IL-KUMMISSJONI EWROPEA
Brussell, 14.12.2015
COM(2015) 639 final
KOMUNIKAZZJONI TAL-KUMMISSJONI
Ninvestu f'impjiegi u tkabbir - nimmassimizzaw il-kontribuzzjoni tal-Fondi Strutturali u ta' Investiment Ewropej
EUR-Lex Access to European Union law
This document is an excerpt from the EUR-Lex website
Document 52015DC0639
COMMUNICATION FROM THE COMMISSION Investing in jobs and growth - maximising the contribution of European Structural and Investment Funds
KOMUNIKAZZJONI TAL-KUMMISSJONI Ninvestu f'impjiegi u tkabbir - nimmassimizzaw il-kontribuzzjoni tal-Fondi Strutturali u ta' Investiment Ewropej
KOMUNIKAZZJONI TAL-KUMMISSJONI Ninvestu f'impjiegi u tkabbir - nimmassimizzaw il-kontribuzzjoni tal-Fondi Strutturali u ta' Investiment Ewropej
COM/2015/0639 final
IL-KUMMISSJONI EWROPEA
Brussell, 14.12.2015
COM(2015) 639 final
KOMUNIKAZZJONI TAL-KUMMISSJONI
Ninvestu f'impjiegi u tkabbir - nimmassimizzaw il-kontribuzzjoni tal-Fondi Strutturali u ta' Investiment Ewropej
Introduzzjoni
B’baġit ta’ EUR 454 biljun għall-2014-2020, il-Fondi Strutturali u ta’ Investiment Ewropej 1 (FSIE) huma l-għodda ta' politika ta' investiment ewlenija tal-Unjoni Ewropea (UE).
Sal-2023 2 , il-FSIE se jwasslu massa kritika ta' investiment f'oqsma ta' prijorità prinċipali tal-UE, b'risposta għall-ħtiġijiet tal-ekonomija reali billi jappoġġjaw il-ħolqien tal-impjiegi u billi jwasslu għal tkabbir mill-ġdid tal-ekonomija Ewropea b'mod sostenibbli. Pereżempju, l-Istati Membri impenjaw ruħhom għal dan li ġej: 3
Iktar minn 2 miljun intrapriża se jkunu appoġġjati mill-fondi kollha biex iżidu l-kompetittività tagħhom, jiżviluppaw prodotti, isibu swieq ġodda u joħolqu impjiegi ġodda.
L-investiment fl-infrastruttura se jgħin lill-Istati Membri jtejbu l-ħajjiet tan-nies u l-kompetittività tal-ambjent kummerċjali tagħhom. Dan huwa speċjalment il-każ għall-Istati Membri l-inqas żviluppati, li se jkunu kapaċi jlaħħqu ma’ dawk iktar żviluppati. Aċċess aħjar għall-broadband ta' kwalità u s-servizzi tal-Informazzjoni u t-Teknoloġija tal-Komunikazzjoni u forniment tal-ilma mtejjeb għal ħafna miljuni ta' Ewropej huma ftit mill-eżempji ta' x'inhu mistenni li jinkiseb mill-Fondi SIE.
B’mod kruċjali, il-Fondi se jinvestu fil-ħiliet u l-adattabilità tal-forza tax-xogħol tal-Ewropa, biex miljuni ta’ nies, inklużi ż-żgħażagħ, jingħataw opportunitajiet biex (jerġgħu) jitħarrġu jew jiftħu negozju. Dawn l-opportunitajiet se jkunu disponibbli wkoll għar-refuġjati u l-migranti legali.
Il-perjodu ta’ wara l-kriżi pprovda l-motivazzjoni addizzjonali għar-riforma tal-mod li bih l-FSIE huma ppjanati u użati. Fi klima ta’ investiment globali li qed jonqos, il-massimizzazzjoni tal-impatt tal-FSIE hi prijorità ewlenija, speċjalment peress li dawn jipprovdu l-maġġoranza ta’ investiment pubbliku f’ħafna pajjiżi. Ir-riforma tal-FSIE wasslet għal aktar enfasi fuq ir-riżultati, finanzjament aktar iffukat, u investimenti bbażati fuq ippjanar strateġiku aħjar u l-kapaċità ta’ rendiment. Il-FSIE issa huma għodda ta’ politika ta’ investiment li tħares’ il quddiem, lesta biex tindirizza l-isfidi li qed tiffaċċja l-Ewropa llum u fis-snin li ġejjin.
Il-FSIE jikkontribwixxu għall-Pjan ta’ Investiment għall-Ewropa u jikkomplementaw il-Fond Ewropew għal Investimenti Strateġiċi (FEIS) b’diversi modi: bl-ingranaġġ tal-investiment pubbliku u privat filwaqt li jappoġġjaw ir-riformi strutturali, u jtejbu l-aċċess għall-finanzjament. Il-FSIE se jikkontribwixxu b'mod sostanzjali għall-prijoritajiet politiċi tal-Kummissjoni l-ġdida: il-politiki tas-suq uniku diġitali, tal-unjoni tal-enerġija u tat-tibdil fil-klima, is-suq uniku u l-governanza ekonomika, b’konformità mar-rakkomandazzjonijiet speċifiċi għall-pajjiż fil-kuntest tas-Semestru Ewropew. Fl-aħħar mill-aħħar, il-miri ta’ investiment kollha tal-FSIE jagħtu spinta lill-impjiegi, it-tkabbir u l-investiment fl-Ewropa, b’attenzjoni partikolari fuq iż-żoni li huma l-anqas żviluppati. Huma jikkontribwixxu wkoll biex flimkien jindirizzaw sfidi kondiviżi u jisfruttaw il-potenzjal komuni permezz tal-kooperazzjoni territorjali u l-istrateġiji makroreġjonali.
Din il-Komunikazzjoni tippreżenta r-riżultati ewlenin tan-negozjati bejn l-awtoritajiet tal-Istati Membri u l-imsieħba tagħhom, inklużi l-atturi reġjonali u lokali, u l-Kummissjoni Ewropea, dwar il-programmi ta’ investiment tagħhom flimkien mar-riforma tal-FSIE. Hi tissodisfa r-rekwiżit tal-Artikolu 16(3) tar-Regolament dwar id-Dispożizzjonijiet Komuni 4 u tinkludi dettalji dwar kull Stat Membru fl-Anness II.
1. L-INVESTIMENTI TAL-FSIE FIL-KUNTEST SOĊJOEKONOMIKU TAL-LUM
Xejriet ekonomiċi u soċjali differenti
L-Unjoni Ewropea qiegħda bil-mod tirkupra mill-kriżi ekonomika bi tnaqqis fil-qgħad u bi tkabbir fil-PDG reali li mistenni jkun ta' 1.9% u jibqa' ftit ’il fuq mil-livell tiegħu ta' qabel il-kriżi fl-2015. Madankollu, l-għadd totali ta’ impjiegi hu previst li jibqa’ taħt il-livell tal-2008. Il-kriżi qerdet dak li kien ġie ggwadanjat mill-konverġenza ekonomika li kienet inkisbet f’bosta reġjuni Ewropej u Stati Membri mis-sena 2000, u għalhekk reġġgħet lura x-xejra ta’ tnaqqis fid-disparitajiet u l-faqar reġjonali.
Il-progress lejn il-miri tal-Istrateġija Ewropa 2020 kien irregolari. Sar progress sostanzjali fl-adattament għat-tibdil fil-klima, l-enerġija, u l-edukazzjoni, iżda mhux fil-kisba tal-miri għall-impjiegi u l-faqar. Il-progress fir-riċerka u l-innovazzjoni wkoll kien limitat. Barra minn hekk, ir-reġjuni li huma inqas żviluppati jew li qegħdin fi tranżizzjoni jmorru ferm agħar minn reġjuni oħra għall-biċċa l-kbira tal-miri tal-Ewropa 2020 — ir-rendiment tagħhom jeħtieġ li jitjieb b’mod sostanzjali biex l-UE tilħaq l-objettivi tagħha. Huwa f’dan il-kuntest li l-Istati Membri u l-Kummissjoni ddiskutew il-programmi tal-FSIE tal-2014-2020.
Il-FSIE saru aktar importanti fl-investiment pubbliku, u jikkumpensaw għat-tnaqqis tal-livelli ta’ investiment
Il-kriżi kellha impatt profond fuq il-baġits nazzjonali u reġjonali kollha u llimitat il-finanzjament għal kull tip ta’ investiment. Fl-UE, l-investiment pubbliku naqas bi 15% f’termini reali bejn l-2008 u l-2014. L-investiment totali naqas ukoll b’mod konsiderevoli u bħalissa huwa madwar EUR 300 biljun taħt il-limitu normali storiku. B'riżultat ta' dan, l-importanza tal-finanzjament tal-FSIE għall-kofinanzjar ta’ programmi ta’ investiment pubbliku żdied b’mod konsiderevoli.
Fl-2014-2016, l-impenji mill-FSIE huma mistennija li jammontaw għal bejn wieħed u ieħor 14% tat-total tal-investiment pubbliku bħala medja, bl-ikbar sehem jasal sa aktar minn 70% f’xi Stati Membri (ara t-Tabella 1). Din il-kontribuzzjoni għall-investimenti tagħti spinta għall-ewwel pilastru tal-Pjan ta’ Investiment għall-Ewropa — il-mobilizzazzjoni ta’ riżorsi finanzjarji.
Tabella 1: Proporzjon ta’ finanzjament tal-FSIE fl-investiment pubbliku għall-2014-2016 5
Barra minn hekk, l-aħjar użu tar-riżorsi skarsi ta’ investiment hu żgurat permezz ta’ rabtiet u sinerġiji aktar mill-qrib bejn il-FSIE u strumenti oħra ta’ finanzjament tal-UE, bħal Orizzont 2020, LIFE+, il-Fond għall-Ażil, il-Migrazzjoni u l-Integrazzjoni, COSME, Erasmus+ jew il-Faċilità Nikkollegaw l-Ewropa.
Qafas riformat għal FSIE aktar effettivi
Wara t-tagħlimiet tal-perjodi ta’ programmar preċedenti u b’kont meħud tal-ħtieġa għal użu aħjar tal-FSIE, ir-regolamenti tal-2014-2020 introduċew għadd ta’ riformi ewlenin. Hemm ċaqliq ċar lejn approċċ ta’ politika aktar iffukat, orjentazzjoni msaħħa lejn ir-riżultati, kondizzjonijiet ta’ qafas sodi għall-investimenti, użu aħjar u aktar koordinat tal-finanzjament tal-FSIE permezz tal-qafas strateġiku komuni, u rabtiet aħjar bejn il-prijoritajiet tal-UE u l-ħtiġijiet reġjonali.
Is-Semestru Ewropew u r-rakkomandazzjonijiet speċifiċi għall-pajjiż għandhom rwol ewlieni
Il-punt tat-tluq tal-Kummissjoni għal diskussjonijiet mal-Istati Membri dwar il-prijoritajiet ta’ finanzjament ta’ ftehimiet ta' sħubija u programmi tal-perjodu 2014-2020 kien ibbażat fuq il-miri ta' Ewropa 2020, ir-rakkomandazzjonijiet speċifiċi għall-pajjiżi (CSRs) rilevanti magħmula fil-kuntest tal-proċess tas-Semestru Ewropew, u l-analiżi soċjoekonomika fil-livell tal-Istati Membri u dak reġjonali.
Aktar minn żewġ terzi tas-CSRs adottati fl-2014 kienu rilevanti għall-investiment tal-politika ta’ koeżjoni u ġew ikkunsidrati fil-prijoritajiet tal-programmi tal-Istati Membri. Eżempji ta’ CSRs fejn il-fondi se jappoġġjaw ir-riformi jinkludu:
titjib ta’ u aċċess aħjar għas-suq tax-xogħol u s-sistemi ta’ edukazzjoni u taħriġ,
ir-riċerka, l-iżvilupp u l-innovazzjoni (R&I),
investimenti f’enerġija sostenibbli bħalma huma l-effiċjenza enerġetika u l-enerġija rinnovabbli,
is-settur tas-saħħa,
l-aċċess għall-finanzi,
l-ambjent tan-negozju, u
il-kapaċità amministrattiva.
Fis-snin li ġejjin is-CSRs futuri se jagħtu bidu, fejn rilevanti, għal aġġustamenti fil-programm tal-FSIE, ukoll fuq l-inizjattiva tal-Kummissjoni u b'hekk jiġi żgurat l-appoġġ tal-Kummissjoni għal riformi strutturali fl-Istati Membri. Dan juri li hemm rabta qawwija bejn il-FSIE, il-proċess tas-Semestru Ewropew u l-prijoritajiet ekonomiċi tal-UE f’għadd ta’ Stati Membri ma’ CSRs li huma rilevanti għall-FSIE; dan jikkontribwixxi għat-tielet pilastru tal-Pjan ta’ Investiment għall-Ewropa — it-titjib tal-kondizzjonijiet ta’ investiment.
Titjib tal-kondizzjonijiet ta’ investiment
Wara l-esperjenzi tal-passat ta’ ppjanar insuffiċjenti f’oqsma ewlenin ta’ investiment, ġew introdotti kondizzjonalitajiet ex ante bħala parti mir-riforma tal-FSIE. Dawn jirrikjedu li jkun hemm fis-seħħ oqfsa regolatorji u ta’ politika u li jkun hemm biżżejjed kapaċità amministrattiva qabel ma jsiru investimenti. Huma jkopru bosta oqsma ta’ investiment, inkluż it-titjib tal-istrateġiji reġjonali tar-R&I għall-ispeċjalizzazzjoni intelliġenti, kif ukoll pjanijiet strateġiċi marbuta mas-setturi tal-ilma u tat-trasport, l-inklużjoni attiva, is-servizzi tas-saħħa, l-edukazzjoni vokazzjonali u t-taħriġ.
Għalkemm madwar 75% tal-kondizzjonalitajiet kollha ex ante ġew issodisfati sa meta l-programmi ġew approvati, madwar 750 minnhom ma ntlaħqux (pereżempju il-pjanijiet ġenerali tat-trasport li jirfdu l-investiment tat-trasport). Kienu mifthemin pjanijiet ta’ azzjoni għat-twettiq tagħhom sa mhux aktar tard minn tmiem l-2016 mal-Kummissjoni. Dawn il-pjanijiet se jtejbu l-effettività u l-effiċjenza tal-investiment appoġġjat mill-FSIE, u se jaffettwaw ukoll investiment pubbliku u privat ieħor kif ukoll jgħinu biex jinfurzaw il-leġiżlazzjoni u l-politiki tal-UE fl-Istati Membri.
Konċentrazzjoni ta’ riżorsi u integrazzjoni tal-iżvilupp sostenibbli
Fejn esperjenzi fil-passat urew li l-finanzjament tal-FSIE ma kellux l-impatt mixtieq minħabba n-nuqqas ta’ massa kritika, daħlu fis-seħħ rekwiżiti iktar b’saħħithom biex jiġi żgurat li l-FSIE għall-2014-2020 jiffukaw fuq oqsma ewlenin ta’ investiment u ostakoli fit-tkabbir. Bħala riżultat tad-diskussjonijiet bejn il-Kummissjoni u l-Istati Membri, ir-rekwiżiti legali għal konċentrazzjoni tematika tar-riżorsi tal-FEŻR ta’ sikwit inqabżu mill-Istati Membri u l-investiment issa jiffoka aktar fuq l-appoġġ għall-SMEs u ekonomija b’użu baxx tal-karbonju, filwaqt li jiġi żgurat li l-infrastruttura bażika f’reġjuni anqas żviluppati tkun appoġġjata wkoll fejn meħtieġ.
Minħabba l-importanza u l-urġenza ta’ żvilupp tal-kapital uman, l-Istati Membri allokaw sehem ikbar tal-baġit tal-politika ta’ koeżjoni lill-FSE, meta mqabbel mal-perjodu ta’ programmar preċedenti. Kemm is-sehem minimu tal-FSE kif ukoll l-allokazzjoni minima għall-inklużjoni soċjali nqabżu 6 , li juri l-importanza tal-investiment f’dawn l-oqsma. Il-FSE jikkonċentra fuq il-finanzjament tal-ħames prijoritajiet li ġejjin: l-inklużjoni attiva, l-aċċess għall-impjieg, l-integrazzjoni sostenibbli taż-żgħażagħ fis-suq tax-xogħol, it-tluq bikri mill-iskola u t-tagħlim tul il-ħajja.
It-tħassib dwar l-iżvilupp sostenibbli u t-tibdil fil-klima ġew integrati fil-finanzjamenti kollha tal-FSIE (eż. permezz ta’ allokazzjonijiet finanzjarji, valutazzjonijiet ambjentali strateġiċi u l-integrazzjoni ta’ rekwiżiti ambjentali fl-għażla tal-proġetti). L-Istati Membri wkoll urew impenn qawwi għall-azzjoni dwar it-tibdil fil-klima permezz tal-allokazzjoni ta’ 25% tal-FSIE – jew aktar minn EUR 114-il biljun - għal miżuri ta’ mitigazzjoni u adattament għat-tibdil fil-klima. B’dan il-FSIE se jappoġġja bil-qawwa l-objettiv tal-UE li jonfoq mill-inqas 20% tal-baġit tal-UE fuq l-Azzjonijiet dwar il-Klima.
Tisħiħ tal-enfasi fuq ir-riżultati u l-prestazzjoni
Minkejja r-rekwiżiti għal objettivi, indikaturi u miri fil-passat, dawn ma kinux applikati sistematikament jew b’mod rigoruż. It-titjib introdott għall-perjodu tal-2014-2020 jiżgura li l-programmi jkollhom orjentazzjoni aktar soda lejn ir-riżultati u l-ħtiġijiet ta’ investiment ikunu marbuta ma' għanijiet u prijoritajiet speċifiċi b'indikaturi u miri korrispondenti għall-outputs u r-riżultati. Kull programm għandu qafas ta’ prestazzjoni u l-valutazzjoni tal-prestazzjoni titwettaq skontu. Dan jagħmilha possibbli li jkun hemm rappurtar trasparenti u evalwazzjoni tal-progress lejn l-objettivi tal-programm.
Barra minn hekk, ir-riżerva għall-prestazzjoni ta’ 6% tal-allokazzjonijiet nazzjonali li nżammet għall-attribuzzjoni fl-2019 se tippremja programmi li mexjin bl-aħjar mod lejn il-miri miftiehma tagħhom.
L-istrumenti finanzjarji jagħtu ingranaġġ ogħla
Minħabba l-effett ta’ ingranaġġ tal-istrumenti finanzjarji, l-impatt tal-appoġġ tagħhom huwa akbar minn dak tal-għotjiet għall-istess oqsma ta’ politika. Fl-2014-2020, ġie stabbilit qafas aktar b’saħħtu biex jappoġġja l-użu mifrux ta’ strumenti finanzjarji (self, garanziji, ekwità) f’oqsma ta’ politika fejn l-investiment iwassal għal redditi finanzjarji li jippermettu lill-benefiċjarji sabiex iħallsu lura tal-anqas parti mill-għajnuna li jkunu rċevew.
Din ix-xejra ssaħħet permezz tal-Pjan ta' Investiment għall-Ewropa, li fih il-Kummissjoni tinkoraġġixxi bil-qawwa l-użu ta' istrumenti finanzjarji minflok l-għotjiet tradizzjonali fil-finanzjament tal-FSIE, f'oqsma bħall-appoġġ lill-SME, it-tnaqqis tas-CO2, l-effettività ambjentali u fl-użu tar-riżorsi, l-ICT, it-trasport sostenibbli u r-R&I. Kif irrimarkat fil-Pjan ta' Investiment, hu mistenni li l-fondi impenjati għal strumenti finanzjarji innovattivi matul il-perjodu 2014-2020 se jkollhom effett ta' ingranaġġ dirett u se jiġġeneraw investiment addizzjonali ta' EUR 40-70 biljun, b'effett saħansitra ogħla ta' multiplikazzjoni fl-ekonomija reali billi se jattira l-investiment privat.
Bħala riżultat ta’ diskussjonijiet mal-Istati Membri, l-allokazzjonijiet ippjanati kollha mill-FSIEs għall-istrumenti finanzjarji żdiedu b’mod konsiderevoli (ara t-tabella 2). Fil-kuntest tal-massimizzazzjoni tas-sinerġiji u l-komplementaritajiet bejn ir-riżorsi tal-FSIE u l-Fond Ewropew għall-Investimenti Strateġiċi (FEIS), il-Kummissjoni qed toħroġ fuljett għall-Istati Membri u partijiet ikkonċernati oħrajn. Barra minn hekk, jeżisti wkoll il-potenzjal li r-riżorsi tal-FSIE jingħaqdu ma’ strumenti finanzjarji taħt Orizzont 2020 u programmi oħra tal-UE, li fuqhom ukoll se jkun hemm ukoll gwida disponibbli.
Tabella 2: Ammont ta’ finanzjament tal-FSIE mogħti permezz ta’ strumenti finanzjarji fl- 2007-2013 u l-2014-2020 (EUR miljun)
Simplifikazzjoni
Is-simplifikazzjoni hija fattur importanti fl-aċċess għall-finanzjament, u hija rikonoxxuta bħala proċess kontinwu li permezz tagħha huma identifikati u mħaddma prattiki sempliċi iżda sodi. Il-qafas regolatorju l-ġdid jipprovdi possibilitajiet sinifikanti għas-simplifikazzjoni, partikolarment fir-rigward ta’ regoli komuni ta’ eliġibilità, għażliet tal-kosti ssimplifikati u governanza elettronika. Fil-ftehimiet u l-programmi ta’ sħubija, l-Istati Membri pprovdew sommarju tas-sorsi prinċipali tal-piż amministrattiv għall-benefiċjarji (applikazzjoni u proċedura ta’ pagament, segwiti minn awditi u kontrolli, rappurtar u tħejjija tal-proġetti), kif ukoll ta’ azzjonijiet ta’ simplifikazzjoni ppjanati sabiex jiġu indirizzati. B’mod ġenerali, l-esperjenza turi li hemm lok għall-awtoriflessjoni u tagħlim reċiproku minn prattiki differenti tal-Istati Membri.
Biex tindirizza dan, il-Kummissjoni waqqfet Grupp ta’ Livell Għoli ta’ Esperti Indipendenti dwar is-Simplifikazzjoni tal-Monitoraġġ għall-Benefiċjarji tal-Fondi Strutturali u ta’ Investiment Ewropej. Il-grupp hu fdat bl-inkarigu li jidentifika prattiki kemm tajbin u kemm ħżiena, u li jgħin sabiex jinxterdu l-possibbiltajiet ta’ simplifikazzjoni fost l-awtoritajiet tal-Istati Membri. Il-ħidma tiegħu se tikkontribwixxi biex jintlaħqu l-għanijiet ġenerali ta’ regolamentazzjoni aħjar u l-inizjattiva ta' "baġit iffukat fuq ir-riżultati".
Sħubijiet imtejba u governanza f’diversi livelli għal programmi aħjar u t-twassil tagħhom
Il-prinċipju ta’ sħubija — kooperazzjoni mill-qrib bejn l-awtoritajiet pubbliċi, l-imsieħba ekonomiċi u soċjali u korpi li jirrappreżentaw lis-soċjetà ċivili matul it-tħejjija, l-implimentazzjoni, il-monitoraġġ u l-evalwazzjoni tal-programm sabiex jissaħħu impenn kollettiv wiesa' u sjieda u programmi ta’ kwalità — huwa saħansitra aktar importanti fil-perjodu 2014-2020. Fil-Kodiċi ta’ Kondotta 7 , il-Kummissjoni iddeskriviet l-istandards minimi għal kif għandha tiġi organizzata sħubija li taħdem sew: għandha tiżgura li l-partijiet ikkonċernati rilevanti jiġu inklużi fil-proċess u li l-opinjoni tagħhom tkun qed tintalab permezz ta’ konsultazzjoni miftuħa.
Il-Kummissjoni tat attenzjoni speċjali għal kif l-Istati Membri jinvolvu lill-imsieħba fi ftehimiet u programmi ta’ sħubija. Ġeneralment ir-rispons kien pożittiv u l-preokkupazzjonijiet li nġiebu għall-attenzjoni tal-Kummissjoni ġew indirizzati mal-awtoritajiet nazzjonali. Barra minn hekk, kull Stat Membru jimplimenta l-prinċipju ta’ sħubija b’mod differenti, skont l-istrutturi nazzjonali amministrattivi u l-kultura. It-tisħiħ tal-kultura ta' sħubija huwa proċess fit-tul, u r-riżultati se jidhru biss fuq perjodu ta’ żmien medju u twil.
Aktar attenzjoni fil-livell lokali u l-investiment fl-indirizzar ta’ konċentrazzjoni ta' sfidi territorjali
Biex ikun hemm aktar flessibbiltà fit-tfassil tat-twassil tal-finanzjament tal-FSIE abbażi tal-ħtiġijiet tat-territorju inkwistjoni, ġew stabbiliti mekkaniżmi ta' twassil ġodda u mtejba:
L-investimenti territorjali integrati (ITI) jagħmluha possibbli li l-finanzjament mid-diversi programmi Ewropej jingħaqdu biex jappoġġjaw l-implimentazzjoni tal-istrateġiji ta’ żvilupp territorjali. 20 Stat Membru se jużaw l-ITI f’oqsma li jvarjaw minn viċinati urbani sa żoni metropolitani mċaħħda, minn rotot ta’ wirt kulturali għal sottoreġjuni milquta mir-ristrutturar ekonomiku.
L-appoġġ għal strateġiji ta’ żvilupp urban sostenibbli fejn l-awtoritajiet urbani jkollhom rwol fl-implimentazzjoni se jaqbeż EUR 16-il biljun (9.9% tat-total tal-baġit tal-FEŻR, ogħla mill-mira ta’ 5% stabbilita), b’finanzjament addizzjonali konsiderevoli mill-FSE f’għadd ta’ Stati Membri. Il-biċċa l-kbira tal-finanzjament se jappoġġja żoni urbani fil-ġestjoni tat-tranżizzjoni lejn ekonomija b’livell baxx ta’ karbonju permezz ta’ investiment fl-effiċjenza enerġetika u l-enerġiji rinnovabbli, il-mobilità urbana sostenibbli u t-titjib tal-ambjent urban. Il-finanzjament se jindirizza wkoll l-isfidi tad-deprivazzjoni fiżika u soċjali ta' żoni urbani.
L-iżvilupp lokali mmexxi mill-komunità (CLLD) jagħti s-setgħa lil gruppi ta’ azzjoni lokali (LAGs) biex jimplimentaw strateġiji għall-ħolqien tal-impjiegi u t-tkabbir u t-tisħiħ tal-inklużjoni soċjali billi jingħaqdu fondi differenti tal-UE. Matul il-perjodu ta’ programmar, is-CLLD b’diversi fondi huwa appoġġjat b’aktar minn EUR 12-il biljun. Fl-iżvilupp rurali, aktar minn 2 500 strateġija lokali se jilħqu nofs il-popolazzjoni rurali tal-UE, filwaqt li l-FEMS se jappoġġja xi 280 minn dawn l-istrateġiji f’komunitajiet kostali u interni. 17-il Istat Membru se jappoġġjaw l-istrateġiji ta’ żvilupp lokali wkoll fil-politika ta’ koeżjoni.
23 Stat Membru jipparteċipaw fi strateġija waħda jew aktar makroreġjonali u/jew tal-baċini tal-baħar li jippermettilhom ifasslu u jimplimentaw il-prijoritajiet nazzjonali u reġjonali tagħhom b’mod aktar effettiv u b’mod aktar ikkoordinat biex jimmassimizzaw il-potenzjal komuni. Fl-2014-2020, l-istrateġiji makroreġjonali kollha (il-Baltiku, id-Danubju, l-Adrijatiku u Joniku, tal-Alpi) 8 u l-istrateġija tal-baċin tal-Atlantiku huma integrati fil-programmi tal-FSIE.
Il-FSIE kollha huma attivament użati għall-kooperazzjoni transnazzjonali.
Ġew imwarrba allokazzjonijiet speċjali biex jindirizzaw il-ħtiġijiet speċifiċi ta’ territorji bħar-reġjuni l-aktar imbiegħda, żoni b’popolazzjoni baxxa u Stati Membri muntanjużi u gżejjer. Barra minn hekk, il-finanzjament għall-kooperazzjoni territorjali issa huwa aktar iffukat fuq l-isfidi komuni.
2. KISBIET MISTENNIJA TAL-PROGGRAMI TAL-FSIE 9
Għall-2014-2020, ġew allokati EUR 454 biljun f'finanzjament tal-FSIE għall-promozzjoni tal-ħolqien tal-impjiegi u t-tkabbir. Hu mistenni koffinanzjar nazzjonali li jammonta għal tal-anqas EUR 183 biljun, b’investiment totali li jilħaq EUR 637 biljun.
Dawn il-FSIE joperaw taħt qafas legali u strateġiku komuni fl-UE kollha. Kull Stat Membru għandu ftehim ta’ sħubija li jiġbor flimkien il-finanzjament minn sa ħames FSIE. Hawn taħt tingħata ħarsa ġenerali lejn il-kisbiet mistennija tal-finanzjament tal-FSIE mwassal permezz ta' 456 programm nazzjonali (tematiċi) u reġjonali u ta' 79 programm ta' kooperazzjoni Interreg. L-Anness II għandu aktar dettalji dwar il-FSIE fl-Istati Membri, u l-Anness I għandu aktar dettalji dwar il-programmi Interreg.
L-Anness IV jagħti ħarsa ġenerali ta’ skeda ta' żmien għall-approvazzjoni ta’ ftehimiet ta’ sħubija u programmi li saru wara li ġiet adottata l-leġiżlazzjoni, tard fl-2013.
2.1 Żvilupp tar-R&I, l-ICT and l-SME
Il-FSIE jikkontribwixxu EUR 121 biljun biex jintlaħqu l-għanijiet ta’ tkabbir intelliġenti tal-UE, u b'hekk jitjiebu r-R&I, il-kompetittività tal-SMEs u s-suq uniku diġitali. Dawn l-investimenti fl-ekonomija reali huma mistennija li jsaħħu l-kapaċitajiet ta’ riċerka tan-negozji u istituzzjonijiet ta’ edukazzjoni għolja, joħolqu inkubaturi u ċentri teknoloġiċi, jippermettu l-aċċess għal kapital ta’ riskju u self, jibnu sħubiji bejn raggruppamenti, jattivaw l-ekosistemi tal-innovazzjoni, jipprovdu servizzi avvanzati, jistimolaw il-kollaborazzjoni fil-katini tal-valur Ewropej sabiex is-suq intern isir aktar profond u tissaħħaħ il-bażi industrijali u l-qawmien mill-ġdid rurali tal-Ewropa.
Tisħiħ tar-R&I — prijorità ewlenija għal trasformazzjoni ekonomika bbażata fuq il-post
L-istrateġiji ta’ speċjalizzazzjoni intelliġenti (RIS3) huma l-pedament tal-investiment fir-R&I. Dawn huma prekondizzjoni għall-finanzjament mill-FEŻR u jitqiesu wkoll għall-finanzjament mill-FAEŻR. Huma jipprovdu oqfsa ta’ politika għal appoġġ b'saħħtu għar-R&I, ibbażati fuq l-evidenza u l-involviment tal-partijiet ikkonċernati u jibnu fuq is-saħħiet reġjonali filwaqt li jsegwu metodoloġija komuni. Din il-prekondizzjoni wasslet għal bidla fundamentali fil-mod ta’ kif tiġi implimentata l-politika ta’ innovazzjoni u tiġdid tal-kultura tal-ippjanar reġjonali bbażata fuq il-parteċipazzjoni attiva tal-partijiet ikkonċernati. Huwa mistenni wkoll li tikkontribwixxi għall-bini tal-kapaċità fl-amministrazzjoni pubblika, li min-naħa tagħha se tinkoraġġixxi sinerġiji mal-Orizzont 2020 u ttejjeb il-kwalità u l-impatt tal-investimenti fir-R&I.
L-Istati Membri u r-reġjuni kollha qed jippjanaw li jinvestu fir-R&I. Hemm enfasi speċjali fuq l-attivitajiet li jinkoraġġixxu l-innovazzjoni fl-SMEs, bħall-inkubazzjoni, l-iskemi tal-vawċers, l-innovazzjoni fil-proċess, id-diżinn u s-servizz, il-kooperazzjoni bejn l-universitajiet u n-negozji, ir-raggruppamenti u n-netwerking. Hu ppjanat ukoll appoġġ sinifikanti għal dan li ġej: investiment pubbliku u privat fl-infrastruttura u t-tagħmir għar-R&I, servizzi ta’ appoġġ, it-trasferiment tat-teknoloġija u l-iżvilupp tal-innovazzjonijiet li jindirizzaw l-isfidi tas-soċjetà bħall-enerġija, l-ambjent u s-soċjetà li qiegħda tixjieħ. Dawn huma xi ċifri ewlenin marbuta mal-kisbiet mistennija:
129 460 kumpanija se jirċievu appoġġ biex iżidu l-kapaċità tagħhom għar-R&I. Minn dawn, 71 250 se jaħdmu ma’ istituzzjonijiet ta’ riċerka;
se jinħolqu impjiegi għal 29 370 riċerkatur ġdid u se jitjiebu l-faċilitajiet għal 71 960 riċerkatur eżistenti;
il-proġetti se jgħinu lill-kumpaniji jdaħħlu 15 370 prodott ġdid fis-suq;
il-finanzjament privat ta' EUR 9.9 biljun li hu ugwali għall-appoġġ pubbliku għall-proġetti tar-R&I jirrappreżenta madwar 6% tan-nefqa annwali tar-riċerka u l-iżvilupp tal-intrapriżi tan-negozju fl-UE kollha;
f’żoni rurali, se jiġu appoġġjati aktar minn 3 000 proġett ta’ innovazzjoni, u ’l fuq minn 12 000 proġett se jirċievu appoġġ biex jiżviluppaw prattiki, proċessi u teknoloġiji ġodda fis-setturi tal-agrikoltura, tal-ikel u tal-forestrija. 3.9 miljun bidwi u SMEs oħra rurali se jiġu offruti taħriġ u 1.4 miljun benefiċjarju se jirċievu servizzi ta’ konsulenza.
Sostenn lis-suq uniku diġitali
Il-FSIE se jinvestu lejn l-objettivi tas-suq uniku diġitali. Infrastruttura broadband imtejba se tagħti aċċess aħjar lill-konsumaturi u lin-negozji għal oġġetti u servizzi diġitali, b’mod partikolari f’żoni rurali. Gvern elettroniku u interoperabbiltà mtejba se jżidu l-kosteffiċjenza u l-kwalità tas-servizzi pprovduti. Id-diġitalizzazzjoni tal-kumpaniji se tintegra teknoloġiji ġodda u tmexxi t-tranżizzjoni lejn sistema industrijali intelliġenti.
Il-kisbiet mistennija jinkludu:
14.6 miljun unità domestika addizzjonali se jkollhom aċċess għal broadband b’veloċità għolja b’appoġġ mill-FEŻR;
18.8 miljun persuna f'żoni rurali se jkollhom servizzi jew infrastruttura tal-ICT ġodda jew imtejba taħt l-FAEŻR;
77 500 kumpanija se jirċievu sostenn tal-FEŻR biex iżidu l-użu ta’ servizzi tal-ICT ta’ kwalità u biex jiżviluppaw prodotti tal-ICT.
Sostenn għat-tkabbir ta’ intrapriżi żgħar u ta’ daqs medju tal-Ewropa (SMEs)
Il-FSIE se jippromwovu l-innovazzjoni fost l-SMEs u se jikkontribwixxu għal suq intern aktar profond u ġust, b’bażi industrijali aktar b’saħħitha. Se jagħmlu dan permezz ta’: l-appoġġ għar-R&I, l-iżvilupp tan-negozju, l-intraprenditorija, l-inkubazzjoni, it-trasferiment tat-teknoloġija, l-effiċjenza fl-użu tal-enerġija u l-appoġġ għar-raggruppamenti, u servizzi ta’ appoġġ aħjar għall-SMEs. Kważi nofs dan l-appoġġ se jingħata permezz ta’ strumenti finanzjarji. Huma mistennija r-riżultati li ġejjin:
L-appoġġ se jingħata lil madwar 801 500 kumpanija għal ħolqien dirett ta’ 354 300 impjieg ġodda. Flimkien mal-appoġġ tar-R&I lill-kumpaniji, dan ifisser li 5% tal-SMEs kollha tal-EU u 8% tal-kumpaniji ġodda se jirċievu appoġġ finanzjarju tal-UE;
396 500 intrapriża mikro, żgħar u ta’ daqs medju (inklużi intrapriżi kooperattivi u intrapriżi tal-ekonomija soċjali) se jirċievu finanzjament biex jinvestu fl-iżvilupp tal-kapital uman u fil-ħiliet tal-persuni;
aktar minn 334 000 kumpanija rurali se jżidu l-kompetittività tagħhom. Barra minn hekk, madwar 138 000 bidwi se jirċievu appoġġ biex jipparteċipaw fi skemi ta’ kwalità u kważi 129 000 bidwi se jirċievu appoġġ biex jingħaqdu ma’ organizzazzjonijiet tal-produtturi. 30 000 bidwi se jingħataw għajnuna biex iwaqqfu ktajjen qosra tal-provvista u swieq lokali u biex jipparteċipaw fihom;
l-appoġġ fis-settur tas-sajd fil-biċċa l-kbira se jieħu l-forma ta’ appoġġ għal sajd fuq skala żgħira, li huwa ta’ importanza soċjali, ekonomika u kulturali kbira għall-komunitajiet kostali lokali, speċjalment fil-baċir tal-Mediterran. Huwa mistenni li fis-settur tas-sajd u tal-akkwakultura jinħolqu aktar minn 10 200 impjieg ġdid, filwaqt li se jinżammu 85 000 ieħor.
2.2 L-ambjent, it-tibdil fil-klima, l-enerġija u t-trasport
Il-FSIE se jkunu essenzjali għat-tkabbir sostenibbli fl-Ewropa, u se jkunu ta’ benefiċċju għan-nies, il-kumpaniji u l-ambjent bl-istess mod. Bl-ogħla baġit li qatt kien allokat għall-investiment tal-UE fl-oqsma tal-enerġija, l-ambjent, il-klima, il-ġestjoni tar-riskju u t-trasport sostenibbli — ta’ EUR 193 biljun — il-programmi se jikkontribwixxu b’mod sinifikanti biex jintlaħqu l-għanijiet ta’ politiki importanti tal-UE bħall-unjoni tal-enerġija, u biex tingħata direzzjoni lill-Ewropa fit-triq lejn ekonomija b’livell baxx ta’ karbonju. Huma se joħolqu wkoll opportunitajiet ta’ negozju u impjiegi ekoloġiċi f’setturi li għandhom potenzjal sinifikanti ta’ tkabbir u li ġeneralment urew reżiljenza matul il-kriżi 10
Fir-reġjuni marittimi, l-appoġġ tal-FSIE huwa mistenni li jilħaq mill-inqas EUR 7.9 biljun ta’ investiment immirat lejn l-inizjattivi għat-tkabbir blu, inklużi t-trasport marittimu, l-enerġija rinnovabbli, it-turiżmu kostali, il-bijoteknoloġija u l-akkwakultura.
Sostenn għall-unjoni tal-enerġija u l-ekonomija b’livell baxx ta’ karbonju
Il-FSIE se jappoġġjaw l-iżvilupp tal-unjoni tal-enerġija billi aktar milli jirdoppjaw il-fondi allokati għall-ekonomija b’livell baxx ta' karbonju, sa EUR 45 biljun għall- 2014-20, u b'hekk jipprovdu spinta għall-implimentazzjoni tal-leġiżlazzjoni tal-UE, u jipprovdu finanzjament biex jiġu indirizzati l-ostakoli amministrattivi u tekniċi.
L-enfasi se jkun fuq l-effiċjenza fl-użu tal-enerġija; filwaqt li jsir kontribut għal dan li ġej:
875 000 familja se jkunu qed jgħixu fi djar li ġew rinnovati biex jitnaqqas l-użu tal-enerġija,
il-binjiet pubbliċi se jużaw 5.2 TWh/sena anqas enerġija milli qegħdin jużaw issa;
aktar minn 57 000 kumpanija, b’mod partikolari l-SMEs, u 18 000 intrapriża agrikola se joperaw b’effiċjenza mtejba fl-użu tal-enerġija, u
għadd ta’ bastimenti tas-sajd li huma qodma u ineffiċjenti jew li għandhom magni ta' daqs akbar min-normal se jiġu sostitwiti.
Dan se jgħin lill-UE tilħaq il-miri tagħha għall-effiċjenza fl-użu tal-enerġija, u se jwassal għal kontijiet orħos tal-enerġija, titjib tal-kondizzjonijiet tal-għajxien u tax-xogħol, impjiegi lokali, u aktar negozji kompetittivi.
Qasam ieħor ewlieni ta' investiment hu l-ġenerazzjoni ta’ enerġija b’livell baxx ta’ karbonju u l-iżvilupp ta’ grids moderni u interkonnessi aħjar li huma aktar faċli biex jiġu mmaniġġjati (jiġifieri “grilji intelliġenti”). L-investiment f’dan il-qasam hu mistenni li jirriżulta fi:
7 670 MW ta’ kapaċità tal-enerġija rinnovabbli addizzjonali (li hu kważi daqs il-kapaċità tal-elettriku installata attwali totali tal-Kroazja u s-Slovenja flimkien);
3.3 miljun utent tal-enerġija addizzjonali konnessi mal-grilji intelliġenti;
konnessjonijiet aħjar tal-enerġija — sitt Stati Membri qed jippjanaw li jużaw madwar EUR 2 biljun għal infrastrutturi intelliġenti tal-gass u tal-elettriku biex ineħħu l-konġestjonijiet fl-enerġija.
It-tranżizzjoni għal livell baxx ta' karbonju hi appoġġjata wkoll fiż-żoni rurali, u l-kisbiet mistennija jinkludu:
4 miljun ettaru ta’ art agrikola u ta’ forestrija se jibbenefikaw mill-appoġġ għas-sekwestru tal-karbonju jew azzjonijiet ta’ konservazzjoni;
7.6% tat-total ta’ art agrikola se jinġiebu taħt kuntratti ta’ mmaniġġjar li jappoġġjaw it-tnaqqis tal-emissjonijiet tal-gassijiet b’effett ta’ serra u tal-ammonja;
investiment alternattiv f’sorsi ta’ enerġija rinnovabbli sostenibbli se jiġbor total ta’ EUR 2.7 biljun.
B’mod ġenerali, il-FSIE se jikkontribwixxu direttament għal tnaqqis tal-emissjonijiet tal-gassijiet b’effett ta’ serra annwali stmat ta’ madwar 30 miljun tunnellata ta’ ekwivalenti ta’ CO2, li jirrappreżenta madwar 50% tal-emissjonijiet tal-Iżvezja jew l-Ungerija.
Investiment fil-protezzjoni tal-ambjent u l-effiċjenza tar-riżorsi
Il-protezzjoni ambjentali se tibqa’ tirċievi appoġġ sostanzjali — estiża fil-kamp ta' applikazzjoni, u mmirata lejn soluzzjonijiet innovattivi. L-implimentazzjoni ta’ dispożizzjonijiet ewlenin tal-leġiżlazzjoni ambjentali tal-UE hija prekondizzjoni għall-finanzjament (eż. dwar il-valutazzjoni tal-impatt ambjentali). Dan se jgħin lis-setturi tal-ilma u l-ġestjoni tal-iskart f'bosta Stati Membri għar-riġenerazzjoni tal-ibliet, l-appoġġ tal-protezzjoni tan-natura, l-għajnuna lill-industriji tal-UE biex isiru aktar effiċjenti fl-użu tar-riżorsi, u jikkontribwixxi għall-kisba tal-objettivi tal-ekonomija ċirkolari tal-UE. Il-programmi ta’ kooperazzjoni territorjali se jappoġġjaw il-ġestjoni konġunta ta’ assi naturali komuni u jiżviluppaw servizzi tal-ekosistema. Ir-riżultati mistennija ta’ investiment f’dan il-qasam jinkludu:
16.9 miljun ruħ se jgawdu minn trattament ta’ ilma mormi aħjar u 12.4 miljun minn provvista mtejba ta’ ilma — dan se jilħaq 56% tal-popolazzjoni li bħalissa m’għandhomx aċċess għal provvista pubblika tal-ilma;
l-installazzjoni ta’ 5.8 miljun tunnellata/sena ta’ kapaċità għar-riċiklaġġ tal-iskart solidu addizzjonali;
titjib tal-protezzjoni u l-ġestjoni ta’ 6.4 miljun ettaru ta’ erja tas-superfiċje tal-ħabitats naturali
appoġġ għal 39 miljun aktar żjarat annwali għal siti ta’ wirt kulturali u naturali.
Il-kisbiet mistennija fiż-żoni rurali jinkludu:
17.4% ta’ art agrikola u 3.5% ta’ foresti ser ikunu mmirati lejn protezzjoni aħjar tal-bijodiversità, rispettivament 30.6 u 4.1 miljun ettaru;
biedja organika sostnuta fuq 10 miljun ettaru ta' art agrikola tal-UE (5.7% tal-erja maduma mill-bdiewa).
L-Istati Membri se jidderieġu l-appoġġ tal-FEMS lejn użu aktar sostenibbli tar-riżorsi bijoloġiċi tal-baħar u t-tnaqqis tal-impatti ambjentali (inkluż permezz ta’ appoġġ għal tekniki ta’ sajd selettivi) billi jagħmlu investimenti li jindirizzaw il-qabdiet mhux mixtieqa u jtejbu l-valur miżjud tal-prodotti tas-sajd.
Il-biċċa l-kbira tal-Istati Membri jużaw ir-riżorsi tal-FSIE għall-ġestjoni, ir-restorazzjoni u l-monitoraġġ tas-siti ta’ Natura 2000, f’konformità mal-għanijiet tal-politika tal-UE dwar in-natura u l-bijodiversità.
Tibdil fil-klima u prevenzjoni tar-riskju
L-investimenti fl-adattament għat-tibdil fil-klima u l-prevenzjoni tar-riskju tinkludi firxa wiesgħa ta’ miżuri, inklużi l-prevenzjoni tal-għargħar u miżuri bbażati fuq l-ekosistema bħall-infrastruttura ekoloġika li għandhom l-għan li jipproteġu 13.3 miljun persuna mill-għargħar u 11.8 miljun min-nirien tal-foresti filwaqt li jħallu impatt pożittiv fuq l-impjiegi u t-tkabbir.
Barra minn hekk, fil-FAEŻR ġie introdott tip ġdid ta’ strument għall-ġestjoni tar-riskju, u jinkludi l-appoġġ għal primjums tal-assigurazzjoni, l-istabbiliment ta’ fondi mutwi u għodda ta’ stabbilizzazzjoni tad-dħul. 14-il Stat Membru injettaw total ta’ EUR 2.7 biljun tan-nefqa pubblika f’għodod ta’ ġestjoni ta’ riskju, bil-għan li jiġu appoġġjati madwar 635 000 farm.
Fil-qasam marittimu u tas-sajd, l-appoġġ għas-sostituzzjoni ta’ magni ineffiċjenti jew it-tneħħija ta’ bastimenti tas-sajd qodma u ineffiċjenti se jikkontribwixxu għall-effiċjenza fl-użu tal-enerġija.
Appoġġ għal trasport sostenibbli
It-trasport huwa settur ewlieni li jikkontribwixxi għall-iżvilupp ekonomiku u soċjali sostenibbli fl-UE u r-reġjuni tagħha.
Il-FSIE se jiffinanzjaw proġetti ta’ infrastruttura li jimmiraw li jagħlqu l-konnessjonijiet nieqsa u jneħħu l-punti ta’ konġestjoni, speċjalment fl-Istati Membri u r-reġjuni inqas żviluppati. Dawn jinkludu:
il-kostruzzjoni u t-titjib ta’ 7 515-il km ta’ linji ferrovjarji, li minnhom 5 200 km huma tat-TEN-T;
il-kostruzzjoni ta’ 3 100 km ta’ toroq ġodda, li minnhom 2 020 km se jkunu TEN-T, u r-rikostruzzjoni ta’ 10 270 km ta' toroq, li minnhom 798 km se jkunu TEN-T. L-2 818-il km ta’ toroq TEN-T li jridu jinbnew jew jiġu mmodernizzati jirrappreżentaw 5% tan-netwerk TEN-T;
il-kostruzzjoni jew it-titjib ta’ 748 km ta’ linji tat-tramm u tal-metro;
il-kostruzzjoni jew it-titjib ta’ 977 km ta’ passaġġi fuq l-ilma interni.
Barra minn hekk, il-FSIE se jipprovdu appoġġ konsiderevoli sabiex it-trasport fl-Ewropa jsir iktar effiċjenti u aktar ekoloġiku, pereżempju billi:
jitjiebu l-konnessjonijiet bejn mezzi differenti ta’ trasport (multimodalità);
jkun hemm appoġġ għal bidla lejn modi ta’ trasport aktar sostenibbli bħall-ferroviji, it-trasport pubbliku, ir-roti, u l-mixi f’zoni urbani;
jiġi ffaċilitat l-użu ta’ sistemi u infrastruttura ta’ trasport intelliġenti li jagħmluha possibbli li jintużaw fjuwils alternattivi.
2.3 L-impjiegi, l-inklużjoni soċjali u l-edukazzjoni
F'dan il-qasam se jiġu investiti total ta' EUR 120 biljun, iffinanzjati b'mod predominanti mill-FSE iżda bl-appoġġ ta' Fondi SIE oħra ukoll.
