Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32014R1123

Regolament tal-Kummissjoni (UE) Nru 1123/2014 tat- 22 ta' Ottubru 2014 li jemenda d-Direttiva 2008/38/KE li tistabbilixxi lista ta' użu intiż tal-materjali tal-għalf għall-annimali għal skopijiet partikolari nutrizzjonali Test b'rilevanza għaż-ŻEE

OJ L 304, 23.10.2014, p. 81–86 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document No longer in force, Date of end of validity: 24/12/2020; Impliċitament imħassar minn 32020R0354

ELI: http://data.europa.eu/eli/reg/2014/1123/oj

Date of document:
22/10/2014
Date of effect:
12/11/2014; Dħul fis-seħħ Data tal-pubblikazzjoni +20 Ara Art. 3
Date of end of validity:
24/12/2020; Impliċitament imħassar minn 32020R0354
Author:
Il-Kummissjoni Ewropea
Form:
Regolament
Additional information:
Rilevanza għaż-ŻEE
Treaty:
Trattat dwar il-Funzjonament tal-Unjoni Ewropea
Legal basis:
Link
Link
Link
Select all documents mentioning this document
Modifies:
Relation Act Comment Subdivision concerned From To
Modifies 32008L0038 Emenda anness I P.B 12/11/2014
Modified by:
Relation Act Comment Subdivision concerned From To
Corrected by 32014R1123R(01) (DA, DE, HU)
Corrected by 32014R1123R(02) (FR)
Implicitly repealed by 32020R0354 25/12/2020
Instruments cited:
Link

23.10.2014   

MT

Il-Ġurnal Uffiċjali tal-Unjoni Ewropea

L 304/81

REGOLAMENT TAL-KUMMISSJONI (UE) Nru 1123/2014

tat-22 ta' Ottubru 2014

li jemenda d-Direttiva 2008/38/KE li tistabbilixxi lista ta' użu intiż tal-materjali tal-għalf għall-annimali għal skopijiet partikolari nutrizzjonali

(Test b'rilevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 767/2009 tal-Parlament Ewropew u tal-Kunsill tat-13 ta' Lulju 2009 dwar it-tqegħid fis-suq u l-użu ta' għalf, li jemenda r-Regolament (KE) Nru 1831/2003 tal-Parlament Ewropew u tal-Kunsill u li jħassar id-Direttiva tal-Kunsill 79/373/KEE, id-Direttiva tal-Kummissjoni 80/511/KEE, id-Direttivi tal-Kunsill 82/471/KEE, 83/228/KEE, 93/74/KEE, 93/113/KE u 96/25/KE u d-Deċiżjoni tal-Kummissjoni 2004/217/KE (1), u b'mod partikolari l-Artikolu 10(5) tiegħu.

Billi:

(1)

Bi qbil mal-Artikolu 10 tar-Regolament (KE) Nru 767/2009 l-Kummissjoni rċeviet applikazzjoni biex jiżdied l-iskop nutruzzjonali partikolari l-“istabilizzazzjoni tal-bilanċ tal-ilma u l-elettroliti biex tgħin id-diġestjoni fiżjoloġika” u biex jiġi supplimentat l-iskop nutrizzjonali partikolari s-“sostenn għall-funzjoni renali fil-każ ta' insuffiċjenza kronika renali” għall-klieb adulti bħala speċi fil-mira mal-lista ta' użi maħsubin għal skopijiet nutrizzjonali partikolari fil-Parti B tal-Anness I tad-Direttiva tal-Kummissjoni 2008/38/KE (2).

(2)

Barra minn hekk, bi qbil mal-Artikolu 10 tar-Regolament (KE) Nru 767/2009, il-Kummissjoni rċeviet applikazzjonijiet biex jinbidlu l-kundizzjonijiet marbutin mal-iskopijiet nutrizzjonali partikolari s-“sostenn għall-funzjoni tal-qalb fil-każ ta' insuffiċjenza kardijaka” kronika għall-“klieb u l-qtates” u t-“tnaqqis ta' ram fil-fwied”.

(3)

Il-Kummissjoni qiegħdet l-applikazzjonijiet kollha, inklużi d-dossiers, għad-dispożizzjoni tal-Istati Membri.

