Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32020R0784

Regolament Delegat tal-Kummissjoni (UE) 2020/784 tat-8 ta’ April 2020 li jemenda l-Anness I tar-Regolament (UE) 2019/1021 tal-Parlament Ewropew u tal-Kunsill rigward l-elenkar tal-aċidu perfluworoottanojku (PFOA), l-imlieħ tiegħu u l-komposti relatati mal-PFOA (Test b’rilevanza għaż-ŻEE)

C/2020/1973

OJ L 188I, 15.6.2020, p. 1–3 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg_del/2020/784/oj

Date of document:
08/04/2020; Data ta' adozzjoni
Date of effect:
04/07/2020; Applikazzjoni Ara Art. 2
Date of effect:
05/07/2020; Dħul fis-seħħ Data tal-pubblikazzjoni +20 Ara Art. 2
Date of end of validity:
No end date
Author:
Il-Kummissjoni Ewropea, Id-Direttorat Ġenerali għall-Ambjent
Responsible body:
ENV
Form:
Regolament delegat
Additional information:
Rilevanza għaż-ŻEE
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32019R1021 Żieda anness I parti A Test 04/07/2020
Modified by:
Relation Act Comment Subdivision concerned From To
Corrected by 32020R0784R(01) (DE)
Corrected by 32020R0784R(02)
Instruments cited:
Link

15.6.2020   

MT

Il-Ġurnal Uffiċjali tal-Unjoni Ewropea

LI 188/1

REGOLAMENT DELEGAT TAL-KUMMISSJONI (UE) 2020/784

tat-8 ta’ April 2020

li jemenda l-Anness I tar-Regolament (UE) 2019/1021 tal-Parlament Ewropew u tal-Kunsill rigward l-elenkar tal-aċidu perfluworoottanojku (PFOA), l-imlieħ tiegħu u l-komposti relatati mal-PFOA

(Test b’rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) 2019/1021 tal-Parlament Ewropew u tal-Kunsill tal-20 ta’ Ġunju 2019 dwar il-pollutanti organiċi persistenti (1), u b’mod partikolari l-Artikolu 15(1) tiegħu,

Billi:

(1)

Ir-Regolament (UE) 2019/1021 jimplimenta l-impenji tal-Unjoni skont il-Konvenzjoni ta’ Stokkolma dwar il-Pollutanti Organiċi Persistenti (2) (“il-Konvenzjoni”) u skont il-Protokoll għall-Konvenzjoni tal-1979 dwar it-Tniġġis Transkonfini tal-Arja Fuq Distanza Twila rigward Materjal Organiku Persistenti li Jniġġes (3) (“il-Protokoll”).

(2)

L-Anness A tal-Konvenzjoni (“l-Eliminazzjoni”) fih lista ta’ sustanzi kimiċi li kull Parti għall-Konvenzjoni hija meħtieġa li tipprojbixxihom u/jew twettaq il-miżuri legali u amministrattivi meħtieġa biex jiġu eliminati l-produzzjoni, l-użu, l-importazzjoni u l-esportazzjoni tagħhom.

(3)

Bi qbil mal-Artikolu 8(9) tal-Konvenzjoni, waqt id-disa’ laqgħa tagħha, il-Konferenza tal-Partijiet għall-Konvenzjoni ddeċidiet li temenda l-Anness A tal-Konvenzjoni biex f’dak l-Anness jiddaħħlu l-aċidu perfluworoottanojku (“PFOA”), l-imlieħ tiegħu u l-komposti relatati mal-PFOA. Dik l-emenda fiha għadd ta’ eżenzjonijiet speċifiċi.

(4)

Għaldaqstant jenħtieġ li l-Parti A tal-Anness I tar-Regolament (UE) 2019/1021, li fiha lista tas-sustanzi elenkati fil-Konvenzjoni u fil-Protokoll, kif ukoll is-sustanzi li huma elenkati biss fil-Konvenzjoni, tiġi emendata wkoll biex tkun tinkludi l-PFOA, l-imlieħ tiegħu u l-komposti relatati mal-PFOA.

