoni tiegħu, l-RSB talab dan li ġej:
(1) Bħala parti mill-objettiv li jiġu żviluppati networks ta’ metroloġija transnazzjonali, ir-rapport jispjega li f’ċertu punt (sal-2030), sħubija ma tibqax meħtieġa. Ir-rapport jenħtieġ li jiċċara għaliex dan huwa inkluż fir-rapport dwar il-valutazzjoni tal-impatt u kif jorbot mal-inizjattiva attwali, li tkopri l-perjodu ta’ finanzjament sal-2027. Jekk jiġi kkonfermat li sħubija ma tibqax meħtieġa, ir-rapport jenħtieġ li juri b’mod aktar ċar kif is-sħubija proposta bħalissa hija mistennija tgħin biex jiġu stabbiliti l-kundizzjonijiet meħtieġa għall-waqfien futur tagħha.
(2) Ir-rapport jenħtieġ li jispjega aħjar kif l-atturi tas-settur privat ikunu involuti taħt il-forma ta’ sħubija “pubblika-pubblika” ppreferuta. Dan jenħtieġ li jiċċara l-inċentivi biex jinvolvu ruħhom.
(3) Ir-rapport jista’ jipprovdi b’mod utli aktar spjegazzjoni ta’ sfond dwar il-korpi nazzjonali ta’ riċerka dwar il-metroloġija u kif jiffunzjonaw.
Il-valutazzjoni tal-impatt tinkludi l-opzjonijiet li ġejjin:
Ix-xenarju bażi kien sitwazzjoni mingħajr sħubija u b’sejħiet għal proposti tradizzjonali biss taħt Orizzont Ewropa. Dan jirriżulta fl-għeluq tal-istruttura ta’ implimentazzjoni attwali tal-Artikolu 185 bit-tmiem ta’ proġetti tal-EMPIR li għadhom għaddejjin fl-2023, u dan iwassal għal kostijiet ta’ stralċ u ta’ waqfien soċjali.
Skont l-Opzjoni 1, tiġi stabbilita Sħubija Ewropea kofinanzjata. Sħubija bħal din tagħmilha aktar faċli għall-NMIs biex jiġbru r-riżorsi flimkien iżda tkun ta’ riskju kbir li dawn isiru “klabb magħluq”, li jiskoraġġixxi lill-akkademja milli tinvolvi ruħha.
Fl-Opzjoni 2, tiġi stabbilita Sħubija Ewropea Istituzzjonalizzata (l-Artikolu 185 tat-TFUE). Inizjattiva bħal din tibni fuq il-progress li sar taħt l-EMPIR, is-Sħubija Ewropea Istituzzjonalizzata eżistenti, billi tespandi l-lista ta’ networks Ewropej tal-metroloġija b’oħrajn addizzjonali b’oqsma ta’ prijorità ġodda. Din tkun tinvolvi atturi mill-katina usa’ tal-valur tal-metroloġija, inklużi ministeri nazzjonali, korpi ta’ standardizzazzjoni, regolaturi, industrija, utenti finali u konsumaturi. Il-livell ta’ finanzjament tal-UE taħt Orizzont Ewropa jiżdied meta mqabbel ma’ Orizzont 2020 minħabba r-riżorsi meħtieġa biex jikkumpensaw għaż-żieda fil-kamp ta’ applikazzjoni.
Ir-rapport tal-valutazzjoni tal-impatt ikkonkluda li l-Opzjoni 2 hija l-opzjoni ppreferuta. Dan huwa konformi mar-riżultati tal-konsultazzjoni pubblika, fejn 62 % tar-rispondenti kienu favur Sħubija Istituzzjonalizzata bħala l-opzjoni ppreferuta għall-inizjattiva l-ġdida fil-metroloġija. L-erba’ sottogruppi ewlenin kollha ta’ rispondenti (akkademiċi, kumpaniji/negozji, ċittadini tal-UE u rappreżentanti tal-awtoritajiet pubbliċi) qablu, u ma kien hemm l-ebda grupp ta’ minoranza li ffavorixxa opzjoni differenti.
Il-benefiċċji ekonomiċi tal-inizjattiva proposta għandhom kemm komponent dirett kif ukoll indirett. Il-komponent dirett huwa ż-żieda fil-bejgħ tal-istrumentazzjoni u tas-servizzi marbuta fl-industrija. Dan huwa stmat għal EUR 50 miljun fis-sena. Barra minn hekk, l-objettiv tal-promozzjoni tal-innovazzjoni f’oqsma ta’ applikazzjoni strateġika, indirettament għandu impatt addizzjonali ingranat fit-tul fuq il-bejgħ. Il-benefiċċji soċjali u ambjentali huma direttament relatati man-networks tal-metroloġija speċjalizzati. In-networks jipprovdu soluzzjonijiet metroloġiċi speċifiċi għall-partijiet ikkonċernati kollha tul il-katina tal-valur tal-metroloġija, inklużi l-industrija, l-utenti finali u ċ-ċittadini.
Simplifikazzjoni
Il-proposta se tissimplifika l-proċeduri amministrattivi għall-awtoritajiet pubbliċi u l-korpi (tal-UE jew nazzjonali) u għall-partijiet privati.
L-UE se taħdem direttament mal-istruttura speċifika tal-implimentazzjoni tal-inizjattiva Ewropea dwar il-metroloġija, li se tkun qed tieħu ħsieb talloka, timmonitorja u tirrapporta dwar l-użu tal-kontribuzzjoni tal-UE.
Drittijiet fundamentali
Id-Deċiżjoni proposta ma għandhiex konsegwenzi għall-protezzjoni tad-drittijiet fundamentali.
4.IMPLIKAZZJONIJIET BAĠITARJI
Id-dikjarazzjoni finanzjarja leġiżlattiva ppreżentata ma’ din id-deċiżjoni tistabbilixxi l-implikazzjonijiet baġitarji indikattivi. Il-kontribuzzjoni finanzjarja massima tal-Unjoni, inklużi l-approprjazzjonijiet tal-EFTA, għall-isħubija tal-metroloġija se tkun ta’ EUR 300 miljun fi prezzijiet attwali għat-tul ta’ żmien tal-Programm Qafas Orizzont Ewropa.
Id-dispożizzjonijiet tad-Deċiżjoni u tal-ftehim dwar il-kontribuzzjoni li għandu jiġi konkluż bejn il-Kummissjoni u l-istruttura ta’ implimentazzjoni speċifika (Euramet e.V.) jridu jiżguraw li l-interessi finanzjarji tal-UE jiġu mħarsa.
5.ELEMENTI OĦRA
Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rapportar
L-implimentazzjoni tal-inizjattiva se tkun ibbażata fuq aġenda strateġika tar-riċerka u l-innovazzjoni miftiehma mas-sħab nazzjonali fl-inizjattiva.
Il-prestazzjoni tal-inizjattiva se tiġi mmonitorjata permezz ta’ rapporti annwali approvati mill-Kummissjoni Ewropea. Dan se jinkludi r-rappurtar tal-progress bl-indikaturi tal-prestazzjoni ewlenin u miżuri oħrajn stabbiliti fl-aġenda strateġika tar-riċerka u l-innovazzjoni.
Il-proposta tinkludi klawżola ta’ rieżami għal evalwazzjoni interim mhux aktar tard mill-2025 u evalwazzjoni finali mhux aktar tard mill-2030.
Żona Ekonomika Ewropea
Id-Deċiżjoni proposta tikkonċerna kwistjoni taż-ŻEE u għalhekk jenħtieġ li tinkludi ż-Żona Ekonomika Ewropea. Madankollu, biex tiġi żgurata l-kumplimentarjetà ma’ pajjiżi terzi, il-parteċipazzjoni tagħhom hija prevista permezz ta’ dispożizzjoni korrispondenti.
Spjegazzjoni fid-dettall tad-dispożizzjonijiet speċifiċi tal-proposta
L-Artikolu 1 tad-Deċiżjoni proposta jiddetermina l-kamp ta’ applikazzjoni ġeografiku attwali u futur possibbli għas-Sħubija Ewropea dwar il-Metroloġija.
L-Artikolu 2 jenfasizza r-rabta mar-Regolament Orizzont Ewropa u jistabbilixxi l-objettiv ta’ tali sħubija f’dan l-isfond. Huwa jistabbilixxi wkoll l-objettivi ġenerali u speċifiċi li magħhom jenħtieġ li tikkonforma sħubija futura u twettaqhom.
L-Artikoli 3 u 4 jippreskrivu l-kontribuzzjoni finanzjarja li l-Unjoni Ewropea se tagħmel lill-EURAMET mill-baġit tal-UE.
L-Artikoli 5, 6 u 7 jistabbilixxu l-obbligi li taħthom l-Istati Membri u pajjiżi parteċipanti oħra jistgħu jikkontribwixxu għas-sħubija futura. Din tiċċara li l-pajjiżi parteċipanti jenħtieġ li ma jaqblux biss mal-kontribuzzjoni tal-UE iżda jenħtieġ li jiffinanzjaw ukoll attivitajiet rilevanti oħra, bħal networks Ewropej tal-metroloġija futuri.
L-Artikolu 8 jiċċara r-regoli ta’ parteċipazzjoni li għalihom jista’ jkun hemm deroga għar-regoli ta’ Orizzont Ewropa f’każijiet debitament ġustifikati; dan jistabbilixxi wkoll il-garanziji minimi biex jiġi żgurat aktar ftuħ tas-sejħiet futuri, pereżempju mhux biss l-istituti nazzjonali tal-metroloġija iżda wkoll partijiet ikkonċernati oħra jenħtieġ li jkunu intitolati li jikkoordinaw proġetti futuri taħt din is-sħubija.
L-Artikolu 9 jistabbilixxi l-qafas għall-ftehimiet ta’ implimentazzjoni bejn il-Kummissjoni Ewropea u l-EURAMET. L-Artikolu 10 jippermetti lill-Kummissjoni Ewropea taġixxi jekk il-pajjiżi parteċipanti jonqsu milli jikkonformaw mal-impenji tagħhom skont din id-Deċiżjoni. L-Artikoli 11 u 12 jipprovdu salvagwardji biex jipproteġu l-interessi finanzjarji tal-Unjoni Ewropea.
Dwar il-governanza futura tas-sħubija, l-Artikoli 13 sa 17 jistabbilixxu qafas ġdid. Filwaqt li primarjament hija r-responsabbiltà tal-EURAMET li jistabbilixxi din is-sħubija, il-Kummissjoni tipproponi l-istabbiliment ta’ Grupp ta’ Tmexxija estern kopresedut mill-Kummissjoni u minn rappreżentant ta’ Stat Membru; il-Grupp jenħtieġ li joffri spinta biex is-sħubija l-ġdida tkun eqreb tal-ħtiġijiet tal-utenti u jsaħħaħ l-impatt tagħha fuq l-industrija, ir-regolamentazzjoni u l-iffissar ta’ standards. Il-Grupp jenħtieġ li jinkludi wkoll rappreżentanti minn sħubijiet Ewropej oħra ma’ sħab privati.
Bl-istess mod bħal fil-każ ta’ sħubijiet istituzzjonali oħra, l-Artikolu 18 jipproponi evalwazzjoni interim u finali f’konformità mal-prinċipji ta’ Regolamentazzjoni Aħjar. L-Artikoli 19 sa 21 huma maħsuba biex jiżguraw funzjonament bla xkiel tas-Sħubija Ewropea futura.
2021/0049 (COD)
Proposta għal
DEĊIŻJONI TAL-PARLAMENT EWROPEW U TAL-KUNSILL
dwar il-parteċipazzjoni tal-Unjoni fis-Sħubija Ewropea dwar il-Metroloġija mwettqa b’mod konġunt minn diversi Stati Membri
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 185 u t-tieni paragrafu tal-Artikolu 188 tiegħu,
Wara li kkunsidraw il-proposta tal-Kummissjoni Ewropea,
Wara li l-abbozz tal-att leġiżlattiv intbagħat lill-parlamenti nazzjonali,
Wara li kkunsidraw l-opinjoni tal-Kumitat Ekonomiku u Soċjali Ewropew,
Filwaqt li jaġixxu skont il-proċedura leġiżlattiva ordinarja,
Billi:
(1)Sabiex jinkiseb l-akbar impatt possibbli tal-finanzjament tal-Unjoni u l-aktar kontribut effettiv għall-objettivi ta’ politika tal-Unjoni, ir-Regolament (UE) [XXX] tal-Parlament Ewropew u tal-Kunsill stabbilixxa Orizzont Ewropa, il-programm qafas għar-riċerka u l-innovazzjoni, jiġifieri, il-qafas ta’ politika u legali għas-Sħubijiet Ewropej ma’ sħab privati u/jew tas-settur pubbliku. Is-Sħubijiet Ewropej huma element ewlieni tal-approċċ ta’ politika ta’ Orizzont Ewropa. Dawn huma stabbiliti biex iwettqu l-prijoritajiet tal-Unjoni fil-mira ta’ Orizzont Ewropa u jiżguraw impatt ċar għall-Unjoni u għan-nies tagħha, li jista’ jinkiseb b’mod aktar effettiv fi sħubija, permezz ta’ viżjoni strateġika li hija kondiviża bejn is-sħab u li s-sħab huma impenjati li jwettqu, pjuttost milli mill-Unjoni waħedha.
(2)B’mod partikolari, is-Sħubijiet Ewropej fil-pilastru ta’ Orizzont Ewropa “Sfidi globali u kompetittività industrijali Ewropea” huma mistennija li jkollhom rwol importanti fl-ilħuq tal-objettivi strateġiċi tal-aċċellerazzjoni tat-tranżizzjonijiet lejn għanijiet ta’ żvilupp sostenibbli u Ewropa ekoloġika u diġitali u fil-kontribut għall-irkupru. Is-Sħubijiet Ewropej huma kruċjali biex jiġu indirizzati sfidi transfruntieri kumplessi li jeħtieġu approċċ integrat. Dawn jagħmluha possibbli li jiġu indirizzati n-nuqqasijiet ta’ trasformazzjoni, sistematiċi u tas-suq billi jgħaqqdu flimkien lil firxa wiesgħa ta’ atturi fil-ktajjen tal-valur u fl-ekosistemi industrijali biex jaħdmu lejn viżjoni komuni u jsarrfuha fi pjanijiet direzzjonali konkreti u implimentazzjoni koordinata tal-attivitajiet. Barra minn hekk, dawn jippermettu li l-isforzi u r-riżorsi jiġu kkonċentrati fuq prijoritajiet komuni biex jiġu solvuti l-isfidi kumplessi li ġejjin.
