IL-KUMMISSJONI EWROPEA

Brussell, 13.3.2020

COM(2020) 114 final

2020/0044(COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jemenda r-Regolament tal-Kunsill (KE) Nru 2012/2002 sabiex jipprovdi assistenza finanzjarja lill-Istati Membri u lill-pajjiżi li qed jinnegozjaw l-adeżjoni tagħhom mal-Unjoni li jkunu affettwati serjament minn emerġenza tas-saħħa pubblika kbira

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u għanijiet tal-proposta

L-UE ilha taħdem bla heda, sa mill-ewwel każijiet ta’ kontaġju tal-COVID-19, biex tappoġġa lill-Istati Membri u liċ-ċittadini tagħhom biex jindirizzaw il-kriżi.

Il-mekkaniżmu ta’ koordinazzjoni tal-kriżijiet tal-ARGUS tal-Kummissjoni ġie attivat u l-Kumitat għall-Koordinazzjoni tal-Kriżijiet jiltaqa’ regolarment biex ikun hemm sinerġija bejn l-azzjonijiet tad-dipartimenti u s-servizzi rilevanti kollha tal-Kummissjoni u tal-aġenziji tal-UE. Il-Kummissjoni stabbiliet ukoll tim ta’ rispons ta’ koordinazzjoni fil-livell politiku, magħmul mill-ħames kummissarji responsabbli għall-aktar politiki affettwati.

Wara l-vidjokonferenza tal-mexxejja tal-UE dwar ir-rispons għat-tifqigħa tal-COVID-19 fl-10 ta’ Marzu 2020, il-Kummissjoni se tkompli żżid ir-rispons tagħha għat-tifqigħa tal-Coronavirus, jew COVID-19, fuq il-fronti kollha u se tikkoordina l-azzjonijiet tal-Istati Membri. Il-kriżi li qed inħabbtu wiċċna magħha minħabba l-Coronavirus għandha kemm dimensjoni umana sinifikanti ħafna, kif ukoll impatt ekonomiku potenzjali kbir. Għalhekk huwa essenzjali li l-UE u l-Istati Membri tagħha jaġixxu b’mod deċiżiv u kollettiv, biex irażżnu l-firxa tal-virus u jgħinu lill-pazjenti, u biex jegħlbu l-konsegwenzi ekonomiċi.

Bħala parti minn dan ir-rispons ikkoordinat konġunt, il-Fond ta’ Solidarjetà tal-UE (FSUE) jista’ jkollu rwol importanti biex juri s-solidarjetà tal-UE mal-Istati Membri biex tiġi ttrattata s-sitwazzjoni ta’ emerġenza.

Ir-rispons xieraq fil-livell tal-UE għall-emerġenzi tas-saħħa pubblika maġġuri bħall-COVID-19 bl-istrument eżistenti bħalissa huwa impossibbli.

L-objettiv ta’ dan ir-Regolament huwa għalhekk li jiġi estiż il-kamp ta' applikazzjoni tal-FSUE biex jinkludi emerġenzi tas-saħħa pubblika maġġuri u biex jiddefinixxi operazzjonijiet speċifiċi eliġibbli għall-finanzjament.

Il-FSUE nħoloq fl-2002 biex jappoġġa lill-Istati Membri tal-UE u lill-pajjiżi ta’ adeżjoni f’sitwazzjonijiet ta’ diżastri maġġuri kkawżati minn avvenimenti naturali bħal għargħar, maltempati, terremoti, żbroffi vulkaniċi, nirien fil-foresti jew nixfa. Il-Fond jista’ jiġi mobilizzat wara applikazzjoni mill-pajjiż ikkonċernat jekk l-avveniment ta’ diżastru jkollu dimensjoni li tiġġustifika intervent fil-livell Ewropew. Il-funzjonament tagħha huwa espressjoni tanġibbli ta’ solidarjetà ġenwina tal-UE, fejn l-Istati Membri jaqblu li jappoġġaw lil xulxin billi jagħmlu disponibbli riżorsi finanzjarji addizzjonali permezz tal-baġit tal-UE. Madankollu, il-FSUE attwali huwa strettament limitat għal diżastri naturali li jikkawżaw ħsara fiżika bħall-għargħar, il-maltempati, it-terremoti u simili. Huwa jista’ jagħti għajnuna finanzjarja lil Stati eliġibbli li jammontaw għal EUR 500 miljun bil-prezzijiet tal-2011 fis-sena.

•Konsistenza mad-dispożizzjonijiet eżistenti fil-qasam ta’ politika

Din il-proposta għandha l-għan li timmodifika r-Regolament tal-Kunsill (KE) Nru 2012/2002 tal-11 ta’ Novembru 2002 li jistabbilixxi l-Fond ta’ Solidarjetà tal-Unjoni Ewropea (minn hawn ’il quddiem: “Ir-Regolament (KE) Nru 2012/2002”) sabiex jiġi estiż il-kamp ta’ applikazzjoni tiegħu biex ikopri emerġenzi tas-saħħa pubblika maġġuri.

Il-karatteristiċi ewlenin u d-differenzi ta’ sustanza huma dawn li ġejjin:

Il-kamp ta’ applikazzjoni ġeografiku jibqa’ l-istess: huwa limitat għall-Istati Membri u l-pajjiżi li qed jinnegozjaw l-adeżjoni tagħhom mal-UE. Il-kamp ta' applikazzjoni tematiku, madankollu, jitwessa’ biex ikopri sitwazzjonijiet ta’ kriżi maġġuri li jirriżultaw minn theddid għas-saħħa pubblika.