(5)

Il-PFOA, l-imlieħ tiegħu u l-komposti relatati mal-PFOA huma elenkati fl-Anness XVII tar-Regolament (KE) Nru 1907/2006 tal-Parlament Ewropew u tal-Kunsill (4), soġġett għal ċerti derogi. Dawk id-derogi ġew ivvalutati mill-Kumitat dwar ir-Rieżami Pollutanti Organiċi Persistenti li Jniġġsu (“il-POPRC”) bir-riżultat li ma ġewx rakkomandati kollha lill-Konferenza tal-Partijiet. B’konsegwenza ta’ dan, id-deċiżjoni adottata mill-Konferenza tal-Partijiet (SC-9/12) fiha wħud mid-derogazzjonijiet li qabel kienu ngħataw skont ir-Regolament (KE) Nru 1907/2006, iżda mhux kollha. Meta wieħed iqis li l-valutazzjoni tal-POPRC kienet ibbażata fuq informazzjoni aktar riċenti, u meta titqies id-Deċiżjoni tal-Kunsill (UE) 2019/639 (5), jixraq li fl-Anness I tar-Regolament (UE) 2019/1021 jiġu permessi biss dawk l-eżenzjonijiet speċifiċi li ngħataw skont il-Konvenzjoni u li huma meħtieġa fl-Unjoni.

(6)

Fid-disa’ laqgħa tagħha, il-Konferenza tal-Partijiet għall-Konvenzjoni ħadet deċiżjoni dwar eżenzjoni speċifika li mhijiex inkluża fl-Anness XVII tar-Regolament (KE) Nru 1907/2006. Din tikkonċerna l-użu tal-bromur tal-perfluworottil li fih il-jodur tal-perfluworottil għall-produzzjoni ta’ prodotti farmaċewtiċi. Meta jitqies li ma kienx hemm informazzjoni disponibbli dwar dan l-użu meta ġew elenkati l-PFOA, l-imlieħ tiegħu u l-komposti relatati mal-PFOA fl-Anness XVII tar-Regolament (KE) Nru 1907/2006, u meta titqies il-valutazzjoni sussegwenti tal-Aġenzija Ewropea għas-Sustanzi Kimiċi (6), qed jitqies li hu xieraq li dik l-eżenzjoni speċifika tiddaħħal fl-Anness I tar-Regolament (UE) 2019/1021.

(7)

Sabiex jissaħħu l-applikazzjoni u l-infurzar tal-Artikolu 3 tar-Regolament (UE) 2019/1021 fl-Unjoni, jenħtieġ li jiġi stabbilit valur ta’ limitu għall-PFOA, għall-imlieħ u għall-komposti relatati mal-PFOA li jokkorru f’sustanzi, f’taħlitiet u f’oġġetti bħala traċċi ta’ kontaminanti imprevisti. Dak il-valur ta’ limitu jenħtieġ li jigi stabbilit għal 0,025 mg/kg għall-PFOA u għall-imlieħ tiegħu, u għal 1 mg/kg għall-komposti individwali relatati mal-PFOA jew kombinament tagħhom. Jenħtieġ li jiġu stabbiliti limiti ta’ konċentrazzjoni ogħla għall-applikazzjonijiet li fihom ma jistgħux jinżammu dawk il-limiti ta’ konċentrazzjoni, soġġett għal rieżami tal-Kummissjoni li trid issir fi żmien sentejn bil-għan li jitnaqqsu l-limiti.

(8)

Għalhekk jenħtieġ li r-Regolament (UE) 2019/1021 jiġi emendat kif meħtieġ.

(9)

Billi xi derogi li ngħataw preċedentement fir-restrizzjoni dwar il-PFOA, l-imlieħ tiegħu u l-komposti relatati mal-PFOA fl-Anness XVII tar-Regolament (KE) Nru 1907/2006 għadhom meħtieġa mill-industrija għal perjodu tranżitorju, iżda mhumiex fost l-eżenzjonijiet speċifiċi fl-Anness I tar-Regolament (UE) 2019/1021, jenħtieġ li dawn id-derogi jibqgħu japplikaw sat-3 ta’ Diċembru 2020, meta tidħol fis-seħħ l-emenda tal-Anness A tal-Konvenzjoni ta’ Stokkolma li tirrigwarda l-PFOA, l-imlieħ tiegħu u l-komposti relatati mal-PFOA.