(3)Sabiex jitwettqu l-prijoritajiet u jagħmlu impatt, Sħubijiet Ewropej jenħtieġ li jiġu żviluppati permezz ta’ involviment wiesa’ tal-partijiet ikkonċernati rilevanti madwar l-Ewropa, inkluż l-industrija, l-organizzazzjonijiet tar-riċerka, il-korpi b’missjoni ta’ servizz pubbliku fil-livell lokali, reġjonali, nazzjonali jew internazzjonali, u organizzazzjonijiet tas-soċjetà ċivili bħal fondazzjonijiet li jappoġġaw u/jew iwettqu riċerka u innovazzjoni. Dawn is-Sħubijiet Ewropej jenħtieġ li jkunu wkoll waħda mill-miżuri biex tissaħħaħ il-kooperazzjoni bejn is-sħab privati u/jew tas-settur pubbliku fil-livell internazzjonali, inkluż billi jingħaqdu fi programmi ta’ riċerka u innovazzjoni u investiment transfruntiera fir-riċerka u l-innovazzjoni, li jġibu benefiċċji reċiproki għan-nies u n-negozji.
(4)F’konformità mal-objettivi tar-Regolament (UE) XXX, kwalunkwe Stat Membru u kwalunkwe pajjiż assoċjat ma’ Orizzont Ewropa jenħtieġ li jkun intitolat li jipparteċipa fis-Sħubija Ewropea dwar il-Metroloġija (“is-Sħubija dwar il-Metroloġija”). Sabiex tiġi żgurata l-kumplimentarjetà fi ħdan iż-Żona Ekonomika Ewropea u ma’ pajjiżi ġirien oħra, pajjiżi terzi oħra jenħtieġ li jkunu jistgħu jipparteċipaw fis-Sħubija dwar il-Metroloġija, skont il-konklużjoni ta’ ftehim internazzjonali rilevanti għall-kooperazzjoni xjentifika u teknoloġika mal-Unjoni u l-ftehim tal-Istati Parteċipanti.
(5)Orizzont Ewropa jintroduċi approċċ aktar strateġiku, koerenti u xprunat mill-impatt għas-Sħubijiet Ewropej, li jibni fuq it-tagħlimiet meħuda mill-evalwazzjoni interim ta’ Orizzont 2020. Ir-Regolament Orizzont Ewropa għandu l-għan li jagħmel użu aktar effettiv mis-Sħubijiet Ewropej Istituzzjonalizzati, b’mod partikolari billi jiffoka fuq objettivi, riżultati u impatt ċari li jistgħu jinkisbu sal-2030, u billi jiżgura kontribut ċar għall-prijoritajiet tal-politika u l-politiki tal-Unjoni relatati. Il-kollaborazzjoni mill-qrib u s-sinerġiji ma’ inizjattivi rilevanti oħrajn fil-livell tal-Unjoni, nazzjonali u reġjonali, b’mod partikolari ma’ sħubijiet Ewropej oħra, se jkunu kruċjali biex jinkiseb impatt akbar u biex jiġi żgurat li jintużaw ir-riżultati.
(6)Bid-Deċiżjoni Nru 555/2014/UE tal-Parlament Ewropew u tal-Kunsill, l-Unjoni ddeċidiet li tagħmel kontribuzzjoni finanzjarja għall-programm Ewropew tal-metroloġija għall-innovazzjoni u r-riċerka (“EMPIR”) li taqbel ma’ dik tal-Istati parteċipanti iżda li ma taqbiżx it-EUR 300 000 000, għad-durata tal-programm qafas ta’ bejn l-2014 u l-2020 għar-riċerka u l-innovazzjoni (“Orizzont 2020”) stabbilit mir-Regolament (UE) Nru 1291/2013 tal-Parlament Ewropew u tal-Kunsill. Fl-evalwazzjoni ta’ nofs it-terminu tal-EMPIR f’Lulju 2017, ġiet issuġġerita inizjattiva ġdida.
(7)Il-kontribuzzjoni finanzjarja tal-Unjoni jenħtieġ li tkun soġġetta għal impenji formali mill-Istati Parteċipanti li jikkontribwixxu finanzjarjament għall-implimentazzjoni tas-Sħubija dwar il-Metroloġija u għat-twettiq ta’ dawk l-impenji. Il-kontribuzzjonijiet tal-Istati Parteċipanti jenħtieġ li jinkludu kontribuzzjoni għall-kostijiet amministrattivi soġġetta għal-limitu ta’ 5 % tal-Baġit tas-Sħubija dwar il-Metroloġija. L-Istati Parteċipanti jenħtieġ li jimpenjaw ruħhom li jżidu, jekk ikun meħtieġ, il-kontribuzzjoni tagħhom għas-Sħubija dwar il-Metroloġija billi jistabbilixxu kapaċità ta’ finanzjament ta’ riżerva biex jiżguraw li jkunu jistgħu jiffinanzjaw l-entitajiet nazzjonali tagħhom, l-istituti nazzjonali tal-metroloġija (NMIs) u l-istituti ddeżinjati (DIs) li jipparteċipaw fl-attivitajiet tas-Sħubija dwar il-Metroloġija. L-implimentazzjoni konġunta tas-Sħubija dwar il-Metroloġija teħtieġ struttura ta’ implimentazzjoni. Il-kontribuzzjoni finanzjarja tal-Unjoni jenħtieġ li tkun ġestita skont il-prinċipju ta’ ġestjoni finanzjarja soda u r-regoli rilevanti dwar il-ġestjoni indiretta stabbiliti fir-Regolament (UE, Euratom) 2018/1046 tal-Parlament Ewropew u tal-Kunsill.
(8)Jenħtieġ li tiġi stabbilita s-Sħubija dwar il-Metroloġija. Tali sħubija tkun aktar effettiva meta mqabbla ma’ sejħiet tradizzjonali jew sħubija kofinanzjata taħt il-programmi ta’ ħidma ppreparati taħt ir-raggruppamenti relatati kollha tal-Pilastru 2 ta’ Orizzont Ewropa.
(9)L-objettiv ta’ din id-Deċiżjoni huwa l-parteċipazzjoni tal-Unjoni fis-Sħubija dwar il-Metroloġija sabiex tappoġġa l-objettivi ġenerali tagħha. Ir-rekwiżiti tal-metroloġija huma ta’ tali skala u kumplessità li huma meħtieġa investimenti li jmorru lil hinn mill-baġits tar-riċerka ewlenin tal-NMIs u d-DIs. L-eċċellenza meħtieġa għar-riċerka u l-iżvilupp ta’ soluzzjonijiet tal-metroloġija avvanzati hi mifruxa fost il-fruntieri nazzjonali u għalhekk ma tistax tinkiseb biss fuq livell nazzjonali. Billi l-objettiv ta’ din id-Deċiżjoni ma jistax jintlaħaq b’mod suffiċjenti mill-Istati Membri, iżda jista’ jinkiseb aħjar fil-livell tal-Unjoni billi jiġu integrati l-isforzi nazzjonali f’approċċ Ewropew konsistenti, billi jingħaqdu flimkien programmi nazzjonali ta’ riċerka u ta’ innovazzjoni kompartimentalizzati, billi tingħata għajnuna biex jitfasslu strateġiji komuni tar-riċerka u l-finanzjament bejn il-konfini nazzjonali, u billi tinkiseb il-massa kritika ta’ atturi u ta’ investimenti meħtieġa, jintlaħaq aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità kif stabbilit f’dak l-Artikolu, din id-Deċiżjoni ma tmurx lil hinn minn dak li huwa meħtieġ sabiex jintlaħaq dak l-objettiv.
(10)Is-Sħubija dwar il-Metroloġija, allinjata mal-prijoritajiet politiċi tal-Kummissjoni (inkluż il-Patt Ekoloġiku Ewropew, ekonomija għas-servizz tan-nies, u Ewropa Lesta għall-Era Diġitali) jenħtieġ li tiġi implimentata fuq perjodu ta’ għaxar snin (mill-2021 sal-2031). Il-programm jenħtieġ li jinkludi attivitajiet ġodda meta mqabbel mal-inizjattiva tal-EMPIR taħt Orizzont 2020, u b’mod partikolari, l-iżvilupp ta’ networks Ewropej tal-metroloġija, li se jirrispondu għall-isfidi tas-soċjetà urġenti u l-ħtiġijiet tal-metroloġija minn teknoloġiji emerġenti. Il-kapaċità tal-metroloġija pprovduta permezz ta’ dawn in-networks jenħtieġ li tkun ekwivalenti u komparabbli għas-sistemi l-oħrajn tal-metroloġija ewlenin fid-dinja, li turi eċċellenza ta’ klassi dinjija. Is-sejħiet għal proposti taħt is-Sħubija dwar il-Metroloġija jenħtieġ li jitnedew matul l-implimentazzjoni ta’ Orizzont Ewropa.
(11)L-attivitajiet tas-Sħubija dwar il-Metroloġija jenħtieġ li jkunu konformi mal-objettivi u mal-prijoritajiet ta’ riċerka u innovazzjoni ta’ Orizzont Ewropa u mal-prinċipji u l-kundizzjonijiet ġenerali stabbiliti fl-Artikolu XXX tar-Regolament (UE) [ir-Regolament Orizzont Ewropa].
(12)Jenħtieġ li jiġi stabbilit limitu massimu għall-parteċipazzjoni finanzjarja tal-Unjoni fis-Sħubija dwar il-Metroloġija għad-durata ta’ Orizzont Ewropa. Fi ħdan il-limitu ta’ dak il-limitu massimu, il-kontribuzzjoni tal-Unjoni jenħtieġ li tkun daqs il-kontribuzzjoni tal-Istati Parteċipanti fis-Sħubija dwar il-Metroloġija ħalli jintlaħaq effett qawwi ta’ ingranaġġ u tkun żgurata integrazzjoni aktar b’saħħitha tal-programmi tal-Istati Parteċipanti.
(13)F’konformità mal-Artikolu XX tar-Regolament (UE) [XXX] [ir-Regolament Orizzont Ewropa], l-objettiv ġenerali ta’ Orizzont Ewropa huwa li jwassal impatt xjentifiku, ekonomiku u tas-soċjetà mill-investimenti tal-Unjoni fir-riċerka u l-innovazzjoni sabiex jissaħħu l-bażijiet xjentifiċi u teknoloġiċi tal-Unjoni u titrawwem il-kompetittività tagħha, inkluż fl-industrija tagħha, li jwettaq il-prijoritajiet strateġiċi tal-Unjoni, u li jikkontribwixxi għall-indirizzar tal-isfidi globali, inklużi l-Għanijiet ta’ Żvilupp Sostenibbli billi jsegwi l-prinċipji tal-Aġenda 2030 għall-Iżvilupp Sostenibbli u l-Ftehim ta’ Pariġi fil-kuntest tal-Konvenzjoni Qafas tan-Nazzjonijiet Uniti dwar it-Tibdil fil-Klima.
(14)L-Istati Parteċipanti qablu dwar l-istruttura ta’ implimentazzjoni għall-inizjattivi predeċessuri, il-programm Ewropew ta’ riċerka dwar il-metroloġija (“EMRP”) u l-EMPIR. Fl-2007, il-EURAMET e.V. (“EURAMET”), l-Organizzazzjoni Reġjonali Ewropea tal-Metroloġija u assoċjazzjoni mingħajr skop ta’ qligħ skont il-liġi Ġermaniża, ġiet stabbilita biex isservi bħala din l-istruttura. Il-EURAMET għandha wkoll kompiti u obbligi relatati mal-armonizzazzjoni Ewropea u globali usa’ tal-metroloġija. Is-sħubija tal-EURAMET hi miftuħa għall-NMIs Ewropej kollha, bħala membri, u għad-DIs, bħala assoċjati. Is-sħubija fil-EURAMET ma tiddependix fuq l-eżistenza ta’ programmi nazzjonali tar-riċerka fil-metroloġija. Billi, skont ir-Rapport dwar l-Evalwazzjoni Interim tal-EMPIR, instab li l-istruttura tal-governanza tal-EURAMET kienet effiċjenti u ta’ kwalità għolja għall-implimentazzjoni tal-EMRP, u tal-EMPIR, il-EURAMET jenħtieġ li tintuża wkoll għall-implimentazzjoni tas-Sħubija dwar il-Metroloġija. Għalhekk, il-EURAMET jenħtieġ li timmaniġġa l-kontribuzzjoni finanzjarja tal-Unjoni.
(15)Sabiex jintlaħqu l-objettivi tal-Isħubija dwar il-Metroloġija, il-EURAMET jenħtieġ li tagħti appoġġ finanzjarju, l-aktar fil-forma ta’ għotjiet lill-parteċipanti f’azzjonijiet li jintgħażlu fil-livell tal-EURAMET. Dawk l-azzjonijiet jenħtieġ li jintgħażlu wara sejħiet għall-proposti fir-responsabbiltà tal-EURAMET. Il-lista ta’ klassifikazzjoni jenħtieġ li tkun vinkolanti għall-għażla tal-proposti u għall-allokazzjoni tal-finanzjament mill-kontribuzzjoni finanzjarja tal-Unjoni u mill-kontribuzzjonijiet finanzjarji mill-Istati Parteċipanti għall-proġetti ta’ riċerka u l-attivitajiet relatati. Għall-attivitajiet iffinanzjati mill-kontribuzzjonijiet tal-Istati Parteċipanti għan-networks Ewropej tal-metroloġija, l-azzjonijiet iffinanzjati jenħtieġ li jkunu wkoll taħt ir-responsabbiltà tal-EURAMET.
(16)Il-parteċipazzjoni f’azzjonijiet indiretti ffinanzjati mis-Sħubija dwar il-Metroloġija hija soġġetta għar-Regolament tal-Kunsill (UE) Nru XXX [RfP Orizzont Ewropa]. Madankollu, minħabba ħtiġijiet operazzjonali speċifiċi tas-Sħubija dwar il-Metroloġija, b’mod partikolari biex jinbnew u jiġu ġestiti Networks Ewropej tal-Metroloġija futuri u biex tiġi ffaċilitata parteċipazzjoni finanzjarja adegwata tal-Istati Parteċipanti, jenħtieġ li jkun possibbli li tiġi prevista limitazzjoni tar-rwol tal-koordinatur fi proposta għall-NMIs u d-DIs tal-Istati Parteċipanti, fejn meħtieġ.