Il-pagamenti bil-quddiem ġew introdotti bir-reviżjoni tar-Regolament dwar il-FSUE fl-2014 u dawn saru effettivi mill-2015. Il-ġustifikazzjoni ewlenija għall-introduzzjoni tagħhom kienet li l-proċedura meħtieġa għall-mobilizzazzjoni tal-FSUE u l-ħlas tal-assistenza sħiħa hija twila wisq (tipikament iddum sa sena) u li s-sitwazzjoni ta’ kriżi serja titlob rispons aktar malajr. Tqies ukoll li d-dewmien twil biex tingħata l-għajnuna kien jidher ikrah fuq l-UE.

Il-livell ta’ pagamenti bil-quddiem ġie stabbilit għal 10 % tal-kontribuzzjoni mistennija tal-FSUE, limitat għal massimu ta’ EUR 30 miljun. Irriżulta li dan il-livell ma kienx sodisfaċenti. F’każ ta’ diżastri iżgħar meta l-kontribuzzjoni mill-FSUE tammonta għal ftit miljuni ta’ euro, il-ħlas bil-quddiem ma jkunx ħafna aktar minn xi mitt elf euro li bilkemm jagħmlu differenza. Fil-każ ta’ diżastri kbar ħafna bħat-terremot fl-Abruzzo b’EUR 22 biljun ħsara u kontribuzzjoni mill-FSUE ta’ EUR 1,2 biljun, ħlas bil-quddiem ta’ mhux aktar minn EUR 30 miljun huwa totalment inadegwat. Fiż-żewġ xenarji, il-ħlas bil-quddiem huwa sproporzjonat meta mqabbel mal-effetti tiegħu fuq il-post. L-evalwazzjoni ex-post reċenti tal-FSUE (2002–2017) tikkonferma din l-analiżi.

Il-Kummissjoni għalhekk tipproponi li tgħolli l-livell tal-ħlasijiet bil-quddiem għal diżastri individwali tal-kategoriji kollha għal 25 % tal-kontribuzzjoni mistennija mill-FSUE, limitata għal massimu ta’ EUR 100 miljun.

Il-Kummissjoni tipproponi wkoll li żżid il-livell totali ta’ approprjazzjonijiet għall-ħlasijiet bil-quddiem tal-FSUE fil-baġit annwali minn EUR 50 miljun għal EUR 100 miljun.

Il-mobilizzazzjoni tal-Fond, kif inhi taħt il-proċedura kurrenti, tkun possibbli biss wara li tintalab minn Stat eliġibbli. Wara l-valutazzjoni u l-proposta tal-Kummissjoni lill-awtorità baġitarja ta’ ammont ta’ assistenza finanzjarja li għandha tingħata, l-istess awtorità baġitarja tadotta baġit supplimentari korrispondenti. Il-Kummissjoni mbagħad tadotta deċiżjoni ta’ implimentazzjoni, li twassal għall-ħlas tal-kontribuzzjoni mill-FSUE.

•Konsistenza ma’ politiki oħrajn tal-Unjoni

Il-proposta hija parti mill-miżuri b’reazzjoni għall-pandemija attwali tal-COVID-19. Hija tkompli tibni fuq strument ta’ politika eżistenti. Billi jitwessa’ l-kamp ta' applikazzjoni tal-FSUE attwali, dan isodd lakuna fil-leġiżlazzjoni attwali u jippermetti azzjoni komprensiva tal-Unjoni b’reazzjoni għal emerġenzi tas-saħħa pubblika maġġuri. Il-konsistenza ma’ politiki tal-Unjoni oħrajn, b’mod partikolari mal-politika ta’ koeżjoni, hija żgurata minn għadd ta’ dispożizzjonijiet leġiżlattivi li, fost l-oħrajn, jeskludu l-finanzjament doppju u jirrikjedu rispett għar-regoli tal-akkwist pubbliku u l-prinċipju ta’ ġestjoni finanzjarja tajba.

2.BAŻI ĠURIDIKA, SUSSIDJARJETÀ U PROPORZJONALITÀ

•Bażi ġuridika

•Sussidjarjetà (għall-kompetenza mhux esklużiva)

Il-proposta għandha l-għan li testendi l-kamp ta’ applikazzjoni tal-FSUE biex tintwera solidarjetà Ewropea mal-Istati Membri billi tipprovdi assistenza mill-Fond biex tassisti l-popolazzjoni affettwata, tikkontribwixxi għal ritorn rapidu lejn kundizzjonijiet ta’ għajxien normali fir-reġjuni affettwati u biex trażżan it-tixrid ta’ mard infettiv.

Il-FSUE huwa bbażat fuq il-prinċipju tas-sussidjarjetà. Dan ifisser li jenħtieġ li l-UE tintervjeni biss f’każijiet meta jitqies li Stat Membru ma jkunx jista’ jlaħħaq ma’ kriżi waħdu u jkun jeħtieġ l-assistenza. Il-leġiżlatur ikkunsidra li, għal diżastri naturali, sitwazzjoni bħal din tkun teżisti meta l-ħsara diretta totali taqbeż ċertu limitu. Il-ħsara ekonomika li ssegwi mhijiex inkluża minħabba li hija meqjusa kumplessa wisq biex tiġi ddeterminata b’mod rapidu, affidabbli u paragunabbli. Għaldaqstant, il-livell limitu għad-diżastri naturali ġie stabbilit għal ħsara diretta li taqbeż iż-0,6 % tal-introjtu nazzjonali gross (ING) jew EUR 3 biljun (bil-prezzijiet tal-2011), u japplika l-aktar ammont baxx. Dan il-kriterju doppju ntgħażel għax ammont fiss wieħed ma jkunx jirrifletti d-differenzi kbar fis-saħħa ekonomika (u għaldaqstant il-kapaċitajiet ta’ rispons baġitarju) tal-Istati Membri u jwassal għal inġustizzji kbar u trattament inugwali tal-Istati Membri. Rata perċentwali waħda tista’ twassal jew għal ammonti estremament baxxi għall-Istati Membri iżgħar, jew livelli limitu għoljin wisq għall-akbar ekonomiji.