(10)

Ir-restrizzjoni fuq il-PFOA, fuq l-imlieħ tiegħu u fuq il-komposti relatati mal-PFOA fl-Anness XVII tar-Regolament (KE) Nru 1907/2006, li issa l-Kummissjoni biħsiebha tħassar, normalment kellhom jibdew japplikaw fl-4 ta’ Lulju 2020. F’ġieħ il-koerenza u biex tkun iffaċilitata l-implimentazzjoni tar-Regolament (UE) 2019/1021, jenħtieġ li dan ir-Regolament jibda japplika minn dik l-istess data,

ADOTTAT DAN IR-REGOLAMENT:

Artikolu 1

L-Anness I tar-Regolament (UE) 2019/1021 huwa emendat skont l-Anness ta’ dan ir-Regolament.

Artikolu 2

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Għandu japplika mill-4 ta’ Lulju 2020.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-8 ta’April 2020.

Għall-Kummissjoni

Il-President

Ursula VON DER LEYEN

(1)  ĠU L 169, 25.6.2019, p. 45.

(2)  ĠU L 209, 31.7.2006, p. 3.

(3)  ĠU L 81, 19.3.2004, p. 37.

(4)  Ir-Regolament (KE) Nru 1907/2006 tal-Parlament Ewropew u tal-Kunsill tat-18 ta’ Diċembru 2006 dwar ir-Reġistrazzjoni, il-Valutazzjoni, l-Awtorizzazzjoni u r-Restrizzjoni ta’ Sustanzi Kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (ĠU L 396, 30.12.2006, p. 1).

(5)  Id-Deċiżjoni tal-Kunsill (UE) 2019/639 tal-15 ta’ April 2019 dwar il-pożizzjoni li għandha tittieħed, f’isem l-Unjoni Ewropea, fid-disa’ laqgħa tal-Konferenza tal-Partijiet fir-rigward tal-emendi tal-Annessi A u B għall-Konvenzjoni ta’ Stokkolma dwar Materjal Organiku Persistenti li Jniġġes (ĠU L 109, 24.4.2019, p. 22).

(6)  https://echa.europa.eu/documents/10162/c9666f21-532b-49a0-ace3-c843b7b8e5b0

ANNESS

Fil-Parti A tal-Anness I tar-Regolament (UE) 2019/1021, tiżdied l-entrata li ġejja:

Sustanza

Nru CAS

Nru EC

Eżenzjoni speċifika fuq l-użu intermedju jew speċifikazzjoni oħra

“L-aċidu perfluworoottanojku (PFOA), l-imlieħ tiegħu u l-komposti relatati mal-PFOA

L-aċidu perfluworoottanojku (PFOA), l-imlieħ tiegħu u l-komposti relatati mal-PFOA” tfisser dan li ġej:

(i)

l-aċidu perfluworootanojku u kwalunkwe wieħed mill-isomeri ramifikati tiegħu;

(ii)

l-imlieħ tiegħu;

(iii)

Il-komposti relatati mal-PFOA, li għall-finijiet tal-Konvenzjoni huma kull sustanza li tiddegrada f’PFOA, fost dawn is-sustanzi, kull waħda (fosthom l-imlieħ u l-polimeri) li għandha grupp lineari jew ramifikat tal-perfluworoeptil li fih il-frazzjoni (C7F15)C tkun wieħed mill-elementi strutturali.

Il-komposti li ġejjin mhumiex meqjusin bħala komposti relatati mal-PFOA:

(i)

C8F17-X, fejn X = F, Cl, Br;

(ii)

il-fluworopolimeri li huma koperti minn CF3[CF2]n-R’, fejn R’=kwalunkwe grupp, n> 16;

(iii)

l-aċidi karbossiliċi tal-perfluworoalkil (bl-imlieħ, l-esteri, l-aloġenuri u l-anidridi tagħhom) b’≥ minn 8 karbonji perfluworinati;

(iv)

l-aċidi sulfoniċi tal-perfluworoalkan u l-aċidi fosfoniċi tal-perfluworo (bl-imlieħ, l-esteri, l-aloġenuri u l-anidridi tagħhom) b’≥ minn 9 karbonji perfluworinati;

(v)

Aċidu sulfoniku tal-perfluworottan u d-derivattivi tiegħu (PFOS), kif elenkati f’dan l-Anness.