(17)Jenħtieġ li l-kontribuzzjonijiet mill-Istati Parteċipanti jiġu żgurati permezz ta’ finanzjament istituzzjonali mill-NMIs u mid-DIs. Il-varjetà wiesgħa ta’ attivitajiet sottostanti jenħtieġ li tikkontribwixxi għall-objettivi tas-Sħubija dwar il-Metroloġija u tiġi stabbilita fil-pjanijiet ta’ ħidma annwali, b’rabtiet mal-kostijiet operatorji u man-nefqa. Fost l-oħrajn, il-kontribuzzjonijiet jenħtieġ li jkopru l-kostijiet tas-servizzi li jwasslu direttament kalibrazzjonijiet u servizzi oħra traċċabbli għas-Sistema Internazzjonali tal-Unitajiet. Il-kontribuzzjonijiet mill-Istati Parteċipanti jenħtieġ li jinkludu wkoll kontribuzzjoni finanzjarja għall-kostijiet amministrattivi tas-Sħubija dwar il-Metroloġija.
(18)Sabiex jiġu żgurati t-trasparenza u l-aċċessibbiltà għall-programm, is-sejħiet għal proposti mis-Sħubija dwar il-Metroloġija jenħtieġ li jiġu ppubblikati wkoll fuq il-portal uniku għall-parteċipanti kif ukoll permezz ta’ mezzi elettroniċi oħra ta’ disseminazzjoni ta’ Orizzont Ewropa ġestiti mill-Kummissjoni.
(19)Il-funzjonament tal-mudell ta’ finanzjament fir-rigward tal-prinċipju ta’ tqabbil bejn il-fondi tal-Unjoni u dawk mhux tal-Unjoni jenħtieġ li jiġi vvalutat mill-ġdid meta tkun qed issir l-evalwazzjoni interim tas-Sħubija dwar il-Metroloġija sabiex jiġi żgurat li l-prinċipju tat-tqabbil għall-kontribuzzjonijiet finanzjarji tal-Istati Parteċipanti jkun qed jiġi rrispettat.
(20)L-interessi finanzjarji tal-Unjoni jenħtieġ li jiġu mħarsa permezz ta’ miżuri proporzjonati fiċ-ċiklu kollu tal-infiq, fosthom il-prevenzjoni, l-identifikazzjoni u l-investigazzjoni tal-irregolaritajiet, l-irkupru ta’ fondi mitlufa, imħallsa bi żball jew użati b’mod ħażin u, fejn ikun xieraq, il-penali amministrattivi u finanzjarji.
(21)Sabiex jitħarsu l-interessi finanzjarji tal-Unjoni, il-Kummissjoni jenħtieġ li jkollha d-dritt li tnaqqas, tissospendi jew tittermina l-kontribuzzjoni finanzjarja tal-Unjoni jekk is-Sħubija dwar il-Metroloġija tiġi implimentata b’mod inadegwat, parzjalment jew tard, jew jekk l-Istati Parteċipanti ma jikkontribwux għall-finanzjament tas-Sħubija dwar il-Metroloġija jew jikkontribwixxu għaliha parzjalment jew tard. Dawk id-drittijiet jenħtieġ li jiġu previsti fil-ftehim dwar il-kontribuzzjoni li għandu jiġi konkluż bejn l-Unjoni u il-EURAMET.
(22)Għall-fini ta’ simplifikazzjoni, il-piżijiet amministrattivi jenħtieġ li jitnaqqsu għall-partijiet kollha. Awditi doppji u dokumentazzjoni u rappurtar sproporzjonati jenħtieġ li jiġu evitati. Meta jsiru l-awditi, jenħtieġ li jiġu kkunsidrati l-karatteristiċi speċifiċi tal-programmi nazzjonali, kif xieraq. Awditi ta’ riċevituri ta’ fondi tal-Unjoni pprovduti skont din id-Deċiżjoni jenħtieġ li jiżguraw tnaqqis fil-piż amministrattiv, skont ir-Regolament (UE, Euratom) 2018/1046.
(23)Fuq talba mill-Kummissjoni, mill-Parlament Ewropew, mill-Kunsill jew mill-Qorti tal-Awdituri, il-EURAMET u l-Istati Parteċipanti jenħtieġ li jissottomettu kwalunkwe informazzjoni li l-Kummissjoni jeħtieġ li tinkludi fir-rapporti dwar l-evalwazzjoni tas-Sħubija dwar il-Metroloġija.
(24)Il-Kummissjoni jenħtieġ li twettaq evalwazzjoni interim mhux aktar tard mill-2025, li tivvaluta b’mod partikolari l-kwalità u l-effiċjenza tas-Sħubija dwar il-Metroloġija, il-progress li sar lejn il-kisba tal-objettivi stabbiliti u evalwazzjoni finali mhux aktar tard mill-2030 u jenħtieġ li tħejji rapport dwar dawk l-evalwazzjonijiet,
ADOTTAW DIN ID-DEĊIŻJONI:
Artikolu 1
Parteċipazzjoni fis-Sħubija Ewropea dwar il-Metroloġija
1.L-Unjoni għandha tipparteċipa fis-Sħubija Ewropea dwar il-Metroloġija (“is-Sħubija dwar il-Metroloġija”), sħubija istituzzjonalizzata kif imsemmi fl-Artikolu 8(1), il-punt (c), tar-Regolament (UE) […] [Orizzont Ewropa], imwettqa b’mod konġunt mill-Awstrija, il-Belġju, [il-Bożnija-Ħerzegovina], il-Bulgarija, il-Kroazja, iċ-Ċekja, id-Danimarka, l-Estonja, il-Finlandja, Franza, il-Ġermanja, il-Greċja, l-Ungerija, l-Irlanda, l-Italja, il-Litwanja, [in-Norveġja], Spanja, in-Netherlands, il-Polonja, il-Portugall, ir-Rumanija, [is-Serbja], is-Slovenja, is-Slovakkja, l-Iżvezja [l-Iżvizzera u t-Turkija] (l-“Istati Parteċipanti”), skont il-kundizzjonijiet stabbiliti f’din id-Deċiżjoni.
2.Kwalunkwe Stat Membru ieħor għajr dawk elenkati fil-paragrafu 1 u kwalunkwe pajjiż ieħor assoċjat mal-Orizzont Ewropa jista’ jipparteċipa fis-Sħubija dwar il-Metroloġija diment li jissodisfa l-kondizzjoni stipulata fl-Artikolu 4(1), il-punt (c). Dan għandu jitqies bħala Stat Parteċipant għall-finijiet ta’ din id-Deċiżjoni.
3.Kwalunkwe pajjiż terz mhux assoċjat ma’ Orizzont Ewropa jista’ jipparteċipa fis-Sħubija dwar il-Metroloġija, diment li jikkonkludi ftehim internazzjonali għal kooperazzjoni xjentifika u teknoloġika mal-Unjoni li jistabbilixxi t-termini u l-kundizzjonijiet tal-parteċipazzjoni tiegħu fis-Sħubija dwar il-Metroloġija u diment li jikseb l-approvazzjoni mill-Kumitat ta’ Sħubija dwar il-Metroloġija msemmi fl-Artikolu 13(3), il-punt (f). Jekk jissodisfa dawk il-kundizzjonijiet, għandu jitqies bħala Stat Parteċipanti għall-finijiet ta’ din id-Deċiżjoni.
Artikolu 2
Objettivi tas-Sħubija dwar il-Metroloġija
1.Is-Sħubija dwar il-Metroloġija għandha tikkontribwixxi għall-implimentazzjoni tar-Regolament (UE) … [XXX][Orizzont Ewropa] u b’mod partikolari l-Artikolu 3 tiegħu.
2.Mingħajr preġudizzju għall-paragrafu 1, is-Sħubija dwar il-Metroloġija għandha, permezz tal-involviment u l-impenn tas-sħab fit-tfassil u fl-implimentazzjoni ta’ programm ta’ attivitajiet ta’ riċerka u innovazzjoni, issegwi l-objettivi ġenerali li ġejjin:
(a)li tiżviluppa sistema tal-metroloġija kkoordinata sostenibbli fil-livell Ewropew;
(b)li tiżgura li l-kapaċitajiet tal-metroloġija l-aktar avvanzati jiġu adottati direttament mill-innovaturi fl-ekosistemi tagħhom;
(c)li żżid l-impatt tal-metroloġija fuq l-isfidi tas-soċjetà b’rabta mal-implimentazzjoni tal-politiki, l-istandards u r-regolamenti biex tagħmilhom adattati għall-iskop tagħhom.
3.Meta timplimenta l-objettivi ġenerali stabbiliti fil-paragrafu 2, is-Sħubija dwar il-Metroloġija għandha ssegwi l-objettivi speċifiċi li ġejjin:
(a)li sal-2030 tiżviluppa kapaċitajiet ta’ riċerka ġodda mibnija fil-qafas ta’ Networks Ewropej tal-Metroloġija ġodda u li f’termini ta’ kapaċitajiet ta’ kalibrazzjoni u kejl twettaq mill-anqas daqs l-istituti tal-metroloġija ewlenin barra mill-Istati Parteċipanti;
(b)li, sal-2030, tappoġġa l-bejgħ ta’ prodotti u servizzi innovattivi ġodda permezz tal-użu u l-adozzjoni tal-kapaċitajiet ġodda tal-metroloġija f’teknoloġiji emerġenti ewlenin;
(c)li, sal-2030 tikkontribwixxi b’mod sħiħ u effettiv għat-tfassil u għall-implimentazzjoni ta’ standards u regolamenti speċifiċi li jirfdu l-politiki pubbliċi li jindirizzaw l-isfidi tas-soċjetà.
Artikolu 3
Il-kontribuzzjoni finanzjarja tal-Unjoni għas-Sħubija dwar il-Metroloġija
1.Il-kontribuzzjoni finanzjarja tal-Unjoni għas-Sħubija dwar il-Metroloġija, inkluż l-approprjazzjonijiet tal-Assoċjazzjoni Ewropea tal-Kummerċ Ħieles u l-approprjazzjonijiet ta’ pajjiżi terzi, ma għandhiex taqbeż il-kontribuzzjonijiet tal-Istati Parteċipanti għas-Sħubija dwar il-Metroloġija. Il-kontribuzzjoni finanzjarja tal-Unjoni għandha tkun sa EUR 300 miljun biex taqbel mal-kontribuzzjonijiet tal-Istati Parteċipanti speċifikati fl-Artikolu 1(1).
2.Għall-kalkolu tal-kontribuzzjoni finanzjarja tal-Unjoni, kwalunkwe kontribuzzjoni mill-Istati Parteċipanti għal kostijiet amministrattivi li jaqbżu l-5 % tal-kontribuzzjonijiet totali kkombinati għas-Sħubija dwar il-Metroloġija ma għandhiex titqies.
3.Il-kontribuzzjoni finanzjarja tal-Unjoni għandha titħallas mill-approprjazzjonijiet fil-baġit ġenerali tal-Unjoni allokati għall-partijiet rilevanti tal-programm speċifiku li jimplimenta Orizzont Ewropa, stabbilit bid-Deċiżjoni [XXX] tal-Parlament Ewropew u tal-Kunsill dwar l-istabbiliment tal-programm speċifiku li jimplimenta Orizzont Ewropa – il-Programm Qafas għar-Riċerka u l-Innovazzjoni.
4.Il-kontribuzzjoni finanzjarja tal-Unjoni għandha tintuża mill-EURAMET e.V. (“EURAMET”) biex tiffinanzja l-attivitajiet imsemmija fl-Artikolu 6(1), il-punt (a).
5.Il-kontribuzzjoni finanzjarja tal-Unjoni ma għandhiex tintuża biex tkopri l-kostijiet amministrattivi tas-Sħubija dwar il-Metroloġija.
Artikolu 4
Il-kundizzjonijiet għall-kontribuzzjoni finanzjarja tal-Unjoni
1.Il-kontribuzzjoni finanzjarja tal-Unjoni għandha tingħata bil-kundizzjonijiet li ġejjin:
(a)l-Istati Parteċipanti juru li s-Sħubija dwar il-Metroloġija hija stabbilita skont din id-Deċiżjoni;
(b)id-deżinjazzjoni mill-Istati Parteċipanti, jew mill-istituzzjonijiet nazzjonali tal-metroloġija (NMIs) ddeżinjati mill-Istati Parteċipanti, tal-EURAMENT bħala l-istruttura responsabbli għall-implimentazzjoni tas-Sħubija dwar il-Metroloġija u sabiex tiġi rċevuta, allokata u ssorveljata l-kontribuzzjoni finanzjarja tal-Unjoni;
(c)l-impenn ta’ kull Stat Parteċipanti biex jikkontribwixxi għall-finanzjament tas-Sħubija dwar il-Metroloġija u biex jistabbilixxi kapaċità ta’ finanzjament ta’ riżerva ta’ 50 % tal-ammont tal-impenn;
(d)il-EURAMET turi l-kapaċità tagħha biex timplimenta s-Sħubija dwar il-Metroloġija, inkluż li tirċievi, talloka u tissorvelja l-kontribuzzjoni finanzjarja tal-Unjoni fil-qafas tal-ġestjoni indiretta tal-baġit tal-Unjoni f’konformità mal-Artikoli 62 u 154 tar-Regolament (UE, Euratom) 2018/1046;
(e)l-istabbiliment ta’ mudell ta’ governanza għas-Sħubija dwar il-Metroloġija skont l-Artikoli 13 sa 16 ta’ din id-Deċiżjoni.
2.Matul l-implimentazzjoni tas-Sħubija dwar il-Metroloġija, il-kontribuzzjoni finanzjarja tal-Unjoni għandha wkoll tingħata bil-kundizzjonijiet li ġejjin:
(a)l-implimentazzjoni mill-EURAMET tal-attivitajiet tas-Sħubija dwar il-Metroloġija stabbiliti fl-Artikolu 6 f’konformità mal-objettivi stabbiliti fl-Artikolu 2;
(b)iż-żamma ta’ mudell ta’ governanza xieraq u effiċjenti f’konformità mal-Artikoli 13 sa 16;
(c)il-konformità mill-EURAMET mar-rekwiżiti ta’ rappurtar stabbiliti fl-Artikolu 155 tar-Regolament (UE, Euratom) 2018/1046;
(d)it-twettiq tal-impenji msemmija fil-paragrafu 1, il-punt (c), ta’ dan l-Artikolu.