Fil-każ ta’ emerġenzi ta’ saħħa maġġuri, ftit li xejn ikun possibbli li ssir stima tal-ħsara diretta. Għaldaqstant, mhuwiex possibbli li jintuża l-istess approċċ li jiġi applikat għad-diżastri naturali. Minflok, il-Kummissjoni tipproponi li jittieħed il-piż finanzjarju fuq il-baġits tal-Istati Membri sabiex jiġu ffaċċjati l-ħtiġijiet addizzjonali. Dan fil-biċċa l-kbira jikkorrispondi għas-sehem pubbliku tal-ħsara diretta eliġibbli għall-finanzjament (bħall-kost tal-irkupru tal-infrastruttura pubblika, assistenza għall-popolazzjoni, servizzi ta’ salvataġġ eċċ.) fil-każ ta’ diżastri naturali. Dan is-sehem pubbliku eliġibbli ta’ ħsara totali jvarja ħafna skont id-diżastru u l-pajjiż affettwat. Bħala medja huwa jkun madwar 50 % tal-ħsara totali.

Il-Kummissjoni għaldaqstant qed tipproponi li żżomm il-prinċipji li l-aċċess għall-FSUE jkun ibbażat fuqhom. Għaldaqstant, dak li jkun l-iktar baxx bejn 0,3 % tal-ING u EUR 1,5 biljun bil-prezzijiet tal-2011, jiġifieri nofs dak applikabbli għad-diżastri naturali, ikun iddefinit bħala l-livell minimu ta’ nefqa pubblika relatat mal-piż finanzjarju pubbliku mitfugħ fuq l-Istat eliġibbli għall-miżuri ta’ rispons ta’ emerġenza.

·Prinċipju ta’ proporzjonalità

Il-proposta tirrispetta l-prinċipju tal-proporzjonalità. Hija ma tmurx lil hinn minn dak li hu meħtieġ biex jinkisbu l-għanijiet diġà stipulati fl-istrument attwali.

·Għażla tal-istrumenti

Qed jiġi propost li jiġi mmodifikat ir-Regolament (KE) Nru 2012/2002 eżistenti biex jintużaw il-proċeduri u l-prattiki stabbiliti biex jitħejjew u jiġu vvalutati l-applikazzjonijiet għall-assistenza u biex l-għajnuna tiġi implimentata u rrappurtata.

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Evalwazzjonijiet ex post/kontrolli tal-idoneità tal-leġiżlazzjoni eżistenti

L-evalwazzjoni ex post 2002-2017 ikkonkludiet li l-Fond huwa strument siewi fis-sett ta’ għodod tal-UE għall-interventi f’sitwazzjonijiet ta’ diżastru, li jagħti valur miżjud Ewropew lir-rispons għal wara d-diżastri fl-Istati Membri u fil-pajjiżi ta’ adeżjoni. L-evalwazzjoni talbet ukoll li tingħata aktar konsiderazzjoni għal azzjonijiet politiċi li jżidu l-potenzjal biex il-Fond jintervjeni.

·Konsultazzjonijiet mal-partijiet ikkonċernati

Minħabba l-urġenza biex titħejja l-proposta u biex tkun tista’ tiġi adottata fil-ħin mill-koleġiżlaturi, ma setgħetx titwettaq konsultazzjoni mal-partijiet ikkonċernati.

·• Valutazzjoni tal-impatt

4.IMPLIKAZZJONIJIET GĦALL-BAĠIT

Il-proposta tibqa’ konsistenti mal-Fond ta’ Solidarjetà eżistenti billi tipprovdi assistenza finanzjarja għal assistenza immedjata wara talba minn Stat Membru jew pajjiż kandidat.

Il-Kummissjoni għalhekk tipproponi li tgħolli l-livell tal-ħlasijiet bil-quddiem għal diżastri individwali tal-kategoriji kollha għal 25 % tal-kontribuzzjoni mistennija mill-FSUE, limitata għal massimu ta’ EUR 100 miljun.

Il-Kummissjoni tipproponi wkoll li żżid il-livell totali ta’ approprjazzjonijiet għall-ħlasijiet bil-quddiem tal-FSUE fil-baġit annwali minn EUR 50 miljun għal EUR 100 miljun. Sabiex tiġi żgurata d-disponibbiltà f’waqtha tar-riżorsi meta jkunu meħtieġa, il-Kummissjoni se tipproponi li ddaħħal approprjazzjonijiet addizzjonali għal massimu ta’ EUR 50 miljun fil-baġit għall-2020.

5.ELEMENTI OĦRA

•Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rapportar

2020/0044 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jemenda r-Regolament tal-Kunsill (KE) Nru 2012/2002 sabiex jipprovdi assistenza finanzjarja lill-Istati Membri u lill-pajjiżi li qed jinnegozjaw l-adeżjoni tagħhom mal-Unjoni li jkunu affettwati serjament minn emerġenza tas-saħħa pubblika kbira

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b'mod partikolari t-tielet paragrafu tal-Artikolu 175 u l-Artikolu 212(2) tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew 1 ,

Wara li kkunsidraw l-opinjoni tal-Kumitat tar-Reġjuni 2 ,

Filwaqt li jaġixxu skont il-proċedura leġiżlattiva ordinarja,

Billi:

(1)Il-Fond ta’ Solidarjetà tal-Unjoni Ewropea (“il-Fond”) ġie stabbilit bir-Regolament tal-Kunsill (KE) Nru 2012/2002 3 . Il-Fond inħoloq biex jipprovdi assistenza finanzjarja lill-Istati Membri wara diżastri maġġuri, bħala sinjal konkret ta’ solidarjetà Ewropea f’sitwazzjonijiet ta’ diffikultà.

