IL-KUMMISSJONI EWROPEA
Strasburgu, 12.6.2018
COM(2018) 390 final
2018/0210(COD)
Proposta għal
REGOLAMENT TAL-PARLAMENT EWROPEW U TAL-KUNSILL
dwar il-Fond Ewropew għall-Affarijiet Marittimi u s-Sajd u li jħassar ir-Regolament (UE) Nru 508/2014 tal-Parlament Ewropew u tal-Kunsill
{SEC(2018) 276 final}
{SWD(2018) 295 final}
MEMORANDUM TA’ SPJEGAZZJONI
1.KUNTEST TAL-PROPOSTA
Din il-proposta tipprevedi data ta’ applikazzjoni mill-1 ta’ Jannar 2021 u hija ppreżentata għal Unjoni ta’ 27 Stat Membru, b’konformità man-notifika mir-Renju Unit bl-intenzjoni tiegħu li jirtira mill-Unjoni Ewropea u l-Euratom abbażi tal-Artikolu 50 tat-Trattat tal-Unjoni Ewropea li waslet għand il-Kunsill Ewropew fid-29 ta’ Marzu 2017.
•Raġunijiet u għanijiet tal-proposta
L-għan ta’ din il-proposta huwa l-istabbiliment tal-Fond Ewropew għall-Affarijiet Marittimi u s-Sajd (il-FEMS) għall-perjodu tal-2021 sal-2027. Il-mira ta’ dak il-fond hija li jkun hemm parti mill-baġit tal-Unjoni li tiġi ddedikata apposta biex tappoġġa l-Politika Komuni tas-Sajd (il-PKS), il-politika marittima tal-Unjoni u l-impenji internazzjonali tal-Unjoni fil-qasam tal-governanza tal-oċeani, b’mod partikolari fil-kuntest tal-Aġenda 2030 għall-Iżvilupp Sostenibbli.
Dan il-finanzjament huwa mezz ewlieni biex jiffaċilita s-sajd sostenibbli u l-konservazzjoni tar-riżorsi bijoloġiċi tal-baħar, jiffaċilita s-sigurtà tal-ikel permezz tal-provvista ta’ prodotti tal-frott tal-baħar, jgħin it-tkabbir ta’ ekonomija blu sostenibbli, u l-ibħra u l-oċeani jinżammu f’saħħithom, sikuri, nodfa u ġestiti b’mod sostenibbli.
L-Unjoni, li hija attur dinji fil-qasam tal-oċeani u l-ħames fost l-akbar produtturi ta’ frott tal-baħar, għandha responsabbiltà kbira ta’ protezzjoni, ta’ konservazzjoni u ta’ użu sostenibbli tal-oċeani u r-riżorsi tagħhom. Il-preżervazzjoni tal-ibħra u tal-oċeani hija tabilħaqq essenzjali għall-popolazzjoni dinjija li qiegħda tikber b’mod mgħaġġel. Hija wkoll ta’ interess soċjoekonomiku għall-Unjoni: l-ekonomija blu sostenibbli tħeġġeġ l-investiment u tagħti spinta lill-impjiegi u lit-tkabbir, trawwem ir-riċerka u l-innovazzjoni u tikkontribwixxi għas-sigurtà tal-enerġija permezz tal-enerġija mill-oċeani. Barra minn hekk, huma essenzjali l-ibħra u l-oċeani b’element ta’ sigurtà u ta’ sikurezza għall-kontroll tal-fruntieri u għall-ġlieda dinjija kontra l-kriminalità marittima li jindirizzaw it-tħassib taċ-ċittadini dwar is-sigurtà. Dawn il-prijoritajiet jeħtieġu l-appoġġ finanzjarju mill-Unjoni permezz tal-FEMS.
Dan l-appoġġ se jkun ikkumplimentat b’finanzjament speċifiku għall-Aġenzija Ewropea għall-Kontroll tas-Sajd, għall-ftehimiet ta’ sħubija dwar is-sajd sostenibbli, u għas-sħubija tal-Unjoni fl-organizzazzjonijiet reġjonali għall-ġestjoni tas-sajd u organizzazzjonijiet internazzjonali oħrajn, li jgħinu wkoll fl-infurzar tal-politiki tal-Unjoni fis-settur marittimu u f’dak tas-sajd.
•Konsistenza mad-dispożizzjonijiet ta’ politika eżistenti f’dan il-qasam ta’ politika
Il-mira ta’ din il-proposta hija li tgħin biex jinkisbu l-għanijiet tal-PKS, li tippromwovi l-implimentazzjoni tal-politika marittima tal-Unjoni, u li ssaħħaħ il-governanza internazzjonali tal-oċeani. Bl-għarfien li l-isfidi u l-opportunitajiet tal-ispazju oċeaniku huma marbutin ma’ xulxin u li jridu jitqiesu bħala ħaġa waħda, jenħtieġ li dawk l-oqsma jkunu kkollegati mill-qrib ma’ xulxin.
Il-proposta tal-Kummissjoni għall-qafas finanzjarju pluriennali (il-QFP) tal-2021 sal-2027 li ġiet adottata fit-2 ta’ Mejju 2018 iffissat il-qafas tal-baġit għall-finanzjament tal-PKS u l-politika marittima. Barra minn hekk, fid-29 ta’ Mejju 2018 il-Kummissjoni adottat proposta għal Regolament dwar “Dispożizzjonijiet Komuni” biex ittejjeb il-koordinazzjoni u tarmonizza l-implimentazzjoni tal-appoġġ minn Fondi b’ġestjoni kondiviża (“il-Fondi”) bl-għan ewlieni li jiġi l-implimentazzjoni tal-politika tiġi ssimplifikata b’mod koerenti. Dawk id-dispożizzjonijiet komuni japplikaw għall-parti tal-FEMS li hija taħt ġestjoni kondiviża.
Il-Fondi għandhom għanijiet komplimentari u l-istess mod ta’ ġestjoni. Għaldaqstant, ir-Regolament dwar Dispożizzjonijiet Komuni jistipula sensiela ta’ għanijiet ġenerali komuni u prinċipji ġenerali, bħas-sħubija u l-governanza f’diversi livelli. Fih ukoll l-elementi komuni tal-ippjanar strateġiku u tal-ipprogrammar, fosthom dispożizzjonijiet dwar il-Ftehim ta’ Sħubija li se jiġi konkluż ma’ kull Stat Membru, u jistabbilixxi approċċ komuni biex il-Fondi jintużaw f’direzzjonijiet li jtejbu l-prestazzjoni. Għalhekk, dan jinkludi kundizzjonijiet abilitanti, analiżi tal-prestazzjoni, u arranġamenti għall-monitoraġġ, ir-rappurtar u l-evalwazzjoni. Ġew stabbiliti wkoll dispożizzjonijiet komuni fir-rigward tar-regoli ta’ eliġibbiltà, u ġew iddefiniti arranġamenti speċjali għall-istrumenti finanzjarji u għall-użu tal-InvestEU, għall-iżvilupp lokali mmexxi mill-komunità u għall-ġestjoni finanzjarja. Xi arranġamenti ta’ ġestjoni u kontroll huma wkoll komuni għall-Fondi kollha.
•Konsistenza ma’ politiki oħra tal-Unjoni
Il-proposta u l-għanijiet tagħha huma konsistenti mal-politiki tal-Unjoni, speċjalment mal-politiki ambjentali, mal-politiki dwar il-klima, mal-politiki ta’ koeżjoni, mal-politiki soċjali, mal-politiki tas-suq u mal-politiki kummerċjali.
Il-komplementarjetajiet bejn il-Fondi, fosthom il-FEMS, u programmi oħrajn tal-Unjoni se jkunu deskritti fil-Ftehim ta' Sħubija, bi qbil mar-Regolament dwar Dispożizzjonijiet Komuni.
B’direzzjoni diretta, il-FEMS se jiżviluppa sinerġiji u komplementarjetajiet ma’ fondi u programmi oħrajn rilevanti tal-Unjoni. Se jippermetti wkoll il-finanzjament fil-forma ta’ strumenti finanzjarji f’operazzjonijiet ta’ taħlit bi qbil mar-Regolament dwar l-InvestEU.
L-appoġġ fil-qafas tal-FEMS jenħtieġ li jintuża biex jindirizza l-fallimenti tas-suq jew is-sitwazzjonijiet ta’ investiment subottimali, b’mod proporzjonat, mingħajr duplikazzjoni jew l-esklużjoni tal-finanzjament privat, u jrid ikollu valur miżjud Ewropew ċar. Dan ikun jiżgura l-konsistenza bejn l-azzjonijiet tal-FEMS u r-regoli tal-Unjoni dwar l-għajnuna mill-Istat filwaqt li jiġu evitati distorsjonijiet tal-kompetizzjoni fis-suq intern.
2.BAŻI ĠURIDIKA, SUSSIDJARJETÀ U PROPORZJONALITÀ
•Bażi ġuridika
L-Artikoli 42, 43(2), 91(1), 100(2), 173(3), 175, 188, 192(1), 194(2), 195(2) u 349 tat-Trattat dwar il-Funzjonament tal-Unjoni Ewropea.
•Sussidjarjetà (għall-kompetenza mhux esklużiva)
Id-dispożizzjonijiet tal-proposta huma implimentati fl-oqfsa tal-ġestjoni kondiviża, tal-ġestjoni diretta, u tal-ġestjoni indiretta, bi qbil mar-Regolament Finanzjarju.
•Proporzjonalità
Id-dispożizzjonijiet proposti jikkonformaw mal-prinċipju tal-proporzjonalità billi huma xierqa u meħtieġa, filwaqt li ma hemmx miżuri inqas restrittivi oħrajn disponibbli biex jintlaħqu l-għanijiet mixtieqa tal-politika.
•Għażla tal-istrument
L-istrument li qed jiġi propost: Regolament tal-Parlament Ewropew u tal-Kunsill.
3.IR-RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT
••Evalwazzjonijiet ex post/kontrolli tal-idoneità tal-leġiżlazzjoni eżistenti
Ir-riżultati tal-Evalwazzjoni ex post tal-Fond Ewropew għas-Sajd 2007-2013 tqiesu bħala element ewlieni fil-Valutazzjoni tal-impatt li sar biex tiġi evalwata l-possibbiltà li jitkompla l-appoġġ finanzjarju tas-settur tas-sajd wara l-2020. L-Evalwazzjoni ex post hija bbażata fuq il-konsultazzjoni mal-partijiet ikkonċernati li saret bejn Frar u Mejju tal-2016, bil-ħsieb li tinstema’ l-opinjoni pubblika ġenerali dwar l-effikaċja u l-effiċjenza tal-Fond Ewropew għas-Sajd (l-FES).
Ir-rakkomandazzjonijiet ewlenin tagħha għal wara l-2020 kienu li tittejjeb ir-rabta bejn il-finanzjament u l-għanijiet tal-politiki, l-isfruttament sostenibbli tas-sajd u l-ħarsien u t-titjib tal-ambjent u tar-riżorsi naturali billi jitnaqqsu kemm jista’ jkun l-impatti negattivi fuq l-ambjent tal-baħar. Hija enfasizzat ukoll il-ħtieġa li jittieħed approċċ aktar strateġiku biex l-akkwakultura ssir aktar kompetittiva u tiżdied il-produzzjoni, u biex jitqiesu iktar l-isfidi speċifiċi li jiltaqgħu magħhom is-sajjieda kostali ż-żgħar.
•Konsultazzjonijiet mal-partijiet ikkonċernati
L-akbar attività ta’ konsultazzjoni dwar il-perjodu ta’ programmazzjoni ta’ wara l-2020 kienet il-konferenza tal-partijiet ikkonċernati tal-FEMS bit-titolu “Beyond 2020: Supporting Europe’s Coastal Communities” (Wara l-2020: l-Appoġġ tal-Komunitajiet Kostali Ewropej) li saret f’Tallinn f’Ottubru tal-2017. Dan l-avveniment, li ħadu sehem fih aktar minn 300 ruħ u fejn kien hemm 70 kelliema, ta l-opportunità lill-partijiet ikkonċernati jagħtu sehemhom fil-valutazzjoni tal-għajnuna finanzjarja li jagħti l-FEMS lill-PKS u lill-politika marittima tul il-perjodu bejn l-2014 u l-2020. Tahom ukoll l-opportunità li jantiċipaw il-forma li jista’ jieħu dan l-appoġġ wara l-2020. Fil-konferenza tal-FEMS kienu rrappreżentati diversi partijiet ikkonċernati. Minn 300 parteċipant, aktar minn 50% kienu rappreżentanti ta’ awtoritajiet pubbliċi, kien hemm 12% li kienu jirrappreżentaw lill-industrija, 11% lill-NGOs, 14% lill-assoċjazzjonijiet u l-organizzazzjonijiet tas-sajd u 7% kienu mill-qasam akkademiku.
Ingħataw ukoll żewġ opportunitajiet lill-Membri tal-Grupp ta’ Esperti tal-FEMS (amministrazzjonijiet tal-Istati Membri) li jikkontribwixxu għal din id-diskussjoni u jagħtu l-fehmiet tagħhom fil-proċess ta’ riflessjoni. Dawn il-laqgħat saru fis-06 ta’ Novembru 2017 u fil-15 ta’ Jannar 2018. Id-dibattiti fost il-Gruppi ta’ Esperti tal-FEMS kienu appoġġati b’dokumenti ta’ diskussjoni u mistoqsijiet direzzjonali li pprovdiet il-Kummissjoni qabel il-laqgħat. Waslu wkoll kontributi bil-miktub mingħand l-Istati Membri.
Barra minn hekk, intbagħtu l-ittri lill-Kunsilli Konsultattivi, lill-NGOs u lill-Imsieħba soċjali Ewropej, fejn intalbu jagħtu l-fehmiet tagħhom dwar il-finanzjament tal-Unjoni għas-sajd u għas-setturi marittimi wara l-2020. Ġew organizzati laqgħat individwali mal-Imsieħba Soċjali għal din il-konsultazzjoni.
Waslu wkoll kontributi mill-Konferenza tar-Reġjuni Marittimi Periferiċi, (is-CPMR) bħad-dokument tekniku ta’ Diċembru 2017 dwar il-ġejjieni tal-FEMS, “Future of the EMFF post-2020: Elements of analysis and possible scenarios”, u n-noti li saru mis-CPMR bejn Ottubru tal-2017 u Marzu tal-2017 dwar il-FEMS wara l-2020. Il-Pożizzjoni Politika finali dwar il-ġejjieni tal-FEMS ġiet adottata mill-Bureau Politiku tas-CPMR f’Marzu tal-2018.
Għadd ta’ sessjonijiet ta’ ħidma u rapporti wkoll ikkontribwew għall-valutazzjoni, bħas-sessjoni dwar il-Politiki waqt il-konferenza tal-Assoċjazzjoni Ewropea tal-Ekonomisti tas-Sajd (f’April tal-2017) u sessjoni ta’ ħidma tal-partijiet ikkonċernati dwar l-appoġġ għall-Politika Marittima waqt il-Jiem Marittimi Ewropej (f’Mejju tal-2017).
Ir-riżultat tal-konsultazzjoni jistgħu jingħataw kif ġej:
–Sejħa qawwija mill-partijiet interessati kważi kollha għall-kontinwità u l-ħtieġa ċara ta’ strument finanzjarju li fil-ġejjieni jkun iddedikat għas-sajd u għall-politika marittima, li jibqgħu jinkisbu l-għanijiet tal-PKS, u li jintużaw l-opportunitajiet li toffri l-ekonomija blu.
–L-Istati Membri qablu li l-għanijiet tal-fond ta’ wara l-2020 jenħtieġ li jsostnu l-ambjent u s-sostenibbiltà soċjali u ekonomika. Bħala prijorità għall-fond li jmiss, il-partijiet ikkonċernati mmarkaw il-ksib tal-għanijiet tal-PKS.
–B’riżultat tal-konsultazzjonijiet, il-partijiet ikkonċernati qablu li wieħed mill-ikbar difetti tal-FEMS tal-2014 sal-2020 kien li dam biex jiġi adottat, u l-Programmi Operazzjonali ġew implimentati tard; dan ġara minħabba li l-approvazzjoni tal-qafas leġiżlattiv dam biex ġie approvat. Dan kollu, flimkien mal-leġiżlazzjoni preskrittiva wisq fil-livell tal-Unjoni, mar-riġidità u n-nuqqas ta’ flessibbiltà fl-interpretazzjoni tagħha, u wisq attenzjoni fuq l-eliġibbiltà minflok fuq li jintlaħqu l-għanijiet u l-miri, huma l-isfida li jridu jiffaċċaw l-Istati Membri. F’dan ir-rigward, il-maġġoranza tal-partijiet ikkonċernati għamlu sejħa qawwija għal inqas kumplessità legali u għal qafas leġiżlattiv aktar sempliċi.
–Ġie nnutat kunsens wiesa’ fost il-partijiet ikkonċernati, li talbu ċertu livell ta’ stabbiltà, b’mod partikolari permezz ta’ aktar simplifikazzjoni fil-livelli kollha (kemm f’dak tal-Unjoni, kif ikoll f’dak nazzjonali) tal-implimentazzjoni tal-FEMS. Madankollu, ġew innutati wkoll fehmiet diversi dwar kif irid jinstab bilanċ bejn aktar enfasi fuq li jinkisbu r-riżultati u t-tnaqqis tal-piż amministrattiv għall-benefiċjarji u għall-amministrazzjonijiet filwaqt li tiġi żgurata nefqa korretta.
–Fil-kontributi tagħhom, l-Istati Membri nnutaw li s-sistema ta’ monitoraġġ u ta’ evalwazzjoni hija importanti ħafna biex turi l-effikaċja tal-fond, billi din tagħti l-informazzjoni dwar il-kawżalitajiet tal-iżvilupp tas-setturi tas-sajd u tal-ekonomija blu.
–Ġie nnutat ukoll li kien hemm żewġ opinjonijiet kompletament diverġenti dwar l-appoġġ tal-flotot tas-sajd, u l-partijiet ikkonċernati kienu maqsuma kważi nofs b’nofs bejn dawk li jiffavorixxu li jitkomplew il-miżuri għall-flotot u dawk li huma kontra.
–Dwar is-settur tal-akkwakultura, il-partijiet ikkonċernati kollha qablu li jenħtieġ aktar xogħol fuq is-simplifikazzjoni amministrattiva u leġiżlattiva biex jitnaqqas iż-żmien li jieħdu l-proċeduri tal-għotja tal-liċenzji mingħajr ma jitbaxxew l-istandards għoljin ambjentali, ta’ protezzjoni tal-konsumatur, u tas-saħħa tal-annimali li jiffurmaw parti mil-leġiżlazzjoni tal-Unjoni. Huma affermaw mill-ġdid li huma l-piżijiet amministrattivi, flimkien mar-rekwiżiti proċedurali kumplessi wisq (kemm biex jingħataw il-liċenzji u l-aċċess għall-finanzjament) li għadhom l-ostaklu ewlieni għall-iżvilupp ta’ dan is-settur. Barra minn hekk intwera appoġġ kbir minn grupp ta’ 11-il Stat Membru favur li jitkompla l-appoġġ attwali mill-Unjoni għas-settur tal-akkwakultura fil-fond li jmiss, b’mod partikolari għall-akkwakultura tal-ilma ħelu.
–Rigward is-sajd artiġjanali u s-sajd fir-reġjuni ultraperiferiċi, l-Istati Membri huma favur li l-appoġġ li jingħata jkun aktar immirat u mfassal apposta, li jkun ikbar, u li tingħata l-possibbiltà li dawn jiġu ttrattati b’mod aktar favorevoli billi jingħataw pagamenti minn qabel. Skont xi Stati Membri, jenħtieġ li jitkompla t-trattament finanzjarju preferenzjali tas-sajd kostali artiġjanali u s-sajd tal-ilmijiet interni wara l-2020. Il-partijiet ikkonċernati rrikonoxxew ukoll li hemm bżonn ta’ flessibbiltà skont l-ispeċifiċitajiet lokali, u biex tgħin ir-rinnovazzjoni tal-ġenerazzjonijiet f’forza tax-xogħol li qed tikber fl-età.
–L-Istati Membri u l-partijiet ikkonċernati kollha wrew il-fehma li huwa importanti li l-appoġġ għall-ġbir tad-data, għall-kontroll u l-infurzar tar-regoli tas-sajd, u l-appoġġ għall-organizzazzjonijiet tal-produtturi jibqgħu parti mill-fond tas-sajd taħt ġestjoni kondiviża.
–It-tisħiħ tal-azzjoni tal-Unjoni permezz tal-FEMS f’oqsma differenti fil-kuntest tal-politika marittima (it-taħriġ, l-ippjanar spazjali marittimu, is-sikurezza u s-sorveljanza marittima, il-finanzjament ta’ proġetti innovattivi, eċċ.) tqis bħala valur miżjud għall-Ewropa u għar-reġjuni minn għadd ta’ partijiet ikkonċernati. Meta jitqies li l-ekonomija blu hija żviluppata f’ambjent kumpless ħafna, jenħtieġ li l-kumplimentarità fost l-istrumenti diversi tkompli tiġi żgurata biex jiġu evitati d-duplikazzjoni u l-frammentazzjoni.
–Maġġoranza ta’ partijiet ikkonċernati rrikonoxxew ukoll ir-rwol importanti tal-Iżvilupp Lokali Mmexxi mill-Komunità (CLLD) biex il-komunitajiet kostali jadottaw soluzzjonijiet lokali għall-problemi lokali, u rrikonoxxewh bħala opportunità siewja biex is-setturi tas-sajd u tal-akkwakultura jkollhom rwol attiv fi kwistjonijiet b’rabta mal-gvernijiet u l-governanza lokali. Ħafna partijiet ikkonċernati jixtiequ li s-CLLD jkollu rwol aktar mifrux fl-iżvilupp tal-ekonomija blu fil-livell lokali.
••Ġbir u użu tal-għarfien espert
L-abbozz tal-valutazzjoni tal-impatt tħejja mis-servizzi tal-Kummissjoni. Għall-valutazzjoni dwar il-monitoraġġ u l-evalwazzjoni tal-prestazzjoni, ingħatat l-għajnuna minn esperti esterni. Din l-għajnuna tkopri proposta għal qafas ta’ monitoraġġ u ta’ evalwazzjoni għal wara l-2020 ibbażata fuq is-sistema li kienet ġiet żviluppata għall-perjodu tal-2014 sal-2020, flimkien ma’ għadd limitat ta’ indikaturi tar-riżultati, fosthom valutazzjoni tal-ħtiġiet ta’ ġbir tad-data, tas-sorsi u tad-disponibbiltà.
•Valutazzjoni tal-impatt
Il-valutazzjoni tal-impatt tiżviluppa l-għanijiet ġenerali ewlenin tal-programm, flimkien mal-għanijiet speċifiċi. L-għanijiet jinkludu l-għanijiet trażversali tal-QFP ta’ flessibbiltà, koerenza u sinerġiji, simplifikazzjoni u l-fokus fuq il-prestazzjoni.
Il-valutazzjoni tal-impatt tidentifika u tispjega l-isfidi u l-problemi ewlenin li jridu jiġu indirizzati fil-programm li ġej abbażi ta’ dak li joħroġ mill-evalwazzjonijiet tal-perjodi ta’ programmazzjoni u attivitajiet ta’ konsultazzjoni preċedenti, tal-għanijiet trażversali tal-QFP l-ġdid u tal-prijoritajiet politiċi ġodda u l-problemi li qed jibdew jidhru li jeħtieġu l-intervent tal-Unjoni.
Il-valutazzjoni tal-impatt, li hi bbażata fuq l-esperjenza ta’ programmi preċedenti, b’mod ġenerali tipprijoritizza l-azzjonijiet li jistgħu jiġu ffinanzjati (fis-sens li jilħqu l-għanijiet deskritti hawn fuq) billi l-allokazzjoni tal-baġit ma kinitx magħrufa meta saret il-valutazzjoni tal-impatt.
Ġew ivvalutati d-dimensjonijiet tas-sussidjarjetà (il-valur miżjud tal-Unjoni / il-ħtieġa ta’ azzjoni tal-Unjoni) u tal-proporzjonalità tal-prijoritajiet għall-finanzjament. Il-bidliet fl-ambitu u fl-istruttura tal-programm ġew analizzati wkoll.
•L-idoneità regolatorja u s-simplifikazzjoni
Minkejja li din il-proposta m’għandhiex rabta mar-REFIT, il-mira tagħha hija li tissolleva l-piżijiet regolatorji u li tissimplifika l-għotja tal-fond.
Hija tagħti wkoll trattament preferenzjali lill-benefiċjarji ż-żgħar, b’rata ogħla ta’ intensità tal-għajnuna u tipi ta’ appoġġ speċifiku għall-benefiċjarji sajjieda kostali ż-żgħar.
•Drittijiet fundamentali
Ir-rispett għas-saltna tad-dritt huwa prekondizzjoni essenzjali għall-amministrazzjoni finanzjarja soda u finanzjament tal-Unjoni effettiv. Fir-Regolament dwar il-protezzjoni tal-baġit tal-Unjoni hemm ir-regoli stipulati għall-każ li jkun hemm defiċjenzi ġenerali b’rabta mas-saltna tad-dritt fl-Istati Membri. Iddaħħlet kundizzjoni abilitanti fir-Regolament dwar Dispożizzjonijiet Komuni li tiżgura r-rispett għall-Karta tad-Drittijiet Fundamentali. Din tapplika għall-FEMS.
4.IMPLIKAZZJONIJIET BAĠITARJI
Il-qafas finanzjarju pluriennali jipprevedi li l-baġit tal-Unjoni jeħtieġ li jkompli jappoġġa s-sajd u l-politiki marittimi. L-ammonti proposti tal-baġit tal-FEMS, bil-prezzijiet attwali, jammontaw għal EUR 6 140 000 000. Ir-riżorsi tal-FEMS huma maqsumin fost il-ġestjoni kondiviża, il-ġestjoni diretta u l-ġestjoni indiretta. EUR 5 311 000 000 huma allokati għall-appoġġ taħt ġestjoni kondiviża u EUR 829 000 000 għall-appoġġ taħt ġestjoni diretta u indiretta. Id-dettalji dwar l-impatt finanzjarju tal-FEMS huma stabbiliti fid-dikjarazzjoni finanzjarja li takkumpanja l-proposta.
5.ELEMENTI OĦRA
•Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rappurtar
Il-proposta hija marbuta mal-arranġamenti ta’ monitoraġġ, ta’ evalwazzjoni u ta’ rappurtaġġ tar-Regolament dwar Dispożizzjonijiet Komuni. Dawn l-arranġamenti jiġu implimentati permezz ta’ qafas ta’ monitoraġġ u evalwazzjoni stabbilit fil-proposta.
L-evalwazzjonijiet se jitwettqu skont il-paragrafi 22 u 23 tal-Ftehim Interistituzzjonali tat-13 ta’ April 2016, fejn it-tliet istituzzjonijiet ikkonfermaw li l-evalwazzjonijiet tal-leġiżlazzjoni u tal-politika eżistenti jenħtieġ li jipprovdu l-bażi għall-valutazzjonijiet tal-impatt tal-għażliet biex tittieħed aktar azzjoni. L-evalwazzjonijiet se jivvalutaw l-effetti prattiċi tal-programm skont l-indikaturi u l-miri tiegħu, u se joħorġu b’analiżi ddettaljata ta’ kemm jista’ jitqies li hu rilevanti, effettiv, u effiċjenti l-programm b’mod li jagħti biżżejjed valur miżjud u ta’ kemm huwa koerenti mal-politiki l-oħrajn tal-Unjoni. L-evalwazzjonijiet se jkunu jinkludu t-tagħlimiet li diġà nkisbu biex jiġu identifikati kull difett u problema li jista’ jkun hemm, jew xi potenzjal għal aktar titjib tal-azzjonijiet jew tar-riżultati tagħhom, u biex jgħin biex dawn jiġu sfruttati bl-aħjar mod u jkollhom l-ikbar impatt possibbli.
•Dokumenti ta’ spjegazzjoni (għad-direttivi)
Ma japplikax
•Spjegazzjoni fid-dettall tad-dispożizzjonijiet speċifiċi tal-proposta
Għanijiet
Din il-proposta għal Regolament dwar il-FEMS għandha l-miri li tappoġġa l-kisba tal-għanijet ambjentali, ekonomiċi, soċjali u tal-impjieg tal-QFP, li tippromwovi l-implimentazzjoni tal-politika marittima tal-Unjoni, u li tappoġġa l-impenji internazzjonali tal-Unjoni fil-qasam tal-governanza tal-oċeani. Hija bbażata fuq l-erba’ prijoritajiet li ġejjin, li jirriflettu l-għanijiet ta’ politika rilevanti li huma stabbiliti fir-Regolament dwar Dispożizzjonijiet Komuni, u li l-għan tagħhom huwa li jimmassimizza l-kontribut tal-Unjoni għall-iżvilupp ta’ ekonomija blu sostenibbli:
(1)il-promozzjoni tas-sajd sostenibbli u l-konservazzjoni tar-riżorsi bijoloġiċi tal-baħar;
(2)il-kontribut għas-sigurtà tal-ikel fl-Unjoni permezz ta’ swieq u akkwakultura kompetittivi u sostenibbli;
(3)il-promozzjoni tat-tkabbir ta’ ekonomija blu sostenibbli u t-trawwim ta’ komunitajiet kostali li jiffjorixxu;
(4)it-tisħiħ tal-governanza internazzjonali tal-oċeani u l-promozzjoni ta’ ibħra u oċeani sikuri, indaf u ġestiti b’mod sostenibbli.
Is-settur marittimu Ewropew jimpjega aktar minn ħames miljun ruħ u jiġġenera kważi EUR 500 biljun fis-sena, b’potenzjal li joħloq ħafna aktar impjiegi. L-output tal-ekonomija globali tal-oċeani attwalment huwa stmat EUR 1.3 triljun, u dan jaf jiżdied aktar mid-doppju sal-2030. (Ir-Rapport tal-OECD, The Ocean Economy in 2030). Il-ħtieġa li jintlaħqu l-miri tal-emissjonijiet tad-diossidu tal-karbonju, li tiżdied l-effiċjenza fl-użu tar-riżorsi u li titnaqqas l-impronta ambjentali tal-ekonomija blu mexxiet l-impenn lejn l-innovazzjoni f’setturi oħrajn, bħal dak tat-tagħmir marittimu, tal-bini tal-bastimenti, tal-osservazzjoni tal-oċeani, tat-tħammil, tal-protezzjoni tal-kosta, u tal-bini marittimu. L-investiment fl-ekonomija marittima ġie ffinanzjat bil-fondi strutturali tal-Unjoni, b’mod partikolari l-Fond Ewropew għall-Iżvilupp Reġjonali (il-FEŻR) u l-Fond Ewropew għall-Affarijiet Marittimi u s-Sajd (il-FEMS). Jenħtieġ li jintużaw għodod ġodda tal-investiment, bħall-InvestEU biex jintlaħaq il-potenzjal tat-tkabbir tas-settur.
Il-proposta tal-Kummissjoni għall-qafas finanzjarju pluriennali għas-snin 2021 sal-2027 tistabbilixxi għan aktar ambizzjuż biex il-klima tiġi ttrattata b’mod ewlieni fil-programmi kollha tal-Unjoni, bil-mira li 25% tal-infiq tal-Unjoni jkunu mqassma b’mod ġenerali fuq l-infiq li jikkontribwixxi għall-għanijiet klimatiċi. Il-kontribut tal-FEMS biex tintlaħaq din il-mira globali se jkun rintraċċat permezz ta’ sistema ta’ mmarkar klimatiku f’livell xieraq ta’ diżaggregazzjoni, anki bl-użu ta’ metodoloġiji aktar preċiżi meta dawn ikunu disponibbli. Il-Kummissjoni se tkompli tippreżenta l-informazzjoni kull sena dwar l-approprjazzjonijiet ta’ impenn fil-kuntest tal-abbozz tal-baġit annwali. Biex tappoġġa l-użu sħiħ tal-potenzjal tal-FEMS li jikkontribwixxi għall-għanijiet klimatiċi, il-Kummissjoni se tfittex li tidentifika l-azzjonjiet rilevanti tul il-proċessi kollha tat-tħejjija, tal-implimentazzjoni, tar-rieżami u tal-evalwazzjoni.
Huwa mistenni li l-FEMS jikkontribwixxi wkoll għall-għanijiet ambjentali tal-Unjoni. Din il-kontribuzzjoni se tiġi rintraċċata bl-użu tal-markaturi ambjentali tal-Unjoni u tiġi rrappurtata b’mod regolari fil-kuntest tal-evalwazzjonijiet u r-rapport annwali dwar il-prestazzjoni.
Simplifikazzjoni
Il-mira tal-proposta hija li tissimplifika t-twassil tal-FEMS meta mqabbel mal-istruttura kumplessa ħafna tal-perjodu tal-2014 sal-2020. Il-FEMS tal-2014 sal-2020 tabilħaqq huwa bbażat fuq deskrizzjoni preċiża u riġida tal-possibbiltajiet ta’ finanzjament u regoli tal-eliġibbiltà (“miżuri”), li kkumplika l-implimentazzjoni għall-Istati Membri u għall-benefiċjarji. Għalhekk, il-FEMS ta’ wara l-2020 se javviċina struttura ssimplifikata li timxi mal-elementi li ġejjin:
–Erba’ prijoritajiet – Dawn il-prijoritajiet jiddeskrivu l-ambitu tal-appoġġ tal-FEMS, bi qbil mal-għanijiet tal-QFP, tal-politika marittima u tal-azzjonijiet ta’ governanza tal-oċeani internazzjonali.
–Oqsma għall-appoġġ – L-artikoli tar-Regolament ma jistipulawx miżuri preskrittivi, iżda jiddeskrivu l-oqsma differenti għall-appoġġ f’kull prijorità, u dan jipprovdi qafas flessibbli għall-implimentazzjoni.
–Ma hemmx miżuri jew regoli għall-eliġibbiltà predefiniti fil-livell tal-Unjoni – Il-kompitu tat-tfassil tal-programm huwa tal-Istati Membri b’ġestjoni kondiviża, u fih iridu jindikaw l-aħjar mezzi biex jintlaħqu l-prijoritajiet tal-FEMS. Se jingħataw il-flessibbiltà biex ifasslu r-regoli tal-eliġibbiltà. Għadd ta’ miżuri diversi identifikati fil-programmi mill-Istati Membri jistgħu jiġu appoġġati skont ir-regoli stabbiliti fil-FEMS u fir-Regolament dwar Dispożizzjonijiet Komuni, dment li jkunu koperti mill-oqsma tal-appoġġ.
–Il-kundizzjonijiet u r-restrizzjonijiet f’ċerti oqsma – Jenħtieġ li tiġi stabbilita lista ta’ operazzjonijiet li mhumiex eliġibbli biex jiġu evitati impatti detrimentali għall-konservazzjoni tas-sajd, pereżempju projbizzjoni ġenerali ta’ investimenti li jżidu l-kapaċità tas-sajd. Barra minn hekk, l-investimenti u l-kumpensi għall-flotta tas-sajd (il-waqfien permanenti ta’ attivitajiet tas-sajd, il-waqfien straordinarju tal-attivitajiet tas-sajd, ix-xiri ta’ bastimenti jew it-tibdil ta’ magni) se jkunu strettament ikkundizzjonati mill-konsistenza mal-għanijiet ta’ konservazzjoni tal-PKS. Dan huwa kruċjali biex ikun żgurat li l-appoġġ finanzjarju jkun immirat lejn il-ksib ta’ dawk l-għanijiet.