(4)

Wara li vvaluta d-dossiers li kienu inklużi ma' dawk l-applikazzjonijiet, il-Kumitat Permanenti dwar il-Katina Alimentari u s-Saħħa tal-Annimali (il-Kumitat) ikkonferma li l-kompożizzjoni speċifika tal-għalf ikkonċernat jissodisfa l-iskopijiet nutrizzjonali partikolari maħsuba u li ma għandhiex effetti ħżiena fuq is-saħħa tal-annimali, fuq is-saħħa tal-bniedem, fuq l-ambjent jew fuq il-benessri tal-annimali. Għaldaqstant, l-applikazzjonijiet huma validi.

(5)

Bħala riżultat tal-valutazzjoni tal-Kumitat, l-iskopijiet nutrizzjonali partikolari l-“istabilizzazzjoni tal-bilanċ tal-ilma u l-elettroliti biex tgħin id-diġestjoni fiżjoloġika” u s-“sostenn għall-funzjoni renali fil-każ ta' insuffiċjenza kronika renali” għall-klieb adulti għandhom jinżiedu mal-lista ta' użi maħsuba u l-kundizzjonijiet marbutin mal-iskopijiet nutrizzjonali partikolari s-“sostenn għall-funzjoni tal-qalb fil-każ ta' insuffiċjenza kronika” kardijaka u l-“għajnuna għall-funzjoni renali f'każ ta' insuffiċjenza renali kronika” għall-“klieb u l-qtates” u t-“tnaqqis ta' ramm fil-fwied” għandhom jinbidlu. Bħala riżultat tal-annotazzjoni l-ġdida l-“istabilizzazzjoni tal-bilanċ tal-ilma u l-elettroliti” biex tgħin id-diġestjoni fiżjoloġika, l-iskop nutrizzjonali partikolari l-“istabilizzazzjoni tal-bilanċ tal-ilma u l-elettroliti” ma għadux meħtieġ u għandu jitħassar.

(6)

Biex tkun żgurata l-konformità mal-kontenut massimu ta' ċerti nutrijenti stabbiliti bħala “karatteristiċi nutrizzjonali essenzjali” ta' xi wħud mill-iskopijiet nutrizzjonali partikolari, għandu jiġi previst ir-rekwiżit li l-għalf dijetetiku rispettiv jitqiegħed fis-suq bħala għalf komplut. Din id-dispożizzjoni tiżgura wkoll l-użu sikur tal-għalf ikkonċernat.

(7)

L-Anness I tad-Direttiva 2008/38/KE kif emendat mir-Regolament tal-Kummissjoni (UE) Nru 5/2014 (3) stabbilixxa l-inkorporazzjoni tal-addittivi tal-għalf tal-grupp funzjonali “stabbilizzanti għall-batterji li jkun hemm fil-musrana” kif imsemmi fl-Anness I tar-Regolament (KE) Nru 1831/2003 tal-Parlament Ewropew u tal-Kunsill (4) f'ċertu għalf għal skopijiet nutrizzjonali partikolari. Madankollu, l-addittivi tal-għalf li fil-preżent huma rreġistrati fil-grupp “mikroorganiżmi” u li qegħdin fil-proċedura ta' awtorizzazzjoni mill-ġdid kif imsemmi fl-Artikolu 10 tar-Regolament (KE) Nru 1831/2003, jistgħu bl-istess mod jiġu inkorporati fil-grupp tal-għalf għal skopijiet nutrizzjonali partikolari. Għaldaqstant, sakemm jiġu awtorizzati mill-ġdid, l-addittivi tal-għalf eżistenti tal-grupp “mikroorganiżmi” ukoll għandhom ikunu koperti mill-Anness I tad-Direttiva 2008/38/KE.

(8)

Għalhekk, id-Direttiva 2008/38/KE għandha tiġi emendata skont dan.

(9)

Billi ma hemmx raġunijiet ta' sikurezza biex jibdew japplikaw immedjatament il-modifiki għall-għalf li fil-preżent qed jitqiegħed fis-suq b'mod legali, jixraq li l-partijiet interessati jingħataw perjodu tranżitorju li fih jistgħu jħejju ruħhom biex jilħqu r-rekwiżiti l-ġodda.

(10)

Il-miżuri stipulati f'dan ir-Regolament jikkonformaw mal-opinjoni tal-Kumitat Permanenti dwar il-Katina Alimentari u s-Saħħa tal-Annimali, u la l-Parlament Ewropew u lanqas il-Kunsill ma opponewhom,

ADOTTAT DAN IR-REGOLAMENT:

Artikolu 1

L-Anness I tad-Direttiva 2008/38/KE huwa emendat skont l-Anness ta' dan ir-Regolament.