(2)Fil-każ ta’ emerġenzi tas-saħħa pubblika maġġuri, jenħtieġ li l-Unjoni turi s-solidarjetà tagħha mal-Istati Membri u l-popolazzjoni kkonċernata billi tipprovdi assistenza finanzjarja biex tassisti l-popolazzjoni affettwata, tikkontribwixxi għal ritorn rapidu lejn kundizzjonijiet ta’ għajxien normali fir-reġjuni affettwati u biex trażżan it-tixrid ta’ mard infettiv.

(3)Jenħtieġ li l-Unjoni turi wkoll is-solidarjetà fil-każ ta’ emerġenzi tas-saħħa pubblika maġġuri mal-pajjiżi li qed jinnegozjaw l-adeżjoni tagħhom mal-Unjoni Ewropea.

(4)Sitwazzjoni ta’ kriżi maġġuri tista’ tirriżulta minn emerġenzi tas-saħħa pubblika, b’mod partikolari pandemija virali ddikjarata uffiċjalment. Il-Fond jippermetti lill-Unjoni tgħin fil-mobilizzazzjoni tas-servizzi ta’ emerġenza biex jiġu ssodisfati l-bżonnijiet immedjati tan-nies u tikkontribwixxi għar-restawr tal-infrastruttura ewlenija danneġġata sabiex l-attività ekonomika tkun tista’ tkompli fir-reġjuni milqutin mid-diżastru. Dak il-Fond bħalissa huwa madankollu limitat għal diżastri naturali li jikkawżaw ħsara fiżika u ma jinkludix diżastri maġġuri minħabba perikli bijoloġiċi. Jenħtieġ li jkun hemm provvediment biex l-Unjoni tkun tista’ tintervjeni fil-każ ta’ emerġenzi ta’ saħħa pubblika maġġuri.

(5)L-għan tal-azzjoni li trid tittieħed huwa li tikkomplementa l-isforzi tal-Istati kkonċernati f’każijiet bħal dawn meta l-effetti ta’ sitwazzjoni ta’ kriżi jkunu ta’ tali gravità li dawk l-Istati ma jkunux jistgħu jindirizzaw is-sitwazzjoni bil-mezzi tagħhom stess waħedhom. Peress li dan l-għan ma jistax jinkiseb b’mod suffiċjenti mill-Istati Membri u għalhekk, minħabba l-iskala tal-azzjoni, jistgħu jintlaħqu aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju ta’ sussidjarjetà kif stabbilit fl-Artikolu 5 tat-Trattat. F’konformità mal-prinċipju tal-proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak li hu meħtieġ biex jintlaħqu dawk l-għanijiet.

(6)F’konformità mal-prinċipju tas-sussidjarjetà, jenħtieġ li l-azzjoni skont dan ir-Regolament tkun limitata għal emerġenzi tas-saħħa pubblika maġġuri. Jenħtieġ li dawn jiġu definiti skont il-bażi tan-nefqa pubblika meħtieġa biex jiġu indirizzati.

(7)Jenħtieġ li l-assistenza tal-Unjoni tkun komplementari għall-isforzi ta’ l-Istati kkonċernati u tintuża sabiex tkopri sehem min-nefqa pubblika impenjata biex tittratta l-aktar operazzjonijiet ta’ emerġenza essenzjali li jirriżultaw mis-sitwazzjoni ta' emerġenza.

(8)F’konformità mal-prinċipju tas-sussidjarjetà, jenħtieġ li l-assistenza tal-Unjoni tingħata biss wara applikazzjoni tal-Istat affettwat. Jenħtieġ li l-Kummissjoni tiżgura trattament ekwu tat-talbiet ippreżentati mill-Istati.

(9)Jenħtieġ li l-Kummissjoni tkun tista’ tieħu deċiżjoni rapida li timpenja riżorsi finanzjarji speċifiċi u li timmobilizzahom malajr kemm jista’ jkun. Jenħtieġ għalhekk li d-dispożizzjonijiet eżistenti biex isiru l-ħlasijiet bil-quddiem jissaħħu billi jiżdiedu l-ammonti tagħhom.

(10)Jenħtieġ li dan ir-Regolament jidħol fis-seħħ b’urġenza l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

(11)Għaldaqstant, jenħtieġ li r-Regolament (KE) Nru 2012/2002 jiġi emendat skont dan,

ADOTTAW DAN IR-REGOLAMENT:

Artikolu 1

Ir-Regolament (KE) Nru 2012/2002 huwa emendat kif ġej:

1.L-Artikolu 2 huwa sostitwit b'dan li ġej:

“Artikolu 2

1.Wara talba ta’ Stat Membru jew ta’ pajjiż involut fin-negozjati tal-adeżjoni mal-Unjoni, minn hawn ’il quddiem imsejjaħ “Stat eliġibbli”, l-assistenza mill-Fond tista’ tiġi mobilizzata meta jseħħu riperkussjonijiet serji għall-kundizzjonijiet tal-għajxien, is-saħħa tal-bniedem, l-ambjent naturali jew l-ekonomija f’reġjun wieħed jew iktar ta’ dak l-Istat eliġibbli bħala konsegwenza ta’ diżastru naturali maġġuri jew reġjonali li jkun seħħ fit-territorju tal-istess Stat eliġibbli jew emerġenza tas-saħħa pubblika maġġuri li tkun seħħet fit-territorju tal-Istat eliġibbli.