–Indikaturi tar-riżultati – Kemm ikun qed jagħti riżultati tajbin l-appoġġ tal-FEMS se jiġi vvalutat skont l-indikaturi. L-Istati Membri se jirrappurtaw dwar il-progress li jkunu għamlu biex jilħqu l-istadji importanti u l-miri, u l-Kummissjoni se twettaq eżami annwali tal-prestazzjoni li jippermetti s-sejbien bikri ta’ problemi potenzjali fl-implimentazzjoni u li joffri azzjonijiet korrettivi, ibbażat fuq ir-rapporti annwali dwar il-prestazzjoni li jħejju l-Istati Membri. Għal dan se jiġi stabbilit qafas ta’ monitoraġġ u evalwazzjoni.
Minflok ma jelenkaw il-miżuri li jkunu ntgħażlu minn lista ta’ azzjonijiet eliġibbli, kif jagħmlu bħalissa, il-programmi nazzjonali jenħtieġ li jiffukaw fuq il-prijoritajiet li jagħżel kull Stat Membru. Din l-istruttura se ttejjeb l-implimentazzjoni biex jintlaħqu l-għanijiet tal-politiki abbażi tal-prestazzjoni fil-kuntest ta’ djalogu kontinwu bejn il-Kummissjoni u l-Istati Membri dwar kif jinkisbu r-riżultati. Għaldaqstant, il-flessibilità, l-orjentazzjoni lejn ir-riżultati u l-fiduċja reċiproka bejn il-Kummissjoni u l-Istati Membri huma t-tliet prinċipji ta’ simplifikazzjoni effettiva.
Il-programmi se jitħejjew mill-Istati Membri b’ġestjoni kondiviża u jiġu approvati mill-Kummissjoni. Fil-kuntest tar-reġjonalizzazzjoni, u biex l-Istati Membri jitħeġġew isegwu metodu aktar strateġiku meta jkunu qegħdin iħejju l-programmi, il-Kummissjoni se tiżviluppa analiżi ta’ kull baċir tal-baħar li tindika l-elementi tajbin u d-dgħufijiet komuni mill-perspettiva tal-ksib tal-għanijiet tal-PKS. Dik l-analiżi se tgħin kemm lill-Istati Membri, kif ukoll lill-Kummissjoni biex jinnegozjaw kull programm filwaqt li jitqiesu l-isfidi u l-bżonnijiet reġjonali.
Meta tkun qed tivvaluta l-programmi, il-Kummissjoni se tqis l-isfidi ambjentali u soċjoekonomiċi tal-PKS, il-prestazzjoni soċjoekonomika tal-ekonomija blu sostenibbli, l-isfidi fil-livell tal-baċiri tal-baħar, il-konservazzjoni u r-restawr tal-ekosistemi marini, it-tnaqqis tal-iskart fil-baħar u l-mitigazzjoni tat-tibdil fil-klima u l-addattament għalih.
Is-simplifikazzjoni se tinkiseb ukoll permezz tar-Regolament dwar Dispożizzjonijiet Komuni dwar il-Fondi, fejn se jkunu stipulati l-maġġoranza tad-dispożizzjonijiet marbutin mal-implimentazzjoni, mal-monitoraġġ, u mal-kontroll.
Allokazzjoni tar-riżorsi
Il-FEMS se jiġi implimentat skont żewġ sistemi ta’ twassil:
–b’ġestjoni kondiviża mill-Istati Membri permezz tal-programmi tal-FEMS ibbażati fuq l-istrateġiji nazzjonali,
–b’mod dirett mill-Kummissjoni b’ġestjoni diretta.
Il-proposta se żżomm il-sehem tar-riżorsi tal-perjodu 2014 sa 2020 bejn il-ġestjoni kondiviża u l-ġestjoni diretta. F’dan il-kuntest huwa propost li EUR 5 311 000 000 jiġu allokati għall-ġestjoni kondiviża (86,5%) u EUR 829 000 000 se jiġu allokati għall-ġestjoni diretta (13,5%). Din l-allokazzjoni tippermetti li jinżamm bilanċ xieraq bejn ir-riżorsi li jkunu taħt ġestjoni kondiviża u r-riżorsi li jkunu ġestiti direttament.
Dwar il-ġestjoni kondiviża, wara li jitnaqqas il-valur tal-programm tar-Renju Unit (EUR 243 miljun), f’termini nominali, l-Istati Membri jżommu 96,5% tal-allokazzjoni tagħhom tal-perjodu 2014 sa 2020. Biex tkun żgurata l-istabbiltà, b’mod partikolari fejn għandu x’jaqsam mal-ksib tal-għanijiet tal-PKS, id-definizzjoni tal-allokazzjonijiet nazzjonali se tkun ibbażata fuq l-ishma tal-perjodu 2014 sal-2020.
Huwa propost ukoll li jkunu delimitati l-ammonti għal ċerti oqsma ta’ appoġġ taħt ġestjoni kondiviża:
–il-kontroll u l-infurzar u l-ġbir u l-ipproċessar tad-data għall-finijiet tal-ġestjoni tas-sajd u għall-finijiet xjentifiċi (minimu ta’ 15% tal-appoġġ finanzjarju allokat lil kull Stat Membru minbarra l-pajjiżi interni),
–ir-reġjuni ultraperiferiċi (l-ammont delimitat ikun ikopri sistema ta’ kumpens għal spejjeż addizzjonali, u għajnuna strutturali).
Kondizzjonalità
L-Aġenda 2030 għall-Iżvilupp Sostenibbli tan-Nazzjonijiet Uniti identifikat il-konservazzjoni tal-oċeani u l-użu sostenibbli tagħhom bħala wieħed mis-17-il Għan ta’ Żvilupp Sostenibbli (SDG 14). L-Unjoni hija impenjata bis-sħiħ lejn dak il-għan u lejn l-implimentazzjoni tiegħu. F’dan il-kuntest, impenjat ruħha li tippromwovi ekonomija blu sostenibbli li tkun konsistenti mal-ippjanar Spazjali Marittimu, mal-konservazzjoni tar-riżorsi bijoloġiċi u mal-kisba ta’ status ambjentali tajjeb, li tipprojbixxi ċerti forom ta’ sussidji tas-sajd li jkomplu jżidu mal-kapaċità żejda u mas-sajd eċċessiv, li telimina s-sussidji li jgħinu s-sajd illegali, mhux irrappurtat u mhux irregolat, u li ma tintroduċix sussidji ġodda ta’ dan it-tip. Huwa mistenni li sal-2020 dan ir-riżultat jinkiseb min-negozjati dwar is-sussidji għas-sajd mal-Organizzazzjoni Dinjija tal-Kummerċ.
Barra minn hekk, waqt in-negozjati tal-Organizzazzjoni Dinjija tal-Kummerċ fis-Summit Dinji dwar l-Iżvilupp Sostenibbli fl-2002 u fl-2012 fil-Konferenza tan-Nazzjonijiet Uniti dwar l-Iżvilupp Sostenibbli (Rio+20), l-Unjoni impenjat ruħha li telimina s-sussidji li jikkontribwixxu għall-kapaċità żejda fis-sajd u għas-sajd eċċessiv.
Minbarra dan, l-Artikolu 42 tar-Regolament tal-PKS jipprevedi li l-għajnuna finanzjarja tal-Unjoni fil-kuntest tal-FEMS trid tingħata bil-kundizzjoni li jkun hemm konformità mar-regoli tal-PKS. Għalhekk, l-applikazzjonijiet mingħand benefiċjarji li ma jikkonformawx mar-regoli tal-PKS li japplikaw ma jistgħux jintlaqgħu. Barra minn hekk, il-Kummissjoni se tingħata s-setgħat li taġixxi kontra dawk l-Istati Membri li ma jikkonformawx mar-regoli tal-PKS.
Il-promozzjoni tas-sajd sostenibbli u l-konservazzjoni tar-riżorsi bijoloġiċi tal-baħar
Il-PKS għandha tiżgura li l-attivitajiet tas-sajd u tal-akkwakultura jkunu sostenibbli fit-tul mil-lat ambjentali, u li jkunu ġestiti b’mod li jkun konsistenti mal-għanijiet li jinkisbu benefiċċji ekonomiċi, soċjali u tal-impjieg, u li jgħinu biex ikun hemm provvista tal-ikel. Il-mira tal-pjan għandha tkun li jiżgura li l-isfruttament tar-riżorsi bijoloġiċi ħajjin tal-baħar jirkupra u jżomm lill-popolazzjonijiet tal-ispeċijiet maqbuda f’livelli ogħla minn dawk li jistgħu jipproduċu r-rendiment massimu sostenibbli (MSY). Il-pjan għandu jiżgura wkoll li l-impatti negattivi tal-attivitajiet tas-sajd fuq l-ekosistema marina jitnaqqsu kemm jista’ jkun u li l-attivitajiet tal-akkwakultura u tas-sajd jevitaw li jiddegradaw l-ambjent tal-baħar (l-Artikolu 2 tar-Regolament tal-PKS).
F’dawn l-aħħar snin irnexxew tajjeb l-isforzi biex l-istokkijiet tal-ħut jinġabu lura f’livelli tajbin, biex tinżied il-profitabbiltà tal-industrija tas-sajd tal-Unjoni, u biex jiġu kkonservati l-ekosistemi marini. Madankollu, għad fadal sfidi sostanzjali biex jintlaħqu l-għanijiet soċjoekonomiċi u ambjentali tal-PKS. Dawn jeħtieġu li jitkompla l-appoġġ wara l-2020, speċjalment fil-baċiri tal-baħar, fejn il-progress sar aktar bil-mod. Is-sajd huwa essenzjali għall-għajxien u għall-patrimonju kulturali ta’ bosta komunitajiet kostali fl-Unjoni, speċjalment f’dawk fejn is-sajjieda kostali ż-żgħar għandhom rwol importanti. Billi l-età medja ta’ ħafna komunitajiet ta’ sajjieda hija ogħla minn 50 sena, it-tiġdid tal-ġenerazzjonijiet u d-diversifikazzjoni tal-attivitajiet għadhom ta’ sfida.
L-appoġġ skont l-ewwel Prijorità għandu l-miri li jilħaq l-għanijiet ambjentali, ekonomiċi, soċjali u tal-impjiegi tal-PKS, kif iddefinit fl-Artikolu 2 tar-Regolament tal-PKS. Dan l-appoġġ jenħtieġ li jiżgura li l-attivitajiet tas-sajd ikunu ambjentalment sostenibbli fit-tul u jkunu ġestiti b’mod li jkun konsistenti mal-għanijiet li jinkisbu l-benefiċċji ekonomiċi, soċjali u tal-impjieg, u li jikkontribwixxi lejn id-disponibbiltà tal-provvisti tal-ikel.
B’mod partikolari, l-appoġġ mill-FEMS se jkun immirat biex jinkiseb u jinżamm is-sajd sostenibbli bbażat fuq ir-rendiment massimu sostenibbli u biex jitnaqqsu kemm jista’ jkun l-impatti negattivi tal-attivitajiet tas-sajd fuq l-ekosistema tal-baħar. Dak l-appoġġ se jinkludi l-innovazzjoni u l-investiment fis-sajd b’impatt baxx, u fi prattiki u tekniki tas-sajd li huma reżiljenti għall-klima u li jemittu livell baxx ta’ karbonju.
L-obbligu ta’ ħatt l-art huwa wieħed mill-isfidi ewlenin tal-PKS. Huwa ssarraf f’tibdil sinifikanti għas-settur fil-prattiki tas-sajd, kultant bi spiża finanzjarja importanti. Għaldaqstant il-FEMS se jappoġġa l-innovazzjoni u l-investimenti li jgħinu fl-implimentazzjoni tal-obbligu ta’ ħatt l-art, b’rata ta’ intensità ta’ għajnuna ogħla minn dik li tapplika għal operazzjonijiet oħrajn, bħall-investiment fi rkaptu tas-sajd selettiv, fit-titjib tal-infrastrutturi tal-portijiet, u fil-kummerċ ta’ qabdiet mhux mixtieqa. Il-FEMS se jagħti intensità massima tal-għajnuna ta’ 100% għat-tfassil, l-iżvilupp, il-monitoraġġ, l-evalwazzjoni u l-ġestjoni ta’ sistemi trasparenti għall-iskambju ta’ opportunitajiet tas-sajd bejn l-Istati Membri (“skambji ta’ kwoti”), biex jiġi mmitigat l-effett tal-“ispeċijiet bi kwota limitanti” li jikkawża l-obbligu ta’ ħatt l-art.
L-appoġġ skont l-ewwel Prijorità jista’ jkopri wkoll l-innovazzjoni u l-investiment abbord il-bastimenti tas-sajd biex jittejbu l-kundizzjonijiet tas-saħħa, tas-sikurezza u tax-xogħol, l-effiċjenza fl-użu tal-enerġija u l-kwalità tal-qabdiet. Madankollu, dan l-appoġġ ma għandux iwassal għal żieda fil-kapaċità tas-sajd jew fil-kapaċità tas-sejba tal-ħut, u ma għandux jingħata sempliċiment biex jiġu ssodisfati rekwiżiti li huma obbligatorji skont il-liġi tal-Unjoni jew dik nazzjonali. F’dak li għandu x’jaqsam mal-kundizzjonijiet tas-saħħa, tas-sikurezza u tax-xogħol abbord il-bastimenti tas-sajd, se jkun permess li tingħata għajnuna b’rata ta’ intensità ogħla minn ta’ operazzjonijiet oħrajn.
Il-kontroll tas-sajd huwa essenzjali għall-implimentazzjoni tal-PKS. Għalhekk, b’ġestjoni kondiviża, il-FEMS se jappoġġa l-iżvilupp u l-implimentazzjoni ta’ sistema ta’ kontroll tas-sajd tal-Unjoni, kif speċifikat fir-Regolament dwar il-Kontroll. Ċerti obbligi previsti fir-Regolament dwar il-Kontroll (sistemi ta’ trekkjar tal-bastimenti u sistemi elettroniċi tar-rappurtar, sistemi ta’ sorveljanza elettronika, il-kejl u r-reġistrazzjoni kontinwi tal-potenza propulsiva tal-magni) jiġġustifikaw l-appoġġ speċifiku biex ikun hemm infurzar mgħaġġel u effiċjenti mill-Istati Membri u mis-sajjieda. Barra minn hekk, jenħtieġ li jintużaw ukoll l-investimenti tal-Istati Membri fl-assijiet tal-kontroll li jintużaw għas-sorveljanza marittima u għall-kooperazzjoni fil-funzjonijiet tal-gwardja kostali.
Is-suċċess tal-PKS jiddependi wkoll mid-disponibbiltà tal-pariri xjentifiċi għall-ġestjoni tas-sajd, u minħabba f’hekk jiddependi wkoll mid-disponibbiltà tad-data dwar is-sajd. Minħabba l-isfidi u l-ispejjeż meħtieġa biex tinkiseb data li tkun affidabbli u sħiħa, jenħtieġ li jiġu appoġġati l-azzjonijiet tal-Istati Membri biex jiġbru u jipproċessaw id-data skont ir-Regolament dwar il-Qafas tal-Ġbir ta’ Data u biex jikkontribwixxu għall-aħjar parir xjentifiku disponibbli. Dak l-appoġġ se jippermetti sinerġiji mal-ġbir u l-ipproċessar ta’ tipi oħra ta’ data marina.
Il-FEMS se jappoġġa wkoll l-implimentazzjoni effettiva bbażata fuq l-għarfien, u governanza tal-PKS b’ġestjoni diretta u indiretta permezz tal-pariri xjentifiċi li jingħataw, l-iżvilupp u l-implimentazzjoni ta’ sistema tal-Unjoni ta’ kontroll tas-sajd, il-funzjonament ta’ Kunsilli Konsultattivi, u l-kontribuzzjonijiet volontarji lill-organizzazzjonijiet internazzjonali.
Il-ġestjoni tal-flotot iffukata fuq l-għanijiet ta’ konservazzjoni
Minħabba l-isfidi li jeżistu biex jinkiseb sfruttament sostenibbli tar-riżorsi bijoloġiċi tal-baħar bi qbil mal-għanijiet ta’ konservazzjoni tal-PKS, il-FEMS se jappoġġa l-ġestjoni tas-sajd u tal-flotot tas-sajd. F’dan il-kuntest, kultant għadu meħtieġ l-appoġġ għall-addattament ta’ ċerti segmenti tal-flotta u għal ċerti baċiri tal-baħar. Dan l-appoġġ jenħtieġ li jkun strettament immirat lejn il-konservazzjoni u l-isfruttament sostenibbli tar-riżorsi bijoloġiċi tal-baħar, u jkun immirat biex jikseb bilanċ bejn il-kapaċità tas-sajd u l-opportunitajiet tas-sajd disponibbli. Għalhekk, il-FEMS jista’ jappoġġa l-waqfien permanenti mill-attivitajiet tas-sajd f’segmenti tal-flotta li fihom il-kapaċità tas-sajd ma tkunx proporzjonata mal-opportunitajiet tas-sajd disponibbli. Tali appoġġ se jkun għodda tal-pjanijiet ta’ azzjoni għall-aġġustament tas-segmenti tal-flotta li jkollhom kapaċità strutturali żejda identifikata, kif previst fl-Artikolu 22(4) tar-Regolament dwar il-PKS, u se jkun implimentat billi jiġi skrappjat il-bastiment tas-sajd, inkella billi jiġi dekommissjonat u mmodifikat għal attivitajiet differenti. Jekk il-modifika retroattiva tkun se twassal biex ikun hemm aktar pressjoni tas-sajd rikreattiv fuq l-ekosistema tal-baħar, l-appoġġ jingħata biss jekk jikkonforma mal-PKS u mal-għanijiet tal-pjanijiet pluriennali rilevanti.
Fl-imgħoddi l-appoġġ għall-waqfien permanenti mill-attivitajiet tas-sajd ma kienx iffukat sew u ma kienx jinidirizza l-iżbilanċi strutturali tal-flotta tas-sajd b’mod effiċjenti. Biex tkun żgurata l-konsistenza tal-addattament strutturali tal-flotta mal-għanijiet ta’ konservazzjoni, dan l-appoġġ se jkun strettament b’kundizzjonijiet preċiżi u marbut mal-kisba tar-riżultati. Għaldaqstant huwa propost li jiġi implimentat biss b’“finanzjament mhux b’rabta mal-ispejjeż” previst fir-Regolament dwar Dispożizzjonijiet Komuni. Skont dan il-mekkaniżmu, l-Istati Membri mhux se jiġu rimburżati mill-Kummissjoni għall-waqfien permanenti mill-attivitajiet tas-sajd skont l-ispejjeż reali li jkunu ġġarrbu, iżda skont li jiġu ssodisfati l-kundizzjonijiet u li jkunu nkisbu r-riżultati. Biex jintlaħaq dan l-għan, il-Kummissjoni se tistabbilixxi tali kundizzjonijiet, li se jkunu marbutin mal-kisba tal-għanijiet ta’ konservazzjoni tal-PKS, f’att delegat.
Kumpens għall-waqfien straordinarju mill-attivitajiet tas-sajd
Minħabba li fil-biċċa l-kbira l-attivitajiet tas-sajd ma jistgħux ikunu previsti, jista’ jkun hemm ċirkostanzi straordinarji li jwasslu għal telf ekonomiku sinifikanti għas-sajjieda. Biex jittaffew dawk il-konsegwenzi, il-FEMS jista’ jappoġġa kumpens għall-waqfien straordinarju tal-attivitajiet tas-sajd li jkun irriżulta mill-implimentazzjoni ta’ ċerti miżuri ta’ konservazzjoni (jiġifieri l-pjanijiet pluriennali, il-miri tal-konservazzjoni u l-isfruttament sfruttament sostenibbli tal-istokkijiet, il-miżuri biex il-kapaċità tas-sajd tal-bastimenti tas-sajd tiġi addattata għall-opportunitajiet tas-sajd disponibbli, u l-miżuri tekniċi), li jkun irriżulta minn miżuri ta’ emerġenza (pereżempju l-għeluq ta’ xi sajd), mill-interruzzjoni tal-applikazzjoni ta’ xi ftehim ta’ sħubija dwar is-sajd sostenibbli minħabba xi diżastru naturali jew xi inċident ambjentali.
Dan l-appoġġ se jingħata biss jekk l-impatt ta’ dan it-tip ta’ ċirkostanza fuq is-sajjieda jkun sinifikanti, jiġifieri jekk l-attivitajiet kummerċjali tal-bastiment ikkonċernat jitwaqqfu għal mill-inqas 90 jum konsekuttiv, u jekk it-telf ekonomiku li jirriżulta mill-waqfien tas-sajd jammonta għal aktar minn 30% tad-dħul annwali medju tan-negozju kkonċernat waqt perjodu speċifikat.
Trattament preferenzjali għas-sajjieda kostali żgħar u għar-reġjuni ultraperiferiċi
Is-sajd kostali artiġjanali jsir minn bastimenti b’tul ta’ inqas minn 12-il metru u li ma jużawx irkaptu rmunkat. Dak is-settur jirrappreżenta kważi 75% tal-bastimenti tas-sajd kollha rreġistrati fl-Unjoni u kważi nofs l-impjiegi kollha fis-settur tas-sajd. L-operaturi tas-sajd kostali artiġjanali jiddependu b’mod partikolari fuq stokkijiet tal-ħut b’saħħithom għad-dħul ewlieni tagħhom. Għalhekk, il-FEMS se jagħtihom trattament preferenzjali permezz ta’ rata ta’ intensità tal-għajnuna ta’ 100%, biex jinkoraġġixxi l-prattiki tas-sajd sostenibbli tagħhom. Barra minn hekk, ċerti oqsma ta’ appoġġ se jkunu rriżervati għas-sajd artiġjanali fis-segmenti tal-flotta fejn il-kapaċità tas-sajd tkun f’bilanċ mal-opportunitajiet tas-sajd disponibbli, jiġifieri x-xiri ta’ bastimenti użati u t-tibdil jew il-modernizzazzjoni tal-magni tal-bastimenti. L-Istati Membri fil-programm tagħhom se jinkludu wkoll pjan ta’ azzjoni għas-sajd kostali artiġjanali, li se jiġi ssorveljat skont l-indikaturi, li se jiffissaw stadji importanti u miri għalihom.
Kif hemm deskritt fil-Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew, lill-Kumitat tar-Reġjuni u lill-Bank Ewropew tal-Investiment, tal-24 ta’ Ottubru 2017 bit-titolu “Sħubija strateġika aktar b’saħħitha u mġedda mar-reġjuni ultraperiferiċi tal-UE”, ir-reġjuni ultraperifiċi jiffaċċaw sfidi speċifiki minħabba li huma reġjuni mbiegħda, u minħabba t-topografija u l-klima, kif imsemmi fl-Artikolu 349 tat-Trattat, u għandhom ukoll vantaġġi speċifiċi li fuqhom jistgħu jiżviluppaw ekonomija blu sostenibbli. Għalhekk, għal kull reġjun ultraperiferiku, irid jinthemeż pjan ta’ azzjoni għall-iżvilupp sostenibbli tas-setturi tal-ekonomija blu, inkluż l-isfruttar sostenibbli tas-sajd u tal-akkwakultura, mal-programm tal-Istati Membri kkonċernati, u trid tkun riżervata allokazzjoni finanzjarja biex tappoġġa l-implimentazzjoni ta’ dawk il-pjanijiet ta’ azzjoni. Il-FEMS jista’ wkoll jappoġġa l-kumpens tal-ispejjeż addizzjonali li jġarrbu r-reġjuni ultraperifiċi minħabba l-pożizzjoni u l-insularità tagħhom. Dak l-appoġġ se jkun limitat għal perċentwal ta’ din l-allokazzjoni finanzjarja ġenerali. Barra minn hekk se tiġi applikata rata ta’ intensità ta’ għajnuna ogħla fir-reġjuni ultraperifiċi minn dik li tapplika għal operazzjonijiet oħrajn.
Il-protezzjoni u r-restawr tal-bijodiversità u l-ekosistemi tal-baħar
Il-ħarsien u r-restawr tal-bijodiversità u tal-ekosistemi tal-baħar u kostali huma sfida ewlenija biex jinkisbu ibħra u oċeani f’saħħithom. B’ġestjoni kondiviża, il-FEMS se jgħin biex jinkiseb dan l-għan billi jappoġġa l-ġbir mis-sajjieda ta’ rkaptu tas-sajd li jkun intilef, u l-ġbir tal-iskart mill-ibħra, u jappoġġa l-investiment fil-portijiet biex dawn ikunu jipprovdu faċilitajiet ta’ akkoljenza xierqa għall-irkaptu l-mitluf u għall-iskart mill-baħar. Se jappoġġa wkoll azzjonijiet maħsubin biex jinkiseb jew jinżamm status ambjentali tajjeb fl-ambjent tal-baħar, kif stabbiliti skont id-Direttiva Kwadru dwar l-Istrateġija Marina, għall-implimentazzjoni ta’ miżuri ta’ protezzjoni tal-ispazju stabbiliti skont dik id-Direttiva, għall-ġestjoni, għar-restawr u għall-monitoraġġ taż-żoni tan-NATURA 2000 u għall-protezzjoni tal-ispeċijiet skont id-Direttivi dwar il-“Ħabitats” u dwar l-“Għasafar”.
B’ġestjoni diretta, il-FEMS se jagħti sehem għall-promozzjoni ta’ ibħra nodfa u f’saħħithom u għall-implimentazzjoni tal-Istrateġija Ewropea għall-Plastiks f’Ekonomija Ċirkolari, li ġiet żviluppata fil-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni tas-16 ta’ Jannar 2016, bi qbil mal-għan li jinkiseb jew jinżamm status ambjentali tajjeb fl-ambjent tal-baħar.
Il-kontribut għas-sigurtà alimentari fl-Unjoni
Is-sajd u l-akkwakultura jikkontribwixxu għas-sigurtà alimentari u għan-nutrizzjoni. Iżda fil-preżent l-Unjoni timporta aktar minn 60% tal-prodotti tas-sajd tagħha, u b’hekk tiddependi ħafna mill-pajjiżi terzi. Hemm l-isfida importanti li jiġi promoss il-konsum tal-proteina mill-ħut prodott fl-Unjoni, waħda ta’ standards ta’ kwalità għolja, u li din tkun disponibbli għall-konsumaturi bi prezzijiet affordabbli.
F’dan il-kuntest għandha rwol l-akkwakultura. B’hekk il-FEMS jaf isostni l-promozzjoni u l-iżvilupp sostenibbli tal-akkwakultura, inkluża l-akkwakultura tal-ilma ħelu, għat-trobbija ta’ annimali u pjanti akkwatiċi biex jiġu prodotti l-ikel u materja prima oħra. F’xi Stati Membri għad hemm proċeduri amministrattivi kumplessi, bħal ostakli biex wieħed jikseb l-ispazju, u proċeduri peżanti biex jinkisbu l-liċenzji, li jagħmluha diffiċli għas-settur itejjeb l-idea pubblika tal-frott tal-baħar imrobbi, u biex jagħmlu aktar kompetittiv. Jenħtieġ li l-appoġġ ikun konsistenti mal-pjanijiet strateġiċi pluriennali nazzjonali żviluppati abbażi tar-Regolament tal-PKS. B’mod partikolari se jkunu eliġibbli, l-appoġġ għas-sostenibbiltà ambjentali, għall-investimenti li jiġġeneraw id-dħul, għall-innovazzjoni, għall-ksib ta’ ħiliet professjonali, għat-titjib tal-kundizzjonijiet tax-xogħol, miżuri ta’ kumpens li jipprovdu servizzi ta’ importanza kritika ta’ ġestjoni tal-art u tan-natura. Se jkunu eliġibbli wkoll azzjonijiet tas-saħħa pubblika, skemi ta’ assigurazzjoni tal-istokkijiet tal-akkwakultura u azzjonijiet b’rabta mas-saħħa u t-trattament xieraq tal-annimali. Iżda fil-każ tal-investimenti li jiġġeneraw id-dħul, l-appoġġ jingħata biss permezz ta’ strumenti finanzjarji u l-InvestEU, li joffru aktar ingranaġġ fis-swieq u għaldaqstant huma iżjed rilevanti mill-għotjiet biex jindirizzaw l-isfidi finanzjarji tas-settur.
Is-sigurtà tal-ikel tiddependi wkoll minn swieq effiċjenti u organizzati tajjeb, li joħolqu aktar trasparenza, stabbiltà, kwalità u diversità fil-katina tal-provvista, u tiddependi wkoll mill-informazzjoni li jkollhom il-konsumaturi. Għalhekk il-FEMS jista’ jsostni l-kummerċjalizzazzjoni tal-prodotti tas-sajd u tal-akkwakultura, bi qbil mal-għanijiet tal-Organizzazzjoni Komuni tas-Swieq. B’mod partikolari jista’ jsostni l-ħolqien ta’ organizzazzjonijiet tal-produtturi, l-implimentazzjoni tal-pjanijiet ta’ produzzjoni u kummerċjalizzazzjoni, il-promozzjoni ta’ swieq disponibbli u l-iżvilupp u x-xandir ta’ informazzjoni dwar is-suq.
L-industrija tal-ipproċessar għandha rwol ukoll fid-disponibbiltà u fil-kwalità tal-prodotti tas-sajd u tal-akkwakultura. Il-FEMS jista’ jsostni l-investiment iffukat f’din l-industrija, dment li dan l-investiment jgħin biex jintlaħqu l-għanijiet tal-organizzazzjoni komuni tas-swieq. L-aħħar data turi li s-settur tal-ipproċessar fl-Unjoni qed jagħti riżultati tajbin u għaldaqstant l-appoġġ se jingħata biss permezz ta’ strumenti finanzjarji u permezz tal-InvestEU, u mhux permezz ta’ għotjiet. L-investimenti fuq skala kbira jistgħu jiġu appoġġati mill Fond Ewropew għall-Iżvilupp Reġjonali.
Il-promozzjoni tat-tkabbir ta’ ekonomija blu sostenibbli u t-trawwim ta’ komunitajiet kostali li jiffjorixxu
Il-ħolqien tal-impjiegi fir-reġjuni kostali jiddependi mill-iżvilupp tal-ekonomija blu mmexxija lokalment li tagħti ħajja ġdida lin-nisġa soċjali ta’ dawn ir-reġjuni. Sal-2030, l-industriji u s-servizzi oċeaniċi x’aktarx li se jiksbu riżultati aqwa minn dawk tat-tkabbir tal-ekonomija dinjija u jagħtu kontribut importanti għall-impjiegi u għat-tkabbir. Biex ikun sostenibbli, it-tkabbir blu jiddependi mill-innovazzjoni u l-investiment f’negozji marittimi ġodda u fil-bijoekonomija, fosthom mudelli tat-turiżmu sostenibbli, l-enerġija rinnovabbli mill-oċeani, il-kostruzzjoni innovattiva ta’ bastimenti ta’ livell għoli, u servizzi ġodda tal-portijiet li jistgħu joħolqu l-impjiegi u fl-istess ħin itejbu l-iżvilupp lokali. Filwaqt li l-investiment pubbliku fl-ekonomija blu sostenibbli jenħtieġ li jkun settur ewlieni fil-baġit kollu tal-Unjoni, il-FEMS se jkun ikkonċentrat speċifikament fuq il-kundizzjonijiet li jgħinu l-iżvilupp tal-ekonomija blu sostenibbli u fuq it-twarrib tal-ostakli biex ikun iffaċilitat l-investiment u l-iżvilupp ta’ swieq u teknoloġiji jew servizzi ġodda.
L-iżvilupp ta’ ekonomija blu sostenibbli jiddependi ħafna mill-isħubijiet bejn partijiet ikkonċernati lokali li jikkontribwixxu għall-ħajja tal-komunitajiet u tal-ekonomiji kostali u interni. Il-FEMS se jipprovdi l-għodod li jippromwovu dawn is-sħubiji. Għalhekk se jappoġġa l-iżvilupp lokali mmexxi mill-komunitajiet (CLLD) b’ġestjoni kondiviża. L-iżvilupp lokali mmexxi mill-komunitajiet lokali kien strument li rnexxa ħafna fil-perjodu tal-2014 sal-2020. Strateġiji bħal dan jagħtu spinta reali lid-diversifikazzjoni ekonomika f’kuntesti lokali permezz tal-iżvilupp tas-sajd kostali u intern, tal-akkwakultura u ta’ ekonomija blu sostenibbli. Dawn jenħtieġ li jiżguraw li l-komunitajiet lokali jisfruttaw aħjar u jibbenefikaw mill-opportunitajiet li toffri l-ekonomija blu sostenibbli billi jsaħħu r-riżorsi ambjentali, kulturali, soċjali u umani u jiksbu l-vantaġġi minnhom. Meta mqabbel mal-perjodu tal-2014 sal-2020, l-ambitu tal-istrateġiji tal-iżvilupp lokali mmexxi mill-komunitajiet lokali bl-appoġġ tal-FEMS se jitwessa’: kull sħubija lokali teħtieġ li tirrifletti l-fokus ewlieni tal-istrateġija tagħha billi tiżgura involviment u rappreżentanza bbilanċjati tal-partijiet ikkonċernati kollha tal-ekonomija blu sostenibbli lokali.
Il-FEMS se jappoġġa wkoll l-ekonomija blu sostenibbli b’ġestjoni kondiviża permezz tal-ġbir, tal-ġestjoni u tal-użu ta’ data li ttejjeb l-għarfien dwar l-istat tal-ambjent tal-baħar. Dak l-appoġġ jenħtieġ li jkun immirat biex jissodisfa r-rekwiżiti tad-Direttiva dwar il-Ħabitat u d-Direttiva dwar l-Għasafar, biex isostni l-ippjanar spazjali marittimu u biex itejjeb il-kwalità tad-data u jżid it-tpartit tagħha permezz tan-netwerk Ewropew ta’ Osservazzjoni u Data Marittima.
B’ġestjoni diretta u indiretta, il-FEMS se jiffoka fuq il-kundizzjonijiet abilitanti għal ekonomija blu sostenibbli permezz tal-promozzjoni tal-governanza u l-ġestjoni integrati tal-politika marittima, permezz tat-titjib tat-trasferiment u l-użu tar-riċerka, l-innovazzjoni u t-teknoloġija fl-ekonomija blu sostenibbli, permezz tat-titjib tal-ħiliet marittimi, tal-litteriżmu fl-oċeani u tat-tpartit tad-data soċjoekonomika dwar l-ekonomija blu sostenibbli, permezz tal-promozzjoni ta’ ekonomija blu sostenibbli reżiljenti u b’livell baxx ta’ emissjonijiet ta’ karbonju, u permezz tal-iżvilupp ta’ riżerva ta’ proġetti u ta’ strumenti finanzjarji innovattivi.
It-tisħiħ tal-governanza tal-oċeani internazzjonali u l-promozzjoni ta’ ibħra u oċeani nodfa, ġestiti b’mod sostenibbli, u fejn jeżistu s-sikurezza u s-sigurtà
60% tal-oċeani huma ’l barra mill-konfini tal-ġuriżdizzjonijiet nazzjonali. Dan ifisser responsabbiltà internazzjonali kondiviża. Il-maġġoranza tal-problemi li jiffaċċaw l-oċeani huma ta’ natura transkonfinali, bħall-isfruttament żejjed, it-tibdil fil-klima, l-aċidifikazzjoni, it-tniġġis, u l-bijodiversità li qed tonqos, u għaldaqstant jeħtieġu reazzjoni kondiviża. Skont il-Konvenzjoni tan-Nazzjonijiet Uniti dwar il-Liġi tal-Baħar, li l-Unjoni tifforma Parti minnha, twaqqfu bosta drittijiet ġuriżdizzjonali, istituzzjonijiet u oqfsa speċifiċi biex jirregolaw u jikkontrollaw l-attività tal-bniedem fl-oċeani. F’dawn l-aħħar snin qed jidher li hemm kunsens globali dwar il-ħtieġa li l-ambjent tal-baħar u l-attivitajiet marittimi tal-bniedem jiġu ġestiti b’mod aktar effettiv biex ikunu indirizzati l-pressjonijiet li dejjem qed jiżdiedu fuq l-oċeani.
