31.7.2014   

MT

Il-Ġurnal Uffiċjali tal-Unjoni Ewropea

C 249/1

1.

2.

2.1.

2.2.

2.3.

2.4.

3.

3.1.

3.1.1.

3.1.2.

3.2.

3.3.

3.3.1.

3.3.2.

3.4.

3.5.

3.5.1.

3.5.2.

3.6.

3.6.1.

3.6.2.

3.6.3.

3.6.4.

3.7.

4.

5.

6.

6.1.

6.2.

6.3.

6.4.

6.5.

6.6.

6.7.

7.

7.1.

7.2.

7.2.1.

7.2.2.

7.2.3.

8.

9.

10.

1.

F’dawn il-linji gwida, il-Kummissjoni tistabbilixxi l-kundizzjonijiet li skonthom l-għajnuna mill-Istat għas-salvataġġ u r-ristrutturar ta’ impriżi mhux finanzjarji f’diffikultà tista’ tiġi kkunsidrata kumpatibbli mas-suq intern abbażi tal-Artikolu 107(3)(c) tat-Trattat dwar il-Funzjonament tal-Unjoni Ewropea.

2.

Il-Kummissjoni adottat il-Linji Gwida oriġinali tagħha dwar l-għajnuna mill-Istat għas-salvataġġ u r-ristrutturar ta’ impriżi f’diffikultà (1) fl-1994. Fl-1997, il-Kummissjoni żiedet regoli speċifiċi għall-agrikoltura (2). Verżjoni mmodifikata tal-linji gwida ġiet adottata fl-1999 (3). Fl-2004 l-Kummissjoni adottat linji gwida (4) ġodda li l-validità tagħhom għall-ewwel ġiet estiża sad-9 ta’ Ottubru 2012 (5), u sussegwentement għal sa meta jiġu sostitwiti b’regoli ġodda (6), f’konformità mal-programm ta’ riforma stipulat fil-Komunikazzjoni tal-Kummissjoni tat-8 ta’ Mejju 2012 dwar il-modernizzazzjoni tal-għajnuna mill-Istat tal-UE (7).

3.

F’din il-Komunikazzjoni, il-Kummissjoni ħabbret tliet objettivi marbutin mal-immodernizzar tal-kontroll tal-għajnuna mill-Istat:

4.

B’mod partikolari, il-Komunikazzjoni sejħet għal approċċ komuni fir-reviżjoni tal-linji gwida u l-oqfsa differenti, li jkun ibbażat fuq it-tisħiħ tas-suq intern, il-promozzjoni ta’ effikaċja ikbar fl-infiq pubbliku permezz ta’ kontribut aħjar tal-għajnuna mill-Istat għall-objettivi ta’ interess komuni u fuq skrutinju akbar fuq l-effett ta’ inċentiv, il-limitazzjoni tal-għajnuna għall-inqas possibbli u l-evitar tal-effetti negattivi potenzjali tal-għajnuna fuq il-kompetizzjoni u l-kummerċ.

5.

Il-Kummissjoni rrieżaminat dawn il-linji gwida dwar is-salvataġġ u r-ristrutturar ta’ ditti f’diffikultà abbażi tal-esperjenza tagħha fl-applikazzjoni tar-regoli eżistenti u skont l-approċċ komuni msemmi hawn fuq. Ir-reviżjoni tieħu inkonsiderazzjoni wkoll l-istrateġija Ewropa 2020 adottata mill-Kummissjoni (8) kif ukoll il-fatt li l-effetti negattivi tal-għajnuna mill-Istat jistgħu jinterferixxu mal-bżonn li jiġu xprunati l-produttività u t-tkabbir, li jiġu ppreservati opportunitajiet indaqs għall-impriżi u li jiġi miġġieled il-protezzjoniżmu nazzjonali.

6.

L-għajnuna għas-salvataġġ u r-ristrutturar hija waħda mill-aktar tipi ta’ għajnuna mill-Istat li toħloq distorsjoni. Huwa stabbilit sew li s-setturi tal-ekonomija li jirnexxu jesperjenzaw tkabbir fil-produttività mhux għax l-impriżi kollha preżenti fis-suq isiru aktar produttivi, iżda għax l-impriżi li huma aktar effiċjenti u avvanzati teknoloġikament jikbru għad-detriment ta’ dawk li huma anqas effiċjenti jew li għandhom prodotti antikwati. Il-ħruġ mis-suq tal-impriżi li huma anqas effiċjenti jipperemetti lill-kompetituri tagħhom li jkunu aktar effiċjenti li jikbru u jirritornaw l-assi fis-suq, fejn ikunu jistgħu jiġu applikati għal użi aktar produttivi. Bl-interferenza tagħha f’dan il-proċess, l-għajnuna għas-salvataġġ u r-ristrutturar tista’ xxekkel b’mod sinifikanti t-tkabbir ekonomiku fis-setturi kkonċernati.

7.

Meta partijiet minn impriża f’diffikultà jibqgħu essenzjalment vijabbli, l-impriża tista’ twettaq ristrutturar li jwassal biex din toħroġ minn ċerti attivitajiet li strutturalment jagħmlu t-telf u li jippermetti li l-attivitajiet li jifdal jiġu organizzati mill-ġdid fuq bażi li tagħti prospett raġonevoli ta’ vijabbiltà fit-tul. Ristrutturar bħal dan ġeneralment għandu jkun possibbli mingħajr għajnuna mill-Istat, permezz ta’ ftehimiet ma’ kredituri jew permezz ta’ proċeduri ta’ insolvenza jew ta’ riorganizzazzjoni. Il-liġi moderna tal-insolvenza għandha tgħin lill-kumpaniji sodi jissoppravivu, tgħin biex jiġu ssalvagwardjati l-impjiegi u tippermetti lill-fornituri biex iżommu l-klijenti tagħhom, u tippermetti lis-sidien iżommu l-valur f’kumpaniji vijabbli (9). Il-proċedimenti tal-insolvenza jistgħu jwasslu wkoll biex impriża vijabbli terġa’ tidħol fis-suq permezz ta’ akkwiżizzjoni minn partijiet terzi, sew jekk tal-impriża bħala negozju avvjat jew tal-assi varji tal-produzzjoni tagħha.

8.

Konsegwentement, l-impriżi għandhom ikunu eliġibbli għall-għajnuna mill-Istat meta dawn ikunu eżawrixxew l-għażliet kollha tas-suq biss, u fejn tali għajnuna tkun neċessarja biex jintlaħaq objettiv ta’ interess komuni ferm definit. Skont dawn il-linji gwida, l-impriżi għandhom jitħallew jirċievu l-għajnuna darba fi żmien għaxar snin (il-prinċipju “tal-ewwel u l-aħħar darba”).

9.

Tħassib ieħor huwa l-problema ta’ periklu morali maħluqa mill-għajnuna mill-Istat. L-impriżi li jantiċipaw li x’aktarx jiġu salvati meta jiltaqgħu mad-diffikultajiet, jistgħu japplikaw strateġiji ta’ negozju li huma riskjużi żżejjed u mhux sostenibbli. Barra minn hekk, il-prospett tal-għajnuna għas-salvataġġ u r-ristrutturar għal impriża partikolari jista’ jnaqqas b’mod artifiċjali l-kost tal-kapital tagħha, u b’hekk din tingħata vantaġġ kompetittiv mhux xieraq fis-suq.

10.

L-għajnuna mill-Istat biex jiġu salvati u rristrutturati l-impriżi li jiltaqgħu mad-diffikultajiet, tista’ ddgħajjef ukoll is-suq intern billi tittrasferixxi proporzjon mhux xieraq mill-piż tal-aġġustament strutturali u l-problemi soċjali u ekonomiċi assoċjati fuq Stati Membri oħrajn. Fiha nnifisha din mhix ħaġa mixtieqa u tista’ tagħti lok għal tlielaq għal sussidju ta’ ħela fost l-Istati Membri. Għajnuna bħal din tista’ twassal ukoll għall-ħolqien ta’ ostakli għad-dħul u tpoġġi f’periklu l-inċentivi għall-attivitajiet transfruntieri, kontra l-objettivi tas-suq intern.

11.

Għaldaqstant, huwa importanti li jiġi żgurat li l-għajnuna tingħata biss meta jkun hemm kundizzjonijiet li jimmitigaw l-effetti ta’ ħsara potenzjali tagħha u jippromwovu nefqa pubblika effikaċi. Fir-rigward tal-għajnuna għar-ristrutturar, ir-rekwiżiti dwar ir-ritorn għall-vijabbiltà, il-kontribuzzjoni proprja u l-miżuri li jillimitaw d-distorsjonijiet tal-kompetizzjoni wrew kemm huma validi biex jittaffew l-effetti potenzjali ta’ ħsara ta’ din l-għajnuna. Dawn jibqgħu japplikaw skont dawn il-linji gwida, adattati kif ikun meħtieġ sabiex l-esperjenza reċenti tal-Kummissjoni tittieħed inkonsiderazjoni. Il-kunċett tal-kondiviżjoni tal-piżijiet ġie introdott, inter alia, sabiex jindirizza aħjar il-kwistjoni tar-riskju morali. Fil-każ tal-għajnuna għas-salvataġġ u l-appoġġ temporanju għar-ristrutturar, l-effetti potenzjali ta’ ħsara jiġu mmitigati permezz ta’ restrizzjonijiet fuq it-tul iż-żmien li għalih tingħata l-għajnuna u l-forma tal-għajnuna.

12.

Meta l-għajnuna tieħu forma ta’ assistenza għal-likwidità li tkun limitata kemm fl-ammont u kemm fit-tul taż-żmien li għalih tingħata, it-tħassib dwar l-effetti ta’ ħsara potenzjali tagħha jonqos ħafna, u dan jippermetti li din tiġi approvata b’kundizzjonijiet anqas stretti. Filwaqt li għajnuna bħal din, fil-prinċipju, tista’ tintuża biex tappoġġja proċess sħiħ ta’ ristrutturar, il-limitazzjoni tal-għajnuna għas-salvataġġ għal perjodu ta’ sitt xhur tfisser li dan jiġri rarament, minflok, l-għajnuna għas-salvataġġ ġeneralment tiġi segwita minn għajnuna għar-ristrutturar.

13.

Biex jitħeġġeġ l-użu ta’ forom anqas distortivi ta’ għajnuna, dawn il-linji gwida jintroduċu kunċett ġdid ta’ “appoġġ temporanju għar-ristrutturar”. L-istess bħall-għajnuna għas-salvataġġ, l-appoġġ temporanju għar-ristrutturar jista’ jsir biss f’forma ta’ assistenza għal-likwidità li tkun limitata kemm fl-ammont kif ukoll fit-tul ta’ żmien. Madankollu, sabiex din tkun tista’ tappoġġja l-proċess kollu ta’ ristrutturar, it-tul massimu ta’ appoġġ temporanju għar-ristrutturar huwa ta’ 18-il xahar. L-appoġġ temporanju għar-ristrutturar jista’ jingħata biss lill-SMEs (10) u lil impriżi pubbliċi iżgħar (11), li jaffaċċjaw sfidi akbar minn dawk tal-impriżi l-kbar rigward l-aċċess għal-likwidità.

14.

Meta l-għajnuna lill-fornituri tas-servizzi ta’ interess ekonomiku ġenerali (“SIEĠ”) f’diffikultà taqa’ taħt dawn il-linji gwida, il-valutazzjoni għandha titwettaq skont il-prinċipji standard tal-linji gwida. Madankollu, l-applikazzjoni speċifika ta’ dawn il-prinċipji għandha tiġi adattata fejn ikun neċessarju biex tiġi kkunsidrata n-natura speċifika tas-SIEĠ, u b’mod partikolari, il-bżonn li tiġi żgurata l-kontinwità tal-għoti tas-servizz skont l-Artikolu 106(2) tat-Trattat.

15.