Promozzjoni ta’ impjiegi sostenibbli u ta’ kwalità
F’konformità mar-rakkomandazzjonijiet speċifiċi għall-pajjiżi rilevanti, il-FSIE se jappoġġjaw miżuri ta’ politika għas-suq tax-xogħol attiv, inkluż aċċess imtejjeb għas-suq tax-xogħol, appoġġ għall-istituzzjonijiet tas-suq tax-xogħol, u l-mobilità tal-ħaddiema. Se jiffukaw fuq gruppi fil-mira l-aktar fil-bżonn ta’ appoġġ, pereżempju n-nies li jkunu qiegħda fit-tul, iż-żgħażagħ qiegħda jew inattivi, u ħaddiema aktar anzjani. L-investiment fl-impjiegi ser jimmira wkoll biex jiġu rikonċiljati x-xogħol u l-ħajja privata, biex tiġi promossa l-ugwaljanza bejn in-nisa u l-irġiel, u l-anzjanità attiva u b’saħħitha u jappoġġja l-ħolqien tal-impjiegi billi jagħti spinta lill-impjieg indipendenti, l-intraprenditorija u l-opportunitajiet ta’ ħolqien tan-negozju, inkluż għall-intrapriżi ż-żgħar u dawk mikro.
Dan l-appoġġ għall-impjieg huwa mistenni li:
itejjeb l-opportunitajiet ta’ sejbien ta’ xogħol għal 10 miljun persuna qiegħda;
jiżgura li jiġu impjegati 2.3 miljun persuna, inkluż dawk impjegati għal rashom (minħabba l-appoġġ tal-FSE);
jgħin 237 700 persuna jieħdu sehem f’inizjattivi ta’ mobilità lokali jew inizjattivi ta’ taħriġ konġunt u tal-impjiegi minn fruntiera għall-oħra.
Promozzjoni tal-inklużjoni soċjali
Il-kontribuzzjoni tal-FSIE għall-inklużjoni soċjali se tiffoka l-aktar fuq l-isfidi identifikati fir-rakkomandazzjonijiet speċifiċi għall-pajjiżi, bħall-appoġġ għal dawk li qegħdin f’riskju, is-sistemi tal-kura tas-saħħa u s-servizzi tal-kura fit-tul. Dawn l-investimenti għandhom l-għan li jiżguraw l-aċċessibbiltà u l-effikaċja tas-servizzi soċjali u tas-saħħa; u li jippromwovu l-inklużjoni tar-Roma. Mill-inqas EUR 1.5 biljun se jintefqu fuq l-appoġġ għal komunitajiet emarġinati bħal dawk tar-Roma.
Huma mistennija r-riżultati li ġejjin:
2.6 miljun persuna inattivi appoġġjati;
jibbenefikaw minn 2 sa 2.5 miljun persuna żvantaġġati.
41.7 miljun persuna se jibbenefikaw minn servizzi tas-saħħa mtejba, inkluż l-investiment fis-saħħa elettronika.
L-investimenti tal-FEŻR ta' EUR 4.5 biljun ippjanati fl-infrastruttura soċjali se jinkludu appoġġ immirat lejn servizzi soċjali fil-komunità għall-gruppi vulnerabbli (persuni b’diżabilità, tfal, anzjani, pazjenti bi problemi ta’ saħħa mentali).
Fil-kuntest tal-kriżi attwali tar-refuġjati, il-FSIE jistgħu jappoġġjaw ukoll lir-refuġjati u lil dawk li jfittxu l-ażil, u l-familji tagħhom. Dan l-appoġġ jinkludi miżuri li jiffaċilitaw l-aċċess għas-suq tax-xogħol u li jippromwovu l-inklużjoni soċjali, bħalma huma l-edukazzjoni (inkluż għat-tfal), it-taħriġ vokazzjonali, it-taħriġ, l-akkomodazzjoni, il-one-stop shops, il-konsulenza, l-attivitajiet ta' kkowċjar, u l-korsijiet tal-lingwa.
Investiment fl-edukazzjoni u t-taħriġ.
Il-FSIE se jinvestu fl-edukazzjoni u t-taħriġ. Il-biċċa l-kbira tal-Istati Membri se jinvestu fl-edukazzjoni u t-taħriġ vokazzjonali sabiex itejbu kemm ir-rilevanza tas-sistemi tal-edukazzjoni u t-taħriġ kif ukoll it-tranżizzjoni mill-edukazzjoni għax-xogħol u t-tagħlim tul il-ħajja. Il-biċċa l-kbira tal-finanzjament f’dan il-qasam, madankollu, se jkun ikkonċentrat fuq il-prevenzjoni tat-tluq bikri mill-iskola u l-promozzjoni ta’ aċċess ugwali għall-edukazzjoni ta’ kwalità tajba fil-bidu tat-tfulija, l-edukazzjoni primarja u dik sekondarja. Se jkun hemm ukoll appoġġ għall-edukazzjoni għolja, l-apprendistati u t-traineeships kif ukoll l-infrastrutturi tal-edukazzjoni.
Huwa mistenni li:
jiġu appoġġjati 4.1 miljun persuna taħt il-25 sena;
2.9 miljun persuna se jiksbu kwalifika;
400 000 persuna se jibdew l-edukazzjoni jew it-taħriġ wara li jirċievu l-appoġġ;
6.8 miljun żagħżugħ u żagħżugħa se jkunu jistgħu jużaw faċilitajiet tal-kura tat-tfal jew faċilitajiet edukattivi mtejba fi 15-il Stat Membru.
Barra minn hekk, l-investiment fl-infrastruttura tal-edukazzjoni se twassal għal aċċess aħjar għal edukazzjoni ta’ kwalità għolja u għal tnaqqis fin-numru ta’ tfal li jħallu l-iskola kmieni, kif ukoll għat-titjib u l-modernizzazzjoni tas-sistemi tal-edukazzjoni u t-taħriġ meħtieġa għall-aġġornament tal-ħiliet u l-kwalifiki, it-titjib tal-ħiliet tal-forza tax-xogħol, u l-ħolqien ta’ impjiegi ġodda.
Madwar 10% tal-baġit tal-FEMS se jintużaw għal attivitajiet ta' taħriġ professjonali u tagħlim tul il-ħajja għall-operaturi tas-sajd u l-akkwakultura u l-imsieħba privati tagħhom. Dan jinkludi d-diversifikazzjoni ta’ attivitajiet fi ħdan il-komunitajiet lokali, b’enfasi partikolari fuq in-nisa u ż-żgħażagħ.
L-Inizjattiva favur l-Impieg taż-Żgħażagħ (YEI)
20 Stat Membru huma eliġibbli għall-YEI, li ġiet integrata f’34 programm tal-FSE. L-inizjattiva tnediet fl-2013 u kienet fil-baġits tal-2014 u l-2015 bħala għajnuna biex jintlaħqu riżultati konkreti bi tweġiba għall-qgħad għoli fost iż-żgħażagħ. Se tkompli taħdem sal-aħħar tal-2018.
L-Istati Membri se jużaw il-fondi allokati lill-YEI biex jinvestu f'apprendistati, traineeships u impjiegi ta’ kwalità li jistgħu jikkontribwixxu għal integrazzjoni fit-tul fis-suq tax-xogħol u jżidu l-impjegabbiltà taż-żgħażagħ. Dan se jappoġġja l-objettiv ewlieni tal-politika tal-UE f’dan il-qasam, stipulat fir-Rakkomandazzjoni tal-Kunsill dwar l-Istabbiliment ta’ Garanzija għaż-Żgħażagħ (2013). Il-qofol tal-implimentazzjoni tal-YEI, jiġifieri f’termini kemm ta’ progress finanzjarju kif ukoll tar-riżultati fir-rigward tal-parteċipanti, huwa mistenni li jseħħ fl-2016-18.
L-implimentazzjoni tal-YEI hi mistennija li:
tgħin 3.1 miljun parteċipant qiegħda jew inattivi jlestu proġett tal-YEI.
tgħin 1.6 miljun parteċipant qiegħda jew inattivi jirċievu offerta ta’ impjieg, ikomplu l-edukazzjoni, apprendistat jew traineeship meta l-appoġġ tal-YEI ikun intemm;
tappoġġja 1.3 miljun parteċipant qiegħda jew inattivi biex jieħdu sehem f’edukazzjoni/taħriġ, jiksbu xi kwalifika, jew isibu impjieg, inkluż impjieg għal rashom.
Minkejja l-eliġibbiltà bikrija tan-nefqa taħt il-YEI (l-1 ta’ Settembru 2013), l-implimentazzjoni tagħha bdiet aktar tard u kienet pjuttost kajmana fl-2014. Il-likwidità finanzjarja ġiet identifikata bħala problema u kienet indirizzata b’żieda ta’ 30% ta’ prefinanzjament mill-linja baġitarja tal-YEI fl-2015.
2.4 Tisħiħ tal-kapaċità istituzzjonali u ta' amministrazzjoni pubblika effiċjenti
Il-kwalità tal-amministrazzjoni pubblika għandha impatt dirett fuq l-ambjent ekonomiku u għalhekk hija kruċjali għall-istimulazzjoni tal-produttività, il-kompetittività u t-tkabbir. L-Istħarriġiet Annwali dwar it-Tkabbir ta’ dawn l-aħħar erba’ snin għarfu l-ħtieġa li l-Istati Membri jtejbu l-kwalità tal-amministrazzjoni pubblika u l-effettività tas-sistemi ġudizzjarji bħala prijorità ewlenija għall-implimentazzjoni b’suċċess tal-Istrateġija Ewropa 2020.
Il-FSIE jappoġġjaw il-ħolqien ta’ istituzzjonijiet stabbli u prevedibbli li huma wkoll kapaċi jirreaġixxu għall-isfidi tas-soċjetà, huma miftuħa għal djalogu mal-pubbliku, u jilqgħu l-bidla teknoloġika fl-għoti ta’ servizzi aħjar. 17-il Stat Membru se jinvestu EUR 4.2 miljun (FSE/FEŻR) fil-bini tal-kapaċità istituzzjonali, skont il-ħtiġijiet individwali tagħhom. Il-kisbiet mistennija jinkludu:
it-titjib tal-kwalità tat-tfassil tal-politika permezz ta' kapaċità aħjar ta' monitoraġġ u analitika, valutazzjoni tal-impatt issimplifikata, u sistemi għat-tnaqqis tal-burokrazija;
it-titjib tat-twassil tas-servizzi amministrattivi permezz ta' aċċess diversifikat, proċessi back-office ottimizzati u soluzzjonijiet interoperabbli tal-gvern elettroniku;
iż-żieda fl-effettività tas-sistemi ġudizzjarji tal-Istati Membri, pereżempju permezz ta’ taħriġ tal-persunal tal-qorti u l-introduzzjoni ta’ sistemi ta’ ġestjoni tal-każijiet fil-qrati;
iż-żieda fit-trasparenza tal-amministrazzjoni pubblika u involviment aktar b'saħħtu tal-partijiet ikkonċernati;
it-titjib tal-kwalità, l-integrità u l-professjonaliżmu tas-servizzi ċivili.
Il-FEŻR jikkumplementa l-attivitajiet għar-riforma amministrattiva ffinanzjati mill-FSE mal-investiment fl-ICT u infrastruttura oħra.
Barra minn hekk, il-programmi Interreg se jikkontribwixxu EUR 790 miljun biex jistabbilixxu jew jikkonsolidaw l-istruttura tal-kooperazzjoni u biex is-servizzi pubbliċi jsiru aktar effiċjenti bejn il-fruntieri.
KONKLUŻJONI: MINN INTENZJONIJIET TAJBIN GĦAL AZZJONI PRATTIKA
Spinta għall-investiment fl-UE
Il-Fondi Ewropej Strutturali u ta’ Investiment (FSIE) iwittu t-triq għal tkabbir sostenibbli fit-tul u ħajja aħjar f’Ewropa aħjar għaċ-ċittadini tagħha. Sal-2023, il-programmi tal-FSIE se jipprovdu aktar minn EUR 637 biljun għall-investiment fl-Istati Membri kollha, f’konformità mal-prijoritajiet tal-Kummissjoni l-ġdida. Aktar minn 500 programm innovattiv qed jiksbu r-riżultati fl-għanijiet tal-politika tal-UE inkluż il-Pjan ta’ Investiment għall-Ewropa kemm permezz tal-mobilizzazzjoni tar-riżorsi finanzjarji kif ukoll it-titjib tal-kondizzjonijiet ta’ investiment. Il-programmi jimmiraw ukoll li jżidu l-effettività tal-finanzjament, li se jkollu impatt pożittiv fuq il-ħajja u l-opportunitajiet ta’ xogħol ta’ għexieren ta’ miljuni ta’ Ewropej. Huma jikkontribwixxu wkoll b’mod sinifikanti għall-implimentazzjoni tal-liġi tal-UE u għar-riformi strutturali wara r-rakkomandazzjonijiet taħt is-Semestru Ewropew, billi jtejbu l-ambjent tan-negozju u jsaħħu l-kapaċità amministrattiva.
Aktar minn flus
Il-modi kif il-FSIE rriformati jikkontribwixxu għat-tkabbir tal-UE jmorru ferm lil hinn mill-finanzjament biss. Il-kondizzjonalitajiet ex ante jappoġġjaw u joffru inċentivi għal riformi strutturali u jgħinu biex tinħoloq klima aħjar għall-investiment kemm għall-investiment privat kif ukoll pubbliku bl-istess mod. Barra minn hekk, l-enfasi akbar fuq il-governanza tajba u l-kapaċità amministrattiva fis-settur pubbliku se jiżguraw amministrazzjonijiet pubbliċi modernizzati u effiċjenti (inkluż billi jiġu indirizzati l-fallimenti tas-suq u l-provvista ta’ prodotti pubbliċi). Barra minn hekk, il-programmi INTERREG u l-istrateġiji makroreġjonali jressqu liċ-ċittadini ta’ Stati Membri differenti flimkien u jtejbu l-kondizzjonijiet tal-ħajja soċjali u ekonomika tagħhom permezz ta’ kooperazzjoni transkonfinali.
Indirizzar ta’ sfidi ġodda fil-futur
Is-suċċess tal-programmi tal-FSIE – u tal-istrateġiji li jirfduhom permezz tal-kondizzjonalitajiet ex ante - se jiddependi fuq il-governanza tajba u l-bidu immedjat tagħhom, kif ukoll l-implimentazzjoni sħiħa tagħhom fis-snin li ġejjin. Hija wkoll meħtieġa r-rieda li wieħed jadatta għal ċirkostanzi li jinbidlu, bħalma huma l-kriżi tar-refuġjati. L-oqsma fejn huma meħtieġa sforzi kontinwi matul il-perjodu ta’ implimentazzjoni tal-2014-2020 huma b’mod partikolari relatati biex jiġi żgurat l-iffukar fuq ir-riżultati u l-livell ta’ ambizzjoni għall-miri u b'hekk ikompli jiżdied l-użu ta’ strumenti finanzjarji, u jsir użu sħiħ tas-sinerġiji bejn l-FSIE, l-FEIS u sorsi oħra ta’ finanzjament bħal Orizzont 2020 fil-livell tal-proġett, fil-livell tal-istrument finanzjarju u permezz ta’ pjattaformi ta’ investiment. Is-750 pjan ta’ azzjoni fis-seħħ biex jissodisfaw il-kondizzjonalitajiet ex ante juru li hemm lok għal żvilupp u ħtieġa għall-Kummissjoni li tipprovdi għajnuna prattika f’xi Stati Membri sabiex tiżgura l-kondizzjonijiet tajbin ta’ investiment.
Huwa neċessarju wkoll li jkompli jiġi ssimplifikat l-aċċess għall-FSIE u titnaqqas il-burokrazija f’konformità mal-objettivi tal-Kummissjoni ta’ regolamentazzjoni aħjar u bbaġitjar iffukat fuq ir-riżultati.
ANNESSI
ANNESS I: Il-kooperazzjoni territorjali Ewropea/Interreg
ANNESS II: Skedi dwar il-pajjiżi
ANNESS III: Il-valutazzjoni ġenerali tal-addizzjonalità
ANNESS IV: L-iskeda ta’ żmien għat-tressiq u l-adozzjoni ta’ ftehimiet ta’ sħubija u programmi
Il-Fond Ewropew tal-Iżvilupp Reġjonali (FEŻR); Il-Fond Soċjali Ewropew (FSE); Il-Fond ta' Koeżjoni (FK); Il-Fond Agrikolu Ewropew għall-Iżvilupp Rurali (FAEŻR); Il-Fond Ewropew għall-Affarijiet Marittimi u s-Sajd (FEMS). Il-politika ta’ koeżjoni tinkludi l-FEŻR, l-FSE u l-FK.
2023 hija l-aħħar tal-perjodu ta' nfiq tal-FSIE għall-2014-2020.
Il-kisbiet ippreżentati f’din il-komunikazzjoni huma bbażati fuq il-miri stabbiliti għal indikaturi komuni tal-output u tar-riżultati mill-Istati Membri għall-programmi tal-Fondi SIE. Tista' ssib aktar dettalji, inkluża d-dejta ta' sfond, fuq: https://cohesiondata.ec.europa.eu/ .
Ir-Regolament (UE) Nru 1303/2013.
Il-finanzjament tal-FSIE jkopri l-impenji annwali tal-Istati Membri għall-perjodu 2014-2016. L-investiment pubbliku jkopri formazzjoni grossa ta’ kapital fiss (GFCF) tas-settur pubbliku kif ukoll l-infiq pubbliku fl-agrikoltura u s-sajd wara l-klassifikazzjoni tal-funzjonijiet tal-gvern (COFOG). Sabiex l-investimenti kollha tal-FSIE jiġu ppreżentati b’mod komparabbli fir-rigward ta’ investimenti pubbliċi, din it-tabella tinkludi wkoll in-nefqa attwali fl-agrikoltura u s-sajd bħala parti mill-investiment pubbliku tal-gvernijiet nazzjonali. Id-dejta sħiħa fuq l-oqsma tal-investimenti tal-FSIE hi disponibbli fuq: https://cohesiondata.ec.europa.eu/
Għalkemm is-sehem minimu tal-FSE ammonta għal 23.1% tal-baġit tal-politika ta’ koeżjoni, is-sehem reali jammonta għal 24.8%. Il-baġit tal-FSE allokat għall-inklużjoni soċjali jammonta għal 25.6%, li jaqbeż il-limitu minimu ta’ 20%.
Regolament ta’ Delega tal-Kummissjoni (UE) Nru 240/2014
Fil-kuntest tal-politika marittima integrata, l-istrateġiji tal-baċin tal-Baltiku, l-Adrijatiku u l-Joniku kollha huma mdaħħla fl-istrateġiji mikroreġjonali korrispondenti.
Il-kisbiet ippreżentati f’din il-komunikazzjoni huma bbażati fuq il-miri stabbiliti għal indikaturi komuni tal-output u tar-riżultati mill-Istati Membri għall-programmi tal-Fondi SIE. Tista' ssib aktar dettalji, inkluża d-dejta ta' sfond, fuq: https://cohesiondata.ec.europa.eu/ .
L-impjiegi fl-UE fis-settur tal-oġġetti u s-servizzi ambjentali żdied minn 3 għal 4.2 miljun bejn l-2002 u l-2011, inkluż b’20% matul is-snin tar-reċessjoni (COM(2014) 446 final)
IL-KUMMISSJONI EWROPEA
Brussell, 14.12.2015
COM(2015) 639 final
ANNESS
ANNESS I: IL-KOOPERAZZJONI TERRITORJALI EWROPEA/INTERREG
tal-
Komunikazzjoni tal-Kummissjoni
Ninvestu f'impjiegi u tkabbir - nimmassimizzaw il-kontribuzzjoni tal-Fondi Strutturali u ta' Investiment Ewropej
ANNESS I: Il-kooperazzjoni territorjali Ewropea/Interreg
Introduzzjoni
Il-Kooperazzjoni territorjali Ewropea (ETC), magħrufa wkoll bħala Interreg, hi t-tieni objettiv tal-politika ta’ koeżjoni. Hi tipprovdi qafas għal azzjoni konġunta bejn l-Istati Membri, biex jinstabu soluzzjonijiet komuni għal problemi komuni. Tippromwovi l-kooperazzjoni transkonfinali permezz ta’ 79 programm organizzati fi tliet oqsma: transkonfinali, transnazzjonali u interreġjonali.
Ir-riżorsi għal Interreg jammontaw għal ftit inqas minn 3% tal-FEŻR, l-FSE u l-Fond ta’ Koeżjoni, jiġifieri EUR 10 biljuni. Id-dejta ta’ hawn taħt tirreferi għal EUR 9.1 biljuni investiti mal-UE kollha u l-pajjiżi tal-EFTA (jiġifieri minbarra programmi fil-fruntieri esterni tal-UE).
Il-kontribuzzjoni tal-ETC/Interreg għal tkabbir intelliġenti, sostenibbli u inklużiv
It-tkabbir sostenibbli jirċievi bil-bosta l-akbar sehem ta’ investiment ta' Interreg. 73 programm ta’ kooperazzjoni se jinvestu 41% tal-baġit totali tal-FEŻR għal Interreg f’miżuri għat-titjib tal-ambjent u bħala appoġġ għal azzjonijiet konġunti fl-oqsma tal-ġestjoni tal-ilma, it-trattament tal-ilma tar-rimi, il-konservazzjoni u r-restawr ta’ ħabitats u speċijiet, il-prevenzjoni tar-riskji naturali u dawk ikkawżati mill-bniedem bħalma huma l-għargħar jew in-nirien, it-turiżmu sostenibbli u l-effiċjenza fl-użu tal-enerġija. Dan huwa skont il-perċezzjoni ġenerali li l-protezzjoni ambjentali min-natura tagħha m'għandhiex konfini amministrattivi u għalhekk hija responsabbiltà konġunta li ssejjaħ għal koordinazzjoni u kooperazzjoni b’saħħitha.
Xi riżultati mistennija jinkludu:
2.1 miljun ettaru ta’ ħabitats bi status aħjar ta’ konservazzjoni;
2.9 miljun persuna protetta aħjar mill-għargħar;
2.9 miljun persuna protetta aħjar min-nirien fil-foresti;
5 200 kumpanija appoġġjati fil-promozzjoni ta' tkabbir sostenibbli.
L-azzjonijiet relatati mat-tibdil fil-klima huma 20% tal-allokazzjonijiet tal-programmi Interreg u dan hu konformi mal-għan tal-UE li jintefqu tal-anqas 20% tal-baġit tal-UE f’azzjonijiet bħal dawn.
L-investiment fi tkabbir intelliġenti għandu t-tieni l-ogħla sehem ta’ finanzjament, b’27% tal-baġit. B'mod partikolari, 46 programm se jinvestu fit-tisħiħ tar-R&I. Xi riżultati mistennija jinkludu:
•22 500 kumpanija appoġġjati fil-promozzjoni ta' tkabbir intelliġenti;
•6 900 kumpanija li jaħdmu f’kooperazzjoni ma’ istituzzjonijiet ta’ riċerka bejn il-fruntieri tal-UE;
•1 300 riċerkatur direttament involuti f'attivitajiet ta' riċerka transkonfinali u transnazzjonali.
13% tal-baġit ta' Interreg hu ddedikat għall-promozzjoni tat-tkabbir inklużiv. L-attivitajiet marbuta mal-impjiegi u l-edukazzjoni u t-taħriġ iwasslu b'mod sinifikanti għal aktar opportunitajiet għal inizjattivi konġunti ta’ impjiegi jew taħriġ. Xi riżultati mistennija jinkludu:
•53 250 parteċipant f’inizjattivi konġjunti ta’ impjiegi u taħriġ;
•238 000 parteċipant f’inizjattivi ta’ mobbiltà tax-xogħol bejn il-fruntieri;
•1 400 kumpanija li jinsabu f'reġjuni fuq il-fruntiera appoġġjati fil-promozzjoni ta' tkabbir inklużiv.
L-investiment fit-trasport huwa l-pass li jmiss, bi 33 programm bl-għan li tittejjeb il-konnettività ġenerali, prinċipalment permezz ta’ investiment fit-toroq u fil-portijiet u permezz tal-promozzjoni ta' sistemi tat-trasport multimodali, nodfa u intelliġenti minn naħa għall-oħra tal-fruntieri. L-investiment ferrovjarju huwa limitat ħafna minħabba l-ammont relattivament żgħir ta’ finanzjament disponibbli taħt il-programmi ta' Interreg.
Fl-aħħar nett, il-programmi ta' Interreg jindirizzaw ukoll il-kooperazzjoni istituzzjonali, b’EUR 790 miljun allokati għat-twaqqif jew it-tisħiħ ta’ strutturi ta’ kooperazzjoni u għat-titjib tal-effiċjenza tas-servizzi pubbliċi. Barra minn hekk, xi programmi se jikkontribwixxu għall-kooperazzjoni istituzzjonali b’finanzjament minn attivitajiet speċifiċi skont is-settur bħalma huma l-ambjent, il-forniment tal-kura tas-saħħa jew l-inklużjoni soċjali.
Governanza
(1)Strutturi ta' ġestjoni
L-istrutturi ta' ġestjoni tal-programmi ta' Interreg baqgħu ġeneralment stabbli meta mqabbla mal-perjodu preċedenti. Madankollu, kien hemm bosta bidliet sinifikanti fl-istrutturi ta’ twassil, jiġifieri ġew identifikati tliet żoni ta’ programmi transnazzjonali ġodda (id-Danubju, l-Adrion u l-Balkan Med) u 13-il programm ta’ kooperazzjoni transkonfinali ħatru awtoritajiet maniġerjali ġodda.
L-introduzzjoni ta’ qafas ta’ prestazzjoni għall-programmi ta' kooperazzjoni kien verament ta' sfida, l-aktar minħabba nuqqas kbir ta’ dejta transkonfinali u transnazzjonali sinifikanti. Huwa diffiċli li jiġu stabbiliti l-linji ta’ bażi u l-miri meta jkun hemm nuqqas ta’ evidenza ta’ flussi speċifiċi.
(2)Koordinazzjoni bejn il-programmi ta' Interreg u ta' IfGJ
L-arranġamenti ta’ koordinazzjoni bejn l-istrutturi amministrattivi tal-programmi ta' Interreg u tal-programmi ta' IfGJ huma fil-biċċa l-kbira ta’ natura organizzattiva: rappreżentanti tal-programmi ta' Interreg jieħdu sehem f’korpi ta' koordinazzjoni nazzjonali tal-FSIE u għalhekk huma involuti fil-proċess tat-teħid tad-deċiżjonijiet.
(3)Simplifikazzjoni
Il-programmi jindirizzaw il-ħidma 'l quddiem tal-Kummissjoni Ewropea lejn is-simplifikazzjoni u t-tnaqqis tal-piż amministrattiv tal-benefiċjarji fi gradi li jvarjaw. Is-simplifikazzjoni se tirriżulta parzjalment minn regoli u mudelli armonizzati għall-programmi kollha ta' Interreg. Barra minn hekk, il-parti l-kbira tal-programmi jużaw l-għażliet tal-ispejjeż simplifikati offruti mir-regolamenti u ħafna impenjaw ruħhom għal azzjonijiet speċifiċi biex inaqqsu l-piż amministrattiv għall-benefiċjarji.
(4) Kontribuzzjonijiet finanzjarji
Għalkemm ir-regolamenti jippermettu rata ta' kofinanzjament mill-FEŻR sa 85%, ta’ min jinnota li programmi ta' Interreg li jinvolvu msieħba (l-aktar pubbliċi) li ħadmu flimkien permezz ta’ Interreg għal ħafna snin ta’ spiss jużaw rata ta’ kofinanzjament aktar baxxa. Dan juri l-maturità li qed tikber ta’ mekkaniżmi ta’ kooperazzjoni stabbiliti fir-reġjuni kkonċernati.
IL-KUMMISSJONI EWROPEA
Brussell, 14.12.2015
COM(2015) 639 final
ANNESS
ANNESS II: Skedi informattivi tal-pajjiżi
tal-
Komunikazzjoni tal-Kummissjoni
Ninvestu f'impjiegi u tkabbir - nimmassimizzaw il-kontribuzzjoni tal-Fondi Strutturali u ta' Investiment Ewropej
ANNESS II: SKEDI DWAR IL-PAJJIŻI
Werrej
il-Belġju
il-Bulgarija
il-Kroazja
Ċipru
ir-Repubblika Ċeka
id-Danimarka
l-Estonja
Franza
il-Ġermanja
il-Greċja
l-Ungerija
l-Irlanda
l-Italja
il-Latvja
il-Litwanja
il-Lussemburgu
Malta
in-Netherlands
il-Polonja
il-Portugall
ir-Rumanija
is-Slovakkja
is-Slovenja
Spanja
l-Iżvezja
ir-Renju Unit
1. FSIE fl-Awstrija
Sfidi ekonomiċi u soċjali fil-kuntest tal-FSIE
Wara fażi ta’ żvilupp ekonomiku segwita minn tnaqqis modest bħala riżultat tal-kriżi, l-Awstrija issa tidher li dieħla f’fażi ta’ tkabbir ekonomiku aktar baxx. Dan jista’ jagħmilha aktar diffiċli biex jintlaħqu l-għanijiet tagħha għall-innovazzjoni, is-suq tax-xogħol u l-edukazzjoni, it-tnaqqis fl-emissjonijiet tas-CO2 u l-effiċjenza tar-riżorsi. L-Awstrija għandha dgħufijiet speċifiċi fl-innovazzjoni u fit-trasferiment teknoloġiku minn istituzzjonijiet ta' riċerka għall-SMEs u fl-investiment privat fir-R&Ż. Il-pajjiż jeħtieġlu jtejjeb il-proviżjoni tal-edukazzjoni tax-xjenza u tat-teknoloġija u l-opportunitajiet tax-xogħol f'dan il-qasam. B’mod aktar ġenerali, jeħtieġ li jgħin lill-persuni akbar fl-età, in-nisa, iż-żgħażagħ u lil nies minn sfond ta’ migrazzjoni biex isiru aktar impjegabbli. L-Awstrija għandha bżonn ukoll li ttejjeb l-effiċjenza tagħha fl-użu tar-riżorsi biex jiġu indirizzati l-emissjonijiet tas-CO2 li qed jiżdiedu, l-użu ta' livelli għolja ta’ nitrat fl-agrikoltura u n-nuqqas ta’ bijodiversità fil-forestrija. Rakkomandazzjonijiet ta’ politika tal-UE lill-Awstrija fis-Semestru Ewropew jindirizzaw xi wħud minn dawn il-problemi, li huma parti mill-isfidi usa’ tal-Awstrija marbutin mal-età tal-irtirar, is-sostenibbiltà tas-sistema tal-pensjonijiet, is-suq tax-xogħol u l-edukazzjoni u l-kwalifiki.
Prijoritajiet ewlenin u riżultati
Huma u jippromwovu l-innovazzjoni, ir-riċerka u l-iżvilupp teknoloġiku, il-FSIE se jgħinu lill-Awstrija twettaq l-objettiv tagħha li tkun fuq quddiem nett tal-innovazzjoni u l-mira ambizzjuża tal-istrateġija Ewropa 2020 li tinfoq 3.76% tal-PDG fuq ir-R&Ż. Il-FSIE se jappoġġjaw l-infrastruttura u l-kapaċitajiet ta' riċerka fiż-żoni ta' saħħa reġjonali tal-Awstrija u r-rwol tal-pajjiż fi proġetti Ewropej importanti bħal konsorzju tal-infrastruttura tar-riċerka Ewropea u l-forum tal-istrateġija Ewropea dwar l-infrastruttura ta' riċerka. EUR 248 miljun se jintefqu fuq ir-R&Ż fl-SMEs, billi jżidu fin-numru ta’ “mexxejja teknoloġiċi” u billi jagħmlu n-negozji b’mod ġenerali aktar innovattivi.
EUR 792 miljun se jintefqu biex l-SMEs ikunu aktar kompetittivi, billi jiffukaw fuq l-agrikoltura, l-industrija, is-servizzi u l-akkwakultura. Il-FSIE se jikkontribwixxu għal żieda ta’ 3% fis-sena f’negozji ġodda, b’mod partikolari f’setturi innovattivi u ta' għarfien intensiv, u se jappoġġjaw it-tkabbir ekonomiku ppjanat annwali ta’ 5% fin-numru tal-SMEs. Parti mill-finanzjament se tintuża biex tgħin l-Awstrija tilħaq il-miri tagħha ta’ infrastruttura ta' broadband imtejba jew ġdida għal 2.3 miljun abitant ta' żoni rurali sal-2030 u se tinvesti fir-ristrutturazzjoni u fil-modernizzazzjoni ta’ madwar 20 000 farm sal-2023, flimkien ma’ kważi 650 proġett ta’ kooperazzjoni.
Barra minn hekk, EUR 231 miljun se jintefqu fuq it-tnaqqis tal-emissjonijiet tas-CO2 fis-setturi kollha tal-ekonomija. Dan se jinvolvi t-tisħiħ tal-użu tal-enerġija rinnovabbli tal-kumpaniji minn 10% għal 12-13%, billi jgħin il-kumpaniji jiksbu żieda annwali ta’ 5% fl-effiċjenza tar-riżorsi u billi jiffinanzja l-istrateġiji lokali u reġjonali għat-tnaqqis tas-CO2. EUR 1.27 biljun se jintefqu fuq l-adattament għat-tibdil fil-klima, il-prevenzjoni tar-riskju u l-immaniġġjar tar-riskju f’żoni rurali u EUR 1.28 biljun se jiġu investiti fil-preservazzjoni u l-protezzjoni tal-ambjent u l-promozzjoni tal-effiċjenza tar-riżorsi f’żoni rurali. Il-Fondi tal-FAEŻR se jgħinu biex l-Awstrija tirrestawra, tippreserva u ssaħħaħ il-bijodiversità u s-sistemi agrikoli u forestali b’valur għoli ta’ konservazzjoni. Hi trid li aktar minn 83% tal-art agrikola tagħha tkun koperta b'kuntratti ta’ mmaniġġjar li jappoġġjaw il-bijodiversità u/jew il-pajsaġġi u 78% b'kuntratti ta’ mmaniġġjar għat-titjib tal-immaniġġjar tal-ħamrija. 75% tal-art agrikola tal-pajjiż se tibbenefika minn appoġġ mill-FAEŻR għall-iżvilupp tal-immaniġġjar sostenibbli tal-ilma. Il-finanzjament tal-FEMS se jintefaq fuq is-sajd u l-akkwakultura sostenibbli, it-titjib tal-bijodiversità akkwatika u l-ekosistemi akkwatiċi, u se jżid il-produzzjoni annwali mill-akkwakultura tal-pajjiż b’5 000 tunnellata sal-2023.
Il-finanzjament tal-ESIF ta’ EUR 123 miljun se jintefaq fuq il-promozzjoni ta’ impjiegi sostenibbli u ta’ kwalità u s-sostenn tal-mobilità tax-xogħol, b’mod partikolari billi jappoġġja l-iżvilupp sostenibbli integrat f’ċerti żoni urbani u rurali u billi jtejjeb l-impjegabbiltà tal-ħaddiema kbar fl-età, nisa, żgħażagħ (b’mod partikolari dawk minn sfond ta’ migrazzjoni) u l-gruppi soċjali li huma f’riskju ta’ esklużjoni soċjali. EUR 553 miljun huma disponibbli għall-promozzjoni tal-inklużjoni soċjali, tal-ġlieda kontra l-faqar u tal-antidiskriminazzjoni. Dan hu prinċipalment maħsub biex jgħin liż-żgħażagħ u l-gruppi soċjali minn sfond ta’ migrazzjoni (inklużi r-Rom). It-tkabbir ekonomiku inklużiv hu għalhekk appoġġjat b’madwar 19% tal-allokazzjoni tal-FSIE. EUR 243 miljun għandhom jiġu investiti fl-edukazzjoni, it-taħriġ u t-taħriġ vokazzjonali għal ħiliet u t-tagħlim tul il-ħajja, b’mod partikolari biex jittejbu r-riżultati edukattivi għaż-żgħażagħ żvantaġġati u jiġu appoġġjati t-tagħlim tul il-ħajja u t-taħriġ vokazzjonali fl-agrikoltura u l-forestrija. Kważi 610 000 persuna mistennija li jingħataw taħriġ sal-2023.
Użu ta’ strumenti finanzjarji u għodod territorjali
L-Awstrija qed tippjana li talloka EUR 3 miljun lil strumenti finanzjarji għal investiment f’ekwità permezz tal-HighTechFund Linz fl-Awstrija ta’ Fuq, li jipprovdi kapital ta’ riskju għal intrapriżi ta' żgħażagħ teknoloġikament orjentati li jinsabu fil-fażi ta' bidu u għal kumpaniji li qed jespandu. Għalkemm l-investiment fi strumenti finanzjarji hu b’mod sinifikanti anqas miċ-ċifra tal-2007-2013, l-Awstrija qed jirnexxilha tkopri l-ħtiġijiet tagħha bl-użu ta’ strumenti nazzjonali eżistenti, u għalhekk ma hemm ebda lakuna li jeħtiġilha tiġi indirizzata mill-istrumenti finanzjarji tal-FSIE.
EUR 27.2 miljun (5% tal-FEŻR) se jintefqu fuq żvilupp urban sostenibbli integrat fi Vjenna u fl-Awstrija ta’ Fuq. Iċ-Ċentru għall-Mudell ta' Xmara Responsabbli se jkun ikkofinanzjat fi Vjenna, u se jikkontribwixxi għall-Istrateġija tal-UE għar-Reġjun tad-Danubju. Il-provinċja ta’ Tirol se tirċievi EUR 5.5 miljun biex iservu bħala prova għal żvilupp lokali mmexxi mill-komunità f’sebgħa mis-subreġjuni tagħha. Sћubiji lokali f’żoni rurali mistennija li joħolqu 800 impjieg ġdid.
Informazzjoni prinċipali
Politika ta’ koeżjoni (FSE, FEŻR) |
FAEŻR |
FEMS |
ETC |
|
Nru ta’ programmi |
2 (nazzjonali) |
1 |
1 |
10 |
Fondi disponibbli (EUR) |
978 349 432 |
3 937 551 997 |
6 965 000 |
1 061 990 384 1 |
2. Prekondizzjonijiet għal użu effettiv u effiċjenti tal-FSIE
L-Awstrija tissodisfa l-kondizzjonalitajiet ex ante applikabbli kollha għal użu effettiv u effiċjenti tal-FSIE. Qabel l-adozzjoni tal-programmi, il-Kummissjoni żgurat ruħha li l-Awstrija kellha tistabbilixxi l-kondizzjonijiet regolatorji meħtieġa biex jappoġġjaw ir-R&Ż, b’mod partikolari li hi kellha strateġija ta’ "speċjalizzazzjoni intelliġenti" fil-livell nazzjonali u reġjonali.
3. Immaniġġjar tal-FSIE
Il-koordinazzjoni tal-FSIE se tkun żgurata mill-Kanċellerija Federali u l-Konferenza Awstrijaka dwar l-Ippjanar Spazjali. Il-pajjiż naqqas l-għadd tal-programmi tal-FSIE minn 13 fl-2007-2013 għal 4, biex l-implimentazzjoni ssir aktar sempliċi. Issa għandha programm tal-FEŻR wieħed għall-pajjiż kollu minflok disa’ programmi reġjonali, u programm tal-FSE wieħed minflok tnejn. Naqqset ukoll in-numru ta’ awtoritajiet ta’ mmaniġġjar minn 11 għal 2. In-numru ta’ korpi intermedji tal-FEŻR naqas minn 36 għal 16, u kemm l-awditjar tal-FEŻR u l-awtoritajiet ta’ ċertifikazzjoni qed iżidu l-kapaċità amministrattiva tagħhom. Billi korp intermedju importanti se jwaqqaf il-ħolqien ta' nefqa rilevanti għall-finanzjament tal-FSE, il-Kummissjoni se timmonitorja l-kapaċità ta’ assorbiment tal-FSE tal-Awstrija u se tassigura li s-sistemi ta’ monitoraġġ u ta' kontroll ġodda huma affidabbli.
4. Simplifikazzjoni għall-benefiċjarji
Biex ikompli jitnaqqas il-piż amministrattiv għall-benefiċjarji, l-Awstrija se tirrevedi r-regoli u d-dispożizzjonijiet tal-eliġibilità nazzjonali relatati mal-FSIE u l-FSE tal-liġi baġitarja tagħha sabiex dawn ikunu aktar koerenti u konsistenti. Hi se tistabbilixxi wkoll sistemi ta’ mmaniġġjar elettroniku li jkopru l-applikazzjonijiet u r-rappurtar u se tikkunsidra tintroduċi opzjonijiet ta’ kosti ssimplifikati u b’rata fissa u skali standard ta’ kost ta' unità fir-regoli ta’ eliġibilità nazzjonali u reġjonali, fejn adatt.
1. FSIE fil-Belġju
Sfidi ekonomiċi u soċjali fil-kuntest tal-FSIE
Wara bosta snin ta’ staġnar, il-Belġju mar lura lejn it-tkabbir ekonomiku, sar aktar kompetittiv u tejjeb il-qafas fiskali tiegħu, waqt li d-dejn pubbliku tiegħu li qed jiżdied mistenni li jistabbilizza lilu nnifsu għal madwar 107% tal-PDG fl-2016. Madankollu, hu xorta waħda jeħtieġ li jiżgura s-sostenibbiltà fiskali u jsegwi r-riformi strutturali, iżid ir-rata tal-impjiegi tiegħu u jkompli jtejjeb il-kompetittività tiegħu.
Il-prestazzjoni tal-Belġju mqabbla mal-miri tal-Istrateġija Ewropa 2020 u mar-rakkomandazzjonijiet ta' politiki tal-UE fis-Semestru Ewropew tindika ħtiġijiet għat-titjib tal-funzjonament tas-suq tax-xogħol, b’mod partikolari billi jitnaqqsu d-diżinċentivi finanzjarji għax-xogħol, billi l-aċċess għas-suq tax-xogħol isir aktar faċli għal gruppi speċifiċi fil-mira u billi jiġu indirizzati n-nuqqas ta’ ħiliet u d-diskrepanzi. Jeħtieġ ukoll li jiġi żgurat li l-pagi jevolvu b’konformità mal-produttività. Barra minn hekk, billi jiffoka b’mod aktar ċar fuq il-modernizzazzjoni, l-innovazzjoni u r-R&Ż, il-Belġju jista’ jkompli jtejjeb il-prestazzjoni tiegħu fl-aspetti ta’ kompetittività li mhumiex marbuta mal-kosti. Jekk il-Belġju jrid jilħaq il-miri tal-emissjonijiet tiegħu tal-gassijiet b'effett serra fl-2020, għandu jsir aktar użu minn mezzi ta’ trasport multimodali u sostenibbli. Barra minn hekk, bl-istimulazzjoni tal-produzzjoni ta' enerġija rinnovabbli u tal-effiċjenza tal-enerġija, il-pajjiż għandu jtejjeb l-effiċjenza ekonomika ġenerali tiegħu, inaqqas id-dipendenza tiegħu fuq l-importazzjoni, isaħħaħ il-bilanċ tal-qagħda tal-pagamenti, inaqqas il-vurnerabbiltà ekonomika tiegħu għall-xokkijiet esterni fil-prezzijiet u jnaqqas l-emissjonijiet tal-gass b'effett serra.
Il-Belġju għandu problema serja u li qed tikber bil-konġestjoni tat-traffiku u l-gvernijiet federali u reġjonali tiegħu għadhom ma ħadux azzjoni tanġibbli biex din tiġi indirizzata.
Prijoritajiet ewlenin u riżultati
Għall-perjodu 2014-2020, il-Belġju se jidderiġi l-Fondi SIE lejn objettivi tematiċi ewlenin, skont l-objettivi tal-istrateġija Ewropa 2020.
Madwar 28% tat-total tal-Fondi SIE minfuqa fil-Belġju se jmorru lejn il-promozzjoni ta’ ambjent tan-negozju favorevoli għall-innovazzjoni. Dan imbagħad se jwassal biex l-SMEs ikunu aktar kompetittivi, jitjiebu l-innovazzjoni u l-prestazzjoni tar-riċerka u jiġi stimulat it-tkabbir tal-ekonomija elettronika. F’dan il-kuntest, il-Belġju se jiffoka fuq l-iżvilupp ta’ sinerġiji bejn l-intrapriżi, iċ-ċentri tar-R&Ż u l-edukazzjoni għolja. B’dan il-mod, madwar 8 000 intrapriża Belġjana se jirċievu appoġġ għal investimenti produttivi u madwar 1 000 intrapriża se jkunu qed jikkooperaw ma’ istituzzjonijiet ta' riċerka. Fl-istess waqt, madwar 45% tal-farms se jiġu mmodernizzati u ristrutturati biex isiru aktar kompetittivi.
Il-Fondi SIE se jintużaw biex jgħinu l-Belġju jilħaq rata ta’ impjiegi ta’ 73.2% sal-2020 (meta mqabbla ma’ 67.3% fl-2014). EUR 1.1 biljun f’investiment se jmorru lejn l-iżvilupp tat-tkabbir tal-kapital uman u għat-titjib tal-parteċipazzjoni fis-suq tax-xogħol permezz ta’ titjib tal-edukazzjoni fil-livelli kollha, il-promozzjoni tal-inklużjoni soċjali u l-għajnuna lill-gruppi l-aktar vulnerabbli fis-soċjetà (b’mod partikolari għaż-żgħażagħ u dawk qiegħda fit-tul) biex isibu xogħol. L-għan hu li jingħataw għajnuna 460 000 persuna ħalli jsibu xogħol, jibdew in-negozju tagħhom, jirritornaw lejn l-edukazzjoni u jsegwu t-taħriġ.
Fl-enerġija u t-tibdil fil-klima, EUR 657 miljun se jintefqu biex jitħeġġeġ l-użu sostenibbli u effiċjenti tar-riżorsi naturali u se jipprovdu investiment biex jappoġġjaw ix-xift lejn ekonomija b'livell baxx ta' karbonju, b'mod partikolari permezz tal-investiment fl-effiċjenza fl-enerġija. Mill-2014 sal-2020, EUR 114-il miljun f’Fondi SIE se jintefqu fuq binjiet iżjed effiċjenti fl-użu tal-enerġija (bini ta' kumpaniji, bini pubbliku u djar residenzjali) u fit-titjib ta’ tisħin distrettwali u ta’ koġenerazzjoni b’effiċjenza għolja. Il-proġetti appoġġjati mill-FSIE se jgħinu l-Belġju biex jitnaqqsu l-emissjonijiet tal-gassijiet b’effett serra b’madwar 11 000 tunnellata ta’ CO2 eq. u biex joħolqu 11-il MW ta’ kapaċità addizzjonali ta’ produzzjoni ta’ enerġija rinnovabbli. EUR 64 miljun se jkunu allokati għat-twassil ta' ekonomija b’użu effiċjenti tal-enerġija, mingħajr karbonju fis-settur tat-trasport. Il-Fondi SIE allokati għas-sajd se jkomplu jiffukaw fuq is-sajd u l-akkwakultura sostenibbli, it-titjib tal-ekosistemi marini u tal-bijodiversità akkwatika u t-tnaqqis ta’ qabdiet mhux mixtieqa. Rigward l-agrikoltura, il-modernizzazzjoni tal-agrikoltura fil-Belġju għandha tkun akkumpanjata minn prattiki sostenibbli ta' agrikoltura u mmaniġġjar ekoloġiku tal-art, u minn investiment f'teknoloġiji ġodda. Aktar minn 85 000 ettaru ta’ art ġew allokati biex jirċievu appoġġ biex tiġi żviluppata l-agrikoltura organika, filwaqt li l-miżuri agriambjentali u dwar il-klima se jiddaħħlu biex jipproteġu aktar minn 160 000 ettaru ta’ art.
Użu ta’ strumenti finanzjarji u għodod territorjali
Il-Belġju qed ipoġġi madwar EUR 98 miljun fi strumenti finanzjarji, li prinċipalment jappoġġjaw lill-SMEs u l-effiċjenza fl-enerġija. L-istrumenti huma ppjanati fil-Wallonja u fi Brussell biss, mhux fil-Fjandri. Il-Belġju għandu jagħti ħarsa aktar mill-qrib lejn strumenti finanzjarji ffinanzjati mill-SIE flimkien ma’ strumenti nazzjonali u reġjonali eżistenti.
L-għan hu għal strateġiji ta’ żvilupp lokali mmexxijin mill-komunità sabiex ikopru madwar 70% tal-popolazzjoni rurali fil-Fjandri u terz tal-popolazzjoni rurali fil-Wallonja.
Tliet investimenti territorjali integrati (ITIs) huma ppjanati għall-Fjandri (Limburg, Kempen u l-Fjandri tal-Punent). Il-programmi għar-Reġjun tal-Kapitali Brussell huma kompletament urbani. L-ITIs ta' Limburg u ta' Kempen se jindirizzaw il-problemi relatati mal-konverżjoni industrijali.
Informazzjoni prinċipali
Politika ta’ koeżjoni (FSE, FEŻR, FK, YEI) |
FAEŻR |
FEMS |
ETC |
|
Nru ta’ programmi |
7 (reġjonali) |
2 |
1 |
7 |
Fondi disponibbli (EUR) |
2 020 742 087 |
647 797 759 |
41 746 051 |
1 378 392 541 2 |
2. Prekondizzjonijiet għal użu effettiv u effiċjenti tal-FSIE
Il-kondizzjonalità ex ante dwar l-istrateġija għal speċjalizzazzjoni intelliġenti għadha ma ntlaħqitx għall-Wallonja u r-Reġjun tal-Kapitali Brussell, u għalhekk ġew stabbiliti pjanijiet ta’ azzjoni. Ir-Reġjun tal-Kapitali Brussell għandu wkoll pjan ta’ azzjoni dwar kwistjonijiet ta’ enerġija taħt il-programm FEŻR tiegħu.