Fir-rwol tagħha ta’ attur globali, l-Unjoni għandha l-impenn qawwi li tippromwovi l-governanza internazzjonali tal-oċeani bi qbil mal-Komunikazzjoni Konġunta lill-Kunsill, lill-Parlament Ewropew, lill-Kumitat Ekonomiku u Soċjali Ewropew u lill-Kumitat tar-Reġjuni tal-10 ta’ Novembru 2016 bit-titolu “Il-governanza internazzjonali tal-oċeani: aġenda għall-futur tal-oċeani tagħna”. Il-politika dwar il-governanza tal-oċeani tal-Unjoni hija politika ġdida li tittratta l-oċeani b’mod integrat. Il-governanza internazzjonali tal-oċeani mhux biss hija essenzjali biex tinkiseb l-Aġenda 2030 għall-Iżvilupp Sostenibbli, u b’mod partikolari l-Għan ta’ Żvilupp Sostenibbli Nru 14 (“Conserve and sustainably use the oceans, seas and marine resources for sustainable development”), iżda wkoll biex tiggarantixxi ibħra u oċeani li jkunu sikuri, indaf, u ġestiti b’mod sostenibbli, għall-ġenerazzjonijiet li ġejjin. L-Unjoni irid jirnexxilha tara r-riżultati ta’ dawk l-impenji internazzjonali u tkun mutur għall-governanza internazzjonali tal-oċeani mtejba fil-livelli bilaterali, reġjonali u multilaterali, anki fil-prevenzjoni, fl-iskoraġġiment u fl-eliminazzjoni tas-sajd illegali, mhux irrappurtat u mhux irregolat, biex ittejjeb l-istruttura tal-governanza internazzjonali tal-oċeani, biex tnaqqas il-pressjonijiet fuq l-oċeani u fuq l-ibħra, biex toħloq il-kundizzjonijiet għal ekonomija blu sostenibbli, u biex issaħħaħ ir-riċerka u d-data internazzjonali dwar l-oċeani. Il-FEMS se jappoġġa dawk l-impenji u l-għanijiet internazzjonali b’ġestjoni diretta.
Huwa mistenni li l-azzjonijiet li jippromwovu l-governanza internazzjonali tal-oċeani fil-kuntest tal-FEMS se jtejbu l-istruttura ġenerali tal-proċessi, il-ftehimiet, ir-regoli u l-istituzzjonijiet internazzjonali u reġjonali biex jirregolaw u jikkontrollaw l-attività tal-bniedem fl-oċeani. Il-FEMS se jiffinanzja l-arranġamenti internazzjonali li kkonkludiet l-Unjoni f’oqsma li mhumiex koperti mill-Ftehimiet ta’ Sħubija dwar is-Sajd Sostenibbli stabbiliti ma’ diversi pajjiżi terzi, u jiffinanzja wkoll il-kontribuzzjoni legali tas-sħubija tal-Unjoni lill-organizzazzjonijiet reġjonali għall-ġestjoni tas-sajd. Il-ftehimiet ta’ sħubija dwar is-sajd sostenibbli u l-organizzazzjonijiet reġjonali għall-ġestjoni tas-sajd se jibqgħu jkunu ffinanzjati taħt linji differenti tal-baġit tal-Unjoni.
Għas-sigurtà u d-difiża, huma essenzjali l-protezzjoni tal-fruntieri u s-sorveljanza marittima mtejba. Skont l-Istrateġija tal-Unjoni Ewropea għas-Sigurtà Marittima adottata mill-Kunsill tal-Unjoni Ewropea fl-24 ta’ Ġunju 2014, u l-Pjan ta’ Azzjoni tagħha, adottat fis-16 ta’ Diċembru 2016, l-iskambju tal-informazzjoni u l-kooperazzjoni bejn il-Gwardja Ewropea tal-Fruntiera u tal-Kosta, l-Aġenzija Ewropea għas-Sikurezza Marittima u l-Aġenzija Ewropea għall-Gwardja tal-Fruntiera u tal-Kosta huma importanti ħafna biex jintlaħqu dawn l-għanijiet. Għalhekk il-FEMS se jappoġġa s-sorveljanza marittima u l-kooperazzjoni tal-gwardja tal-kosta taħt ġestjoni kondiviża u ġestjoni diretta, anki billi jinxtraw l-oġġetti meħtieġa biex jitwettqu ħidmiet marittimi bi skopijiet multipli. Se jippermetti wkoll lill-aġenziji rilevanti jimplimentaw l-appoġġ fil-qasam tas-sorveljanza u s-sigurtà marittima b’ġestjoni indiretta.
2018/0210 (COD)
Proposta għal
REGOLAMENT TAL-PARLAMENT EWROPEW U TAL-KUNSILL
dwar il-Fond Ewropew għall-Affarijiet Marittimi u s-Sajd u li jħassar ir-Regolament (UE) Nru 508/2014 tal-Parlament Ewropew u tal-Kunsill
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 42, l-Artikolu 43(2), l-Artikolu 91(1), l-Artikolu 100(2), l-Artikolu 173(3), l-Artikolu 175, l-Artikolu 188, l-Artikolu 192(1), l-Artikolu 194(2), l-Artikolu 195(2) u l-Artikolu 349 tiegħu,
Wara li kkunsidraw il-proposta tal-Kummissjoni Ewropea,
Wara li l-abbozz tal-att leġiżlattiv intbagħat lill-parlamenti nazzjonali,
Wara li kkunsidraw l-opinjoni tal-Kumitat Ekonomiku u Soċjali Ewropew,
Wara li kkunsidraw l-opinjoni tal-Kumitat tar-Reġjuni,
Filwaqt li jaġixxu skont il-proċedura leġiżlattiva ordinarja,
Billi:
(1)Jenħtieġ li jiġi stabbilit Fond Ewropew għall-Affarijiet Marittimi u s-Sajd (il-FEMS) għall-perjodu tal-2021 sal-2027. Il-mira ta’ dak il-fond trid tkun li l-finanzjament mill-baġit tal-Unjoni jiġi ddedikat biex isostni l-Politika Komuni tas-Sajd (il-PKS), il-politika marittima tal-Unjoni u l-impenji internazzjonali tal-Unjoni fil-qasam tal-governanza tal-oċeani. Dan il-finanzjament huwa mezz ewlieni li jiffaċilita s-sajd sostenibbli u l-konservazzjoni tar-riżorsi bijoloġiċi tal-baħar, għas-sigurtà tal-ikel permezz tal-provvista ta’ prodotti tal-frott tal-baħar, għat-tkabbir ta’ ekonomija blu sostenibbli, u biex l-ibħra u l-oċeani jkunu f’saħħithom, sikuri, nodfa u ġestiti b’mod sostenibbli.
(2)L-Unjoni, li hija attur dinji fil-qasam tal-oċeani u l-ħames fost l-akbar produtturi ta’ frott tal-baħar, għandha responsabbiltà kbira ta’ protezzjoni, ta’ konservazzjoni u ta’ użu sostenibbli tal-oċeani u r-riżorsi tagħhom. Il-preżervazzjoni tal-ibħra u tal-oċeani hija tabilħaqq essenzjali għall-popolazzjoni dinjija li qiegħda tikber b’mod mgħaġġel. Hija wkoll ta’ interess soċjoekonomiku għall-Unjoni: l-ekonomija blu sostenibbli tħeġġeġ l-investiment u tagħti spinta lill-impjiegi u lit-tkabbir, trawwem ir-riċerka u l-innovazzjoni u tikkontribwixxi għas-sigurtà tal-enerġija permezz tal-enerġija mill-oċeani. Barra minn hekk, ibħra u oċeani b’element ta’ sigurtà u ta’ sikurezza huma essenzjali għall-kontroll tal-fruntieri u għall-ġlieda dinjija kontra l-kriminalità marittima, u dan jippermettilna nindirizzaw it-tħassib taċ-ċittadini dwar is-sigurtà.
(3)Ir-Regolament (UE) xx/xx tal-Parlament Ewropew u tal-Kunsill [ir-Regolament li jistabblixxi Dispożizzjonijiet Komuni] (ir-Regolament dwar Dispożizzjonijiet Komuni”) ġie adottat biex tittejjeb il-koordinazzjoni u biex tiġi armonizzata l-implimentazzjoni tal-appoġġ mill-Fondi b’ġestjoni kondiviża (“il-Fondi”), bl-għan ewlieni li jiġi ssimplifikat b’mod koerenti t-twettiq tal-politiki. Dawk id-dispożizzjonijiet komuni japplikaw għall-parti tal-FEMS li hija taħt ġestjoni kondiviża. Il-Fondi għandhom għanijiet komplimentari u l-istess mod ta’ ġestjoni. Għaldaqstant, ir-Regolament (UE) Nru [ir-Regolament li jistabbilixxi Dispożizzjonijiet Komuni] jistipula sensiela ta’ għanijiet ġenerali komuni u prinċipji ġenerali, bħas-sħubija u l-governanza f’diversi livelli. Dak ir-Regolament fih ukoll l-elementi komuni tal-ippjanar strateġiku u tal-ipprogrammar, fosthom dispożizzjonijiet dwar il-Ftehim ta’ Sħubija li se jiġi konkluż ma’ kull Stat Membru, u jistabbilixxi approċċ komuni biex il-Fondi jintużaw f’direzzjonijiet li jtejbu l-prestazzjoni. Għalhekk, dan jinkludi kundizzjonijiet abilitanti, analiżi tal-prestazzjoni, u arranġamenti għall-monitoraġġ, ir-rappurtar u l-evalwazzjoni. Ġew stabbiliti wkoll dispożizzjonijiet komuni fir-rigward tar-regoli ta’ eliġibbiltà, u ġew iddefiniti arranġamenti speċjali għall-istrumenti finanzjarji u għall-użu tal-InvestEU, għall-iżvilupp lokali mmexxi mill-komunità u għall-ġestjoni finanzjarja. Xi arranġamenti ta’ ġestjoni u kontroll huma wkoll komuni għall-Fondi kollha. Il-komplementarjetajiet bejn il-Fondi, fosthom il-FEMS, u programmi oħrajn tal-Unjoni, jenħtieġ li jkunu deskritti fil-Ftehim ta’ Sħubija, bi qbil mar-Regolament (UE) Nru [ir-Regolament dwar Dispożizzjonijiet Komuni].
(4)Għal dan ir-Regolament japplikaw ir-regoli finanzjarji orizzontali adottati mill-Parlament Ewropew u mill-Kunsill abbażi tal-Artikolu 322 tat-Trattat dwar il-Funzjonament tal-Unjoni Ewropea. Dawn ir-Regoli huma stabbiliti fir-Regolament (UE) xx/xx tal-Parlament Ewropew u tal-Kunsill [ir-Regolament dwar ir-regoli finanzjarji li japplikaw għall-baġit ġenerali tal-Unjoni] (ir-“Regolament Finanzjarju”) u b’mod partikolari jiddeterminaw il-proċedura biex jiġi stabbilit u implimentat il-baġit permezz ta’ għotjiet, akkwisti, premijiet, u implimentazzjoni indiretta, u jipprevedu l-kontrolli fuq ir-responsabbiltà tal-atturi finanzjarji. Ir-regoli adottati abbażi tal-Artikolu 322 tat-Trattat jikkonċernaw ukoll il-ħarsien tal-baġit tal-Unjoni f’każ ta’ defiċjenzi ġenerali rigward is-saltna tad-dritt fl-Istati Membri, billi l-ħarsien tal-istat tad-dritt huwa prekondizzjoni essenzjali tal-ġestjoni finanzjarja tajba u tal-finanzjament effettiv tal-Unjoni.
(5)B’direzzjoni diretta, jenħtieġ li l-FEMS jiżviluppa sinerġiji u komplementarjetajiet ma’ fondi u programmi oħrajn rilevanti tal-Unjoni. Jenħtieġ li jippermetti wkoll il-finanzjament fil-forma ta’ strumenti finanzjarji f’operazzjonijiet ta’ taħlit implimentati bi qbil mar-Regolament (UE) xx/xx tal-Parlament Ewropew u tal-Kunsill [ir-Regolament dwar l-InvestEU].
(6)L-appoġġ fil-qafas tal-FEMS jenħtieġ li jintuża biex jindirizza l-fallimenti tas-suq jew is-sitwazzjonijiet ta’ investiment subottimali, b’mod proporzjonat, mingħajr duplikazzjoni jew l-esklużjoni tal-finanzjament privat, u jrid ikollu valur miżjud Ewropew ċar. Jenħtieġ li l-appoġġ ikollu valur miżjud Ewropew ċar.
(7)It-tipi ta’ finanzjament u l-metodi tal-implimentazzjoni skont dan ir-Regolament jenħtieġ li jintagħżlu skont kemm jistgħu jilħqu l-prijoritajiet stabbiliti għall-azzjonijiet u jagħtu r-riżultati filwaqt li jitqiesu, b’mod partikolari, l-ispejjeż tal-kontrolli, il-piż amministrattiv u r-riskju ta’ nonkonformità mistenni. Jenħtieġ li dan ikun jinkludi kunsiderazzjoni li jintużaw somom f’daqqa, rati fissi u spejjeż għal kull unità, kif ukoll finanzjament mingħajr rabta mal-ispejjeż, kif imsemmi fl-Artikolu 125(1) tar-Regolament Nru [ir-Regolament dwar ir-regoli finanzjarji li japplikaw għall-baġit ġenerali tal-Unjoni].
(8)Il-qafas finanzjarju pluriennali stabbiliti fir-Regolament (UE) xx/xx jipprevedi li l-baġit tal-Unjoni jenħtieġ li jkompli jsostni s-sajd u l-politiki marittimi. Bil-prezzijiet attwali l-baġit tal-FEMS, huwa mistenni li jammonta għal EUR 6 140 000 000. Ir-riżorsi tal-FEMS jenħtieġ li jinqasmu bejn il-ġestjoni kondiviża, il-ġestjoni diretta u l-ġestjoni indiretta. EUR 5 311 000 000 jenħtieġ li jkunu allokati għall-appoġġ b’ġestjoni kondiviża u EUR 829 000 000 għall-appoġġ b’ġestjoni diretta u indiretta. Biex tkun żgurata l-istabbiltà, b’mod partikolari fejn għandu x’jaqsam mal-ksib tal-għanijiet tal-PKS, id-definizzjoni tal-allokazzjonijiet nazzjonali b’ġestjoni kondiviża għall-perjodu ta’ pproggrammar tal-2021 sal-2027 jenħtieġ li tkun ibbażata fuq l-ishma tal-FEMS tal-perjodu 2014 sal-2020. Jenħtieġ li jiġu riżervati ammonti speċifiċi għar-reġjuni ultraperifiċi, għall-kontroll u l-infurzar u għall-ġbir u l-ipproċessar tad-data kemm għall-ġestjoni tas-sajd kif ukoll għall-finijiet xjentifiċi, filwaqt li l-ammonti għall-waqfien permanenti u għall-waqfien straordinarju mill-attivitajiet tas-sajd jenħtieġ li jkunu limitati.
(9)Is-settur marittimu Ewropew jimpjega aktar minn ħames miljun ruħ u jiġġenera kważi EUR 500 biljun fis-sena, b’potenzjal li joħloq ħafna aktar impjiegi. L-output tal-ekonomija globali mill-oċeani attwalment huwa stmat EUR 1,3 triljuni, u dan jaf jiżdied aktar mid-doppju sal-2030. Il-ħtieġa li jintlaħqu l-miri tal-emissjonijiet tad-diossidu tal-karbonju, li tiżdied l-effiċjenza fl-użu tar-riżorsi u li titnaqqas l-impronta ambjentali tal-ekonomija blu mexxiet l-impenn lejn l-innovazzjoni f’setturi oħrajn, bħal dak tat-tagħmir marittimu, tal-bini tal-bastimenti, tal-osservazzjoni tal-oċeani, tat-tħammil, tal-protezzjoni tal-kosta, u tal-bini marittimu. L-investiment fl-ekonomija marittima ġie ffinanzjat bil-fondi strutturali tal-Unjoni, b’mod partikolari l-Fond Ewropew għall-Iżvilupp Reġjonali (il-FEŻR) u l-Fond Ewropew għall-Affarijiet Marittimi u s-Sajd (il-FEMS). Jenħtieġ li jintużaw għodod ġodda tal-investiment, bħall-InvestEU biex jintlaħaq il-potenzjal tat-tkabbir tas-settur.
(10)Jenħtieġ li l-FEMS ikun ibbażat fuq erba’ prijoritajiet: it-trawwim tas-sajd sostenibbli u l-konservazzjoni tar-riżorsi bijoloġiċi tal-baħar; il-kontribut għas-sigurtà tal-ikel fl-Unjoni permezz ta’ swieq u akkwakultura kompetittivi u sostenibbli; il-promozzjoni tat-tkabbir ta’ ekonomija blu sostenibbli u t-trawwim ta’ komunitajiet kostali li jiffjorixxu; it-tisħiħ tal-governanza tal-oċeani internazzjonali u b’hekk l-appoġġ ta’ ibħra u oċeani sikuri, indaf u ġestiti b’mod sostenibbli. Dawk il-prijoritajiet jenħtieġ li jiġu segwiti permezz tal-ġestjoni kondiviża, il-ġestjoni diretta u l-ġestjoni indiretta.
(11)Il-FEMS wara l-2020 jenħtieġ li jkun ibbażat fuq arkitettura ssimplifikata mingħajr ma jiġu predefiniti miżuri u regoli tal-eliġibbiltà ddettaljati b’mod wisq preskrittiv. Minflok ma jsir hekk, jenħtieġ li jkunu deskritti oqsma ġenerali ta’ appoġġ skont kull prijorità. Għaldaqstant, jenħtieġ li l-Istati Membri jfasslu l-programmi tagħhom fejn jindikaw l-aħjar mezzi biex jintlaħqu l-prijoritajiet. Għadd ta’ miżuri diversi identifikati fil-programmi mill-Istati Membri jaf jiġu appoġġati skont ir-regoli stabbiliti f’dan ir-Regolament u fir-Regolament (UE) Nru [ir-Regolament dwar Dispożizzjonijiet Komuni], dment li jkunu koperti mill-oqsma tal-appoġġ identifikati f’dan ir-Regolament. Madankollu, jenħtieġ li tiġi stabbilita lista ta’ operazzjonijiet li mhumiex eliġibbli biex jiġu evitati impatti detrimentali għall-konservazzjoni tas-sajd, pereżempju projbizzjoni ġenerali ta’ investimenti li jżidu l-kapaċità tas-sajd. Barra minn hekk, l-investimenti u l-kumpensi għall-flotta tas-sajd jenħtieġ li jkunu strettament ikkundizzjonati mill-konsistenza mal-għanijiet ta’ konservazzjoni tal-PKS.
(12)L-Aġenda 2030 għall-Iżvilupp Sostenibbli tan-Nazzjonijiet Uniti identifikat il-konservazzjoni tal-oċeani u l-użu sostenibbli tagħhom bħala wieħed mis-17-il Għan ta’ Żvilupp Sostenibbli (SDG 14). L-Unjoni hija impenjata bis-sħiħ lejn dak il-għan u lejn l-implimentazzjoni tiegħu. F’dak il-kuntest, impenjat ruħha li tippromwovi ekonomija blu sostenibbli li tkun konsistenti mal-ippjanar spazjali marittimu, mal-konservazzjoni tar-riżorsi bijoloġiċi u mal-kisba ta’ status ambjentali tajjeb, li tipprojbixxi ċerti forom ta’ sussidji tas-sajd li jkomplu jżidu mal-kapaċità żejda u mas-sajd eċċessiv, li telimina s-sussidji li jgħinu s-sajd illegali, mhux irrappurtat u mhux irregolat, u li ma tintroduċix sussidji ġodda ta’ dan it-tip. Jenħtieġ li dan ir-riżultat jinkiseb min-negozjati dwar is-sussidji għas-sajd mal-Organizzazzjoni Dinjija tal-Kummerċ. Barra minn hekk, waqt in-negozjati tal-Organizzazzjoni Dinjija tal-Kummerċ fis-Summit Dinji dwar l-Iżvilupp Sostenibbli fl-2002 u fl-2012 waqt il-Konferenza tan-Nazzjonijiet Uniti dwar l-Iżvilupp Sostenibbli (Rio+20), l-Unjoni impenjat ruħha li telimina s-sussidji li jikkontribwixxu għall-kapaċità żejda fis-sajd u għas-sajd eċċessiv.
(13)Biex jirrifletti l-importanza li jiġi indirizzat it-tibdil fil-klima bi qbil mal-impenn tal-Unjoni li timplimenta l-Ftehim ta’ Pariġi, u l-Għanijiet ta’ Żvilupp Sostenibbli tan-Nazzjonijiet Uniti, jenħtieġ li dan ir-Regolament jikkontribwixxi għall-azzjonijiet klimatiċi ewlenin u jwassal biex tintlaħaq mira ġenerali ta’ 25% tal-infiq tal-baġit li jappoġġaw l-għanijiet klimatiċi. L-azzjonijiet skont dan ir-Regolament huma mistennija li jikkontribwixxu 30% tal-pakkett finanzjarju ġenerali tal-FEMS għall-għanijiet klimatiċi. L-azzjonijiet rilevanti se jiġu identifikati waqt it-tħejjija u l-implimentazzjoni tal-FEMS, u jiġu evalwati mill-ġdid fil-kuntest tal-proċessi rilevanti ta’ evalwazzjoni u ta’ rieżami.
(14)Jenħtieġ li l-FEMS jikkontribwixxi għall-ksib tal-għanijiet ambjentali tal-Unjoni. Jenħtieġ li din il-kontribuzzjoni tiġi rintraċċata bl-użu tal-markaturi ambjentali tal-Unjoni u tiġi rrappurtata b’mod regolari fil-kuntest tal-evalwazzjonijiet u r-rapport annwali dwar il-prestazzjoni.
(15)Skont l-Artikolu 42 tar-Regolament (UE) Nru 1380/2013 tal-Parlament Ewropew u tal-Kunsill (“ir-Regolament tal-PKS”), għajnuna finanzjarja mill-Unjoni fil-kuntest tal-FEMS jenħtieġ li tkun ikkundizzjonata mill-konformità mar-regoli tal-PKS. L-applikazzjonijiet mingħand benefiċjarji li ma jikkonformawx mar-regoli tal-PKS applikabbli jenħtieġ li ma jintlaqgħux.
(16)Biex jiġu indirizzati l-kundizzjonijiet speċifiċi tal-PKS imsemmija fir-Regolament (UE) Nru 1380/2013, u biex jgħin biex jiġu rispettati r-regoli tal-PKS, jenħtieġ li jiġu stabbiliti dispożizzjonijiet addizzjonali mar-regoli dwar l-interruzzjoni, is-sospensjoni u l-korrezzjonijet finanzjarji kif stabbilit fir-Regolament (UE) Nru [ir-Regolament li jistabbilixxi dispożizzjonijiet komuni]. Meta Stat Membru jew benefiċjarju ma jkunx ikkonforma mal-obbligi tiegħu skont il-PKS, jew meta l-Kummissjoni jkollha l-provi li jissuġġerixxu nuqqas ta’ konformità, jenħtieġ li l-Kummissjoni tkun tista’ tinterrompi l-iskadenzi tal-pagamenti bħala miżura ta’ prekawzjoni. Barra mill-possibbiltà li tiġi interrotta l-iskadenza tal-pagamenti, u biex jiġi evitat ir-riskju li jitħallas infiq mhux eliġibbli, jenħtieġ li l-Kummissjoni tkun tista’ tissospendi l-pagamenti u timponi l-korrezzjonijiet finanzjarji f’każijiet serji ta’ ksur tar-regoli tal-PKS minn xi Stat Membru.
(17)F’dawn l-aħħar snin, permezz tal-PKS sar ħafna progress biex l-istokkijiet tal-ħut inġabu lura f’livelli tajbin, biex tinżied il-profitabbiltà tal-industrija tas-sajd tal-Unjoni, u biex jiġu kkonservati l-ekosistemi marini. Madankollu, għad fadal sfidi sostanzjali biex jintlaħqu l-għanijiet soċjoekonomiċi u ambjentali tal-PKS. Dawn jeħtieġu li jitkompla l-appoġġ wara l-2020, speċjalment fil-baċiri tal-baħar, fejn il-progress sar aktar bil-mod.
(18)Is-sajd huwa essenzjali għall-għajxien u għall-patrimonju kulturali ta’ bosta komunitajiet kostali fl-Unjoni, speċjalment f’dawk fejn is-sajjieda kostali ż-żgħar għandhom rwol importanti. Billi l-età medja ta’ ħafna komunitajiet ta’ sajjieda hija ogħla minn 50 sena, it-tiġdid tal-ġenerazzjonijiet u d-diversifikazzjoni tal-attivitajiet għadhom ta’ sfida.
(19)Jenħtieġ li l-FEMS jimmira li jilħaq l-għanijiet ambjentali, ekonomiċi, soċjali u tal-impjiegi tal-PKS, kif iddefinit fl-Artikolu 2 tar-Regolament (UE) Nru 1380/2013. Dan l-appoġġ jenħtieġ li jiżgura li l-attivitajiet tas-sajd ikunu ambjentalment sostenibbli fit-tul u jkunu ġestiti b’mod li jkun konsistenti mal-għanijiet li jinkisbu l-benefiċċji ekonomiċi, soċjali u tal-impjieg, u li jikkontribwixxi lejn id-disponibbiltà tal-provvisti tal-ikel.
(20)Jenħtieġ li l-appoġġ mill-FEMS ikun immirat biex jinkiseb u jinżamm is-sajd sostenibbli bbażat fuq ir-rendiment massimu sostenibbli u biex jitnaqqsu kemm jista’ jkun l-impatti negattivi tal-attivitajiet tas-sajd fuq l-ekosistema tal-baħar. Dak l-appoġġ jenħtieġ li jinkludi l-innovazzjoni u l-investiment fi prattiki u tekniki tas-sajd b’impatt baxx, u li huma reżiljenti għall-klima u li jemittu livell baxx ta’ karbonju.
(21)L-obbligu ta’ ħatt l-art huwa wieħed mill-isfidi ewlenin tal-PKS. Huwa ssarraf f’tibdil sinifikanti għas-settur fil-prattiki tas-sajd, kultant bi spiża finanzjarja importanti. Għaldaqstant jenħtieġ li jkun possibbli li l-FEMS jappoġġa l-innovazzjoni u l-investimenti li jgħinu fl-implimentazzjoni tal-obbligu ta’ ħatt l-art, b’rata ta’ intensità ta’ għajnuna ogħla minn dik li tapplika għal operazzjonijiet oħrajn, bħall-investiment fi rkaptu tas-sajd selettiv, fit-titjib tal-infrastrutturi tal-portijiet, u fil-kummerċjalizzazzjoni ta’ qabdiet mhux mixtieqa. Jenħtieġ ukoll li l-FEMS jagħti rata ta’ intensità massima tal-għajnuna ta’ 100% għat-tfassil, l-iżvilupp, il-monitoraġġ, l-evalwazzjoni u l-ġestjoni ta’ sistemi trasparenti għall-iskambju ta’ opportunitajiet tas-sajd bejn l-Istati Membri (“skambji ta’ kwoti”), biex jiġi mmitigat l-effett tal-“ispeċijiet bi kwota limitanti” li jikkawża l-obbligu ta’ ħatt l-art.
(22)Jenħtieġ li jkun possibbli li l-FEMS ikun jista’ jappoġġa wkoll l-innovazzjoni u l-investiment abbord il-bastimenti tas-sajd biex jittejbu l-kundizzjonijiet tas-saħħa, tas-sikurezza u tax-xogħol, l-effiċjenza fl-użu tal-enerġija u l-kwalità tal-qabdiet. Madankollu, dan l-appoġġ ma għandux iwassal għal żieda fil-kapaċità tas-sajd jew fil-kapaċità tas-sejba tal-ħut, u ma jridx jingħata sempliċiment biex jiġu ssodisfati rekwiżiti li huma obbligatorji skont il-liġi tal-Unjoni jew dik nazzjonali. Bl-istruttura mingħajr miżuri preskrittivi, jenħtieġ li tkun responsabbiltà tal-Istati Membri li jiddefinixxu r-regoli preċiżi tal-eliġibbiltà għal dawk l-investimenti. F’dak li għandu x’jaqsam mal-kundizzjonijiet tas-saħħa, tas-sikurezza u tax-xogħol abbord il-bastimenti tas-sajd, jenħtieġ li jkun permess li tingħata għajnuna b’rata ta’ intensità ogħla minn ta’ operazzjonijiet oħrajn.
(23)Il-kontroll tas-sajd huwa essenzjali għall-implimentazzjoni tal-PKS. Għalhekk, b’ġestjoni kondiviża, jenħtieġ li l-FEMS isostni l-iżvilupp u l-implimentazzjoni ta’ sistema ta’ kontroll tas-sajd tal-Unjoni kif speċifikat fir-Regolament tal-Kunsill (KE) Nru 1224/2009 (“ir-Regolament dwar il-Kontroll”). Ċerti obbligi previsti bir-reviżjoni tar-Regolament dwar il-Kontroll jiġġustifikaw l-appoġġ speċifiku mill-FEMS, jiġifieri s-sistemi ta’ trekkjar tal-bastimenti u sistemi elettroniċi ta’ rappurtar obbligatorji fil-każ ta’ bastimenti tas-sajd kostali artiġjanali, is-sistemi ta’ sorveljanza elettronika mill-bogħod obbligatorji, u l-kejl u r-reġistrazzjoni kontinwi tal-potenza propulsiva tal-magni obbligatorji. Barra minn hekk, jenħtieġ li jintużaw ukoll l-investimenti tal-Istati Membri fl-assijiet tal-kontroll li jintużaw għas-sorveljanza marittima u għall-kooperazzjoni fil-funzjonijiet tal-gwardja kostali.
(24)Is-suċċess tal-PKS jiddependi mid-disponibbiltà tal-pariri xjentifiċi għall-ġestjoni tas-sajd, u minħabba f’hekk jiddependi wkoll mid-disponibbiltà tad-data dwar is-sajd. Minħabba l-isfidi u l-ispejjeż meħtieġa biex tinkiseb data li tkun affidabbli u sħiħa, jenħtieġ li jiġu appoġġati l-azzjonijiet tal-Istati Membri biex jiġbru u jipproċessaw id-data skont ir-Regolament (UE) Nru 2017/1004 tal-Parlament Ewropew u tal-Kunsill (“ir-Regolament dwar il-Qafas tal-Ġbir ta’ Data”) u biex jikkontribwixxu għall-aħjar parir xjentifiku disponibbli. Dan l-appoġġ jenħtieġ li jippermetti sinerġiji mal-ġbir u l-ipproċessar ta’ tipi oħra ta’ data marina.
(25)Jenħtieġ li l-FEMS jappoġġa l-implimentazzjoni effettiva bbażata fuq l-għarfien, u governanza tal-PKS b’ġestjoni diretta permezz tal-pariri xjentifiċi li jingħataw, l-iżvilupp u l-implimentazzjoni ta’ sistema tal-Unjoni ta’ kontroll tas-sajd, it-tħaddim ta’ Kunsilli Konsultattivi, u l-kontribuzzjonijiet volontarji lill-organizzazzjonijiet internazzjonali.
(26)Minħabba l-isfidi li jeżistu biex jinkisbu l-għanijiet ta’ konservazzjoni tal-PKS, jenħtieġ li jkun possibbli li l-FEMS jappoġġa l-azzjonijiet ta’ ġestjoni tas-sajd u tal-flotot tas-sajd. F’dan il-kuntest, kultant għadu meħtieġ l-appoġġ għall-addattament ta’ ċerti segmenti tal-flotta u għal ċerti baċiri tal-baħar. Dan l-appoġġ jenħtieġ li jkun strettament immirat lejn il-konservazzjoni u l-isfruttament sostenibbli tar-riżorsi bijoloġiċi tal-baħar, u jkun immirat biex jikseb bilanċ bejn il-kapaċità tas-sajd u l-opportunitajiet tas-sajd disponibbli. Għalhekk, jenħtieġ li jkun possibbli li l-FEMS ikun jista’ jappoġġa l-waqfien permanenti mill-attivitajiet tas-sajd f’segmenti tal-flotta li fihom il-kapaċità tas-sajd ma tkunx proporzjonata mal-opportunitajiet tas-sajd disponibbli. Jenħtieġ li tali appoġġ ikun għodda tal-pjanijiet ta’ azzjoni għall-aġġustament tas-segmenti tal-flotta li jkollhom kapaċità strutturali żejda identifikata, kif previst fl-Artikolu 22(4) tar-Regolament (UE) Nru 1380/2013, u jenħtieġ li jkun implimentat billi jiġi skrappjat il-bastiment tas-sajd, inkella billi jiġi dekommissjonat u mmodifikat għal attivitajiet differenti. Jekk il-modifika retroattiva tkun se twassal biex ikun hemm aktar pressjoni tas-sajd rikreattiv fuq l-ekosistema tal-baħar, jenħtieġ li l-appoġġ jingħata biss jekk jikkonforma mal-PKS u mal-għanijiet tal-pjanijiet pluriennali rilevanti. Biex tkun żgurata l-konsistenza tal-addattament strutturali tal-flotta mal-għanijiet ta’ konservazzjoni, l-appoġġ għall-waqfien permanenti mill-attivitajiet tas-sajd jenħtieġ li jkun strettament b’kundizzjonijiet preċiżi u marbut mal-kisba tar-riżultati. Għalhekk jenħtieġ li dan jiġi implimentat biss b’“finanzjament mhux marbut mal-ispejjeż, kif previst fir-Regolament (UE) Nru [ir-Regolament li jistabbilixxi Dispożizzjonijiet Komuni]. Skont dan il-mekkaniżmu, jenħtieġ li l-Istati Membri ma jiġux rimburżati mill-Kummissjoni għall-waqfien permanenti mill-attivitajiet tas-sajd skont l-ispejjeż reali li jkunu ġġarrbu, iżda skont li jiġu ssodisfati l-kundizzjonijiet u li jkunu nkisbu r-riżultati. Biex jintlaħaq dan l-għan, jenħtieġ li l-Kummissjoni tistabbilixxi f’att delegat tali kundizzjonijiet li jenħtieġ li jkunu marbutin mal-kisba tal-għanijiet ta’ konservazzjoni tal-PKS.
(27)Billi fil-biċċa l-kbira l-attivitajiet tas-sajd ma jistgħux ikunu previsti, jista’ jkun hemm ċirkostanzi eċċezzjonali li jwasslu għal telf ekonomiku sinifikanti għas-sajjieda. Biex jittaffew dawk il-konsegwenzi, jenħtieġ li l-FEMS ikun jista’ jappoġġa kumpens għall-waqfien straordinarju tal-attivitajiet tas-sajd li jkun irriżulta mill-implimentazzjoni ta’ ċerti miżuri ta’ konservazzjoni, jiġifieri l-pjanijiet pluriennali, il-miri tal-konservazzjoni u l-isfruttament sostenibbli tal-istokkijiet, il-miżuri biex il-kapaċità tas-sajd tal-bastimenti tiġi addattata għall-opportunitajiet tas-sajd disponibbli u l-miżuri tekniċi, mill-implimentazzjoni ta’ miżuri ta’ emerġenza, mill-interruzzjoni tal-applikazzjoni ta’ xi ftehim ta’ sħubija dwar is-sajd sostenibbli minħabba forza maġġuri, minħabba xi diżastru naturali jew xi inċident ambjentali. Jenħtieġ li l-appoġġ jingħata biss jekk l-impatt ta’ dawn iċ-ċirkostanzi fuq is-sajjieda jkun sinifikanti, jiġifieri jekk l-attivitajiet kummerċjali tal-bastiment ikkonċernat jitwaqqfu għal mill-inqas 90 jum konsekuttiv, u jekk it-telf ekonomiku li jirriżulta mill-waqfien tas-sajd jammonta għal aktar minn 30% tad-dħul annwali medju tan-negozju kkonċernat waqt perjodu speċifiku. Jenħtieġ li jitqiesu l-ispeċifiċitajiet tas-sajd tas-sallur fil-kundizzjonijiet biex jingħata dan l-appoġġ.