Il-Pjan ta’ Azzjoni tal-Kummissjoni għal industrija tal-azzar fl-Ewropa (12) li tkun kompetittiva u sostenibbli (“il-Pjan ta’ Azzjoni dwar l-Azzar”), jistabbilixxi serje ta’ azzjonijiet li jimmiraw li jippromwovu settur tal-azzar sod u kompetittiv. Il-Pjan ta’ Azzjoni dwar l-Azzar jidentifika wkoll għadd ta’ oqsma li fihom l-appoġġ mill-Istat huwa disponibbli għall-impriżi fis-settur tal-azzar skont ir-regoli dwar l-għajnuna mill-Istat. Madankollu, bil-kundizzjonijiet preżenti ta’ kapaċità żejda sinifikanti fl-Ewropa u fid-dinja (13), l-għajnuna mill-Istat għas-salvataġġ u r-ristrutturar tal-impriżi tal-azzar mhix ġustifikata. Is-settur tal-azzar għandu, għaldaqstant, jiġi eskluż mill-kamp ta’ applikazzjoni ta’ dawn il-linji gwida.

16.

Id-Deċiżjoni tal-Kunsill 2010/787/UE (14) tistipula l-kundizzjonijiet li skonthom tista’ tingħata għajnuna soċjali, ambjentali u għall-operat sal-2027, għall-produzzjoni fis-settur tal-faħam li ma tkunx kompetittiva (15). Ir-regoli attwali jsegwu regoli speċifiċi għal setturi preċedenti applikati bejn l-2002 u l-2010 (16) u l-1993 u l-2002 (17), li ffaċilitaw ir-ristrutturar ta’ impriżi mhux kompetittivi fis-settur tal-faħam. Bħala riżultat, u minħabba l-bżonn persistenti li jingħata appoġġ għall-aġġustament strutturali tal-produzzjoni tal-faħam fl-Unjoni, ir-regoli attwali huma aktar stretti minn dawk preċedenti u jirrikjedu l-waqfien permanenti tal-produzzjoni u tal-bejgħ tal-produzzjoni megħjuna tal-faħam, kif ukoll l-għeluq definittiv ta’ unitajiet tal-produzzjoni li ma jkunux kompetittivi sal-31 ta’ Diċembru 2018 l-aktar tard. Fl-applikazzjoni ta’ dawn ir-regoli, diversi Stati Membri adottaw u qed jimplimentaw pjanijiet li jwasslu għall-għeluq definittiv tal-minjieri tal-faħam li jkunu f’diffikultà u li jkunu operati minn impriżi f’dan is-settur (18). Is-settur tal-faħam għandu għalhekk jiġi eskluż mill-kamp ta’ applikazzjoni ta’ dawn il-linji gwida.

17.

L-esperjenza tal-Kummissjoni rigward is-salvataġġ u r-ristrutturar tal-istituzzjonijiet finanzjarji waqt il-kriżi finanzjarja u ekonomika wriet li regoli speċifiċi applikabbli għas-settur finanzjarju jistgħu jkunu ta’ benefiċċju minħabba l-karatteristiċi speċifiċi tal-istituzzjonijiet finanzjarji u tas-swieq finanzjarji. L-impriżi koperti minn regoli speċifiċi għas-settur finanzjarju huma għalhekk esklużi mill-kamp ta’ applikazzjoni ta’ dawn il-linji gwida.

18.

Il-Kummissjoni se tapplika dawn il-linji gwida għall-għajnuna mogħtija lill-impriżi kollha li huma f’diffikultà, minbarra dawk li joperaw fis-settur tal-faħam (19) jew fis-settur tal-azzar (20), u dawk koperti mir-regoli speċifiċi tal-istituzzjonijiet finanzjarji (21), mingħajr ħsara għal xi regola speċifika assoċjata ma’ impriżi li jkunu qed jaffaċċjaw diffikultajiet f’settur partikolari (22). Il-Kummissjoni se tapplika dawn il-linji gwida għas-settur tas-sajd u tal-akkwakultura, dejjem jekk jikkonformaw mar-regoli speċifiċi stipulati fil-Linji Gwida biex tiġi eżaminata l-għajnuna mill-Istat għas-sajd u l-akkwakultura (23), u għas-settur agrikolu, inkluż is-settur tal-produzzjoni agrikola primarja (24).

19.

Stat Membru li jipproponi li jagħti għajnuna lil impriża skont dawn il-linji gwida jrid juri abbażi ta’ raġunijiet oġġettivi li l-impriża kkonċernata tinsab f’diffikultà skont it-tifsira ta’ din it-taqsima, u tkun suġġetta għad-dispożizzjonijiet speċifiċi dwar l-għajnuna għas-salvataġġ u l-appoġġ temporanju għar-ristrutturar fil-punt 29.

20.

Għall-finijiet ta’ dawn il-linji gwida, impriża tkun ikkunsidrata li hija f’diffikultà meta, mingħajr l-intervent tal-Istat, tkun kważi ċertament ikkundannata li tagħlaq l-operat tagħha fit-terminu taż-żmien qasir jew medju. Għaldaqstant, impriża tkun ikkunsidrata li qiegħda f’diffikultà jekk ikun hemm tal-inqas waħda minn dawn iċ-ċirkostanzi:

21.

Impriża li tkun għada kif inħolqot ma tkunx eleġibbli għall-għajnuna skont dawn il-linji gwida, anki jekk il-pożizzjoni finanzjarja inizjali tagħha ma tkunx sikura. Dan huwa l-każ, pereżempju, meta impriża ġdida tinħoloq mil-likwidazzjoni ta’ impriża preċedenti jew sempliċement tieħu l-assi ta’ dik l-impriża. Fil-prinċipju, impriża tkun ikkunsidrata bħala waħda maħluqa reċentement għall-ewwel tliet snin wara l-bidu tal-operat tagħha fil-qasam ta’ attività relevanti. Huwa biss wara dan il-perjodu li din issir eleġibbli għall-għajnuna skont dawn il-linji gwida, sakemm:

22.

Kumpanija li tagħmel parti minn grupp ta’ negozji akbar jew li tkun ser tiġi akkwistata minn grupp ta’ negozji akbar, normalment ma tkunx eleġibbli għall-għajnuna skont dawn il-linji gwida, ħlief fejn ikun jista’ jintwera li d-diffikultajiet tal-kumpanija jkunu intrinsiċi u ma jkunux ir-riżultat ta’ allokazzjoni arbitrarja tal-kostijiet fil-grupp, u li d-diffikultajiet ikunu serji wisq biex jiġu indirizzati mill-grupp innifsu. Fejn kumpanija f’diffikultà toħloq sussidjarja, is-sussidjarja, flimkien mal-kumpanija f’diffikultà li tikkontrollaha, jiġu kkunsidrati bħala grupp u jkunu jistgħu jirċievu l-għajnuna skont il-kundizzjonijiet stipulati f’dan il-punt.

23.

Minħabba li l-eżistenza nnifisha tal-impriża tkun ipperikolata, impriża f’diffikultà ma tistax tkun ikkunsidrata bħala mezz adattat għall-promozzjoni ta’ objettivi oħrajn ta’ politika pubblika, sakemm il-vijabbiltà tagħha tiġi żgurata. Konsegwentement, il-Kummissjoni tikkunsidra li l-għajnuna għall-impriżi f’diffikultà tista’ tikkontribwixxi għall-iżvilupp ta’ attivitajiet ekonomiċi mingħajr ma taffettwa ħażin il-kummerċ sal-punt li jmur kontra l-interess komuni, dejjem jekk il-kundizzjonijiet stabbiliti f’dawn il-linji gwida jiġu ssodisfati, anki jekk din l-għajnuna tingħata skont skema li diġà tkun ġiet awtorizzata.

24.

Għadd ta’ regolamenti u komunikazzjonijiet fil-qasam tal-għajnuna mill-Istat u f’oqsma oħra, għaldaqstant, jipprojbixxu lill-impriżi f’diffikultà milli jirċievi l-għajnuna. Għall-finijiet ta’ dawn ir-regolamenti u l-komunikazzjonijiet, u sakemm ma jiġix speċifikat mod ieħor fihom:

25.

Dawn il-linji gwida jittrattaw tliet tipi ta’ għajnuna: għajnuna għas-salvataġġ, għajnuna għar-ristrutturar u appoġġ temporanju għar-ristrutturar.

26.

L-għajnuna għas-salvataġġ min-natura tagħha hija għajnuna urġenti u temporanja. L-objettiv prinċipali tagħha huwa li impriża li jkollha l-problemi tinżamm vijabbli għal dak iż-żmien qasir meħtieġ sakemm jitfassal pjan ta’ ristrutturar jew ta’ likwidazzjoni. Il-prinċipju ġenerali huwa li l-għajnuna għas-salvataġġ tippermetti li jingħata appoġġ temporanju lill-impriża li tkun qed taffaċċja deterjorament serju fis-sitwazzjoni finanzjarja tagħha, li tinvolvi kriżi ta’ likwidazzjoni akuta jew ta’ insolvenza teknika. Appoġġ temporanju bħal dan għandu jippermetti li jkun hemm żmien biex jiġu analizzati ċ-ċirkostanzi li jkunu kkawżaw id-diffikultajiet u biex jiġi żviluppat pjan xieraq biex jiġu rrimedjati dawn id-diffikultajiet.

27.

L-għajnuna għar-ristrutturar ħafna drabi tinvolvi assistenza aktar permanenti, u tkun trid terġa’ ġġib lill-benefiċjarju vijabbli fuq terminu twil abbażi ta’ pjan ta’ ristrutturar fattibbli, koerenti u li jestendi 'l bogħod, filwaqt li fl-istess ħin tippermetti li jkun hemm il-kontribuzzjoni proprja u l-qsim tal-piżijiet adegwati, u tillimita d-distorsjonijiet potenzjali tal-kompetizzjoni.

28.

L-appoġġ temporanju għar-ristrutturar huwa għajnuna ta’ likwidità maħsuba biex tappoġġja r-ristrutturar ta’ impriża billi jingħataw il-kundizzjonijiet meħtieġa sabiex il-benefiċjarju jkun jista’ jfassal u jimplimenta azzjoni xierqa biex terġa’ tinkiseb il-vijabbiltà fit-tul. L-appoġġ temporanju għar-ristrutturar jista’ jingħata biss lill-SMEs u lil impriżi pubbliċi iżgħar.

29.

B’deroga mill-punt 19, l-għajnuna għas-salvataġġ kif ukoll, fil-każ ta’ SMEs u impriżi pubbliċi iżgħar, l-appoġġ temporanju għar-ristrutturar jista’ jingħata wkoll lil impriżi li mhumiex f’diffikultà skont it-tifsira tal-punt 20, li madankollu jkollhom ħtieġa ta’ likwidità akuta minħabba ċirkostanzi eċċezzjonali u imprevisti.

30.

Ir-ristrutturar normalment jimplika t-tnaqqis jew l-abbandun tal-attivitajiet affettwati. Tnaqqis bħal dan ħafna drabi jkun neċessarju fl-interess tar-razzjonalizzazzjoni u l-effiċjenza, pjuttost differenti minn kull tnaqqis fil-kapaċità li jista’ jkun meħtieġ bħala kundizzjoni biex tingħata l-għajnuna. Irrelevanti mir-raġunijiet sottostanti, miżuri bħal dawn ġeneralment iwasslu għal tnaqqis fil-forza tax-xogħol tal-benefiċjarju.

31.

Il-leġiżlazzjoni tal-Istati Membri dwar ix-xogħol tista’ tinkludi skemi tas-sigurtà soċjali li skonthom ċerti benefiċċji jitħallsu direttament lill-impjegati li jkunu ngħataw is-sensja. Skemi bħal dawn ma għandhomx jitqiesu bħala għajnuna tal-Istat li taqa’ fil-kamp ta’ applikazzjoni tal-Artikolu 107(1) tat-Trattat.

32.

Minbarra dawn il-benefiċċji tas-sigurtà soċjali għall-impjegati, l-iskemi ġenerali tal-appoġġ soċjali jipprevedu li l-gvern għandu jkopri l-kost tal-benefiċċji li impriża tagħti lill-ħaddiema li jingħataw is-sensja u li jmorru lil hinn mill-obbligi statutorji jew kuntrattwali tagħha. Fejn tali skemi jkunu disponibbli ġeneralment mingħajr limitazzjonijiet settorjali lil kull ħaddiem li jissodisfa kundizzjonijiet ta’ eleġibbiltà predifiniti u awtomatiċi, dawn ma jitqisux li jinvolvu għajnuna skont l-Artikolu 107(1) għall-impriżi li jkunu qed iwettqu r-ristrutturar. Min-naħa l-oħra, jekk l-iskemi jintużaw biex jiġi appoġġjat ir-ristrutturar f’industriji partikolari, jista’ jkun li jinvolvu l-għajnuna minħabba l-mod selettiv kif jintużaw (29).