Ħsara diretta kkawżata bħala l-konsegwenza diretta ta’ diżastru naturali għandha titqies bħala parti mill-ħsara kkawżata minn dak id-diżastru naturali.

2.Għall-finijiet ta’ dan ir-Regolament, “diżastru naturali maġġuri” tfisser kwalunkwe diżastru naturali li, fi Stat eliġibbli, jirriżulta fi ħsara diretta stmata li jew tkun iktar minn EUR 3 000 000 000 bil-prezzijiet tal-2011, jew iktar minn 0,6 % tal-ING tiegħu.

3.Għall-finijiet ta’ dan ir-Regolament, “emerġenza ta’ saħħa pubblika maġġuri” tfisser kull periklu ta’ theddid għall-ħajja jew ta’ periklu serju ieħor għas-saħħa ta’ oriġini bijoloġika fi Stat eliġibbli li jaffettwa b’mod serju s-saħħa tal-bniedem u li jeħtieġ azzjoni deċiżiva biex jitrażżan it-tixrid ulterjuri li jirriżulta f’piż finanzjarju pubbliku impost fuq l-Istat eliġibbli għal miżuri ta’ rispons għal emerġenza li jkun stmat li jkun aktar minn EUR 1 500 000 000 bil-prezzijiet tal-2011, jew aktar minn 0,3 % tal-ING tiegħu.

4.Għall-finijiet ta’ dan ir-Regolament, “diżastru naturali reġjonali” tfisser kwalunkwe diżastru naturali li jirriżulta, f’reġjun tal-livell NUTS 2 ta’ Stat eliġibbli, bi ħsara diretta li taqbeż il-1,5 % tal-prodott domestiku gross (PDG) tar-reġjun. B’deroga mill-ewwel subparagrafu, meta r-reġjun ikkonċernat, fejn ikun seħħ diżastru naturali, ikun reġjun ultraperiferiku fis-sens tal-Artikolu 349 tat-Trattat dwar il-Funzjonament tal-Unjoni Ewropea, “diżastru naturali reġjonali” tfisser kwalunkwe diżastru naturali li jirriżulta fi ħsara diretta li taqbeż il-1 % tal-PDG ta’ dak ir-reġjun. Meta d-diżastru naturali jkun jikkonċerna bosta reġjuni fil-livell NUTS 2, il-limitu minimu għandu jiġi applikat għall-medja tal-PDG ta’ dawk ir-reġjuni, ponderata skont is-sehem mill-ħsara totali f’kull reġjun.

5.L-assistenza mill-Fond tista’ tkun mobilizzata wkoll għal kwalunkwe diżastru naturali fi Stat eliġibbli li jkun ukoll diżastru naturali maġġuri fi Stat eliġibbli ġar.

6.Għall-finijiet ta’ dan l-Artikolu, għandha tintuża data statistika, armonizzata pprovduta mill-Eurostat.’.

2.Fl-Artikolu 3, il-paragrafi 1 u 2 huma sostitwiti b’dan li ġej:

“1.L-assistenza għandha tieħu l-forma ta’ kontribuzzjoni finanzjarja mill-Fond. Għal kull diżastru eliġibbli għandha tingħata kontribuzzjoni finanzjarja waħda lil Stat eliġibbli.

2.L-għan tal-Fond huwa li jikkomplementa l-isforzi tal-Istati kkonċernati u li jkopri parti min-nefqa pubblika tagħhom sabiex jgħinu lill-Istat eliġibbli jwettaq, skont it-tip ta’ diżastru eliġibbli, l-operazzjonijiet essenzjali ta’ emerġenza u rkupru li ġejjin:

(a)ir-restawr tal-infrastruttura u l-impjanti biex jerġgħu jiġu jiffunzjonaw fl-oqsma tal-enerġija, l-ilma u d-drenaġġ, it-telekomunikazzjonijiet, it-trasport, is-saħħa u l-edukazzjoni;

(b)il-provvediment ta’ akkomodazzjoni temporanja u l-finanzjament ta’ servizzi ta’ salvataġġ sabiex jintlaħqu l-bżonnijiet tal-popolazzjoni kkonċernata;

(c)l-iżgurar ta’ infrastrutturi preventivi u ta’ miżuri ta’ protezzjoni ta’ wirt kulturali;

(d)it-tindif ta’ żoni milquta minn diżastri, inklużi żoni naturali, f’konformità, meta jkun il-każ, ma’ approċċi bbażati fuq l-ekosistema kif ukoll ir-restawr immedjat ta’ żoni naturali affettwati biex jiġu evitati effetti immedjati mill-erożjoni tal-ħamrija;

(e)miżuri li għandhom l-għan li jipprovdu assistenza, inkluża dik medika, lill-popolazzjoni affettwata minn emerġenza ta’ saħħa pubblika maġġuri u li jipproteġu l-popolazzjoni mir-riskju li jiġu affettwati, inklużi l-prevenzjoni, il-monitoraġġ jew il-kontroll tat-tixrid tal-mard, il-ġlieda kontra riskji serji għas-saħħa pubblika jew il-mitigazzjoni tal-impatt tagħhom fuq is-saħħa pubblika.