(28)Is-sajd kostali artiġjanali huwa s-sajd b’bastimenti b’tul ta’ inqas minn 12-il metru u li ma jużawx irkaptu rmunkat. Dak is-settur jirrappreżenta kważi 75% tal-bastimenti tas-sajd kollha rreġistrati fl-Unjoni u kważi nofs l-impjiegi kollha fis-settur tas-sajd. L-operaturi tas-sajd kostali artiġjanali jiddependu b’mod partikolari fuq stokkijiet tal-ħut b’saħħithom għad-dħul ewlieni tagħhom. Għalhekk, jenħtieġ li l-FEMS jagħtihom trattament preferenzjali permezz ta’ rata ta’ intensità tal-għajnuna ta’ 100%, anki għall-operazzjonijiet marbuta mal-kontroll u l-infurzar, biex jinkoraġġixxi l-prattiki tas-sajd sostenibbli. Barra minn hekk, ċerti oqsma ta’ appoġġ jenħtieġ li jkunu rriżervati għas-sajd artiġjanali fis-segmenti tal-flotta fejn il-kapaċità tas-sajd tkun f’bilanċ mal-opportunitajiet tas-sajd disponibbli, jiġifieri l-appoġġ tax-xiri ta’ bastimenti użati u tat-tibdil jew il-modernizzazzjoni tal-magni tal-bastimenti. Barra minn hekk, l-Istati Membri jeħtiġilhom jinkludu fil-programm tagħhom pjan ta’ azzjoni għas-sajd kostali artiġjanali, li jenħtieġ li jiġi ssorveljat skont l-indikaturi, li jridu jiffissaw stadji importanti u miri għalihom.
(29)Kif hemm deskritt fil-Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew, lill-Kumitat tar-Reġjuni u lill-Bank Ewropew tal-Investiment, tal-24 ta’ Ottubru 2017 bit-titolu “Sħubija strateġika aktar b’saħħitha u mġedda mar-reġjuni ultraperiferiċi tal-UE” ir-reġjuni ultraperifiċi jiffaċċaw sfidi speċifiki minħabba li huma reġjuni mbiegħda, u minħabba t-topografija u l-klima, kif imsemmi fl-Artikolu 349 tat-Trattat, u għandhom ukoll vantaġġi speċifiċi li bihom jistgħu jiżviluppaw ekonomija blu sostenibbli. Għalhekk, għal kull reġjun ultraperiferiku, jenħtieġ li jinthemeż pjan ta’ azzjoni għall-iżvilupp ta’ setturi sostenibbli tal-ekonomija blu, inkluż l-isfruttar sostenibbli tas-sajd u l-akkwakultura, mal-programm tal-Istati Membri kkonċernati, u jenħtieġ li tkun riżervata allokazzjoni finanzjarja biex issostni l-implimentazzjoni ta’ dawn il-pjanijiet ta’ azzjoni. Jenħtieġ li l-FEMS jappoġġa wkoll il-kumpens tal-ispejjeż addizzjonali li jġarrbu r-reġjuni ultraperifiċi minħabba l-pożizzjoni u l-insularità tagħhom. Dak l-appoġġ jenħtieġ li jkun limitat għal perċentwal ta’ din l-allokazzjoni finanzjarja ġenerali. Barra minn hekk jenħtieġ li tiġi applikata rata ta’ intensità ta’ għajnuna ogħla fir-reġjuni ultraperifiċi minn dik li tapplika għal operazzjonijiet oħrajn.
(30)B’ġestjoni kondiviża jenħtieġ li l-FEMS ikun jista jappoġġa l-protezzjoni u r-restawr tal-bijodiversità u tal-ekosistemi tal-baħar. Għalhekk jenħtieġ li jingħata l-appoġġ biex jikkompensa l-ġbir mis-sajjieda ta’ rkaptu tas-sajd li jkun intilef, u l-ġbir tal-iskart mill-ibħra, u jsostni l-investiment fil-portijiet biex dawn ikunu jipprovdu faċilitajiet ta’ akkoljenza xierqa għal dan l-irkaptu mitluf u għall-iskart mill-baħar. Jenħtieġ li l-appoġġ ikun disponibbli wkoll għall-azzjonijiet favur il-kisba jew iż-żamma ta’ status ambjentali tajjeb fl-ambjent tal-baħar, kif stipulat fid-Direttiva 2008/56/KE tal-Parlament Ewropew u tal-Kunsill (“id-Direttiva Kwadru dwar l-Istrateġija Marina”), għall-implimentazzjoni ta’ miżuri ta’ protezzjoni tal-ispazju stabbiliti skont dik id-Direttiva u, bi qbil mal-oqfsa ta’ azzjoni prijoritizzati stabbiliti skont id-Direttiva tal-Kunsill 92/43/KEE (“id-Direttiva dwar il-Ħabitats”), għall-ġestjoni, ir-restawr u l-monitoraġġ taż-żoni tan-NATURA 2000, kif ukoll għall-protezzjoni tal-ispeċijiet skont id-Direttiva 92/43/KEE u d-Direttiva 2009/147/KE tal-Parlament Ewropew u tal-Kunsill (“id-Direttiva dwar l-Għasafar”). Jenħtieġ li b’ġestjoni diretta l-FEMS jappoġġa l-promozzjoni ta’ ibħra nodfa u f’saħħithom u l-implimentazzjoni tal-istrateġija Ewropea għall-Plastiks f’Ekonomija Ċirkolari, li ġiet żviluppata fil-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni tas-16 ta’ Jannar 2016, bi qbil mal-għan li jinkiseb jew jinżamm status ambjentali tajjeb fl-ambjent tal-baħar.
(31)Is-sajd u l-akkwakultura jikkontribwixxu għas-sigurtà alimentari u għan-nutrizzjoni. Iżda fil-preżent l-Unjoni timporta aktar minn 60% tal-prodotti tas-sajd tagħha, u b’hekk tiddependi ħafna mill-pajjiżi terzi. Hemm l-isfida importanti li jiġi promoss il-konsum tal-proteina mill-ħut prodott fl-Unjoni, waħda ta’ standards ta’ kwalità għolja, u li din tkun disponibbli għall-konsumaturi bi prezzijiet affordabbli.
(32)Jenħtieġ li jkun possibbli li l-FEMS ikun jista’ jappoġġa l-promozzjoni u l-iżvilupp sostenibbli tal-akkwakultura, inkluża l-akkwakultura tal-ilma ħelu, għat-trobbija ta’ annimali u pjanti akkwatiċi biex jiġu prodotti l-ikel u materja prima oħra. F’xi Stati Membri għad hemm proċeduri amministrattivi kumplessi, bħal ostakli biex wieħed jikseb l-ispazju, u proċeduri peżanti biex jinkisbu l-liċenzji, li jagħmluha diffiċli għas-settur itejjeb l-idea pubblika tal-frott tal-baħar imrobbi, u biex jagħmlu aktar kompetittiv. Jenħtieġ li l-appoġġ ikun konsistenti mal-pjanijiet strateġiċi pluriennali nazzjonali żviluppati abbażi tar-Regolament (UE) Nru 1380/2013. B’mod partikolari jenħtieġ li jkunu eliġibbli, l-appoġġ għas-sostenibbiltà ambjentali, għall-investimenti li jiġġeneraw id-dħul, għall-innovazzjoni, għall-ksib ta’ ħiliet professjonali, għat-titjib tal-kundizzjonijiet tax-xogħol, miżuri ta’ kumpens li jipprovdu servizzi ta’ importanza kritika ta’ ġestjoni tal-art u tan-natura. Jenħtieġ li jkunu eliġibbli wkoll azzjonijiet tas-saħħa pubblika, skemi ta’ assigurazzjoni tal-istokkijiet tal-akkwakultura u azzjonijiet b’rabta mas-saħħa u t-trattament xieraq tal-annimali. Iżda fil-każ tal-investimenti li jiġġeneraw id-dħul, jenħtieġ li l-appoġġ jingħata biss permezz ta’ strumenti finanzjarji u l-InvestEU, li joffru aktar ingranaġġ fis-swieq u għaldaqstant huma iżjed rilevanti mill-għotjiet biex jindirizzaw l-isfidi finanzjarji tas-settur.
(33)Is-sigurtà tal-ikel tiddependi minn swieq effiċjenti u organizzati tajjeb, li joħolqu aktar trasparenza, stabbiltà, kwalità u diversità fil-katina tal-provvista, u tiddependi wkoll mill-informazzjoni li jkollhom il-konsumaturi. Għal dan il-għan, jenħtieġ li l-FEMS ikun jista’ jappoġġa l-kummerċjalizzazzjoni tal-prodotti tas-sajd u tal-akkwakultura, bi qbil mal-għanijiet tar-Regolament (UE) Nru 1379/2013 tal-Parlament Ewropew u tal-Kunsill (“ir-Regolament dwar l-Organizzazzjoni Komuni tas-Swieq”). B’mod partikolari jenħtieġ li l-appoġġ ikun disponibbli għall-ħolqien ta’ organizzazzjonijiet tal-produtturi, għall-implimentazzjoni tal-pjanijiet ta’ produzzjoni u ta’ kummerċjalizzazzjoni, għall-promozzjoni ta’ swieq disponibbli ġodda u għall-iżvilupp u x-xandir ta’ informazzjoni dwar is-suq.
(34)L-industrija tal-ipproċessar għandha rwol fid-disponibbiltà u fil-kwalità tal-prodotti tas-sajd u tal-akkwakultura. Jenħtieġ li l-FEMS ikun jista’ jappoġġa l-investiment iffukat f’dik l-industrija, dment li dan l-investiment jgħin biex jintlaħqu l-għanijiet tal-organizzazzjoni komuni tas-swieq. Dan l-appoġġ jenħtieġ li jingħata biss permezz ta’ strumenti finanzjarji u permezz tal-InvestEU u mhux permezz ta’ għotjiet.
(35)Il-ħolqien tal-impjiegi fir-reġjuni kostali jiddependi mill-iżvilupp tal-ekonomija blu mmexxija lokalment li tagħti ħajja ġdida lin-nisġa soċjali ta’ dawn ir-reġjuni. Sal-2030, l-industriji u s-servizzi oċeaniċi x’aktarx li se jiksbu riżultati aqwa minn dawk tat-tkabbir tal-ekonomija dinjija u jagħtu kontribut importanti għall-impjiegi u għat-tkabbir. Biex ikun sostenibbli, it-tkabbir blu jiddependi mill-innovazzjoni u l-investiment f’negozji marittimi ġodda, u fil-bijoekonomija, fosthom mudelli tat-turiżmu sostenibbli, l-enerġija rinnovabbli mill-oċeani, il-kostruzzjoni innovattiva ta’ bastimenti ta’ livell għoli, u servizzi ġodda tal-portijiet li jistgħu joħolqu l-impjiegi u fl-istess ħin itejbu l-iżvilupp lokali. Filwaqt li l-investiment pubbliku fl-ekonomija blu sostenibbli jenħtieġ li jkun settur ewlieni fil-baġit kollu tal-Unjoni, il-FEMS jenħtieġ li jkun ikkonċentrat speċifikament fuq il-kundizzjonijiet li jgħinu l-iżvilupp tal-ekonomija blu sostenibbli u fuq it-twarrib tal-ostakli biex ikun iffaċilitat l-investiment u l-iżvilupp ta’ swieq u teknoloġiji jew servizzi ġodda. L-appoġġ għall-iżvilupp tal-ekonomija blu sostenibbli jenħtieġ li jingħata permezz ta’ ġestjoni kondiviża, diretta u indiretta.
(36)L-iżvilupp ta’ ekonomija blu sostenibbli jiddependi ħafna mill-isħubijiet bejn partijiet ikkonċernati lokali li jikkontribwixxu għall-ħajja tal-komunitajiet u tal-ekonomiji kostali u interni. Jenħtieġ li l-FEMS jipprovdi l-għodod li jippromwovu dawn is-sħubiji. Għal dan il-għan, jenħtieġ li jingħata appoġġ għall-iżvilupp lokali mmexxi mill-komunitajiet (CLLD) b’ġestjoni kondiviża. Dak l-approċċ huwa mistenni li jagħti spinta lid-diversifikazzjoni ekonomika f’kuntesti lokali permezz tal-iżvilupp tas-sajd kostali u intern, tal-akkwakultura u ta’ ekonomija blu sostenibbli. L-istrateġiji CLLD jenħtieġ li jiżguraw li l-komunitajiet lokali jisfruttaw aħjar u jibbenefikaw mill-opportunitajiet li toffri l-ekonomija blu sostenibbli billi jsaħħu r-riżorsi ambjentali, kulturali, soċjali u umani u jiksbu l-vantaġġi minnhom. Għalhekk, kull sħubija lokali jenħtieġ li tirrifletti l-fokus ewlieni tal-istrateġija tagħha billi tiżgura l-involviment bilanċjat u r-rappreżentanza mill-partijiet ikkonċernati kollha tal-ekonomija blu lokali sostenibbli.
(37)B’ġestjoni kondiviża, jenħtieġ li l-FEMS ikun jista’ jappoġġa lill-ekonomija blu sostenibbli permezz tal-ġbir, tal-ġestjoni u tal-użu ta’ data li ttejjeb l-għarfien dwar l-istat tal-ambjent tal-baħar. Dak l-appoġġ jenħtieġ li jkun immirat biex jissodisfa r-rekwiżiti tad-Direttiva 92/43/KEE u d-Direttiva 2009/147/KE, biex jappoġġa l-ippjanar spazjali marittimu u biex itejjeb il-kwalità tad-data u jżid it-tpartit tagħha permezz tan-netwerk Ewropew ta’ Osservazzjoni u Data Marittima.
(38)B’ġestjoni diretta u indiretta, jenħtieġ li l-FEMS jiffoka fuq il-kundizzjonijiet abilitanti għal ekonomija blu sostenibbli permezz tal-promozzjoni tal-governanza u l-ġestjoni integrati tal-politika marittima, permezz tat-titjib tat-trasferiment u l-użu tar-riċerka, l-innovazzjoni u t-teknoloġija fl-ekonomija blu sostenibbli, permezz tat-titjib tal-ħiliet marittimi, tal-litteriżmu fl-oċeani u tat-tpartit tad-data soċjoekonomika dwar l-ekonomija blu sostenibbli, permezz tal-promozzjoni ta’ ekonomija blu sostenibbli reżiljenti għat-tibdil fil-klima u b’livell baxx ta’ emissjonijiet ta’ karbonju, u permezz tal-iżvilupp ta’ riżerva ta’ proġetti u ta’ strumenti finanzjarji innovattivi. Jenħtieġ li jitqiesu s-sitwazzjonijiet speċifiċi tar-reġjuni ultraperiferiċi rigward l-oqsma msemmijin hawn fuq.
(39)60% tal-oċeani huma ’l barra mill-konfini tal-ġuriżdizzjonijiet nazzjonali. Dan ifisser responsabbiltà internazzjonali kondiviża. Il-maġġoranza tal-problemi li jiffaċċaw l-oċeani huma ta’ natura transkonfinali, bħall-isfruttament żejjed, it-tibdil fil-klima, l-aċidifikazzjoni, it-tniġġis, u l-bijodiversità li qed tonqos, u għaldaqstant jeħtieġu reazzjoni kondiviża. Skont il-Konvenzjoni tan-Nazzjonijiet Uniti dwar il-Liġi tal-Baħar, li l-Unjoni tifforma Parti minnha skont id-Deċiżjoni tal-Kunsill 98/392/KE, twaqqfu bosta drittijiet ġuriżdizzjonali, istituzzjonijiet u oqfsa speċifiċi biex jirregolaw u jikkontrollaw l-attività tal-bniedem fl-oċeani. F’dawn l-aħħar snin qed jidher li hemm kunsens globali dwar il-ħtieġa li l-ambjent tal-baħar u l-attivitajiet marittimi tal-bniedem jiġu ġestiti b’mod aktar effettiv biex ikunu indirizzati l-pressjonijiet li dejjem qed jiżdiedu fuq l-oċeani.
(40)Fir-rwol tagħha ta’ attur globali, l-Unjoni għandha l-impenn qawwi li tippromwovi l-governanza internazzjonali tal-oċeani bi qbil mal-Komunikazzjoni Konġunta lill-Kunsill, lill-Parlament Ewropew, lill-Kumitat Ekonomiku u Soċjali Ewropew u lill-Kumitat tar-Reġjuni tal-10 ta’ Novembru 2016 bit-titolu “Il-Governanza Internazzjonali tal-Oċeani: aġenda għall-futur tal-oċeani tagħna”. Il-politika dwar il-governanza tal-oċeani tal-Unjoni hija politika ġdida li tittratta l-oċeani b’mod integrat. Il-governanza internazzjonali tal-oċeani mhux biss hija essenzjali biex tinkiseb l-Aġenda 2030 għall-Iżvilupp Sostenibbli, u b’mod partikolari l-Għan ta’ Żvilupp Sostenibbli Nru 14 (“Conserve and sustainably use the oceans, seas and marine resources for sustainable development”), iżda wkoll biex tiggarantixxi ibħra u oċeani li jkunu sikuri, indaf, u ġestiti b’mod sostenibbli, għall-ġenerazzjonijiet li ġejjin. L-Unjoni jrid jirnexxilha tara r-riżultati ta’ dawk l-impenji internazzjonali u tkun mutur għall-governanza internazzjonali tal-oċeani mtejba fil-livelli bilaterali, reġjonali u multilaterali, anki fil-prevenzjoni, fl-iskoraġġiment u fl-eliminazzjoni tas-sajd illegali, mhux irrappurtat u mhux irregolat, biex ittejjeb l-istruttura tal-governanza internazzjonali tal-oċeani, biex tnaqqas il-pressjonijiet fuq l-oċeani u fuq l-ibħra, biex toħloq il-kundizzjonijiet għal ekonomija blu sostenibbli, u biex issaħħaħ ir-riċerka u d-data internazzjonali dwar l-oċeani.
(41)L-azzjonijiet li jippromwovu l-governanza internazzjonali tal-oċeani fil-kuntest tal-FEMS jenħtieġ li jtejbu l-istruttura ġenerali tal-proċessi, il-ftehimiet, ir-regoli u l-istituzzjonijiet internazzjonali u reġjonali biex jirregolaw u jikkontrollaw l-attività tal-bniedem fl-oċeani. Il-FEMS jenħtieġ li jiffinanzja l-arranġamenti internazzjonali li kkonkludiet l-Unjoni f’oqsma li mhumiex koperti mill-Ftehimiet ta’ Sħubija dwar is-Sajd Sostenibbli stabbiliti ma’ diversi pajjiżi terzi, u jiffinanzja wkoll il-kontribuzzjoni legali tas-sħubija tal-Unjoni lill-organizzazzjonijiet reġjonali għall-ġestjoni tas-sajd. Il-ftehimiet ta’ sħubija dwar is-sajd sostenibbli u l-organizzazzjonijiet reġjonali għall-ġestjoni tas-sajd se jibqgħu jkunu ffinanzjati taħt linji differenti tal-baġit tal-Unjoni.
(42)Għas-sigurtà u d-difiża, il-protezzjoni tal-fruntieri u s-sorveljanza marittima mtejba huma essenzjali. Skont l-Istrateġija tal-Unjoni Ewropea għas-Sigurtà Marittima adottata mill-Kunsill tal-Unjoni Ewropea fl-24 ta’ Ġunju 2014, u l-Pjan ta’ Azzjoni tagħha, adottat fis-16 ta’ Diċembru 2014, it-tpartit tal-informazzjoni u l-kooperazzjoni bejn il-Gwardja Ewropea tal-Fruntiera u tal-Kosta, l-Aġenzija Ewropea għas-Sikurezza Marittima u l-Aġenzija Ewropea għall-Gwardja tal-Fruntiera u tal-Kosta huma importanti ħafna biex jintlaħqu dawn l-għanijiet. Għalhekk jenħtieġ li l-FEMS jappoġġa s-sorveljanza marittima u l-kooperazzjoni tal-gwardja tal-kosta taħt ġestjoni kondiviża u ġestjoni diretta, anki billi jinxtraw l-oġġetti meħtieġa biex jitwettqu ħidmiet marittimi bi skopijiet multipli. Jenħtieġ ukoll li jippermetti lill-aġenziji rilevanti jimplimentaw l-appoġġ fil-qasam tas-sorveljanza u s-sigurtà marittima permezz tal-ġestjoni indiretta.
(43)B’ġestjoni kondiviża, kull Stat Membru jenħtieġ li jħejji programm wieħed li jrid jiġi approvati mill-Kummissjoni. Fil-kuntest tar-reġjonalizzazzjoni, u biex l-Istati Membri jitħeġġew isegwu metodu aktar strateġiku meta jkunu qegħdin iħejju l-programmi, jenħtieġ li l-Kummissjoni tiżviluppa analiżi ta’ kull baċir tal-baħar li tindika l-elementi tajbin u d-dgħufijiet komuni mill-perspettiva tal-ksib tal-għanijiet tal-PKS. Dik l-analiżi tkun tgħin kemm lill-Istati Membri, kif ukoll lill-Kummissjoni biex jinnegozjaw kull programm filwaqt li jitqiesu l-isfidi u l-bżonnijiet reġjonali. Meta tkun qed tivvaluta l-programmi, il-Kummissjoni trid tqis l-isfidi ambjentali u soċjoekonomiċi tal-PKS, il-prestazzjoni soċjoekonomika tal-ekonomija blu sostenibbli, l-isfidi fil-livell tal-baċiri tal-baħar, il-konservazzjoni u r-restawr tal-ekosistemi marini, it-tnaqqis tal-iskart fil-baħar u l-mitigazzjoni tat-tibdil fil-klima u l-addattament għalih.
(44)Kemm ikun qed jagħti riżultati tajbin l-appoġġ tal-FEMS irid jiġi vvalutat skont l-indikaturi. Jenħtieġ li l-Kummissjoni twettaq analiżi tal-prestazzjoni li tippermetti s-sejbien bikri ta’ problemi potenzjali fl-implimentazzjoni u li toffri azzjonijiet korrettivi, ibbażata fuq ir-rapporti annwali dwar il-prestazzjoni li jħejju l-Istati Membri, u li fihom jirrappurtaw il-progress tagħhom lejn l-ilħiq ta’ stadji importanti u miri. Għal dan jenħtieġ li jiġi stabbilit qafas ta’ monitoraġġ u evalwazzjoni.
(45)Skont il-paragrafi 22 u 23 tal-Ftehim Interinstituzzjonali bejn il-Parlament Ewropew, il-Kunsill tal-Unjoni Ewropea u l-Kummissjoni tat-13 ta’ April 2016 dwar it-Tfassil Aħjar tal-Liġijiet, teżisti l-ħtieġa li l-FEMS jiġi evalwat skont l-informazzjoni li tinġabar permezz ta’ rekwiżiti speċifiċi għall-monitoraġġ, filwaqt li tiġi evitata r-regolamentazzjoni u l-piżijiet amministrattivi żejda, b’mod partikolari fuq l-Istati Membri. Fejn jixraq, dawn ir-rekwiżiti jistgħu jinkludu indikaturi li jistgħu jitkejlu li fuqhom jiġu evalwati l-effetti tal-FEMS fil-prattika.
(46)Jenħtieġ li l-Kummissjoni timplimenta azzjonijiet ta’ informazzjoni u ta’ komunikazzjoni relatati mal-Programm, u l-azzjonijiet u r-riżultati tagħha. Ir-riżorsi finanzjarji allokati għall-FEMS jenħtieġ li jikkontribwixxu wkoll għall-komunikazzjoni korporattiva dwar il-prijoritajiet politiċi tal-Unjoni, sakemm dawn ikunu b’rabta mal-prijoritajiet tal-FEMS.
(47)Skont ir-Regolament (UE) Nru [ir-Regolament dwar ir-regoli finanzjarji li japplikaw għall-baġit ġenerali tal-Unjoni], ir-Regolament (UE, Euratom) Nru 883/2013 tal-Parlament Ewropew u tal-Kunsill, ir-Regolament tal-Kunsill (Euratom, KE) Nru 2988/95, ir-Regolament tal-Kunsill (Euratom, KE) Nru 2185/96 u r-Regolament tal-Kunsill (UE) 2017/1939 , l-interessi finanzjarji tal-Unjoni jenħtieġ li jkunu protetti permezz ta’ miżuri proporzjonati, fosthom il-prevenzjoni, id-detezzjoni, il-korrezzjoni u l-investigazzjoni ta’ irregolaritajiet u ta’ frodi, l-irkupru ta’ fondi mitlufa, imħallsa bi żball jew użati b’mod mhux korrett u fejn xieraq, l-impożizzjoni ta’ sanzjonijiet amministrattivi. B’mod partikolari, skont ir-Regolament (UE, Euratom) Nru 883/2013 u r-Regolament (Euratom, KE) Nru 2185/96, l-Uffiċċju Ewropew Kontra l-Frodi (OLAF) jista’ jwettaq investigazzjonijiet, fosthom kontrolli u spezzjonijiet fuq il-post, bil-ħsieb li jistabbilixxi jekk kienx hemm frodi, korruzzjoni jew xi attività illegali oħra li taffettwa l-interessi finanzjarji tal-Unjoni. Skont ir-Regolament tal-Kunsill (UE) 2017/1939, l-Uffiċċju tal-Prosekutur Pubbliku Ewropew (UPPE) jista’ jinvestiga u jressaq każijiet ta’ frodi u attivitajiet illegali oħrajn li jaffettwaw l-interessi finanzjarji tal-Unjoni, kif previst fid-Direttiva (UE) 2017/1371 tal-Parlament Ewropew u tal-Kunsill. Skont ir-Regolament (UE) Nru [ir-Regolament dwar ir-regoli finanzjarji li japplikaw għall-baġit ġenerali tal-Unjoni], kwalunkwe persuna jew entità li tirċievi fondi tal-Unjoni trid tikkoopera bis-sħiħ fil-protezzjoni tal-interessi finanzjarji tal-Unjoni, tagħti d-drittijiet u l-aċċess meħtieġa lill-Kummissjoni, lill-OLAF, lill-UPPE u lill-Qorti Ewropea tal-Awdituri (QEA) u tiżgura li kull parti terza involuta fl-implimentazzjoni tal-fondi tal-Unjoni tagħti drittijiet ekwivalenti. L-Istati Membri jeħtiġilhom jiżguraw li fil-ġestjoni u l-implimentazzjoni tal-FEMS, jiġu mħarsa l-interessi finanzjarji tal-Unjoni, bi qbil mar-Regolament (UE) Nru [ir-Regolament dwar ir-regoli finanzjarji li japplikaw għall-baġit ġenerali tal-Unjoni] u r-Regolament (UE) Nru [ir-Regolament li jistabbilixxi Dispożizzjonijiet Komuni].
(48)Biex tiżdied it-trasparenza f’dak li għandu x’jaqsam mal-użu tal-fondi tal-Unjoni u l-ġestjoni finanzjarja tajba tagħhom, b’mod partikolari biex ikun imsaħħaħ il-kontroll pubbliku tal-flus li jintużaw, jenħtieġ li ċerta informazzjoni dwar l-operazzjonijiet iffinanzjati mill-FEMS tiġi ppubblikata f’sit web tal-Istati Membri bi qbil mar-Regolament (UE) Nru [ir-Regolament dwar Dispożizzjonijiet Komuni]. Meta Stat Membru jippubblika l-informazzjoni dwar operazzjonijiet iffinanzjati mill-FEMS, iridu jiġu segwiti r-regoli dwar il-protezzjoni tad-data personali stabbiliti fir-Regolament (UE) Nru 2016/679 tal-Parlament Ewropew u tal-Kunsill.
(49)Biex jiġu supplimentati u emendati ċerti elementi ta’ dan ir-Regolament li mhumiex essenzjali, il-Kummissjoni jenħtieġ li tingħata s-setgħa li tadotta l-atti delegati bi qbil mal-Artikolu 290 tat-Trattat, f’dak li għandu x’jaqsam mal-identifikazzjoni tal-iskattar tal-limiti u t-tul ta’ żmien tal-inammissibbiltà rigward il-kriterji tal-applikazzjonijiet, id-definizzjoni tal-kundizzjonijiet marbutin mal-implimentazzjoni ta’ miżuri ta’ konservazzjoni għall-finanzjament mingħajr rabta mal-ispejjeż fil-każ tal-waqfien permanenti mill-attivitajiet tas-sajd, id-definizzjoni tal-kriterji għall-kalkolu tal-ispejjeż żejda minħabba l-iżvantaġġi speċifiċi tar-reġjuni ultraperiferiċi, id-definizzjoni tal-każijiet ta’ ksur mill-Istati Membri li jistgħu jiskattaw l-interruzzjoni tal-iskadenza tal-pagament, id-definizzjoni ta’ każijiet ta’ ksur serju mill-Istati Membri li jista’ jiskatta s-sospensjoni tal-pagamenti, id-definizzjoni tal-kriterji biex jiġi stabbilit il-livell tal-korrezzjonijiet finanzjarji li jridu jintużaw, u l-kriterji għall-applikazzjoni ta’ rati fissi jew ta’ korrezzjonijiet finanzjarji estrapolati, l-emendar tal-Anness I, u l-istabbiliment ta’ qafas ta’ monitoraġġ u evalwazzjoni. Biex issir tranżizzjoni faċli mill-iskema stabbilita bir-Regolament (UE) Nru 508/2014 tal-Parlament Ewropew u tal-Kunsill għall-iskema stabbilita b’dan ir-Regolament, jenħtieġ ukoll li l-Kummissjoni tingħata s-setgħa li tadotta l-atti delegati bi qbil mal-Artikolu 290 tat-Trattat rigward l-istabbiliment ta’ kundizzjonijiet tranżizzjonali.
(50)Biex ikunu żgurati kundizzjonijiet uniformi għall-implimentazzjoni ta’ dan ir-Regolament, jenħtieġ li l-Kummissjoni tingħata s-setgħat ta’ implimentazzjoni rigward l-approvazzjoni u l-emendar tal-programmi operazzjonali, għall-approvazzjoni u l-emendar tal-pjanijiet ta’ ħidma nazzjonali għall-ġbir tad-data, għas-sospensjoni tal-pagamenti u għall-korrezzjonijiet finanzjarji.
(51)Biex ikunu żgurati kundizzjonijiet uniformi għall-implimentazzjoni ta’ dan ir-Regolament, jenħtieġ li l-Kummissjoni tingħata s-setgħat ta’ implimentazzjoni għall-proċeduri, il-format u l-iskedi għat-tressiq tal-pjanijiet ta’ ħidma nazzjonali dwar il-ġbir tad-data, u l-preżentazzjoni tar-rapport annwali dwar il-prestazzjoni.
ADOTTAW DAN IR-REGOLAMENT:
TITOLU I: QAFAS ĠENERALI
KAPITOLU I
Dispożizzjonijiet Ġenerali
Artikolu 1
Suġġett
Dan ir-Regolament jistabbilixxi l-Fond Ewropew għall-Affarijiet Marittimi u s-Sajd (il-FEMS). Huwa jistabbilixxi l-prijoritajiet tal-FEMS, il-baġit għall-perjodu 2021 sal-2027, it-tipi ta’ finanzjament tal-Unjoni u r-regoli speċifiċi għall-għotja ta’ dan il-finanzjament, li jikkomplementaw ir-regoli ġenerali li japplikaw għall-FEMS skont ir-Regolament (UE) Nru [ir-Regolament li jistabbilixxi Dispożizzjonijiet Komuni].
Artikolu 2
Ambitu ġeografiku
Dan ir-Regolament japplika għal operazzjonijiet imwettqa fit-territorju tal-Unjoni dment li ma jkunx previst mod ieħor f’dan ir-Regolament.
Artikolu 3
Definizzjonijiet
1.Għall-finijiet ta’ dan ir-Regolament u mingħajr preġudizzju għall-paragrafu 2, għandhom japplikaw id-definizzjonijiet imsemmija fl-Artikolu 4 tar-Regolament (UE) Nru 1380/2013, fl-Artikolu 5 tar-Regolament (UE) Nru 1379/2013, fl-Artikolu 4 tar-Regolament (KE) Nru 1224/2009 u fl-Artikolu 2 tar-Regolament (UE) Nru [ir-Regolament li jistabbilixxi Dispożizzjonijiet Komuni].