33.

L-obbligi li tidħol għalihom impriża skont il-leġiżlazzjoni dwar l-impjiegi jew il-ftehimiet kollettivi mat-trejdunjins biex jingħataw ċerti benefiċċji lill-ħaddiema ssensjati bħalma huma l-pagamenti tas-sensji jew il-miżuri sabiex tiżdied l-impjegabilità tagħhom, huma parti mill-kostijiet normali tan-negozju li impriża jkollha tħallas mir-riżorsi tagħha stess. Minħabba dan, kull kontribuzzjoni mill-Istat għal dawn il-kostijiet għandha titqies bħala għajnuna. Dan huwa minnu sew jekk il-pagamenti jsiru direttament lill-impriża u sew jekk dawn jiġi amministrati lill-impjegati permezz ta’ aġenzija tal-gvern.

34.

Il-Kummissjoni ma għandhiex oġġezzjoni a priori għal meta għajnuna bħal din tingħata lil impriża f’diffikultà, billi din iġġib benefiċċji ekonomiċi li jmorru lil hinn mill-interessi tal-impriża kkonċernata, tiffaċilita l-bidla strutturali u tnaqqas it-tbatija.

35.

Minbarra l-għoti ta’ appoġġ finanzjarju dirett, din l-għajnuna ġeneralment tingħata b’rabta ma’ skema ta’ ristrutturar partikolari għat-taħriġ, l-għoti tal-pariri u l-għajnuna prattika sabiex jinstab impjieg alternattiv, l-għajnuna għar-rilokazzjoni, u t-taħriġ professjonali, kif ukoll għajnuna għall-impjegati li jkunu jixtiequ jibdew negozju ġdid. Minħabba li dawn il-miżuri, li jżidu l-impjegabilità tal-ħaddiema ssensjati, ikomplu jilħqu l-objettiv biex it-tbatija soċjali tonqos, il-Kummissjoni b’mod konsistenti taqbel ma’ din it-tip ta’ għajnuna meta tingħata lil impriżi f’diffikultà.

36.

Iċ-ċirkostanzi li skonthom l-għajnuna mill-Istat lil impriżi f’diffikultà tkun tista’ tiġi approvata bħala kumpatibbli mas-suq intern huma stipulati fl-Artikolu 107(2) u (3) tat-Trattat. Skont l-Artikolu 107(3)(c), il-Kummissjoni għandha s-setgħa tawtorizza “għajnuna maħsuba biex tiffaċilita l-iżvilupp ta’ ċerti attivitajiet ekonomiċi (…) dejjem jekk din l-għajnuna ma tfixkilx il-kundizzjonijiet tal-kummerċ sal-punt li tkun kuntrarja għall-interess komuni”. B’mod partikolari, dan jista’ jkun il-każ fejn l-għajnuna tkun meħtieġa biex tirrimedja d-differenzi kkawżati minn nuqqasijiet tas-suq jew biex tiżgura koeżjoni ekonomika u soċjali.

37.

Miżuri ta’ għajnuna favur impriżi kbar iridu jiġu nnotifikati individwalment lill-Kummissjoni. Taħt ċerti kundizzjonijiet, il-Kummissjoni tista’ tawtorizza skemi għal ammonti iżgħar ta’ għajnuna għal SMEs u impriżi pubbliċi iżgħar: dawn il-kundizzjonijiet huma stabbiliti fil-Kapitolu 6 (30).

38.

Fil-valutazzjoni tagħha dwar jekk l-għajnuna nnotifikata tkunx tista’ titqies bħala kumpatibbli mas-suq intern, il-Kummissjoni ser tikkunsidra jekk ikunx intlaħaq kull wieħed minn dawn il-kriterji:

39.

Jekk xi wieħed mill-kriterji ta’ hawn fuq ma jintlaħaqx, l-għajnuna ma tkunx ikkunsidrata bħala kumpatibbli mas-suq intern.

40.

Il-bilanċ totali ta’ ċerti kategoriji ta’ skemi jista’ jkun suġġett ukoll għal rekwiżit ta’ evalwazzjoni ex post, kif inhu deskritt fil-punti 118, 119 u 120 ta’ dawn il-linji gwida.

41.

Barra minn hekk, jekk miżura ta’ għajnuna jew il-kundizzjonijiet marbutin magħha (inkluż il-metodu tagħha ta’ finanzjament meta dan ikun parti integrali mill-miżura ta’ għajnuna) jimplikaw il-ksur indiviżibbli tal-liġi tal-Unjoni, l-għajnuna ma tistax tiġi ddikjarata li hi kumpatibbli mas-suq intern (31).

42.

F’dan il-kapitolu, il-Kummissjoni tistabbilixxi l-kundizzjonijiet li skonthom tivvaluta kull wieħed mill-kriterji msemmija fil-punt 38.

43.

Minħabba l-importanza li għandu l-ħruġ mis-suq fil-proċess tat-tkabbir tal-produttività, is-sempliċi fatt li impriża tiġi impeduta milli toħroġ mis-suq ma jikkostitwixxix ġustifikazzjoni suffiċjenti għall-għajnuna. Għandha tingħata evidenza ċara li l-għajnuna għandha objettiv ta’ interess komuni, bl-għan li tipprevjeni t-tbatija soċjali jew tindirizza l-falliment fis-suq (it-Taqsima 3.1.1) billi terġa’ tintroduċi l-vijabbiltà fit-tul tal-impriża (it-Taqsima 3.1.2).

44.

L-Istati Membri jridu juru li l-falliment tal-benefiċjarju x’aktarx jinvolvi tbatija soċjali serja jew il-falliment gravi tas-suq, b’mod partikolari billi juru li:

45.

L-għajnuna ta’ ristrutturar fil-kamp ta’ applikazzjoni ta’ dawn il-linji gwida ma tistax tkun limitata għal għajnuna finanzjarja biex tpatti għat-telf passat mingħajr ma jiġu indirizzati r-raġunijiet għal dak it-telf. Fil-każ tal-għajnuna għar-ristrutturar, għaldaqstant, il-Kummissjoni titlob lill-Istat Membru kkonċernat jissottometti pjan ta’ ristrutturar fattibbli, koerenti u estensiv sabiex il-benefiċjarju jerġa’ jibda jgawdi minn vijabbiltà fit-tul (32). Ir-ristrutturar jista’ jinvolvi wieħed jew iktar minn dawn l-elementi: ir-riorganizzazzjoni u r-razzjonalizzazzjoni tal-attivitajiet tal-benefiċjarju fuq bażi aktar effiċjenti, li tipikament jinvolvu l-irtirar minn attivitajiet li jagħmlu t-telf, ir-ristrutturar tal-attivitajiet eżistenti li jkunu jistgħu jerġgħu jsiru kompetittivi u, possibbilment, id-diversifikazzjoni lejn attivitajiet ġodda u vijabbli. Tipikament dan jinvolvi wkoll ristrutturar finanzjarju f’forma ta’ injezzjonijiet ta’ kapital minn azzjonisti ġodda jew eżistenti u t-tnaqqis tad-dejn minn kredituri eżistenti.

46.

L-għajnuna għandha tingħata bil-kundizzjoni li jiġi implimentat pjan ta’ ristrutturar, li għandu jkun approvat mill-Kummissjoni fil-każijiet kollha ta’ għajnuna ad hoc.

47.

Il-pjan ta’ ristrutturar għandu jġib lill-benefiċjarju vijabbli għal terminu twil fi żmien raġonevoli u abbażi ta’ previżjonijiet realistiċi fir-rigward ta’ kundizzjonijiet futuri ta’ operat li għandhom jeskludu kull għajnuna ulterjuri mill-Istat li ma tkunx koperta mill-pjan ta’ ristrutturar. Il-perjodu ta’ ristrutturar għandu jkun qasir kemm jista’ jkun. Il-pjan ta’ ristrutturar irid ikun ippreżentat bid-dettalji relevanti kollha lill-Kummissjoni u jrid jinkludi, b’mod partikolari, l-informazzjoni stipulata f’din it-taqsima (3.1.2).

48.

Il-pjan ta’ ristrutturar għandu jidentifika x’qed jikkawża d-diffikultajiet tal-benefiċjarju u d-dgħufijiet tal-benefiċjarju nnifsu, u juri kif il-miżuri ta’ ristrutturar proposti jirrimedjaw il-problemi sottostanti tal-benefiċjarju.

49.

Il-pjan ta’ ristrutturar irid jipprovdi informazzjoni dwar il-mudell tan-negozju tal-benefiċjarju, filwaqt li juri kif il-pjan se jindirizza l-vijabbiltà fit-tul tiegħu. Dan għandu jinkludi, b’mod partikolari, informazzjoni dwar l-istruttura organizzazzjonali tal-benefiċjarju, il-finanzjament, il-governanza korporattiva u l-aspetti relevanti l-oħra kollha. Il-pjan ta’ ristrutturar għandu jivvaluta jekk id-diffikultajiet tal-benefiċjarju setgħux ġew evitati permezz ta’ azzjoni ta’ ġestjoni adegwata u f’waqtha u, fejn dan ikun il-każ, għandu juri li jkunu saru l-bidliet neċessarji fil-ġestjoni. Meta d-diffikultajiet tal-benefiċjarju jirriżultaw minn difetti fil-mudell tan-negozju tiegħu jew mis-sistema ta’ governanza korporattiva, jeħtieġ li jsiru l-bidliet adegwati.

50.

Ir-riżultati mistennija tar-ristrutturar ippjanat għandhom jintwerew skont xenarju ta’ referenza kif ukoll skont xenarju pessimistiku (jew tal-agħar każ). Għal dan il-għan, il-pjan ta’ ristrutturar għandu jikkunsidra, inter alia, l-istat attwali u l-prospetti futuri tal-provvista u d-domanda fis-suq tal-prodott relevanti u l-fatturi prinċipali tal-ispejjeż tal-industrija, filwaqt li jkun jirrifletti s-suppożizzjonijiet bażiċi ta’ referenza u ta’ xenarju avvers, kif ukoll il-preġji u d-dgħufijiet speċifiċi tal-benefiċjarju. Is-suppożizzjonijiet għandhom jitqabblu ma’ parametri referenzjarji xierqa li huma komuni għas-settur kollu u, fejn ikun adegwat, għandhom jiġu adattati biex jaqdu ċ-ċirkostanzi speċifiċi tal-pajjiżi u tas-setturi. Il-benefiċjarju għandu jipprovdi stħarriġ tas-suq u analiżi tas-sensittività li jidentifikaw il-parametri li jimmotivaw il-prestazzjoni tal-benefiċjarju u l-fatturi tar-riksju prinċipali għall-ġejjieni.

51.

Ir-ritorn tal-benefiċjarju lejn il-vijabbiltà għandu jirriżulta prinċipalment minn miżuri interni, li jimplikaw b’mod partikolari l-irtirar minn attivitajiet li jibqgħu strutturalment jagħmlu t-telf fuq terminu medju. Ir-ritorn lejn il-vijabbiltà ma jridx dipendenti fuq suppożizzjonijiet ottimistiċi dwar fatturi esterni bħall-varjazzjoni fil-prezzijiet, id-domanda jew il-provvista ta’ riżorsi skarsi, u lanqas ma jista’ jintrabat mal-prestazzjoni tal-benefiċjarju li tisboq lil dik tas-suq u tal-kompetituri tiegħu, jew li l-benefiċjarju jidħol u jespandi f’attivitajiet ġodda fejn ma jkollux esperjenza u lanqas rekord ta’ prestazzjoni (sakemm dan ma jiġix iġġustifikat adegwatament u jkun meħtieġ għal raġunijiet ta’ diversifikazzjoni u vijabbiltà).

52.