Artikolu 2

L-għalf li huwa inkluż fl-Anness ta' dan ir-Regolemant u li kien ġie prodott u ttikkettat qabel it-12 ta' Mejju 2015 u li jikkonforma mad-Direttiva 2008/38/KE qabel id-dħul fis-seħħ ta' dan ir-Regolament jista' jibqa' jitqiegħed fis-suq u jintuża sakemm jispiċċaw l-istokkijiet eżistenti. Jekk dan l-għalf ikun maħsub għall-annimali ta' kumpanija, id-data msemmija fl-aħħar sentenza hija t-12 ta' Novembru 2016.

Artikolu 3

Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, it-22 ta' Ottubru 2014.

Għall-Kummissjoni

Il-President

José Manuel BARROSO

(1)  ĠU L 229, 1.9.2009, p. 1.

(2)  Id-Direttiva tal-Kummissjoni 2008/38/KE tal-5 ta' Marzu 2008 li tistabbilixxi lista ta' użu intiż tal-materjali tal-għalf għall-annimali għal skopijiet partikolari nutrizzjonali (ĠU L 62, 6.3.2008, p. 9).

(3)  Ir-Regolament tal-Kummissjoni (UE) Nru 5/2014 tas-6 ta' Jannar 2014 li jemenda d-Direttiva 2008/38/KE li tistabbilixxi lista ta' użu intiż tal-materjali tal-għalf għall-annimali għal skopijiet partikolari nutrizzjonali (ĠU L 2, 7.1.2014, p. 3).

(4)  Ir-Regolament (KE) Nru 1831/2003 tal-Parlament Ewropew u tal-Kunsill tat-22 ta' Settembru 2003 fuq l-additivi għall-użu fl-għalf tal-annimali (ĠU L 268, 18.10.2003, p. 29).

ANNESS

Il-Parti B tal-Anness I tad-Direttiva 2008/38/KE hija emendata kif ġej:

(a)

Ir-ringiela tal-iskop nutrizzjonali partikolari “sostenn tal-funzjoni tal-qalb fil-każ ta' insuffiċjenza kardijaka kronika” hija sostitwita b'dan li ġej:

Skop nutrizzjonali partikolari

Karatteristiċi nutrizzjonali essenzjali

Speċi jew kategorija ta' annimal

Dikjarazzjonijiet ta' fuq it-tikketti

It-tul ta' żmien rakkomandat

Dispożizzjonijiet oħra

“Għajnuna għall-funzjonament tal-qalb f'każ ta' insuffiċjenza kardijaka kronika

Il-livell tas-sodju huwa ristrett li jkun inqas minn 2,6 g/kg fl-ikel tal-annimali domestiċi komplut b'livell ta' umdità ta' 12 %

Klieb u qtates

—

Manjeżju

—

Potassju

—

Sodju

Fil-bidu sa 6 xhur

—

L-għalf għandu jitqiegħed fis-suq bħala għalf komplut.

—

Fuq it-tikketta indika:

‘Huwa rakkomandat li tieħu l-parir ta' veterinarju qabel ma tuża l-prodott u qabel ma ttawwal il-perjodu tal-użu tiegħu.’”

(b)

Ir-ringiela tal-iskop nutrizzjonali partikolari “sostenn tal-funzjoni renali fil-każ ta' insuffiċjenza renali kronika” hija sostitwita b'dan li ġej:

Skop nutrizzjonali partikolari

Karatteristiċi nutrizzjonali essenzjali

Speċi jew kategorija ta' annimal

Dikjarazzjonijiet ta' fuq it-tikketti

It-tul ta' żmien rakkomandat

Dispożizzjonijiet oħra

“Għajnuna għall-funzjonament tal-kliewi f'każ ta' insuffiċjenza renali kronika (*)

Proteini ta' kwalità tajba u livelli tal-fosforu

ristretti għall-massimu ta' 5 g/kg ta' għalf tal-annimali domestiċi komplut b'livell ta' umdità ta' 12 % u

massimu ta' proteina mhux raffinata ta' 220 g/kg fl-ikel tal-annimali domestiċi komplut b'livell ta' umdità ta' 12 %

jew

Klieb

—

Sors(i) ta' proteina

—

Kalċju

—

Fosforu

—

Potassju

—

Sodju

—

Il-kontenut tal-aċidi xaħmin essenzjali (jekk ikunu miżjudin)

Fil-bidu sa 6 xhur (**)

—

L-għalf għandu jitqiegħed fis-suq bħala għalf komplut.