2.Għall-finijiet ta’ dan ir-Regolament, għandhom japplikaw id-definizzjonijiet li ġejjin:
(1)“operazzjoni ta’ taħlit” tfisser azzjonijiet appoġġati mill-baġit tal-Unjoni, anki f’faċilitajiet ta’ taħlit skont l-Artikolu 2(6) tar-Regolament (UE) Nru [ir-Regolament dwar ir-regoli finanzjarji li japplikaw għall-baġit ġenerali tal-Unjoni], li jikkumbinaw forom ta’ appoġġ li mhumiex rimborsabbli u/jew strumenti finanzjarji mill-baġit tal-Unjoni b’forom ta’ appoġġ rimborsabbli minn istituzzjonijiet ta’ finanzjament pubbliku għall-iżvilupp jew minn istituzzjonijiet ta’ finanzjament pubbliku oħrajn, kif ukoll minn istituzzjonijiet ta’ finanzjament kummerċjali u mill-investituri;
(2)“ambjent komuni għall-qsim tal-informazzjoni” (CISE) tfisser ambjent ta’ sistemi żviluppati biex jappoġġaw l-iskambju tal-informazzjoni bejn l-awtoritajiet involuti fis-sorveljanza marittima, transsettorjali u transfruntiera, biex jittejjeb l-għarfien tagħhom tal-attivitajiet li jkunu qed isiru fuq il-baħar;
(3)“gwardja tal-kosta” tfisser l-awtoritajiet nazzjonali li jwettqu l-ħidmiet ta’ gwardja kostali, li jinkludu s-sikurezza marittima, is-sigurtà marittima, id-dwana marittima, il-prevenzjoni u t-trażżin tat-traffikar u tal-kuntrabandu, l-infurzar tal-liġi marittima konnessa ma’ dawn, il-kontroll tal-fruntieri marittimi, is-sorveljanza marittima, il-ħarsien tal-ambjent tal-baħar, it-tiftix u s-salvataġġ, ir-rispons għall-inċidenti u għad-diżastri, il-kontroll tas-sajd u attivitajiet oħrajn b’rabta ma’ dawk il-funzjonijiet;
(4)“Netwerk Ewropew ta’ Osservazzjoni u Data Marittima” (EMODnet) tfisser sħubija li toffri data tal-baħar ta’ kwalità assigurata, interoperabbli u armonizzata, billi tgħaqqad flimkien id-data tal-baħar u l-metadata biex dawn ir-riżorsi frammentati jkunu aktar disponibbli għall-utenti pubbliċi u privati u jkunu jistgħu jintużaw aktar faċilment;
(5)“is-sajd esploratorju” tfisser is-sajd ta’ stokkijiet li ma ġewx mistada jew ma ġewx mistada bl-użu ta’ xi tip ta’ rkaptu partikolari jew b’teknika partikolari fl-għaxar snin preċedenti;
(6)“sajjied” tfisser kwalunkwe persuna involuta f’attivitajiet ta’ sajd kummerċjali, kif rikonoxxut mill-Istat Membru;
(7)“sajd fl-ibħra interni” tfisser attivitajiet tas-sajd imwettqa għal skopijiet kummerċjali fl-ibħra interni minn bastimenti jew ’mezzi oħra, inklużi dawk użati għas-sajd fis-silġ;
(8)“il-governanza tal-oċeani” hija inizjattiva tal-Unjoni għat-titjib tal-istruttura ġenerali ta’ proċessi, ftehimiet, arranġamenti, regoli u istituzzjonijiet internazzjonali u reġjonali permezz ta’ metodu koerenti transsettorjali u bbażat fuq ir-regoli, biex ikun żgurat li jkun hemm sikurezza u sigurtà fl-oċeani u li dawn ikunu f’saħħithom, nodfa, u ġestiti b’mod sostenibbli;
(9)“il-politika marittima” tfisser il-politika tal-Unjoni li l-għan tagħha huwa li trawwem teħid ta’ deċiżjonijiet ikkoordinat u konsistenti sabiex jiġi massimizzat l-iżvilupp sostenibbli, it-tkabbir ekonomiku u l-koeżjoni soċjali tal-Istati Membri, u b’mod partikolari r-reġjuni tal-kosta, insulari u ultraperiferiċi tal-Unjoni, kif ukoll is-setturi marittimi, permezz ta’ politiki konsistenti relatati mas-settur marittimu u kooperazzjoni internazzjonali rilevanti;
(10)“is-sigurtà u s-sorveljanza marittima” tfisser l-attivitajiet li jsiru biex l-avvenimenti u l-azzjonijiet kollha b’rabta mad-dominju marittimu li jistgħu jagħmlu impatt fl-oqsma tas-sikurezza u tas-sigurtà marittima, tal-infurzar tal-liġi, tad-difiża, tal-kontroll tal-fruntieri, tal-ħarsien tal-ambjent tal-baħar, tal-kontroll tas-sajd, tal-kummerċ u tal-interess ekonomiku tal-Unjoni jinftiehmu, jiġu pprevenuti fejn japplika, u jkunu ġestiti b’mod komprensiv;
(11)“l-ippjanar tal-ispazju marittimu” tfisser proċess li permezz tiegħu l-awtoritajiet tal-Istat Membru relevanti janalizzaw u jorganizzaw l-attivitajiet umani f’żoni tal-baħar sabiex jilħqu l-għanijiet ekoloġiċi, ekonomiċi u soċjali;
(12)“l-investimenti produttivi fl-akkwakultura” tfisser l-investimenti fil-kostruzzjoni, fit-tkabbir, fil-modernizzazzjoni jew fit-tagħmir ta’ faċilitajiet fejn issir il-produzzjoni tal-akkwakultura;
(13)“strateġija tal-baċiri tal-baħar” tfisser qafas integrat biex jiġu indirizzati l-isfidi komuni marini u marittimi li jaffaċċaw l-Istati Membri, u fejn hu rilevanti xi pajjiżi terzi, f’baċir tal-baħar jew f’baċir ta’ taħt il-baħar, u biex jiġu promossi l-kooperazzjoni u l-koordinazzjoni biex tinkiseb il-koeżjoni ekonomika, soċjali u territorjali; tali strateġija tiġi żviluppata mill-Kummissjoni b’kooperazzjoni mal-pajjiżi kkonċernati, mar-reġjuni tagħhom u ma' partijiet ikkonċernati oħrajn skont il-każ;
(14)“sajd kostali artiġjanali” tfisser sajd imwettaq minn bastimenti tas-sajd b’tul globali ta’ inqas minn 12-il metru u li ma jużawx tagħmir irmunkat tas-sajd kif elenkat fl-Artikolu 2(1) tar-Regolament tal-Kunsill (KE) Nru 1967/2006;
(15)“ekonomija blu sostenibbli” tfisser l-attivitajiet ekonomiċi settorjali u transsettorjali kollha madwar is-suq uniku kollu, li għandhom rabta mal-oċeani, mal-ibħra, mal-kosti u mal-ilmijiet interni, li jkopru r-reġjuni ultraperifiċi u l-pajjiżi interni tal-Unjoni, u jinkludu s-setturi li qegħdin jiżviluppaw u prodotti u servizzi mhux tas-suq u li huma konsistenti mal-leġiżlazzjoni ambjentali tal-Unjoni.
Artikolu 4
Il-prijoritajiet
Il-FEMS għandu jikkontribwixxi għall-implimentazzjoni tal-PKS u tal-politika marittima. Għandu jsegwi l-prijortitajiet li ġejjin:
(1)it-trawwim tas-sajd sostenibbli u l-konservazzjoni tar-riżorsi bijoloġiċi tal-baħar;
(2)il-kontribut għas-sigurtà tal-ikel fl-Unjoni permezz ta’ swieq u akkwakultura kompetittivi u sostenibbli;
(3)il-promozzjoni tat-tkabbir ta’ ekonomija blu sostenibbli u t-trawwim ta’ komunitajiet kostali li jiffjorixxu;
(4)It-tisħiħ tal-governanza tal-oċeani internazzjonali u l-promozzjoni ta’ ibħra u oċeani sikuri, indaf u ġestiti b’mod sostenibbli.
L-appoġġ fil-kuntest tal-FEMS għandu jikkontribwixxi biex jinkisbu l-għanijiet ambjentali tal-Unjoni, u dawk ta’ mitigazzjoni tat-tibdil fil-klima u tal-addattament għalih. Din il-kontribuzzjoni għandha tiġi rintraċċata skont il-metodoloġija stabbilita fl-Anness IV.
KAPITOLU II
Qafas Finanzjarju
Artikolu 5
Baġit
1.Il-pakkett finanzjarju għall-implimentazzjoni tal-FEMS għall-perjodu mill-2021 sal-2027 għandu jkun ta’ EUR 6 140 000 000 bil-prezzijiet attwali.
2.Il-parti tal-pakkett finanzjarju allokata lill-FEMS fit-Titolu II għandha tiġi implimentata b’ġestjoni kondiviża skont ir-Regolament (UE) Nru [ir-Regolament li jistabbilixxi Dispożizzjonijiet Komuni] u l-Artikolu 63 tar-Regolament (UE) Nru [ir-Regolament dwar ir-regoli finanzjarji li japplikaw għall-baġit ġenerali tal-Unjoni].
3.Il-parti tal-pakkett finanzjarju allokata lill-FEMS fit-Titolu III għandha tiġi implimentata jew direttament mill-Kummissjoni, bi qbil mal-Artikolu 62(1)(a) tar-Regolament (UE) Nru [ir-Regolament dwar ir-regoli finanzjarji li japplikaw għall-baġit tal-Unjoni] jew fil-kuntest tal-ġestjoni indiretta skont l-Artikolu 62(1)(c) ta’ dak ir-Regolament.
Artikolu 6
Riżorsi baġitarji taħt ġestjoni kondiviża
1.Il-parti tal-pakkett finanzjarju taħt ġestjoni kondiviża kif speċifikat fit-Titolu II għandha tkun ta’ EUR 5 311 000 000 bi prezzijiet tal-lum skont it-tqassim annwali stabbilit fl-Anness V.
2.Għall-operazzjonijiet fir-reġjuni ultraperifiċi, kull Stat Membru kkonċernat, fl-appoġġ finanzjarju tiegħu mill-Unjoni stabbilit fl-Anness V, għandu jalloka mill-inqas:
(a)EUR 102 000 000 għall-Azores u l-Madejra;
(b)EUR 82 000 000 għall-Gżejjer Kanarji;
(c)EUR 131 000 000 għal Guadeloupe, il-Guyana Franċiża, Martinique, Mayotte, Réunion u Saint-Martin.
3.Il-kumpens imsemmi fl-Artikolu 21 ma għandux jaqbeż il-50% ta’ kull waħda mill-allokazzjonijiet imsemmijin fil-punti (a), (b) u (c) tal-paragrafu 2.
4.Mill-inqas 15% tal-appoġġ finanzjarju tal-Unjoni allokat lil kull Stat Membru għandu jiġi allokat għall-oqsma ta’ appoġġ imsemmija fl-Artikoli 19 u 20. L-Istati Membri li ma għanhomx aċċess għall-ilmijiet tal-Unjoni jistgħu japplikaw perċentwal iżjed baxx għad-daqs tal-ħidmiet tagħhom ta’ kontroll u ġbir tad-data.
5.L-appoġġ finanzjarju tal-Unjoni mill-FEMS allokat lil kull Stat Membru għall-oqsma ta’ appoġġ imsemmija fl-Artikoli 17(2) u 18 ma għandux ikun aktar mill-iktar wieħed għoli bejn dawn iż-żewġ limiti:
(a)EUR 6 000 000; jew
(b)10% tal-appoġġ finanzjarju tal-Unjoni allokat lil kull Stat Membru.
6.Bi qbil mal-Artikoli 30 sa 32 tar-Regolament (UE) Nru [ir-Regolament li jistabbilixxi Dispożizzjonijiet Komuni], il-FEMS jista jappoġġa l-għajnuna teknika għall-amministrazzjoni u l-użu effettivi ta’ dan il-Fond fuq l-inizjattiva ta’ Stat Membru.
Artikolu 7
Distribuzzjoni finanzjarja għall-ġestjoni kondiviża
Ir-riżorsi li huma disponibbli għall-impenji tal-Istati Membri msemmija fl-Artikolu 6(1) għall-perjodu mill-2021 sal-2027 huma stabbiliti fit-tabella fl-Anness V.
Artikolu 8
Riżorsi baġitarji taħt ġestjoni diretta
1.Il-parti tal-pakkett finanzjarju taħt ġestjoni diretta u ġestjoni indiretta, kif speċifikat fit-Titolu III għandha tkun ta’ EUR 829 000 000 bil-prezzijiet tal-lum.
2.L-ammont imsemmi fil-paragrafu 1 jista’ jintuża għal assistenza teknika u amministrattiva għall-implimentazzjoni tal-Programm, bħal attivitajiet preparatorji, ta’ monitoraġġ, ta’ kontroll, ta’ awditu u ta’ evalwazzjoni inklużi sistemi korporattivi tat-teknoloġiji tal-informazzjoni.
B’mod partikolari, fuq inizjattiva tal-Kummissjoni, u soġġett għal-limitu massimu ta’ 1,7 % tal-pakkett finanzjarju msemmi fl-Artikolu 5(1), il-FEMS jista’ jappoġġa:
(a)l-assistenza teknika għall-implimentazzjoni ta’ dan ir-Regolament kif imsemmija fl-Artikolu 29 tar-Regolament (UE) Nru [ir-Regolament li jistabbilixxi Dispożizzjonijiet Komuni];
(b)it-tħejjija, il-monitoraġġ u l-evalwazzjoni ta’ ftehimiet dwar is-sajd sostenibbli u s-sehem tal-Unjoni fl-organizzazzjonijiet ta’ ġestjoni tas-sajd reġjonali;
(c)l-istabbiliment ta’ netwerk Ewropew ta’ gruppi ta’ azzjoni lokali.
3.Il-FEMS għandu jappoġġa l-ispejjeż tal-attivitajiet ta’ informazzjoni u komunikazzjoni li huma marbutin mal-implimentazzjoni ta’ dan ir-Regolament.
KAPITOLU III
Programmar
Artikolu 9
Programmar għal miżuri ffinanzjati taħt ġestjoni kondiviża
1.Bi qbil mal-Artikolu 16 tar-Regolament (UE) Nru [ir-Regolament li jistabbilixxi Dispożizzjonijiet Komuni], kull Stat Membru għandu jħejji programm wieħed biex jimplimenta l-prijoritajiet imsemmija fl-Artikolu 4.
2.L-appoġġ skont it-Titolu II għandu jkun organizzat bi qbil mal-oqsma ta’ appoġġ stabbiliti fl-Anness II.
3.Minbarra l-elementi msemmija fl-Artikolu 17 tar-Regolament (UE) Nru [ir-Regolament li jistabbilixxi Dispożizzjonijiet Komuni], il-programm operattiv għandu jinkludi:
(a)analiżi tas-sitwazzjoni f’termini tal-preġji, id-dgħufijiet, l-opportunitajiet u t-theddid u l-identifikazzjoni tal-ħtiġijiet li għandhom jiġu indirizzati fiż-żona ġeografika, inklużi fejn rilevanti, il-baċiri tal-baħar, koperti mill-programm;
(b)il-pjan ta’ azzjoni għas-sajd kostali artiġjanali msemmi fl-Artikolu 15;
(c)fejn japplika, il-pjanijiet ta’ azzjoni għar-reġjuni ultraperiferiċi msemmijin fil-paragrafu 4.
4.Bħala parti mill-programm tagħhom, l-Istati Membri kkonċernati għandhom iħejju pjan ta’ azzjoni għal kull wieħed mir-reġjuni ultraperifiċi tagħhom imsemmijin fl-Artikolu 6(2), li għandhom jistabbilixxu:
(a)strateġija għall-isfruttament sostenibbli tas-sajd u għall-iżvilupp ta’ setturi sostenibbli tal-ekonomija blu;
(b)deskrizzjoni tal-azzjonijiet ewlenin previsti u l-mezzi finanzjarji li jikkorrispondu għalihom, fosthom:
i
l-appoġġ strutturali għas-settur tas-sajd u l-akkwakultura skont it-Titolu II;
ii
il-kumpens għall-ispejjeż addizzjonali msemmija fl-Artikolu 21;
iii
kull investiment ieħor fl-ekonomija blu sostenibbli meħtieġ biex jinkiseb żvilupp kostali sostenibbli.
5.Il-Kummissjoni għandha tiżviluppa analiżi ta’ kull baċir tal-baħar li tindika l-elementi tajbin u d-dgħufijiet komuni tal-baċir tal-baħar f’dak li għandu x’jaqsam mal-kisba tal-għanijiet tal-PKS, kif imsemmi fl-Artikolu 2 tar-Regolament (UE) Nru 1380/2013. Fejn ikun rilevanti, din l-analiżi għandha tqis l-istrateġiji makroreġjonali u dwar il-baċiri tal-baħar eżistenti.
6.Il-Kummissjoni għandha tivvaluta l-programm skont l-Artikolu 18 tar-Regolament (UE) Nru [ir-Regolament li jistabbilixxi Dispożizzjonijiet Komuni]. F’din il-valutazzjoni għandha tqis, b’mod partikolari:
(a)it-tkabbir kemm jista’ jkun tal-kontribut tal-programm għall-prijoritajiet imsemmijin fl-Artikolu 4;
(b)il-bilanċ bejn il-kapaċità tas-sajd tal-flotot u l-opportunitajiet tas-sajd disponibbli, kif ikunu ġew irrappurtati kull sena mill-Istati Membri bi qbil mal-Artikolu 22(2) tar-Regolament(UE) Nru 1380/2013;
(c)fejn japplika, il-pjanijiet pluriennali ta’ ġestjoni adottati skont l-Artikoli 9 u 10 tar-Regolament (UE) Nru 1380/2013, il-pjanijiet ta’ ġestjoni adottati skont l-Artikolu 19 tar-Regolament tal-Kunsill (KE) Nru 1967/2006, u r-rakkomandazzjonijiet tal-organizzazzjonijiet reġjonali tal-ġestjoni tas-sajd, fejn japplika għall-Unjoni;
(d)l-implimentazzjoni tal-obbligu ta’ ħatt l-art imsemmi fl-Artikolu 15 tar-Regolament (UE) Nru 1380/2013;
(e)l-evidenza l-aktar riċenti dwar il-prestazzjoni soċjoekonomika tal-ekonomija blu sostenibbli, u b’mod partikolari tas-settur tas-sajd u l-akkwakultura;
(f)fejn japplika, l-analiżi msemmija fil-paragrafu 5;
(g)il-kontribut tal-programm għall-konservazzjoni u r-restawr tal-ekosistemi tal-baħar, filwaqt li l-appoġġ b’rabta man-Natura 2000 għandu jkun skont l-oqfsa ta’ azzjoni prijoritarizzati stabbiliti skont l-Artikolu 8(4) tad-Direttiva 92/43/KEE;
(h)il-kontribut tal-programm għat-tnaqqis tal-iskart fil-baħar, bi qbil mad-Direttiva xx/xx tal-Parlament Ewropew u tal-Kunsill [id-Direttiva dwar it-tnaqqis tal-impatt ta’ ċerti prodotti tal-plastik fuq l-ambjent];
(i)il-kontribut tal-programm għall-mitigazzjoni tat-tibdil fil-klima u l-adattament għalih.
7.Il-Kummissjoni għandha tadotta atti ta’ implimentazzjoni li japprovaw il-programm operazzjonali soġġett għall-Artikolu 18 tar-Regolament (UE) Nru [ir-Regolament li jistabbilixxi Dispożizzjonijiet Komuni]. Il-Kummissjoni għandha tapprova l-programm propost dment li tkun ingħatat l-informazzjoni meħtieġa.
8.Soġġett għall-Artikolu 19 tar-Regolament (UE) Nru [ir-Regolament li jistabbilixxi Dispożizzjonijiet Komuni] l-Kummissjoni għandha tadotta l-atti ta’ implimentazzjoni li japprovaw l-emendi għal programm.
Artikolu 10
Il-programmar għall-appoġġ taħt ġestjoni diretta u indiretta
It-Titoli III għandhom jiġu implimentati permezz tal-programmi ta’ ħidma msemmija fl-Artikolu 110 tar-Regolament (UE) Nru [ir-Regolament dwar ir-regoli li japplikaw għall-baġit ġenerali tal-Unjoni]. Fejn japplika, il-programmi ta’ ħidma għandhom jistabbilixxu l-ammont totali riżervat għall-operazzjonijet ta’ taħlit imsemmijin fl-Artikolu 47.
TITOLU II: APPOĠĠ B’ĠESTJONI KONDIVIŻA
KAPITOLU I
Prinċipji ġenerali tal-appoġġ
Artikolu 11
L-għajnuna mill-Istat
1.Mingħajr preġudizzju għall-paragrafu 2, l-Artikoli 107, 108 u 109 tat-Trattat għandhom japplikaw għall-għajnuna mogħtija mill-Istati Membri lill-impriżi fis-settur tas-sajd u l-akkwakultura.
2.Madankollu, l-Artikoli 107, 108 u 109 tat-Trattat ma għandhomx japplikaw għall-pagamenti li jagħmlu l-Istati Membri skont dan ir-Regolament, u li huma fil-kamp ta’ applikazzjoni tal-Artikolu 42 tat-Trattat.
3.Id-dispożizzjonijiet nazzjonali li jistabbilixxu l-finanzjament pubbliku li jmorru lil hinn mid-dispożizzjonijiet ta’ dan ir-Regolament f’dak li għandu x’jaqsam mal-pagamenti imsemmija fil-paragrafu 2, għandhom jiġu ttrattati b’mod ġenerali abbażi tal-paragrafu 1.
Artikolu 12
L-Ammissibbiltà tal-applikazzjonijiet
1.Kull applikazzjoniji li titressaq minn benefiċjarju għall-appoġġ mill-FEMS għandha tkun inammissibbli għall-perjodu ta’ żmien identifikat stabbilit skont il-paragrafu 4, jekk ikun ġie ddeterminat mill-awtorità kompetenti li l-operatur ikkonċernat:
(a)ikun għamel ksur serju skont l-Artikolu 42 tar-Regolament tal-Kunsill (KE) Nru 1005/2008 jew l-Artikolu 90 tar-Regolament tal-Kunsill (KE) Nru 1224/2009 jew skont xi leġiżlazzjoni oħra adottata mill-Parlament Ewropew u mill-Kunsill;
(b)kien involut fl-operazzjoni, fil-ġestjoni jew fis-sjieda ta’ bastimenti tas-sajd inklużi fil-lista ta’ bastimenti IUU tal-Unjoni kif hemm stipulat fl-Artikolu 40(3) tar-Regolament (KE) Nru 1005/2008, jew ta’ bastimenti bil-bandiera ta’ pajjiżi identifikati bħala pajjiżi terzi li ma jikkooperawx kif stipulat fl-Artikolu 33 ta’ dak Regolament; jew
(c)wettaq xi reat(i) ambjentali stabbilit(i) fl-Artikoli 3 u 4 tad-Direttiva 2008/99/KE tal-Parlament Ewropew u tal-Kunsill, fejn issir applikazzjoni għall-appoġġ skont l-Artikolu 23.
2.Wara li jippreżenta l-applikazzjoni, il-benefiċjarju għandu jibqa’ jikkonforma mal-kundizzjonijiet ta’ ammissibbiltà għall-applikazzjonijiet imsemmija fil-paragrafu 1 matul il-perjodu kollu tal-implimentazzjoni tal-operazzjoni u għal perjodu ta’ ħames snin wara li jkun sar l-aħħar pagament lill-benefiċjarju.
3.Mingħajr preġudizzju għar-regoli nazzjonali li għandhom kamp ta’ applikazzjoni aktar wiesa’ li jkun hemm qbil dwarhom fil-Ftehim ta’ sħubija mal-Istat Membru kkonċernat, applikazzjoni li titressaq minn benefiċjarju għandha tkun ammissibbli għal perjodu ta’ żmien identifikat stabbilit skont il-paragrafu 4, jekk ikun ġie ddeterminat mill-awtorità kompetenti li l-benefiċjarju jkun ikkommetta frodi, kif iddefinit fl-Artikolu 3 tad-Direttiva (UE) 2017/1371 tal-Parlament Ewropew u tal-Kunsill.
4.Il-Kummissjoni għandu jkollha s-setgħa li tadotta atti delegati skont l-Artikolu 52 dwar:
(a)l-identifikazzjoni tal-iskattar tal-limitu u t-tul ta’ żmien tal-inammissibbiltà msemmi fil-paragrafi 1 u 3, li għandu jkun proporzjonat man-natura, mal-gravità, mat-tul ta’ żmien u mar-ripetizzjoni tal-ksur serju, tar-reat jew tal-frodi, u għandu jkun ta’ mill-inqas sena;
(b)id-dati rilevanti tal-bidu jew tat-tmiem tal-perjodu taż-żmien imsemmi fil-paragrafi 1 u 3.
5.L-Istati Membri għandhom jeżiġu li l-benefiċjarji li jressqu applikazzjoni skont il-FEMS jagħtu dikjarazzjoni ffirmata li jirrispettaw il-kriterji elenkati fil-paragrafi 1 u 3 lill-awtorità ta’ ġestjoni. L-Istati Membri għandhom jivverifikaw il-veraċità ta’ dik id-dikjarazzjoni qabel ma japprovaw l-operazzjoni, abbażi tal-informazzjoni disponibbli fir-reġistri nazzjonali tal-ksur imsemmi fl-Artikolu 93 tar-Regolament (KE) Nru 1224/2009, jew kwalunkwe data oħra disponibbli.
Għall-finijiet tal-verifika msemmija fl-ewwel subparagrafu, Stat Membru għandu jipprovdi, fuq talba minn Stat Membru ieħor, l-informazzjoni li tkun tinsab fir-reġistru nazzjonali tiegħu ta’ ksur imsemmi fl-Artikolu 93 tar-Regolament (KE) Nru 1224/2009.
Artikolu 13
Operazzjonijiet ineliġibbli
L-operazzjonijiet li ġejjin ma għandhomx ikunu eliġibbli skont il-FEMS:
(a)operazzjonijiet li jżidu l-kapaċità tas-sajd ta’ bastiment jew li jsostnu l-akkwist ta’ tagħmir li jżid il-kapaċità tal-bastiment biex isib il-ħut;
(b)il-bini u l-akkwist ta’ bastimenti tas-sajd jew l-importazzjoni ta’ bastimenti tas-sajd jekk ma jkunx hemm previst mod ieħor f’dan ir-Regolament;
(c)it-trasferiment jew il-bdil tal-bandiera ta’ bastimenti tas-sajd lil pajjiżi terzi, lanqas permezz tal-ħolqien ta’ negozju bi sħab ma’ persuni minn dawk il-pajjiżi;
(d)il-waqfien temporanju jew permanenti tal-attivitajiet tas-sajd, sakemm ma jkunx previst mod ieħor f’dan ir-Regolament;
(e)is-sajd esploratorju;
(f)it-trasferiment tas-sjieda ta’ negozju;
(g)ir-ripopolazzjoni diretta, dment li dan ma jkunx previst b’mod espliċitu bħala miżura ta’ konservazzjoni minn att legali tal-Unjoni jew fil-każ ta’ ripopolazzjoni sperimentali;
(h)il-kostruzzjoni ta’ portijiet ġodda, ta’ siti ta’ żbark ġodda jew ta’ swali tal-irkant ġodda;
(i)mekkaniżmi ta’ intervent fis-suq li l-għan tagħhom ikun li jirtiraw il-prodotti tas-sajd jew tal-akkwakultura mis-suq b’mod temporanju jew permanenti biex tonqos il-provvista ħalli ma jinżilx il-prezz jew biex jogħla l-prezz; u bi tkomplija ma’ dan, operazzjonijiet ta’ ħżin f’katina loġistika li toħloq l-istess effetti, kemm jekk dan ikun intenzjonat, kif ukoll jekk ma jkunx;
(j)l-investiment abbord bastimenti tas-sajd li jkunu meħtieġa għall-konformità mar-rekwiżiti skont il-leġiżlazzjoni tal-Unjoni jew nazzjonali, inklużi r-rekwiżiti skont l-obbligi tal-Unjoni fil-kuntest tal-organizzazzjonijiet reġjonali tal-ġestjoni tas-sajd;
(k)l-investiment abbord il-bastimenti tas-sajd li jkunu ilhom iwettqu attivitajiet tas-sajd fil-baħar għal inqas minn 60 jum kull sena matul l-aħħar sentejn kalendarji ta’ qabel id-data li fiha tkun tressqet l-applikazzjoni għall-appoġġ.
KAPITOLU II
Prijorità 1: It-trawwim tas-sajd sostenibbli u l-konservazzjoni tar-riżorsi bijoloġiċi tal-baħar
Taqsima 1
Kundizzjonijiet ġenerali
Artikolu 14
L-ambitu ġenerali tal-appoġġ
1.L-appoġġ skont dan il-Kapitolu għandu jikkontribwixxi biex jintlaħqu l-għanijiet ambjentali, ekonomiċi, soċjali u tal-impjieg tal-PKS, kif stipulat fl-Artikolu 2 tar-Regolament (UE) Nru 1380/2013.
2.Meta jingħata l-appoġġ lil bastiment skont dan il-Kapitolu, dak il-bastiment ma għandux jiġi ttrasferit jew jingħata bandiera ġdida barra l-Unjoni għal mill-inqas ħames snin wara l-aħħar pagament li jkun ingħata għall-operazzjoni appoġġata.
3.L-appoġġ skont dan il-Kapitolu għandu japplika wkoll għas-sajd intern, bl-eċċezzjoni tal-Artikoli 15 u 17.
Taqsima 2
Sajd kostali artiġjanali
Artikolu 15
Pjan ta’ azzjoni għas-sajd kostali artiġjanali
1.Bħala parti mill-programm tagħhom, l-Istati Membri għandhom iħejju pjan ta’ azzjoni għas-sajd kostali artiġjanali li għandu jistabbilixxi l-istrateġija għall-iżvilupp ta’ sajd kostali artiġjanali sostenibbli u li jrendi l-profitti. Din l-istrateġija għandha titfassal mat-taqsimiet li ġejjin, fejn ikun japplika:
(a)l-aġġustament u l-ġestjoni tal-kapaċità tas-sajd;
(b)il-promozzjoni ta’ prattiki tas-sajd b’impatt żgħir, reżiljenti għat-tibdil fil-klima u b’livell baxx ta’ emissjonijiet tal-karbonju li jnaqqsu kemm jista’ jkun il-ħsara għall-ambjent tal-baħar;
(c)it-tisħiħ tal-katina tal-valur tas-settur u l-promozzjoni ta’ strateġiji ta’ kummerċjalizzazzjoni;
(d)il-promozzjoni tal-ħiliet, tal-għarfien, tal-innovazzjoni u tal-bini ta’ kapaċità;
(e)it-titjib tal-kundizzjonijiet tas-saħħa, tas-sikurezza u tax-xogħol abbord il-bastimenti tas-sajd;
(f)aktar konformità mar-rekwiżiti tal-ġbir ta’ data, tat-traċċabbiltà; tal-monitoraġġ, tal-kontroll u tas-sorveljanza;
(g)l-involviment fil-ġestjoni parteċipattiva tal-ispazju marittimu, anki ta’ żoni tal-baħar protetti u żoni tan-Natura 2000;
(h)id-diversifikazzjoni tal-attivitajiet fl-ekonomija blu sostenibbli;
(i)l-organizzazzjoni u l-parteċipazzjoni kollettiva fil-proċessi tat-teħid ta’ deċiżjonijiet u tal-konsulenza.
2.Il-pjan ta’ azzjoni għandu jqis il-linji gwida volontarji tal-FAO għall-assigurazzjoni tas-sajd artiġjanali sostenibbli u, fejn jixraq, il-pjan ta’ azzjoni reġjonali għas-sajd artiġjanali tal-Kummissjoni Ġenerali għas-Sajd fil-Mediterran.
3.Biex tiġi ssorveljata l-implimentazzjoni tal-istrateġija msemmija fil-paragrafu 1, il-pjan ta’ azzjoni għandu jistabbilixxi stadji importanti u miri speċifiċi b’rabta mal-indikaturi rilevanti stabbiliti fil-qafas ta’ monitoraġġ u evalwazzjoni msemmi fl-Artikolu 37.
Artikolu 16
L-investiment fil-bastimenti tas-sajd artiġjanali
1.Il-FEMS jista’ jappoġġa l-investimenti li ġejjin f’dak li għandu x’jaqsam mal-bastimenti tas-sajd artiġjanali li huma parti minn segment tal-flotta li dwaru l-aħħar rapport tal-kapaċità ta’ sajd, imsemmi fl-Artikolu 22(2) tar-Regolament(UE) Nru 1380/2013, ikun wera bilanċ mal-opportunitajiet tas-sajd disponibbli għal dak is-segment:
(a)l-ewwel akkwist ta’ bastiment tas-sajd minn sajjied żagħżugħ li, meta jressaq l-applikazzjoni jkun għadu ma għalaqx l-40 sena u li jkun ilu jaħdem ta’ sajjied għal mill-inqas ħames snin jew ikun kiseb kwalifika professjonali xierqa;
(b)is-sostituzzjoni jew il-modernizzazzjoni ta’ magna prinċipali jew anċillari.
2.Il-bastimenti msemmijin fil-paragrafu 1 għandhom ikunu mgħammra għas-sajd fuq il-baħar u jkollhom bejn ħames snin u 30 sena.
3.L-appoġġ imsemmi fil-paragrafu 1(b) jista’ jingħata biss taħt il-kundizzjonijiet li ġejjin:
(a)il-magna l-ġdida jew modernizzata ma għandhiex ikollha aktar potenza mill-magna attwali f’kW;
(b)kull tnaqqis fil-kapaċità tas-sajd f’kW minħabba s-sostituzzjoni jew il-modernizzazzjoni ta’ magna prinċipali jew anċillari għandu jitħassar b’mod permanenti mir-reġistru tal-flotta tas-sajd tal-Unjoni;
(c)il-potenza tal-magna tal-bastiment tas-sajd għandha tkun spezzjonata b’mod fiżiku mill-Istat Membru biex jiżgura li l-magna ma għandhiex aktar potenza minn dik iddikjarata fil-liċenzja tas-sajd.
4.Ma għandux jingħata appoġġ skont dan l-Artikolu jekk il-valutazzjoni tal-bilanċ bejn il-kapaċità tas-sajd u l-opportunitajiet tas-sajd fl-aħħar rapport imsemmi fl-Artikolu 22(2) tar-Regolament (UE) Nru 1380/2013 dwar is-segment tal-flotta li jiffurmaw parti minnu l-bastimenti kkonċernati, ma jkunx tħejja abbażi tal-indikaturi bioloġiċi, ekonomiċi u tal-użu tal-bastiment stabbiliti fil-linji gwida komuni msemmijin f’dak ir-Regolament.
Taqsima 3
Oqsma ta’ appoġġ speċifiċi
Artikolu 17
Il-ġestjoni tas-sajd u tal-flotot tas-sajd
1.Il-FEMS jista’ jappoġġa l-operazzjonijiet għall-ġestjoni tas-sajd u tal-flotot tas-sajd.
2.Jekk l-appoġġ imsemmi fil-paragrafu 1 jingħata bħala kumpens għall-waqfien permanenti mill-attivitajiet tas-sajd, għandhom ikunu rispettati l-kundizzjonijet li ġejjin:
(a)il-waqfien huwa previst bħala għodda ta’ pjan ta’ azzjoni msemmi fl-Artikolu 22(4) tar-Regolament (UE) Nru 1380/2013;
(b)il-waqfien isir permezz tal-iskrappjar tal-bastiment tas-sajd jew billi jiġi dekommissjonat u mmodifikat għal attivitajiet differenti mis-sajd kummerċjali, bi qbil mal-għanijiet tal-PKS u tal-pjanijiet pluriennali;
(c)il-bastiment tas-sajd huwa rreġistrat bħala attiv u wettaq attivitajiet tas-sajd fuq il-baħar għal mill-inqas 120 ġurnata kull sena matul l-aħħar tliet snin kalendarji ta’ qabel id-data li fiha tkun tressqet l-applikazzjoni għall-appoġġ;
(d)il-kapaċità tas-sajd ekwivalenti titħassar b’mod permanenti mir-reġistru tal-flotta tas-sajd tal-Unjoni, u jiġu rtirati b’mod permanenti l-liċenzji l-awtorizzazzjonijiet tas-sajd, b’konformità mal-Artikolu 22(5) u (6) tar-Regolament (UE) Nru 1380/2013; kif ukoll
(e)il-benefiċjarju jiġi pprojbit milli jirreġistra bastiment tas-sajd ġdid fil-ħames snin ta’ wara li jkun ħa l-appoġġ.
3.L-appoġġ għall-waqfien permanenti mill-attivitajiet tas-sajd imsemmi fil-paragrafu 2 għandu jiġi implimentat b’finanzjament li ma jkunx marbut ma’ spejjeż, bi qbil mal-Artikoli 46(a) u 89 tar-Regolament (UE) Nru [ir-Regolament li jistabbilixxi Dispożizzjonijiet Komuni], u għandu jkun ibbażat fuq:
(a)li jiġu ssodisfati kundizzjonijiet, bi qbil mal-Artikolu 46(a)(i) tar-Regolament (UE) Nru [ir-Regolament li jistabbilixxi Dispożizzjonijiet Komuni]; kif ukoll
(b)il-ksib ta’ riżultati, bi qbil mal-Artikolu 46(a)(ii) tar-Regolament (UE) Nru [ir-Regolament li jistabbilixxi Dispożizzjonijiet Komuni].
Il-Kummissjoni għandha tingħata s-setgħat li tadotta l-atti delegati, bi qbil mal-Artikolu 52, li jistipulaw il-kundizzjonijiet imsemmijin fil-punt (a), li għandu jkollhom rabta mal-implimentazzjoni ta’ miżuri ta’ konservazzjoni, kif imsemmi fl-Artikolu 7 tar-Regolament (UE) Nru 1380/2013.
4.Ma għandux jingħata appoġġ skont il-paragrafu 2, jekk il-valutazzjoni tal-bilanċ bejn il-kapaċità tas-sajd u l-opportunitajiet tas-sajd fl-aħħar rapport imsemmi fl-Artikolu 22(2) tar-Regolament (UE) Nru 1380/2013 dwar is-segment tal-flotta li jiffurmaw parti minnu l-bastimenti kkonċernati, ma jkunx tħejja abbażi tal-indikaturi bijoloġiċi, ekonomiċi u tal-użu tal-bastiment stabbiliti fil-linji gwida komuni msemmijin f’dak ir-Regolament.