Il-vijabbiltà fit-tul tintlaħaq meta impriża tkun tista’ tagħti r-redditu adegwat previst fuq il-kapital wara li tkun kopriet il-kostijiet kollha tagħha inklużi d-deprezzament u l-imposti finanzjarji. L-impriża ristrutturata għandha tkun tista’ tikkompeti fis-suq bil-merti tagħha stess.

53.

L-Istati Membri li jkun biħsiebhom jagħtu għajnuna għar-ristrutturar għandhom jipprovdu paragun ma’ xenarju alternattiv kredibbli li ma jinvolvix l-għajnuna mill-Istat, fejn juru kif l-objettiv jew l-objettivi relevanti fit-taqsima 3.1.1 ma jintlaħqux, jew jintlaħqu b’mod inqas sodisfaċenti, fil-każ ta’ dan ix-xenarju alternattiv. Xenarji bħal dawn jistgħu pereżempju jinkludu r-riorganizzazzjoni tad-dejn, il-bejgħ tal-assi, il-ġbir privat tal-kapital, il-bejgħ lil kompetitur jew ix-xoljiment, f’kull każ jew permezz ta’ proċedura ta’ insolvenza jew ta’ riorganizzazzjoni jew mod ieħor.

54.

L-Istati Membri għandhom jiżguraw li l-għajnuna tingħata f’forma li tippermetti li l-objettiv jintlaħaq bl-anqas distorsjoni possibbli. Fil-każ ta’ impriżi f’diffikultà, dan jista’ jintlaħaq billi jiġi żgurat li l-għajnuna tingħata fil-forma li hija adegwata sabiex jiġu indirizzati d-diffikultajiet tal-benefiċjarju u li jiġi rimunerat b’mod xieraq. Din it-taqsima tistipula r-rekwiżiti li għandu jkun hemm konformità magħhom sabiex jintwera li miżura ta’ għajnuna hija xierqa.

55.

Sabiex tiġi approvata mill-Kummissjoni, l-għajnuna għas-salvataġġ għandha tissodisfa l-kundizzjonijiet li ġejjin:

56.

Il-livell ta’ rimunerazzjoni li benefiċjarju jrid iħallas għall-għajnuna għas-salvataġġ għandu jirrifletti l-affidabbiltà kreditizja sottostanti tal-benefiċjarju, mingħajr kunsiderazzjoni tal-effetti temporanji kemm tad-diffikultajiet ta’ likwidità u kemm tal-appoġġ mill-Istat, u għandu jipprovdi inċentivi għall-benefiċjarju biex iħallas lura l-għajnuna mill-aktar fis possibbli. Il-Kummissjoni għaldaqstant tirrikjedi li r-remunerazzzjoni tiġi stabbilita għal rata ta’ mhux inqas mir-rata ta’ referenza stipulata fil-Komunikazzjoni dwar ir-Rata ta’ Referenza (33) għal impriżi dgħajfin li joffru livelli normali ta’ kollateralizzazzjoni (bħalissa IBOR ta’ sena flimkien ma’ 400 punt bażi) (34) u li għandha tiżdied b’mill-inqas 50 punt bażi għall-għajnuna għas-salvataġġ li l-awtorizzazzjoni tagħhom tingħata skont il-punt 55(d)ii.

57.

Meta jkun hemm evidenza li din ir-rata identifikata fil-punt 56 ma tirrappreżentax punt ta’ riferiment adegwat, pereżempju fejn din tvarja b’mod sostanzjali mill-ipprezzar tas-suq ta’ strumenti simili li jkunu nħarġu reċentement mill-benefiċjarju, il-Kummissjoni tista’ tadatta l-livell meħtieġ ta’ remunerazzjoni skont kif ikun adegwat.

58.

L-Istati Membri huma liberi li jagħżlu taħt liema forma l-għajnuna għar-ristrutturar tingħata. Madankollu, meta jagħmlu dan, huma għandhom jiżguraw li l-istrument magħżul ikun xieraq biex jindirizza l-kwistjoni prevista. B’mod partikolari, l-Istati Membri għandhom jivvalutaw jekk il-problemi tal-benefiċjarji jkunux marbutin mal-likwidità jew mas-solvenza u jagħżlu l-istrumenti xierqa biex jindirizzaw il-problemi identifikati. Pereżempju, fil-każ ta’ problemi ta’ solvenza, iż-żieda fl-assi permezz tar-rikapitalizzazzjoni tista’ tkun adegwata, filwaqt li f’sitwazzjoni fejn il-problemi jkunu prinċipalment relatati mal-likwidità, l-għajnuna permezz tas-self jew ta’ garanziji ta’ self tista’ tkun biżżejjed.

59.

L-Istati Membri li jkun biħsiebhom jagħtu għajnuna għar-ristrutturar għandhom juru li fin-nuqqas tal-għajnuna, il-benefiċjarju kieku kien jiġi ristrutturat, mibjugħ jew xolt b’tali mod li ma kienx jintlaħaq l-objettiv ta’ interess komuni identifikat fit-Taqsima 3.1.1. Din id-deskrizzjoni tista’ tifforma parti mill-analiżi ppreżentata skont il-punt 53.

60.

L-għajnuna għas-salvataġġ għandha tkun ristretta għall-ammont meħtieġ biex il-benefiċjarju jibqa’ jopera n-negozju għal sitt xhur. Sabiex jiġi ddeterminat dan l-ammont, għandha tingħata importanza lir-riżultat tal-formula stipulat fl-Anness 1. Kull għajnuna li taqbeż ir-riżultat ta’ dan il-kalkolu se tiġi awtorizzata biss jekk tkun debitament iġġustifikata billi jiġi pprovdut pjan ta’ likwidità li jistabbilixxi l-ħtiġijiet ta’ likwidità tal-benefiċjarju fis-sitt xhur li jkunu ġejjin.

61.

L-ammont u l-intensità tal-għajnuna għar-ristrutturar iridu jkunu limitati għall-minimu strett neċessarju biex jippermettu li r-ristrutturar ikun jista’ jsir abbażi tar-riżorsi finanzjarji eżistenti tal-benefiċjarju, tal-azzjonisti tiegħu jew tal-grupp tan-negozju li jagħmel parti minnu. B’mod partikolari, irid jiġi żgurat livell xieraq ta’ kontribuzzjoni proprja għall-kostijiet ta’ ristrutturar u ta’ qsim tal-piżijiet, kif inhu stipulat f’aktar dettall f’din it-Taqsima (3.5.2). Valutazzjoni bħal din tieħu inkonsiderazjoni kull għajnuna għas-salvataġġ mogħtija qabel.

62.

Kontribuzzjoni sinifikanti (35) lejn ir-ristrutturar hija meħtieġa mir-riżorsi proprji tal-benefiċjarju tal-għajnuna, l-azzjonisti jew il-kredituri tiegħu jew il-grupp tan-negozju li jagħmel parti minnu, jew minn investituri ġodda. Tali kontribuzzjoni proprja għandha tkun normalment komparabbli mal-għajnuna mogħtija f’termini ta’ effetti fuq il-pożizzjoni ta’ solvenza jew ta’ likwidità tal-benefiċjarju. Pereżempju, meta l-għajnuna li għandha tingħata ssaħħaħ il-pożizzjoni tal-ekwità tal-benefiċjarju, il-kontribuzzjoni proprja għandha bl-istess mod tinkludi miżuri li jsaħħu l-ekwità, bħall-ġbir ta’ ekwita ġdida mingħand l-azzjonisti eżistenti, it-tnaqqis tad-dejn eżistenti u tan-noti kapitali jew il-konverżjoni tad-dejn eżistenti għal ekwità, jew il-ġbir ta’ ekwità esterna ġdida bit-termini tas-suq. Il-Kummissjoni se tqis sa fejn l-effett tal-kontribuzzjoni proprja jista’ jiġi pparagunat mal-għajnuna mogħtija meta tiġi vvalutata l-firxa tal-miżuri neċessarji sabiex jiġu limitati d-distorsjonijiet tal-kompetizzjoni skont il-punt 90.

63.

Il-kontribuzzjonijiet iridu jkunu reali, jiġifieri fattwali, u jkunu jeskludu l-profitti futuri mistennija bħall-fluss tal-flus kif ukoll iridu jkunu kemm jista’ jkun għoljin. Kontribuzzjonijiet mill-Istat jew minn kumpanija pubblika jistgħu jitqiesu biss sakemm ma jkunx fihom għajnuna. Dan jista’ jkun il-każ, b’mod partikolari, meta kontribuzzjoni tkun magħmula minn entità li hija indipendenti minn awtorità li tagħti l-għajnuna (bħal bank proprjetà tal-Gvern jew kumpanija azzjonarja pubblika) u li tieħu d-deċiżjoni li tinvesti abbażi tal-interessi kummerċjali tagħha stess (36).

64.

Il-kontribuzzjonijiet proprji normalment ikunu meqjusa adegwti jekk ikunu jammontaw għal mill-inqas 50 % tal-kostijiet tar-ristrutturar. F’ċirkostanzi eċċezzjonali u f’każijiet ta’ tbatija partikolari, li jridu jintwerew mill-Istat Membru, il-Kummissjoni tista’ taċċetta kontribuzzjoni li ma tilħaqx il-50 % tal-kostijiet ta’ ristrutturar, dejjem jekk l-ammont ta’ din il-kontribuzzjoni jibqa’ sinifikanti.

65.

Meta jingħata appoġġ mill-Istat f’forma li ttejjeb il-pożizzjoni tal-ekwità tal-benefiċjarju, pereżempju meta l-Istat jagħti għotjiet, jinjetta kapital jew inaqqas id-dejn, dan jista’ jkollu l-effett li jipproteġi l-azzjonisti u l-kredituri subordinati mill-konsegwenzi tal-għażla tagħhom li jinvestu fil-benefiċjarju. Dan jista’ joħloq periklu morali u jdgħajjef id-dixxiplina tas-suq. Konsegwentement, l-għajnuna biex tkopri t-telf għandha tingħata biss b’kundizzjonijiet li jinvolvu l-qsim adegwat tal-piżijiet mill-investituri eżistenti.

66.

Il-qsim tal-piżijiet adegwat normalment ifisser li l-azzjonisti eżistenti, u fejn meħtieġ il-kredituri subordinati, iridu jassorbu t-telf kollu. Il-kredituri subordinati għandhom jikkontribwixxu għall-assorbiment tat-telf jew billi dan jiġi mibdul f’ekwità jew billi jitnaqqas il-kapital tal-istrumenti relevanti. Għalhekk, l-intervent tal-Istat għandu jsir biss wara li t-telf ikun ġie ġġustifikat u attribwit kollu għall-azzjonisti eżistenti u għad-detenturi tad-dejn subordinat (37). F’kull każ, il-ħruġ tal-flus mingħand il-benefiċjarju għal għand id-detenturi tal-ekwità jew tad-dejn subordinat għandu jiġi evitat matul il-perijodu tar-ristrutturar sa fejn ikun legalment possibbli, dejjem jekk dan ma jaffettwax b’mod sproporzjonat lil dawk li injettaw ekwità ġdida.

67.

Il-qsim adegwat tal-piżijiet ifisser ukoll li kull għajnuna mill-Istat li ttejjeb il-pożizzjoni tal-ekwità tal-benefiċjarju għandha tingħata fuq termini li jagħtu lill-Istat proporzjon raġonevoli ta’ qligħ futur għall-valur tal-ekwità tal-benefiċjarju, minħabba l-ammont ta’ ekwità tal-Istat injettat meta mqabbel mal-ekwità li jifdal tal-kumpanija wara li t-telf ikun ġie kontabbilizzat.

68.

Il-Kummissjoni tista’ tippermetti eċċezzjonijiet għall-implimentazzjoni sħiħa tal-miżuri stipulati fil-punt 66 meta dawn il-miżuri kieku jwasslu għal riżultati sproporzjonati. Sitwazzjonijiet bħal dawn jistgħu jinkludu każijiet fejn l-amont tal-għajnuna jkun żgħir meta mqabbel mal-kontribuzzjoni proprja, jew l-Istat Membru kkonċernat juri li l-kredituri subordinati jirċievu anqas f’termini ekonomiċi skont proċedimenti ta’ insolvenza normali oħra u jekk ma tingħata l-ebda għajnuna mill-Istat.