335-67-1 u oħrajn

206-397-9 u oħrajn

1.

Għall-finijiet ta’ din l-entrata, il-punt (b) tal-Artikolu 4(1) għandu japplika għall-konċentrazzjonijiet tal-PFOA jew għall-imlieħ tiegħu ekwivalenti għal 0,025 mg/kg (0,0000025 % tal-piż) jew inqas, meta dawn ikunu preżenti fis-sustanzi, fit-taħlitiet jew fl-oġġetti.

2.

Għall-finijiet ta’ din l-entrata, il-punt (b) tal-Artikolu 4(1) għandu japplika għall-konċentrazzjonijiet ta’ kull kompost relatat mal-PFOA individwali jew għal kombinamenti ta’ komposti relatati mal-PFOA li jkunu ekwivalenti għal 1 mg/kg (0,0001 % tal-piż) jew inqas, meta jkunu preżenti fis-sustanzi, fit-taħlitiet jew fl-oġġetti.

3.

Għall-finijiet ta’ din l-entrata, il-punt (b) tal-Artikolu 4(1) għandu japplika għall-konċentrazzjonijiet tal-komposti relatati mal-PFOA li jkunu ugwali għal 20 mg/kg (0,002 % tal-piż) jew inqas meta dawn ikunu preżenti f’sustanza li tkun se tintuża bħala sustanza intermedja iżolata trasportata fit-tifsira tal-punt 15(c) tal-Artikolu 3 tar-Regolament (KE) Nru 1907/2006 u meta jissodisfaw il-kundizzjonijiet ikkontrollati strettament stabbiliti fl-Artikolu 18(4)(a) sa (f) ta’ dak ir-Regolament, għall-produzzjoni ta’ sustanzi fluworokimiċi b’katina tal-karbonju li fiha 6 atomi jew inqas. Din l-eżenzjoni għandha tiġi rieżaminata u vvalutata mill-Kummissjoni sa mhux aktar tard mill-5.7.2022.

4.

Għall-finijiet ta’ din l-entrata, il-punt (b) tal-Artikolu 4(1) għandu japplika għall-konċentrazzjonijiet tal-PFOA u għall-imlieħ tiegħu ekwivalenti għal 1 mg/kg (0,0001 % tal-piż) jew inqas, meta dawn ikunu preżenti fil-mikrotrabijiet tal-politetrafluworoetilen (PTFE) li jiġu prodotti b’irradjazzjoni bir-raġġi gamma ta’ qawwa sa 400 kilogray, jew mid-degradazzjoni termali kif ukoll fit-taħlitiet u fl-oġġetti li fihom il-mikrotrabijiet tal-politetrafluworoetilen (PTFE) għall-użi industrijali u professjonali. Għandha tiġi evitata kull emissjoni ta’ PFOA waqt il-manifattura u l-użu tal-mikrotrabijiet PTFE, u jekk dan ma jkunx possibbli, l-emissjonijiet għandhom jitnaqqsu kemm jista’ jkun. Din l-eżenzjoni għandha tiġi rieżaminata u vvalutata mill-Kummissjoni sa mhux aktar tard mill-5.7.2022.

5.

Il-manifattura, it-tqegħid fis-suq u l-użu tal-PFOA, tal-imlieħ tiegħu u tal-komposti relatati mal-PFOA għandhom ikunu permessi b’deroga għall-iskopijiet li ġejjin:

(a)

il-proċessi ta’ fotolitografija jew ta’ inċiżjoni fil-manifattura ta’ semikondutturi, sal-4 ta’ Lulju 2025;

(b)

il-kisjiet fotografiċi applikati għall-films, sal-4 ta’ Lulju 2025;

(c)

it-tessili għar-reżistenza għaż-żejt u l-ilma għall-protezzjoni tal-ħaddiema minn likwidi perikolużi li jinvolvu r-riskji għas-saħħa u s-sikurezza tagħhom, sal-4 ta’ Lulju 2023;

(d)

l-apparati mediċi invażivi u li jiġu impjantati, sal-4 ta’ Lulju 2025;