Artikolu 18
Waqfien straordinarju mill-attivitajiet tas-sajd
1.Il-FEMS jista’ jappoġġa kumpens għall-waqfien straordinarju mill-attivitajiet tas-sajd minħabba:
(a)miżura ta’ konservazzjoni, kif imsemmi fil-punti (a), (b), (c) u (j) tal-Artikolu 7(1) tar-Regolament (UE) Nru 1380/2013, jew miżuri ta’ konservazzjoni ekwivalenti adottati mill-organizzazzjonijiet reġjonali tal-ġestjoni tas-sajd, fejn japplika għall-Unjoni;
(b)Miżuri tal-Kummissjoni f’każ ta’ theddida serja għar-riżorsi bijoloġiċi tal-baħar kif imsemmi fl-Artikolu 12 tar-Regolament (UE) Nru 1380/2013;
(c)l-interruzzjoni tal-applikazzjoni ta’ xi ftehim ta’ sħubija dwar is-sajd sostenibbli jew xi protokoll tiegħu minħabba forza maġġuri; jew
(d)diżastri naturali jew inċidenti ambjentali kif rikonoxxuti formalment mill-awtoritajiet kompetenti tal-Istat Membru rilevanti.
2.L-appoġġ imsemmi fil-paragrafu 1 jista’ jingħata biss jekk:
(a)l-attivitajiet kummerċjali tal-bastiment ikkonċernat jitwaqqfu għal mill-inqas 90 jum konsekuttiv; kif ukoll
(b)it-telf ekonomiku, li jirriżulta mis-sospensjoni tar-rakkolta, jammonta għal aktar minn 30 % tal-fatturat annwali tan-negozju kkonċernat, ikkalkolat fuq il-bażi tal-fatturat medju tan-negozju matul it-tliet snin preċedenti.
3.L-appoġġ imsemmi fil-paragrafu 1 għandu jingħata biss lil:
(a)sidien ta’ bastimenti tas-sajd li jkunu rreġistrati bħala attivi u li jkunu wettqu attivitajiet tas-sajd fuq il-baħar għal mill-inqas 120 jum matul it-tliet snin kalendarji qabel id-data li fiha tkun tressqet l-applikazzjoni għall-appoġġ; jew
(b)sajjieda li jkunu ħadmu fuq il-baħar għal mill-inqas 120 jum matul it-tliet snin kalendarji qabel id-data li fiha tkun tressqet l-applikazzjoni għall-appoġġ abbord bastiment tas-sajd tal-Unjoni kkonċernat mill-waqfien straordinarju.
Ir-referenza għall-għadd ta’ jiem fuq il-baħar f’dan il-paragrafu ma għandhiex tapplika għas-sajd tas-sallur.
4.L-appoġġ imsemmi fil-paragrafu 1 jista’ jingħata għal perjodu ta’ mhux iktar minn sitt xhur għal kull bastiment matul il-perjodu tal-2021 sal-2027.
5.L-attivitajiet tas-sajd kollha li jwettqu l-bastiment tas-sajd u s-sajjieda kkonċernati għandhom ikunu sospiżi b’mod effettiv waqt il-perjodu kkonċernat tal-waqfien. L-awtorità kompetenti għandha tivverifika li l-bastiment ikkonċernat waqqaf kull attività tas-sajd tul il-perjodu kkonċernat mill-waqfien straordinarju u li jkun evitat kull kumpens żejjed li jirriżulta mill-użu tal-bastiment għal skopijiet oħrajn.
Artikolu 19
Il-kontroll u l-infurzar
1.Il-FEMS jista’ jappoġġa l-iżvilupp u l-implimentazzjoni ta’ sistema ta’ kontroll tas-sajd tal-Unjoni kif previst fl-Artikolu 36 tar-Regolament (UE) Nru 1380/2013 u kif speċifikat ukoll fir-Regolament (KE) Nru 1224/2009.
2.B’deroga mill-Artikolu 13(j), l-appoġġ imsemmi fil-paragrafu 1 jista’ jkopri wkoll:
(a)ix-xiri u l-installazzjoni fuq il-bastimenti tal-komponenti meħtieġa għas-sistemi ta’ trekkjar u ta’ rappurtar elettroniċi obbligatorji li jintużaw għal skopijiet ta’ kontroll, biss fil-każ ta’ bastimenti tas-sajd kostali artiġjanali;
(b)ix-xiri u l-installazzjoni fuq il-bastimenti tal-komponenti meħtieġa għas-sistemi ta’ monitoraġġ elettroniku mill-bogħod obbligatorji, li jintużaw għall-kontroll tal-implimentazzjoni tal-obbligu ta’ ħatt l-art imsemmi fl-Artikolu 15 tar-Regolament (UE) Nru 1380/2013;
(c)ix-xiri u l-installazzjoni ta’ apparati għall-kejl u r-reġistrazzjoni kontinwi tal-potenza propulsiva tal-magni fuq il-bastimenti.
3.L-appoġġ imsemmi fil-paragrafu 1 jista’ jgħin fis-sorveljanza marittima, kif imsemmi fl-Artikolu baġitarju 28, u fil-kooperazzjoni Ewropea dwar il-funzjonijiet tal-gwardja tal-kosta kif imsemmi fl-Artikolu 29.
4.B’deroga mill-Artikolu 2, l-appoġġ imsemmi fil-paragrafu 1 jista’ jingħata wkoll għal operazzjonijiet li jitwettqu barra t-territorju tal-Unjoni.
Artikolu 20
Il-ġbir u l-ipproċessar tad-data għall-finijiet xjentifiċi u tal-ġestjoni tas-sajd
1.Il-FEMS jista’ jappoġġa l-ġbir, il-ġestjoni u l-użu tad-data għall-ġestjoni tas-sajd u għal finijiet xjentifiċi, kif previst fl-Artikolu 25(1) u (2) u fl-Artikolu 27 tar-Regolament (UE) Nru 1380/2013 u speċifikat ukoll fir-Regolament (UE) Nru 2017/1004, abbażi tal-pjanijiet ta’ ħidma nazzjonali msemmijin fl-Artikolu 6 tar-Regolament (UE) Nru 2017/1004.
2.B’deroga mill-Artikolu 2, l-appoġġ imsemmi fil-paragrafu 1 jista’ jingħata wkoll għal operazzjonijiet li jitwettqu barra t-territorju tal-Unjoni.
3.Il-Kummissjoni tista’ tadotta atti ta’ implimentazzjoni li jistipulaw ir-regoli dwar il-proċeduri, il-format u l-iskedi ta’ żmien għat-tressiq u l-approvazzjoni tal-pjanijiet ta’ ħidma nazzjonali msemmija fil-paragrafu 1. Dawk l-atti ta’ implimentazzjoni għandhom jiġu adottati skont il-proċedura konsultattiva msemmija fl-Artikolu 53(2).
4.Il-Kummissjoni għandha tadotta atti ta’ implimentazzjoni li japprovaw jew jemendaw il-pjanijiet ta’ ħidma nazzjonali msemmijin fil-paragrafu 1 sal-31 ta’ Diċembru tas-sena qabel dik li minnha jkun se jibda japplika l-pjan ta’ ħidma nazzjonali.
Artikolu 21
Kumpens għall-ispejjeż addizzjonali fir-reġjuni ultraperiferiċi għall-prodotti tas-sajd u tal-akkwakultura
1.Il-FEMS jista’ jappoġġa l-kumpens ta’ spejjeż addizzjonali mġarrba mill-benefiċjarji fl-oqsma tas-sajd, tal-farming, tal-ipproċessar u tal-kummerċjalizzazzjoni ta’ ċerti prodotti tas-sajd u tal-akkwakultura mir-reġjuni ultraperiferiċi msemmija fl-Artikolu 6(2).
2.Kull Stat Membru kkonċernat għandu jiddetermina, skont il-kriterji stabbiliti fil-paragrafu 7, għar-reġjuni msemmija fil-paragrafu 1, il-lista ta’ prodotti tas-sajd u tal-akkwakultura u l-kwantità ta’ dawk il-prodotti eliġibbli għall-kumpens.
3.Meta jistabbilixxu l-lista u l-kwantitajiet imsemmija fil-paragrafu 2, l-Istati Membri għandhom jikkunsidraw il-fatturi kollha rilevanti, b’mod partikolari l-ħtieġa li jiżguraw li l-kumpens ikun kompatibbli kompletament mar-regoli tal-PKS.
4.Il-kumpens ma għandux jingħata għall-prodotti tas-sajd u tal-akkwakultura:
(a)li jinqabdu minn bastimenti ta’ pajjiżi terzi, bl-eċċezzjoni tal-bastimenti tas-sajd li jtajru l-bandiera tal-Venezwela u li joperaw fl-ibħra tal-Unjoni, bi qbil mad-Deċiżjoni tal-Kunsill (UE) 2015/1565;
(b)li jinqabdu minn bastimenti tas-sajd tal-Unjoni li ma jkunux irreġistrati f’port ta’ wieħed mir-reġjuni msemmija fil-paragrafu 1;
(c)li jiġu importati minn pajjiżi terzi.
5.Il-punt (b) tal-paragrafu 4 ma għandux japplika jekk il-kapaċità eżistenti tal-industrija tal-ipproċessar fir-reġjun ultraperiferiku kkonċernat taqbeż il-kwantità ta’ materja prima fornita.
6.Biex ikun evitat kumpens żejjed, il-kumpens li jitħallas lill-benefiċjarji li jwettqu l-attivitajiet imsemmijin fil-paragrafu1 fir-reġjuni ultraperifiċi jew li jkunu sjieda ta’ xi bastiment irreġistrat f’port f’wieħed minn dawn ir-reġjuni, irid iqis:
(a)għal kull prodott jew kategorija ta’ prodotti tas-sajd jew tal-akkwakultura, l-ispejjeż addizzjonali li jirriżultaw mill-iżvantaġġi speċifiċi tar-reġjuni kkonċernati; kif ukoll
(b)kwalunkwe tip ieħor ta’ intervent pubbliku li jaffettwa l-livell ta’ spejjeż addizzjonali.
7.Il-Kummissjoni għandu jkollha s-setgħa li tadotta atti delegati, skont l-Artikolu 52, li jistabbilixxu l-kriterji għall-kalkolu tal-ispejjeż addizzjonali li jirriżultaw mill-iżvantaġġi speċifiċi tar-reġjuni kkonċernati.
Artikolu 22
Il-protezzjoni u r-restawr tal-bijodiversità u l-ekosistemi tal-baħar u tal-kosta
1.Il-FEMS jista’ jappoġġa azzjonijiet għall-protezzjoni u r-restawr tal-bijodiversità u tal-ekosistemi tal-baħar u tal-kosta, anki fl-ilmijiet interni.
2.L-appoġġ imsemmi fil-paragrafu 1 jista’ jkopri:
(a)il-kumpens lis-sajjieda għall-ġbir ta’ rkaptu tas-sajd mitluf u għall-iskart li jinġabar mill-baħar;
(b)l-investiment fil-portijiet biex dawn ikunu jipprovdu faċilitajiet ta’ akkoljenza għall-irkaptu mitluf u għall-iskart li jinġabar mill-baħar;
(c)l-azzjonijiet biex jinkiseb status ambjentali tajjeb fl-ambjent tal-baħar, kif stipulat fl-Artikolu 1(1) tad-Direttiva 2008/56/KE;
(d)l-implimentazzjoni tal-miżuri ta’ protezzjoni tal-ispazju stabbiliti skont l-Artikolu 13(4) tad-Direttiva 2008/56/KE;
(e)il-ġestjoni, ir-restawr u l-monitoraġġ taż-żoni tan-NATURA 2000, skont l-oqfsa ta’ azzjonijiet prijoritizzati stabbiliti skont l-Artikolu 8 tad-Direttiva 92/43/KEE;
(f)il-protezzjoni tal-ispeċijiet skont id-Direttiva 92/43/KEE u d-Direttiva 2009/147/KE, skont l-oqfsa ta’ azzjonijiet prijoritarizzati stabbiliti skont l-Artikolu 8 tad-Direttiva 92/43/KEE.
KAPITOLU III
Prijorità 2: Il-kontribut għas-sigurtà tal-ikel fl-Unjoni permezz ta’ swieq u akkwakultura kompetittivi u sostenibbli
Artikolu 23
Akkwakultura
1.Il-FEMS jista’ jappoġġa l-akkwakultura sostenibbli kif stipulat fl-Artikolu (34)1 tar-Regolament (UE) Nru 1380/2013. Jista’ wkoll jappoġġa s-saħħa u t-trattament xieraq tal-annimali fl-akkwakultura, bi qbil mar-Regolament (UE) Nru 2016/429 tal-Parlament Ewropew u tal-Kunsill u r-Regolament (UE) Nru 652/2014 tal-Parlament Ewropew u tal-Kunsill.
2.L-appoġġ imsemmi fil-paragrafu 1 għandu jkun konsistenti mal-pjanijiet ta’ ħidma nazzjonali strateġiċi għall-iżvilupp tal-akkwakultura, imsemmijin fl-Artikolu 34(2) tar-Regolament (UE) Nru 1380/2013.
3.L-investiment fl-akkwakultura produttiva skont dan l-Artikolu jista’ jingħata l-appoġġ biss permezz tal-istrumenti finanzjarji previsti fl-Artikolu 52 tar-Regolament (UE) Nru [ir-Regolament li jistabbilixxi Dispożizzjonijiet Komuni] u permezz tal-InvestEU, bi qbil mal-Artikolu 10 ta’ dak ir-Regolament.
Artikolu 24
Il-proċessar tal-prodotti tas-sajd u tal-akkwakultura
Il-FEMS jista’ jappoġġa l-azzjonijiet li jgħinu biex jinkisbu l-għanijiet tal-organizzazzjoni komuni tas-swieq tal-prodotti tas-sajd u tal-akkwakultura kif previst fl-Artikolu 35 tar-Regolament (UE) Nru 1380/2013 u kif speċifikat ukoll fir-Regolament (UE) Nru 1379/2013. Jista’ jappoġġa wkoll azzjonijiet li jippromwovu l-kummerċjalizzazzjoni, il-kwalità u l-valur miżjud tal-prodotti tas-sajd u tal-akkwakultura.
Artikolu 25
L-ipproċessar ta’ prodotti tas-sajd u tal-akkwakultura
1.Il-FEMS jista’ jappoġġa l-investimenti fl-ipproċessar ta’ prodotti tas-sajd u tal-akkwakultura. Dan l-appoġġ għandu jgħin biex jinkisbu l-għanijiet tal-organizzazzjoni komuni tas-swieq tal-prodotti tas-sajd u tal-akkwakultura kif previst fl-Artikolu 35 tar-Regolament (UE) Nru 1380/2013 u kif speċifikat ukoll fir-Regolament (UE) Nru 1379/2013.
2.L-appoġġ skont dan l-Artikolu għandu jingħata biss permezz tal-istrumenti finanzjarji previsti fl-Artikolu 52 tar-Regolament (UE) Nru [ir-Regolament li jistabbilixxi Dispożizzjonijiet Komuni] u permezz tal-InvestEU, bi qbil mal-Artikolu 10 ta’ dak ir-Regolament.
KAPITOLU IV
Prijorità 3: Il-promozzjoni tat-tkabbir ta’ ekonomija blu sostenibbli u t-trawwim ta’ komunitajiet kostali li jiffjorixxu
Artikolu 26
Żvilupp lokali mmexxi mill-Komunità
1.Il-FEMS jista’ jappoġġa l-iżvilupp sostenibbli ta’ ekonomiji u komunitajiet lokali permezz tal-iżvilupp lokali mmexxi mill-komunitajiet stabbilit fl-Artikolu 25 tar-Regolament (UE) Nru [ir-Regolament li jistabbilixxi Dispożizzjonijiet Komuni].
2.Għall-fini tal-appoġġ mill-FEMS, l-istrateġiji ta’ żvilupp lokali mmexxi mill-komunitajiet imsemmi fl-Artikolu 26 tar-Regolament (UE) Nru [ir-Regolament li jistabbilixxi Dispożizzjonijiet Komuni] għandhom jiżguraw li l-komunitajiet lokali jisfruttaw aħjar u jibbenefikaw iżjed mill-opportunitajiet li toffri l-ekonomija blu sostenibbli billi jsaħħu r-riżorsi ambjentali, kulturali, soċjali u umani u jiksbu l-vantaġġi minnhom.
Artikolu 27
Għarfien marittimu
Il-FEMS jista’ jappoġġa l-ġbir, il-ġestjoni u l-użu tad-data biex jiżdied l-għarfien dwar l-istat tal-ambjent tal-baħar, bil-għan li:
(a)jiġu ssodisfati r-rekwiżiti ta’ monitoraġġ u tal-għażla u l-ġestjoni tas-siti skont id-Direttiva 92/43/KEE u d-Direttiva 2009/147/KE;
(b)jappoġġa l-ippjanar spazjali marittimu msemmi fid-Direttiva 2014/89/UE tal-Parlament Ewropew u tal-Kunsill;
(c)tittejjeb il-kwalità tad-data u jiżdied it-tpartit tad-data permezz tan-netwerk Ewropew ta’ Osservazzjoni u Data Marittima (EMODnet).
KAPITOLU V
Prijorità 4: It-tisħiħ tal-governanza tal-oċeani internazzjonali u s-sostenn ta’ ibħra u oċeani nodfa u ġestiti b’mod sostenibbli fejn hemm is-sikurezza u s-sigurtà
Artikolu 28
Is-sorveljanza marittima
1.Il-FEMS jista’ jappoġġa l-azzjonijiet li jgħinu biex jinkisbu l-għanijiet tal-ambjent komuni għat-tpartit tal-informazzjoni.
2.B’deroga mill-Artikolu 2, l-appoġġ imsemmi fil-paragrafu 1 ta’ dan l-Artikolu jista’ jingħata wkoll għal operazzjonijiet li jitwettqu barra t-territorju tal-Unjoni.
Artikolu 29
Il-kooperazzjoni tal-gwardja tal-kosta
1.Il-FEMS jista’ jappoġġa l-azzjonijiet li jwettqu l-awtoritajiet nazzjonali li jikkontribwixxu għall-kooperazzjoni Ewropea fil-funzjonijiet tal-gwardja tal-kosta msemmija fl-Artikolu 53 tar-Regolament (UE) 2016/1624 tal-Parlament Ewropew u tal-Kunsill, fl-Artikolu 2b tar-Regolament (UE) Nru 2016/1625 tal-Parlament Ewropew u tal-Kunsill, u fl-Artikolu 7a tar-Regolament (UE) Nru 2016/1626 tal-Parlament Ewropew u tal-Kunsill.
2.L-appoġġ għall-azzjonijiet imsemmijin fil-paragrafu 1 jista’ jgħin ukoll fl-iżvilupp u l-implimentazzjoni ta’ sistema ta’ kontroll tas-sajd tal-Unjoni skont il-kundizzjonijiet stipulati fl-Artikolu 19.
3.B’deroga mill-Artikolu 2, l-appoġġ imsemmi fil-paragrafu 1 jista’ jingħata wkoll għal operazzjonijiet li jitwettqu barra t-territorju tal-Unjoni.
KAPITOLU VI
Regoli għall-implimentazzjoni b’ġestjoni kondiviża
Taqsima 1
Appoġġ mill-FEMS
Artikolu 30
Il-kalkolu ta’ spejjeż addizzjonali jew ta’ dħul mitluf
L-appoġġ li jingħata abbażi ta’ spejjeż addizzjonali jew ta’ dħul mitluf għandu jingħata fi kwalunkwe waħda mill-forom imsemmijin fil-punti (a), (c), (d) u (e) tal-Artikolu 46 tar-Regolament (UE) Nru [ir-Regolament li jistabbilixxi Dispożizzjonijiet Komuni].
Artikolu 31
Id-determinazzjoni tar-rati ta’ kofinanzjament
Ir-rata massima tal-kofinanzjament tal-FEMS għal kull qasam ta’ appoġġ hija stabbilita fl-Anness II.
Artikolu 32
L-intensità tal-għajnuna pubblika
1.L-Istati Membri għandhom japplikaw rata ta’ intensità massima ta’ għajnuna pubblika ta’ 50 % tal-infiq eliġibbli totali tal-operazzjoni.
2.B’deroga mill-paragrafu 1, ir-rati ta’ intensità massima tal-għajnuna speċifiċi għal ċerti oqsma ta’ appoġġ u ċerti tipi ta’ operazzjonijiet huma stabbiliti fl-Anness III.
3.Meta operazzjoni waħda taqa’ taħt diversi ringieli bejn ir-ringiela 2 u r-ringiela 16 tal-Anness III, għandha tapplika l-ogħla rata tal-intensità massima tal-għajnuna.
4.Meta operazzjoni waħda taqa’ taħt ringiela waħda jew taħt diversi ringieli bejn it-2 u s-16 tal-Anness III, u fl-istess ħin taqa’ taħt ir-ringiela 1 wkoll ta’ dak l-Anness, għandha tapplika r-rata tal-intensità massima tal-għajnuna elenkata fir-ringiela 1.
Taqsima 2
Il-ġestjoni finanzjarja
Artikolu 33
L-interruzzjoni tad-data ta’ skadenza tal-pagament
1.Bi qbil mal-Artikolu 90(4) tar-Regolament (UE) Nru [ir-Regolament li jistabbilixxi Dispożizzjonijiet Komuni], il-Kummissjoni tista’ tinterrompi l-iskadenza ta’ pagament għal applikazzjoni għal pagament sħiħ jew ta’ parti minnu f’każ li Stat Membru ma jikkonformax mal-obbligi tiegħu skont il-PKS, jekk in-nuqqas ta’ konformità x’aktarx li jolqot l-infiq li jkun iddikjarat f’applikazzjoni li jkun qed jintalab il-pagament interim għalih.
2.Qabel ma ssir din l-interruzzjoni msemmija fil-paragrafu 1, il-Kummissjoni għandha tavża lill-Istat Membru kkonċernat li hemm evidenza ta’ nuqqas ta’ konformità u tagħtih żmien raġonevoli biex jippreżenta l-osservazzjonijiet tiegħu.
3.L-interruzzjoni msemmija fil-paragrafu 1 għandha tkun proporzjonata man-natura, mas-serjetà, mat-tul ta’ żmien u mar-ripetizzjoni tan-nuqqas ta’ konformità.
4.Il-Kummissjoni għandu jkollha s-setgħa li tadotta l-atti delegati skont l-Artikolu 52 dwar id-definizzjoni tal-każijiet serji ta’ nuqqas ta’ konformità msemmija fil-paragrafu 1.
Artikolu 34
Sospensjoni tal-pagamenti
1.Bi qbil mal-Artikolu 91(3) tar-Regolament (UE) Nru [ir-Regolament li jistabbilixxi Dispożizzjonijiet Komuni], il-Kummissjoni tista’ tadotta atti ta’ implimentazzjoni li jissospendu l-pagamenti interim fil-programm kollha jew parti minnhom f’każ li n-nuqqas ta’ konformità ta’ Stat Membru mal-obbligi tiegħu skont il-PKS ikun wieħed serju, u jekk ikun jolqot l-infiq iddikjarat f’applikazzjoni għal pagament tal-infiq li jkun qed jintalab il-pagament interim għalih.
2.Qabel ma ssir is-sospensjoni msemmija fil-paragrafu 1, il-Kummissjoni għandha tavża lill-Istat Membru li hija tal-fehma li jeżisti każ serju ta’ nuqqas ta’ konformità mar-regoli li japplikaw skont il-PKS u tagħtih żmien raġonevoli biex jippreżenta l-osservazzjonijiet tiegħu.
3.Is-sospensjoni msemmija fil-paragrafu 1 għandha tkun proporzjonata man-natura, mas-serjetà, mat-tul ta’ żmien u mar-ripetizzjoni tan-nuqqas ta’ konformità.
4.Il-Kummissjoni għandu jkollha s-setgħa li tadotta atti delegati skont l-Artikolu 52 dwar id-definizzjoni tal-każijiet serji ta’ nuqqas ta’ konformità msemmija fil-paragrafu 1.
Artikolu 35
Korrezzjonijiet finanzjarji mill-Istati Membri
1.Skont l-Artikolu 97(4) tar-Regolament (UE) Nru [ir-Regolament li jistabbilixxi Dispożizzjonijiet Komuni], l-Istati Membri għandhom japplikaw il-korrezzjonijiet finanzjarji f’każijiet ta’ nuqqas ta’ konformità mal-obbligi msemmijin fl-Artikolu 12(2) ta’ dan ir-Regolament.
2.F’każijiet tal-korrezzjonijiet finanzjarji msemmija fil-paragrafu 1, l-Istati Membri għandhom jiddeterminaw l-ammont tal-korrezzjoni li għandu jkun proporzjonat billi jitqiesu n-natura, il-gravità, it-tul ta’ żmien u r-ripetizzjoni tal-ksur jew ir-reat mill-benefiċjarju u l-importanza tal-kontribuzzjoni tal-FEMS għall-attività ekonomika tal-benefiċjarju.
Artikolu 36
Korrezzjonijiet finanzjarji mill-Kummissjoni
1.Skont l-Artikolu 98(5) tar-Regolament (UE) Nru [ir-Regolament dwar Dispożizzjonijiet Komuni], il-Kummissjoni għandha tadotta atti ta’ implimentazzjoni li jagħmlu korrezzjonijiet finanzjarji permezz tal-kanċellazzjoni totali jew parzjali tal-kontribuzzjoni tal-Unjoni għal programm operazzjonali jekk, wara li twettaq l-eżami meħtieġ, hija tikkonkludi li:
(a)in-nefqa ddikjarata f’applikazzjoni għal pagament tkun affettwata minn każijiet fejn il-benefiċjarju ma jħarisx l-obbligi kif imsemmija fl-Artikolu 12(2) u ma jkunx ġie kkoreġut mill-Istat Membru qabel il-ftuħ tal-proċedura ta’ korrezzjoni skont dan il-paragrafu;
(b)in-nefqa ddikjarata f’applikazzjoni għal pagament tkun affettwata minn każijiet ta’ ksur serju tar-regoli tal-PKS mill-Istat Membru li wasslu biex jiġi sospiż il-pagament skont l-Artikolu 34 u meta l-Istat Membru kkonċernat jibqa’ ma jistax juri li ħa l-azzjoni meħtieġa ta’ rimedju biex jiżgura l-konformità mar-regoli applikabbli u l-infurzar tagħhom fil-ġejjieni.
2.Il-Kummissjoni għandha tiddeċiedi dwar l-ammont tal-korrezzjoni billi tikkunsidra n-natura, il-gravità, it-tul ta’ żmien u r-ripetizzjoni tan-nuqqas serju ta’ konformità mill-Istat Membru jew mill-benefiċjarju mar-regoli tal-PKS u l-importanza tal-kontribuzzjoni tal-FEMS għall-attività ekonomika tal-benefiċjarju kkonċernat.
3.Meta ma jkunx possibbli li jiġi kkwantifikat preċiżament l-ammont ta’ nfiq marbut man-nuqqas ta’ konformità mar-regoli tal-PKS mill-Istat Membru, il-Kummissjoni għandha tapplika rata fissa jew korrezzjoni finanzjarja estrapolata skont il-paragrafu 4.
4.Il-Kummissjoni għandha tingħata s-setgħa li tadotta atti delegati skont l-Artikolu 52 li jiddeterminaw il-kriterji biex jiġi stabbilit il-livell ta’ korrezzjoni finanzjarja li għandha tiġi applikata u l-kriterji għall-applikazzjoni ta’ rati fissi jew korrezzjonijiet finanzjarji estrapolati.
Taqsima 3
Il-monitoraġġ u r-rappurtar
Artikolu 37
Il-qafas għall-monitoraġġ u l-evalwazzjoni
1.L-indikaturi għar-rappurtar tal-progress tal-FEMS rigward il-kisba tal-prijoritajiet imsemmijin fl-Artikolu 4 huma stabbiliti fl-Anness I.
2.Biex tkun żgurata valutazzjoni effettiva tal-progress tal-FEMS lejn il-kisba tal-prijoritajiet tiegħu, il-Kummissjoni għandha tingħata s-setgħa li tadotta l-atti delegati bi qbil mal-Artikolu 52, li temenda l-Anness I biex tirrevedi jew tikkomplementa l-indikaturi fejn tqis li hu meħtieġ, u li tissupplimenta lil dan ir-Regolament b’dispożizzjonijiet dwar l-istabbiliment ta’ qafas għall-monitoraġġ u l-evalwazzjoni.
Artikolu 38
Rapport annwali dwar il-prestazzjoni
1.Bi qbil mal-Artikolu 36(6) tar-Regolament (UE) Nru [ir-Regolament li jistabbilixxi Dispożizzjonijiet Komuni], kull Stat Membru għandu jippreżenta rapport annwali dwar il-prestazzjoni lill-Kummissjoni, mhux aktar tard minn xahar qabel il-laqgħa ta’ evalwazzjoni ta’ kull sena. L-ewwel rapport għandu jitressaq fl-2023 u l-aħħar rapport għandu jitressaq fl-2029.
2.Ir-rapport imsemmi fil-paragrafu 1 għandu jiddeskrivi l-progress fl-implimentazzjoni tal-programmi u biex intlaħqu l-istadji importanti u l-miri msemmijin fl-Artikolu 12 tar-Regolament (UE) Nru [ir-Regolament li jistabbilixxi Dispożizzjonijiet Komuni]. Għandu jiddeskrivi wkoll kull problema li taffettwa l-prestazzjoni tal-programm u l-miżuri li ttieħdu biex jiġu indirizzati dawk il-problemi.
3.Ir-rapport imsemmi fil-paragrafu 1 għandu jiġi eżaminat waqt il-laqgħa ta’ evalwazzjoni ta’ kull sena, bi qbil mal-Artikolu 36 tar-Regolament (UE) Nru [ir-Regolament li jistabbilixxi Dispożizzjonijiet Komuni].
4.Il-Kummissjoni għandha tadotta atti ta’ implimentazzjoni li jistipulaw regoli għall-preżentazzjoni tar-rapport imsemmi fil-paragrafu 1. Dawk l-atti ta’ implimentazzjoni għandhom jiġu adottati skont il-proċedura konsultattiva msemmija fl-Artikolu 53(2).
TITOLU III: L-APPOĠĠ B’ĠESTJONI DIRETTA U INDIRETTA
Artikolu 39
Ambitu ġeografiku
B’deroga mill-Artikolu 2, dan it-Titolu jista’ jingħata wkoll għal operazzjonijiet li jitwettqu barra t-territorju tal-Unjoni, bl-eċċezzjoni tal-għajnuna teknika.
KAPITOLU I
Prijorità 1: It-trawwim tas-sajd sostenibbli u l-konservazzjoni tar-riżorsi bijoloġiċi tal-baħar
Artikolu 40
L-Implimentazzjoni tal-PKS
Il-FEMS għandu jappoġġa l-implimentazzjoni tal-PKS permezz:
(a)tal-forniment ta’ pariri u għarfien xjentifiku biex jgħinu biex jittieħdu deċiżjonijiet dwar il-ġestjoni tas-sajd tajbin u effiċjenti skont il-PKS, anki permezz tal-parteċipazzjoni ta’ esperti f’korpi xjentifiċi;
(b)tal-iżvilupp u l-implimentazzjoni ta’ sistema ta’ kontroll tas-sajd tal-Unjoni kif previst fl-Artikolu 36 tar-Regolament (UE) Nru 1380/2013 u kif speċifikat ukoll fir-Regolament (KE) Nru 1224/2009;
(c)tal-funzjonament ta’ Kunsilli Konsultattivi stabbiliti bi qbil mal-Artikolu 43 tar-Regolament (UE) Nru 1380/2013, li jkollhom għan li huwa parti mill-PKS u li jappoġġaha;
(d)ta’ kontribuzzjonijiet volontarji għall-attivitajiet ta’ organizzazzjonijiet internazzjonali dwar is-sajd, bi qbil mal-Artikolu 29 u mal-Artikolu 30 tar-Regolament (UE) Nru 1380/2013.
Artikolu 41
Il-promozzjoni ta’ ibħra nodfa u f’saħħithom
1.Il-FEMS għandu jappoġġa l-promozzjoni ta’ ibħra nodfa u f’saħħithom, anki permezz ta’ azzjonijiet li jappoġġaw l-implimentazzjoni tad-Direttiva 2008/56/KE u permezz ta’ azzjonijiet li jiżguraw koerenza mal-ksib ta’ status ambjentali tajjeb skont l-Artikolu 2(5)(j) tar-Regolament (UE) Nru 1380/2013, u l-implimentazzjoni tal-istrateġija Ewropea għall-plastik f’ekonomija ċirkolari.
2.L-appoġġ imsemmi fil-paragrafu 1 għandu jkun koerenti mal-leġiżlazzjoni ambjentali tal-Unjoni, b’mod partikolari mal-għan li jinkiseb jew jinżamm status ambjentali tajjeb kif stipulat fl-Artikolu 1(1) tad-Direttiva 2008/56/KE.
KAPITOLU II
Prijorità 2: Il-kontribut għas-sigurtà tal-ikel fl-Unjoni permezz ta’ swieq u akkwakultura kompetittivi u sostenibbli
Artikolu 42
Informazzjoni dwar is-suq
Il-FEMS għandu jappoġġa l-iżvilupp u d-disseminazzjoni tal-informazzjoni dwar is-suq għal prodotti tas-sajd u tal-akkwakultura mill-Kummissjoni skont l-Artikolu 42 tar-Regolament (UE) Nru1379/2013.
KAPITOLU III
Prijorità 3: Il-promozzjoni tat-tkabbir ta’ ekonomija blu sostenibbli u t-trawwim ta’ komunitajiet kostali li jiffjorixxu
Artikolu 43
Il-politika marittima u l-iżvilupp ta’ ekonomija blu sostenibbli
Il-FEMS għandu jappoġġa l-implimentazzjoni tal-politika marittima permezz:
(a)tal-promozzjoni ta’ ekonomija blu sostenibbli, b’livell baxx ta’ emissjonijiet tal-karbonju u reżiljenti għat-tibdil fil-klima;
(b)tal-promozzjoni ta’ governanza u ġestjoni integrati tal-politika marittima, anki permezz tal-ippjanar spazjali marittimu, ta’ strateġiji tal-baċiri tal-baħar u l-kooperazzjoni reġjonali marittima;
(c)tat-titjib tat-trasferiment u l-użu tar-riċerka, l-innovazzjoni u t-teknoloġija fl-ekonomija blu sostenibbli, inkluż in-netwerk Ewropew ta’ Osservazzjoni u Data Marittima (EMODnet);
(d)tat-titjib tal-ħiliet marittimi, tal-litteriżmu fl-oċeani u t-tpartit tad-data soċjoekonomika dwar l-ekonomija blu sostenibbli;
(e)tal-iżvilupp ta’ riżervi ta’ proġetti u ta’ strumenti finanzjarji innovattivi.
KAPITOLU IV
Prijorità 4: It-tisħiħ tal-governanza tal-oċeani internazzjonali u s-sostenn ta’ ibħra u oċeani nodfa u ġestiti b’mod sostenibbli fejn hemm is-sikurezza u s-sigurtà
Artikolu 44
Sigurtà u sorveljanza marittimi
Il-FEMS għandu jappoġġa l-promozzjoni tas-sigurtà u s-sorveljanza marittima, anki permezz tat-tpartit ta’ data, u l-kooperazzjoni u l-glieda tal-gwardji tal-kosta u tal-aġenziji kontra l-attivitajiet kriminali u illegali fuq il-baħar.