3. Immaniġġjar tal-FSIE
Għall-perjodu 2014-2020, il-Wallonja ddeċidiet li tissokta bil-prattika li jkollha kumitati ta' monitoraġġ konġunti tal-FEŻR u l-FSI. Il-kumitati ta’ monitoraġġ għall-FAEŻR se jinżammu separati.
4. Simplifikazzjoni għall-benefiċjarji
L-awtoritajiet ta’ mmaniġġjar għall-FSIE bħalissa qed jippjanaw użu estiż ta’ opzjonijiet ta’ kosti ssimplifikati. Użu akbar tal-ICT naqqas b’mod sinifikanti l-piż amministrattiv għall-benefiċjarji tal-finanzjament u għall-awtoritajiet pubbliċi.
1. FSIE fil-Bulgarija
Sfidi ekonomiċi u soċjali fil-kuntest tal-FSIE
Il-prestazzjoni ekonomika tal-Bulgarija baqgħet baxxa matul il-perjodu ta’ wara l-kriżi. Wara tnaqqis fl-attività ekonomika fl-2009, it-tkabbir kien qed jitla' u jinżel madwar 1% fis-sena. Tkabbir sostenibbli għal tul ta’ żmien twil qed jinżamm lura minħabba ostakoli strutturali bħal nuqqas ta’ tlaqqigħ tal-ħiliet fis-suq tax-xogħol, it-tnaqqis kontinwu tal-popolazzjoni fl-età tax-xogħol, l-akbar produttività baxxa ta' xogħol u l-ogħla intensità ta' enerġija ta' produzzjoni tal-UE, u mmaniġġjar ineffiċjenti tar-riżorsi naturali bħall-ilma. Is-servizzi pubbliċi huma ineffiċjenti u ta' kwalità fqira minħabba progress limitat fir-riforma amministrattiva u ġudizzjali. Bi tweġiba, ir-rakkomandazzjonijiet tal-politika tas-Semestru Ewropew iffukaw fuq is-suq tax-xogħol, l-inklużjoni soċjali, il-kwalità tal-edukazzjoni, l-ambjent ta' negozju ta' innovazzjoni faċli, l-effiċjenza fl-enerġija, u l-bini tal-kapaċità amministrattiva. Dawn il-prijoritajiet huma riflessi fil-programmi tal-FSIE matul il-perjodu 2014-2020 fil-Bulgarija b’fondi li se jiġu investiti fi 11-il objettiv tematiku kollha kemm huma.
Prijoritajiet ewlenin u riżultati
Il-FSIE se jikkontribwixxu biex tiżdied ir-rata tal-impjiegi, l-iżgurar ta’ kwalità għolja ta’ kapital uman permezz ta’ edukazzjoni aħjar, it-titjib tal-kwalifiki u l-ħiliet, it-titjib tas-saħħa u l-kura tas-saħħa, b’enfasi speċjali fuq iż-żgħażagħ, l-anzjani u gruppi mill-popolazzjoni li huma żvantaġġati bħar-Rom. Il-Bulgarija għandha l-għan li żżid ir-rata tal-impjiegi għall-persuni bejn il-20 u l-64 sena minn 63.5% fl-2013 għal 76% fl-2020. Għal persuni anzjani (55-64 sena), l-għan tal-impjiegi għall-2020 hu ta’ 53%, filwaqt li għall-qgħad fost iż-żgħażagħ il-mira għall-2020 hi 7%. Biex tavvanza l-inklużjoni soċjali ta’ dawk li huma l-aktar żvantaġġati u vulnerabbli tal-popolazzjoni tagħha, il-Bulgarija għandha l-għan li jkollha 260 000 ruħ anqas fil-faqar sal-2020. Barra minn hekk, aċċess aħjar għall-kura tas-saħħa għandu jingħata lil bosta eluf ta’ tfal, inklużi dawk b’diżabilitajiet.
Il-Fondi SIE huma mistennija jsaħħu l-kwalifiki ta’ madwar 100 000 persuna, jgħinu 28 000 persuna lil qed ifittxu xogħol biex isibu impjieg, jiffinanzjaw l-impjiegi u miżuri ta’ taħriġ sabiex jgħinu 17 000 żagħżugħ/a, u jipprovdu t-tagħlim tul il-ħajja ta’ 160 000 persuna. Fl-edukazzjoni, madwar 1 500 skola se jirċievu l-appoġġ tal-FSIE, li jipprovdu 160 000 tifel u tifla tal-iskola l-opportunità li jiżviluppaw l-għarfien u l-ħiliet tagħhom. Madwar 30 000 student universitarju se jirċievu boroż ta’ studju filwaqt li eluf ta’ studenti minn skejjel sekondarji u għolja se jirċievu gwida għall-karriera u taħriġ f’ambjent ta’ xogħol reali.
Il-Fondi SIE se jgħinu biex jittejjeb l-ambjent tan-negozju tal-Bulgarija billi tissaħħaħ il-kompetittività bbażata fuq l-għarfien tal-SMEs. Sal-2020, 1.5% tal-PDG għandu jintefaq fuq ir-R&Ż fil-Bulgarija. EUR 528 miljun tal-Fondi SIE se jappoġġjaw l-innovazzjoni tal-intrapriżi u l-ħolqien ta' intrapriżi ġodda innovattivi, u se jtejbu l-innovazzjoni u l-infrastruttura tar-riċerka.
Il-Fondi SIE se jintefqu fuq 3 500 farm u 120 kumpanija fis-settur tal-forestrija, li jirrispettaw l-ambjent u b'aktar kompetittività, li joħloq impjiegi kemm fl-agrikoltura kif ukoll f’setturi mhux agrikoli f’żoni rurali. Aktar minn 4 000 bidwi żgħir se jirċievu appoġġ biex jiżviluppaw il-farms tagħhom u 1 630 bidwi zagħżugħ se jirċievu għajnuna tal-bidu. Fis-sajd, il-Fondi SIE se jintefqu fuq l-investimenti u l-innovazzjoni biex jitnaqqas l-impatt negattiv tal-attivitajiet tas-sajd fuq l-ambjent marin u se jappoġġjaw lill-SMEs fis-settur tal-akkwakultura u tal-ipproċessar.
L-investimenti li użaw il-Fondi SIE fil-Bulgarija għandhom iwasslu għal żieda ta’ 25% fl-effiċjenza fl-enerġija fil-familji, l-industrija, is-servizzi u t-trasport. Sal-2020, is-sehem ta’ sorsi tal-enerġija rinnovabbli fil-konsum gross finali tal-enerġija fil-Bulgarija għandu jkun ta’ 16%. Il-Fondi SIE se jiġu wkoll investiti fl-immaniġġjar tal-ilma u l-iskart, il-preservazzjoni tar-riżorsi naturali, tal-bijodiversità u tal-prevenzjoni tar-riskji tat-tibdil fil-klima.
EUR 1.6 biljun f’Fondi SIE se jintużaw biex titjieb l-infrastruttura tat-trasport tal-Bulgarija, biex jiġu pprovduti konnessjonijiet aħjar bejn ir-reġjuni u mal-pajjiżi ġirien, biex jitjieb l-aċċess għas-servizzi u biex jiġu stimulati l-kummerċ u t-turiżmu: Se jinbnew 190 km ta’ ferroviji TEN-T, 62 km ta’ motorway TEN-T u 8 km ta’ linji tal-metro ta' Sofja, b'din tal-aħħar iżżid in-numru ta’ vjaġġi bil-metro minn 80 għal 105 miljun vjaġġ fis-sena sal-2023.
Il-governanza tajba hi waħda mill-isfidi ewlenin għall-Bulgarija. Ir-riżorsi umani fl-amministrazzjoni pubblika u fil-ġudikatura jeħtieġu mmaniġġjar u żvilupp tajbin. Dan hu għaliex il-FSIE se jiġu mobilizzati biex jiżviluppaw oqsma bħalma huma dawk tal-governanza elettronika u l-ġustizzja elettronika, u sabiex jistabbilixxu servizzi ta’ kwalità għaċ-ċittadini u n-negozji. Sal-2020, iż-żmien meħtieġ biex jiġu pprovduti s-servizzi tal-amministrazzjoni pubblika għandu jitnaqqas, imqabbel mal-2013, b'50% u t-tul ta' żmien medju ta' proċeduri kriminali u ċivili b'10%.
Użu ta’ strumenti finanzjarji u għodod territorjali
EUR 612-il miljun mill-baġit tal-FEŻR, tal-Fond ta' Koeżjoni u tal-FSE ġew allokati għall-istrumenti finanzjarji, 70% aktar mill-2007-2013. Il-parti l-kbira tal-appoġġ se tiġi diretta lejn l-effiċjenza fl-enerġija, is-setturi tal-iskart u tal-ilma, l-SMEs, l-iżvilupp urban u t-turiżmu. Il-Bulgarija ssieħbet ukoll fl-inizjattiva tal-SMEs, b'kontribuzzjoni ta' EUR 102 miljun.
Il-FSIE se jikkontribwixxu wkoll għall-iżvilupp lokali mmexxi mill-Komunità f'żoni rurali u f'żoni dipendenti fuq is-sajd, b’hekk jinħolqu 600 impjieg. Terz tal-popolazzjoni rurali tal-Bulgarija se tibbenefika minn infrastruttura li se tkun ittejbet bl-għajnuna tal-FSIE.
Informazzjoni prinċipali
Politika ta’ koeżjoni (FSE, FEŻR, FK, YEI) |
FAEŻR |
FEMS |
ETC |
|
Nru ta’ programmi |
7 (nazzjonali) |
1 |
1 |
8 |
Fondi disponibbli (EUR) |
7 422 791 277 |
2 366 716 966 |
88 066 622 |
701 131 995 3 |
2. Prekondizzjonijiet għal użu effettiv u effiċjenti tal-FSIE
Tlieta mill-kondizzjonalitajiet ex ante (EACs) speċifiċi għall-FEMS u 7 minn 11-il EAC tematika għadhom ma ġewx sodisfatti, notevolment għall-ispeċjalizzazzjoni intelliġenti, l-ilma, it-trasport, is-saħħa u t-tkabbir diġitali, iżda wkoll l-EAC kruċjali ġenerali għall-akkwist pubbliku. Madankollu, il-Bulgarija daħħlet fis-seħħ pjanijiet ta’ azzjoni biex timplimenta l-EACs kollha tagħha sa mhux aktar tard mill-aħħar tal-2016.
3. Immaniġġjar tal-FSIE
L-ipprogrammar, l-amministrazzjoni, il-monitoraġġ u l-kontroll tal-programmi tal-FSIE fil-Bulgarija huma r-responsabbiltà ta’ deputat prim ministru responsabbli għall-amministrazzjoni tal-fondi tal-UE u l-unità ċentrali ta’ koordinazzjoni fil-Kunsill tal-Ministri. Id-deputat prim ministru jikkoordina u jippresjedi l-Kunsill għall-koordinazzjoni tal-immaniġġjar tal-fondi tal-UE, li tinvolvi l-ministeri kollha b’responsabbiltà għal fondi tal-UE.
Il-programmi differenti tal-FSIE jinkludu miżuri għat-tisħiħ tal-kapaċità amministrattiva tal-korpi responsabbli għall-koordinazzjoni, l-immaniġġjar, l-implimentazzjoni, il-pagament u l-kontroll. Il-benefiċjarji tal-proġett, bħal muniċipalitajiet, il-ġudikatura u l-benefiċjarji istituzzjonali fis-settur tat-trasport, huma eliġibbli wkoll għal għajnuna biex isaħħu l-kapaċità amministrattiva tagħhom. L-istituzzjonijiet finanzjarji internazzjonali, bħall-Bank Ewropew tal-Investiment, il-Bank Dinji u l-Bank Ewropew għar-Rikostruzzjoni u l-Iżvilupp jipprovdu l-għarfien espert.
4. Simplifikazzjoni għall-benefiċjarji
L-awtoritajiet Bulgari qed jaħdmu biex inaqqsu l-piż amministrattiv għall-benefiċjarji tal-proġetti, jiddiġitilizzaw fejn possibbli l-komunikazzjoni bejn il-benefiċjarji u l-awtoritajiet ta’ mmaniġġjar. Dan jinvolvi s-sottomissjoni elettronika tal-proposti ta’ proġetti u ta’ rappurtar tal-proġetti u jagħmlu l-proċeduri amministrattivi aktar faċli u aktar effiċjenti. Pereżempju: il-formoli tal-applikazzjoni u r-rappurtar se jkunu standardizzati, se jiġu introdotti regoli għal kosti ssimplifikati meta tiġi rappurtata n-nefqa u l-korp differenti ta' awditjar u ta’ spezzjoni se jikkoordinaw l-ispezzjonijiet tagħhom.
1. FSIE fil-Kroazja
Sfidi ekonomiċi u soċjali fil-kuntest tal-FSIE
Ir-riċessjoni fit-tul naqqset il-PDG reali tal-Kroazja b’madwar 12.5%, filwaqt li r-rata tal-qgħad irdoppjat minn 8.6% fl-2008 għal 17.3% fl-2014. L-aħħar snin urew il-ħtieġa għal bidliet strutturali, b’mod partikolari sabiex jiġu indirizzati l-iżbilanċi fiskali, l-implimentazzjoni tar-riforma fis-suq tax-xogħol, l-iżvilupp tas-sistemi ta’ protezzjoni soċjali u tas-saħħa sostenibbli, it-titjib tal-ambjent tan-negozju u r-riforma tal-amministrazzjoni tal-istat u tal-ġudikatura. L-awtoritajiet nazzjonali wettqu għadd ta’ riformi bħala parti mis-Semestru Ewropew. Proporzjon sinifikanti ta’ EUR 10.676 biljun tal-allokazzjoni mill-Fondi SIE għall-2014-2020 ġiet allokata biex jitwettqu r-riformi u l-issodisfar tal-miri nazzjonali bħala parti mill-istrateġija Ewropa 2020.
Prijoritajiet ewlenin u riżultati
Il-Fondi SIE se jintużaw biex jistimulaw ir-R&Ż&I fil-Kroazja, jagħmlu l-ekonomija tagħha iżjed innovattiva u kompetittiva u jgħinu biex jissodisfaw l-impenn nazzjonali tagħha biex tonfoq 1.4% tal-PDG fuq ir-R&Ż sal-2020 (ċifra tal-2012: 0.75%). Il-Kroazja għandha wkoll l-għan li żżid il-valur miżjud għal kull impjegat fl-SMEs b’50% sal-2023.
Il-Kroazja għandha waħda mir-rati l-aktar baxxi ta' parteċipazzjoni fis-suq tax-xogħol fl-UE, b'mod partikolari din taffettwa ż-żagħżagħ, dawk b'ħiliet baxxi, il-ħaddiema anzjani u n-nisa. Il-mira nazzjonali tal-Kroazja hi rata ta’ impjieg ta’ 65.2% sal-2020 (ċifra tal-2012: 55.4%), b’fokus speċifiku fuq iż-żieda tal-impjegabbiltà taż-żgħażagħ bla impjieg, edukazzjoni jew taħriġ. F'dan il-kuntest, il-Fondi SIE se jittrattaw in-nuqqas ta' tlaqqigħ ta' ħiliet tal-ħaddiema billi jirriformaw l-edukazzjoni terzjarja u s-servizz pubbliku tal-impjiegi, u billi jappoġġjaw l-edukazzjoni u t-taħriġ vokazzjonali u t-tagħlim tul il-ħajja. Il-fondi se jkunu wkoll minfuqin fuq appoġġ lil min jaħdem għal rasu u t-tnaqqis tal-qgħad fit-tul.
Il-Kroazja se tonfoq Fondi SIE fuq il-bini tal-infrastruttura li tista' ssaħħaħ it-tkabbir ekonomiku: il-fokus se jkun fuq l-iżvilupp ta’ netwerks ewlenin (TEN-T), it-trasport urban sostenibbli u fuq aktar aċċessibilità għar-reġjuni tagħha. Barra minn hekk, il-Kroazja għandha l-għan li 53% tal-familji jkollhom kopertura tal-broadband sal-2023 (meta mqabbla ma’ 33% fl-2013).
Il-Fondi SIE se jiġu wkoll investiti fl-acquis ambjentali tal-UE: l-għan hu għal miljun abitant li jkollhom provvista ta’ ilma aħjar u għal servizzi tat-trattament tal-ilma mormi sal-2023. Il-fondi se jintużaw ukoll biex jitnaqqas il-proporzjon ta’ skart muniċipali fil-miżbliet minn 83% fl-2012 għal 35%, biex ipoġġu 40% tal-qafas ta’ mmaniġġjar ta’ Natura 2000 tal-Kroazja fis-seħħ u li jagħmlu l-informazzjoni dwar il-kwalità tal-arja disponibbli għal 100% tal-popolazzjoni f’żoni urbani. Aktar minn EUR 160 miljun tal-Fondi SIE se jiġu investiti fil-produzzjoni tal-enerġija rinnovabbli, filwaqt li l-medja annwali ta’ tisħin u ta' tkessiħ f'bini pubbliku retrofittjat għandha tilħaq 50 kWh/m² sal-2023 (iċ-ċifra tal-2013 kienet ta’ 250 kWh/m²).
Il-Kroazja qiegħda tiffaċċja sfidi soċjali fil-forma ta’ livelli għoljin ta’ faqar u esklużjoni soċjali; l-għan nazzjonali hu li jitnaqqas in-numru ta’ nies li jinsabu f’riskju ta’ faqar jew ta' esklużjoni soċjali b’150 000 sal-2020. Biex jintlaħaq dan l-għan, il-Fondi SIE se jiġu investiti biex tkun promossa l-integrazzjoni soċjali u fis-suq tax-xogħol ta’ gruppi vulnerabbli, it-titjib fl-aċċess għall-kura tas-saħħa, it-titjib tal-aċċess għal servizzi soċjali ta’ kwalità għolja (inkluż l-appoġġ għax-xift minn servizzi istituzzjonali għal servizzi bbażati fil-komunità), il-prevenzjoni u l-indirizzar tad-diskriminazzjoni, l-iżvilupp tal-intraprenditorija soċjali u l-implimentazzjoni ta’ proġetti ta’ riġenerazzjoni urbana.
Fl-aħħar nett, il-Fondi SIE se jappoġġjaw ir-riforma nazzjonali tal-amministrazzjoni pubblika tal-Kroazja permezz ta’ mmaniġġjar aħjar u sod tal-finanzi pubbliċi, it-tnaqqis ta' proċeduri mhux meħtieġa, l-iżvilupp tal-amministrazzjoni elettronika u l-ġlieda kontra l-korruzzjoni. Barra minn hekk, id-djalogu mal-imsieħba soċjali u s-soċjetà ċivili se jkompli jkun żviluppat u s-sistema ġudizzjarja għandha ssir aktar effiċjenti billi tħaffef il-proċeduri legali u tiġi żgurata l-imparzjalità.
Il-Fondi SIE se jikkontribwixxu biex jagħmlu l-produzzjoni tal-ikel, l-akkwakultura u setturi tas-sajd tal-Kroazja aktar kompetittivi u aktar favur l-ambjent. Il-fondi se jintużaw biex jirristrutturaw u jimmodernizzaw aktar minn 1 800 farm, jipprovdu għajnuna tal-bidu għal mill-anqas 1 000 bidwi żagħżugħ, u b’hekk itejbu t-tiġdid ġenerazzjonali fiż-żoni rurali, u jappoġġjaw l-użu tal-kuntratti ta' mmaniġġjar tal-bijodiversità li jkopru aktar minn 101 000 ettaru ta’ art agrikola. Il-Kroazja qed ukoll timmira li jintlaħaq żvilupp reġjonali bbilanċjat u li tnaqqas il-waqgħa fir-ritmu ekonomiku f’żoni rurali, inklużi l-iżvilupp ta’ attivitajiet ekonomiċi alternattivi. Barra minn hekk, il-Fondi SIE se jintużaw biex itejbu u jiddiversifikaw l-ekonomija lokali fiż-żoni kostali, isaħħu l-potenzjal ta’ tkabbir tal-pajjiż fis-setturi marini u marittimi, jagħmlu s-sajd u l-akkwakultura aktar sostenibbli u jsaħħu l-ekosistemi akkwatiċi u l-bijodiversità. B’mod partikolari l-volum ta’ produzzjoni tal-akkwakultura hu previst li jiżdied b’400%.
Użu ta’ strumenti finanzjarji u għodod territorjali
Il-Kroazja tistenna li talloka aktar minn EUR 440 miljun mill-Fondi SIE għall-istrumenti finanzjarji li jipprovdu appoġġ lill-SMEs, lir-R&Ż&I, l-effiċjenza fl-enerġijġa, it-trasport urban, lil dawk li jaħdmu għal rashom u l-intraprenditorija soċjali. Dan il-programm hu ambizzjuż meta wieħed iqis li ma kellha ebda strumenti finanzjarji fil-perjodu ta’ programmar preċedenti. Jeħtieġ li wieħed janalizza aħjar l-użu ta’ strumenti finanzjarji fl-ICT, l-iżvilupp urban u l-infrastruttura tat-trasport.
Il-Kroazja se tpoġġi tal-anqas EUR 400 miljun f’investimenti territorjali integrati biex jintuża għal żvilupp urban sostenibbli u fi proġetti ta’ żvilupp lokali mmexxi mill-komunità fiż-żoni rurali, is-sajd u żoni marittimi. Strateġiji ta’ żvilupp lokali taħt LEADER se jkopru 1.5 miljun persuna f’żoni rurali matul il-perjodu ta’ programmar 2014-2020.
Informazzjoni prinċipali
Politika ta’ koeżjoni (FSE, FEŻR, FK, YEI) |
FAEŻR |
FEMS |
ETC |
|
Nru ta’ programmi |
2 (nazzjonali) |
1 |
1 |
9 |
Fondi disponibbli (EUR) |
8 463 255 776 |
2 026 222 500 |
252 643 138 |
1 201 084 956 4 |
2. Prekondizzjonijiet għal użu effettiv u effiċjenti tal-FSIE
Qabel tmiem l-2016, il-Kroazja se tadotta sett ta’ strateġiji u pjanijiet ta’ investiment sabiex twettaq il-kondizzjonalitajiet ex ante (EACs) għal użu effettiv u effiċjenti tal-Fondi ESI. Hi qed tippjana inter alia li tadotta strateġija ta’ speċjalizzazzjoni intelliġenti, broadband u strateġiji diġitali, strateġija għall-immaniġġjar ta’ riskji naturali, strateġija tal-ipprezzar tal-ilma, pjan ta’ mmaniġġjar tal-baċin tax-xmara, pjanijiet għall-immaniġġjar tal-iskart u programmi għall-prevenzjoni tal-iskart, strateġija integrata tat-trasport, master plan għall-isptar, programm għall-iżvilupp tas-sistema tal-edukazzjoni u t-taħriġ vokazzjonali u strateġija ta' żvilupp għall-amministrazzjoni pubblika. Żewġ EACs speċifiċi tal-FEMS, relatati mal-kapaċità amministrattiva għall-implimentazzjoni ta’ kontroll u r-rapport dwar il-kapaċità ta’ sajd huma biss parzjalment issodisfatti; pjanijiet ta’ azzjoni li t-twettiq tagħhom għandu jiġi implimentat sal-31 ta’ Diċembru 2016.
3. Immaniġġjar tal-FSIE
Kumitat ta' koordinazzjoni nazzjonali (governamentali) se jikkoordina l-implimentazzjoni tal-erba’ programmi nazzjonali u l-programmi ta’ kooperazzjoni territorjali Ewropea. Minħabba żieda qawwija fl-allokazzjoni tal-Fondi SIE tal-Kroazja fl-2014-2020, il-kapaċitajiet tekniċi u amministrattivi għandhom jiżdiedu b’mod sostanzjali, kemm fi ħdan is-sistema ta’ mmaniġġjar u kontroll, kif ukoll fuq il-livelli ta’ benefiċjarji.
4. Simplifikazzjoni għall-benefiċjarji
Se jiġu żviluppati għodod differenti, inklużi sit web għal benefiċjarji, mekkaniżmu kkoordinat biex jipprovdi informazzjoni dwar il-FSIE, u s-simplifikazzjoni tal-proċeduri ta’ applikazzjoni u selezzjoni tal-proġett. Il-Kroazja kkunsidrat ukoll l-użu tal-opzjoni ta’ kosti ssimplifikati.
1. FSIE f’Ċipru
Sfidi ekonomiċi u soċjali fil-kuntest tal-FSIE
Bħala kondizzjoni għall-pakkett finanzjarju ta’ EUR 10 biljun ta' Ċipru (li jikkonsisti minn EUR 9 biljun skont il-mekkaniżmu Ewropew ta’ Stabbiltà u EUR 1 biljun mill-FMI), il-pajjiż hu taħt programm ta’ aġġustament ekonomiku li jkopri l-perjodu 2013-2016.
Fil-kuntest ta’ ambjent ekonomiku li għadu ta' sfida, Ċipru qed jaqa' lura milli jilħaq uħud mill-miri nazzjonali tiegħu għall-Istrateġija Ewropa 2020. Pereżempju, l-impjieg attwali u r-rati ta’ faqar tiegħu jiddevjaw b’mod konsiderevoli mill-miri nazzjonali. Filwaqt li ż-żewġ indikaturi tal-edukazzjoni tal-Istrateġija Ewropa 2020 tjiebu fl-2014 u t-tnejn huma f’konformità mal-miri nazzjonali, Ċipru għandu r-rata l-aktar baxxa ta’ impjegabbiltà għal gradwati reċenti fl-UE (64.9% meta mqabbla mal-medja tal-UE ta’ 80.7% fl-2013). Il-persentaġġ tal-PDG li Ċipru jonfoq fuq ir-R&Ż jibqa’ kemxejn taħt il-mira nazzjonali. L-indikaturi tal-klima tal-Istrateġija Ewropa 2020 għadhom fit-triq it-tajba: l-indikatur tal-effiċjenza tal-enerġija għall-2013 qabeż il-mira annwali interim u l-indikatur tas-sorsi ta’ enerġija rinnovabbli kellu prestazzjoni sodisfaċenti. Madankollu, il-prestazzjoni ambjentali ta' Ċipru għadha fqira ħafna, b’mod partikolari dwar l-immaniġġjar tal-iskart solidu, fejn hemm livelli baxxi ta’ riċiklaġġ.
Prijoritajiet ewlenin u riżultati
Fl-2014-2020 il-programmi tal-FSIE huma mfasslin madwar tliet prijoritajiet ewlenin: 1) kompetittività; 2) impjiegi u inklużjoni soċjali; u 3) użu sostenibbli u protezzjoni ta’ riżorsi naturali.
Il-Fondi SIE se jintużaw biex tiġi diversifikata l-istruttura tal-ekonomija u jagħmluha aktar kompetittiva billi jsaħħu l-innovazzjoni tan-negozju u jinkoraġġixxu l-kooperazzjoni bejn in-negozji u l-faċilitajiet tar-riċerka fl-oqsma identifikati fl-istrateġija intelliġenti ta' speċjalizzazzjoni. Se tiġi promossa l-intraprenditorija u l-kompetittività tal-SMEs, b’mod partikolari t-turiżmu, l-ikel u l-akkwakultura (il-produzzjoni tiżdied b’46%). Il-Fondi SIE huma mistennija li jappoġġjaw aktar minn 600 SME u joħolqu 1 200 impjieg ġdid, filwaqt li l-proporzjon ta’ PDG minfuq fuq ir-R&Ż għandu jiżdied minn 0.47% tal-PDG fl-2012 għal 0.5% fl-2020, filwaqt li jiġu stimulati l-investimenti privati. Il-FSIE se jappoġġjaw ukoll l-investiment fis-sajd biex jitnaqqas l-impatt negattiv tal-attivitajiet tas-sajd fuq l-ambjent marin u se jappoġġjaw lill-SMEs fis-settur tal-akkwakultura u tal-ipproċessar. Ċipru jistenna li jsaħħaħ il-governanza elettronika u l-intraprenditorija diġitali permezz ta’ investiment fl-ICT u biex jiżdied l-użu tal-ICT mill-SMEs. Hu jistenna wkoll kopertura tal-broadband ta’ veloċità għolja li tilħaq 50% tal-familji, filwaqt li l-użu tal-ICT fost il-pubbliku u l-SMEs hu mistenni jiżdied b’10% u 6% rispettivament.
Il-FSIE se jinvestu fl-oqsma tal-impjiegi u tal-koeżjoni soċjali, li jgħinu biex jiżdiedu l-opportunitajiet ta’ impjiegi, billi jiffukaw fuq gruppi vulnerabbli bħal persuni diżokkupati, nies li ilhom qiegħda, u b’mod speċjali fuq iż-żgħażagħ. L-Inizjattiva favur l-Impjieg taż-Żgħażagħ (YEI) se tintuża wkoll biex tappoġġja dan l-aħħar grupp. Aktar minn 14 000 persuna qiegħda huma mistennija li jibbenefikaw minn interventi tal-FSIE li l-maġġoranza tagħhom (9 000) huma żgħażagħ. Minn dawn 5 800 se jirċievu appoġġ taħt il-YEI u l-bqija mill-FSE. Minħabba l-appoġġ tal-FSIE, il-parteċipazzjoni fis-suq tax-xogħol u r-rata tal-impjiegi huma mistennija li jiżdiedu u jilħqu l-mira ta’ 75-77% fl-2020 (ċifra tal-2014: 67.3%). Finanzjament tal-SIE hu mistenni wkoll li jtejjeb l-amministrazzjoni pubblika. Barra minn hekk, se tittejjeb l-inklużjoni soċjali billi tingħata għajnuna lil persuni vulnerabbli sabiex jipparteċipaw fis-suq tax-xogħol u billi jiġi appoġġjat il-ħolqien ta’ 180 intrapriża soċjali. Dan se jgħin lil Ċipru biex jilħaq il-mira tiegħu li jnaqqas il-faqar għal 19.3% fl-2020 (minn 27.8% fl-2013). Il-FSIE mistennijin wkoll li jgħinu fit-titjib tat-tagħlim tul il-ħajja u l-edukazzjoni u t-taħriġ vokazzjonali, b'mod partikolari billi jallinjaw il-provvista tal-ħiliet mal-ħtiġijiet tas-suq tax-xogħol.
Il-fondi se jgħinu lil Ċipru jixxiftja lejn ekonomija baxxa fil-karbonju u effiċjenti fir-riżorsi billi jippromwovu l-effiċjenza tal-enerġija (il-mira tal-2020 hi ta’ 14.3%, meta mqabbla ma’ 12.3% fl-2011) u l-konsum tal-enerġija rinnovabbli (13% fl-2020, meta mqabbel ma’ 7.7% fl-2011). Barra minn hekk, madwar 3 500 familja se jiġu megħjuna jtejbu l-konsum tal-enerġija tagħhom, billi jittieħdu f'klassifikazzjoni li tkun aktar effiċjenti fl-użu tal-enerġija.
Il-Fondi SIE se jintefqu fuq l-indirizzar tal-ħtieġa urġenti ta’ Ċipru biex jikkonforma mar-rekwiżiti tal-UE dwar l-immaniġġjar ta’ skart solidu u likwidu. Ċipru hu mistenni li jżid ir-rata ta’ riċiklaġġ tiegħu għal 50%, filwaqt li 2 300 familja (f’termini ta’ popolazzjoni ekwivalenti) se jirċievu trattament aħjar tal-ilma tal-iskart. Il-FSIE se jintużaw ukoll biex ikopru investimenti fil-port tat-TEN-T ta' Ċipru u l-konnessjonijiet tiegħu. B’riżultat ta’ dan, it-trasport tal-merkanzija hu mistenni li jiżdied minn 300 000 għal 1 miljun TEU. Titjib għal mobilità tat-trasport urban, b’mod partikolari f’Nikosija, għandu jirriżulta fl-irduppjar tan-nies li jużaw it-trasport pubbliku.
L-appoġġ tal-FAEŻR se jiffoka fuq investimenti għall-promozzjoni tal-immaniġġjar sostenibbli u l-użu tar-riżorsi naturali, il-konservazzjoni tal-bijodiversità, l-adattament għat-tibdil fil-klima u l-ħolqien ta’ impjiegi ġodda fiż-żoni rurali. L-appoġġ tal-FEMS se jiffoka fuq il-protezzjoni u r-riabilitazzjoni ta’ riżorsi bijoloġiċi marini.
Użu ta’ strumenti finanzjarji u għodod territorjali
Ċipru indika ammont ta' EUR 15-il miljun sabiex jiġu allokati għall-istrumenti finanzjarji għall-appoġġ tal-SMEs. Tnedew valutazzjonijiet ex ante sabiex jiġi vvalutat l-iskop għall-ekwità, is-self u l-iskemi ta' garanzija fl-appoġġ tal-SMEs, l-ICT, is-settur tal-enerġija u l-investiment fl-ambjent u t-trasport.
Ċipru alloka ammont konsiderevoli (20% tal-fondi tal-FEŻR, bejn wieħed u ieħor EUR 60.2 miljun) għal żvilupp urban sostenibbli. L-għan hu li jiġu promossi azzjonijiet integrati li jindirizzaw l-isfidi ekonomiċi, ambjentali u soċjali li jaffettwaw l-erbat ibliet prinċipali tal-pajjiż. Dan hu ferm ogħla mill-minimu ta’ 5% mitlub mil-leġiżlazzjoni tal-UE. Investimenti territorjali integrati mhux se jiġu implimentati. Min-naħa l-oħra, l-iżvilupp lokali mmexxi mill-komunità se jitwettaq taħt il-programmi tal-FAEŻR u l-FEMS.
Informazzjoni prinċipali
Politika ta’ koeżjoni (FSE, FEŻR, FK, YEI) |
FAEŻR |
FEMS |
ETC |
|
Nru ta’ programmi |
2 (nazzjonali) |
1 |
1 |
5 |
Fondi disponibbli (EUR) |
702 401 708 |
132 244 377 |
39 715 209 |
526 153 917 5 |
2. Prekondizzjonijiet għal użu effettiv u effiċjenti tal-FSIE
Il-kondizzjonalità ex ante (EAC) speċifika tal-FEMS dwar ir-rapport tal-kapaċità tas-sajd hi parzjalment sodisfatta u ġie żviluppat pjan ta’ azzjoni. Minn 11-il EAC tematika, ħamsa ma ġewx sodisfatti. L-aktar importanti huma relatati man-netwerk tal-broadband, l-ipprezzar tal-ilma u tal-ippjanar tal-baċiri tax-xmajjar inkluż ir-riċiklaġġ u l-użu mill-ġdid tal-iskart. Ġew żviluppati pjanijiet ta’ azzjoni u ġew stabbiliti skadenzi għat-twassil. L-EAC ġenerali relatati mal-istatistika u l-indikaturi ma ġewx issodisfatti, imma ġie mfassal pjan ta’ azzjoni biex jiġi implimentat sa Diċembru 2015.
3. Immaniġġjar tal-FSIE
In-numru ta’ programmi f’Ċipru baqa' l-istess mill-perjodu ta’ programmazzjoni 2007-2013. Il-pajjiż waqqaf awtorità unika ta’ mmaniġġjar (id-Direttorat Ġenerali għall-Programmi, il-Koordinazzjoni u l-Iżvilupp Ewropej) u kumitat konġunt għall-monitoraġġ sabiex jikkoordinaw il-FEŻR/il-fond ta’ koeżjoni u l-programmi tal-FSE, filwaqt li qed tintuża sistema ta’ informazzjoni unika għall-programmi kollha.
4. Simplifikazzjoni għall-benefiċjarji
L-awtoritajiet Ċiprijotti biħsiebhom jagħmlu użu aktar estensiv ta’ metodoloġiji ta' kosti ssimplifikati u jtejbu s-sistema ta’ informazzjoni dedikata. Huma qed jippjanaw ukoll biex jittejjeb l-użu ta’ formoli elettroniċi u l-interoperabbiltà bejn is-servizzi amministrattivi nazzjonali għall-ħruġ awtomatiku u jnaqqsu l-għadd ta’ dokumenti u ċertifikati meħtieġa.
1. FSIE fir-Repubblika Ċeka
Sfidi ekonomiċi u soċjali fil-kuntest tal-FSIE
Ix-xejriet makroekonomiċi attwali huma pożittivi: l-ekonomija Ċeka reġgħet lura għat-tkabbir ekonomiku fl-2014, wara sentejn ta’ reċessjoni. Madankollu, xejriet demografiċi negattivi huma mistennija li jwasslu għal żidiet kemm fl-infiq tal-pensjonijiet kif ukoll fl-infiq għall-kura tas-saħħa fit-tul taż-żmien. L-ekonomija bħalissa tappartjeni għall-grupp ta' "innovaturi moderati" u hi mistennija li tavvanza fil-katina ta' valur miżjud. Il-qgħad beda jonqos, iżda s-suq tax-xogħol hu kkaratterizzat minn livell baxx ta’ parteċipazzjoni ta’ ċerti gruppi u nuqqas ta’ qbil bejn il-provvista u d-domanda tal-ħiliet.
Analiżi tal-miri tal-Istrateġija Ewropa 2020 għar-Repubblika Ċeka turi diskrepanzi sinifikanti fil-livell nazzjonali u reġjonali fiż-żieda fl-infiq għar-R&Ż (speċjalment rigward l-investiment privat), it-titjib tal-effiċjenza fl-enerġija, ir-riforma tal-edukazzjoni terzjarja, il-ġlieda kontra l-korruzzjoni u l-applikazzjoni korretta ta’ regoli tal-akkwist pubbliku. Ir-rakkomandazzjonijiet politiċi tal-UE bħala parti mis-Semestru Ewropew jipproponu li jiġi stabbilit reġistru ċentrali ta’ kuntratti pubbliċi, l-implimentazzjoni xierqa tal-pjan ta’ kontra l-korruzzjoni, l-adozzjoni tar-riforma tal-edukazzjoni għolja u żieda fil-parteċipazzjoni fl-edukazzjoni ta’ tfal żvantaġġati (partikolarment ir-Rom).
Prijoritajiet ewlenin u riżultati
Fil-perjodu 2014-2020, il-FSIE għandhom jintużaw sabiex jagħmlu l-ekonomija Ċeka aktar kompetittiva u innovattiva billi tinvesti EUR 2.5 biljun fir-riċerka, l-iżvilupp teknoloġiku u l-innovazzjoni. Il-pajjiż qed jirkupra d-differenza tal-investiment fir-R&Ż tiegħu wara żieda ta’ allokazzjonijiet mill-FSIE, u mistenni jżid l-infiq fuq ir-R&Ż bħala persentaġġ tal-PDG għal 2.97% fl-2020. L-investiment se jintuża biex tingħata spinta lill-istrutturi u l-kapaċità tar-R&Ż u biex itejjeb il-kooperazzjoni bejn is-settur tar-riċerka, l-intrapriżi u l-edukazzjoni terzjarja.
Aktar minn EUR 2 biljun (1.4% tal-PDG) se jintużaw bħala s-sors ewlieni tal-finanzjament biex jappoġġjaw ix-xift lejn ekonomija b’livell baxx ta’ karbonju. L-intensità enerġetika u tar-riżorsi tal-industrija Ċeka (prinċipalment mill-faħam) hi waħda mill-ogħla fl-UE. Fil-kisbiet ewlenin f’dan il-qasam hu mistenni li jkun hemm żieda fil-produzzjoni tal-enerġija minn riżorsi rinnovabbli (83 MW) u tnaqqis fil-livell ta’ gassijiet b’effett serra (minn 920 000 tunnellata CO2/sena).
Il-FSIE se jikkontribwixxu EUR 2.8 biljun għall-protezzjoni tal-ambjent u l-użu effiċjenti tar-riżorsi. L-investiment se jintefaq fuq: it-titjib tal-kwalità tal-ilma (p.e. 150 000 persuna addizzjonali servuta bi provvista mtejba ta’ ilma), l-immaniġġjar tal-iskart (p.e. żieda annwali ta’ 700 000 tunnellata b’kapaċità għar-riċiklaġġ tal-iskart), il-kwalità tal-arja, it-titjib tal-bijodiversità, l-involviment ta' 400 000 ettaru ta’ art f’ċirkwit tal-agrikoltura organika u l-għajnuna lill-bdiewa sabiex jilqgħu impenji agriambjentali u relatati mal-klima relatati ma’ 870 000 ettaru ta’ art. Il-FEMS se jagħmlu s-settur Ċek tas-sajd u tal-akkwakultura aktar sostenibbli bl-użu aktar effiċjenti ta’ metodi ta’ produzzjoni li jirrispettaw l-ambjent.
Fit-trasport, allokazzjoni ta’ EUR 6.2 biljun se jappoġġjaw trasport sostenibbli u se jgħinu biex jitneħħew l-ostakoli fl-infrastrutturi tan-netwerks ewlenin. Dan se jgħin ukoll biex jingħalqu l-lakuni fin-netwerks TEN-T u biex tittejjeb l-interoperabilità tan-netwerk ferrovjarju. 140 km ta’ linji ferrovjarji għandhom jiġu mibnija mill-ġdid jew imtejba, billi jikkontribwixxu għal xift ewlieni għal mobilità sostenibbli. It-titjib tal-infrastruttura se jagħmel ir-reġjuni tal-pajjiż aktar aċċessibbli u se jirriżulta b’aktar nies jużaw it-trasport pubbliku fl-ibliet. Dan il-finanzjament tal-FSIE ta' EUR 200 miljun ġie allokat għat-titjib u l-iżgurar ta’ grilji ta’ trażmissjoni b’vultaġġ għoli.
Kważi EUR 1.4 biljun se jkunu ddedikati għall-promozzjoni ta’ impjiegi sostenibbli u ta’ kwalità u għall-appoġġ tal-mobilità tax-xogħol, b’attenzjoni partikolari fuq gruppi żvantaġġati bħal persuni b’ħiliet baxxi, b'età avvanzata u żgħażagħ (appoġġ lil 585 000 ruħ li minnhom 230 000 persuna mistennija jiksbu kwalifika ġdida). Il-FSIE se jintefqu wkoll fuq l-inklużjoni soċjali u l-edukazzjoni, b’allokazzjonijiet ta’ EUR 2 biljun li lkoll imorru lejn l-għoti ta’ għajnuna lil persuni f’diffikultà u l-persuni żvantaġġati, sabiex tittejjeb il-kwalità tas-servizzi soċjali u tas-saħħa u l-investiment fl-edukazzjoni. Dwar is-servizzi pubbliċi, se jitwaqqfu 30 tim tal-kura tas-saħħa mobbli u 83 istituzzjoni tal-kura tas-saħħa ġodda u se tiġi appoġġjata l-edukazzjoni fil-livelli kollha, billi jiġi provdut aċċess ugwali għal skejjel tal-kindergarten, elementari u sekondarji ta' kwalità għolja. Il-FSIE se jintużaw ukoll biex jiżviluppaw l-universitajiet billi jtejbu l-immaniġġjar tar-riżorsi umani tagħhom u billi jiffaċilitaw l-aċċess għall-edukazzjoni terzjarja (869 student fi programmi ta’ studji ġodda tal-Baċellerat).
Madwar EUR 180 miljun se jintefqu fuq l-amministrazzjoni pubblika u s-sistema tal-ġustizzja sabiex isiru aktar effettivi u trasparenti, it-tnaqqis tal-piżijiet amministrattivi, it-titjib tal-ħiliet tal-persunal fl-amministrazzjoni pubblika u biex l-amministrazzjoni tar-riżorsi umani ssir aktar effiċjenti.
Użu ta’ strumenti finanzjarji u għodod territorjali
Madwar EUR 763 miljun taħt il-programmi tal-politika ta’ koeżjoni huma ppjanati li jitwasslu permezz ta’ strumenti finanzjarji. Dan aktar milli jirdoppja l-ammonti fil-perjodu ta’ programmar preċedenti. L-oqsma ewlenin ta’ intervent huma l-appoġġ għall-SMEs, l-infrastruttura tat-trasport, l-investiment fl-effiċjenza fl-enerġija u, b’mod anqas estiż, l-effiċjenza tar-riżorsi.
Ir-rekwiżit regolatorju ta’ 5% tal-FEŻR li għandhom jintefqu fuq l-iżvilupp urban sostenibbli se jintlaħaq permezz ta’ investimenti minn programm pilastru ta’ tkabbir ekonomiku ta' Praga u minn seba' investimenti territorjali integrati (ITIs) fl-akbar żoni metropolitani. L-allokazzjoni totali tal-ITI hi ta' EUR 1 biljun mill-FEŻR u EUR 223 miljun mill-fond ta' Koeżjoni.
L-iżvilupp lokali mmexxi mill-Komunità se jkun b'mod partikolari importanti għall-iżvilupp tal-oqsma rurali permezz tal-approċċ "b'diversi fondi". Dan se jinvolvi finanzjament mill-FEŻR (EUR 418-il miljun), il-FAEŻR (EUR 115-il miljun), il-FSE (EUR 64 miljun) li jistgħu jintużaw fi strateġiji ta’ żvilupp lokali integrati u multisettorjali mill-komunitajiet lokali, organizzati f’madwar 160 grupp ta’ azzjoni lokali li jkopru 55% tal-popolazzjoni.
Informazzjoni prinċipali
Politika ta’ koeżjoni (FSE, FEŻR, FK, YEI) |
FAEŻR |
FEMS |
ETC |
|
Nru ta’ programmi |
8 (nazzjonali) |
1 |
1 |
7 |
Fondi disponibbli (EUR) |
21 643 218 575 |
2 305 673 996 |
31 108 015 |
1 144 024 031 6 |
2. Prekondizzjonijiet għal użu effettiv u effiċjenti tal-FSIE
Oqfsa strateġiċi għal ċerti oqsma ta’ investiment (p.e. R&Ż, ICT) għadhom ma ġewx kompletati. Pjanijiet ta’ azzjoni ġew adottati għal 11-il kondizzjonalità ex ante (EACs) tematiċi u għal tlieta ġenerali.
3. Immaniġġjar tal-FSIE
Ir-Repubblika Ċeka ssimplifikat il-mod li bih tamministra l-FSIE u ċċentralizzatahom aktar billi naqqset in-numru ta’ programmi (minn 17-il programm tal-politika ta’ koeżjoni fl-2007-2013 għal 8) u ta' korpi intermedji. Il-Ministeru għall-Iżvilupp Reġjonali hu l-awtorità nazzjonali ta’ koordinazzjoni. Aktar koordinazzjoni bejn il-fondi hi żgurata permezz ta' kumitati ta’ monitoraġġ, sejħiet koordinati għal proposti u gruppi ta’ ħidma. L-Att dwar is-Servizz Ċivili tal-2014 għandu jikkontribwixxi għat-titjib tal-kapaċità amministrattiva.
4. Simplifikazzjoni għall-benefiċjarji
Ir-Repubblika Ċeka għandha l-għan li tnaqqas il-piż amministrattiv għall-benefiċjarji u l-amministrazzjoni pubblika billi jitnaqqas in-numru ta’ programmi u korpi intermedji, il-ħolqien ta’ sistema ġdida ta’ monitoraġġ għall-istruttura ta' implimentazzjoni sħiħa u t-twaqqif ta’ ambjent metodoloġiku wieħed għall-programmi kollha. Strumenti finanzjarji u opzjonijiet bħal pagamenti avvanzati u kosti ssimplifikati se jintużaw b’mod aktar estensiv.
1. FSIE fid-Danimarka
Sfidi ekonomiċi u soċjali fil-kuntest tal-FSIE
L-ekonomija Daniża kienet milquta relattivament ħażin mill-kriżi finanzjarja, li wasslet għal żieda sostanzjali fil-qgħad, b’mod partikolari fost iż-żgħażagħ u dawk minn sfond mhux Daniż. Minkejja li d-Danimarka għandha ambjent favorevoli għan-negozji, ftit SMEs qed jikbru; dan hu parzjalment dovut għan-nuqqas ta’ suċċess li fih l-innovazzjoni tissarraf fi profitt, għall-iżivlupp diżappuntanti ta' ħiliet intraprenditorjali u għall-ħtieġa tas-settur primarju għal innovazzjoni mkabbra lejn produzzjoni aktar sostenibbli. Madankollu, id-Danimarka qed tkompli tiffaċċja sfidi fil-ħiliet tal-ħaddiema tagħha. Dawn jinkludu tnaqqis fil-proporzjon ta’ nies li qed jieħdu taħriġ vokazzjonali, proporzjon li qed jonqos ta’ persuni minn sfond ta’ migrazzjoni (speċjalment l-irġiel) li jirċievu edukazzjoni u rata għolja b’mod persistenti ta' dawk li jabbandunaw l-iskola. Dawn il-kwistjonijiet ġew indirizzati minn waħda mir-rakkomandazzjonijiet ta’ politika tal-UE tal-2014 għad-Danimarka fil-kuntest tas-Semestru Ewropew.
B’mod ġenerali, id-Danimarka għandha prestazzjoni ambjentali tajba, għalkemm din ma tidhirx li qed tlaħħaq mal-miri tagħha dwar it-tnaqqis tal-emissjonijiet ta’ gassijiet b'effett serra. Għad hemm ħafna pressjoni fuq il-ħabitats u korpi tal-ilma, prinċipalment minħabba l-użu intensiv tal-art u s-sajd, il-lissija ta’ nutrijenti minn artijiet, eċċ.