Artikolu 5
Il-kontribuzzjonijiet tal-Istati Parteċipanti għas-Sħubija dwar il-Metroloġija
1.L-Istati Parteċipanti speċifikati fl-Artikolu 1(1) għandhom jagħmlu kontribuzzjonijiet jew għandhom jagħmlu arranġamenti biex il-korpi ta’ finanzjament nazzjonali tagħhom jagħmlu kontribuzzjonijiet, kemm finanzjarji kif ukoll in natura, ta’ mill-anqas EUR 363 miljun matul il-perjodu mill-1 ta’ Jannar 2021 sal-31 ta’ Diċembru 2031. Sehem mill-kontribuzzjonijiet mill-Istati Parteċipanti għandu jkun fil-forma ta’ kontribuzzjonijiet finanzjarji.
2.Il-kontribuzzjonijiet tal-Istati Parteċipanti għandhom jikkonsistu minn dawn li ġejjin:
(a)kontribuzzjonijiet finanzjarji jew in natura għall-attivitajiet ta’ implimentazzjoni msemmija fl-Artikolu 6(1); u
(b)kontribuzzjonijiet finanzjarji jew in natura biex ikopru l-kostijiet amministrattivi kollha tal-EURAMET.
3.Il-kontribuzzjonijiet finanzjarji jew in natura msemmija fil-paragrafu 2, il-punt (a), għandhom ikopru l-kostijiet imġarrba mill-Istati Parteċipanti fl-implimentazzjoni tal-attivitajiet imsemmija fl-Artikolu 6(1), il-punt (b), wara li titnaqqas kwalunkwe kontribuzzjoni finanzjarja diretta jew indiretta tal-Unjoni għal dawk il-kostijiet.
4.Il-kontribuzzjonijiet finanzjarji jew in natura msemmija fil-paragrafu 2, il-punt (b), għandhom ikopru l-kostijiet imġarrba mill-Istati Parteċipanti fir-rigward tal-kostijiet amministrattivi tal-EURAMET għall-implimentazzjoni tas-Sħubija.
5.Għall-finijiet tal-valutazzjoni tal-kontribuzzjonijiet in natura msemmija fil-paragrafu 2, il-punti (a) u (b), il-kostijiet għandhom jiġu ddeterminati f’konformità mal-prattiki kontabilistiċi normali tal-Istati Parteċipanti jew tal-korpi ta’ finanzjament nazzjonali kkonċernati, l-istandards kontabilistiċi applikabbli tal-Istat Parteċipanti fejn hemm stabbiliti l-korpi ta’ finanzjament nazzjonali kkonċernati u l-Istandards Kontabilistiċi Internazzjonali u l-Istandards Internazzjonali tar-Rappurtar Finanzjarju applikabbli. Il-kostijiet għandhom jiġu ċċertifikati minn awditur indipendenti maħtur mill-Istati Parteċipanti jew mill-korpi ta’ finanzjament nazzjonali kkonċernati. Jekk ikun hemm xi inċertezza li tirriżulta miċ-ċertifikazzjoni, il-metodu ta’ valwazzjoni jista’ jiġi vverifikat minn EURAMET. Fil-każ li jifdal xi inċertezzi, il-metodu ta’ valwazzjoni jista’ jiġi awditjat minn EURAMET.
6.Il-kontribuzzjonijiet imsemmija fil-paragrafu 2, li jgħoddu bħala kontribuzzjonijiet mill-Istati Parteċipanti, għandhom isiru wara l-adozzjoni tal-programm ta’ ħidma annwali. Jekk il-programm ta’ ħidma annwali jiġi adottat matul is-sena ta’ referenza msemmija fl-Artikolu 6(3), il-kontribuzzjonijiet imsemmija fil-paragrafu 2, il-punt (b), li jgħoddu bħala kontribuzzjonijiet mill-Istati Parteċipanti inklużi fil-programm ta’ ħidma annwali, jistgħu jinkludu l-kontribuzzjonijiet li jkunu saru mill-1 ta’ Jannar ta’ dik is-sena. B’mod eċċezzjonali, il-kontribuzzjonijiet imsemmija fil-paragrafu 2, il-punt (b), li jsiru wara d-data tad-dħul fis-seħħ tad-Deċiżjoni dwar is-Sħubija dwar il-Metroloġija jistgħu jgħoddu bħala kontribuzzjonijiet mill-Istati Parteċipanti diment li jkunu inklużi fl-ewwel programm ta’ ħidma annwali tas-Sħubija dwar il-Metroloġija.
Artikolu 6
Attivitajiet tal-EURAMET
1.Is-Sħubija dwar il-Metroloġija għandha tappoġġa firxa wiesgħa ta’ attivitajiet ta’ riċerka u innovazzjoni permezz ta’:
(a)azzjonijiet indiretti skont it-tifsira tal-Artikolu 2, il-punt 25 tar-Regolament (UE) [XXX] [ir-Regolament Orizzont Ewropa] u li skont l-Artikolu 7 ta’ din id-Deċiżjoni huma ffinanzjati mill-EURAMET prinċipalment fil-forma ta’ għotjiet wara sejħiet għal proposti transnazzjonali miftuħa u kompetittivi organizzati mill-EURAMET, u li jinkludu:
–(i) azzjonijiet xjentifiċi-tekniċi li jappoġġaw metroloġija xjentifika fundamentali li jħejju l-bażi għall-passi suċċessivi kollha inklużi r-riċerka u l-iżvilupp fil-metroloġija applikata u servizzi relatati mal-metroloġija;
–(ii) riċerka dwar il-metroloġija biex jiġu pprovduti soluzzjonijiet għall-isfidi tas-soċjetà li jiffukaw fuq il-kontribuzzjonijiet għall-enerġija, is-saħħa u l-klima u biex jiġu żviluppati proġetti f’networks Ewropej tal-metroloġija speċifiċi li jindirizzaw dawn l-isfidi;
–(iii) riċerka ħalli tinħoloq strumentazzjoni tal-kejl ġdida bil-għan li l-industrija tuża t-teknoloġiji metroloġiċi li jistimulaw l-innovazzjoni fl-industrija;
–(iv) riċerka u żvilupp prenormattivi u konormattivi dwar il-metroloġija b’appoġġ għall-implimentazzjoni tal-politika, ir-regolamenti u l-aċċellerazzjoni tal-kummerċjalizzazzjoni aktar mgħaġġla tal-introduzzjoni fis-suq ta’ prodotti u servizzi innovattivi;
(b)attivitajiet iffinanzjati mill-Istati Parteċipanti mingħajr il-kontribuzzjoni finanzjarja tal-Unjoni msemmija fl-Artikolu 3 li jikkonsistu f’attivitajiet ta’ bini ta’ kapaċità fil-metroloġija fuq livelli teknoloġiċi differenti li l-għan tagħhom huwa li tinkiseb sistema ta’ metroloġija bbilanċjata u integrata fl-Istati Parteċipanti li tippermettilhom jiżviluppaw il-kapaċitajiet xjentifiċi u tekniċi tagħhom fil-metroloġija, u li jinkludu attivitajiet mhux magħżula mis-sejħiet għal proposti deskritti fil-punt (a), u deskritti fil-programmi ta’ ħidma annwali, inkluż kwalunkwe waħda minn dawn li ġejjin:
–(i) attivitajiet taħt il-programmi nazzjonali tal-Istati Parteċipanti bħal proġetti transnazzjonali li jikkontribwixxu għall-prijoritajiet stabbiliti f’network Ewropew tal-metroloġija u l-kumitati tekniċi tal-EURAMET.
–(ii) azzjonijiet għat-tixrid u għall-isfruttament tar-riżultati tar-riċerka dwar il-metroloġija;
–(iii) azzjonijiet li jindirizzaw speċifikament l-istituti tal-metroloġija li ma għandhomx kapaċitajiet xjentifiċi jew li għandhom kapaċitajiet limitati, billi jgħinuhom jużaw programmi oħra reġjonali, nazzjonali jew tal-Unjoni għat-taħriġ u l-mobbiltà, il-kooperazzjoni transfruntiera jew l-investiment f’infrastruttura tal-metroloġija;
–(iv) l-organizzazzjoni ta’ attivitajiet ta’ tixrid estern u trasferiment ta’ għarfien sabiex tiġi promossa s-Sħubija dwar il-Metroloġija u jiġi mmassimizzat l-impatt tagħha.
2.Qabel ma tidentifika s-suġġetti ta’ kull sejħa għal proposti msemmija fil-paragrafu 1, il-punt (a), il-EURAMET għandha tistieden lil individwi jew lil organizzazzjonijiet mill-komunità tar-riċerka dwar il-metroloġija u l-katina tal-valur ġenerali tal-metroloġija biex jissuġġerixxu suġġetti potenzjali ta’ riċerka.
Artikolu 7
Programm ta’ ħidma annwali
1.Is-Sħubija dwar il-Metroloġija għandha tiġi implimentata abbażi ta’ programmi ta’ ħidma annwali li jkopru attivitajiet li għandhom jitwettqu għall-perjodu mill-1 ta’ Jannar sal-31 ta’ Diċembru ta’ sena partikolari (“sena ta’ referenza”).
2.Il-EURAMET għandha tadotta l-programmi ta’ ħidma annwali sal-31 ta’ Marzu tas-sena ta’ referenza, wara li tikseb approvazzjoni mill-Kummissjoni. Fl-adozzjoni tal-programmi ta’ ħidma annwali, kemm EURAMET kif ukoll il-Kummissjoni għandhom jaġixxu mingħajr dewmien żejjed. Il-EURAMET għandha tqiegħed il-pjan ta’ ħidma annwali għad-dispożizzjoni tal-pubbliku.
3.L-attivitajiet imsemmija fl-Artikolu 6(1), il-punti (a) u (b), jistgħu jiġu mnedija biss fis-sena ta’ referenza u biss wara l-adozzjoni tal-pjan ta’ ħidma annwali għal dik is-sena.
4.L-attivitajiet jistgħu jiġu ffinanzjati biss mill-EURAMET jekk dawn ikunu stabbiliti fil-programm ta’ ħidma annwali. Il-programm ta’ ħidma annwali għandu jiddistingwi bejn l-attivitajiet imsemmija fl-Artikolu 6(1), il-punt (a), l-attivitajiet imsemmija fl-Artikolu 6(1), il-punt (b), u l-kostijiet amministrattivi tal-EURAMET. Il-programm ta’ ħidma annwali għandu jinkludi l-istimi tan-nefqa korrispondenti tagħhom u l-baġit li jkun qiegħed jiġi allokat għal attivitajiet iffinanzjati bil-kontribuzzjoni finanzjarja tal-Unjoni msemmija fl-Artikolu 3 u għal attivitajiet iffinanzjati mill-Istati Parteċipanti mingħajr tali kontribuzzjoni finanzjarja tal-Unjoni. Il-programm ta’ ħidma annwali għandu jinkludi wkoll il-valur stmat tal-kontribuzzjonijiet in natura tal-Istati Parteċipanti, imsemmija fl-Artikolu 5(2), il-punt (b).
5.Il-programmi ta’ ħidma annwali emendati għal sena ta’ referenza u l-programmi ta’ ħidma annwali għas-snin ta’ referenza sussegwenti għandhom iqisu r-riżultati ta’ sejħiet għal proposti preċedenti. Huma għandhom jagħmlu ħilithom biex jindirizzaw il-kopertura insuffiċjenti ta’ suġġetti xjentifiċi b’mod partikolari dawk indirizzati inizjalment fl-attivitajiet skont l-Artikolu 6(1), il-punt (b), li ma setgħux jiġu ffinanzjati b’mod adegwat.
6.Is-sejħiet għal proposti taħt il-programmi ta’ ħidma annwali rilevanti, għandhom jiġu mnedija sal-31 ta’ Diċembru 2027. F’każijiet debitament iġġustifikati, dawn jistgħu jiġu mnedija sal-31 ta’ Diċembru 2028.
7.EURAMET għandha twettaq monitoraġġ u tirrapporta lill-Kummissjoni dwar l-implimentazzjoni tal-attivitajiet kollha inklużi fil-programm ta’ ħidma annwali.
8.Kwalunkwe komunikazzjoni jew pubblikazzjoni relatata mal-attivitajiet tas-Sħubija dwar il-Metroloġija u mwettqa f’kooperazzjoni mas-Sħubija dwar il-Metroloġija, kemm jekk imwettqa minn EURAMET, minn Stat Parteċipanti jew mill-korpi ta’ finanzjament nazzjonali tiegħu, jew parteċipanti f’attività, għandhom jiġu ttikkettati jew kotikkettati bħala kofinanzjati mis-Sħubija dwar il-Metroloġija taħt Orizzont Ewropa.
Artikolu 8
Regoli għall-parteċipazzjoni u t-tixrid
1.Il-EURAMET għandha titqies bħala korp ta’ finanzjament skont it-tifsira tal-Artikolu 2, il-punt 13 tar-Regolament [(UE) [XXX] [ir-Regolament dwar Orizzont Ewropa] u għandha tipprovdi appoġġ finanzjarju għall-azzjonijiet indiretti msemmija fl-Artikolu 6(1), il-punt (a), ta’ din id-Deċiżjoni skont l-Artikoli 6(2), tar-Regolament (UE) [XXX].
2.Skont l-Artikolu 13(1) tar-Regolament HE, f’każijiet debitament iġġustifikati, il-programm ta’ ħidma annwali jista’ jipprovdi għal limitazzjoni tar-rwol tal-koordinatur f’azzjonijiet indiretti għall-NMIs u għad-DIs tal-Istati Parteċipanti sabiex jiġi żgurat li l-objettivi u l-miri ta’ kontribuzzjoni tal-Istati Parteċipanti jintlaħqu.
3.Il-EURAMET għandha tiżgura interazzjonijiet xierqa mal-NMIs u mad-DIs fl-azzjonijiet indiretti msemmija fl-Artikolu 6(1), il-punt (a), skont id-deżinjazzjoni mill-awtorità nazzjonali xierqa. Il-EURAMET għandha tħeġġeġ u tappoġġa wkoll il-parteċipazzjoni ta’ entitajiet oħra fis-sejħiet kollha.
Artikolu 9
Ftehimiet bejn l-Unjoni u l-EURAMET
Sakemm jiġi żgurat livell ekwivalenti ta’ protezzjoni tal-interess finanzjarju tal-Unjoni, il-EURAMET għandha tiġi fdata bl-implimentazzjoni tal-kontribuzzjoni tal-Unjoni skont l-Artikolu 62(3) u l-Artikolu 154 tar-Regolament (UE, Euratom) 2018/1046.