Artikolu 45
Il-governanza internazzjonali tal-oċeani
Il-FEMS għandu jappoġġa l-implimentazzjoni tal-politika ta’ governanza internazzjonali tal-oċeani permezz:
(a)ta’ kontributi volontarji lil organizzazzjonijiet internazzjonali li huma attivi fil-qasam tal-governanza tal-oċeani;
(b)tal-kooperazzjoni u l-koordinazzjoni volontarji fost forums, organizzazzjonijiet, korpi u istituzzjonijiet internazzjonali fil-kuntest tal-Konvenzjoni tan-Nazzjonijiet Uniti dwar il-Liġi tal-Baħar, l-Aġenda 2030 għall-Iżvilupp Sostenibbli u ftehimiet, arranġamenti u sħubijiet internazzjonali rilevanti oħra;
(c)tal-implimentazzjoni ta’ sħubijiet oċeaniċi bejn l-Unjoni u l-atturi rilevanti oċeaniċi;
(d)tal-implimentazzjoni ta’ ftehimiet, arranġamenti u strumenti internazzjonali rilevanti li jimmiraw li jippromwovu governanza tal-oċeani mtejba, kif ukoll l-iżvilupp ta’ azzjonijiet, miżuri, għodod u għarfien li jippermettu li l-oċeani jkunu sikuri, nodfa, ġestiti b’mod sostenibbli;
(e)tal-implimentazzjoni ta’ ftehimiet, miżuri u għodod internazzjonali rilevanti għall-prevenzjoni, l-iskoraġġiment u l-eliminazzjoni tas-sajd illegali, mhux irrappurtat u mhux irregolat;
(f)tal-kooperazzjoni u l-iżvilupp ta’ riċerka u data oċeaniċi internazzjonali.
KAPITOLU V
Regoli għall-implimentazzjoni b’ġestjoni diretta u indiretta
Artikolu 46
Forom ta’ finanzjament mill-Unjoni
1.Il-FEMS jista’ jipprovdi l-finanzjament ta’ kwalunkwe waħda mill-forom stabbiliti fir-Regolament (UE) Nru [ir-Regolament dwar ir-regoli finanzjarji li japplikaw għall-baġit ġenerali tal-Unjoni], b’mod partikolari l-akkwist skont it-Titolu VII ta’ dak ir-Regolament u għotjiet skont it-Titolu VIII ta’ dak ir-Regolament. Jista’ jippermetti wkoll il-finanzjament fil-forma ta’ strumenti finanzjarji f’operazzjonijiet ta’ taħlit, kif imsemmi fl-Artikolu 47.
2.L-evalwazzjonijiet tal-proposti tal-għotjiet jistgħu jsiru minn esperti indipendenti.
Artikolu 47
Operazzjonijiet ta’ taħlit
L-operazzjonijiet ta’ taħlit skont il-FEMS għandhom ikunu implimentati skont ir-Regolament (UE) Nru [ir-Regolament dwar l-InvestEU] u t-Titolu X tar-Regolament (UE) Nru [ir-Regolament dwar ir-regoli finanzjarji li japplikaw għall-baġit ġenerali tal-Unjoni].
Artikolu 48
Evalwazzjoni
1.L-evalwazzjonijiet għandhom jitwettqu f’waqthom sabiex jikkontribwixxu għall-proċess tat-teħid tad-deċiżjonijiet.
2.L-evalwazzjoni interim tal-appoġġ skont it-Titolu III għandha titwettaq ladarba jkun hemm biżżejjed informazzjoni disponibbli dwar l-implimentazzjoni, iżda mhux aktar tard minn erba’ snin wara l-bidu tal-implimentazzjoni tal-appoġġ.
3.Fi tmiem il-perjodu tal-implimentazzjoni, iżda mhux aktar tard minn erba’ snin wara, il-Kummissjoni għandha tħejji rapport ta’ evalwazzjoni finali dwar l-appoġġ skont it-Titolu III.
4.Il-Kummissjoni għandha tikkomunika l-konklużjonijiet tal-evalwazzjonijiet, akkumpanjati mill-osservazzjonijiet tagħha, lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni.
Artikolu 49
Awditi
L-awditi dwar l-użu tal-kontribuzzjoni tal-Unjoni mwettqa minn persuni jew minn entitajiet, inkluż oħrajn minbarra dawk imqabbda mill-Istituzzjonijiet jew mill-korpi tal-Unjoni, għandhom jiffurmaw il-bażi tal-garanzija kumplessiva skont l-Artikolu 127 tar-Regolament (UE) Nru [ir-Regolament dwar ir-regoli finanzjarji li japplikaw għall-baġit ġenerali tal-Unjoni].
Artikolu 50
Informazzjoni, komunikazzjoni u pubbliċità
1.Ir-riċevituri tal-finanzjament tal-Unjoni għandhom jirrikonoxxu l-oriġini u jiżguraw il-viżibbiltà tal-finanzjament tal-Unjoni b’mod partikolari meta jippromwovu l-azzjonijiet u r-riżultati tagħhom billi jipprovdu informazzjoni mmirata koerenti, effettiva u proporzjonata lil diversi udjenzi inklużi lill-midja u lill-pubbliku.
2.Il-Kummissjoni għandha timplimenta azzjonijiet ta’ informazzjoni u ta’ komunikazzjoni b’rabta mal-FEMS, u l-azzjonijiet u r-riżultati tiegħu. Ir-riżorsi finanzjarji allokati għall-FEMS għandhom jikkontribwixxu wkoll għall-komunikazzjoni korporattiva dwar il-prijoritajiet politiċi tal-Unjoni, sakemm dawn ikunu marbutin mal-għanijiet imsemmija fl-Artikolu 4.
Artikolu 51
Entitajiet eliġibbli
1.Il-kriterji tal-eliġibbiltà stabbiliti fil-paragrafi 2 sa 3 għandhom japplikaw flimkien mal-kriterji stabbiliti fl-Artikolu 197 tar-Regolament (UE) Nru [ir-Regolament dwar ir-regoli finanzjarji li japplikaw għall-baġit ġenerali tal-Unjoni].
2.Huma eliġibbli l-entitajiet li ġejjin:
(a)entitajiet ġuridiċi stabbiliti fi Stat Membru jew f’pajjiż terz elenkat fil-programm ta’ ħidma taħt il-kundizzjonijiet speċifikati fil-paragrafi 3 u 4;
(b)kwalunkwe entità ġuridika maħluqa skont il-liġi tal-Unjoni jew kwalunkwe organizzazzjoni internazzjonali.
3.L-entitajiet ġuridiċi stabbiliti f’pajjiż terz huma eċċezzjonalment eliġibbli biex jipparteċipaw fejn dan ikun meħtieġ sabiex jintlaħqu l-għanijiet ta’ azzjoni partikolari.
4.L-entitajiet ġuridiċi stabbiliti f’pajjiż terz li mhuwiex assoċjat mal-programm, bi prinċipju jridu jġarrbu huma l-ispejjeż għall-parteċipazzjoni tagħhom.
TITOLU IV: DISPOŻIZZJONIJIET TA’ PROĊEDURA
Artikolu 52
Eżerċizzju ta’ delega
1.Il-Kummissjoni tingħata s-setgħa li tadotta atti delegati soġġett għall-kundizzjonijiet stipulati f’dan l-Artikolu.
2.Is-setgħa li tadotta atti delegati msemmija fl-Artikoli 12, 17, 21, 33, 34, 36, 37, u 55 għandha tingħata sal-31 ta’ Diċembru 2027.
3.Id-delega tas-setgħa msemmija fl-Artikoli 12, 17, 21, 33, 34, 36, 37 u 55 tista’ tiġi revokata fi kwalunkwe mument mill-Parlament Ewropew jew mill-Kunsill. Deċiżjoni ta’ revoka għandha ttemm id-delega tas-setgħat speċifikati f’dik id-deċiżjoni. Jibda jkollha effett fil-jum wara dak tal-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fih. Ma għandha taffettwa l-validità ta’ ebda att delegat li diġà jkun fis-seħħ.
4.Hekk kif tadotta att delegat, il-Kummissjoni tinnotifikah simultanjament lill-Parlament Ewropew u lill-Kunsill.
5.Att delegat adottat skont l-Artikoli 12, 17, 21, 33, 34, 36, 37 jew 55 għandu jidħol fis-seħħ biss jekk ma ssir l-ebda oġġezzjoni mill-Parlament Ewropew jew mill-Kunsill fi żmien xahrejn min-notifika ta’ dak l-att lill-Parlament Ewropew u lill-Kunsill jew jekk, qabel ma jiskadi dak il-perjodu, il-Parlament Ewropew u l-Kunsill ikunu t-tnejn infurmaw lill-Kummissjoni li mhumiex se joġġezzjonaw. Dan il-perjodu għandu jiġi estiż b’xahrejn fuq inizjattiva tal-Parlament Ewropew jew tal-Kunsill.
Artikolu 53
Il-proċedura tal-kumitat
1.Il-Kummissjoni għandha tkun assistita minn Kumitat għall-Fond Ewropew għall-Affarijiet Marittimi u s-Sajd. Dak il-kumitat għandu jkun kumitat skont it-tifsira tar-Regolament (UE) Nru 182/2011 tal-Parlament Ewropew u tal-Kunsill.
2.Meta ssir referenza għal dan il-paragrafu, għandu japplika l-Artikolu 4 tar-Regolament (UE) Nru 182/2011.
TITOLU V: DISPOŻIZZJONIJIET FINALI
Artikolu 54
Tħassir
1.Ir-Regolament (UE) Nru 508/2014 għandu jiġi revokat b’seħħ mill-1 ta’ Jannar 2021.
2.Ir-referenzi għar-Regolament imħassar għandhom jitqiesu bħala referenzi għal dan ir-Regolament.
Artikolu 55
Dispożizzjonijiet tranżitorji
1.Sabiex tiffaċilita t-tranżizzjoni mill-iskema ta’ appoġġ stabbilita bir-Regolament (UE) Nru 508/2014 għall-iskema stabbilita b’dan ir-Regolament, il-Kummissjoni għandha tingħata s-setgħa li tadotta atti ddelegati, b’konformità mal-Artikolu 52, li jistabbilixxu l-kundizzjonijiet li taħthom l-appoġġ approvat mill-Kummissjoni skont ir-Regolament (UE) Nru 508/2014 jista’ jiġi integrat fl-appoġġ stabbilit skont dan ir-Regolament.
2.Dan ir-Regolament ma għandux jaffettwa t-tkomplija jew il-modifika tal-azzjonijiet ikkonċernati, sal-għeluq tagħhom, skont ir-Regolament (UE) Nru 508/2014, li għandu jkompli japplika għall-azzjonijiet ikkonċernati sal-għeluq tagħhom.
3.L-applikazzjonijiet li jsiru skont ir-Regolament (UE) Nru 508/2014 għandhom jibqgħu validi.
Artikolu 56
Dħul fis-seħħ u data ta’ applikazzjoni
Dan ir-Regolament għandu jidħol fis-seħħ 20 jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu japplika mill-1 ta’ Jannar 2021.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Strasburgu,
Għall-Parlament Ewropew
Għall-Kunsill
Il-President
Il-President
Dikjarazzjoni finanzjarja leġiżlattiva
1.QAFAS TAL-PROPOSTA/TAL-INIZJATTIVA
1.1.Titolu tal-proposta/tal-inizjattiva
1.2.Oqsma ta’ politika kkonċernati
1.3.Natura tal-proposta/tal-inizjattiva
1.4.Raġunijiet għall-proposta/għall-inizjattiva
1.5.Durata u impatt finanzjarju
1.6.Mod(i) ta’ ġestjoni ppjanat(i)
2.MIŻURI TA’ ĠESTJONI
2.1.Regoli ta’ monitoraġġ u ta’ rappurtar
2.2.Sistema ta’ ġestjoni u ta’ kontroll
2.3.Miżuri għall-prevenzjoni ta’ frodi u ta’ irregolaritajiet
3.IMPATT FINANZJARJU STMAT TAL-PROPOSTA/TAL-INIZJATTIVA
3.1.Intestatura(i) tal-qafas finanzjarju pluriennali u linja(i) tal-baġit tan-nefqa affettwata(i)
3.2.Impatt stmat fuq in-nefqa
3.2.1.Sommarju tal-impatt stmat fuq in-nefqa
3.2.2.Impatt stmat fuq l-approprjazzjonijiet ta’ natura amministrattiva
3.2.3.Kontribuzzjonijiet ta’ partijiet terzi
3.3.Impatt stmat fuq id-dħul
DIKJARAZZJONI FINANZJARJA LEĠIŻLATTIVA
1.QAFAS TAL-PROPOSTA/TAL-INIZJATTIVA
1.1.Titolu tal-proposta/tal-inizjattiva
Proposta għal REGOLAMENT TAL-PARLAMENT EWROPEW U TAL-KUNSILL dwar il-Fond Ewropew għall-Affarijiet Marittimi u s-Sajd u li jħassar ir-Regolament (UE) Nru 508/2014 tal-Parlament Ewropew u tal-Kunsill
1.2.Oqsma ta’ politika kkonċernati
Il-Politika komuni tas-sajd (il-PKS), il-politika marittima u l-governanza internazzjonali tal-oċeani
1.3.Il-proposta/l-inizjattiva hija relatata ma’:
X azzjoni ġdida
◻ azzjoni ġdida li ssegwi proġett pilota/azzjoni preparatorja
◻ l-estensjoni ta’ azzjoni eżistenti
◻ fużjoni jew dirottar ta’ azzjoni waħda jew aktar lejn/ma’ azzjoni oħra jew azzjoni ġdida
1.4.Raġunijiet għall-proposta/għall-inizjattiva
1.4.1.Rekwiżit(i) li jridu jiġu ssodisfati fuq terminu qasir jew twil inkluża kronoloġija dettaljata għall-prosegwiment tal-implimentazzjoni tal-inizjattiva
L-appoġġ tal-FEMS għandu jiżgura li l-attivitajiet tas-sajd huma ambjentalment sostenibbli fit-tul u huma ġestiti b’mod li huwa konsistenti mal-objettivi li jinkisbu benefiċċji ekonomiċi, soċjali u ta’ impjieg, u li jingħata kontribut għad-disponibbiltà ta’ provvisti tal-ikel. Għandu wkoll jippromwovi l-iżvilupp sostenibbli tal-ekonomija blu sostenibbli u jgħin biex jintlaħqu l-impenji internazzjonali tal-Unjoni fil-qasam tal-governanza tal-oċeani.
Minbarra dan, l-Artikolu 42 tar-Regolament (UE) Nru 1380/2013 dwar il-Politika Komuni tas-Sajd jipprevedi li l-għajnuna finanzjarja tal-Unjoni fil-kuntest tal-FEMS jenħtieġ li tingħata bil-kundizzjoni li jkun hemm konformità mar-regoli tal-PKS. Għalhekk, l-applikazzjonijiet mingħand benefiċjarji li ma jikkonformawx mar-regoli tal-PKS li japplikaw ma jistgħux jintlaqgħu. Barra minn hekk, jenħtieġ li l-Kummissjoni tingħata s-setgħat li taġixxi kontra dawk l-Istati Membri li ma jikkonformawx mar-regoli tal-PKS.
1.4.2.Il-valur miżjud tal-involviment tal-Unjoni (dan jista’ jirriżulta minn fatturi differenti, eż. il-gwadann mill-koordinazzjoni, iċ-ċertezza tad-dritt, aktar effettività jew kumplimentarjetajiet). Għall-finijiet ta’ dan il-punt, “il-valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li jkun addizzjonali għall-valur li altrimenti kien jinħoloq mill-Istati Membri weħidhom.
Raġunijiet għall-azzjoni fil-livell Ewropew (ex ante)
Il-PKS mhuwiex qasam ta’ kompetenza esklużiva tal-Unjoni. L-intervent tal-Unjoni huwa meħtieġ għaliex din il-politika komuni timponi l-obbligi fuq l-Istati Membri. L-appoġġ finanzjarju huwa kruċjali biex jgħinhom jissodisfaw dawk l-obbligi biex jintlaħqu l-għanijiet tal-politika tal-Unjoni, jiġifieri l-użu sostenibbli tal-ibħra u tal-oċeani. L-appoġġ huwa meħtieġ f’oqsma bħall-aġġustament tal-kapaċità tal-flotot tas-sajd, l-investiment fis-saħħa u s-sikurezza abbord, l-iżvilupp tal-għarfien u l-pariri xjentifiċi dwar l-istat tal-istokkijiet tal-ħut, u t-titjib tal-kontrolli u l-ispezzjonijiet fuq il-baħar u fil-portijiet.
Valur miżjud tal-Unjoni li mistenni jiġi ġġenerat (ex post)
Il-mira ġenerali tal-appoġġ futur għas-sajd u għall-politiki marittimi hija li jgħin biex jintlaħqu l-għanijiet tal-PKS u jiffaċilita t-tkabbir ta’ ekonomija blu sostenibbli. Sakemm jinkiseb is-sajd sostenibbli jista’ jkun hemm impatti soċjali għall-komunitajiet kostali f’terminu ta’ żmien qasir sa medju, li jkollhom bżonn jittaffew. Dan huwa importanti b’mod partikolari għall-komunitajiet kostali li jiddependu mis-sajd, speċjalment f’żoni fejn is-settur tas-sajd għad għandu problemi serji (bħal fil-Mediterran u fil-Baħar l-Iswed), fejn politika fil-livell tal-Unjoni tista’ tipprovdi valur miżjud reali, anki minħabba l-kompetenza esklużiva tal-Unjoni f’dak li għandu x’jaqsam mal-ġestjoni tas-sajd.
L-Istati Membri mhumiex f’pożizzjoni li individwalment jindirizzaw l-isfidi tajjeb. L-azzjoni tal-Unjoni tipprovdi sors sikur ta’ investiment stabbli li jsostni t-tkabbir. Bosta siti tal-akkwakultura marina joperaw f’ekosistemi marini li jaqsmu l-fruntieri nazzjonali, u l-ippjanar tal-ispazju marittimu jeħtieġ sforzi ta’ ppjanar ikkoordinati fil-livell tal-Unjoni. Il-kontroll u l-infurzar, kif ukoll il-ġbir tad-data u l-parir xjentifiku huma elementi essenzjali għall-implimentazzjoni effettiva tal-PKS. Dawn l-attivitajiet, ikkoordinati u kofinanzjati fil-livell tal-Unjoni, jirrappreżentaw iffrankar u sinerġiji sinifikanti f’termini ta’ spejjeż u konformità meta mqabbel ma’ mudell li fih dawn l-attivitajiet kellhom jitwettqu esklussivament mill-Istati Membri.
Il-politika marittima u l-iżvilupp tal-ekonomija blu sostenibbli fin-natura tagħhom huma transsettorjali u transnazzjonali, pereżempju, permezz tal-iżvilupp ta’ strateġiji tal-baċiri tal-baħar li jilħqu għadd ta’ Stati Membri u l-pajjiżi sħab rilevanti, biex tiżdied l-effiċjenza fl-użu tal-fondi, l-applikazzjoni tar-regoli u l-involviment tal-korpi/tal-istituzzjonijiet u biex jitnaqqsu l-frammentazzjoni u d-duplikazzjoni tal-azzjonijiet. Hemm aktar probabbiltà li jinkisbu vantaġġi ċari b’azzjoni fil-livell tal-Unjoni milli b’azzjoni fil-livell ta’ Stat Membru jew reġjonali. L-għarfien dwar il-baħar jiġbor id-data u din tkun aċċessibbli madwar l-Unjoni (l-Ambjent komuni għall-qsim tal-informazzjoni jipprovdi ambjent komuni Ewropew għas-sorveljanza marittima) u t-tpartit (fil-livell tal-Unjoni jew fil-livell tal-baċiri tal-baħar) tal-kapaċitajiet tal-gwardja tal-kosta bejn l-aġenziji u l-Istati Membri jżid l-effikaċja u l-effiċjenza tal-operazzjonijiet fuq il-baħar.
L-ippjanar spazjali marittimu huwa mezz ta’ koordinazzjoni mtejba tal-ispazju marittimu Ewropew, u tiżgura l-koerenza transfruntiera (kemm fl-Unjoni, kif ukoll barra minnha). Fis-setturi tal-ekonomija blu, bħalma hu dak tal-enerġija mill-oċeani, il-koordinazzjoi tal-attivitajiet b’rabta mar-riċerka jħaffef l-iżvilupp tas-settur, pereżempju billi tintlaħaq il-massa kritika għall-investiment u għall-iżvilupp tas-suq. Il-finanzjament fil-livell tal-Unjoni jappoġġa l-magni tal-innovazzjoni li jippermettu lill-industrija marittima Ewropea tikber u tiffjorixxi.
Bi qbil mal-impenn internazzjonali tagħha li tikkonserva l-oċeani u tużahom b’mod sostenibbli, anki permezz tal-għanijiet tal-Aġenda 2030 għall-Iżvilupp Sostenibbli, l-Unjoni qiegħda f’pożizzjoni tajba biex issawar il-governanza internazzjonali tal-oċeani fuq il-bażi tal-esperjenza tagħha fl-iżvilupp ta’ approċċ sostenibbli lejn il-ġestjoni tal-oċeani, b’mod notevoli permezz tal-politika ambjentali tagħha (b’mod partikolari d-Direttiva Kwadru dwar l-Istrateġija Marina), il-politika Marittima Integrata (b’mod partikolari d-Direttiva dwar l-Ippjanar tal-Ispazju Marittimu), il-Politika Komuni tas-Sajd riformata, l-azzjoni kontra s-sajd illegali, mhux irrappurtat u mhux irregolat (IUU), il-politika dwar it-trasport marittimu, u s-sħubiji bilaterali multipli u l-ftehimiet multilaterali li hija parti għalihom.
Barra minn hekk, l-istrateġija tal-Unjoni dwar is-sigurtà marittima identifikat l-ambjent komuni għall-qsim tal-informazzjoni (is-CISE) u l-kooperazzjoni bejn l-Aġenzija Ewropea għall-Kontroll tas-Sajd (l-EFCA), l-Aġenzija Ewropea għas-Sigurtà Marittima (l-EMSA), u l-Aġenzija Ewropea għall-Gwardja tal-Fruntiera u tal-Kosta (il-FRONTEX), fil-forma tal-funzjoni tal-Gwardja Ewropea tal-Fruntiera u tal-Kosta, bħala mezzi ewlenin biex jintlaħqu dawn l-għanijiet.
Fl-oqsma kollha msemmija hawn fuq, it-tpartit tar-riżorsi f’livell Ewropew jista’ jwassal għal riżultati li ma jistax iwassal għalihom l-infiq f’livell nazzjonali.
1.4.3.Tagħlimiet meħuda minn esperjenzi simili fl-imgħoddi
Konsultazzjoni tal-partijiet ikkonċernati ewlenin uriet dawn l-oqsma li ġejjin bħala oqsma ta’ qbil ġenerali:
–Sejħa qawwija għall-kontinwità u l-ħtieġa ċara ta’ strument finanzjarju li fil-ġejjieni jkun iddedikat għas-sajd u għall-politika marittima, li jibqgħu jinkisbu l-għanijiet tal-PKS, u li jintużaw l-opportunitajiet li toffri l-ekonomija blu sostenibbli, kienu enfasizzati mill-parijiet ikkonċernati kważi kollha.
–L-Istati Membri qablu li l-għanijiet tal-fond ta’ wara l-2020 jenħtieġ li jappoġġaw is-sostenibbiltà ambjentali, soċjali u ekonomika. Bħala prijorità għall-fond li jmiss, il-partijiet ikkonċernati mmarkaw il-ksib tal-għanijiet tal-PKS.
–B’riżultat tal-konsultazzjonijiet il-partijiet ikkonċernati qablu li wieħed mill-ikbar difetti tal-FEMS tal-2014 sal-2020, kien li dam biex jiġi adottat u l-Programmi Operazzjonali ġew implimentati tard, dan ġara minħabba li l-approvazzjoni tal-qafas leġiżlattiv dam biex ġie approvat. Dan kollu, flimkien mal-leġiżlazzjoni preskrittiva wisq fil-livell tal-Unjoni, mar-riġidità u n-nuqqas ta’ flessibbiltà fl-interpretazzjoni tagħha, u wisq attenzjoni fuq l-eliġibbiltà minflok fuq li jintlaħqu l-għanijiet u l-miri, huma l-isfida li jridu jiffaċċaw l-Istati Membri. F’dan ir-rigward, il-maġġoranza tal-partijiet ikkonċernati għamlu sejħa qawwija għal inqas kumplessità legali u għal qafas leġiżlattiv aktar sempliċi.
–Kien innutat li kien hemm kunsens qawwi bejn il-partijiet ikkonċernati li riedu aktar simplifikazzjoni fil-livelli kollha (kemm tal-Unjoni kif ukoll nazzjonali) għall-implimentazzjoni tal-FEMS biex jinżamm ċertu livell ta’ stabbiltà. Madankollu, ġew innutati wkoll fehmiet diversi dwar kif irid jinsab bilanċ bejn aktar enfasi fuq li jinkisbu r-riżultati u t-tnaqqis tal-piż amministrattiv għall-benefiċjarji u għall-amministrazzjonijiet filwaqt li tiġi żgurata nefqa korretta.
–Fil-kontributi tagħhom, l-Istati Membri nnutaw li s-sistema ta’ monitoraġġ u ta’ evalwazzjoni hija importanti ħafna biex turi l-effikaċja tal-fond, billi din tagħti l-informazzjoni dwar il-kawżalitajiet tal-iżvilupp tas-setturi tas-sajd u tal-ekonomija blu sostenibbli.
–Ġie nnutat ukoll li kien hemm żewġ opinjonijiet kompletament diverġenti dwar l-appoġġ tal-flotot tas-sajd, u l-partijiet ikkonċernati kienu maqsuma kważi nofs b’nofs bejn dawk li jiffavorixxu li jitkomplew il-miżuri għall-flotot u dawk li huma kontra.
–Dwar is-settur tal-akkwakultura, il-partijiet ikkonċernati kollha qablu li jenħtieġ aktar xogħol fuq is-simplifikazzjoni amministrattiva u leġiżlattiva biex jitnaqqas iż-żmien li jieħdu l-proċeduri tal-għotja tal-liċenzji mingħajr ma jitbaxxew l-istandards għoljin ambjentali, ta’ protezzjoni tal-konsumatur, u tas-saħħa tal-annimali li jiffurmaw parti mil-leġiżlazzjoni tal-Unjoni. Huma affermaw mill-ġdid li huma l-piżijiet amministrattivi, flimkien mar-rekwiżiti proċedurali kumplessi wisq (kemm biex jingħataw il-liċenzji u l-aċċess għall-finanzjament) li għadhom l-ostaklu ewlieni għall-iżvilupp ta’ dan is-settur. Barra minn hekk intwera appoġġ kbir minn grupp ta’ 11-il Stat Membru favur li jitkompla l-appoġġ mill-Unjoni li hemm issa għas-settur tal-akkwakultura fil-fond li jmiss, b’mod partikolari għall-akkwakultura tal-ilma ħelu.
–Rigward is-sajd artiġjanali u s-sajd fir-reġjuni ultraperiferiċi, l-Istati Membri huma favur li l-appoġġ li jingħata jkun aktar immirat u mfassal apposta, li jkun ikbar, u li tingħata l-possibbiltà li dawn jiġu ttrattati b’mod aktar favorevoli billi jingħataw pagamenti minn qabel. Skont xi Stati Membri, jenħtieġ li jitkompla t-trattament finanzjarju preferenzjali tas-sajd kostali artiġjanali u s-sajd tal-ilmijiet interni wara l-2020. Il-partijiet ikkonċernati rrikonoxxew ukoll li hemm bżonn ta’ flessibbiltà skont l-ispeċifiċitajiet lokali, u biex tgħin ir-rinnovazzjoni tal-ġenerazzjonijiet f’forza tax-xogħol li qed tikber fl-età.
–L-Istati Membri u l-partijiet ikkonċernati kollha wrew il-fehma li huwa importanti li l-appoġġ għall-ġbir tad-data, għall-kontroll u l-infurzar tar-regoli tas-sajd, u l-appoġġ għall-organizzazzjonijiet tal-produtturi jibqgħu parti mill-fond tas-sajd taħt ġestjoni kondiviża.
–It-tisħiħ tal-azzjoni tal-Unjoni permezz tal-FEMS f’oqsma differenti fil-kuntest tal-politika marittima (it-taħriġ, l-ippjanar spazjali marittimu, is-sikurezza u s-sorveljanza marittima, il-finanzjament ta’ proġetti innovattivi, eċċ.) tqis bħala valur miżjud għall-Ewropa u għar-reġjuni minn għadd ta’ partijiet ikkonċernati. Meta jitqies li l-ekonomija blu hija żviluppata f’ambjent kumpless ħafna, jenħtieġ li l-kumplimentarità fost l-istrumenti diversi tkompli tiġi żgurata biex jiġu evitati d-duplikazzjoni u l-frammentazzjoni.
–Maġġoranza ta’ partijiet ikkonċernati rrikonoxxew ukoll ir-rwol importanti tal-Iżvilupp Lokali Mmexxi mill-Komunità (CLLD) biex il-komunitajiet kostali jadottaw soluzzjonijiet lokali għall-problemi lokali, u rrikonoxxewh bħala opportunità siewja biex is-setturi tas-sajd u tal-akkwakultura jkollhom rwol attiv fi kwistjonijiet b’rabta mal-gvernijiet u l-governanza lokali. Ħafna partijiet ikkonċernati jixtiequ li s-CLLD jkollu rwol aktar mifrux fl-iżvilupp tal-ekonomija blu sostenibbli fil-livell lokali.
1.4.4.Kompatibbiltà u sinerġija possibbli ma’ strumenti oħra xierqa
Il-Kummissjoni adottat proposta għal Regolament li jistabbilixxi dispożizzjonijiet komuni biex itejjeb il-koordinazzjoni u jarmonizza l-implimentazzjoni tal-appoġġ minn Fondi b’ġestjoni kondiviża bl-għan ewlieni li jiġi ssimplifikat it-twettiq tal-politika b’mod koerenti. Dan ir-“Regolament dwar Dispożizzjonijiet Komuni” japplika għall-parti tal-FEMS li hija taħt ġestjoni kondiviża.
Il-Fondi għandhom għanijiet komplimentari u l-istess mod ta’ ġestjoni. Għaldaqstant, ir-“Regolament dwar Dispożizzjonijiet Komuni” jistipula sensiela ta’ għanijiet ġenerali komuni u prinċipji ġenerali, bħas-sħubija u l-governanza f’diversi livelli. Dak ir-Regolament fih ukoll l-elementi komuni tal-ippjanar strateġiku u tal-ipprogrammar, fosthom dispożizzjonijiet dwar il-Ftehim ta’ Sħubija li se jiġi konkluż ma’ kull Stat Membru, u jistabbilixxi approċċ komuni biex il-Fondi jintużaw f’direzzjonijiet li jtejbu l-prestazzjoni. Għalhekk, dan jinkludi kundizzjonijiet abilitanti, analiżi tal-prestazzjoni, u l-arranġamenti għall-monitoraġġ, ir-rappurtar u l-evalwazzjoni. Ġew stabbiliti wkoll dispożizzjonijiet komuni fir-rigward tar-regoli ta’ eliġibbiltà, u ġew iddefiniti arranġamenti speċjali għall-istrumenti finanzjarji u għall-użu tal-InvestEU, għall-iżvilupp lokali mmexxi mill-komunità u għall-ġestjoni finanzjarja. Xi arranġamenti ta’ ġestjoni u kontroll huma wkoll komuni għall-Fondi kollha.
1.5.Durata u impatt finanzjarju
X durata limitata
–X
Il-proposta/inizjattiva fis-seħħ mill-01/01/2021 sal-31/12/2027
–◻
Impatt finanzjarju minn SSSS sa SSSS
◻ durata illimitata
–Implimentazzjoni b’perjodu ta’ tnedija minn SSSS sa SSSS,
–segwita b’operazzjoni fuq skala sħiħa.
1.6.Mod(i) ta’ ġestjoni ppjanat(i)
X Ġestjoni diretta mill-Kummissjoni
–X mid-dipartimenti tagħha, inkluż mill-persunal tagħha fid-delegazzjonijiet tal-Unjoni;
–X
mill-aġenziji eżekuttivi
X Ġestjoni kondiviża mal-Istati Membri
X Ġestjoni indiretta billi l-kompiti tal-implimentazzjoni tal-baġit jiġu fdati lil:
–◻ pajjiżi terzi jew lill-korpi nnominati minnhom;
–◻ organizzazzjonijiet internazzjonali u lill-aġenziji tagħhom (iridu jiġu speċifikati);
–◻il-BEI u lill-Fond Ewropew tal-Investiment;
–X korpi msemmija fl-Artikoli 70 u 71 tar-Regolament Finanzjarju;
–◻ korpi tal-liġi pubblika;
–◻ korpi rregolati mil-liġi privata b’missjoni ta’ servizz pubbliku safejn dawn jipprovdu garanziji finanzjarji adegwati;
–◻ korpi rregolati mil-liġi privata ta’ Stat Membru li jkunu fdati bl-implimentazzjoni ta’ sħubija pubblika privata u li jipprovdu garanziji finanzjarji adegwati;
–◻ persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.
–Jekk jiġi indikat aktar minn mod wieħed ta’ ġestjoni, jekk jogħġbok ipprovdi d-dettalji fit-taqsima “Kummenti”.
Kummenti
2.MIŻURI TA’ ĠESTJONI
2.1.Regoli ta’ monitoraġġ u ta’ rappurtar
Speċifika l-frekwenza u l-kundizzjonijiet.
Il-Fond Ewropew għall-Affarijiet Marittimi u s-Sajd (il-FEMS), b’ġestjoni kondiviża ma’ fondi oħrajn, se jaħdem skont il-qafas komuni tar-“Regolament dwar Dispożizzjonijiet Komuni”.
L-implimentazzjoni se ssir b’mod predominanti permezz ta’ ġestjoni kondiviża u diretta, u f’xi eċċezzjonijiet permezz ta’ ġestjoni indiretta minn korpi tal-Unjoni. Ir-Regolament dwar Dispożizzjonijiet Komuni japplika biss għall-komponent ta’ ġestjoni kondiviża tal-FEMS.
I. ĠESTJONI KONDIVIŻA
Ir-regoli dettaljati tal-monitoraġġ u tar-rappurtar huma stabbiliti fir-Regolament dwar Dispożizzjonijiet Komuni.
Barra mill-qafas stabbilit fir-Regolament dwar Dispożizzjonijiet Komuni, il-FEMS se jkompli jibni fuq l-elementi tajbin tas-Sistema Komuni ta’ Monitoraġġ u Evalwazzjoni introdotta fil-perjodu ta’ programmazzjoni tal-2014 sal-2020.
Fil-perjodu ta’ programmazzjoni li ġej, l-għanijiet ta’ politika se jiġu stabbiliti fir-Regolament dwar Dispożizzjonijiet Komuni flimkien mal-prijoritajiet u l-għanijiet speċifiċi fil-livell ta’ kull Fond. Dawn il-prijoritajiet u l-għanijiet se jintlaħqu permezz ta’ programmi. Se titfassal loġika ta’ intervent issimplifikat fuq tliet livelli li tkompli fuq il-mudell attwali u ssaħħaħ id-direzzjoni lejn ir-riżultati, dawn il-livelli huma l-livell tal-Fondi (għanijiet ta’ politika komuni għall-Fondi kollha), il-livell tal-oqsma ta’ politika (politiki dwar is-sajd u politiki marittimi) u l-livell tal-operazzjonijiet fil-livell tal-Istati Membri. L-għanijiet tal-ewwel żewġ livelli se jkunu fissi. L-Awtorità ta’ Ġestjoni se tistabbilixxi l-miri tagħha għall-indikaturi tar-riżultati marbutin mal-għanijiet speċifiċi u ġenerali.