Id-Danimarka hi pajjiż għani b'differenzi soċjoekonomiċi interni relattivament żgħar meta mqabbla ma’ Stati Membri oħra u qed tindirizza ħafna mill-isfidi li qed tiffaċċja permezz ta’ skemi nazzjonali. Billi l-allokazzjoni tal-FSIE għad-Danimarka hi modesta, il-programmi huma ffukati fuq l-indirizzar tal-isfidi msemmija hawn fuq.
Prijoritajiet ewlenin u riżultati
EUR 300 miljun f’Fondi SIE se jgħinu lill-SMEs fl-industrija, is-servizzi, l-agrikoltura, l-akkwakultura u s-sajd sabiex ikunu aktar innovattivi u aktar kapaċi li jsarrfu l-innovazzjoni fi profitt. Il-Fondi SIE qed jiġu wkoll investiti biex jagħmlu l-kumpaniji aktar kompetittivi, bl-appoġġ jiffuka fuq clusters u netwerks ta’ kooperazzjoni. Barra minn hekk, ħafna investimenti relatati mal-klima u mal-ambjent tal-pajjiż għandhom l-għan li jtejbu l-kompetittività u t-tkabbir tan-negozji. Id-Danimarka se tuża wkoll il-Fondi SIE biex tiżviluppa oqsma identifikati b'potenzjal ta’ tkabbir kemm fi ħdan negozji individwali kif ukoll għal strateġiji ta’ speċjalizzazzjoni intelliġenti reġjonali. Madwar 3 200 negozju huma mistennija li jidħlu f'netwerks ta’ kooperazzjoni, inklużi netwerks li jinvolvu istituzzjonijiet ta’ għarfien, u aktar minn 4 000 huma mistennija li jniedu soluzzjonijiet jew prodotti innovattivi.
Id-Danimarka se tonfoq EUR 270 miljun f’Fondi SIE għall-inklużjoni soċjali biex tgħin lil persuni fil-marġini tas-suq tax-xogħol u ttejjeb l-impjegabbiltà billi tgħin aktar nies biex itemmu t-taħriġ vokazzjonali u l-edukazzjoni għolja (fondi nazzjonali se jkunu disponibbli biex jgħinu lin-nies li jinsabu l-aktar ’il bogħod mis-suq tax-xogħol). B’dan il-mod, il-Fondi SIE se jintużaw biex jindirizzaw ir-rakkomandazzjonijiet ta’ politika tas-Semestru Ewropew. Se jinħolqu total ta' madwar 5 500 impjieg u l-investimenti fit-taħriġ huma mistennija li jgħinu 52 000 persuna jsiru aktar impjegabbli.
Id-Danimarka se tinvesti aktar minn EUR 635 miljun f’Fondi SIE fl-ambjent u fil-klima. L-investimenti ambjentali se jiffukaw fuq il-protezzjoni u l-promozzjoni ta’ assi naturali, it-titjib tal-kwalità tal-ilma u tal-bijodiversità, u l-użu ta’ art ikkultivata u l-istokkijiet tal-ħut (inkluża l-akkwakultura) b'mod sostenibbli u li ma jagħmilx ħsara lill-ambjent, skont il-politika komuni tas-sajd il-ġdida. Fil-qasam tas-sajd, il-Fondi SIE se jgħinu, pereżempju, biex jitnaqqsu l-qabdiet mhux mixtieqa b'5 000 t u biex tiżdied il-produzzjoni tal-akkwakultura organika bi 3 000 t sal-2023. Fl-agrikoltura, il-Fondi SIE se jinkludi appoġġ biex jiġu ppreservati l-pajsaġġi u l-bijodiversità li jkopri żona ta’ madwar 3 400 km² (jew aktar minn 10% ta’ art agrikola). Mill-investimenti totali tad-Danimarka għall-ambjent u l-klima, EUR 91 miljun se jiġu investiti fit-tranżizzjoni għal ekonomija b'livell baxx ta' karbonju, li twassal għal tnaqqis fl-emissjonijiet ta’ gass b’effett serra ta’ 51 000 t u tnaqqis ta' 905 000 GJ fil-konsum tal-enerġija. Dan se jgħin lid-Danimarka biex tissodisfa l-mira tal-Istrateġija Ewropa 2020 li tnaqqas l-emissjonijiet ta’ GHG b'20%. Effiċjenza mtejba fl-użu tar-riżorsi hi parti mill-istrateġija tad-Danimarka biex tiżdied il-kompetittività tal-intrapriżi, u l-fondi minfuqin fuq il-kompetittività se jikkontribwixxu wkoll għat-tranżizzjoni tagħha għal ekonomija b’livell baxx ta’ karbonju. B’kollox, id-Danimarka qiegħda tippjana li tonfoq madwar EUR 577 miljun (46% tat-total tal-allokazzjoni tal-FSIE) fil-ġlieda kontra t-tibdil fil-klima.
Użu ta’ strumenti finanzjarji u għodod territorjali
Fil-perjodu ta’ bejn l-2007 u l-2013, id-Danimarka allokat EUR 28 miljun għal strumenti finanzjarji. Għall-2014-2020 għamlitha possibbli lir-reġjuni sabiex jużaw fondi minn strumenti finanzjarji għal investimenti fil-qasam tal-iżvilupp tal-intrapriża u biex itejbu l-effiċjenza fl-enerġija u fir-riżorsi fin-negozji.
Id-Danimarka se tonfoq 5% tal-allokazzjoni tal-FEŻR fl-iżvilupp urban sostenibbli, billi tikkonċentra fuq l-iżvilupp tan-negozju permezz tal-innovazzjoni u l-effiċjenza fl-enerġija/fir-riżorsi. Dawn il-miżuri ta’ żvilupp urban se jiġu integrati fi strateġiji usa’ li jindirizzaw l-isfidi soċjali, ekonomiċi, demografiċi u ambjentali u/jew klimatiċi ta’ ċerti żoni urbani.
B’mod ġenerali 26 grupp ta’ azzjoni lokali li jkopru żoni rurali u kostali huma appoġġjati permezz tal-metodu LEADER. Dawn se jaħdmu fuq it-tisħiħ tal-attivitajiet relatati mat-turiżmu eżistenti, l-iżvilupp ta’ negozji żgħar, il-ħolqien ta’ servizzi, u l-appoġġ għal sajd sostenibbli. Dan għandu joħloq l-impjiegi u jtejjeb il-kondizzjonijiet tal-għajxien tal-popolazzjoni lokali.
Informazzjoni prinċipali
Politika ta’ koeżjoni (FSE, FEŻR, FK) |
FAEŻR |
FEMS |
ETC |
|
Nru ta’ programmi |
2 (nazzjonali) |
1 |
1 |
5 |
Fondi disponibbli (EUR) |
413 231 682 |
918 803 690 |
208 355 420 |
748 186 649 7 |
2. Prekondizzjonijiet għal użu effettiv u effiċjenti tal-FSIE
Id-Danimarka tissodisfa l-kondizzjonalitajiet ex ante kollha għall-appoġġ tal-FSIE.
3. Immaniġġjar tal-FSIE
Il-programmi tal-FEŻR u tal-FSE jitwasslu permezz ta’ sitt fora reġjonali għat-tkabbir ekonomiku, flimkien mal-Awtorità Daniża tan-Negozju (DBA) bħala l-awtorità ta’ mmaniġġjar. Il-programmi huma mmaniġġjati mill-istess awtoritajiet ta’ mmaniġġjar fil-livell reġjonali. Il-FAEŻR u l-FEMS huma mmaniġġjati mill-Aġenzija Daniża AgriFish, bl-implimentazzjoni tal-azzjonijiet Leader iddelegati lill-Awtorità Daniża tan-Negozju, li tiżgura koordinazzjoni mill-qrib bejn il-fondi. Barra minn hekk, iż-żewġ awtoritajiet nazzjonali ta’ mmaniġġjar jagħmlu parti mill-kumitat ta’ monitoraġġ ta’ xulxin (għall-FEŻR/FSE u l-FAEŻR/FEMS rispettivament). Apparti dan, iż-żewġ awtoritajiet maniġerjali jippjanaw il-laqgħat ta’ koordinazzjoni bejn iż-żewġ settijiet ta’ fondi sabiex tiżdied l-effiċjenza fl-implimentazzjoni. Għalkemm l-FSE u l-Fond għal Għajnuna Ewropea għall-Persuni l-Aktar fil-Bżonn it-tnejn li huma għandhom l-objettivi ta’ inklużjoni soċjali, il-FSE hu aktar relatat mas-suq tax-xogħol. Iż-żewġ fondi jevitaw li jirfsu fuq xulxin bis-saħħa ta' diviżjoni ċara bejn l-objettivi rispettivi tagħhom u permezz taż-żewġ awtoritajiet ta’ mmaniġġjar li huma membri tal-kumitat ta’ monitoraġġ ta’ xulxin.
4. Simplifikazzjoni għall-benefiċjarji
Benefiċjarji potenzjali se jkollhom aċċess elettroniku għall-immaniġġjar tal-fond (skont l-inizjattiva tal-Koeżjoni elettronika). Dawk li ma għandhomx aċċess immedjat għal Koeżjoni elettronika se jkunu xorta waħda jistgħu jaċċessaw il-fond bl-użu ta’ mezzi alternattivi. Id-Danimarka tipprevedi wkoll l-estensjoni tal-użu ta’ opzjonijiet ta' kosti ssimplifikati.
1. FSIE fl-Estonja
Sfidi ekonomiċi u soċjali fil-kuntest tal-FSIE
L-Estonja wriet flessibbiltà rimarkabbli biex tiffaċċja l-kriżi ekonomika. Il-PDG reali tagħha mistenni li jilħaq il-livell tiegħu ta' qabel il-kriżi fl-2016. Għalkemm l-ekonomija b’mod ġenerali tjiebet, għad baqa’ sfidi strutturali serji. Dawn għandhom jiġu indirizzati biex l-ekonomija Estonjana ssir aktar innovattiva u bbażata fuq l-għarfien, aktar inklużiva u aktar sostenibbli.
Il-finazjament pubbliku għar-R&I jidher li hu nieqes mill-koordinazzjoni u għandu jiffoka fuq numru limitat ta’ oqsma ta’ speċjalizzazzjoni intelliġenti. Is-sistema edukattiva għolja għad trid tagħmel aktar biex tissodisfa l-ħtiġijiet tan-negozji u tal-istituzzjonijiet ta’ riċerka. Il-kapaċità tal-innovazzjoni hi baxxa, u ftit kumpaniji jikkollaboraw mal-istituzzjonijiet tar-riċerka.
Il-forza tax-xogħol li qed tonqos, flimkien ma’ produttività tax-xogħol baxxa, hi mistennija li ssir problema fit-terminu ta' żmien medju għal terminu ta' żmien twil. L-Estonja dan l-aħħar biss bdiet timplimenta r-Riforma tal-Kapaċità tax-Xogħol ambizzjuża tagħha. Nuqqas ta’ faċilitajiet ta' childcare jagħmilha aktar diffiċli għall-ġenituri biex jerġgħu lura għax-xogħol. Id-disponibbiltà u l-kwalità tas-servizzi pubbliċi fil-livell lokali huma varjabbli. L-Estonja jeħtieġ li tagħmel aktar biex ittejjeb l-attrazzjoni tal-edukazzjoni vokazzjonali, it-taħriġ u l-apprendistati. Il-pajjiż jeħtieġ ukoll li jippromwovi l-intraprenditorija u l-ħolqien tal-impjiegi madwar il-pajjiż biex jimpedixxi d-differenzi ta’ żvilupp ekonomiku milli jikbru.
L-intensità tar-riżorsi tal-Estonja għadha għolja ħafna. Il-pajjiż x’aktarx li ma jissodisfax il-mira tiegħu għall-effiċjenza fl-enerġija għall-2020. L-isforzi biex titjieb l-effiċjenza fl-enerġija residenzjali u industrijali jeħtiġilhom li jiżdiedu. L-Estonja għandha wkoll taħdem lejn forom ta' trasport aktar sostenibbli.
Dawn l-isfidi huma riflessi f’rakkomandazzjonijiet ta’ politika li saru fil-kuntest tas-Semestru Ewropew.
Prijoritajiet ewlenin u riżultati
L-Estonja qed timmira li tuża l-Fondi SIE biex iżżid in-nefqa fis-settur privat fuq ir-R&Ż għal 2% tal-PDG sal-2023 (minn 1.26% fl-2012). Il-programmi ta’ finanzjament tar-R&Ż tal-Estonja se jiġu allinjati ma’ qafas ta’ speċjalizzazzjoni intelliġenti. L-Estonja se tuża l-Fondi SIE biex titjieb il-kompetittività tal-SMEs, u għandha l-għan li żżid in-numru tan-negozji li jesportaw għal 15 700 (minn 11 281 fl-2012). Il-finanzjament għall-iżvilupp rurali se jkun immirat aħjar biex jinkisbu bidliet pożittivi għall-ekonomija rurali. Skemi speċjali huma previsti għall-iżvilupp ta’ farms żgħar, u biex jassistu lill-bdiewa żgħażagħ biex jistabbilixxu negozji agrikoli. L-Estonja se tinkuraġġixxi l-ħolqien ta’ ktajjen qosra tal-provvista alimentari, u se tinvesti fl-ipproċessar u l-kummerċjalizzazzjoni ta’ prodotti agrikoli, l-Estonja se tuża wkoll il-FSIE biex tingħata spinta lill-ekonomija diġitali, billi timmira li tipprovdi 60% tal-pajjiż b’veloċitajiet broadband ta’ mill-anqas 100 Mb/s (minn 3.6% fl-2012).
L-Estonja se tinvesti fl-impjiegi bil-għan li tiżdied ir-rata tal-impjiegi għal 76% (minn 73.3% fl-2013). Hu ppjanat li dan jinkiseb, pereżempju, bir-riforma tal-valutazzjoni tal-kapaċità tax-xogħol. L-għan hu wkoll li jinżamm il-proporzjon tal-PDG iġġenerat f’żoni oħrajn minbarra Tallinn u Tartu għal 30%. Fil-qasam tal-edukazzjoni, l-għan hu li tiżdied ir-rata ta’ tlestija ta’ apprendistat għal 75% (minn 50% fl-2013). Dan jammonta għal madwar 8 000 persuna. Barra minn hekk, aktar minn 350 000 sessjoni ta’ konsulenza dwar il-karrieri se jiġu offruti liż-żgħażagħ u oħrajn ta’ età tax-xogħol. Il-finanzjament għall-inklużjoni soċjali se jintuża biex jitnaqqas in-numru ta’ tfal f’lista ta’ stennija għaċ-childcare u postijiet fin-nurseries għal madwar 300 minn 4 430 fl-2012. Is-servizzi tax-xogħol fil-qasam taż-żgħażagħ se jirċievu madwar 200 000 parteċipant. L-infrastruttura tas-saħħa eżistenti se tkun imtejba u se jissaħħu l-kura primarja u l-prevenzjoni tal-mard. Il-finanzjament għall-bini ta’ kapaċità amministrattiva għandu jintuża biex jiżdiedu l-livelli ta’ sodisfazzjoni bil-kwalità tas-servizzi pubbliċi għal madwar 85% (minn 67% fl-2012).
Appoġġ għat-trasport se jintuża biex jiġi żviluppat in-netwerk TEN-T u sistemi tat-trasport favur l-ambjent u b’livell baxx ta’ karbonju. Pereżempju, l-Estonja qed tippjana li żżid l-għadd annwali ta’ passiġġieri tal-ferrovija għal 8.4 miljun minn 4.2 miljun fl-2013. L-investiment f’ekonomija b’livell baxx ta' karbonju hu mmirat li jżid l-iffrankar tal-enerġija sa 45% għal 40 000 dar. L-Estonja qed tippjana li tuża l-fondi ddedikati għall-ambjent u l-adattament għat-tibdil fil-klima biex tissodisfa r-rekwiżiti essenzjali tal-acquis fis-settur tal-ilma u tiżgura r-reżiljenza mid-diżastri. Il-fondi se jintużaw ukoll għall-preservazzjoni tal-bijodiversità permezz tal-appoġġ għall-manutenzjoni ta’ ħabitats seminaturali (2.6% ta’ art agrikola) u l-agrikoltura organika (14% ta’ art agrikola). Aktar minn 70% taż-żona agrikola utilizzata se tkun koperta bi skemi biex jittejbu l-bijodiversità u l-immaniġġjar tal-ħamrija. Se jiġu mmirati l-protezzjoni tal-ilma fl-agrikoltura u ż-żoni abbandunati tal-produzzjoni tal-pit. Is-settur Estonjan tas-sajd u l-akkwakultura se jsir aktar sostenibbli, l-ekosistemi marini u l-bijodiversità akkwatika se jiġu mtejba u l-qabdiet bla bżonn huma mistennija li jitnaqqsu b’21 tunnellata.
Użu ta’ strumenti finanzjarji u għodod territorjali
L-Estonja se żżid l-allokazzjonijiet għall-istrumenti finanzjarji b’madwar 50% b'paragun mal-perjodu preċedenti, għal valur ta’ EUR 215.5 miljun. Is-self, il-garanzija u l-istrumenti ta’ ekwità se jintużaw biex jiġu appoġġjati l-SMEs u r-R&I. Skont il-valutazzjoni ex ante, m’hemm ebda skop għal strumenti finanzjarji ffinanzjati mill-FSIE fil-qasam tal-effiċjenza tal-enerġija u l-infrastruttura ambjentali.
Mill-allokazzjoni tal-FEŻR 5% huma ddedikati għall-iżvilupp urban sostenibbli. Strateġiji ta’ żvilupp lokali mmexxijin mill-komunità f’żoni rurali se jiġu implimentati minn 34 grupp ta’ azzjoni lokali, li tmienja minnhom huma fis-settur tas-sajd.
Informazzjoni prinċipali
Politika ta’ koeżjoni (FSE, FEŻR, FK) |
FAEŻR |
FEMS |
ETC |
|
Nru ta’ programmi |
1 |
1 |
1 |
4 |
Fondi disponibbli (EUR) |
3 534 560 285 |
823 341 558 |
100 970 418 |
449 819 256 8 |
2. Prekondizzjonijiet għal użu effettiv u effiċjenti tal-FSIE
Minn 29 kondizzjonalità ex ante applikabbli (EACs) 15 ma ġewx sodisfatti fil-ħin tal-adozzjoni tal-Ftehim ta’ Sħubija. Minn dak in-nhar 'l hawn l-Estonja rrapportat it-tlestija ta’ pjanijiet ta’ azzjoni biex tissodisfa 11 minnhom. Hu mistenni li hi se tissodisfa erba’ EACs fl-2016: il-Prevenzjoni u mmaniġġjar tar-riskju, il-Mezzi oħra ta’ trasport, l-Inklużjoni attiva u s-Sistemi statistiċi u indikaturi tar-riżultati.
3. Immaniġġjar tal-FSIE
L-Estonja għandha programm wieħed biss b'diversi fondi tal-politika ta’ koeżjoni għall-2014-2020, b'paragun ma’ tlieta fil-perjodu preċedenti. Il-Ministeru tal-Finanzi jaġixxi bħala l-awtorità ta’ mmaniġġjar, l-awtorità ta’ ċertifikazzjoni (il-funzjonijiet tagħha kienu amalgamati mal-awtorità ta’ mmaniġġjar) u l-awtorità tal-awditjar. Ħames ministeri oħra jwettqu l-kompiti ta’ korpi intermedji tal-ewwel livell u 13-il aġenzija ċentrali jew organizzazzjonijiet oħra jaġixxu bħala korpi intermedji tat-tieni livell (żdiedu tnejn għall-perjodu l-ġdid).
Ma sar l-ebda tibdil fir-rigward tas-sistema ta' twassil tal-FAEŻR u l-EMFF. Fil-livell governattiv, l-Istrateġija Baġitarja Statali hi użata biex jiġu kkoordinati s-sorsi kollha ta’ finanzjament.
4. Simplifikazzjoni għall-benefiċjarji
Numru ta’ liġijiet u linji gwida ġew emendati biex jitnaqqas il-piż amministrattiv għall-benefiċjarji. L-iskambju ta’ dejta ma’ applikanti u benefiċjarji se jsir kompletament b'mod elettroniku, l-ispejjeż jiġu rimborżati abbażi ta’ għażliet ta’ kosti ssimplifikati meta jkun possibbli, u hemm ukoll il-possibilità li jiġu kkombinati l-għotjiet u l-istrumenti finanzjarji.
1. FSIE fil-Finlandja
Sfidi ekonomiċi u soċjali fil-kuntest tal-FSIE
L-irkupru tat-tkabbir ekonomiku u l-kompetittività filwaqt li joħloq l-impjiegi hu sfida ewlenija għall-ekonomija Finlandiża. L-intensità tar-R&Ż tan-negozji qed tonqos u dan jagħmilha diffiċli li tintlaħaq il-mira nazzjonali għan-nefqa fir-R&Ż (4% tal-PDG). Riskji, relatati ma' prestazzjoni dgħajfa fl-esportazzjoni fil-kuntest ta’ ristrutturar industrijali, jeħtiġilhom jiġu indirizzati. Il-Finlandja għadha tissielet biex tittraduċi l-investiment fir-R&Ż f'esportazzjonijiet b’suċċess. Hi għandha tipprovdi aktar finanzjament għal negozji li jkunu għadhom kemm jiftħu u toffrilhom aktar għajnuna sabiex jinnegozjaw barra mill-pajjiż. Barra minn hekk, fid-dawl tal-popolazzjoni li qed tikber fl-età u tat-tnaqqis tal-popolazzjoni fl-età tax-xogħol, hu importanti li s-suq tax-xogħol ikun jista' juża l-potenzjal sħiħ tal-forza tax-xogħol. Ir-rata tal-qgħad kienet ta' 8.7% fl-2014 u qed tiżdied, b'mod partikolari fost iż-żgħażagħ u l-ħaddiema aktar avvanzati fl-età. Sfida oħra għall-Finlandja hi l-bilanċ dgħajjef tal-finanzi pubbliċi u t-theddid maħluq minn tendenzi demografiċi għas-sostenibbiltà tagħhom fit-tul.
Ir-rakkomandazzjonijiet ta’ politika tas-Semestru Ewropew huma maħsuba biex jindirizzaw dawn il-kwistjonijiet.
Prijoritajiet ewlenin u riżultati
Il-Finlandja qed timmira li ttejjeb il-kompetittività tal-SMEs billi tinvesti EUR 644 miljun fid-diversità tal-istrutturi tan-negozji u billi żżid in-numru ta' kumpaniji li qed jikbru, jinnovaw u jespandu b'mod internazzjonali. Il-miżuri għandhom għalhekk jiffukaw fuq in-negozji ġodda u l-iżvilupp ta’ operazzjonijiet ta’ negozju ġdid. Il-FAEŻR se jimmira lejn l-investiment fil-farms, l-investimenti fl-ipproċessar tal-ikel u d-diversifikazzjoni tal-attivitajiet tal-farms. Aktar minn EUR 1 biljun ta’ appoġġ għall-investiment għandu jiġi pprovdut. Se jiġu appoġġjati madwar 15 000 farm.
L-investimenti tar-R&I ta' EUR 398 miljun se jiffukaw biex tissaħħaħ l-attività ta' innovazzjoni, b'mod speċjali fil-kumpaniji li qed jikbru u fin-negozji l-ġodda fl-oqsma ta' speċjalizzazzjoni intelliġenti magħżulin. Il-Finlandja għandha l-għan li ttejjeb il-kapaċità tagħha biex tittraduċi r-R&I fi prodotti u servizzi kummerċjali. Barra minn hekk, bl-għajnuna ta’ dawn l-investimenti u ta’ finanzjament mill-FAEŻR għal kooperazzjoni u għal innovazzjoni, il-Finlandja qed timmira sabiex iżżid in-nefqa għar-R&I bi tqabbil mal-PDG għal 4.0% sal-2020 (3.31% fl-2013).
Il-Finlandja se talloka EUR 219 miljun għal tranżizzjoni lejn ekonomija b’użu baxx tal-karbonju. Dan se jikkontribwixxi b’mod sinifikanti lejn il-mira li jiżdied is-sehem ta’ enerġija derivata minn sorsi rinnovabbli minn 33% (2011) għal 38% (2020). Il-FSIE se jappoġġjaw prinċipalment attivitajiet ta' R&I fis-settur b’livell baxx ta’ emissjonijiet ta’ karbonju, l-introduzzjoni ta’ teknoloġiji ġodda, u l-iżvilupp u l-kummerċjalizzazzjoni ta’ prodotti b’livell baxx ta’ karbonju, is-servizzi u l-metodi ta’ produzzjoni.
Sabiex jipproteġi l-ambjent u jippromwovi l-effiċjenza tar-riżorsi, il-FEMS se jikkontribwixxi biex jagħmel is-sajd u l-akkwakultura aktar sostenibbli u se jtejjeb l-ekosistemi marini u tal-bijodiversità akkwatika. Mill-FAEŻR, EUR 1.6 biljun ġew allokati għal miżuri agriambjentali u klimatiċi. L-għan hu li jitnaqqas l-impatt ambjentali ta’ ħsara tal-attivitajiet agrikoli fuq il-ħamrija, l-ilma tal-wiċċ, l-ilma ta' taħt l-art u l-arja billi jiġi promoss l-użu ta’ prattiki li ma jagħmlux ħsara lill-ambjent u billi jiġu mmaniġġjati l-kondizzjonijiet ta’ tkabbir ekonomiku. Aktar minn 81% tal-art agrikola hi mistennija li tkun koperta b'kuntratti ta’ mmaniġġjar li jtejbu l-immaniġġjar tal-ilma. EUR 1.8 biljun ġew allokati għal żoni agrikoli b’restrizzjonijiet naturali sabiex tkun inkuraġġita l-bijodiversità agrikola.
EUR 347 miljun għandhom jiġu investiti fl-impjiegi u t-tnaqqis tal-qgħad. Il-finanzjament tal-FSE se jiffoka b’mod speċjali fuq iż-żgħażagħ u dawk f'pożizzjoni tas-suq tax-xogħol anqas vantaġġjuża u jimmira li jkopri madwar 40 000 persuna qiegħda. Il-finanzjament se jintuża biex tiġi estiża l-ħajja tax-xogħol, biex jiġu bbilanċjati d-domanda għax-xogħol u l-provvista tax-xogħol, u sabiex tiżdied il-mobilità tax-xogħol. L-appoġġ għall-iffaċilitar tad-diversifikazzjoni u l-ħolqien u l-iżvilupp tal-intrapriżi żgħar fl-oqsma rurali għandhom il-potenzjal li joħolqu madwar 6 000 impjieg.
L-edukazzjoni u t-taħriġ se jirċievu EUR 199 miljun ta’ appoġġ. Il-miżuri se jiffukaw fuq iż-żieda fin-numru ta’ ħaddiema tas-sengħa, it-tisħiħ tal-ħiliet professjonali ta’ żgħażagħ u dawk li ma spiċċawx l-edukazzjoni vokazzjonali, it-titjib tas-servizzi matul il-perjodu ta’ tranżizzjoni bejn l-edukazzjoni u l-impjiegi u l-ugwaljanza tal-edukazzjoni. Fiż-żoni rurali, it-trasferiment tal-għarfien se jiġi pprovdut permezz ta’ taħriġ għal aktar minn 20 000 persuna (l-aktar għall-bdiewa).
Il-finanzjament mill-FSE għall-inklużjoni soċjali (EUR 248 miljun) se jgħin fil-ġlieda kontra l-faqar, l-esklużjoni soċjali u l-marġinalizzazzjoni. Se jingħata appoġġ lil aktar minn 15 000 persuna, prinċipalment barra s-suq tax-xogħol.
Użu ta’ strumenti finanzjarji u għodod territorjali
Il-Finlandja qed tippjana li talloka madwar EUR 1.5 miljun lil strumenti finanzjarji għall-investiment ta’ ekwità skont il-programm operazzjonali tal-Ġżejjer Åland. Dan hu tnaqqis sinifikanti meta mqabbel mal-2007-2013. Il-Finlandja qed tesplora l-possibbiltajiet biex jiġi estiż l-użu ta’ strumenti finanzjarji.
5% tal-allokazzjonijiet tal-FEŻR huma ddedikati għall-iżvilupp urban sostenibbli f’sitt ibliet ewlenin (Ħelsinki, Espoo, Vantaa, Oulu, Tampere u Turku) permezz ta' għodda ta’ investiment territorjali integrat (ITI). L-iskop primarju tal-istrateġija tal-ITI hu li tissaħħaħ il-kompetittività tal-Finlandja billi jintużaw l-akbar bliet u rħula tagħha bħala ambjenti ta' żvilupp u piloti għall-innovazzjoni.
It-tmien gruppi ta’ azzjoni lokali tas-sajd fil-Finlandja se jkomplu jimplimentaw b’suċċess l-iżvilupp lokali mmexxi mill-komunità. Il-gruppi ġew stabbiliti fil-perjodu ta’ programmar preċedenti, iżda se jimplimentaw strateġiji ta’ żvilupp lokali bbażata fuq il-ћtiġijiet lokali.
Informazzjoni prinċipali
Politika ta’ koeżjoni (FSE, FEŻR) |
FAEŻR |
FEMS |
ETC |
|
Nru ta’ programmi |
2 (reġjonali) |
2 |
1 |
8 |
Fondi disponibbli (EUR) |
1 304 456 595 |
2 380 408 338 |
74 393 168 |
605 853 163 9 |
2. Prekondizzjonijiet għal użu effettiv u effiċjenti tal-FSIE
Fil-Gżejjer Åland, tliet kondizzjonalitajiet ex ante ma kinux sodisfatti fil-mument tal-adozzjoni tal-Programm Operattiv: l-istrateġija tal-ispeċjalizzazzjoni intelliġenti reġjonali, l-istrateġija tat-tagħlim tul il-ħajja u l-istrateġija tal-edukazzjoni vokazzjonali. Dawn il-kondizzjonalitajiet ex-ante twettqu skont il-pjanijiet miftehmin sat-30 ta’ Ġunju 2015.
3. Immaniġġjar tal-FSIE
Il-Finlandja naqqset in-numru ta’ programmi tal-politika ta’ koeżjoni minn sebgħa fl-2007-2013 għal tnejn fl-2014-2020. Ir-riforma amministrattiva fir-reġjuni għadha għaddejja (bi tnaqqis fin-numru ta’ korpi intermedji). Il-koordinazzjoni hi mwettqa permezz ta’ rappreżentanza ta’ fondi differenti fil-programm ta’ kumitati ta’ monitoraġġ u permezz ta’ strutturi ta’ kooperazzjoni reġjonali. Il-miżuri tal-FEŻR u l-FSE issa ġew implimentati skont l-istess programm ta’ finanzjament minn diversi sorsi. Fil-Gżejjer Åland, il-programmi tal-FEŻR, FSE u tal-FAEŻR għandhom kumitat konġunt ta’ monitoraġġ.
4. Simplifikazzjoni għall-benefiċjarji
L-awtoritajiet ta’ mmaniġġjar tal-FSIE qed jagħmlu arranġamenti biex jitnaqqas il-piż amministrattiv għall-benefiċjarji. Dawn jinkludu l-konsolidazzjoni ta’ funzjonijiet (p.e. it-tnaqqis tal-għadd ta’ korpi intermedji) u ż-żieda fl-użu tal-opzjonijiet ta' kosti ssimplifikati.
1. FSIE fi Franza
Sfidi ekonomiċi u soċjali fil-kuntest tal-FSIE
Bla dubju ta' xejn Franza għandha numru ta’ assi (p.e. demografija dinamika, patrimonju naturali u kulturali għani, potenzjal għoli fis-settur tal-enerġiji rinnovabbli, u netwerks tat-trasport mill-aktar avvanzati), iżda qed tħabbat wiċċha ma’ żewġ sfidi ewlenin.
L-ewwel nett, il-kompetittività tal-ekonomija Franċiża qed tonqos gradwalment. Dan hu parzjalment minħabba n-nuqqas fl-orjentazzjoni tal-ekonomija lejn aktar setturi b’użu intensiv tal-għarfien u fit-traduzzjoni tal-attivitajiet tar-RŻ&I fi prodotti u servizzi kummerċjabbli. It-tieni nett, ir-rata tal-qgħad ilha għolja għal dawn l-aħħar 30 sena. Fl-2013, din kienet ogħla minn 10%, filwaqt li l-qgħad fost persuni taħt l-età ta’ 25 sena laħaq it-23.5% fi Franza metropolitana u fid-dipartimenti lil hinn mill-Ewropa qabeż il-50%. Barra minn hekk, il-miri għan-nefqa għall-enerġija u r-R&Ż skont l-Istrateġija Ewropa 2020 ma ġewx sodisfatti, u li jeħtieġlu jsir aktar biex jiġu indirizzati l-faqar u l-abbandun bikri tal-iskola.
Prijoritajiet ewlenin u riżultati
Għall-perjodu 2014-2020, il-FSIE għandhom jintużaw biex jintlaħqu l-objettivi tal-Istrateġija Ewropa 2020. Minħabba l-ammont limitat ta’ fondi disponibbli meta mqabbla mad-daqs tal-ekonomija Franċiża, l-investimenti jiġu mmirati lejn għadd limitat ta’ objettivi tematiċi b’konformità mar-rakkomandazzjonijiet tal-politika tas-Semestru Ewropew. Dawn jinkludu r-R&I, it-tisħiħ tal-kompetittività tal-SMEs, u jiżguraw li l-gruppi żvantaġġati jkollhom aċċess għat-taħriġ vokazzjonali u s-suq tax-xogħol.
EUR 3 miljun (11% tal-baġit ġenerali tal-Fondi SIE ta' Franza) se jkunu investiti fir-R&I. Il-fondi għandhom jgħinu biex jissaħħaħ it-trasferiment tal-għarfien tar-R&Ż bejn l-akkademja u n-negozju, biex jissaħħu r-R&Ż fin-negozju u biex jiġi żviluppat ambjent tan-negozju favur l-innovazzjoni. Aktar minn 660 kumpanija se jirċievu appoġġ għall-iżvilupp u jillanċjaw prodotti ġodda. 10
Il-FSIE se jikkontribwixxu wkoll biex jitnaqqsu d-differenzi tar-R&Ż bejn ir-reġjuni – fl-2014, 75% tal-attività tar-R&Ż kienu kkonċentrati f'erba' reġjuni biss u l-aċċess għall-broadband b'veloċità għolja ħafna hu fost l-ifqar fl-Ewropa.
Madwar EUR 5 biljun (19% tal-allokazzjoni tal-FSIE) se jintużaw biex jappoġġjaw lill-SMEs (inklużi fis-setturi tal-agrikoltura, is-sajd u l-akkwakultura marittima), billi jagħtu lin-negozji aċċess aħjar għall-finanzjament, is-servizzi u s-swieq, u billi jippermettulhom jipproduċu prodotti u servizzi b'valur għoli. Il-FSIE se jappoġġjaw ukoll il-ħolqien ta' SMEs ġodda u se jgħinu biex jikber in-negozju eżistenti. Aktar minn 160 000 kumpanija se jirċievu l-appoġġ tal-FSIE.
Madwar EUR 6 biljun (23% tal-baġit tal-FSIE) se jintużaw biex itejbu l-impjegabbiltà u jgħinu lin-nies li huma l-aktar ’il bogħod mis-suq tax-xogħol isibu impjieg, b’enfasi fuq l-integrazzjoni taż-żgħażagħ, it-titjib tal-offerta ta' taħriġ f’setturi emerġenti u aċċess aħjar għal taħriġ vokazzjonali kontinwu. Franza qed timmira li tgħin 234 000 żagħżugħ/a sal-2023 permezz tal-Inizjattiva favur l-Impjieg taż-Żgħażagħ. Il-pajjiż qiegħed jippjana wkoll li jipprovdi taħriġ biex jgħin 310 000 persuna fix-xogħol u biex jinkuraġġixxi 90 000 persuna (inklużi 36 000 mara) sabiex jibdew negozju. Appoġġ għal persuni f’riskju ta’ esklużjoni hu wkoll mistenni li joffri 180 000 persuna mogħdijiet li jwasslu għall-integrazzjoni. B’dan il-mod, hu mistenni li dawn il-FSIE se jgħinu lil Franza tilħaq rata ta’ impjieg ta’ 75% sal-2020 (69.8% fl-2014).
B’allokazzjoni li tammonta għal EUR 5.5 biljun (21% tal-baġit ġenerali) il-FSIE se jipprovdu l-investimenti meħtieġa biex jiġi appoġġjat ix-xift lejn ekonomija b’livell baxx ta’ karbonju, inklużi investimenti fl-effiċjenza fl-enerġija (l-industrija, it-trasport u l-bini), l-iżvilupp ta’ enerġiji rinnovabbli u trasport urban nadif. L-investimenti mmirati li jtejbu l-prevenzjoni u l-immaniġġjar tar-riskju (inklużi f’żoni rurali u kostali) huma wkoll koperti b'dan il-baġit. B’kollox, madwar EUR 3 biljun mill-FEŻR, il-FSE u l-EMFF se jgħinu lil Franza biex timpedixxi u timmitiga l-effetti tat-tibdil fil-klima. L-istima tat-tnaqqis annwali ta’ emissjonijiet tal-gassijiet b’effett serra se tkun madwar 19-il miljun tunnellata ta’ CO2 eq 11 . Fl-aħħar nett, aktar minn EUR 4 biljun mill-baġit tal-FSIE (15%) se jintużaw biex titjieb il-prestazzjoni tan-netwerk Natura 2000, biex tiġi salvagwardjata l-bijodiversità u biex tiġi restitwita l-kontinwità ekoloġika. Se jingħata appoġġ biex jitjieb l-istatus ta’ konservazzjoni ta’ aktar minn 465 000 ettaru ta’ ħabitats. Sabiex jipproteġi l-ambjent u jippromwovi l-effiċjenza tar-riżorsi, skont il-Politika Komuni tas-Sajd il-ġdida, il-FEMS se jagħmel is-sajd u l-akkwakultura aktar sostenibbli u se jtejjeb l-ekosistemi marini u tal-bijodiversità akkwatika. Qabdiet bla bżonn se jitnaqqsu b’12 000 tunnellata u l-produzzjoni tal-akkwakultura organika se tiżdied b’282 tunnellata sal-2023.
Użu ta’ strumenti finanzjarji u għodod territorjali
Parti mill-finanzjament (EUR 698 miljun), immirata b’mod partikolari lejn l-SMEs u l-effiċjenza fl-enerġija, se titwassal permezz ta’ strumenti finanzjarji. Il-volum indikat ta' self, ekwità jew kapital ta’ riskju hu mistenni li aktar milli jittripla meta mqabbel mal-perjodu 2007-2013. Għandu jiġi studjat il-potenzjal għal użu ta' strumenti finanzjarji bħala appoġġ lill-ICT u l-effiċjenza fir-riżorsi.
Biex jiġi ffaċilitat l-iżvilupp tal-ibliet, madwar 10% tal-allokazzjoni tal-FEŻR se jintefqu fuq azzjoni integrata għal żvilupp urban sostenibbli. 70% tat-total tal-baġit urban se jintużaw biex jimplimentaw miżuri urbani bl-użu ta' investimenti territorjali integrati. Wara approċċ għall-iżvilupp lokali mmexxi mill-komunità, il-FAEŻR se jkompli jappoġġja strateġiji minn isfel għal fuq ta’ żvilupp f’żoni rurali (is-sehem ta’ 5% għal LEADER se jintlaħaq għal kull programm ta’ żvilupp rurali).
Informazzjoni prinċipali
Politika ta’ koeżjoni (FSE, FEŻR, YEI) |
FAEŻR |
FEMS |
ETC |
|
Nru ta’ programmi |
40 (3 nazzjonali, 12 37 reġjonali) |
30 (3 nazzjonali, 27 reġjonali) |
1 (nazzjonali) |
21 |
Fondi disponibbli (EUR) |
14 763 176 455 |
11 384 844 248 |
587 980 173 |
2 893 698 773 13 |
2. Prekondizzjonijiet għal użu effettiv u effiċjenti tal-FSIE
Meta ġie adottat il-Ftehim ta’ Sħubija Franċiż, il-kondizzjonalitajiet ex ante kollha fil-livell nazzjonali kienu ġew sodisfatti ħlief waħda (l-immaniġġjar tal-iskart). Fil-livell tal-programm, hemm diversi pjanijiet ta’ azzjoni, relatati inter alia mal-finalizzazzjoni tal-istrateġiji ta’ speċjalizzazzjoni intelliġenti u mad-definizzjoni u l-kwantifikazzjoni tal-indikaturi rilevanti.
3. Immaniġġjar tal-FSIE
Ġie introdott mudell ġdid ta' governanza biex jiġu implimentati l-FSIE, billi l-kunsilli reġjonali se jkunu responsabbli għall-biċċa l-kbria tal-aspetti tal-implimentazzjoni tal-programm (il-FEŻR kollu u parti mill-FAEŻR u mill-FSE). Dan wassal għal arkitettura ta' programm ikkumplikata, b’71 programm (minbarra l-ETC) u b'qsim tar-responsabbiltajiet bejn il-livell nazzjonali u dak reġjonali.
4. Simplifikazzjoni għall-benefiċjarji
L-awtoritajiet ta' mmaniġġjar tal-FSIE bħalissa qed jagħmlu arranġamenti biex jitnaqqas il-piż amministrattiv għall-benefiċjarji u l-persunal tagħhom stess. Dawn jinkludu użu akbar ta’ somom f’daqqa, l-użu ta’ opzjonijiet ta' kosti ssimplifikati għar-rimborż ta’ nefqa, is-simplifikazzjoni tal-proċessi (eż. l-immaniġġjar elettroniku tal-fondi, jew “koeżjoni elettronika”), li jiżguraw il-konsistenza tal-miżuri fi ħdan il-programmi u bejniethom, u jżidu l-viżibilità tal-valur miżjud tal-UE (p.e. preżentazzjoni komuni għall-fondi kollha permezz ta’ kumitat ta’ monitoraġġ reġjonali uniku).
1. FSIE fil-Ġermanja
Sfidi ekonomiċi u soċjali fil-kuntest tal-FSIE
Minkejja x-xejriet pożittivi makroekonomiċi, il-Ġermanja qed tiffaċċja sfidi ewlenin għal tul ta' żmien medju u fit-tul. Ix-xejriet demografiċi huma negattivi – il-popolazzjoni fl-età tax-xogħol hi pproġettata li tonqos b’11.4% sal-2030, b’rata medja annwali ta’ 0.8%. Anki jekk b'tendenza li qed tiżdied, il-parteċipazzjoni tan-nisa fis-suq tax-xogħol għadha relattivament baxxa (55.6% f'ekwivalenti full-time fl-2014). Negożji ġodda qed jissaraw biex jingħataw aċċess għal kapital ta’ riskju u hemm nuqqas ta’ ħiliet f’bosta setturi u reġjuni. Il-qgħad f’xi reġjuni għadu relattivament għoli. Filwaqt li l-qgħad fit-tul naqas bejn l-2008 u l-2014, hu għadu jaffettwa kważi miljun ruħ.
Analiżi tal-miri ta' Ewropa 2020 turi differenzi sinifikanti fil-livell reġjonali sabiex jiżdied l-infiq tar-R&I, speċjalment fir-rigward tal-investiment privat, u li jinkisbu l-miri għall-effiċjenza fl-enerġija. Barra minn hekk, sar progress limitat biex jittejbu r-riżultati edukattivi ta’ nies soċjalment żvantaġġati. Il-Ġermanja tibqa’ wieħed mill-pajjiżi fejn il-kisba edukattiva għadha fil-biċċa l-kbira determinata minn sfond soċjoekonomiku.
Prijoritajiet ewlenin u riżultati
Għall-perjodu 2014-2020, il-FSIE qed jikkontribwixxu direttament għall-Istrateġija Ewropa 2020. Fl-istess ħin, hemm enfasi fuq objettivi tematiċi ewlenin, b’konformità mar-rakkomandazzjonijiet ta’ politika tas-Semestru Ewropew. L-objettivi huma relatati mat-tisħiħ tar-R&I u l-kompetittività, l-effiċjenza fl-enerġija, l-iżgurar ta’ forza tax-xogħol ikkwalifikata u l-provvediment għal gruppi żvantaġġati.
Il-fondi se jgħinu biex jittejbu l-kapaċità tal-innovazzjoni u l-kompetittività tal-ekonomija u se jsaħħu r-rabtiet bejn il-politiki dwar ir-riċerka, l-innovazzjoni u l-industrija. Billi jippromwovu b’mod attiv l-infiq fir-R&Ż, il-fondi għandhom iżidu l-investiment privat ta’ EUR 883 miljun biex jissuplimentaw il-finanzjament pubbliku għall-innovazzjoni. F’Thuringia, pereżempju, in-nefqa privata fir-R&Ż hi mbassra li tiżdied minn 1.03% tal-PDG (2011) għal 2% (2023). Barra minn hekk, madwar 4 miljun abitant taż-żoni rurali mistennija jibbenefikaw minn titjib jew infrastruttura ġdida tal-broadband.
EUR 4 biljun ta’ appoġġ għall-SMEs, l-agrikoltura, is-sajd u l-akkwakultura se jikkontribwixxu għal rata ogħla ta’ investiment tas-settur privat, il-ħolqien ta’ madwar 45 000 impjieg u żieda fil-produttività. Sal-2023, il-produzzjoni tal-akkwakultura hi prevista li tiżdied b’4 700 tunnellata u l-produzzjoni f’sistemi ta’ ċirkolazzjoni mill-ġdid b’4 300 tunnellata. Aktar minn 13 000 impriża agrikola huma mistennija li jirċievu l-appoġġ għar-ristrutturar u l-modernizzazzjoni. 1 031 kooperattiva se jirċievu wkoll appoġġ.
Il-fondi se jintużaw biex tittejjeb l-impjegabbiltà tan-nies. Il-FSE se jintuża biex jgħin lin-nies jakkwistaw ħiliet mill-ġdid u jidħlu fis-suq tax-xogħol. Hu stmat li 108 000 persuna qiegħda fit-tul se jitħarrġu u 314 000 persuna, b'mod speċjali minn gruppi żvantaġġati, se jkollhom l-opportunità li jipparteċipaw fit-tagħlim tul il-ħajja, bl-għan li titnaqqas id-differenza fl-akkwist tal-edukazzjoni. Il-FAEŻR għandu jappoġġja wkoll it-tagħlim tul il-ħajja u t-taħriġ vokazzjonali għal persuni li jaħdmu fl-agrikoltura u l-forestrija u utenti oħrajn tal-artijiet u atturi ekonomiċi, bin-numru totali ta’ parteċipanti mħarrġa stmat għal 80 000.
L-objettivi tal-enerġija u t-tibdil fil-klima - finanzjament tal-FSIE ta’ EUR 3 biljun ġie allokat biex jitnaqqsu l-emissjonijiet tal-gassijiet b’effett serra (mistennija jonqsu b’2.2 miljun tunnellata CO2 eq./sena) u l-konsum tal-enerġija primarja ta’ bini pubbliku (minn 233 000 MWh/sena).
Fid-dawl taż-żieda kontinwa ta' kondizzjonijiet estremi tat-temp bħala riżultat tat-tibdil fil-klima, il-prevenzjoni tar-riskju ngħatat importanza għolja f’diversi reġjuni Ġermaniżi b'madwar 157 000 persuna mistennija li jibbenefikaw minn miżuri ta’ protezzjoni kontra l-għargħar.
Sabiex jipproteġi l-ambjent u jippromwovi l-effiċjenza tar-riżorsi skont il-politika komuni tas-sajd il-ġdida, il-FEMS se jikkontribwixxi sabiex is-sajd u l-akkwakultura jsiru aktar sostenibbli u se jtejjeb l-ekosistemi marini u tal-bijodiversità akkwatika. Qed jitbassar li l-qabdiet bla bżonn se jitnaqqsu b’80 tunnellata u l-produzzjoni tal-akkwakultura organika għandha tiżdied b’220 tunnellata sal-2023. Il-FAEŻR se jappoġġja r-restawr, il-konservazzjoni u t-tisħiħ tal-bijodiversità, u s-sistemi tal-agrikoltura u tal-forestrija b’valur għoli ta’ konservazzjoni: 16% tal-art agrikola għandha tiġi koperta minn kuntratti ta’ mmaniġġjar li jappoġġjaw il-bijodiversità/il-karatteristiċi tal-pajsaġġi. 7% tal-art agrikola se tibbenefika minn appoġġ mill-FAEŻR għall-iżvilupp tal-immaniġġjar sostenibbli tal-ilma. Il-FAEŻR se jintuża biex jiġu indirizzati l-problemi ambjentali fiż-żoni urbani, inklużi investimenti fil-wirt kulturali.
Użu ta’ strumenti finanzjarji u għodod territorjali
Parti mill-finanzjament (EUR 1.2 biljun) immirata b’mod partikolari lejn l-innovazzjoni u l-kompetittività, l-SMEs, l-effiċjenza fl-enerġija, l-intraprenditorija u l-ħolqien tan-negozju se titwassal permezz ta’ strumenti finanzjarji. Il-volum ta' self, ekwità jew kapital ta’ riskju hu mistenni li jiżdied bi 18% meta mqabbel mal-perjodu 2007-2013. Għandu jiġi studjat il-potenzjal għal użu ta' strumenti finanzjarji bħala appoġġ lill-SMEs.