69.

Il-Kummissjoni mhux se titlob b’mod sistematiku kontribuzzjonijiet mingħad id-detenturi ta’ dejn superjuri sabiex il-benefiċjarju jerġa’ jingħata l-pożizzjoni tal-ekwità. Madankollu, tista’ tittratta kull waħda minn dawn il-kontribuzzjonijiet bħala raġuni għal tnaqqis fil-firxa meħtieġa ta’ miżuri li jillimitaw id-distorsjonijiet tal-kompetizzjoni skont il-punt 90.

70.

Sabiex jitnaqqas il-periklu morali, l-inċentivi ta’ teħid eċċessiv ta’ riskju u d-distorsjonijiet potenzjali kompetittivi, l-għajnuna għandha tingħata lill-impriżi għal operazzjoni waħda biss ta’ ristrutturar. Dan huwa magħruf bħala l-prinċipju “tal-ewwel u l-aħħar darba”. Il-bżonn ta’ impriża li tkun diġà rċeviet għajnuna skont dawn il-linji gwida, li terġa’ tirċievi aktar għajnuna ta’ din ix-xorta, juri li d-diffikultajiet tal-impriża huma ta’ natura rikorrenti, jew inkella li ma ġewx indirizzati kif suppost meta ngħatat l-għajnuna qabel. Interventi ripetuti min-naħa tal-Istat x’aktarx iwasslu għal problemi ta’ periklu morali u distorsjonijiet tal-kompetizzjoni li huma kuntrarji għall-interess komuni.

71.

Meta l-għajnuna ppjanata għas-salvataġġ, jew għar-ristrutturar tiġi nnotifikata lill-Kummissjoni, l-Istat Membru jrid jispeċifika jekk l-impriża kkonċernata tkunx diġà rċeviet għajnuna ta’ salvataġġ, għajnuna għar-ristrutturar jew appoġġ għar-ristrutturar temporanju fil-passat, inkluża kull għajnuna ta’ din ix-xorta mogħtija qabel id-dħul fis-seħħ ta’ dawn il-linji gwida u kull għajnuna oħra mhix notifikata (38). Jekk dan ikun il-każ, u fejn ikunu għaddew anqas minn 10 snin (39) minn meta tkun ingħatat l-għajnuna jew minn meta jkun intemm il-perjodu ta’ ristrutturar jew minn meta tkun twaqqfet l-implimentazzjoni tal-pjan ta’ ristrutturar (skont liema minn dawn ikun seħħ l-aktar tard), il-Kummissjoni ma tippermettix aktar għajnuna skont dawn il-linji gwida.

72.

Fil-każijiet li ġejjin, jiġu permessi eċċezzjonijiet għal din ir-regola:

73.

L-applikazzjoni tal-prinċipju “tal-ewwel u tal-aħħar darba” bl-ebda mod mhi ser tkun affettwata minn bidliet fis-sjieda tal-benefiċjarju wara li tingħata l-għajnuna jew minn xi proċedura ġudizzjarja jew amministrattiva li jkollha l-effett li tissoda l-karta bilanċjali tiegħu, tnaqqas l-obbligazzjonijiet tiegħu jew tikkanċella d-djun ta’ qabel tiegħu, meta tkun l-istess impriża li tkompli bin-negozju.

74.

Meta grupp tan-negozju jkun irċieva għajnuna għas-salvataġġ, għajnuna għar-ristrutturar jew appoġġ temporanju għar-ristrutturar, il-Kummissjoni normalment ma tippermettix li tingħata aktar għajnuna għas-salvataġġ jew għar-ristrutturar lill-grupp innifsu jew lil xi entità li tagħmel parti mill-grupp, sakemm ma jgħaddux 10 snin minn meta tkun ingħatat l-għajnuna jew minn meta l-perjodu ta’ ristrutturar ikun twaqqaf jew minn meta l-implimentazzjoni tal-pjan ta’ ristrutturar tkun twaqqfet, skont liema minn dawn ikun seħħ l-aħħar. Meta entità li tagħmel parti minn grupp ta’ negozju tkun irċeviet għajnuna għas-salvataġġ, għajnuna għar-ristrutturar jew appoġġ temporanju għar-ristrutturar, il-grupp kollu kemm hu kif ukoll l-entitajiet l-oħra tal-grupp jibqgħu eleġibbli għall-għajnuna għas-salvataġġ jew għar-ristrutturar (suġġett għall-konformità mad-dispożizzjonijiet l-oħra ta’ dawn il-linji gwida), bl-eċċezzjoni tal-benefiċjarju preċedenti tal-għajnuna. L-Istati Membri jridu juru li l-ebda għajnuna mhi ser tingħadda mill-grupp jew minn entitajiet oħra tal-grupp lill-benefiċjarju preċedenti tal-għajnuna.

75.

Meta impriża takkwista l-assi ta’ impriża oħra, u b’mod partikolari waħda li tkun ġiet suġġetta għal waħda mill-proċeduri msemmija fil-punt 73 jew għal proċedimenti kollettivi ta’ insolvenza mibdijin skont il-liġi nazzjonali u li tkun diġà rċeviet għajnuna għas-salvataġġ jew għar-ristrutturar jew appoġġ temporanju għar-ristrutturar, ix-xerrej ma jkunx suġġett għall-prinċipju “tal-ewwel u tal-aħħar darba”, sakemm ma jkunx hemm kontinwità ekonomika bejn l-impriża l-ġdida u x-xerrej (41).

76.

Meta tingħata l-għajnuna għar-ristrutturar iridu jittieħdu miżuri li jillimitaw id-distorsjonijiet tal-kompetizzjoni, b’tali mod li l-effetti negattivi fuq il-kundizzjonijiet tan-negozjar jiġu minimizzati kemm jista’ jkun, u l-effetti pożittivi jisbqu kull effett negattiv. Il-Kummissjoni tivvaluta, għal miżuri bħal dawn, il-forma u l-kamp ta’ applikazzjoni adegwati skont din it-taqsima (3.6.2).

77.

Mingħajr preġudizzju għall-punt 84, il-miżuri biex tiġi limitata d-distorsjoni tal-kompetizzjoni ġeneralment jieħdu l-forma ta’ miżuri strutturali. F’każijiet partikolari, fejn ikun xieraq li jiġu indirizzati d-distorsjonijiet tal-kompetizzjoni, il-Kummissjoni tista’ taċċetta miżuri ta’ aġir, apparti dawk stipulati fil-punt 84, jew miżuri ta’ ftuħ tas-suq minflok wħud mill-miżuri strutturali jew minflok il-miżuri strutturali kollha, li kieku jkunu meħtieġa.

78.

Abbażi ta’ valutazzjoni f’konformità mal-kriterji għall-kalibrazzjoni tal-miżuri li jillimitaw id-distorsjoni tal-kompetizzjoni (stipulati fit-taqsima 3.6.2.2), l-impriżi li jibbenefikaw mill-għajnuna għar-ristrutturar jistgħu jintalbu jċedu l-assi jew inaqqsu l-kapaċità jew il-preżenza fis-suq. Miżuri bħal dawn għandhom jittieħdu, b’mod partikolari, fis-suq jew fis-swieq fejn l-impriża jkollha pożizzjoni sinifikanti fis-suq wara r-ristrutturar, partikolarment dawk fejn ikun hemm kapaċità żejda sinifikanti. Iċ-ċessjonijiet biex jiġu limitati d-distorsjonijiet fil-kompetizzjoni għandhom isiru mingħajr dewmien żejjed, filwaqt li jiġu kkunsidrati t-tipi ta’ assi li jiġu ċeduti u kull ostakolu għaċ-ċediment tagħhom (42), u f’kull każ għal kemm idum il-pjan ta’ ristrutturar. Iċ-ċessjonijiet, it-tħassir u t-twaqqif tal-attivitajiet li jagħmlu t-telf li f’ċertu punt ikunu neċessarji biex jirkupraw il-vijabbiltà fuq terminu twil ġeneralment ma jkunux ikkunsidrati bħala biżżejjed abbażi tal-prinċipji stipulati fit-taqsima 3.6.2.2 li jindirizzaw id-distorsjonijiet tal-kompetizzjoni.

79.

Sabiex miżuri bħal dawn isaħħu l-kompetizzjoni u jikkontribwixxu għas-suq intern, dawn għandhom jiffavorixxu d-dħul ta’ kompetituri ġodda, l-espansjoni ta’ kompetituri żgħar eżistenti jew l-attività transfruntiera. It-tnaqqis fl-infiq fi ħdan il-fruntieri nazzjonali u l-frammentazzjoni tas-suq intern għandhom jiġu evitati.

80.

Il-miżuri li jillimitaw id-distorsjonijiet tal-kompetizzjoni ma għandhomx iwasslu għal deterjorament fl-istruttura tas-suq. Il-miżuri strutturali għandhom għalhekk normalment jieħdu forma ta’ ċessjonijiet abbażi tal-avvjament ta’ negozji vijabbli u indipendenti li, jekk jiġu operati minn xerrej xieraq, ikunu jistgħu jikkompetu b’mod effettiv fit-tul. F’każ li entità bħal din ma tkunx disponibbli, il-benefiċjarju jista’ jikkonċedi u sussegwentement iċedi attività eżistenti u ffinanzjata kif xieraq, filwaqt li joħloq entità ġdida u vijabbli li tkun tista’ tikkompeti fis-suq. Il-miżuri strutturali li jieħdu forma ta’ ċessjoni tal-assi biss u ma jinvolvux il-ħolqien ta’ entità vijabbli li tkun tista’ tikkompeti fis-suq, huma anqas effettivi biex jippreservaw il-kompetizzjoni u għaldaqstant jiġu aċċettati biss f’każijiet eċċezzjonali fejn l-Istati Membri kkonċernati juru li l-ebda forma oħra ta’ miżuri strutturali ma tkun fattibbli jew li miżuri strutturali oħrajn ixekklu serjament il-vijabbiltà ekonomika tal-impriża.

81.

Il-benefiċjarju għandu jiffaċilita ċ-ċessjonijiet, pereżempju permezz tad-delimitazzjoni tal-attivitajiet u billi jaqbel li ma jiħux il-klijenti tan-negozju ċedut.

82.

Fejn jidher li jista’ jkun diffiċli biex jinstab xerrej għall-assi li benefiċjarju jkun qed jipproponi li jċedi, ikun meħtieġ, hekk kif dawn id-diffikultajiet ikunu evidenti, li jiġu identifikati ċessjonijiet jew miżuri oħra li jistgħu jittieħdu fir-rigward tas-suq jew tas-swieq ikkonċernati jekk iċ-ċessjoni primarja ma tirnexxix.

83.

Il-miżuri ta’ mġiba jimmiraw li jiżguraw li l-għajnuna tintuża biss biex tiffinanzja r-ritorn lejn il-vijabbiltà fit-tul u li din ma tiġix abbużata biex jittawlu distorsjonijiet fl-istruttura tas-suq li jkunu serji u persistenti jew biex il-benefiċjarju jiġi protett mill-kompetizzjoni sana.

84.

Il-miżuri ta’ mġiba li ġejjin għandhom jiġu applikati fil-każijiet kollha sabiex jiġi evitat li l-effetti tal-miżuri strutturali jiddgħajfu, u, fil-prinċipju, għandhom jiġu imposti għal kemm idum il-pjan ta’ ristrutturar:

85.

F’ċirkostanzi eċċezzjonali, jista’ jkun meħtieġ li l-benefiċjarji jintalbu biex ma jadottawx komportament kummerċjali li jkollu l-għan li jespandi malajr s-sehem tas-suq tagħhom marbut ma’ prodotti jew swieq ġeografiċi speċifiċi billi joffru kundizzjonijiet (pereżempju fir-rigward ta’ prezzijiet u kundizzjonijiet kummerċjali oħrajn) li ma jistgħux jiġu offruti minn kompetituri li ma jingħatawx għajnuna mill-Istat. Restrizzjonijiet bħal dawn jiġu applikati biss fejn ma jkunx hemm rimedju ieħor, kemm strutturali u kemm ta’ mġiba, li jista’ jindirizza b’mod adegwat id-distorsjonijiet tal-kompetizzjoni identifikati u fejn miżura bħal din fiha nnifisha ma tirrestrinġix il-kompetizzjoni tas-suq ikkonċernat. Għall-finijiet tal-applikazzjoni ta’ dan ir-rekwiżit, il-Kummissjoni ser tqabbel il-kundizzjonijiet offruti mill-benefiċjarju ma’ dawk offruti minn kompetituri kredibbli li jkollhom porzjon sostanzjali tas-suq.