L-operazzjonijiet ikunu ġestiti fil-livell tal-Istati Membri. Kull operazzjoni se tintrabat ma’ qasam ta’ appoġġ (appoġġ għan-negozju, għall-innovazzjoni, għall-ambjent, eċċ.) li jiġu ddefiniti indikaturi speċifiċi għalih. B’hekk il-Kummissjoni u l-Istati Membri jkunu f’pożizzjoni li jirrappurtaw dwar għadd ta’ dimensjonijiet mixtieqa (il-kontribut għall-għanijiet ġenerali tal-Unjoni, il-prijoritajiet tal-FEMS, it-tip ta’ operazzjoni, id-daqs tal-baġit għall-operazzjonijiet, eċċ.).
L-għanijiet se jiġu rrappurtati permezz tal-pjattaforma attwali Infosys dwar għadd limitat ta’ indikaturi tar-riżultati, li xi wħud minnhom se jservu ta’ indikaturi ewlenin tal-prestazzjoni. L-Istati Membri se jibagħtu d-data kwantitattiva (l-iżjed outputs u riżultati), bil-mezzi elettroniċi, sitt darbiet fis-sena (minflok darba permezz tar-rapport annwali).
Se jkun meħtieġ rapport annwali dwar il-prestazzjoni speċifiku għall-FEMS dwar l-istadji importanti u l-miri li jkunu tlaħqu mingħand kull Stat Membru.
II. ĠESTJONI DIRETTA
Permezz ta’ atti ta’ implimentazzjoni, il-Kummissjoni għandha tadotta l-programm ta’ ħidma annwali għall-azzjonijiet implimentati permezz tal-ġestjoni diretta.
L-evalwazzjonijiet għandhom jitwettqu kmieni biżżejjed biex jikkontribwixxu għall-proċess tat-teħid tad-deċiżjonijiet. L-evalwazzjoni interim tal-programm issir ladarba jkun hemm biżżejjed informazzjoni dwar l-implimentazzjoni tal-programm.
Fi tmiem il-perjodu tal-implimentazzjoni, jitħejja rapport ta’ evalwazzjoni finali dwar ir-riżultati u l-impatt fuq żmien twil tal-FEMS taħt ġestjoni diretta.
III. ĠESTJONI INDIRETTA
B’mod eċċezzjonali, il-FEMS jista’ jikkontribwixxi għall-Aġenzija Ewropea għall-Kontroll tas-Sajd u għall-Aġenzija Ewropea għas-Sikurezza Marittima permezz ta’ għotjiet li jippermettu lill-aġenziji rilevanti jimplimentaw l-appoġġ fil-qasam tas-sorveljanza u s-sigurtà marittima.
2.2.Sistema(i) ta’ ġestjoni u kontroll
2.2.1.Ġustifikazzjoni tal-mod(i) ta’ ġestjoni, il-mekkaniżmu(i) għall-implimentazzjoni tal-finanzjament, il-modalitajiet ta’ pagament u l-istrateġija ta’ kontroll proposta
Il-METODI TA’ ĠESTJONI
Il-metodu doppju ta’ ġestjoni (ġestjoni kondiviża u (in-)diretta) jippermetti li tkun ta’ vantaġġ l-esperjenza li tkun inkisbet qabel, li jaqbel ħafna ma’ dak li talbu l-partijiet ikkonċernati. Bħala parti mill-Fondi, il-parti l-kbira tal-finanzjament fil-futur jibqa’ jintuża b’ġestjoni kondiviża. Billi l-iskop huwa li jkunu appoġġati proċessi addattivi f’setturi speċifiċi, l-investimenti fin-negozji u fil-konservazzjoni tar-riżorsi ambjentali, il-finanzjament jenħtieġ li jkun marbut kemm jista’ jkun mar-realtajiet lokali u nazzjonali, u jikkomplementa l-politiki u l-finanzjament nazzjonali. L-appoġġ tal-iżvilupp ta’ politiki permezz ta’ ġestjoni diretta jservi ta’ għodda effettiva għall-promulgazzjoni tal-Politika Komuni tas-Sajd (PKS) sottostanti, bħala politika komuni tal-Unjoni, b’impatt immedjat fuq is-setturi fil-mira, minbarra li jkompli jabilita l-attivitajiet ta’ politika marittima u l-varar ta’ attivitajiet ta’ governanza internazzjonali tal-oċeani.
MODALITAJIET TA’ PAGAMENT (ġestjoni kondiviża)
L-istrumenti finanzjarji (self u garanziji) huma mistennija li jkollhom rwol aktar prominenti. Aktar użu ta’ għażliet tal-ispejjeż issimplifikati (rati fissi, somma f'daqqa u kosti unitarji) jistgħu jgħinu biex inaqqsu l-piż amministrattiv fil-livell tal-Istati Membri. Barra minn hekk, l-appoġġ finanzjarju jista’ jibqa’ bbażat fuq l-ispejjeż u l-infiq reali li jiġġarbu u li jkunu ċċertifikati mill-Istati Membri (mingħajr preġudizzju għall-użu ta’ għażliet tal-ispejjeż issimplifikati). Biex jingħata appoġġ għall-waqfien permanenti mill-attivitajiet tas-sajd, l-appoġġ finanzjarju jkun ibbażat fuq li jiġu ssodisfati għadd ta’ kundizzjonijiet. Għaldaqstant, se jiġi adottat att delegat li jistabbilixxi l-kundizzjonijiet marbutin mal-implimentazzjoni ta’ dawn il-miżuri ta’ konservazzjoni.
STRATEĠIJA TA’ KONTROLL
Kif previst fir-Regolament dwar Dispożizzjonijiet Komuni, l-għadd ta’ kontrolli u awditi se jitnaqqas b’mod sinifikanti. Dan se jnaqqas il-piż amministrattiv minn fuq l-awtoritajiet tal-programmi u l-benefiċjarji. Dan se jintlaħaq billi jitwessa’ prinċipju wieħed biss tal-awditjar, inqas kontrolli u metodu mtejjeb ibbażat fuq sistema nazzjonali li taħdem tajjeb, b’arranġament ta’ awditjar minimu għall-iskop tal-assigurazzjoni.
- ġestjoni kondiviża
Mekkaniżmu ta’ kontroll
Għal kull programm l-Istati Membri għandhom jidentifikaw awtorità ta’ ġestjoni u awtorità tal-awditjar, u jistgħu jidentifikaw korp intermedju wieħed jew iżjed biex iwettaq ċerti kompiti li jkunu fir-responsabbiltà tiegħu. Barra minn hekk, l-Istati Membri jidentifikaw funzjoni ta’ kontabilità li jistgħu jħallu f’idejn l-awtorità ta’ ġestjoni jew f’idejn korp ieħor.
L-awtorità ta’ ġestjoni tkun responsabbli biex tissorvelja l-implimentazzjoni tal-programmi. Dan il-kompitu jinkludi b’mod partikolari l-għażla tal-operazzjonijiet, it-twettiq ta’ verifiki maniġerjali, l-appoġġ tal-ħidma tal-kumitat ta’ monitoraġġ, is-sorveljanza tal-korpi intermedji u r-reġistrazzjoni u l-ħżin tad-data rilevanti f’sistema elettronika.
Il-funzjoni tal-kontabilità se tkun responsabbli biex tfassal u tissottometti l-applikazzjonijiet għall-pagament lill-Kummissjoni, kif ukoll biex tħejji l-kontijiet u żżomm ir-rekords tal-elementi kollha tal-kontijiet f’sistema elettronika.
L-awtorità tal-awditjar se tkun responsabbli biex twettaq l-awditi tas-sistemi u l-awditi tal-operazzjonijiet biex tipprovdi assigurazzjoni indipendenti lill-Kummissjoni li s-sistemi ta’ ġestjoni u kontroll qegħdin jaħdmu b’mod effettiv u li l-infiq imniżżel fil-kontijiet li jitressqu lill-Kummissjoni jkun legali u regolari. Għaldaqstant, ikollha tħejji strateġija tal-awditjar ibbażata fuq valutazzjoni tar-riskji, filwaqt li tqis id-deskrizzjoni tas-sistema ta’ ġestjoni u kontroll. Kull sena tfassal opinjoni tal-awditjar u tressaqha lill-Kummissjoni, din l-opinjoni tal-awditjar tkun tittratta l-kompletezza, il-veraċità u l-akkuratezza tal-kontijiet, il-legalità u r-regolarità tal-infiq imniżżel fil-kontijiet u fis-sistema ta’ ġestjoni u kontroll, u rapport annwali ta’ kontroll sottostanti.
L-interruzzjoni u s-sospensjoni tal-pagamenti
L-uffiċjal tal-awtorizzazzjoni responsabbli għandu l-għażla li jinterrompi l-iskadenza ta’ applikazzjoni għal pagament ta’ pagament interim jekk ikun hemm l-evidenza li Stat Membru jkun qed jikser ir-regoli tal-PKS li japplikaw għalih. Ksur aktar serju tal-obbli tal-Istati Membri jiġi ttrattat permezz tas-sospensjoni tal-pagamenti, li ma titħassarx qabel ma l-Istat Membru kkonċernat jkun jista’ juri li ħa l-azzjoni korrettiva. F’każijiet estremi, il-kontribut għall-programm tal-Unjoni jista’ jiġi kkanċellat.
Korrezzjonijiet finanzjarji
Minkejja li l-Istat Membru jerfa’ l-ewwel responsabbiltà għall-identifikazzjoni u l-irkupru tal-irregolaritajiet, u li jagħmel il-korrezzjonijiet finanzjarji meħtieġa, il-Kummissjoni għandha s-setgħa li timponi l-korrezzjonijiet. Hija mistennija li tqis in-natura u s-serjetà ta’ kull irregolarità, u li tevalwa l-impatt finanzjarju tad-defiċjenzi.
Awditi tal-Kummissjoni
Matul il-perjodu tal-implimentazzjoni, is-settur tal-awditjar ex-post iwettaq l-awditi tas-sistemi b’ittestjar sostantiv biex jikkonferma l-assigurazzjoni dwar il-funzjonament effettiv tas-sistemi u jitlob lill-Istati Membri biex jikkoreġu kull dgħufija fis-sistemi u kull nefqa irregolari li tinstab. Il-Kummissjoni tuża r-riżultati tal-awditi tagħha u r-riżultati tal-awtorità nazzjonali tal-awditjar biex tikseb l-assigurazzjoni. L-awditi jintagħżlu abbażi ta’ valutazzjoni tar-riskju.
- ġestjoni diretta
Fil-preżent, parti kbira mill-FEMS taħt ġestjoni diretta hija ddelegata lill-EASME. Fil-perjodu ta’ programmazzjoni li ġej huwa mistenni li jiġu ddelegati aktar attivitajiet ta’ ġestjoni diretta.
Fil-proċessi tal-ipprogrammar u l-ippjanar, il-verifikazzjoni, l-eżekuzzjoni u l-monitoraġġ, il-ġestjoni u r-rappurtar hemm taħlita ta’ kontrolli ta’ prevenzjoni, ta’detezzjoni u ta’ korrezzjoni biex jiżguraw mitigazzjoni effettiva tar-riskji finanzjarji u ta’ ġestjoni. L-infiq kollu jiġi vverifikat qabel ma jiġi approvat biex ikun żgurat li jikkonforma mal-leġiżlazzjoni applikabbli u li l-infiq propost ikun eliġibbli.
(1)Is-servizzi operazzjonali jqabblu d-dikjarazzjonijiet tan-nefqa kollha mad-deċiżjoni ta’ finanzjament tal-Kummissjoni u mal-programm rilevanti biex jiġu vverifikati l-eliġibbiltà u l-konsistenza.
(2)Qabel ma’ jiġu awtorizzati l-impenji jew il-pagamenti, issir verifika ex-ante tat-tranżazzjonijiet, flimkien ma’ verifiki tad-data trażmessa u l-evidenza tal-ħlas, biex tkun żgurata l-eliġibbiltà tat-talbiet għar-rimborż.
(3)Il-Kummissjoni twettaq missjonijiet ta’ monitoraġġ fil-forma ta’ verifiki fuq il-post li jivverifikaw l-implimentazzjoni reali tal-programmi u l-eliġibbiltà tal-ispejjeż qabel ma jingħata l-pagament, biex ikunu evitati l-irregolaritajiet.
(4)Barra mill-kontrolli ex-ante tat-tranżazzjonijiet finanzjarji, titwettaq ukoll verifika 100% ex-ante tad-dokumenti u tal-proċeduri b’relazzjoni mal-akkwist u l-għotjiet.
2.2.2.Informazzjoni dwar ir-riskji identifikati u s-sistema(i) ta’ kontroll intern stabbiliti għall-mitigazzjoni tagħhom
Ġestjoni kondiviża
Ir-riskji ewlenin identifikati għall-implimentazzjoni tal-baġit b’ġestjoni kondiviża huma:
(1) In-negozjar u l-valutazzjoni/l-approvazzjoni tal-proposti għall-infiq:
Riskju: Il-Programmi Operazzjonali ffinanzjati ma jirriflettux tajjeb l-għanijiet jew il-prijoritajiet tal-politika
Mitigazzjoni tar-riskju: konsultazzjoni interna, validazzjoni ġerarkika ta’ kull programm operazzjonali, konsultazzjoni bejn is-servizzi (fejn huma inklużi d-DĠ kollha rilevanti) u adozzjoni b’Deċiżjoni tal-Kummissjoni, fejn previst mil-liġi tal-Unjoni.
(2) L-implimentazzjoni tal-operazzjonijiet (l-Istati Membri):
Riskju: Id-dikjarazzjonijiet tan-nefqa perjoduċi li jitressqu lill-Kummissjoni jinkludu l-infiq li jkun irregolari jew mhux konformi mar-regoli u l-leġiżlazzjoni tal-Unjoni u/jew nazzjonali.
Mitigazzjoni tar-riskju: verifiki tal-ġestjoni: il-kontrolli ewlenin mill-awtoritajiet jew il-korpi responsabbli mill-programm, il-kontijiet annwali mill-funzjoni tal-awditjar, l-opinjoni tal-awditjar u r-rapport annwali mill-awtoritajiet tal-awditjar.
(3) Il-monitoraġġ u s-superviżjoni tal-eżekuzzjoni, inklużi l-kontrolli ex post
Riskju: il-verifiki tal-ġestjoni u l-awditi jew il-kontrolli sussegwenti mill-Istati Membri ma sabux u ma kkoreġewx l-ispejjeż ineliġibbli jew l-iżbalji fil-kalkoli; ix-xogħol tal-awditjar li għamlu l-awtoritajiet tal-awditjar ma kienx biżżejjed biex tinkiseb assigurazzjoni xierqa dwar id-dikjarazzjonijiet ippreżentati; is-servizzi tal-Kummissjoni ma ħadux il-miżuri xierqa biex iħarsu l-fondi tal-Unjoni, abbażi tal-informazzjoni li rċevew.
Mitigazzjoni tar-riskju: Il-verifiki tad-dikjarazzjonijiet tan-nefqa tal-Istati Membri mill-Kummissjoni. Il-valutazzjoni tas-sistemi ta’ ġestjoni u kontroll fl-Istati Membri mill-Kummissjoni, b’mod partikolari tax-xogħol li sar u/jew li ġie rrappurtat mill-Istati Membri, interruzzjonijet u sospensjonijiet ta’ pagamenti u korrezzjonijiet finanzjarji (implimentati mill-Kummissjoni).
Ġestjoni diretta
Il-parti tal-FEMS taħt ġestjoni diretta se tiġi implimentata b’mod ewlieni permezz tal-akkwist u l-għotjiet. Ir-riskji ewlenin huma:
(1) Definizzjoni mhux ċara tal-ispeċifikazzjonijiet għall-offerti/tas-sejħa għal proposti:
Mitigazzjoni tar-riskju: miżuri superviżorji addattati u l-inklużjoni ta’ verifika ex-ante addizzjonali.
(2) L-aktar offerta ekonomikament vantaġġuża/l-aħjar proposti mhux magħżula:
Mitigazzjoni tar-riskju: miżuri superviżorji addattati u l-inklużjoni ta’ verifika ex-ante addizzjonali.
(3) L-azzjonijiet ma jikkontribwixxux għall-ilħuq tal-għanijiet tal-FEMS:
Mitigazzjoni tar-riskju: miżuri superviżorji addattati u l-inklużjoni ta’ verifika ex-ante addizzjonali.
2.2.3.Stima u ġustifikazzjoni tal-kosteffettività tal-kontrolli (proporzjon tal-“kostijiet tal-kontrolli ÷ il-valur tal-fondi relatati ġestiti”), u valutazzjoni tal-livelli mistennija tar-riskju ta’ żball (mal-ħlas u fl-għeluq)
Ġestjoni kondiviża
Il-kontrolli jsiru kemm fil-livell tal-Kummissjoni kif ukoll fil-livell tal-Istati Membri. Dawn il-kontrolli huma ddefiniti fir-Regolament dwar Dispożizzjonijiet Komuni.
Id-DĠ MARE jikkwantifika kemm hu possibbli l-ispejjeż tar-riżorsi u tal-inputs meħtieġa biex isiru l-kontrolli u l-istimi, il-benefiċċji tagħhom f’termini ta’ kemm ġew evitati, kemm instabu u kemm ġew ikkoreġuti żbalji u irregolaritajiet.
L-ispejjeż huma marbutin mal-isplejjeż ġenerali annwali tal-Kummissjoni. Jinkludu valutazzjoni mill-Kummissjoni tas-sistemi ta’ ġestjoni u kontroll fl-Istati Membri (inklużi l-awditi ex-post tal-Kummissjoni) kif ukoll l-ispejjeż marbutin mal-persunal tal-Kummissjoni li jwettaq il-kontrolli matul il-fażijiet kollha tat-tfassil, tal-implimentazzjoni u tal-monitoraġġ; u l-verifiki ex-ante tal-Kummissjoni tad-dikjarazzjonijiet tan-nefqa perjodiċi (ċirkwiti finanzjarji). Għall-perjodu tal-2014 sal-2020 dan jinkludi l-verifiki tal-Kummissjoni fil-proċess tad-deżinjazzjoni (il-kampjunar tad-deżinjazzjonijiet nazzjonali).
Il-benefiċċji huma parzjalment marbutin mal-korrezzjonijiet li jagħmlu l-Istati Membri meta titlobhom il-Kummissjoni wara li tkun għamlet l-awditjar. F’dan il-kuntest, ta’ min wieħed jinnota li l-korrezzjonijiet finanzjarji mhumiex għan fihom infushom. It-tnaqqis fl-għadd ta’ korrezzjonijiet tul is-snin mhuwiex biss ir-riżultat tal-kwalità u/jew tal-kwantità ta’ kontrolli, iżda jista’ jirrifletti wkoll titjib fil-ġestjoni finanzjarja tajba tal-programm mill-Istati Membri. Barra minn hekk, hemm għadd ta’ benefiċċji li ma jistgħux jingħaddu li huma riżultat tal-kontrolli li jsiru fl-istadji diversi tal-kontrolli (partikolarment il-proċeduri tan-negozjar tal-programmi, li jfittxu jiżguraw li l-programmi ffinanzjati jikkontribwixxu biex jintlaħqu l-għanijiet tal-politika, il-ġestjoni tal-programmi mill-unitajiet operazzjonali tad-DĠ, u l-effett dissważiv tal-kontrolli ex-post). Fl-istadji tal-għażla, tal-implimentazzjoni u tal-monitoraġġ, billi tiġi żgurata l-konformità mar-regoli u l-proċeduri applikabbli, ikun żgurat li l-operazzjonijiet sottostanti jkunu legali u regolari.
Ġestjoni diretta
Għall-ġestjoni diretta japplikaw kunsiderazzjonijiet simili għal dawk stabbiliti dwar il-ġestjoni kondiviża meta jkunu qed jiġu vvalutati l-ispejjeż u l-benefiċċji tal-kontrolli taħt dan il-metodu ta’ ġestjoni.
Għall-infiq fuq il-ġestjoni diretta fil-biċċa l-kbira l-benefiċċji mhumiex kwantifikabbli. Billi mhijiex disponibbli stima kwantitattiva tal-valur tal-iżbalji li jinstabu u li jiġu evitati, mhuwiex possibbli li jingħaddu l-benefiċċji relatati, minbarra l-ammonti rkuprati bħala riżultat tal-kontrolli.
Konklużjoni ġenerali
L-għan tal-kontrolli huwa li l-livell tal-iżbalji mistennija jinżamm taħt it-2%.
2.3.Miżuri għall-prevenzjoni ta’ frodi u ta’ irregolaritajiet
Speċifika l-miżuri ta’ prevenzjoni u ta’ protezzjoni eżistenti jew previsti, eż. mill-Istrateġija Kontra l-Frodi.
Id-DĠ MARE flimkien mad-DĠ REGIO u d-DG EMPL żviluppa u implimenta strateġija konġunta kontra l-frodi (JAFS). Din ġiet elaborata abbażi tal-metodoloġija li ngħatat mill-OLAF u li ġiet adottata fl-2015 għall-perjodu tal-2015 sal-2020. L-implimentazzjoni tal-JAFS qed tkun immonitorata darbtejn fis-sena bir-rappurtar lill-amministrazzjoni.
Il-JAFS tkopri ċ-ċiklu kontra l-frodi kollu: il-prevenzjoni, id-detezzjoni, l-investigazzjoni u l-miżuri korrettivi. Hija tara li ssaħħaħ il-miżuri eżistenti li qegħdin fis-seħħ biex jipproteġu l-interessi finanzjarji tal-Unjoni billi tipprovdi l-appoġġ lill-Istati Membri fl-isforzi tagħhom kontra l-frodi u billi żżid il-kapaċità tad-Direttorati Ġenerali li jittrattaw il-frodi, kif ukoll iżżid il-kooperazzjoni mal-OLAF. Il-kontrolli mmirati għall-prevenzjoni u għall-identifikazzjoni tal-frodi mhumiex differenti minn dawk maħsuba biex jiżguraw il-legalità u r-regolarità tat-tranżazzjonijiet.
Il-proposta tal-Kummissjoni għar-Regolament dwar Dispożizzjonijiet Komuni mill-2020 tinkludi, kif hemm fil-perjodu ta’ programmazzjoni attwali, ir-rekwiżit li l-Istati Membri jkollhom fis-seħħ miżuri u proċeduri kontra l-frodi filwaqt li jitqiesu r-riskji identifikati.
3.IMPATT FINANZJARJU STMAT TAL-PROPOSTA/TAL-INIZJATTIVA
3.1.Intestatura tal-qafas finanzjarju pluriennali u l-linja/i baġitarja/i tan-nefqa affettwata/affettwati
Ġestjoni kondiviża
Intestatura tal-qafas finanzjarju pluriennali
|
Linja baġitarja
|
Tip ta’
nefqa
|
Kontribuzzjoni
|
|
Numru
3 Riżorsi Naturali u Ambjent
|
Diff./Mhux diff.
|
mingħand il-pajjiżi tal-EFTA
|
mingħand il-pajjiżi kandidati
|
mingħand pajjiżi terzi
|
skont it-tifsira tal-Artikolu 21(2)(b) tar-Regolament Finanzjarju
|
3
|
08 04 YY Promozzjoni ta’ sajd u akkwakultura sostenibbli u kompetittivi, żvilupp territorjali bilanċjat u inklużiv taż-żoni tas-sajd u tisdiq tal-implimentazzjoni tal-Politika Komuni tas-Sajd /FEMS/
|
Diff.
|
LE
|
LE
|
LE
|
LE
|
Ġestjoni diretta
Intestatura tal-qafas finanzjarju pluriennali
|
Linja baġitarja
|
Tip ta’
nefqa
|
Kontribuzzjoni
|
|
Numru
3 Riżorsi Naturali u Ambjent
|
Diff./Mhux diff.
|
mingħand il-pajjiżi tal-EFTA
|
mingħand il-pajjiżi kandidati
|
mingħand pajjiżi terzi
|
skont it-tifsira tal-Artikolu 21(2)(b) tar-Regolament Finanzjarju
|
3
|
08 01 YY Assistenza teknika amministrattiva
|
Mhux diff.
|
LE
|
LE
|
LE
|
LE
|
3
|
08 04 YY Il-promozjoni tas-sajd sostenibbli u l-konservazzjoni tar-riżorsi bijoloġiċi tal-baħar
|
Diff.
|
LE
|
LE
|
LE
|
LE
|
3
|
08 04 YY Il-kontribut għas-sigurtà tal-ikel fl-Unjoni permezz ta’ swieq u akkwakultura kompetittivi u sostenibbli
|
Diff.
|
LE
|
LE
|
LE
|
LE
|
3
|
08 04 YY Il-promozzjoni tat-tkabbir ta’ ekonomija blu sostenibbli u t-trawwim ta’ komunitajiet kostali li jiffjorixxu
|
Diff.
|
LE
|
LE
|
LE
|
LE
|
3
|
08 04 YY It-tisħiħ tal-governanza tal-oċeani internazzjonali u b’hekk is-sostenn ta’ ibħra u oċeani nodfa u ġestiti b’mod sostenibbli fejn hemm is-sikurezza u s-sigurtà
|
Diff.
|
LE
|
LE
|
LE
|
LE
|
3
|
08 04 YY Attivitajiet ta’ komunikazzjoni
|
Diff.
|
LE
|
LE
|
LE
|
LE
|
3
|
08 04 YY Assistenza teknika operazzjonali
|
Diff.
|
LE
|
LE
|
LE
|
LE
|
Il-lista ta’ partiti tal-baġit fit-tabella ta’ hawn fuq hija preliminarja u ma tippreġudikax in-nomenklatura konkreta tal-baġit li l-Kummissjoni se tipproponi fil-kuntest tal-proċedura baġitarja annwali.
3.2.Impatt stmat fuq in-nefqa
[Din it-taqsima jenħtieġ timtela bl-
ispreadsheet dwar id-data baġitarja ta’ natura amministrattiva
(it-tieni dokument fl-Anness ta’ din id-dikjarazzjoni finanzjarja) u tittella’ fid-DECIDE għal finijiet ta’ konsultazzjoni bejn is-servizzi.]
3.2.1.Sommarju tal-impatt stmat fuq in-nefqa
EUR miljun (aġġustati għal tliet pożizzjonijiet deċimali)
Intestatura tal-qafas finanzjarju
pluriennali
|
Numru
|
3 Intestatura Riżorsi Naturali u Ambjent
|
|
2021
|
2022
|
2023
|
2024
|
2025
|
2026
|
2027
|
Wara l-2027
|
TOTAL
|
Approprjazzjonijiet operazzjonali (maqsuma skont il-linji baġitarji elenkati taħt 3.1)
|
Impenji
|
(1)
|
819,622
|
836,053
|
852,815
|
869,814
|
887,157
|
904,950
|
918,286
|
|
6.088,700
|
|
Pagamenti
|
(2)
|
2,956
|
58,546
|
87,366
|
296,509
|
472,539
|
552,388
|
960,586
|
3.657,807
|
6.088,700
|
Approprjazzjonijiet ta’ natura amministrattiva ffinanzjati mill-pakkett tal-programm
|
Impenji = Pagamenti
|
(3)
|
6,929
|
7,029
|
7,129
|
7,329
|
7,529
|
7,629
|
7,729
|
|
51,300
|
TOTAL tal-approprjazzjonijiet għall-pakkett tal-programm
|
Impenji
|
=1+3
|
826,551
|
843,082
|
859,944
|
877,143
|
894,686
|
912,579
|
926,015
|
|
6 140,000
|
|
Pagamenti
|
=2+3
|
9,885
|
65,575
|
94,495
|
303,838
|
480,068
|
560,017
|
968,315
|
3.657,807
|
6.140,000
|
Intestatura tal-qafas finanzjarju
pluriennali
|
7
|
“Nefqa amministrattiva”
|
EUR miljun (aġġustati għal tliet pożizzjonijiet deċimali)
|
2021
|
2022
|
2023
|
2024
|
2025
|
2026
|
2027
|
Wara l-2027
|
TOTAL
|
Riżorsi umani
|
10,696
|
10,696
|
10,696
|
10,696
|
10,696
|
10,696
|
10,696
|
|
74,872
|
Nefqa amministrattiva oħra
|
2,706
|
2,760
|
2,815
|
2,872
|
2,929
|
2,988
|
3,047
|
|
20,118
|
TOTAL tal-approprjazzjonijiet taħt l-INTESTATURA 7 tal-qafas finanzjarju pluriennali
|
(Impenji totali = Pagamenti totali)
|
13,402
|
13,456
|
13,511
|
13,568
|
13,625
|
13,684
|
13,743
|
|
94,990
|
EUR miljun (aġġustati għal tliet pożizzjonijiet deċimali)
|
|
|
2021
|
2022
|
2023
|
2024
|
2025
|
2026
|
2027
|
Wara l-2027
|
TOTAL
|
TOTAL tal-approprjazzjonijiet
fl-INTESTATURI kollha
tal-qafas finanzjarju pluriennali
|
Impenji
|
839,953
|
856,538
|
873,455
|
890,711
|
908,311
|
926,263
|
939,758
|
|
6.234,990
|
|
Pagamenti
|
23,287
|
79,031
|
108,006
|
317,406
|
493,693
|
573,701
|
982,058
|
3.657,807
|
6.234,990
|
EUR miljun (aġġustati għal tliet pożizzjonijiet deċimali)
3.2.2.Impatt stmat fuq l-approprjazzjonijiet ta’ natura amministrattiva
–◻
Il-proposta/l-inizjattiva ma teħtieġx l-użu ta’ approprjazzjonijiet ta’ natura amministrattiva
–X
Il-proposta/inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:
EUR miljun (aġġustati għal tliet pożizzjonijiet deċimali)
Snin
|
2021
|
2022
|
2023
|
2024
|
2025
|
2026
|
2027
|
TOTAL
|
INTESTATURA 7
tal-qafas finanzjarju pluriennali
|
|
|
|
|
|
|
|
|
Riżorsi umani
|
10,696
|
10,696
|
10,696
|
10,696
|
10,696
|
10,696
|
10,696
|
74,872
|
Nefqa amministrattiva oħra
|
2,706
|
2,760
|
2,815
|
2,872
|
2,929
|
2,988
|
3,047
|
20,118
|
Subtotal tal-INTESTATURA 7
tal-qafas finanzjarju pluriennali
|
13,402
|
13,456
|
13,511
|
13,568
|
13,625
|
13,684
|
13,743
|
94,990
|
Barra mill-INTESTATURA 7
tal-qafas finanzjarju pluriennali
|
|
|
|
|
|
|
|
|
Riżorsi umani
|
2,250
|
2,285
|
2,321
|
2,358
|
2,395
|
2,434
|
2,474
|
16,516
|
Nefqa oħra
ta’ natura amministrattiva
|
4,679
|
4,744
|
4,808
|
4,971
|
5,133
|
5,195
|
5,255
|
34,784
|
Subtotal
barra mill-INTESTATURA 7
tal-qafas finanzjarju pluriennali
|
6,929
|
7,029
|
7,129
|
7,329
|
7,529
|
7,629
|
7,729
|
51,300
|
TOTAL
|
20,331
|
20,485
|
20,640
|
20,896
|
21,154
|
21,312
|
21,472
|
146,290
|
L-approprjazzjonijiet meħtieġa għar-riżorsi umani u għal nefqa oħra ta’ natura amministrattiva se jiġu koperti mill-approprjazzjonijiet tad-DĠ li diġà jkunu assenjati għall-ġestjoni tal-azzjoni u/jew li jkunu ġew allokati mill-ġdid fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ ta’ ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.
3.2.2.1.Rekwiżiti stmati tar-riżorsi umani
–◻
Il-proposta/l-inizjattiva ma teħtieġx l-użu ta’ riżorsi umani.
–X
Il-proposta/l-inizjattiva teħtieġ l-użu ta’ riżorsi umani, kif spjegat hawn taħt:
L-istima trid tiġi espressa f’unitajiet ekwivalenti għal full time
|
2021
|
2022
|
2023
|
2024
|
2025
|
2026
|
2027
|
• Pożizzjonijiet fil-pjan ta’ stabbiliment (uffiċjali u persunal temporanju)
|
XX 01 01 01 (Kwartieri ġenerali u Uffiċċji ta’ Rappreżentanza tal-Kummissjoni)
|
66
|
66
|
66
|
66
|
66
|
66
|
66
|
XX 01 01 02 (Delegazzjonijiet)
|
|
|
|
|
|
|
|
XX 01 05 01 (Riċerka indiretta)
|
|
|
|
|
|
|
|
10 01 05 01 (Riċerka diretta)
|
|
|
|
|
|
|
|
·Persunal estern (f’unità Ekwivalenti għall-Full Time: FTE)
|
XX 01 02 01 (AC, END, INT mill-“pakkett globali”)
|
17
|
17
|
17
|
17
|
17
|
17
|
17
|
XX 01 02 02 (AC, AL, END, INT u JED fid-delegazzjonijiet)
|
|
|
|
|
|
|
|
XX 01 04 ss *
|
- fil-Kwartieri Ġenerali
|
14
|
14
|
14
|
14
|
14
|
14
|
14
|
|
- fid-Delegazzjonijiet
|
9
|
9
|
9
|
9
|
9
|
9
|
9
|
XX 01 05 02 (AC, END, INT - Riċerka indiretta)
|
|
|
|
|
|
|
|
10 01 05 02 (AC, ENS, INT - Riċerka diretta)
|
|
|
|
|
|
|
|
Linji baġitarji oħra (speċifika)
|
|
|
|
|
|
|
|
TOTAL
|
106
|
106
|
106
|
106
|
106
|
106
|
106
|
XX huwa l-qasam ta’ politika jew it-titolu baġitarju kkonċernat.
Ir-riżorsi umani meħtieġa se jiġu koperti mill-persunal tad-DĠ li diġà jkun assenjat għall-ġestjoni tal-azzjoni u/jew li diġà jkun ġie riassenjat fid-DĠ, flimkien, jekk ikun meħtieġ, ma’ kull allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limiti baġitarji.
Deskrizzjoni tal-kompiti li jridu jitwettqu:
Uffiċjali u aġenti temporanji
|
|
Persunal estern
|
|
3.2.3.Kontribuzzjonijiet ta’ partijiet terzi
–Il-proposta/l-inizjattiva ma tipprevedix kofinanzjament mingħand partijiet terzi.
–Il-proposta/l-inizjattiva tipprevedi l-kofinanzjament stmat hawn taħt:
Approprjazzjonijiet f’miljuni ta’ EUR (aġġustati għal tliet pożizzjonijiet deċimali)
|
Sena
N
|
Sena
N+1
|
Sena
N+2
|
Sena
N+3
|
Niżżel kemm hemm bżonn snin biex turi d-durata tal-impatt (ara l-punt 1.6)
|
Total
|
Speċifika l-korp ta’ kofinanzjament
|
|
|
|
|
|
|
|
|
TOTAL tal-approprjazzjonijiet kofinanzjati
|
|
|
|
|
|
|
|
|
3.3.Impatt stmat fuq id-dħul
◻
Il-proposta/l-inizjattiva ma għandha l-ebda impatt finanzjarju fuq id-dħul.
–◻
Il-proposta/l-inizjattiva għandha l-impatt finanzjarju li ġej:
–◻
fuq ir-riżorsi proprji
–◻
fuq id-dħul mixxellanju
miljuni ta’ EUR (aġġustati għal tliet pożizzjonijiet deċimali)
Linja baġitarja tad-dħul:
|
Approprjazzjonijiet disponibbli għas-sena finanzjarja attwali
|
Impatt tal-proposta/tal-inizjattiva
|
|
|
Sena
N
|
Sena
N+1
|
Sena
N+2
|
Sena
N+3
|
Niżżel kemm hemm bżonn snin biex turi d-durata tal-impatt (ara l-punt 1.6)
|
Artikolu ………….
|
|
|
|
|
|
|
|
|
Għad-dħul mixxellanju “assenjat”, speċifika l-linja/i baġitarja/i tan-nefqa affettwata/i.
Speċifika l-metodu biex jiġi kkalkolat l-impatt fuq id-dħul.