Il-programmi tal-FSIE jiżguraw li qed isir użu effettiv ta’ strumenti territorjali. Biex jiġi ffaċilitat l-approċċ urban integrat, madwar 10% tal-allokazzjoni tal-FEŻR se jintefqu fuq miżuri integrati għal żvilupp urban sostenibbli. Investimenti territorjali integrati qed isiru f’Baden-Württemberg u fi Schleswig-Holstein. Sħubijiet lokali se jissaħħu permezz ta’ żvilupp lokali mmexxi mill-komunità (approċċ b'diversi fondi). LEADER mistenni li joħloq aktar minn 1 500 impjieg.
Informazzjoni prinċipali
Politika ta’ koeżjoni (FSE, FEŻR) |
FAEŻR |
FEMS |
ETC |
|
Nru ta’ programmi |
32 (1 nazzjonali, 31 reġjonali) |
15 (2 nazzjonali, 13 reġjonali) |
1 |
19 |
Fondi disponibbli (EUR) |
18 269 459 134 |
9 445 920 050 |
219 596 276 |
2 821 002 898 14 |
2. Prekondizzjonijiet għal użu effettiv u effiċjenti tal-FSIE
Fil-livell nazzjonali, il-kondizzjonalitajiet ex ante ġenerali kollha ġew issodisfatti. Ingħatat valutazzjoni ddettaljata fil-livell tal-programmi akkont tal-istruttura federali tal-Ġermanja. Fil-livell tal-istati federali individwali, xi ftit kondizzjonalitajiet ma ġewx issodisfatti. Il-biċċa l-kbira ta' dawn għandhom x'jaqsmu mal-preparazzjoni tal-istrateġiji ta' speċjalizzazzjoni intelliġenti reġjonali u għandhom jitwasslu skont il-pjanijiet ta' azzjoni miftehmin.
3. Immaniġġjar tal-FSIE
Firxa ta’ strumenti kumplementari tal-UE (Orizzont 2020) u ta’ strumenti u ta’ politika nazzjonali se jintużaw biex jimmassimizzaw kemm jista’ jkun il-benefiċċji tal-finanzjament tal-FSIE. Kumitati konġunti ta’ monitoraġġ (għal FEŻR/FSE jew FEŻR/FSE/FAEŻR) se jiġu stabbiliti f'6 stati federali.
4. Simplifikazzjoni għall-benefiċjarji
L-awtoritajiet ta’ mmaniġġjar tal-FSIE qed jagħmlu arranġamenti biex jitnaqqas il-piż amministrattiv għall-benefiċjarji u l-awtoritajiet. Dawn jinkludu l-konsolidazzjoni ta' ċerti funzjonijiet (p.e. it-tnaqqis tan-numru tal-korpi intermedji), iż-żieda tal-użu ta' somom f'daqqa, is-simplifikazzjoni tal-proċessi (p.e. l-immaniġġjar elettroniku tal-fondi, jew "il-koeżjoni elettronika"), l-iżgurar tal-konsistenza tal-miżuri fi ħdan il-programmi u bejniethom, u ż-żieda tal-viżibbiltà tal-valur miżjud tal-UE (p.e. preżentazzjoni komuni għall-fondi kollha).
1. FSIE fil-Greċja
Sfidi ekonomiċi u soċjali fil-kuntest tal-FSIE
Wara l-kriżi ekonomika, l-ekonomija Griega kienet f’reċessjoni għal sitt snin u l-PDG tagħha naqas b’madwar 25% sal-2013. Il-qgħad laħaq 25.2% fl-ewwel kwart tal-2015 u l-qgħad fost iż-żgħażagħ hu fost l-ogħla fil-pajjiżi fl-UE (aktar minn 50%). In-numru ta’ persuni f’riskju ta’ faqar jew ta’ esklużjoni soċjali żdied minn 27.6% tal-popolazzjoni totali fl-2009 għal 36% fl-2014. Il-ftit żieda fil-PDG fil-Greċja fl-2014 (0.8%) kienet taħt il-medja tal-UE; dan hu indikatur ta’ problemi kbar fil-kompetittività u n-nuqqas ta’ bidliet strutturali. Il-kumpaniji mhumiex kompetittivi minħabba produttività baxxa u nuqqas ta' speċjalizzazzjoni f’attivitajiet u f'innovazzjoni b’valur miżjud għoli. Il-limitazzjonijiet istituzzjonali, id-diżinċentivi għall-iżvilupp tan-negozji u l-livell baxx ta’ intraprenditorija f’żoni rurali u dipendenti fuq is-sajd huma sfidi addizzjonali.
Prijoritajiet ewlenin u riżultati
Meħtieġ mudell ġdid ta’ tkabbir. Madwar 25% tal-finanzjament tal-FSIE huma allokati għal prijorità strateġika ewlenija tat-tisħiħ tal-kompetittività u l-intraprenditorija miftuħa għal ideat, li tinkludi setturi bħat-turiżmu, l-agrikoltura u l-akkwakultura (żieda fil-produzzjoni ta' 26.3%), il-manifattura, is-servizzi lill-intrapriżi u l-loġistika. Strateġiji ta’ speċjalizzazzjoni intelliġenti li jiffukaw fuq il-vantaġġ kompetittiv ta’ kull reġjun huma kruċjali għas-suċċess. Żieda fl-investiment tas-settur privat fir-riċerka u l-iżvilupp teknoloġiku hi sfida ewlenija; In-nefqa tar-R&Ż hi mistennija li tiżdied minn 0.67% tal-PDG fl-2011 għal 1.2% sal-aħħar tal-perjodu ta’ programmar u n-nefqa tan-negozji hi mistennija li tiżdied minn 0.18% tal-PDG fl-2011 għal 0.4% sal-aħħar tal-perjodu ta’ programmar.
Il-promozzjoni ta’ impjiegi sostenibbli u ta’ kwalità, l-inklużjoni soċjali u l-ġlieda kontra l-faqar hi prijorità għall-finanzjament b’konsegwenza tal-kriżi. Il-fokus hu fuq li indirizzar tal-problemi strutturali fis-suq tax-xogħol, it-titjib tal-effiċjenza tas-sistema tal-edukazzjoni u tat-taħriġ Griegi u t-tranżizzjoni għas-suq tax-xogħol, u l-promozzjoni tal-inklużjoni attiva. L-investimenti fl-impjieg u t-taħriġ (91 500 u 58 000 benefiċjarju rispettivament) huma prinċipalment immirati lejn nies qiegħda u dawk qiegħda fit-tul bl-età ta’ 30-44 u ż-żgħażagħ. Madwar 134 000 żagħżugħ/a bejn il-15 u d-29 sena se jirċievu appoġġ, l-aktar taħt l-Inizjattiva favur l-Impjiegi taż-Żgħażagħ. It-titjib tal-aċċess għas-servizzi taċ-childcare se jikkontribwixxi għal inklużjoni attiva u se jtejjeb l-opportunitajiet ta’ impjiegi għal madwar 70 000 mara fis-sena. Servizzi tas-saħħa u tas-Saħħa elettronika mtejbin se jtejbu l-kura tas-saħħa għal 3.2. miljun ċittadin.
Il-protezzjoni ambjentali u t-tranżizzjoni għal ekonomija li tirrispetta l-ambjent huma mutur ewlieni ta' tkabbir ekonomiku. Il-promozzjoni tal-enerġija rinnovabbli u l-effiċjenza fl-enerġija huma prijorità ewlenija u mistennija jinkuraġġixxu l-intraprenditorija ekoloġika. L-użu ta’ sorsi ta’ enerġija rinnovabbli bħala persentaġġ tal-konsum finali gross hu mistenni li jiżdied minn 13.83% fl-2013 għal 20% fl-2020. Il-konsum tal-enerġija primarja hu stmat li se jnaqqas bi 2.85 Mtoe fl-2020 meta mqabbel mal-2005, filwaqt li l-emissjonijiet ta’ gassijiet b’effett serra fis-setturi non-ETS huma mistennija li jonqsu b’4% meta mqabbla mal-2005. L-investimenti fil-klima u fl-ambjent mistennija li jammontaw għal EUR 1.5 biljun u jwasslu għall-ħolqien ta’ 16 000 impjieg.
Biex titjieb il-kwalità ambjentali, se jkun hemm enfasi fuq l-immaniġġjar effettiv tal-iskart u l-promozzjoni tar-riċiklaġġ, l-użu tal-iskart bħala riżorsa, il-ħarsien u l-immaniġġjar razzjonali tar-riżorsi tal-ilma u l-protezzjoni u r-riabilitazzjoni ta’ riżorsi bijoloġiċi marini. Bl-għajnuna tal-FSIE, il-proporzjon ta’ skart muniċipali ġenerali rkuprat hu mistenni li jiżdied minn 18% (2011) għal 68% (2020), il-proporzjon ta’ skart riċiklabbli riċiklat għandu jiżdied minn 30% (2011) għal 54% (2020), u l-perċentwal ta’ skart muniċipali li jmur fil-miżbliet hu mistenni li jonqos minn 82% (2011) għal 32% (2020).
Fis-settur tat-trasport, l-għan ewlieni hu li tiġi żviluppata aktar is-sistema ta’ trasport nazzjonali u l-promozzjoni ta’ trasport ikkumbinat (it-trasport tal-merkanzija bl-użu ta' aktar minn mod wieħed ta' trasport) biex il-Greċja ssir il-bieb ewlieni għall-Ewropa u ċentru principali tat-transport fil-Balkani u l-Mediterran. Il-prijoritajiet ewlenin għal netwerk ferrovjarju qed jagħmlu progress fl-integrazzjoni tan-netwerk ferrovjarju TEN-T bejn it-Tramuntana u n-Nofsinhar sabiex tiġi żgurata l-interoperabbiltà u qed jagħmlu adattamenti biex jakkomodaw is-Sistema Ewropea tal-Immaniġġjar tat-Traffiku Ferrovjarju. Daqstant ieħor importanti huma l-konnessjonijiet ferrovjarji għall-portijiet tat-TEN-T bażiċi u ċ-ċentri tal-merkanzija sabiex jiġu promossi t-trasport kombinat u l-modernizzazzjoni tas-sistema ta’ trasport tal-merkanzija. Għat-trasport bit-triq, l-attenzjoni hi mitfugħa fuq l-ikkompletar taż-żona bażika ta’ netwerk stradali TEN-T u l-iżvilupp komprensiv tat-TEN-T.
It-tisħiħ tal-kapaċità istituzzjonali u l-effiċjenza tal-awtoritajiet pubbliċi u l-awtonomija lokali hu prerekwiżit għal żvilupp sostenibbli. Dan għandu inter alia jgħin l-implimentazzjoni effettiva u effiċjenti tal-Ftehim ta’ Sħubija 2014-2020. Dan l-objettiv jiffoka kemm fuq it-tisħiħ tal-kapaċità organizzattiva, istituzzjonali u operazzjonali tal-gvern ċentrali, l-awtoritajiet reġjonali u lokali u l-iżvilupp tar-riżorsi umani fis-settur pubbliku kif ukoll fuq iż-żieda tal-effiċjenza u tal-kwalità fil-ġudikatura.
Użu ta’ strumenti finanzjarji u għodod territorjali
Madwar EUR 300 miljun jistgħu jitwasslu permezz ta’ strumenti finanzjarji. Il-biċċa l-kbira tal-appoġġ se jkun immirat lejn l-SMEs u, fi grad anqas, lejn is-settur tal-enerġija u tal-ambjent. Il-Greċja biħsiebha tagħmel użu mill-għodod territorjali disponibbli. L-awtoritajiet urbani se jsegwu l-iżvilupp urban sostenibbli bl-użu ta’ investimenti territorjali integrati. Sħubijiet lokali se jitjiebu permezz tal-iżvilupp lokali mmexxi mill-komunità għal żoni rurali u dipendenti fuq is-sajd.
Informazzjoni prinċipali
Politika ta’ koeżjoni (FSE, FEŻR, FK, YEI) |
FAEŻR |
FEMS |
ETC |
|
Nru ta’ programmi |
18 (5 nazzjonali, 13 reġjonali) |
1 |
1 |
11 |
Fondi disponibbli (EUR) |
15 275 247 163 |
4 718 291 793 |
388 777 914 |
984 699 568 15 |
2. Prekondizzjonijiet għal użu effettiv u effiċjenti tal-FSIE
Għadd ta’ kondizzjonalitajiet ex ante (EACs) kienu għadhom ma ntlaħqux meta ġew adottati l-programmi operazzjonali 2014-2020, inklużi tliet EACs speċifiċi għall-FEMS. Ġew żviluppati pjanijiet ta’ azzjoni u, f’numru ta’ oqsma ta’ investiment (p.e. strateġiji tal-ICT u tar-R&I għall-ispeċjalizzazzjoni intelliġenti u l-iskart solidu) ġiet introdotta klawsola ta' "awtosospensjoni". Dan ifisser li l-finanzjament ma jistax ikun attivat sakemm ma jkunux lesti l-azzjonijiet rilevanti.
3. Immaniġġjar tal-FSIE
Struttura ta’ mmaniġġjar ġdida ġiet introdotta permezz ta’ liġi li tnaqqas in-numru ta’ korpi intermedji u n-numru ta’ delegazzjonijiet, u tintroduċi miżuri biex is-sistema ssir aktar sempliċi u titħaffef l-implimentazzjoni. Hi timmira wkoll biex tissaħħaħ il-kapaċità amministrattiva tal-korpi ta’ implimentazzjoni. Issaħħew it-tfassil ta’ programmi, l-ipprogrammar tal-fondi u l-koordinazzjoni tal-Fondi SIE, ġew introdotti miżuri kontra l-frodi u ġew stabbiliti dispożizzjonijiet tranżitorji li ma joħolqux diffikultajiet. Tibdiliet miftehmin reċentement għar-regolament jagħmel ekstra likwidità disponibbli għall-Greċja biex tiffinalizza l-implimentazzjoni tal-proġetti tal-2007-2013 u tibda bla problemi l-perjodu 2014-2020 billi jiżdied il-kofinanzjament tal-UE għall-programmi Griegi.
4. Simplifikazzjoni għall-benefiċjarji
L-applikazzjonijiet għall-finanzjament u dikjarazzjonijiet tan-nefqa tal-benefiċjarji issa jridu jiġu sottomessi b’mod elettroniku. Hemm proċeduri onlajn obbligatorji għall-kontroll ex ante tad-dokumentazzjoni tas-sejħa għall-offerti u tal-akkwist ta’ servizzi. Ġew introdotti kosti ssimplifikati għal ċerti kategoriji ta’ operazzjonijiet tal-FSE. Issa huma meħtieġa anqas firem ministerjali fl-approvazzjoni ta’ proġett. Ġie aċċellerat il-proċess ta’ approvazzjoni għat-termini ambjentali ta’ proġetti kofinanzjati. Ġie introdott titjib fil-leġiżlazzjoni u fl-awtorizzazzjonijiet arkeoloġiċi għall-esproprjazzjoni. Fl-aħħar nett, il-liġi nazzjonali adottata f’Diċembru 2014 tipprovdi għal reviżjoni u simplifikazzjoni tal-proċeduri kollha meħtieġa biex jiġu implimentati diversi proġetti tal-FSIE.
1. FSIE fl-Ungerija
Sfidi ekonomiċi u soċjali fil-kuntest tal-FSIE
Għalkemm l-Ungerija kienet intlaqtet ħażin mill-kriżi ekonomika u finanzjarja, l-ekonomija bdiet tirkupra fl-2014. Madankollu, għad hemm lakuni sinifikanti fir-rigward tal-miri nazzjonali ta' Ewropa 2020. L-attività ta’ innovazzjoni u l-kompetittività tal-SMEs huma dgħajfin. Hemm bżonn li tiżdied in-nefqa fuq ir-R&I u l-użu ta’ enerġiji rinnovabbli, u biex tittejjeb l-effiċjenza tal-enerġija u tar-riżorsi. L-Ungerija qed tissara ma' impjiegi baxxi u mal-faqar li b'mod sproporzjonat jaffettwa wħud mit-territorji u gruppi żvantaġġati. Għadhom jippersistu inugwaljanzi sostanzjali fil-livell reġjonali u subreġjonali, u żoni rurali wkoll waqgħu lura. Dawn il-kwistjonijiet huma riflessi fir-rakkomandazzjonijiet ta’ politika li saru fil-kuntest tas-Semestru Ewropew.
Prijoritajiet ewlenin u riżultati
60% tal-Fondi SIE kollha se jkunu ddedikati għall-iżvilupp ekonomiku u l-ħolqien tal-impjiegi. Il-Fondi se jsaħħu l-attività ta’ innovazzjoni u l-kompetittività tan-negozji biex jiżdied il-valur miżjud u l-integrazzjoni tagħhom fil-katina tal-valur internazzjonali, inkluż aċċess aħjar għall-finanzjament. B’appoġġ ta' EUR 2.2 biljun ta' appoġġ, mistenni li tiżdied in-nefqa tan-negozji fuq ir-R&Ż minn 0.56% għal 0.71% tal-PDG. Sabiex titwessa’ l-bażi tal-għarfien, l-Ungerija qed tippjana li żżid b’20% is-sehem ta’ kumpaniji innovattivi li qed jikkooperaw ma’ istituzzjonijiet tar-riċerka meta mqabbla mal-2010. EUR 2.9 biljun se jintużaw biex jgħinu sabiex jiżdied id-dħul nett tal-SMEs b'25% u d-dħul nett tal-esportazzjoni bi 30%. Dan se jinvolvi kemm it-titjib tal-kwalità u l-aċċessibilità tal-infrastruttura tan-negozji kif ukoll l-espansjoni diretta tal-kapaċità. Se jingħata appoġġ sinifikanti biex jiġu mmodernizzati s-setturi tal-agrikoltura, is-sajd u l-ikel, sabiex jitħeġġu l-kooperazzjoni bejn il-bdiewa, l-appoġġ lill-bdiewa żgħażagħ u l-iżvilupp ta’ ktajjen ta' provvista qosra. Il-valur totali tal-akkwakultura hu mistenni li jiżdied b’42 %.
EUR 3.3 biljun se jikkontribwixxu għat-tisħiħ tas-suq tax-xogħol. Mill-anqas 150 000 persuna żvantaġġata li qed ifittxu impjieg mistennija li se jibbenefikaw permezz ta’ miżuri attivi dwar il-politika tas-suq tax-xogħol li se jgħinuhom biex jerġgħu lura lejn is-suq miftuħ tax-xogħol. Barra minn hekk 150 000 żagħżugħ/a mhux fl-edukazzjoni, fl-impjieg jew fit-taħriġ se jirċievu servizzi personalizzati mill-uffiċċji tal-impjiegi. Il-kwalità u l-aċċess għaċ-childcare se jitjiebu b'tal-anqas 18 000 post ġdid fin-nurseries. L-investiment se jgħin l-użu ta’ potenzjali tat-turiżmu endoġenu u se jtejjeb l-opportunitajiet ta’ impjieg fis-setturi li jirrikjedu ħafna ħaddiema, bħall-agrikoltura.
EUR 689 miljun se jintużaw għal miżuri biex jappoġġjaw l-iżvilupp tal-ICT għat-tnaqqis fid-diviżjoni bejn iż-żoni urbani u dawk rurali kemm billi jżidu l-kopertura tal-broadband u l-konnessjoni ta’ miljun familja man-netwerks tal-broadband kif ukoll billi jtejbu l-effettività tan-negozji.
EUR 3 biljun se jappoġġjaw l-ixxiftjar lejn ekonomija b’livell baxx ta’ karbonju. L-effiċjenza fl-enerġija ta' bini kummerċjali, residenzjali u pubbliku mistennija titjieb u r-rata ta’ enerġija prodotta minn sorsi ta’ enerġija rinnovabbli għandha tilħaq il-mira nazzjonali ta’ 14.65% sal-2020. Il-miżuri se jikkontribwixxu wkoll għat-tnaqqis tal-emissjonijiet ta’ gassijiet b’effett serra. Aktar minn EUR 1 biljun ġew allokati għall-promozzjoni tal-adattament għat-tibdil fil-klima u l-prevenzjoni tar-riskji. Aktar minn miljun resident addizzjonali se jibbenefikaw minn miżuri ta’ protezzjoni kontra l-għargħar u mmaniġġjar aħjar tal-ilma se jtaffi l-effetti negattivi tat-tibdil fil-klima. L-investimenti se jgħinu biex tittejjeb ir-reżiljenza tad-diżastri u s-sistemi tal-immaniġġjar tagħhom. Bi kważi EUR 3.4 biljun, il-Fondi se jappoġġjaw il-protezzjoni ambjentali u l-effiċjenza tar-riżorsi. Se jkun hemm ukoll finanzjament għall-immaniġġjar tad-drenaġġ biex ikun żgurat li proporzjon akbar tal-popolazzjoni jkollha aċċess għal trattament aħjar tal-ilma ta’ skart. Il-finanzjament se jintuża wkoll biex jiżgura li 100% tal-ilma għax-xorb hu ta’ kwalità adegwata. L-użu mill-ġdid u r-riċiklaġġ tal-iskart se jiġu wkoll imtejba b’mod sostanzjali. L-interventi se jwasslu għal protezzjoni tan-natura u r-restawr ta’ ekosistemi degradati msaħħin, għal prattiki agrikoli u forestali mtejbin u għal approċċ ekoloġiku msaħħaħ fir-rigward tal-ilma tal-wiċċ u ta’ taħt l-art. Hu mistenni li l-konservazzjoni u l-iżvilupp ta’ siti ta’ wirt naturali u kulturali se jattiraw aktar minn 1.6 miljun żjara annwali. L-appoġġ hu previst ukoll għal 100 farm tal-akkwakultura li jipprovdu servizzi ambjentali.
Allokazzjoni ta’ EUR 3.3 biljun fil-qasam tat-trasport se tikkontribwixxi għal aktar minn 230 km ta’ toroq TEN-T ġodda, għal aktar minn 275 km ta’ linji ferrovjarji mibnija mill-ġdid jew imtejba, għal 50 km ta’ passaġġi tal-ilma interni ġodda jew imtejba, għal aktar minn 130 km ta’ linji tat-tramm, tal-metro u suburbani ġodda jew imtejba, għal 48 km ta' toroq ġodda u għal 96 km ta’ toroq mibnija mill-ġdid u mtejbin konnessi mat-TEN-T.
Fil-qasam tal-inklużjoni soċjali, kważi EUR 2.4 biljun se jikkontribwixxu għat-tnaqqis u l-prevenzjoni tal-faqar, b’mod partikolari għat-tfal, billi jipprovdu aċċess aħjar għal servizzi pubbliċi ta’ kwalità tajba u kondizzjonijiet tal-għajxien aħjar, l-aktar f’reġjuni żvantaġġati. Il-fondi se jappoġġjaw ukoll it-tranżizzjoni minn kura istituzzjonali għal kura bbażata fil-komunità fis-setturi tas-saħħa u tas-servizzi soċjali. Madwar 70 000 individwu se jkunu koperti f’miżuri ta’ inklużjoni attiva u aktar minn 300 000 ruħ se jibbenefikaw minn servizzi tas-saħħa mtejba. Allokazzjoni ta’ EUR 1.7 biljun għall-edukazzjoni se tiffoka fuq it-tnaqqis tal-abbandun bikri tal-iskola għal 10%, fuq it-tnaqqis tal-inugwaljanzi fis-sistema skolastika billi jkun żgurat aċċess ugwali għal edukazzjoni integrata għal kulħadd, inklużi studenti Rom u fuq it-titjib tal-kwalità ta’ edukazzjoni formali u informali għal aktar minn 150 000 student. Miżuri oħra għandhom l-għan li jżidu l-parteċipazzjoni ta’ persuni żvantaġġati fl-edukazzjoni terzjarja u li jtejbu s-sistema doppja tal-edukazzjoni vokazzjonali. Aktar minn EUR 600 miljun se jintużaw biex jittejbu l-effiċjenza tal-amministrazzjoni pubblika u s-servizzi pubbliċi, li jinkludu kemm il-miżuri għall-prevenzjoni tal-korruzzjoni kif ukoll l-użu estensiv ta’ soluzzjonijiet tal-gvern elettroniku.
Użu ta’ strumenti finanzjarji u għodod territorjali
B’allokazzjoni ta’ EUR 2.3 biljun, l-Ungerija qed kważi tittrippla l-allokazzjoni tagħha għall-istrumenti finanzjarji (SI) meta mqabbla mal-2007-2013. L-użu ta’ strumenti finanzjarji se jiġi estiż għar-RŻ&I, l-enerġija, l-ICT u l-ekonomija soċjali. Se tintuża firxa wiesgħa ta’ strumenti ta’ żvilupp territorjali integrati. Aktar minn EUR 1 biljun ġew allokati għal miżuri ta’ żvilupp urban sostenibbli integrat. Inizjattivi lokali se jissaħħu permezz tal-iżvilupp lokali mmexxi mill-komunità fl-oqsma rurali u urbani.
Informazzjoni prinċipali
Politika ta’ koeżjoni (FSE, FEŻR, FK, YEI) |
FAEŻR |
FEMS |
ETC |
|
Nru ta’ programmi |
7 (5 nazzjonali, 2 reġjonali) |
1 |
1 |
9 |
Fondi disponibbli (EUR) |
21 544 112 983 |
3 430 664 493 |
39 096 293 |
1 106 996 669 16 |
2. Prekondizzjonijiet għal użu effettiv u effiċjenti tal-FSIE
Oqfsa strateġiċi għal ċerti oqsma ta’ investiment għadhom mhumiex kompluti u jeħtieġ li jitwasslu skont il-pjanijiet ta’ azzjoni miftehmin. Waħda mill-kondizzjonalitajiet ex ante ewlenin mhux issodisfatta tikkonċerna l-akkwist pubbliku.
3. Immaniġġjar tal-FSIE
Teżisiti koordinazzjoni ċentrali qawwija fl-użu tal-FSIE għall-perjodu 2014-2020. Ħamsa mill-programmi tal-politika ta’ koeżjoni huma programmi b’diversi fondi, li jgħaqqdu flimkien l-użu tal-FEŻR/il-FK u l-FSE. Sabiex tiġi ffaċilitata l-koordinazzjoni u tiġi żgurata l-konsistenza bejn il-programmi, kumitat ta’ monitoraġġ fil-livell tal-Ftehim ta’ Sħubija se jkun stabbilit flimkien mal-kumitati ta’ monitoraġġ tal-programmi individwali.
4. Simplifikazzjoni għall-benefiċjarji
L-Ungerija qed tippjana diversi miżuri biex tnaqqas il-piż amministrattiv għall-benefiċjarji, bħall-konnessjoni tas-sistema tal-IT li timmaniġġja l-assistenza tal-UE mal-bażijiet ta’ dejta tas-setturi pubbliċi ċċertifikati, l-ippjanar annwali tas-sejħiet għall-applikazzjonijiet, l-użu ta’ opzjonijiet ta’ kosti ssimplifikati, il-konsolidazzjoni ta’ ċerti funzjonijiet (l-ipprovdir ta' punt uniku ta’ servizz) u s-simplifikazzjoni tal-linji gwida.
1. FSIE fl-Irlanda
Sfidi ekonomiċi u soċjali fil-kuntest tal-FSIE
L-Irlanda tipparteċipa b'mod sħiħ fil-proċess tas-Semestru Ewropew filwaqt li għadha soġġetta għal missjonijiet ta' monitoraġġ tal-programmi. Minkejja titjib notevoli fil-perspettiva ekonomika tagħha, xi kwistjonijiet jeħtieġu attenzjoni mill-qrib: livelli għoljin ta’ dejn, l-isfidi li fadal fis-settur finanzjarju (inkluż fir-rigward tal-profitabbiltà tal-banek), u l-qgħad fit-tul. L-ambjent makroekonomiku mtejjeb kien ta’ benefiċċju għall-SMEs, li jippermettilhom jistabbilizzaw ruħhom wara perjodu twil ta’ tensjoni. Talba għall-kreditu mnaqqsa qed turi sinjali ta’ rkupru. SMEs li jfittxu kreditu huma anqas probabbli li jkunu rifjutati mill-banek, iżda qed iħabbtu wiċċhom ma’ rati ta’ mgħax ogħla mill-medja taż-żona tal-euro. Għad fadal sfidi sinifikanti fir-rigward tal-qgħad fost iż-żgħażagħ. L-Irlanda għandha nuqqas ta’ ħiliet diġitali, b’42% tal-forza tax-xogħol li għandhom ftit jew xejn ħiliet diġitali. Ħiliet ġodda u t-tisħiħ tal-kwalifiki huma sfida għas-sistema tal-edukazzjoni u t-taħriġ u hu diffiċli għal gruppi żvantaġġati aktar baxxi li jaċċessaw l-edukazzjoni tal-livell terzjarju.
Analiżi tal-miri ta' Ewropa 2020 turi xi lakuni li qed jitwettqu. Ir-rata tal-impjiegi tal-grupp bl-età ta' 20-64 żdiedet għal 68.6% fit-tielet kwart tal-2015 (il-mira ta' Ewropa 2020 hi ta' 75%) u l-investiment tal-R&Ż laħaq it-2% tal-PDG (il-mira ta' Ewropa 2020 hi ta' 3%). Fir-rigward tat-tnaqqsis tal-gassijiet b’effett serra, hu mistenni li l-Irlanda mhix se tilħaq il-mira, filwaqt li l-emissjonijiet tal-2020 huma mistennija li jkunu 2% anqas mill-2005. L-oqsfa eżistenti tal-politika, tas-suq u tal-baġit jidhru li huma biżżejjed biex jippermettu lill-Irlanda sabiex gradwalment tikseb il-mira tal-enerġija rinnovabbli tal-2020. Dwar l-abbandun bikri tal-iskola u l-edukazzjoni terzjarja, kien hemm xejriet pożittivi konsistenti f’dawn l-aħħar snin bl-Irlanda jkollha prestazzjoni aħjar mill-medja tal-UE.
Prijoritajiet ewlenin u riżultati
F'dak li jirrigwardja l-perjodu 2014-2020, il-FSIE qed jikkontribwixxu direttament għall-istrateġija Ewropa 2020. Il-fokus hu fuq objettivi tematiċi ewlenin, b’konformità mar-rakkomandazzjonijiet ta’ politika tas-Semestru Ewropew.
EUR 186.9 miljun se jippromwovu l-investiment tan-negozji fir-R&I u se jiżviluppaw rabtiet u sinerġiji bejn l-intrapriżi, iċ-ċentri tar-R&Ż u s-settur tal-edukazzjoni għolja. Madwar 690 kariga ta’ riċerka ġodda għandhom jinħolqu fir-Reġjun tan-Nofsinhar u tal-Lvant f'ċentri ta' riċerka li qed jaħdmu fi sħubija ma’ 143 kumpanija. In-numru ta’ kumpaniji involuti ma’ ċentri ta’ riċerka strateġika ffinanzjati mistenni jiżdied minn 529 għal 713 permezz tal-iżvilupp miżjud ta’ riċerka applikata. Fir-Reġjun ta' Border, Midland u Western, in-numru ta’ kumpaniji involuti ma’ ċentri ta’ riċerka strateġika għandu jiżdied minn 103 għal 159.
EUR 75 miljun se jkunu investiti f’estensjoni tal-ġenerazzjoni li jmiss tal-broadband għall-ibliet u l-irħula kollha mhux moqdijin fit-territorju kollu.
EUR 283.8 miljun ta’ investiment se jappoġġja l-kapaċità tal-SMEs fis-setturi tal-agrikoltura, tas-sajd u tal-akkwakultura biex jikbru fis-swieq reġjonali, nazzjonali u internazzjonali u biex jinvolvu ruħhom fi proċessi ta’ innovazzjoni. L-investimenti għandhom ikunu mmirati wkoll lejn livelli ogħla ta’ prattiki innovattivi fis-settur agrikolu u jissaħħu r-rabtiet bejn ir-riċerka, l-iżvilupp teknoloġiku u l-aħjar prattika fuq il-post. Fir-Reġjun tan-Nofsinhar u tal-Lvant, hu stmat li se jinħolqu 17 000 impjieg ġdid fl-SMEs f'14-il settur immirat ta' speċjalizzazzjoni intelliġenti. Fir-reġjun ta' Border, Midland u Western, se jinħolqu 4 500 impjieg fost il-klijenti tal-SMEs ta' Enterprise Ireland.
EUR 433.5 miljun se jappoġġjaw ix-xift lejn ekonomija b’livell baxx ta’ karbonju fis-setturi kollha. L-investimenti se jintużaw għall-appoġġ ta’ prattiki agrikoli li huma effiċjenti fl-użu tal-karbonju u se jżidu r-rendiment medju tal-enerġija ta’ tal-familji Irlandiżi.
EUR 704.8 miljun se jkunu investiti fil-promozzjoni tal-adattament għat-tibdil fil-klima, il-prevenzjoni u l-immaniġġjar tar-riskju. L-enfasi se tkun fuq l-implimentazzjoni ta’ metodi aktar effiċjenti fis-setturi tas-sajd u l-produzzjoni agrikola, iż-żieda fl-użu ta’ teknoloġiji u prattiki b’emissjonijiet baxxi, il-ġlieda kontra l-erożjoni tal-ħamrija, iż-żieda fl-ilqugħ ta’ żoni ma' xtut ix-xmajjar, l-effiċjenza fl-enerġija u ż-żieda tal-użu u tal-produzzjoni ta’ enerġija rinnovabbli.
EUR 838.3 biljun se jiġu investiti fil-preservazzjoni u fil-protezzjoni tal-ambjent u fil-promozzjoni tal-effiċjenza tar-riżorsi. L-investimenti se jiffukaw fuq it-titjib ta’ prattiki ta’ mmaniġġjar tan-nutrijenti fl-agrikoltura, il-konservazzjoni u ż-żamma tal-bijodiversità u l-ekosistemi marini, biex b’hekk titjieb il-kwalità tal-ilma, il-promozzjoni tas-sajd u l-akkwakultura sostenibbli (billi jonqsu l-qabdiet mhux mixtieqa b'10 000 tunnellata metrika u billi tiżdied il-produzzjoni tal-akkwakultura organika b’3 000 tunnellata sal-2023) u biex jittejbu l-kondizzjonijiet fiżiċi u ekonomiċi f’ċerti żoni urbani fir-Reġjun ta' Border, Midland u Western u dak tan-Nofsinhar u tal-Lvant.
EUR 307.3 miljun se jiġu investiti fil-promozzjoni ta’ impjiegi sostenibbli u ta’ kwalità u fl-appoġġ għall-mobilità tax-xogħol. Dan mistenni jgħin biex jiġi żgurat li madwar 140 000 persuna qiegħda, inklużi żgħażagħ li ilhom qiegħda għal żmien twil, jakkwistaw impjieg jew jingħataw edukazzjoni jew taħriġ. L-investimenti se jkunu mmirati wkoll biex iżidu l-opportunitajiet ta’ impjiegi fil-komunitajiet kostali.
EUR 350.8 se jiġu investiti fil-promozzjoni tal-inklużjoni soċjali, il-ġlieda kontra l-faqar u d-diskriminazzjoni. Dan se jgħin biex jiġi żgurat li persuni barra l-forza tax-xogħol ikollhom aċċess għall-edukazzjoni tat-"tieni ċans" u għall-opportunitajiet tat-taħriġ, u li aktar adulti jkollhom aċċess għall-programmi tal-kitba u l-qari, tal-matematika u tat-tagħlim tal-lingwi. Sal-2023, aktar minn 70 000 persuna minn sfondi żvantaġġati huma mistennija li jkunu pparteċipaw fi programmi ta’ impjegabbiltà. Fis-settur tal-agrikoltura, se jitwaqqfu gruppi għat-trasferiment tal-għarfien, speċjalment biex jiġi żgurat it-twassil ta' prodotti ambjentali u pubbliċi.
Użu ta’ strumenti finanzjarji u għodod territorjali
L-Irlanda qed tikkunsidra li tuża l-istrumenti finanzjarji (SF) biex jgħinu fl-indirizzar tal-volatilità tal-prezzijiet fis-settur agrikolu. Għandu jiġi studjat ukoll l-iskop li jintużaw l-istrumenti finanzjarji għall-effiċjenza fl-enerġija fl-akkomodazzjoni soċjali.
L-Irlanda biħsiebha tagħmel użu mill-għodod territorjali disponibbli. L-iżvilupp lokali mmexxi mill-komunità qed jintuża biex jitwassal il-programm LEADER taħt il-FAEŻR u l-finanzjament ta’ gruppi ta’ azzjoni lokali tas-sajd biex jitwassal il-FEMS. Madwar 7% tal-FAEŻR se jiġu allokati għal LEADER (EUR 153 miljun). L-Irlanda ma tippjanax li tuża investiment territorjali integrat. EUR 40 miljun se jkunu investiti fi żvilupp urban sostenibbli. L-istrateġija tal-baċir tal-Atlantiku se titqies fl-implimentazzjoni.
Informazzjoni prinċipali
Politika ta’ koeżjoni (FSE, FEŻR, YEI) |
FAEŻR |
FEMS |
ETC |
|
Nru ta’ programmi |
3 (1 nazzjonali, 2 reġjonali) |
1 nazzjonali |
1 nazzjonali |
6 |
Fondi disponibbli (EUR) |
1 019 788 509 |
2 190 592 153 |
147 601 979 |
1 135 072 901 17 |
2. Prekondizzjonijiet għal użu effettiv u effiċjenti tal-FSIE
Il-kondizzjonalitajiet ex ante ġenerali kollha fil-livell nazzjonali u reġjonali ġew issodisfatti.
3. Immaniġġjar tal-FSIE
Firxa ta’ strumenti kumplementari tal-UE (Orizzont 2020) u ta’ strumenti u ta’ politika nazzjonali se jintużaw biex jimmassimizzaw kemm jista’ jkun il-benefiċċji tal-finanzjament tal-FSIE. L-Irlanda għandha tistabbilixxi mekkaniżmi li jiżguraw koordinazzjoni bejn il-FSIE u strumenti oħra nazzjonali u tal-UE.
4. Simplifikazzjoni għall-benefiċjarji
L-awtoritajiet ta’ mmaniġġjar tal-FSIE qed jagħmlu arranġamenti sabiex jiġi żgurat tnaqqis effettiv tal-piż amministrattiv għall-benefiċjarji u l-awtoritajiet. Dawn jinkludu l-użu miżjud ta’ somom ta' flus f’daqqa u tal-kosti ssimplifikati.
1. FSIE fl-Italja
Sfidi ekonomiċi u soċjali fil-kuntest tal-FSIE
L-Italja qed tesperjenza rkupru ekonomiku mill-ġdid iżda dgħajjef wara reċessjoni fonda u twila li wessgħet aktar il-lakuna tal-prestazzjoni ekonomika mill-bqija tal-UE. In-nuqqas ta' impjiegi hu b'mod kruċjali għoli fost iż-żgħażagħ, in-nisa u fin-naħa t'isfel tal-Italja. Il-kriżi ekonomika ħarrxet id-diviżjoni soċjoekonomika antika bejn in-naħa ta' fuq u ċ-ċentru tal-Itlaja fuq banda u n-naħa t'isfel tal-Italja fuq il-banda l-oħra, tal-aħħar tradizzjonalment ir-reċivitur ewlieni tal-Fondi SIE. Il-Fondi SIE se jgħinu jindirizzaw diversi mir-rakkomandazzjonijiet ta' politika tal-UE fil-kuntest tas-Semestru Ewropew, primarjament dawk dwar l-edukazzjoni u s-suq tax-xogħol, il-portijiet u l-loġistika, l-amministrazzjoni pubblika u s-sistema tal-ġustizzja u tal-immaniġġjar tal-fondi.
Prijoritajiet ewlenin u riżultati
Il-Fondi SIE jgħaddu minn 74 programm nazzjonali, multireġjonali u reġjonali. Dawn ikopru realtajiet soċjali, ekonomiċi u amministrattivi differenti u sfidi, li jeħtieġu strateġija diversifikata ħafna fl-użu tar-riżorsi. Il-prijoritajiet ewlenin tal-fondi huma: l-iżvilupp ta' ambjent ta' negozju favur l-innovazzjoni, it-tqegħid fil-post ta' infrastrutturi u mmaniġġjar tar-riżorsi naturali effiċjenti, iż-żieda tal-parteċipazzjoni fis-suq tax-xogħol, il-promozzjoni tal-inklużjoni soċjali, it-titjib tal-edukazzjoni, it-titjib tal-kapaċità amministrattiva u l-immaniġġjar tal-programmi FSIE, b'mod partikolari f'reġjuni anqas żviluppati.
Kważi EUR 3.8 biljun f'Fondi SIE se jintefqu fuq ir-riċerka u l-innovazzjoni (R&I), biex jgħinu lill-Italja tilħaq il-mira strateġika ta' Ewropa 2020 biex tonfoq 1.53% mill-PDG fuq ir-R&I (ċifra korrenti: 1.26%). L-infiq fuq ir-R&I, kif ukoll aktar minn EUR 7.8 biljun għall-SMEs fis-setturi inklużi l-agrikoltura, is-sajd u l-akkwakultura, se jipprovdi tisħiħ b'saħħtu u kkoordinat biex tirkupra l-kompetittività ġenerali tal-Italja. EUR 2 biljun se jintefqu fuq infrastrutturi ta' ultra-broadband u s-servizzi tal-IT se jsaħħu wkoll il-kompetittività, filwaqt li jagħmluha possibbli għall-Italja li tilħaq l-objettivi tal-istrateġija tal-aġenda diġitali tagħha. Aktar minn EUR 2.6 biljun se jkomplu jtejbu l-infrastrutturi tal-ferroviji u marittimi f'partijiet anqas żviluppati tal-pajjiż sabiex jiżguraw xift veru għall-mobilità sostenibbli. Barra minn dan, kważi EUR 4 biljun se jintefqu fuq investimenti biex jiġi promoss ix-xift tal-Italja lejn l-ekonomija b'livell baxx ta' karbonju. Dan għandu jgħinha tilħaq il-mira tagħha ta' Ewropa 2020 ta' tnaqqis ta' 20% fil-konsum primarju ta' enerġija.
L-investiment fil-kapital uman u l-għajnuna lill-persuni sabiex jidħlu fis-suq tax-xogħol se jkunu prijorità ewlenija, b'fokus qawwi fuq il-ġlieda kontra l-qgħad fost iż-żgħażagħ. L-Italja se tonfoq aktar minn EUR 4.7 biljun f'Fondi SIE biex tiżdied ir-rata tal-impjiegi għall-mira tal-istrateġija Ewropa 2020 tagħha ta' 67-69%. Dan se jinkludi l-ipprovdir ta' servizzi personalizzati għal 560 000 żagħżugħ/a bla xogħol, mhux fl-edukazzjoni jew fit-taħriġ fl-2014 u l-2015. EUR 4 biljun se jintefqu fuq inizjattivi biex jitnaqqsu l-faqar u l-esklużjoni soċjali għal kważi 2.2 miljun persuna. Barra minn hekk EUR 4 biljun se jintefqu biex tiġi adattata l-edukazzjoni għal ħtiġijiet tas-suq tax-xogħol u biex jitnaqqas l-abbandun bikri mill-iskola għal 16% sal-2020. Dan se jkun ta' benefiċċju għal aktar minn 2.8 miljun tifel u tifla tal-primarja u studenti.
Il-Fondi SIE se jkunu ta' benefiċċju għaż-żoni rurali billi jippromwovu l-kompetittività tas-setturi tal-agrikoltura u tal-industrija tal-ikel, l-użu sostenibbli ta' riżorsi naturali, l-azzjoni favur il-bijodiversità u l-klima. Se ssir ukoll kontribuzzjoni sinifikanti lejn it-twettiq tal-objettivi tal-aġenda diġitali.
Il-Fondi SIE se jappoġġjaw ukoll opportunitajiet ta' żvilupp ġdid fi ħdan "l-ekonomija blu", b'mod partikolari l-istrateġija tal-UE għar-reġjun Adrijatiku u Joniku. Il-fondi FEMS se jappoġġjaw l-implimentazzjoni tal-politika komuni tas-sajd il-ġdida, b'enfasi fuq it-tranżizzjoni għal sostenibbiltà ambjentali aħjar tal-attivitajiet ekonomiċi fis-sajd u l-akkwakultura. Il-FEMS se jikkontribwixxi biex jiżdied il-profitt nett fis-sajd bi 30% u biex tiġi rduppjata l-produzzjoni tal-akkwakultura organika.
Strumenti finanzjarji u territorjali
Madwar EUR 2.187 miljun se jitwasslu permezz tal-istrumenti finanzjajri, b'mod partikolari għall-SMEs u l-innovazzjoni u kemm lill-grad aktar baxx għall-effiċjenza fl-enerġija kif ukoll bħala impjiegi u suq tax-xogħol. Dan l-ammont, issupplimentat b'riżorsi ta' wirt mill-perjodu preċedenti ta' pprogrammar, hu konsistenti mal-istrateġiji ta' investiment tad-diversi programmi u mal-kapaċità ta' assorbiment murija fil-perjodu 2007-2013. Aktar opportunitajiet biex jitwessa' l-iskop u/jew jiżdied il-volum ta' riżorsi allokati għall-istrumenti finanzjarji se jkunu studjati bħala parti mir-riżultat tal-valutazzjonijiet ex ante li għaddejjin.
L-istrateġija tal-iżvilupp urban tal-Italja se tinkludi komponent immaniġġjat b'mod ċentrali li jikkonsisti fi programm nazzjonali għal 14-il żona "metropolitana" madwar il-pajjiż. Din se tikkomplementa l-istrateġija ta' żvilupp urban fil-programmi reġjonali implimentati fil-biċċa l-kbira permezz ta' assi ddedikati u, fi ftit każijiet, permezz tal-investimenti territorjali integrati. Tfasslet għal dawk li jissejħu "żoni interni" strateġija territorjali speċifika, li trid tiġi implimentata permezz tal-programmi reġjonali. Dawn huma żoni rurali primarjament iddefiniti li jużaw kriterji bħad-demografija, id-depopolazzjoni u l-livell ta' servizzi. L-approċċ LEADER, iffinanzjat permezz tal-Fondi SIE, se jkollu rwol importanti fl-iżvilupp territorjali ta' komunitajiet u ekonomiji rurali.
Informazzjoni prinċipali
Politika ta’ koeżjoni (FSE, FEŻR, YEI) |
FAEŻR |
FEMS |
ETC |
|
Nru ta’ programmi |
50 (11 nazzjonali jew multireġjonali, 39 reġjonali) |
23 (21 reġjonali, 2 nazzjonali) |
1 |
15 |
Fondi disponibbli (EUR) |
31 686 254 105 |
10 444 380 767 18 |
537 262 559 |
1 996 244 281 19 |
2. Prekondizzjonijiet għal użu effettiv u effiċjenti tal-FSIE
L-Italja għandha kemm kondizzjonalitajiet ex ante nazzjonali kif ukoll reġjonali. Dawn jirriżultaw mit-tfassil kostituzzjonali tagħha u mid-diviżjoni tas-setgħat li jirriżultaw bejn l-awtoritajiet nazzjonali u reġjonali (għalkemm huma attwalment soġġetti għar-riforma). L-Italja għadha ma wettqitx 3 kondizzjonalitajeit ex ante ġenerali, 2 speċifiċi għall-FEMS u 10 tematiċi Il-kondizzjonalitajiet ġenerali (l-akkwist pubbliku, l-ambjent u l-għajnuna mill-istat) huma ta' importanza partikolari billi l-leġiżlazzjoni u l-prattika ta' dawn l-oqsma għadhom sorsi ewlieni ta' irregolaritajiet, li jagħmluha diffiċli li jintużaw il-fondi b'mod effettiv. Għall-kondizzjonalitajiet tematiċi, il-pjanijiet ta' azzjoni huma meħtieġa f'oqsma bħall-istrateġiji ta' speċjalizzazzjoni intelliġenti, l-IT, it-trasport, l-effiċjenza fl-enerġija u l-inklużjoni attiva.
3. Immaniġġjar tal-FSIE
Dgħufijiet sinifikanti fil-kapaċità amministrattiva fl-immaniġġjar tal-fondi konsistentament fixklu l-effettività tagħhom. Dan hu partikolarment il-każ fir-reġjuni l-anqas żviluppati tan-naħa t'isfel tal-Italja, kif identifikati b'ħames rakkomandazzjonijiet ta' politika fil-kuntest tas-Semestru Ewropew mill-2011 'l hawn. Huma u jqisu dan, il-programmi kofinanzjati mill-UE se jkollhom ikunu akkompanjati minn pjanijiet ta' rinforzar amministrattiv. Dawn huma ddisinjati biex jiggarantixxu li l-awtoritajiet inkarigati mill-fondi jkollhom l-istruttura u l-ħiliet bażiċi neċessarji biex jimmaniġġjaw ir-riżorsi fdati lilhom. Il-programmi tal-FSIE se jindirizzaw dgħufijiet fl-akkwist pubbliku, l-għajnuna mill-istat, il-ġlieda kontra l-frodi u l-korruzzjoni: dawn l-oqsma huma kruċjali biex jiġi żgurat li l-fondi huma mmaniġġjati kif suppost. Il-programmi tal-FSIE se jinkludu wkoll programm nazzjonali ddedikat b'mod sħiħ għat-titjib tal-amministrazzjoni pubblika b'mod ġenerali.
4. Simplifikazzjoni għall-benefiċjarji
L-awtoritajiet ta’ mmaniġġjar tal-FSIE qed jiżviluppaw modi biex jonqos il-piż amministrattiv għal benefiċjarji u l-amministrazzjoni pubblika. Dawn jinkludu użu miżjud ta' kosti ssimplifikati u titjib tas-sistema ta' informazzjoni ddedikata.