—

Diġestibbiltà rakkomandata tal-proteini: minimu ta' 85 %.

—

Fuq it-tikketta indika:

‘Huwa rakkomandat li tieħu l-parir ta' veterinarju qabel ma tuża l-prodott u qabel ma ttawwal il-perjodu tal-użu tiegħu.’

—

Fl-istruzzjonijiet għall-użu indika:

‘L-annimali għandhom ikunu jistgħu jsibu l-ilma kull meta jriduh.’

Assorbiment tal-fosforu mnaqqas permezz taż-żieda ta' Karbonat tal-lantanju ottaidrat

Klieb adulti

—

Sors(i) ta' proteina

—

Kalċju

—

Fosforu

—

Potassju

—

Sodju

—

Il-kontenut tal-aċidi xaħmin essenzjali (jekk ikunu miżjudin)

—

Karbonat tal-lantanju ottaidrat

Fil-bidu sa 6 xhur (**)

—

Fuq it-tikketta indika: ‘Huwa rakkomandat li tieħu l-parir ta' veterinarju qabel ma tuża l-prodott u qabel ma ttawwal il-perjodu tal-użu tiegħu.’

—

Fl-istruzzjonijiet għall-użu indika:

‘L-annimali għandhom ikunu jistgħu jsibu l-ilma kull meta jriduh.’

Proteini ta' kwalità tajba u livelli tal-fosforu

ristretti għall-massimu ta' 6,2 g/kg ta' ikel tal-annimali domestiċi komplut b'livell ta' umdità ta' 12 % u

massimu ta' proteina mhux raffinata ta' 320 g/kg fl-ikel tal-annimali domestiċi komplut b'livell ta' umdità ta' 12 %

jew

Qtates

—

Sors(i) ta' proteina

—

Kalċju

—

Fosforu

—

Potassju

—

Sodju

—

Il-kontenut tal-aċidi xaħmin essenzjali (jekk ikunu miżjudin)

Fil-bidu sa 6 xhur (**)

—

L-għalf għandu jitqiegħed fis-suq bħala għalf komplut.

—

Id-diġestibbiltà rakkomandata tal-proteini: minimu ta' 85 %.

—

Fuq it-tikketta indika:

‘Huwa rakkomandat li tieħu l-parir ta' veterinarju qabel ma tuża l-prodott u qabel ma ttawwal il-perjodu tal-użu tiegħu.’

—

Fl-istruzzjonijiet għall-użu indika:

‘L-annimali għandhom ikunu jistgħu jsibu l-ilma kull meta jriduh.’

Assorbiment tal-fosforu mnaqqas permezz taż-żieda ta' Karbonat tal-lantanju ottaidrat

Qtates adulti

—

Sors(i) ta' proteina

—

Kalċju

—

Fosforu

—

Potassju

—

Sodju

—

Il-kontenut tal-aċidi xaħmin essenzjali (jekk ikunu miżjudin)

—

Karbonat tal-lantanju ottaidrat

Fil-bidu sa 6 xhur (**)

—

Fuq it-tikketta indika: ‘Huwa rakkomandat li tieħu l-parir ta' veterinarju qabel ma tuża l-prodott u qabel ma ttawwal il-perjodu tal-użu tiegħu.’

—

Fl-istruzzjonijiet għall-użu indika: ‘L-annimali għandhom ikunu jistgħu jsibu l-ilma kull meta jriduh.’”

(c)

Ir-ringiela tal-iskop nutrizzjonali partikolari “tnaqqis tar-ram fil-fwied” hija sostitwita b'dan li ġej:

Skop nutrizzjonali partikolari

Karatteristiċi nutrizzjonali essenzjali

Speċi jew kategorija ta' annimal

Dikjarazzjonijiet ta' fuq it-tikketti

It-tul ta' żmien rakkomandat

Dispożizzjonijiet oħra

“Tnaqqis tar-ram fil-fwied

Livell ristrett tar-ramm: massimu ta' 8,8 mg/kg f'ikel tal-annimali komplut b'livell ta' umdità ta' 12 %

Klieb

Total tar-ram

Fil-bidu sa 6 xhur

—

L-għalf għandu jitqiegħed fis-suq bħala għalf komplut.