86.

Fil-valutazzjoni ġenerali tagħha, il-Kummissjoni tikkunsidra l-obbligi possibbli mill-Istat Membru marbutin mal-adozzjoni ta’ miżuri, jew mill-Istat Membru nnifsu jew mill-benefiċjarju, li jkunu mmirati biex jippromwovu swieq aktar miftuħin, sodi u kompetittivi, pereżempju billi jiffavorixxu d-dħul u l-ħruġ. Dan jista’ jinkludi, b’mod partikolari, miżuri biex jinfetħu ċerti swieq li huma direttament jew indirettament marbutin mal-attivitajiet tal-benefiċjarju għal operaturi oħra tal-Unjoni, skont id-dritt tal-Unjoni. Inizjattivi bħal dawn jistgħu jissostitwixxu miżuri oħrajn li jillimitaw id-distorsjoni tal-kompetizzjoni, li normalment jintalbu mingħand il-benefiċjarju.

87.

Il-miżuri li jillimitaw id-distorsjonijiet tal-kompetizzjoni għandhom jindirizzaw kemm it-tħassib dwar il-perikli morali u kemm id-distorsjonijiet possibbli fis-swieq fejn jopera l-benefiċjarju. Il-firxa ta’ dawn il-miżuri tiddependi fuq diversi fatturi, bħalma huma b’mod partikolari: d-daqs u n-natura tal-għajnuna u l-kundizzjonijiet u ċ-ċirkostanzi taħt liema ngħatat; id-daqs (43) u l-importanza relattiva tal-benefiċjarju fis-suq u l-karatteristiċi tas-suq ikkonċernat; u kemm jibqa’ tħassib dwar il-perikolu morali wara l-applikazzjoni ta’ miżuri dwar il-kontribuzzjoni proprja u l-qsim tal-piżijiet.

88.

B’mod partikolari l-Kummissjoni tieħu inkonsiderazjoni d-daqs fejn xieraq, permezz ta’ approssimazzjonijiet, u n-natura tal-għajnuna, kemm f’termini assoluti u kemm f’dak li għandu x’jaqsam mal-assi tal-benefiċjarju u mad-daqs tas-suq kollu.

89.

Rigward id-daqs u l-importanza relattiva tal-benefiċjarju fis-suq jew fis-swieq tiegħu, kemm qabel u kemm wara r-ristrutturar, il-Kummissjoni se tivvalutahom sabiex tevalwa l-effetti probabbli tal-għajnuna f’dawn is-swieq meta mqabbla mar-riżultati li probabbli joħorġu li kieku ma tingħatax l-għjanuna mill-Istat. Il-miżuri se jkunu mfasslin apposta għall-karatteristiċi (44) tas-suq biex jiġi żgurat li tinżamm il-kompetizzjoni effikaċi.

90.

Rigward it-tħassib dwar il-perikli morali, il-Kummissjoni se tivvaluta wkoll il-livell tal-kontribuzzjoni proprja u tal-qsim tal-piżijiet. Gradi ogħla tal-kontribuzzjoni proprja u tal-qsim tal-piżijiet minn dawk meħtieġa fit-taqsima 3.5.2, billi jiġi limitat l-ammont ta’ għajnuna u ta’ periklu morali, jistgħu jnaqqsu l-firxa tal-miżuri meħtieġa sabiex jiġu limitati d-distorsjonijiet tal-kompetizzjoni.

91.

Minħabba li l-attivitajiet ta’ ristrutturar jistgħu jheddu li jdgħajfu s-suq intern, miżuri li jillimitaw id-distorsjonijiet tal-kompetizzjoni li jgħinu biex jiżguraw li s-swieq nazzjonali jibqgħu miftuħin u kuntestabbli ser jiġu kkunsidrati b’mod pożittiv.

92.

Il-miżuri li jillimitaw id-distorsjonijiet tal-kompetizzjoni ma għandhomx jikkompromettu l-prospetti tar-ritorn tal-benefiċjarju lejn il-vijabbiltà, li jista’ jkun il-każ jekk miżura tqum ħafna flus biex tiġi implimentata jew, f’każijiet eċċezzjonali tkun sostanzjata kif suppost mill-Istat Membru kkonċernat, jekk tnaqqas l-attività tal-benefiċjarju sal-punt li r-ritorn tiegħu lejn il-vijabbiltà jiġi kompromess, u lanqas m’għandhom jiġu askapitu tal-konsumaturi u l-kompetizzjoni.

93.

L-għajnuna biex jitkoprew il-kostijiet soċjali tar-ristrutturar tat-tip deskritt fil-punti 32 sa 35 trid tkun identifikata b’mod ċar fil-pjan ta’ ristrutturar, billi l-għajnuna għall-miżuri soċjali esklużivament għall-benefiċċju tal-impjegati li jingħataw is-sensja mhix ser tiġi kkunsidrata bl-iskop li tiġi ddeterminata l-firxa tal-miżuri li jillimitaw id-distorsjonijiet tal-kompetizzjoni. Għall-ġid ta’ kulħadd, il-Kummissjoni ser tiżgura, fil-kuntest tal-pjan ta’ ristrutturar li l-effetti soċjali tar-ristrutturar, fl-Istati Membri apparti dak li jagħti l-għajnuna, jinżammu f’livell minimu.

94.

Fejn qabel tkun ingħatat għajnuna mhux skont il-liġi lill-impriża f’diffikultà, li fir-rigward tagħha l-Kummisjoni tkun adottat deċiżjoni negattiva b’ordni ta’ rkupru, u fejn dan l-irkupru ma jkunx sar bil-ksur tal-Artikolu 14 tar-Regolament tal-Kunsill (KE) Nru 659/1999 (45), il-valutazzjoni ta’ kull għajnuna li skont dawn il-linji gwida għandha tingħata lill-istess impriża għandha tieħu inkonsiderazzjoni l-ewwel nett tal-effett kumulattiv tal-għajnuna li ngħatat qabel kif ukoll tal-għajnuna l-ġdida, u t-tieni l-fatt li l-għajnuna li ngħatat qabel ma tkunx tħallset lura (46).

95.

Il-Kummissjoni tista’ timponi kwalunkwe kundizzjoni u obbligu li tikkunsidra neċessarji biex tiżgura li l-għajnuna ma toħloqx distorsjoni fil-kompetizzjoni sa punt li jmur kontra l-interess komuni, fil-każ li l-Istat Membru kkonċernat ma jkunx ħa l-obbligu li jadotta dispożizzjonijiet bħal dawn. Pereżempju, tista’ tirrikjedi li l-Istat Membru jieħu ċerti miżuri hu stess, jew jimponi ċerti obbligi fuq il-benefiċjarju, jew jieqaf milli jagħti tipi oħra ta’ għajnuna lill-benefiċjarju tul il-perjodu ta’ ristrutturar.

96.

L-Istati Membri jiżguraw il-pubblikazzjoni tal-informazzjoni li ġejja fuq websajt komprensiva dwar l-għajnuna mill-Istat, f’livell nazzjonali jew reġjonali:

Rekwiżit bħal dan jista’ jiġi rrinunzjat fir-rigward ta’ għotjiet ta’ għajnuna individwali li ma jaqbżux il-EUR 500 000 (EUR 60 000 għal benefiċjarji li huma attivi fis-settur tal-produzzjoni agrikola primarja). Għal skemi ta’ għajnuna fil-forma ta’ benefiċċju fuq it-taxxa, l-informazzjoni dwar l-ammonti (48) ta’ għajnuna individwali tista’ tiġi pprovduta fil-firxiet li ġejjin (f’EUR miljuni): [0,06 – 0,5] (għall-benefiċjarji attivi fis-settur tal-produzzjoni agrikola primarja); [0,5–1]; [1–2]; [2–5]; [5–10]; [10–30]; [30 u aktar].

Din l-informazzjoni trid tiġi ppubblikata wara li d-deċiżjoni tal-għoti tal-għajnuna tkun ittieħdet, trid tinżamm għal mill-inqas 10 snin u trid tkun disponibbli mingħajr restrizzjonijiet għall-pubbliku ġenerali (49). L-Istati Membri mhux se jkunu obbligati li jippubblikaw l-informazzjoni msemmija hawn fuq qabel l-1 ta’ Lulju 2016 (50).

97.

Il-koeżjoni ekonomika u soċjali hija objettiv prijoritarju tal-Unjoni Ewropea, skont l-Artikolu 174 tat-Trattat, u għal dan l-għan huwa meħtieġ li politiki oħra jikkontribwixxu skont l-Artikolu 175 (51). Il-Kummissjoni għaldaqstant se tieħu inkonsiderazzjoni l-bżonnijiet tal-iżvilupp reġjonali meta tivvaluta l-għajnuna għar-ristrutturar f’żoni megħjuna. Il-fatt li impriża f’diffikultà tinsab f’żona megħjuna madankollu, ma jiġġustifikax approċċ permissiv fl-għajnuna għar-ristrutturar: fuq perjodu taż-żmien medju u twil, reġjun ma jiġix megħjun billi l-kumpaniji jiġu sostnuti b’mod artifiċjali. Barra minn hekk, sabiex jiġi promoss l-iżvilupp reġjonali huwa fl-aħjar interess tar-reġjun stess li japplika r-riżorsi tiegħu b’tali mod li jiġu żviluppati l-attivitajiet li huma vijabbli u sostenibbli. Fl-aħħar nett, id-distorsjonijiet tal-kompetizzjoni jridu jiġu minimizzati anki fil-każ tal-għajnuna lill-impriżi f’żoni megħjuna. F’dan il-kuntest, iridu jiġu kkunsidrati wkoll l-effetti negattivi possibbli ta’ riperkussjoni li jistgħu jseħħu fiż-żona kkonċernata u f’żoni oħra megħjuna.

98.

Għaldaqstant, il-kriterji elenkati fil-Kapitolu 3 huma applikabbli bl-istess mod għaż-żoni megħjuna, anki meta jitqiesu l-bżonnijiet għall-iżvilupp reġjonali. Madankollu, fiż-żoni megħjuna, u sakemm ma jiġix speċifikat mod ieħor fir-regoli dwar l-għajnuna mill-Istat f’settur partikolari, il-Kummissjoni tapplika d-dispożizzjonijiet tat-taqsima 3.6.2 dwar il-miżuri li jillimitaw id-distorsjonijiet tal-kompetizzjoni sabiex jiġu limitati l-impatti sistemiċi negattivi għar-reġjun. Dan jista’ jinvolvi, b’mod partikolari, rekwiżiti inqas restrinġenti f’termini ta’ tnaqqis fil-kapaċità jew ta’ preżenza fis-suq. F’każijiet bħal dawn issir distinzjoni bejn iż-żoni li huma eleġibbli għall-għajnuna reġjonali skont l-Artikolu 107(3)(a) tat-Trattat u dawk li huma eleġibbli skont l-Artikolu 107(3)(c), biex jiġu kkunsidrati l-problemi reġjonali l-aktar gravi fiż-żoni ta’ qabel. Meta ċ-ċirkostanzi speċifiċi taż-żoni megħjuna jirrikjedu li jsir dan, pereżempju fejn benefiċjarju jaffaċċja diffikultajiet partikolari biex jiġbor finanzi ġodda minħabba li jkun jinsab f’żoni megħjuna, il-Kummissjoni tista’ taċċetta kontribuzzjoni li tkun anqas minn 50 % tal-kostijiet ta’ ristrutturar skont il-punt 64].

99.

Fil-valutazzjoni tagħha tal-għajnuna mill-Istat lill-fornituri tas-SIEĠ f’diffikultà, il-Kummissjoni tikkunsidra n-natura speċifika tas-SIEĠ u, b’mod partikolari, l-bżonn li tiġi żgurata l-kontinwità fis-servizz skont l-Artikolu 106(2) tat-Trattat.