Għall-finijiet tal-punt (a), “restawr biex jerġgħu jiġu jiffunzjonaw” tfisser restawr tal-infrastruttura u l-impjanti għall-kundizzjoni tagħhom ta’ qabel ma seħħ id-diżastru naturali. Meta ma jkunx legalment possibbli jew ekonomikament ġustifikat li tinġieb lura l-kondizzjoni għal kif kienet qabel ma seħħ id-diżastru naturali, jew meta l-istat benefiċjarju jiddeċiedi li jirriloka jew itejjeb il-funzjonament tal-infrastruttura jew l-impjant affettwat sabiex itejjeb il-kapaċità tiegħu biex ikun jiflaħ għal diżastri naturali futuri, il-Fond jista’ jikkontribwixxi għall-ispiża tar-restawr sal-ispiża stmata biex tinġab lura għall-istatus quo ante tagħha biss.

Spejjeż li jaqbżu l-livell tal-ispiża msemmija fit-tieni subparagrafu għandhom jiġu ffinanzjati mill-Istat benefiċjarju mill-fondi tiegħu stess, jew meta jkun possibbli, minn fondi oħra tal-Unjoni.

Għall-finijiet tal-punt (b), “akkomodazzjoni temporanja” tfisser akkomodazzjoni li ddum sakemm in-nies tal-popolazzjoni kkonċernata jkunu jistgħu imorru lura d-dar oriġinali tagħhom wara li jkunu saru t-tiswijiet jew jkunu nbnew mill-ġdid.”

3.Fl-Artikolu 4a, il-paragrafu 3 huwa sostitwit b'dan li ġej:

“3.L-ammont tal-ħlas bil-quddiem ma għandux jaqbeż il-25 % tal-ammont tal-kontribuzzjoni finanzjarja antiċipata u fl-ebda każ ma għandu jaqbeż il-EUR 100 000 000. Ladarba jkun ġie determinat l-ammont definittiv tal-kontribuzzjoni finanzjarja, il-Kummissjoni għandha tikkunsidra s-somma tal-ħlas bil-quddiem qabel ma jitħallas il-bilanċ tal-kontribuzzjoni finanzjarja. Il-Kummissjoni għandha tirkupra l-ħlasijiet bil-quddiem li jitħallsu indebitament.”

4.Fl-Artikolu 8, il-paragrafu 3 huwa sostitwit b'dan li ġej:

“3.Mhux iktar tard minn sitt xhur wara l-iskadenza tal-perjodu ta’ tmintax-il xahar imsemmi fil-paragrafu 1, l-Istat benefiċjarju għandu jippreżenta rapport dwar l-implimentazzjoni tal-kontribuzzjoni finanzjarja mill-Fond b’dikjarazzjoni li tiġġustifika n-nefqa, filwaqt li jindika kwalunkwe sors ta’ finanzjament ieħor li jkun wasal għall-operazzjonijiet ikkonċernati, inklużi saldi tal-assigurazzjoni u kumpens minn partijiet terzi.

Ir-rapport dwar l-implimentazzjoni għandu jkun iddettaljat, skont in-natura tad-diżastru eliġibbli:

(a)il-miżuri preventivi, meħudin jew proposti mill-Istat benefiċjarju biex jillimita l-ħsara futura u biex jevita, kemm jista’ jkun, ir-rikorrenza ta’ diżastri naturali jew emerġenzi tas-saħħa pubblika simili, inkluż l-użu tal-Fondi Strutturali u ta' Investiment Ewropej għal din il-fini;

(b)l-istat ta’ implimentazzjoni tal-leġiżlazzjoni rilevanti tal-Unjoni dwar il-prevenzjoni u l-ġestjoni tar-riskju ta’ diżastri naturali;

(c)l-esperjenza miksuba mid-diżastru naturali u l-miżuri meħudin jew proposti biex ikunu żgurati l-protezzjoni u r-reżiljenza ambjentali rigward it-tibdil fil-klima, id-diżastri naturali u l-emerġenzi tas-saħħa pubblika; u

(d)kull informazzjoni rilevanti oħra dwar miżuri ta’ prevenzjoni u mitigazzjoni meħudin relatati man-natura tad-diżastru naturali, jew emerġenza tas-saħħa pubblika.

Ir-rapport ta’ implimentazzjoni għandu jkun akkumpanjat minn opinjoni ta’ korp tal-awditjar indipendenti, imfassla skont standards tal-awditjar aċċettati internazzjonalment, li tistabbilixxi li d-dikjarazzjoni li tiġġustifika n-nefqa tagħti dehra reali u ġusta u li l-kontribuzzjoni finanzjarja mill-Fond tkun legali u regolari, f’konformità mal-Artikolu 59(5) u l-Artikolu 60(5) tar-Regolament (UE, Euratom) Nru 966/2012.

Fi tmiem il-proċedura msemmija fl-ewwel subparagrafu, il-Kummissjoni għandha ttemm l-assistenza mill-Fond.”

Artikolu 2

Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

DIKJARAZZJONI FINANZJARJA LEĠIŻLATTIVA

1.    QAFAS TAL-PROPOSTA/TAL-INIZJATTIVA

1.1.    Titolu tal-proposta/tal-inizjattiva

1.2.    Qasam/oqsma ta’ politika kkonċernat(i) 

1.3.    Raġunijiet għall-proposta/għall-inizjattiva

1.3.1.    Rekwiżit(i) li jridu jiġu ssodisfati fuq terminu qasir jew twil, inkluża kronoloġija dettaljata għat-tnedija tal-implimentazzjoni tal-inizjattiva

1.3.2.    Il-valur miżjud tal-involviment tal-Unjoni (dan jista’ jirriżulta minn fatturi differenti, eż. il-gwadanji mill-koordinazzjoni, iċ-ċertezza tad-dritt, effettività akbar jew il-komplementarjetajiet). Għall-finijiet ta’ dan il-punt, “il-valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li jkun addizzjonali għall-valur illi kieku kien jinħoloq mill-Istati Membri weħidhom.