Artikolu 10
Terminazzjoni, tnaqqis jew sospensjoni tal-kontribuzzjoni finanzjarja tal-Unjoni
1.Jekk is-Sħubija tal-Metroloġija tonqos milli tissodisfa l-kundizzjonijiet li taħthom tiġi fdata l-kontribuzzjoni finanzjarja tal-Unjoni, il-Kummissjoni tista’ ttemm, tnaqqas proporzjonalment jew tissospendi l-kontribuzzjoni finanzjarja tal-Unjoni msemmija fl-Artikolu 3.
2.Jekk l-Istati Parteċipanti ma jikkontribwux għall-finanzjament tas-Sħubija dwar il-Metroloġija, jikkontribwixxu biss parzjalment jew ma jirrispettawx il-perjodi ta’ żmien għall-kontribuzzjonijiet imsemmija fl-Artikolu 5, il-Kummissjoni tista’ tittermina, tnaqqas proporzjonalment jew tissospendi l-kontribuzzjoni finanzjarja tal-Unjoni msemmija fl-Artikolu 3. Id-deċiżjoni tal-Kummissjoni ma għandhiex tfixkel ir-rimborż tal-kostijiet eliġibbli diġà mġarrba mill-Istati Parteċipanti qabel ma d-deċiżjoni li tittermina, tnaqqas b’mod proporzjonali jew tissospendi l-kontribuzzjoni finanzjarja tal-Unjoni tiġi nnotifikata lis-Sħubija dwar il-Metroloġija.
Artikolu 11
Awditi ex-post
1.L-awditi ex-post tan-nefqa fuq azzjonijiet indiretti msemmija fl-Artikolu 6(1), il-punt (a), għandhom jitwettqu minn EURAMET skont l-Artikolu 48 tar-Regolament …[Orizzont Ewropa](UE) [XXX] [].
2.Il-Kummissjoni tista’ tiddeċiedi li twettaq l-awditi msemmija fil-paragrafu 1 hi stess. F’każijiet bħal dawn, il-Kummissjoni għandha tagħmel dan skont ir-regoli applikabbli, b’mod partikolari l-Artikolu 48(3) tar-Regolament (UE) [XXX] [Orizzont Ewropa] u l-Artikolu 127 tar-Regolament (UE, Euratom) 2018/1046.
Artikolu 12
Protezzjoni tal-interessi finanzjarji tal-Unjoni
1.Il-Kummissjoni għandha tieħu miżuri xierqa li jiżguraw li, meta jiġu implimentati azzjonijiet iffinanzjati skont din id-Deċiżjoni, l-interessi finanzjarji tal-Unjoni jiġu mħarsa permezz tal-applikazzjoni ta’ miżuri preventivi kontra l-frodi, il-korruzzjoni u kwalunkwe attività illegali oħra, permezz ta’ kontrolli effettivi u, jekk jinstabu irregolaritajiet, permezz tal-irkupru tal-ammonti mħallsa ħażin u, fejn xieraq, permezz ta’ penali amministrattivi u finanzjarji effettivi, proporzjonati u dissważivi.
2.Waqt l-implimentazzjoni tas-Sħubija dwar il-Metroloġija, l-Istati Parteċipanti għandhom jieħdu l-miżuri leġiżlattivi, regolatorji, amministrattivi jew miżuri oħra meħtieġa biex iħarsu l-interessi finanzjarji tal-Unjoni, b’mod partikolari biex jiżguraw l-irkupru sħiħ ta’ kwalunkwe ammont dovut lill-Unjoni f’konformità mar-Regolament (UE, Euratom) 2018/1046.
3.Il-EURAMET għandha tagħti lill-persunal tal-Kummissjoni u lil persuni oħrajn awtorizzati minnha, kif ukoll lill-Qorti tal-Awdituri, aċċess għas-siti u għall-postijiet tagħha u għall-informazzjoni kollha, inkluż informazzjoni f’format elettroniku, meħtieġa biex iwettqu l-awditi tagħhom.
4.L-Uffiċċju Ewropew ta’ Kontra l-Frodi (OLAF) jista’ jwettaq investigazzjonijiet, fosthom verifiki u spezzjonijiet fuq il-post, b’mod konformi mad-dispożizzjonijiet u l-proċeduri stabbiliti fir-Regolament (UE, Euratom) Nru 883/2013 tal-Parlament Ewropew u tal-Kunsill u r-Regolament tal-Kunsill (Euratom, KE) Nru 2185/96 bil-għan li jiġi stabbilit jekk kienx hemm frodi, korruzzjoni jew kwalunkwe attività illegali oħra li tolqot l-interessi finanzjarji tal-Unjoni b’rabta ma’ ftehim, deċiżjoni jew kuntratt iffinanzjat taħt din id-Deċiżjoni.
5.L-Uffiċċju tal-Prosekutur Pubbliku Ewropew (UPPE) jista’ jwettaq investigazzjonijiet skont id-dispożizzjonijiet u l-proċeduri stabbiliti fir-Regolament tal-Kunsill (UE) 2017/1939, bil-għan li jinvestiga reati kriminali li jaffettwaw l-interessi finanzjarji tal-Unjoni kif stabbilit fl-Artikolu 4 ta’ dak ir-Regolament.
6.Mingħajr preġudizzju għall-paragrafi 3, 4 u 5, il-ftehimiet, il-kuntratti u d-deċiżjonijiet li jirriżultaw mill-implimentazzjoni ta’ din id-Deċiżjoni għandhom jinkludu dispożizzjonijiet li b’mod espliċitu jagħtu s-setgħa lill-Kummissjoni, lill-EURAMET, lill-Qorti tal-Awdituri, lill-UPPE u lill-OLAF, biex iwettqu tali awditi, verifiki fuq il-post u investigazzjonijiet f’konformità mal-kompetenzi rispettivi tagħhom.
Artikolu 13
Governanza tas-Sħubija dwar il-Metroloġija
1.Il-korpi li jirregolaw is-Sħubija dwar il-Metroloġija għandhom jinkludu mill-anqas dan li ġej:
(a)il-Kumitat ta’ Sħubija dwar il-Metroloġija;
(b)il-Grupp ta’ Tmexxija.
(c)is-Segretarjat tal-EURAMET.
Artikolu 14
Il-Kumitat ta’ Sħubija dwar il-Metroloġija
1.Il-Kumitat ta’ Sħubija dwar il-Metroloġija għandu jimmaniġġa s-Sħubija dwar il-Metroloġija sabiex jiżgura li s-Sħubija dwar il-Metroloġija kif imwettqa tissodisfa l-objettivi tagħha.
2.Il-Kumitat ta’ Sħubija dwar il-Metroloġija għandu jkun magħmul minn rappreżentanti ta’ membri tal-EURAMET mill-Istati Parteċipanti kollha. L-ippeżar tal-voti għandu jiġi kkalkulat mill-impenji nazzjonali skont l-għerq kwadrat tal-impenn.
3.Il-Kumitat ta’ Sħubija dwar il-Metroloġija għandu, b’mod partikolari:
(a)jieħu deċiżjonijiet dwar l-aġenda strateġika tar-riċerka u l-innovazzjoni;
(b)jieħu deċiżjonijiet dwar l-ippjanar ta’ sejħiet għal proposti u l-proċedura ta’ reviżjoni tal-evalwazzjoni;
(c)jadotta l-programm ta’ ħidma annwali wara li jikseb l-approvazzjoni tal-Kummissjoni u wara li jikkonsulta lill-Grupp ta’ Tmexxija msemmi fl-Artikolu 15;
(d)jieħu deċiżjonijiet dwar l-għażla tal-proġetti li għandhom jiġu ffinanzjati skont il-listi ta’ klassifikazzjoni wara l-evalwazzjonijiet tas-sejħa ta’ proposti msemmija fl-Artikolu 6(1) il-punt (a);
(e)jimmonitorja l-progress tal-proġetti ffinanzjati;
(f)japprova l-parteċipazzjoni fis-Sħubija dwar il-Metroloġija ta’ kwalunkwe pajjiż terz mhux assoċjat ma’ Orizzont Ewropa, dment li dak il-pajjiż terz ikun ikkonkluda ftehim internazzjonali mal-Unjoni, imsemmi fl-Artikolu 1(3).
4.Il-Kummissjoni għandu jkollha status ta’ osservatur fil-laqgħat tal-Kumitat ta’ Sħubija dwar il-Metroloġija. Madankollu, l-adozzjoni tal-programm ta’ ħidma annwali mill-Kumitat ta’ Sħubija dwar il-Metroloġija għandha teħtieġ il-kunsens minn qabel tal-Kummissjoni. Il-Kumitat ta’ Sħubija dwar il-Metroloġija għandu jistieden lill-Kummissjoni għal-laqgħat tiegħu u għandu jibgħat lill-Kummissjoni d-dokumenti rilevanti kollha. Il-Kummissjoni tista’ tieħu sehem fid-diskussjonijiet tal-Kumitat ta’ Sħubija dwar il-Metroloġija.
5.Il-Kumitat ta’ Sħubija dwar il-Metroloġija għandu jaħtar il-President tiegħu u d-Deputat tiegħu skont il-piżijiet tal-vot spjegati fil-paragrafu 2. Il-President tal-Kumitat ta’ Sħubija dwar il-Metroloġija għandu jirrappreżenta lill-EURAMET fi kwistjonijiet relatati mas-Sħubija dwar il-Metroloġija.
Artikolu 15
Il-Grupp ta’ Tmexxija
1.Il-Kummissjoni għandha tistabbilixxi Grupp ta’ Tmexxija. Il-Grupp ta’ Tmexxija għandu jkun korp konsultattiv tas-Sħubija dwar il-Metroloġija u għandu jagħti pariri lis-Sħubija dwar il-Metroloġija dwar il-prijoritajiet emerġenti għar-riċerka dwar il-metroloġija fil-livell Ewropew. Għandu b’mod partikolari:
(a)jidentifika teknoloġiji u swieq emerġenti fejn ir-riċerka dwar il-metroloġija tista’ ssir rilevanti fil-futur;
(b)jidentifika oqsma ta’ riċerka li jikkontribwixxu għall-funzjonament bla xkiel tas-suq uniku, inkluż għar-regolamenti u l-istandards rilevanti;
(c)jagħti pariri lis-Sħubija dwar il-Metroloġija dwar il-prijoritajiet għall-programmi ta’ ħidma futuri tagħhom.
2.Il-Grupp ta’ Tmexxija għandu jkun magħmul minn massimu ta’ 12-il membru:
(a)erba’ rappreżentanti minn dawk li jistabbilixxu l-istandards Ewropej u regolaturi maħtura mill-EURAMET;
(b)ħames rappreżentanti minn sħubijiet Ewropej differenti stabbiliti skont ir-Regolament [(UE) [XXX][Orizzont Ewropa] ma’ sħab privati li jirrappreżentaw l-industrija. Il-Kummissjoni għandha taħtar ir-rappreżentanti b’mod miftuħ u trasparenti;
(c)Il-President tal-EURAMET;
(d)Rappreżentant wieħed maħtur mill-Kummissjoni, u rappreżentant wieħed ta’ ministeru nazzjonali li mhuwiex membru tal-persunal ta’ istitut nazzjonali tal-metroloġija rrappreżentat fl-EURAMET. Ir-rappreżentant tal-ministeru jenħtieġ li jinħatar mill-Kumitat ta’ Sħubija dwar il-Metroloġija.
3.Mill-anqas 50 % tal-membri msemmija fil-paragrafu 2, il-punti (a) u (b), għandhom jinbidlu mhux aktar tard mill-evalwazzjoni interim imsemmija fl-Artikolu 18(1).
4.Il-Grupp ta’ Tmexxija għandu jkun presedut b’mod konġunt mir-rappreżentanti msemmija fil-paragrafu 2, il-punt (d).
Artikolu 16
Is-Segretarjat tal-EURAMET
1.Is-Segretarjat tal-EURAMET, li jipprovdi appoġġ amministrattiv ġenerali għall-EURAMET, għandu jżomm il-kontijiet bankarji għas-Sħubija dwar il-Metroloġija.
2.L-unità ta’ appoġġ tal-Maniġment għandha tiġi stabbilita bħala parti mis-Segretarjat tal-EURAMET u għandha tkun responsabbli għall-implimentazzjoni u għall-ġestjoni ta’ kuljum tas-Sħubija dwar il-Metroloġija.
Artikolu 17
Komunikazzjoni ta’ informazzjoni
1.Fuq talba tal-Kummissjoni, il-EURAMET għandha tipprovdi lill-Kummissjoni bi kwalunkwe informazzjoni meħtieġa għat-tħejjija tar-rapporti msemmija fl-Artikolu 18.
2.L-Istati Parteċipanti għandhom jissottomettu lill-Kummissjoni, permezz tal-EURAMET, kwalunkwe informazzjoni mitluba mill-Parlament Ewropew, mill-Kunsill jew mill-Qorti tal-Awdituri dwar il-ġestjoni finanzjarja tas-Sħubija dwar il-Metroloġija.
3.Fl-evalwazzjonijiet imsemmija fl-Artikolu 18, il-Kummissjoni għandha tinkludi l-informazzjoni msemmija fil-paragrafu 2.
Artikolu 18
Evalwazzjoni
1.Il-Kummissjoni għandha twettaq evalwazzjoni interim u evalwazzjoni finali tas-Sħubija dwar il-Metroloġija fil-qafas tal-evalwazzjonijiet ta’ Orizzont Ewropa, kif speċifikat fl-Artikolu 47 tar-Regolament (UE) …. [Orizzont Ewropa].
2.L-evalwazzjonijiet għandhom jeżaminaw kif is-Sħubija dwar il-Metroloġija tissodisfa l-missjoni u l-objettivi tagħha, tkopri l-attivitajiet kollha tagħha u tevalwa l-valur miżjud Ewropew, l-effettività, l-effiċjenza, inkluż il-ftuħ u t-trasparenza tagħha, ir-rilevanza tal-attivitajiet segwiti u l-koerenza u/jew il-komplementarjetà tagħhom mal-politiki reġjonali, nazzjonali u tal-Unjoni rilevanti, inklużi sinerġiji ma’ partijiet oħra ta’ Orizzont Ewropa (bħal missjonijiet, raggruppamenti jew programmi tematiċi/speċifiċi). L-evalwazzjonijiet għandhom iqisu l-fehmiet tal-partijiet ikkonċernati, kemm fil-livell Ewropew kif ukoll fil-livell nazzjonali u għandhom, fejn rilevanti, jinkludu wkoll valutazzjoni tal-impatti xjentifiċi, tas-soċjetà, ekonomiċi, teknoloġiċi fit-tul tal-inizjattivi preċedenti. Dawn għandhom jinkludu, fejn rilevanti, valutazzjoni tal-aktar mod effettiv ta’ intervent ta’ politika għal kwalunkwe azzjoni futura, kif ukoll ir-rilevanza u l-koerenza ta’ kwalunkwe tiġdid possibbli tas-Sħubija dwar il-Metroloġija, minħabba l-prijoritajiet ta’ politika ġenerali u l-pajsaġġ ta’ appoġġ għar-riċerka u l-innovazzjoni, inkluż il-pożizzjonament kontra inizjattivi oħra appoġġati permezz tal-programm qafas Orizzont Ewropa.