100.

Il-fornituri tas-SIEĠ jistgħu jitolbu l-għajnuna mill-Istat sabiex ikomplu jipprovdu s-SIEĠ b’kundizzjonijiet li jkunu kumpatibbli mal-vijabbiltà tagħhom fuq terminu twil. Għaldaqstant, għall-finijiet tal-punt 47, ir-ritorn lejn il-vijabbiltà fit-tul jista’ jkun ibbażat b’mod partikolari fuq is-suppożizzjoni li kull għajnuna mill-Istat li tissodisfa r-rekwiżiti ta’ kompatibbiltà tal-Qafas tas-SIEĠ (52), tad-Deċiżjoni dwar is-SIEĠ (53), tar-Regolament (KE) Nru 1370/2007 tal-Parlament u tal-Kunsill (54), tar-Regolament (KE) Nru 1008/2008 tal-Parlament u tal-Kunsill (55), u tal-Linji gwida dwar l-Avjazzjoni (56) jew tar-Regolament tal-Kunsill (KEE) Nru 3577/92 (57) u tal-Linji Gwida Marittimi (58), se tibqa’ disponibbli għal kemm idum l-inkarigu fis-seħħ qabel il-perjodu ta’ ristruttturar jew matulu.

101.

Meta l-Kummissjoni tivvaluta l-għajnuna lill-fornituri tas-SIEĠ f’diffikultà skont dawn il-linji gwida, hija ser tikkunsidra l-għajnuna kollha mill-Istat li tkun ingħatat lill-fornitur inkwistjoni, inkluż kwalunkwe kumpens għall-obbligi ta’ servizz pubbliku. Madankollu, billi l-fornituri tas-SIEĠ jistgħu jġibu porzjon kbir mid-dħul normali tagħhom mill-kumpens tas-servizzi pubbliċi, l-ammont totali tal-għajnuna ddeterminat b’dan il-mod jista’ jkun kbir ħafna meta mqabbel mad-daqs tal-benefiċjarju u dan, rigward ir-ristrutturar tiegħu, jista’ jagħti sovrastima tal-piż li jiswa lill-Istat. Għaldaqstant, meta tiġi ddeterminata l-kontribuzzjoni proprja meħtieġa fit-taqsima 3.5.2.1, il-Kummissjoni ser tinjora kwalunkwe kumpens tas-servizz pubbliku li jissodisfa r-rekwiżiti ta’ kumpatibbiltà tal-Qafas tas-SIEĠ, tad-Deċiżjoni dwar is-SIEĠ jew tar-Regolament (KE) Nru 1370/2007 jew tar-Regolament (KE) Nru 1008/2008 u l-Linji Gwida dwar l-Avjazzjoni, jew ir-Regolament tal-Kunsill (KEE) Nru 3577/92 u l-Linji Gwida Marittimi.

102.

Sakemm l-assi jkunu neċessarji biex jiġu fornuti s-SIEĠ, jista’ ma jkunx prattikabbli li tintalab iċ-ċessjoni ta’ assi bħal dawn permezz ta’ miżuri biex jiġu limitati d-distorsjonijiet tal-kompetizzjoni għall-finijiet tat-taqsima 3.6.2. F’każijiet bħal dawn, il-Kummissjoni tista’ titlob li jittieħdu miżuri alternattivi biex jiġi żgurat li l-kompetizzjoni ma tiġix mgħawġa b’tali mod li tmur kontra l-interess komuni, b’mod partikolari billi tiġi introdotta, malajr kemm jista’ jkun, il-kompetizzjoni ġusta għas-SIEĠ inkwistjoni.

103.

Meta fornitur tas-SIEĠ ma jkunx jista’ jikkonforma mal-kundizzjonijiet ta’ dawn il-linji gwida, l-għajnuna inkwistjoni ma titqiesx kumpatibbli. F’każijiet bħal dawn madankollu, il-Kummissjoni tista’ tawtorizza l-ħlas ta’ għajnuna bħal din skont il-ħtieġa, sabiex tiġi żgurata l-kontinwità tas-SIEĠ, sakemm fornitur ġdid jingħata s-servizz. Il-Kummissjoni tawtorizza biss l-għajnuna meta l-Istat Membru kkonċernat juri, abbażi ta’ raġunijiet oġġettivi, li l-għajnuna hija strettament limitata għall-ammont u t-tul taż-żmien indispensabbli sabiex fornitur ġdid jingħata s-servizz.

104.

Jekk l-Istati Membri jixtiequ jipprovdu għajnuna skont dawn il-linji gwida lill-SMEs jew lil impriżi pubbliċi iżgħar, din l-għajnuna għandha normalment tingħata taħt skemi. L-użu tal-iskemi jgħin sabiex jiġu limitati d-distorsjonijiet tal-kompetizzjoni marbuta mal-periklu morali, billi jippermetti lil Stat Membru biex jagħmel stqarrija ċara ex ante dwar liema huma l-kundizzjonijiet li taħthom jista’ jiddeċiedi li jagħti l-għajnuna lill-impriżi f’diffikultà.

105.

L-iskemi jridu jispeċifikaw l-ammont massimu ta’ għajnuna li tista’ tingħata lil impriża partikolari bħala parti minn operazzjoni biex tingħata l-għajnuna għas-salvataġġ, l-għajnuna għar-ristrutturar jew appoġġ temporanju għar-ristrutturar, inkluż meta l-pjan ikun immodifikat. L-ammont totali massimu ta’ għajnuna mogħti lil kull impriża ma jistax ikun aktar minn EUR 10 miljun, inkluża kull għajnuna li tinkiseb minn sorsi oħra jew skemi oħra.

106.

Għalkemm il-kompatibilità ta’ dawn l-iskemi ġeneralment tiġi vvalutata abbażi tal-kundizzjonijiet stipulati fil-Kapitoli 3, 4 u 5, huwa xieraq li f’ċerti rigwardi jiġu previsti kondizzjonijiet issimplifikati, sabiex l-Istati Membri jkunu jistgħu japplikaw dawn il-kundizzjonijiet mingħajr mal-Kummissjoni tkompli tiġi riferuta, u sabiex jitnaqqas il-piż fuq l-SMEs u impriżi pubbliċi iżgħar li jridu jagħtu l-informazzjoni meħtieġa. Minħabba d-daqs żgħir tal-ammonti ta’ għajnuna u l-benefiċjarji involuti, il-Kummissjoni tikkunsidra li l-potenzjal ta’ distorsjonijiet sinifikanti fil-kompetizzjoni huwa aktar limitata f’dawn il-każijiet. Għalhekk, id-dispożizzjonijiet tal-Kapitoli 3, 4 u 5 japplikaw għal dawn l-iskemi mutatis mutandis, ħlief meta stipulat mod ieħor fit-Taqsimiet 6.2, 6.3, 6.4 u 6.5. Dan il-kapitolu jinkludi wkoll dispożizzjonijiet dwar l-appoġġ temporanju għar-ristrutturar u dwar it-tul ta’ żmien u l-evalwazzjoni tal-iskemi.

107.

Filwaqt li l-falliment ta’ SME individwali (59) x’aktarx ma jinvolvix il-livell ta’ tbatija soċjali jew il-falliment tas-suq meħtieġ għall-finijiet tal-punt 44, hemm tħassib akbar b’rabta mal-SMEs minħabba li l-valur jista’ jintilef meta l-SMEs li jkollhom il-potenzjal li jirristrutturaw, biex b’hekk jerġgħu jsiru vijabbli fit-tul, ma jkollhomx iċ-ċans li jagħmlu dan minħabba problemi ta’ likwidità. Għaldaqstant, fir-rigward tal-għoti tal-għajnuna skont skemi, huwa biżżejjed li Stat Membru juri li l-falliment tal-benefiċjarju x’aktarx jinvolvi tbatija soċjali jew il-falliment tas-suq, b’mod partikolari li:

108.

B’deroga mill-punt 50, il-benefiċjarji fl-iskemi mhux se jkunu meħtieġa li jippreżentaw stħarriġ tas-suq.

109.

Ir-rekwiżit stipulat fil-punt 55(d) jiġi kkunsidrat milħuq dejjem jekk l-għajnuna għas-salvataġġ tingħata għal mhux aktar minn sitt xhur, tul liema perjodu għandha ssir analiżi dwar il-pożizzjoni tal-benefiċjarju. Qabel it-tmiem ta’ dan il-perjodu:

110.

B’deroga mill-punt 57, l-Istati Membri mhux ser ikunu meħtieġa li jivvalutaw jekk ir-remunerazzjoni stabbilita skont il-punt 56 tirrappreżentax parametru referenzjarju xieraq.

111.

B’deroga mill-punt 64, l-Istati Membri jistgħu jikkunsidraw li kontribuzzjoni proprja tkun adegwata jekk tammonta għal mill-inqas 40 % tal-kostijiet għar-ristrutturar fil-każ ta’ impriżi ta’ daqs medju, jew għal 25 % tal-kostijiet għar-ristrutturar fil-każ ta’ impriżi żgħar.

112.

Stat Membru li għandu l-intenzjoni li jagħti għajnuna għas-salvataġġ, għajnuna għar-ristrutturar jew appoġġ temporanju għar-ristrutturar, irid jivverifika jekk jitħarisx il-prinċipju“tal-ewwel u tal-aħħar darba” stipulat fit-Taqsima 3.6.1. Għal dan l-għan, l-Istat Membru jrid jispeċifika jekk l-impriża kkonċernata tkunx diġà rċeviet għajnuna ta’ salvataġġ, għajnuna għar-ristrutturar jew appoġġ temporanju għar-ristrutturar fl-imgħoddi, inkluża kull għajnuna ta’ din ix-xorta mogħtija qabel id-dħul fis-seħħ ta’ dawn il-linji gwida u kull għajnuna oħra mhix notifikata. Jekk dan ikun il-każ, u fejn ikunu għaddew anqas minn 10 snin (60) minn meta tkun ingħatat l-għajnuna għas-salvataġġ jew l-appoġġ temporanju għar-ristrutturar jew minn meta jkun intemm il-perjodu ta’ ristrutturar jew minn meta tkun twaqqfet l-implimentazzjoni tal-pjan ta’ ristrutturar (skont liema minn dawn ikun seħħ l-aktar tard), ma tistax tingħata aktar għajnuna għas-salvataġġ, għajnuna għar-ristrutturar jew appoġġ temporanju għar-ristrutturar ħlief:

113.

Il-miżuri li jillimitaw id-distorsjonijiet tal-kompetizzjoni x’aktarx ikollhom impatt sproporzjonat fuq l-impriżi ż-żgħar, b’mod partikolari minħabba l-piż li fihom dawn il-miżuri biex jitwettqu. Għalhekk, b’deroga mill-punt 76, l-Istati Membri mhumiex obbligati li jesiġu miżuri bħal dawn minn impriżi żgħar, ħlief meta jkun stipulat mod ieħor mir-regoli dwar l-għajnuna mill-Istat f’settur partikolari. Madankollu, l-impriżi ż-żgħar normalment ma għandhomx iżidu l-kapaċità tagħhom waqt il-perjodu ta’ ristrutturar.

114.

F’ċerti każijiet, jista’ jkun possibbli għal impriża li tlesti r-ristrutturar mingħajr ma tkun teħtieġ l-għajnuna għar-ristrutturar, dejjem jekk jirnexxielha tikseb appoġġ itwal ta’ likwidità minn dak li jkun disponibbli bil-kundizzjonijiet tal-għajnuna għas-salvataġġ. L-Istati Membri jistgħu jwaqqfu skemi li jippermettu l-appoġġ ta’ likwidità għal perjodu itwal minn sitt xhur (imsejjaħ “appoġġ temporanju għar-ristrutturar”), bil-kundizzjonijiet stabbiliti hawn taħt.

115.

L-appoġġ temporanju għar-ristrutturar irid jissodisfa l-kundizzjonijiet li ġejjin:

116.