1.3.3.    Tagħlimiet meħuda minn esperjenzi simili fl-imgħoddi

1.3.4.    Kompatibbiltà mal-qafas finanzjarju pluriennali u sinerġiji possibbli ma’ strumenti xierqa oħrajn

1.3.5.    Valutazzjoni tal-alternattivi differenti ta’ finanzjament disponibbli, inkluż il-kamp ta' applikazzjoni għar-riallokazzjoni

1.4.    Durata u impatt finanzjarju tal-proposta/tal-inizjattiva

Proposta ta’ durata mhux limitata.

Il-limitu tal-allokazzjoni massima tal-FSUE għall-2020 huwa rrispettat (EUR 597,546 miljun magħduda mal-EUR 552,978 riportati mill-2019).

1.5.    Mod(i) ta’ ġestjoni ppjanat(i) 5  

◻ Ġestjoni diretta mill-Kummissjoni

–◻ mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

–◻    mill-aġenziji eżekuttivi

X Ġestjoni kondiviża mal-Istati Membri

◻ Ġestjoni indiretta billi jiġu fdati kompiti ta’ implimentazzjoni baġitarja:

–◻ lill-pajjiżi terzi jew lill-korpi nnominati minnhom;

–◻ lill-organizzazzjonijiet internazzjonali u lill-aġenziji tagħhom (iridu jiġu speċifikati);

–◻ lill-BEI u lill-Fond Ewropew tal-Investiment;

–◻ lill-korpi li jissemmew fl-Artikoli 70 u 71 tar-Regolament Finanzjarju;

–◻ lill-korpi tal-liġi pubblika;

–◻ lill-korpi rregolati mil-liġi privata b’missjoni ta’ servizz pubbliku sakemm dawn jipprovdu garanziji finanzjarji adegwati;

–◻ lill-korpi rregolati mil-liġi privata ta’ Stat Membru li jkunu fdati bl-implimentazzjoni ta’ sħubija pubblika-privata u li jipprovdu garanziji finanzjarji adegwati;

–◻ lill-persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.

–Jekk jiġi indikat iżjed minn mod ta’ ġestjoni wieħed, jekk jogħġbok ipprovdi d-dettalji fit-taqsima "Kummenti".

Kummenti

2.    MIŻURI TA' ĠESTJONI

2.1.    Regoli ta’ monitoraġġ u ta’ rappurtar

Speċifika l-frekwenza u l-kundizzjonijiet.

2.2.    Sistema/i ta’ ġestjoni u ta’ kontroll

2.2.1.    Ġustifikazzjoni tal-mod(i) ta’ ġestjoni, il-mekkaniżmu/i għall-implimentazzjoni tal-finanzjament, il-modalitajiet ta’ pagament u l-istrateġija ta’ kontroll proposta

2.2.2.    Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom

2.2.3.    Stima u ġustifikazzjoni tal-kosteffettività tal-kontrolli (proporzjon tal-“kostijiet tal-kontrolli ÷ il-valur tal-fondi relatati ġestiti”), u valutazzjoni tal-livelli mistennija tar-riskju ta’ żball (mal-ħlas u fl-għeluq)

2.3.    Miżuri għall-prevenzjoni ta’ frodi u ta’ irregolaritajiet

Speċifika l-miżuri ta’ prevenzjoni u ta’ protezzjoni eżistenti jew previsti, eż. mill-Istrateġija Kontra l-Frodi.

3.    IMPATT FINANZJARJU STMAT TAL-PROPOSTA/TAL-INIZJATTIVA

3.1.    Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i

- Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitarji.

3.2.    Impatt finanzjarju stmat tal-proposta fuq l-approprjazzjonijiet

3.2.1.    Sommarju tal-impatt stmat fuq l-approprjazzjonijiet operazzjonali

◻    Dan ir-Regolament ma għandu l-ebda impatt finanzjarju.

X    Il-proposta/l-inizjattiva teħtieġ l-użu ta’ approprjazzjonijiet operazzjonali, li jibqgħu fil-limiti tal-allokazzjonijiet massimi pprovduti għall-FSUE fil-QFP.

EUR

Jekk il-proposta/l-inizjattiva tolqot iktar minn intestatura operazzjonali waħda, irrepeti t-taqsima ta’ hawn fuq:

Meta timtela din it-taqsima jenħtieġ li tintuża d-“data baġitarja ta’ natura amministrattiva” li qabel kollox trid tiġi introdotta fl- Anness tad-Dikjarazzjoni Finanzjarja Leġiżlattiva (l-Anness V tar-regoli interni), li jittella’ fid-DECIDE għall-finijiet ta’ konsultazzjoni bejn is-servizzi.

Miljuni ta’ EUR (aġġustati għal tliet pożizzjonijiet deċimali)

Miljuni ta’ EUR (aġġustati għal tliet pożizzjonijiet deċimali)

3.2.2.    Output stmat iffinanzjat b’approprjazzjonijiet operazzjonali

Approprjazzjonijiet ta’ impenn f’miljuni ta’ EUR (aġġustati għal tliet pożizzjonijiet deċimali)

3.2.3.    Sommarju tal-impatt stmat fuq l-approprjazzjonijiet amministrattivi

- ⌧    Il-proposta ma teħtieġx l-użu ta’ approprjazzjonijiet ta’ natura amministrattiva

- L-approprjazzjonijiet meħtieġa għar-riżorsi umani u għal nefqa oħra ta’ natura amministrattiva se jiġu koperti mill-approprjazzjonijiet tad-DĠ li diġà jkunu assenjati għall-ġestjoni tal-azzjoni u/jew li diġà jkunu ġew riassenjati fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

- ◻    Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:

Miljuni ta’ EUR (aġġustati għal tliet pożizzjonijiet deċimali)

3.2.3.1.    Rekwiżiti stmati ta’ riżorsi umani

- ⌧    Il-proposta ma teħtieġx l-użu ta’ riżorsi umani.