Artikolu 19
Aċċess għar-riżultati u informazzjoni dwar il-proposti
1.Il-EURAMET għandha tipprovdi lill-Kummissjoni aċċess għall-informazzjoni kollha relatata mal-azzjonijiet indiretti li tiffinanzja. Tali informazzjoni għandha tinkludi r-riżultati tal-benefiċjarji li jipparteċipaw f’azzjonijiet indiretti tas-Sħubija dwar il-Metroloġija jew kwalunkwe informazzjoni oħra meqjusa neċessarja għall-iżvilupp, l-implimentazzjoni, il-monitoraġġ u l-evalwazzjoni tal-politiki jew tal-programmi tal-Unjoni. Tali drittijiet ta’ aċċess huma limitati għal użu mhux kummerċjali u mhux kompetittiv u għandhom jikkonformaw mar-regoli ta’ kunfidenzjalità applikabbli.
2.Għall-finijiet tal-iżvilupp, l-implimentazzjoni, il-monitoraġġ u l-evalwazzjoni tal-politiki jew tal-programmi tal-Unjoni, il-EURAMET għandha tipprovdi lill-Kummissjoni l-informazzjoni inkluża fil-proposti sottomessi.
Artikolu 20
Il-Kunfidenzjalità
Mingħajr preġudizzju għall-Artikolu 17, il-EURAMET għandha tiżgura l-protezzjoni ta’ informazzjoni kunfidenzjali li d-divulgazzjoni tagħha lil hinn mill-istituzzjonijiet tal-Unjoni u korpi, uffiċċji jew aġenziji oħra tal-Unjoni tista’ tkun ta’ ħsara għall-interessi tal-membri tagħha jew tal-parteċipanti fl-attivitajiet tas-Sħubija dwar il-Metroloġija. Tali informazzjoni kunfidenzjali tinkludi iżda mhijiex limitata għal informazzjoni personali, kummerċjali, sensittiva mhux klassifikata u klassifikata.
Artikolu 21
Kunflitt ta’ interess
1.Il-EURAMET, il-korpi u l-persunal tagħha, u l-korpi tas-Sħubija dwar il-Metroloġija, għandhom jevitaw kwalunkwe kunflitt ta’ interess fl-implimentazzjoni tal-attivitajiet tagħhom.
2.Il-EURAMET għandha tadotta regoli għall-prevenzjoni, l-evitar u l-ġestjoni ta’ kunflitti ta’ interess fir-rigward tal-persunal tal-EURAMET, il-membri u persuni oħra li jservu fil-Kumitat ta’ Sħubija dwar il-Metroloġija u fil-korpi jew fil-gruppi l-oħra tal-EURAMET u s-Sħubija dwar il-Metroloġija, skont l-Artikolu 154(4), il-punt (d) tar-Regolament (UE, Euratom) 2018/1046.
Artikolu 22
Dħul fis-seħħ
Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Artikolu 23
Destinatarji
Din id-Deċiżjoni hija indirizzata lill-Istati Membri.
Magħmul fi Brussell,
Għall-Parlament Ewropew
Għall-Kunsill
Il-President
Il-President
DIKJARAZZJONI FINANZJARJA LEĠIŻLATTIVA
1.QAFAS TAL-PROPOSTA/TAL-INIZJATTIVA
1.1.Titolu tal-proposta/tal-inizjattiva
1.2.Qasam/oqsma ta’ politika kkonċernat(i) fl-istruttura ABM/ABB
1.3.Natura tal-proposta/tal-inizjattiva
1.4.Objettiv(i)
1.5.Raġunijiet għall-proposta/għall-inizjattiva
1.6.Durata u impatt finanzjarju
1.7.Mod(i) ta’ ġestjoni ppjanat(i)
2.MIŻURI TA’ ĠESTJONI
2.1.Regoli ta’ monitoraġġ u ta’ rapportar
2.2.Sistema ta’ ġestjoni u ta’ kontroll
2.3.Miżuri għall-prevenzjoni ta’ frodi u ta’ irregolaritajiet
3.IMPATT FINANZJARJU STMAT TAL-PROPOSTA/TAL-INIZJATTIVA
3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i
3.2.Impatt stmat fuq in-nefqa
3.2.1.Sommarju tal-impatt stmat fuq in-nefqa
3.2.2.Impatt stmat fuq l-approprjazzjonijiet operazzjonali
3.2.3.Impatt stmat fuq l-approprjazzjonijiet ta’ natura amministrattiva
3.2.4.Kompatibbiltà mal-qafas finanzjarju pluriennali attwali
3.2.5.Kontribuzzjonijiet ta’ partijiet terzi
3.3.Impatt stmat fuq id-dħul
DIKJARAZZJONI FINANZJARJA LEĠIŻLATTIVA
1.QAFAS TAL-PROPOSTA/TAL-INIZJATTIVA
1.1.Titolu tal-proposta/tal-inizjattiva
Proposta għal Deċiżjoni tal-Parlament Ewropew u tal-Kunsill dwar il-parteċipazzjoni tal-Unjoni fis-Sħubija Ewropea dwar il-Metroloġija mwettqa b’mod konġunt minn diversi Stati Membri
1.2.Qasam/oqsma ta’ politika kkonċernat(i) (Raggruppament ta’ programmi)
Attività: Orizzont Ewropa
Raggruppament 4: Diġitali, industrijali u spazjali
1.3.Il-proposta/l-inizjattiva tirrigwarda:
☑ azzjoni ġdida
◻ azzjoni ġdida li ssegwi proġett pilota/azzjoni preparatorja
◻ l-estensjoni ta’ azzjoni eżistenti
◻ fużjoni jew ridirezzjoni ta’ azzjoni waħda jew aktar lejn oħra/azzjoni ġdida
1.4.Raġunijiet għall-proposta/għall-inizjattiva
1.4.1.Rekwiżit(i) li jrid(u) jiġi/u ssodisfat(i) fuq terminu qasir jew twil, inkluża kronoloġija dettaljata għall-prosegwiment tal-implimentazzjoni tal-inizjattiva
L-objettivi ewlenin tal-inizjattiva jistgħu jinqasmu f’objettiv xjentifiku, ekonomiku u tas-soċjetà. L-objettiv xjentifiku huwa li tiġi żviluppata sistema ta’ metroloġija ta’ klassi dinjija kkoordinata u sostenibbli fuq livell Ewropew. L-objettiv ekonomiku huwa li jiġi żgurat li l-kapaċitajiet tal-metroloġija l-aktar avvanzati jiġu adottati direttament mill-innovaturi fl-ekosistemi tagħhom. L-objettiv tas-soċjetà huwa li jiżdied l-impatt tal-metroloġija fuq l-isfidi tas-soċjetà b’rabta mal-implimentazzjoni tal-politiki, l-istandards u r-regolamenti biex ikunu adattati għall-iskop tagħhom.
L-inizjattiva hija mistennija tibda topera fit-tieni jew fit-tielet trimestru tal-2021 (skont id-data tal-adozzjoni tal-att bażiku tagħha mill-Kunsill u mill-Parlament Ewropew).
L-attività ewlenija tal-inizjattiva hija l-appoġġ ta’ azzjonijiet ta’ riċerka kollaborattiva bejn l-istituti tal-metroloġija u l-partijiet ikkonċernati esterni tal-metroloġija. Se jkun hemm fażi inizjali ta’ aġġornament fis-snin tas-sejħa 2021 u 2022, sabiex jintlaħaq baġit ta’ sejħa stabbli għal bejn l-2023 u l-2026. Għall-aħħar sena tas-sejħa fl-2027, huwa stmat li se jitnaqqas il-baġit tas-sejħa biex jippermetti eliminazzjoni gradwali. Fl-istess ħin, il-finanzjament nazzjonali qed jipprovdi l-fondi biex jinħolqu Networks Ewropej tal-Metroloġija f’oqsma teknoloġiċi u tas-soċjetà strateġiċi. L-ewwel Networks ilhom li bdew jinbnew mill-bidu tal-inizjattiva bil-potenzjal li jitnedew networks ġodda kull sena ta’ implimentazzjoni.
Sal-2030, l-objettivi ġenerali u speċifiċi kollha se jintlaħqu u se jkunu soġġetti għal evalwazzjoni ex-post.
1.4.2.Il-valur miżjud tal-involviment tal-Unjoni (dan jista’ jirriżulta minn fatturi differenti, eż. titjib fil-koordinazzjoni, ċertezza legali, effettività jew kumplimentarjetajiet akbar). Għall-finijiet ta’ dan il-punt, “il-valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li jkun addizzjonali għall-valur li kieku kien jinħoloq mill-Istati Membri waħedhom.
Raġunijiet għal azzjoni fil-livell Ewropew (ex-ante):
Il-problemi indirizzati mill-inizjattiva huma ta’ natura u ta’ daqs li azzjoni miftiehma fil-livell tal-UE tkun aktar xierqa milli Stati Membri individwali li jiżviluppaw l-inizjattivi tagħhom stess. Dan jippermetti sforzi aktar koerenti u kkoordinati, u jevita d-duplikazzjoni.
Ir-raġuni ewlenija għall-kontribuzzjoni finanzjarja tal-Unjoni għall-inizjattiva hija l-opportunità li jiġu ffinanzjati azzjonijiet ta’ riċerka transnazzjonali li jimmiraw direttament prijoritajiet strateġiċi konġunti għall-metroloġija. Inizjattiva tal-Artikolu 185 tagħti wkoll iċ-ċertezza legali u fit-tul tal-finanzjament istituzzjonali b’impenji kemm mill-Unjoni kif ukoll mill-finanzjament istituzzjonali disponibbli fil-livell nazzjonali.
Valur miżjud li mistennija tiġġenera l-Unjoni (ex-post):
L-involviment tal-UE jippermetti l-ħolqien ta’ ekonomiji fuq skala kbira u għall-konsolidazzjoni tal-kapaċità ta’ riċerka dwar il-metroloġija. L-involviment tal-UE se jiżgura wkoll ingranaġġ tar-riżorsi nazzjonali biex tinħoloq kapaċità Ewropea tal-metroloġija adatta għall-isfidi komuni tas-soċjetà u t-tranżizzjonijiet teknoloġiċi f’konformità mal-ħtiġijiet tas-suq Uniku.
Dawn il-kwistjonijiet huma indirizzati aktar fid-dokument tal-Valutazzjoni tal-Impatt mehmuż ma’ din il-proposta.
1.4.3.Tagħlimiet meħuda minn esperjenzi simili fl-imgħoddi
Bil-kisba ta’ livell sinifikanti ta’ integrazzjoni tal-isforzi nazzjonali tal-metroloġija, l-azzjoni tal-UE taħt is-Seba’ Programm Kwadru u Orizzont 2020 ippermettiet lill-Ewropa tistabbilixxi tmexxija globali f’ħafna oqsma tal-metroloġija. Hekk kif ir-riċerka dwar il-metroloġija tikber fl-importanza bħala faċilitatur tat-teknoloġiji emerġenti, reġjuni globali oħra qed iżidu b’mod sinifikanti l-investimenti tagħhom fil-metroloġija u jimmiraw għalihom b’mod strateġiku. Għalhekk, f’dan l-istadju hija meħtieġa azzjoni tal-UE biex jinżamm il-momentum tal-integrazzjoni sabiex din issir integrata tul il-katina tal-valur tal-metroloġija u b’hekk iżżid l-involviment tal-partijiet ikkonċernati fil-metroloġija inklużi r-regolaturi u dawk li jistabbilixxu l-istandards, l-utenti finali tal-industrija u tas-soċjetà, kif ukoll iċ-ċittadini. Dan huwa essenzjali biex tinkiseb is-sostenibbiltà fit-tul tar-riċerka integrata dwar il-metroloġija fl-Ewropa.
Huwa kritiku li tali azzjoni tal-UE tinżamm issa sabiex tinkiseb is-sostenibbiltà. Inkella, kif tindika l-evalwazzjoni ta’ nofs it-terminu tal-2017, l-isforzi tal-metroloġija fl-Ewropa jirriskjaw li jerġgħu jsiru frammentati, billi jitfixkel il-bini tal-kapaċità f’Istituti Nazzjonali tal-Metroloġija (NMIs) iżgħar filwaqt li NMIs akbar jikkonkludu arranġamenti bilaterali mal-kontropartijiet tagħhom f’reġjuni oħra tad-dinja, u b’hekk tiddgħajjef is-sovranità teknoloġika tal-Ewropa.
1.4.4.Kompatibbiltà u sinerġija possibbli ma’ strumenti xierqa oħra
Skont ir-Regolament dwar Orizzont Ewropa, is-Sħubijiet Ewropej kollha jeħtieġ li jiżguraw koordinazzjoni u/jew attivitajiet konġunti ma’ inizjattivi rilevanti oħra ta’ riċerka u innovazzjoni biex jiġi żgurat l-aħjar livell ta’ interkonnessjonijiet u jiġu żgurati sinerġiji effettivi.
Jenħtieġ li jiġu stabbiliti sinerġiji b’saħħithom mas-sħubijiet Ewropej l-oħrajn li huma relatati mill-qrib ma’ applikazzjonijiet intensivi fil-kejl. Barra minn hekk, l-istrument tal-Artikolu 185 jippermetti integrazzjoni mingħajr xkiel tal-programmi ta’ finanzjament nazzjonali li huma allinjati mal-prijoritajiet nazzjonali għall-metroloġija.
Dan se jkun allinjat b’mod partikolari ma’ strumenti oħra taħt il-prijoritajiet Ewropej “Ewropa Lesta għall-Era Diġitali”, “Ekonomija għas-servizz tan-nies”, u “Patt Ekoloġiku Ewropew”, u se jkun jista’ jaħdem mal-programmi u mal-azzjonijiet kollha taħt il-programm qafas propost Orizzont Ewropa għar-riċerka u l-innovazzjoni, inkluż ir-raggruppamenti kollha taħt il-Pilastru 2 “Sfidi Globali u Kompetittività Industrijali”.