1. FSIE fil-Latvja
Sfidi ekonomiċi u soċjali fil-kuntest tal-FSIE
L-ekonomija Latvjana bdiet terġa’ tikber fl-2011. Is-suq tax-xogħol ittejjeb u r-rata tal-impjiegi, ta' 70.7%, hi ogħla mill-medja tal-UE (2014). Il-qgħad fit-tul, il-qgħad fost iż-żgħażagħ u s-sehem ta’ żgħażagħ mhux f’impjieg, l-edukazzjoni jew it-taħriġ waqgħu taħt il-medja tal-UE. L-Inizjattiva favur l-Impjieg taż-Żgħażagħ hi disponibbli għal-Latvja.
Il-finanzjament pubbliku inadegwat għar-riċerka u l-innovazzjoni (R&I) u n-natura frammentata tas-sistema tar-R&I jikkawżaw prestazzjoni fqira fir-riċerka xjentifika u jagħmlu ħsara lill-kompetittività. Il-Latvja għandha rati għoljin ta’ faqar u ta' esklużjoni soċjali u livell għoli ta’ inugwaljanza fis-soċjetà. Jeħtieġ li jsir aktar sabiex l-edukazzjoni vokazzjonali ssir aktar attraenti għaż-żgħażagħ. Il-kwalità u l-aċċess għas-sistema tal-kura tas-saħħa, l-effiċjenza fl-enerġija tat-trasport, il-bini u s-sistemi ta’ tisħin jeħtiġilhom jittejbu. L-investimenti tal-FEŻR se jappoġġjaw l-implimentazzjoni tar-rakkomandazzjonijiet ta’ politika tas-Semestru Ewropew f’dawn l-oqsma.
Prijoritajiet ewlenin u riżultati
Il-FSIE jappoġġjaw ir-riċerka u l-iżvilupp teknoloġiku (RŻT) u l-innovazzjoni, jgħinu lill-pajjiż jilħaq il-mira nazzjonali tiegħu ta’ 1.5% tal-PDG investit fir-RŻT (0.66 % fl-2012), iżidu l-proporzjon ta’ SMEs innovattivi għal 40% (minn 29.9% fl-2010), kif ukoll jindirizzaw id-dgħufijiet tiegħu fis-sistema tal-innovazzjoni u jiffaċilitaw il-kooperazzjoni bejn in-negozji, ix-xjenza u l-edukazzjoni, biex jittejjeb il-potenzjal tal-innovazzjoni.
L-iżgurar ta’ aċċess għal broadband b’veloċità għolja għal mill-anqas 80% tal-familji u l-iżvilupp ta’ servizzi onlajn se jippromwovi t-tkabbir ta’ soċjetà tal-informatika. Broadband b’mill-anqas 30 Mb/s se tiġi pprovduta għaż-żoni rurali biex titnaqqas id-diviżjoni diġitali.
EUR 762 miljun ta’ investimenti f’SMEs, inkluż fis-setturi tal-agrikoltura u s-sajd, għandhom l-għan li jżidu l-kompetittività u l-innovazzjoni tagħhom billi jappoġġjaw negozji ġodda, filwaqt li jitħeġġeġ l-investiment privat u l-ħolqien ta’ mill-anqas 1 800 impjieg. L-oqsma ewlenin immirati se jkunu l-kapaċità tal-esportazzjoni tal-SMEs, l-aċċess għal finanzjament, it-tqabbil tal-ħiliet tal-ħaddiema mad-domandi tas-suq tax-xogħol, iż-żieda tal-kompetittività u l-assistenza lin-negozji ġodda. Kważi 4.5% tal-bdiewa se jirċievu appoġġ biex jimmodernizzaw u jirristrutturaw il-farms tagħhom, u finanzjament miżjud se jgħin biex jiġu attirati bdiewa żgħazagħ lejn is-settur. Il-kompetittività u l-produttività tas-settur tal-akkwakultura se jiġu appoġġjati wkoll. Dan hu mistenni li jitripplika l-produzzjoni u se jikkontribwixxi għall-provvista tal-ikel u għall-impjieg. Il-FSIE se jintużaw biex tiżdied il-kapaċità istituzzjonali tal-amministrazzjoni pubblika u l-effettività tal-ġudikatura.
Il-FSIE se jappoġġjaw il-bidla lejn ekonomija b’livell baxx ta’ karbonju fis-setturi kollha, billi jgħinu l-Latvja tilħaq il-mira nazzjonali tagħha ta’ Ewropa 2020 ta’ 40% tal-enerġija minn sorsi rinnovabbli (35.8% fl-2012). Il-fondi se jiffukaw fuq l-effiċjenza tal-enerġija fid-djar u bini kummerċjali, l-użu ta’ sorsi ta’ enerġija rinnovabbli fit-tisħin distrettwali u trasport b’użu baxx ta’ karbonju.
Il-FSIE se jiġu allokati għall-użu sostenibbli tar-riżorsi naturali u l-adattament għat-tibdil fil-klima. L-investimenti se jnaqqsu r-riskji kkawżati mit-tibdil fil-klima, prinċipalment permezz ta’ tnaqqis tal-erożjoni tal-kosta u prevenzjoni tal-għargħar. Se jittieħdu miżuri sabiex jiżdied l-iskart riċiklat b'423 120 tunnellata fis-sena u sabiex jerġgħu jinbnew netwerks ta’ dranaġġ u tal-iskart tal-ilma li huma inkompatibbli mar-rekwiżiti tal-kwalità. Total ta' 1.3 miljun abitant se jkunu konnessi man-netwerk iċċentralizzat tal-immaniġġjar tal-ilma tal-iskart. Kemm il-preservazzjoni u t-titjib tal-ekosistemi relatati mal-agrikoltura u l-forestrija, kif ukoll l-akkwakultura li jipprovdu servizzi ambjentali se jiġu kofinanzjati. L-objettiv tal-Politika Komuni tas-Sajd għall-konservazzjoni tar-riżorsi bijoloġiċi marini se jkun appoġġjat.
Il-FSIE se jintużaw biex tiġi żviluppata infrastruttura tat-trasport sostenibbli u effiċjenti. Se tingħata prijorità lill-infrastruttura tal-linji tal-ferroviji u tat-toroq TEN-T, li jikkonnettjaw iż-żoni urbani man-netwerks tat-TEN-T, u se jinbnew mill-ġdid toroq reġjonali. Dan se jinvolvi l-bini mill-ġdid jew ta’ rinnovazzjoni ta’ 998 km ta’ linji tal-ferrovija u 574 km ta' toroq (345 km fuq it-TEN-T).
Miżuri li jagħtu spinta lill-impjiegi u li jżidu l-mobilità tal-forza tax-xogħol se jippermettu 22 950 persuna attwalment qiegħda biex isibu impjieg. Aktar minn 11 000 żagħżugħ/a li mhumiex fl-edukazzjoni, impjieg jew taħriġ se jirċievu offerta ta’ impjieg, post f’edukazzjoni kontinwa, jew apprendistat jew traineeship.
Il-fondi se jiġu investiti fl-edukazzjoni, il-ħiliet u t-tagħlim tul il-ħajja. Ir-riforma tal-edukazzjoni għolja se tinvolvi l-ħolqien ta’ aġenzija nazzjonali ta’ akkreditament, l-akkreditament ta’ 80 programm ta’ studju ġdid, l-introduzzjoni ta’ governanza bbażata fuq ir-riżultati f’20 istituzzjoni tal-edukazzjoni għolja u l-modernizzazzjoni tal-ambjent tat-tagħlim. L-edukazzjoni u t-taħriġ vokazzjonali (ETV) se jiġu mtejba billi jiġi estiż l-użu tat-tagħlim ibbażat fuq ix-xogħol. Dan se jippermetti 70-80% tal-istudenti li jirċievu appoġġ biex jiksbu kwalifika professjonali jew kwalifika oħra. Il-kwalifiki ta’ 4 500 persunal tal-ETV se jiġu mtejba u modernizzati 70-80% tal-istituzzjonijiet ETV. Il-bdiewa u s-sidien ta’ negozji agrikoli u tal-forestrija se jitħarrġu biex itejbu l-għarfien ta’ produzzjoni effiċjenti u l-immaniġġjar tar-riżorsi tagħhom favur l-ambjent. Se tkun promossa l-kooperazzjoni mar-riċerkaturi.
Miżuri mfasslin biex itejbu l-inklużjoni soċjali u jiġġieldu l-faqar se jgħinu lil kważi 4 000 persuna żvantaġġata bla xogħol biex isibu impjieg. Se jkunu appoġġjati kemm it-trażizzjoni għall-kura abbażi tal-komunità tat-tfal u tal-adulti b'diżabbiltajiet psikointelletwali, kif ukoll aċċess aħjar għall-kura tas-saħħa għall-popolazzjoni kollha tal-Latvja.
Użu ta’ strumenti finanzjarji u għodod territorjali
Strumenti finanzjarji b’valur ta’ EUR 185 miljun se jkunu disponibbli biex jappoġġjaw in-negozji u jiffinanzjaw miżuri ta’ effiċjenza fl-enerġija. Is-self, il-garanzija u l-istrumenti ta’ ekwità se jintużaw prinċipalment biex jiġu appoġġjati l-SMEs u l-effiċjenza fl-enerġija fil-bini.
L-iżvilupp urban sostenibbli se jkun promoss permezz ta’ investiment territorjali integrat. Sħubijiet lokali se jkunu aktar attivi permezz ta’ żvilupp lokali mmexxi mill-komunità, bħala parti minnhom proġetti li qed jiġu mmexxija minn 34 grupp ta’ azzjoni lokali fil-Latvja kollha se jirċievu finanzjament.
Miżuri li jiffukaw fuq l-iżvilupp sostenibbli tar-reġjuni tas-sajd se jiġu implimentati fit-territorji sinifikanti għas-sajd permezz tal-applikazzjoni ta’ approċċ li jinvolvi diversi fondi.
Informazzjoni prinċipali
Politika ta’ koeżjoni (FSE, FEŻR, FK, YEI) |
FAEŻR |
FEMS |
ETC |
|
Nru ta’ programmi |
1 |
1 |
1 |
6 |
Fondi disponibbli (EUR) |
4 418 233 214 |
1 075 603 782 |
139 833 742 |
577 852 961 20 |
2. Prekondizzjonijiet għal użu effettiv u effiċjenti tal-FSIE
L-iżvilupp ta’ oqfsa strateġiċi għall-istrateġija tar-R&I għal speċjalizzazzjoni intelliġenti, l-indirizzar tal-abbandun bikri tal-iskola u t-titjib tal-politika ambjentali, kienu l-kondizzjonalitajiet ex ante l-aktar importanti li ma ġewx issodisfatti fil-ftehim ta’ sħubija u l-adozzjoni tal-programm u tal-pjanijiet ta’ azzjoni kienu miftehmin għat-twettiq tagħhom sa tmiem l-2016. Nissuġerixxu li nżidu li l-iskoperta ta' ħtiġijiet tal-kura tas-saħħa għandha tkun il-bażi ta' kull deċiżjoni li fuqha jsiru l-investimenti tal-infrastruttura (kif inhu l-każ għal pajjiżi oħrajn, bħar-Rumanija u l-Polonja).
3. Immaniġġjar tal-FSIE
Aġenzija “unika” għall-konklużjoni ta' kuntratti ta’ impjieg ġiet stabbilita u l-kumitat konġunt ta’ monitoraġġ tal-FSE, il-FEŻR u l-FK qed ikun appoġġjat minn sottokumitati tematiċi. Il-kumitati ta’ monitoraġġ tal-FAEŻR u l-FEMS huma mmaniġġjati mill-Ministeru tal-Agrikoltura.
4. Simplifikazzjoni għall-benefiċjarji
Il-benefiċjarji se jibbenefikaw minn sistema istituzzjonali ssimplifikata, standards unifikati, użu akbar ta’ amministrazzjoni onlajn, sistema elettronika ta’ akkwisti u żieda fl-użu ta’ opzjonijiet ta’ kosti ssimplifikati.
1. FSIE fil-Litwanja
Sfidi ekonomiċi u soċjali fil-kuntest tal-FSIE
L-ekonomija tal-Litwanja wriet li hi perfettament kapaċi li terġa’ tikseb il-kompetittività wara l-kriżi. Din sostniet tkabbir b’saħħtu f’dawn l-aħħar snin. Sabiex ikun żgurat it-tkabbir sostenibbli u inklużiv fuq perjodu itwal ta’ żmien, madankollu, il-pajjiż se jeħtieġlu jindirizza numru ta’ kwistjonijiet.
L-ewwel waħda hi relatata mal-kapaċità tiegħu li javvanza fil-katina ta’ valur miżjud. Is-suq tax-xogħol tal-Litwanja qed jinżamm lura minn restrizzjonijiet fuq il-provvista tal-kapital uman u tal-ħiliet. Il-popolazzjoni attiva qed tonqos b’mod rapidu u l-parteċipazzjoni fis-suq tax-xogħol għadha relattivament baxxa. Hemm riskju għoli li n-nuqqas ta’ ħiliet jista’ jaggrava maż-żmien. Il-proporzjon tal-popolazzjoni f’riskju ta’ faqar jew esklużjoni soċjali għadu għoli u l-inugwaljanzi qed jiżdiedu. L-investiment mis-settur privat, b’mod partikolari fir-R&I, hu baxx, dan jista' jxekkel it-tkabbir fit-tul taż-żmien. Il-Litwanja jeħtiġilha tkompli ttejjeb is-sigurtà tal-provvista tal-enerġija u żżid il-kompetizzjoni fis-suq tal-enerġija tagħha. L-intensità tal-enerġija hi għolja, dan jagħmel il-Litwanja wieħed mill-pajjiżi l-anqas effiċjenti fl-enerġija fl-UE. Analiżi tal-miri nazzjonali ta’ Ewropa 2020 turi nuqqasijiet sinifikanti fiż-żieda tan-nefqa tar-R&I, fit-titjib tal-impjegabbiltà u fit-twettiq tal-miri tal-enerġija. Dawn in-nuqqasijiet huma riflessi fir-rakkomandazzjonijiet ta’ politika tas-Semestru Ewropew.
Prijoritajiet ewlenin u riżultati
Il-FSIE se jikkontribwixxu biex jittejbu l-innovazzjoni u l-kompetittività tal-ekonomija u biex jissaħħu r-rabtiet bejn ir-R&I u l-politiki industrijali. In-nefqa tar-R&Ż per capita fis-settur tan-negozju hi mistennija li tilħaq EUR 60.7 fl-2023 (EUR 24.1 fl-2011). Dan se jinkiseb permezz tat-tisħiħ tas-sistemi tar-R&I fin-negozji u bil-promozzjoni tat-trasferiment tal-għarfien tar-R&Ż bejn l-akkademja u n-negozji.
EUR 1.2 biljun ta’ appoġġ għall-SMEs u impriżi tal-agrikoltura, tal-akkwakultura u tas-sajd se jintużaw biex jgħinu sabiex jiżdied in-numru tal-intrapriżi għal kull 1000 abitant minn 39 fl-2013 għal 48 fl-2023 u l-livell ta’ produttività u l-valur miżjud għal EUR 17 726 għal kull impjegat fis-sena (EUR 12 432 fl-2013). Dan se jikkontribwixxi wkoll għall-modernizzazzjoni u t-titjib tal-prestazzjoni ekonomika ta’ kważi 8 000 farm ta’ daqs żgħir u medju, u sabiex jiġu ffinanzjati l-ispejjeż tal-bidu ta’ aktar minn 1 100 bidwi żagħżugħ ġdid. Dawn il-fondi strutturali u ta’ Investiment Ewropej se jkunu użati wkoll biex itejbu l-ambjent tan-negozju, billi jagħmluha aktar faċli li jiġi stabbilit negozju, li jittejjeb l-aċċess tal-SMEs għall-finanzi u li jiġu pprovduti servizzi ta’ negozju mfasslin apposta.
Il-FSIE se jgħin biex jiġi indirizzat il-qgħad, tittejjeb il-kwalità tal-edukazzjoni u t-taħriġ u biex jiġi żgurat li d-domanda tas-suq tax-xogħol hi milqugħa aħjar billi jiżdied il-livell ta' kwalifiki u ta' ħiliet tal-forza tax-xogħol attiva u billi jiġi impedut l-abbandun bikri tal-iskola. Total ta’ 55 000 persuna qiegħda se jieħdu sehem fi skemi mfassla biex jgħinuhom jerġgħu lura lejn is-suq tax-xogħol miftuħ. Il-FSE se jikkontribwixxi għall-ħolqien ta’ 1 800 impjieg ġdid f’intrapriżi ġodda u se jappoġġja l-parteċipazzjoni ta’ 5 000 persuna b’diżabbiltà fi programmi ta’ riabilitazzjoni professjonali. B’riżultat ta’ dan, ir-rata ta’ impjiegi tal-popolazzjoni attiva (bl-età ta’ 20-64) hi mistennija li tilħaq 72.8% fl-2023 (69.9% fl-2013). Ir-rata tal-kisba tal-edukazzjoni terzjarja diġà qiegħda tajba u naqset ir-rata tal-abbandun bikri tal-iskola, il-FSIE se jkunu diretti lejn it-titjib fil-kwalità tal-edukazzjoni u r-rilevanza tagħha u biex tiġi aġġustata aħjar il-provvista tal-ħiliet mad-domanda. Il-fondi se jgħinu biex tiżdied il-parteċipazzjoni adulta fit-tagħlim tul il-ħajja minn 5.7% fl-2013 għal 8% fl-2017. Aktar minn 60 000 ruħ li jaħdmu fl-agrikoltura u l-forestrija se jirċievu taħriġ, bl-għan li titjieb il-kompetittività ta’ dawn is-setturi.
Il-FSIE se jkunu użati wkoll biex jgħinu sabiex jitnaqqas il-faqar u titjieb l-inklużjoni soċjali. B’mod speċifiku, dan l-investiment se jgħin lil dawk l-aktar imbiegħda mis-suq tax-xogħol biex jerġgħu lura għax-xogħol, biex tiżdied il-parteċipazzjoni fis-suq tax-xogħol ta’ ħaddiema aktar avvanzati fl-età, u biex itejjeb l-aċċess u l-kwalità tas-servizzi soċjali u tal-kura tas-saħħa. Dawn il-miżuri se jgħinu biex jonqos in-numru tal-persuni fir-riskju tal-faqar jew tal-esklużjoni soċjali b'100 000 sal-2020.
EUR 1.4 biljun se jkunu allokati għall-enerġija u t-tibdil fil-klima. Il-miżuri ffinanzjati se jikkontribwixxu għal tnaqqis fil-gassijiet b’effett serra ta’ 600 000 tunnellata ta' CO2 eq./sena. Il-konsum finali tal-enerġija u dak domestiku hu mistenni li jonqos bi 7.56 GWh sal-2023 u l-intensità tal-enerġija tal-industrija mistennija tonqos għal 1.778 MWh/EUR sal-2023 (2.592 MWh/EUR fl-2012). L-investiment fl-infrastruttura tal-enerġija se jgħin biex tissaħħaħ l-integrazzjoni fis-suq intern tal-enerġija tal-UE.
EUR 1 biljun ta’ investiment allokat għat-trasport se jestendi n-netwerks TEN-T u se jtejjeb l-aċċessibbiltà. Din l-allokazzjoni se tippermetti 300 km ta’ toroq u 70 km ta’ linji ferrovjarji biex jinbnew jew jiġu rinnovati, jitnaqqas in-numru ta’ aċċidenti u jittejbu l-kollegamenti bejn modi differenti ta’ trasport.
EUR 0.9 biljun ta’ investiment se jiġi allokat għal miżuri ambjentali u t-titjib tal-effiċjenza tar-riżorsi. Il-proporzjon ta’ skart muniċipali mormi fil-miżbliet se jonqos b’mod sostanzjali (minn 78% fl-2011 għal 35% fl-2023). Il-fondi se jintużaw biex jappoġġjaw prattiki ta’ mmaniġġjar tal-art li ma jagħmlux ħsara lill-ambjent u lill-klima, inkluża l-agrikoltura organika, fuq 11% ta’ art agrikola u l-estensjoni ta’ forestrija sostenibbli, u b’hekk jgħinu biex jipproteġu l-bijodiversità. L-użu ta’ metodi sostenibbli se jiġi estiż fis-sajd u fl-akkwakultura, it-titjib tal-ekosistemi marini u tal-bijodiversità akkwatika skont il-Politika Komuni tas-Sajd il-ġdida. Qabdiet mhux mixtieqa se jitnaqqsu b’43 tunnellata u l-produzzjoni tal-akkwakultura organika se tiżdied b’2 000 tunnellata fl-2023.
Użu ta’ strumenti finanzjarji u għodod territorjali
Aktar minn EUR 700 miljun huma mistennija li jkunu disponibbli permezz ta’ strumenti finanzjarji, u mmirati b’mod partikolari lejn l-effiċjenza fl-enerġija, l-SMEs u lejn dawk li jaħdmu għal rashom. Dan jirrappreżenta żieda ta’ aktar minn 50% fuq il-perjodu ta’ programmar 2007-2013.
Il-programmi implimentati se jiżguraw li l-istrumenti territorjali disponibbli jintużaw bl-akbar vantaġġ. L-awtoritajiet urbani se jkunu responsabbli għall-immaniġġjar ta’ EUR 210 miljun ta’ investiment, prinċipalment allokati għal żvilupp urban sostenibbli u r-riġenerazzjoni ekonomika u soċjali. L-implimentazzjoni ta’ strateġiji lokali ta’ żvilupp b’valur ta’ madwar EUR 100 miljun fiż-żoni rurali u kostali kollha, u f'xi żoni urbani, se jsaħħu s-sħubiji lokali.
Informazzjoni prinċipali
Politika ta’ koeżjoni (FSE, FEŻR, FK, YEI) |
FAEŻR |
FEMS |
ETC |
|
Nru ta’ programmi |
1 (nazzjonali) |
1 |
1 |
6 |
Fondi disponibbli (EUR) |
6 709 396 130 |
1 613 088 240 |
63 432 222 |
555 079 008 21 |
2. Prekondizzjonijiet għal użu effettiv u effiċjenti tal-FSIE
Skont il-pjanijiet ta’ azzjoni miftiehma, il-Litwanja adottat strateġiji u politiki oħra meħtieġa u ssodisfat il-kondizzjonalitajiet ex ante kollha.
3. Immaniġġjar tal-FSIE
Il-FEŻR, il-FSE u l-Fond ta’ Koeżjoni huma parti minn programm uniku mmaniġġjat mill-Ministeru tal-Finanzi. Il-FAEŻR u l-FEMS għandhom programmi separati iżda huma t-tnejn immaniġġjati mill-Ministeru tal-agrikoltura. L-awtoritajiet ta’ mmaniġġjar huma membri ta’ kumitati ta’ monitoraġġ ta’ xulxin, u b’hekk jiżguraw koordinazzjoni mill-qrib bejn il-FSIE. Firxa ta’ strumenti kumplementari tal-UE (p.e. Orizzont 2020) u ta’ strumenti u ta’ politika nazzjonali se jintużaw biex jimmassimizzaw kemm jista’ jkun il-benefiċċju tal-FSIE.
4. Simplifikazzjoni għall-benefiċjarji
Il-Litwanja qed tippjana biex jiġu ssimplifikati l-proċeduri biex il-FSIE kollha jagħmlu aktar użu ta’ għażliet ta’ kosti ssimplifikati u biex itejbu s-sistemi tal-IT disponibbli għall-benefiċjarji (p.e. jinħoloq punt ta’ aċċess uniku, tittejjeb il-kwalità tal-informazzjoni u jiġu pprovduti formoli onlajn).
1. FSIE fil-Lussemburgu
Sfidi ekonomiċi u soċjali fil-kuntest tal-FSIE
Għalkemm l-ekonomija tal-Lussemburgu qed taħdem tajjeb b’mod ġenerali, it-tkabbir għadu ma rritornax lura għal-livelli ta’ qabel il-kriżi. L-oqsma ewlenin li fihom ikun hemm kwistjonijiet li għandhom jiġu indirizzati jinkludu s-sostenibbiltà fit-tul tal-finanzi pubbliċi, il-produttività tax-xogħol u l-kost tal-kompetittività (li reċentement staġna), l-impjieg u l-koeżjoni soċjali. Sforzi sinifikanti huma wkoll meħtieġa għall-iżvilupp ta’ ekonomija effiċjenti fl-użu tar-riżorsi u b’livell baxx ta’ emissjonijiet ta’ karbonju, inklużi permezz ta’ politiki li jaffettwaw is-settur tal-enerġija.
Il-magna ta’ tkabbir prinċipali tal-Lussemburgu u s-saħħa ta’ dan is-settur ippermettew lill-pajjiż li joħloq u jżomm welfare state ġeneruż mingħajr ma jipperikola l-finanzi pubbliċi. Fl-istess ħin, madankollu, l-ekonomija saret dipendenti ħafna fuq dan is-settur. Hu għalhekk essenzjali għal-Lussemburgu li jiddiversifika u jsib sorsi alternattivi ta’ tkabbir.
Is-suq tax-xogħol tal-Lussemburgu qed jaħdem tajjeb u r-rati ta’ kisbiet fl-edukazzjoni terzjarja huma għoljin. Ir-rati tal-impjieg fost ħaddiema aktar anzjani, nisa u żgħażagħ bi ftit kwalifiki huma, madankollu, relattivament baxxi (bil-qgħad taż-żgħażagħ f’livell ta’ 21.2%). Is-sistema ta’ "tassassjoni konġunta" u t-tfassil tas-sistema tal-benefiċċju soċjali jistgħu joħolqu diżinċentivi għax-xogħol. Għandu jiġi nnutat ukoll li qed tiżdied ir-rata tar-riskju tal-faqar jew tal-esklużjoni soċjali għat-tfal, għall-familji b’ġenitur wieħed u għall-migranti, għalkemm minn livell baxxa ħafna. Il-Lussemburgu għamel progress limitat fit-tisħiħ tal-edukazzjoni u t-taħriġ vokazzjonali u ma kienx hemm żviluppi relatati mar-riforma ġenerali tal-edukazzjoni sekondarja.
Il-Lussemburgu mhux miexi fit-triq it-tajba biex jilħaq il-mira tiegħu ta' Ewropa 2020 biex jitnaqqas il-livell ta’ emissjonijiet ta’ gassijiet b’effett serra, skont l-aħħar proġezzjonijiet. It-tniġġis li jirriżulta mill-attivitajiet agrikoli qed ikollu wkoll effett sinifikanti fuq il-kwalità tal-ilma. Il-pajjiż m’għandux jittraskura l-bżonn li jitjiebu t-tekniki ta’ fertilizzazzjoni organika, bl-għan li jsiru anqas dannużi għall-ambjent u aktar effettivi. Barra minn hekk, għalkemm il-Lussemburgu kien impenja ruħu li jwaqqaf it-telf tal-bijodiversità sal-2020, aktar azzjoni hi meħtieġa b'mod urġenti jekk din il-mira trid tintlaħaq.
Prijoritajiet ewlenin u riżultati
Minħabba li l-allokazzjoni tal-FSIE tal-Lussemburgu hi relattivament modesta, hu inevitabbli li l-programmi għandhom jikkonċentraw fuq l-indirizzar ta' aspetti speċifiċi tal-kwistjonijiet identifikati hawn fuq. Iż-żieda fl-investiment tar-R&Ż hi ta’ importanza kruċjali biex tinħoloq diversifikazzjoni ekonomika akbar. Għalhekk se tissaħħaħ il-kooperazzjoni bejn iċ-Ċentru ta’ Riċerka Nazzjonali u l-Università tal-Lussemburgu, bl-għan li jiżdied bi 300 in-numru ta’ SMEs involuti fir-riċerka. Miżuri adottati fil-qasam tal-agrikoltura se jżidu l-kompetittività billi jippromwovu l-intraprenditorija, l-iffaċilitar tar-ristrutturar ta’ negozji u r-rivitalizzazzjoni tas-settur. Allokazzjoni ta’ EUR 30 miljun mill-FAEŻR hi mistennija li tappoġġja l-investiment fil-modernizzazzjoni ta’ faċilitajiet, ir-ristrutturazzjoni tan-negozju u t-tekniki innovattivi għal madwar 21% tal-farms, u 7% se jibbenefikaw minn pjan ta’ żvilupp ta' negozju għal bdiewa żgħażagħ appoġġjat mill-FAEŻR.
Il-FSIE se jintużaw ukoll biex jiġu indirizzati l-qgħad u l-esklużjoni soċjali. Huma se jappoġġjaw miżuri mfassla biex itejbu l-kwalifiki u l-ħiliet taż-żgħażagħ u ta' dawk li qed ifittxu x-xogħol (inklużi dawk minn sfond ta’ migrazzjoni) u biex jiġi żgurat tqabbil aħjar bejn il-provvista u d-domanda fis-suq tax-xogħol. Il-fondi se jgħinu biex tiġi estiża u mtejba l-Iskema ta' Garanzija għaż-Żgħażagħ u biex jiġi żgurat aċċess ugwali għat-tagħlim tul il-ħajja. Bħala parti minn dan, il-FSE se jiffinanzja miżuri li għandhom l-għan li jipprovdu 15 000 persuna b’taħriġ, opportunità biex itejbu l-kwalifiki tagħhom u ta' għajnuna biex isibu impjieg.
Baġit ta’ EUR 62 miljun f’finanzjament ġie allokat għal miżuri relatati mal-protezzjoni tal-ambjent u l-effiċjenza tar-riżorsi. Dan se jintuża biex jiffinanzja miżuri mfassla għar-restawrazzjoni, il-preservazzjoni u t-tisħiħ tal-ekosistemi li ġew affettwati minn attivitajiet agrikoli. Il-kuntratti ta’ mmaniġġjar ta’ 90% taż-żona agrikola utilizzata se jitolbu prattiki ta’ mmaniġġjar li jappoġġjaw il-bijodiversità u l-protezzjoni ta’ żoni naturali. Barra minn hekk, kuntratti li jkopru 28% ta’ total taż-żona agrikola użata se jeħtieġu prattiki ta' mmaniġġjar li jtejbu l-kwalità tal-ilma. Il-finanzjament tal-FSIE se jappoġġja x-xift għal ekonomija b’livell baxx ta’ karbonju u ekonomija effiċjenti fl-użu tar-riżorsi, b’mod partikolari permezz ta’ investiment fl-effiċjenza fl-enerġija, fl-enerġija rinnovabbli u fix-xift modali lejn mezzi ta’ trasport aktar sostenibbli fl-ibliet. Hu stmat li l-konsum tal-enerġija fil-binjiet se jitnaqqas b’20% sal-2020. L-użu ta’ sorsi ta’ enerġija li jiġġeddu hu mistenni li jiżdied minn 2.9% fl-2014 għal 11% fl-2020, u l-emissjonijiet annwali tal-gassijiet b’effett serra huma mistennija li jonqsu b’15 000 tunnellata ta’ CO2 eq.
Użu ta’ strumenti finanzjarji u għodod territorjali
Il-Lussemburgu mhux jippjana li juża strumenti finanzjarji minħabba l-livell limitat ta’ finanzjament.
Strateġiji żviluppati minn gruppi ta’ azzjoni lokali se jkunu ta' benefiċċju għal 30% tal-popolazzjoni rurali. Il-programmi ta’ investiment territorjali integrat (li għalihom huma allokati 6% tal-fondi tal-FEŻR) se jinkludu miżuri għal żvilupp urban sostenibbli.
Informazzjoni prinċipali
Politika ta’ koeżjoni (FSE, FEŻR) |
FAEŻR |
FEMS |
ETC |
|
Nru ta’ programmi |
2 Nazzjonali |
1 |
M/A |
2 |
Fondi disponibbli (EUR) |
39 558 626 |
100 574 600 |
M/A |
535 936 988 22 |
2. Prekondizzjonijiet għal użu effettiv u effiċjenti tal-FSIE
Il-kondizzjonalitajiet ex ante relatati mal-istrateġija ta' speċjalizzazzjoni intelliġenti għadhom ma ġewx issodisfatti b'mod sħiħ. Il-gvern għadu ma adottax strateġija għar-R&I għall-ispeċjalizzazzjoni intelliġenti.
3. Immaniġġjar tal-FSIE
Ġie stabbilit kumitat ta’ konsultazzjoni, li jiġbor flimkien l-awtoritajiet ta’ mmaniġġjar tal-FSIE kollha. L-objettiv tal-kumitat hu li jikkoordina l-iżvilupp ta' strateġiji u ta' prijoritajiet għal kull fond, li jiżgura li l-programmi jikkomplementaw lil xulxin u li jipprepara u jinnegozja ftehimiet ta' sħubija.
4. Simplifikazzjoni għall-benefiċjarji
Sistemi għall-iskambju ta’ informazzjoni qed jittejbu u qiegħed isir użu akbar tal-ICT. Bazi tad-dejta tas-sistema ta’ informazzjoni ġeografika u l-ġeoportal ta’ sit web, li jipprovdu aċċess dirett għal dejta dwar il-lokalità ta’ żoni protetti ta’ art jew ilma, se jsiru aktar komprensivi biż-żieda ta’ informazzjoni dwar l-uċuħ tal-art u l-karatteristiċi strutturali kollha. Dan l-aġġornament, ippjanat għall-2015, għandu jkun utli ħafna għall-benefiċjarji.
1. FSIE f’Malta
Sfidi ekonomiċi u soċjali fil-kuntest tal-FSIE
L-ekonomija ta’ Malta u s-suq tax-xogħol imxew tajjeb matul il-kriżi. It-tkabbir reali tal-PDG laħaq medja ta’ 'l fuq minn 2.7% matul il-perjodu 2011-2014, stigat mid-domanda domestika qawwija, mit-turiżmu u mill-esportazzjonijiet ta’ oġġetti u servizzi. Minkejja l-isfidi tal-ambjent estern, Malta żammet bilanċ kummerċjali pożittiv u kienet kapaċi żżid l-impjiegi u żżomm il-qgħad f’livell baxx (anqas minn 6% fl-2014). Il-kompetittività esterna tas-settur produttiv hi, madankollu, limitata minn numru ta’ fatturi, inklużi d-dgħufijiet strutturali fl-ambjent tan-negozju, il-livelli baxxi tar-R&I, il-livell għoli ta’ dipendenza fuq sorsi ta’ enerġija esterni u l-vulnerabbiltà għall-ambjent estern. Dawn il-kwistjonijiet huma wkoll ta’ theddida sinifikanti għas-sostenibbiltà fit-tul u l-kwalità tal-ħajja. Ir-riżultati ekonomiċi tajbin ta' Malta ma jaqblux mal-livell tagħha ta’ koeżjoni soċjali. Il-parteċipazzjoni fis-suq tax-xogħol għadha baxxa, indikazzjoni ta’ potenzjal mhux sfruttat fl-ekonomija u l-ħtieġa li tiġi aġġustata s-sistema tal-edukazzjoni u tat-taħriġ sabiex tissodisfa aħjar il-ħtiġijiet tas-suq tax-xogħol. Dawn il-kwistjonijiet huma riflessi fir-rakkomandazzjonijiet ta’ politika tas-Semestru Ewropew u ngħataw attenzjoni partikolari fl-allokazzjoni tal-FSIE.
Prijoritajiet ewlenin u riżultati
Sabiex tiżdied il-kompetittività permezz tal-promozzjoni tal-innovazzjoni u tal-ħolqien ta’ ambjent li jiffavorixxi n-negozju Malta se timmira (a) li żżid il-kapaċità għar-RŻT&I permezz ta’ investiment fl-infrastruttura pubblika u fil-faċilitajiet ta’ riċerka, (b) li tistimula l-investiment kummerċjali u li tinkuraġġixxi r-rabtiet bejn in-negozji u r-riċerka u l-edukazzjoni, u (ċ) li ssaħħaħ u tiżviluppa prodotti u applikazzjonijiet ġodda tal-ICT, sabiex inter alia ttejjeb l-effiċjenza tas-servizzi pubbliċi. It-tħeġġiġ tal-intraprenditorija, it-titjib tal-kompetittività tan-negozji u l-appoġġ għall-ħolqien ta’ tkabbir huma meqjusin bħala miri partikolarment importanti f’dan il-qasam ta’ politika. In-negozji fis-setturi tal-agrikoltura u tas-sajd se jkunu fost dawk li jibbenefikaw mill-appoġġ. Il-FEMS jimmira b’mod partikolari lejn it-titjib tal-effiċjenza tar-riżorsi u s-sostenibbiltà ekonomika fis-settur tas-sajd u tal-akkwakultura. Sa EUR 190 miljun, 23% tat-total tal-FSIE mogħtijin lil Malta, se jiġu allokati għal dan il-qasam ta’ prijorità.
Il-fondi se jgħinu lill-pajjiż biex jilħaq il-mira tiegħu ta' Ewropa 2020 li jżid il-proporzjon tal-PDG investit fir-R&I minn 0.72% għal 2%. Riżultati oħra mistennija f’dan il-qasam jinkludu żieda fir-R&I fl-oqsma identifikati skont l-istrateġija ta’ speċjalizzazzjoni intelliġenti, inklużi s-settur agrikolu, it-titjib fil-kwalità u l-effiċjenza tas-servizzi onlajn tal-gvern għan-negozji u l-individwi, it-tnaqqis fil-piż amministrattiv fuq in-negozji, u ż-żieda fil-kontribut ġenerali tal-SMEs għall-kompetittività u l-impjiegi, inklużi l-agrikoltura u s-sajd/l-akkwakultura.
Billi tiżviluppa u żżomm aġġornati ambjent u ekonomija b’użu effiċjenti tar-riżorsi, Malta se timmira kemm li tappoġġja l-investiment pubbliku u privat fl-enerġija rinnovabbli u fl-effiċjenza fl-enerġija, kif ukoll l-investiment fl-agrikoltura u fis-setturi tal-ilma u tal-iskart. Se tittieħed ukoll azzjoni sabiex jiġu ppreservati r-riżorsi naturali, jiġi ppreservat u mħares il-wirt naturali u kulturali, tiġi restawrata l-bijodiversità, jittejjeb l-ambjent urban u jiġu appoġġjati sistemi u infrastruttura ta’ trasport multimodali u b’emissjonijiet baxxi tal-karbonju. Dawn il-miżuri għandhom jgħinu lil Malta biex tissodisfa r-rekwiżiti tal-acquis tal-UE. 51% tal-Fondi SIE mogħtijin lil Malta, se jiġu allokati għal dan il-qasam ta’ prijorità. Il-miżuri ffinanzjati se jgħinu lill-pajjiż jilħaq il-miri tiegħu ta’ Ewropa 2020 għat-tnaqqis tal-gassijiet b’effett serra, billi juża aktar enerġija rinnovabbli (sa 10% tal-konsum totali tal-enerġija) u billi jżid l-effiċjenza fl-enerġija. Riżultati oħra mistennija f’dan il-qasam jinkludu t-titjib tal-kwalità tal-ħamrija u tal-ilma, inklużi fis-settur agrikolu, iż-żieda fil-proporzjon ta’ skart riċiklat u l-iżvilupp ta’ prattiki ta’ mmaniġġjar tal-iskart aktar sostenibbli, il-protezzjoni aħjar tal-bijodiversità, il-wirt naturali u kulturali u l-ambjent urban, u aktar effiċjenza u sostenibbiltà fis-settur tat-trasport.
Bil-ħolqien ta' opportunitajiet ta’ xogħol permezz ta’ investiment fil-kapital uman u t-titjib fis-saħħa u l-benessri, Malta se timmira li tippromwovi impjiegi sostenibbli u ta’ kwalità għolja, edukazzjoni u taħriġ vokazzjonali, tiżgura aktar inklużjoni soċjali u tittratta l-faqar u d-diskriminazzjoni, iżżid il-kapaċità tal-istituzzjonijiet tal-gvern u tal-ġudikatura. Il-FSIE se jintużaw biex jingħata sostenn lil aktar minn 5 700 persuna f’impjieg, lil aktar minn 24 000 persuna fl-edukazzjoni u t-taħriġ u lil aktar minn 8 500 persuna li se jkunu qed jieħdu sehem fi proġetti ta’ inklużjoni soċjali. Dawn il-miżuri se jgħinu lill-pajjiż biex jilħaq il-miri tiegħu ta’ Ewropa 2020 (iż-żieda tal-impjiegi għal 70% u r-rata ta' akkwist ta' edukazzjoni terzjarja għal 33%, tnaqqis fl-abbandun bikri tal-iskola minn 33.5% għal 10%, u l-ħruġ ta' madwar 6 560 persuna mill-kategorija ta' riskju ta' faqar jew ta' esklużjoni soċjali).
Użu ta’ strumenti finanzjarji u għodod territorjali
L-ammont ta’ fondi għal strumenti finanzjarji għandu aktar milli jittriplika meta mqabbel mal-2007-2013, għal EUR 34 miljun. Malta qed tikkontribwixxi EUR 15-il miljun għall-inizjattiva tal-SMEs.
Hi allokat 5.2% tal-finanzjament tal-FEŻR għall-iżvilupp urban sostenibbli (b’enfasi partikolari fuq il-preservazzjoni ta’ assi nazzjonali kulturali u storiċi), għat-titjib tal-opportunitajiet ta’ impjiegi f’żoni soċjalment deprivati madwar in-naħa t'isfel tal-port fil-Belt Valletta, u għall-appoġġ lir-riġenerazzjoni ekonomika u soċjali ta’ komunitajiet deprivati li jinsabu f’komunitajiet urbani u rurali.
Informazzjoni prinċipali
Politika ta’ koeżjoni (FSE, FEŻR, FK) |
FAEŻR |
FEMS |
ETC |
|
Nru ta’ programmi |
3 (nazzjonali) |
1 |
1 |
3 |
Fondi disponibbli (EUR) |
707 989 554 |
97 326 898 |
22 627 422 |
486 688 291 23 |
2. Prekondizzjonijiet għal użu effettiv u effiċjenti tal-FSIE
Ħamsa mill-11-il kondizzjonalità ex ante (EACs) tematiċi għadhom ma ġewx sodisfatti, li minnhom tlieta huma kruċjali għall-programmi tal-FEŻR u tal-FK. Dawn jirrigwardaw (1) l-iżvilupp ta’ strateġija ta’ speċjalizzazzjoni intelliġenti, (2) l-implimentazzjoni ta’ politika ta’ rkupru tal-kost għas-settur tal-ilma, u (3) l-iżvilupp ta’ pjan komprensiv, li jinkludi sensiela ta’ proġetti maturi. Ħamsa mill-EACs tematiċi rilevanti għall-programm tal-FSE għadhom ma twettqux, iżda sar qbil dwar pjan ta' azzjoni u dawn issa ġew sodisfatti. Attwalment qed jiġi implimentat pjan ta' azzjoni għall-EAC dwar is-sistema tal-istatistika. L-EAC speċifiku għall-FEMS dwar ir-rapportar dwar il-kapaċità tas-sajd twettaq parzjalment (pjan ta' azzjoni jinsab fis-seħħ). Madankollu, għadhom ma twettqux l-EACs speċifiċi għall-FAEŻR relatati mal-prevenzjoni u l-immaniġġjar tar-riskji, l-effiċjenza u l-użu tal-enerġija u tal-ilma u l-kwalità tal-ICT.
3. Immaniġġjar tal-FSIE
It-tliet programmi tal-FEŻR, FK, FSE se jiġu implimentati mill-istess awtorità ta’ mmaniġġjar — id-Diviżjoni tal-Koordinazzjoni għall-Ippjanar u l-Prijoritajiet fi ħdan il-Ministeru tal-Affarijiet Ewropej u l-Implimentazzjoni tal-Manifest Elettorali (MEAIM). Il-programmi tal-FAEŻR u tal-FEMS qegħdin jiġu mmaniġġjati mill-istess Ministeru. Din is-sistema ta’ mmaniġġjar ċentralizzat ħafna tiffaċilita l-koordinazzjoni ta’ programmi differenti.
4. Simplifikazzjoni għall-benefiċjarji
Il-benefiċjarji u l-applikanti potenzjali jistgħu jiksbu parir minn ħelpdesk ta’ informazzjoni komuni li hi operata b’mod konġunt mid-diviżjoni tal-koordinazzjoni għall-ippjanar u l-prioritajiet u mid-diviżjoni tal-fondi u tal-programmi tal-MEAIM. Is-servizzi offruti mill-ħelpdesk, li kienu diġà qed joperaw fil-perjodu ta’ programmar 2007-2013, se jiġu estiżi biex ikopru l-FSIE kollha. Il-mira hi li tkun tista' tiġi offruta lill-applikanti prospettivi, il-benefiċjarji u l-pubbliku ġenerali linja diretta ta’ komunikazzjoni (inkluża permezz ta’ email) mal-awtoritajiet ta’ mmaniġġjar, li permezz tagħha jkunu jistgħu jitolbu informazzjoni dwar kwistjonijiet ġenerali jew speċifiċi.
1. FSIE fin-Netherlands
Sfidi ekonomiċi u soċjali fil-kuntest tal-FSIE
Minkejja l-irkupru ekonomiku muri fin-Netherlands, il-pajjiż għad għandu numru ta’ kwistjonijiet importanti li għadhom iridu jiġu indirizzati. Għad fadallu ħafna biex jilħaq il-miri tiegħu ta’ Ewropa 2020 fl-investiment fir-R&I, fl-użu tal-enerġija rinnovabbli, fl-implimentazzjoni tal-miżuri għall-iffrankar tal-enerġija, fir-rata ta’ parteċipazzjoni fis-suq tax-xogħol u fl-inklużjoni soċjali. Għalhekk meħtieġ li tal-anqas jinżammu l-isforzi attwali, jekk ma jiżdidux ukoll. Ir-rakkomandazzjonijiet ta’ politika tas-Semestru Ewropew jirriflettu diversi minn dawn il-kwistjonijiet. Peress li n-Netherlands jirċievu allokazzjoni tal-FSIE relattivament modesta, il-programmi tagħhom se jkunu ffukati fuq l-għajnuna għall-pajjiż biex jintlaħqu l-miri tiegħu ta’ Ewropa 2020.
Prijoritajiet ewlenin u riżultati
Il-finanzjament tal-FSIE se jgħin biex jissaħħaħ il-potenzjal għall-innovazzjoni fin-Netherlands billi jiġu ffinanzjati miżuri ddisinjati biex jistimulaw l-investiment tan-negozji fir-R&I. Dawn jinkludu strateġiji għall-iżvilupp ta' rbit bejn in-negozji u l-istituti tar-R&Ż u miżuri biex jingħata appoġġ lill-innovazzjoni miftuħa permezz tal-ispeċjalizzazzjoni intelliġenti. B’mod partikolari se jissaħħu l-bidliet minn qasam għall-ieħor bejn is-setturi identifikati fl-istrateġiji ta’ speċjalizzazzjoni intelliġenti reġjonali. Madwar EUR 355 miljun ġew allokati għal dan il-qasam ta’ politika u l-miżuri mistennija li jżidu l-intensità tar-R&I fl-SMEs u li jtejbu l-użu tal-innovazzjonijiet. Il-miżuri jimmiraw biex jappoġġjaw 2 900 negozju u l-investiment tal-FSIE mistenni li jiġġenera EUR 305 miljun addizzjonali f'investiment privat fir-R&I. Il-finanzjament tal-FSIE ta' EUR 163 miljun se jkun ukoll allokat lill-miżuri ddisinjati li jżidu l-kompetittività ta' 2 800 SMEs fis-setturi tal-agrikoltura, is-sajd u l-akkwakultura.
Il-finanzjament tal-FSIE ta’ EUR 462 miljun se jiġi investit fil-promozzjoni tal-inklużjoni attiva u fil-ħolqien ta’ impjiegi ta’ kwalità għolja u sostenibbli. L-akbar parti ta’ dan it-total se tiġi allokata lill-mogħdijiet ta’ integrazzjoni tax-xogħol imfassla biex jgħinu lil gruppi esklużi jerġgħu lura għas-suq tax-xogħol u għat-taħriġ, taħriġ mill-ġdid u taħriġ individwali. Il-fondi li jifdal se jintużaw għal miżuri dwar anzjanità attiva u b’saħħitha tal-forza tax-xogħol u l-adattament ta’ ambjenti tax-xogħol u tal-kondizzjonijiet sabiex jippermettu lin-nies jibqgħu jaħdmu għal żmien itwal. Bis-saħħa ta’ dawn il-miżuri madwar 27 500 persuna huma mistennija li jsibu impjieg jew li jirċievu edukazzjoni li twassal għall-kwalifiki. Barra minn hekk, parti mit-total se tgħin biex jiġi ffinanzjat it-taħriġ għal dawk li jaħdmu fis-settur tal-agrikoltura, bil-mira li jitjieb l-użu tal-innovazzjoni.
Il-FSIE allokati għall-politika ambjentali se jintużaw primarjament biex jiffinanzjaw miżuri ta’ appoġġ lis-setturi agrikoli, tas-sajd u tal-akkwakultura. Madwar EUR 358 miljun se jiġu investiti f’miżuri biex jirrestawraw, jippreservaw u jsaħħu l-ekosistemi affettwati minn attivitajiet agrikoli, bl-għan li tittejjeb is-sostenibbiltà ambjentali tas-settur agrikolu u jiġu appoġġjati l-adattamenti meħtieġa minħabba t-tibdil fil-klima. Il-kuntratti ta’ mmaniġġjar ta’ 5.9% taż-żona agrikola utilizzata se jitolbu prattiki ta’ mmaniġġjar li jappoġġjaw il-bijodiversità u l-protezzjoni ta’ żoni naturali. Kuntratti li jkopru 5.9% tal-art agrikola se jeħtieġu prattiki ta' mmaniġġjar biex jappoġġjaw l-iżvilupp ta' mmaniġġjar sostenibbli tal-ilma. Il-Fondi se jikkontribwixxu wkoll EUR 15-il miljun għall-prevenzjoni tar-riskju fis-settur agrikolu, billi jiġi promoss l-użu ta’ assigurazzjoni għal kull tip ta’ temp mill-bdiewa u b’hekk jiġu mmirati 1 500 bidwi addizzjonali. EUR 76 miljun se jiġu investiti f’innovazzjonijiet maħsuba biex jagħmlu s-sajd u l-akkwakultura aktar sostenibbli u biex itejbu l-ekosistemi marini u l-bijodiversità akkwatika. Dan se jgħin biex jiġi protett l-ambjent u biex tiġi promossa l-effiċjenza tar-riżorsi u, speċifikament, biex jitnaqqsu l-qabdiet mhux mixtieqa b’25%.