L-approprjazzjonijiet meħtieġa għar-riżorsi umani u għal nefqa oħra ta’ natura amministrattiva se jiġu koperti mill-approprjazzjonijiet tad-DĠ li diġà jkunu assenjati għall-ġestjoni tal-azzjoni u/jew li diġà jkunu ġew riassenjati fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

- ◻    Il-proposta/l-inizjattiva teħtieġ l-użu ta’ riżorsi umani, kif spjegat hawn taħt:

L-istima trid tiġi espressa f’unitajiet ekwivalenti għall-full-time

XX huwa l-qasam ta’ politika jew it-titolu baġitarju kkonċernat.

Ir-riżorsi umani meħtieġa se jiġu koperti mill-persunal tad-DĠ li diġà jkun assenjat għall-ġestjoni tal-azzjoni u/jew li diġà jkun ġie riassenjat fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

Deskrizzjoni tal-kompiti li jridu jitwettqu:

3.2.4.    Kompatibbiltà mal-qafas finanzjarju pluriennali attwali

Il-proposta/l-inizjattiva:

⌧    tista’ tiġi ffinanzjata kollha kemm hi taħt l-intestatura rilevanti tal-Qafas Finanzjarju Pluriennali (QFP).

     teħtieġ l-użu tal-marġni mhux allokat taħt l-intestatura rilevanti tal-QFP u/jew l-użu tal-istrumenti speċjali ddefiniti fir-Regolament dwar il-QFP.

◻    teħtieġ reviżjoni tal-QFP.

3.2.5.    Kontribuzzjonijiet ta’ partijiet terzi

Il-proposta/l-inizjattiva:

X ma tipprevedix il-kofinanzjament minn partijiet terzi

◻    tipprevedi l-kofinanzjament minn partijiet terzi stmat hawn taħt:

Approprjazzjonijiet f’EUR

3.3.    Impatt stmat fuq id-dħul

X    Il-proposta ma għandha l-ebda impatt finanzjarju fuq id-dħul.

   Il-proposta/l-inizjattiva għandha l-impatt finanzjarju li ġej:

◻    fuq ir-riżorsi proprji

◻    fuq dħul ieħor

indika, jekk id-dħul hux assenjat għal-linji tan-nefqa X    

EUR

Għad-dħul assenjat, speċifika l-linja/i baġitarja/i tan-nefqa affettwata/i.

Rimarki oħrajn (eż. il-metodu/il-formula użati għall-kalkolu tal-impatt fuq id-dħul jew kwalunkwe informazzjoni oħra).

(1)    ĠU C , , p. .

(2)    ĠU C , , p. .

(3)    ĠU L 311, 14.11.2002, p. 3.

(4)    SWD(2019) 187.

(5)    Id-dettalji tal-modi ta’ ġestjoni u r-referenzi għar-Regolament Finanzjarju jistgħu jinstabu fis-sit BudgWeb: https://myintracomm.ec.europa.eu/budgweb/EN/man/budgmanag/Pages/budgmanag.aspx

(6)    Diff. = Approprjazzjonijiet differenzjati / Mhux diff. = Approprjazzjonijiet mhux differenzjati.

(7)    L-EFTA: L-Assoċjazzjoni Ewropea tal-Kummerċ Ħieles.

(8)    Pajjiżi kandidati u, meta jkun applikabbli, kandidati potenzjali mill-Balkani tal-Punent.

(9)    Is-Sena N hija s-sena li fiha tibda l-implimentazzjoni tal-proposta/tal-inizjattiva. Issostitwixxi n-“N” bl-ewwel sena ta’ implimentazzjoni prevista (pereżempju: 2021). Agħmel l-istess għas-snin ta’ wara.

(10)    L-outputs huma prodotti u servizzi li għandhom jiġu pprovduti (pereżempju: l-għadd ta’ skambji ta’ studenti ffinanzjati, l-għadd ta’ km ta’ toroq mibnija, eċċ.).

(11)    Kif deskritt fil-punt 1.4.2. “Għan(ijiet) speċifiku/speċifiċi.

(12)    Is-Sena N hija s-sena li fiha tibda l-implimentazzjoni tal-proposta/tal-inizjattiva. Issostitwixxi n-“N” bl-ewwel sena ta’ implimentazzjoni prevista (pereżempju: 2021). Agħmel l-istess għas-snin ta’ wara.

(13)    Assistenza teknika u/jew amministrattiva u nefqa li jappoġġaw l-implimentazzjoni ta’ programmi u/jew ta’ azzjonijiet tal-UE (li qabel kienu l-linji "BA"), riċerka indiretta u riċerka diretta.

(14)    AC= Aġenti Kuntrattwali; AL = Persunal Lokali; END= Espert Nazzjonali Sekondat; INT = persunal tal-aġenziji; JPD= Esperti Subordinati fid-Delegazzjonijiet.

(15)    Sottolimitu għall-persunal estern kopert minn approprjazzjonijiet operazzjonali (li qabel kienu l-linji "BA").