Il-monitoraġġ tas-sinerġiji u l-kollaborazzjoni se jsir permezz tar-Rapport Annwali tal-Attività.
1.5.Durata u impatt finanzjarju
☑ durata limitata
–☑
fis-seħħ minn [01/01]2021 sal-[31/12]2031
–☑
L-impatt finanzjarju mill-2021 sal-2027 għall-approprjazzjonijiet ta’ impenn u mill-2022 sal-2032 għall-approprjazzjonijiet ta’ pagament.
◻ durata mhux limitata
–Implimentazzjoni b’perjodu ta’ tnedija minn SSSS sa SSSS,
–segwita b’operazzjoni fuq skala sħiħa.
1.6.Mod(i) ta’ ġestjoni ppjanat(i)
◻ Ġestjoni diretta mill-Kummissjoni
–◻ mid-dipartimenti tagħha, inkluż mill-persunal tagħha fid-delegazzjonijiet tal-Unjoni;
–◻
mill-aġenziji eżekuttivi
◻ Ġestjoni kondiviża mal-Istati Membri
☑ Ġestjoni indiretta billi jiġu fdati kompiti ta’ implimentazzjoni baġitarja:
–◻ lill-pajjiżi terzi jew lill-korpi nnominati minnhom;
–◻ lill-organizzazzjonijiet internazzjonali u lill-aġenziji tagħhom (iridu jiġu speċifikati);
–◻lill-BEI u lill-Fond Ewropew tal-Investiment;
–◻ lill-korpi li jissemmew fl-Artikoli 70 u 71 tar-Regolament Finanzjarju;
–◻ lill-korpi tal-liġi pubblika;
–☑ lill-korpi rregolati mil-liġi privata b’missjoni ta’ servizz pubbliku sakemm dawn jipprovdu garanziji finanzjarji adegwati;
–◻ lill-korpi rregolati mil-liġi privata ta’ Stat Membru li jkunu fdati bl-implimentazzjoni ta’ sħubija pubblika-privata u li jipprovdu garanziji finanzjarji adegwati;
–◻ lill-persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.
–Jekk jiġi indikat iżjed minn mod ta’ ġestjoni wieħed, jekk jogħġbok ipprovdi d-dettalji fit-taqsima “Kummenti”.
Kummenti
Il-EURAMET hija assoċjazzjoni (Eingetragener Verein, e.V.) skont il-liġi Ġermaniża, u hija fdata mill-Istati Membri u minn pajjiżi Ewropej oħra biex tirrappreżentahom bħala l-Organizzazzjoni Reġjonali tal-Metroloġija għall-Ewropa. Il-kontribuzzjoni finanzjarja tal-Unjoni għall-inizjattiva se tiġi pprovduta permezz ta’ din l-organizzazzjoni.
2.MIŻURI TA’ ĠESTJONI
2.1.Regoli ta’ monitoraġġ u ta’ rapportar
F’konformità mar-Regolament dwar Orizzont Ewropa, is-sħubija għandha tadotta sistema ta’ monitoraġġ li tkun konformi mar-rekwiżiti stabbiliti fl-Artikolu 45, l-Anness III u l-Anness V tar-Regolament dwar Orizzont Ewropa, u tikkontribwixxi għall-istess bażi ta’ data uniku bħall-komponenti l-oħra ta’ Orizzont Ewropa. Is-sistema ta’ rappurtar u monitoraġġ għandha tipprovdi data ewlenija dwar il-ġestjoni u l-implimentazzjoni (inkluż microdata fil-livell ta’ entitajiet individwali), tippermetti li jiġi ntraċċat il-progress skont il-Perkorsi tal-Impatt Ewlenin (inkluż il-progress biex jitwettqu l-prijoritajiet tal-UE), u l-kriterji ta’ sħubija. Is-sħubija għandha tirrapporta dwar indikaturi speċifiċi (li mhumiex koperti mill-Perkorsi ta’ Impatt Ewlenin) li jippermettu li jiġi traċċat il-progress li jkun sar fuq perjodu ta’ żmien qasir, medju u twil lejn it-twettiq tal-viżjoni u l-objettivi speċifiċi u operazzjonali tas-sħubija kif stabbilit fir-Regolament li jistabbilixxi s-Sħubija, inkluż dwar il-miri stabbiliti sal-2030. L-indikaturi, is-sorsi tad-data u l-metodoloġiji għandhom jippermettu valutazzjoni matul iż-żmien tal-kisbiet, il-progress lejn l-impatti, inkluż it-twettiq tal-objettivi tal-politika tal-UE, u l-identifikazzjoni ta’ ħtiġijiet potenzjali għal miżuri korrettivi. Jenħtieġ li tikkunsidra kemm data kwalitattiva kif ukoll kwantitattiva, tidentifika r-responsabbiltajiet għall-ġbir tad-data, u tistabbilixxi approċċi konkreti għall-iżvilupp ta’ linja bażi, miri u/jew parametri referenzjarji realistiċi biex jiġi identifikat il-progress, fejn rilevanti, u f’konformità mal-approċċ tal-impatt ta’ Orizzont Ewropa. L-informazzjoni kollha miġbura għandha tiġi pprovduta fi kważi ħin reali lis-servizzi tal-Kummissjoni abbażi ta’ mudelli komuni tad-data u għandha tiddaħħal f’bażi ta’ data unika kif speċifikat fl-Artikolu 45 tar-Regolament dwar Orizzont Ewropa. Għal dak il-għan, għandhom jiġu implimentati sistemi ta’ rappurtar xierqa biex jappoġġaw rappurtar kontinwu u trasparenti, inkluż dwar kontribuzzjonijiet finanzjarji u in natura impenjati u attwalment ipprovduti, viżibbiltà u pożizzjonament fil-kuntest internazzjonali, impatt fuq ir-riskji relatati mar-riċerka u l-innovazzjoni tal-investimenti tas-settur privat. Ir-rappurtar jenħtieġ li jkun konformi mar-rekwiżiti standard tar-rappurtar ta’ Orizzont Ewropa. L-iżvilupp tas-sistemi ta’ rappurtar fil-kuntest tal-proċess ta’ koordinazzjoni strateġika għandu jinvolvi wkoll lill-Istati Membri u lir-rappreżentanti tas-sħubija sabiex jiġu żgurati s-sinkronizzazzjoni u l-koordinazzjoni tal-isforzi ta’ rappurtar u ta’ monitoraġġ, inkluż dwar id-diviżjoni tal-kompiti ta’ ġbir u rappurtar tad-data. Is-sistema ta’ rappurtar fil-livell tal-proġetti għandha tinkludi informazzjoni dettaljata dwar il-proġetti ffinanzjati, ir-riżultati tagħhom, id-diffużjoni u l-użu tagħhom minn gruppi fil-mira ewlenin, u d-differenza ġenerali li din qed tagħmel għax-xjenza, l-ekonomija, is-soċjetà u/jew l-ambjent, f’konformità mal-objettivi tal-proġetti u l-impatti fil-mira. Dan jenħtieġ li jiġi kkumplimentat minn data rilevanti dwar il-valur miżjud u l-impatt tas-sħubija fil-livell Ewropew, nazzjonali u reġjonali. Jeħtieġ li jiġi żgurat mekkaniżmu xieraq ta’ kondiviżjoni tad-data b’bażijiet ta’ data komuni ta’ monitoraġġ u rappurtar ta’ Orizzont Ewropa.
Sal-31 ta’ Diċembru 2024, il-Kummissjoni se twettaq evalwazzjoni interim tal-inizjattiva u se tikkomunika l-konklużjonijiet tagħha, flimkien mal-osservazzjonijiet tagħha, lill-Parlament Ewropew u lill-Kunsill sat-30 ta’ Ġunju 2025. Fi żmien sitt xhur mill-istralċ tal-inizjattiva, iżda mhux aktar tard minn sentejn wara d-deċiżjoni li tiġi stralċata, il-Kummissjoni se twettaq evalwazzjoni finali tal-inizjattiva. Ir-riżultati tal-evalwazzjoni finali se jiġu ppreżentati lill-Parlament Ewropew u lill-Kunsill.
Sal-15 ta’ Frar ta’ kull sena, il-EURAMET se tippreżenta lill-Kummissjoni, għall-approvazzjoni, rapport annwali tal-attività dwar il-progress li jkun sar mis-Sħubija fis-sena kalendarja preċedenti, b’mod partikolari fir-rigward tal-pjan ta’ ħidma għal dik is-sena. Ir-rapport se jinkludi informazzjoni dwar ir-riċerka mwettqa, l-innovazzjoni u azzjonijiet oħra u n-nefqa korrispondenti; il-proposti sottomessi, b’diżaggregazzjoni skont it-tip ta’ parteċipant, u skont il-pajjiż; l-azzjonijiet indiretti magħżula għall-finanzjament, b’diżaggregazzjoni skont it-tip ta’ parteċipant, u skont il-pajjiż, u li jindikaw il-kontribuzzjoni tal-Unjoni lill-parteċipanti u l-azzjonijiet individwali.
2.2.Sistema/i ta’ ġestjoni u ta’ kontroll
2.2.1.Ġustifikazzjoni tal-mod(i) ta’ ġestjoni, il-mekkaniżmu(i) għall-implimentazzjoni tal-finanzjament, il-modalitajiet ta’ pagament u l-istrateġija ta’ kontroll proposta
Il-ġestjoni indiretta hija ġġustifikata minħabba li s-Sħubija Ewropea dwar il-Metroloġija hija sħubija pubblika-pubblika li fiha, parti mill-finanzjament jiddaħħal f’forma ta’ kontribuzzjonijiet in natura mill-Istati Parteċipanti.
Kull sena, id-deċiżjoni dwar il-kontribuzzjoni għas-Sħubija Ewropea dwar il-Metroloġija se tittieħed permezz tal-Baġit tal-UE adottat għal dik is-sena.
Ftehim ta’ Delega ffirmat bejn il-Kummissjoni Ewropea u il-EURAMET se jindika li għall-kompiti li għandhom jitwettqu kull sena, il-Kummissjoni se tħallas kontribuzzjoni mal-konklużjoni ta’ ftehim dwar it-Trasferiment ta’ Fondi mal-EURAMET. Il-Ftehim ta’ Delega jenħtieġ li jiġi ppreċedut b’valutazzjoni ex-ante tal-EURAMET biex jiġi vvalutat il-qafas ta’ kontroll intern u l-ġestjoni finanzjarja tagħha.
Il-Kummissjoni se tiżgura li r-regoli applikabbli għas-Sħubija Ewropea dwar il-Metroloġija jikkonformaw bis-sħiħ mar-rekwiżiti tar-Regolament Finanzjarju.
Arranġamenti ta’ monitoraġġ, inkluż is-superviżjoni tal-Unjoni fil-governanza tas-Sħubija, kif ukoll ftehimiet ta’ rappurtar se jiżguraw li s-servizzi tal-Kummissjoni jkunu jistgħu jissodisfaw ir-rekwiżiti tal-kontabilità kemm għall-Kulleġġ kif ukoll għall-Awtorità tal-Baġit.
Il-qafas ta’ kontroll intern għall-EURAMET għall-implimentazzjoni tas-Sħubija Ewropea dwar il-Metroloġija huwa mibni fuq:
•
l-implimentazzjoni tal-Istandards ta’ Kontroll Intern li tal-anqas joffru garanziji ekwivalenti għal dawk tal-Kummissjoni;
•
il-proċeduri għall-għażla tal-aqwa proġetti permezz ta’ evalwazzjoni indipendenti, u biex ikunu tradotti fi strumenti legali;
•
il-ġestjoni tal-proġett u tal-kuntratt matul it-tul tal-ħajja ta’ kull proġett;
•
il-kontrolli ex-ante fuq 100 % tat-talbiet, inklużi l-irċevuta taċ-ċertifikati tal-awditi u taċ-ċertifikazzjoni ex-ante tal-metodoloġiji tal-kostijiet;
•
l-awditi ex-post fuq kampjun ta’ talbiet bħala parti mill-awditi ex-post tal-Orizzont Ewropa;
•
l-evalwazzjoni xjentifika tar-riżultati tal-proġetti
2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom
(1)
Il-kapaċità tal-istruttura ddedikata tal-implimentazzjoni EURAMET għall-ġestjoni tal-baġit tal-Unjoni u l-ħarsien tal-interessi finanzjarji tal-UE.
Il-metodu ta’ kontroll se jkun konformi mar-rekwiżiti kif stabbiliti fir-regolamenti finanzjarji tal-UE, u b’mod partikolari li l-Kummissjoni żżomm id-dritt li ttemm, tnaqqas jew tissospendi l-kontribuzzjoni tagħha jekk l-implimentazzjoni ma tkunx aċċettabbli jew xierqa.
(2)
Il-kapaċità tal-Istati parteċipanti li jiffinanzjaw il-kontribuzzjonijiet tagħhom għall-programm.
Il-fondi tal-UE jistgħu jinħarġu biss meta tintwera evidenza tal-impenji finanzjarji nazzjonali, kemm fuq livell ta’ ftehim għal finanzjament annwali kif ukoll fil-livell ta’ pagamenti lejn il-parteċipanti nazzjonali fil-proġetti. Salvagwardja oħra hi li l-finanzjament tal-UE ma jistax jaqbeż il-50 % tal-finanzjament pubbliku totali pprovdut fil-programm u l-finanzjament tal-UE ma jistax ikopri n-nefqa amministrattiva.
2.2.3.Stima u ġustifikazzjoni tal-kosteffettività tal-kontrolli (proporzjon tal-“kostijiet tal-kontroll ÷ il-valur tal-fondi relatati ġestiti”) u valutazzjoni tal-livelli mistennija tar-riskju ta’ errur (mal-ħlas u mal-għeluq)
Minħabba li r-regoli għall-parteċipazzjoni ta’ Orizzont Ewropa applikabbli għall-Isħubija dwar il-Metroloġija huma simili għal dawk li se tuża l-Kummissjoni fil-Programm ta’ Ħidma tagħha, u b’popolazzjoni ta’ benefiċjarji bi profil ta’ riskju simili għal dawk tal-Kummissjoni, wieħed jista’ jistenna li l-marġini ta’ errur ikun simili għal dak imbassar mill-Kummissjoni għal Orizzont Ewropa, jiġifieri biex tingħata assigurazzjoni raġjonevoli li r-riskju ta’ errur matul il-perjodu tan-nefqa pluriennali jkun, fuq bażi annwali, fil-medda ta’ bejn 2 u 5 %, bl-għan aħħari li tintlaħaq rata ta’ żball residwu li tkun kemm jista’ jkun qrib lejn it-2 % fi tmiem il-programmi pluriennali, ladarba l-impatt finanzjarju tal-awditi, u tal-miżuri ta’ korrezzjoni u ta’ rkupru kollha jkunu ttieħdu inkonsiderazzjoni.