In-Netherlands se jużaw ukoll il-FSIE biex jiġi appoġġjat ix-xift lejn ekonomija effiċjenti fl-użu tar-riżorsi u b’livell baxx ta’ karbonju. EUR 121 miljun se jiġu investiti f’azzjonijiet marbuta direttament mal-enerġija rinnovabbli u mal-effiċjenza fl-enerġija. Il-miżuri li għandhom jiġu ffinanzjati jinkludu l-iżvilupp ta’ prototipi ta’ teknoloġiji innovattivi b’livell baxx ta’ karbonju u d-dimostrazzjoni u l-użu bi prova ta’ dawn it-teknoloġiji, sabiex jippermettu l-użu ta' prodotti ġodda fuq skala wiesgħa fil-futur. Hu mistenni li madwar EUR 535 miljun, jew 31% tal-finanzjament totali tal-FSIE allokati lin-Netherlands, se jintużaw biex jiffinanzjaw miżuri maħsuba biex jiġi indirizzat it-tibdil fil-klima.
Użu ta’ strumenti finanzjarji u għodod territorjali
Il-finanzjament tal-FSIE użat biex jinħolqu strumenti finanzjarji bħal self, garanzija u fondi ta' ekwità hu mistenni li jiżdied għal EUR 63 miljun, minn EUR 30 miljun fil-perjodu ta' programmar tal-2007-2013. Dan se jkun dirett lejn l-investiment f'miżuri ddisinjati biex tiżdied l-intensità tar-R&I fin-negozji u f'miżuri biex titjieb l-effiċjenza fl-enerġija tal-bini.
Il-Fondi se jinvestu EUR 110 miljun fi żvilupp urban sostenibbli fl-erba' bliet ewlenin: Amsterdam, L-Aja, Rotterdam u Utrecht. L-investiment se jiffinanzja miżuri ddisinjati biex jittrattaw in-nuqqas ta' tqabbil li attwalment jeżisti bejn il-provvista u d-domanda fis-suq tax-xogħol u se jkun integrat fi strateġiji usa' li jindirizzaw l-isfidi soċjali, ekonomiċi, demografiċi u ambjentali ffaċċjati f'xi żoni urbani. Barra minn hekk, l-iżvilupp lokali mmexxi mill-komunità se jgħin biex isaħħaħ is-sħubiji lokali. B'mod partikolari, EUR 42 miljun għandhom jiġu investiti fi strateġiji ta' żvilupp lokali ddisinjati biex tiżdied id-diversifikazzjoni soċjoekonomika fiż-żoni rurali. Dawn l-istrateġiji huma mistennija li jaffettwaw 65% tal-popolazzjoni rurali.
Informazzjoni prinċipali
Politika ta’ koeżjoni (FSE, FEŻR) |
FAEŻR |
FEMS |
ETC |
|
Nru ta’ programmi |
5 (1 nazzjonali, 4 reġjonali) |
1 |
1 |
7 |
Fondi disponibbli (EUR) |
1 014 636 456 |
765 285 360 |
101 523 244 |
1 300 772 210 24 |
2. Prekondizzjonijiet għal użu effettiv u effiċjenti tal-FSIE
In-Netherlands issodisfaw kważi l-kondizzjonalitajiet ex ante (EACs) kollha relatati mal-appoġġ mill-FSIE. Iż-żewġ EACs li ġew biss parzjalment sodisfatti sal-lum huma (1) l-EAC tematiċi dwar il-promozzjoni ta’ titjib kosteffettiv tal-effiċjenza fl-użu finali tal-enerġija u l-investiment kosteffettiv fl-effiċjenza fl-enerġija meta jinbena jew jiġi rinnovat bini, u (2) l-EAC ġenerali dwar sistemi statistiċi u indikaturi tar-riżultati. Sar qbil dwar pjanijiet ta' azzjoni biex jitwettqu dawn l-EACs.
3. Immaniġġjar tal-FSIE
In-numru ta' programmi fis-seħħ ma nbidilx mill-perjodu ta' programmar tal-2007-2013 'l hawn. Is-sistema għall-immaniġġjar tat-twassil ta' proġetti ffinanzjati mill-FSIE hi ġeneralment stabbli u ta' min joqgħod fuqha. In-Netherlands waqqfu sistemi biex jikkoordinaw il-monitoraġġ u l-evalwazzjoni tal-miżuri ffinanzjati mill-FSIE. Qed jiġu żviluppati mekkaniżmi biex tiġi żgurata koordinazzjoni mill-qrib bejn Orizzont 2020 u l-FSIE.
4. Simplifikazzjoni għall-benefiċjarji
In-Netherlands se jnaqqsu l-piż amministrattiv għall-benefiċjarji bl-użu ta’ opzjonijiet ta’ kosti ssimplifikati bħal rati fissi għall-ispejjeż tax-xogħol. It-titjib fl-immaniġġjar onlajn tal-FSIE u tal-iskambju ta' informazzjoni onlajn bejn il-benefiċjarji u l-korpi ta' mmaniġġjar għandu wkoll jgħin biex jiġu ssimplifikati l-proċeduri għall-benefiċjarji. L-awtoritajiet tan-Netherlands attwalment qed jesploraw modi addizzjonali li permezz tagħhom huma jistgħu jissimplifikaw is-sistemi fis-seħħ sabiex jgħinu lill-benefiċjarji.
1. FSIE fil-Polonja
Sfidi ekonomiċi u soċjali fil-kuntest tal-FSIE
Għalkemm l-ekonomija tal-Polonja affrontat il-kriżi ekonomika b'mod tajjeb, numru ta' preokkupazzjonijiet importanti jeħtiġilhom jiġu indirizzati. L-ewwel waħda hi relatata mal-kapaċità tal-pajjiż biex javvanza fil-katina tal-valur miżjud. Is-suq tax-xogħol tal-Polonja qed jiġi mminat minn rata ta' parteċipazzjoni baxxa u minn nuqqas ta' tqabbil bejn il-provvista u d-domanda għal ħiliet. Il-konġestjonijiet fit-trasport, in-netwerks tal-enerġija u tal-ICT u l-effiċjenza u l-effettività baxxi tal-infurzar ġudizzjarju qed ifixklu wkoll it-tkabbir potenzjali. Il-Polonja qed taqa’ lura fi wħud mill-miri ewlenin ta' UE 2020: iż-żieda fl-infiq tar-R&I, it-tisħiħ tal-impjiegi, u t-twettiq tal-miri tal-enerġija. Dawn il-kwistjonijiet huma riflessi fir-rakkomandazzjonijiet ta’ politika tas-Semestru Ewropew. Ammont sinifikanti ta’ finanzjament (żewġ terzi tal-allokazzjoni tal-FSE tal-pajjiż u 45% ta’ finanzjament tal-FEŻR u tal-FK) qed jiġi kkonċentrat f’dawn l-oqsma.
Prijoritajiet ewlenin u riżultati
Il-finanzjament tal-FSIE se jkun allokat biex jitjiebu l-innovazzjoni u l-kompetittività tal-ekonomija u biex jissaħħu r-rabtiet bejn ir-R&I u l-politiki industrijali. EUR 8.4 biljun ta’ investiment huma mistennija li jġibu żieda fin-nefqa privata u pubblika tar-R&Ż minn 0.9% tal-PDG għal 1.7%. Kwart ta’ din il-bidla hu r-riżultat dirett tal-FSIE. Il-miżuri se jippromwovu b'mod attiv l-infiq privat tar-R&I, bil-mira li jgħolluh minn 0.3% għal 0.8% tal-PDG. Il-kondizzjonijiet marbuta mal-finanzjament se jiżguraw li l-appoġġ għall-innovazzjoni hu dirett lejn l-oqsma u l-għodod fejn ikunu tal-akbar benefiċċju.
Il-finanzjament ta' EUR 10.8 biljun tal-FSIE allokati biex jappoġġjaw l-SMEs u l-impriżi tal-agrikoltura u tas-sajd se jgħin biex tiżdied ir-rata ta' investiment fis-settur privat (minn 12.3% għal 13.4%) u biex tiżdied il-produttività u l-valur miżjud. Se jintuża wkoll biex jiffinanzja l-ipprovdir ta' sevizzi mfasslin apposta għal kumpaniji u biex jagħmel l-amministrazzjoni għan-negozji aktar effiċjenti, bil-mira li jitjieb l-ambjent tan-negozju.
Il-FSIE se jgħinu biex jiffinanzjaw miżuri ddisinjati biex itejbu l-impjegabbiltà, b'mod partikolari fost in-nisa, iż-żgħażagħ u ħaddiema anzjani. EUR 5.7 biljun ta' investiment f'politiki attivi dwar is-suq tax-xogħol se jgħinu biex tiżdied ir-rata tal-impjiegi fost in-nisa għal 62.3% (minn 57.6%) u fost l-irġiel għal 79.8% (minn 71.1%). Aktar minn 8 miljun individwu fil-Polonja huma mistennija li jibbenefikaw minn miżuri ffinanzjati mill-FSE relatati mal-iżvilupp tal-kapital uman. Hu ttamat li l-politiki se jgħinu lill-pajjiż biex jilħaq il-mira tiegħu ta' Ewropa 2020 għall-impjiegi. Ir-rata ta’ impjiegi f’żoni rurali mistennija tiżdied b’madwar 4 punti perċentwali. Il-fondi se jintużaw ukoll biex itejbu l-aċċess għaċ-childcare. Total ta’ 76% ta’ tfal ta’ età bejn 3-4 snin se jibbenefikaw minn servizzi ta’ childcare, kif imqabblin ma’ 59.3% fl-2012 (b’14% ta’ din il-bidla dovuti għal miżuri ffinanzjati mill-FSIE).
Billi diġà sar progress tajjeb fit-titjib tar-rata tal-kisba tal-edukazzjoni terzjarja u fit-tnaqqis tal-abbandun bikri tal-iskola, il-finanzjament tal-FSIE qed jiġi indirizzat lejn miżuri biex jiġu adattati aħjar il-ħtiġijiet tal-edukazzjoni mas-suq tax-xogħol u sabiex tiġi aġġustata l-provvista tal-ħiliet mad-domanda. Il-mira hi li tingħata għajnuna biex tiżdied il-parteċipazzjoni adulta fit-tagħlim tul il-ħajja minn 4.3% għal 6.4% (b'27% ta' din il-bidla mistennija dovuti għall-FSIE). Il-FSIE se jappoġġjaw ukoll miżuri biex jitnaqqas il-faqar u tiġi promossa l-inklużjoni soċjali, li l-għan tagħhom hu li jitnaqqas il-proporzjon tal-persuni fir-riskju tal-faqar jew tal-esklużjoni soċjali minn 26.7% għal 20.9%.
Il-FSIE se jgħinu biex jiġi ffinanzjat it-twettiq tal-objettivi tal-enerġija u tat-tibdil fil-klima. EUR 9.5 biljun se jipprovdu 40% tal-investiment meħtieġ biex titwettaq il-mira tat-tnaqqis fl-emissjonijiet tal-gass b'effett serra. Xi wħud mill-fondi allokati għal dan il-qasam se jiġu investiti fil-ġenerazzjoni tal-enerġija minn sorsi rinnovabbli u l-effiċjenza fl-enerġija tul il-katina tal-enerġija, u b’hekk jikkontribwixxu wieħed minn kull għaxra taż-żieda mistennija fil-proporzjon tal-enerġija minn sorsi rinnovabbli (minn 11% għal 15%) u fit-tnaqqis fil-konsum tal-enerġija primarja b'14-il Mtoe mil-livelli tal-2005.
EUR 1 biljun mill-FSIE investit fi strateġiji relatati mal-broadband tal-internet se jaċċellera t-twessigħ tal-kopertura tal-broadband u se titnaqqas id-diviżjoni bejn iż-żoni urbani u dawk rurali. Il-kontribuzzjoni tal-FSIE għal bidla mistennija fil-kopertura ta’ mill-anqas 30 Mb/i minn 49% għal 100% (taqbeż il-mira tal-Aġenda Diġitali) hi stmata għal 16%.
EUR 23.8 biljun huma allokati għall-politika dwar it-trasport biex jitlestew in-netwerks TEN-T u tiżdied l-aċċessibilità tal-pajjiż (b'żieda mistennija fl-indiċi ta’ aċċessibilità intermodali minn 0.34 għal 0.37). Din l-allokazzjoni se tiffinanzja l-kostruzzjoni ta’ aktar minn 800 km ta’ highways u expressways kif ukoll l-immodernizzar ta’ aktar minn 500 km ta’ linji ferrovjarji. EUR 10 biljun ta’ investiment fil-ferroviji se jtejbu l-kompetittività tal-Polonja billi jnaqqsu l-medja ta’ ħin ta’ vjaġġar bejn l-ibliet kapitali reġjonali minn 5.5 sigħat għal 3.7 sigħat. EUR 8.5 biljun se jkunu allokati għat-titjib tal-immaniġġjar tal-iskart u tal-ilma. Il-proporzjon ta’ skart mhux mormi fil-miżbliet se jiżdied minn 20% għal 49%, b’nofs din iż-żieda direttament dovuti għall-FSIE. Sal-2020, 73% tal-popolazzjoni se jkunu konnessi man-netwerk tad-drenaġġ (68% fl-2012), b’93% tal-bidla permezz tal-FSIE.
Użu ta’ strumenti finanzjarji u għodod territorjali
Parti kbira tal-allokazzjoni tal-FSIE tal-Polonja (EUR 3.4 biljun) se tintuża għal strumenti finanzjarji prinċipalment immirati lejn l-innovazzjoni u l-kompetittività, l-SMEs u l-effiċjenza fl-enerġija.
Il-programmi se jużaw l-istrumenti territorjali disponibbli. Kunsilli lokali se jimmaniġġjaw EUR 2.4 biljun allokati għal żvilupp urban sostenibbli u r-riġenerazzjoni ekonomika u soċjali. Il-miżuri se jiġu implimentati prinċipalment permezz ta’ investiment territorjali integrat. L-iżvilupp lokali mmexxi mill-komunità se jgħin biex issaħħaħ is-sħubiji lokali.
Informazzjoni prinċipali
Politika ta’ koeżjoni (FSE, FEŻR, FK, YEI) |
FAEŻR |
FEMS |
ETC |
|
Nru ta’ programmi |
22 (6 nazzjonali, 16 reġjonali) |
1 |
1 |
11 |
Fondi disponibbli (EUR) |
76 866 461 337 |
8 697 556 814 |
531 219 456 |
1 563 425 602 25 |
2. Prekondizzjonijiet għal użu effettiv u effiċjenti tal-FSIE
Xi oqfsa strateġiċi msemmija fil-pjanijiet ta’ azzjoni miftehmin għadhom ma ġewx prodotti. Dawn l-oqfsa jistgħu wkoll jappoġġjaw l-implimentazzjoni tar-rakkomandazzjonijiet ta’ politika tas-Semestru Ewropew. B'aktar involviment tan-negozji fit-tfassil tal-politika, l-ispeċjalizzazzjoni intelliġenti se tippermetti li jiġu kkonċentrati r-riżorsi u li jittejjeb l-immirar ta' appoġġ. Hu essenzjali li jiġu identifikati l-ħtiġijiet tal-kura tas-saħħa u li tiġi żviluppata sistema għal koordinazzjoni biex tittejjeb l-effiċjenza tal-investiment. Pjanijiet globali għall-immaniġġjar tal-iskart u għat-trasport reġjonali se jgħinu sabiex ikun żgurat li proġetti individwali jitwasslu b'mod aktar effettiv.
3. Immaniġġjar tal-FSIE
Il-miżuri mmirati se jintużaw biex jiġu żviluppati l-kapaċitajiet amministrattivi tas-settur tal-ferrovija, biex tiġi implimentatata l-liġi tal-akkwist pubbliku u tal-ambjent, biex tiġi mmaniġġjata l-għajnuna tal-istat u biex tittejjeb l-effettività tal-attività kontra l-frodi. L-implimentazzjoni tal-Fondi kompliet tiġi deċentralizzata permezz tal-ħolqien ta' programmi reġjonali b'diversi fondi u l-użu miżjud tal-istrumenti territorjali. Il-Kumitat ta’ Koordinazzjoni ta' Ftehim ta’ Sħubija se jkollu rwol ċentrali fil-koordinazzjoni tal-politiki ta' investiment. Hu se jistabbilixxi linji gwida u l-kisbiet fil-livell nazzjonali u reġjonali se jitqabblu mal-miri ta' Ewropa 2020.
4. Simplifikazzjoni għall-benefiċjarji
Il-Polonja hi impenjata li żżid l-użu ta’ strumenti finanzjarji, ħlasijiet bil-quddiem u kosti ssimplifikati. L-ippjanar ta’ sejħiet għal proposti fuq bażi annwali se joħloq aktar ċertezza u se jgħin sabiex jiffaċilita l-ippjanar ta’ proġetti. Il-ħolqien ta' talba għall-pagament standard għall-programmi kollha għandu jissimplifika l-immaniġġjar finanzjarju.
1. FSIE fil-Portugall
Sfidi ekonomiċi u soċjali fil-kuntest tal-FSIE
F'Ġunju 2014, il-Portugall b'suċċess ħareġ mill-programm ta' aġġustament ekonomiku tiegħu ta' tlitt snin u rritorna għaċ-ċiklu regolari tal-monitoraġġ ekonomiku tal-UE. F'Lulju 2014 il-Portugall irċieva tmien rakkomandazzjonijiet speċifiċi għall-pajjiż. L-aktar rilevanti għall-intervent tal-FSIE jikkonċerna s-suq tax-xogħol u l-inklużjoni soċjali, l-edukazzjoni, it-taħriġ u t-trasferiment tal-għarfien, is-settur finanzjarju (inkluż l-aċċess tal-SMEs għal finanzi), l-industriji tan-netwerks (l-enerġija u t-trasport), il-modernizzazzjoni tal-amministrazzjoni pubblika (notevolment biex jiżdiedu l-effiċjenza u l-kwalità tas-sistema tal-ġustizzja), inklużi t-tnaqqis fil-piż amministrattiv, l-ambjent ta' negozju, u l-evalwazzjoni tar-riformi.
Prijoritajiet ewlenin u riżultati
L-assistenza tal-FSIE fl-2014-2020 hi bbażata fuq erba' oqsma tematiċi ewlenin (il-kompetittività u l-internazzjonalizzazzjoni, l-inklużjoni soċjali u l-impjiegi, il-kapital uman, u s-sostenibbiltà u l-effiċjenza fl-użu tar-riżorsi) u żewġ dimensjonijiet transversali (relatati mar-riforma tal-amministrazzjoni pubblika u l-intervent integrat fil-livell territorjali).
Il-Fondi se jtejbu l-imprenditorija u l-innovazzjoni tan-negozju – parzjalment bl-iżvilupp tal-ekonomija elettronika u bit-trawwim tal-aċċess tal-SMEs għal finanzjament u bis-servizzi avvanzati tan-negozji – u se jżidu l-kompetittività ekonomika billi jsaħħu l-produzzjoni ta' prodotti u servizzi kummerċjabbli. Għalhekk, hu mistenni li madwar 24 000 intrapriża se jiġu appoġġjati, li madwar 2 000 minnhom għandhom ikunu kumpaniji ġodda.
Bl-appoġġ tal-FSIE, in-nefqa tar-R&Ż hi mistennija li tilħaq 2.7-3.3% tal-PDG (1.5% fl-2013), billi ssaħħaħ it-trasferiment tal-għarfien tar-R&Ż bejn l-akkademja u n-negozji, bit-tisħiħ tas-sistemi tar-riċerka u tal-innovazzjoni fl-intrapriżi, u bl-iżvilupp ta' ambjent ta' negozju li jiffaċilita l-innovazzjoni.
Se tittieħed azzjoni biex jiġi ttrattat il-qgħad (aktar minn 80 000 persuna bla xogħol u inattivi huma mistennija li jipparteċipaw fil-miżuri biex jitħaffef l-aċċess għall-impjiegi u sa 211 400 żagħżugħ/a se jibbenefikaw mill-YEI), biex tittejjeb il-kwalità tal-edukazzjoni u tat-taħriġ u biex ikun hemm tqabbil aħjar għad-domanda tas-suq tax-xogħol, billi jogħlew il-kwalifiki u l-ħiliet tal-forza tax-xogħol attiva u billi jonqos l-abbandun bikri tal-iskola. L-impjiegi fost dawk bl-età ta' 20-64 sena huma mistennija li jilħqu 75% (65.4% fl-2013), l-edukazzjoni terzjarja jew ekwivalenti sħiħa minn dawk fl-età ta' 30-34 għandha tiżdied għal 40% (30% fl-2013) u l-abbandun bikri tal-iskola hu antiċipat li jinżel għal 10% (18.9% fl-2013). Il-FSIE se jimmiraw ukoll biex inaqqsu l-faqar billi jtejbu l-aċċess għas-servizzi u jappoġġjaw l-ekonomija soċjali, billi jgħinu sabiex jonqos b'200 000 in-numru ta' persuni fir-riskju ta' faqar jew ta' esklużjoni.
Il-Fondi se jappoġġjaw ix-xift lejn ekonomija b’livell baxx ta’ karbonju u effiċjenti fir-riżorsi billi jippromwovu l-effiċjenza fl-enerġija u l-immaniġġjar tar-riżorsi naturali. Dan hu mistenni li jżid is-sehem tal-enerġija rinnovabbli fil-konsum gross finali tal-enerġija għal 31% (24.6% fl-2013), jillimita ż-żieda fl-emissjonijiet tal-gassijiet serra għal +1 % meta mqabbel mal-2005 (-12% fl-2013 26 ) u li jtejjeb l-effiċjenza fl-enerġija fil-konsum tal-enerġija primarja b’20% meta mqabbel mal-2005 (24.6% fl-2013). Prattiki tas-sajd aktar sostenibbli se jtejbu l-ekosistemi marini u l-bijodiversità akkwatika u se jnaqqsu qabdiet mhux mixtieqa b'10% u se jżidu l-produzzjoni tal-akkwakultura organika (+ 25 000 t).
Barra minn dan, il-finanzjament se jikkontribwixxi għall-modernizzazzjoni tal-amministrazzjoni pubblika permezz tal-bini tal-kapaċità u tal-investiment fl-iżvilupp tar-riżorsi umani u l-governanza elettronika.
Fl-agrikoltura u fl-iżvilupp rurali, il-Fondi se jippromwovu t-trasferiment tal-għarfien u l-innovazzjoni fl-agrikoltura u l-forestrija (madwar 3% tal-finanzjament totali), u l-effiċjenza fir-riżorsi u x-xift lejn ekonomija b’livell baxx ta’ karbonju u reżiljenti għall-klima fl-agrikoltura, fl-ikel u fil-forestrija (22% tal-finanzjament totali tal-FAEŻR). L-appoġġ għall-SMEs tal-agrikoltura u tas-sajd se jikkontribwixxi għat-tkabbir sostenibbli u jappoġġja l-ekonomija marittima u s-swieq tax-xogħol f’komunitajiet kostali.
Użu ta’ strumenti finanzjarji u għodod territorjali
L-użu ta’ finanzjament mgħoddi permezz tal-istrumenti finanzjarji skont il-programmi tal-politika ta' koeżjoni hu mistenni li jiżdied għal aktar minn erba' darbiet meta mqabbel mal-perjodu ta' programmar preċedenti, għal aktar minn EUR 2.6 biljun. L-iskop ta’ intervent bħal dan se jiġi estiż lil hinn mill-appoġġ għal kompetittività tal-SMEs u tar-riġenerazzjoni urbana biex jinkludi l-effiċjenza fl-enerġija u l-enerġiji rinnovabbli, l-immaniġġjar tal-ilma, l-appoġġ għal dawk li jaħdmu għal rashom u għal mikrokumpaniji, u t-tisħiħ tas-suq tal-investiment permezz tal-innovazzjoni soċjali u tal-intraprenditorija.
Il-programmi reġjonali kontinentali tal-Portugall jipprevedu kemm l-użu ta’ investimenti territorjali integrati (ITIs) li se jiġu żviluppati permezz ta’ “patti għall-iżvilupp u l-koeżjoni territorjali”, kif ukoll l-iżvilupp lokali mmexxi mill-komunità permezz ta' strateġiji ta' żvilupp lokali multisettorjali integrati ddisinjati u implimentati mill-gruppi ta' azzjoni lokali u mill-gruppi ta' azzjoni lokali tas-sajd. L-ITIs f’Liżbona u f'Porto se jiffinanzjaw azzjonijiet ta’ żvilupp urban sostenibbli integrat kumplementati minn assi speċifiċi fi programmi reġjonali kontinentali.
Informazzjoni prinċipali
Politika ta’ koeżjoni (FSE, FEŻR, FK, YEI) |
FAEŻR |
FEMS |
ETC |
|
Nru ta’ programmi |
12 (4 tematiċi, 7 reġjonali, 1 TA) |
3 |
1 |
7 |
Fondi disponibbli (EUR) |
21 342 542 314 |
4 058 460 374 |
392 485 464 |
1 189 200 304 27 |
2. Prekondizzjonijiet għal użu effettiv u effiċjenti tal-FSIE
Minn 11-il kondizzjonalità ex ante (EACs) tematiċi, sebgħa mhumiex issodisfatti, li tlieta minnhom jistgħu jitqiesu kritiċi. L-aktar serja tikkonċerna l-leġiżlazzjoni attwalment fis-seħħ li tipprevjeni t-traspożizzjoni korretta tad-direttiva dwar l-effiċjenza fl-enerġija tal-bini. EACs mhux sodisfatti oħrajn jinkludu l-metodoloġija tal-ipprezzar tal-ilma u t-trasport, fejn sensiela realistika u matura ta’ proġetti għandhom jiġu ppreżentati. L-implimentazzjoni tal-pjanijiet ta’ azzjoni adottati se tiġi mmonitorjata mill-qrib.
3. Immaniġġjar tal-FSIE
Il-koordinazzjoni bejn il-FSIE se tiġi żviluppata aktar f’erba’ oqsma ewlenin: l-integrazzjoni ta’ sistemi ta’ informazzjoni, il-monitoraġġ regolari u l-mekkaniżmi ta’ rappurtar, is-sistema ta' valutazzjoni ġenerali u n-netwerk ta’ monitoraġġ u ta' evalwazzjoni, u l-ħolqien ta’ portal b’aċċess uniku.
Tmienja mill-programmi tal-politika ta’ koeżjoni huma programmi b’diversi fondi, li jgħaqqdu flimkien l-użu tal-FEŻR/il-FK u l-FSE. Rigward Orizzont 2020, il-COSME u l-Faċilità Nikkollegaw l-Ewropa, azzjonijiet kumplementari, ħolqien ta' għarfien, informazzjoni u taħriġ għal benefiċjarji potenzjali se jiġu ffinanzjati biex jitħeġġu l-entitajiet nazzjonali sabiex jipparteċipaw f’dawn il-programmi.
4. Simplifikazzjoni għall-benefiċjarji
Is-simplifikazzjoni tal-proċeduri għall-benefiċjarji hi mira ewlenija tal-mudell ta’ governanza għall-perjodu ta’ programmar 2014-2020 u l-awtoritajiet Portugiżi għandhom l-intenzjoni li jadottaw regolamenti nazzjonali b’regoli u proċeduri aktar sempliċi għall-Fondi kollha, li jagħmlu użu akbar ta’ metodoloġiji ta' kosti ssimplifikati u li jtejbu s-sistema ta’ informazzjoni dedikata (punt waħdieni ta’ aċċess, informazzjoni aħjar għall-benefiċjarji, formoli elettroniċi).
1. FSIE fir-Rumanija
Sfidi ekonomiċi u soċjali fil-kuntest tal-FSIE
L-ekonomija tas-suq li qed tiżviluppa tar-Rumanija hi t-13 l-akbar ekonomija fl-UE bbażata fuq il-parità tal-kapaċità tal-akkwist. Huma biss 9.8% tal-kumpaniji tal-manifattura tagħha li joperaw f’setturi tat-teknoloġija medja/għolja-medja. L-aċċess għall-finanzi hu problema, speċjalment għall-SMEs, minħabba prezzijiet u rati tal-imgħax għoljin. In-nefqa tal-gvern tar-R&Ż bħala persentaġġ tal-PDG hi l-aktar baxxa fl-UE filwaqt li n-numru ta’ SMEs li jagħmlu innovazzjonijiet interni qed ikompli jonqos meta mqabbel mal-medja tal-UE. Is-servizzi pubbliċi onlajn huma relattivament sempliċi u l-istokk tal-bini għandu standards baxxi ta’ effiċjenza fl-enerġija. Ir-rati tar-riċiklaġġ tal-iskart u tar-rimi f’miżbliet huma bil-wisq ’il bogħod mill-miri tal-UE u l-implimentazzjoni tad-direttivi dwar l-ilma għax-xorb u l-iskart tal-ilma urban qed ikaxkru saqajhom. Sfidi oħra sinifikanti indirizzati fir-rakkomandazzjonijiet ta’ politika tas-Semestru Ewropew u rilevanti għall-intervent tal-FSIE jikkonċernaw it-trasport u l-enerġija, is-suq tax-xogħol, l-inklużjoni soċjali, it-tnaqqis tal-faqar, l-aċċess għall-kura tas-saħħa, il-gruppi vulnerabbli (b'mod partikolari r-Rom), l-edukazzjoni u t-taħriġ, il-kapaċità amministrattiva u s-sistema ġudizzjarja.
Prijoritajiet ewlenin u riżultati
Id-diskussjonijiet dwar il-Ftehim ta’ Sħubija u l-programmi għar-Rumanija wasslu għal prijoritajiet ta’ investiment aktar ċari, għal żieda fil-finanzjament tar-R&I, u għal approċċ ibbilanċjat għall-investimenti u għal objettivi tat-trasport allinjati aktar mal-miri nazzjonali tal-2020 u mar-rakkomandazzjonijiet ta' politika tas-Semestru Ewropew.
Investiment ta’ aktar minn EUR 1 biljun se jtejjeb il-kompetittività permezz tat-tisħiħ tar-rabtiet bejn l-oqsma tar-riċerka, l-innovazzjoni, l-ispeċjalizzazzjoni intelliġenti u s-setturi kompetittivi, u se jsaħħaħ it-trasferiment tat-teknoloġija. Il-finanzjament tal-FSIE hu mistenni li jżid il-kapaċità tal-parteċipazzjoni fir-riċerka fil-livell tal-UE u jogħla b'14-il punt perċentwali fin-nefqa tar-riċerka privata (bħala persentaġġ tal-PDG). Investimenti appoġġjati mill-programmi huma ddisinjati biex jirduppjaw l-iskala tal-kooperazzjoni bejn l-SMEs innovattivi, l-organizzazzjonijiet tar-riċerka u ċ-ċentri tat-trasferiment tat-teknoloġija. Permezz ta’ investiment ta’ EUR 0.53 biljun fl-ICTs, il-Fondi se jgħinu biex jirdoppja l-valur miżjud fis-settur tal-IT (relatat mal-PDG) u se jżidu n-numru tal-utenti tas-sistemi tal-gvern elettroniku għal 35% tal-popolazzjoni. EUR 3.12 biljun ta' appoġġ għall-SMEs, il-farms u l-kooperattivi agrikoli, u s-sajd u l-impriżi tal-akkwakultura, se jikkontribwixxu għall-immodernizzar, iż-żieda fir-rata tal-produttività u s-sopravivenza, u r-ristrutturar agrikolu. Il-volum ta’ produzzjoni tal-akkwakultura hu stmat li se jiżdied b’260%. L-investimenti fl-enerġija, it-tibdil fil-klima u l-effiċjenza tar-riżorsi se jibbenefikaw minn allokazzjoni ta’ EUR 10.9 biljun, li minnhom EUR 4.9 biljun allokati għall-preservazzjoni u l-protezzjoni tal-ambjent. L-investiment hu mistenni li jnaqqas bin-nofs il-konsum tal-enerġija għal bini residenzjali u b'terz għal dawl pubbliku, u biex jippromwovi mobilità urbana favur l-ambjent. Barra minn hekk, hu se jikkontribwixxi għal pajjiż aktar nadif u aktar effiċjenti fir-riżorsi billi jnaqqas bin-nofs l-iskart fil-miżbliet, iżid il-ġbir tal-ilma tad-dranaġġ, inaqqas l-użu tal-ilma u l-enerġija għall-irrigazzjoni, u jappoġġja prattiki ta' mmaniġġjar favur l-ambjent u l-klima.
Total ta’ EUR 6.13 biljun ta’ investiment fl-aċċessibilità tan-netwerks TEN-T u tat-trasport se jwassal għat-titjib ta' 400 km ta' linji tal-ferrovija, 325 km ta' toroq ġodda, 9 km ta' linji ġodda tal-metro u ħinijiet ta' vvjaġġar medji iqsar bit-toroq (42%) u bil-ferrovija (b'55%). Barra minn hekk EUR 0.9 biljun se jiġu investiti f’netwerk ta’ toroq reġjonali.
L-investiment biex tiżdied il-parteċipazzjoni fis-suq tax-xogħol (EUR 2.2 biljun) se jintuża biex tissaħħaħ ir-rata tal-impjiegi għal 70%, billi jimmira liż-żgħażagħ bla impjieg, bla edukazzjoni u bla taħriġ, u gruppi vulnerabbli oħrajn. Se tiġi appoġġjat wkoll id-diversifikazzjoni ekonomika f’żoni rurali. EUR 3.4 biljun se jkunu mmirati lejn il-promozzjoni tal-inklużjoni soċjali u l-ġlieda kontra l-faqar u d-diskriminazzjoni, billi jgħinu nies żvantaġġati (inklużi r-Rom) biex ikollhom aċċess għas-suq tax-xogħol u jtejbu s-saħħa u l-istatus soċjali. Se tingħata attenzjoni speċjali biex ikun ipprovdut aċċess għall-kura tas-saħħa u għas-servizzi soċjali tal-komunità u għad-deistituzzjonalizzazzjoni tat-tfal u tal-persuni b'diżabbiltà.
EUR 1.65 biljun se jintużaw għat-tnaqqis tal-abbandun bikri tal-iskola għal 11.3% u għaż-żieda fil-parteċipazzjoni fl-edukazzjoni terzjarja għal 26.7%. Hu wkoll previst appoġġ għall-modernizzazzjoni tal-infrastruttura edukattiva. B’mod ġenerali, l-investiment fil-kapital uman se jilħaq tal-anqas 3.5 miljun persuna.
EUR 0.8 biljun mill-Fondi se jikkontribwixxu għat-tisħiħ tal-kapaċità istituzzjonali tal-awtoritajiet pubbliċi; minn dan l-ammont, EUR 0.55 biljun se jappoġġjaw ir-riforma tal-amministrazzjoni pubblika u l-effettività tas-sistema tal-ġudikatura.
Użu ta’ strumenti finanzjarji u għodod territorjali
Proporzjon sinifikanti tal-investiment EUR 517 miljun (kważi erba' darbiet aktar mill-2007-2013) se jitwassal permezz ta’ strumenti finanzjarji (inkluża l-inizjattiva tal-SMEs implimentata mill-BEI). Dawn għandhom jimmiraw biex jgħinu lill-SMEs, il-farms u l-effiċjenza fl-enerġija billi jipprovdu ekwitajiet, self u garanziji fl-istadju bikri u ta' żvilupp.
Il-programmi jipprovdu EUR 1.18 biljun ta’ appoġġ għal żvilupp urban sostenibbli, xift lejn ekonomija b’livell baxx ta’ karbonju, protezzjoni ambjentali, riġenerazzjoni ta' komunitajiet deprivati, u jtejbu l-infrastruttura tal-edukazzjoni u tat-taħriġ. Il-Fondi se jimplimentaw l-investiment territorjali integrat ta' EUR 1 biljun fid-Delta tad-Danubju, territorju bi sfidi ambjentali u soċjoekonomiċi speċifiċi, u se jikkontribwixxu EUR 880 miljun lill-iżvilupp lokali mmexxi mill-komunità għaż-żoni urbani, rurali u li jiddependu fuq is-sajd.
Informazzjoni prinċipali
Politika ta’ koeżjoni (FSE, FEŻR, FK, YEI) |
FAEŻR |
FEMS |
ETC |
|
Nru ta’ programmi |
6 (nazzjonali) |
1 |
1 |
6 |
Fondi disponibbli (EUR) |
22 541 107 909 |
8 127 996 402 |
168 421 371 |
824 705 627 28 |
2. Prekondizzjonijiet għal użu effettiv u effiċjenti tal-FSIE
Dokumenti ta’ politika strateġiċi f’ċerti oqsma ta’ investiment għad iridu jitlestew jew jiġu implimentati bis-sħiħ. Pjan ewlieni għat-trasport, mappa tal-ħtiġijiet tal-infrastruttura tas-saħħa u pjanijiet għall-immaniġġjar tal-iskart se jiggwidaw l-investiment tal-infrastruttura, filwaqt li proċess sod ta’ skoperta intraprenditorjali se jqarreb ir-riċerka lejn in-negozji u tingħata spinta lill-innovazzjoni. Id-dokumenti tal-politika dwar l-inklużjoni soċjali, il-ġlieda kontra l-faqar u l-abbandun bikri tal-iskola, il-konsolidazzjoni tal-amministrazzjoni pubblika u t-titjib tal-leġiżlazzjoni u l-proċeduri tal-akkwist pubbliku se jappoġġjaw is-segwitu tar-rakkomandazzjonijiet ta' politika tas-Semestru Ewropew. Tlieta mill-EACs speċifiċi għall-FEMS huma vvalutati bħala mhumiex sodisfatti. Il-pjanijiet ta’ azzjoni għandhom iwasslu għal konformità mhux aktar tard mill-aħħar tal-2016.
3. Immaniġġjar tal-FSIE
Il-Ministeru tal-Fondi Ewropej jopera mekkaniżmu ta' koordinazzjoni tal-FSIE li jinkludi l-kumitat ta' tmexxija tal-Ftehim ta’ Sħubija, kumitati ta' tmexxija tematiċi u gruppi ta’ ħidma, bil-parteċipazzjoni tal-ministeri involuti, tal-istituzzjonijiet u tal-partijiet ikkonċernati. Il-programmi huma mmaniġġjati f’livell nazzjonali, minn tliet ministeri. Miżuri biex titjieb il-kapaċità amministrattiva jinkludu t-titjib tad-deċiżjonijiet dwar l-investimenti pubbliċi, it-trasparenza, l-etika u l-integrità u l-immaniġġjar tar-riżorsi umani.
4. Simplifikazzjoni għall-benefiċjarji
Ir-Rumanija impenjat ruħha li tissimplifika l-linji gwida għall-applikanti, li ttejjeb il-leġiżlazzjoni tal-akkwist pubbliku u li tissimplifika l-proċeduri tal-akkwist għal benefiċjarji privati, li tuża l-opzjonijiet tal-kosti ssimplifikati, li tissimplifika l-proċeduri għal permessi tal-bini, u li tissimplifika u tirrazzjonalizza l-proċeduri amministrattivi. Is-simplifikazzjoni hi kompitu permanenti ta’ wieħed mill-gruppi ta’ ħidma fil-qafas tal-mekkaniżmu ta’ koordinazzjoni tal-Ftehim ta’ Sħubija.
1. FSIE fis-Slovakkja
Sfidi ekonomiċi u soċjali fil-kuntest tal-FSIE
Is-Slovakkja ffaċċat il-kriżi ekonomika tajjeb, imma hemm sfidi importanti quddiemha. Il-pajjiż jeħtieġ li jsaħħaħ il-kapaċità ekonomika tiegħu. Hu fost dawk l-Istati Membri bl-ogħla rati ta’ qgħad fit-tul u fost iż-żgħażagħ. Ir-Rom huma marġinalizzati, jgħixu f’kondizzjonijiet ta’ kwalità baxxa u mhumiex integrati sew fis-sistema normali tal-edukazzjoni u s-suq tax-xogħol. Infrastruttura tat-trasport ta’ livell baxx u tas-suq tal-enerġija ineffiċjenti jillimitaw il-potenzjal għat-tkabbir. L-intensità tar-R&Ż tibqa’ waħda mill-aktar baxxi fl-UE. Is-Slovakkja għandha wkoll pożizzjoni relattivament fqira f'bosta indikaturi ta’ kwalità tal-ambjent tan-negozju. Dawn l-isfidi huma riflessi fir-rakkomandazzjonijiet ta’ politika tas-Semestru Ewropew.
Prijoritajiet ewlenin u riżultati
Il-Fondi se jsaħħu l-innovazzjoni u l-kompetittività tal-intrapriżi, se jtejbu l-prestazzjoni tas-sistema tar-R&I u se jippromwovu l-kooperazzjoni bejn l-organizzazzjonijiet tar-riċerka, l-edukazzjoni għolja u s-settur tan-negozju. B'investiment li jammonta għal EUR 1.8 biljun, in-nefqa privata u pubblika tar-R&Ż għandha tiżdied minn 0.8% għal 1.2% tal-PDG. Il-Fondi jippromwovu b’mod attiv in-nefqa privata tar-R&Ż, li se tiżdied minn 0.3% għal 0.8% tal-PDG. Il-kondizzjonijiet marbuta ma’ investiment jiżguraw l-immirar aħjar ta’ għodod ta’ innovazzjoni.
EUR 915-il miljun ta’ appoġġ għal SMEs u impriżi tal-agrikoltura u tas-sajd se jżidu l-produttività u l-valur miżjud tas-settur tan-negozju. L-ambjent tan-negozju se jittejjeb permezz tal-provvista ta’ servizzi mfassla apposta għal kumpaniji u ta' miżuri biex tkun iffaċilitata l-esplojtazzjoni ekonomika ta' ideat ġodda u biex jitrawmu negozji ġodda. Investiment għat-titjib tal-kompetittività tas-settur agrialimentari se jibbenefikaw minnu 1 250 farm u 400 kumpanija tal-ikel. Il-FEMS se jagħmel is-settur tas-sajd u tal-akkwakultura aktar sostenibbli.
EUR 737 miljun se jiffinanzjaw inizjattivi biex jittejbu s-sistemi tal-edukazzjoni u t-taħriġ fil-livelli kollha u se jiżguraw li l-istudenti jakkwistaw il-ħiliet it-tajba. Fost l-oqsma ewlenin għall-investiment hemm l-edukazzjoni u ċ-childcare ta’ kwalità fil-bidu tat-tfulija, ir-riżultati ta’ tagħlim aħjar, l-edukazzjoni inklużiva u l-edukazzjoni vokazzjonali; dan se jibbenefikaw minnu aktar minn 100 000 tifel u tifla tal-primarja u studenti.
L-impjiegi u l-inklużjoni soċjali se jgħinu biex il-persuni f'diffikultajiet u dawk minn gruppi żvantaġġati jingħatawlhom l-istess opportunitajiet bħall-oħrajn sabiex isibu jew iżommu l-impjiegi u jintegraw fis-soċjetà. Madwar 250 000 persuna mingħajr impjieg, b’mod partikolari individwi b’ħiliet limitati u li jkunu ilhom bla xogħol, għandhom jaraw titjib fl-opportunitajiet tagħhom fis-suq tax-xogħol, u se jkun hemm enfasi qawwija fuq il-ġlieda kontra l-qgħad fost iż-żgħażagħ. Se jingħata appoġġ lil 150 muniċipalità b’komunitajiet Rom l-aktar fil-bżonn.
EUR 278 miljun se jkunu investiti fl-effettività tal-amministrazzjoni pubblika u s-sistema ġudizzjarja u l-infurzar tal-liġi tagħha, sabiex jitnaqqsu l-piżijiet regolatorji u amministrattivi u jiġu promossi standards għoljin ta’ trasparenza, integrità u responsabilità.
Aktar minn EUR 1 biljun ta’ investimenti fl-ekonomija b’livell baxx ta’ karbonju se jiffukaw fuq żieda fl-effiċjenza fl-enerġija f’bini residenzjali u pubbliku u f'intrapriżi, promozzjoni ta’ aktar tisħin distrettwali effiċjenti u żvilupp ta' pjanijiet ta’ azzjoni b’livell baxx ta’ karbonju. Il-konsum finali tal-enerġija f’bini pubbliku għandu jonqos b’279 miljun kWh/sena. L-investiment se jintuża wkoll biex jiżdied is-sehem dejjem akbar ta’ sorsi ta’ enerġija rinnovabbli fil-konsum finali tal-enerġija minn 10.4% għal 15.5%.
Investiment ta’ EUR 805 miljun fl-ICTs se jaċċellera l-firxa ta’ kopertura tal-broadband u tan-netwerks tal-ġenerazzjoni li jmiss għal kopertura 30 Mb/s li tkun 100% skont il-mira tal-Aġenda Diġitali, se jtejjeb is-servizzi għaċ-ċittadini u n-negozji, u l-effettività tal-amministrazzjoni pubblika.
L-investiment ta’ EUR 3.7 biljun tal-FSIE se jintuża biex jitlestew in-netwerks tat-TEN-T u biex tiżdied l-aċċessibilità tat-trasport. Dan se jinvolvi 100 km ta' motorways ġodda u 125 km ta' linji tal-ferroviji modernizzati. Il-Fondi se jikkontribwixxu wkoll għall-modernizzazzjoni tat-trasport pubbliku fi bliet magħżula u kondizzjonijiet imtejba ta’ navigazzjoni fl-ilmijiet interni, inkluż l-immodernizzar tal-port fi Bratislava. Kważi EUR 1.5 biljun ta’ investiment se jgħin biex tinbena l-infrastruttura ambjentali, il-protezzjoni tal-ambjent u l-promozzjoni tal-effiċjenza fl-użu tar-riżorsi. Aktar minn 200 000 persuna addizzjonali se jkunu servuti bi trattament ta’ dranaġġ aħjar u aktar minn 12 000 persuna koperta minn miżuri ta’ protezzjoni kontra l-għargħar. L-isforzi biex jiġi żgurat l-użu sostenibbli ta’ riżorsi naturali u l-protezzjoni tal-bijodiversità rikka tas-Slovakkja se jiffukaw fuq l-evitar tal-abbandun ta’ 1.2 miljun ettaru ta’ art agrikola. Il-prattiki ta' mmaniġġjar tal-art favur l-ambjent u l-klima se jkunu appoġġjati fuq 21% ta’ art agrikola.
Użu ta’ strumenti finanzjarji u għodod territorjali
L-użu ta’ strumenti finanzjarji hu ppjanat li jiżdied b'aktar minn ħames darbiet mill-allokazzjoni inizjali fil-perjodu ta’ programmar preċedenti u se jilħaq madwar EUR 455 miljun. Il-biċċa l-kbira tal-appoġġ se jmur għand l-SMEs, l-effiċjenza fl-enerġija u l-infrastruttura ambjentali u ta' trasport. L-iskop għandu jiġi studjat għall-estensjoni ta’ strumenti għar-R&I u l-ICTs, inkluża l-infrastruttura tal-broadband.
Programmi speċifiċi se jiżguraw l-użu ta' strumenti territorjali ġenwini. Investiment ta’ EUR 890 miljun, prinċipalment fit-titjib tal-aċċess għal servizzi pubbliċi effettivi u fit-trasport reġjonali sikur u favur l-ambjent, se jitwassal permezz tal-investimenti territorjali integrati. Barra minn hekk, EUR 368 miljun se jkunu investiti fi żvilupp urban sostenibbli. Sħubijiet lokali se jissaħħu permezz tal-iżvilupp lokali mmexxi mill-komunità. EUR 200 miljun tan-nefqa pubblika se joħolqu madwar 1 500 impjieg billi jappoġġjaw l-SMEs f’żoni rurali permezz ta’ strateġiji ta’ żvilupp lokali.
Informazzjoni prinċipali
Politika ta’ koeżjoni (FSE, FEŻR, FK, YEI) |
FAEŻR |
FEMS |
ETC |
|
Nru ta’ programmi |
7 (6 nazzjonali, 1 reġjonali) |
1 |
1 |
7 |
Fondi disponibbli (EUR) |
13 768 317 148 |
1 559 691 844 |
15 785 000 |
1 019 287 563 29 |
2. Prekondizzjonijiet għal użu effettiv u effiċjenti tal-FSIE
Oqfsa strateġiċi għal ċerti oqsma ta’ investiment (p.e. ir-riċerka) għadhom mhumiex kompluti u jeħtieġ li jitwasslu skont il-pjanijiet ta’ azzjoni miftehmin. Il-pjanijiet ta’ azzjoni ġew adottati biex jappoġġjaw is-segwitu tar-rakkomandazzjonijiet ta’ politika tas-Semestru Ewropew. Mekkaniżmu għall-monitoraġġ tal-implimentazzjoni ta' miżuri skont l-Att dwar in-Negozji ż-Żgħar se jgħin biex tiġi appoġġjata l-promozzjoni tal-intraprenditorija. Il-proġetti se jitwasslu b'mod aktar effettiv abbażi ta' pjanijiet ta' mmaniġġjar tal-iskart u ta' pjanijiet prinċipali għat-trasport reġjonali.