(e)

il-manifattura tal-politetrafluwororetilen (PTFE) u tal-fluworur tal-poliviniliden (PVDF) għall-produzzjoni ta’:

(i)

membrani għall-filtrazzjoni tal-gass ta’ prestazzjoni għolja, reżistenti għall-korrużjoni, membrani għall-filtrazzjoni tal-ilma u membrani għal tessili mediċi,

(ii)

tagħmir ta’ skambju tas-sħana għall-irkupru tas-sħana mit-trattament tal-iskart industrijali,

(iii)

siġillanti industrijali li kapaċi jipprevjenu t-tnixxija ta’ komposti organiċi volatili u ta’ partikuli ta’ PM2.5,

sal-4 ta’ Lulju 2023.

6.

L-użu tal-PFOA, tal-imlieħ tiegħu u tal-komposti relatati mal-PFOA għandu jkun permess, permezz ta’ deroga, fil-fowm tat-tifi tan-nar li jintuża biex irażżan il-fwar tal-karburanti likwidi u n-nirien li jieħdu mill-fjuwils likwidi (nirien tal-Klassi B) f’sistemi installati, kemm dawk mobbli kif ukoll dawk fissi, sal-4 ta’ Lulju 2025, soġġett għall-kundizzjonijiet li ġejjin:

(a)

il-fowm tat-tifi tan-nar li fih, jew li jista’ jkun fih, il-PFOA, l-imlieħ tiegħu, u/jew komposti relatati mal-PFOA ma għandux jintuża għat-taħriġ;

(b)

il-fowm tat-tifi tan-nar li fih, jew li jista’ jkun fih, il-PFOA, l-imlieħ tiegħu, u/jew komposti relatati mal-PFOA ma għandux jintuża għall-ittestjar dment li ma tkunx ikkonfinata kull emissjoni tagħhom;

(c)

mill-1 ta’ Jannar 2023, l-użu tal-fowm tat-tifi tan-nar li fih, jew li jista’ jkun fih, il-PFOA, l-imlieħ tiegħu, u/jew komposti relatati mal-PFOA għandu jkun ristrett għal siti fejn kull emissjoni tagħhom tista’ tiġi kkonfinata;

(d)

il-ħażniet tal-fowm tat-tifi tan-nar li fih, jew li jista’ jkun fih, il-PFOA, l-imlieħ tiegħu, u/jew komposti relatati mal-PFOA għandhom jiġu ttrattati f’konformità mal-Artikoli 5.

7.

L-użu tal-bromur tal-perfluworoottil li fih il-jodur tal-perfluworottil għall-produzzjoni ta’ prodotti farmaċewtiċi għandu jkun permess, permezz ta’ deroga, soġġett għar-rieżami u l-valutazzjoni mill-Kummissjoni li jridu jsiru sal-31 ta’ Diċembru 2026 u kull erba’ snin wara dan, u sal-31 ta’ Diċembru 2036.

8.

L-użu ta’ oġġetti li diġà kienu jintużaw fl-Unjoni qabel l-4 ta’ Lulju 2020 li fihom il-PFOA, l-imlieħ tiegħu, u/jew komposti relatati mal-PFOA għandu jkun permess. It-tielet u r-raba’ subparagrafi tal-Artikolu 4(2) għandhom japplikaw b’rabta ma’ dawn l-oġġetti.

9.

L-użu tal-PFOA, tal-imlieħ tiegħu u/jew tal-komposti relatati mal-PFOA għandhom ikunu permessi b’deroga sat-3 ta’ Diċembru 2020 fl-oġġetti li ġejjin:

(a)

l-apparati mediċi ħlief l-apparati impjantabbli, fil-kamp ta’ applikazzjoni tar-Regolament (UE) 2017/745 (*1);

(b)

il-linek tal-latex għall-istampar;

(c)

kisi nanoteknoloġiku tal-plażma.”

(*1)  Ir-Regolament (UE) 2017/745 tal-Parlament Ewropew u tal-Kunsill tal-5 ta’ April 2017 dwar apparati mediċi, li jemenda d-Direttiva 2001/83/KE, ir-Regolament (KE) Nru 178/2002 u r-Regolament (KE) Nru 1223/2009 u li jħassar id-Direttivi tal-Kunsill 90/385/KEE u 93/42/KEE.

Top