Ara d-Dikjarazzjoni Finanzjarja Leġiżlattiva għal Orizzont Ewropa għal dettalji sħaħ tar-rata tal-iżball mistennija fir-rigward tal-parteċipanti.
2.3.Miżuri għall-prevenzjoni ta’ frodi u ta’ irregolaritajiet
Speċifika l-miżuri ta’ prevenzjoni u ta’ protezzjoni eżistenti jew previsti, eż. mill-Istrateġija Kontra l-Frodi.
Il-Kummissjoni se tiżgura li l-proċeduri għall-ġlieda kontra l-frodi fl-istadji kollha tal-proċess ta’ ġestjoni jiġu applikati mis-Sħubija Ewropea għall-Metroloġija.
Il-proposti għal Orizzont Ewropa ġew soġġetti għall-prevenzjoni tal-frodi u l-valutazzjoni tal-impatt tagħhom. B’mod ġenerali, il-miżuri proposti jenħtieġ li jkollhom impatt pożittiv fuq il-ġlieda kontra l-frodi, speċjalment l-enfasi akbar fuq l-awditu bbażat fuq ir-riskju u l-evalwazzjoni u l-kontroll xjentifiċi rinforzati.
Il-Kummissjoni se tiżgura li jkunu fis-seħħ miżuri xierqa li jiggarantixxu li, meta jiġu implimentati azzjonijiet iffinanzjati skont dan ir-Regolament, l-interessi finanzjarji tal-Unjoni jiġu protetti permezz tal-applikazzjoni ta’ miżuri preventivi kontra l-frodi, il-korruzzjoni u kwalunkwe attività illegali oħra, permezz ta’ kontrolli effettivi u, jekk jinstabu irregolaritajiet, permezz tal-irkupru tal-ammonti mħallsa bi żball u, fejn xieraq, permezz ta’ penali effettivi, proporzjonati u dissważivi.
Filwaqt li timplimenta l-inizjattiva attwali tal-Artikolu 185 tal-EMPIR, il-EURAMET diġà tikkoopera mas-servizzi tal-Kummissjoni fi kwistjonijiet relatati mal-frodi u mal-irregolarità. Il-Kummissjoni se tiżgura li dan se jkompli u se jissaħħaħ.
Il-Qorti tal-Awdituri għandu jkollha s-setgħa li twettaq awditu, abbażi ta’ dokumenti u fuq il-post, fuq il-benefiċjarji ta’ għotjiet, il-kuntratturi u s-sottokuntratturi kollha li rċivew fondi tal-Unjoni skont il-Programm.
L-Uffiċċju Ewropew ta’ Kontra l-Frodi (OLAF) jista’ jwettaq kontrolli u spezzjonijiet fuq il-post fuq l-operaturi ekonomiċi kkonċernati b’mod dirett jew indirett minn tali finanzjament f’konformità mal-proċeduri stabbiliti fir-Regolament (Euratom, KE) Nru 2185/96 bil-ħsieb li jiġi stabbilit jekk kienx hemm frodi, korruzzjoni jew xi attività illegali oħra li taffettwa l-interessi finanzjarji tal-Unjoni b’rabta ma’ ftehim ta’ għotja jew ma’ deċiżjoni ta’ għotja jew kuntratt li jirrigwarda l-finanzjament mill-Unjoni.
3.IMPATT FINANZJARJU STMAT TAL-PROPOSTA/TAL-INIZJATTIVA
3.1.Intestatura tal-qafas finanzjarju pluriennali u linja/i baġitarja/i ġodda tan-nefqa proposta/i
Intestatura tal-qafas finanzjarju pluriennali
|
Linja baġitarja
|
Type of
nefqa
|
Kontribuzzjoni
|
|
Intestatura 1
Suq Uniku, Innovazzjoni u Diġitali – Orizzont Ewropa
|
Diff./Mhux diff.
|
mill-pajjiżi tal-EFTA
|
mill-pajjiżi kandidati
|
minn pajjiżi terzi
|
skont it-tifsira tal-Artikolu [21(2)(b)] tar-Regolament Finanzjarju
|
1
|
01 02 02 40 - Raggruppament Diġitali, Industrija u Spazju
|
Differenzjat
|
IVA
|
IVA
|
IVA
|
IVA
|
3.2.Impatt stmat fuq in-nefqa
3.2.1.Sommarju tal-impatt stmat fuq in-nefqa
miljuni ta’ EUR (aġġustati ’l fuq għal tliet pożizzjonijiet deċimali)
Intestatura tal-qafas finanzjarju
pluriennali
|
1
|
Intestatura Suq Uniku, Innovazzjoni u Diġitali
Orizzont Ewropa
|
|
2021
|
2022
|
2023
|
2024
|
2025
|
2026
|
2027
|
Wara l-2027
|
TOTAL
|
Approprjazzjonijiet operazzjonali (maqsumin skont il-linji baġitarji elenkati taħt 3.1)
|
Impenji
|
(1)
|
26 000
|
43 000
|
51 000
|
51 000
|
47 000
|
43 000
|
39 000
|
|
300 000
|
|
Pagamenti
|
(2)
|
0
|
11 700
|
31 050
|
44 900
|
50 200
|
49 200
|
45 600
|
67 350
|
300 000
|
Approprjazzjonijiet ta’ natura amministrattiva ffinanzjati mill-pakkett tal-programm
|
Impenji = Pagamenti
|
(3)
|
0,381
|
0,389
|
0,396
|
0,405
|
0,413
|
0,420
|
0,430
|
-
|
2,834
|
TOTAL tal-approprjazzjonijiet għall-pakkett tal-programm
|
Impenji
|
=1+3
|
26 381
|
43 389
|
51 396
|
51 405
|
47 413
|
43 420
|
39 430
|
|
302 834
|
|
Pagamenti
|
=2+3
|
0,381
|
12 089
|
31 446
|
45 305
|
50 613
|
49 620
|
46 030
|
67 350
|
302 834
|
Intestatura tal-qafas finanzjarju
pluriennali
|
7
|
“Nefqa amministrattiva”
|
Din it-taqsima jenħtieġ li timtela bl-użu tad-“data tal-baġit ta’ natura amministrattiva” li se tiġi introdotta għall-ewwel darba fl-
Anness għad-Dikjarazzjoni Finanzjarja Leġiżlattiva (LFS)
, li hija mtella’ fuq DECIDE għal skopijiet ta’ konsultazzjoni bejn is-servizzi.
miljuni ta’ EUR (aġġustati ’l fuq għal tliet pożizzjonijiet deċimali)
|
2021
|
2022
|
2023
|
2024
|
2025
|
2026
|
2027
|
Wara l-2027
|
TOTAL
|
Riżorsi umani
|
-
|
-
|
-
|
-
|
-
|
-
|
-
|
|
0
|
Nefqa amministrattiva oħra
|
-
|
-
|
-
|
-
|
-
|
-
|
-
|
|
0
|
TOTAL tal-approprjazzjonijiet taħt l-INTESTATURA 7 tal-qafas finanzjarju pluriennali
|
(Total ta’ impenji = Total ta’ pagamenti)
|
-
|
-
|
-
|
-
|
-
|
-
|
-
|
|
0
|
miljuni ta’ EUR (aġġustati ’l fuq għal tliet pożizzjonijiet deċimali)
|
|
|
2021
|
2022
|
2023
|
2024
|
2025
|
2026
|
2027
|
Wara l-2027
|
TOTAL
|
TOTAL tal-approprjazzjonijiet
fl-INTESTATURI kollha
tal-qafas finanzjarju pluriennali
|
Impenji
|
26 381
|
43 389
|
51 396
|
51 405
|
47 413
|
43 420
|
39 430
|
|
302 834
|
|
Pagamenti
|
0,381
|
12 089
|
31 446
|
45 305
|
50 613
|
49 620
|
46 030
|
67 350
|
302 834
|
3.2.2.Sommarju tal-impatt stmat fuq l-approprjazzjonijiet ta’ natura amministrattiva
–☑
Il-proposta/l-inizjattiva ma teħtieġx l-użu ta’ approprjazzjonijiet ta’ natura amministrattiva
–◻
Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:
miljuni ta’ EUR (aġġustati ’l fuq għal tliet pożizzjonijiet deċimali)
Snin
|
2021
|
2022
|
2023
|
2024
|
2025
|
2026
|
2027
|
TOTAL
|
INTESTATURA 7
tal-qafas finanzjarju pluriennali
|
|
|
|
|
|
|
|
|
Riżorsi umani
|
|
|
|
|
|
|
|
|
Nefqa amministrattiva oħra
|
|
|
|
|
|
|
|
|
Subtotal INTESTATURA 7
tal-qafas finanzjarju pluriennali
|
|
|
|
|
|
|
|
|
Barra mill- INTESTATURA 7
tal-qafas finanzjarju pluriennali
|
|
|
|
|
|
|
|
|
Riżorsi umani
|
|
|
|
|
|
|
|
|
Nefqa oħra
ta’ natura amministrattiva
|
|
|
|
|
|
|
|
|
Subtotal
barra mill-INTESTATURA 7
tal-qafas finanzjarju pluriennali
|
|
|
|
|
|
|
|
|
L-approprjazzjonijiet meħtieġa għar-riżorsi umani u għal nefqa oħra ta’ natura amministrattiva se jiġu koperti mill-approprjazzjonijiet tad-DĠ li diġà jkunu assenjati għall-ġestjoni tal-azzjoni u/jew li diġà jkunu ġew riassenjati fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.
3.2.2.1.Rekwiżiti stmati ta’ riżorsi umani
–◻
Il-proposta/l-inizjattiva ma teħtieġx l-użu ta’ riżorsi umani.
–☑
Il-proposta/l-inizjattiva teħtieġ l-użu ta’ riżorsi umani, kif spjegat hawn taħt:
L-istima trid tiġi espressa f’unitajiet ekwivalenti għall-full-time
Snin
|
2021
|
2022
|
2023
|
2024
|
2025
|
2026
|
2027
|
• Pożizzjonijiet fil-pjan ta’ stabbiliment (uffiċjali u persunal temporanju)
|
Kwartieri ġenerali u Uffiċċji ta’ Rappreżentanza tal-Kummissjoni
|
|
|
|
|
|
|
|
Delegazzjonijiet
|
-
|
-
|
-
|
-
|
-
|
-
|
-
|
Riċerka
|
2,5
|
2,5
|
2,5
|
2,5
|
2,5
|
2,5
|
2,5
|
• Persunal estern (f’Unità Ekwivalenti għall-Full Time: FTE) - AC, AL, END, INT u JED
Intestatura 7
|
Iffinanzjati mill-INTESTATURA 7 tal-qafas finanzjarju pluriennali
|
- fil-Kwartieri Ġenerali
|
-
|
-
|
-
|
-
|
-
|
-
|
-
|
|
- fid-Delegazzjonijiet
|
-
|
-
|
-
|
-
|
-
|
-
|
-
|
Iffinanzjati mill-pakkett tal-programm
|
- fil-Kwartieri Ġenerali
|
-
|
-
|
-
|
-
|
-
|
-
|
-
|
|
- fid-Delegazzjonijiet
|
-
|
-
|
-
|
-
|
-
|
-
|
-
|
Riċerka
|
-
|
-
|
-
|
-
|
-
|
-
|
-
|
Oħra (speċifika)
|
-
|
-
|
-
|
-
|
-
|
-
|
-
|
TOTAL
|
2,5
|
2,5
|
2,5
|
2,5
|
2,5
|
2,5
|
2,5
|
Ir-riżorsi umani meħtieġa se jiġu koperti mill-persunal tad-DĠ li diġà jkun assenjat għall-ġestjoni tal-azzjoni u/jew li diġà jkun ġie riassenjat fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.
Deskrizzjoni tal-kompiti li jridu jitwettqu:
Uffiċjali u persunal temporanju
|
Għas-superviżjoni tal-programm u għall-gwida tal-politika (PO u LO) u għall-kompiti u r-responsabbiltajiet amministrattivi ta’ evalwazzjoni/governanza għall-Kummissjoni.
|
Persunal estern
|
mhux applikabbli
|
3.2.3.Kontribuzzjonijiet ta’ partijiet terzi
Il-proposta/l-inizjattiva:
–◻
ma tipprevedix il-kofinanzjament minn partijiet terzi
–☑
tipprevedi l-kofinanzjament minn partijiet terzi stmat hawn taħt:
Approprjazzjonijiet f’miljuni ta’ EUR (aġġustati ’l fuq għal tliet pożizzjonijiet deċimali)
Snin
|
2021
|
2022
|
2023
|
2024
|
2025
|
2026
|
2027
|
TOTAL
|
Stati Parteċipanti
|
31 000
|
52 000
|
62 000
|
62 000
|
57 000
|
52 000
|
47 000
|
363 000
|
TOTAL tal-approprjazzjonijiet kofinanzjati
|
31 000
|
52 000
|
62 000
|
62 000
|
57 000
|
52 000
|
47 000
|
363 000
|
3.3.Impatt stmat fuq id-dħul
–☑
Il-proposta/l-inizjattiva ma għandha l-ebda impatt finanzjarju fuq id-dħul.
–◻
Il-proposta/l-inizjattiva għandha l-impatt finanzjarju li ġej:
fuq ir-riżorsi proprji
fuq dħul ieħor
jekk jogħġbok indika, jekk id-dħul huwa assenjat għal-linji tan-nefqa ◻
miljuni ta’ EUR (aġġustati ’l fuq għal tliet pożizzjonijiet deċimali)
Linja baġitarja tad-dħul:
|
Impatt tal-proposta/tal-inizjattiva
|
|
2021
|
2022
|
2023
|
2024
|
2025
|
2026
|
2027
|
Artikolu ………….
|
|
|
|
|
|
|
|
Għal dħul assenjat, speċifika l-linja/i baġitarja/i tan-nefqa affettwata/i.
[…]
Rimarki oħra (eż. metodu/formula użata għall-kalkolu tal-impatt fuq id-dħul jew kwalunkwe informazzjoni oħra).
[…]