Ir-remunerazzjoni għall-appoġġ temporanju għar-ristrutturar għandha tiġi stabbilita għal rata li ma tkunx aktar baxxa mir-rata ta’ referenza stipulata fil-Komunikazzjoni mill-Kummissjoni dwar ir-reviżjoni tal-metodu biex jiġu stabbiliti r-rati ta’ referenza u ta’ skont (61) għal impriżi dgħajfa li joffru livelli normali ta’ kollateralizzazzjoni (bħalissa IBOR ta’ sena flimkien ma’ 400 punt bażi) (62). Biex jiġu pprovduti inċentivi għall-ħruġ, ir-rata għandha tiżdied b’mhux inqas minn 50 punt bażi ladarba jkunu għaddew 12-il xahar minn meta jkun seħħ l-iżborż tal-ewwel pagament parzjali lill-benefiċjarju (jitnaqqas kull perjodu immedjatament preċedenti ta’ għajnuna għas-salvataġġ).

117.

L-għajnuna għas-salvataġġ trid tkun ristretta għall-ammont meħtieġ sabiex il-benefiċarju jibqa’ bin-negozju għal 18-il-xahar, u sabiex jiġi ddeterminat dan l-ammont għandu jingħata importanza r-riżultat tal-formula stipulata fl-Anness 1; kull għajnuna li taqbeż ir-riżultat ta’ dan il-kalkolu se tiġi awtorizzata biss jekk tkun iġġustifikata b’mod adegwat billi jingħata pjan ta’ likwidità li jistabbilixxi l-ħtiġijiet ta’ likwidità tal-benefiċjarju għat-18-il-xahar li ġejjin.

118.

Il-Kummissjoni tista’ titlob lill-Istati Membri biex jillimitaw it-tul ta’ żmien ta’ ċerti skemi (normalment għal erba’ snin jew anqas) u biex iwettqu evalwazzjoni ta’ dawn l-iskemi.

119.

Se jkunu meħtieġa evalwazzjonijiet għal skemi fejn id-distorsjonijiet potenzjali jkunu partikolarment għoljin, jiġifieri skemi fejn ikun hemm riskju ta’ restrizzjonijiet sinifikanti fil-kompetizzjoni jekk l-implimentazzjoni tagħhom ma tiġix rieżaminata f’waqtha.

120.

Minħabba l-objettivi u sabiex ma jiġux imposti piżijiet sproporzjonati fuq l-Istati Membri fir-rigward ta’ proġetti ta’ għajnuna iżgħar, dan japplika biss għal skemi ta’ għajnuna li jkollhom baġits kbar jew li jkollhom karatteristiċi ġodda, jew meta jkunu antiċipati bidliet sinifikanti fis-suq, fit-teknoloġija jew bidliet regolatorji. L-evalwazzjoni trid ssir minn espert indipendenti mill-awtorità tal-Istat li tawtorizza l-għajnuna, abbażi ta’ metodoloġija komuni (63), u trid ssir pubblika. L-evalwazzjoni għandha tiġi ppreżentata lill-Kummissjoni f’waqtha sabiex tkun tista’ ssir valutazzjoni dwar il-possibilità ta’ estensjoni tal-iskema tal-għajnuna, u f’kull każ meta tiskadi l-iskema. Il-kamp ta’ applikazzjoni preċiż tal-evalwazzjoni u kif għandha ssir jiġu ddefiniti fid-deċiżjoni li tapprova l-miżura ta’ għajnuna. Kull miżura ta’ għajnuna sussegwenti b’objettiv simili trid tieħu inkonsiderazzjoni r-riżultati tal-evalwazzjoni.

121.

Sa fejn jista’ jkun possibbli, il-Kummissjoni ser tistinka biex tieħu deċiżjoni fi żmien perjodu ta’ xahar fir-rigward tal-għajnuna għas-salvataġġ li tikkonforma mal-kundizzjonijiet kollha stipulati fil-Kapitolu 3 u mar-rekwiżiti kumulattivi li ġejjin:

122.

Il-benefiċjarju jrid jimplimenta kompletament il-pjan ta’ ristrutturar u jrid josserva kull obbligu ieħor stipulat fid-deċiżjoni tal-Kummissjoni li tawtorizza l-għajnuna. Il-Kummissjoni tikkunsidra bħala użu skorrett tal-għajnuna kull nuqqas ta’ implimentazzjoni tal-pjan jew meta ma jitwettqux l-obbligi l-oħra, mingħajr ħsara għall-Artikolu 23 tar-Regolament (KE) Nru 659/1999 jew għall-possibbiltà ta’ azzjoni fil-Qorti tal-Ġustizzja skont it-tieni subparagrafu tal-Artikolu 108(2) tat-Trattat.

123.

Fejn l-operazzjonijiet ta’ ristrutturar ikopru diversi snin u jinvolvu ammonti sostanzjali ta’ għajnuna, il-Kummissjoni tista’ titlob li l-ħlas tal-għajnuna għar-ristrutturar jinqasam fi ħlasijiet parzjali u kull ħlas parzjali jista’ jsir suġġett għal:

124.

Fejn l-għajnuna għar-ristrutturar tkun ġiet approvata, l-Istat Membru kkonċernat jista’, waqt il-perjodu ta’ ristrutturar, jitlob lill-Kummissjoni tapprova l-bidliet fil-pjan ta’ ristrutturar u l-ammont ta’ għajnuna. Il-Kummissjoni tista’ tippermetti bidliet bħal dawn meta jissodisfaw il-kundizzjonijiet li ġejjin:

125.

Jekk il-kundizzjonijiet imposti mill-Kummissjoni jew l-obbligi mogħtija mill-Istat Membru ma jibqgħux daqstant restrinġenti, l-ammont tal-għajnuna għandu jitnaqqas b’mod korrispondenti jew jistgħu jiġu imposti kundizzjonijiet oħra.

126.

Jekk l-Istat Membru kkonċernat jintroduċi bidliet fi pjan ta’ ristrutturar approvat mingħajr ma jinforma lill-Kummissjoni kif xieraq, jew jekk il-benefiċjarju ma jimxix mal-pjan ta’ ristrutturar approvat, il-Kummissjoni tibda l-proċedimenti skont l-Artikolu 108(2) tat-Trattat, kif inhu previst fl-Artikolu 16 tar-Regolament (KE) Nru 659/1999 (l-użu skorrett tal-għajnuna), mingħajr ħsara għall-Artikolu 23 tar-Regolament (KE) Nru 659/1999 u għall-possibbiltà ta’ azzjoni fil-Qorti tal-Ġustizzja skont it-tieni subparagrafu tal-Artikolu 108(2) tat-Trattat.

127.

Meta l-għajnuna għar-ristrutturar tiġi eżaminata skont dawn il-linji gwida, l-għoti ta’ kull għajnuna oħra tul il-perjodu ta’ ristrutturar, anki jekk ikun skont skema li diġà tkun ġiet awtorizzata, għandu ċans li jinfluwenza l-valutazzjoni tal-Kummissjoni rigward il-firxa tal-miżuri meħtieġa biex jiġu limitati d-distorsjonijiet tal-kompetizzjoni.

128.

Għaldaqstant, in-notifikazzjonijiet għall-għajnuna għar-ristruttruar iridu jindikaw kull tip ta’ għajnuna oħra li hemm ippjanata li tingħata lill-benefiċjarju tul il-perjodu ta’ ristrutturar, sakemm ma tkunx koperta mir-regola de minimis jew mir-regoli ta’ eżenzjoni. Il-Kummissjoni tieħu inkonsiderazzjoni din l-għajnuna meta tivvaluta l-għajnuna għar-ristrutturar.

129.

Kull għajnuna li tingħata tul il-perjodu ta’ ristrutturar, inkluża l-għajnuna mogħtija skont skema approvata, trid tkun innotifikata individwalment lill-Kummissjoni, saħansitra anki jekk din tal-aħħar ma tkunx ġiet infurmata dwarha fi żmien id-deċiżjoni tagħha dwar l-għajnuna għar-ristrutturar.

130.

Il-Kummissjoni tiżgura li l-għoti tal-għajnuna skont l-iskemi approvati ma jkunx jista’ jikkawża l-ksur tar-rekwiżiti ta’ dawn il-linji gwida.

131.

Skont ir-Regolament (KE) Nru 659/1999 u r-Regolament tal-Kummissjoni (KE) Nru 794/2004 tal-21 ta’ April 2004 (64), l-Istati Membri jridu jissottomettu rapporti annwali lill-Kummissjoni. Dawn ir-rapporti annwali jiġu ppubblikati fuq is-sit elettroniku tal-Kummissjoni.

132.

Il-Kummisjoni, meta tadotta deċiżjoni skont dawn il-linji gwida, tista’ timponi obbligi addizzjonali ta’ rappurtar rigward l-għajnuna mogħtija sabiex jiġi vverifikat jekk id-deċiżjoni li tkun approvat l-miżura tal-għajnuna tkunx ġiet rispettata. F’ċerti każijiet, il-Kummissjoni tista’ tirrikjedi l-ħatra ta’ fiduċjarju ta’ monitoraġġ, fiduċjarju ta’ ċessjoni jew it-tnejn li huma, biex jiżguraw konformità ma’ kull kundizzjoni u obbligu marbut mal-approvazzjoni tal-għajnuna.

133.

Skont l-Artikolu 108(1) tat-Trattat, il-Kummissjoni qed tipproponi li l-Istati Membri jemendaw, fejn meħtieġ, l-iskemi ta’ għajnuna eżistenti tagħhom sabiex iġibuhom konformi ma’ dawn il-linji gwida sa mhux aktar tard mill-1 ta’ Frar 2015. Il-Kummissjoni se tawtorizza kull skema futura skont jekk ikunx hemm konformità ma’ dawn id-dispożizzjonijiet.

134.

L-Istati Membri huma mistiedna jagħtu l-approvazzjoni espliċita u bla kundizzjoni tagħhom għall-miżuri xierqa proposti fil-punt 133 fi żmien xahrejn mid-data tal-pubblikazzjoni ta’ dawn il-linji gwida f’Il-Ġurnal Uffiċjali tal-Unjoni Ewropea. Fin-nuqqas ta’ risposta minn xi Stat Membru, il-Kummissjoni tassumi li l-Istat Membru inkwistjoni ma jaqbilx mal-miżuri proposti.

135.

Il-Kummissjoni ser tapplika dawn il-linji gwida b’effett mill-1 ta’ Awwissu sal-31 ta’ Diċembru 2020.

136.

In-notifiki rreġistrati mill-Kummissjoni qabel l-1 ta’ Awwissu 2004 se jiġu eżaminati abbażi tal-kriterji fis-seħħ fi żmien in-notifika.

137.

Il-Kummissjoni ser teżamina l-kompatibilità mas-suq intern ta’ kwalunkwe għajnuna għas-salvataġġ jew għar-ristrutturar mogħtija mingħajr l-awtorizzazzjoni tagħha u għalhekk li tkun qed tikser l-Artikolu 108(3) tat-Trattat abbażi ta’ dawn il-linji gwida jekk ftit mill-għajnuna jew l-għajnuna kollha tingħata wara l-pubblikazzjoni tagħha f’Il-Ġurnal Uffiċjali tal-Unjoni Ewropea.

138.

Fil-każijiet l-oħra kollha, ser twettaq l-eżami abbażi tal-linji gwida li kienu japplikaw fiż-żmien ta’ meta ngħatat l-għajnuna.

139.

Minkejja d-dispożizzjonijiet tal-punti 136, 137, u 138, il-Kummisjoni ser tapplika d-dispożizzjonijiet tal-Kapitolu 5 mill-1 ta’ Awwissu 2014 meta teżamina l-għajnuna lill-fornituri tas-SIEĠ f’diffikultà, irrispettivament minn meta din l-għajnuna tkun ġiet innotifikata jew mogħtija.

140.

Meta, bis-saħħa tal-paragrafu 9 tal-Qafas tas-SIEĠ, il-Kummissjoni teżamina skont dawn il-linji gwida kwalunkwe għajnuna mogħtija lil fornitur tas-SIEĠ f’diffikultà qabel il-31 ta’ Jannar 2012, se tqis li din l-għajnuna hija kompatibbli mas-suq intern jekk tikkonforma mad-dispożizzjonijiet tal-Qafas tas-SIEĠ, bl-eċċezzjoni tal-paragrafi 9, 14, 19, 20, 24, 39 u 60.