—

Fuq it-tikketta indika:

‘Huwa rakkomandat li tieħu l-parir ta' veterinarju qabel ma tuża l-prodott u qabel ma ttawwal il-perjodu tal-użu tiegħu.’”

(d)

Ir-ringiela tal-iskop nutrizzjonali partikolari “tnaqqis tal-livelli tal-jodju fl-għalf f'każ ta' ipertirojdiżmu” sostitwita b'dan li ġej:

Skop nutrizzjonali partikolari

Karatteristiċi nutrizzjonali essenzjali

Speċi jew kategorija ta' annimal

Dikjarazzjonijiet ta' fuq it-tikketti

It-tul ta' żmien rakkomandat

Dispożizzjonijiet oħra

“Tnaqqis tal-livelli tal-jodju fl-għalf f'każ ta' ipertirojdiżmu

Il-livell ristrett tal-jodju: massimu ta' 0,26 mg/kg f'ikel tal-annimali domestiċi komplut b'livell ta' umdità ta' 12 %

Qtates

Total tal-jodju

Fil-bidu sa 3 xhur

—

L-għalf għandu jitqiegħed fis-suq bħala għalf komplut.

—

Fuq it-tikketta indika:

‘Huwa rakkomandat li tieħu l-parir ta' veterinarju qabel ma tuża l-prodott u qabel ma ttawwal il-perjodu tal-użu tiegħu.’”

(e)

Ir-ringiela tal-iskop nutrizzjonali partikolari “stabbilizzazzjoni tal-bilanċ tal-ilma u l-elettroliti” hija sostitwita b'dan li ġej:

Skop nutrizzjonali partikolari

Karatteristiċi nutrizzjonali essenzjali

Speċi jew kategorija ta' annimal

Dikjarazzjonijiet ta' fuq it-tikketti

It-tul ta' żmien rakkomandat

Dispożizzjonijiet oħra

“Stabbilizzazzjoni tal-bilanċ tal-ilma u l-elettroliti biex tgħin id-diġestjoni fiżjoloġika

—

B'mod predominanti elettroliti: sodju, potassju u kloruri

—

Kapaċità ta' tmewwit (***): minimu ta' 60 mmol f'kull litru tax-xarba mħallta bil-lest għat-tagħlif

—

Karboidrati diġeribbli ħafna

Għoġġiela, qżieqeż, ħrief, gidjien u mħar

—

Sodju

—

Potassju

—

Kloruri

—

Sors(i) ta' karboidrati

—

Bikarbonati u/jew ċitrati (jekk ikunu miżjuda)

bejn ġurnata u 7 ijiem

—

Il-medda rakkomandata tal-elettroliti f'kull litru ta' xarba lesta għat-tagħlif:

—

Sodju 1,7 g — 3,5 g

—

Potassju: 0,4 g — 2,0 g

—

Kloruri: 1 g — 2,8 g

—

Fuq it-tikketta indika:

(1)

‘Fil-każ ta' riskju ta' disturbi diġestivi, waqt perjodi ta' disturbi diġestivi, jew waqt il-konvalexxenza minn disturbi diġestivi (dijarea).’

(2)

‘Huwa rakkomandat li tieħu l-parir ta' veterinarju qabel ma tuża l-prodott u qabel ma ttawwal il-perjodu tal-użu tiegħu.’

—

Fl-istruzzjonijiet għall-użu indika:

(1)

Id-doża rakkomandata tax-xarba lesta mħallta u ta' ħalib, jekk rilevanti.

(2)

Fil-każ li l-bikarbonati u/jew iċ-ċitrati jaqbżu l-40 mmol f'kull litru tax-xarba lesta mħallta għat-tagħlif: ‘Għandu jiġi evitat it-tagħlif bil-ħalib fl-istess ħin lill-annimali li jkollhom l-abomasum.’”

(f)

Ir-ringiela tal-iskop nutrizzjonali partikolari “restorazzjoni nutrizzjonali, konvalexxenza”, tal-ispeċi jew kategorija ta' annimali “Klieb” hija sostitwita b'dan li ġej:

Skop nutrizzjonali partikolari

Karatteristiċi nutrizzjonali essenzjali

Speċi jew kategorija ta' annimal

Dikjarazzjonijiet ta' fuq it-tikketti

It-tul ta' żmien rakkomandat

Dispożizzjonijiet oħra

 

“L-għalf supplimentari jista' jkun fih konċentrazzjoni ta' Enterococcus faecium DSM 10663/NCIMB 10415 ogħla minn 100 darba daqs il-kontenut massimu fiss rilevanti fl-ikel komplut.