3. Immaniġġjar tal-FSIE
Il-koordinazzjoni tal-FSIE hi r-responsabilità tal-Korp ta’ Koordinazzjoni Ċentrali fl-Uffiċċju tal-Gvern. In-numru ta’ korpi involuti fl-implimentazzjoni tnaqqas sabiex jiġi ssimplifikat it-twassil. Analiżi tal-kapaċitajiet amministrattivi identifikat oqsma (b’mod partikolari, l-akkwist pubbliku, il-liġi ambjentali u l-attività kontra l-frodi) għal aktar żvilupp u titjib ta’ kwalità u effiċjenza.
4. Simplifikazzjoni għall-benefiċjarji
Is-Slovakkja impenjat ruħha li tissimplifika u tarmonizza s-selezzjoni tal-operazzjonijiet, li tissimplifika r-rapportar dwar in-nefqa tal-proġetti, li tiżgura netwerk uniku għall-entitajiet li jipprovdu servizzi ta' pariri u ta' informazzjoni, u li taġġorna s-sistemi tal-informazzjoni skont il-prinċipji ta' koeżjoni elettronika sabiex jitnaqqas il-piż amministrattiv minn fuq il-benefiċjarji.
1. FSIE fis-Slovenja
Sfidi ekonomiċi u soċjali fil-kuntest tal-FSIE
Bi tnaqqis globali ta’ aktar minn 9% bejn l-2008 u l-2013, il-PDG reali hu stmat li żdied bi 3.0% fl-2014. L-irkupru fin-nefqa tal-investiment ġie motivat primarjament minn kostruzzjoni ta' infrastruttura kofinanzjata mal-UE, filwaqt li l-investiment mis-settur privat għadu baxxa. Il-PDG reali hu mistenni li jikber b’medja ta’ 2.2% fl-2015-2016. Ir-rata tal-qgħad għadha taħt il-medja tal-UE u hi mistennija li tkompli tonqos. Madankollu, is-suq tax-xogħol għadu jaffaċċa l-isfidi strutturali fil-forma ta’ qgħad fuq perjodu ta’ żmien twil u rata ta’ impjiegi baxxa fost dawk b’ħiliet baxxi u ħaddiema aktar anzjani.
Prijoritajiet ewlenin u riżultati
It-titjib tal-innovazzjoni u tal-kompetittività fl-ekonomija Slovena bit-tisħiħ tal-infrastruttura u tal-kapaċitajiet għall-eċċellenza tar-R&I. B’aktar minn EUR 485 miljun ta’ investiment, in-nefqa totali privata u pubblika tar-R&Ż b'rabta mal-PDG hi mistennija li tiżdied minn madwar 2.6% (2012) għal 3% fl-2020. Barra minn hekk, hu stmat li s-sehem tal-intrapriżi attivi u innovattivi se jiżdied b'8.5% fil-perjodu sal-2023. L-investiment tal-FSIE ta' aktar minn EUR 72 miljun se jżid il-kopertura tal-broadband u se jikkontribwixxi għal żvilupp reġjonali aktar ibbilanċjat billi jippermetti 20 000+ familja addizzjonali jkunu konnessi man-netwerks ġodda tal-broadband b'veloċità li tkun tal-anqas 100 Mb/s.
EUR 774 miljun ta’ appoġġ għall-SMEs (inklużi l-agrikoltura, is-sajd u l-akkwakultura) se jgħinu sabiex tittejjeb l-attività intraprenditorjali, tiżdied il-produttività u jiżdied il-valur miżjud tal-intrapriżi. Il-Fondi jimmiraw li jkomplu jtejbu l-ambjent tan-negozju billi jissaħħu s-servizzi lill-intrapriżi u jiffaċilitaw l-aċċess għall-finanzi. Se jiġu appoġġjati madwar 7 500 kumpanija, u hu mistenni li jinħolqu 1 000 impjieg ġdid. Fl-agrikoltura, 3.4% tal-intrapriżi huma mistennija li jibbenefikaw mill-investimenti fit-teknoloġija, billi jadottaw għat-tibdil fil-klima, għall-benesseri tal-annimali u għall-effiċjenza fl-ilma u fl-enerġija. 3.5% oħrajn se jirċievu appoġġ permezz ta' miżuri għal bdiewa żgħażagħ u ta' aġġustament strutturali.
B'rabta mal-objettivi tal-enerġija u t-tibdil fil-klima, allokazzjoni ta' EUR 281 miljun tal-FSIE se tipprovdi investiment biex jitnaqqsu l-emissjonijiet ta' gass b'effett serra u biex tiżdied l-effiċjenza fl-enerġija u l-użu tar-riżorsi ta' enerġija rinnovabbli. Il-konsum annwali tal-enerġija primarja ta’ bini pubbliku mistenni li jonqos b'23 GWh/sena u s-sehem tar-riżorsi ta' enerġija rinnovabbli fil-konsum gross finali tal-enerġija se jiżdied b'tal-anqas 25% sal-2020. Fid-dawl tan-numru dejjem jiżdied ta' diżastri naturali bħala riżultat tat-tibdil fil-klima, EUR 289 miljun se jintefqu fuq il-prevenzjoni u l-immaniġġjar tar-riskju, u madwar 38 000 persuna se jibbenefikaw minn miżuri ta' protezzjoni kontra l-għargħar.
Barra minn hekk, kważi EUR 615-il miljun ta’ investiment se jmorru għall-protezzjoni tal-ambjent u għall-użu effiċjenti u sostenibbli tar-riżorsi. Il-Fondi se jgħinu biex tittejjeb l-infrastruttura fis-settur tal-ilma, jagħmlu s-sajd u l-akkwakultura aktar sostenibbli, jippreservaw il-bijodiversità u l-ekosistemi marini, u jtejbu l-ambjent urban. Bis-saħħa tal-intervent tal-FSIE, 120 000 ruħ addizzjonali se jibbenefikaw minn provvista mtejba ta’ ilma u 100 000 minn trattament imtejjeb tal-ilma mormi. Firxa wiesgħa ta’ servizzi agriambjentali u ta' kuntratti ċċentrati fuq il-klima se jiffukaw fuq it-titjib tal-immaniġġjar tal-ilma f'madwar 25% tal-art agrikola u fuq il-prevenzjoni tal-erożjoni tal-ħamrija u t-titjib tal-immaniġġjar tal-ħamrija f'aktar minn 27%.
B’investiment ta’ 'l fuq minn EUR 262 miljun, il-Fondi se jikkontribwixxu biex ineħħu l-konġestjoni fin-netwerk tat-TEN-T u jżidu s-sostenibbiltà u l-kwalità tal-infrastruttura tat-trasport. B’mod partikolari, l-enfasi qiegħda fuq it-tisħiħ tal-kompetittività tal-infrastruttura ferrovjarja (25 km ta’ linji ferrovjarji mtejba fin-netwerk TEN-T) u fuq it-titjib tal-mobilità reġjonali (aċċessibilità aħjar u anqas ħinijiet ta' vjaġġar).
Aktar minn EUR 370 miljun huma allokati biex jiġu appoġġjati impjiegi sostenibbli u ta’ kwalità, b’inizjattivi mfassla biex jibbenefikaw kważi 49 000 parteċipant, b’mod partikolari dawk li ilhom bla xogħol għal żmien twil, dawk b'ħiliet baxxi, ħaddiema akbar fl-età u żgħażagħ. Il-Fondi se jippromwovu wkoll l-anzjanità attiv u f'saħħitha. Aktar investimenti ta' EUR 239 miljun fl-edukazzjoni, it-taħriġ u t-taħriġ vokazzjonali għal ħiliet u tagħlim tul il-ħajja se jippermettu lil kważi 43 000 parteċipant biex jakkwistaw kompetenzi ġodda u/jew jgħollu l-livell tagħhom ta' edukazzjoni, u aktar minn 59 000 se jieħdu sehem fi programmi ta' speċjalizzazzjoni/ta' rikwalifikazzjoni. L-investimenti se jkomplu jindirizzaw in-nuqqas ta' tqabbil tal-ħiliet u se jiżguraw aktar użu tal-ICT.
Il-faqar, l-esklużjoni soċjali u d-diskriminazzjoni se jiġu trattati billi jiġu promossi l-inklużjoni soċjali, l-intraprenditorija soċjali u l-infrastruttura adatta, u billi nies vulnerabbli jiġu pprovduti b'servizzi aċċessibbli u ta' kwalità għolja. B’investimenti ta’ EUR 262 miljun, programmi preventivi se jkopru 19 000 persuna minn gruppi vulnerabbli.
Il-finanzjament ta' EUR 62 miljun tal-FSIE se jappoġġja l-investimenti fil-bini tal-kapaċità istituzzjonali fis-settur pubbliku u fl-effiċjenza tal-amministrazzjoni pubblika u lis-servizzi pubbliċi fil-livelli nazzjonali, reġjonali u lokali bl-intenzjoni li jiġu implimentati riformi, regolamenti aħjar u governanza tajba. Dan se jinkludi l-appoġġ għat-titjib tal-effiċjenza u l-kwalità tas-sistema tal-ġustizzja.
Użu ta’ strumenti finanzjarji u għodod territorjali
B'paragun mal-perjodu ta’ programmar preċedenti, is-Slovenja qiegħda aktar milli tittripla l-allokazzjoni tal-istrumenti finanzjarji tagħha b'aktar minn erba' darbiet, li se jammontaw għal madwar EUR 449 miljun. Il-biċċa l-kbira tal-appoġġ se jindirizza l-ħtiġijiet finanzjarji tal-SMEs, b'mod speċjali fir-riċerka, l-iżvilupp u l-innovazzjoni, u (b'mod anqas) l-effiċjenza fl-enerġija.
L-awtoritajiet urbani se jwasslu investiment tal-FEŻR ta' EUR 107 miljun permezz ta' investimenti territorjali integrati (ITIs). Il-prijoritajiet tal-ITI deskritti huma r-reġenerazzjoni urbana, il-mobilità urbana sostenibbli u l-effiċjenza fl-enerġija. Sħubijiet lokali se jitjiebu permezz ta' żvilupp lokali mmexxi mill-komunità li se tkopru 66% tal-popolazzjoni rurali. Il-FEMS se jinvesti fl-iżvilupp u fl-opportunitajiet ta’ impjiegi għall-komunitajiet tas-sajd lokali u se jtejjeb l-assi ambjentali fis-setturi tas-sajd u tal-akkwakultura.
Informazzjoni prinċipali
Politika ta’ koeżjoni (FSE, FEŻR, FK, YEI) |
FAEŻR |
FEMS |
ETC |
|
Nru ta’ programmi |
1 (fondi diversi nazzjonali) |
1 |
1 |
9 |
Fondi disponibbli (EUR) |
3 011 899 768 |
837 849 803 |
24 809 114 |
1 104 803 616 30 |
2. Prekondizzjonijiet għal użu effettiv u effiċjenti tal-FSIE
Il-kondizzjonalitajiet ex ante (EACs)/l-istrateġiji għal ċerti oqsma ta' investiment notevolment tas-saħħa, tat-trasport u tal-ispeċjalizzazzjoni intelliġenti, inkluż l-EAC speċifika tal-FEMS dwar rapport tal-kapaċità tas-sajd, ma tlestewx u jeħtiġilhom li jitwasslu fil-ħin mal-pjanijiet ta' azzjoni miftehmin. Il-pjanijiet ikopru wkoll il-kwistjonijiet orizzontali bħall-akkwist pubbliku u l-leġiżlazzjoni ambjentali u jappoġġjaw it-twettiq tar-rakkomandazzjonijiet ta' politika tas-Semestru Ewropew.
3. Immaniġġjar tal-FSIE
Fl-2014-2020 se jkun hemm biss programm wieħed b’diversi fondi għall-implimentazzjoni tal-politika ta’ koeżjoni fis-Slovenja. Il-fondi kollha se jiġu kkoordinati fil-livell tal-Ftehim ta’ Sħubija. Se tintuża l-assistenza teknika biex tkun estiża l-kapaċità fl-amministrazzjoni nazzjonali.
4. Simplifikazzjoni għall-benefiċjarji
Pjanijiet ta’ azzjoni ta’ implimentazzjoni annwali se jgħinu fir-razzjonalizzazzjoni tal-proġetti. Hu previst l-użu tal-opzjoni ta' kosti ssimplifikati, fejn rilevanti.
1. FSIE fi Spanja
Sfidi ekonomiċi u soċjali
Il-mudell tradizzjonali ta’ tkabbir Spanjol (ibbażat fuq il-kostruzzjoni, it-turiżmu u attivitajiet b’valur miżjud baxx bi produttività staġnata) wera l-limitazzjonijiet tiegħu. Il-FSIE jeħtiġilhom li jappoġġjaw it-tranżizzjoni lejn mudell ta' żvilupp li hu bbażat aktar fuq l-għarfien, l-innovazzjoni u anqas intensiv fl-użu tar-riżorsi u, fl-istess waqt, inaqqsu d-differenza tal-inugwaljanza, li twessgħet bħala riżultat tal-kriżi. L-isfidi ewlenin huma ż-żieda fil-produttività u l-kompetittività u t-trawwim tal-impjiegi, b'mod speċjali għaż-żgħażagħ, f'qafas ta' konsolidazzjoni fiskali. Minkejja li l-assistenza finanzjarja tal-UE mwaqqfa f’Ġunju 2012 konkluża b'mod sodisfaċenti f'Jannar 2014, l-aċċess tal-SMEs għal kreditu għadu ristrett.
Il-FSIE se jgħinu jindirizzaw bosta mir-rakkomandazzjonijiet ta' politika tas-Semestru Ewropew, p.e. l-investiment fil-kapital uman, l-għajnuna (b'mod speċjali liż-żgħażagħ) lill-persuni sabiex jidħlu fis-suq tax-xogħol, it-tħaffif tal-aċċess tal-SMEs għal finanzjament u l-implimentazzjoni tal-istrateġija nazzjonali l-ġdida tar-RŻ&I. Finanzjament sinifikanti (75% tal-FSE u aktar minn 30% tal-FEŻR) hu kkonċentrat f’dawn l-oqsma.
Prijoritajiet ewlenin u riżultati
Iż-żieda fil-parteċipazzjoni fis-suq tax-xogħol u l-produttività tax-xogħol; it-titjib tal-edukazzjoni, tat-taħriġ u tal-politiki ta’ inklużjoni soċjali, b’enfasi speċifika fuq iż-żgħażagħ u l-gruppi vulnerabbli. L-investiment fil-kapital uman u l-għajnuna lill-persuni sabiex jidħlu fis-suq tax-xogħol se jkunu prijoritajiet ewlenin, b'enfasi fuq l-impjiegi għaż-żgħażagħ. L-edukazzjoni u s-sistemi ta’ taħriġ (inkluż l-edukazzjoni vokazzjonali) se jittejbu b’tali mod li ż-żgħażagħ jitgħallmu l-ħiliet it-tajbin. Aktar opportunitajiet se jiġu offruti lil persuni f’diffikultà u minn gruppi żvantaġġati. B’finanzjament ta’ aktar minn EUR 10.8 biljun, dan hu mistenni li jikkontribwixxi għal żieda fir-rata tal-impjiegi (stmata minn 59.3% fl-2012 għal 74% fl-2020), inaqqas l-abbandun bikri mill-iskola (stmat minn 24.9% fl-2012 sabiex javviċina l-mira ta’ 15% fl-2020) u jnaqqas b'1.5 miljun in-numru ta’ persuni fir-riskju tal-faqar jew l-esklużjoni.
L-appoġġ favur l-adattament tas-sistema produttiva lejn attivitajiet b’valur miżjud ogħla permezz tat-tisħiħ tal-kompetittività tal-SMEs (inklużi l-agrikoltura u s-sajd). L-appoġġ għall-SMEs se jinkludi miżuri biex jitrawwmu l-intraprenditorija u n-negozji ġodda u biex jagħmlu l-kumpaniji aktar kompetittivi u aktar kapaċi jinvolvu ruħhom f’attivitajiet b’valur miżjud ogħla (inklużi permezz tal-ICT), bil-ħsieb aħħari ta' preżenza akbar fis-swieq internazzjonali. Aċċess aktar faċli għall-finanzi se jkun prijorità. Is-sistema tat-trasport f’reġjuni anqas żviluppati u ta’ tranżizzjoni se tkun razzjonalizzata biex tappoġġja l-attività ekonomika. Aktar minn EUR 9.4 biljun se jingħataw biex jiżguraw li 100% tal-popolazzjoni jkollha aċċess għal internet b'30 Mb/s (59% fl-2013) u biex iżidu b'mod sinifikanti n-numru ta’ intrapriżi li jesportaw. Hu stmat li 15 000 żagħżugħ/a se jidħlu fis-settur primarju u li 5% tal-farms se jiġu ristrutturati u mmodernizzati.
Il-promozzjoni ta' ambjent ta' negozju favur l-innovazzjoni u t-tisħiħ tar-RŻ&I. L-enfasi hi fuq ir-RŻ&I u l-ICTs, inklużi s-sħubijiet pubbliċi privati u t-trasferiment tat-teknoloġija, b'mod partikolari favur l-SMEs. L-investimenti kollha fl-infrastruttura u fil-proġetti tar-R&Ż se jkunu soġġetti għal erba' kondizzjonijiet kumulattivi: (i) ikunu inklużi fl-Istrateġija tar-R&I korrispondenti għal Speċjalizzazzjoni Intelliġenti, (ii) iservu ta' taraġ għall-eċċellenza, (iii) ikollhom vantaġġ kompetittiv ippruvat, u (iv) jagħtu bidu għal impatt soċjoekonomiku pożittiv. L-iżvilupp tal-kapital uman permezz tal-edukazzjoni u t-taħriġ, inklużi l-edukazzjoni għolja, il-kooperazzjoni ma’ ditti u żieda tal-investiment privat, se jkunu kruċjali. Bi kważi EUR 5.7 biljun, hu mistenni li l-proporzjon tar-R&Ż tan-nefqa kofinanzjata mis-settur privat se jikber minn 45.6% (2012) għal 60% fl-2020, bir-riżultat li madwar 25% ta’ kumpaniji Spanjoli b’aktar minn 10 impjegati jinkorporaw l-innovazzjoni teknoloġika (b'paragun ma’ 13.2% fl-2010-2012). L-investimenti se jikkontribwixxu għal ġustizzja effettiva billi jappoġġjaw l-iżvilupp tal-Ġustizzja elettronika.
Użu aktar effiċjenti tar-riżorsi naturali, inter alia jiġi żviluppat il-potenzjal tal-ekonomija blu. Mhux biss se jkunu appoġġjati l-effiċjenza fl-enerġija u l-enerġiji rinnovabbli, iżda wkoll se jkunu mmirati t-trasport urban nadif u l-investimenti ambjentali. Se jkunu promossi s-sajd u l-akkwakultura sostenibbli u se jittejbu l-ekosistemi marini u l-bijodiversità akkwatika. Il-finanzjament ta’ aktar minn EUR 10.4 biljun hu mistenni b’mod sinifikanti biex inaqqas il-konsum tal-enerġija fil-bini u l-intrapriżi. Hu wkoll stmat li 14% ta’ żoni agrikoli u tal-forestrija se jkunu koperti minn kuntratti ta’ mmaniġġjar li jappoġġjaw il-bijodiversità.
Użu ta’ strumenti finanzjarji u għodod territorjali
Spanja qed tippjana li talloka kważi EUR 1.5 biljun lill-istrumenti finanzjarji (SF), din hi żieda sinifikanti fuq il-perjodu preċedenti. Minn dan l-ammont, EUR 800 miljun se jingħataw permezz tal-inizjattiva tal-SMEs. Madankollu, għandu jiġi esplorat l-iskop għall-użu tal-SF għal aktar investiment fl-ICT, l-infrastruttura tal-ambjent u tat-trasport, u l-effiċjenza tal-enerġija, b'mod speċjali fir-reġjuni li għad jeħtiġilhom jippjanaw kif se jużaw l-SF.
Aktar minn EUR 970 miljun se jiġu investiti f’azzjonijiet ta’ żvilupp urban sostenibbli integrat, li jkopru diversi objettivi tematiċi u li huma inklużi fi strateġiji urbani korrispondenti. Investimenti territorjali integrati se jintużaw tal-anqas f'ħames każijiet. 31 Aktar minn EUR 900 miljun se jingħataw permezz ta’ żvilupp lokali mmexxi mill-komunità. 32
Informazzjoni prinċipali
Politika ta’ koeżjoni (FSE, FEŻR, YEI) |
FAEŻR |
FEMS |
ETC |
|
Nru ta’ programmi |
45 (6 nazzjonali, 38 reġjonali, 1 TA) |
18 (1 nazzjonali, 17 reġjonali) |
1 |
8 |
Fondi disponibbli (EUR) |
27 941 949 230 |
8 297 388 821 |
1 161 620 889 |
1 378 541 701 33 |
2. Prekondizzjonijiet għal użu effettiv u effiċjenti tal-FSIE
Xi kondizzjonalitajiet ex ante (EACs) tematiċi, l-aktar dwar l-ilma, l-iskart, it-trasport u l-impjiegi, għadhom ma ġewx sodisfatti. Madankollu, pjanijiet adatti ta’ azzjoni ġew implimentati.
3. Immaniġġjar tal-FSIE
Il-FSIE huma kkoordinati permezz ta’ strutturi speċifiċi (koordinazzjoni, evalwazzjoni u kumitati ta’ monitoraġġ) u netwerks tematiċi (għall-komunikazzjoni, ir-riċerka u l-innovazzjoni, l-iżvilupp urban, l-ambjent, l-opportunitajiet indaqs, l-inklużjoni soċjali, l-affarijiet rurali u s-sajd).
Is-sistema ta' twassil ġiet issimplifikata, b'anqas korpi intermedji, separazzjoni bejn il-korpi intermedji nazzjonali u reġjonali u nefqa fi programmi differenti tal-FEŻR, u użu akbar ta' amministrazzjoni elettronika.
4. Simplifikazzjoni għall-benefiċjarji
L-użu ta’ rati fissi u possibbiltajiet ta’ kosti ssimplifikati, kif permissibbli bir-regolamenti, se jiġu estiżi b’mod kunsiderevoli.
1. FSIE fl-Iżvezja
Sfidi ekonomiċi u soċjali fil-kuntest tal-FSIE
Il-PDG u l-impjiegi Żvediżi ttejbu minn domanda domestika dejjem tikber. Il-konsum domestiku kiber minħabba rati ta’ mgħax baxxi, dħul disponibbli li qed jiżdied u politika fiskali ta’ espansjoni. Il-konsum tal-gvern qed jikber minħabba nfiq aktar għoli fuq l-integrazzjoni tal-immigranti, l-edukazzjoni u l-kura għall-anzjani. L-Iżvezja wettqet progress limitat fl-indirizzar tar-rakkomandazzjonijiet ta' politika tas-Semestru Ewropew. Minkejja attività ekonomika relattivament modesta, l-impjiegi żdiedu partikolarment b'mod qawwi fis-snin reċenti. Hi rkuprat b'mod tajjeb mill-kriżi finanzjarja u diġà tinsab lura fil-livelli ta' qabel il-kriżi, bir-rata tal-impjiegi fost l-ogħla fl-UE. Madankollu, bis-saħħa tal-forza tax-xogħol li qed tikber, il-qgħad baqa' madwar 8% għal diversi snin. L-isfida kontinwa għas-suq tax-xogħol Żvediż hi li jiġi integrat in-numru għoli ta' persuni vulnerabbli b'mod ekonomiku u soċjali. L-analiżi turi li l-Iżvezja tinsab f'pożizzjoni tajba ħafna, diġà qed twettaq il-parti l-kbira tal-miri ta' Ewropa 2020 u anki qed tistabbilixxi miri aktar ambizzjużi għaliha nfisha.
Prijoritajiet ewlenin u riżultati
L-Iżvezja għażlet li tiffoka fuq dawn il-prijoritajiet li ġejjin li huma marbutin b'mod b'saħħtu mal-objettivi ta' Ewropa 2020 ta' żvilupp intelliġenti, sostenibbli u inklużiv: 1) Trawwim tal-kompetittività, tal-għarfien u tal-innovazzjoni; 2) Tisħiħ tal-użu sostenibbli u effiċjenti tar-riżorsi għal żvilupp sostenibbi; u 3) Titjib fl-impjiegi, l-impjegabbiltà u l-aċċess għas-suq tax-xogħol.
Riċerka, żvilupp u innovazzjoni; ir-RŻ&I se jkunu appoġġjati b'investimenti ta' EUR 330 miljun, biex b'hekk jiġi żgurat ir-rwol fuq quddiem nett tal-Iżvezja fl-innovazzjoni. Il-programmi se jgħinu biex jinħolqu ambjenti b’saħħithom fir-R&I sabiex tissaħħaħ l-interazzjoni bejn ir-riċerka u l-industrija, se jżidu l-kapaċità tad-ditti biex jieħdu l-prodotti tagħhom fis-suq, u se jkomplu jagħtu spinta lill-innovazzjoni. L-Iżvezja se tuża l-FSIE biex timplimenta strateġiji ta' speċjalizzazzjoni intelliġenti fit-tmien reġjuni kollha billi tinvolvi aktar minn 5 600 intrapriża li se jikkooperaw mal-istituti tar-riċerka fl-oqsma ta' eċċellenza tagħhom u se tirċievi l-appoġġ tal-FSIE biex twassal prodotti ġodda fis-suq. Finanzjament ta' EUR 200 miljun se jappoġġja t-tranżizzjoni għal ekonomija b’livell baxx ta’ karbonju fis-setturi kollha.
Il-FSIE qed jattwaw rwol importanti fit-titjib tal-kompetittività tal-SMEs billi jinvestu EUR 500 miljun fis-setturi kollha, inklużi l-agrikoltura u s-sajd. Barra minn hekk, EUR 250 miljun se jintefqu fuq it-titjib tal-aċċess u tal-użu tal-ICTs, l-aktar fit-Tramuntana tal-pajjiż.
Il-Fondi se jiffukaw ukoll biex tittejjeb l-impjegabbiltà, b'mod partikolari fost żgħażagħ u immigranti bla xogħol, iżda wkoll biex jiġu megħjunin persuni bla xogħol sabiex jevitaw il-qgħad (fit-tul). Finanzjament ta’ EUR 818-il miljun, inkluż EUR 44 miljun mill-Inizjattiva favur l-Impjieg taż-Żgħażagħ (YEI), se jappoġġjaw l-impjegabbiltà, il-koeżjoni soċjali u l-ħolqien tal-impjiegi. Hu stmat li dan se jkollu impatt dirett fuq il-ħajja professjonali u soċjali ta’ mill-anqas 300 000 ċittadin. Hu stmat li mill-anqas 40 000 żgħażagħ/a qiegħda madwar l-Iżvezja se jiġu megħjuna u l-YEI se tipprovdi aktar servizzi għal 20 000 żagħżugħ/a.
Fir-rigward tal-ambjent, il-FSIE se jimmiraw lejn ir-restawr, il-preservazzjoni u t-titjib tal-ekosistemi, b’mod partikolari fl-agrikoltura, is-sajd u l-forestrija. Aktar minn 28% ta’ art agrikola se jiġu koperti b'kuntratti għall-bijodiversità u madwar 33% b’kuntratti għal immaniġġjar aħjar tal-ilma. Fis-sajd, il-FSIE primarjament se jappoġġjaw l-implimentazzjoni tar-reviżjoni tal-Politika Komuni tas-Sajd (inkluż il-Projbizzjoni fuq ir-Rimi) u miżuri oħra meħudin biex jipproteġu u jirrestawraw l-ambjent akkwatiku. Bi tweġiba għall-ħtieġa għall-innovazzjoni f’żoni rurali, l-Iżvezja se timplimenta s-Sħubija Ewropea tal-Innovazzjoni, fejn ir-riżultati tar-riċerka jiġu disseminati lil bdiewa u kumpaniji rurali, u qed tippjana li toħloq madwar 170 000 post f’korsijiet ta’ taħriġ. Hu mistenni wkoll li l-Fondi jappoġġjaw il-ħolqien ta' 3 400 impjieg rurali minbarra l-agrikoltura u li jsaħħu l-aċċess għas-servizzi u l-infrastruttura għal 43% tal-popolazzjoni rurali.
Użu ta’ strumenti finanzjarji u għodod territorjali
L-istrumenti finanzjarji se jintużaw aktar fil-perjodu ta' programmar 2014-2020, billi jgħollu l-allokazzjoni tal-FEŻR għal EUR 133 miljun, p.e. żieda ta' madwar 80% minn 2007-2013. Tliet tipi ta’ strumenti finanzjarji huma ppjanati: tmien fondi ta' kapital ta' riskju reġjonali biex jappoġġjaw lill-SMEs, "fond ta' fondi" biex jappoġġja l-fondi ta' kapital ta' riskju privat mal-pajjiż kollu u "fond ambjentali" nazzjonali biex jippromwovi t-tranżizzjoni għal ekonomija b’livell baxx ta’ karbonju. L-Iżvezja tuża biss l-appoġġ tal-FEŻR għall-istrumenti tal-ekwità għal appoġġ ġenerali tal-SMEs u għal appoġġ fis-settur tal-enerġija.
Il-programmi se jiżguraw l-użu tal-istrumenti territorjali. Tliet programmi tal-FEŻR jinvolvu l-implimentazzjoni ta' strateġiji ta' żvilupp urban sostenibbli u wieħed minnhom qed juża l-approċċ tal-investiment territorjali integrat. Il-Fondi se jinvestu fl-iżvilupp lokali, b’aktar minn 50% tal-popolazzjoni rurali megħjunin mill-istrateġiji ta' żvilupp lokali implimentati minn 50 grupp ta' azzjoni lokali mal-pajjiż kollu. Is-sħubijiet lokali f'żoni rurali, urbani u intermedji u b'rabtiet bejn iż-żoni rurali u urbani se jissaħħu permezz ta' programm b'diversi fondi nazzjonali li jgħaqqad lill-FEŻR u lill-FSE u ffukat esklużivament fuq żvilupp lokali mmexxi mill-komunità.
Informazzjoni prinċipali
Politika ta’ koeżjoni (FSE, FEŻR, YEI) |
FAEŻR |
FEMS |
ETC |
|
Nru ta’ programmi |
8 reġjonali, 2 nazzjonali, 1 CLLD |
1 |
1 |
10 |
Fondi disponibbli (EUR) |
1 763 510 980 |
1 763 565 250 |
120 156 004 |
981 326 308 34 |
2. Prekondizzjonijiet għal użu effettiv u effiċjenti tal-FSIE
L-Iżvezja tissodisfa l-kondizzjonalitajiet ex ante (EACs) kollha, ħlief għal dik tal-effiċjenza fl-enerġija, u l-EAC ġenerali dwar is-sistemi tal-istatistika u l-indikaturi tar-riżultati għall-Programm Operezzjonali għal żvilupp lokali mmexxi mill-komunità.
3. Immaniġġjar tal-FSIE
L-għodda ta’ koordinazzjoni operazzjonali ewlenija għall-FSIE kollha se tkun il-Fondsamordningsgruppen (Grupp ta' Kooperazzjoni tal-Fondi), li se jipprova jiżgura l-kooperazzjoni neċessarja bejn l-awtoritajiet nazzjonali responsabbli għall-immaniġġjar tal-FSIE: l-Aġenzija għat-Tkabbir Ekonomiku u Reġjonali, il-Kunsill Żvediż tal-FSE u l-Bord Żvediż tal-agrikoltura.
4. Simplifikazzjoni għall-benefiċjarji
Bħala pass importanti għas-simplifikazzjoni, l-awtoritajiet ta' mmaniġġjar diġà jippermettu lill-benefiċjarji li jimmaniġġjaw il-proġetti b'mod elettroniku. L-immaniġġjar elettroniku sħiħ tal-implimentazzjoni tal-FSIE se jitlesta fl-2016. Għall-FSE, opzjoni ta' kosti ssimplifikati ġdida għall-benefiċjarji se tintuża abbażi ta' att delegat adottat mill-Kummissjoni fid-9 ta' Lulju 2015.
1. FSIE fir-Renju Unit
Sfidi ekonomiċi u soċjali fil-kuntest tal-FSIE
Fl-2014, l-ekonomija tar-Renju Unit kibret b’2.8% — l-aqwa prestazzjoni mill-2006 'l hawn. Għall-2015, hu mbassar li din se tikber b'2.5%. Ir-rata tal-impjiegi (73.5%) attwalment għandha l-ogħla rekord. Il-qgħad (5.5%) hu fl-aktar livell baxx tiegħu għal kważi seba' snin u qed ikompli jonqos.
Is-suq tax-xogħol tar-Renju Unit b'mod ġenerali jaħdem tajjeb, iżda t-tkabbir tal-produttività tax-xogħol miexja bil-mod. Il-livelli ta' ħiliet bażiċi huma anqas mill-pajjiżi komparabbli u s-suq tax-xogħol tar-Renju Unit hu wkoll ikkaratterizzat b'nuqqas ta' impjiegi, sigħat baxxi ta' xogħol għal ċerti gruppi u tranżizzjoni baxxa. Il-faqar tat-tfal u familji bi dħul baxx huma sfidi li jistgħu jiġu aggravati minn bidliet ta’ benefiċċji tat-taxxa mogħtija fil-passat u jistgħu wkoll jiġu milquta inċentivi ta’ xogħol.
Waħda mill-kwistjonijiet ewlenin li r-Renju Unit qed jiffaċċja hi l-produttività baxxa. Il-FSIE jistgħu jindirizzaw numru ta' fatturi li jaffettwaw il-produttività permezz tal-intensità tal-kapital u tal-investiment fir-R&Ż (tkabbir intelliġenti) u fl-edukazzjoni u l-ħiliet (żviluppp inklużiv). Ir-Renju Unit diġà qed jidderieġi ammont konsiderevoli ta’ riżorsi domestiċi lejn l-objettivi ta' Eworpa 2020, hu u jqis ir-rakkomandazzjonijiet ta' politika tas-Semestru Ewropew. Filwaqt li hu impenjat favur l-objettivi ta' politika usa', ir-Renju Unit ma ffirmax għall-miri ta' Ewropa 2020, inklużi dawk relatati mar-rata tal-impjiegi, il-livelli tan-nefqa tar-R&Ż, l-abbandun bikri mill-iskola u l-involviment fl-edukazzjoni terzjarja.
Prijoritajiet ewlenin u riżultati
2014-2020, il-finanzjament tal-FSIE ta' aktar minn EUR 16-il biljun se jikkontribwixxi b'mod dirett għall-istrateġija ta' Ewropa 2020. Hu mistenni li l-investimenti tal-FSIE ta' EUR 1.6 biljun se jattiraw livelli ogħla (EUR 127.5 miljun) ta' investiment privat tar-R&I.
EUR 266 miljun se jiġu investiti sabiex titjieb l-infrastruttura tal-ICT sabiex jiġu indirizzati fallimenti ċari tas-suq u se jippreżentaw inizjattivi ppjanati biex jissaħħu r-rata u l-kwalità tal-iżvilupp lokali u se jżidu t-teħid tal-ICT minn negozji.
Investimenti ta’ EUR 2.4 biljun se jappoġġjaw l-SMEs billi jiġu indirizzati l-ostakli għat-tkabbir, p.e. permezz tal-aċċess għall-finanzi, il-pariri dwar in-negozju, l-iżvilupp tal-katina tal-provvista, u l-appoġġ settorjali (inklużi l-agrikoltura, is-sajd u l-akkwakultura). It-titjib tal-aċċess għall-finanzi hu prijorità ewlenija, b’mod partikolari minħabba n-nuqqas ta’ fondi ta’ investiment f’ħafna partijiet mir-Renju Unit.
EUR 1.4 biljun se jgħinu jinbena s-suq f'tekonoloġiji, prodotti u servizzi ambjentali b'livell baxx ta' karbonju (p.e. bl-appoġġ lill-innovazzjoni, il-ħidma mal-katini tal-provvista, l-istrumenti finanzjarji (SF) u l-inkuraġġiment ta' xift fil-mezzi tat-trasport), se jinkuraġġixxu l-effiċjenza fl-enerġija (inter alia fl-intrapriżi u fil-proċessi industrijali) u se jtejbu l-konsum tal-enerġija f'madwar 15 500 familja. L-investiment se jintefaq fuq il-produzzjoni ta' 45 158 MW ta' enerġija rinnovabbli addizzjonali, li tappoġġja soluzzjonijiet imfasslin għal-livell baxx ta' karbonju (p.e. bliet intelliġenti u mobilità sostenibbli), trasport pubbliku favur l-ambjent b'livell baxx ta' karbonju u l-isfruttar tal-potenzjal tar-riżorsi ta' enerġija marini.
Madwar EUR 4.5 biljun se jikkontribwixxu għat-twettiq ta' politiki dwar it-tibdil fil-klima u ta' prijoritajiet għall-użu u l-immaniġġjar sostenibbli tal-art permezz ta' azzjoni klimatika agriambjentali mmirata u biex jiġu mmaniġġjati l-għargħar u r-riskji tal-erożjoni kostali. Il-Fondi se jikkontribbwixxu għall-iżvilupp sostenibbli taż-żoni tas-sajd u tal-akkwakultura. Se jittejbu wkoll l-ekosistemi marini u l-bijodiversità akkwatika. Hu stmat li l-Fondi jistgħu jgħinu biex jitnaqqsu l-gassijiet b’effett serra b’554 048 t CO2 eq./sena.
Finanzjament ta’ aktar minn EUR 360 miljun se jwassal għal titjib fil-funzjonament tan-netwerk TEN-T f’reġjuni anqas żviluppati.
Is-sehem tal-FSE tal-programmi tal-FSIE hu ta’ 45.9% (€ 5,148,691,817). L-Inizjattiva favur l-Impjieg taż-Żgħażagħ se tkun disponibbli f'Inner London, Merseyside, Tees Valley & Durham, West Midlands, South West Scotland u f'Kingston upon Hull, City of Thurrock, Nottingham u Leicester.
Il-prijoritajiet ewlenin fil-programmi operazzjonali tar-Renju Unit se jkunu li jiġu ttrattati l-ostakoli biex wieħed jidħol fix-xogħol, jibqa' fix-xogħol u jagħmel progress fix-xogħol inklużi billi jiġu pprovduti taħriġ ta' ħiliet u appoġġ ieħor; b’mod partikolari tingħata attenzjoni lit-tranżizzjonijiet bejn il-qgħad u x-xogħol. Se jkun hemm enfasi partikolari fuq gruppi vulnerabbli u ż-żgħażagħ. Ir-Renju Unit jalloka EUR 1.1 miljun minn total ta’ ammont ta’ FSE ta’ EUR 5.1 miljun għall-inklużjoni soċjali, il-ġlieda kontra l-faqar u d-diskriminazzjoni.
Ir-riżultati mistennija jinkludu proporzjon akbar ta' intrapriżi innovattivi (inter alia permezz ta' aktar kuntatti bejn l-SMEs u l-istituzzjonijiet akkademiċi u ta' involviment ippjanat mill-British Business Bank), aċċess miżjud u użu ta' broadband b'superveloċità skont l-Aġenda Diġitali tal-UE, appoġġ għax-xift lejn l-ekonomija b'livell baxx ta' karbonju, immaniġġjar tal-art sostenibbli mtejjeb fl-agrikoltura u l-forestrija, tnaqqis ta' livelli ta' inattività fost iż-żgħażagħ u dawk bla xogħol għal żmien twil u livelli ogħla ta' taħriġ u ta' ħiliet.
Użu ta’ strumenti finanzjarji u għodod territorjali
Il-Fondi SIE se jintużaw biex jitjieb l-aċċess għall-finanzi tal-SMEs billi tiżdied il-provvista tal-finanzjament fejn jeżisti falliment tas-suq u biex jiġu stabbiliti servizzi ta’ appoġġ. Proposti konkreti għall-użu prospettiv tal-istrumenti finanzjarji għadhom ma ġewx ikkonfermati, billi l-valutazzjonijiet ex ante għadhom għaddejjin; madankollu, l-indikazzjonijiet s'issa huma li r-Renju Unit se jżid l-allokazzjoni lill-istrumenti finanzjarji b'madwar 50% b'paragun mal-2007-2013, li jaqbżu EUR 1 biljun. Il-maġġoranza se jintużaw b'appoġġ għall-SMEs, l-innovazzjoni u l-enerġija. Barra minn hekk, hemm skop fil-programmi għall-esplorazzjoni tal-użu ta' strumenti finanzjarji biex jitwasslu l-broadband u l-infrastruttura ambjentali.
Kwistjonijiet territorjali: B’mod partikolari, mill-anqas 5.4% tal-allokazzjoni tal-FEŻR se jkunu investiti fi żvilupp urban sostenibbli fl-ibliet u r-reġjuni urbani ewlenin fl-Ingilterra. Mill-anqas 5% tal-kontribuzzjoni totali tal-FAEŻR għall-programmi ta' żvilupp rurali tar-Renju Unit se jkunu riżervati għal LEADER. EUR 48.5 miljun mill-FEŻR u EUR 58.3 miljun mill-FSE se jkunu riżervati għal appoġġ għall-iżvilupp lokali mmexxi mill-komunità fl-Ingilterra. Investimenti territorjali integrati se jintużaw għal żvilupp urban sostenibbli u bħala għodda għal approċċ integrat għall-investiment tal-anqas fir-reġjun anqas żviluppat ta’ Cornwall u l-Gżejjer ta’ Scilly. L-istrateġija tal-baċiri tal-Atlantiku se tkun wkoll sors importanti ta’ ispirazzjoni għall-implimentazzjoni tal-FSIE.
Informazzjoni prinċipali
Politika ta’ koeżjoni (FSE, FEŻR, YEI) |
FAEŻR |
FEMS |
ETC |
|
Nru ta’ programmi |
12 reġjonali |
4 reġjonali |
1 nazzjonali |
10 |
Fondi disponibbli (EUR) |
10 974 276 104 |
5 199 666 491 |
243 139 437 |
1 991 080 334 35 |
2. Prekondizzjonijiet għal użu effettiv u effiċjenti tal-FSIE
Il-valutazzjoni ddettaljata tal-kondizzjonalitajiet ex ante ġenerali u tematiċi ġiet approvata fil-livell ta' programm minħabba l-istruttura ta' devoluzzjoni tal-amministrazzjoni tar-Renju Unit. Il-kondizzjonalitajiet ex-ante tematiċi u ġenerali kollha ġew issodisfatti.
3. Immaniġġjar tal-FSIE
Firxa ta’ strumenti kumplementari tal-UE (p.e. Orizzont 2020) u ta’ strumenti u ta’ politika nazzjonali se jintużaw biex jimmassimizzaw il-benefiċċju tal-FSIE. Ir-Renju Unit għandu jistabbilixxi mekkaniżmi li jiżguraw koordinazzjoni bejn il-FSIE u strumenti oħra nazzjonali u tal-UE.
4. Simplifikazzjoni għall-benefiċjarji
L-awtoritajiet ta' mmaniġġjar qed jiżviluppaw arranġamenti, inkluż aktar użu tas-somom ta' flus f'daqqa u tal-opzjonijiet ta' kosti ssimplifikati, biex jiġi żgurat tnaqqis effettiv tal-piż amministrattiv għall-benefiċjarji u l-amministraturi.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom tipparteċipa l-Awstrija.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom jipparteċipa l-Belġju.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom tipparteċipa l-Bulgarija.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom tipparteċipa l-Kroazja.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom jipparteċipa Ċipru.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom tipparteċipa r-Repubblika Ċeka.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom tipparteċipa d-Danimarka.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom tipparteċipa l-Estonja.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom tipparteċipa l-Finlandja.
Din hi s-somma totali tal-indikaturi adatti tal-kontribut komuni fil-programmi li tipprovdi valur għal dan l-indikatur.
Din hi s-somma totali tal-indikaturi adatti tal-kontribut komuni fil-programmi li tipprovdi valur għal dan l-indikatur.
Il-Fond Soċjali Ewropew, l-Inizjattiva favur l-Impjieg taż-Żgħażagħ u l-Assistenza Teknika.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom tipparteċipa Franza.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom tipparteċipa l-Ġermanja.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom tipparteċipa l-Ġreċja.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom tipparteċipa l-Unġerija.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom tipparteċipa l-Irlanda.
Inklużi 14 670 000 li jikkorrispondu mat-trasferiment mill-ewwel pilastru (limiti massimi).
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom tipparteċipa l-Italja.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom tipparteċipa l-Latvja.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom tipparteċipa l-Litwanja.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom jipparteċipa l-Lussemburgu.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom tipparteċipa Malta.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom jipparteċipaw in-Netherlands.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom tipparteċipa l-Polonja.
dejta tal-2012
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom jipparteċipa l-Portugall.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom tipparteċipa r-Rumanija.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom tipparteċipa s-Slovakkja.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom tipparteċipa s-Slovenja.
Blue ITI (Strateġija tal-Atlantiku), Mar Menor (Murcia), Cádiz, Extremadura, Teruel.
Prinċipalment fiż-żoni rurali u kostali, iżda wkoll f'xi żoni urbani b'densità għolja taħt ċerti kondizzjonijiet.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom tipparteċipa Spanja.
It-total hu s-somma ta’ finanzjament tal-UE għall-programmi tal-Kooperazzjoni Territorjali Ewropea (ETC) li fihom tipparteċipa l-Iżvezja.
Din hi s-somma totali tal-finanzjament tal-UE għall-programmi tal-Kooperazzjoni Territorjali Ewropea (ETC) li fihom jipparteċipa r-Renju Unit.
IL-KUMMISSJONI EWROPEA
Brussell, 14.12.2015
COM(2015) 639 final
ANNESSI
ANNESS III: Il-Valutazzjoni Ġenerali tal-Addizzjonalità (l-Artikolu 95 tas-CPR)
ANNSS IV: L-iskeda ta' żmien għat-tressiq u l-adozzjoni ta' ftehimiet ta' sħubija u programmi
tal-
Komunikazzjoni tal-Kummissjoni
Ninvestu f'impjiegi u tkabbir - nimmassimizzaw il-kontribuzzjoni tal-Fondi Strutturali u ta' Investiment Ewropej
Anness III: Il-valutazzjoni ġenerali tal-addizzjonalità (l-Artikolu 95 tas-CPR)
L-addizzjonalità hija prinċipju ewlieni tal-politika ta’ koeżjoni. Dan ifisser li l-fondi (FEŻR, FSE, FK) jikkomplementaw iżda ma jiħdux post in-nefqa strutturali pubblika jew ekwivalenti ta’ Stat Membru.
Il-verifika tal-addizzjonalità ġiet issimplifikata konsiderevolment fil-perjodu ta’ programmar il-ġdid (2014-20) billi sempliċiment jintuża l-iktar indikatur importanti ta’ investiment pubbliku (jiġifieri, il-formazzjoni grossa ta’ kapital fiss mill-gvern ġenerali (GFCF)).
Dan il-prinċipju issa huwa totalment konformi mal-governanza ekonomika tal-UE peress li l-informazzjoni rrappurtata fil-programmi ta’ stabilità u konverġenza ppreżentati mill-Istati Membri se tkun ir-referenza għall-verifika tagħha.
Il-Kummissjoni se tivverifika l-konformità mal-prinċipju tal-addizzjonalità fl-Istati Membri fejn ir-reġjuni inqas żviluppati jkopru mill-inqas 15% tal-popolazzjoni totali. 14-il Stat Membru biss huma soġġetti għal verifika, 11 fuq livell nazzjonali (il-Bulgarija, ir-Repubblika Ċeka, l-Estonja, il-Latvja, il-Litwanja, l-Ungerija, il-Polonja, il-Portugall, ir-Rumanija, is-Slovakkja u l-Kroazja) u 3 fil-livell reġjonali (l-Italja, il-Greċja, is-Slovenja).
L-istħarriġiet annwali dwar it-tkabbir adottati mill-Kummissjoni talbu ripetutament biex titjieb il-kompożizzjoni tan-nefqa pubblika billi tkun aktar favorevoli għat-tkabbir. Il-prinċipju tal-addizzjonalità huwa strument importanti biex jintlaħaq dan l-objettiv għaliex jiżgura li ċertu ammont ta’ fondi nazzjonali ukoll se jiġi investit.
L-Istati Membri għandhom jistabbilixxu l-miri tagħhom għall-perjodu sħiħ ta’ programmar 2014-20 fil-ftehimiet ta’ sħubija rispettivi tagħhom.
Fl-2014-16, ir-rekwiżit ta’ addizzjonalità se jimmobilizza madwar EUR 45 biljun, li jirrappreżenta madwar 2.8% tal-PDG medju fl-Istati Membri u r-reġjuni kkonċernati.
L-ogħla miri huma osservati fir-Rumanija, il-Bulgarija u l-Polonja filwaqt li l-impenji tal-Greċja, l-Italja u l-Portugall huma l-aktar baxxi meta mqabbla mal-PDG 1 nazzjonali rispettivi tagħhom.
ANNESS IV: L-iskeda ta’ żmien għat-tressiq u l-adozzjoni ta’ ftehimiet ta’ sħubija u programmi
Fil-Greċja, l-Italja u s-Slovenja l-mira tirreferi għall-formazzjoni ta’ kapital fiss gross (GFCF) tal-gvern ġenerali fir-reġjuni anqas żviluppati minħabba li f'dawn il-postijiet l-addizzjonalità hija vverifikata fil-livell reġjonali (GFCF f’reġjuni inqas żviluppati/PDG nazzjonali).