Klieb

Enterococcus faecium DSM 10663/NCIMB 10415 inkluż l-ammont miżjud

bejn 10 ijiem u 15

—

L-istruzzjonijiet għall-użu tal-għalf għandhom jiżguraw li jiġi rispettat il-kontenut massimu legali tal-istabilizzant tal-batterji tal-musrana//mikroorganiżmu għall-ikel komplut.

—

Fuq it-tikketta indika: ‘Huwa rakkomandat li tieħu l-parir ta' veterinarju qabel ma tuża l-prodott u qabel ma ttawwal il-perjodu tal-użu tiegħu.’”

(g)

Ir-ringiela tal-iskop nutrizzjonali partikolari “stabilizzazzjoni tad-diġestjoni fiżjoloġika”, speċi jew kategorija ta' annimali: “Speċijiet ta' annimali li huwa awtorizzat għalihom l-istabilizzant tal-batterji tal-musrana” hija sostitwita b'dan li ġej:

Skop nutrizzjonali partikolari

Karatteristiċi nutrizzjonali essenzjali

Speċi jew kategorija ta' annimal

Dikjarazzjonijiet ta' fuq it-tikketti

It-tul ta' żmien rakkomandat

Dispożizzjonijiet oħra

 

“Addittivi tal-għalf tal-grupp funzjonali ‘Stabilizzant tal-batterji tal-musrana’ tal-kategorija ‘addittivi żootekniċi’ kif imsemmijin fl-Anness I tar-Regolament (KE) Nru 1831/2003 jew, sakemm tkun għaddejja l-proċedura tal-awtorizzazzjoni mill-ġdid imsemmija fl-Artikolu 10 tar-Regolament (KE) Nru 1831/2003, addittivi tal-għalf tal-grupp ‘mikroorganiżmi’.

L-għalf supplimentari jista' jkun fih konċentrazzjoni tal-addittivi tal-grupp funzjonali: ‘stabilizzanti tal-batterji tal-musrana/mikroorganiżmi’ aktar minn 100 darba daqs il-kontenut massimu fiss rilevanti fl-għalf komplut.

Speċijiet ta' annimali li għalihom huwa awtorizzat l-istabilizzant tal-batterji tal-musrana/mikroorganiżmu

L-isem u l-ammont miżjud tal-istabilizzant tal-batterji tal-musrana/mikroorganiżmu

Sa 4 ġimgħat

—

Fuq it-tikketta tal-għalf indika:

(1)

‘Fil-każ ta' riskju ta' disturbi diġestivi, waqt perjodi ta' disturbi diġestivi, jew waqt il-konvalexxenza minn disturbi diġestivi.’

(2)

Fejn japplika: ‘L-għalf fih konċentrazzjoni ta' stabilizzant tal-batterji tal-musrana/mikroorganiżmu ta' aktar minn 100 darba l-kontenut massimu awtorizzat fl-għalf komplut.’

—

L-istruzzjonijiet għall-użu tal-għalf għandhom jiżguraw li jiġi rispettat il-kontenut massimu legali tal-istabilizzant tal-batterji tal-musrana//mikroorganiżmu għall-ikel komplut.”

(*)  Fejn ikun rilevanti, il-manifattur jista' wkoll jirrakkomanda l-użu għall-insuffiċjenza renali temporanja.

(**)  Jekk l-għalf ikun rakkomandat għall-insuffiċjenza renali temporanja, il-perjodu tal-użu rakkomandat għandu jkun ta' bejn ħmistax u erba' ġimgħat.

(***)  Kalkolu maħdum skont il-metodu Differenza tal-Joni Qawwijin (Strong Ion Difference) (il-Valur SID): L-SID huwa d-differenza bejn it-totali tal-konċentrazzjonijiet tal-katjoni qawwijin u l-anjoni qawwijin; [SID] = [mmol Na+/l] + [mmol K+/l] + [mmol Ca++/l] + [mmol Mg++/l] – [mmol Cl-/l] – [mmol Anjoni Qawwijin Oħrajn/l].

Top